Author: វល័ក្ខ

ការជ្រើសរើសជំនាញសិក្សាត្រឹមត្រូវជារឿងមួយដែលសំខាន់សម្រាប់និស្សិតម្នាក់ៗ និងសង្គមទាំងមូល ព្រោះនៅពេលដែលសង្គមជាតិសម្បូរដោយមនុស្សមានសមត្ថភាព ឬជំនាញច្បាស់លាស់ នៅពេលនោះគ្រប់វិស័យនឹងមានការរីកចម្រើន។

ដើម្បីផ្តល់ជូននូវព័ត៌មានស្តីពីអាជីពការងារនានាដល់សិស្សានុសិស្សនៅកម្ពុជា សមាគមអតីតនិស្សិតអាហារូបករណ៍ Fulbright បានរៀបចំពិព័រណ៍ជំនាញ និងការសិក្សា ឆ្នាំ 2017 ដោយមានការចូលរួមពីគ្រប់សមាសភាពពាក់ព័ន្ធ។

ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងនៅក្នុងពិព័រណ៍ជំនាញ និងការសិក្សាថា ការសិក្សារបស់មនុស្សនាពេលបច្ចុប្បន្ននេះ គឺមានសារៈសំខាន់ណាស់សម្រាប់ការរស់នៅ ហើយជំនាញទាំងអស់នោះចាំបាច់ត្រូវតែឆ្លើយតបជាមួយនឹងបញ្ហានានាដែលកំពុងកើតឡើង ឬជាប្រភពនៃចំណេះដឹងដើម្បីដោះស្រាយបញ្ហាមនុស្ស។

ឯកឧត្តម ហង់ ជួនណារ៉ុន មានប្រសាសន៍ថា៖ «យុវជនកម្ពុជា គួររៀនស្គាល់ជំនាញឱ្យបានច្បាស់ ហើយព្យាយាមប្រើប្រាស់ចំណេះដឹងដែលមាននោះឱ្យអស់លទ្ធភាពដើម្បីដោះស្រាយបញ្ហានានាដែលកើតមានឡើងនៅក្នុងការរស់នៅ និងក្នុងសង្គម»។
នៅក្នុងពិព័រណ៍ជំនាញ និងការសិក្សាឆ្នាំ 2017 នេះក៏មានការចូលរួមផងដែរពី ឯកឧត្តម William A. Heidt ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា និងអ្នកជំនាញជាច្រើនទៀតដែលបានចែករំលែកបទពិសោធលើប្រធានបទមួយចំនួនដូចជា ការជ្រើសរើសជំនាញសិក្សា កម្រងសំណួរដើម្បីស្គាល់ខ្លួនឯង កិច្ចពិភាក្សាពីមុខជំនាញសិក្សា និងការសិក្សាតាមអេឡិចត្រូនិក ដើម្បីទាញយកអត្ថប្រយោជន៍ពីប្រព័ន្ធអ៊ីនធើណេត ដើម្បីអភិវឌ្ឍជំនាញ ជាដើម។ល៕

ក្រុមហ៊ុនម៉ូតូរបស់ជប៉ុន បានចាត់ទុកថា តំបន់អូរឫស្សីជាទីផ្សារល្អទី2 បន្ទាប់ពីតំបន់រោងកុនគីរីរម្យ ដែលក្រុមហ៊ុនចង់ដណ្តើមយក ដើម្បីបន្តយុទ្ធសាស្រ្ដវាយលុកទីផ្សារម៉ូតូនៅកម្ពុជា តាមរយៈការដាក់ចេញនូវស៊េរីម៉ូតូថ្មីៗ បំពាក់បច្ចេកវិទ្យាខ្ពស់។

