វល័ក្ខ - La Reine Media

តើមានប៉ុន្មាននាក់ដឹងថា ប្រទាលកន្ទុយក្រពើជួយកម្ចាត់កោសិកាមហារីក

May 5, 2017 by វល័ក្ខ

បើនិយាយអំពីប្រទាលកន្ទុយក្រពើ ច្បាស់ណាស់លោកអ្នកនឹងនឹកដល់អត្ថប្រយោជន៍នៃការរក្សាសម្រស់ រក្សាស្បែកជាដើម ដែលលោកអ្នកមិនធ្លាប់បានដឹងទេថា វាមានអត្ថប្រយោជន៍របស់វាផ្សេងទៀតសម្រាប់សុខភាពរបស់លោកអ្នក ។ ជាពិសេសស្រីៗ ដែលនិយមស្រលាញ់ភាពស្រស់ស្អាត ចូលចិត្តថែរក្សាស្បែក តែប្រហែលជាមិនបានជ្រាបថា ប្រទាលកន្ទុយក្រពើ អាចជួយកម្ចាត់កោសិកាមហារីក នឹងជួយការពារថែរក្សាសុខភាពសុភាពនារីពីជំងឺមហារីកឡើយ ។ ប្រទាលកន្ទុយក្រពើ ដែលមាននៅក្នុងតំបន់អាស៊ី មានលក្ខណៈខុសគ្នាពីប្រទាលនៅតំបន់អាហ្រិ្វក ដែលមានដើមធំៗ សាច់ចាហួយក្នុងប្រទាលថ្លាស្អិតល្អ ហើយក្រាស់ ធុននឹងកម្ដៅថ្ងៃព្រមទាំងគ្រោះរាំងស្ងួត។ រីឯប្រទាលនៅតំបន់អាស៊ីយើង ស្រូបទឹកច្រើន សាច់ប្រទាលស្ដើង ហើយមិនធុននឹងភាពត្រជាក់នៃសណ្ឋានដីត្រូពិចប៉ុន្មានទេ ។ នៅក្នុងសាច់ចាហួយប្រទាលកន្ទុយក្រពើ មានផ្ទុកនូវសារធាតុប្រឆាំង អុកស៊ីតកម្ម ហើយមានសារធាតុចិញ្ចឹម និងជាតិដែក។ ក្រៅពីនោះវាមានផ្ទុក វីតាមីន A វីតាមីន B1 វីតាមីន B2 វីតាមីន B6 វីតាមីន B12 វីតាមីន C វីតាមីន E សារជាតិ selenium សូដ្យូម ម៉ាញ៉េស្យូម ជាដើម ។ កាន់តែពិសេសជាងនេះទៅទៀតនេះ ប្រទាលកន្ទុយក្រពើ មានសារធាតុម្យ៉ាងដែលជួយកម្ចាត់កោសិកាជំងឺមហារីក … Read more

រសៀលនេះ អ៊ុំ ចំរើន នឹង បង្ហាញវត្តមាន នៅសង្វៀនSEATV ក្រោយខកខាតទៅប្រកួតដណ្ដើម ខែក្រវ៉ាត់ ពិភពលោក

