• Model : Toyota Prius, Year: 2005
• Price : $11,300
• Color : Gold
• Engine: 1.5L
• Tel : 069 327 305
• Code : AED129-03
Author: វល័ក្ខ
រថយន្ត Toyota Prius ឆ្នាំ2005 លក់ក្នុងតម្លៃសមរម្យ
រថយន្ត Sienna ឆ្នាំ2004 លក់ក្នុងតម្លៃពិសេស
• Model: Sienna, Year: 2004
• Price: $27,000 (Installment)
• Color: White
• Engine: V6 3.3L, Fuel: Gasoline
• Tel: 069 327 305
• Code: AED129-16
រថយន្ត Lexus LX470 ឆ្នាំ2003 លក់ក្នុងតម្លៃពិសេស
• Model : Lexus LX470, Year: 2003
• Price : $44,500 (Installment)
• Color : White(Full Option)
• Engine : 4.7L, Fuel: Gasoline
• Tel : 069 327 305
• Code : AED129-12
សាលារាជធានីត្រៀមរៀបចំតំបន់ភាគខាងត្បូងឱ្យក្លាយទៅជាទីក្រុងបៃតង
ស្របពេលដែលកំណើនប្រជាជននៅក្នុងភូមិសាស្ត្ររាជធានីភ្នំពេញមានចំនួនច្រើន និងមានភាពចង្អៀតកាន់តែខ្លាំងឡើងៗពីមួយឆ្នាំទៅមួយឆ្នាំនោះ អាជ្ញាធរសាលារាជធានីភ្នំពេញបានសហការជាមួយអាជ្ញាធរសាលាក្រុងប៉ារីសរៀបចំផែនការអភិវឌ្ឍន៍ទីក្រុងភ្នំពេញឱ្យកាន់តែធំទូលាយ ដោយយកទីតាំងភាគខាងត្បូងធ្វើជាទីតាំងសម្រាប់សាងសង់សំណង់គ្រឹះស្ថាន អគារ នានា និងអភិវឌ្ឍតំបន់នោះឱ្យក្លាយជាទីក្រុងបៃតងសម្រាប់ទាក់ទាញឱ្យប្រជាពលរដ្ឋចូលទៅរស់នៅកាន់តែច្រើនឡើង។
ឯកឧត្តម ឃួង ស្រេង អភិបាលរាជធានី ភ្នំពេញបានធ្វើបទបង្ហាញនៅក្នុងសិក្ខាសាលាជាមួយភាគីបារាំងដោយបានដាក់ចេញនូវផែនការថ្មីមួយដើម្បីឆ្លើយតបទៅនឹងលំហូរចរាចរណ៍ទេសចរណ៍ សោភណភាព និងការអភិវឌ្ឍរីកចម្រើនលើវិស័យផ្សេងៗនៅរាជធានីភ្នំពេញ ពិសេសវិស័យហេដ្ឋារចនាសម្ព័ន្ធ សេវាកម្មសាធារណៈ សំណង់គ្រឹះស្ថាន អគារពាណិជ្ជកម្មនានាក្នុងទីក្រុងបៃតងថ្មីមួយដែលមានទីតាំងនៅតំបន់បឹងជើងឯក។
ឯកឧត្តមបានមានប្រសាសន៍បញ្ជាក់ថា “បច្ចុប្បន្នហេដ្ឋារចនាសម្ព័ន្ធ សេវាកម្មសាធារណៈ សំណង់គ្រឹះស្ថាន អគារនានា ក្នុងរាជធានីភ្នំពេញបានចាប់ផ្តើមមានការអភិវឌ្ឍឆ្លើយតបនឹងកំណើនប្រជាជនទីក្រុងដែលបានកើនឡើងយ៉ាងឆាប់រហ័ស។
គម្រោងអភិវឌ្ឍន៍ថ្មីនេះធ្វើឡើងក្រោមកិច្ចសហប្រតិបត្តិការរវាងរដ្ឋបាលរាជធានីភ្នំពេញជាមួយ និងសាលាក្រុងប៉ារីសលើវិស័យនគរូបនីយកម្មក្នុងរាជធានីភ្នំពេញ ដោយតំបន់ភាគខាងត្បូងជាទីតាំងដែលមានទំហំធំទូលាយមួយក្នុងភូមិសាស្ត្ររាជធានីភ្នំពេញដែលមានសក្តានុពលក្នុងការអភិវឌ្ឍលើវិស័យផ្សេងៗ ពិសេសសំណង់ពាណិជ្ជកម្មដែលជាមូលហេតុនាំឱ្យសាលាក្រុងប៉ារីសដែលជាទីក្រុងដ៏ធំ ទំនើប និងមានបទពិសោធក្នុងការរៀបចំទីក្រុងឱ្យមានភាពស្រស់បំព្រង និងចង់ឱ្យតំបន់នោះក្លាយជាតំបន់បៃតងដែលមានបរិស្ថានល្អ ពិសេសចៀសផុតពីគ្រោះទឹកជំនន់។
