វល័ក្ខ - La Reine Media

Modric ផ្តួល Ronaldo និង Messi ដើម្បីឈ្នះពាន Ballon d’Or

ខ្សែបម្រើ Luka Modric របស់ក្លិប Real Madrid បានបញ្ចប់ការគ្រប់គ្រងកន្លងមករបស់ខ្សែប្រយុទ្ធ Cristiano Ronaldo និង Lionel Messi ដើម្បីឈ្នះពានរង្វាន់បាល់មាស Ballon d’Or ឆ្នាំ2018។

Modric ដែលបានជួយឱ្យ Real ឈ្នះពានក្របខ័ណ្ឌ Champions League 3លើកជាប់ៗគ្នា និងឈានទៅ World Cup វគ្គផ្តាច់ព្រ័ត្រ ជាមួយនឹងក្រុមជម្រើសជាតិក្រូអាស៊ី នៅរដូវក្តៅនេះ បានបញ្ចប់ឆ្នាំ2018 តាមរយៈការឈ្នះពានកិត្តិយសដែលមានវ័យចំណាស់ជាងគេបំផុតរបស់អឺរ៉ុបក្នុងកម្មវិធីមួយកាលពីថ្ងៃចន្ទ។

Modric ដែលបានទទួលពានរង្វាន់នេះ ពីអតីតខ្សែប្រយុទ្ធអន្តរជាតិបារាំង David Ginola ក្នុងអំឡុងកម្មវិធីដ៏អធិកអធមមួយនៅ Grand Palais ក្នុងទីក្រុងប៉ារីសនោះ បានឱ្យដឹងថា៖ «កាលពីនៅជាក្មេងម្នាក់ យើងទាំងអស់គ្នាតែងតែមានក្តីសុបិន។ សុបិនរបស់ខ្ញុំគឺការលេងឱ្យក្លិបដ៏ធំមួយ និងឈ្នះពានរង្វាន់សំខាន់ៗជាច្រើន។ Ballon d’Or គឺលើសពីក្តីសុបិនទៅទៀតសម្រាប់ខ្ញុំ ហើយវាពិតជាមានកិត្តិយសណាស់ក្នុងការឈ្នះពានរង្វាន់នេះ»។

Ronaldo បានស្ថិតក្នុងចំណាត់ថ្នាក់លេខ2 ខណៈដែលខ្សែប្រយុទ្ធអន្តរជាតិបារាំង Antoine Griezmann របស់ក្លិប Atletico Madrid បានស្ថិតក្នុងចំណាត់ថ្នាក់លេខ3។ ខ្សែប្រយុទ្ធវ័យក្មេង KylianMbappe របស់ក្លិប Paris Saint-Germain បានស្ថិតក្នុងចំណាត់ថ្នាក់លេខ4 ដើម្បីធ្វើឱ្យ Messi ធ្លាក់ទៅឈរក្នុងចំណាត់ថ្នាក់លេខ5។

កីឡាកររបស់បារាំងម្នាក់ទៀត គឺខ្សែការពារ Raphael Varane ដែលជាមិត្តរួមក្លិបរបស់ Modric បានស្ថិតក្នុងចំណាត់ថ្នាក់លេខ7 ពីក្រោយខ្សែប្រយុទ្ធអន្តរជាតិអេហ្ស៊ីប Mohamed Salah របស់ក្លិប Liverpool។ Mbappe ដែលនឹងឈានចូលវ័យ 20ឆ្នាំនៅចុងខែនេះ បានឈ្នះពានរង្វាន់លួងចិត្ត គឺពានកីឡាករវ័យក្មេងឆ្នើមបំផុត Kopa Trophy។

កម្មវិធីដ៏ឱឡារិកនេះ ក៏បានផ្តល់ពានរង្វាន់ Ballon d’Or សម្រាប់កីឡាការិនីជាលើកទី1ផងដែរ ខណៈដែលកីឡាការិនីខ្សែប្រយុទ្ធអន្តរជាតិន័រវែស Ada Hegerberg របស់ក្លិប Lyon ជាអ្នកឈ្នះពាននេះ៕