May 5, 2017 by វល័ក្ខ

បន្ទាប់ពីរត់ឯកសារផ្លូវច្បាប់មិនទាន់ ក្នុងការចេញទៅប្រកួតដណ្ដើមខ្សែក្រវ៉ាត់ កម្រិតពិភពលោកនៅប្រទេសថៃ កាលពីខែមេសា កន្លងទៅថ្មីៗនេះ អ្នកប្រដាល់អ៊ុំ ចំរើន នឹងបង្ហាញវត្តមានរបស់ខ្លួន នៅសង្វៀន ប្រដាល់ អាស៊ីអាគ្នេយ៍ (SEATV) ក្នុងជំនួប ប្រកួតសងសឹកជាមួយនឹងកីឡាករថៃ Super Chhai ដែលធ្លាប់ឈ្នះលើកីឡាករខ្មែរជាច្រើននាក់ នារសៀលថ្ងៃសុក្រនេះ ។ អ្នកគ្រប់គ្រងប្រកួតនៅសង្វៀន SEATV លោកញាណ សុធី បាននិយាយថា៖ «អ៊ុំ ចំរើន ជាអ្នកប្រដាល់ចិត្តធំ ហ៊ានវាយប្តូរជាមួយដៃគូប្រកួតដោយមិនញញើត ហើយបច្ចុប្បន្នកំពុងតែមានប្រៀបដោយវ៉ៃដៃគូប្រកួតឲ្យ សន្លប់ ញឹកញាប់ ហេតុនេះស្របពេលដែលដាក់ឲ្យជួប Super Chhai ដើម្បីសងសឹកគ្នា ដែលពិតជាល្អមើល»។ ចំរើន បាននិយាយថា៖ «ខ្ញុំសង្ឃឹមច្រើន ប៉ុន្តែរឿងឡើងសង្វ្រៀន ដឹងតែវាយហើយ ឯរឿងចាញ់ ឬឈ្នះ មិនអាចនិយាយមុនបានទេ»។ «Super Chhai លំបាកប្រកួតណាស់ពីព្រោះគេវាយដកថយចាំតែស្រង់តែពិន្ទុ។ បើគេហ៊ានវាយមិនដកថយ ខ្ញុំសង្ឃឹមឈ្នះ ៨០ ភាគរយ»។ Super Chhai ធ្លាប់ឈ្នះ និងធ្លាប់ស្មើជាមួយឡុង … Read more

ង៉ែត្រ រដ្ឋាសង្ឃឹមតិច ណាស់ក្នុងការឈ្នះថៃ ក្នុងវគ្គ ដំបូង នៃជម្រុះសន្សំពិន្ទុ ខ្សែក្រវាត់រដូវកាលទី ៣

May 5, 2017 by វល័ក្ខ

រដូវកាលទី ៣ ក្នុងការប្រកួតដណ្ដើមខ្សែក្រវ៉ាត់ មួយនៅសង្វៀនប្រដាល់អាស៊ីអាគ្នេយ៍ (SEATV) នឹងចាប់ផ្តើមនៅល្ងាចថ្ងៃសៅរ៍ ស្អែកនេះហើយដោយវគ្គ ដំបូងនៃជម្រុះសន្សំពិន្ទុនោះ អ្នកប្រដាល់ ង៉ែត្រ រដ្ឋា របស់កម្ពុជា នឹងត្រូវប៉ះជើងខ្លាំងរបស់ថៃ Loom Leng ។ ង៉ែត្រ រដ្ឋា ជាកីឡាករមានស្នៀតទាត់ និងជង្គង់ល្អ រឹងមាំ និងអាចវាយធានា ៥ ទឹកបានល្អ ហើយមួយរយៈចុងក្រោយនេះ គេប្រឹងប្រែងហ្វឹកហាត់ និងធ្លាប់ឈ្នះខ្សែក្រវាត់ស្រាបៀរកម្ពុជាពីគង់ សំបូរ មកគ្រប់គ្រងផងដែរក្នុងទម្ងន់ ៦៣,៥ គីឡូក្រាមនេះ។ ង៉ែត្រ រដ្ឋា មកពីក្លិបតាព្រហ្មមានជ័យ និងប្រកួតបានចំនួន ៧២ លើក ឈ្នះ ៦១ លើក ចាញ់ ៨ លើក និងស្មើ ៣ លើក។ សមត្ថភាពវិជ្ជាគុន និងកម្លាំងរបស់កីឡាករថៃ មានប្រៀបជាងកីឡាករកម្ពុជា ហើយកីឡាករកម្ពុជា ត្រូវបានគេរំពឹងទុកថា មានភាគរយឈ្នះតិចណាស់។ ទោះជាយ៉ាងនេះក្តី មន្ត្រីបច្ចេកទេសគណៈកម្មការផ្គូផ្គងសង្វៀន SEATV … Read more