លោកស្រី អេឡូឌី គុយអង់កា តំណាងសាលាក្រុងប៉ារីសនៃសាធារណរដ្ឋបារាំងបានថ្លែងថា ដើម្បីឆ្លើយតបនឹងស្ថានភាពនៃការអភិវឌ្ឍទីក្រុងដែលទីក្រុងភ្នំពេញបាននិងកំពុងជួបប្រទះនោះគឺមានការងារអាទិភាពចំនួន2 ត្រូវបានដាក់ឱ្យសិក្សាមាន៖ 1-ការរៀបចំផែនការអភិវឌ្ឍន៍តំបន់ភាគខាងត្បូងក្រុងភ្នំពេញដែលសព្វថ្ងៃកំពុងមានការអភិវឌ្ឍយ៉ាងខ្លាំង និង2-គឺការពង្រឹងការរំដោះ និងការគ្រប់គ្រងច្រាំងមាត់ទន្លេសាប ព្រមជាមួយនឹងការពង្រីកទៅភាគខាងជើងនៃតីរវិថីព្រះស៊ីសុវត្ថិ។
ភាគីបារាំងតែងតែជួយគាំទ្រកិច្ចសហប្រតិបត្តិការចំពោះសាលារាជធានីភ្នំពេញ និងបានបញ្ជូនអ្នកជំនាញមកសិក្សាពីការអភិវឌ្ឍរបស់រាជធានីភ្នំពេញ ដើម្បីបង្កើនប្រសិទ្ធភាពថែមទៀតក្នុងកិច្ចប្រតិបត្តិការលើការរៀបចំអភិវឌ្ឍ ជាពិសេសតំបន់ភាគខាងត្បូងរាជធានីភ្នំពេញ ដូចជាការអភិវឌ្ឍបណ្តាញធារាសាស្ត្រ សំណង់ធំតូច លំហូរចរាចរណ៍ រៀបចំបណ្តាញផ្លូវឱ្យកាន់តែទទួលបានលទ្ធផលល្អប្រសើរ ព្រមទាំងបន្តចូលរួមអនុវត្តលើការអភិវឌ្ឍនគរូបនីយកម្ម និងសំណង់ក្នុងរាជធានីភ្នំពេញកាន់តែស៊ីជម្រៅក្នុងការកសាងហេដ្ឋារចនាសម្ព័ន្ធរូបវន្តឱ្យស្រស់បំព្រងឆ្លើយតបទៅនឹងបរិការណ៍ថ្មីនៃសង្គមសេដ្ឋកិច្ចកម្ពុជា។
គួរបញ្ជាក់ថា ដោយសារទីតាំងបឹងជើងឯកនៅជាប់ផ្លូវលេខ 60កំពុងមានសក្តានុពល បច្ចុប្បន្នគេសង្កេតឃើញវត្តមានសំណង់លំនៅឋាននៃក្រុមហ៊ុនសាងសង់មួយចំនួនបាននិងកំពុងងាកឆ្ពោះទៅទីនោះជាបណ្តើរៗហើយ ដូចជាសំណង់លំនៅឋាន និងផ្សារទំនើប ប៉េងហួត ផ្សារទំនើបអុីអន(AEON)ទី3 និងផ្សារ Makroទី2 ក៏កំពុងត្រៀមខ្លួនសាងសង់នៅភាគខាងត្បូងរាជធានីភ្នំពេញក្នុងពេលឆាប់ៗនេះដែរ។
យោងតាមទិន្នន័យស្ថិតិរបស់សាលារាជធានីភ្នំពេញឱ្យដឹងថា បច្ចុប្បន្នចំនួនប្រជាពលរដ្ឋរស់នៅទីក្រុងភ្នំពេញបានកើនឡើងរហូតដល់ 1.7លាននាក់ គឺប្រមាណជា 56ភាគរយ ដែលភាគច្រើនជាអ្នកចំណាកស្រុកមកពីបណ្តាខេត្តផ្សេងៗទូទាំងព្រះរាជាណាចក្រកម្ពុជាដែលចូលមកបន្តការសិក្សា និងបំពេញការងារផ្សេងៗ ដែលធ្វើទីក្រុងកាន់តែមានភាពចង្អៀតឡើង៕
អ្នកអប់រំនៅ Harvard បង្ហាញជំនាញ 7យ៉ាងដែលមនុស្សត្រូវការដើម្បីអភិវឌ្ឍខ្លួនក្នុងពិភពការងារ
