វល័ក្ខ - La Reine Media

ក្រុមហ៊ុន DKSH បានរៀបចំសិក្ខាសាលាមួយស្ដីអំពី «ផ្លាស់ប្ដូរតម្រូវការអាហារូប្ថម្ភសម្រាប់ក្មេងដែលកំពុងលួតលាស»

DKSH គឺជាក្រុមហ៊ុនផ្ដល់សេវាកម្មពង្រីកទីផ្សារឈានមុខគេដោយផ្ដោតសំខាន់ក្នុងតំបន់អាស៊ី គាំទ្រដោយក្រុមហ៊ុនអាហារូប្ថម្ភ Abbott ថ្មីៗនេះបានរៀបចំសិក្ខាសាលាមួយស្ដីអំពី «ការកាត់បន្ថយចំណុចខ្វះខាតនៃប្រព័ន្ធការពារដើម្បីបង្កើនប្រយោជន៍លើការអភិវឌ្ឍន៍ការយល់ដឹង»។

សិក្ខាសាលានេះត្រូវបានធ្វើឡើងនៅសណ្ឋាគារ សុខា ភ្នំពេញ ដោយមានការដាក់សម្ពោធផលិតផល Similac Gain IQ ថ្មី ជាមួយនឹងភាពច្នៃប្រឌិតថ្មី ដោយការបញ្ចូលគ្នានៃ 2’-FL HMO និង Nucleotides ដែលជាផលិតផលរបស់ក្រុមហ៊ុនអាហារូប្ថម្ភ Abbott។ រួមជាមួយនឹងការថ្លែងសុន្ទរកថាស្វាគមន៍ និងបើកកម្មវិធីដោយសាស្ត្រាចារ្យវេជ្ជបណ្ឌិត អ៊ាប តឹកឆេង។

សាស្ត្រចារ្យវេជ្ជបណ្ឌិត Goh Eng Neo Anne ដែលជាប្រធានផ្នែកអាលែកហ្ស៊ី និងជាអ្នកប្រឹក្សាជាន់ខ្ពស់ផ្នែកជំងឺកុមារប្រចាំប្រទេសសិង្ហបុរីនៃមន្ទីរទេព្យ KK សម្រាប់ស្ត្រី និងកុមារ បានថ្លែងនៅក្នុងបទបង្ហាញថា «HMOs គឺជាសមាសធាតុរឹងមាំ និងមានច្រើនបំផុតនៅក្នុងទឹកដោះម្ដាយ បន្ទាប់ពីស្ករឡាក់តូស និងជាតិខ្លាចញ់។ ប្រហែល 10% នៃម៉ាក្រូជីវជាតិទឹកដោះម្ដាយត្រូវបានបង្កើតឡើងដោយ HMOs។ ក្នុងចំណោម HMOs សំខាន់ៗ 20ប្រភេទ HMO ចម្បងមួយដែលហៅថា 2’-fucosyllactose ឬ2’-FL គឺជា HMO ដែលមានចំនួនច្រើនបំផុតនៅក្នុងទឹកដោះម្ដាយភាគច្រើន។ វាជា HMO ដែលត្រូវបានសិក្សាច្រើនជាងគេ»។

លោកវេជ្ជបណ្ឌិត Li Fei ដែលជាថ្នាក់ដឹកនាំផ្នែកវិទ្យាសាស្ត្រនៃអាហារូប្ថម្ភប្រចាំមជ្ឈមណ្ឌលស្រាវជ្រាវ និងអភិវឌ្ឍន៍ផ្នែកអាហារូប្ថម្ភនៃក្រុមហ៊ុន Abbott បានថ្លែងក្នុងបទបង្ហាញថា « HMOs គឺជាសារធាតុផ្សំពិសេសសម្រាប់ទ្រទ្រង់ដល់ប្រព័ន្ធភាពស៊ាំ ដែលធន់នឹងការរំលាយអាហារដោយអង់ស៊ីមក្រពះពោះវៀនរបស់ខ្លួន។ ពួកវាជួយទ្រទ្រង់ដល់ប្រព័ន្ធភាពស៊ាំដែលកំពុងលូតលាស់ និងមានទំនាក់ទំនងជាមួយនឹងអត្រាថយចុះនៃជំងឺក្រពះពោះវៀន និងជំងឺផ្លូវដង្ហើម។ តាមការសិក្សាបែបវេជ្ជសាស្ត្របង្ហាញថា ភាគច្រើនសារធាតុ HMO មានច្រើននៅក្នុងទឹកដោះម្ដាយហើយ 2’-FL គឺ HMO ទីមួយដែលជួយពង្រឹងការលូតលាស់នៃប្រព័ន្ធភាពស៊ាំរបស់ក្មេងដែលបំបៅដោយទឹកដោះគោះម្សៅ»។

លោកវេជ្ជបណ្ឌិតរូបនេះបានបន្ថែមទៀតថា «នៅពេលក្មេងឈឺញឹកញ៉ាប់ សារធាតិចិញ្ចឹម និងថាមពលជាច្រើនត្រូវបានប្រើប្រាប់ដើម្បីប្រឆាំងនឹងមេរោគដូច្នេះហើយសារធាតុចិញ្ចឹមសម្រាប់ខួបក្បាល និងសរីរាង្គកាយមានតិចតួចតែប៉ុណ្ណោះ ដែលជាហេតុបណ្ដាលឱ្យមានការប៉ះពាល់ដល់ការសិក្សាលូតលាស់ និងសុខភាពរយៈពេលវែង។ ជាមួយ Similac Gain IQ និង Similac Gain IQ Kid ថ្មីជារូបមន្តទឹកដោះគោះម្សៅដំបូងគេបង្អស់លើសកលលោកដែលមានបញ្ចូលនូវ 2’-FL HMO ដែលជួយជំរុញប្រព័ន្ធការងាររាងកាយ និងទ្រទ្រង់ដល់ការលូតលាស់ដ៏ល្អបំផុត»។