លោកឧកញ៉ា គង់ នួន អគ្គនាយកក្រុមហ៊ុន គង់ នួន គ្រុប ដែលជាក្រុមហ៊ុនទទួលបានសិទ្ធិផ្តាច់មុខនាំចូល និងចែកចាយម៉ូតូ Yamaha នៅក្នុងប្រទេសកម្ពុជាពីប្រទេសជប៉ុន បានមានប្រសាសន៍អំពីទីផ្សារម៉ូតូនៅទីក្រុងភ្នំពេញថា តំបន់អូរឫស្សីជាទីផ្សារល្អ ដែលក្រុមហ៊ុនចង់ដណ្តើមយកបន្ថែមទៀតបន្ទាប់តំបន់រោងកុនគីរីរម្យ តាមរយៈការចាប់ដៃគូជាមួយនឹងតំណាងចែកចាយដែលមានបទពិសោធក្នុងវិស័យនេះជាង 30ឆ្នាំមកហើយធ្វើជាតំណាងចែកចាយម៉ូតូ Yamaha ដូចហាង អ៊ីវ ភីរុណ ជាដើម។

លោកឧកញ៉ា ថ្លែងថា៖«តំបន់ក្បែររោងកុនគីរីរម្យជាទីផ្សារធំមួយ ខណៈតំបន់អូរឫស្សីជាទីផ្សារល្អទី 2 ដែលខាង Yamaha កំពុងធ្វើការវាយយក»។
ក្រោយពីអវត្តមានជាច្រើនឆ្នាំនៃប្រភេទម៉ូតូម៉ូដែល Yamaha នៅក្នុងតំបន់អូរឫស្សី ដែលជាតំបន់លក់-ទិញម៉ូតូគ្រប់ម៉ូដែល គ្រប់ធុនមួយនៅក្នុងក្រុងភ្នំពេញ ឥឡូវនេះ Yamaha បាននឹងកំពុងពង្រីកវិសាលភាពរបស់ខ្លួនឡើងវិញហើយ។ យុទ្ធសាស្រ្ដរបស់ក្រុមហ៊ុនមិនអាចដំណើរការទៅមុខល្អបានទេ ប្រសិនបើគ្មានការសហការពីតំណាងចែកចាយតាមតំបន់សំខាន់ៗទាំងនោះ។

លោកឧកញ៉ាបានបញ្ជាក់ថា «តាមរយៈបទពិសោធរបស់ខ្ញុំ និងយុទ្ធសាស្រ្តថ្មីរបស់ Yamaha ក្រោមការគ្រប់គ្រងរបស់ខ្ញុំផ្ទាល់ ខ្ញុំមានជំនឿចិត្តយ៉ាងមុតមាំថា គ្រប់ដៃគូអាជីវកម្មទាំងអស់ និងតំណាងចែកចាយរបស់Yamaha គ្រប់ប្រភេទនឹងទទួលបាននូវអត្ថប្រយោជន៍ និងភាគលាភគួរជាទីគាប់ចិត្ត ខ្ញុំ និងសហការី នឹងខិតខំស្វែងរកគ្រប់វិធីសាស្រ្ត ដើម្បីឆ្លើយតបទៅនឹងសេចក្តីត្រូវការរបស់ដៃគូអាជីវកម្មរបស់យើង ព្រមជាមួយនឹងតម្រូវការទីផ្សារបច្ចុប្បន្ន និងទៅថ្ងៃអនាគតផងដែរ។ ថ្ងៃនេះ គឺជាចំណុចចាប់ផ្តើមមួយដ៏ល្អបំផុត ដែលបង្ហាញអំពីភាពជាដៃគូយូរអង្វែងរវាងក្រុមហ៊ុន និងតំណាងចែកចាយថ្មី អ៊ីវ ភិរុណ»៕

កាលពីប៉ុន្មានថ្ងៃមុនគ្រាដែលកញ្ញា ភីយ៉ា វេកា បានបង្ហោះរូបនាងថតនៅជិតអាងហែលទឹកដោយបានបង្ហាញឈុតប៊ីគីនីយ៉ាងស្រស់ស្អាតនោះ បានធ្វើឱ្យកើតមានចំណាប់អារម្មណ៍ជាខ្លាំងក្នុងបណ្ដាញសង្គមហ្វេសប៊ុក។

