វល័ក្ខ - La Reine Media

«ហ៊ឹងត្រចៀកភ្លាម» គ្រោះថ្នាក់ដែលអាចកើតឡើងលើមនុស្សគ្រប់រូប គ្រប់កន្លែង គ្រប់ពេលវេលា

បើជារោគចង្រៃដែលមានសញ្ញាដាស់តឿនឱ្យអ្នកបានដឹងជាមុននោះ យើងនៅមានពេលអាចទៅជួបលោកគ្រូពេទ្យបានមុនពេលដែលអាការរបស់រោគនោះបង្ហាញឡើងច្បាស់រហូតរំខានដល់ការរស់នៅរបស់អ្នកបាន តែបើសំណាងអាក្រក់ វាជារោគដែលកើតឡើងទាន់ហន់ភ្លាមៗបែបមិនបានដឹងខ្លួនមុន និងរកមូលហេតុដែលនាំឱ្យកើតយ៉ាងពិតប្រាកដមិនឃើញផងនោះ ប្រហែលជាធ្វើឱ្យអ្នកត្រូវត្រៀមខ្លួនចាំទប់ទល់នឹងជំងឺយ៉ាងលំបាកមិនខាន។ ក្រៅពីដាច់សរសៃឈាមខួរក្បាល ឬគាំងបេះដូងទាន់ហន់ដែលមនុស្សយើងគ្រប់គ្នាស្គាល់ច្បាស់ហើយនោះ នៅមានរោគមួយទៀតជារោគដែលកើតឡើងយ៉ាងទាន់ហន់ និងជួបប្រទះច្រើនដោយរកមូលហេតុមិនឃើញទៀតផង នោះគឺរោគហ៊ឹងត្រចៀកទាន់ហន់ ឬជំងឺគាំងត្រចៀក។

រោគហ៊ឹងត្រចៀកទាន់ហន់

ជំងឺហ៊ឹងត្រចៀកទាន់ហន់ ឬជំងឺគាំងត្រចៀក គឺជាសភាវដែលបាត់បង់ការបានឮភ្លាមៗ ប្រភេទប្រព័ន្ធប្រសាទទទួលស្ដាប់សំឡេងធ្វើការរអាក់រអួលដែលកើតឡើងភ្លាមៗតែម្ដង។ ប្រទះឃើញនៅលើទាំងភេទស្រី និងភេទប្រុស និងច្រើនជួបនៅក្នុងក្រុមមនុស្សដែលមានអាយុតិច និងវ័យកណ្ដាលមនុស្ស។

មូលហេតុរបស់រោគហ៊ឹងត្រចៀកទាន់ហន់

ជារឿងគួរឱ្យស្ដាយណាស់ដែលបច្ចុប្បន្នក៏នៅតែមិនអាចបញ្ជាក់ពីមូលហេតុបានច្បាស់លាស់ថា បណ្ដាលមកពីមូលហេតុអ្វីនៅឡើយ តែគ្រូពេទ្យជំនាញជឿថា អាចបណ្ដាលមកពីមេរោគវីរុស ការញ៉ុកណែនរបស់សរសៃឈាមដែលហូរទៅចិញ្ចឹមស្រទាប់ត្រចៀកខាងក្នុង ការហើមក្នុងក្រដាសត្រចៀក ការមានរន្ធធ្លាយរបស់ទ-ត្រចៀកខាងក្នុង តែអាចកើតពីមូលហេតុដែលបណ្ដាលឱ្យមានគ្រោះថ្នាក់បាន ដូចជា ដុះសាច់បរិវេណសរសៃប្រសាទត្រចៀក ឬភាពខុសប្រក្រតីរបស់ខួរក្បាលជាដើម។

អាការរបស់រោគហ៊ឹងត្រចៀកទាន់ហន់ដែលជួបប្រទះញឹកញាប់

បាត់បង់ការបានឮទាន់ហន់ភ្លាមៗ និងច្រើនតែកើតនៅលើត្រចៀកតែម្ខាង។
អាចមានអាការឮសំឡេងខ្លាំងៗរំខាននៅក្នុងត្រចៀកម្ខាងនោះ។
មានអាការវិលមុខរួមជាមួយផង។

វិធីរក្សាព្យាបាលរោគហ៊ឹងត្រចៀកទាន់ហន់

ព្យាបាលដោយថ្នាំ ដូចជា ថ្នាំកាត់បន្ថយការរលាកក្លាយ ថ្នាំពង្រីកសរសៃឈាម វីតាមីន ឬថ្នាំសម្រាលអាការវិលមុខ។
អ្នកជំងឺអាចគេងសម្រាកព្យាបាលនៅផ្ទះបាន ឬអ្នកខ្លះអាចត្រូវគេងព្យាបាលនៅក្នុងមន្ទីរពេទ្យដើម្បីតាមដានអាការ។
គ្រូពេទ្យនឹងណាត់ពិនិត្យវាស់កម្រិតការបានឮជាដំណាក់កាលៗ ដើម្បីវាយតម្លៃលទ្ធផលនៃការព្យាបាល និងតាមដានលទ្ធផលនៃការព្យាបាលក្នុងរយៈពេលវែងជាបន្ត៕

