វល័ក្ខ - La Reine Media

Djokovic ផ្តួល Isnerក្នុងការប្រកួតបើកឆាកនៃពាន ATP Finals

កីឡាករវាយកូនបាល់ Novak Djokovic បានចាប់ផ្តើមការប្រជែងរបស់គេសម្រាប់ការឈ្នះពាន ATP Finals ជាលើកទី6 តាមរយៈការផ្តួលកីឡាករ John Isner ទាំង 2សិតជាប់ៗគ្នាកាលពីថ្ងៃចន្ទ ក្រោយពីកីឡាករ Alexander Zverev បានកត់ត្រាជ័យជម្នះជាលើកទី6 ជាប់ៗគ្នាពេលប្រកួតជាមួយនឹងកីឡាករ Marin Cilic។

កីឡាករវាយកូនបាល់សញ្ជាតិស៊ែប៊ី ដែលមានចំណាត់ថ្នាក់លេខ1ក្នុងពិភពលោករូបនេះ បានបង្ហាញពីទម្រង់លេងយ៉ាងរឹងមាំនៅលើទីលាន O2 Arena ខណៈដែលរូបគេសម្លឹងរកការបញ្ចប់រដូវកាលនេះប្រកបដោយភាពផ្លែផ្កា ក្រោយពីបានយកឈ្នះក្នុងលទ្ធផល 6-4 និង6-3 ដោយការបង្ហាញពីទម្រង់លេងប្រកបដោយភាពទាក់ទាញ។

ជាមួយនឹងការជួបលទ្ធផលផ្ទុយមួយផ្សេងទៀតរបស់កីឡាករ Roger Federer ដែលបានចាញ់ក្រោមស្នាដៃកីឡាករ Kei Nishikori ក្នុងការប្រកួតបើកឆាកកាលពីថ្ងៃអាទិត្យ Djokovic បានធ្វើឱ្យមានកំហុសត្រឹមតែ 6លើកគត់ និងបានវាយកូនបាល់បានល្អចំនួន 86ភាគរយនៃការវាយសេវារបស់គេ។

រូបគេបានបំបែកស្នៀតប្រកួតរបស់ Isner ក្នុងហ្គេមទី5 នៃសិតទី1 ដើម្បីបង្កើតឱ្យមានការគ្រប់គ្រងយ៉ាងរឹងមាំ និងមិនបានបណ្តោយឱ្យមានការភ្លាត់ស្នៀតកើតមានឡើយ មុននឹងដណ្តើមបានជ័យជម្នះក្នុងរយៈពេលត្រឹមតែ 73នាទីប៉ុណ្ណោះ។

Djokovic បានឱ្យដឹងថា៖ «ការប្រកួតនេះពិតជាអស្ចារ្យណាស់។ ខ្ញុំបានទទួលសេវារបស់ John យ៉ាងល្អក្នុងដំណាក់កាលដែលមិនអាចទៅរួច ប៉ុន្តែខ្ញុំបានស្ថិតក្នុងទីតាំង និងពេលវេលាដ៏ត្រឹមត្រូវ»៕

November 13, 2018

រោងចក្រកែច្នៃដំឡូងមីនៅកម្ពុជាកំពុងលេចចេញជារូបរាងជំរុញទឹកចិត្តកសិករ

ក្រុមហ៊ុន ហ្គ្រីន លីឌើរ (Green Leader)ដែលជាក្រុមហ៊ុនវិនិយោគលើរោងចក្រកែច្នៃម្សៅដំឡូងមី និងជីវឥន្ធន:អេតាណុល នៅក្នុងតំបន់សេដ្ឋកិច្ចពិសេសស្រុកស្នួល ខេត្តក្រចេះបានឱ្យដឹងថាក្រុមហ៊ុនកំពុងសាងសង់ប្រមាណជាបាន70% ហើយ ដោយរោងចក្រកែច្នៃនេះនឹងមានសមត្ថភាពផលិតម្សៅដំឡូងមីបានប្រមាណជា 1លានតោនក្នុងមួយឆ្នាំ ហើយគ្រោងនឹងបញ្ចប់ការសាងសង់នៅដំណាច់ឆ្នាំនេះ និងឈានទៅដល់ការដាក់ឱ្យដំណើរការកែច្នៃដំឡូងមីនៅដើមឆ្នាំក្រោយ។

លោក Tse Michael Nam នាយកក្រុមហ៊ុន ហ្គ្រីន លីឌើរ (Green Leader) បានឱ្យដឹងថា យោងតាមគម្រោងផែនការដែលបានគ្រោងទុក ការសាងសង់រោងចក្រកែច្នៃដំឡូងមី ដែលបានចាប់ផ្ដើមដំណើរការកាលពីថ្ងៃទី1 ខែមេសា ឆ្នាំ2018កន្លងទៅបានសម្រេច70%ហើយ។ នេះបើតាមសេចក្ដីរាយការណ៍ស្ដីពីវឌ្ឍនភាពនៃការកសាងរោងចក្រកែច្នៃដំឡូងមី កាលពីថ្ងៃទី9 ខែវិច្ឆិកា ឆ្នាំ2018ក្នុងជំនួបជាមួយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងមានការចូលរួមពីលោក Gao Hua នាយកប្រតិបត្តិក្រុមហ៊ុន ហ្គ្រីន លីឌើរ ផងដែរ ។

សូមបញ្ជាក់ថាក្រុមហ៊ុន Green Leaderនឹងបន្តសាងសង់រោងចក្រ 3កន្លែង (នៅខេត្តត្បូងឃ្មុំ កំពង់ចាម និងខេត្តស្ទឹងត្រែង) បន្ថែមទៀតក្នុងចំណោម 10រោងចក្រនៅទូទាំងប្រទេសកម្ពុជា ដែលរួមមានខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ និងឧត្តរមានជ័យ។