Similac Gain ជាប្រភេទផលិតផលដែលផលិតឡើងតាមបែបវេជ្ជសាស្ត្រជាមួយនឹងការផ្លាស់ប្ដូរតម្រូវការអាហារូប្ថម្ភសម្រាប់ក្មេងដែលកំពុងលួតលាស់។ Similac Gain IQ សម្រាប់ក្មេងអាយុ 2 ទៅ3ឆ្នាំ និង Similac Gain IQ Kid សម្រាប់ក្មេងអាយុ 3ឆ្នាំឡើងទៅ។ នៅក្នុងកម្មវិធីនោះដែរ ក្រុមហ៊ុនអាហារូប្ថម្ភ Abbott បានណែនាំផលិតផល Similac Gain IQ ថ្មីជាមួយនឹងភាពច្នៃប្រឌិតដោយការបញ្ចូលគ្នានៃ 2’-FL HMO និង nucleotides៕

August 27, 2018

បង្កើនបរិយាកាស និងសោភ័ណភាពគេហដ្ឋានឱ្យកាន់តែល្អឥតខ្ចោះជាមួយ SAMSUNG QLED TV 2018

ទស្សនីយភាពលើអេក្រង់ដ៏ទំនើប និងជាទីពេញចិត្តបំផុត បានមកដល់ហើយ ជាមួយ QLED TV ដែលជាទូរទស្សន៍ប្រើបច្ចេកវិទ្យាទំនើបចុងក្រោយ Qunatum dot ផ្ដល់នូវពណ៌ដិតច្បាស់ សាច់ម៉ដ្ដខៃ រស់រវើក ជាមួយពន្លឺភ្លឺថ្លា ដូចទិដ្ឋភាពខាងក្រៅ 100%។

ជាមួយជម្រើសពណ៌ពេញលេញក្នុងការធ្វើឱ្យពន្លឺក្លាយជាពណ៌ច្បាស់រស់រវើកបច្ចេកវិទ្យា Qunatum dot ជួយចម្រោះពណ៌ ឱ្យច្បាស់ល្អឥតខ្ចោះគ្រប់ចំណុច និងគ្រប់ប្រភេទពណ៌ឥតខ្វះចន្លោះត្រង់ណាឡើយ ធ្វើឱ្យអ្នកអាចទស្សនាពីគ្រប់មុំនៃអេក្រង់ដ៏ទំនើបនេះ ជាមួយកម្មវិធីកម្សាន្តនានាបាន ច្បាស់ដូចធម្មជាតិពិត 100% ។

បន្ថែមលើនេះទៀត លើបច្ចេកវិទ្យា HDR10+ ដែលជាដំណើរការដោយឡែកបង្កើនវិសាលគមន៍ពន្លឺដិតច្បាស់ លេចធ្លោ គ្រប់មុំ គ្រប់ចំណុច និងគ្រប់ពេល ទូរទស្សន៍មួយនេះ ក៏មានបំពាក់ម៉ាស៊ីន Q Engine ដែលជា Processor មានសមត្ថភាពខ្ពស់បំផុត ក្នុងការវិភាគភ្លាមៗគ្រប់វិនាទីនៃរូបភាព ដើម្បីកែពណ៌ និងពន្លឺឱ្យដូចធម្មជាតិពិត។

រូបរចនាស្ដើង កញ្ចក់ពេញគែម ខ្សែឌុយបង្កប់មិនលៀនចេញ និងគ្មានជើងប៉ោងក្រោយ ស័ក្តិសមនឹងមុខងារទំនើបៗចុងក្រោយ ដែលនាំមកនូវការសម្សាន្តជាទីពេញចិត្ត ឥតទាក់ភ្នែក គ្មានការរំខាន។ ដើម្បីនាំមកនូវទូរទស្សន៍មួយដែលកាន់តែពិសេសបំផុតនោះ សាមសុងខិតខំកាត់បន្ថយចំណុចប៉ះពាល់អារម្មណ៍កម្សាន្ត និងសោភណភាពរបស់ទូរទស្សន៍ទំនើប។ ទូរទស្សន៍ QLED TV មានបច្ចេកវិទ្យាឈានមុខគេ ដែលភ្ជាប់មកជាមួយនូវរូបរាងដ៏ល្អឥតខ្ចោះដែលផ្ដល់នូវទស្សនីភាពយ៉ាងច្បាស់ត្រជាក់ភ្នែក សម្រាប់អ្នកទស្សនា។ រាល់មុខងារឆ្លាតវៃដែលអតិថិជនត្រូវការ មានមកជាមួយបច្ចេកវិទ្យាដ៏ទំនើបចុងក្រោយ លើកញ្ចក់ទូរទស្សន៍ថ្មី Samsung QLED TV។

QLED TV ក្លាយជាទូរទស្សន៍ក្នុងក្ដីសុបិនរបស់មនុស្សគ្រប់រូប ព្រោះវានាំមកនូវបទពិសោធដ៏ថ្មីសន្លាងដែលអតិថិជនពុំធ្លាប់ទទួលបានពីមុនមក។

សព្វថ្ងៃនេះ QLED TV មានលក់នៅតាមបណ្ដាហាងអេឡិចត្រូនិកទំនើបៗមួយចំនួនដូចជា ….ស៊ុនស៊ីម៉ិចកូ,K4, AEON Mall , KM Center, KLD3 -ល-៕