គ្រាប់បាល់ដ៏អស្ចារ្យរបស់ Rashford ជួយឲ្យ Man Utd ខិតកាន់តែកៀកទៅវគ្គផ្តាច់ព្រ័ត្រ

May 5, 2017May 5, 2017 by វល័ក្ខ

គ្រាប់បាល់ស៊ុតបញ្ចូលទីយ៉ាងល្អក្នុងតង់ទី២របស់ខ្សែប្រយុទ្ធវ័យក្មេង Marcus Rashford មានន័យថា ក្រុមបិសាចក្រហម Manchester United នឹងនាំយកការនាំមុខក្នុងលទ្ធផល ១-០ ទៅកាន់ការប្រកួតក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ជើងទី២ ពេលជួបក្រុម Celta Vigo នៅសប្តាហ៍ក្រោយ។ ការស៊ុតបាល់ពិន័យ Free-kick បញ្ចូលទីយ៉ាងល្អនៅនាទី ទី៦៧របស់ខ្សែប្រយុទ្ធវ័យ១៩ឆ្នាំរូបនេះ បានកើតឡើង ក្រោយពីក្រុម Man United បានខ្ជះខ្ជាយឱកាសជាច្រើនក្នុងការប្រកួតនាកីឡដ្ឋាន Estadio de Balaidos កាលពីថ្ងៃព្រហស្បតិ៍។ កីឡាករ Rashford, Henrikh Mkhitaryan និង Jesse Lingard សុទ្ធសឹងទទួលបានឱកាសដ៏ល្អក្នុងការរកគ្រាប់បាល់នៅមុនពេលបញ្ចប់តង់ទី១ ប៉ុន្តែ អ្នកចាំទី Sergio Alvarez បានសង្គ្រោះបាល់ដ៏ល្អជាច្រើនដើម្បីជួយដល់ក្រុមម្ចាស់ផ្ទះ។ ក្រុមស្ថិតក្នុងក្របខ័ណ្ឌ La Liga មួយនេះ គួរតែមានគ្រាប់បាល់នាំមុខមុន ក្នុងតង់ទី១ ប៉ុន្តែ កីឡាករ Daniel Wass បានតែតបាល់មិនផុតដៃរបស់អ្នកចាំទី … Read more

រដ្ឋមន្រ្តីក្រសួងព័ត៌មាន ចេញសារឈឺឆ្អាលតារាស្រី ដេននី ក្វាន់

May 5, 2017May 4, 2017 by វល័ក្ខ

ភ្នំពេញៈ ក្រោយពីក្រសួងវប្បធម៌ និងវិចិត្រសិល្បៈចេញបម្រាមមួយឆ្នាំក្នុងការហាមឃាត់ក្រុមហ៊ុន ឬផលិតកម្មនានា មិនឲ្យទទួលតារាសម្តែងស្រីសិចស៊ីទើបតែរះក្នុងសិល្បៈនាង ដេននី ក្វាន់ នោះ ក៏ស្រាប់តែមានសារមួយឃ្លាចេញពីគណនីហ្វេសប៊ុករបស់លោក ខៀវ កាញារិទ្ធ ជារដ្ឋមន្រ្តីក្រសួងព័ត៌មាន បង្ហាញពីចំណាប់អារម្មណ៍ផ្ទាល់ខ្លួន មានខ្លឹមសារវែកញែករកភាពយុត្តិធម៌ឲ្យតួស្រីនេះគួរឲ្យភ្ញាក់ដល់មហាជន និងសាមីខ្លួននាងទៀតផង។ ចេញពីគណនីហ្វេ ប៊ុករបស់លោក ខៀវ កាញារិទ្ធ ជារដ្ឋមន្រ្តីក្រសួងព័ត៌មានសរសេរថា៖ «ខ្ញុំមិនដែលស្គាល់នាងទេ ហើយក៏មិនឈឺក្បាលរឿងនាងស្លៀកពាក់នៅក្រៅឆាកដែរ តែការហាមឃាត់ការសំដែង របស់នាងត្រូវមានភស្តុតាងច្បាស់លាស់ (ក្រោយការណែនាំហើយ)» ដែលបង្ហោះអមដោយលិខិតផ្លូវការមួយពីក្រសួងវប្បធម៌ទៅឲ្យក្រសួងរបស់ព័ត៌មានសហការនាដើមខែឧសភានេះ។ កញ្ញា ដេននី ក្វាន់ មានស្រុកកំណើតមកពីខេត្តព្រះវិហារប្រាប់ពីអារម្មណ៍ដែរថា៖ «ខ្ញុំយល់ថា លោកពូរដ្ឋមន្រ្តីយោបល់ត្រឹមត្រូវព្រោះខ្សែភាពយន្តរបស់នាងខ្ញុំបានថតមានតែពីររឿងគត់ ខណៈមួយបានចាក់បញ្ចាំងតាមទូរទស្សន៍ហើយ និងមួយរឿងទៀតមិនទាន់ចាក់បញ្ចាំងទេ។ រឿងទាំងពីរដែលបានថតសុទ្ធតែមិនមានឈុតអ្វីបង្ហាញភាពសិចស៊ីប៉ះពាល់នោះទេ ខណៈ MV បទចម្រៀងនាងខ្ញុំក៏ដូចគ្មានដែរ»៕

