វល័ក្ខ - La Reine Media

អេស៊ីលីដា រំពឹងទទួលបានអតិថិជន 2លាននាក់ ប្រើប្រាស់សេវា «អេស៊ីលីដាយូនីធី ទាន់ចិត្ដ»

ដើម្បីជួយសម្រួលដល់អតិថិជនឱ្យកាន់តែមានភាពងាយស្រួល និងកាត់បន្ថយការចំណាយនានា ធនាគាអេស៊ីលីដា ភីអិលស៊ី បានបង្កើតសេវាថ្មីមួយទៀតឈ្មោះថា “អេស៊ីលីដាយូនីធីទាន់ចិត្ដ។ ជាមួយការបង្កើតថ្មីថ្នាក់ដឹកនាំនៃធនាគាររំពឹងថា នឹងអាចទទួលបានអតិថិជនប្រើប្រាស់សេវានេះ 2លាននាក់ក្នុង រយៈ5ឆ្នាំ។

លោកបណ្ឌិត អ៊ិន ចាន់នី ប្រធាននាយកប្រតិបត្ដិធនាគារអេស៊ីលីដា ភីអិលស៊ី បានលើកឡើងថា៖ កាលពីឆ្នាំ 2010 កន្លងទៅនេះ ធនាគារបានបង្កើតសេវាកម្មអេស៊ីលីដាយូនីធី ដើម្បីដាក់ឱ្យអតិថិជនប្រើប្រាស់។ យើងសង្កេតឃើញថា សន្ទុះនៃអ្នកប្រើប្រាស់រហូតមកដល់ពេលបច្ចុប្បន្នបានកើនដល់រង្វង់ 30ម៉ឺននាក់ព្រោះអតិថិជនត្រូវធ្វើដំណើរមកសាខា និងមានការគិតតម្លៃសេវាកម្មថែមទៀតផង។ ដូច្នេះទើបយើងបង្កើតសេវាកម្មថ្មីមួយទៀតដែលប្រើប្រាស់បច្ចេកវិទ្យាអេឡិចត្រូនិកយ៉ាងទំនើបដែលអភិវឌ្ឍន៍ដោយវិស្វករជំនាញទទួលការបណ្ដុះបណ្ដាលក្នុងស្រុក និងបរទេស ដើម្បីផ្ដល់ភាពស្រួល និងកាត់បន្ថយការចំណាយនានារបស់អតិថិជន។

អ្វីដែលខុសគ្នាជាមួយអេស៊ីលីដាយូនីធី និងសេវាអេស៊ីលីដា យូនីធីទាន់ចិត្ដ គឺអតិថិជនមិនចាំបាច់ធ្វើដំណើរទៅកាន់ការិយាល័យ ឬសាខាអេស៊ីលីដាដើម្បីចុះបញ្ជីតភា្ជប់ដូចមុនទៀតឡើយ ព្រោះសេវានេះត្រូវបានអភិវឌ្ឍន៍ដោយប្រើបចេ្ចកវិទ្យាទំនើប គ្រាន់តែធ្វើការចុះឈ្មោះនៅលើទូរស័ព្ទស្មាតហ្វូនតែប៉ុណ្ណោះ។ ដើម្បីចុះឈ្មោះតភ្ជាប់បណ្ដាញក្នុងការប្រើប្រាស់អតិថិជនអាចដោនឡូត និងទាញយកមកប្រើប្រាស់បានជាមួយកម្មវិធី App Store និង Play Store ពោលគឺអតិថិជនអាចធ្វើការចុះឈ្មោះប្រើប្រាស់សេវានេះដោយខ្លួនឯងបានយ៉ាងភាពងាយស្រួល។

» របៀបអនុវត្តប្រើកម្មវិធីអេស៊ីលីដាយូនីធីទាន់ចិត្ត

ប្រធាននាយកប្រតិបត្ដិធនាគារអេស៊ីលីដា ភីអិលស៊ី បានបន្ថែមថា៖ តាមរយៈការបង្កើតសេវាអេស៊ីលីដាយូនីធី ទាន់ចិត្ដយើងមានជំនឿចិត្ដថា នឹងទទួលបានអតិថិជនប្រើប្រាស់ក្នុងរង្វង់ 2លាននាក់ ក្នុងរយៈពេល5ឆ្នាំខាងមុខ ព្រោះយើងផ្អែកលើអតិថិជនសកម្មរបស់ដែលកំពុងតែប្រើប្រាស់សេវាកម្មនៅក្នុងធនាគារយើងស្រាប់។ ម្យ៉ាងសេវាកម្មអេស៊ីលីដាយូនីធី ដែលយើងបានបង្កើតកាលពីពេលមុនសម្រាប់អតិថិជន លុះត្រាតែអ្នកមានជីវភាពធូធារបន្ដិចទើបអាចប្រើតភ្ជាប់បាន ប៉ុន្ដែចំពោះអេស៊ីលីដា យូនីធីទាន់ចិត្ដ គឺផ្ដោតលើប្រជាជនទូទៅគ្រប់មជ្ឈដ្ឋានទាំងអស់ មិនថាអ្នកមានចំណូលខ្ពស់ មធ្យម ឬ ចំណូលទាបនោះទេគឺពួកគាត់អាចតភ្ជាប់ដើម្បីប្រើប្រាស់បានដូចគ្នា។ អ្វីដែលសំខាន់ជាងនេះគឺការប្រើប្រាស់សេវាកម្មនេះធនាគារយើងពុំបានគិតទៅលើតម្លៃសេវាក្នុងការប្រតិបត្ដិការឡើយ។

ក្នុងការប្រតិបត្ដិការក្នុងសេវាកម្មនេះក៏មានដាក់ព័ត៌មានលម្អិតជុំវិញការចុះឈ្មោះ ការប្រើប្រាស់ និងសំណួរចំលើយ ដើម្បីបង្កភាពងាយស្រួលដល់អតិថិជនដែលក្នុងនោះមានទាំងភាសាអង់គ្លេស និងភាសាខ្មែរថែមទៀតផង។ពិសេសធនាគារបានត្រៀមបុគ្គលិកជាង1ម៉ឺននាក់រងចាំងបម្រើដល់អតិថិជនដោយមិនគិតថ្លៃ ដើម្បីជួយពន្យល់ណែនាំពីការតភ្ជាប់ និងការទាញយក ព្រមទាំងរបៀបនៃការប្រើប្រាស់សេវាយូនីធីទាន់ចិត្ដនេះ។ ក្នុងករណីដែលអតិថិជនមានចម្ងល់អាចទំនាក់ទំនងមកកាន់បុគ្គលិកអេស៊ីលីដា ដែលនៅជិតលោកអ្នក ឬសាខាទាំង260 ឬតាមរយៈខលសេនធើរដែលបម្រើការ 24ម៉ោង៕