April 23, 2018

ដំណាងចែកចាយរបស់ Canon’s i-Qlick រៀបចំខួបគម្រប់7ឆ្នាំនៅសណ្ឋាគារ ណាហ្គាវើល

បន្ទាប់ពីបានដំណើរការនៅលើទីផ្សារកម្ពុជាបានរយៈពេល7ឆ្នាំរួចមក នៅត្រឹមយប់ថ្ងៃសៅរ៍ ទី 21 ខែមេសា Canon’s i-Qlick បានរៀបចំពិធីអញ្ជើញដៃគូពាណិជ្ជកម្មរបស់ខ្លួនច្រើនជាង ៥០០នាក់ ដែលបូករួមទាំងដៃគូពាណិជ្ជកម្ម តំណាងចែកចាយ និងអ្នកសារព៌តមាន ចូលរួមក្នុងពិធីថ្លែងអំណរគុណដល់ដៃគូពាណិជ្ជកម្ម នៅសណ្ឋាគារ Naga World ។

ក្នុងពិធីជួបជុំញាំអាហារពេលល្ងាចប្រចាំឆ្នាំនេះ ក៏ជាខួបគម្រប់7ឆ្នាំរបស់ i-Qlick ផងដែរ ហើយវាក៏ត្រូវបានធ្វើឡើងសម្រាប់ការសម្រេចបាននូវសមិទ្ធិផលនៃឆ្នាំចាស់ និងសម្រាប់ការថ្លែងអំណគុណដល់អ្នកដែលតែងតែគាំទ្រដល់ i-Qlick ពីដៃគូពាណិជ្ជកម្ម។

លោក Satoru Takeda ដែលជាអនុប្រធានប្រចាំតំបន់ CII Group នៃ Canon Singapore ដែលចូលរួមក្នុងកម្មវិធីនេះបានថ្លែងថា “កម្មវិធីនេះគឺមិនមែនត្រឹមតែជាខួបរបស់ i-Qlick នោះទេ ប៉ុន្តែថែមទាំងចង់ឆ្លៀតយកឱកាសនេះសម្រាប់ Canon Singapore និង i-Qlick ដើម្បីធ្វើការថ្លែងអំណគុណទៅដល់ដៃគូរមុខជំនួញ និងកិច្ចប្រឹងប្រែងបន្ដសម្រាប់ការអភិវឌ្ឍផលិតផលនៅក្នុងប្រទេសកម្ពុជា។

វត្តមានរបស់លោកអ្នកនៅក្នុងទីនេះ ជាមួយនឹងការគាំទ្រតាំងពីឆ្នាំមុន បានធ្វើអោយម៉ាកសញ្ញា Canon អាចបម្រើ និងផ្ដល់ការចំណេញទៅដល់ប្រជាជនកម្ពុជា។ សូមអរគុណដល់កិច្ចខិតខំប្រឹងប្រែងទាំងនេះក្រុមហ៊ុន Canon បានរីកចម្រើនពីមួយឆ្នាំទៅមួយឆ្នាំនៅទីនេះហើយខ្ញុំសង្ឃឹមថាដៃគូអាជីវកម្មរបស់យើងអាចបន្តធ្វើការជាមួយនិង i-Qlick ដើម្បីពុះពារលើឧបសគ្គដែលអាចកើតមាន។ ពិធីជប់លៀងយប់នេះគឺត្រូវបានរៀបចំយ៉ាងពិសេស សម្រាប់ការប្រឹងប្រែងឆ្នាំចាស់ និងលទ្ធផលសម្រាប់អ្នករាល់គ្នារនៅទីនេះ។

លោក Andy Lee នាយកនៃ i-Qlick ប្រចាំប្រទេសកម្ពុជាក៏បានថ្លែងថា “i-Qlick គឺប្ដេជ្ញាថា នឹងធ្វើអោយមុខជំនួញ Canon នៅក្នុងប្រទេសកម្ពុជាកាន់តែរីកចម្រើនទៅមុខ។ ហើយយើងក៏សូមធ្វើការថ្លែងអំណគុណទៅដល់ អ្នកដែលតែងតែគាំទ្រផ្លាកសញ្ញាររបស់យើង យើងក៏ជាអ្នកនាំមុខទីផ្សារនៃផលិតផល កាមេរ៉ា នៅក្នុងប្រទេសកម្ពុជាច្រើនជាង 6 ឆ្នាំ និងជាផ្លាកសញ្ញារដែលនាំមុខគេសម្រាប់ ឧបករណ៍ការិយាល័យ និង ម៉ាស៊ីនព្រីន។

ដើម្បីផ្ដល់ភាពងារស្រួលទៅកាន់អតិថិជនកាន់តែប្រសើរ យើងក៏បានពង្រីកនូវសាខារបស់ Canon Image Square កាន់តែច្រើនដែលមានទីតាំងដូចជា៖ សាខាចាក់អង្រែ សាខាទួលគោគ សាខាចំការមន សាខាNojima សាខាសុរិយា សាខាហង្សនាគ(ផ្លូវកម្ពុជាក្រោម) សាខាផ្លូវសីហនុ និងសាខាផ្សេងៗជាច្រើនទៀត។