រាល់ការងារនៅក្នុងអង្គភាពមួយសុទ្ធតែមានតម្លៃ

May 4, 2017May 4, 2017 by វល័ក្ខ

ការងារទាំងអស់នៅក្នុងអង្គភាពមួយត្រូវបានឲ្យតម្លៃស្មើៗគ្នា ទោះបីជាតំណែងតូច ឫតំណែងធំក្តី។ ដើម្បីយល់ពីផលលំបាករបស់បុគ្គលិកក្នុងក្រុមហ៊ុន ក្រុមហ៊ុន EFG ដែលជាក្រុមហ៊ុនលំដាប់អន្តរជាតិ និងមានបទពិសោធន៍ខ្ពស់ខាងផ្នែកចំណីអាហារបានប្រារព្ធទិវា EFG លើកទី 4នៅថ្ងៃទី0១ ខែឧសភា ឆ្នាំ ២០១៧ នៅគ្រប់សាខាហាងរបស់ខ្លួន។ អគ្គនាយក គណៈគ្រប់គ្រង និងបុគ្គលិករបស់ក្រុមហ៊ុន RMA Cambodia ទាំងអស់ ត្រូវបានគេប្រទះមកធ្វើជាអ្នករត់តុ អ្នកចម្អិន អ្នកសំអាត និងអ្នកគិតលុយ នៅតាមបណ្ដាភោជនីយដ្ឋានរបស់ក្រុមហ៊ុន EFG។ បុរសស្លៀកឯកសណ្ឋានបុគ្គលិកសេវាអតិថិជនរបស់ភោជនីយដ្ឋាន ដឹ ភីហ្សា ខមផេនី ត្រូវបានគេស្គាល់ថា ជាលោក ងន សាំង អគ្គនាយកក្រុមហ៊ុន RMA Cambodia កំពុងតែកត់អាហារដែលភ្ញៀវកុំម៉្មង់ ព្រមទាំងលើកភេសជ្ជៈជូនភ្ញៀវពិសាយ៉ាងញញឹមរស់រាយ ដោយខុសពីសកម្មភាពការងារប្រចាំថ្ងៃរបស់លោក ពាក់ក្រវាត់ក អាវធំក្នុងម៉ាស៊ីនត្រជាក់ធ្វើការយ៉ាងមឺងម៉ាត់។ លោក បានបញ្ជាក់ថា នេះមិនមែនជាលើកទី១ ទេ សម្រាប់លោក ក្នុងការមកបំពេញការងារតាមភោជនីយដ្ឋានរបស់ក្រុមហ៊ុន EFG។ កន្លងមកលោកធ្លាប់ស្ម័ក្រចិត្តធ្វើជាអ្នកចម្អិនភីហ្សា ក្នុងហាង ដឹ ភីហ្សា ខមផេនី … Read more