August 26, 2018

កាសែតឡារ៉ែន ពាណិជ្ជ លេខ 140

[easy_media_download url=”https://www.lareine.com.kh/wp-content/uploads/2018/08/LRPN_140-Final-For-Web.pdf” force_dl=”1″]

August 25, 2018

Galaxy Note 9 សមត្ថភាពខ្ពស់បំផុតបានមកដល់ហើយ ជាមួយការបង់រំលស់ដោយគ្មានការប្រាក់ ហើយបានប្រូម៉ូសិនពិសេសទៀត

ប្រើលែងទាស់ចិត្ត ដ្បិតកម្លាំងម៉ាស៊ីនខ្លាំង អាចដោនឡូត និងដំឡើងកម្មវិធីបានតាមចិត្ត លែងបារម្ភខ្លាចពេញ!!!

ភ្នំពេញ៖ បន្ទាប់ពីលេចចេញរូបរាងដ៏ស្រស់ស្អាតនឹងបច្ចេកវិទ្យាដ៏ទំនើបអស្ចារ្យនៃកំពូលស្មាតហ្វូន Samsung Galaxy Note9 ដែលជាទូរស័ព្វស្មាតហ្វូនក្នុងក្ដីស្រមៃ ដែលគ្រប់គ្នាទន្ទឹងរង់ចាំ ឥឡូវនេះបានមកដល់ទីផ្សារកម្ពុជាហើយជាមួយនឹងកម្មវិធីពិសេសដែលផ្តល់ជូនដល់អ្នកគាំទ្រចាប់ពីថ្ងៃទី 25 សីហា ដល់ 31 តុលា 2018 សម្រាប់ការបង់រំលស់ទូរសព្ទ័ Samsung Galaxy Note9 ដោយគ្មានការប្រាក់ (០%) រយៈពេល 6 ខែ ដោយអតិថិជនគ្រាន់តែបង់មុនត្រឹមតែ 30% នៃតម្លៃទូរស័ព្ទប៉ុណ្ណោះ។

អតិថិជនក៏អាចបង់រំលស់/ជាវពណ៌ណាមួយក៏បាន នឹងមានការថែមជូននូវកាស Samsung U-Flex មួយដ៏ទាន់សម័យរួមជាមួយកញ្ចប់ Smart ធំហ្មង ដែលប្រើប្រាស់ដោយ ឥតគិតថ្លៃសម្រាប់រយៈពេល 52 សប្តាហ៏។ សម្រាប់ការថែមជូននេះចាប់ពីថ្ងៃទី25សីហារហូតអស់ពីស្តុក។

Galaxy Note9 ត្រូវបានចាត់ទុកថាជាកំពូលស្មាតហ្វូនដ៏ទំនើបបំផុតប្រចាំឆ្នាំ2018 ដោយសារម៉ាស៊ីនមានសមត្ថភាពខ្ពស់បំផុត ថ្មកាន់បានយូរ និងមុខងារកាន់តែឆ្លាតវៃថ្មីៗបន្ថែមទៀត។ Galaxy Note9 ភ្ជាប់ជាមួយនឹងបច្ចេកវិទ្យាចុងក្រោយនៃកាមេរ៉ាភ្លោះដ៏ឆ្លាតវៃដែលមានសមត្ថភាពចាប់យករូបភាពកាន់ច្បាស់ និងស្អាតជាងមុនទោះស្ថិតក្នុងស្ថានភាពងងឹតបន្តិចក៏ដោយជាមួយនឹង IOS ( F1.5/F2.4)។

បន្ថែមលើនេះទៀត មុខងារផ្ដល់ដំណឹងរបស់កាមេរ៉ា នឹងប្រាប់ដល់អ្នកជាមុនក្នុងពេលថត ប្រសិនបើមានអ្នកណាម្នាក់ធ្មេចភ្នែក, មានចំណុចណាមួយព្រឹល, កញ្ចក់ស្រអាប់ និងពន្លឺមិនគ្រប់គ្រាន់ ដូចនេះនឹង ធ្វើឱ្យការថតរូបរបស់បានកាន់តែ ល្អឥតទាស់។ ក្នុងនោះផងដែរលោកអ្នកក៏អាចរីករាយនឹងការថត Selfie ជាមួយ S-Pen ដោយអ្នកពុំចាំបាច់កាន់កាមេរ៉ា ឬប្រើដង Selfie ឡើយ។

ជាមួយដំណើរការប្រព័ន្ធ Android 8.1 Oreo ស្មាតហ្វូនដ៏ទំនើបនេះ មានសមត្ថភាពកាន់តែខ្ពស់ជាងមុន និងដើរលឿនជាងមុន ដោយប្រើបន្ទះឈីប Exynos 9810 ភ្ជាប់ដោយ RAM ទំហំ 6 GB/មេមូរី 128 GB ថែមទាំងអាចបន្ថែមម៉េម៉ូរីកាត micro SD រហូតដល់ 512GB ដោយមិនចាំបាច់បារម្ភ ពីការឆាប់ពេញនោះទេ។ ក្នុងខែកញ្ញាខាងមុខនេះផងដែរក្រុមហ៊ុនសាមសុងនឹងចេញលក់នៅ Galaxy Note9 ដែលមាន RAM ទំហំ 8 GB/មេមូរី 512 GB។