ជាមួយនឹងហាងទាំងអស់នៅក្នុងភ្នំពេញ យើងនឹងប្តេជ្ញានាំយកនូវភាពងាយស្រួល និងបទពិសសោធន៍កាន់តែប្រសើរសម្រាប់អតិថិជនរបស់យើង។ ក្រៅពីការប្តេជ្ញាជាមួយនឹងជំនួញទាំងនេះ យើងក៏ប្តេជ្ញាថានឹង ធ្វើអ្វីអោយកាន់តែប្រសើរនៅក្នុងប្រព័ន្ធប្រតិបត្តិការផ្សេង។ ជាមួយនឹងការគាំទ្រពី Canon យើងសង្ឈឹមថាយើងអាចធ្វើអ្វីអោយកាន់តែប្រសើរឡើងនៅក្នុងប្រទេសកម្ពុជា ៕

April 23, 2018

Giroud ជួយ Chelsea ផ្តួល Southampton ដើម្បីទៅជួប Man Utd ក្នុង FA Cup វគ្គផ្តាច់ព្រ័ត្រ

ការរកបានគ្រាប់បាល់បញ្ចូលទីយ៉ាងល្អរបស់ខ្សែប្រយុទ្ធ Olivier Giroud បានជួយឱ្យក្រុម Chelsea ដណ្តើមបានជ័យជម្នះក្នុងលទ្ធផល 2-០ លើក្រុម Southampton ដើម្បីកក់កៅអីរបស់ពួកគេទៅជួបក្រុម Manchester United របស់លោក Jose Mourinho ក្នុងពាន FA Cup វគ្គផ្តាច់ព្រ័ត្រ។

យុទ្ធនាការជាលើកទី137 មួយនេះក៏នឹងក្លាយជាការជួបគ្នាក្នុងវគ្គផ្តាច់ព្រ័ត្រជាលើកទី1 រវាងក្លិបយក្សទាំង2 ផងដែរក្នុងរយៈពេល1ទសវត្សរ៍នេះ។ ក្រោយពីដណ្តើមបានជ័យជម្នះក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃអាទិត្យ លោក Antonio Conte បានឱ្យដឹងថា៖ «យើងកំពុងតែនិយាយពីអ្នកចាត់ការទូទៅ 2នាក់ដែលមានឥរិយាបថខ្លាំងដូចគ្នា និងជាអ្នកឈ្នះ 2នាក់។ នៅពេលនោះ ក្នុងចិត្ត បេះដូង និងឈាមរបស់អ្នក មានតែសុច្ឆន្ទៈ1ប៉ុណ្ណោះ គឺឈ្នះ។ ពិតណាស់ យើងចង់ប្រជែងយកពានរង្វាន់នេះ»។

ការសម្រេចចិត្តជ្រើសរើសយក Giroud ឱ្យលេងក្នុងជម្រើសដំបូងជំនួស Alvaro Morata បានក្លាយជាការកាត់សេចក្តីដ៏ត្រឹមត្រូវពីសំណាក់អ្នកចាត់ការទូទៅរបស់ក្រុម Chelsea លោក Conte ខណៈដែលអតីតតារាឆ្នើមរបស់ក្លិប Arsenal រូបនេះ បានបង្ហាញពីទេពកោសល្យដ៏អស្ចារ្យរបស់គេដើម្បីរកគ្រាប់បាល់បំប៉ោងសំណាញ់ទីនៅដើមតង់ទី2។

Giroud ពិតជាបានផ្តល់ការខកចិត្តដ៏ធំដល់ក្រុម Southampton នៅរដូវកាលនេះ ក្រោយពីបានស៊ុតបាល់បញ្ចូលទី 2គ្រាប់ដើម្បីជួយឱ្យក្រុម Chelsea ទទួលបានជ័យជម្នះក្នុងលទ្ធផល 3-2 កាលពីចុងសប្តាហ៍មុន ហើយក៏បានរកគ្រាប់បាល់តាមស្មើក្នុងពេលប្រកួតជាមួយនឹងពួកគេ សម្រាប់ក្រុម Arsenal កាលពីខែធ្នូផងដែរ។គ្រាប់បាល់ទី4 របស់គេសម្រាប់ក្រុម Chelsea ចាប់តាំងការផ្ទេររបស់គេកាលពីខែមករា បានកើតឡើង នៅមុនពេលមានគ្រាប់បាល់តែតបញ្ចូលទីនៅជិតបញ្ចប់ការប្រកួតពីខ្សែប្រយុទ្ធបម្រុង Morata ដើម្បីបង្កើតឱ្យមានការជួបគ្នាក្នុងវគ្គផ្តាច់ព្រ័ត្រជាមួយនឹងក្រុមជើងខ្លាំង Man United នាកីឡដ្ឋាន Wembley នៅថ្ងៃទី19 ខែឧសភា ខាងមុខនេះតែម្តង៕

ប្រភពពី៖ The Telegraph

April 23, 2018

ឥណ្ឌូនេស៊ី ទាមទារចម្លើយបន្ថែមទៀតពី Facebook រឿងបំពានទិន្នន័យផ្ទាល់ខ្លួនអ្នកប្រើប្រាស់

ហ្សាកាតា៖ រដ្ឋាភិបាលនៃប្រទេសឥណ្ឌូនេស៊ី ថ្មីៗនេះ បានទាមទារឱ្យបណ្ដាញសង្គមយក្ស Facebook ផ្ដល់នូវចម្លើយបន្ថែមទៀត ទាក់ទងនឹងទិន្នន័យរបស់អ្នកប្រើប្រាស់ដែលត្រូវបានគេលួច។

