វល័ក្ខ - La Reine Media

ពិតជាមានមោទនភាពខ្លាំងណាស់ដែលខ្មែរមានសមត្ថភាពក្នុងការផលិតនូវផលិតផលមានគុណភាពខ្ពស់ជាងផលិតផលនាំចូលពីប្រទេសមួយចំនួន

ភ្នំពេញ៖ ក្រុមហ៊ុន KHH គឺជាក្រុមហ៊ុនផលិតក្នុងស្រុកមួយនាំមុខគេនៅក្នុងប្រទេសកម្ពុជា ដែលថ្មីៗនេះក្រុមហ៊ុន បានទទួលនូវវិញ្ញាបនបត្រ ISO 9001: 2015 សម្រាប់គ្រប់ផលិតផលរបស់ខ្លួនដែលបានផលិត និងកំពុងដំណើរការនៅលើទីផ្សារសព្វថ្ងៃ ដូចជាផលិតផលប្រើប្រាស់ផ្ទាល់ខ្លួន និងផលិតផលប្រើប្រាស់នៅក្នុងផ្ទះ ផលិតផលទាំងនោះមានដូចជា សាប៊ូកក់សក់ម៉ាកក្លិន សាប៊ូលាងខ្លួនម៉ាកក្លិន សាប៊ូលាងដៃម៉ាកក្លិន សាប៊ូលាងចានម៉ាកស្អាត និងសាប៊ូលាងចានម៉ាកល្អ ព្រមទាំងផលិតផលលាងសម្អាតទូទៅ ដូចជា សាប៊ូសម្អាតការ៉ូ សាប៊ូបោកសម្លៀកបំពាក់ ទឹកក្រអូប និងសាប៊ូសម្អាតទូទៅសម្រាប់ប្រើក្នុងសណ្ឋាគារ ភោជ្ជនីដ្ឋាន ហាងកាហ្វេ និងកន្លែងផ្សេងៗផងដែរ ដែលបានទទួលស្គាល់គុណភាពស្ដង់ដារអន្តរជាតិ។

គ្រប់ផលិតផលរបស់ក្រុមហ៊ុន KHH ទាំងអស់បានផលិតដោយប្រើរូបមន្ត និង បច្ចេកវិទ្យាមកពីប្រទេសកូរ៉េ ជាមួយនឹងក្រុមអ្នកជំនាញក្នុងឧស្សាហកម្មនេះ គឺលោក Lee Sukho និងលោក Lee Hoon ដែលពួកគាត់មានបទពិសោធន៍នៅប្រទេសកូរ៉េ អស់រយៈពេលជាង 30 ឆ្នាំមកហើយ ។

ក្រុមហ៊ុន KHH មានអាជ្ញាប័ណ្ណត្រឹមត្រូវ និងបាននាំចូលវត្ថុធាតុដើមពីប្រទេសកូរ៉េ ដែលមានលិខិតបញ្ជាក់ និងបានធ្វើការសាកល្បងយ៉ាងម៉ត់ចត់ពីក្រសួងឧស្សាហកម្ម និងសិប្បកម្ម ដើម្បីឱ្យប្រាកដថា អតិថិជននឹងទទួលបាននូវភាពរីករាយជាមួយបទពិសោធន៍ល្អឥតខ្ចោះ នៅពេលបានប្រើប្រាស់ផលិតផលរបស់ខ្លួន។ក្រុមហ៊ុនបានប្រតិបត្តិការយ៉ាងតឹងរឹងអនុវត្តតាមស្ដង់ដារអន្ដរជាតិដើម្បីបង្កើតផលិតផលដែលមានគុណភាពគួរជាទីទុកចិត្តជូនដល់ប្រជាពលរដ្ឋខ្មែរគ្រប់រូប។

ថ្ងៃទី 15 ខែសីហា ឆ្នាំ 2018 ក្រុមហ៊ុន KHH បានផ្តល់ឱកាសដល់សិស្សនិស្សិតចំនួន 90នាក់ដែលមកពីសាកលវិទ្យាល័យជាតិគ្រប់គ្រង ដើម្បីចុះទស្សនកិច្ចសិក្សាក្នុងគោលបំណងបំផុសគំនិតដល់សិស្សនិស្សិតជំនាន់ក្រោយឱ្យពួកគាត់មានទំនុកចិត្ត និង ភាពជឿជាក់លើសមត្ថភាពខ្លួនឯងក្នុងការបង្កើតផលិតផលថ្មី ដែលជារបស់ខ្លួននាពេលអនាគត ក្នុងការប្រកួតប្រជែង ជាមួយផលិតផលនាំចូលពីបរទេស និស្សិតនឹងទទួលបានបទពិសោធន៍នៃភាពជាសហគ្រិន ទស្សនាខ្សែចង្វាក់ផលិតកម្ម របៀបក្នុងការរៀបចំអាជីវកម្ម និង ក្រុមហ៊ុនយើងមានផ្តល់ឱកាសការងារដល់និស្សិតដែលមានទេពកោសល្យផងដែរ។

គួរបញ្ជាក់ផងដែរថា នាពេលខាងមុខនេះ ក្រុមហ៊ុនក៏មានគំរោងចែកចាយទៅតាមបណ្តាប្រទេសនៅតំបន់អាស៊ី និងអឺរ៉ុប ផងដែរបន្ទាប់ពីទទួលបាននូវការគាំទ្រពីសំណាក់ប្រជាពលរដ្ឋខ្មែរយើងទាំងក្នុងនិងក្រៅប្រទេសអស់រយៈពេលជាង៣ឆ្នាំមកនេះ។

