Author: វល័ក្ខ

Watford ធ្វើឱ្យ Spurs ស្រឡាំងកាំង ដើម្បីបន្តការចាប់ផ្តើមយ៉ាងល្អ
ការចាប់ផ្តើមយ៉ាងល្អរបស់ក្រុម Watford នៅរដូវកាលនេះ បានឈានដល់ចំណុចកំពូលថ្មីមួយ ខណៈដែលពួកគេបានកត់ត្រាជ័យជម្នះ៤លើកជាប់ៗគ្នាពីការប្រកួតទាំង៤លើកនៃក្របខ័ណ្ឌ Premier League ក្រោយពីបានកត់ត្រាជ័យជម្នះដ៏មិននឹកស្មានដល់ក្នុងលទ្ធផល ២-១ លើក្រុម Tottenham កាលពីថ្ងៃអាទិត្យ។
ក្រោយពីបានដេញតាមពីក្រោយដោយសារតែការធ្វើឲ្យបាល់ចូលទីខ្លួនឯងរបស់កីឡាករ Abdoulaye Doucoure នៅនាទី ទី៥៤ ក្រុម Watford បានធ្វើការវាយបកវិញយ៉ាងល្អ ដើម្បីរកបាន៣ពិន្ទុពេញតាមរយ់ការតែតបាល់បញ្ចូលទីពីសំណាក់កីឡាករ Troy Deeney និង Craig Cathcart។
គ្រប់គ្នានៅតែរង់ចាំមើលថាក្រុមរបស់លោក Javi Gracia នៅតែបន្តស្ថិតក្នុងចំណាត់ថ្នាក់ជាមួយនឹងខ្លាំងរយៈពេលយូរប៉ុណ្ណា ប៉ុន្តែ ជ័យជម្នះនេះ បានបង្ហាញថា បច្ចុប្បន្ន ពួកគេកំពុងតែស្ថិតក្នុងចំណាត់ថ្នាក់ដ៏ខ្ពស់។
ក្រុម Watford បានកត់ត្រាជ័យជម្នះក្នុងការប្រកួតក្របខ័ណ្ឌលីក៤ប្រកួតដំបូងរបស់ពួកគេជាលើកទី១ បើគិតចាប់តាំងពីឆ្នាំ១៩៨៨ និងកំពុងតែមានពិន្ទុស្មើជាមួយក្រុម Liverpool និងក្រុមឈរលេខ២ Chelsea មុននឹងឈានទៅកាន់ការសម្រាកសម្រាប់ការប្រកួតអន្តរជាតិ។
ក្រោយពីបានផ្តួលក្រុម Brighton, Burnley និង Crystal Palace ក្នុងការប្រកួតបើកឆាក៣លើកដំបូងរបស់ខ្លួន នេះគឺជាការទទួលជ័យជម្នះជាលើកទី១របស់ក្រុម Watford នៅពេលប្រកួតជាមួយនឹងក្រុមខ្លាំងទាំង។
គ្រាប់បាល់ស៊ុតបញ្ចូលទី២គ្រាប់ពីសំណាក់ខ្សែប្រយុទ្ធ Romelu Lukaku បានជួយឲ្យលោក Jose Mourinho ដណ្តើមបានជ័យជម្នះដ៏សំខាន់ក្នុងលទ្ធផល ២-០ នៅលើទឹកដីក្រុម Burnley កាលពីថ្ងៃអាទិត្យ បើទោះបីវាបានក្លាយជាថ្ងៃប្រកួតងដ៏ចម្រូងចម្រាស់សម្រាប់ក្រុម Manchester United របស់លោកក៏ដោយ៕
ប្រភពពី៖ Channel News Asia
September 4, 2018
រដ្ឋបាលខេត្ត Guangxi Zhaung របស់ចិនគ្រោងពង្រីកពាណិជ្ជកម្មបន្ថែមជាមួយកម្ពុជា
គណៈប្រតិភូនៃតំបន់ស្វយ័តនៅខេត្ត Guangxi Zhaung ប្រទេសចិន ដឹកនាំដោយ ឯកឧត្តម Ding Xiangqun អនុប្រធាននៃរដ្ឋាភិបាលរបស់តំបន់ស្វយ័តនៃខេត្ត Guangxi Zhaungបានអញ្ជើញមកបំពេញទស្សនកិច្ចនៅប្រទេសកម្ពុជាចាប់ពីថ្ងៃទី27 ដល់ថ្ងៃទី30 ខែសីហា ឆ្នាំ2018។ ការបំពេញទស្សនកិច្ចក្នុងពេលកន្លងមកនេះ ក្នុងគោលបំណងលើកកម្ពស់ការធ្វើពាណិជ្ជកម្ម និងវិនិយោគរវាងប្រទេសកម្ពុជា និងខេត្ត Guangxi Zhaung នៃសាធារណរដ្ឋប្រជាមានិតចិន។
ក្នុងជំនួបជាមួយប្រតិភូចិន ឯកឧត្តម ជា ចាន់តូ អគ្គទេសាភិបាលនៃធនាគារជាតិនៃកម្ពុជា បានបង្ហាញពីស្ថានភាពសេដ្ឋកិច្ច និងការអភិវឌ្ឍរីកចម្រើនរបស់ប្រទេសកម្ពុជា និងទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសទាំង2។ នៅប្រទេសកម្ពុជាវិនិយោគិនចិនជាច្រើនបានមកវិនិយោគលើវិស័យសំខាន់ៗមួយចំនួនដូចជា វិស័យកាត់ដេរ សំណង់ កសិកម្ម ក៏ដូចជាវិស័យធនាគារ និងហិរញ្ញវត្ថុដែលសព្វថ្ងៃមានធនាគារចិនចំនួន2 កំពុងធ្វើប្រតិបត្តិការនៅប្រទេសកម្ពុជា គឺធនាគារ អាយ ស៊ី ប៊ី ស៊ី និងធនាគារចិនសាខាភ្នំពេញ។
