វល័ក្ខ - La Reine Media

លោក Mourinho មិនខកចិត្ត ទោះការមិនស្គាល់ចាញ់របស់ Man Utd បញ្ចប់ក្រោមដៃ Arsenal

កំណត់ត្រានៃការមិនស្គាល់ចាញ់ក្នុងការប្រកួតលីករបស់ក្រុមបិសាចក្រហម Manchester United បានឈានដល់ទីបញ្ចប់ទាំងការខកចិត្ត ពេលប្រកួតជាមួយនឹងក្រុមរបស់លោក Arsene Wenger នាកីឡដ្ឋាន Emirates ក្រោយពីក្រុមរបស់លោកបានរងបរាជ័យក្នុងលទ្ធផល ២-០ ក្រោមស្នាដៃក្រុម Arsenal កាលពីថ្ងៃអាទិត្យ។

គ្រាប់បាល់ស៊ុតបញ្ចូលទីក្នុងចន្លោះពេលដ៏រហ័សពីសំណាក់ខ្សែបម្រើ Granit Xhaka និងខ្សែប្រយុទ្ធ Danny Welbeck បានជួយឲ្យក្រុមកាំភ្លើងធំ Arsenal ដណ្តើមបានជ័យជម្នះដ៏សំខាន់មួយ និងបានបំបែកបច្ចេកទេសការពារនៃក្រុមរបស់លោក Jose Mourinho ដើម្បីបង្កើនឱកាសរបស់ពួកគេក្នុងការប្រជែងយកចំណាត់ថ្នាក់កំពូលទាំងបួន។ Man United មិនធ្លាប់ចាញ់សោះពីការប្រកួតទាំង២៥លើកចុងក្រោយរបស់ពួកគេ ក្រោយពីចាញ់ក្រោមស្នាដៃក្រុម Chelsea ក្នុងលទ្ធផល ៤-០ នៅកីឡដ្ឋាន Stamford Bridge បើទោះបីពាក់កណ្តាលនៃលទ្ធផលទាំងនោះ បានបញ្ចប់ក្នុងលទ្ធផលស្មើក៏ដោយ។ ទោះបីជាយ៉ាងណា ពួកគេបានជួបលទ្ធផលដ៏ខកចិត្តពេលបញ្ចប់ការប្រកួត ខណៈដែលលោក Mourinho បានធ្វើការផ្លាស់ប្តូរកីឡាករដល់ទៅ៨នាក់ទៅលើសមាជិកក្រុមដែលបានផ្តួលក្រុម Celta Vigo ក្នុងលទ្ធផល ១-០ ក្នុងការប្រកួតក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ជើងទី១ កាលពីថ្ងៃព្រហស្បតិ៍។

លោក Mourinho អ្នកចាត់ការទូទៅរបស់ក្រុម Man United បានឲ្យដឹងថា៖ «យើងបានផ្លាស់ប្តូរកីឡាករ៨នាក់។ ពិតណាស់ យើងបានដឹងថា យើងនឹងមិនមានភាពខ្លាំងក្លាពេញលេញឡើយ។ នោះគឺជាការសម្រេចចិត្តមួយ។ យើងចង់ដណ្តើមពាន Europa League ពីព្រោះវាសំខាន់ជាងការបញ្ចប់ក្នុងចំណាត់ថ្នាក់កំពូលទាំង៤ទៅទៀត»។ គ្រូបង្វឹកសញ្ជាតិព័រទុយហ្គាល់រូបនេះ បានបន្ថែមទៀតថា៖ «ពានចុងក្រោយដែលខ្ញុំបានឈ្នះគឺមានរយៈពេល៣ខែមកហើយ។ ខ្ញុំមិនខ្វល់ពីបញ្ហានោះឡើយ។ ថ្ងៃព្រហស្បតិ៍ គឺជាការប្រកួតដ៏សំខាន់ប្រចាំរដូវកាលនេះ។ ខ្ញុំសង្ឃឹមថា Old Trafford មានអារម្មណ៍បែបនេះ ពីព្រោះយើងត្រូវការ Old Trafford»៕