អ្វីដែលអស្ចារ្យលើសពីនេះទៅទៀតគឺប៊ិក S-Pen ជាចំណុចដែលធ្វើឲ្យ Galaxy Note9 គ្មានគូប្រដូច និងជាលើកទី1 មិនធ្លាប់មាន ដែល ប៊ិក S-Pen បញ្ចេញអានុភាពបច្ចេកវិទ្យា Bluetooth និងដើរតួជាតេឡេបញ្ជាដ៏តូចច្រឡឹងដែលមានភាពឆ្លាតវៃបំផុត។

តាមរយៈ S-Pen អ្នកអាចថតរូបភាព, ចុចបញ្ជា slide, បិទបើកវីដេអូ Youtube និងកម្មវិធីជាច្រើនទៀត។ លើសពីនេះទៀត S-Pen អាចបញ្ចូលថ្មទូរស័ព្ទបានផងដែរ នៅពេលទូរស័ព្ទនេះអស់ថ្ម ដោយអ្នកគ្រាន់តែស៊កប៊ិកនេះចូលទូរស័ព្ទត្រឹម៤០វិនាទី ទូរស័ព្ទរបស់អ្នកនឹងមានភ្លើងអាចប្រើបាន៣០នាទីបន្តទៀត។

លោកអ្នកក៏អាចគូស, រចនា, បញ្ចេញគំនិតអ្វីនៅលើអេក្រង់ Galaxy Note9 ជាមួយ S-Pen បានដោយរលូន និងរស់រវើកគ្រប់ពេលដែលអ្នកត្រូវការ។

ចំណុចដ៏អស្ចារ្យទាំងនេះហើយទើបធ្វើឲ្យកំពូលស្មាតហ្វូនលំដាប់កំពូលនេះទទួលបានការគាំទ្រច្រើនសន្ធឹកសន្ធាប់ដែលធ្វើ ឱ្យការកុម្មង់ទុកមុនអស់ស្តុកមុនពេលកំណត់។

ដូច្នេះ សូមប្រញាប់រួសរាន់អញ្ជើញទៅយក Galaxy Note9 សំណព្វចិត្តរបស់អ្នក ទាំងអស់គ្នាណា!!!

August 25, 2018

ប្រភពព័ត៌មាន៖ អត្តពលិកហែលទឹកចិន លួចវាយអត្តពលិកកូរ៉េក្នុង Asian Games

អត្តពលិកហែលទឹកម្នាក់របស់កូរ៉េខាងត្បូងបានរងការលួចវាយពីសំណាក់អត្តពលិកម្នាក់របស់ចិន ក្រោយពីមានជម្លោះមួយក្នុងព្រឹត្តិការណ៍ Asian Games។ នេះបើយោងតាមភ្នាក់ងារសារព័ត៌មាន Yonhap របស់កូរ៉េខាងត្បូងកាលពីថ្ងៃព្រហស្បតិ៍។

ឧប្បត្តិហេតុនេះបានកើតឡើងក្រោយពីកីឡាការិនីកូរ៉េខាងត្បូងម្នាក់ឈ្មោះ Kim បានគ្រវាសដៃទៅចំផ្ទៃមុខរបស់អត្តពលិកចិនដោយចៃដន្យ ក្នុងអំឡុងពេលហ្វឹកហាត់នៅឯមជ្ឈមណ្ឌលហែលទឹក Aquatic Center ក្នុងទីក្រុងហ្សាការតា។ នេះបើយោងតាមការចេញផ្សាយរបស់ Yonhap ដែលបានបង្ហើបឱ្យដឹងដោយគណៈកម្មាធិការអូឡាំពិក និងកីឡារបស់កូរ៉េខាងត្បូង (KSOC)។ តមកអត្តពលិកចិនដែលមិនត្រូវបានគេស្គាល់ឈ្មោះបានទាត់ទៅលើ Kim ហើយអ្នកទាំង2 ត្រូវបានចាប់បំបែកដោយអត្តពលិកផ្សេងទៀត និងគ្រូបង្វឹក។ នេះបើយោងតាមទីភ្នាក់ងារព័ត៌មានដដែល។

មន្ត្រីម្នាក់របស់ KSOC ត្រូវបានគេដកស្រង់សម្តីក្នុងពេលនិយាយថា៖ «អត្តលិកហែលទឹកទាំង2 បានធ្លាក់ចូលក្នុងជម្លោះវាយតប់មួយ ក្រោយពីពួកគេបានប៉ះទង្គិចគ្នាដោយចៃដន្យ។ Kim បានធ្វើការសុំអភ័យទោសមុន ប៉ុន្តែអត្តពលិករបស់ចិនមិនបានយល់ពីអ្វីដែលនាងបាននិយាយឡើយ និងបានវាយទៅលើរូបនាងតែម្តង»។ បុគ្គលិកកីឡារបស់ចិន បានសុំអភ័យទោសចំពោះមន្ត្រីកីឡាកូរ៉េខាងត្បូង សម្រាប់ឧប្បត្តិហេតុនេះនៅកន្លែងកើតហេតុតែម្តង ហើយក្រោយមកក៏បានសុំទោសម្តងទៀតក្នុងភូមិអ្នកកីឡារបស់អត្តពលិក។ នេះបើយោងទៅតាម KSOC។

ក្រោយមក អ្នកនាំពាក្យម្នាក់របស់ KSOC បាននិយាយបន្ធូរបន្ថយស្ថានការណ៍នេះ។ អ្នកនាំពាក្យរូបនោះបានឱ្យដឹងថា៖ «វាជាករណីដែលបានកើតឡើងជារឿយៗរវាងអត្តពលិកហែលទឹក អំឡុងពេលហ្វឹកហាត់ ហើយគ្រូបង្វឹកអត្តពលិកចិនរូបនោះ ក៏បានធ្វើការសុំអភ័យទោសរួចរាល់ហើយដែរ»៕

