វល័ក្ខ - La Reine Media

ខ្លាំងមែន! TrueMoney ធ្វើឱ្យការទិញសំបុត្រកុនរបស់លោកអ្នកកាន់តែមានភាពងាយស្រួល

ព្រឹត្តិការណ៍ដ៏កក្រើកមួយបានកើតឡើងកាលពីថ្ងៃទី07 ខែកញ្ញា ថ្មីៗនេះ ដែលរៀបចំដោយក្រុមហ៊ុនវេរលុយដ៏ធំមួយនៅប្រទេសកម្ពុជាគឺ TrueMoney សហការជាមួយរោងភាពយន្ត Major Cineplex by Smart នៅផ្សារទំនើប AEON Mall ភ្នំពេញ។

ភ្ញៀវសំខាន់ៗ តារាល្បីៗ រួមទាំងអ្នកគាំទ្រជាច្រើនរូបលើសពីមួយពាន់នាក់បានប្រមូលផ្តុំគ្នានៅជាន់ទី2 នៃផ្សារទំនើប AEON Mall ភ្នំពេញ ក្នុងព្រឹត្តិការណ៍សម្ពោធជាផ្លូវការនៃរោងភាពយន្ត 4DX by TrueMoney និងការដាក់ឱ្យប្រើប្រាស់ជាផ្លូវការមុខងារថ្មីក្នុងការទិញសំបុត្រកុនតាមរយៈទូរសព្ទដៃ ដោយសូម្បីតែតួឯកល្បីនៅក្នុងរឿង “ផ្កាថ្ម” លោក ណាឃុន ក៏បានប្រើប្រាស់កម្មវិធី TrueMoney នេះផងដែរ។

អគ្គនាយក ក្រុមហ៊ុន ទ្រូម៉ាន់នី លោក គង់ មាន បានមានប្រសាសន៍ថា “គិតមកដល់ពេលនេះ មានអ្នកកំពុងប្រើប្រាស់កម្មវិធី TrueMoney រហូតដល់ជាង15ម៉ឺននាក់ហើយ។ ពួកគាត់កាត់បន្ថយការដាក់លុយច្រើនតាមខ្លួន ដោយប្តូរមកចាយលុយកាន់តែទំនើបតាមរយៈកម្មវិធីនៅក្នុងទូរសព្ទដៃវិញ ព្រោះវាមានភាពងាយស្រួល ចំណេញពេលវេលា ព្រមទាំងទទួលបានការបញ្ចុះតម្លៃច្រើនទៀតផង។

“ទ្រូម៉ាន់នី មានភ្នាក់ងារច្រើនជាង6000 ទូទាំងខេត្តក្រុងគ្រប់ទីកន្លែង ដែលអ្នកប្រើប្រាស់កម្មវិធី TrueMoney អាចទៅដាក់លុយទុកចាយបានគ្រប់ពេលវេលា” លោកបានបន្ថែមយ៉ាងដូច្នេះ។

ប្អូនស្រី នីតា ដែលកំពុងតែត្រេកអរ ដែលឈ្នះសំបុត្រចូលទស្សនារឿង “Mission Impossible” បែប 4DX ដោយគិតថ្លៃ បាននិយាយថា “ការប្រើប្រាស់កម្មវិធី TrueMoney នៅក្នុងទូរសព្ទដៃនេះគឺពិតជាងាយស្រួលខ្លាំងមែនទែន ជាពិសេសនាងខ្ញុំពេញចិត្តនឹងការបញ្ចូលលុយទូរស័ព្ទតាម TrueMoney ព្រោះនាងខ្ញុំទិញកាត $5 ទទួលបាន1ម៉ឺនរៀលមកវិញ។ និយាយរួមចំណេញបាន1ម៉ឺនរៀល។

បើតាមការបញ្ជាក់ពីប្រធានផ្នែកទីផ្សារនៃក្រុមហ៊ុនទ្រូម៉ាន់នី លោក ឈន់ សកល បានឱ្យដឹង ថា “សម្រាប់មុខងារទិញសំបុត្រតាមទូរស័ព្ទដៃ គឺអតិថិជនចំណេញបាន2យ៉ាង ទី1 ចំណេញពេលវេលា មានន័យថា អតិថិជនមិនចាំបាច់តម្រង់ជួរ ហើយត្រូវអស់កៅអីល្អៗនោះទេ ទី2 គឺចំណេញលុយ ព្រោះរាល់ការទិញសំបុត្រតាម TrueMoney អតិថិជនចំណេញបានការបញ្ចុះតម្លៃរហូតដល់25%ឯណោះ។

នេះគឺជាជោគជ័យថ្មីមួយទៀតរបស់ TrueMoney ដែលបានពង្រីកសក្តានុពលរបស់ខ្លួនក្នុងការផ្តល់ជូនអតិថិជននូវសេវាថ្មីៗបន្ថែមទៀត។ អតិថិជនអាចចាយលុយតាមប្រព័ន្ធអេឡិចត្រូនិកដោយប្រើកម្មវិធីនៅក្នុងទូរស័ព្ទដៃជាមួយអត្ថប្រយោជន៍ដ៏សម្បូរបែប។ លោកអ្នកអាចទាញយកកម្មវិធី TrueMoney មកប្រើប្រាស់ដោយចូលទៅកាន់ App Store ឬ Play Store ដើម្បីទាញយកកម្មវិធី TrueMoney សូមចុច https://bit.ly/2NiWWzz ៕

September 8, 2018

Nadal និង Djokovic ត្រូវការឈ្នះ 1លើកទៀត ដើម្បីជួបគ្នាក្នុងវគ្គផ្តាច់ព្រ័ត្រ

ម្ចាស់ការពារតំណែងជើងឯក US Open គឺ Rafael Nadal និងម្ចាស់ជើងឯក 2សម័យកាល Novak Djokovic ត្រូវការជ័យជម្នះត្រឹមតែ 1លើកទៀតប៉ុណ្ណោះ ដើម្បីទៅជួបគ្នានៅវគ្គផ្តាច់ព្រ័ត្រ ខណៈដែលកីឡាករទាំង2 សុទ្ធសឹងត្រូវបានរំពឹងទុកថា នឹងឆ្លងផុតវគ្គពាក់កណ្តាលផ្តាច់ព្រ័ត្រនៅថ្ងៃសុក្រនេះ។