ក្រសួងកសិកម្មបានឱ្យដឹងថា តាមការស្រាវជ្រាវរបស់មជ្ឈមណ្ឌលអន្តរជាតិសម្រាប់កសិកម្មតំបន់ត្រូពិក (International Center for Tropical Agriculture, CIAT) បានបង្ហាញថា កម្ពុជាមានផ្ទៃដីដាំដុះដំឡូងមីរហូតដល់ទៅជាង 67ម៉ឺនហិកតា ជាមួយនឹងទិន្នផលប្រមាណ 14.8លានតោនដែលទទួលបានក្នុងឆ្នាំ2017។ បច្ចប្បន្នកម្ពុជាជាប្រទេសផលិតដំឡូងមីលំដាប់ទី8 លើពិភពលោក និងលំដាប់ទី4 ក្នុងតំបន់អាស៊ីអាគ្នេយ៍។

យោងតាមរបាយការណ៍អគ្គនាយកដ្ឋានកសិកម្មបានបង្ហាញថា កាលពីឆ្នាំ2017កន្លងទៅ ការនាំចេញផលិតផលចំណិតដំឡូងមីស្ងួតទៅកាន់ទីផ្សារបរទេសមានប្រមាណជាង 2.3លានតោន ខណៈដែលការនាំចេញដំឡូងមីស្រស់មានចំនួនជាង 75ម៉ឺនតោន ក្នុងនោះប្រទេសថៃ និងវៀតណាមត្រូវបានចាត់ទុកថាជាទីផ្សារធំបំផុតក្នុងការនាំចេញ ខណៈទីផ្សារនាំចេញទៅប្រទេសចិនផ្ទាល់ ហាក់មានតិចតួចនៅឡើយ។

សូមបញ្ជាក់ថា ក្រោមគម្រោងកិច្ចសហការរវាងទីភ្នាក់ងារអភិវឌ្ឍន៍អង្គការសហប្រជាជាតិUNDP ប្រចាំកម្ពុជា និងក្រុមហ៊ុន Green Leader លើការបង្កើតមូលនិធិរួមគ្នាដែលមានទឹកប្រាក់សរុប 80ម៉ឺនដុល្លារសហរដ្ឋអាមេរិក គឺសម្រាប់អនុវត្តគម្រោងជំរុញការអភិវឌ្ឍទីផ្សារដំឡូងមីនៅកម្ពុជា ស្របតាមយុទ្ធសាស្ត្រសមាហរណកម្មពាណិជ្ជកម្ម និងគោលនយោបាយអភិវឌ្ឍន៍វិស័យដំឡូងមីកម្ពុជា៕

November 12, 2018

រយៈពេល 9ខែ ការនាំចេញទៅកាន់ប្រទេសជប៉ុនកើនឡើង

នយោបាយទំនាក់ទំនងពាណិជ្ជកម្មរវាងរដ្ឋាភិបាលកម្ពុជាជាមួយនឹងប្រទេសជប៉ុនបានធ្វើឱ្យការនាំចេញទៅកាន់ប្រទេសមួយនេះកើនឡើងយ៉ាងខ្លាំងក្នុងរយៈពេល 9ខែនៃឆ្នាំនេះ។

យោងតាមតួលេខចុងក្រោយពីអង្គការពាណិជ្ជកម្មក្រៅប្រទេសរបស់ជប៉ុន (JETRO)បានឱ្យដឹងថា ពាណិជ្ជកម្មរវាងប្រទេសទាំង2 បានកើនឡើងគួរកត់សម្គាល់ចាប់ពីខែមករា ដល់ខែកញ្ញាដោយការនាំចេញរបស់កម្ពុជាកើនឡើង23.5% និងការនាំចូលកើនឡើង12.7%។ ក្នុងនោះការនាំចេញទំនិញដែលមានតម្លៃ 1.18ពាន់លានដុល្លារត្រូវបានបញ្ជូនទៅប្រទេសជប៉ុនខណៈប្រទេសកម្ពុជាបានទិញទំនិញជប៉ុនប្រហែល 293លានដុល្លារ។

គ្រាន់តែនៅក្នុងខែកញ្ញាមួយ ការនាំចេញទៅកាន់ប្រទេសជប៉ុនបានកើនឡើងជាង22.5% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ខណៈដែលការនាំចូលបានកើនឡើង21.9%។ ក្នុងអំឡុងខែនោះការនាំចេញមានតម្លៃ174.5លានដុល្លារ ខណៈការនាំចូលមានចំនួន37.6លានដុល្លារ។

ការនាំចេញរបស់កម្ពុជាភាគច្រើន គឺសម្លៀកបំពាក់ និងផលិតផលស្បែកជើង។ យោងតាមក្រុមហ៊ុន JETRO បានឱ្យដឹងថា ប្រទេសជប៉ុនភាគច្រើននាំចេញគ្រឿងម៉ាស៊ីនរថយន្ត និងគ្រឿងអេឡិចត្រូនិកមកកម្ពុជារួមទាំងសាច់គោ ដែក និងឱសថផងដែរ។

អ្នកនាំពាក្យក្រសួងពាណិជ្ជកម្មបានឱ្យដឹងថា ទំនាក់ទំនងទ្វេភាគីមានភាពស្និទ្ធស្នាលក្នុងគ្រប់វិស័យទាំងអស់មិនត្រឹមតែធ្វើពាណិជ្ជកម្មទេ។ តួលេខពាណិជ្ជកម្មចុងក្រោយរបស់ JETRO បង្ហាញពីទំនុកចិត្តចំពោះផលិតផលកម្ពុជា និងពង្រឹងសារៈសំខាន់នៃការធ្វើសមាហរណកម្មក្នុងតំបន់ដែលកំពុងកើនឡើង។

ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្មកម្ពុជាបានកោតសរសើរចំពោះទំនាក់ទំនងពាណិជ្ជកម្មរវាងរដ្ឋាភិបាលកម្ពុជា និងជប៉ុនក្នុងអំឡុងជំនួបជាមួយលោក Miyao Masahiro ប្រធានក្រុមហ៊ុន JETRO។ ឯកឧត្តមរដ្ឋមន្ត្រីបានប្រាប់លោក Masahiro ថា រដ្ឋាភិបាលកម្ពុជាមានការកោតសរសើរយ៉ាងខ្លាំងចំពោះការងាររបស់ JETRO នៅក្នុងប្រទេសកម្ពុជា។ «JETRO ដើរតួនាទីយ៉ាងសំខាន់ក្នុងការជំរុញពាណិជ្ជកម្ម និងការវិនិយោគនៅក្នុងប្រទេសកម្ពុជា។ យើងតែងតែកោតសរសើរចំពោះកិច្ចសហប្រតិបត្តិការរបស់វិនិយោគិនជប៉ុនចំពោះការអភិវឌ្ឍប្រទេស»។

ឯកឧត្តមមានប្រសាសន៍ថា ក្នុងពេលកន្លងមក ក្រុមហ៊ុនជប៉ុនស្ទាក់ស្ទើរក្នុងការវិនិយោគនៅកម្ពុជាដោយលើកឡើងពីក្តីបារម្ភសុវត្ថិភាព ប៉ុន្តែលោកបានបន្ថែមថា ឥឡូវនេះពួកគេមានបំណងចង់វិនិយោគលើវិស័យផ្សេងៗគ្នា។ មានរោងចក្រជប៉ុនចំនួន 82 កំពុងដំណើរការនៅក្នុងប្រទេសកម្ពុជាដែលបានបង្កើតការងារ 30.000 កន្លែង។

ឯកឧត្តមរដ្ឋមន្ត្រីបានអំពាវនាវឱ្យក្រុមហ៊ុនជប៉ុនបន្តវិនិយោគនៅកម្ពុជាតាមដែលអាចធ្វើទៅបាន។ ក្រសួងនឹងបន្តគាំទ្រ និងសម្របសម្រួលការវិនិយោគរបស់វិនិយោគិនជប៉ុន។

លោក Masahiro បានថ្លែងអំណរគុណដល់ក្រសួង និងរដ្ឋាភិបាលកម្ពុជាចំពោះកិច្ចប្រឹងប្រែងរបស់ពួកគេក្នុងការគាំទ្រដល់ក្រុមហ៊ុនជប៉ុន និងវិនិយោគិន។ យើងនឹងបន្តការងារនេះដើម្បីទាក់ទាញវិនិយោគិនជប៉ុនមកកម្ពុជា ហើយយើងក៏នឹងខិតខំប្រឹងប្រែងផងដែរដើម្បីគាំទ្រដល់សហគ្រាសខ្នាតតូច និងមធ្យមនៅកម្ពុជា។

យោងតាមធនាគារជាតិនៃកម្ពុជា អ្នកទិញផលិតផលកម្ពុជាច្រើនជាងគេគឺ សហរដ្ឋអាមេរិក (21%) បន្ទាប់មកប្រទេសអង់គ្លេស និងអាល្លឺម៉ង់ដែលរួមគ្នាមានចំនួន 17.8% នៃការនាំចេញសរុប ឯជប៉ុនមាន 7.5%។

កាលពីឆ្នាំមុនប្រទេសកម្ពុជាបានទិញភាគច្រើនពីប្រទេសចិន41.7% ប្រទេសថៃ16.% និងប្រទេសវៀតណាមចំនួន11.7 % នៃការនាំចូលសរុប។ ទន្ទឹមនឹងនេះការនាំចូលពីប្រទេសជប៉ុនតំណាងឱ្យ4.2% នៃការនាំចូលទាំងអស់៕

November 12, 2018

Man City ផ្តួល Man Utd ខណៈ Chelsea និង Arsenal បានត្រឹមស្មើដូចគ្នា

ក្រុម Manchester City បានបន្ថែមពិន្ទុនាំមុខលើក្រុម Manchester United រហូតដល់ទៅ 12ពិន្ទុ ក្រោយពីចាប់ផ្តើមបានត្រឹមតែ 12ប្រកួតក្នុងការប្រកួតក្របខ័ណ្ឌ Premier League នៅរដូវកាលនេះ និងបានវិលទៅឈរនៅលើកំពូលតារាងវិញ តាមរយៈការដណ្តើមបានជ័យជម្នះក្នុងលទ្ធផល 3-1 ក្នុងការប្រកួតរវាងក្រុមស្ថិតក្នុងទីក្រុងតែមួយនាកីឡដ្ឋាន Etihad កាលពីថ្ងៃអាទិត្យ។

ការស៊ុតបាល់បញ្ចូលទីនៅដើមតង់នីមួយៗ ពីសំណាក់កីឡាករ David Silva និង Sergio Aguero បានជួយឱ្យ Man City ស្ថិតក្នុងការគ្រប់គ្រងទាំងស្រុង ហើយខ្សែបម្រើ Ilkay Gundogan បានធ្វើឱ្យក្រុម Man United រងបរាជ័យក្នុងការប្រកួតក្របខ័ណ្ឌលីកជាលើកទី4 នៅរដូវកាលនេះ ក្រោយពីការស៊ុតបាល់ប៉េណាល់ទីរបស់ Anthony Martial បានជួយឱ្យក្រុមភ្ញៀវមានក្តីសង្ឃឹមឡើងវិញបន្តិច។ ស្របពេលជាមួយគ្នានេះ ក្រុម Liverpool បានរក្សាការប្រជែងដណ្តើមពាន តាមរយៈការយកឈ្នះលើក្រុម Fulham ក្នុងលទ្ធផល 2-។ ប៉ុន្តែ Man City បានឡើងទៅឈរលើក្រុម Liverpool 2ពិន្ទុនៅលើកំពូលតារាង ស្របពេលដែល Man United នៅតែស្ថិតក្នុងចំណាត់ថ្នាក់លេខ8។