December 4, 2018

IAAF នឹងបោះឆ្នោតដើម្បីសម្រេចថា នឹងផ្តល់សិទ្ធិទៅឱ្យរុស្ស៊ីវិញ ឬយ៉ាងណា នៅថ្ងៃអង្គារនេះ

សហព័ន្ធកីឡាអត្តពលិករុស្ស៊ី នឹងដឹងនៅថ្ងៃអង្គារនេះថា តើការជាប់ពិន័យព្យួររបស់ខ្លួនសម្រាប់ការប្រើប្រាស់សារធាតុហាមឃាត់ ក្នុងរយៈពេល 3ឆ្នាំចុងក្រោយនេះ នឹងត្រូវលុបចោលដោយសមាគមអន្តរជាតិនៃសហព័ន្ធកីឡាអត្តពលកម្ម (IAAF) ឬយ៉ាងណា។

ក្រុមប្រឹក្សារបស់ IAAF នឹងបោះឆ្នោតដើម្បីកំណត់ជោគវាសនារបស់រុស្ស៊ី ក្រោយពីបានទទួលរបាយការណ៍នានា និងការណែនាំផ្សេងៗ ដោយក្រុមការងាររបស់ខ្លួននៅដំណើរការនៃអំណាចរបស់កីឡានេះ ក្នុងការឆ្លើយតបទៅនឹងលក្ខខណ្ឌផ្សេងៗដែលត្រូវបានដាក់ឱ្យដើម្បីទទួលបានសិទ្ធិអំណាចជាថ្មី។ សន្និសីទសារព័ត៌មានមួយនឹងត្រូវរៀបចំឡើងក្នុងប្រទេសម៉ូណាកូ ដើម្បីប្រកាសពីការសម្រេចចិត្តនេះ ខណៈដែលមានការរំពឹងទុកផ្សេងៗថា ការពិន័យព្យួរនេះ អាចនឹងរក្សានៅដដែល។

សហព័ន្ធកីឡាអត្តពលកម្មរបស់រុស្ស៊ី (RUSAF) ត្រូវបានរងការដាក់ពិន័យព្យួរដោយ IAAF កាលពីខែវិច្ឆិកា ឆ្នាំ2015 ក្រោយពីរបាយការណ៍ស្រាវជ្រាវរបស់ភ្នាក់ងារប្រឆាំងសារធាតុហាមឃាត់ពិភពលោក (WADA) បានរកឃើញការប្រើប្រាស់សារធាតុហាមឃាត់យ៉ាងទូលំទូលាយក្នុងប្រទេសនេះ។ ប៉ុន្តែ ទោះបីជាយ៉ាងណា ចាប់តាំងពីពេលនោះមក អត្តពលិករុស្ស៊ីមួយចំនួនត្រូវបានអនុញ្ញាតឱ្យប្រកួតក្នុងព្រឹត្តិការណ៍អន្តរជាតិក្នុងនាមជាអត្តពលិកមិនតំណាងឱ្យប្រទេសណាទាំងអស់ ប្រសិនបើពួកគេបានឆ្លើយតបទៅនឹងការវិនិច្ឆ័យជាក់លាក់ផ្សេងៗ ដែលបានបង្ហាញថា ពួកគេបានប្រតិបត្តិបរិស្ថានដែលគ្មានសារធាតុហាមឃាត់។

លោក Rune Andersen ប្រធានក្រុមអនុវត្តការងារនៅរុស្ស៊ីរបស់ IAAF បាននិយាយកាលពីខែកក្កដា ថា RUSAF បានយកចិត្តទុកដាក់ក្នុងការអនុវត្ត ប៉ុន្តែមិនទាន់បំពេញដំណើរការក្នុងការឆ្លើយតបទៅនឹងការបម្រុងក្នុងការប្រគល់សិទ្ធិឱ្យវិញឡើយ ហើយការពិន័យព្យួរនឹងនៅតែដដែល រហូតដល់ខែធ្នូ៕