ឯកឧត្តម Ding Xiangqun អនុប្រធាននៃរដ្ឋាភិបាលរបស់តំបន់ស្វយ័តនៃខេត្ត Guangxi Zhaung ក៏បានមានប្រសាសន៍ថា ក្នុងរយៈពេលប៉ុន្មានឆ្នាំចុងក្រោយនេះ ប្រទេសកម្ពុជាមានការអភិវឌ្ឍរីកចម្រើនគួរឱ្យកត់សម្គាល់។ ការវិនិយោគរបស់វិនិយោគិនចិននៅប្រទេសកម្ពុជា ក៏មានការកើនឡើងគួរឱ្យកត់សម្គាល់ផងដែរទាំងទំហំ និងប្រតិបត្តិការ។ បើគិតត្រឹមឆ្នាំ2017 ការនាំចេញពីខេត្ត GuangXiZhaung មកកម្ពុជា មានប្រមាណ 69,3លានដុល្លារអាមេរិក ហើយមានសហគ្រាសធំៗចំនួន28 បានមកវិនិយោគនៅប្រទេសកម្ពុជា ដែលមានទឹកប្រាក់សរុបប្រមាណ 1ប៊ីលានដុល្លារអាមេរិក។
រីឯប្រតិបត្តិការឆ្លងដែនរវាងប្រាក់រៀល និងប្រាក់យន់ក៏មានការអភិវឌ្ឍរីកចម្រើនផងដែរ បន្ទាប់ពីបានសម្ពោធដាក់ឱ្យដំណើរការដោះដូររវាងប្រាក់រៀល និងប្រាក់យន់ក្នុងទីផ្សារអន្តរធនាគារនៅតំបន់ស្វយ័ត Guangxi Zhaung ប្រទេសចិនកាលពីខែកញ្ញា ឆ្នាំ2017កន្លងមក។ ដោយសារខេត្ត GuangXiZhaung ជាចំណុចកណ្តាលសម្រាប់តភ្ជាប់រវាងប្រទេសចិន និងប្រទេសតំបន់អាស៊ាន រដ្ឋបាលតំបន់ស្វយ័តនៃខេត្តនេះបាន និងកំពុងដើរតួនាទីស្នូលក្នុងការពង្រីកកិច្ចសហប្រតិបត្តិការរវាងប្រទេសចិន និងតំបន់អាស៊ាន។
នៅក្នុងជំនួបនេះ ឯកឧត្តម Ding Xiangqun បានសំណូមពរបន្តពង្រឹងទំនាក់ទំនង និងកិច្ចសហប្រតិបត្តិការលើគ្រប់វិស័យ ដើម្បីជំរុញការអភិវឌ្ឍឱ្យកាន់តែប្រសើរឡើងស្របតាមយុទ្ធសាស្ត្រ ខ្សែក្រវាត់មួយ-ផ្លូវមួយ៕
September 4, 2018
តារាវ័យក្មេងជប៉ុន Ikee ជាប់ជាអត្តពលិកឆ្នើមបំផុតប្រចាំ Asian Games
ក្រោយពីព្រឹត្តិការណ៍កីឡា Asian Games ត្រូវបានបិទបញ្ចប់ជាស្ថាពរកាលពីយប់ថ្ងៃអាទិត្យ កីឡាការិនីហែលទឹករបស់ជប៉ុន Rikako Ikee ដែលបានក្លាយជាស្ត្រីដំបូងគេក្នុងការឈ្នះមេដាយមាស៦ក្នុងយុទ្ធនាការកីឡាអាស៊ីតែមួយនោះ ត្រូវបានបោះឆ្នោតឲ្យជាប់ជាអត្តពលិកឆ្នើមបំផុតប្រចាំយុទ្ធនាការ។
កីឡាការិនីដ៏ស្រស់សោភាវ័យ១៨ឆ្នាំរូបនេះ បានឲ្យដឹងថា៖ «ខ្ញុំនៅតែមិនទាន់ឈ្នះជើងឯកពិភពលោកនៅឡើយទេ ហេតុនេះ នោះគឺជាគោលដៅបន្ទាប់របស់ខ្ញុំ»។ ជាមួយនឹងការឈ្នះពានកិត្តិយសនេះ Ikee ក៏ទទួលបានប្រាក់រង្វាន់លើកទឹកចិត្តចំនួន៥ម៉ឺនដុល្លារផងដែរ។
ស្របពេលជាមួយគ្នានេះ ចិន បានបញ្ចប់ដោយឈរលេខ១នៅលើតារាងមេដាយរបស់ព្រឹត្តិការណ៍កីឡាអាស៊ី ជាលើកទី១ជាប់ៗគ្នា បើគិតចាប់តាំងពីបានគ្រប់គ្រងលើតារាងមេដាយមាសក្នុងទីក្រុង New Delhi កាលពីឆ្នាំ១៩៨២ ជាមួយនឹងការឈ្នះមេដាយមាសរុបនៅឥណ្ឌូនេស៊ី ចំនួន១៣។
បច្ចុប្បន្ន ពួកគេនឹងសម្លឹងរកការរក្សាភាពខ្លាំងរបស់ខ្លួន តាមរយៈការសម្រេចនូវសមិទ្ធផលដ៏អស្ចារ្យរបស់ខ្លួនក្នុងព្រឹត្តិការណ៍កីឡាអូឡាំពិក ឆ្នាំ២០២០ នៅទីក្រុងតូក្យូ ដែលជាទីក្រុងម្ចាស់អាណានិគមក្នុងសម័យសង្គ្រាមរបស់របស់ខ្លួន។
ដោយឡែក ជប៉ុន ដែលបានឈ្នះមេដាយមាសទី៤៦៥របស់ខ្លួនរបស់កីឡា Asian Games ក្នុងការប្រកួតលើវិញ្ញាសាកីឡាទ្រីយ៉ាត្លុងជាក្រុមចម្រុះនោះ បានស្ថិតក្នុងចំណាត់ថ្នាក់លេខ២ជាមួយនឹងការឈ្នះមេដាយមាសសរុប៧៥ ស្របពេលដែលកូរ៉េខាងត្បូង បានឈ្នះមេដាយមាស៤៩ ហើយម្ចាស់ផ្ទះឥណ្ឌូនេស៊ី បានបញ្ចប់ដោយឈ្នះមេដាយមាស៣១៕
ប្រភពពី៖ Channel News Asia
September 4, 2018
មហាព្រឹត្តិការណ៍ដ៏អស្ចារ្យ! ពិធីជប់លៀងលើទូកជាមួយស្រាបៀរ Anchor រសជាតិស្រទន់ប្រចាំឆ្នាំ2018
ថ្ងៃនេះ ស្រាបៀរ Anchor មានមោទនភាពយ៉ាងក្រៃលែងក្នុងការនាំមកជូននូវមហាព្រឹត្តិការណ៍ឌីជីថលដ៏អស្ចារ្យលើកដំបូងដែលមិនធ្លាប់មានពីមុនមកនៅលើទូកមួយក្នុងរាជធានីភ្នំពេញដែលនឹងកើតឡើងនាថៃ្ងទី 28 កញ្ញា 2018។