ប្រភពពី៖ The Sun

May 8, 2017

ស្ងាត់ៗ ពេជ្រ សោភា ពាក់ចិញ្ចៀនបញ្ចាំចិត្តរឹតចំណងស្នេហ៍ពីលោក សក្កដា

ភ្នំពេញៈ មួយរយៈចុងក្រោយនេះ គេស្រាប់តែបានឃើញតារាចម្រៀងស្រីចាស់វស្សានៅលើទ្រនំផលិតកម្មហង្សមាសអ្នកនាង ពេជ្រ សោភា បង្ហាញសិ្នទ្ធិស្នាលនឹងតារាសម្តែងប្រុសលោក ឆឺម សក្កដា និងមានសារផ្អែមល្ហែមទៀតផង ដែលសរបញ្ជាក់ថា ចំណងស្នេហ៍ពួកគេពិតជាមានពន្លឺត្រចះត្រចង់ទៅមុខ។ តែក៏មានការលើកឡើងពីមហាជនខ្លះដែរថា ពួកគេគ្រាន់តែសម្តែងប៉ុណ្ណោះ មិនមានអ្វីកើតឡើងជាពិតនោះទេ។

ហាក់ដូចជាចង់មានការបញ្ជាក់ឲ្យមហាជនដឹង នាពេលថ្មីៗនេះ គេឃើញមានការពាក់ចិញ្ចៀនគូស្នេហ៍រវាងតារាចម្រៀងជាគ្រូបង្វឹកនៅក្នុងកម្មវិធី The Voice Cambodia អ្នកនាង ពេជ្រ សោភា និងលោក ឆឹម សក្កដា បង្ហោះតាមបណ្តាញសង្គមអ៊ីនស្តាក្រាម និងសារមួយនៅតាមហ្វេសប៊ុកសរសេរថា៖ «សំខាន់យើងទាំងពីរសប្បយចិត្ត ទោះជារឿងអ្វីក៏ដោយ ឲ្យតែជួបគ្នាAlways សប្បាយចិត្ត និងនិយាយរឿងល្អឲ្យស្តាប់ទៀត»។

ចំពោះរឿងចិញ្ចៀនគូស្នេហ៍ដែលធ្វើឲ្យមហាជនភ្ញាក់ផ្អើល និងសង្ស័យនោះ ត្រូវបានម្ចាស់បទចម្រៀង «ឆ្កែរាំបុកប៉ោត» និង«រាំឡូយកប់លូ» និងបទ «ហុយៗ» ដែលមានស្រុកកំណើតពីខេត្តព្រៃវែង អ្នកនាង ពេជ្រ សោភា បង្ហើបថា៖ «អត់ទាន់បើកចំហដល់ម្លឹងនោះទេ! តែអរគុណដែរសម្រាប់ការយកចិត្តទុកដាក់ពីសំណាក់បងប្អូនមហាជនតាមដានពីជីវិតគូរបស់ពួកយើង។ សូមបងប្អូនចំណាយពេលតាមដានរឿងយើងបន្តិចទៀតសិនចុះ នឹងជ្រាបហើយ!»៕

May 8, 2017

សល់តែ១សប្តាហ៌ទៀតទេ គូរស្នេហ៍ភេទដូចគ្នា នៅកម្ពុជា នឹងរៀបការហើយ

សេចក្តីស្រលាញ់ គឺមានន័យធំធាងណាស់ចំពោះមនុស្សទូទៅ ដែលគ្មាននរណាអាចកំណត់បានទេ អ្នកខ្លះស្រលាញ់ស្រីដូចគ្នា អ្នកខ្លះស្រលាញ់ប្រុសដូចគ្នា ហើយក៏មានអ្នកខ្លះមានកូនក្រមុំពីរនាក់ ស្រលាញ់កូនកំលោះតែម្នាក់ក៏មាន។
តែបើលោកអ្នកយល់ពីក្តីស្រលាញ់ពិតប្រាកដ លោកអ្នកនឹងអាចស្វែងរកសុភមង្គល និងគូរស្នេហ៍ពិតអោយ ជីវិតខ្លួនឯងបាន។ ស្នេហាមិនត្រូវបានបែងចែកភេទនោះទេ សំខាន់គូរស្នេហ៍មួយគូរដែលយល់ពីក្តីស្នេហ៍ស៊ីជម្រៅរវាងគ្នានឹងគ្នា។ តួរយ៉ាងដូចគូរស្នេហាមួយគូរខាងក្រោមនេះ គាត់ជាបុរសដូចគ្នា តែពួកគាត់ពុះពារ និងហ៊ានប្រឈមមុខជាមួយក្រុមគ្រួសារ និងសង្គម។