ក្រុម Chelsea មិនខុសពីក្រុមកំពូលតារាងទាំង2 ខាងលើឡើយ ខណៈដែលពួកគេនៅតែរក្សាការមិនស្គាល់ចាញ់សោះក្នុងក្របខ័ណ្ឌលីក ក្នុងរដូវកាលមកទល់ពេលនេះ ប៉ុន្តែមិនបានរក្សាការដេញតាមពីក្រោយយ៉ាងប្រកៀកឡើយ ក្រោយពីបានបញ្ចប់ក្នុងលទ្ធផលស្មើ ០-០ ជាមួយនឹងក្រុម Everton ស្របពេលក្រុមឈរលេខ5 Arsenal បានត្រូវការគ្រាប់បាល់នៅជិតបញ្ចប់ការប្រកួតពីកីឡាករ HenrikhMkhitaryan ដើម្បីដណ្តើមបានលទ្ធផលស្មើ 1-1 ជាមួយនឹងក្រុម Wolves នាកីឡដ្ឋាន Emirates៕

ប្រភពពី៖ Sport24

November 12, 2018

ស្មាតហ្វូន Mi 8 Lite និង Mi 8 Pro របស់ក្រុមហ៊ុន Xiaomi បាននាំមកនូវបច្ចេកវិទ្យាថតរូប និងការច្នៃប្រឌិតដែលមានគុណភាពខ្ពស់មុនពេលថ្ងៃបុណ្យ Christmas ឈានចូលមកដល់

តាមប្រភពព័ត៌មានទទួលបានៅថ្ងៃទី8 ខែវិច្ឆិកា ឆ្នាំ2018, Xiaomi ដែលជាក្រុមហ៊ុនឈានមុនគេផ្នែកបច្ចេកវិទ្យាសាកលលោក បានប្រកាសចេញនូវស្មាតហ្វូន Mi 8 Lite និង Mi 8 Pro ជាផ្លូវការនៅក្នុងប្រទេសកម្ពុជាហើយ ដោយផ្តល់ឱ្យអ្នកប្រើប្រាស់នូវជម្រើសកាន់តែច្រើន ដើម្បីរីករាយនឹងលក្ខណៈពិសេសបំផុតពីស៊េរីស្មាតហ្វូន Mi 8។

ទាំងអស់នេះបានផុសលេចឡើងតាមរយៈការងាររបស់លោក Claude Monet ដែលជាអ្នកអារម្មណ៍និយមជនជាតិបារាំងដ៏ល្បីល្បាញ ដែលគំនូររបស់លោកមានភាពល្បីរន្ទឺដោយបាននាំមកនូវប្រសិទ្ធភាពនៃពន្លឺលើពណ៌ធម្មជាតិ។ ស្មាតហ្វូន Mi 8 Lite និង Mi 8 Pro បង្ហាញនូវបច្ចេកវិទ្យាកញ្ចក់ប្រភេទថ្មីដែលមានពណ៌ឆ្លុះដូចកញ្ចក់។

លោក Jonh Chen ដែលជានាយកក្រុមហ៊ុន Xiaomi ប្រចាំនៅតំបន់អាស៊ីអាគ្នេយ៍បានប្រាប់ឱ្យដឹងថា៖ ក្រុមហ៊ុន Xiaomi បាននាំចេញស្មាតហ្វូនច្រើនជាង 100លាន គ្រឿង នៅក្នុងឆ្នាំនេះ ដោយឡែកស៊េរីស្មាតហ្វូន Mi 8 បាននាំចេញសរុបលើសពី 6លានគ្រឿង ដែលជាការចូលរួមចំណែកយ៉ាងធំធេងនៅក្នុងភាពជោគជ័យនេះ។ យើងខ្ញុំមានក្តីរំភើបដែលនាំយកស្មាតហ្វូនស៊េរីទំនើបនេះមកប្រទេសកម្ពុជាមុនពេលថ្ងៃបុណ្យ Christmas ឈានចូលមកដល់ ។ ជាមួយនឹងពណ៌ដ៏ស្រស់ស្អាត និងការថតរូបដ៏មានថាមពលរបស់ខ្លួន ស្មាតហ្វូនស៊េរីនេះគឺជាដៃគូដ៏ស័ក្ដិសមសម្រាប់ការអបអរសាទរផ្សេងៗនៅក្នុងរដូវកាលនេះ។