ស្រាបៀរ Anchor សូមសម្តែងនូវការដឹងគុណយ៉ាងជ្រាលជ្រៅជាទីបំផុតជូនដល់ប្រជាជនកម្ពុជាទាំងអស់។ នេះក៏ដោយសារតែការគាំទ្រដ៏ឥតងាករេ និងឥតឈប់ឈរគ្រប់ពេលវេលារបស់លោកអ្នក ហើយនៅថ្ងៃនេះ ស្រាបៀរ Anchor បានក្លាយទៅជាស្រាបៀរដ៏ពេញនិយមបំផុតក្នុងប្រទេសកម្ពុជា។
ស្រាបៀរ Anchor ត្រូវបានផលិតឡើងលើកដំបូងក្នុងឆ្នាំ 1993 អនុលោមទៅតាមស្តង់ដារប្រកបដោយគុណភាពខ្ពស់នៃស្រាបៀរ Pilsener នៅទ្វីបអឺរ៉ុប។ Anchor ឈ្នះពានរង្វាន់អន្តរជាតិផ្នែកគុណភាពជាបន្តបន្ទាប់សរុបជាង 30មេដាយ។ តាំងពីចាប់ដំណើរការស្រាបៀរ Anchor នៅកម្ពុជា ក្នុងឆ្នាំ 1996 មក Anchor បានទទួលការគាំទ្រ និងមានការពេញនិយមយ៉ាងខ្លាំងក្នុងស្រទាប់មហាជន នេះក៏ដោយសារតែគុណភាពលំដាប់ខ្ពស់ រសជាតិស្រទន់ និងស្រស់ស្រាយរបស់ស្រាបៀរនេះដែរ។
ទូកចល័តរបស់ស្រាបៀរ Anchor ដែលត្រូវបានរចនាឡើងយ៉ាងសម្រិតសម្រាំងជាទីបំផុតនេះ នឹងធ្វើដំណើរជុំវិញរាជធានីភ្នំពេញ ចាប់ពីថៃ្ងទី1 ខែកញ្ញា ដល់ ថៃ្ងទី11 ខែកញ្ញា។ ហើយទូកនេះ នឹងត្រូវបានអនុញ្ញាតឱ្យសាធារណជនថតរបស់រូបពួកគេនិងបង្ហោះរូបនោះនៅលើទំព័រហ្វេកប៊ុករបស់ Anchor។ ចំពោះតម្រាយផ្លូវនៃការធ្វើដំណើររបស់ទូកចល័តនេះ នឹងត្រូវបានបង្ហោះជារៀងរាល់ថ្ងៃនៅលើទំព័រហ្វេកប៊ុករបស់ Anchor។
រូបថតដែលមានលក្ខណៈច្នៃប្រឌិតដ៏ល្អឥតខ្ចោះចំនួន 50រូប នឹងត្រូវបានជ្រើសរើសដើម្បីទទួលបានសំបុត្រមាសសម្រាប់មហាព្រឹត្តិការណ៍ដ៏អស្ចារ្យនេះ។ អ្នកឈ្នះរង្វាន់ទាំង 50 រូបនេះ នឹងត្រូវបានអនុញ្ញាតឱ្យនាំយកមិត្តភក្តិម្នាក់មកជាមួយដើម្បីចូលរួមក្នុងកម្មវិធីដ៏អស្ចារ្យមិនធ្លាប់មាននេះ។
នៅពេលដែលពួកគេបានចាប់ផ្តើមធ្វើដំណើរតាមទូកដែលត្រូវបានតុបតែងច្នៃប្រឌិតឡើងយ៉ាងល្អឥត ខ្ចោះ ហើយត្រូវបានដាក់ឈ្មោះថា Anchor Smooth Boat ពួកគេនឹងរីករាយគយគន់សម្រស់ធម្មជាតិដ៏អស្ចារ្យតាមដងទន្លេនាវេលាល្ងាចដ៏សែនមនោរម្យ រួមនឹងការបានពិសាអាហារដ៏មានឱជារសឈ្ងុយឆ្ងាញ់ជាប់មាត់ ជាប់ចិត្ត អមដោយការក្រេបនូវដំណក់ស្រាបៀរ Anchor រសជាតិស្រាលស្រទន់គុណភាពខ្ពស់លំដាប់ពិភពលោក ដែលត្រូវបានចាក់ជូនដោយឥតគិតថ្លៃពីក្រុមការងារនៃស្រាបៀរ Anchor ស្របពេលការប្រគំតន្ត្រីក៏ត្រូវបានចាប់ផ្តើមបន្លឺឡើងជាមួយនឹងបទចម្រៀងដ៏សែនពីរោះរងំសណ្តំចិត្តដោយមានការចូលរួមពីកំពូលតារាចម្រៀងល្បីៗប្រចាំព្រះរាជាណាចក្រកម្ពុជា មានដូចជា៖ លោក ខេមរៈ សេរីមន្ត លោក G-Devith លោក Zono និងកញ្ញាទេព បូព្រឹក្ស។
អ្នកចូលរួមក៏នឹងមានឱកាសបានជួបជជែកលេងពីរឿងរ៉ាវផ្ទាល់ខ្លួនជាមួយសិល្បករទាំងនេះ រួមជានឹងការបានទស្សនាការបង្ហាញ jet pack ដ៏អស្ចារ្យពីក្រុមអ្នកជំនាញមកពីទីក្រុងAmsterdam ក្នុងពេលដែលធ្វើដំណើរតាមទូកនេះផងដែរ។
វីដេអូតន្ត្រីថ្មីមួយក៏ត្រូវបានបង្កើតឡើងដើម្បីញ៉ាំងឲ្យមហាព្រឹត្តិការណ៍នេះកាន់តែអស្ចារ្យ កាន់តែមានអត្ថន័យ និងកាន់តែរំភើបញាប់ញ័របន្ថែមមួយកម្រិតទៀត។ អ្វីដែលលោកអ្នកត្រូវធ្វើនោះ លោកអ្នកគ្រាន់តែ follow Anchor FB Page និងតាមដានឱ្យបានជាប្រចាំរាល់ការធ្វើបច្ចុប្បន្នភាព នោះលោកអ្នកនឹងអាចក្លាយជាអ្នកឈ្នះសំបុត្រមាសនេះជាក់ជាពុំខានឡើយ៕
September 4, 2018
កាសែតឡារ៉ែន ពាណិជ្ជ លេខ 141
[easy_media_download url=”https://www.lareine.com.kh/wp-content/uploads/2018/09/LRPN_141-Final-For-Web.pdf” force_dl=”1″]
September 3, 2018
ធនាគារ ស្ថាបនា បើកសម្ពោធដាក់ឱ្យប្រើប្រាស់សេវា Sathapana Mobile App របស់ខ្លួនជាផ្លូវការ