កីឡាករវាយកូនបាល់មានចំណាត់ថ្នាក់លេខ1 ក្នុងពិភពលោក Nadal នឹងត្រូវប៉ះជាមួយនឹងកីឡាករអាហ្សង់ទីន Juan Martin del Potro ស្របពេលដែលកីឡាករ Novak Djokovic ត្រូវជួបជាមួយនឹងកីឡាករជប៉ុន Kei Nishikori ដើម្បីប្រជែងឆ្ពោះទៅកាន់វគ្គផ្តាច់ព្រ័ត្រជាលើកទី7 នៅលើទីលាន Flushing Meadows។

Nadal ដែលបានគេចផុតពីការបរាជ័យក្នុងការប្រកួតជាមួយនឹងកីឡាករអូទ្រីស Dominic Thiem ដើម្បីឈានមកកាន់វគ្គ 4នាក់ចុងក្រោយនេះ មានកំណត់ត្រាឈ្នះដល់ទៅ 11លើក ចាញ់ 5លើក នៅពេលប្រកួតជាមួយនឹង Del Potro ខណៈដែលការចាញ់លើកចុងក្រោយរបស់គេបានកើតឡើងក្នុងវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍កីឡាអូឡាំពិក ឆ្នាំ2016។

កីឡាករសញ្ជាតិអេស្ប៉ាញដែលបានផ្តួល Del Potro នៅឆ្នាំនេះក្នុងព្រឹត្តិការណ៍ French Open វគ្គពាក់កណ្តាលផ្តាច់ព្រ័ត្រ និងWimbledon វគ្គ 8នាក់ចុងក្រោយរូបនេះ ហាក់មិនបានធ្លាក់ចុះទម្រង់លេងរបស់ខ្លួនសោះឡើយ។ Nadal ដែលបានឈ្នះពាន US Open 3លើកនោះបានឱ្យដឹងថា៖ «គាត់ (Del Potro) ជាកីឡាករដ៏អស្ចារ្យម្នាក់ ប៉ុន្តែការប្រជែងក្នុងពេលប្រកួតជាមួយនឹងរូបគេនៅលើទីលានរឹង ពិតជាស្វិតស្វាញសម្រាប់ខ្ញុំជាងការលេងនៅលើទីលានពណ៌ក្រហម»៕

ប្រភពពី៖ Channel News Asia

September 7, 2018

Isco ស្វាគមន៍ការហាមមិនឱ្យប្រើទូរស័ព្ទរបស់លោក Luis Enrique ក្នុងក្រុមអេស្ប៉ាញ

ខ្សែបម្រើអន្តរជាតិអេស្ប៉ាញ Isco បានបញ្ជាក់ថា រូបគេស្វាគមន៍បម្រាមរបស់លោកគ្រូបង្វឹក Luis Enrique លើការប្រើទូរស័ព្ទដៃ អំឡុងពេលនៃការញ៉ាំអាហាររបស់ក្រុម និងបានគាំទ្រគំនិតផ្នែកកីឡាបាល់ទាត់របស់គ្រូបង្វឹកថ្មីរូបនេះ និងការធ្វើលំហាត់ប្រាណរបស់ក្រុម។

Isco បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា៖ «វាតែងតែជារឿងដ៏ល្អក្នុងការមានវិន័យបន្តិច ការមិនមានទូរស័ព្ទនៅឯកន្លែងញ៉ាំអាហារ គឺជាគំនិតដ៏ល្អមួយចំពោះខ្ញុំ ដោយសារតែនៅសម័យនេះ យើងធ្វើការផ្តោតអារម្មណ៍ជារឿយៗទៅលើការនិយាយទូរស័ព្ទ ជាងការនិយាយជាមួយមិត្តរួមក្រុមរបស់យើង»។

ក្រុមជម្រើសជាតិអេស្ប៉ាញ នឹងត្រូវធ្វើការប្រកួតជាលើកទី1 របស់ពួកគេក្រោមការដឹកនាំរបស់អតីតគ្រូបង្វឹករបស់ក្លិប Barcelona រូបនេះ នៅថ្ងៃសៅរ៍ នៅលើទឹកដីក្រុមជម្រើសជាតិអង់គ្លេស ក្នុងការប្រកួតបើកឆាកនៃយុទ្ធនាការ UEFA Nations League នៅមុនពេលធ្វើជាម្ចាស់ផ្ទះទទួលក្រុមជម្រើសជាតិក្រូអាស៊ី នៅថ្ងៃអង្គារ។

ការប្រកួតចុងក្រោយរបស់ពួកគេគឺការធ្លាក់ចេញដ៏មិននឹកស្មានដល់ពីយុទ្ធនាការ World Cup ក្រោមស្នាដៃក្រុមជម្រើសជាតិរុស្ស៊ី ដោយសារតែការស៊ុតបាល់ប៉េណាល់ទី ក្រោយពីបានបញ្ចប់ត្រឹមលទ្ធផលស្មើ 1-1 ក្នុងវគ្គ 16ក្រុមចុងក្រោយ។

អ្នកគាំទ្រ និងអ្នកអធិប្បាយជាច្រើន មានការសង្ស័យទៅលើការតែងតាំងលោក Luis Enrique ដើម្បីជំនួសកន្លែងរបស់លោក JulenLopetegui ដោយសារតែការមានទំនាក់ទំនងមិនសូវល្អរបស់លោកជាមួយនឹងបណ្តាញសារព័ត៌មាន និងការប្រេះស្រាំផ្នែកទំនាក់ទំនងជាមួយនឹងក្លិប Real Madrid កាលពីពេលមុន។ ទោះបីជាយ៉ាងណា ខ្សែបម្រើ Isco របស់ Real Madrid បានបញ្ជាក់ថា ក្រុមអេស្ប៉ាញ បានសម្របខ្លួនទៅនឹងវិធីសាស្ត្រហ្វឹកហាត់របស់គ្រូបង្វឹករូបនេះ ក៏ដូចជាគំនិតដ៏ចម្លែកនៅក្រៅដីទីលានរបស់លោកដែរ៕