មិនធម្មតាទេទម្រាំមានថ្ងៃនេះ លោកអ្នកប្រហែលមិនបានដឹងថា ការស្រលាញ់ភេទដូចគ្នាត្រូវប្រឈមបញ្ហាអ្វីខ្លះ ដែលពួកគេម្នាក់ៗត្រូវឆ្លងកាត់ មិនមែនតែមួយគូរនេះទេ ពេលបច្ចុប្បន្នគឺសង្កេតឃើញថា មានច្រើនឡើងៗ។ នៅក្នុង គណនី Facebook ដែលមានឈ្មោះថា Toto Mayuko (Toto) បានបង្ហោះក្នុង គណនីរបស់ខ្លួនថាពួកគេនឹងរៀបការនៅថ្ងៃទី១៤ ខែឧសភា ឆ្នាំ២០១៧ នេះហើយ ជាមួយម្ចាស់គណនី Facebook ដែលមានឈ្មោះថា Veas Dara Nako ដែលជាគូរស្នេហ៍របស់លោក។ ហើយក្នុងនោះក៏ឃើញមានការជូនពរជាច្រើនផងដែរ។ បើសិនជាយើងចេះអោយតម្លៃលើស្នេហា និងមានភាពស្មោះត្រង់នឹងគ្នា នោះស្នេហារបស់អ្នកនឹងបានជោគជ័យ ហើយក៏សូមជូនពរអោយស្រលាញ់គ្នាជារៀងរហូត។

ប្រភព : Facebook

May 7, 2017

បទថ្មី «បំពេម្តាយ» ធ្វើឲ្យ មាស សុខសោភា បង្ហូរទឹកភ្នែកពិតៗ

ភ្នំពេញៈ មិននឹកស្មានថាបទថ្មីមានចំណងជើងថា «បំពេម្តាយ» ធ្វើឲ្យកំពូលតារាស្រីឈរលើទ្រនំផលិតកម្មថោន អ្នកនាង មាស សុខសោភា កប់អារម្មណ៍អួលដើមក ច្រៀងលែងចេញទំរាំត្រូវគឺចំណាយពេលច្រើនលើកឯណោះ។

ទោះបីជាខ្លួនធ្លាប់ ឆ្លងកាត់បទពិសោធន៍ស្ទើរគ្រប់រសជាតិនៅក្នុងឈុតឆាកថតសម្តែងបទជាង១០ឆ្នាំហើយក៏មិនដែលមានអារម្មណ៍រន្ធត់បែបនេះដែរគឺបទ «បំពេម្តាយ» ធ្វើឲ្យអ្នកនាង មាស សុខសោភា ស្រែកច្រៀងលែងចេញ បែរជាចេញទឹកភ្នែកជោគជាំលើផែនថ្ពាល់ទាំងគូជំនួសសំនៀងរ៉ៃកណ្តឹងដ៏ក្រអួនក្រអៅខ្លួន។

ប្រភពពីលោក អ៊ុក រតនា អ្នកដឹកនាំសម្តែងរបស់ផលិតកម្មថោនបានបង្ហើបឲ្យដឹងថា៖ «តារាចម្រៀងស្រី មាស សុខសោភា អួលដើមក ច្រៀងមិនចេញ និងបង្ហូរទឹកភ្នែក មកពីគាត់ចូលអារម្មណ៍ស្លុងនឹងអត្ថន័យបទចម្រៀងនេះ។ ពិសេសទៅទៀតគឺបទនេះក៏មានវត្តមានអ្នកម្តាយជាទីស្រឡាញ់របស់អ្នកនាងផ្ទាល់ចូលរួមសម្តែង ដោយក្រុមការងារយើងលាក់ការសំងាត់គឺមិនប្រាប់ ឲ្យដឹងមុន។ ក៏ស្រាប់តែអ្នកនាង មាស សុខសោភា ភ្ញាក់ផ្អើលក្នុងអារម្មណ៍យ៉ាងខ្លាំង ខណៈក្រុមការងារគ្រាន់ប្រាប់គាត់ថានឹងមានបទសម្ភាសន៍មួយត្រូវនិយាយពីអារម្មណ៍ពិតចំពោះម្តាយមុនពេល ចេញទៅកាណាដា នោះឯង»។