ភ្នំពេញ៖ នៅថ្ងៃទី01 ខែកញ្ញា ឆ្នាំ2018នេះ ធនាគារ ស្ថាបនា ប្រកាសបើកដំណើរការប្រើប្រាស់ជាផ្លូវការសេវា Sathapana Mobile App របស់ខ្លួនជាផ្លូវការ ដែលជាកម្មវិធីធ្វើប្រតិបត្តិការធនាគារតាមទូរស័ព្ទដៃ។ Sathapana Mobile App គឺជាផ្នែកមួយនៃការរីកចម្រើនលើប្រតិបត្តិការធនាគារតាមប្រព័ន្ធឌីជីថលរបស់ធនាគារ ស្ថាបនា។
ឥឡូវនេះ លោកអ្នកអាចទាញយកកម្មវិធី Sathapana Mobile App ពី App Store និង Google Play ដើម្បីទទួលបានការធ្វើប្រតិបត្តិការធនាគារតាមទូរស័ព្ទដៃប្រកបដោយសុវត្ថិភាព ឆាប់រហ័ស និងភាពងាយស្រួល ព្រមទាំងមានមុខងារជាច្រើនមានដូចជា ពិនិត្យមើលសមតុល្យគណនី ធ្វើប្រតិបត្តិការផ្សេងៗ បើកគណនីប្រាក់បញ្ញើមានកាលកំណត់ ផ្ទេរប្រាក់ ទូទាត់វិកយបត្រ បញ្ចូលទឹកប្រាក់ទៅកាន់លេខទូរស័ព្ទ និងមានមុខងារពិសេសៗជាច្រើនទៀតដែលលោកអ្នកអាចធ្វើប្រតិបត្តិការបានគ្រប់ពេលវេលា និងគ្រប់ទីកន្លែងនៅលើពិភពលោក។
លោក Norihiko KATO ប្រធាននាយកប្រតិបត្តិធនាគារ ស្ថាបនា
លោក Norihiko KATO ប្រធាននាយកប្រតិបត្តិធនាគារ ស្ថាបនា បានមានប្រសាសន៍ថា “យើងមានមោទនភាពក្នុងការប្រកាសបើកដំណើរការប្រើប្រាស់កម្មវិធីសម្រាប់ធ្វើប្រតិបត្តិការធនាគារតាមទូរស័ព្ទដៃនេះ ដែលនឹងផ្តល់ជូនអតិថិជនរបស់យើងនូវបទពិសោធន៍ថ្មី ប្រកបដោយសុវត្ថិភាពខ្ពស់ និងទទួលបានការប្រើប្រាស់សេវាធនាគារដែលមានគុណតម្លៃ និងភាពរីករាយបន្ថែមទៀត។”
លោក Norihiko KATO បានមានប្រសាសន៍បន្ថែមទៀតថា “Sathapana Mobile App គឺជាគំនិតផ្តួចផ្តើមដ៏សំខាន់មួយរបស់ធនាគារនៅឆ្នាំនេះដែលបង្ហាញពីការប្តេជ្ញាចិត្តរបស់យើងដើម្បីបំពេញនូវតម្រូវការហិរញ្ញវត្ថុទំនើបរបស់អតិថិជន។ Sathapana Mobile App ក៏នឹងជួយជម្រុញបន្ថែមទៀតដល់ការរីកចម្រើននៃការធ្វើប្រតិបត្តិការធនាគារតាមទូរស័ព្ទដៃនៅកម្ពុជាផងដែរ។”
សកម្មភាពក្រុមការងារធនាគារ ស្ថាបនា និង ភ្ញៀវដែលបានអញ្ជើញចូលរួមពិធីបើកសម្ពោធដាក់ឱ្យប្រើប្រាស់ជាផ្លូវការសេវា Sathapana Mobile App
លក្ខណៈពិសេសៗរបស់ Sathapana Mobile App រួមមាន៖
- ពិនិត្យមើលសមតុល្យ និងប្រតិបត្តិការគណនី – របាយការណ៍សង្ខេបអំពីគណនី ពិនិត្យនិងទាញយកប្រតិបត្តិការក្នុងកំឡុងពេល ១៨០ ថ្ងៃចុងក្រោយពីគណនីសន្សំ ឬ គណនីចរន្តរបស់លោកអ្នក។
- បើកគណនីមានកាលកំណត់ – បង្កើត និងគ្រប់គ្រងគណនីមានកាលកំណត់។
- ផ្ទេរប្រាក់ – ធ្វើការផ្ទេរប្រាក់នៅក្នុងស្រុកនិងក្រៅស្រុក ផ្ទេរប្រាក់រវាងគណនីផ្ទាល់ខ្លួន ផ្ទេរប្រាក់ទៅគណនីផ្សេងទៀត ឬ ផ្ទេរប្រាក់ទៅគណនីក្នុងសមាជិក Fast ផ្ទេរប្រាក់ទៅកាន់ដៃគូរ ផ្តល់សេវាកម្មទូទាត់ (PSP)។
- ធ្វើប្រតិបត្តិការលើប័ណ្ណឥណទាន – ពិនិត្យមើលសមតុល្យ និងប្រតិបតិ្តការប័ណ្ណឥណទាន ទូទាត់វិក្កយបត្រប័ណ្ណឥណទាន ឬ បង្ខាំងប័ណ្ណរបស់លោកអ្នក។
- ការទូទាត់វិក្កយបត្រ – ការទូទាត់វិក្កយបត្រទៅក្រុមហ៊ុនដែលជាដៃគូរសហការណ៍។
- បញ្ចូលកាតទូរស័ព្ទ – បញ្ចូលទឹកប្រាក់ភ្លាមៗទៅកាន់លេខទូរស័ព្ទរបស់លោកអ្នក។
- ប្រើស្នាមម្រាមដៃសម្រាប់ចូលប្រើប្រាស់ – ប្រើស្នាមម្រាមដៃដើម្បីចូលប្រើប្រាស់ Sathapana Mobile នៅលើកម្មវីធី iOS ឬ Android បានយ៉ាងឆាប់រហ័ស៕
September 1, 2018
វីង ចុះ MOU ជាមួយមូលនិធិគន្ធបុប្ផាកម្ពុជា ស្ដីអំពី «ការប្រើប្រាស់សេវាកម្មទទួលវិភាគទានសប្បុរធម៌ជូនមូលនិធិគន្ធបុប្ផាកម្ពុជា»