អាពាហ៍ពិពាហ៍ចម្លែក គ្មានភ្ញៀវ កូនកំលោះជួលភ្ញៀវ ២០០នាក់ ស៊ីការឥតគិតចំណងដៃ

May 4, 2017 by វល័ក្ខ

អាថកំបាំងត្រូវបានទម្លាយនៅពេលពីធីមង្គលការមួយក្នុងប្រទេសចិនបានបញ្ចប់ ដោយសារតែភ្ញៀវចូលរួមពិធីមង្គលការនេះ បានសារភាពថា ត្រូវបានកូនកំលោះជួលមកឲ្យចូលរួមអបអរសាទរ ដែលភ្ញៀវទាំងនោះមានជាង ២០០នាក់ ដោយក្នុងនោះ ម្នាក់ៗទទួលបានប្រាក់ជាង ១០ដុល្លារ ហើយពិសាដោយមិនបាច់មានចងដៃ ។ នារី ២នាក់ដែលស្ថិតនៅក្នុងហេតុការណ៍ខាងលើ បានផ្ដល់បទសម្ភាសន៍ជាមួយសារព័ត៌មានចិនថា មានមនុស្ស ២០០នាក់ គឺជាភ្ញៀវបន្លំខ្លួនខាងកូនកំលោះ ដែលបានជួលពួកនាងមក តែមិនមែនជាញាតិមិត្ត បងប្អូនឡើយ ហើយគ្មាននរណាម្នាក់ស្គាល់គ្នាពីមុនមកដែរ ដោយម្នាក់ៗទទួលបានប្រាក់ ៨០យ័ន ប្រហែលជាជាង ១០ដុល្លារអាមេរិក ឲ្យចូលមកបន្លំខ្លួនក្នុងពិធីមង្គលការនេះ។ ដោយហេតុតែរក្សាការសម្ងាត់នេះមិនបាន ទើបខាងកូនក្រមុំដេញដោលសួររកការពិតពីកូនកំលោះ ហើយបង្ខំឲ្យសារភាពគ្រប់រឿង។ យ៉ាងនោះហើយ ទើបកូនកំលោះបានសារភាពថា ការពិតភ្ញៀវមកចូលរួមពិធីរៀបអាពាហ៍ពិពាហ៍ មិនមែនជាញាតិបងប្អូនទេ ព្រោះក្រុមគ្រួសារខាងប្រុស មិនបានដឹងរឿង ទើបលោកសម្រេចចិត្តជួលពួកគេមកតែម្ដង។ ម៉្យាងវិញទៀត ខណៈដែលលោកបាននាំភរិយាលោកទៅជួបឪពុកម្ដាយរបស់លោកនោះ ក៏ជាការសម្ដែងដែរ ព្រោះលោកបានជួលមនុស្សជាច្រើនមកសម្ដែងជាក្រុមគ្រួសាររបស់លោក។ គួរបញ្ជាក់ផងដែរថា ដោយសារកូនកំលោះគ្មានទំនាក់ទំនងជាមួយក្រុមគ្រួសារ ហើយបានចាកចេញពីគ្រួសារដោយមិនវិលត្រឡប់ចូលវិញនោះ បានក្លាយជាហេតុផលបណ្ដាលឲ្យកូនកំលោះរូបនេះ សម្រេចចិត្តប្រព្រឹត្តខ្លួនក្លែងបន្លំគ្រប់រឿងគ្រប់យ៉ាង ក្នុងគោលបំណងរៀបមង្គការជាមួយកូនក្រមុំ៕