ប្រភពពី៖ Channel News Asia

September 7, 2018

ឈ្នះដំណើរកម្សាន្តទៅប្រទេសថៃដោយគ្រាន់តែជាវទំនិញ ឬសេវាកម្មណាមួយពីក្រុមហ៊ុន Star Auto Cambodia

ក្រុមហ៊ុន ស្តារ អូតូ ខេមបូឌា (Star Auto Cambodia) កំពុងរៀបចំកម្មវិធីចាប់រង្វាន់ពិសេសសម្រាប់អតិថិជន ក៏ដូចជាសាធារណជន គឺដំណើរកម្សាន្តសម្រាប់មនុស្ស 2នាក់ទៅទីក្រុងបាងកក។ កម្មវិធីនេះចាប់ផ្តើមពីថ្ងៃទី1 ខែកញ្ញា ដល់ថ្ងៃទី5 ខែតុលា ឆ្នាំ2018។

បើតាមលោក ឃុន ចាន់ថា នាយកគ្រប់គ្រងផ្នែកលក់ និងទីផ្សារនៃក្រុមហ៊ុន ស្តារ អូតូ ខេមបូឌា ដើម្បីមានឱកាសឈ្នះដំណើរកម្សាន្តដ៏រីករាយនេះអតិថិជនគ្រាន់តែអញ្ជើញទៅកាន់អគារតាំងបង្ហាញរថយន្ត Mercedes-Benz ដែលស្ថិតនៅតាមបណ្តោយផ្លូវ 60ម៉ែត្រ ចាប់ពីថ្ងៃទី1 ខែកញ្ញា រហូតដល់ថ្ងៃទី5 ខែតុលា ឆ្នាំ2018 ហើយជាវវត្ថុអនុស្សាវរីយ៍ ឬទៅទទួលយកសេវាកម្មណាមួយពីក្រុមហ៊ុន ស្តារ អូតូ ខេមបូឌា ដោយចំណាយត្រឹម 1ដុល្លារឡើងទៅប៉ុណ្ណោះ លោកអ្នកនឹងទទួលបានឆ្នោតមួយសន្លឹកសម្រាប់ផ្សងសំណាង។

លោក ឃុន ចាន់ថា បានបញ្ជាក់ទៀតថា៖ «ទោះគាត់ទិញអស់ 1,000រៀល ក៏គាត់បានឆ្នោតមួយសន្លឹកសម្រាប់ផ្សងសំណាងដែរ ទិញឡានក៏បានឆ្នោតផ្សងសំណាងដែរ។ ទិញអ្វីក៏ដោយហើយអស់ទឹកប្រាក់ប៉ុន្មានក៏បានដែរ។ មកទិញម្តងបានសន្លឹកឆ្នោតមួយសន្លឹក។ ថ្ងៃក្រោយគាត់មកទិញទៀតបានមួយសន្លឹកទៀត»។

សូមបញ្ជាក់ថា រង្វាន់ដំណើរកម្សាន្តទៅទីក្រុងបាងកក ប្រទេសថៃដែលនឹងផ្តល់ជូនដោយក្រុមហ៊ុន Star Auto Cambodia នេះ រួមមានសំបុត្រយន្តហោះទៅមក(ភ្នំពេញ-បាងកក-ភ្នំពេញ) សម្រាប់មនុស្ស 2នាក់រួមនឹងការស្នាក់នៅសណ្ឋាគារលំដាប់ផ្កាយ5 ចំនួន 2យប់។ លើសពីនេះ Star Auto Cambodia ដែលជាក្រុមហ៊ុនតែមួយគត់ទទួលសិទ្ធិផ្តាច់មុខនាំចូល និងចែកចាយរថយន្ត Mercedes ប្រចាំប្រទេសកម្ពុជានឹងផ្តល់សាច់ប្រាក់សុទ្ធចំនួន 1,000ដុល្លារបន្ថែមទៀតសម្រាប់ការចំណាយលើការធ្វើដំណើរ និងការដើរទិញអីវ៉ាន់ផ្សេង។

សូមជម្រាបផងដែរថា រង្វាន់ដំណើរកម្សាន្ដនេះមានសុពលភាពត្រឹមដំណាច់ឆ្នាំ2018នេះប៉ុណ្ណោះមិនអាចបន្តទៅឆ្នាំបន្ទាប់បានឡើយ ហើយតម្លៃសំបុត្រយន្តហោះ និងសណ្ឋាគារមិនអាចប្តូរជាសាច់ប្រាក់បានទេ។ ប៉ុន្តែអ្នកឈ្នះរង្វាន់នៅតែអាចទទួលសាច់ប្រាក់ចំនួន 1,000ដុល្លារដដែល៕

September 7, 2018

កម្ចីអនាគត អេ អឹម ខេ ផ្ដល់ឱកាស 2 ឱ្យនិស្សិតក្រីក្រក្នុងពេលតែ1

ភ្នំពេញ៖ កម្ចីអនាគត គឺជាប្រភេទកម្ចីថ្មីមួយរបស់ អេ អឹម ខេ ក្នុងការគាំទ្រដល់អតិថិជនក្រីក្រ។ អតិថិជនអាចទទួលបានកម្ចីពី អេ អឹម ខេ ដើម្បីឱ្យកូនៗរបស់ពួកគាត់ មានឱកាសទទួលបានកម្រិតសិក្សាខ្ពស់ជាងមុន។ កម្ចីអនាគត គឺជាផ្នែកមួយនៃការយកចិត្តទុកដាក់មួយ របស់ អេ អឹម ខេ ទៅលើការអភិវឌ្ឍន៍ធនធានមនុស្សនៅកម្ពុជា តាមរយៈការអប់រំ ជាពិសេសផ្ដល់ឱកាសឱ្យសិស្ស និស្សិតក្រីក្រ មានឱកាសទទួលបានការសិក្សាខ្ពស់ជាងមុន។