April 26, 2017

21 រឿងដែលគួរដឹង ពាក់ព័ន្ធនឹងសុខភាពក្នុងអំឡុងពេលមានគភ៌ទាំង 9 ខែ

សូមចូលរួមត្រេកអរផងណា៎ សម្រាប់ស្រ្តីដែលចាប់ផ្តើមតាំងគភ៌គ្រប់គ្នា ចាប់ពីពេលនេះទៅអ្នកនឹងបានរៀនយល់ដឹងពីការរស់នៅមួយបែបទៀតដែលខុសប្លែកពីមុន។ រឿងសំខាន់ដែលអ្នកគួរតែដឹងនោះគឺ រឿងសុខភាពក្នុងអំឡុងពេល 9 ខែតពីពេលនេះទៅថា តើនឹងមានអ្វីកើតឡើងចំពោះអ្នកខ្លះ? ជាពិសេស ស្រ្តីដែលតាំងគភ៌លើកដំបូងទាំងឡាយ ដែល ឡា រ៉ែន មិនចង់ឱ្យខកខានក្នុងការអានអត្ថបទនេះឡើយ។

1 . ក្នុងរយៈពេលរបស់ការតាំងគភ៌ ស្រ្តីមានគភ៌ 1 នាក់ក្នុងចំណោម 20 នាក់ ប្រសូតត្រូវតាមដែលលោកគ្រូពេទ្យរាប់ថ្ងៃប្រសូត តែភាគច្រើនវិញ ស្រ្តីមានគភ៌នឹងប្រសូតមុនកំណត់ប្រមាណជា 1 – 2 សប្តាហ៍មានចំនួនដល់ទៅ 1 នាក់ក្នុង 8 នាក់ ដែលនេះជារឿងប្រក្រតីទេ។
2 . ការរាប់ពេលវេលាតាំងគភ៌របស់ស្រ្តីមានគភ៌នឹងរាប់ជាសប្តាហ៍ ដូចជា ការកំណត់ប្រសូតនឹងរាប់បន្ទាប់ពីថ្ងៃដែលអស់វដ្តរដូវ នឹងរាប់ជា 40 សប្តាហ៍ ហើយនឹងរាប់ចាប់ពីថ្ងៃចាប់បដិសន្ធិពិតៗគឺ 38 សប្តាហ៍ដែលជាកំណត់ប្រសូតរបស់ស្រ្តីមានគភ៌។
3 . ការតាំងគភ៌ក្នុងត្រីមាសដំបូង ពោះរបស់ស្រ្តីមានគភ៌នឹងមិនសូវមើលឃើញធំប៉ុន្មានទេ តែនឹងមើលឃើញច្បាស់ថាមានគភ៌នោះ ក៏ក្នុងអំឡុងត្រីមាសទី 2។
4 . អ្នកនឹងបានឮសំឡេងបេះដូងកូនជាលើកដំបូងប្រមាណជាក្នុងសប្តាហ៍ទី 10 ដោយប្រដាប់ស្តាប់សំឡេង ឬតាមរយៈការធ្វើអាល់ត្រាសោនដ៍។
5 . រាងកាយរបស់អ្នកនឹងប្រែប្រួលច្រើនយ៉ាង ដូចជា ខ្លួនប្រាណ ដៃ ជើង ក្បាលពោះ សុដន ក្រចកដៃជើង សក់ ស្បែក ហើយអាការផ្សេងៗដែលកើតឡើងចំពោះរាងកាយទាំងនេះនឹងបាត់អស់ទៅវិញនៅពេលប្រសូតបុត្ររួច។
6 . ក្នុងអំឡុងពេលមានគភ៌ ខាងក្នុងរាងកាយរបស់អ្នកនឹងមានឈាមហូរវឹលច្រើនជាងប្រក្រតី។
7 . ក្នុង 1 ថ្ងៃអ្នកនឹងបត់ជើងតូចជាញឹកញាប់ ដោយសារតែបរិមាណរបស់ឈាមដែលកើនឡើង ហើយនឹងកើនច្រើនឡើង
នៅពេលស្បូនរីកធំឡើងរហូតដល់ពេលប្រសូត។
8 . អ្នកនឹងកាន់តែនឿយហត់ឡើងជារឿយៗក្នុងខណៈពេលតាំងគភ៌ តែនឹងមានអារម្មណ៍ថានឿយហត់ខ្លាំងក្នុងអំឡុងត្រីមាសដំបូង។
9 . អ្នកនឹងមានអារម្មណ៍ច្រើនយ៉ាងកើតឡើងក្នុងអំឡុងពេលតាំងគភ៌ និងនឹងមានអាការនឿយល្វើយកើតឡើង ហើយនឹងធ្ងន់ធ្ងរខ្លាំងក្នុងអំឡុងពេលដំបូងៗ។
10 . អ្នកនឹងជួបជាមួយអាការឈឺចាប់ទាំងឡាយ ដូចជា អាការឈឺក្បាល ឈឺខ្នង ឈឺជើង ក្អួតចង្អោរ ហើមដៃជើង និងវឹលមុខ។
11 . ចំនួន 3 ភាគ 4 នៃស្រ្តីមានគភ៌ នឹងមានអាការចាញ់កូនក្នុងអំឡុងត្រីមាសដំបូង ជាពិសេសនៅពេលព្រឹកនឹងមានអាការ វឹលមុខ និងក្អួត។
12 . អ្នកនឹងចង់ទទួលទានអាហារខ្លាំងជាងមុន តែនឹងទទួលទានអាហារមិនបានច្រើនដូចមុនទេ។
13 . អ្នកនឹងមានអារម្មណ៍ដឹងថា កូនរើបំរះពេលអាយុគភ៌បានប្រមាណជា 16 – 22 សប្តាហ៍ ឬក្នុងអំឡុងត្រីមាសទី 2 នៃការតាំងគភ៌។
14 . ពេលពោះចាប់ផ្តើមធំ អ្នកនឹងមិនអាចឱនចងខ្សែស្បែកជើងបាន អង្គុយលើកម្រាលឥដ្ឋ ឬកោររោមនៅម្តុំៗជើងបានទេ
ដោយសារតែពោះដែលកាន់តែធំឡើងហ្នឹងឯង និងនៅពេលពោះធំឡើងអាចធ្វើឱ្យអ្នកដើរបុកវត្ថុរបស់របរនៅក្នុងបន្ទប់ជាញាឹកញាប់ ព្រោះនៅស្មានរយៈចម្ងាយមិនទាន់ត្រូវ។
15 . អ្នកគួរសិក្សាពីរឿងការញ៉ាំអាហារ ភេសជ្ជៈ និងថ្នាំផ្សេងៗដែលអាចញ៉ាំបាន ឬគួរចៀសវាង និងសិក្សាពីរឿងការហាត់ប្រាណផងដែរ។
16 . អ្នកគួរប្រឹក្សាជាមួយគ្រូពេទ្យពាក់ព័ន្ធនឹងរឿងសុខភាពការតាំងគភ៌របស់អ្នក ជំងឺប្រចាំកាយ ឬជំងឺដែលអាចកើតឡើងបានក្នុងអំឡុងពេលមានគភ៌។
17 . អ្នកនឹងពិបាកក្នុងការគេងលក់ និងនឹងមានអាការគេងមិនលក់ រឹតតែក្នុងអំឡុងពេលត្រីមាសទី3ផងនោះ នឹងរឹតតែគេង
លែងសូវលក់ និងច្រើនតែយល់សប្តិអាក្រក់ ព្រោះតែកើតអាការវិតក្កកង្វល់នឹងអាការជិតប្រសូតហ្នឹងឯង។
18 . ស្រ្តីមានគភ៌មួយចំនួននឹងមានអាការសោកសៅស្រងូតស្រងាត់ពេញមួយខណៈពេលតាំងគភ៌ និងអាការនេះនឹងរឹតតែធ្ងន់ធ្ងរឡើងនៅពេលប្រសូតរួច។
19 . ស្រ្តីមានគភ៌ 1 នាក់ក្នុងចំណោម 5 នាក់នឹងមានសភាវជ្រៀតជ្រែកផ្សេងៗកើតឡើងខណៈពេលមានគភ៌ ដូចជា សភាវរលូតកូន គភ៌មានជាតិពុលជាដើម។
20 . អ្នកគួរតែសិក្សាពីតំណាក់កាលនៃការប្រសូតឱ្យរួចជាស្រេច និងត្រៀមខ្លួនសម្រាប់ការប្រសូតដែលនឹងកើតឡើង។
21 . ស្រ្តីមានគភ៌ 1 នាក់ ក្នុងចំណោម 5 នាក់ នឹងបានដឹងពីសញ្ញាប្រសូតប្រមាណជាក្នុងសប្តាហ៍ទី 37 ឬអាការឈឺពោះឱ្យដឹងមុនដើម្បីប្រាប់ឱ្យដឹងថា ការប្រសូតកំពុងជីតមកដល់ហើយ។
ពេញមួយរយៈពេល 9 ខែនេះ រឿងផ្សេងៗដែលបានរៀបរាប់មកខាងលើនោះ គឺជារឿងដែលអ្នកត្រូវជួបនៅពេលអ្នកមានគភ៌ ការសិក្សាពីព័ត៌មានរឿងការតាំងគភ៌ជាអ្វីដែលអ្នកគួរតែត្រៀមខ្លួនឱ្យស្រេច និងនៅពេលជួបនឹងអាការខុសប្រក្រតីណាមួយ អ្នកគួរតែប្រញាប់ទៅប្រឹក្សាជាមួយគ្រូពេទ្យជាបន្ទាន់៕