ប្រភពពី៖ Channel News Asia

August 24, 2018

Ikee ឈ្នះមេដាយមាសទី5 ខណៈ Son របស់ Spurs បន្តក្តីសង្ឃឹមក្នុង Asian Games

កីឡាការិនីហែលទឹក Rikako Ikee របស់ជប៉ុនបានឈ្នះមេដាយមាសទី5 របស់ខ្លួនក្នុងព្រឹត្តិការណ៍ Asian Games កាលពីថ្ងៃព្រហស្បតិ៍ ខណៈដែលតារាឆ្នើម Son Heung-min របស់ក្របខ័ណ្ឌ Premier League បានបោះ1ជំហានទៀតឆ្ពោះទៅកាន់ការប្រជែងដណ្តើមមេដាយមាស ដែលនឹងធ្វើឱ្យរូបគេរួចផុតពីការបំពេញការតព្វកិច្ចយោធា។

Ikee បានជួយឱ្យជប៉ុនទទួលបានជ័យជម្នះក្នុងការប្រកួតហែលទឹកបណ្តាក់ផ្នែកនារីចម្ងាយ 4x100m ដើម្បីតាមស្មើកំណត់ត្រានៃការឈ្នះមេដាយមាស5 របស់កីឡាការិនីជប៉ុន Yoshimi Nishigawa ក្នុងព្រឹត្តិការណ៍ Asian Games តែមួយ ស្របពេលដែលកីឡាករ Joseph Schooling របស់សិង្ហបុរី ក៏បានទទួលជ័យជម្នះក្នុងការប្រកួតហែលទឹកបែបមេអំបៅចម្ងាយ 50ម៉ែត្រដែរ។

ម្ចាស់មេដាយមាសអូឡាំពិក ដែលបានឈ្នះត្រឹមមួយចុងម្រាមដៃលើកីឡាករចិន Wang Peng នោះបានឱ្យដឹងថា៖ «ខ្ញុំមិនបានដឹងពីអ្នកដែលបានទទួលជ័យជម្នះឡើយ រហូតដល់ទីចុងក្រោយ ខ្ញុំបានក្រឡេកមើលទៅលើតារាង ហើយពេលនោះខ្ញុំស្ទើរតែមិនជឿសោះ»។

Son បានធ្វើជាប្រធាននៃក្រុមម្ចាស់ការតំណែងជើងឯកកូរ៉េខាងត្បូងនៅពេលក្រុមគេដណ្តើមបានជ័យជម្នះក្នុងលទ្ធផល 2–០ ក្នុងការប្រកួតនៅ Cikarang ក្បែរដ្ឋធានីហ្សាការតា ដើម្បីធ្វើដំណើរទៅកាន់ការប្រកួតដ៏ស្វិតស្វាញមួយទៀតជាមួយនឹងក្រុមជម្រើសជាតិអ៊ូសបេគីស្ថាន។

ការមិនអាចដណ្តើមបានមេដាយមាសក្នុងព្រឹត្តិការណ៍កីឡាអាស៊ីមួយនេះ នឹងមិនគ្រប់គ្រាន់ក្នុងការធ្វើឱ្យខ្សែប្រយុទ្ធ Son វ័យ 26ឆ្នាំរបស់ក្លិប Tottenham Hotspur រួចផុតពីការបំពេញការតព្វកិច្ចយោធារយៈពេល21ខែឡើយ ហើយអាចនឹងធ្វើឱ្យប៉ះពាល់ដល់អាជីពរបស់គេ។

ខ្សែប្រយុទ្ធរូបនេះបានឱ្យដឹងថា៖ «ខ្ញុំគិតថា យើងគឺជាក្រុមខ្លាំង ប៉ុន្តែ អ៊ីរ៉ង់ក៏ជាក្រុមខ្លាំងមួយផងដែរ។ វាពិតជាសំខាន់ណាស់ក្នុងការមានភាពខ្លាំងផ្នែកស្មារតី។ សម្ពាធពិតជាមានក្នុងក្រុម ប៉ុន្តែខ្ញុំគិតថា យើងមានការជឿជាក់ខ្លាំងជាងអ៊ីរ៉ង់»៕

ប្រភពពី៖ Channel News Asia

August 24, 2018

កម្ពុជាត្រូវការបង្កើនបរិមាណ ជំនាញមគ្គុទ្ទេសក៍ទេសចរណ៍ ដើម្បីជំរុញវិស័យទេសចរណ៍

គិតមកទល់ពេលបច្ចុប្បន្ន កម្ពុជាមានអ្នកបម្រើការងារក្នុងវិស័យទេសចរណ៍ ដោយផ្ទាល់ ប្រមាណ 62ម៉ឺននាក់ ដែលក្នុងនោះមានមគ្គុទ្ទេសក៍ទេសចរណ៍ប្រមាណ 5,000នាក់ ដែលចំនួននេះមិនទាន់ឆ្លើយតបគ្រប់ទៅនឹងកំណើននៃភ្ញៀវទេសចរនៅឡើយ។ ក្រសួងទេសចរណ៍ត្រូវការជំរុញឱ្យមានការបង្កើនបរិមាណជំនាញមគ្គុទេ្ទសក៍ទេសចរណ៍កាន់តែច្រើនបន្ថែមទៀត ដើម្បីឆ្លើយតបទៅនឹងកំណើនភ្ញៀវទេសចរនៅឆ្នាំ2025។ នេះបើតាមការឱ្យដឹងពីមន្ត្រីជាន់ខ្ពស់ក្រសួងទេសចរណ៍។

ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ បានឱ្យដឹងនៅក្នុងពិធីបិទវគ្គបណ្តុះបណ្តាល និងប្រគល់វិញ្ញាបនបត្រជូនសិក្ខាកាមមគ្គុទ្ទេសក៍ទេសចរណ៍ថ្នាក់ជាតិ ជំនាន់ទី3 និងថ្នាក់តំបន់ភ្នំពេញ ជំនាន់ទី17 ចំនួន 106នាក់ និងពិធីបើកវគ្គបណ្តុះបណ្តាលមគ្គុទ្ទេសក៍ទេសចរណ៍ថ្នាក់តំបន់ភ្នំពេញ ជំនាន់ទី19។ ក្នុងឱកាសនោះ ឯកឧត្តមបានកោតសសើរដល់សិក្ខាកាមជយលាភីដែលបានឆ្លងកាត់វគ្គបណ្ដុះបណ្ដាលរយៈពេល 6ខែ (ផ្នែកទ្រឹស្តីរយៈពេល 4ខែ និងចុះធ្វើកម្មសិក្សាស្រាវជ្រាវ 2ខែ) ហើយបានឆ្លងកាត់ការប្រឡងវាយតម្លៃ រហូតទទួលបានលទ្ធផលជោគជ័យជាស្ថាពរ។

ឯកឧត្តមរដ្ឋលេខាធិការក្រសួងទេសចរណ៍ បានមានប្រសាសន៍ថា ការជំរុញបន្ថែមនេះ គឺដើម្បីត្រៀមឆ្លើយតបទៅនឹងកំណើនភ្ញៀវទេសចរដែលនឹងកើនឡើងរហូតដល់ 10លាននាក់នៅឆ្នាំ2025 ដែលនឹងអាចបង្កើតការងារដោយផ្ទាល់ប្រមាណ 1.2លាននាក់ សម្រាប់អ្នកបម្រើការងារក្នុងវិស័យទេសចរណ៍។

លោក បាន ថេរ៉ូ សាកលវិទ្យាធិការ នៃសាកលវិទ្យាល័យមេគង្គកម្ពុជាបានលើកឡើងថា មគ្គុទ្ទេសក៍ទេសចរណ៍ចំនួន 39នាក់ដែលត្រូវបានឆ្លងកាត់វគ្គបណ្ដុះបណ្ដាលពីសាកលវិទ្យាល័យមេគង្គកម្ពុជានឹងអាចចូលរួមចំណែកជួយបម្រើការងារនៅក្នុងវិស័យទេសចរណ៍កម្ពុជា ស្របពេលដែលមគ្គុទ្ទេសក៍ទេសចរណ៍កំពុងមានតម្រូវការខ្ពស់។

សូមរំឭកផងដែរថា បច្ចុប្បន្ន រាជរដ្ឋាភិបាលកម្ពុជាដែលមានក្រសួងទេសចរណ៍ជាសេនាធិការជំនាញ បានយកចិត្តទុកដាក់ជាអាទិភាពដល់ការបណ្តុះបណ្តាលជំនាញ និងបង្កើតការងារជូនយុវជនកម្ពុជា សំដៅឆ្លើយតបនឹងកំណើនទេសចរជាតិ និងអន្តរជាតិដ៏ខ្លាំងក្លា។ ជាក់ស្តែង រយៈពេល 6ខែដើមឆ្នាំ2018នេះ កម្ពុជាទទួលបានភ្ញៀវទេសចរអន្តរជាតិប្រមាណ 3លាននាក់ កើនឡើង13% ហើយជាការរំពឹងទុកពេញមួយឆ្នាំ2018នេះ កម្ពុជានឹងទទួលបានទេសចរអន្តរជាតិប្រមាណជា 6,2លាននាក់។

ជាចក្ខុវិស័យរបស់ក្រសួងទេសចរណ៍ នៅឆ្នាំ2020 កម្ពុជារំពឹងទទួលបានភ្ញៀវទេសចរអន្តរជាតិប្រមាណជាជាង 7លាននាក់ ដែលនឹងនាំចំណូលចូលជាតិប្រមាណជា 5000លានដុល្លារអាមេរិកដែលនឹងបានបង្កើតការងារដោយផ្ទាល់ដល់ប្រជាពលរដ្ឋប្រមាណ 1លាននាក់ និងក្នុងនោះតម្រូវការមគ្គុទ្ទេសក៍ទេសចរណ៍នឹងមានប្រមាណជាជាង 1ម៉ឺននាក់៕

August 24, 2018

អង់គ្លេសប្រកាសបន្តអនុគ្រោះពន្ឋសម្រាប់ការនាំចូលទំនិញពីកម្ពុជា

លោក ម៉ាក ហ្វីល (Mark Field) អនុរដ្ឋមន្ត្រីក្រសួងការអង់គ្លេស ទទួលបន្ទុកអាស៊ីប៉ាស៊ីហ្វិក បានមានប្រសាសន៍ថា អង់គ្លេសនៅតែបន្តលើកលែងពន្ឋសម្រាប់រាល់ទំនិញនាំចេញពីកម្ពុជា ទៅកាន់ទីផ្សារដ៍ធំក្នុងប្រទេសអ៉ឺរ៉ុប។

ការអះអាងធ្វើឡើងក្នុងជំនួបរវាង លោក ម៉ាក ហ្វីល (Mak Field) ជាមួយលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៅល្ងាចថ្ងៃទី22 ខែសីហា ឆ្នាំ2018 ម្សិលមិញនេះ។