អ្វីដែលពិសេស ក្រៅតែពីទទួលបានកម្ចី ដើម្បីឱ្យកូនៗបានបន្តការសិក្សានៅថ្នាក់មហាវិទ្យាល័យ ហើយកូនៗរបស់អតិថិជន នឹងទទួលបានឱកាសការងារពី អេ អឹម ខេ ថែមទៀតផង។

សូមអញ្ជើញទស្សនាកិច្ចសម្ភាសរបស់អ្នកស្រី ពាំង ពិសាខ នាយកប្រតិបត្តិ ធនធានមនុស្ស នៃអេ អឹម ខេ ដើម្បីស្វែងយល់បន្ថែមពីកម្ចីមួយនេះ៖

September 7, 2018

សន្និសីទសារព័ត៌មាន ស្ដីអំពី មហាស្រពភាពយន្តថៃ លើកទី3 ឆ្នាំ2018

ភ្នំពេញ៖ ថ្ងៃទី6 ខែកញ្ញា ឆ្នាំ2018 ក្រោយពីបានទទួលការគាំទ្រ យ៉ាងច្រើនពីសំណាក់ទស្សនិកជន នៅប្រទេសកម្ពុជា ក្នុងការទស្សនាខ្សែភាពយន្តភាគថៃ ស្ថានទូត តំណាងពាណិជ្ជកម្មប្រចាំស្ថានឯកអគ្គរាជ ទូតថៃនៅរាជធានីភ្នំពេញ នឹងរៀបចំមហាស្រព ភាពយន្តថៃ លើកទី3 ឆ្នាំ2018 (Thai Film Festival 2018) នៅកម្ពុជា ដែលនឹងរៀបចំឡើងចាប់ពីថ្ងៃទី13 ដល់ 16 ខែកញ្ញា ឆ្នាំ2018 នៅរោងភាពយន្ត Major Platinum Cineplex ស្ថិតនៅ ផ្សារទំនើប Aeon Mall សែនសុខ។

លោក ជីរ៉ាវុឍ សុវណ្ណាអាត អគ្គទីប្រឹក្សាពាណិជ្ជកម្ម ប្រចាំស្ថានឯកអង្គរាជទូតថៃ នៅរាជធានីភ្នំពេញបានថ្លែងក្នុងសន្និសីត សារព័ត៍មាននៅរសៀល ថ្ងៃទី6 ខែកញ្ញា ឆ្នាំ2018 នេះថាកម្មវិធី Thai Film Festival 2018 ធ្វើឡើងក្នុងគោលបំណង ដើម្បីជំរុញកិច្ចសហប្រតិបត្តិ ការរវាងអ្នកផលិតខ្សែរភាពយន្ត និងបណ្តាក្រុមហ៊ុនដែលពាក់ពន្ធ័ ជាមួយវិស័យ ឧស្សាហ៍កម្មភាពយន្ត របស់ប្រទេសកម្ពុជានិងថៃ។

នៅថ្ងៃដំបូង នៃការរៀបចំមហោស្រព ភាពយន្តថៃនេះ និងមានរៀបចំកម្មវិធី “ចាប់ដៃគូរពាណិជ្ជកម្ម” រវាងពាណិជ្ជករថៃ និង កម្ពុជា ដែលជាវេទិការដ៍សំខាន់ ក្នុងការចែករំលែកបទពិសោធន៍ និងបច្ចេកទេសនៃការថត និងការ កាត់តភាពយន្ត ពីអ្នកជំនាញដូចជា អ្នកផលិតភាពយន្ត អ្នកដឹកនាំសម្តែង និងអ្នកដែលមាន ទេពកោសល្យក្នុងវិស័យភាពយន្តមកពីប្រទេសទាំងពីរ។

លោក ជីរ៉ាវុឍ សុវណ្ណាអាត បានបន្តថា ខ្សែរភាពយន្តថៃ ចំនួន4រឿង ដែលនឹងយកមក ចាក់បញ្ចាំងជូនទស្សនា ដោយឥតគិតថ្លៃ នៅក្នុងរោងភាពយន្ត Major Platinum Cineplex Hall 3 ផ្សារទំនើប Aeon Mall សែនសុខ ដែលអាចផ្ទុកទស្សនិកជន បានចំនួន266នាក់ ក្នុងមួយ លើក។ រឿងទី1 ដែលនឹងចាក់ថ្ងៃទី13 ខែកញ្ញា ឆ្នាំ2018 នៅម៉ោង7ល្ងាច មានចំណងជើងថា “Memories of New Year ” (អនុស្សាវរីយ៍ថ្ងៃចូលឆ្នាំ) ដែលរឿងនេះបានសម្តែងរួមគ្នា ដោយតារាសម្ដែងមកពីប្រទេសចំនួន4 ដែលមានដូចជា ប្រទេសកម្ពុជា ថៃ ឡាវ និង មីយ៉ាន់ម៉ា។ រឿងទី2 រឿង “Premika Parab” (ខារ៉ាអូខេមរណៈ) ចាក់បញ្ចាំងជូនទស្សនា នៅថ្ងៃទី14 ខែកញ្ញា ឆ្នាំ2018 ម៉ោង7ល្ងាច។ រឿងទី3 រឿង “Siam square” (ខ្មោចស្រីចាំអាគារ) ចាក់បញ្ចាំងជូនទស្សនា នៅថ្ងៃទី15 ខែកញ្ញា ឆ្នាំ2018 ម៉ោង12ថ្ងៃត្រង់។ និងរឿងទី4 រឿង “ Som Pak Sian (E-Sarn Love Story)” (រដឺនខកស្នេហ៍) ចាក់បញ្ចាំងជូនទស្សនា នៅថ្ងៃទី16 ខែកញ្ញា ឆ្នាំ2018 ម៉ោង12ថ្ងៃត្រង់។