Man Utd ជឿជាក់ខ្ពស់ ក្រោយកីឡាករសំខាន់ៗវិលទៅហ្វឹកហាត់ មុនប៉ះ Celta រាត្រីនេះ

May 4, 2017 by វល័ក្ខ

ខ្សែបម្រើ Paul Pogba និងខ្សែការពារ Eric Bailly, Chris Smalling និង Phil Jones សុទ្ធសឹងបានចូលហ្វឹកហាត់នៅមុនពេលក្រុម Manchester United ធ្វើការប្រកួតក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ជើងទី១ នៅលើទឹកដីក្រុម Celta Vigo នៅរាត្រីនេះ។ ខ្សែការពារអន្តរជាតិអង់គ្លេស Smalling និង Jones បានអវត្តមានកាលពីពាក់កណ្តាលខែមីនា ស្របពេលដែលខ្សែការពារ Bailly ត្រូវបានប្តូរចេញនៅនាទី ទី៦១ ក្នុងពេលក្រុម Man United ទទួលបានលទ្ធផលស្មើ ១-១ ជាមួយនឹងក្រុម Swansea កាលពីថ្ងៃអាទិត្យ។ ខណៈដែលខ្សែការពារស្លាបស្តាំ Luke Shaw បានជួបបញ្ហារបួសប្រអប់ជើងក្នុងការប្រកួតដូចគ្នានោះ Man United បានប្រឈមមុខនឹងវិបត្តិកីឡាកររបួសក្នុងតំបន់ការពារ ប៉ុន្តែ លោក Jose Mourinho បច្ចុប្បន្ន អាចនឹងមានជម្រើសច្រើនជាងការរំពឹងទុក។ ការវិលទៅហ្វឹកហាត់វិញរបស់ខ្សែបម្រើមានតម្លៃខ្លួនដ៏ខ្ពស់ Pogba … Read more

ជ្រុះសក់ច្រើន សក់តិច សក់ទំពែក គួរបណ្ដុះសក់ឡើងវិញតាមវិធីមួយនេះ

June 12, 2018May 4, 2017 by វល័ក្ខ

ថ្ងៃនេះគេហទំព័រ La Reine សូមបង្ហាញជូននូវវិធីសាស្រ្ដបណ្ដុះសរសៃរសក់ នឹងជួយជំរុញការលូតលាស់របស់សរសៃសក់ ទាំងសរសៃសក់ថ្មី គល់សក់ ព្រមទាំងជួយបន្ដឹងសក់ឲ្យមានជីវិត តាមវីធីសាស្រ្ដបែបធម្មជាតិដែលចាស់ៗបុរាណនិយមប្រើ។ នេះជាវិធីសាស្រ្ដនៃការរក្សាសក់ជាមួយ ស្លឹកត្របែក ព្រោះដោយសារតែនៅក្នុងស្លឹកត្របែក មានវីតាមីន B ដែលជាគុណប្រយោជន៍មួយជួយបំប៉នសរសៃសក់ និងជំរុញការលូតលាស់របស់សរសៃសក់បានយ៉ាងល្អ ។ ខាងក្រោមនេះជាវិធីធ្វើ និង ធាតុផ្សំ ៖ ១.ប្រើស្លឹកត្របែក មួយបាច់ ស្ងោជាមួយទឹករយៈ ២០ នាទី ២.ទុកចោលឲ្យត្រជាក់ ៣.យកទឹកស្លឹកត្របែក ដែលត្រជាក់ហើយមកកក់ជាមួយសក់ និងស្បែកក្បាល យ៉ាងហោចណាស់ម៉ាស្សាសរសៃសក់រយៈពេល ២ ទៅ ៣ ម៉ោង ៤.អាចនឹងល្អប្រសើបំផុត ប្រសិនបើលោកអ្នក កក់សក់ទុកចោលពេលយប់ ហើយចាំលាងសម្អាតចេញនៅពេលព្រឹក ៥.ក្រៅពីនេះគឺលាងសម្អាតសក់ឲ្យស្អាត ។ ជាធម្មតា ស្លឹកត្របែក មានប្រសិទ្ធភាពខ្ពស់ក្នុងការព្យាបាលអ្នកដែលមានអាការៈ ជ្រុះសក់ច្រើន សក់តិច សក់ទំពែក បានយ៉ាងមានប្រសើរ ព្រោះជារុក្ខជាតិឱសថបុរាណដ៏សក្ដសិទ្ធមួយដែរ ៕