អ្នកជំនាញបានមើលឃើញថា វិស័យអប់រំប្រៀបដូចជារោងចក្រផលិតធនធានមនុស្សប្រកបដោយគុណភាពសម្រាប់ឆក់ឱកាសក្នុងការទាញយកនូវផលប្រយោជន៍សំខាន់ៗពីពិភពលោក និងឱកាសការងារជាច្រើននៅគ្រប់ទីកន្លែង។ តែទោះជាយ៉ាងនេះក្តី ប្រព័ន្ធអប់រំបច្ចុប្បន្នត្រូវបានគេមើលឃើញថា បានផលិតមនុស្សភាគច្រើនតែលើជំនាញសម្រាប់តែធ្វើការងារដដែលៗ តែមិនបានបង្រៀនមនុស្សឱ្យបានច្រើនពីវិធីសាស្ត្រឆ្លាតវៃក្នុងការអភិវឌ្ឍការងារនោះ ដើម្បីចេញឱ្យផុតពីពិភពការងារដែលមានដែនកំណត់ និងគួរឱ្យធុញទ្រាន់នោះទេ។ អ្នកដែលអាចមានសមត្ថភាពចេញផុតពីកន្លែងទាំងអស់នេះ ភាគច្រើនជាមនុស្សដែលស្វះស្វែងអភិវឌ្ឍផ្នែកគំនិតដោយខ្លួនឯង និងជាអ្នកដែលព្យាយាមស្វែងយល់ពីខ្លួនឯងដោយលំបាក ដើម្បីបំបែកវិធីសាស្ត្រដដែលៗឱ្យទៅជាវិធីសាស្ត្រឆ្លាតវៃ និងមានប្រសិទ្ធភាពខ្ពស់សម្រាប់វិស័យការងារ។
បណ្ឌិត Tony Wagner ដែលជាសហនាយកនៃក្រុមផ្លាស់ប្តូរភាពជាអ្នកដឹកនាំរបស់សាកលវិទ្យាល័យ Harvard បានបង្ហាញថា សព្វថ្ងៃនេះសាលាដែលបណ្តុះបណ្តាលកុមារគឺមានបញ្ហាប្រឈមមួយសំខាន់គឺ កម្មវិធីសិក្សាមិនទាន់ឆ្លើយតបនឹងអ្វីដែលក្មេងក្នុងសម័យថ្មីត្រូវទទួលបានពិតប្រាកដ។ ពិភពលោកបានប្រែប្រួលយ៉ាងឆាប់រហ័ស តែប្រព័ន្ធអប់រំនៅលើពិភពលោកដើរមិនទាន់នៃការប្រែប្រួលនោះឡើយ។ ជាឧទាហរណ៍ ពិភពលោកកំពុងបង្រៀនពីសេដ្ឋកិច្ចឧស្សាហកម្ម តែស្ថានភាពពិតប្រាកដមនុស្សកំពុងតែដើរដល់សម័យបច្ចេកវិទ្យារួចបាត់ទៅហើយ ដែលទាមទារឱ្យសិស្សត្រូវតែរត់តាមស្ថានភាពជាក់ស្តែងនៃការរស់នៅ។
ដើម្បីជាការចូលរួមចំណែកដោះស្រាយបញ្ហានៃការអប់រំ បណ្ឌិត Tony Wagner បានសរសេរសៀវភៅមួយក្បាលដែលមានចំណងជើងថា The Global Achievement Gap ដើម្បីបង្ហាញពីជំនាញ 7យ៉ាងដែលកុមារត្រូវការដើម្បីរុញច្រានឱ្យពិភពនៃការធ្វើការលើពិភពលោកកាន់តែមានលក្ខណៈប្រសើរឡើង។ ជំនាញទាំងអស់នេះ នឹងនៅតែអាចរុញច្រានឱ្យមនុស្សអាចរក្សាលំនឹងរបស់ខ្លួនលើទីផ្សារការងារ បើទោះបីជាពិភពលោកបានវិវឌ្ឍដល់ណាក៏ដោយ។
- ជំនាញក្នុងការត្រិះរិះពិចារណា និងដោះស្រាយបញ្ហា
នាពេលបច្ចុប្បន្ននេះ ក្រុមហ៊ុនឯកជនទាំងអស់លើពិភពលោកចាំបាច់ត្រូវតែបន្តការអភិវឌ្ឍលើផលិតផល ដំណើរការងារ និងសេវាកម្មរបស់ខ្លួន ដើម្បីធ្វើការប្រកួតប្រជែង។ ហេតុនេះពួកគេត្រូវការជាចាំបាច់នូវមនុស្សដែលមានជំនាញក្នុងការគិតពិចារណាខ្ពស់ ដើម្បីស្វែងរកចំណុចចន្លោះប្រហោងដែលគ្រោះថ្នាក់សម្រាប់អាជីវកម្មនោះ ហើយរៀបចំជាគម្រោងល្អៗសម្រាប់ជាដំណោះស្រាយ ដើម្បីជំរុញការអភិវឌ្ឍឱ្យបានលឿនជាងគេនៅក្នុងទីផ្សារ។