សម្រាប់សាលាដែលមានបំណងនាំសិស្សនិស្សិតចុះទស្សនកិច្ចសិក្សា សូមទំនាក់ទំនង៖
ក្រុមហ៊ុន ខ្មែរ ហៅហូល & ហ៊ែលឃែរ
ផ្ទះលេខ ៦១៦ ផ្លូវពេទ្យសត្វ ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ, ព្រះរាជាណាចក្រកម្ពុជាទូរស័ព្ទ: +៨៥៥ (០)២៣ ៩៨៥ ៧៦៤ / ៨៩ ៥១៧ ៣៦៦

August 15, 2018

7 ខែដើមឆ្នាំ តួលេខចំណូលពន្ធនៅបន្តកំណើន

អគ្គនាយកដ្ឋានពន្ធដារដែលមានតួនាទីស្នូលក្នុងការប្រមូលចំណូលពន្ធ-អាករគ្រប់ប្រភេទ ក្នុងរយៈពេល 7ខែដើមឆ្នាំនេះប្រមូលចំណូលពន្ធបានចំនួនជាង 1ពាន់លានដុល្លារ (1,356.36) ឬស្មើនឹងជាង70% នៃផែនការដែលកំណត់ដោយច្បាប់។ នេះបើតាមរបាយការណ៍កិច្ចប្រជុំបូកសរុបលទ្ធផលការងារប្រចាំខែរបស់អគ្គនាយកដ្ឋានពន្ធដារ។

ឯកឧត្តម គង់ វិបុល អគ្គនាយកនៃអគ្គនាយកដ្ឋានពន្ធដារថ្លែងឱ្យដឹងថា លទ្ធផលក្នុងការប្រមូលចំណូលពន្ធរបស់អគ្គនាយកដ្ឋានពន្ធដារទទួលបានចំណូលពន្ធ-អាករគ្រប់ប្រភេទតាមប្រព័ន្ធគ្រប់គ្រងទិន្នន័យចំណូលអនឡាញ (Online) ក្នុងខែកក្កដាកន្លងទៅនេះមានចំនួនជាង 689ពាន់លានរៀលស្មើប្រមាណជាង 172លានដុល្លារ កើនឡើងចំនួន 186ពាន់លានរៀល ឬប្រមាណជាង ៤៦លានដុល្លារអាមេរិក ស្មើនឹងជាង 37% បើធៀបរយៈពេលដូចគ្នានៃចំណូលក្នុងខែកក្កដា កាលពីឆ្នាំ2017។

យោងតាមការបញ្ជាក់របស់ឯកឧត្តម គង់ វិបុល ចំណូលដែលទទួលបានក្នុងរយៈពេល 7ខែ ដើមឆ្នាំ2018 អគ្គនាយកដ្ឋានពន្ធដារប្រមូលចំណូលពន្ធ-អាករបានចំនួនជាង 5ពាន់លានរៀល(5,425.56ពាន់លានរៀល)ឬប្រមាណជាង 1ពាន់លានដុល្លារ(1,356.36លានដុល្លារ)ឬស្មើនឹងជាង70%នៃផែនការ ។

ក្នុងនោះ បើធៀបទៅនឹងរយៈពេល 7ខែដើមឆ្នាំ2017 ឃើញថា ការប្រមូលចំណូលពន្ធ-អាករគ្រប់ប្រភេទក្នុង7ខែ ឆ្នាំ2018នេះ បានកើនឡើងចំនួនជាង 700ពាន់លានរៀល (7,085.6ពាន់លានរៀល) ឬប្រមាណជិត 180លានដុល្លារ (177,14លានដុល្លារ) ឬស្មើនឹងជាង15%។

ឯកឧត្តមបានបន្តថាកំណើនចំណូលពន្ធក្នុងខែកក្កដានេះ បានឆ្លុះបញ្ចាំងថា សាធារណជន និងអ្នកវិនិយោគជាតិ និងអន្តរជាតិមានជំនឿទុកចិត្តលើរាជរដ្ឋាភិបាលយ៉ាងមុតមាំ៕

August 14, 2018

ម៉ាស៊ីនបោកគក់ LG ជាជម្រើលដ៏ល្អបំផុតសម្រាប់មេផ្ទះសម័យថ្មី

បច្ចុប្បន្ននេះមនុស្សគ្រប់រូបសុទ្ធសឹងតែមមាញឹក និង ការងារគ្រប់ៗគ្នា មិនមានពេលវេលាគ្រប់គ្រាន់ដើម្បីធ្វើកិច្ចការក្នុង ផ្ទះដូចជាការបោកគក់ជាដើម ។ ហើយតែងតែចំណាយទាំងកម្លាំង និងពេលវេលាជាច្រើនម៉ោងរាល់ពេលធ្វើការបោកគក់ម្តងៗដូច្នេះហើយទើប ម៉ាស៊ីនបោកគក់ LG បានបង្តើតបច្ចេកវិទ្យា និង មុខងាររបស់ខ្លួនអោយត្រូវនិងតម្រូវការរបស់អតិថិជនប្រើប្រាស់ផ្ទាស់ដូចខាងក្រោម ៖

សន្សំសំចៃពេលវេលានិងស៊ីភ្លើងតិច ៖ ម៉ាស៊ីនបោក LG ជាមួយ បច្ចេកវិទ្យា Inverter ធ្វើ អោយការបោកគក់ម្តងស៊ីភ្លើងត្រឹមតែ 67 វ៉ាត់តែប៉ុណ្ណោះ ។ វាស៊ីភ្លើងតិចជាងប្រភេទម៉ាស៊ីនបោកគក់ធម្មតា 36 % ស្មើនឹងយើងប្រើម៉ាស៊ីនសម្ងួតសក់រយៈពេល ៤ នាទី។ នេះមិនមែនមានន័យថាការប្រើថាមពលអគ្គីសនីតិចហើយបោកមិនស្អាតនោះទេសំលៀកបំពាក់បោកគក់រួចចេញមកក្រៅនៅតែស្រស់ស្អាតជានិច្ច។