Global បំបាក់ បឹងកេត ៣-១ ក្នុង ជំនួបបង្គ្រប់កិច្ច AFC Cup 2017

May 4, 2017 by វល័ក្ខ

ក្រុមបាល់ទាត់ម្ចាស់ផ្ទះ ហ្វីលីពិន Global FC បានលត់ ក្រុមបឹងកេត យ៉ាងចាស់ដៃ ក្នុងជំនួប បង្គ្រប់កិច្ច ពូលF នៃពានរង្វាន់ជើងឯកក្លឹបបាល់ទាត់អាស៊ី AFC Cup 2017 កាលពីថ្ងៃទី អង្គារកន្លងទៅនេះ។ ខណៈជើងទី១ ចាញ់ ២-០ ក្នុងទឹកដីកម្ពុជា ។ ប៉ុន្ដែយ៉ាងណាវាគ្រាន់តែជាការប្រកួតបង្គ្រប់កិច្ចរបស់ក្រុមកំពុងលេខ៤ នៃលីគកំពូលកម្ពុជានេះប៉ុណ្ណោះ បន្ទាប់ពីក្រុមតំណាងកម្ពុជានេះ បញ្ចប់ត្រឹមចំណាត់ថ្នាក់លេខ៣ និងមាន ៤ពិន្ទុជាមួយលទ្ធផល ៦ប្រកួតឈ្នះ១ ស្មើ១ និងចាញ់៤ ។ ចំណែកការបន្ថែម ៣ពិន្ទុរបស់ក្រុម Global បានធ្វើឲ្យក្រុមរក្សាតំណែងកំពូលតារាងមាន ១៥ពិន្ទុ ដើម្បីឡើងទៅវគ្គបន្ដ ។ ដោយឡែកការប្រកួតបង្គ្រប់កិច្ចមួយគូទៀត គឺក្រុម Johor Darul Ta’zim របស់ម៉ាឡេស៊ី បានយកឈ្នះក្រុមបាត់តារាង Magwe របស់មីយ៉ាន់ម៉ា ដោយលទ្ធផល ៣-១ ។ ជ័យជម្នះនេះ បានជួយក្រុម Johor Darul Ta’zim … Read more

U-15កម្ពុជា ត្រៀមចេញទៅប្រកួតពាន AFF U-15 នៅថៃ

May 4, 2017May 4, 2017 by វល័ក្ខ

នាខែកក្កដា ខាងមុខនេះ ក្រុមបាល់ទាត់យុវជនជម្រើសជាតិក្រោមអាយុ ១៥ឆ្នាំកម្ពុជា(U-15) នឹង ចេញទៅប្រកួតដណ្ដើមពានរង្វាន់យុវជនជើងឯកអាស៊ីអាគ្នេយ៍ AFF U-15 Championships 2017 នៅប្រទេសថៃ។ ខណៈដែលមកដល់ពេលនេះ ក្រុមកម្ពុជា កំពុងធ្វើការប្រមូលផ្ដុំកីឡាករហ្វឹកហាត់ត្រៀមយ៉ាងស្វាហាប់បំផុត។ បើយោងតាមទំព័រ Facebookរបស់ ក្លឹបបាល់ទាត់ភ្នំពេញក្រោនបានឱ្យដឹងថា៖ ការប្រកួតពានរង្វាន់យុវជនជើងឯកអាស៊ីអាគ្នេយ៍ AFF U-15 Championships នឹងចាប់ពីថ្ងៃទី០៩ ដល់ថ្ងៃទី២២ ខែកក្កដា ឆ្នាំ២០១៧ ។ បេសកកម្មចូលរួមប្រកួតពានរង្វាន់ 2017 AFF U-15 Championships របស់ក្រុម U-15កម្ពុជា គឺស្ថិតក្នុងពូលB ជាមួយក្រុមយុវជន U-15វៀតណាម, ម៉ាឡេស៊ី, ហ្វីលីពីន, ប្រ៊ុយណេ និងទីម័រខាងកើត ។ សម្រាប់ថ្ងៃបើកឆាក គឺក្រុម U-15កម្ពុជា ត្រូវប៉ះក្រុម U-15វៀតណាម នៅថ្ងៃទី១០ ខែកក្កដា ឆ្នាំ២០១៧នេះ ។ ការប្រមូលផ្ដុំនេះ សហព័ន្ធកីឡាបាល់ទាត់កម្ពុជា ក៏បានកោះហៅថ្នាលយុវជនខ្លួន ៥រូបទៅចូលរួមផងដែរ រួមមានកីឡាករ … Read more