សូមជំរាបជូនថា ក្នុងថ្ងៃបើសម្ពោធកម្មវិធីមហោស្រពភាពយន្តថៃលើកទី3នេះ នឹងមាន តារាកិត្តិយសថៃ គឺលោក Chhakrit Yaemnam ដែលជាតួរសម្តែងក្នុងរឿង “Memories of New Year” និងកញ្ញា Kaimook ដែលជាតួសម្ដែងក្នុងរឿង “Som Pak Sian” ព្រមទាំងមានសិល្បករ សិល្បការិនី ប្រចាំប្រទេសកម្ពុជាជាច្រើនរូបចូលរួមជាភ្ញៀវកិត្តិយស ដែលកម្មវិធីសម្ពោធនេះ នឹងរៀបចំនៅរោងភាពយន្ត Major Platinum Cineplex ថ្ងៃទី13 ខែកញ្ញា ឆ្នាំ2018 វេលាម៉ោង 5ល្ងាច ស្ថិតនៅផ្សារទំនើប Aeon Mall សែនសុខ៕

September 7, 2018

ក្រុមហ៊ុន LG បង្ហាញទូរទស្សន៍ OLED 8K ដំបូងគេបង្អស់លើពិភពលោកព្រឹត្តិការណ៍ IFA

ក្រុមហ៊ុន LG ជាអ្នកឈានមុខគេស្រាប់ក្នុងការបង្កើតទូរទស្សន៍ OLED ដ៏ទំនើប ហើយឥឡូវនេះក៏បានបង្ហាញនូវទូរទស្សន៍ OLED 8K ទំហំ (7680 x 4320) ដំបូងគេបង្អស់នៅលើពិភពលោកនៅឯព្រឹត្តិការណ៍ IFA 2018 ។

ទូរទស្សន៍ LG 88 អុីញ OLED 8K មានលក្ខណះពិសេសបញ្ចេញពន្លឺដោយខ្លួនឯង 33 លានភីចសេលដើម្បីបង្កើត បានជាគុណភាពរូបភាពយ៉ាងច្បាស់ឥតឧបមា។

ជាមួយនិងទូរទស្សន៍ OLED ដែលចែកចាយក្នុងទីផ្សារនៅក្នុងឆ្នាំ 2018 រំពឹងទ្វេរដងនិងកើនដល់ជាង 9 លានគ្រាប់ក្នុងឆ្នាំ 2022 ។ ក្រុមហ៊ុន LG និងបន្តដើម្បីបង្កើនការចែកចាយទូរទស្សន៍ OLED និងធ្វើអោយមានតំរូវការទូរទស្សន៍ OLED កាន់តែច្រើនថែមទៀត។ ខណះពេលដែលទីផ្សារទូរទស្សន៍ OLED 8K ស្ថិតនៅក្នុងកម្រិតចាប់ផ្តើមនៅឡើយគេរំពឹងថាទូរទស្សន៍ OLED 8K នេះនិងកើនឡើងច្រើន ជាង5លានគ្រាប់នៅក្នុងឆ្នាំ 2022 ហើយក្រុមហ៊ុន LG ប្តេជ្ញាថានិងធ្វើអោយបច្ចេកវិទ្យានិងទីផ្សារទូរទស្សន៍ OLED 8K និងឈានមុខគេ។

ថ្វីបើអេក្រង់ LCD មានភាពទំនើបក៏ដោយ។ ជារឿយៗ OLED វិវដ្តន៍ខ្លួនទៅជាបច្ចេកវិទ្យាអេក្រង់ ជំនាន់ថ្មី។ពីព្រោះវាបញ្ចេញពន្លឺដោយខ្លួនឯងបំបាត់ពន្លឺផ្ទៃខាងក្រោយ។ទាំងនេះវាធ្វើអោយទូរទស្សន៍ទទួលបាននូវលទ្ធផលយ៉ាងល្អឥតខ្ជោះទាំងគុណភាពរូបភាពនិងការរចនា។

ក្រុមហ៊ុនLG មិនមែនត្រឹម តែមានលទ្ធភាពជាអ្នកនាំមុខលើបច្ចេកវិទ្យាទាំងនេះទេក៏ប៉ុន្តែក្រុមហ៊ុនក៏ជោគជ័យលើទីផ្សារផងដែរ។

លោក Brian Kwon នាយកក្រុមហ៊ុន LG Home Entertainment បានមានប្រសាសន៍ថា “ ទូរទស្សន៍ OLED 8K ដំបូងគេបង្អស់របស់ក្រុមហ៊ុន LG គឺជាស្នាដៃបច្ចេកវិទ្យាកំពូលនិងជាជំហានវិវត្តន៍បន្ទាប់ នៅក្នុងបច្ចេកវិទ្យាអេក្រង់ផងដែរ” ។ ទូរទស្សន៍ 4K OLED ដើរតួរនាទីយ៉ាងសំខាន់នៅក្នុងឧស្សាហកម្ម ទូរទស្សន៍ ហើយក្រុមហ៊ុន LG សង្ឃឹមយ៉ាងមុតមាំថា OLED 8K និងតួរយ៉ាងសំខាន់ដូចគ្នា៕

September 5, 2018

កម្មវិធីសិក្ខាសាលា “យុទ្ធសាស្ត្រនៃពិភពជំនួញ”