សន្សំសំចៃទឹក ៖ ការសន្សំសំចៃទឹកពិតជាមានសារះសំខាន់មែនទែនសំរាប់បច្ចុប្បន្ននេះក៏ដូចជាការថែរក្សាបរិស្ថានផងដែរ។ហើយម៉ាស៊ីនបោកគក់ LG វិញប្រើប្រាស់បរិមាណទឹកដែលវាត្រូវការទៅតាមបរិមាណខោអាវដែលយើងផ្ទុកក្នុងម៉ាស៊ីនតែប៉ុណ្ណោះ។
ម៉ាស៊ីនបោកមានច្រើនចលនាដើម្បីបោកគក់បានយ៉ាងល្អឥតខ្ចោះ ៖ បច្ចេកវិទ្យាបោកគក់ 6 ចលនា (6 Motion Direct Drive) រួមបញ្ចូលគ្នានូវចលនាបោកគក់ប្រាំមួយចលនាផ្សេងគ្នាដើម្បីធ្វើអោយការបោកគក់កាន់តែអស្ចារ្យ ប្រៀបបានដូចនឹងការបោកគក់និងដៃ។ 6 Motion Direct Drive ជួយរក្សាសាច់ក្រណាត់មិនអោយមានស្នាមជ្រួញ និង ការពារការខូចសាច់ក្រណាត់។

Turbo Drum គឺជាបច្ចេកវិទ្យាតែមួយគត់របស់ក្រុមហ៊ុន LG ដែលមានសមត្ថភាពខ្ពស់ក្នុងការលាងជម្រះក្អែលដោយកំលាំងទឹកជំរុញនិងបង្វិលសំលៀកបំពាក់របស់លោកអ្នកបានគ្រប់ទិស និង ថ្មមសាច់ក្រណាត់មិនធ្វើអោយសាច់ក្រណាត់រមួលចូលគ្នាហើយព្រមទាំងមានកំលាំងទឹករុញពីក្រោមឡើងទៅលើធ្វើអោយធុង និង ស្លាបចាក់វិលក្នុងទិសផ្ទុយគ្នាដើម្បីបង្កើនកំលាំងក្នុងការបោកគក់កាន់តែខ្លាំងតែមិនធ្វើអោយខូចសាច់ក្រណាត់និងលាងសម្អាតស្នាមប្រឡាក់បានយ៉ាងស្អាតនិងល្អឥតខ្ចោះ។

Turbo Shot ដែលជួយសម្អាតផ្នែកខាងក្នុង និង ខាងក្រៅនៃធុងបោកគក់ថែមទាំងជួយការពារតម្រងធុងបោកមិនអោយឆាប់ជ្រះ ព្រោះតម្រងនេះអាចធ្វើការលាងសម្អាតដោយស្វ័យប្រវតិ្ត ដោយមិនចាំបាច់ដោះលាង ហើយថែមទាំង ថែរក្សាអនាម័យក្នុងការសម្អាតក្អែល និង ក្លិននៅក្នុងធុងបោកគក់បានយ៉ាងមានប្រសិទ្ធភាព ។

True Steam ៖ មុខងារ TrueSteam ™ គឺជាវិធីមួយដែលមានប្រសិទ្ធភាពបំផុតក្នុងការសម្លាប់មេរោគ។ មុខងារ Steam ក្នុងម៉ាស៊ីនបោកគក់ ធ្វើអោយកំដៅទឹកឡើងដល់ 100 អង្សាសេដើម្បីធ្វើឱ្យវាក្តៅគ្រប់គ្រាន់ដើម្បីកំចាត់បាក់តេរីនិងអាឡែរហ្សីពីរោមសត្វកោសិកាស្បែកដែលស្លាប់និងពពួកផ្សិត។ បច្ចេកវិទ្យា TrueSteam របស់ក្រុមហ៊ុន LG មិនត្រឹមតែកំចាត់អស់ 99,9 % នៃអាឡែរហ្សីប៉ុណ្ណោះទេប៉ុន្តែថែមទាំងកំចាត់កាកសំណល់ដែលបានបន្សល់ដោយអាឡែរហ្សីដែលបានស្លាប់ផងដែល ។

អតិថិជនទាំងអស់អាចអញ្ជើញមកទស្សនានៅការដាក់តាំងបង្ហាញម៉ាស៊ីនបោកគក់ របស់ LG នៅគ្រប់ហាងលក់គ្រឿងអេឡិចត្រូនិចដែលជាអ្នកចែកចាយលក់បន្តរបស់ ក្រុមហ៊ុន G Gear និងហាង LG BrandShop គ្រប់សាខាទាំងអស់ ។

https://ggear.com.kh/appliances/washing-machines/

August 14, 2018

Nadal ផ្តួល Tsitsipas ដើម្បីឈ្នះពាន Toronto Masters

កីឡាករវាយកូនបាល់ Rafael Nadal បានរារាំងការវាយសម្រុកនៅជិតបញ្ចប់ការប្រកួតពីសំណាក់កីឡាករ StefanosTsitsipas ដើម្បីកត់ត្រាជ័យជម្នះក្នុងលទ្ធផល 6-2 និង7-6 (7/4) ក្នុងការប្រកួតវគ្គផ្តាច់ព្រ័ត្រនៃព្រឹត្តិការណ៍ Toronto Masters កាលពីថ្ងៃអាទិត្យ។

ការដណ្តើមបានជ័យជម្នះក្នុងរយៈពេល1ម៉ោង និង45នាទី បានជួយឱ្យកីឡាករសញ្ជាតិអេស្ប៉ាញវ័យ 32ឆ្នាំរូបនេះ ឈ្នះពានជាលើកទី33 របស់គេក្នុងកម្រិតកំពូលរបស់កម្មវិធី Masters ខណៈដែលរូបគេបានឈ្នះពានអាជីពជាលើកទី80 និងបានកត់ត្រាជ័យជម្នះក្នុងការប្រកួតជាលើកទី40 របស់គេនៅរដូវកាលនេះ។