April 26, 2017

ប្អូនស្រីបង្កើត ឆន សុវណ្ណរាជ ចេញបកស្រាយរឿងគេចោទថាបងខ្លួនបោកប្រាស់ស្នេហ៍នារីក្មេង

ភ្នំពេញៈ ពេលតារាចម្រៀងប្រុសលំដាប់កំពូលនៅទ្រនំហង្សមាសលោក ឆន សុវណ្ណរាជ បានហោះហើរចេញទៅសម្តែងរួមដំណើរជាគូដូចជាគូស្នេហ៍ជាមួយនឹង កញ្ញា ឱក សុគន្ធកញ្ញា និងបានជុំគ្នាជាមួយនឹងតារាចម្រៀងប្រុសហង្សមាសម្នាក់ទៀតឈ្មោះ Step ដែលមានមុខមាត់ស្រដៀងលោក រ៉េន ជាតារាកូរ៉េនៅឯប្រទេស កូរ៉េខាងត្បូង នាពេលថ្មីៗ ក៏ស្រាប់តែមានក្មេងស្រីម្នាក់បាន Lives វីដេអូតាមហ្វេសប៊ុក ទាំងយប់រៀបរាប់ថា រូបនាងត្រូវបានតារាចម្រៀងប្រុសរូបនេះបោកប្រាស់ក្តីស្នេហ៍នាង អស់រយៈពេលជាងមួយឆ្នាំ បង្កឲ្យមានការភ្ញាក់ផ្អើលពេញបណ្តាញសង្គមហ្វេសប៊ុកតែម្តង តែក្រោយមកនាងក៏បានលប់ចោលវិញភ្លាមៗ។

ទោះបីមានការ Lives វីដេអូតាមហ្វេសប៊ុក តបបកស្រាយពីសំណាក់តារាចម្រៀងប្រុស មានសំឡេងក្រអួន អង្រួនស្រូបយកនូវប្រជាប្រិយភាពពីក្រុមអ្នកគាំទ្រយុវវ័យលោក ឆន សុវណ្ណរាជ ដែលស្តាប់មិនសូវច្បាស់ក៏ព្រោះឮតែសំឡេងរថយន្តយ៉ាងណាក្តី ក៏រលករឿងព័ត៌មានបែបរស៊ើបខ្នងនេះ មិនបានសាបរលាបដែរ គឺនៅបន្តបោកបក់ដោយភាពមន្ទិលសង្ស័យមិនស្បើយនោះឡើយ។