រដ្ឋមន្ត្រីក្រសួងទូរគមនាគមន៍ឥណ្ឌូនេស៊ី បានថ្លែងឱ្យដឹងថា Facebook ត្រូវតែផ្ដល់ព័ត៌មានលម្អិតបន្ថែមទៀត ពាក់ព័ន្ធនឹងទិន្នន័យផ្ទាល់ខ្លួនរបស់អ្នកប្រើប្រាស់នៅក្នុងប្រទេសឥណ្ឌូនេស៊ី ដែលត្រូវបានរំលោភបំពាន ឬត្រូវបានគេលួចដោយសម្ងាត់។

រដ្ឋាភិបាលឥណ្ឌូនេស៊ី បានស្មើសុំឱ្យ Facebook ធ្វើការបកស្រាយ និងពន្យល់បន្ថែមពាក់ព័ន្ធនឹងករណីទិន្នន័យរបស់អ្នកប្រើប្រាស់ ប៉ុន្តែ Facebook នៅមិនទាន់បានផ្ដល់ចម្លើយលម្អិតនោះទេ គ្រាន់តែបានចេញមុខសុំទោសអ្នកប្រើប្រាស់ទាំងអស់នៅក្នុងប្រទេសឥណ្ឌូនេស៊ី។

ថ្មីៗនេះផងដែរ លោក Mark Zuckerberg សហស្ថាបនិក និងជានាយកប្រតិបត្តិបណ្ដាញសង្គម Facebook បានប្រឈមមុខនឹងសំណួរដ៏លំបាកជាច្រើន ពាក់ព័ទ្ធនឹងរបៀបប្រមូលទិន្នន័យ និងភាពចាំបាច់លើបទបញ្ញតិថ្មី នៅអំឡុងបង្ហាញខ្លួននៅចំពោះមុខគណៈកម្មាធិការថាមពល និងពាណិជ្ជកម្ម នៃសភាអាមេរិកមានសមាជិកជិត 100នាក់ ក្នុងរយៈពេល 5ម៉ោង ដែលការប្រឈមមុខនេះ ត្រូវបានធ្វើឡើងបន្ទាប់ពីលេចធ្លាយនូវព័ត៌មានថា ទិន្នន័យផ្ទាល់ខ្លួនរបស់អ្នកប្រើប្រាស់ Facebook ត្រូវបានបែកធ្លាយទៅដល់ដៃជនទី3៕

April 23, 2018

កាសែតឡារ៉ែន ពាណិជ្ជ លេខ 123

[easy_media_download url=”https://www.lareine.com.kh/wp-content/uploads/2018/04/LRPN_123-Final-For-Web.pdf” force_dl=”1″]

April 21, 2018

វ៉ាវ ម៉ូដែល OPPO F7មានលក្ខណៈពិសេសច្រើន ហើយតម្លៃវិញឡូយអស់ទាស់

នៅថ្ងៃទី20 ខែមេសា ឆ្នាំ2018 ក្រុមហ៊ុន OPPO នៅប្រទេសកម្ពុជាបានធ្វើការសម្ពោធនូវផលិតផលថ្មី គឺ OPPO F7 នៅសណ្ឋាគារសុខាភ្នំពេញ ហើយក៏មានការផ្សាយបន្តផ្ទាល់តាមរយៈកញ្ចក់ទូរទស្សន៍រស្មីហង្សមាស និងផេកផ្លូវការរបស់ក្រុមហ៊ុន OPPOផងដែរ ។

យើងសង្កេតឃើញថាមកទល់ពេលនេះក្រុមហ៊ុន OPPO គឺមានតារាតំណាងបីនាក់ក្នុងការផ្សព្វផ្សាយឲ្យផលិតផលរបស់ខ្លួន រួមមានដូចជា ៖ អ្នកនាង ពេជ្រ សោភា កញ្ញា រ៉េត ស៊ូហ្សាណា និង លោក STEP ដែលសុទ្ធសឹងតែជាតារាកំពុងទទួលបានប្រជាប្រិយភាពខ្លាំងនាពេលបច្ចុប្បន្ន។

ក្រុមហ៊ុន OPPO ក៏បានបញ្ជាក់ឲ្យដឹងថា ទូរស័ព្ទដែលខ្លួនដាក់សម្ភោធនេះ ជាម៉ូដែលមួយដែលមានការវិវឌ្ឍមួយកម្រិតទៀតទៅលើការថតរូបSelfie ហើយម៉ូដែលនេះនឹងធ្វើឲ្យអ្នកប្រើប្រាស់ទាំងអស់កាន់តែរីករាយ និងពេញចិត្តចំពោះការថតរូប Selfie ដោយបច្ចេកវិទ្យា AI ដែលមាននៅលើ OPPO F7 នេះ ។