ក្នុងអំឡុងពេលនៃកម្មវិធីប្រគល់ពាន អ្នកគាំទ្រសញ្ជាតិក្រិកជាច្រើននាក់បានស្រែកច្រៀងចម្រៀងរីករាយថ្ងៃកំណើត ដើម្បីផ្ញើទៅដល់វីរបុរសថ្មីក្នុងកីឡាវាយកូនបាល់របស់ពួកគេ។ Nadalបានឱ្យដឹងថា៖ «ចូលរួមរីករាយថ្ងៃកំណើតរបស់ Stefanos។ អ្នកពិតជាធ្វើបានល្អណាស់ អ្នកមានអនាគតដ៏អស្ចារ្យមួយ។

វាមានរយៈពេលជិត 10ឆ្នាំហើយ ចាប់តាំងពីខ្ញុំបានលេងក្នុងទីក្រុង Toronto ជាលើកចុងក្រោយ»។ Nadal បានបន្ថែមទៀតថា៖ «ខ្ញុំពិតជានឹកអ្នកណាស់ ខ្ញុំនឹងព្យាយាមមកទីនេះឱ្យបានកាន់តែញឹកញាប់ឡើង។ ពាននេះពិតជាមានន័យណាស់»។

Tsitsipas បានរងបរាជ័យនៅចំថ្ងៃខួបកំណើតគម្រប់វ័យ 20ឆ្នាំរបស់គេ នៅសប្តាហ៍ចុងក្រោយនៃការបញ្ចប់ការប្រកួតកីឡាវាយកូនបាល់ដ៏ល្អបំផុតក្នុងអាជីពរបស់គេ ខណៈដែលរូបគេបានផ្តួលគូប្រជែងខ្លាំងជាប់ៗគ្នា ដើម្បីឈានទៅវគ្គផ្តាច់ព្រ័ត្រ៕

ប្រភពពី៖ Channel News Asia

August 13, 2018

Lewandowski ជួយ Bayern សងសឹក Frankfurt

ការរកគ្រាប់បាល់បញ្ចូលទី 3គ្រាប់យ៉ាងល្អរបស់ខ្សែប្រយុទ្ធ Robert Lewandowski បានជួយឱ្យក្រុម Bayern Munich កត់ត្រាជ័យជម្នះយ៉ាងកក់ក្តៅក្នុងលទ្ធផល 5-០ លើក្រុម Eintracht Frankfurt ក្នុងការប្រកួតដណ្តើមពានអាល្លឺម៉ង់ Supercup កាលពីថ្ងៃអាទិត្យ ដើម្បីជួយឱ្យអតីតគ្រូបង្វឹករបស់ក្រុម Frankfurt លោក Niko Kovac បំពេញនូវការចាប់ផ្តើមប្រកបដោយការចងចាំមួយក្នុងនាមជាគ្រូបង្វឹករបស់ Bayern។

លោក Kovac បានវិលទៅកាន់ទឹកដីក្រុម Frankfurt វិញសម្រាប់ការប្រកួតជាលើកទី1 របស់លោកក្នុងនាមជាគ្រូបង្វឹករបស់ក្រុមម្ចាស់ជើងឯកអាល្លឺម៉ង់ Bayern ក្រោយពីបានបញ្ចប់កិច្ចសន្យារយៈពេល 2ឆ្នាំប្រកបដោយភាពជោគជ័យក្នុងក្លិប Frankfurt ដែលក្នុងនោះរាប់បញ្ចូលទាំងការយកឈ្នះលើក្រុម Bayern ក្នុងការប្រកួតដណ្តើមពាន German Cup វគ្គផ្តាច់ព្រ័ត្រ កាលពីរដូវកាលមុនផងដែរ។

ប៉ុន្តែ វាមិនមានភាពភ្ញាក់ផ្អើលផ្សេងទៀតឡើយកាលពីថ្ងៃអាទិត្យ ខណៈដែលក្រុម Bayern បានបំពេញការសងសឹកសម្រាប់ការចាញ់របស់ពួកគេកាលពីការប្រកួតពាន German Cup ខណៈដែល Lewandowski បានបំបែកតំបន់ការពាររបស់ក្រុម Frankfurt ទៅជាបំណែកអស់។

លោក Kovac បានប្រាប់កាសែត ZDF ថា៖ «វាពិតជាការបង្ហាញពីទម្រង់លេងដ៏ល្អនៅថ្ងៃនេះ យើងបានស៊ុតបាល់បញ្ចូលទីក្នុងពេលវេលាប្រកួតយ៉ាងត្រឹមត្រូវ។ ពិតណាស់ ខ្ញុំមានអារម្មណ៍អាណិតអាសូខ្លះដល់អតីតកីឡាករ និងក្លិបរបស់ខ្ញុំ ប៉ុន្តែខ្ញុំគិតថា វានឹងក្លាយជាហេតុផលដ៏ល្អសម្រាប់ក្រុម Frankfurt»។

គ្រូបង្វឹករូបនេះបានបន្ថែមទៀតថា៖ «ខ្ញុំពិតជាមានសុទិដ្ឋិនិយមណាស់សម្រាប់រដូវកាលនេះ។ ខ្ញុំមានក្រុមដ៏អស្ចារ្យ និងមានភាពខ្លាំងមួយ»៕

ប្រភពពី៖ Channel News Asia

August 13, 2018

កាសែតឡារ៉ែន ពាណិជ្ជ លេខ 138

[easy_media_download url=”https://www.lareine.com.kh/wp-content/uploads/2018/08/LRPN_138-Final-For-Web.pdf” force_dl=”1″]