តារាចម្រៀងជាគណៈកម្មការផ្តល់ពិន្ទុនៃកម្មវិធី Cambodian Idol នៅទូរទស្សន៍ហង្សមាសលោក ឆន សុវណ្ណរាជ ដែរ តែមិនបានបកស្រាយផ្ទាល់ឡើយដោយលោកកំពុងតែនៅប្រទេសកូរ៉េនៅឡើយ ខណៈត្រូវបានប្អូនស្រីបង្កើតរបស់លោកឈ្មោះ Care បានបកស្រាយជំនួស។ ដោយសម្អាងជាសមាជិកក្រុមគ្រួសាររបស់តារាចម្រៀងហង្សមាសលោក ឆន សុវណ្ណរាជ និងធ្លាប់បានមើលវីដេអូរៀបរាប់រឿងមិនទំនងរបស់ក្មេងស្រីខាងលើកញ្ញា Care បានបង្ហើបឲ្យដឹងថា៖ «តាមពិតទៅក្មេងស្រីម្នាក់នោះ គឺជាអ្នកគាំទ្រ (Fan) របស់បងខ្ញុំ ហើយនាងធ្លាប់បានជួបថតរូបជាមួយនឹងគាត់តែម្តងគត់កាលនៅឯកោះ ពេជ្រ។ នាងក៏បានប្រាប់ដែរថា គ្រាន់តែនិយាយលេងសើចនឹងបងរាជតែប៉ុណ្ណោះ»។

កញ្ញា Care បន្តថា៖ «ម្យ៉ាងទៀត ក្មេងស្រីនោះ ក៏បានសារភាពថា គណនីហ្វេសប៊ុករបស់នាង ត្រូវបានគេក្លែងបន្លំ ហើយសង្ស័យថា ជាមិត្តភក្តិដែលបានឈ្លោះជាមួយនាង បានយកគណនីនាងទៅបង្ហោះរឿង ឬធ្វើសកម្មភាពមិនល្អផ្សេងៗទៀតផង»៕

April 26, 2017

ធនាគារ BIDC ប្រគល់រង្វាន់ជូនអតិថិជនរបស់ខ្លួន គិតជាទឹកប្រាក់ប្រមាណ 42000ដុល្លារ

ធនាគារវិនិយោគ និងអភិវឌ្ឍន៍កម្ពុជា ភីអិលស៊ី ហៅកាត់ថា BIDC ប្រគល់រង្វាន់ចំនួន 20រង្វាន់ជូនអតិថិជនរបស់ ខ្លួន ដោយមានម្ចាស់រង្វាន់ចំនួន 12រូប ក្នុងនោះអតិថិជនដែលមានសំណាងជាងគេបានឈ្នះរថយន្ត Ford Fiesta មួយគ្រឿង ដែលមានតម្លៃប្រមាណ 30000ដុល្លារ។

ការផ្ដល់រង្វាន់នេះ បន្ទាប់ពីអតិថិជនបានដាក់ប្រាក់សន្សំជាមួយនឹងធនាគារ BIDC ក្នុង «កម្មវិធីដាក់ប្រាក់សន្សំឈ្នះរង្វាន់ធំ» ជាមួយគ្នានេះ រង្វាន់រួមមាន៖ រថយន្ត Ford Fiesta 2016 មួយរង្វាន់ ម៉ូតូ Honda Click 125i មួយ រង្វាន់ ទូរស័ព្ទ iPhone 8 Plus 128G ៣រង្វាន់ ទូរទស្សន៍ Samsung UHD Smart TV 43 ៥រង្វាន់ និងទូរទឹកក ក HITACHI 293L INVERTER ចំនួន 10គ្រឿង ដែលមានទឹកប្រាក់សរុបប្រមាណ 42000ដុល្លារអាមេរិក។

តំណាងធនាគារ BIDC ប្រចាំនៅកម្ពុជាបានលើកឡើងថា BIDC បានរៀបចំកម្មវិធីដាក់ប្រាក់សន្សំឈ្នះរង្វាន់ធំ (Save to Win Big Prize) ដែលផ្ដល់ជូននូវអត្រាការប្រាក់បញ្ញលខ្ពស់រហូតដល់ 5.75% និងមានរង្វាន់សរុបគិតជាទឹកប្រាក់ប្រមាណ 42000ដុល្លារអាមេរិក។

លោកបន្តថា ជាមួយនឹងលក្ខណៈពិសេស ដែលទាក់ទាញចំណាប់អារម្មណ៍ខ្លាំងពីអតិថិជននោះគឺ អតិថិជនគ្រាន់ តែមកដាក់ប្រាក់បញ្ញើមានកាលកំណត់ចាប់ពី 300ដុល្លារឡើងទៅ នឹងទទួលបានលេខកូដផ្សងសំណាងចំនួន1 ដើម្បីចូលរួមចាប់ឆ្នោតផ្សងសំណាងយករង្វាន់ពីកម្មវិធីដាក់ប្រាក់សន្សំឈ្នះរង្វាន់ធំ។

បើគិតត្រឹមចុងឆ្នាំ 2016 នេះ ធនាគារ BIDC មានទ្រព្យសកម្មសរុប 727លានដុល្លារអាមេរិក ចលនាទុនសរុប 605 លានដុល្លារ និងឥណទានសរុប 510លានដុល្លារផងដែរ៕

April 26, 2017

ប្រជាជនមីយ៉ាន់ម៉ា វិនិយោគលើវិស័យអចលនទ្រព្យ ច្រើនជាងវិស័យនានាក្នុងប្រទេស

ការវិនិយោគផ្នែកអចលនទ្រព្យក្នុងប្រទេសមីយ៉ាន់ម៉ា បានកើនឡើងដល់ចំនួនប្រមាណជាង2ពាន់លានដុល្លារអាមេរិក បើគិតត្រឹមខែមីនា ឆ្នាំ2017។ ចំនួននេះត្រូវបានគេដឹងថា ជាចំនួនច្រើនលើសពីការវិនិយោគលើវិស័យផ្សេងៗទៀត។