Mi 8 Lite សម្រាប់ការលេងហ្គេម និងការថតរូបដ៏អស្ចារ្យ

បំពាក់មកជាមួយកាមេរ៉ាទំហំ 24 megapixels, sensor ខាងមុខ Sony IMX576 ដែលបំពាក់លើទូរស័ព្ទ Mi 8 Lite អាចចាប់យករូបភាពបានច្បាស់បំផុតដែលមិនធ្លាប់មានពីមុន។ នៅក្នុងស្ថានភាពពន្លឺខ្សោយ sensor នឹងប្រើនូវបច្ចេកវិទ្យា Super Pixel ដើម្បីចាប់ច្របាច់នូវព័ត៌មាននៃ pixel 4 ឱ្យក្លាយទៅជា pixel ធំមួយ ធ្វើឱ្យរូបភាពកាន់តែច្បាស់ ជាពិសេសនៅទីតាំងក្នុងអគារ។ ចំណែកឯទូរស័ព្ទ Mi 8 វិញ នៅខាងក្រោយបានបំពាក់មកជាមួយកាមេរ៉ាភ្លោះដែលប្រើបច្ចេកវិទ្យា AI និងប្រើ sensor Sony IMX363 ជា sensor ចំបងរបស់ខ្លួន ជាងនេះទៅទៀត វាបានភ្ជាប់មកជាមួយ pixel ទំហំធំដល់ទៅ 1.4µm សម្រាប់ចាប់រូបភាពជាមួយសំឡេងតិច និងប្រើនូវមុខងារ Dual Pixel Autofocus ដើម្បីចាប់យកគោលដៅរូបភាពបានលឿន ដែលមិនធ្វើឱ្យអ្នកខកខានក្នុងការចាប់យករូបភាពដែលអ្នកពេញចិត្ត។

Hardware កាមេរ៉ាដែលមានគុណភាពខ្ពស់គឺជាគូរទៅនឹងមុខងារ AI ដែលជាបច្ចេកវិទ្យាឈានមុខគេរបស់ក្រុមហ៊ុន Xiaomi ហើយរួមផ្សំទៅនឹងជម្រើសថ្មីដែលបានកែច្នៃដើម្បីសម្រេចបាននូវការរចនាដ៏ស៊ីវីល័យ។ ទន្ទឹមនឹងនេះ អេក្រង់របស់ទូរសព្ទ Mi 8 Lite អាចបញ្ចេញនូវពណ៌ផ្សេងៗដែលស៊ីទៅនឹងស្ថានភាពនានានៅពេលថតរូប selfies ដោយចាំងបំភ្លឺមុខជាមួយនឹងពណ៌ដែលត្រូវគ្នាយ៉ាងឆ្លាតវៃ ដើម្បីធ្វើឱ្យការថតរូប selfies កាន់តែស្រស់ស្អាត។

ទូរស័ព្ទ Mi 8 Lite បានប្រើប្រាស់នូវបន្ទះឈីប SnapdragonTM 660 SoC របស់ Qualcomm® ជាមួយ Artificial Intelligence Engine (AIE) ដ៏មានថាមពលរបស់ Qualcomm®។ Mi 8 Lite ក៏បានប្រើនូវមុខងារសម្លេង Mi Sound ថ្មី ជាមួយនឹងការ upgrade ប្រព័ន្ធ DSP (digital signal processing) ដើម្បីធ្វើឱ្យសំឡេងកាន់តែល្អប្រសើរ។

ទូរសព្ទ Mi 8 Pro បន្ថែមនូវមុខងារ futuristic pressure-sensitive សម្រាប់ដោះសោរអេក្រង់ដោយស្កេនស្នាមម្រាមដៃ

Mi 8 Pro បានបោះជំហានទៅមុខមួយកម្រិតទៀត ដោយបានបន្ថែមនូវមុខងារ futuristic pressure-sensitive សម្រាប់ដោះសោរអេក្រង់ដោយស្កេនម្រាមដៃ។ វាមានលក្ខណៈខុសពីបច្ចេកវិទ្យាដោះសោរអេក្រង់ដោយស្កេនម្រាមដៃដទៃទៀត ដែលត្រូចំណាយថាមពលដោយផ្តិតម្រាមដៃទៅនឹងកញ្ចក់ឱ្យជាប់ ដើម្បីមើលថា ថាតើម្រាមដៃបានស្កេនជាប់ ឬនៅ។ ប៉ុន្តែសម្រាប់ pressure sensor វិញ គឺដោយគ្រាន់តែចុចបើកដំណើរការនៃមុខងារនោះ ហើយដាក់ម្រាមដៃលើអេក្រង់ វាគឺដំណើរការយ៉ាងលឿន និងកាត់បន្ថយថាមពលទៀតផង។

មកដល់ប្រទេសកម្ពុជាឆាប់ៗនេះ

ទូរស័ព្ទ Mi 8 Lite and Mi 8 Pro បានចាប់ដាក់លក់នៅថ្ងៃទី10 ខែវិច្ឆិកា ឆ្នាំ2018កន្លងទៅនេះ ។ ជាចុងក្រោយទូរស័ព្ទ Mi 8 Lite មានជម្រើស 2 ពណ៌ គឺពណ៌ខៀវ (Aurora Blue) និងពណ៌ខ្មៅ (Midnight Black) ដោយមាន 2 version: 4GB + 64GB តម្លៃ 259ដុល្លារ និង 6GB + 128GB តម្លៃ 299ដុល្លារ។ ដោយឡែក ទូរស័ព្ទ Mi 8 Pro មានតែមួយពណ៌គត់ គឺពណ៌ Transparent Titanium និងមានតែ 1 version ប៉ុណ្ណោះគឺ 8GB + 128GB តម្លៃ 599ដុល្លារ ៕

November 12, 2018

Hamilton ឈ្នះនៅប្រេស៊ីល ខណៈក្រុម Mercedes ឈ្នះពានផ្នែកផលិត

រយៈពេល 10ឆ្នាំ ក្រោយពីឈ្នះពាន Formula One ជាលើកទី1 របស់គេនៅលើទីលាន Interlagos ម្ចាស់តំណែងជើងឯកពិភពលោក 5សម័យកាល Lewis Hamilton បានឈ្នះក្នុងព្រឹត្តិការណ៍ Brazilian Grand Prix កាលពីថ្ងៃអាទិត្យ និងបានជួយឱ្យក្រុម Mercedes របស់គេ ឈ្នះពានផ្នែកផលិតក្នុងការប្រណាំងរថយន្ត Formula One សម្រាប់ឆ្នាំទី5 ជាប់ៗគ្នា។