August 11, 2018

លោក Emery ស្ថិតក្នុងការចាប់អារម្មណ៍ ខណៈ Arsenal ចាប់ជីវិតដោយគ្មានលោក Wenger

លោក Unai Emery ប្រឈមមុខនឹងការដ៏ធំមួយ ក្នុងការសង្គ្រោះក្រុម Arsenal ចេញពីភាពត្រដាបត្រដួស ស្របពេលដែលក្រុមកាំភ្លើងធំមួយនេះ នឹងចាប់ផ្តើមរដូវកាលថ្មីនៃក្របខ័ណ្ឌ Premier League ដោយគ្មានលោក Arsene Wenger ជាអ្នកចាត់ការទូទៅរបស់ពួកគេជាលើកទី១ក្នុងរយៈពេល២២ឆ្នាំ។ លោក Emery ត្រូវបានជួលឲ្យជំនួសកន្លែងរបស់លោក Wenger ក្រោយពីការចាកចេញរបស់គ្រូបង្វឹកសញ្ជាតិបារាំងរូបនេះ នៅចុងរដូវកាលមុន ដែលបានបញ្ចប់ដោយក្រុម Arsenal ស្ថិតក្នុងចំណាត់ថ្នាក់លេខ៦នៅលើតារាងក្របខ័ណ្ឌ Premier League។

ការប្រកួតបើករដូវកាលនៃក្របខ័ណ្ឌ Premier League របស់ Arsenal ជាមួយនឹងក្រុមម្ចាស់ជើងឯក Manchester City នៅថ្ងៃអាទិត្យនេះ នឹងផ្តល់នូវការចាប់អារម្មណ៍ទៅលើកម្រិតដែលលោក Emery នឹងព្យាយាមជួសជុល និងបោសសម្អាតបញ្ហាផ្សេងៗដែលត្រូវបានបន្សល់ទុកដោយលោក Wenger នាកីឡដ្ឋាន Emirates។

ក្រុម Arsenal បានស្ថិតក្នុងភាពត្រដាបត្រដួសជាច្រើនឆ្នាំមកហើយ ហើយស្របពេលដែលលោក Wenger មិនមានសមត្ថភាពក្នុងការលុបចោលភាពអវិជ្ជមាន ទីបំផុតលោក Stan Kroenke ដែលជាម្ចាស់ក្លិប បានចែកផ្លូវជាមួយនឹងអ្នកចាត់ការទូទៅដ៏ជោគជ័យបំផុតក្នុងប្រវត្តិសាស្ត្ររបស់ក្លិបខ្លួន បើទោះបីគ្រូបង្វឹកសញ្ជាតិបារាំងរូបនេះ ចង់បន្តដឹកនាំក៏ដោយ។

ការបញ្ចប់ដោយដេញតាមពីក្រោយក្រុម Man City ចំនួន៣៧ពិន្ទុ គឺជាការបញ្ចប់ដ៏ខកចិត្តមួយសម្រាប់រដូវកាលចុងក្រោយរបស់លោក Wenger ដែលជាយុទ្ធនាការដ៏ជ្រួលច្របល់ ក្នុងនោះក៏មានការតវ៉ាយ៉ាងខឹងសម្បាប្រឆាំងនឹងអ្នកចាត់ការទូទៅរូបនេះ ពីសំណាក់អ្នកគាំទ្រដែលអស់សង្ឃឹមផងដែរ៕

ប្រភពពី៖ Channel News Asia

August 11, 2018

Samsung Galaxy Note 9 អាចកុម្មង់បាននៅថ្ងៃនេះហើយ ជាមួយនឹងកាដូជាច្រើនសន្ធឹកសន្ធាប់

ភ្នំពេញ៖ ពេលវេលាដែលអតិថិជន ទន្ទឹងរង់ចាំបានមកដល់ហើយ!!! ក្រោយពីធ្វើការប្រកាសវត្តមានជាផ្លូវការមិនបានប៉ុន្មានថ្ងៃផង ឥឡូវនេះ ក្រុមហ៊ុនសាមសុង បានប្រកាសឱ្យទទួល ការកុម្មង់ទុកមុន(Pre-Order) នូវកំពូលស្មាតហ្វូនដ៏អស្ចារ្យសេរី N ចុងក្រោយនេះចាប់ពីថ្ងៃទី 11 ដល់ថ្ងៃទី 21 ខែសីហា ឆ្នាំ2018 ជាមួយការផ្តល់ជូននូវកាដូពិសេសជាច្រើនដូចជា កាស Samsung U-FLEX មួយដ៏កាលីប ដែលមានតម្លៃ $59 , លេខពិសេសរបស់ Smart ដែលមានតម្លៃ129 ដុល្លារ ជាមួយកញ្ចប់ស្មាតធំហ្មង ដែលប្រើប្រាស់ឥតគិតថ្លៃសម្រាប់រយៈពេល 52 អាទិត្យ, ស្រោមLED ដ៏ស្រស់ស្អាតមួយដែលមានតម្លៃ 69 ដុល្លារនិងឆ្នាំងសាកថ្មទូរស័ព្ទឥតខ្សែ(Wireless Charger ) មួយដ៏ទាន់សម័យដែលមានតម្លៃ 65 ដុល្លារលើសពីនេះទៅទៀត។

លោកអ្នកអាច រីករាយជាមួយការបង់រំលស់ដោយគ្មានការប្រាក់សម្រាប់រយៈពេល 6ខែ(បង់មុន20%) ហើយសម្រាប់តម្លៃនៅក្នុងពេល Pre-Order គឺ 929 ដុល្លារជាមួយជម្រើសបីពណ៌សម្រាប់ប្រទេសកម្ពុជាគឺពណ៌ខ្មៅ , ពណ៌ខៀវនិងពណ៌ទង់ដែង។