បើយើងនិយាយអំពីការធ្វើជំនួញគឺមិនមែនជាភាពងាយស្រួលនោះទេ ព្រោះការធ្វើជំនួញមួយគឺត្រូវមានកត្តាជាច្រើនដោយផ្អែកទៅលើកត្តាដូចជា ចំនេះដឹង ប្រាក់ទន់ ការទំនាក់ទំនងល្អ យុទ្ធសាស្ត្រនៃការធ្វើជំនួញ និងមានសម្ថតភាពជាម្ចាស់សហគ្រិនអាជីវកម្ម។ដូច្នេះបើយើងគិតអំពីការធ្វើជំនួញគឺត្រូវគិតរឿងទាំងអស់ហ្នឹងដើម្បីការធ្វើជំនួញរបស់យើងមានភាពងាយស្រួល និងបង្កើតដំណើរអាជីវកម្មយូរអង្វែងនៅលើវិថីជំនួញនៅក្នុងស្រុក និងក្រៅស្រុក។

ដោយមានចំនុចនៃការមើលឃើញពីតម្រូវការរបស់សហគ្រិនភាពត្រូវមានសម្ថតភាពនៃចំនេះដឹងខាងលើនេះ បានជំរុញធ្វើឲ្យក្រុមយុវជនមួយក្រុមឈ្មោះថា M-BUSINESS មានផ្នត់គំនិត និងបង្កើតកម្មវិធីសិក្ខាសាលាបណ្តុះបណ្តាលមួយដែលមានចំនងជើងថា ” យុទ្ធសាស្ត្រនៃពិភពជំនួញ ” ដោយកម្មវិធីនេះធ្វើឡើងនៅថ្ងៃទី ៨ ខែកញ្ញា ឆ្នាំ ២០១៨ វេលាចាប់ពីម៉ោង ៧:៣០ នាទី ដល់ ១១:៣០ នាទី ពេលព្រឹក ដោយផ្តល់ឱកាសសម្រាប់អ្នកចូលរួមចំនួន 500 នាក់ ដូចជា និស្សិតដែលរៀនចប់ បុគ្គលិកធ្វើការងារ អ្នកធ្វើអាជីវកម្ម និងអ្នកកំពុងត្រៀមធ្វើអាវីកម្ម អាចចូលរួមដោយឥតថ្លៃ និងទទួលការសិក្សាស្វែងយល់ពីយុទ្ធសាស្ត្រជំនួញជាច្រើននៅក្មុងកម្មវិធីសិក្ខាសាលាផងដែរ។

ផ្អែកទៅលើកម្មវិធីសិក្ខាសាលា ” យុទ្ធសាស្ត្រនៃពិភពជំនួញ ” ដែលជជែកអំពីចំនុចស្នូលសំខាន់ៗនៅក្នុងវិថីអាជីវកម្មបច្ចុប្បន្ននេះ ត្រូវបានចូលជារួមវត្តមានដោយវាក្មិនសំខាន់ៗដូចជា លោក អ៊ុក ចាន់វាសនា (នាយកគ្រប់គ្រង ក្រុមហ៊ុន RMT Group Co.,Ltd) អ្នកស្រី សុន ច័ន្ទដានី (ប្រធានប្រតិបត្តិទីផ្សារផលិតផល របស់ក្រុមហ៊ុន SONY International Signapore) លោក សយ តារាទីតូ (អ្នកប្រឹក្សាអាជីវកម្ម CFO) និង លោក ព្រាប កុល (ឯកអគ្គរាជទូតសន្តិភាព និងអគ្គនាយកគ្រប់គ្រង អង្គការតម្លាភាពពិភពលោក)។ ហើយវាក្មិនទាំង 4 រូបនេះ នឹងចូលរួមយ៉ាងមុះមុតក្នុងការចែករំលែកនៅចំនេះដឹង និងបទពិសោធន៍របស់ខ្លួន ទៅកាន់អ្នកចូលរួមចំនួន 500 នាក់ ក្នុងកម្មវិធីសិក្ខាសាលាផងដែរ។

តាមការបកស្រាយរបស់លោក ចេង សម្បត្តិ ដែលជាអ្នកគ្រប់គ្រងក្រុមយុវជន M-BUSINESS និងជាអ្នករៀបចំកម្មវិធី” យុទ្ធសាស្ត្រនៃពិភពជំនួញ ” ផងដែរ បានបញ្ចេញនៅទស្សនៈវិស័យ និងឆន្ទៈរបស់ខ្លនយ៉ាងមុះមុតថា “ ក្រុមយុវជន M-BUSINESS នឹងបង្កើតសកម្មភាពកម្មវិធីសិក្ខាសាលាឲ្យបានច្រើនតាមតែអាចធ្វើទៅបានស្តីអំពីគន្លឹះយុទ្ធសាស្ត្រនៃការធ្វើការជំនួញដោយចូលរួមដោយឥតថ្លៃ ដើម្បីផ្តល់ឱកាសសម្រាប់មហាជនជុំវិញក្នុងការសិក្សាស្វែងយល់ពីការធ្វើជំនួញប្រកបដោយភាពជោគជ័យ “។

កម្មវិធីសិក្ខាសាលា ” យុទ្ធសាស្ត្រនៃពិភពជំនួញ “ នេះ ត្រូវបានចូលរួមឧបត្ថម្ភធំដោយ៖ ក្រុមហ៊ុនជម្រោះទឹក អេកូ អាក្វេ (ECOAQUA) និងក្រុមហ៊ុនទឹកញ សាន់ណូនី (SUN NONI GOLD) និងការចូលរួមឧបត្ថម្ភអាហារសម្រន់ និងភេសជ្ជៈដោយ៖ ហាងនំបុ័ង Fresh Bakery Shop និងកាហ្វេ NIRON Coffee Catering ព្រមទាំងចូលរួមសហការផ្សព្វផ្សាយដោយ៖សារព័ត៌មាន CTN សារព័ត៌មាន BTV សារព័ត៌មាន PNN ការសែតឡារ៉ែន ពាណិជ្ជ វិទ្យុភ្នំពេញ 103 ប្រព័ន្ធផ្សព្វផ្សាយ យ៉ូពេច (Yoopec) និង ប្រព័ន្ធផ្សព្វផ្សាយឌីជីថល ខេត (CATS)៕