លោក អ៊ុក រតនា បន្តថា៖ «ទំរាំគាត់ប្រមូលអារម្មណ៍ល្អ អាចបង្ហើរសំនៀងបាននោះ គឺគាត់ជាប់គាំងពីរបីដងឯណោះ ទើបយើងអាចចាប់យកការថតជាការបាន។ គាត់ថា មកពីអារម្មណ៍នឹកស្រណោះឃើញកាលគ្រានៅពីក្មេងម្តាយធ្លាប់បីបាច់ថែរក្សា និងបំពេគាត់ ខណៈបទចម្រៀងហាក់ជម្រុញទឹកចិត្តឲ្យកូនៗចេះបំពេម្តាយវិញទើបស្រក់ទឹកភ្នែកទប់លែងបានដូច្នេះនឹងឯង»៕

May 7, 2017

RB Leipzig ឈ្នះកៅអីទៅលេងក្នុង Champions League ជាស្វ័យប្រវត្តិ

ក្រុម RB Leipzig បានបញ្ចប់យុទ្ធនាការនៃក្របខ័ណ្ឌ Bundesliga ជាលើកដំបូងរបស់ពួកគេជាមួយនឹងការឈ្នះសិទ្ធិជាស្វ័យប្រវត្តិទៅលេងក្នុងក្របខ័ណ្ឌ Champions League នារដូវកាលក្រោយ ខណៈដែលខ្សែប្រយុទ្ធ Timo Werner បានស៊ុតបាល់បញ្ចូលទី២គ្រាប់ ក្នុងពេលក្រុមខ្លួនទទួលជ័យជម្នះ ៤-១ លើក្រុម Hertha Berlin កាលពីថ្ងៃសៅរ៍។ Leipzig ដែលត្រូវបានបង្កើតឡើងដោយក្រុមហ៊ុនភេសជ្ជៈប៉ូវកម្លាំង Red Bull កាលពីឆ្នាំ២០០៩នោះ ទើបតែបានឈានទៅប្រកួតក្របខ័ណ្ឌកំពូលរបស់អាល្លឺម៉ង់ នៅក្នុងរដូវកាលនេះប៉ុណ្ណោះ ក្រោយពីឡើងផុតពីក្របខ័ណ្ឌបួន ក្នុងរយៈពេល៧ឆ្នាំ។

ពួកគេបច្ចុប្បន្នស្ថិតក្នុងចំណាត់ថ្នាក់លេខ២នៅលើតារាង និងមានភាពជាក់លាក់ក្នុងការបញ្ចប់ក្នុងចំណាត់ថ្នាក់កំពូលទាំង៣ ដែលមានន័យថា នឹងត្រូវឈ្នះកៅអីទៅលេងក្នុងក្របខ័ណ្ឌ Champions League វគ្គចែកពូល។ លោក Ralph Hasenhuettl គ្រូបង្វឹករបស់ក្រុម Leipzig បានឲ្យដឹងថា៖ «ខ្ញុំពិតជាមានមោទនភាពណាស់។ វាពិតជាគ្មានកន្លែងណាល្អប្រសើរជាងនេះក្នុងការអបអរនៅពីមុខអ្នកគាំទ្រដ៏ច្រើនបែបនេះឡើយ»។ ពួកគេក្លាយជាក្លិបស្ថិតក្នុងក្របខ័ណ្ឌ Bundesliga ដំបូងគេបើគិតចាប់តាំងពីក្លិប Kaiserslautern កាលពីឆ្នាំ១៩៩៨ ក្នុងការឈ្នះកៅអីជាស្វ័យប្រវត្តិទៅកាន់ក្របខ័ណ្ឌ Champions League ភ្លាមៗ ក្រោយពីបានឈ្នះសិទ្ធិទៅលេងក្នុងក្របខ័ណ្ឌកំពូល។ ខ្សែប្រយុទ្ធសញ្ជាតិអាល្លឺម៉ង់ Werner វ័យ២១ឆ្នាំ បច្ចុប្បន្នបានរកគ្រាប់បាល់បញ្ចូលទីក្នុងការប្រកួតលីកចំនួន២១គ្រាប់នៅរដូវកាលនេះ៕