ការបង្ហាញរូបភាពសិចស៊ីគួរឱ្យស្រឡាញ់នេះមិនត្រឹមតែធ្វើឱ្យអ្នកលេងក្នុងបណ្ដាញសង្គមមានចំណាប់អារម្មណ៍ប៉ុណ្ណោះទេ តែរូបភាពទាំងនោះក៏បានធ្វើឱ្យមហាជនជាច្រើនចង់ដឹងដែរថា តើកញ្ញាភីយ៉ា វេកា ជានរណា ជាតារាខ្មែរឬជាកូនកាត់រស់នៅបរទេស។

កញ្ញា ភីយ៉ា វេកា ប្រាប់ថា នាងធ្លាប់ចូលប្រឡូកសិល្បៈតាំងពីប៉ុន្មានឆ្នាំមុនម្ល៉េះ គ្រាន់តែពេលនោះមិនទាន់មានមហាជនស្គាល់នាង។ ម្យ៉ាងដោយសារតែរវល់ជាមួយការសិក្សាផងនាងក៏ដកខ្លួនចេញពីសិល្បៈវិញទៅ។ ក្រោយពីមានពេលទំនេរច្រើន ពិសេសបានដឹងថាខ្លួនអាចមានទេពកោសល្យក្នុងសិល្បៈហើយ ទើបនាងសម្រេចចិត្ដចូលប្រឡូកក្នុងវិថីសិល្បៈនេះជាលើកទីពីរក្នុងនាមជាតារាបង្ហាញម៉ូដ។

ជាមួយនឹងដងខ្លួនរាងតូចច្រឡឹង និងស្រឡូន ម្រាមដៃតូចស្ដើង-ងដូចបន្លាក្រូច លម្អរដោយសក់ខ្មៅវែងអន្លាយ ទម្រង់មុខអក្សរ V ច្រមុះស្រួច កែវភ្នែកខ្មៅយង់ បបូរមាត់ពណ៌ផ្កាឈូក ពិតជាធ្វើឱ្យបុរសៗដែលបានឃើញរូបនាងពត់ពេនលើអាងហែលទឹកនេះហើយ មិនត្រឹមតែធ្វើឱ្យគេនឹកសរសើរនូវទឹកដៃក្នុងការថតរូបដែលហាក់ដូចជាអ្នកថតរូបអាជីពប៉ុណ្ណោះទេ ថែមទាំងធ្វើឱ្យមានអារម្មណ៍ញាប់ញ័រមិនស្ងប់ទៀតផង។

ភីយ៉ា វេកាបានបញ្ជាក់ថា រូបទាំងនោះនាងបានថតលេងដោយប្រើកាមេរ៉ាភ្លោះ Huawei P10 Plus គ្រាដែលនាងទៅកម្សាន្ដនៅឯខេត្ដសៀមរាប។ នាងបន្ដថា៖ «នៅពេលថតបានមួយប៉ុស្ដិ៍ គ្រាន់តែខ្ញុំយកទូរស័ព្ទមកមើល ខ្ញុំដឹងភ្លាមតែម្តងថា រូបនេះពេលបង្ហោះចេញទៅច្បាស់ជាមានការគាំទ្រច្រើនពីមហាជនជាមិនខាន»។