ប្រភពពី៖ Channel News Asia

December 4, 2018

Liverpool ផ្តួល Everton ទាំងប្រផិតប្រផើយ ខណៈលោក Klopp សុំអភ័យទោស

គ្រាប់បាល់នៅនាទីបន្ថែមពីសំណាក់ខ្សែប្រយុទ្ធបម្រុង DivockOrigi របស់ Liverpool បានកាត់សេចក្តីការប្រកួតរវាងក្រុមស្ថិតក្នុងតំបន់ Merseyside តែមួយ និងបានជួយឱ្យក្រុមរបស់លោក Jurgen Klopp រក្សាការដេញតាមពីក្រោយក្រុម Manchester City យ៉ាងប្រកៀកនៅលើតារាងក្របខ័ណ្ឌ Premier League កាលពីថ្ងៃអាទិត្យ។

ការដណ្តើមបានជ័យជម្នះក្នុងលទ្ធផល 1-0 បានជួយឱ្យក្រុម Liverpool បន្តការមិនស្គាល់ចាញ់ក្នុងការប្រកួតរវាងក្រុមស្ថិតក្នុងតំបន់ Merseyside នៃក្របខ័ណ្ឌ Premier League រហូតដល់ទៅ 16ប្រកួត បើទោះបីគ្រាប់បាល់ឈ្នះនោះបានបង្កើតឱ្យមានការរំភើបដ៏មិននឹកស្មានដល់។ ស្របពេលជាមួយគ្នានេះ លោក Klopp បានសុំការអភ័យទោសសម្រាប់ការរត់ទៅកាន់ទីលានប្រកួតក្នុងអារម្មណ៍ដ៏រំភើបរីករាយ ក្រោយពីគ្រាប់បាល់ឈ្នះនៅជិតបញ្ចប់ការប្រកួតរបស់ Liverpool នាកីឡដ្ឋាន Anfield។

លោក Klopp បានប្រាប់ទូរទស្សន៍ Sky Sports ថា៖ «ខ្ញុំត្រូវតែសុំការអភ័យទោស ពីព្រោះខ្ញុំមិនចង់គ្មានការគោរពឡើយ ប៉ុន្តែ ខ្ញុំមិនអាចបញ្ឈប់ខ្លួនឯងបានទេ…វាបានកើតឡើងដោយក្ដីរំភើប ការប្រកួតនោះមានភាពស្វិតស្វាញដ៏មិនគួរឱ្យជឿ…ក្រុមទាំង2 មានឱកាសដូចគ្នា អ្នកចាំទីទាំង 2ក្រុម បានបំពេញតួនាទីយ៉ាងល្អ។ ទីបំផុត វាបានក្លាយជាគ្រាប់បាល់ដ៏ចម្លែកមួយ»។

ការប្រកួតនេះហាក់ដូចជាត្រូវបញ្ចប់ក្នុងលទ្ធផលស្មើ 0-0 ទៅហើយ រហូតដល់នាទីទី96 ដែលនៅពេលនោះ Virgil van Dijk បានស៊ុតបាល់សំដៅទីរបស់ក្រុម Everton ខណៈដែលបាល់នោះហាក់នឹងត្រូវហោះឡើងទៅលើ។ ប៉ុន្តែ អ្នកចាំទី Jordan Pickford របស់ក្រុម Everton បានប៉ាន់ស្មានខុស ហើយស្របពេលដែលបាល់ហាក់ដូចជាត្រូវប៉ះទៅនឹងរបារទី អ្នកចាំទីរបស់អង់គ្លេសរូបនេះ បានរុញបាល់ចេញ និងមកធ្លាក់ចំក្បាលរបស់ DivockOrigi ដែលបានតែតចូលបំប៉ោងសំណាញ់ទីយ៉ាងងាយ ដើម្បីជួយឱ្យក្រុមរបស់គេទទួលជ័យជម្នះ 1-0 កាលពីថ្ងៃអាទិត្យតែម្តង៕