ប្រភពព័ត៌មាន៖ Channel News Asia

May 7, 2017

សឹងមិនជឿ! Kristen Stewart កំពុងរស់យ៉ាងផ្អែមល្ហែមជាមួយសង្សារស្រីដូចគ្នា

នេះជារឿងសឹងតែមិនគួរឲ្យជឿថា Kristen Stewart កំពុងមានទំនាក់ទំនងស្នេហាស្រី និងស្រី ដែលថ្មីៗនេះទទួលបានដំណឹងថា នាងកំពុងតែប្រើជីវិតគូស្នេហ៍រស់នៅជាមួយតារាស្រី Stella Maxwell យ៉ាងផ្អែមល្ហែម នៅក្នុងដំបូលផ្ទះតែមួយទៀតផង ។

Kristen Stewart និង Stella Maxwell

សារព័ត៌មានបរទេសជាច្រើនបានចុះផ្សាយនៅថ្ងៃទី ៦ ខែឧសភា ឆ្នាំ២០១៧ ថា គូស្នេហ៍មួយគូនេះ បានរស់នៅជាមួយគ្នា និងទៅណាក៏ជាមួយគ្នា ថែមទាំងប្រើពេលវេលារស់នៅរួមគ្នាក្នុងផ្ទះ Kristen Stewart ទៀតផង។ កាលពី ៤ថ្ងៃមុននេះ Stella Maxwell បានទៅបង្ហាញមុខនៅកន្លែងថតកុនរឿង Underwater ទាំងព្រួយបារម្ភ និងយកចិត្តទុកដាក់គ្នាយ៉ាងផ្អែមល្ហែមផងដែរ បើទោះបីជាតារាងការងារច្រើនប៉ុណ្ណាក៏ដោយ គូស្នេហ៍មួយគូនេះ នៅតែមានពេលវេលាឲ្យគ្នារហូត លាក់ការសម្ងាត់មិនជិត ហើយវាអាចនឹងផ្ទុះជាសាធារណៈឆាប់ៗខាងមុខនេះ។

Kristen Stewart និងតារាស្រី Stella Maxwell លួចមានទំនាក់ទំនងគ្នាតាំងពីឆ្នាំ ២០១៦ មកម្លេះ តែក្នុងលក្ខណៈបិទបាំងលាក់លាម មិនបានបើកចំហរបែបនេះឡើយ ហើយនៅខណៈនេះ អ្នកទាំងពីរបានបណ្ដើរគ្នាតាមទីសាធារណៈដោយមិនខ្លាចពាក្យនិន្ទារិះគន់ផ្សេងនេះទេ។

គួរបញ្ជាក់ផងដែរថា Kristen Stewart ធ្លាប់មានទំនាក់ទនងស្នេហាជាមួយតារាសម្ដែង Robert Pattinson ដែលពួកគេបានបង្កាត់ភ្លើងស្នេហ៍នៅក្នុងភាពយន្តបិសាចជញ្ជក់ឈាម Twilight ប៉ុន្តែក្រោយមក ក៏ចែកផ្លូវគ្នាវិញ បន្ទាប់ពីបែកធ្លាយរូបភាព និងទំនាក់ទំនងស្នេហ៍លួចលាក់របស់ Kristen Stewart ជាមួយអ្នកដឹកនាំរឿង Rupert Sanders៕