តារាម៉ូដែលរូបនេះបានប្រាប់ទៀតថា នាងជាតារាសិល្បៈម្នាក់ដែលនិយមថតរូបលេង និងក្រោយពីបានឃើញរូបភាពនេះមានភាពស្រស់ស្អាតហើយ ធ្វើឱ្យនាងមានចិត្ដចង់បង្ហោះរូបភាពនេះតែម្ដង។ នាងបញ្ជាក់ថា ការបង្ហោះរូបភាពនេះអាចផ្ដល់ប្រយោជន៍ដល់នាងច្រើន គឺទី1អាចធ្វើឱ្យមហាជនបានស្គាល់នាងច្បាស់។ ទី2 គឺចង់ឱ្យបណ្ដាក្រុមហ៊ុននានាមើលឃើញពីសមត្ថភាពនៃការសម្ដែងរបស់នាង ខណៈនាងកំពុងតែចង់ទទួលបានការងារសិល្បៈច្រើនដើម្បីពង្រីកនូវប្រជាប្រិយភាព។
ទោះជាយ៉ាងណាកញ្ញាភីយ៉ា វេកា ប្រាប់ថា ចាប់តាំងពីនាងចូលប្រឡូកសិល្បៈជាលើកទីពីរ នាងពុំទាន់បានថតភាពយន្ដម្ដងទេដូច្នេះនាងក៏ចង់ភ្លក្សរសជាតិការថតភាពយន្ដដែរប្រសិនបើមានផលិតកម្មណាត្រូវការនាង។

ជាមួយសម្រស់ធម្មជាតិ និងរូបភាពប៉ុន្មានសន្លឹករបស់កញ្ញាភីយ៉ា វេកា ត្រូវបានគេទស្សន៍ទាយថា មិនយូរទេនាងនឹងទទួលបានប្រជាប្រិយភាព និងការពេញនិយមក្នុងវិស័យបង្ហាញម៉ូដ និង ថតស្ប៉តពាណិជ្ជកម្មឲ្យក្រុមហ៊ុន ទាំងក្នុង និងក្រៅសុ្រក គ្រាដែលបច្ចុប្បន្ននាងទទួលបានស្ប៉តសាប៊ូ Clear មួយរួចហើយ។ពាក់ព័ន្ធបញ្ហាផ្ទាល់ខ្លួន ភីយ៉ា នាងប្រាប់ថា បច្ចុប្បន្ននាងមិនទាន់មានគូកំណាន់ចិត្ដ ឬមានបុរសណាម្នាក់មើលថែចិត្ដគ្នាឡើយ ដោយសារចង់កសាងកេរ្តិ៍ឈ្មោះសិន។ ដូច្នេះបុរសណាដែលកំពុងតែចង់តាមដានបញ្ហាផ្ទាល់ខ្លួន និងមានចិត្ដលួចបេតីនាងអាចមានសង្ឃឹមឡើងវិញហើយ៕

ភ្នំពេញ៖ ដើម្បីភ្ជាប់ទំនាក់ទំនងពាណិជ្ជកម្មឱ្យកាន់តែមានសកម្មភាពរស់រវើកថែមទៀត ឯកឧត្តម Sun zhigang អភិបាលខេត្តគួយចូវកាលពីចុងសប្តាហ៍មុននេះបានសម្ពោធបើកការិយាល័យតំណាងពាណិជ្ជកម្មខេត្តគួយចូវ ប្រចាំកម្ពុជាក្រោមអធិបតីភាពឯកឧត្តម ចម ប្រសិទ្ធ រដ្ឋមន្រ្តីក្រសួងឧស្សាហកម្ម និងសិប្បកម្ម។

ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្មតំណាងរាជរដ្ឋាភិបាល និងក្នុងនាមឯកឧត្តមផ្ទាល់បានសម្តែងនូវការស្វាគមន៍ និងមោទនភាពជាខ្លាំងដែលខេត្តគួយចូវបានជ្រើសរើសកម្ពុជាជាប្រទេសដំបូងគេក្នុងប្រទេសអាស៊ានក្នុងការបង្កើតការិយាល័យតំណាងពាណិជ្ជកម្មក្នុងការជំរុញទំនាក់ទំនង និងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងឧស្សាហកម្មរវាងកម្ពុជា និងខេត្តគួយចូវក្រោមក្របខ័ណ្ឌអនុវត្តគោលនយោបាយ ផ្លូវមួយខ្សែក្រវាត់មួយរបស់រដ្ឋចិន។