- ជំនាញគ្រប់គ្រងការទំនាក់ទំនង និងការដឹកនាំប្រកបដោយប្រសិទ្ធភាព
នៅក្នុងពិភពនៃការរស់នៅ និងអាជីវកម្មក្នុងសម័យថ្មីនេះ ត្រូវបានគេរកឃើញថា ពាណិជ្ជកម្មទាំងអស់មានការកើនឡើងយ៉ាងរហ័ស ហើយច្រើនប្រភេទស្ទើរតែរាប់មិនអស់ ហេតុនេះបើចង់ឱ្យអាជីវកម្ម ឬក្រុមហ៊ុនខ្លាំង ម្ចាស់ក្រុមហ៊ុនចាំបាច់ត្រូវការនូវមនុស្សដែលយល់ដឹងពីទំនាក់ទំនងល្អរវាងក្រុមហ៊ុនដែលមានចរិតលក្ខណៈខុសគ្នាដើម្បីជួយគ្នាឱ្យកាន់តែរីកចម្រើនទាំងអស់គ្នា។ ជំនាញទាំងអស់នេះក៏ត្រូវការផងដែរនូវជំនាញភាពជាអ្នកដឹកនាំ និងសមត្ថភាពក្នុងការធ្វើការងារជាក្រុមដើម្បីដឹកនាំក្រុមការងារផ្ទៃក្នុងឱ្យមានការរីកចម្រើន។
ដើម្បីសម្រេចបាននូវផលប្រយោជន៍ដែលកើតចេញពីលក្ខខណ្ឌល្អប្រសើរខាងលើ លោកបណ្ឌិត Wagner បានផ្តល់យោបល់ថា អ្នកធ្វើការងារចាំបាច់ហ្វឹកហាត់ឱ្យមានភាពច្នៃប្រឌិតខ្ពស់ក្នុងការដោះស្រាយបញ្ហា និងចេះរៀបចំគម្រោងការនានាប្រកបដោយក្រុមសីលធម៌។
- ភាពរហ័សរហួន និងការសម្របខ្លួន
សមត្ថភាពក្នុងការសម្របខ្លួន និងចេះចាប់យកជំនាញថ្មីបានលឿន គឺជាគុណសម្បត្តិយ៉ាងសំខាន់សម្រាប់មនុស្សដែលជោគជ័យ ហេតុនេះអ្នកធ្វើការងារចាំបាច់ត្រូវព្យាយាមកែច្នៃខ្លួនឯងពីបុគ្គលធម្មតាដែលធ្វើការងារដដែលៗ តាមរយៈការបន្សាំខ្លួនជាមួយនឹងអ្នកជំនាញដទៃទៀត ហើយកែច្នៃនូវគុណសម្បត្តិដែលគេមានមកធ្វើជាបទពិសោធ និងគំនិតសម្រាប់អភិវឌ្ឍការងាររបស់ខ្លួនឱ្យកាន់តែខ្លាំងក្លាឡើង។
- គំនិតផ្តួចផ្តើម និងភាពជាសហគ្រិន
ការផ្តួចផ្តើមគំនិតថ្មីៗ ឬសាកល្បងជំរុញវាឱ្យទៅជាអាជីវកម្ម បើទោះបីជាយើងមានការប្រុង-ប្រយ័ត្នយ៉ាងណាក៏ដោយ ក៏វាអាចនៅតែមានចន្លោះប្រហោង ឬបរាជ័យដែរ តែទោះជាយ៉ាងនេះក្តីអ្នកជំនាញបានណែនាំថា ការបានសាកល្បងនូវគំនិតបង្កើតថ្មីរបស់យើងហើយបរាជ័យខ្លះ មុននឹងវាទទួលបានជោគជ័យប្រសើរជាងយើងមិនបានធ្វើអ្វីសោះ។ តាមពិតទៅ អ្នកធ្វើការងារឱ្យគេក៏អាចក្លាយជាអ្នកផ្តួចផ្តើមគំនិត និងអនុវត្តនូវផ្នត់គំនិតសហគ្រិនរបស់ខ្លួនបានដែរ ព្រោះគេអាចបង្កើតគម្រោងថ្មីៗដើម្បីអភិវឌ្ឍអាជីវកម្មឱ្យកាន់តែប្រសើរដោយមិនបាច់ចំណាយដើមទុន និងរៀនពីវាដោយមិនបារម្ភខ្ពស់ពីហានិភ័យទៀតផង។
- ការទំនាក់ទំនងដោយផ្ទាល់មាត់ និងការសរសេរប្រកបដោយប្រសិទ្ធភាព