Robert Pattinson និង Kristen Stewart កាលនៅផ្អែមល្អែមនឹងគ្នា

Kristen Stewart និងអ្នកដឹកនាំរឿង Rupert Sanders

May 6, 2017

ម៉ូដក្រចកដ៏ស្រស់ស្រាយសម្រាប់ដំណើរកម្សាន្ត

អ្នកណាថាការដើរកម្សាន្តត្រូវត្រៀមតែរបស់របរប្រើប្រាស់ និងនំចំណីនោះ! រូបសម្រស់ និងការត្រៀមជាស្រេចរបស់រូបរាងកាយរបស់អ្នកក៏សំខាន់ណាស់ដែរ បើអ្នកបានត្រៀមរូបសម្រស់របស់អ្នកយ៉ាងស្រស់ស្អាត និងហ្មត់ចត់នោះ អ្នកនឹងធ្វើដំណើរកម្សាន្តទៅគ្រប់ទីកន្លែងដោយភាពជឿជាក់ និងមានទំនុកចិត្តបំផុត។

ដូច្នេះសូមសម្អិតសម្អាងពណ៌ក្រចករបស់អ្នកឱ្យមើលទៅស្រស់ស្អាតសប្បាយចិត្តត្រូវជាមួយនឹងពណ៌នៃធម្មជាតិត្រជាក់ភ្នែក ដើម្បីផ្តល់ឱ្យអ្នកនូវអារម្មណ៍ធូរស្រាលក្នុងដំណើរកម្សាន្តរបស់អ្នកលើកនេះ។ ទំព័រម៉ូដក្រចកដែលបង្ហាញជូននៅក្នុងលេខនេះនឹងជួយអ្នកក្នុងការត្រៀមជាស្រេចក្នុងការតុបតែងខ្លួនដ៏ស្រស់ស្អាតសម្រាប់ដំណើរកម្សាន្តរបស់អ្នក ដូច្នេះសូមរីករាយជាមួយនឹងម៉ូដក្រចកដ៏ស្រស់ស្រាយសម្រាប់ដំណើរកម្សាន្តរបស់អ្នកជាមួយមនុស្សជាទីស្រឡាញ់ដូចតទៅ៕

May 6, 2017

ស៊ូភើ ឆ័យ សងសឹក អ៊ុំ ចំរើ បានសំរេច មុនស្នូរជួងទឹកទី៤ បញ្ចប់

ការប្រកួតប្រដាល់លើសង្វៀនខេស៊ីមេនរបស់អាស៊ីអាគ្នេយ៍ អ្នកប្រដាល់វ័យក្មេង កម្ពុជា អ៊ុក ចំរើន មកពីក្លឹប តាឡីដំរីមានរិទ្ធ ត្រូវអ្នកប្រដាល់ថៃស៊ូភើ ឆ័យវាយឲ្យសន្លប់មុន ស្នូរជួងបញ្ចប់ទឹក ទី៤ កាលពីយប់ថ្ងៃទី៥ ឧសភា ម្សិលមិញនេះ។

ស្ថានភាពនៃការប្រកួត ២ ទឹកដំបូងចំរើនហាក់ដូចជាព្យាយាមខ្លាំងណាស់ដើម្បីបញ្ចប់គូប្រកួតឲ្យបានរហ័ស តែអ្នក ប្រដាល់ថៃរូបនេះទោះបីទឹកដំបូងគេហាក់ដូចវ៉ៃមួយៗក៏ពិតមែនតែចាប់ពីទឹកទី៣ទៅគេចាប់ផ្ដើមវាយប្រហារសងវិញធ្វើឲ្យចំរើនសន្លប់មុនស្នូរជួងបញ្ចប់ទឹកទី ៤ ។

ជាមួយគ្នានោះដែរ កីឡាករ ហ៊ឹម សេរី របស់កម្ពុជា ម្នាក់ទៀត ក៍បានប្រកួតចាញ់ ពិន្ទុអ្នកប្រដាល់ថៃផាត ឯក(Phat Ek) ។ អ្នកប្រដាល់ទាំង ២ រូបនេះប្រកួតគ្នា ៥ ទឹកពេញដែលទឹដំបូងៗសេរីហាក់ដូចជាវ៉ៃបានល្អទោះបីផាត ឯក វាយ ប្រហារមិនសំចៃកម្លាំងក៏ពិតមែនតែគេហាក់ដូចជាមានឱកាសដើម្បីតដៃបានវិញខ្លះ ។