យើងបានដឹងហើយថាកាលពីចុងឆ្នាំ 2017 OPPOបានបញ្ចេញនូវម៉ូដែល F5 ជាម៉ូដែលដំបូងគេដែលបានបំពាក់កាមេរ៉ា 20MP រួមជាមួយបច្ចេកវិទ្យា AI ដែលបានធ្វើអោយអតិថិជនជាច្រើនមានការពេញចិត្ត និងគាំទ្រជាខ្លាំង។ មិនបញ្ឈប់ការខិតខំប្រឹងប្រែងប៉ុណ្ណឹងទេ ពេលនេះOPPO បាននាំមកនូវម៉ូដែលOPPO F7 ដែលបានបំពាក់មកជាមួយកាមេរ៉ាមុខរហូតដល់ទៅ 25MP ដែលមានកាមេរ៉ាមុខទំហំធំដំបូងគេបង្អស់នាពេលបច្ចុប្បន្ន ហើយបានភ្ជាប់ជាមួយបច្ចេកវិទ្យាAI Beauty 2.0។ ពិសេសជាងនេះទៅទៀត វាបានប្រើប្រាស់នូវ Sensor HDR 576 របស់Sony ដែលវាអាចធ្វើការបានយ៉ាងល្អក្នុងការផ្តិតយករូបភាពដ៏ស្រស់ស្អាតទោះស្ថិតក្នុងស្ថានភាពរូបភាពនៅឆ្ងាយឬកុងពន្លឺក៏ដោយ។

យ៉ាងណាមិញចំពោះបច្ចេកវិទ្យា AI Beauty 2.0 របស់ F7 វាអាចចាប់យកចំណុចសម្គាល់សំខាន់ៗនៅលើផ្ទៃមុខរបស់មនុស្សរហូតដល់ទៅ 296 ចំណុច វាថែមទាំងអាចសម្គាល់នូវភេទ អាយុ សម្បុរស្បែក ប្រភេទស្បែកដែលអាចធ្វើឲ្យការថតរូបរបស់អ្នកកាន់តែស្រស់ស្អាតនិងមានលក្ខណៈធម្មជាតិ។ មួយវិញទៀតនោះគឺមុខងារ AI Learning ដែលវាវៃឆ្លាតក្នុងការចងចាំនូវអ្វីដែលយើងបានកំណត់ទៅលើរូបភាពដែលអ្នកចង់បាន នៅពេលដែលយើងថតរូបលើកក្រោយ វានឹងធ្វើការកំណត់ទៅលើរូបថតរបស់យើងដោយស្វ័យប្រវត្តិដោយយើងមិនចាំបាច់ធ្វើការកំណត់ម្តងទៀតឡើយ។

ដោយឡែកកាមេរ៉ាមុខរបស់ OPPO F7 ក៏មានមុខងា Vivid Mode ដែលជាមុខងារជួយឲ្យការថតរូបកាន់តែស្រស់ស្អាត បន្ថែមពណ៌ទៅលើ Background ឲ្យកាន់តែស្រស់ស្អាតនិងមានភាពរស់រវើក។ លើសពីនេះទៅទៀត វាក៏មានមុខងារ AR Stickers ដែលអាចឲ្យលោកអ្នកថតរូបខ្យូតៗជាមួយ Stickers ជាច្រើន។ ចំណែកកាមេរ៉ាក្រោយរបស់ OPPO F7 មានទំហំ 16MP បូករួមជាមួយ AI Recognition (ការសម្គាល់ឆ្លាតវៃ) ដែលអាចសម្គាល់ទៅលើស្ថានភាពផ្សេងៗរហូតដល់ 16ស្ថានភាព ដែលអាចដាក់នូវកំរិតពន្លឺឲ្យស្រស់ស្អាតទៅតាមស្ថានភាពនីមួយ។

បើនិយាយពីអេក្រង់របស់ OPPO F7 វិញ វាមានទំហំ 6.23 អ៊ីង វិមាត្រ19:9 កម្រិតបង្ហាញ FHD+ និង Resolution 2280×1080 pixels ហើយវាជាអេក្រង់ឆក (Notch Screen) Super Full Screen។ វាថែមទាំងភ្ជាប់មកជាមួយនូវមុខងារ Full Screen Multitasking ដែលមុខងារនេះអាចឲ្យយើងមើលវីដេអូ ឬលេងហ្គេមបណ្តើរ ហើយអាចឆ្លើយតបសារ ឬលេង chat បណ្តើរ (We chat, Messenger & What App)។

សម្រាប់ផ្នែកម៉ាស៊ីនវិញ OPPO F7 ដំណើរការដោយ Processor ចុងក្រោយបំផុតគឺ 8+2(AI)-core ដែលមានល្បឿន2.0 GHz (MTK P60)។ ចំពោះម៉ូដែលOPPO F7នឹងមានSpecs ពីរជំរើសសម្រាប់ឲ្យអតិថិជនជ្រើសរើស គឺ F7 Ram 4GB+Rom64GB និង F7 Ram 6GB+Rom128GB ហើយម៉ូដែលទាំងពីរនេះសុទ្ធតែដំណើរការដោយ ColorOS 5.0 ដើរដោយ Android 8.1។ ឯរូបរាងខាងក្រៅវិញ OPPO F7 ត្រូវបានបានរចនាតួខ្លួនភ្លឺរលោងដូចជាកញ្ចក់ ព្រមទាំងមានកន្លែងស្កេនក្រយៅដៃនៅលើផ្ទៃខាងក្រោយវាផងដែរ។