ម្ចាស់មេដាយមាសពិភពលោក បង្ហាញក្ដីបារម្មណ៍ រឿងយកមេដាយនៅស៊ីហ្គេម ខែសីហានេះ

May 4, 2017May 4, 2017 by វល័ក្ខ

បន្ទាប់ពីប្រឹងប្រែងដណ្ដើមេដាយមាស កីឡាប៉េតង់ពិភពលោក កាលពីពេលថ្មីៗកន្លងទៅនេះ អ្នកស្រី អ៊ុក ស្រីមុំ មបានបង្ហាញជំនឿចិត្តតិចតួចណាស់ក្នុងការប្រជែន យកមេដាយក្នុងព្រឹត្តិការណ៍ស៊ីហ្គេម នៅប្រទេសម៉ាឡេស៊ី នាខែសីហា ខាងមុខនេះ។ ថ្លែងក្នុងពិធីដំឡើងឋានន្ដរស័ក្ដិពីអនុសេនីយ៍ឯក ទៅជាវរសេនីយ៍ត្រីកាលពីពេលថ្មីៗកន្លងទៅ អ្នកស្រី អ៊ុក ស្រីមុំ ឲ្យដឹងថា៖ ចំពោះការប្រកួតកីឡាស៊ីហ្គេមឆ្នាំនេះ គឺខុសពីការប្រកួតជើងឯកពិភពលោកកាលពីថ្ងៃមុន ដោយស៊ីហ្គេមខ្លួនត្រូវប្រកួតលើវិញ្ញាសាវាយគូ រីឯការដណ្ដើមបានមេដាយមាសពិភពលោកថ្ងៃមុន គឺលើវិញ្ញាសាវាយឯកត្តជននារី ។ ដូច្នេះវាមានភាពខុសគ្នាច្រើនរវាងវិញ្ញាសាទាំងពីរនេះ ហើយឱកាសស្វែងរកមេដាយ ក៏អាចនឹងពិបាកដែរ ។ ប៉ុន្ដែអ្នកស្រីបានប្ដេជ្ញាចិត្តថា នឹងខិតខំឲ្យអស់ពីសមត្ថភាព ដើម្បីមុខមាត់ប្រទេសជាតិ ។ ២លើកចុងក្រោយក្នុងព្រឹត្តិការណ៍កីឡាស៊ីហ្គេមរបស់ម្ចាស់មេដាយមាសពិភពលោក អ៊ុក ស្រីមុំ គឺដណ្ដើមបានមេដាយរហូតលើវិញ្ញាសាវាយគូ តែពុំធ្លាប់ឈ្នះបានមេដាយមាសឡើយ ដែលក្នុងនោះស៊ីហ្គេម ឆ្នាំ២០១៣ នៅមីយ៉ាន់ម៉ា កីឡាការិនី អ៊ុក ស្រីមុំ ចាប់គូជាមួយកីឡាករ ឌុច សោភ័ណ្ឌ ឈ្នះមេដាយប្រាក់ ក្រោយប្រកួតចាញ់ក្រុមកីឡាប៉េតង់ថៃ ។ ចំណែកស៊ីហ្គេម ឆ្នាំ២០១៥ នៅសិង្ហបុរី កីឡាការិនី អ៊ុក ស្រីមុំ ចាប់គូជាមួយអតីតម្ចាស់មេដាយមាសពិភពលោកអ្នកស្រី កែ … Read more