September 5, 2018

រាជបណ្ឌិត្យសភា និងអ្នកជំនួញចិនបង្កើតគេហទំព័រពាណិជ្ជកម្មអេឡិចត្រូនិកសម្រាប់ទំនិញក្នុងស្រុក

រាជបណ្ឌិត្យសភាកម្ពុជា RAC (Royal Academy of Cambodia) បានចាប់ដៃគូជាមួយអ្នកជំនួញផ្នែកពាណិជ្ជកម្មអេឡិចត្រូនិកមកពីយូណាននៅភាគខាងត្បូងប្រទេសចិនដើម្បីបង្កើនការលក់ផលិតផលតាមប្រព័ន្ធអ៊ីនធើណិតលើផលិតផលកសិកម្មកម្ពុជា។ នេះបើតាមការឱ្យដឹងតាមរយៈពីធីចុះហត្ថលេខាលើកិច្ចព្រមព្រៀង MoU មួយកាលពីពេលថ្មីៗនេះ។

នៅក្នុងកិច្ចប្រជុំជាមួយលោក Yimin Yu មកពីមជ្ឈមណ្ឌលអភិវឌ្ឍន៍ពាណិជ្ជកម្មអេឡិចត្រូនិករបស់តំបន់យូណាន ទីក្រុងគុនមីងនៃសាធារណរដ្ឋប្រជាមានិតចិន និងបណ្ឌិតសភាចារ្យ សុខ ទូចប្រធានរាជបណ្ឌិត្យសភាកម្ពុជា RAC បានយល់ព្រមធ្វើការរួមគ្នាដើម្បីបង្កើតទីផ្សារអនឡាញសម្រាប់ទំនិញកសិកម្មកម្ពុជាក្នុងចំណោមគម្រោងដទៃទៀត ហើយក៏បានព្រមព្រៀងសហការគ្នាដើម្បីប្រមូលទិន្នន័យស្តីពីទំនិញកសិកម្មកម្ពុជា និងបង្កើតគេហទំព័រពាណិជ្ជកម្មអេឡិចត្រូនិកជាភាសាខ្មែរ និងចិនដើម្បីជំរុញការទិញទំនិញតាមអ៊ីនធើណិតដោយផ្ទាល់។

នៅក្នុងជំនួបនេះ ភាគីទាំង2 ក៏បានពិភាក្សាអំពីលទ្ធភាពនៃការនាំផលិតផលកសិកម្មពីទីជនបទរបស់ប្រទេសកម្ពុជាទៅលក់នៅក្នុងប្រទេសចិន ហើយរំពឹងថាស្ថាប័នទាំង2 អាចបំពេញការងារជាមួយគ្នាក្រោយពីការចុះអនុស្សរណៈនៃការយោគយល់នេះរួច។ កិច្ចសហប្រតិបត្តិការនេះក៏គ្រោងនឹងបង្កើតប្រព័ន្ធផ្ទុកព័ត៌មានសម្រាប់ផលិតផលកសិកម្មកម្ពុជា ហើយនឹងសាងសង់ឃ្លាំងនៅក្នុងកំពង់ផែក្រុងព្រះសីហនុ និងទីតាំងផ្សេងៗទៀត។

គោលបំណងនៃជំនួបរវាងស្ថាប័នទាំង2 គឺ៖

– កិច្ចសហប្រតិបត្តិការលើទម្រង់នៃគម្រោងជំនួយនៃថវិកាសហប្រតិបត្តិការសម្រាប់ប្រទេស LDC ៖ ផ្តោតលើការផលិតដែលធានាគុណភាពដោយពឹងផ្អែកទម្រង់ពាណិជ្ជកម្មក្នុងទីជនបទរបស់ប្រទេសកម្ពុជា

– កិច្ចសហប្រតិបត្តិការលើការសិក្សាស្រាវជ្រាវពាណិជ្ជកម្មការបោះពុម្ព និងបង្កើនការគាំទ្រចំពោះកម្មវិធីបណ្តុះបណ្តាល និងការផ្លាស់ប្តូរអ្នកសិក្សាស្រាវជ្រាវ។

ឯកឧត្តម ហ៊ាន វណ្ណហន អគ្គនាយកនៃអគ្គនាយកដ្ឋានកសិកម្មបានគាំទ្រគម្រោងនេះ។ លោកបានមានប្រសាសន៍ថា ដោយសារកិច្ចសហការនេះ វានឹងជំរុញការធានាគុណភាពសម្រាប់ផលិតផលកសិកម្មចម្បងរបស់កម្ពុជា។ «ខ្ញុំគិតថា ភាពជាដៃគូនឹងមានប្រសិទ្ធភាពក្នុងការលើកកម្ពស់ការលក់ផលិតផលរបស់យើងនៅបរទេស»។

ក្នុងរយៈពេល 5 ឆ្នាំចុងក្រោយនេះការវិនិយោគរបស់ចិននៅក្នុងប្រទេសកម្ពុជាបានកើនលើស 21ពាន់លានដុល្លារ ដោយប្រទេសចិនបានកសាងផ្លូវជិត 3,000គីឡូម៉ែត្រ និងស្ពាន7 នៅក្នុងព្រះរាជាណាចក្រកម្ពុជា។ នៅក្នុងឆមាសទីមួយនៃឆ្នាំ2018 ការវិនិយោគរបស់ចិនស្មើនឹងជាង 5ពាន់លានដុល្លារ៕

September 4, 2018

កម្ពុជាកំពុងអភិវឌ្ឍពីប្រទេសខ្វះស្បៀង ក្លាយជាប្រទេសផលិតស្បៀងលើសតម្រូវការ

ប្រទេសកម្ពុជានៅតែចាត់ទុកវិស័យកសិកម្មជាវិស័យស្នូលនៃខឿនសេដ្ឋកិច្ចជាតិ ព្រោះកម្ពុជាជាប្រទេសដែលមានអំណោយផលខាងកសិកម្ម ស្របនឹងទិសដៅគោលនយោបាយឆ្នាំ2014-2018នៃវិស័យកសិកម្ម ដែលត្រូវជំរុញកំណើនផលិតកម្មកសិកម្មឱ្យកើនឡើងក្នុងរង្វង់5% ដែលនឹងបានចូលរួមចំណែកប្រមាណជា24,9% នៃផលិតផលក្នុងស្រុកសរុប(GDP)។ នេះបើតាមការអះអាងរបស់មន្ត្រីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទ។