បណ្ឌិត Wagner បាននិយាយថា មនុស្សខ្លះមានគំនិតផ្តួចផ្តើមល្អ ហើយថែមទាំងមានភាពច្នៃប្រឌិតល្អបំផុត តែស្នាដៃរបស់គេមិនត្រូវបានគេយកមកប្រើប្រាស់នោះទេ ហើយទីបំផុតគាត់នៅតែបរាជ័យ។ ហេតុនេះសមត្ថភាពក្នុងការធ្វើបទបង្ហាញ និងការសរសេរលម្អិតពីអ្វីដែលខ្លួនមានទៅកាន់ម្ចាស់ទុន អ្នករួមការងារ រួមទាំងអតិថិជនគឺជារឿងចាំបាច់មួយសម្រាប់មនុស្សគ្រប់សម័យកាល មិនថាស្ថិតក្នុងយុគសម័យឧស្សាហកម្ម យុគសម័យបច្ចេកវិទ្យា ឬក្នុងដំណាក់កាលវិវឌ្ឍន៍ណាផ្សេងទៀតនោះថ្ងៃអនាគតនោះទេ។
- ការទទួលយក និងវិភាគព័ត៌មាន
អ្នកធ្វើការងារជាច្រើននាពេលបច្ចុប្បន្ននេះលែងលំបាកជាមួយនឹងការស្វែងរកព័ត៌មានទៀតហើយ តែអ្វីដែលជាកត្តាប្រឈមគឺប្រភពព័ត៌មានច្រើនខ្លាំងពេកដែលចូលមកក្នុងជីវិតរបស់ពួកគេជារៀងរាល់ថ្ងៃ។ សមត្ថភាពក្នុងការវិភាគ ទាញប្រយោជន៍ និងចែករំលែកព័ត៌មានដើម្បីបង្កើនភាពរីកចម្រើនសម្រាប់ក្រុមការងាររបស់ខ្លួន ស្ថាប័ន និងសង្គមទាំងមូលជាអ្វីដែលមនុស្សសម័យថ្មីត្រូវមាន ដើម្បីក្លាយជាមនុស្សដែលគេត្រូវការបំផុត។
- ជីកឫសជីកគល់ និងមានភាពស្រមើស្រមៃខ្ពស់
ភាពចង់ជជីកឱ្យដល់ឫសគល់ និងភាពស្រមើស្រមៃខ្ពស់ គឺជាសមត្ថភាពដែលជំរុញឱ្យមាននវានុវត្តន៍ និងជាគន្លឹះយ៉ាងសំខាន់ក្នុងការដោះស្រាយបញ្ហា។ បណ្ឌិត Wagner បាននិយាយថា៖ “យើង ទាំងអស់គ្នាកើតឡើងក្នុងភាពងឿងឆ្ងល់ ច្នៃប្រឌិតនិងស្រមើស្រមៃ។ ជាក់ស្តែងយើងអាចមើលឃើញបានថា កូនក្មេងដែលមានអាយុប្រហែលជា 4ឆ្នាំតែងតែសួរសំណួររាប់រយសំណួរក្នុងមួយថ្ងៃៗ ហើយក្មេងកាន់តែធំទៅ កាន់តែត្រូវការចម្លើយជាច្រើនសម្រាប់ការងារសាលាផង និងសម្រាប់ជីវិតជាក់ស្តែងដែលគេឃើញផង។ ចម្លើយនៃចម្ងល់ទាំងអស់នោះ បានបង្កើតជាគំនិត ការយល់ដឹង និងភាពច្នៃប្រឌិត”៕
រថយន្ត Land Cruiser GX.R ឆ្នាំ2013 លក់ក្នុងតម្លៃពិសេស
• Model: Land Cruiser GX.R, Year: 2013
• Price: $87,000
• Color: White
• Engine: V6, Fuel: Gasoline
• Tel: 069 327 305
• Code: AED129-07
Yahoo Messenger នឹងត្រូវបញ្ចប់ជីវិតនៅពាក់កណ្ដាលខែក្រោយ
បើយើងងាកត្រឡប់ទៅមើលកាលពីអំឡុងឆ្នាំ2000 – 2006 វិញ កម្មវិធីផ្ញើសារជជែកកម្សាន្តដ៏ល្បី និងមានប្រជាប្រិយភាពជាងគេគឺ Yahoo Messenger ប៉ុន្តែបច្ចុប្បន្ន វានឹងត្រូវបាត់ខ្លួនទៅវិញនៅពាក់កណ្ដាលខែក្រោយនេះហើយ។