កម្មវិធីពិសេសនេះ ផ្តល់ជូនគ្រប់ដេប៉ូចែកចាយរបស់ក្រុមហ៊ុនសាមសុង ដែលមានស្លាកសំគាល់ “PRE-ORDER HERE” ដែលចាប់ផ្តើមទទួលកម្ម៉ង់ចាប់ពីថ្ងៃទី 11 ដល់ 21 សីហានេះ ដោយស្តុកថែមជូនមានចំនួនកំណត់។

ដូច្នេះសូមប្រញាប់ឡើង! ជាពិសេសសម្រាប់អ្នកដែលស្រឡាញ់ និងទន្ទឹងរង់ចាំ Galaxy NOTE 9 ទាំងអស់ សូមប្រញាប់ស្វែងរក ដេប៉ូចែកចាយរបស់ក្រុមហ៊ុនសាមសុង ណាមួយដែលមានស្លាកសំគាល់ “PRE-ORDER HERE” ដើម្បីកម្ម៉ង់ទិញឥឡូវនេះ! កុំឲ្យឱកាសដ៏ល្អនេះ រំលងផុតឲ្យសោះ!

តោះមកមើលពី លក្ខណសម្បត្តិដ៏លេចធ្លោរបស់ Samsung Galaxy Note9 ដូចខាងក្រោម៖

ភាពច្នៃប្រឌិតនៃរចនាបថ (Design Innovation)

Samsung Galaxy Note 9 មានទំហំអេក្រង់ 6.4 អ៊ីង ត្រូវបានរចនាឡើងជាមួយនឹងអេក្រង់ស្ទើរគ្មានគែម និងគែមកោង ទាំងសងខាង ផ្តល់នូវភាពផ្ដេកធំទូលាយ និងភាពបញ្ឈរខ្ពស់ ខណៈដែលពណ៌របស់វាត្រូវបានបើកបង្ហាញលើអេក្រង់ធំបំផុតនៃប្រភេទ phablet និងធ្វើឲ្យរូបភាពហាក់ដូចជាលោតផុសលើអេក្រង់នៅក្នុងដៃរបស់អ្នកតែម្តង។

កាមេរ៉ាកម្រិតអាជីព (Camera)

Samsung Galaxy Note9 មានបំពាក់កាមេរ៉ាភ្លោះផ្នែកខាងក្រោយ ទំហំ 12 មេហ្គាភិចស៊ែល ជាមួយនឹងកម្រិត Aperture F1.5 មានសមត្ថភាពថតរូបបានកាន់តែស្អាត ទោះក្នុងស្ថានភាពងងឹតបន្តិចក៏ដោយ។សម្រាប់ មុខងារថតរូបពិសេសដូចជា Live Focus វាអាចឲ្យអ្នកធ្វើការគ្រប់គ្រងនួវ ជម្រៅរូបភាព ដែលអាចឲ្យយើងអាចកែសម្រួលរូបភាព ដែលជា Background ទៅព្រាល (Blur) នៅក្នុង Preview Mode បន្ទាប់ពីអ្នកបានថតរូប ហើយមួយគ្រាប់ទៀតគឺមានទំហំ 12 មេហ្គាភិចសែល (F2.4) សម្រាប់ថត Portrait និងមានសមត្ថភាពទប់លំនឹងបានកាន់តែប្រសើរជាងមុន។

កម្មវិធី និង លក្ខណៈពិសេសដែលភ្ជាប់ជាមួយ Galaxy Note 9 (Galaxy of Features and Services)

– អាវក្រោះការពារធូលី និងទឹក ៖ Galaxy Note 9 ភ្ជាប់ជាមួយប្រព័ន្ធការពារទឹក និងធូលីនៅលើ ទូរស័ព្ទ និងនៅលើប៊ិច S-Pen ដែលមានន័យថា យើងអាចប្រើប្រាស់ S-Pen សម្រាប់សរសេរទោះបីស្ថិតក្នុងស្ថានភាពភ្លៀងធ្លាក់ក៏ដោយ។

– Note9 មានបំពាក់សេនសឺលើ កាមេរ៉ាខាងមុខនិងមានប្រើប្រាស់ មុខងារដោះសោ Face Recognition ដែលធ្វើឲ្យស្មាតហ្វូននេះកាន់តែមានសុវត្ថិភាព និងទាន់សម័យថែមមួយកម្រិតទៀតផងដែរ

– សម្ថភាពគ្មានដែនកំណត់៖ ជាមួយ RAM 6GB មេម៉ូរីទំហំ128 GB ដែលអាចឲ្យអ្នកលេងហ្គេម និងធ្វើការងារច្រើនមុខក្នុងពេលតែមួយនិងអាចបន្ថែមមេម៉ូរីកាតmicro SD បានរហូតដល់512GBដោយមិនបាច់បារម្មណ៏ពីការឆាប់ពេញនោះទេ។

– បន្ថែមពីនេះ Galaxy Note9 មានទម្ងន់ធ្ងន់ជាង Galaxy Noteមុនៗបន្តិច ដោយមានផ្ទុកថ្មទំហំដល់ ៤០០០ mAhនិងមានថាមពលរហូតដល់ ៤ ០០០mAh កាន់ថ្មបាន ១ ថ្ងៃ សម្រាប់ការប្រើប្រាស់ធម្មតា និងចាក់វីដេអូបាន ២៣ ទៅ ២៥ ម៉ោង ដែលនេះជាប្រយោជន៍សំខាន់ជួយឲ្យអ្នករីករាយបានយូរដោយគ្មានការរំខាន។

ប៊ិក S-Pen កាន់តែទាក់ទាញ

កាន់តែពិសេសជាងនេះទៀតនោះគឺប៊ិក S-Pen នៅលើ Galaxy Note9មានលក្ខណៈវិវត្តន៍ជាងមុន ដែលអាចឲ្យអ្នក គូសវាសតាមចំណង់ដែលចង់បាន និងបង្កើតជារូបភាពរស់រវើក ដែលយើង ហៅថា Live Message សម្រាប់ផលិតរូបភាព GIF ដោយប្រើប៊ិចគូស, អាចកត់ត្រាបានភ្លាមៗនៅលើ Screen និង មុខងារបកប្រែភាសាអក្សរនៅលើរូបភាពបានទៀតផង។ អ្វីដែលពិសេសជាងនេះទៅទៀតនោះ