នៅរសៀលថ្ងៃទី 30 ខែសីហា ឆ្នាំ 2018 ម្សិលមិញនេះ នៅទីស្ដីការក្រសួងសេដ្ឋកិច្ច និងហិរញ្ញវត្ថុ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាបរធនបាលនៃ «មូលនិធិគន្ធបុប្ផាកម្ពុជា» និង អ្នកឧកញ៉ាគិត ម៉េង ប្រធានក្រុមប្រឹក្សាភិបាលធនាគារឯកទេសវីង (ខេមបូឌា) លីមីតធីតបានអញ្ជើញចូលរួមចុះហត្ថលេខាលើអនុស្សរណៈនៃការយោគយល់គ្នា (MOU) ស្ដីពី «ការប្រើប្រាស់សេវាកម្មទទួលវិភាគទានសប្បុរធម៌ជូនមូលនិធិគន្ធបុប្ផាកម្ពុជា»។
ការចុះអនុស្សរណៈនៃការយោគយល់គ្នារវាងមូលនិធិគន្ធបុប្ផាកម្ពុជា និងធនាគារឯកទេសវីងនេះ គឺជាកិច្ចសហប្រតិបត្តិការដើម្បីផ្ដល់ជូនសប្បុរសធម៌ ដែលមានបំណងផ្ដល់ការបរិច្ចាគជាសាច់ប្រាក់ជូនមូលនិធិគន្ធបុប្ផាកម្ពុជានូវជម្រើសបន្ថែម ដែលមានលក្ខណៈកាន់តែងាយស្រួលតាមរយៈសេវាកម្មរបស់ធនាគារឯកទេសវីងនៅតាមគ្រប់ភ្នាក់ងារទាំងអស់ទូទាំងប្រទេសដោយមិនគិតថ្លៃសេវា។ បន្ថែមលើនេះ ធនាគារឯកទេសវីង ក៏នឹងបន្ដសហការជាមួយលេខាធិការដ្ឋានមូលនិធិគន្ធបុប្ផាកម្ពុជា ក្នុងសកម្មភាពផ្សព្វផ្សាយផ្សេងៗ ដើម្បីកៀរគរការបរិច្ចាគមូលនិធិបន្ថែមទៀតផងដែរ។
កម្មវិធីនេះសបញ្ជាក់ពីវឌ្ឍនភាពថ្មីមួយទៀតក្នុងការគិតគូរអំពីសុខទុក្ខរបស់កុមារកម្ពុជា ដែលជាទំពាំស្នងឬស្សីរបស់ប្រទេសជាតិ បន្ទាប់ពីការបង្កើត និងដាក់ឱ្យដំណើរការមូលនិធិគន្ធបុប្ផាកម្ពុជា កាលពីថ្ងៃទី11 ខែមេសា ឆ្នាំ2018 ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះជារាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលសម្ដេចទាំងពីរគឺជាស្ថាបនិក និងជាប្រធានកិត្តិយសរបស់មូលនិធិផ្ទាល់។
ឯកឧត្តមអគ្គបណ្ឌិតសភាចារ្យ ក៏បានថ្លែងអំណរគុណយ៉ាងជ្រាលជ្រៅចំពោះអ្នកឧកញ៉ាប្រធានក្រុមប្រឹក្សាភិបាលរបស់ Royal Group ចំពោះទឹកចិត្តសប្បុរសដែលបានបរិច្ចាគដីដែលជាទ្រព្យសម្បត្តិផ្ទាល់ខ្លួនជូនមូលនិធិគន្ធបុប្ផាកម្ពុជា និងថែមទាំងបាជួយផ្សព្វផ្សាយអំពីមូលនិធិ និងជាពិសេសតាមរយៈធនាគារឯកទេសវីង ដែលបានសម្រួលដល់ការផ្ដល់វិភាគទានដោយមិនគិតថ្លៃសេវា។ កាយវិការដ៏សប្បុរសនេះ បាននឹងកំពុងតែចូលរួមចំណែកជួយដល់កុមារកម្ពុជារាប់លាននាក់។
ជាមួយគ្នានេះដែរ អ្នកឧកញ៉ា គិត ម៉េង ក៏បានថ្លែងឱ្យដឹងផងដែរថា ថ្ងៃនេះគឺជាព្រឹត្តិការណ៍ដ៏សំខាន់មួយថ្មីទៀត សម្រាប់ធនាគារឯកទេសវីង ដែលបានចូលរួមជាមួយមូលនិធិគន្ធបុប្ផាដើម្បីជួយកសាងអនាគតកុមារកម្ពុជារាប់លាននាក់ឱ្យកាន់តែល្អប្រសើរ ក៏ដូជាបង្កើតឱ្យមានភាពងាយស្រួលដល់អ្នកបរិច្ចាគ។
ជាចុងក្រោយអ្នកឧកញ៉ា បានបញ្ជាក់ថា អ្នកដែលមានបំណងចង់ធ្វើការបរិច្ចាគអាចទៅកាន់ភ្នាក់ងារវីងមួយណាក៏បាន ដែលមានជាង 5500 ទីតាំង ដោយគ្រាន់តែបញ្ជាក់ប្រាប់ថា ត្រូវការបរិច្ចាគទៅកាន់មូលនិធិគន្ធបុប្ផា ដែលមានលេខកូដ 5559 ជាប្រាក់រៀល និង 5558 ជាប្រាក់ដុល្លារ។ តែប្រសិនបើអ្នកមានគណនីវីង អ្នកអាចចូលទៅកាន់ Wing App ដែលមាននៅលើទូរស័ព្ទដៃ រួចចុច Bill Payment និងស្វែងរកឈ្មោះមូលនិធិគន្ធបុប្ផា។
គួរបញ្ជាក់ផងដែរថា មូលនិធិគន្ធបុប្ផាកម្ពុជា ត្រូវបានបង្កើតឡើងក្រោមទម្រង់ជាបរធនបាលកិច្ច នៅក្រោមពាក្យស្លោក «ភាពញញឹមរបស់កុមារគឺជាអនាគតដ៏ភ្លឺស្វាងរបស់កម្ពុជា» ក្នុងគោលបំណងដើម្បីកៀរគរនូវអំណោយឧបត្ថម្ភធន និងវិភាគទានសម្បុរសធម៌ពីគ្រប់ប្រភេទស្របច្បាប់នានា សម្រាប់គោលដៅនៃការធានាជីវភាពនៃកិច្ចដំណើរការរបស់មន្ទីរពេទ្យគន្ធបុប្ផា ព្រមទាំងធានាថាកុមារនឹងបន្តទទួលបានការធានានូវការគាំពារផ្នែកសុខភាពប្រកបដោយគុណភាពនិងដោយមិនគិតថ្លៃ៕