អ្នកនាំពាក្យក្រសួងការបរទេស លោក កេត សោផាន់ បានបញ្ជាក់ប្រាប់ក្រុមអ្នកព័ត៌មាននៅក្រោយជំនួយនេះថា អង់គ្លេសបានប្តេជ្ញាចិត្តបន្តផ្តល់ភាពអនុគ្រោះពាណិជ្ជនេះ ទោះចាកចេញពីសហគមន៍អឺរ៉ុបក៏ដោយ។ ឆ្លើយតបការបន្តការអនុគ្រោះពន្ធសម្រាប់ទំនិញរបស់កម្ពុជានេះ លោកទេសរដ្ឋមន្ត្រី ប្រាក់ សុខុន ក៏បានថ្លែងអំណរគុណដល់ចក្រភព អង់គ្លេសដែលនៅតែបន្តអនុគ្រោះពន្ឋសម្រាប់ទំនិញនាំចេញពីកម្ពុជា ក្នុងគោលដៅជួយឱ្យសេដ្ឋកិច្ចកម្ពុជានៅបន្តរីកចម្រើន និងពិសេសការអនុគ្រោះពន្ឋ បានផ្តល់ការងារដល់ពលរដ្ឋខ្មែរជាច្រើន៕

August 24, 2018

ផ្សារកម្សាន្តបែបទេសចរណ៍ នឹងបង្ហាញខ្លួននៅចុងឆ្នាំនេះ

ផ្សារបែបកម្សាន្តតម្លៃជាង 10លានដុល្លារដែលមានឈ្មោះថា WB Arena ដែលស្ថិតនៅតាមបណ្តោយផ្លូវជាតិលេខ2 ក្នុងសង្កាត់ចាក់អង្រែក្រោមត្រូវបានក្រុមហ៊ុន WorldBridge Group វិនិយោគសាងសង់ជាមជ្ឈមណ្ឌលកម្សាន្តជាប់មាត់ទន្លេ នឹងក្លាយជាកន្លែងកម្សាន្តដែលមានភាពសម្បូរបែបប្លែកថ្មីមួយនៅរាជធានីភ្នំពេញដែលនឹងបង្ហាញខ្លួននៅចុងឆ្នាំ2018នេះ។

លោក សាយម៉ុន គ្រីហ្វីតស៍ (Simon Griffiths) នាយកគ្រប់គ្រងក្រុមហ៊ុន Urban Asset Solutions បានថ្លែងក្នុងសន្និសីទសារព័ត៌មានបង្ហាញពីគម្រោងនេះកាលពីថ្ងៃទី21 ខែសីហាថា ផ្សារកម្សាន្តនេះនឹងក្លាយជាតំបន់លម្ហែកាយបែបទេសចរណ៍ដ៏ទាក់ទាញមួយ ដោយសារតែស្ថិតលើផ្ទៃដីធំទូលាយនៅក្នុងតំបន់ចាក់អង្រែជាប់មាត់ទន្លេដែលជាទីតាំងល្អបំផុតសម្រាប់អាជីវកម្មហាងទំនើប និងអ្នកចូលចិត្តកម្សាន្តនៅក្នុងរាជធានីភ្នំពេញ។ គម្រោងនេះរួមមានផ្សារទំនើប ហាងប្រ៊េនដ៍ៗ និងកន្លែងសម្រាប់អង្គុយលម្ហែកម្សាន្តយ៉ាងសម្បូរបែប បំពេញសេចក្ដីត្រូវការរបស់អ្នកទស្សនា និងអ្នកចូលចិត្តលម្ហែកាយ។

មជ្ឈមណ្ឌលកម្សាន្តថ្មីមួយនេះត្រូវបានសាងសង់លើផ្ទៃដីជាង 1.3ហិកតា ក្នុងនោះមានអគារសរុបចំនួន 13អគារ ដែលអគារនីមួយៗផ្ដល់នូវសេវាកម្មផ្សេងៗពីគ្នាជាច្រើន ដូចជាម្ហូបអាហារ ភេសជ្ជៈបែបជាតិ និងអន្ដរជាតិ ផ្សារទំនើប កន្លែងក្មេងលេង មជ្ឈមណ្ឌលសុខភាពសម្ផស្ស និងដែលពិសេសជាងគេនោះ គឺរោងមហោស្រព។

ចំណុចពិសេសរបស់មជ្ឈមណ្ឌលកម្សាន្ត WB Arena នេះគឺ ទីតាំងដែលអាចចូលទៅដល់ទាំងផ្លូវទឹក និងផ្លូវគោក។ WB Arena មានបណ្តោយលាតសន្ធឹងតាមដងទន្លេបាសាក់ប្រមាណ 100ម៉ែត្រ ដែលអ្នកមកកម្សាន្តអាចធ្វើដំណើរមកបានដោយប្រើប្រាស់សេវានាវាដឹកអ្នកដំណើរសាធារណៈ ព្រែកព្នៅ-ភ្នំពេញ-តាខ្មៅ របស់ក្រសួងសាធារណការ និងដឹកជញ្ជូន ក៏ដូចជាកាណូតទេសចរណ៍ឯកជនផ្ទាល់ខ្លួនផងដែរ នេះបើតាមប្រសាសន៍របស់លោក Simon Griffiths ដែលជាអ្នកទទួលខុសត្រូវលើគម្រោងនេះ។