គឺ S-Penនេះបំពាក់នៅ Bluetooth ដែលអាចឲ្យ S-Penជា Remote control សម្រាប់បញ្ជា Slide , ជាឧបករណ៏បញ្ជាសម្រាប់ថតរូប Selfie និងកែប្រែរូបជាដើម៕

August 11, 2018

ត្រឹមរយៈពេលមួយឆ្នាំសោះ ភេសជ្ជៈប៉ូវកំលាំង G Park បានរីកចម្រើននឹកស្មានមិនដល់

រាជធានីភ្នំពេញ៖ ភេសជ្ជៈប៉ូវកំលាំង G Park ជាផលិតផលនាំចូលពីប្រទេសកូរ៉េ ដែលបាន និងកំពុងចែកចាយផ្ដាច់មុខនៅលើទីផ្សារក្នុងប្រទេសកម្ពុជា ដោយក្រុមហ៊ុនJCRI ប្រកបដោយភាពជោគជ័យ ។

គួររម្លឹកផងដែរថា កាលពីថ្ងៃទី២៦ ខែកក្កដា ឆ្នាំ២០១៧ ក្រុមហ៊ុន JCRI និង ក្រុមហ៊ុន ដុងហ្វា ហ្វាម ដែលជាក្រុមហ៊ុនដ៏ល្បីនៅប្រទេសកូរ៉េ បានចុះហត្ថលេខាព្រមព្រៀងភាពដៃគូរពាណិជ្ជកម្មជាមួយគ្នា នៅសណ្ឋាគារ សុខាភ្នំពេញ លើកិច្ចព្រមព្រៀងទទួលសិទ្ធផ្តាច់មុខចែកចាយភេសជ្ជៈប៉ូវកំលាំង G Park ក្នុងព្រះរាជាណាចក្រកម្ពុជា។

ភេសជ្ជៈប៉ូវកំលាំងG Park បាន និងកំពុងធ្វើសរាចរណ៍ ទូទាំងខេត្តក្រុងនៃប្រទេសកម្ពុជា ហើយក៏បានចូលរួមកម្មវិធីសង្គមជាច្រើនផងដែរ។ ជាក់ស្ដែងកាលពីថ្ងៃទី៥ ខែតុលា ឆ្នាំ២០១៧ G Park បានផ្ដើមគំនិត ជាមួយលោក ងួន ចាន់ដេវីត ដែលជាអ្នកតំណាងនៃផលិតផលភេសជ្ជៈប៉ូវកំលាំង G Park បង្កើតនូវការប្រគុំតន្ត្រីសប្បុរសធម៍មួយ ដើម្បីប្រមូលថវិការទាំងអស់ យកទៅសាងសង់អគារសិក្សាមួយខ្នងនៅវិទ្យាល័យព្រះពុទ្ធមានសេរី ខេត្តកំពង់ស្ពឺ។ មកទល់ពេលនេះអគារសិក្សាមួយខ្នងនោះ បានសាងសង់រួចរាល់ជាស្ថាពរហើយ។ មិនតែប៉ុណ្ណោះ ភេសជ្ជៈប៉ូវកំលាំង G Park ក៏ធ្លាប់បានធ្វើកម្មវិធីG Park School Tour នៅតាមវិទ្យល័យចំនួន១០ ដោយនាំយកនូវភេសជ្ជៈប៉ូវកំលាំង G Park រួមជាមួយនឹងសម្ភារៈសិក្សាមួយចំនួន ប្រកបគ្នាដោយភាពសប្បាយរីករាយជាច្រើនសម្រាប់ប្អូនៗសិស្សានុសិស្សផងដែរ។

មួយវិញទៀតG Park បានជួយដល់ទុរគតជនគ្មានទីពឹង ចូលរួមឧបត្ថមគាំទ្រដល់វិស័យកីឡា និង ចូលរួមក្នុងវិស័យជាច្រើនផ្សេងៗទៀត។ លើសពីនេះទៅទៀត ក្រុមការងាររបស់ G Parkបានធ្វើដំណើរActivation ទៅគ្រប់ខេត្តក្រុងនៃប្រទេសកម្ពុជា ជាមួយនឹង ការប្រគុំតន្ត្រីទេសចរណ៍ស្ទើតែគ្រប់ខេត្តក្រុង ដើម្បីផ្ដល់នូវភាពសប្បាយរីករាយជូនបងប្អូន។

រយៈពេលមិនដល់មួយឆ្នាំផង ភេសជ្ជៈប៉ូវកំលាំង G Park បានវៃលុកទីផ្សារមិនថាស្រុកស្រែចម្ការ ឫទីក្រុងឡើយ រហូតអាចធ្វើអោយម៉ាកសញ្ញារបស់ខ្លួន មានលក់នៅតាមផ្សារទំនើបល្បីៗ តាមម៉ាត ដេប៉ូផ្សេងៗជាច្រើន និយាយរួមនៅគ្រប់ខេត្តក្រុងនៃប្រទេសកម្ពុជាតែម្តង។

ភាពជោគជ័យដ៏ធំអស្ចារ្យ និងការគាំទ្រដ៏សន្ធឹកសន្ធាប់ទាំងអស់នេះហើយ ទើបធ្វើឲ្យភេសជ្ជៈប៉ូវកំលាំង G Park មានកម្លាំងនិងមោទនភាពក្នុងការប្រារព្ធកម្មវិធីគំរប់ខួបមួយឆ្នាំនៃការមកដល់ប្រទេសកម្ពុជា កាលពីថ្ងៃទី៧ ខែកក្កដា ឆ្នាំ២០១៨ កន្លងទៅថ្មីៗនេះ។