វាជាជ័យជម្នះជាលើកទី10 របស់ Hamilton នៅរដូវកាលនេះ ក្រោយពីបានបញ្ចប់ដោយនាំមុខក្នុងថិរវេលា 1.4វិនាទី នាំមុខកីឡាករ Max Verstappen របស់ក្រុម Red Bull។ ប៉ុន្តែ វាគួរតែផ្តល់លទ្ធផលផ្សេងគ្នាសម្រាប់កីឡាករអង់គ្លេសរូបនេះ ដែលបានជួបបញ្ហាម៉ាស៊ីន និងកង់ ខណៈដែលរូបគេបានរង់ចាំភ្លៀងដែលមិនបានធ្លាក់មក។

ការដណ្តើមបានជ័យជម្នះជាលើកទី2 របស់ Hamilton ក្នុងទីក្រុង Sao Paulo បានកើតឡើង ក្រោយពីកីឡាករ Esteban Ocon របស់ក្រុម Force India មិនអនុញ្ញាតឱ្យ Verstappen វ៉ាក្នុងជុំទី44 ដែលនាំឱ្យរថយន្តរបស់កីឡាករទាំង2 ប៉ះទង្គិចគ្នា និងវិលជាច្រើនជុំនៅលើទីលានប្រណាំង។ ក្នុងពេលនោះ Verstappen របស់ក្រុម Red Bull បាននាំមុខលើ Hamilton រហូតដល់ទៅ 5វិនាទី។

ក្រោយពីការប្រណាំង Hamilton បានឱ្យដឹងថា៖ «ឧប្បត្តិហេតុនោះ បានធ្វើឱ្យយើងវិលទៅកាន់ការប្រជែងវិញ។ Max បាននាំមុខដាច់ ហើយវាពិតជាផ្តល់ការលំបាកដល់អ្នកតាមពីក្រោយ។ ប៉ុន្តែ ខ្ញុំពិតជាមានមោទនភាពនៅទីនេះ។ ខ្ញុំមិនខ្វល់ពីនរណាម្នាក់ឡើយ»៕

ប្រភពពី៖ Channel News Asia

November 12, 2018

កាសែតឡារ៉ែន ពាណិជ្ជ លេខ 150

[easy_media_download url=”https://www.lareine.com.kh/wp-content/uploads/2018/11/LRPN_150-Final-For-Web.pdf” force_dl=”1″]

November 10, 2018

Charles & Keith សាខាផ្សារទំនើបអ៊ីអនម៉លភ្នំពេញប្រារព្ធពិធីខួបគម្រប់ 2 ឆ្នាំ ជាមួយនឹងការបញ្ចុះតម្លៃយ៉ាងពិសេស

Charles & Keith ដែលជាម៉ាកល្បីក្នុងស្រទាប់យុវវ័យ និង ជាម៉ាកកំពុងពេញនិយមសម្រាប់នារីៗ នៅក្នុងទីក្រុងភ្នំពេញ ក៏ដូចជាទូទាំងប្រទេសកម្ពុជាទាំងមូលបានប្រារព្ធពិធីគម្រប់ខួប 2ឆ្នាំ ដែលបានបើកដំណើរការសាខាផ្សារទំនើបអ៊ីអនម៉លភ្នំពេញ កម្មវិធីបានចាប់ផ្តើមពីរម៉ោងពីម៉ោង 5 ដល់ 9 យប់។ នៅក្នុងកម្ម វិធីអតិថិជន ក៏ដូចជាសមាជិករបស់ Charles & Keith បានរីករាយជាមួយការទស្សនា កម្សាន្តការចាក់ភ្លេងរបស់ឌីជេក្នុងកំឡុងបពេលដើរទិញទំនិញក្នុងហ៊ាង។

ក្នុងល្ងាចប្រារព្ធពិធីខួបគម្រប់ 2ឆ្នាំ សមាជិករបស់ Charles & Keith បានរីករាយជាមួយការទិញទំនិញគ្រប់ប្រភេទ ដែលមាននៅក្នុងហ៊ាងជាមួយនឹងការបញ្ចុះតម្លៃ 10% បន្ថែមទៀតទៅកាតសមាជិករបស់ខ្លួន ចំណែកឯអតិថិជនដែលមិនមែនជាសមាជិករបស់ Charles & Keith ដោយគ្រាន់តែចំណាយក្នុងការទិញទំនិញនៅក្នុងហ៊ាងអស់ចំនួន 90 ដុល្លារ អតិថិជននឹងទទួលបានខ្សែដៃមួយយ៉ាងស្រស់ស្អាតពី Charles & Keith ផងដែរ៕

November 10, 2018

Sterling បន្តកុងត្រាថ្មីជាមួយ Man City រហូតដល់ឆ្នាំ2023

ខ្សែប្រយុទ្ធ Raheem Sterling បានប្តេជ្ញាពីអនាគតដ៏យូរអង្វែងមួយចំពោះក្លិប Manchester City ក្រោយពីបានបន្តកិច្ចសន្យារយៈពេល3ឆ្នាំទៀតជាមួយនឹងក្រុមម្ចាស់ជើងឯករបស់ក្របខ័ណ្ឌ Premier League មួយនេះ កាលពីថ្ងៃសុក្រ។