ចាប់ពីទឹកទី ៣ ទៅសេរី ហាក់ដូចជាខ្សោយកម្លាំងមិនតែប៉ុណ្ណោះ គេហាក់ដូចជាមិនសូវហ៊ានវាយប្រហារ គូប្រកួត ឡើយ គឺគេ បានត្រឹមតែដក ថយ និង ការពារច្រើនជាង ។ ដោយសារតែ ៣ ទឹកចុងក្រោយសេរី ស្រុតកម្លាំងហើយ មិនសូវវាយ សងលើគូប្រកួតនោះទើបបន្ទាប់ពីប្រកួត ចប់ទឹកទី ៥គេទទួលបរាជ័យដោយពិន្ទុ៕

May 6, 2017

ជំនួបដ៍អស្ចារ្យ សម្រាប់ល្ងាចនេះ រវាង ទ័ព ប៉ះ ភ្នំពេញក្រោន ខណៈ ណាហ្គា ជួប ស្វាយរៀង

ការប្រកួតដ៍ធំ និង ជំនួបដ៍កក្រើក ក្នុងព្រឹត្តិការណ៍ប្រកួតបាល់ទាត់ក្របខណ្ឌលីគកំពូលកម្ពុជា ឈានដល់សប្ដាហ៍ទី១០ ហើយនាល្ងាចនេះ នៅលើកទីលានកីឡដ្ឋានស្ដាតចាស់ និងកីឡដ្ឋានខេត្តស្វាយរៀង ។

គូប្រកួតដ៍ពិសេស ដែលអ្នកគាំទ្រកំពុងទន្ទឹងរង់ចាំទស្សនាថា តើណាហ្គាវើល អាចបំបែកកំណត់ត្រាមិនស្គាល់ចាញ់របស់ព្រះខ័នរាជស្វាយរៀង នាជើងទី១ ក្នុងរដូវកាលថ្មីនេះបាន ឬក៏យ៉ាងណា ។

ក្រុមព្រះខ័នរាជស្វាយរៀង កំពុងឈរកំពូលតារាងបណ្ដោះអាសន្ន និងមាន ២១ពិន្ទុជាមួយលទ្ធផល ៩ប្រកួតឈ្នះ៦ និងស្មើ៣ មិនស្គាល់ចាញ់ ។ ឯ ក្រុមណាហ្គាវើល កំពុងឈរចំណាត់ថ្នាក់លេខ៥ និងមាន ១៥ពិន្ទុ បន្ទាប់ពីឆ្លងកាត់ ៩ប្រកួតដូចគ្នា ឈ្នះ៤ ស្មើ៣ និងចាញ់៣ ហើយការប្រកួតនេះ ណាហ្គាវើល ក៏ត្រូវការ ៣ពិន្ទុដាច់ខាត ដើម្បីប្រជែងកៅអី Top-4 ជាមួយក្រុមលំដាប់កំពូលតារាង រួមមានស្វាយរៀង, ការពារជាតិ, ភ្នំពេញក្រោន និងបឹងកេត ។

ចំពោះកីឡដ្ឋានទ្វារកីឡដ្ឋាស្ដាតចាស់ នឹងបើកទ្វាទទួលក្រុមភ្នំពេញក្រោន ពីសំណាក់ក្រុមម្ចាស់ផ្ទះក្រសួងការពារជាតិ ។ ការប្រកួតនេះ ត្រូវបានគេចាត់ទុកជាគូឯកប្រចាំសប្ដាហ៍ ដោយសារការទាមទា ៣ពិន្ទុមកពីពង្រឹកកៅអី Top-4(៤ក្រុមចុងក្រោយ)រៀងៗខ្លួន ស្របពេលក្រុមទាំងពីរឈរលេខរៀងទី២ និងទី៣ ដោយខុសត្រូវគ្នា ១ពិន្ទុប៉ុណ្ណោះ ។