អ្នកវិនិយោគមីយ៉ាន់ម៉ា បានបញ្ចូលទំហំទឹកប្រាក់ជាង9,778លានដុល្លារទៅក្នុងសហគ្រាសចំនួន1,241 ក្នុង11វិស័យ ដែលក្នុងនោះគេសង្កេតឃើញថា ការអភិវឌ្ឍវិស័យអចលនទ្រព្យគឺមានចំនួន 20.98%ក្នុងចំណោមការវិនិយោគទាំងអស់។

នេះបើតាមការចេញផ្សាយដោយក្រុមប្រឹក្សាវិនិយោគ និងគ្រប់គ្រងក្រុមហ៊ុន (DICA) ដែលចេញផ្សាយកាលពីពេលថ្មីៗនេះ។ វិស័យឧស្សាហកម្មបានតាមពីក្រោយវិស័យអចលនទ្រព្យក្នុងទំហំទឹកប្រាក់ប្រតិបត្តិការប្រមាណ 1,807លានដុល្លារ បន្ទាប់មកទៀតគឺវិស័យដឹកជញ្ជូនដែលមានទំហំទឹកប្រាក់ជាង1,706លានដុល្លារ និងសណ្ឋាគារ និងទេសចរណ៍មានទឹកប្រាក់ជាង1,048លានដុល្លារ។ ក្នុងនោះដែរវិស័យកសិកម្មនិងជលផលត្រូវបានគេឃើញថាមានចំនួនត្រឹមតែ 0.38% និង 0.53% ប៉ុណ្ណោះក្នុងចំណោមការវិនិយោគទាំងអស់ក្នុងប្រទេស។

ចំណែកការវិនិយោគដោយផ្ទាល់របស់ជនបរទេសក្នុងឆ្នាំ2016-2017 មានថវិកាសរុប6.6ពាន់លានដុល្លារ ដោយក្នុងនោះថវិកាវិនិយោគដែលត្រូវបានដាក់បញ្ចូលទៅក្នុងវិស័យអចលនទ្រព្យមានចំនួន748លានដុល្លារ៕

April 26, 2017

Robert Kiyosaki ៖ បើចង់ក្លាយជាអ្នកមាន កុំសន្សំលុយទុក

លោក Robert Kiyosaki ត្រូវបានគេស្គាល់ថា ជាសេដ្ឋីវ័យ ៧០ឆ្នាំ បាននិយាយថា នៅក្នុងពិភពលោក អ្នកដែលប្រើប្រាស់លុយសព្វថ្ងៃនេះ ភាគច្រើនគឺសន្សំលុយទុកដើម្បីក្លាយជាអ្នកមាន ប៉ុន្តែគេមិនដឹងថា ការធ្វើបែបនេះគឺបរាជ័យទាំងស្រុង។

ការសន្សំលុយទុក ដោយមិនយកទៅវិនិយោគគឺវាមិនមែនជាទ្រព្យនោះទេ ហើយក៏មិនអាចធ្វើឱ្យក្លាយជាអ្នកមាន ឬសេដ្ឋីបានដែរ។ បើចង់ក្លាយជាអ្នកមាន ឬសេដ្ឋី ត្រូវសន្សំលុយទុក បន្ទប់មកចាប់ផ្ដើមធ្វើការវិនិយោគទៅតាមផែនការណ៍ ប៉ុន្តែក៏ត្រូវចាំដែរថា មិនចាំបាច់សន្សំរហូតគ្រប់ចំនួនទើបចាប់ផ្ដើមរកស៊ីនោះទេ អ្នកត្រូវប្រាកដថា ជំនួញរបស់អ្នកអាចចាប់ផ្ដើមពីទំហំទឹកប្រាក់ចំនួនប៉ុន្មាន? ការដឹងពីតួលេខនេះច្បាស់ នោះអ្នកនឹងងាយស្រួលក្នុងការសន្សំលុយ៕

April 26, 2017

រាជនីក្រមាកញ្ញា មាន សូនីតា និងតារាខ្មែរបួនដួងទៀតឡើងយន្តហោះទៅជប៉ុនចុងខែនេះ

ភ្នំពេញៈ តារាចម្រៀង និងសម្តែងប្រុសស្រីល្បីៗខ្មែរចំនួន ៥ ដួង នឹងរួមសហការស្ម័គ្រចិត្តចូលរួមនៅក្នុងកម្មវិធីតាំងពិព័រណ៍ពាណិជ្ជកម្មកម្ពុជាឆ្នាំ ២០១៧ នៅឯប្រទេសជប៉ុនក្នុងគោលបំណងជួយលើកស្ទួយសិល្បៈ ផ្សព្វផ្សាយវប្បធម៌ ទេសចរណ៍ និងទាក់ទាញអ្នកវិនិយោគជប៉ុនមកកម្ពុជា នៅឯបរិវេណឧទ្យានយ៉ុយ៉ុកិ នៃទីក្រុងតូក្យូ ប្រទេសជប៉ុន ដើមខែឧសភាឆ្នាំ ២០១៧ ខាងមុខ។

តារាទាំងប្រាំដួងនោះរួមមានតារាចម្រៀងលំដាប់កំពូលចាស់វស្សាជ្រកក្រោមផលិតកម្មហង្សមាសលោក ព្រាប សុវត្ថិ តារាចម្រៀងបុរាណ និងប្រពៃណីរៃកណ្ដឹងអ្នកនាង ម៉េង កែវពេជ្ជតា តារាចម្រៀងប្រុសអូរីជីណល់ ដែលអតីតជាបេក្ខជនប្រឡងធ្លាក់នៅវគ្គពាក់កណ្តាលផ្តាច់ព្រ័ត្រនៃកម្មវិធីប្រឡងចម្រៀងលំដាប់ពិភពលោក Cambodian Idol នារដូវកាលទី ១ លោក អ៊ាម វន្នី តន្ត្រីករជាម្ចាស់សាលាតូរ្យតន្ត្រីឯកជនលោក សែន ស្រណោះ និងតារាសម្តែងស្រីរហស្សនាមរាជនីក្រមា កញ្ញា មាន សូនីតា ដែលពួកគេឡើងយន្តហោះចេញដំណើរពីកម្ពុជានៅថ្ងៃទី ៣០ ខែមេសា ឆ្នាំ ២០១៧ ហើយកម្មវិធីតាំងពិព័រណ៍នោះ មានរយៈពេលពីរថ្ងៃគឺចាប់ផ្តើមពីថ្ងៃទី ៣ ដល់ទី ៤ ខែឧសភា ឆ្នាំ ២០១៧។