September 1, 2018
ទស្សនាវីដេអូដោយមិនគិតថ្លៃនៅលើ iflix
iflix សូមបង្ហាញ iflix 3.0 ទាំងជម្រើស FREE និង VIP សម្រាប់លោកអ្នក iflix ដែលជាសេវាកម្សាន្តឈានមុខលើពិភពលោក នៅតាមប្រទេសជាច្រើន នៅថ្ងៃនេះ បានប្រកាសសម្ពោធ iflix 3.0 ដែលមានរូបរាងថ្មី កម្មវិធីកម្សាន្តដ៏ពេញនិយម នៅប្រទេសកម្ពុជា ដោយមានការរៀបចំរចនាថ្មីសន្លាង និងវីដេអូល្អមើល ដែលអាចឲ្យអ្នកប្រើប្រាស់ទូទៅប្រទេសកម្ពុជា ដោយឥតគិតថ្លៃ។ ពិតមែនហើយ នរណាៗ ក៏ចូលចត្តិរបស់មិនគិតថ្លៃដែរ។
ចំពោះប្រិយមិត្ត iflix ឥឡូវនេះ លោកអ្នកមានជម្រើសដែលគេចង់មើលកាន់តែច្រើន៖ iflix FREE កម្មវិធីទស្សនានៅលើ iflix ដោយឥតគិតថ្លៃនេះ ផ្តល់នូវកម្មវិធីដ៏ពេញនិយមបំផុតនៅលើ iflix និងកម្មវិធីផ្តាច់មុខផ្សេងទៀត ព្រមទាំងការប្រើប្រាស់ជាច្រើនទៀត ដល់អ្នកប្រើប្រាស់នៅក្នុងប្រទេសកម្ពុជា ដោយឥតគិតថ្លៃសោះតែម្តង។
អ្វីដែលលោកអ្នក នឹងទទួលបាន ភាគយន្តពេញនិយមប្រចាំថ្ងៃ៖ ខ្សែភាពទើបចេញផ្សាយ ជារៀងរាល់ថ្ងៃ។ iflix Snacks៖ វីដេអូខ្លីៗ ដែលងាយស្រួលមើល។ វីដេអូថ្មីចំនួន៥០ នឹងត្រូវបង្ហោះជារៀងរាល់ថ្ងៃ ដូច្នេះអ្នកចូលទស្សនាអាចកម្សាន្ត តាមបណ្តុំវីដេអូខ្លី មានដូចជា៖ Complex Media៖ នឹងមានវីដេអូកាន់តែច្រើន មកដល់ឆាប់ៗនេះថែមទៀត កម្មវិធីផលិតនៅក្នុងស្រុក ដោយផលិតករល្បីៗ កម្មវិធីល្បីៗលំដាប់ពិភពលោក ដោយមានទម្រង់ស្រដៀងទៅនឹងបរិបទក្នុងស្រុក រួមទាំងរឿងភាគដែលពេញនិយមខ្លាំង និងមានជាច្រើនទៀត កម្មវិធីកីឡាផ្សាយសង្ខេបៗលើ iflix៖ «ជាលើកដំបូងហើយ ការផ្សាយសង្ខេបនៃកម្មវិធីកីឡាដែល Beln (កីឡាបាល់ទាត់អឺរ៉ុប ដូចជា Premier League Laiga) ការប្រកួតជើងឯក ABB FIA Formula E រដូវកាលទី៤ ការប្រណាំង Race 9 Berlin និង Gary Lineker លើផ្លូវឆ្ពោះទៅ FA Cup Glory.” កម្មវិធីសម្រាប់កុមារ៖ រឿង Pinkfong រឿង Pororo the Little Penguin និងរឿង Tayo the Little Bus The Feed៖ តែងមានអ្វីមកដល់ថ្មីជានិច្ច ដែលអ្នកចូលទស្សនា អាចមើលការវិវត្តចុងក្រោយ ហើយទាញចុចចុះឡើងតាមចិត្ត ក្នុងការស្វែងរកវីដេអូដែលថ្មី និងពេញនិយម (ដូចជាបទសម្ភាសផ្តាច់មុខជាមួយតារាល្បីៗ ដំណឹងពីការចាក់ផ្សាយរឿងថ្មី ការណែនាំវីដេអូសម្រាប់លោកអ្នក និងមានអ្វីពិសេសជាច្រើនទៀត)។
រឿងភាគល្បីនៅក្នុងតំបន់ និងអន្តរជាតិ៖ ដូចជារឿងThe Legend of the Blue Sea រឿងGoblin រឿងMy First Love រឿងStrong woman Do Bong-soon និងរឿងជាច្រើនទៀត។ វីដេអូខ្លីបង្ហាញពីខ្សែភាពយន្ត និងរឿងភាគ គ្រប់រសជាតិ៖ ដូចជារឿង Good Behaviour រឿង Man vs. Wild រឿង Expelled រឿងSpongeBob SquarePants an និងភាគយន្តកូរ៉េដែលពេញនិយមខ្លាំង រឿង My Secret Romance និងរឿង The Bride of Habaek iflix Originals៖ មានបញ្ជាំងតែនៅលើ iflix និងជាកម្មវិធីដែលផលិតថ្មីដូចជា៖ កម្មវិធីនិយាយកំប្លែងសើចចុកពោះ ដូចជា Oi! Jaga Mulut និង Jon Atherton: Disoriental; Coconuts TV នៅលើ iflix ដែលកម្មវិធីមួយបែបឯកសារភាគ ស្វែងយល់ពីវប្បធម៌ប្លែកៗនៅអាស៊ី ទាញទុកមើលពេលក្រោយ និងមើលពេលមិនមានអ៊ីនធើណែត៖ អ្នកទស្សនាអាចទាញយកទុកកម្មវិធីដ ដែលអ្នកចូលចិត្តមើលពេលក្រោយ ដោយមិនចាំបាច់បើកអ៊ីនធើណែត មិនថានៅលើយន្តហោះ នៅតំបន់ក្រៅក្រុងគ្មានសេវាអ៊ីនធើណែត។