ឯកឧត្តម ទី សុគន្ធ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានលើកឡើងថា កាលពីឆ្នាំ2017កម្ពុជានៅសល់ស្រូវជាង 5.5លានតោន គិតជាអង្ករស្មើនឹងជាង 3.5លានតោនសម្រាប់បម្រើឱ្យការនាំចេញ ដែលជាមោទនភាពមួយរបស់ប្រទេសកម្ពុជាក្នុងការប្រែក្លាយពីប្រទេសដែលខ្វះខាតស្បៀងអាហារ ទៅជាប្រទេសផលិតស្រូវលើសតម្រូវការប្រើប្រាស់ក្នុងស្រុក។ នៅក្នុងវិស័យកសិកម្មនេះផងដែរ ផ្នែកដំណាំបានចូលរួមចំនួន13% ផ្នែកផលិតកម្មសត្វចំនួន2.6%, ផ្នែកជលផល5.5% និងផ្នែកព្រៃឈើ1.6% ។

ឯកឧត្តមបន្ដថា៖ «ក្រៅពីផ្នែកដំណាំ ផ្នែកផលិតកម្មសត្វក៏បាននឹងកំពុងដើរតួយ៉ាងសំខាន់ក្នុងការជំរុញកំណើនវិស័យកសិកម្ម និងការកាត់បន្ថយភាពក្រីក្រនៅជនបទផងដែរ។ «នេះគឺដោយសារការចូលរួមពីគម្រោងដៃគូអភិវឌ្ឍន៍ ដែលជាកម្លាំងចលករមួយជួយជំរុញឱ្យវិស័យកសិកម្មសម្រេចទៅបានតាមទិសដៅកំណត់»។

លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានលើកឡើងដែរថា ខេត្តសៀមរាបក្រៅពីជាតំបន់ទេសចរណ៍ដែលសម្បូរដោយប្រាង្គប្រាសាទជាច្រើន ពិសេសប្រាសាទអង្គរវត្តដែលល្បីល្បាញលើពិភពលោកហើយនោះ ខេត្តនេះក៏មានសក្តានុពលលើវិស័យកសិកម្មផងដែរ។ «បច្ចុប្បន្នខេត្តសៀមរាប មានកសិដ្ឋានដាំដុះបន្លែសរីរាង្គ និងកសិដ្ឋានចិញ្ចឹមសត្វជាច្រើនដែលកំពុងផ្គត់ផ្គង់ដល់សេចក្ដីត្រូវការនៅតាមសណ្ឋាគារ និងប្រជាពលរដ្ឋក្នុងមូលដ្ឋាន»។

គួរកត់សម្គាល់ថា សិក្ខាសាលានេះត្រូវបានគាំទ្រ និងរៀបចំក្រោមកិច្ចសហការរវាងក្រសួងកសិកម្ម រុក្ខាប្រមាញ់ និងនេសាទ និងគំនិតផ្តួចផ្តើមស្តីអំពីកិច្ចសហប្រតិបត្តិការស្បៀង និងកសិកម្មអាស៊ី ហៅកាត់ (អាហ្វាស៊ី-AFACI) នៃរដ្ឋបាលជនបទនៃសាធារណរដ្ឋកូរ៉េ។ ក្នុងគោលបំណងដើម្បីពិនិត្យលើវឌ្ឍនភាពការងារ ចែករំលែកព័ត៌មាន និងចំណេះដឹង និងដើម្បីពង្រឹងភាពជាដៃគូ និងកិច្ចសហប្រតិបត្តិការរវាងប្រទេសជាសមាជិកទាំង14 របស់អាហ្វាស៊ី រួមមានប្រទេសកម្ពុជា សាធារណរដ្ឋកូរ៉េ គីហ្សីស្ថាន បង់ក្លាដេស ប៊ូតាន ហ្វីលីពីន ឥណ្ឌូនេស៊ី នេប៉ាល់ មីយ៉ាន់ម៉ា ម៉ុងហ្គោលី ស្រីលង្កា ថៃ ឡាវ និងវៀតណាម ។

លោកបណ្ឌិត ហ្សឹង ហ្សូលី ប្រធានវិទ្យាស្ថានជាតិវិទ្យាសាស្ត្រសត្វនៃរដ្ឋបាលជនបទនៃសាធារណរដ្ឋកូរ៉េ បានថ្លែងថា៖ «សិក្ខាសាលានាពេលនេះពិតជាផ្តល់ឱកាសក្នុងការចែករំលែកលទ្ធផលការងារ និងពិភាក្សាលើផែនការការងារសម្រាប់ឆ្នាំបន្ទាប់លើគម្រោងចំនួន២ គឺបច្ចេកទេសកសិកម្មសរីរាង្គ និងធនធានហ្សេនេទិកសត្វ»។ លោកថ្លែងថា៖ «អាហ្វាស៊ី ត្រូវបានបង្កើតឡើងនៅឆ្នាំ2009 ក្នុងគោលបំណងកែលម្អផលិតកម្មស្បៀង ពង្រឹងផលិតកម្មកសិកម្មប្រកបដោយនិរន្តរភាព និងជំរុញការផ្លាស់ប្តូរបច្ចេកទេស និងព័ត៌មានរវាងប្រទេសជាសមាជិក ដែលប្រទេសកម្ពុជា គឺជាសមាជិកមួយក្នុងចំណោមសមាជិកដំបូងគេរបស់អាហ្វាស៊ី»៕

September 4, 2018

Author: វល័ក្ខ