Sterling បានស្ថិតក្នុងការចរចាផ្សេងៗជាមួយនឹងក្រុម Man City អស់រយៈពេលជាច្រើនខែមកហើយ ហើយទីបំផុត ខ្សែបម្រើស្លាបអន្តរជាតិអង់គ្លេសរូបនេះ បានយល់ព្រមកុងត្រាថ្មីដ៏គួរឲ្យចាប់អារម្មណ៍មួយ ក្រោយពីត្រូវបានទាក់ទងជាមួយនឹងការផ្ទេរមួយទៅកាន់ក្លិប Real Madrid។

បច្ចុប្បន្ន Sterling វ័យ23ឆ្នាំ នឹងត្រូវបន្តនៅជាមួយនឹង Man City រហូតដល់ឆ្នាំ2023 ខណៈដែលព័ត៌មានកាលពីដើមខែនេះ បានចេញផ្សាយថា ការបន្តកិច្ចសន្យាថ្មីរបស់គេនឹងមានតម្លៃ30ម៉ឺនផោន (ស្មើនឹង 38,9ម៉ឺនដុល្លារអាមេរិក) ក្នុង1សប្តាហ៍ ដែលនាំឱ្យរូបគេកីឡាកររកបានចំណូលខ្ពស់ជាងគេបំផុតរបស់អង់គ្លេស។

Sterling បានប្រាប់គេហទំព័ររបស់ Man City ថា៖ «ខ្ញុំពិតជារីករាយណាស់ក្នុងការចុះហត្ថលេខា។ ការអភិវឌ្ឍរបស់ខ្ញុំនៅទីនេះ ពិតជាស្ថិតក្នុងកម្រិតដ៏មិនគួរឱ្យជឿ។ ខ្ញុំមានអារម្មណ៍តាំងពីនាទីដំបូងដែលខ្ញុំបានមកទីនេះថា វាគឺជាជម្រើសដ៏ត្រឹមត្រូវសម្រាប់ខ្ញុំ។ វាពិតជាបានផ្តល់នូវផលតបស្នង ហើយខ្ញុំពិតជាដឹងគុណណាស់»។

Sterling បានជួបភាពជោគជ័យដ៏អស្ចារ្យ ក្រោមស្នារដឹកនាំរបស់លោក Pep Guardiola អ្នកចាត់ការទូទៅរបស់ Man City និងបានអភិវឌ្ឍដើម្បីក្លាយជាកីឡាករដ៏សំខាន់ម្នាក់សម្រាប់ក្លិប និងប្រទេសរបស់គេ ចាប់តាំងពីផ្ទេរមកពីក្លិប Liverpool កាលពីឆ្នាំ2015។ រូបគេបានស៊ុតបាល់បញ្ចូលទី23គ្រាប់ក្នុងរាល់យុទ្ធនាការទាំងអស់កាលពីរដូវកាលមុន ខណៈដែល Man City បានឈ្នះពាន Premier League ក្នុងពិន្ទុជាកំណត់ត្រា ហើយក៏បានឈ្នះពាន League Cup ផងដែរ៕

ប្រភពពី៖ Channel News Asia

November 10, 2018

ស្រាបៀរ ABC Extra Stout, Heineken, Tiger ចាប់រង្វាន់ផ្តាច់ព្រ័ត្រជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ 2017-2018

ភ្នំពេញ៖ កាលពីថ្ងៃអាទិត្យទី 4 ខែវិច្ឆិកា ឆ្នាំ2018 ស្រាបៀរ ABC Extra Stout, Heineken និង Tiger បានរៀបចំកម្មវិធីចាប់រង្វាន់លើកចុងក្រោយដែលមានការផ្សាយផ្ទាល់នៅស្ថានីយទូរទស្សន៍ PNN ដោយបានរកឃើញអ្នកឈ្នះរង្វាន់ដំណើរកម្សាន្តក្រេបទឹកឃ្មុំទៅកាន់ទីក្រុងប៉ារីស ទីក្រុងអាំស្ទែដាំ និងប្រទេសជប៉ុន។

ចំពោះរង្វាន់របស់ស្រាបៀរ ABC Extra Stout ដែលបានចាប់រង្វាន់ផ្តាច់ព្រ័ត្រនេះ មានគូស្វាមីភរិយាថ្មីចំនួន 5គូ ដែលមានសំណាងបានឈ្នះរង្វាន់ដំណើរកម្សាន្តក្រេបទឹកឃ្មុំទៅទីក្រុងប៉ារីសមានរាយឈ្មោះដូចខាងក្រោម៖

ល.រ	ឈ្មោះកូនកម្លោះ	ឈ្មោះកូនក្រមុំ	ខេត្ត/ ក្រុង	លេខប័ណ្ណ	លេខទូរស័ព្ទ	រង្វាន់
១	ម៉ន ធីរ៉ៃ	មួន ថារី	កណ្តាល	807192	077 66 37 58	ដំណើរកម្សាន្តក្រេបចន្ទទឹកឃ្មុំទៅកាន់ទីក្រុងប៉ារីស
២	មូល ហួច	អ៊ុក ចាន់សូរិយា	កណ្តាល	809849	088 50 98 431	ដំណើរកម្សាន្តក្រេបចន្ទទឹកឃ្មុំទៅកាន់ទីក្រុងប៉ារីស
៣	ប៊ុន ចាន់ថា	ហុង វឌ្ឍនា	អ្នកលឿង	804485	097 99 555 44	ដំណើរកម្សាន្តក្រេបចន្ទទឹកឃ្មុំទៅកាន់ទីក្រុងប៉ារីស
៤	ឈិន ជាំងហាវ	ជន់ ម៉ូនីតា	ភ្នំពេញ	806966	077 322 479	ដំណើរកម្សាន្តក្រេបចន្ទទឹកឃ្មុំទៅកាន់ទីក្រុងប៉ារីស
៥	សាង មត្តរី	ពុធ ចន្ធី	ភ្នំពេញ	801741	087 62 13 46	ដំណើរកម្សាន្តក្រេបចន្ទទឹកឃ្មុំទៅកាន់ទីក្រុងប៉ារីស