ឯកឧត្តម ទេសរដ្ឋមន្ត្រី ចម ប្រសិទ្ធ បានបង្ហាញនូវលក្ខណៈអំណោយផលដែលដៃគូទាំងពីរ ត្រូវពូនជ្រំប្រើប្រាស់សក្តានុពលដែលក្នុងកិច្ចសហប្រតិបត្តិការលើវិស័យជាអាទិភាព ដូចជា ៖ការដោះដូរទំនិញ និងវិស័យទេសចរណ៍ជាដើម។ ដោយឡែកទាក់ទងនឹងវិស័យឧស្សាហកម្ម ឯកឧត្តម ទេសរដ្ឋមន្ត្រី ចម ប្រសិទ្ធ បានស្នើឲ្យក្រុមហ៊ុនមកពីខេត្តគួយចូវវិនិយោគផ្នែកការបង្កើតសួនឧស្សាហកម្ម ផ្នែកបច្ចេកវិទ្យាព័ត៌មាន (IT) ដែលខេត្តគួយចូវមានការរីកចម្រើនជាខ្លាំងលើវិស័យនេះ។

ក្នុងនោះដោយមានអំណោយផលផ្នែកធនធានធម្មជាតិស្រស់ត្រកាល សម្បូរដោយព្រៃភ្នំ និងទឹកជ្រោះ កម្ពុជាក៏ចង់បានបទពិសោធពីខេត្តគួយចូវនូវវិធីព្យាបាលរោគតាមបែបធម្មជាតិ អេកូ-បរិស្ថានដែលកម្ពុជាក៏មានទីតាំងបរិស្ថានធម្មជាតិអាចអនុវត្តបានដូចគ្នា ដែលវាក៏ជាចំណែកមួយក្នុងការទាក់ទាញវិស័យទេសចរណ៍ផងដែរ។ តាមរយៈការបើកការិយាល័យតំណាងនេះ ក្រុមហ៊ុនមកពីគួយចូវនឹងមកបណ្តាក់ទុននៅកម្ពុជាកាន់តែច្រើនឡើង ហើយភាគីកម្ពុជានៅរង់ចាំសហការសម្របសម្រួលជានិច្ច ។

ឯកឧត្តម Sun zhigang អភិបាលខេត្តគួយចូវបានបង្ហាញនូវជំហរសហការរឹងមាំ និងមានជំនឿលើសក្តានុពលនៃប្រទេសទាំងពីរ ដែលអាចជំរុញក្នុងការផ្លាស់ប្តូរផ្នែកពាណិជ្ជកម្ម ទេសចរណ៍ ឧស្សាហកម្ម និងអប់រំ ជាដើម។ ឯកឧត្តមបានបញ្ជាក់ថា៖ បច្ចុប្បន្នមាននិស្សិតកម្ពុជាទៅសិក្សាជំនាញផ្សេងៗនៅខេត្តគួយចូវ ប្រមាណជា300នាក់ ស្របពេលដែលខេត្តគួយ ចូវមានកិច្ចសហការជាមួយគ្រឹះស្ថានសិក្សានៅកម្ពុជាប្រមាណជាង20កន្លែង ដែលជាផ្នែកមួយក្នុងកិច្ចជំរុញវិស័យអប់រំនៃប្រទេសទាំងពីរ៕

ជួបជាមួយគូស្នេហ៍ដែលទាបជាងគេបំផុតនៅលើពិភពលោកយើងនេះ គឺលោក Paulo Gabriel da Silva Barros និងនាង Katyucia Lie Hoshino ដែលជាគូស្នេហ៍តឿបំផុតបានរៀបអាពាហ៍ពិពាហ៍ជាមួយគ្នាដោយសេចក្តីស្រឡាញ់ និងពេញចិត្តពេញថ្លើមរវាងគ្នានឹងគ្នា។