វានឹងមានបីពណ៌សម្រាប់ឲ្យជ្រើសរើស មានដូចជា៖ ពណ៌ក្រហម (Solar Red) ពណ៌ប្រាក់ (Moonlight Silver) និងពណ៌ពេជ្រខ្មៅ(Diamond Black)។ ចំពោះតម្លៃវិញ OPPO F7 Ram4GB មានតម្លៃត្រឹមតែ 329$ប៉ុណ្ណោះ ហើយលោកអ្នកក៏អាចចាប់ផ្តើមធ្វើការ Pre-order តាមបណ្តាហាងលក់ទូរស័ព្ទនានាទូទាំងប្រទេសពីថ្ងៃនេះរហូតដល់ថ្ងៃទី27 ខែមេសា ឆ្នាំ2018 និងអាចរកជាវបាននៅលើទីផ្សារនៅថ្ងៃទី28 ខែមេសា ឆ្នាំ 2018 នេះផងដែរ។ រីឯ OPPO F7 (128GB) វិញនឹងមកដល់ទីផ្សារប្រទេសកម្ពុជានៅក្នុងខែឧសភានេះជាមួយនឹងតម្លៃ 429 $។

សម្រាប់តម្លៃសមរម្យហើយមានលក្ខណៈពិសេសៗច្រើនបែបនេះ តើអ្នកណាមិនចង់បាន?

April 21, 2018

ហេតុអីបានទារកចូលចិត្តញញឹមពេលគេងលក់?

ច្រើនដងណាស់ដែលយើងតែងបានឮថា ទារក ឬកូនតូចៗញញឹមពេលគេងលក់មានន័យថា កូនកំពុងតែយល់សប្តិល្អ ឬកូនញញឹមពេលគេងលក់មានន័យថា កូនកំពុងតែលេងជាមួយអ្នកឃុំគ្រងការពារក្មេងក្នុងសុបិន ដែលជំនឿទាំងនោះអាចនឹងធ្វើឱ្យអ្នកម្តាយជាច្រើននាក់មានកង្វល់ចិត្ត តែការពិតវិញយ៉ាងណានោះ យើងនាំគ្នាមកមើលចម្លើយទាំងអស់គ្នា។

កូនតូចញញឹមពេលគេងលក់ព្រោះអ្វី?
ទារកក្នុងអំឡុង 0 – 1ខែដំបូងក្រោយពេលប្រសូត ការញញឹមមិនបានកើតចេញពីការយល់សប្តិនោះទេ តែកើតចេញពីការបង្រួញខ្លួនរបស់សាច់ដុំផ្ទៃមុខ ព្រោះទារកនៅមិនទាន់អាចញែកអារម្មណ៍ល្អ ឬអាក្រក់បាននៅឡើយទេ។

ទារកក្នុងអំឡុង 2 – 5ខែ ខណៈពេលគេងលក់ទារកនឹងមានអាការខាងទឹកមុខច្រើនយ៉ាង ដូចជា ទឹកមុខមាំ
ចងចិញ្ចើម ធ្វើមាត់ជីបអូចៗ និងញញឹម អាការទាំងនេះមិនបានបណ្តាលមកពីការកំពុងយល់សប្តិ ឬកំពុងលេងជាមួយអ្នកឃុំគ្រងការពារក្មេងក្នុងសុបិននោះទេ តែគឺជាវិវឌ្ឍនាការសាច់ដុំផ្ទៃមុខរបស់ទារកទៅវិញទេ។

ទារកក្នុងអំឡុង 6 ខែឡើងទៅ នឹងចាប់ផ្តើមចេះយល់សប្តិហើយ ដោយសារតែទារកក្នុងវ័យនេះមើលឃើញបានពេញទំហឹងហើយ ទើបកើតមានការចងចាំទុកយកទៅយល់សប្តិ ដោយការយល់សប្តិរបស់ទារកវ័យ 6 ខែនេះនៅមិនទាន់ពេញជារឿងជារ៉ាវដូចមនុស្សធំទេ តែជារូបភាពស្លៃដ៍បែបមិនជាប់លាប់ និងទារកនៅមិនទាន់យល់ដឹងថា នេះគឺជាសុបិនឡើយ។

កូនតូចចូលចិត្តញញឹមពេលគេងលក់ មិនមែនព្រោះកូនកំពុងលេងជាមួយអ្នកឃុំគ្រងការពារក្មេងក្នុងសុបិនតាមជំនឿដែលយើងធ្លាប់បានឮនោះទេ តែកើតចេញពីវិវឌ្ឍនាការរបស់សាច់ដុំផ្ទៃមុខដូចដែលបានរឿបរាប់ពីខាងលើរួចហើយប៉ុណ្ណោះឯង ដូច្នេះលោកឪពុកអ្នកម្តាយមិនចាំបាច់ព្រួយកង្វល់ឡើយ ព្រោះវិវឌ្ឍនាការផ្សេងៗនឹងហុចផលល្អឱ្យកូនក្លាយជាក្មេងឆ្លាតនាពេលអនាគត៕