លោក ម៉ី ចំណាប់ អនុប្រធានគណៈកម្មការស្ម័គ្រចិត្តរៀបចំកម្មវិធី បញ្ជាក់ពីប្រវត្តិនៃការរៀបចំ និងវត្តមានតារាខ្មែរទាំងប្រាំដួងដែលចូលរួមថា៖ «តាមពិតទៅតាំងពិព័រណ៍ពាណិជ្ជកម្មកម្ពុជា បានធ្វើចំនួនបីលើកទាំងឆ្នាំនេះ។ កាលពីមុនជាលក្ខណៈតូចតាចទេ តែឆ្នាំនេះយើងធ្វើឲ្យធំបន្តិច ដោយមានអញ្ជើញសិល្បករសិល្បការិនីខ្មែរល្បីៗឲ្យស្ម័គ្រចិត្តទាំងអស់គ្នាចូលរួមគឺគ្រាន់តែយើងមានក្រុមហ៊ុនឧបត្ថម្ភចេញថ្លៃសំបុត្រយន្តហោះ ថ្លៃស្នាក់នៅ និងអាហារប៉ុណ្ណោះសម្រាប់ពួកគាត់»។

តារាសម្តែងស្រីរលកក្រោយ ដែលកំពុងតែល្បីលើវិថីសិល្បៈសម្តែង និងម្ចាស់គម្រោងផ្ទះស្រឡាញ់រហស្សនាមថា «រាជនីក្រមា» កញ្ញា មាន សូនីតា ប្រាប់ពីអារម្មណ៍ផ្ទាល់ខ្លួន និងឲ្យតម្លៃលើការរៀបចំការតាំងពិព័រណ៍ពាណិជ្ជកម្មកម្ពុជា នៅប្រទេសជប៉ុននោះថា៖ «ចំពោះការចូលរួមកម្មវិធីបែបស្ម័គ្រចិត្តនេះគឺជាលើកទី ១ ខណៈការធ្វើដំណើរកម្សាន្តលក្ខណៈឯកជនវិញខ្ញុំដូចធ្លាប់បានទៅញយដែរ។ ខ្ញុំគិតថា ការរៀបចំពិព័រណ៍បែបនេះមានសារៈសំខាន់ខ្លាំងណាស់សម្រាប់ប្រទេសកម្ពុជា និងបងប្អូនខ្មែររស់នៅប្រទេសជប៉ុន មានឱកាសបានជួបជុំគ្នា និងនាំយកនូវផលិតផលនានាជារបស់ខ្មែរដាក់បង្ហាញឲ្យជនជាតិជប៉ុនបានស្គាល់ច្បាស់ ខណៈយើងជាអ្នកសិល្បៈនឹងសហការគ្នានាំយកទម្រង់សិល្បៈវប្បធម៌ខ្មែរទៅផ្សព្វផ្សាយ។ លើសពីនេះ នាងខ្ញុំក៏គ្រោងយកនូវម៉ូដម៉ាកសម្លៀកបំពាក់ក្រមាខ្មែរទៅបង្ហាញនាពេលនោះផងដែរ»៕

April 26, 2017

ធ្វើយ៉ាងណាដើម្បីឱ្យជើងស្អាត និងសិចស៊ី?

ការដណ្តើមគ្នាបង្អួតភាពសិចស៊ី បង្ហាញសាច់ជើងសខ្ចី មានទាំងជើងស្រឡូនតូចៗ និងជើងទ្រលុកទ្រលន់តាមរយៈការស្លៀកសម្លៀកបំពាក់ខ្លីៗ គឺជាសកម្មភាពដែលកំពុងពេញនិយមបំផុតសម្រាប់នារីៗ ជាពិសេសគឺយុវតីសម័យថ្មីនេះតែម្ដង។ ប្រាកដណាស់ថា អ្នកណាៗក៏នឹងលួចកោតសរសើរអ្នកដែរ ប្រសិនបើគេបានឃើញជើងដ៏ស្រស់ស្អាត មើលទៅមានសភាពទន់រលោងរបស់អ្នក។ ប៉ុន្តែប្រសិនបើអ្នកនៅមិនទាន់មានទំនុកចិត្តថា ជើងរបស់អ្នកមានសភាពស្រស់ស្អាតគ្រប់គ្រាន់ក្នុងការប្រណាំងប្រជែងជាមួយអ្នកដទៃទេនោះ សូមចាប់ផ្តើមថែរក្សាជើងរបស់អ្នកឱ្យបានស្អាតចាប់ពីពេលនេះតទៅ។

ដុសខាត់កែងជើង៖ បង្កើតទម្លាប់ក្នុងការដុសខាត់កែងជើង និងបាតជើងឱ្យបានស្អាតដោយច្រាស ឬថ្មខាត់ មុននឹងដុសអ្នកគួរត្រាំជើងរបស់អ្នកទៅក្នុងទឹក (ប្រសិនបើត្រាំជាមួយទឹកក្តៅឧណ្ហៗកាន់តែល្អ) ប្រមាណជា10-15នាទីជាមុនសិន ដើម្បីឱ្យស្បែកជើងរបស់អ្នកទន់ងាយស្រួលក្នុងការដុសសម្អាតសារធាតុកខ្វក់ និងស្បែកចាស់ៗចោល។ ប្រសិនបើជើងរបស់ស្ងួត និងមានសភាពប្រះបែកនោះ អ្នកត្រូវតែផ្តល់សំណើមឱ្យជើងរបស់អ្នក។ មានផលិតផលច្រើនណាស់ដែលអាចឱ្យអ្នកជ្រើសរើសប្រើប្រាស់ ដូច្នេះវាពិតជាមិនពិបាកទេបើគ្រាន់តែចង់ស្វែងរកផលិតផលមួយដែលត្រូវនឹងអ្នកនោះ។

ធ្វើចលនា និងម៉ាស្សាជើង៖ ម្រាមជើង និងប្រអប់ជើងក៏អាចបង្កើនភាពស្រស់ស្អាតឱ្យអ្នកបានដែរ ហេតុនេះការទាញម្រាមជើង ច្របាច់ ធ្វើចលនាចុះឡើង និងការម៉ាស្សាប្រអប់ជើងដោយប្រេងអូលីវ ឬប្រេងដូងជាដើមគឺជាវិធីល្អបំផុតក្នុងការបន្ថែមភាពតឹងណែនដល់ប្រអប់ និងម្រាមជើងរបស់អ្នក។