ប្រភព៖ Sport24

December 4, 2018

Wilder ការពារខ្សែក្រវាត់ទម្ងន់ធ្ងន់របស់ខ្លួន ក្រោយពីស្មើពិន្ទុជាមួយនឹង Fury

កីឡាករ Deontay Wilder និង Tyson Fury បានបញ្ចប់ក្នុងលទ្ធផលស្មើដ៏ចម្រូងចម្រាសក្នុងការប្រកួតដណ្តើមខ្សែក្រវាត់ WBC ទម្ងន់ធ្ងន់របស់ពួកគេ កាលពីថ្ងៃសៅរ៍ដែលនាំឱ្យមានការទាមទារភ្លាមៗពីកីឡាករទាំង2 ឱ្យមានការប្រកួតសងសឹក។

Wilder ដែលបានការពារខ្សែក្រវាត់ WBC របស់ខ្លួន ក្រោយពីការប្រកួត 12ទឹកនោះ បានវាយឱ្យ Fury ដួលទៅលើសង្វៀនចំនួន 2លើក នៅលើសង្វៀន Staples Center ក្នុងទីក្រុង Los Angeles ប៉ុន្តែ មិនអាចយកឈ្នះដោយការវាយឱ្យគូប្រកួតសន្លប់ដូចដែលរូបគេបានសន្យាឡើយ។

ចៅក្រម 3នាក់ បានផ្តល់ពិន្ទុ 3ផ្សេងគ្នា ដោយចៅក្រមទី1 បានផ្តល់ពិន្ទុឈ្នះ 115-111 ដល់ Wilder ខណៈដែលចៅក្រមម្នាក់ទៀតបានផ្តល់ពិន្ទុឈ្នះ 114-112 ដល់ Fury ហើយចៅក្រមទី3 បានផ្តល់ពិន្ទុស្មើ 113-113។ ប៉ុន្តែ ការផ្តល់ពិន្ទុនេះ បានផ្តល់នូវការរិះគន់ផ្សេងៗ ខណៈដែលមនុស្សជាច្រើនបានគិតថា Fury គួរតែទទួលបានជ័យជម្នះ។

Wilder បាននិយាយបន្ទាប់ពីការប្រកួតថា៖ «ខ្ញុំគិតថា ខ្ញុំបានឈ្នះការប្រកួតនេះ ក្រោយពីបានផ្តួលគូប្រកួតឱ្យដួល 2លើក។ យើងបានបង្ហាញពីស្មារតីប្រកួតនៅរាត្រីនេះថា យើងសុទ្ធសឹងជាអ្នកប្រយុទ្ធដូចគ្នា ប៉ុន្តែជាមួយនឹងការវាយឱ្យដួល 2លើក ខ្ញុំបានឈ្នះការប្រកួតនោះ»។

Wilder ដែលនៅតែរក្សាការមិនស្គាល់ចាញ់ក្រោយពីការប្រកួត 41លើកនោះ បានអំពាវនាវឱ្យមានការប្រកួតសងសឹកភ្លាម។ Wilder បានបញ្ជាក់ថា៖ «ខ្ញុំនឹងពេញចិត្តក្នុងការរៀបចំឱ្យមានការប្រកួតសងសឹក សូមផ្តល់ឱ្យអ្នកគាំទ្រនូវអ្វីដែលពួកគេចង់ឃើញ វាគឺជាការប្រកួតដ៏អស្ចារ្យមួយ អ៊ីចឹងត្រូវរៀបចំឱ្យមានការប្រកួតម្តងទៀត»៕