សម្រាប់ក្រសួងការពារជាតិ គឺឈរលេខរៀងទី២ និងមាន ១៨ពិន្ទុ បន្ទាប់ពីឆ្លងកាត់ ៩ប្រកួតឈ្នះ៥ ស្មើ៣ និងចាញ់១ ខណៈក្រុមភ្នំពេញក្រោនបញ្ចប់ការប្រកួត ៩លើកដូចគ្នា ឈ្នះ៥ ស្មើ២ និងចាញ់២ មាន ១៧ពិន្ទុឈរលេខរៀងទី៣ ។ ប៉ុន្ដែពិន្ទុរបស់ក្រុមទាំងពីរ អាចនឹងគ្មានឱកាសការពារណែងរបស់ខ្លួននេះបានឡើយ ប្រសិនបើការប្រកួតល្ងាចនេះបរាជ័យនោះ ដោយសារគូប្រជែងជាច្រើនកំពុងមានពិន្ទុប្រកៀតប្រកិតគ្នា ។

May 6, 2017

ឡាវ ថៃ វៀតណាម និងម្ចាស់ផ្ទះ កម្ពុជា ប្រជែងគ្នាដណ្ដើម ពានរង្វាន់ Leo Cup International Volleyball 2017

ថ្លែងក្នុងសន្និសីទកាសែតនា ព្រឹកថ្ងៃទី៦ ឧសភានៅ ពហុកីឡដ្ឋានជាតិអូឡាំពិកលោកបណ្ឌិសភាចារ្យសំ សុភាន់ អនុប្រធាន សហព័ន្ធកីឡាបាល់ទះ កម្ពុជា បានឱ្យដឹងថា៖ នេះជាលើកទី៥ហើយ ដែលសហព័ន្ធបានរៀបចំឡើង ដោយឆ្នាំនេះមានចៅ ក្រមអន្តរ ជាតិមកពីម៉ាឡេស៊ី ចំនួន២រូប និងមកពីប្រទេសហ្វីលីពីន ១ រូប ។

ការប្រកួតនេះមាន៨ក្រុមចូលរួម គឺកម្ពុជា៥ ក្រុមដែលមានក្រុមវិសាខា-ក្រសួងមហាផ្ទៃ-ខេត្តកំពង់ចាម កងពលធំអន្ត រាគមន៍លេខ ៣ និងក្រុមកងពលតូចអន្តរាគមន៍លេខ៩ ។

ឡាវមានមួយក្រុមគឺក្រុមឡាវស្កាយវ៉េយ៍(Lao Skyway)ថៃមួយក្រុមគឺក្រុមកាសេតសាត (Kasetsart VC) និងក្រុម វៀតណាម មួយក្រុមគឺក្រុមវិញឡុង(Vinh Long) ។

ការប្រកួតចែកចេញជា២ពូលដោយមួយពូលៗមាន៤ក្រុម ។ ពូលA មានក្រុមឡាវស្កាយវ៉េ-ក្រុមកងពលធំ អន្តរាគមន៍ លេខ ៣ ក្រុមវិសាខា និង ក្រុមមហាផ្ទៃ ។ ពូលB មានក្រុមកាសេសាត វីស៊ីរបស់ថៃក្រុមខេត្តកំពង់ចាម ក្រុម កង ពលតូច អន្តរាគមន៍លេខ ៩ និងក្រុមវីញឡុងរបស់វៀតណាម ។

ការប្រកួតនឹងចាប់ផ្ដើមពីថ្ងៃទី៧ដល់ថ្ងៃទី១៣ឧសភានៅពហុកីឡដ្ឋានជាតិ ។

សម្រាប់ក្រុមដែលដណ្ដើមបានជើងឯកបាន ទទួលពានជើងឯក ១ និងថវិកាអម១០.០០០ដុល្លារ ។ លេខ ២ បាន៤.០០០ដុល្លារ លេខ ៣បាន ២.០០០ដុល្លារ និង លេខ៤ បានរង្វាន់លួងចិត្ត១.០០០ដុល្លារ ។

May 6, 2017

Author: វល័ក្ខ