សម្អាតជើងឱ្យស្អាត៖ ការលាងសម្អាត និងជូតជើងរបស់អ្នកឱ្យបានស្អាត និងស្ងួតល្អ គ្រប់កន្លែង ពិសេសគឺនៅចន្លោះម្រាមជើងជាដើមនោះគឺជាចំណុចមួយដែលអ្នកមិនគួរភ្លេចជាដាច់ខាត។

កុំមើលរំលងស្បែកជើងដែលអ្នកពាក់៖ ស្បែកជើងស្អាតល្អពិតប្រាកដមិនត្រឹមតែជាម៉ូដដែលអាចលើកសម្រស់ជើងតែប៉ុណ្ណោះទេ តែវាត្រូវតែផ្តល់ភាពងាយស្រួលក្នុងការស្លៀកពាក់ផងដែរ។ សូមចាំថា ស្បែកជើងដែលមិនធ្វើឱ្យឈឺជើង និងងាយស្រួលដើរគឺជាជម្រើសទីមួយដែលអ្នកត្រូវគិតដល់៕

April 26, 2017

តារាសម្តែងស្រីតួចច្រឡឹង ដួង ម៉ានិច ច្រានចោលគេថាមានអ្នកឧបត្ថម្ភនាងទិញផ្ទះថ្មី

ភ្នំពេញៈ តារាសម្តែងស្រី មានរាងតូចច្រឡឹង ចង្កាស្រួចកញ្ញា ដួង ម៉ានិច ដែលទើបតែមានរាសីឡើងខ្ពស់ខ្លាំងនៅចុងឆ្នាំ ២០១៦ និងទទួលការសរសើពីមហាជនថា ថតសម្តែងសមជាតួប្តីប្រពន្ធនឹងតារាសម្តែងប្រុសជើងចាស់លោក ទេព រិន្ទដារ៉ូ នៅក្នុងខ្សែភាពយន្តភាគថតសាឡើងវិញរឿង «ពស់កេងកងថ្មី» ទើបថតចប់ថ្មីៗនោះ ឥឡូវនេះសល់លុយទិញផ្ទះល្វែងមួយជូនអ្នកម្តាយជាទីស្រឡាញ់។

មើលទៅផ្ទះនោះសង់ជិតរួចរាល់ហើយ បើតាមរូបនាងឈរថតនៅមុខផ្ទះមានសារបញ្ជាក់ថា៖ «បាន ៨០ % ហើយសម្រាប់អ្នកម្តាយជាទីស្រឡាញ់ I love you my man»។ មានការសង្ស័យថា តារាស្រីរូបនេះ ទំនងជាមានបុរសកំណាន់ចិត្តនៅពីក្រោយជួយឧបត្ថម្ភនាងទិញផ្ទះគាប់ចិត្តម្តាយក្មេកមិនខានឡើយ ដោយសម្អាងសារបង្ហោះថា « I love you my man» គឺមានន័យថា «អូនស្រឡាញ់បងសំណព្វចិត្តរបស់អូន!»។

ខុសពីការមន្ទិលសង្ស័យ ត្រូវតារាស្រីរាសីឡើងខ្ពស់ ដែលតែងតែក្តាប់បានឱកាសថតកុនហូរហែមានរូបសម្ផស្សស្រស់សោភាវ័យ ២៦ ឆ្នាំ កញ្ញា ដួង ម៉ានិច បែរជាបកស្រាយ ទាំងមានសម្លេងបែបងឿងឆ្ងល់វិញថា៖ «ពិតជាសរសេរថា I love you my man មែន? ខ្ញុំមិនបានពិនិត្យទេព្រោះជាបានពឹងឲ្យប្អូនប្រុសសរសេរឲ្យ។ តាមពិតទៅគឺខ្ញុំចង់ឲ្យគាត់សរសេរថា I love you my mummy ដែលមានន័យថាស្រឡាញ់អ្នកម្តាយនោះឯងទេតើបង!។ ផ្ទះនេះគឺនាងខ្ញុំទិញតាមវិធីបង់រំលោះ ជាមួយនឹងប្រាក់ដែលបានពីកម្លាំងញើសឈាមរបស់ខ្ញុំ ដោយវាមានតម្លៃថ្លៃទេគឺជាង ៣ ម៉ឺន ដុល្លារ ប៉ុណ្ណោះ»។ តារាស្រីដែលទទួលបានពានរង្វាន់ជាសិល្បការិនីឆ្នើមផ្នែកតារាគោរពពេលវេលា និងជាតួស្រីកាចឆ្នាសឆ្នើមពីកម្មវិធី Apsara Award 2016 នាពេលថ្មីៗនេះ ក៏មានការអាក់អនស្រពន់ចិត្តដែរ ចំពោះព័ត៌មានចោទប្រកាន់រូបនាងថា មានអ្នកជួយទំនុកបម្រុង ឬអ្នកឧបត្ថម្ភនោះ។

តារាសម្តែងស្រីដែលមានស្រុកកំណើតមកពីខេត្តបន្ទាយមានជ័យរូបនេះ នៅតែបន្តអះអាងថា៖ «នាងខ្ញុំទិញផ្ទះនេះបានពីប្រាក់ ដែលខិតខំសន្សំជិតដប់ឆ្នាំហើយ។ តាំងពីចូលប្រឡូកសិល្បៈមកនាងខ្ញុំគ្មានអ្នកណាជួយចិញ្ចឹមអ្វីនោះទេ ហើយតាមពិតទៅ ការងារសិល្បៈសម្រាប់នាងគ្រាន់តែបានត្រឹមរស់ប៉ុណ្ណោះ។ ប្រាក់សន្សំទិញផ្ទះនេះ បានមកពីចំណូលនៃការបើកអាជីវកម្មមួយលក់ស្រាក្រឡុកមួយនៅឯខេត្តបៃលិន ដែលខ្ញុំបានប្រកបរកស៊ីនេះ តាំងពីឆ្នាំ ២០០៧ មកម្ល៉េះ ឯប្រាក់បានពីសិល្បៈវិញគឺតិចតួចបំផុត»៕