ប្រភពពី៖ The Guardian

December 4, 2018

ជម្រើសកាន់តែច្រើនសម្រាប់ភាពរីកចម្រើនរបស់លោកអ្នកជាមួយគណនីបញ្ញើមានកាលកំណត់

ភ្នំពេញ៖ ប្រាសាក់ ដែលជាគ្រឹះស្ថានហិរញ្ញវត្ថុធំជាងគេនៅកម្ពុជា បានបន្ថែមជម្រើសច្រើនជាងមុនចំពោះអតិថិជនប្រាក់បញ្ញើសន្សំដោយបានបន្ថែមរយៈពេលសន្សំរហូត 48ខែ និង 60ខែ នៅលើគណនីបញ្ញើមានកាលកំណត់ជាមួយអត្រាការប្រាក់ 7.75%។ បន្ថែមពីលើនេះ អតិថិជននឹងទទួលបានអត្រាការប្រាក់រហូតដល់ 8% ក្នុងមួយឆ្នាំ ក្នុងរយៈពេលប្រូម៉ូសិន។

សូមបញ្ជាក់ថា រយៈពេលសម្រាប់គណនីបញ្ញើមានកាលកំណត់របស់ប្រាសាក់ គឺចាប់ពី 1ខែ រហូតដល់ 60ខែ ដោយផ្ដល់នូវផលចំណេញខ្ពស់ចំពោះអតិថិជនគ្រប់ប្រភេទទៅតាមលំហូរសាច់ប្រាក់។

លោក សាយ សូនី នាយកប្រតិបត្តិគ្រប់គ្រងទីផ្សាររបស់ប្រាសាក់ បានមានប្រសាសន៍ថា៖ «ប្រាសាក់ផ្ដល់ជូនរយៈពេលសន្សំកាន់តែយូរសម្រាប់គណនីបញ្ញើមានកាលកំណត់ ដើម្បីឆ្លើយតបទៅនឹងតម្រូវការរបស់អតិថិជនដែលត្រូវការវិនិយោគរយៈពេលវែងជាមួយប្រាសាក់។ គណនីបញ្ញើមានកាលកំណត់របស់ប្រាសាក់ មិនតែផ្ដល់អត្រាការប្រាក់ខ្ពស់ប៉ុណ្ណោះទេ ប៉ុន្តែថែមទាំងទទួលបាននូវសុវត្ថិភាព ព្រមទាំងចូលរួមចំណែកជំរុញកំណើនសេដ្ឋកិច្ចជាតិ តាមរយៈការផ្តល់ជាប្រភពទុនដល់ប្រជាជន ឬ អាជីវកម្មដែលជួបនឹងការកង្វះទុនបង្វិល»។

តាងនាមឱ្យថ្នាក់គ្រប់គ្រងនិងបុគ្គលិកប្រាសាក់ លោកក៏បានថ្លែងអំណរគុណចំពោះអតិថិជនប្រាក់បញ្ញើសន្សំទាំងអស់ ដែលតែងតែគាំទ្រ ជឿជាក់ និងប្រើប្រាស់សេវាប្រាសាក់។ លោកអះអាងបញ្ជាក់ថា ការដាក់សន្សំនៅប្រាសាក់ជាជម្រើសដ៏ឆ្លាតវៃ ពីព្រោះប្រាសាក់ផ្ដល់ជូនអត្រាការប្រាក់ខ្ពស់ សុវត្ថិភាព និងទំនុកចិត្ត។

តារាងរយៈពេល និងអត្រាការប្រាក់ នៃគណនីបញ្ញើមានកាលកំណត់៖

December 4, 2018

ចំណេញទ្វេដង!! ទិញ Galaxy Note 9 ថែមជូន Galaxy J2 prime ភ្លាមៗ

ទិញ1 បានដល់ទៅ 2 រកណាបាន !!!

បន្តាប់ពីប្រម៉ូសិនចាស់បានកន្លងផុតទៅ ប្រម៉ូសិនថ្មីក៏បានមកដល់ ហើយកាន់តែពិសេស និងអស្ចារ្យជាងមុនទៅទៀត! គឺជាការផ្តល់ជូនដែលមិនធ្លាប់មានពីមុនមកពីកំពូលស្មាតហ្វូន Galaxy Note 9!