យោងតាមការចេញផ្សាយរបស់សារព័ត៌មាន GSM Arena បានឱ្យដឹងថា Yahoo Messenger នឹងត្រូវបញ្ចប់ជីវិតនៅថ្ងៃទី17 ខែកក្កដា ឆ្នាំ2018 ប៉ុន្តែមូលហេតុដែលបណ្ដាលឱ្យត្រូវបិទកម្មវិធីនេះចោលទៅវិញ មិនត្រូវបានខាងក្រុមហ៊ុន Yahoo និង Verizon លាតត្រដាងបញ្ជាក់ប្រាប់ឡើយ តែក្រុមអ្នកឃ្លាំមើលបានយល់ឃើញថា អាចបណ្ដាលមកពីលែងមានអ្នកប្រើប្រាស់ Yahoo Messenger ខណៈដែលបច្ចុប្បន្នកម្មវិធីផ្ញើសារជជែកកម្សាន្ត WhatsApp និង Facebook Messenger កំពុងតែមានប្រជាប្រិយភាពខ្លាំង។
គួរបញ្ជាក់ផងដែរថា កម្មវិធី Yahoo Messenger ត្រូវបានបង្កើតឡើងនៅថ្ងៃទី9 ខែមីនា ឆ្នាំ1998 ហើយបើគិតមកដល់ពេលនេះគឺមានអាយុកាលជាង 20ឆ្នាំហើយ៕
រថយន្ត Lexus GX470 ឆ្នាំ2003 លក់ក្នុងតម្លៃសមរម្យ
• Model: Lexus GX470, Year: 2003
• Price: $36,500 (Installment)
• Color: White
• Engine: V8 4.7L, Fuel: Gasoline
• Tel: 069 327 305
• Code: AED129-02
រថយន្ត Lexus LX400h ឆ្នាំ2006 លក់ក្នុងតម្លៃសមរម្យ
• Model: Lexus LX400h, Year: 2006
• Price: $36,000 (Installment)
• Color: Gold
• Engine: V6 3.0L, Fuel: Gasoline
• Tel: 069 327 305
• Code: AED129-06
គ្រឹះស្ថានមីក្រូហិរញ្ញវត្ថុមានតួនាទីអ្វីខ្លះនៅក្នុងសេដ្ឋកិច្ចសង្គម និងការរស់នៅរបស់ពលរដ្ឋ?
គ្រឹះស្ថានមីក្រូហិរញ្ញវត្ថុ(MFIs) គឺជាអ្នកផ្តល់សេវាហិរញ្ញវត្ថុចម្បងសម្រាប់សេដ្ឋកិច្ចជនបទ ជាពិសេសគ្រឹះស្ថានមីក្រូហិរញ្ញវត្ថុជាច្រើនអាចជួយដល់អ្នកជនបទក្រីក្រក្នុងការបង្កើនប្រាក់ចំណូល ជួយដល់ប្រជាពលរដ្ឋក្នុងការផ្តល់ទុនពង្រីកមុខរបរ និងកាត់បន្ថយភាពងាយរងគ្រោះពីស្ថានការណ៍ខាងក្រៅ ដូចជាជំងឺ គ្រោះមហន្តរាយផ្សេងៗ និងគ្រោះធម្មជាតិនានា ហើយក៏មានតួនាទីសំខាន់ក្នុងការជួយអភិវឌ្ឍប្រទេសកម្ពុជា និងកាត់បន្ថយភាពក្រីក្រដែរ។
ម្យ៉ាងទៀតនោះ គ្រឹះស្ថានមីក្រូហិរញ្ញវត្ថុ គឺជាគ្រឹះស្ថានហិរញ្ញវត្ថុខ្នាតតូច និងមធ្យមដែលផ្តល់សេវាកម្មប្រាក់សន្សំ ប្រាក់បញ្ញើ និងផ្តល់សេវាប្រាក់កម្ចីខ្នាតតូច និងខ្នាតមធ្យមទៅឱ្យប្រជាជនក្រីក្រ និងអ្នកដែលខ្វះដើមទុន ឬអ្នកបង្កើតមុខរបរថ្មី ដើម្បីឱ្យពួកគាត់មានជីវភាពល្អប្រសើរឡើង និងធ្វើឱ្យខ្លួនឯងមាននិរន្តរភាពផងដែរ។