April 26, 2017

LG ឈ្នះពានរង្វាន់ BEST OF THE BEST ពី Red Dot Design Awards

ក្រុមហ៊ុន LG Electronics បានឈ្នះពានរង្វាន់ការរចនាពីគណៈកម្មាធិការ Red Dot Design Awards សម្រាប់ការច្នៃប្រឌិតក្នុងការរចនារបស់ខ្លួន រួមទាំងពានរង្វាន់ Best of the Best awards ពីរផ្សេងទៀត។ ពានរង្វាន់ Best of the Best awards ត្រូវបានផ្តល់ទៅឱ្យទូរទស្សន៍ LG’s SIGNATURE OLED TV W និងទូរទឹកកក Smart InstaView លើការរចនា និងការច្នៃប្រឌិតដ៏ល្អ ឥតខ្ចោះ។ Red Dot Design Awards ត្រូវបានទទួលស្គាល់យ៉ាងទូលំទូលាយជាសកល និងមាន ឥទ្ធិពលបំផុតក្នុងពិភពលោកក្នុងការវាយតំលៃការរចនារបស់ផលិតផលអេឡិចត្រូនិច។

ទូរទស្សន៍សេរ៊ីថ្មី LG SIGNATURE OLED TV W ត្រូវបានរចនាឡើងក្នុងលក្ខណៈពិសេស រូបរៀង ស្តើង ទំនើប ពេលចាប់ផ្ជាប់ទៅនឹងផ្ទៃជញ្ជាំង បង្កើតការភាន់ច្រលំ ហាក់បីដូចជាយើងកំពុងមើលតាមបង្អួចផ្ទះខណះពេលយើងកំពុងទស្សនា វាជំរុញបទពិសោធន៏នៃទស្សនារអោយកាន់តែមានភាពជក់ចិត្ត។ ថ្មីៗនេះទូរទស្សន៍សេរ៊ីថ្មី LG SIGNATURE OLED TV W ក៏ទទួលបានពានរង្វាន់រចនា iF Design Award ផងដែរ។

ទូរទឹកកកស៊េរីថ្មី LG’s InstaView Door-in-Door™ ក៏ត្រូវបានទទួលស្គាល់ដោយ Red Dot សម្រាប់ភាពជោគជយ័ក្នុងការរួមបញ្ចូលគ្នានូវការរចនាដ៏ស្រស់ស្អាត់ជាមួយនិងបច្ចេកវិទ្យាយ៉ាងទំនើប។ Smart InstaView™ ជាប្រភេទទូរទឹកកកដែលបំពាក់ដោយអេក្រង់ Touch LCD Display មានទំហំ 29 អ៊ីង។ យើងអាចមើលឃើញផ្នែកខាងក្នុងរបស់ Smart InstaView™ បានដោយគ្រាន់តែប៊ះ លើអេក្រង់របស់វាចំនួនពីរដងជាការស្រេច ដោយពុំចាំបាច់បើកទ្វារបស់វានោះទេ។ ចំនែក Smart Tag Minu អាចអនុញ្ញាតឱ្យអ្នកប្រើប្រាស់បន្ថែម ស្លាកសញ្ញាចំនាំនៅលើអេក្រង់ ដើម្បីបញ្ជាក់ថាចំនីអាហារណាដែលរក្សាទុកនៅខាងក្នុង លើសពីនេះទៀត អ្នកប្រើប្រាស់ក៍អាចបញ្ចូលកាលបរិច្ឆទផុតកំនត់របស់ចំនីអាហារ ដូច្នេះទូរទឹកកកនឹងអាចធ្វើការរំលឹកអ្នកប្រើប្រាស់ចំពោះចំនីរអាហារណាដែលជិតផុតកំនត់កាលបរិច្ឆទប្រើប្រាស់។

បន្ថែមពីការទទួលបានពានរង្វាន់ល្អទាំងពីរនេះហើយ LG ក៏បានទទួលពានរង្វាន់កិត្តិយស 18 បន្ថែមទៀតពី Red Dot។ សម្រាប់ផលិតផល LG ដែលទទួលបានពានកិត្តិយសពីរ Red Dot មានដូចជាទូរទស្សន៍ LG SIGNATURE OLED, កុំព្យូទ័រយួរដៃ, ស្មាតហ្វូន V20, និង នាឡិកា LG Smart Watch, កាស់ wireless និង ឧប្បករណ៏បញ្ចាំងស្លាយ (monitor) ប្រភេទ Minibeam ទាំងអស់នេះគឺជាផលិតផលក្នុងចំណោមផលិតផលផ្សេងទៀត ដែលបានការទទួលស្គាល់លើការរចនា និង បច្ចេកវិទ្យាឆ្នៃប្រឌិតដ៏អស្ចារ្យរបស់ពួកវា។

បើយោងតាមប្រសាសន៏របស់លោក Noh Chang-ho ដែលជាប្រធានផ្នែករចនារបស់ក្រុមហ៊ុន LG Electronics បានឱ្យដឹងថា ការទទួលស្គាល់របស់ Red Dot មកលើផលិតផលរបស់ LG យើង នេះគឺជាការបញ្ជាក់អោយឃើញថា LG គឺជាអ្នកដឹកនាំជួមុខគេក្នុងការរចនាផលិតផលអេឡិចត្រូនិច។ យើងនឹងបន្តផ្តល់ជូននូវផលិតផលដែលជំរុញឱ្យមានការរចនានិងបច្ចេកវិទ្យាលើសពីរការរំពឹងទុករបស់អតិថិជន ហើយយើងប្តេជ្ញានឹងធ្វើអោយល្អបំផុតដើម្បីកំណត់ ស្តង់ដារ សោភ័ណ្ឌភាព របស់ផលិតផលយើងអោយឱ្យកាន់ខ្ពស់។

ផលិតផលថ្មីៗទាំំងអស់នេះនឹងមានវត្តមាននៅក្នុង LG BrandShop គ្រប់សាខាទាំងអស់នៅពេលឆាប់ៗនេះ។

LG BrandShop ទំនិញមានគុណភាព តម្លៃសមរម្យ សេវាកម្មល្អ

ព័ត៌មានបន្ថែម 023 222 699/ 023 888 299

LG WINS DUAL “BEST OF THE BEST” IN THIS YEAR’S RED DOT AWARDS

April 25, 2017

Author: វល័ក្ខ