លោក Simon បានបន្តទៀតថា ភាពលេចធ្លោមួយទៀតនៃមជ្ឈមណ្ឌលកម្សាន្តនេះ គឺសាលមហោស្រព 400កៅអីដែលមានការសម្តែងផ្សេងៗគ្នាជារៀងរាល់យប់ដូចជា ការប្រដាល់ខ្មែរ សៀក ការប្រគំតន្ត្រី និងការសម្តែងសិល្បៈវប្បធម៌ខ្មែរជាដើម។

លោក យុគ សុធីរិទ្ធ ប្រធានគ្រប់គ្រងទូទៅនៃតំបន់កម្សាន្ត World Bridge Home បានថ្លែងថា គម្រោងបង្កើតតំបន់កម្សាន្តនេះនឹងផ្ដល់ឱកាសឱ្យពាណិជ្ជករធំៗ និងអ្នកកម្សាន្តទាំងក្នុងស្រុក និងក្រៅស្រុកកាន់តែជិតស្និទ្ធគ្នាក្រោយពេលដំណើរការ។ ទីតាំងនេះក៏នឹងក្លាយជាផ្សារទំនើប និងកន្លែងកម្សាន្តនាពេលរាត្រីដ៏ស្រស់ស្អាតផងដែរ ជាពិសេសសម្រាប់អ្នករស់នៅត្រើយម្ខាងនៃទន្លេ និងអ្នកជិះកាណូតទេសចរណ៍ទស្សនាតាមការរៀបចំរបស់ក្រុមហ៊ុន។

ចំណែកលោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាបានលើកឡើងថា វត្តមាន WB Arena នឹងទាក់ទាញភ្ញៀវជាតិ និងអន្តរជាតិបានមិនតិចទេ ដោយសារតែគម្រោងមួយនេះ ក្រៅពីមានផ្សារទំនើប មានអាហារដ្ឋាន និងកន្លែងអង្គុយកម្សាន្តហើយ ក៏មានរោងសិល្បៈតន្ត្រីសម្រាប់ទាក់ទាញអ្នកទេសចរបានមកកម្សាន្តថែមទៀតដែរ៕

August 23, 2018

Schooling ជួយឱ្យសិង្ហបុរីឈ្នះមេដាយមាសជាលើកទី1 ក្នុង Asian Games

ម្ចាស់ជើងឯកអូឡាំពិក Joseph Schooling បានជួយឱ្យសិង្ហបុរីឈ្នះមេដាយមាស ជាលើកទី1 ក្នុងព្រឹត្តិការណ៍ Asian Games ឆ្នាំ2018 ក្រោយពីការពារពានក្នុងការប្រកួតហែលទឹកបែបមេអំបៅចម្ងាយ 100ម៉ែត្ររបស់គេយ៉ាងជោគជ័យកាលពីយប់ថ្ងៃពុធ។

Schooling បានប្រើប្រាស់ថិរវេលា 51.04វិនាទី ដើម្បីហែលទៅដល់ទីមុនគេ ក៏ដូចជានាំមុខលើគូប្រជែងយ៉ាងប្រកៀកបំផុតនៅឯមជ្ឈមណ្ឌលហែលទឹក Gelora Bung Karno ក្នុងទីក្រុងហ្សាការតា ខណៈដែលរូបគេក៏បានបង្កើតកំណត់ត្រាថ្មីកីឡាអាស៊ីនេះផងដែរ។ កីឡាករចិន Li Zhuhao បានឈ្នះមេដាយប្រាក់ ដោយប្រើប្រាស់ថិរវេលា 51.46វិនាទី ស្របពេលដែលកីឡាករជប៉ុន Yuki Kobori បានឈ្នះមេដាយសំរឹទ្ធជាមួយនឹងថិរវេលា51,77វិនាទី។

កីឡាករ Quah Zheng Wen ដែលជាមិត្តរួមជាតិរបស់ Schooling បានបញ្ចប់ក្នុងចំណាត់ថ្នាក់លេខ4 ក្រោយពីប្រើប្រាស់ថិរវេលា52.54វិនាទី។ Schooling បានប្រើប្រាស់ថិរវេលាតិចជាងគេបំផុតក្នុងការប្រកួតវគ្គជម្រុះ កាលពីព្រឹកថ្ងៃពុធ ខណៈដែល Quah ស្ថិតក្នុងចំណាត់ថ្នាក់លេខ4 ដូចគ្នា។ មេដាយមាសនេះគឺជាមេដាយទី2 របស់ Schooling ក្នុងព្រឹត្តិការណ៍ Asian Games ឆ្នាំ2018 ក្រោយពីរូបគេបានជួយឱ្យក្រុមហែលទឹកបុរសចម្ងាយ 4x200m ឈ្នះមេដាយសំរឹទ្ធកាលពីថ្ងៃចន្ទ។

កីឡាករវ័យ 23ឆ្នាំរូបនេះ បានស្ថិតក្នុងការចាប់អារម្មណ៍ខ្លាំង ក្រោយពីឈ្នះការប្រកួតហែលទឹកបែបមេបំបៅ ចម្ងាយ 100ម៉ែត្រ ក្នុងព្រឹត្តិការណ៍ Asian Games ឆ្នាំ2014 នៅទីក្រុង Incheon។ ក្រោយមក រូបគេបានបន្តធ្វើដំណើរជួយឱ្យសិង្ហបុរី ឈ្នះមេដាយមាសជាលើកទី1 ក្នុងព្រឹត្តិការណ៍អូឡាំពិក ដោយផ្តួលកីឡាករហែលទឹកដ៏ឆ្នើម Michael Phelps ក្នុងវគ្គផ្តាច់ព្រ័ត្រ កាលពីឆ្នាំ2014៕

ប្រភពពី៖ Channel News Asia

August 23, 2018

Author: វល័ក្ខ