April 21, 2018

Apple អាចនឹងចេញលក់ iPhone ប្រើស៊ីមកាត 2 លើកដំបូងនៅចុងឆ្នាំនេះ

អាមេរិក៖ ថ្មីៗនេះ មានលេចឮនូវព័ត៌មានចចាមអារ៉ាមថ្មីមួយទាក់ទងនឹងទូរស័ព្ទដៃ iPhone របស់ក្រុមហ៊ុន Apple ដែលវាជាព័ត៌មានថ្មី និងរសើបបំផុតនៅក្នុងពិភពស្មាតហ្វូន។ យោងតាមអ្នកវិភាគដ៏ល្បី និងជំនាញទាក់ទងនឹង Apple លោក Ming-Chi Kuo បានបង្ហើបឱ្យដឹងថា ក្រុមហ៊ុន Apple នឹងប្រកាសបង្ហាញ iPhone ដែលអាចប្រើស៊ីមកាត 2 នៅក្នុងពេលឆាប់ៗខាងមុខនេះ។

គេហទំព័រ GSM Arena បានចុះផ្សាយដោយដកស្រង់សំដីលោក Ming-Chi Kuo ថា «យ៉ាងយូរបំផុតនៅចុងឆ្នាំ 2018 នេះ iPhone ប្រើស៊ីមកាត 2 នឹងបង្ហាញខ្លួន»។ ប្រភពដដែលបានបញ្ជាក់បន្តទៀតថា ក្រុមហ៊ុន Apple បានសម្រេចចិត្តបង្កើត iPhone ប្រើស៊ីមកាត2 នេះ ដោយសារតែមានការជំរុញពីក្រុមអ្នកវិនិយោគ។

បើទោះបីជាគេមិនទាន់ដឹងច្បាស់ថា iPhone ប្រើស៊ីមកាត 2 នោះមានឈ្មោះអ្វីក៏ដោយ ប៉ុន្តែបើតាមការបញ្ជាក់របស់អ្នកវិភាគខាងលើ បានឱ្យដឹងថា វាមានអេក្រង់ទំហំ 6.1អ៊ីង និងមានតម្លៃចន្លោះពី 650 ទៅ 750ដុល្លារអាមេរិក ដោយក្នុងនោះមានពីរជម្រើសសម្រាប់អតិថិជន គឺអាចជ្រើសរើសយកស៊ីមកាត 1 ក៏បាន និងស៊ីមកាត 2 ក៏បាន តែតម្លៃខុសគ្នា។

ក្រុមអ្នកវិភាគជាច្រើនបានលើកឡើងថា iPhone ប្រើស៊ីមកាត 2 នេះ នឹងជួយជំរុញទីផ្សារ iPhone ឱ្យកាន់តែខ្លាំងថែមទៀត បើទោះបីជាទូរស័ព្ទស៊ីមកាត 2 មិនពេញនិយមនៅសហរដ្ឋអាមេរិកក្ដី ប៉ុន្តែសម្រាប់នៅតំបន់អាមេរិកឡាទិន អឺរ៉ុប និងអាស៊ីគឺពេញនិយមខ្លាំងបំផុត ហើយបើតាមការវិភាគ Apple អាចនឹងចេញលក់ iPhone ប្រើស៊ីមកាត 2 នៅតំបន់ដែលមានការពេញនិយមប៉ុណ្ណោះ៕

April 20, 2018

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

រាជធានីភ្នំពេញ៖ កាលពីពេលថ្មីៗនេះ ស្រាបៀរ ABC អិចស្ត្រាស្តោត បានបន្តរៀបចំកម្មវិធី ABC EXCEPTIONAL NIGHT នៅទីតាំង 57 Route Pub ដោយមានការអញ្ជើញចូលរួមសម្តែងពីកំពូលតារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា កញ្ញា ឱក សុគន្ធកញ្ញា ដែលបានផ្តល់បទពិសោធន៍ដ៏ល្អឯកជូនដល់អតិថិជនជាច្រើន។

កម្មវិធីរាត្រីដ៏គួររំភើបនេះមានការសម្តែងដ៏ពិសេសអស្ចារ្យពីកំពូលតារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា កញ្ញា ឱក សុគន្ធកញ្ញា និងក្រុមតារាបង្ហាញម៉ូតរបស់ស្រាបៀរ ABC អិចស្ត្រាស្តោត ព្រមទាំងកម្មវិធីសប្បាយៗជាច្រើនទៀត។ មិនត្រឹមតែប៉ុណ្ណោះអតិថិជនរបស់ស្រាបៀរ ABC អិចស្ត្រាស្តោត បានភ្លក់នូវរសជាតិថ្មីពីការលាយបញ្ជូលគ្នាស្រាក្រឡុក ABC អិចស្ត្រាស្តោតពីសំណាក់អ្នកក្រឡុកស្រាដ៏ជំនាញ ។

កម្មវិធី ABC EXCEPTIONAL NIGHT គឺជាផ្នែកមួយនៃយុទ្ធនាការ “ជាឧត្តមភាពដ៏ល្អឯក” របស់ ស្រាបៀរ ABC អិចស្ត្រាស្តោត ដែលផ្តល់នូវអំណរសារទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះដឹង និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC អិចស្ត្រាស្តោត នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូបៀបនៅលើទីផ្សារស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងបានឈ្នះពានរង្វាន់ជាច្រើន ជាពិសេសជាកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ មជ្ឈដ្ឋានសិល្បករ និងពាណិជ្ជករលំដាប់ថ្នាក់ខ្ពស់។

កម្មវិធី ABC EXCEPTIONAL NIGHT នឹងបន្តប្រារព្ធធ្វើឡើងនៅ The Storm Pub & Restaurantនៅថ្ងៃសុក្រ ទី 20 ខែមេសាខាងមុខនេះ ដោយមានការអញ្ជើញចូលរួមសម្តែងពីលោក ដួង វីរះសិទ្ធ។

សូមចូលរួមឲ្យបានច្រើនកុះករដើម្បីទទួលបានបទពិសោធន៍ដ៏ល្អឯកពី ABC អិចស្ត្រាស្តោត!

ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖ https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ។

April 20, 2018

កូនគ្មានគំនិតច្នៃប្រឌិតអាចបណ្ដាលមកពីឪពុកម្តាយ

អាណាព្យាបាលជាច្រើនបានរអ៊ូរទាំពីកូនៗរបស់គាត់ដែលមិនអាចធ្វើរឿងជាច្រើនតាមចិត្តរបស់គាត់បាន ហើយពេលខ្លះទៀតក៏បន្ទោសលើប្រព័ន្ធអប់រំថា មិនអាចធ្វើឱ្យកូនគាត់ក្លាយជាមនុស្សដែលមានគំនិតបង្កើតថ្មី ឆ្លាតវៃ ឬក្លាយជាមនុស្សដែលមានគំនិតអភិវឌ្ឍន៍។

ផ្អែកលើស្ថានភាពបែបនេះ អ្នកជំនាញអប់រំបានបង្ហាញពីអំណះអំណាងជាច្រើនស្រដៀងគ្នា ដែលក្នុងនោះក៏មានគេហទំព័រ Education world ផងដែរបានលើកឡើងថា ការដែលជំរុញកុមារតូចឱ្យធ្វើតាមមនុស្សធំ ឬការបង្ខំឱ្យកុមារធ្វើតាមអ្វីដែលអាណាព្យាបាលគិតនោះ គឺជារឿងខុសឆ្គង។

ការគិតរបស់មនុស្សធំ និងគំនិតរបស់កុមារមានភាពខុសគ្នា ហើយពេលខ្លះការដែលយើងបង្ខំឱ្យកុមារធ្វើអ្វីៗតាមមនុស្សធំទាំងស្រុង នឹងធ្វើឱ្យកុមារកាន់តែទន់ខ្សោយទៅ ព្រោះគាត់ប្រាកដជាមិនអាចធ្វើដូចអ្វីដែលយើងរំពឹងទុកទាំងអស់នោះទេ ហើយប្រសិនបើគាត់ធ្វើបាន នោះមានន័យថា កម្រិតនៃការគិតរបស់គាត់បានត្រឹមតែស្មើអាណាព្យាបាល ហើយយូរៗទៅ អាណាព្យាបាលនឹងលែងបានឃើញពីចំណុចពិសេសរបស់កូន។

អាណាព្យាបាលជាច្រើនបានគិតខុស ហើយព្យាយាមកាត់តម្រឹមការគិត និងគំនិតច្នៃប្រឌិតរបស់ក្មេងឱ្យស្ថិតក្នុងគន្លងចាស់គំរឹលដដែលៗ ដែលជាហេតុធ្វើឱ្យក្មេងបាត់បង់ជំហរក្នុងការអភិវឌ្ឍគំនិត ខណៈអ្នកស្រាវជ្រាវនានារកឃើញថាក្មេងដែលមានសេរីភាពគ្រប់គ្រាន់ក្នុងការគិត គឺអាចរកឃើញដំណោះស្រាយបញ្ហាឆ្លាតវៃលឿនជាងមនុស្សធំ។ ក្រៅពីនេះ កុមារក៏អាចនឹងក្លាយជាមនុស្សសំខាន់ មានគំនិតបង្កើតថ្មី ឬអាចក្លាយជាមនុស្សលេចធ្លោបានលើសពីមនុស្សធំ ប្រសិនបើពួកគេមានភាពរីករាយគ្រប់គ្រាន់ក្នុងការគិត សាកល្បង ឬស្វែងរកពិភពនៃការរស់នៅបានយ៉ាងទូលំទូលាយនោះ។

អ្នកអប់រំជាច្រើន បានជំរុញកុមារឱ្យមានការស្វែងយល់យ៉ាងទូលាយតាមរយៈការបង្កើតកម្មវិធីពិសោធជាក់ស្តែង ការមើលវីដេអូ រួមទាំងការដើរទៅក្រៅប្រទេសជាដើម ដើម្បីជំរុញពួកគេឱ្យស្គាល់បរិស្ថានថ្មី វិធីសាស្ត្រនៃការរស់នៅប្រកបដោយភាពច្នៃប្រឌិត ដែលវាជាមូលដ្ឋានគ្រឹះនៃការគិត និងបង្កើតថ្មីរបស់ក្មេង។ ហេតុនេះអាណាព្យាបាល ឪពុកម្តាយនៅកម្ពុជា គួរចាប់ផ្តើមសាកល្បងសង្កេតដោយយកចិត្តទុកដាក់ និងលើកទឹកចិត្តចំពោះគំនិតប្លែកៗរបស់ក្មេង ជាជាងបង្ខំពួកគេឱ្យធ្វើនូវអ្វីដែលយើងចង់ឱ្យក្មេងៗធ្វើ ទាំងមិនបានមើលពីសក្តានុពលរបស់ពួកគេ៕

April 13, 2018

Author: វល័ក្ខ