អ្វីទាំងអស់នៅលើ iflix FREE គឺឥតគិតថ្លៃទាំងស្រុង សម្រាប់អ្នកប្រើប្រាស់ ដោយមិនតម្រូវឲ្យបង់ប្រាក់នោះឡើយ។ ដោយមានជម្រើសដ៏ច្រើន ទាំងកម្មវិធីទូរទស្សន៍ ភាគយន្ត ទាំងក្នុងស្រុក តំបន់ និងអន្តរជាតិ iflix FREE ផ្តល់ជូនអ្នក ទស្សនានូវបណ្តុំខ្សែភាពយន្តធំៗ និងជម្រើសកាន់តែអស្ចារ្យ ហើយទាំងអស់នេះ គឺឥតគិតថ្លៃទេ។
iflix VIP ប្រសិនបើលោកអ្នក ចង់ទស្សនាអ្វីដែលកាន់តែពិសេសជាងនេះទៅទៀតនោះលោកអ្នក អាចងាកមកប្រើប្រាស់សេវា iflix VIP ដែលសេវារបស់ iflix ដូចគ្នា ដោយគ្រាន់តែបង់ថ្លៃសេវាបន្តិច។ iflix VIP ក៏អាចឲ្យលោកអ្នកទស្សនាគ្រប់វីដេអូ ដែលមាននៅក្នុង iflix FREE ហើយថែមទាំង៖ ទស្សនាការប្រកួតកីឡាផ្សាយបន្តផ្ទាល់ កាន់តែពិសេស ដូចជាការប្រកួត Football Malaysia ការប្រកួត T10 Cricket League ការប្រកួត Premier League ការប្រកួត La Liga ការប្រកួត Olympics ការប្រកួត NBA Action និងការប្រកួតដទៃទៀត។
ការផ្សាយផ្ទាល់ព្រឹត្តិការណ៍ពិសេសៗ រួមទាំងការប្រកួត និងការប្រគំតន្ត្រីដ៏ពេញនិយមបំផុតពីក្នុងស្រុក តំបន់ និងអន្តរជាតិ។ គ្មានការផ្សាយពាណិជ្ជកម្មទាល់តែសោះ ដែលមិនអាចមករំខានអ្នក ពេលរឿងកំពុងល្អតែមើល។ សហស្ថាបនិក និងប្រធានក្រុមហ៊ុន iflix លោក Mark Britt មានប្រសាសន៍ថា៖ «កាលពី៣ឆ្នាំមុន យើងបានបង្កើតសេវាកម្មថ្នាក់ពិភពលោក ដោយផ្តល់នូវវីដេអូ និងសាច់រឿងកម្រិតស្តង់ដារពិភពលោក ដែលឲ្យគ្រប់គ្នាអាចចូលមកទស្សនាបាន។
ការផ្តល់នូវសេវា iflix FREE នេះ ធ្វើឲ្យយើងកាន់តែខិតជិតដល់ការសម្រេចគោលដៅនេះហើយ។ ឥឡូវមិនមានអ្នកដែលចង់ទស្សនានៅលើ iflix ត្រូវបានបំភ្លេចចោលនោះទេ។ iflix FREE ជាផ្នែកមួយដែលអាចលោកអ្នក ប្រើប្រាស់មិនគិតថ្លៃ ជាដរាប។
លោកអ្នក មិនចាំបាច់ទាល់តែបង់ថ្លៃសេវា ទើបអាចទស្សនាកម្មវិធីដ៏ច្រើនសន្ធឹកសន្ធាប់នៅលើiflix នោះទេ ពោលគឺមិនគិតថ្លៃក្នុងការប្រើសេវារបស់យើង និងមិនគិតថ្លៃពេលទស្សនា ពេញមួយជីវិតតែម្តង»
ចំណែកនាយក iflix ប្រចាំប្រទេសកម្ពុជា លោក Harry Ward បានបន្ថែមថា៖ «វាពិតជាគួររំភើបមែនទែន ក្នុងការដែលយើងបានចូលរួមចំណែកផ្តល់ប្រជាជនកម្ពុជា នូវការចូលទស្សនាដោយមិនគិតថ្លៃ ទាំងភាពយន្ត កម្មវិធីទូរទស្សន៍ ព្រឹត្តិការណ៍ វីដេអូខ្លីៗ និងពិសេសនោះគឺ កម្មវិធីប្រកួតបាល់ទាល់ដ៏ល្បីបំផុត ពីក្លឹបធំជាងគេនៅលើពិភពលោក។
ការសម្ពោធ iflix FREE នេះ ជាសញ្ញាបញ្ជាក់ពីការខិតខំប្រឹងប្រែងរបស់យើង ក្នុងការផ្តល់ឲ្យអ្នកប្រើប្រាស់នូវបទពិសោធន៍កម្សាន្តដ៏ល្អបំផុត ហើយលក្ខណៈពិសេសមួយទៀតនោះ សេវាកម្មនេះ សម្រាប់ទាំងអស់គ្នា»
ឥឡូវនេះ ដោយអាចផ្តល់លទ្ធភាពដល់អ្នកទស្សនាជាង១ពាន់លាននាក់ នៅទូទាំងតំបន់អាស៊ី មជ្ឈឹមបូព៌ា និងអាហ្វ្រិក iflix កំពុងអភិវឌ្ឍខ្លួនជាអ្នកនាំមុខគេយ៉ាងជាក់ច្បាស់ ក្នុងវិស័យសេវាទស្សនាវីដេអូ។
iflix ផ្តល់ឲ្យអតិថិជន នូវបណ្តុំខ្សែភាពយន្ត និងកម្មវិធីទូរទស្សន៍ដ៏ច្រើន ពីហូលីវូដ ក្នុងតំបន់ និងក្នុងស្រុក រួមទាំងកម្មវិធីដែលឈ្នះពានរង្វាន់ និងផ្តាច់មុខមួយចំនួនទៀត ហើយរាល់ការជាវ iflix ផ្តល់ឲ្យអ្នកប្រើប្រាស់ ចូលក្នុងប្រើសេវារបស់ iflix រហូតដល់៥ឧបករណ៍ ដូចជាទូរស័ព្ទ កុំព្យូទ័រ និងទូរទស្សន៍ ដើម្បីទស្សនាគ្រប់ទីកន្លែង គ្រប់ពេលវេលា៕

August 31, 2018
Fu Mingzia វ័យ 14ឆ្នាំ ឈ្នះមេដាយទី2 ខណៈចិន ឈ្នះមេដាយមាស 112