ចំពោះរង្វាន់របស់ស្រាបៀរ Heineken ដែលបានចាប់រង្វាន់ផ្តាច់ព្រ័ត្រនេះ មានគូស្វាមីភរិយាថ្មីចំនួន ៣គូ ដែលមានសំណាងបានឈ្នះរង្វាន់ដំណើរកម្សាន្តក្រេបទឹកឃ្មុំទៅទីក្រុង Amsterdam មានរាយឈ្មោះដូចខាងក្រោម៖

ល.រ	ឈ្មោះកូនកម្លោះ	ឈ្មោះកូនក្រមុំ	ខេត្ត/ ក្រុង	លេខប័ណ្ណ	លេខទូរស័ព្ទ	រង្វាន់
១	ជាម សុនិត	យ៉ាន ស្រីម៉ៅ	ព្រៃវែង	002049	092 224 552 010 365 472	ដំណើរកម្សាន្តក្រេបចន្ទទឹកឃ្មុំទៅទីក្រុងអាំស្ទែដាំ
២	អេង សុភា	លឹម គឹមលីលី	ភ្មំពេញ	001187	097 971 1113 077 877 596	ដំណើរកម្សាន្តក្រេបចន្ទទឹកឃ្មុំទៅទីក្រុង អាំស្ទែដាំ
៣	ឈុន ពន្លឺ	វិរោចន៏ ភូវីនី	ភ្មំពេញ	003912	017 477 063	ដំណើរកម្សាន្តក្រេបចន្ទទឹកឃ្មុំទៅទីក្រុង អាំស្ទែដាំ

ចំពោះរង្វាន់របស់ស្រាបៀរ Tiger ដែលបានចាប់រង្វាន់ផ្តាច់ព្រ័ត្រនេះ មានគូស្វាមីភរិយាថ្មីចំនួន 5គូ ដែលមានសំណាងបានឈ្នះរង្វាន់ដំណើរកម្សាន្តក្រេបទឹកឃ្មុំនៅប្រទេសជប៉ុនជាមួយនឹងបទពិសោធន៍រំភើបរីករាយនៃការជិះស្គីទឹកកក មានរាយឈ្មោះដូចខាងក្រោម៖

ល.រ	ឈ្មោះកូនកម្លោះ	ឈ្មោះកូនក្រមុំ	ខេត្ត/ ក្រុង	លេខប័ណ្ណ	លេខទូរស័ព្ទ	រង្វាន់
១	ប៊ិន ស៊ិនណាវីន	ហេង ស៊ីវហ្គេច	ពោធិ៍សាត់	003956	096 788 9876 093 558 999	ដំណើរកម្សាន្តក្រេបចន្ទទឹកឃ្មុំទៅកាន់ជប៉ុន
២	លឹម ទីទី	ផន ណារ័ត្ន	កណ្តាល	009550	016 326 112	ដំណើរកម្សាន្តក្រេបចន្ទទឹកឃ្មុំទៅកាន់ជប៉ុន
៣	លន់ សុបញ្ញា	ពៅ ធីតា	ភ្នំពេញ	011675	086 205 780 015 707 720	ដំណើរកម្សាន្តក្រេបចន្ទទឹកឃ្មុំទៅកាន់ជប៉ុន
៤	ឈុំ សុខហឿន	ផាន ផល្លា	ភ្នំពេញ	009210	061 999 667 077 999 667	ដំណើរកម្សាន្តក្រេបចន្ទទឹកឃ្មុំទៅកាន់ជប៉ុន
៥	ព្រាប សុភ័ក្ត្រ	សាន សម្បតិ្ត	ភ្នំពេញ	007284	016 868 872 077 433 388	ដំណើរកម្សាន្តក្រេបចន្ទទឹកឃ្មុំទៅកាន់ជប៉ុន

អ្នកឈ្នះរង្វាន់ទាំងអស់អាចស្វែងរកឈ្មោះរបស់ខ្លួននៅលើគេហទំព័រហ្វេសប៊ុកផ្លូវការរបស់ស្រាបៀរ ABC Extra Stout, Heineken, Tiger។

សូមអ្នកឈ្នះទាំងអស់មេត្តាទាក់ទងមកកាន់ក្រុមហ៊ុន CBL តាមរយៈទូរស័ព្ទលេខ៖ 023 722 683 ឬអ៊ីម៉ែល៖ [email protected] ឲ្យបានមុនថ្ងៃទី 13 ខែវិច្ឆិកា។ អ្នកឈ្នះទាំងអស់ត្រូវបង្ហាញសន្លឹកឆ្នោតត្រូវរង្វាន់ និងអត្តសញ្ញាណប័ណ្ណ។ បើពុំដូច្នោះទេ រង្វាន់ទាំងនេះនឹងទុកជាមោឃៈ ហើយក្រុមហ៊ុននឹងរកអ្នកឈ្នះថ្មីមកជំនួស។

អបអរពិធីអាពាហ៍ពិពាហ៍របស់លោកអ្នកជាមួយស្រាបៀរលំដាប់ពិភពលោក។

តើលោកអ្នកចង់ទិញស្រាបៀរលំដាប់ពិភពលោកសម្រាប់ពិធីអាពាហ៍ពិពាហ៍របស់អ្នកទេ? លោកអ្នកអាចទូរស័ព្ទមកលេខ 011 222 400 ឬ 011 333 500 សម្រាប់ព័ត៌មានបន្ថែម។

ពិសាដោយការទទួលខុសត្រូវ…

November 7, 2018

Author: វល័ក្ខ