កូនកំលោះ Paulo ជាជនជាតិប្រេស៊ីល អាយុ 30 ឆ្នាំ មានតួនាទីការងារជាអនុលេខាធិការច្បាប់ ហើយបានជួបគូស្នេហ៍នាង Katyucia ជាជនជាតិដូចគ្នា អាយុ 27 ឆ្នាំ តាមរយៈបណ្ដាញសង្គមអនឡាញ ហើយនាងគឺម្ចាស់ហាងសម្អាងសម្ផស្សមួយកន្លែង ហើយភ្លាមៗនាងក៏មានអារម្មណ៍ស្នេហាផ្ទុះឡើង ហើយក៏បានទាក់ទងណាត់ជួបជាមួយ Paulo។

យ៉ាងណាក៏ដោយ រឿងរ៉ាវដែលកើតឡើងនេះមិនមែនជារឿងងាយស្រួលនោះទេ ពួកគេបានពុះពារគ្រប់ឧបសគ្គ ដើម្បីបំពេញឱ្យបាននូវថ្ងៃអាពាហ៍ពិពាហ៍របស់ខ្លួន ហើយជាសំណាងល្អណាស់ដែល Katyucia បានសម្រេចចិត្តទទួលយកសេចក្ដីស្រឡាញ់ពីគូស្នេហ៍ និងមានឱកាសសប្បាយចិត្តដូចនៅថ្ងៃនេះ គឺជាថ្ងៃដែលអ្នកតាំងពីរបានប្រកាសការបំបែកឯកទគ្គកម្មពិភពលោកក្នុងនាមជាគូស្នេហ៍ទាបជាងគេបំផុតលើពិភពលោក។

កម្ពស់របស់គូស្នេហ៍មួយគូនេះគឺ 71.42 inch ហើយទាបជាង 5 ហ្វីត ដែលរឿងនេះបានបង្ហាញឱ្យយើងឃើញពីកំណត់ត្រាថ្មី ដែលបានលើកទឹកចិត្តឱ្យមនុស្សជុំវិញពិភពលោកសម្លឹងឃើញនូវគុណសម្បត្តិនៃភាពខុសគ្នាខាងរូបរាង តែមានភាពស្មើគ្នាក្នុងរឿងស្នេហា និងអាពាហ៍ពិពាហ៍៕

ឡារ៉ែន ជឿថាមានមនុស្សជាច្រើនប្រហែលជាងឿងឆ្ងល់នឹងពាក្យដែលជាភាសាអង់គ្លេសដែលមានអត្ថន័យស្រដៀងគ្នា និងសង្ស័យថា តើហេតុអីបានភាសាអង់គ្លេសចាំបាច់បង្កើតពាក្យដែលមានអត្ថន័យដូចគ្នាឡើងមក 2ពាក្យធ្វើអី? ដើម្បីកុំឱ្យងឿងឆ្ងល់តទៅទៀត ថ្ងៃនេះទំព័រចំណេះដឹងទូទៅរបស់គេហទំព័រ ឡារ៉ែន សុំនាំលោកអ្នក និងប្អូនៗដែលជាសិស្សទាំងអស់មករៀនយល់ដឹងជាមួយអត្ថន័យរបស់ពាក្យដែលស្រដៀងគ្នាទាំងនោះដូចតទៅ ។

ធាតុអាកាស

Weather: មានន័យពីសភាពធាតុអាកាសដែលកើតឡើងមួយខណៈពេល នៅទីណាមួយ។
Climate: មានន័យពីធាតុអាកាសជាមធ្យមដោយរួមរបស់ទីកន្លែងណាមួយ ពេញមួយអំឡុងពេលមួយ។

សត្វអណ្តើក

Turtle: គឺអណ្តើកដែលប្រើពេលវេលាភាគច្រើនរស់នៅក្នុងទឹក។
Tortoise: គឺអណ្តើកដែលរស់នៅលើគោក។