ក្រុមអត្តពលិកសម្តែងលើផ្ទៃទឹករបស់ចិន បានបញ្ចប់ក្នុងចំណាត់ថ្នាក់លេខ1 និងលេខ2 ក្នុងវិញ្ញាសាលោតសម្តែងកម្ពស់10ម៉ែត្រ ផ្នែកនារី កាលពីថ្ងៃព្រហស្បតិ៍ ខណៈដែលកីឡាការិនី Si Yajie បានឈ្នះមេដាយមាសដើម្បីការពារពានរង្វាន់ក្នុងព្រឹត្តិការណ៍ Asian Games របស់នាងយ៉ាងជោគជ័យ។
Si វ័យ19ឆ្នាំ ដែលជាម្ចាស់មេដាយប្រាក់អូឡាំពិក ហាក់មិនបានបង្ហាញពីការស្ថិតជាគូប្រជែងដ៏ខ្លាំងរបស់កីឡាការិនី Zhang Jiaqi វ័យ14ឆ្នាំឡើយ ប៉ុន្តែក្រោយមក នាងដណ្តើមបានជ័យជម្នះដ៏មិននឹកស្មានដល់មួយលើគូប្រជែងវ័យក្មេងរបស់នាង។
ក្រោយពីទទួលជ័យជម្នះជាមួយនឹងពិន្ទុសរុប 405,45កីឡាការិនី Si បានឲ្យដឹងថា៖ «ខ្ញុំមានអារម្មណ៍ពិតជារំជួលចិត្តណាស់ ខ្ញុំមិនបានរំពឹងទុកថា ខ្ញុំទទួលបានជ័យជម្នះឡើយ»។ Zhang ដែលមានរហស្សនាមថា Little Fu Mingzia នោះ បានបង្ហាញពីការសម្តែងយ៉ាងល្អ នៅពីមុខអ្នកគាំទ្រចិនដ៏ច្រើនកុះករ។
ប៉ុន្តែ ទីបំផុត បទពិសោធរបស់ Si បានជួយឱ្យនាងទទួលបានជ័យជម្នះ ហើយនាងបានឈ្នះជាមួយនឹងការមានពិន្ទុនាំមុខជាមធ្យម 8,5រាល់ការប្រកួតទាំង5ជុំ។ Zhang ដែលត្រូវបានឡោមព័ទ្ធដោយអ្នកយកព័ត៌មានជាច្រើននោះ បានឲ្យដឹងថា៖ «ខ្ញុំមានអារម្មណ៍ស្ថិតក្រោមសម្ពាធបន្តិច»។
គិតត្រឹមព្រឹកនេះ ចិន នៅតែបន្តនាំមុខដាច់នៅលើតារាង ក្រោយពីបានឈ្នះមេដាយមាស ក្នុងព្រឹត្តិការណ៍ Asian Games មកទល់ពេលនេះ ចំនួន112 ដោយដេញតាមពីក្រោយដោយជប៉ុន ដែលឈ្នះមេដាយមាស59 ខណៈដែលកូរ៉េខាងត្បូង និងម្ចាស់ផ្ទះឥណ្ឌូនេស៊ី ស្ថិតក្នុងចំណាត់ថ្នាក់លេខ3 និងលេខ4 ជាមួយនឹងមេដាយមាស39 និង30រៀងៗខ្លួន៕
ប្រភពពី៖ Channel News Asia
August 31, 2018
Modric ថា រូបគេរីករាយក្នុងការបន្តនៅ Real ក្រោយឈ្នះពានកីឡាករឆ្នើមប្រចាំឆ្នាំ
ក្រោយពីឈ្នះពានរង្វាន់ខ្សែបម្រើដ៏ឆ្នើមបំផុត និងជាកីឡាករឆ្នើមបំផុតប្រចាំឆ្នាំរបស់ UEFA កីឡាករ Luka Modric បានបញ្ជាក់ម្តងទៀតពីកម្រិតនៃការរីករាយរបស់គេក្នុងការស្ថិតនៅជាមួយក្លិប Real Madrid ។
ក្រោយពីទទួលបានពានរង្វាន់កិត្តិយសទាំង2 របស់គេភ្លាមៗ Modric បានព្យាយាមលុបចោលនូវពាក្យចរចាមអារ៉ាមនានា ទាក់ទងនឹងការផ្ទេររបស់គេទៅកាន់ក្លិប Inter។
Modric បានឱ្យដឹងថា៖ «ខ្ញុំពិតជារីករាយណាស់ក្នុងការស្ថិតនៅក្នុងក្លិប Real Madrid ហើយខ្ញុំចង់បន្តជាមួយនឹងក្លិបនេះ សម្រាប់រយៈពេលជាច្រើនឆ្នាំទៀត»។ រូបគេក៏បានបញ្ជាក់ផងដែរថា ឆ្នាំនេះគឺជាឆ្នាំដ៏ល្អបំផុតរបស់គេ ក្នុងអាជីពដ៏គួរឱ្យចងចាំមួយក្នុងនាមជាកីឡាករម្នាក់។
កីឡាករវ័យ32ឆ្នាំរូបនេះ ដែលត្រូវបានប្រកាសថា ជាអ្នកឈ្នះពានរង្វាន់នេះ ក្រោយពីការចាប់ឆ្នោតកាលពីថ្ងៃព្រហស្បតិ៍សម្រាប់ក្របខ័ណ្ឌ Champions League វគ្គចែកពូល នៅរដូវកាលនេះ បានបន្ថែមទៀតថា៖ «ខ្ញុំអាចនិយាយបានថា នេះគឺជាឆ្នាំដ៏ល្អបំផុតនៃអាជីពរបស់ខ្ញុំ ទាំងជាមួយខ្ញុំ និងឯកជន ហើយខ្ញុំពិតជារីករាយនឹងពេលវេលាណាស់»។
Modric ដែលបានក្លាយជាតារាឆ្នើមក្នុងពេលក្រុម Real បានឈ្នះពានក្របខ័ណ្ឌ Champions League ជាលើកទី3ជាប់ៗគ្នា នៅមុនពេលជួយឱ្យក្រុមជម្រើសជាតិក្រូអាស៊ី ទៅវគ្គផ្តាច់ព្រ័ត្រនៃ World Cup នោះ បានឲ្យដឹងថា៖ «ខ្ញុំពិតជារីករាយណាស់ក្នុងការទទួលពានដ៏អស្ចារ្យមួយនេះ។ ខ្ញុំបានខិតខំព្យាយាមយ៉ាងខ្លាំងដើម្បីពាននេះ និងដើម្បីឈានទៅកាន់ចំណុចខ្ពស់បំផុតតាមដែលអាច»៕
ប្រភពពី៖ Sky sports
August 31, 2018