យ៉ាងណាមិញ ក្រុមហ៊ុនJCRI សូមថ្លែងអំណរគុណដល់ អតិថិជន ជាពិសេសគ្រប់ដេប៉ូចែកចាយគ្រប់ខេត្តក្រុង ជាទីគោរពស្រលាញ់ទាំងអស់ ដែលតែងតែគាំទ្រ និងពេញចិត្តនូវគុណភាពដ៏ល្អ រសជាតិដ៏ឆ្ងាញ់របស់ភេសជ្ជៈប៉ូវកំលាំង G Park ។ ជាចុងក្រោយ ក្រុមហ៊ុនJCRI រួមជាមួយនឹងភេសជ្ជៈប៉ូវកំលាំង G Park សូមជូនពរដល់អ្នកគាំទ្រ និងអតិថិជនទាំងអស់ជួបតែសំណាងល្អ រកទទួលទានមានបាន ជាពិសេសគ្រប់ដេប៉ូចែកចាយទាំងអស់ សូមឲ្យប្រកបរបររីកចម្រើន និងលក់ភេសជ្ជៈប៉ូវកំលាំង G Park បានច្រើនៗទាំងអស់គ្នាណា៎….៕

G Park Facebook Page: https://www.facebook.com/GParkenergydrink.kh/

August 11, 2018

ក្រុមហ៊ុនក្នុងស្រុកមួយសហការជាមួយកសិករផលិតស្រូវនាំទៅក្រៅប្រទេស

ដើម្បីចូលរួមលើកកម្ពស់វិស័យកសិកម្មនៅកម្ពុជា និងលើកកម្ពស់ជីវភាពកសិករខ្មែរនៅតាមជនបទ ក្រុមហ៊ុនក្នុងស្រុកមួយបានសហការជាមួយកសិករជាង 20,000គ្រួសារផលិតស្រូវនាំចេញទៅកាន់ទីផ្សារបរទេស។

លោក ជីវ អានុសន នាយកក្រុមហ៊ុនអង្ករកសិកម្មរុងរឿង ចំកាត់ បានថ្លែងក្នុងជំនួបពិភាក្សាជាមួយឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អំពីគម្រោងវិនិយោគទុនជាមួយសហគមន៍អឺរ៉ុបលើវិស័យកសិកម្មថា រហូតមកទល់បច្ចុប្បន្នក្រុមហ៊ុនបានវិនិយោគលើដំណាំស្រូវ និងកែច្នៃអង្ករក្នុងខេត្តគោលដៅចំនួន4 គឺខេត្តកំពង់ស្ពឺ កំពត តាកែវ និងខេត្តកណ្តាល ដោយបានអនុវត្តផលិតកម្មកសិកម្មតាមកិច្ចសន្យាជាមួយកសិករជាង 2ម៉ឺនគ្រួសារដើម្បីផលិតស្រូវហូប និងជាង 2ពាន់គ្រួសារទៀតជាអ្នកផលិតស្រូវពូជ តាមរយៈការផ្តល់ពូជ និងបច្ចេកទេស រួចប្រមូលទិញមកវិញដើម្បីធ្វើការកែច្នៃរួចនាំចេញទៅកាន់ទីផ្សារប្រទេសចិន និងអឺរ៉ុប។

លោកបន្តថា នៅពេលគម្រោងខាងលើជោគជ័យ ទៅថ្ងៃអនាគត ក្រុមហ៊ុនមានគម្រោងពង្រីកផលិតកម្មបន្ថែមនៅតាមខេត្តទូទាំងប្រទេសដើម្បីជួយឱ្យវិស័យកសិកម្មនៅកម្ពុជាមានភាពរីកចម្រើន ក៏ដូចជាជួយឱ្យជីវភាពរបស់កសិករកម្ពុជាកាន់តែប្រសើរឡើងតាមរយៈការខ្ចីទុនវិនិយោគពីសហគមន៍អឺរ៉ុប។

ទាក់ទងនឹងគម្រោងវិនិយោគខាងលើ ក្នុងនាមក្រសួងកសិកម្ម រុក្ខាប្រមាញ់ និងនេសាទ ឯកឧត្តមរដ្ឋមន្ត្រីបានសម្តែងនូវការស្វាគមន៍ និងគាំទ្រចំពោះគម្រោងនេះ ក្នុងគោលដៅ 1.ជួយជំរុញផលិតកម្មពូជស្រូវសុទ្ធល្អ ឆ្លើយតបតាមតម្រូវការទីផ្សារ។ 2.រួមគ្នាជំរុញការធ្វើទំនើបកម្មផលិតកម្មដំណាំស្រូវ និងទី3.ចូលរួមលើកស្ទួយកម្រិតជីវភាពប្រជាកសិករ តាមរយៈការបង្កើនប្រាក់ចំណូល កាត់បន្ថយភាពក្រីក្រ និងការធ្វើចំណាកស្រុក។

ជំហានដំបូង ឯកឧត្តមរដ្ឋមន្ត្រីស្នើឱ្យក្រុមហ៊ុនសហការជាមួយអគ្គនាយកដ្ឋានកសិកម្ម នាយកដ្ឋានពាក់ព័ន្ធ និងមន្ទីរកសិកម្ម រុក្ខាប្រមាញ់ និងនេសាទនៃខេត្តគោលដៅ ដើម្បីពិនិត្យ និងសិក្សាវាយតម្លៃទៅលើគោលការណ៍ច្បាប់ និងបច្ចេកទេសឱ្យបានទូលំទូលាយ និងស៊ីជម្រៅជាមុនសិន៕

August 10, 2018

Author: វល័ក្ខ