ប្រទេសអង់គ្លេស

Great Britain: កោះប្រ៊ីធេនធំដែលមាន ប្រទេសអង់គ្លេស ប្រទេសស្កុតលែនដ៍ និង ប្រទេសវេលស៍។
United Kingdom: សហរាជអាណាចក្រ ដែលមាន ប្រទេសអង់គ្លេស ស្កុតលែនដ៍ វេលស៍ និងប្រទេស អៃលែនដ៍ខាងជើង។

ថ្នាំគ្រាប់

Pill: គឺគ្រាប់ថ្នាំដែលជាឃែបស៊ូល (Capsul)។
Tablet: គឺគ្រាប់ថ្នាំដែលជាម្សៅគ្រាប់។

បង្គា

Shrimp: គឺបង្គាដែលមានដង្កៀបតូចៗនៅម្តុំជើងខាងមុខ 2 ដែលមានជើងទាំងអស់ 5 ។
Prawn: គឺបង្គាដែលមានដង្កៀបតូចៗនៅម្តុំជើងមុខ 3 ដែលមានជើងទាំងអស់ 5 ។

ប៊័រ

Butter: ប៊័រសុទ្ធ ធ្វើពីទឹកដោះគោ។
Margarine: គឺប៊័រក្លែងក្លាយ ធ្វើពីប្រេងរុក្ខជាតិ។

ផ្លែក្រូច

Orange: គឺផ្លែក្រូចដែលមានរូបរាងមូល។
Tangerine: គឺផ្លែក្រូចដែលមិនមូលថ្លុញ មានរាងសំប៉ែតបន្តិចនៅផ្នែកខាងលើ និងខាងក្រោម។

ជែម និង ជេលលី

Jam: ជែម ធ្វើចេញពីផ្លែឈើទាំងអស់។
Jelly: ជេលលី ធ្វើពីទឹកផ្លែឈើមួយដំណាក់កាលទៀត។

ជ័រលុប

Eraser: គឺជ័រលុបដែលប្រើសម្រាប់លុបខ្មៅដៃ។
Rubber: ច្រើនតែត្រូវបានគេហៅជា ស្រោមអនាម័យ។

នំប៊ិស្គីត និងនំឃុកគី

Biscuits: មានលក្ខណៈស្រួច ក្រុប។
Cookies: គឺនំប៊ិស្គីតដែលមានភាពទន់ជាង។

នំខាប់ខេក និងនំម៉ាហ្វហ្វ៊ីន

Cupcakes: នំខាប់ខេកនឹងមានអៃហ្ស៊ិង។
Muffins: នំម៉ាហ្វហ្វ៊ីន គ្មានអៃហ្ស៊ិង។

ផ្សិត

Mushrooms: គឺផ្សិតដែលញ៉ាំបាន។
Toadstools: គឺផ្សិតមានជាតិពុល។

តៅហ៊ូ និង ប៉ានីរ៍

Tofu: តៅហ៊ូ ធ្វើពីសណ្តែកលឿង។
Paneer: ប៉ានីរ៍ធ្វើពីទឹកដោះគោ។

សត្វទន្សាយ

Rabibits: គឺសត្វទន្សាយដែលកើតកូននៅក្នុងរូងឈើ។
Hares: គឺសត្វទន្សាយដែលកើតកូននៅលើដីធម្មតា។

សត្វក្រពើ

Alligators: គឺសត្វក្រពើដែលមានច្រមុះជារាងអក្សរ U។
Crocodiles: គឺសត្វក្រពើដែលមានច្រមុះជារាងអក្សរ V។

សត្វកណ្តុរ

Mouse: គឺសត្វកណ្តុរដែលមានខ្នាតតូច ប៉ុនៗកំប្រុក។
Rat: គឺសត្វកណ្តុរដែលមានខ្លួនធំជាង មានទំហំ 18 – 25 សង្ទីម៉ែត្រ៕