ដូច្នេះបើយើងមានចម្ងល់ទៅលើគ្រឹះស្ថានមីក្រូហិរញ្ញវត្ថុថា តើមានតួនាទីអ្វីខ្លះនៅក្នុងសេដ្ឋកិច្ចប្រទេសកម្ពុជា និងការរស់នៅរបស់ប្រជាពលរដ្ឋនោះ? ចម្លើយក៏គឺ គ្រឹះស្ថានមីក្រូហិរញ្ញវត្ថុបានផ្តល់អត្ថប្រយោជន៍ជាច្រើន ដូចជាធ្វើឱ្យប្រជាពលរដ្ឋមានដើមទុន(ទទួលបានប្រាក់កម្ចី)ក្នុងការប្រកបរបរចិញ្ចឹមជីវិត ក្នុងនោះពួកគាត់ទទួលបាននូវលទ្ធភាពក្នុងការពង្រីកអាជីវកម្ម ហើយក៏អាចជំរុញការបង្កើនប្រាក់ចំណូលក្នុងគ្រួសារឱ្យបានច្រើនជាងមុន ជួយឱ្យគាត់មានជីវភាពធូរធាររួចចាកផុតពីភាពក្រីក្រ និងធ្វើឱ្យគាត់មានលទ្ធភាពបញ្ជូនកូនទៅរៀនបានទៀតផង។
បច្ចុប្បន្នវិស័យមីក្រូហិរញ្ញវត្ថុនេះហាក់មានការប្រកួតប្រជែងកាន់តែខ្លាំងឡើង ព្រោះចំនួនគ្រឹះស្ថានមីក្រូហិរញ្ញវត្ថុកាន់តែកើនឡើងជាបន្តបន្ទាប់ ខណៈចំនួនប្រជាជនសរុបរបស់ប្រទេសកម្ពុជាមានប្រមាណជា 16លាននាក់ប៉ុណ្ណោះ។ រហូតមកទល់ពេលបច្ចុប្បន្ននេះ គ្រឹះស្ថានមីក្រូហិរញ្ញវត្ថុដែលទទួលបានអាជ្ញាប័ណ្ណពីធនាគារជាតិនៃកម្ពុជាមានប្រមាណជាជាង 70គ្រឹះស្ថាន ចំណែកប្រតិបត្តិករឥណទានវិញមានប្រមាណជាជាង 200ផងដែរ តែជាការកត់សម្គាល់ចំពោះវិស័យមីក្រូហិរញ្ញវត្ថុនៅកម្ពុជាត្រូវបានគេមើលឃើញថា មានការរីកចម្រើនគួរឱ្យចាប់អារម្មណ៍ បើប្រៀបធៀបទៅនឹងប្រទេសក្នុងតំបន់អាស៊ានដូចគ្នា។
លោក យក់ ចំរើនឬទ្ធិ អគ្គនាយកក្រុមហ៊ុនហ្វ័រតេបានផ្តល់ការពន្យល់ដូច្នេះថា គោលការណ៍ទី1របស់គ្រឹះស្ថានមីក្រូហិរញ្ញវត្ថុគឺការផ្តល់ទុន (ប្រាក់កម្ចី)ទៅឱ្យអ្នកដែលមានចំណូលទាបខ្ចីយកទៅធ្វើការរកស៊ី ប៉ុន្តែមុននឹងផ្តល់ឱ្យប្រជាពលរដ្ឋ គ្រឹះស្ថានមីក្រូហិរញ្ញវត្ថុបានធ្វើការសិក្សាច្បាស់លាស់ពីតម្រូវការខ្ចីប្រាក់របស់អតិថិជន ដើម្បីឱ្យដឹងថា តើប្រាក់នោះគាត់យកទៅធ្វើអ្វី?។ បើសិនជាអ្នកខ្ចីប្រាក់គាត់មានគោលការណ៍ច្បាស់លាស់ គ្រឹះស្ថាននឹងឱ្យខ្ចី ព្រោះនៅពេលដែលគាត់រកស៊ីបាន គាត់នឹងមានប្រាក់បង្វិលមកឱ្យគ្រឹះស្ថានមីក្រូហិរញ្ញវត្ថុវិញ។ ទី2 គឺពេលផ្តល់កម្ចីទៅឱ្យក្រុមហ៊ុនក្នុងសហគ្រាសធុនតូច និងមធ្យមណាមួយ គ្រឹះស្ថានមីក្រូហិរញ្ញវត្ថុក៏បានផ្តល់ការប្រឹក្សាយោបល់ដែរព្រោះគ្រឹះស្ថានគាត់មានក្រុមជំនាញដែលសិក្សាពីមុខរបររបស់សហគ្រាសធុនតូច និងមធ្យមឱ្យយល់ដឹងពីគោលការណ៍ច្បាប់ទម្លាប់នៃការប្រើប្រាស់ទុនឱ្យសមស្រប និងត្រូវនឹងតម្រូវការ។
លោកបានបញ្ជាក់ថា៖ “នេះជាតួនាទីចម្បងរបស់គ្រឹះស្ថានមីក្រូហិរញ្ញវត្ថុនៅក្នុងសេដ្ឋកិច្ចសង្គមជាតិ និងការរស់នៅរបស់ប្រជាពលរដ្ឋ ពីព្រោះការធ្វើឱ្យជីវភាពប្រជាជននៅជនបទមានភាពល្អប្រសើរឡើង គឺជាការរួមចំណែកដល់ការអភិវឌ្ឍសេដ្ឋកិច្ចប្រកបដោយនិរន្តរភាពតាមរយៈការដើរ-តួជាគ្រឹះស្ថានមីក្រូហិរញ្ញវត្ថុមួយដែលមាននិរន្តរភាពរឹងមាំ ជាបេសកកម្មដ៏ពិសេសក្នុងការផ្តល់សេវាកម្មហិរញ្ញវត្ថុដល់សហគមន៍ និងសហគ្រាសខ្នាតតូចនៅជនបទប្រកបដោយក្ដីជឿជាក់ និងមាននិរន្តរភាពហិរញ្ញវត្ថុ។
លោកឧកញ៉ាបណ្ឌិត ប៊ុន មុនី ប្រធានក្រុមប្រឹក្សាភិបាលគ្រឹះស្ថានមីក្រូហិរញ្ញវត្ថុ វិថីម៉ាយក្រូហ្វាយណាន់បានឱ្យដឹងថា ធនាគារភាគច្រើនមានការិយាល័យនៅទីក្រុង និងទីប្រជុំជនធំៗ ឯគ្រឹះស្ថានមីក្រូហិរញ្ញវត្ថុច្រើនធ្វើអាជីវកម្មនៅតាមទីជនបទ ហើយគ្រឹះស្ថានមីក្រូហិរញ្ញវត្ថុមានទិសដៅជួយដល់ប្រជាពលរដ្ឋនៅជនបទ និងបានរួមចំណែកជាមួយប្រជាពលរដ្ឋក្នុងការអភិវឌ្ឍលើកស្ទួយជីវភាពរស់នៅរបស់ពួកគាត់ឱ្យបានល្អប្រសើរឡើង និងបានឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋយើង ហើយយើងក៏មានជំនឿថា មីក្រូហិរញ្ញវត្ថុនឹងជួយរកនិរន្តរភាពលើវិស័យនេះដោយខ្លួនឯងបានទៅថ្ងៃអនាគតដែរ។
លោកឧកញ៉ាបណ្ឌិត ប៊ុន មុនី ប្រធានក្រុមប្រឹក្សាភិបាលគ្រឹះស្ថានមីក្រូហិរញ្ញវត្ថុ វិថីម៉ាយក្រូហ្វាយណាន់ លោកឧកញ៉ាបណ្ឌិតក៏បានបញ្ជាក់ដែរថា៖ “ប្រយោជន៍របស់មីក្រូហិរញ្ញវត្ថុនៅក្នុងវិស័យសេដ្ឋកិច្ច និងសម្រាប់ប្រទេសកម្ពុជាយើងបានទទួលស្គាល់ដោយអន្តរជាតិ គឺការគ្រប់គ្រងឥណទាន និងការបញ្ចេញឥណទានទៅដល់ដៃប្រជាពលរដ្ឋពិតប្រាកដ។ ដូច្នេះមីក្រូហិរញ្ញវត្ថុមានប្រយោជន៍សំខាន់បំផុតសម្រាប់ស្ថានភាពនៅកម្ពុជាយើង ហើយខ្ញុំតែងគាំទ្រដល់វិស័យនេះ ព្រោះគេបានចូលខ្លួនមកបម្រើសេចក្តីត្រូវការរបស់ពលរដ្ឋខ្មែរយ៉ាងសមស្របទៅតាមស្ថានភាពវប្បធម៌ និងការរស់នៅរបស់ពលរដ្ឋយើង។ ហិរញ្ញវត្ថុនៅក្នុងវិស័យសេដ្ឋកិច្ច គឺប្រៀបដូចជាសរសៃឈាមនៅក្នុងខ្លួនមនុស្សបើសិនអវយវៈណាមួយឈាមរត់ទៅមិនដល់ អវយវៈនោះនឹងស្លាប់ហើយ ដូចគ្នានេះដែរ សេដ្ឋកិច្ចបើគ្មានហិរញ្ញវត្ថុទេ វានឹងគ្មានការរីកចម្រើនឡើយ។ ដូច្នេះមីក្រូហិរញ្ញវត្ថុដែលបានធ្វើអាជីវកម្មទៅដល់ទីជនបទ នឹងធ្វើឱ្យទីជនបទមានការផ្លាស់ប្តូរ។
យោងតាមរបាយការណ៍ដដែលបានឱ្យដឹងទៀតថា ក្នុងត្រីមាសទី1 ដើមឆ្នាំនេះការផ្តល់ឥណទានមានទឹកប្រាក់ប្រមាណជា 4.6ប៊ីលានដុល្លារ ពោលគឺកើនឡើងប្រមាណ 7.6% និងអតិថិជនដាក់ប្រាក់បញ្ញើនៅតាមគ្រឹះស្ថានមានប្រមាណ 2.12ប៊ីលានដុល្លារកើនឡើង 6.3% បើធៀបនឹងត្រីមាសទី4 ឆ្នាំ2017៕