រាល់ការជាវ Samsung Galaxy Note 9 មួយគ្រឿង លោកអ្នកនឹងទទួលបានទូរស័ព្ទ 1គ្រឿងទៀតដោយឥតគិតថ្លៃ គឺទូរស័ព្ទ Galaxy J2 prime ថ្មីសន្លាងភ្លាម។ ប្រម៉ូសិនដែលមិនធ្លាប់មាននេះ មានសពុលភាពត្រឹមតែ 1ខែតែប៉ុណ្តោះ ចាប់ពីថ្ងៃទី 01 ខែធ្នូ ដល់ថ្ងៃទី 31 ខែធ្នូ ឆ្នាំ2018។ អីចឹងនៅគិតអីច្រើនទៀតតិចទិញមិនទាន់គេ!

គួររំលឹកផងដែរថា Samsung Galaxy Note 9 ដែលមានរ៉េម 8GB និងមេម៉ូរី 512GB គឺមានជម្រើស 2ពណ៌សម្រាប់ជ្រើសរើសគឺពណ៌ខៀវ និងពណ៌ខ្មៅ ក្នុងតម្លៃត្រឹមតែ $1,159 ហើយសម្រាប់ Samsung Galaxy Note9 ដែលមានរ៉េម 6GB និងមេម៉ូរី 128GBវិញគឺមានជម្រើស 3ពណ៌ដ៏ទាក់ទាញគឺពណ៌ខៀវ ពណ៌ទង់ដែង និងពណ៌ខ្មៅហើយតម្លៃត្រឹមតែ $929 ប៉ុណ្ណោះ។

សូមកុំឱ្យឱកាសដ៏ល្អ កម្ររមាននេះកន្លងផុតទៀតឲ្យសោះព្រោះប្រម៉ូសិនដ៏អស្ចារ្យនេះមានរយៈពេលត្រឹមតែមួយខែប៉ុណ្ណោះ!!

ព័ត៌មានលម្អិតសូមទំនាក់ទំនងទៅកាន់ទូរស័ព្ទ៖ 1800 203 232 ឫអញ្ជើញមកសាកសួរព័ត៌ដោយផ្ទាល់នៅតាមបណ្តាហាងទំនើបសាមសុង និងដេប៉ូចែកចាយដែលនៅជិតលោកអ្នកបំផុត៕

December 3, 2018

អេ អឹម ខេ វឌ្ឍនភាព 15ឆ្នាំ

ភ្នំពេញ៖ អេ អឹម ខេ អបអរសាទរខួប 15ឆ្នាំនៃវឌ្ឍនភាព នៅលើទឹកដីអឆ្ឆរិយអង្គរកាលពីថ្ងៃទី30 វិច្ឆិកា 2018។ ក្នុងរយៈពេល15 ឆ្នាំនេះ អេ អឹម ខេ បានសម្រេចលទ្ធផលគួរជាទីមោទនតាមរយៈការផ្តល់សេវាហិរញ្ញវត្ថុសមស្រប និងឋិតថេរពិសេសដល់ប្រជាពលរដ្ឋរស់នៅតំបន់ជនបទដាច់ស្រយាល។

ពិធីអបអរសាទរនេះ ត្រូវបានប្រារពធ្វើឡើងជាមួយគ្នា នឹងកិច្ចប្រជុំថ្នាក់គ្រប់គ្រងប្រចាំឆ្នាំនៅសណ្ឋាគារសុខា ខេត្តសៀមរាប។

អេ អឹម ខេ វិវត្តមកពីកម្មវិធីឥណទានខ្នាតតូចរបស់អង្គការ Concern Worldwide នៅក្នុងទសវត្សរ៍ឆ្នាំ1990។ ដោយសារប្រតិបតិ្តការមានការរីកចម្រើនក្នុងឆ្នាំ 2002 អង្គការ Concern បានបង្កើតក្រុមហ៊ុនមីក្រូហិរញ្ញវត្ថុ ដាច់ដោយឡែកមួយ គឺ អេ អឹម ខេ ។

នៅឆ្នាំ 2003 អេ អឹម ខេ បានធ្វើប្រតិបតិ្តការដោយឯករាជ្យពីអង្គការ Concern ហើយ បន្ទាប់មកទទួលបានអាជា្ញប័ណ្ណពីធនាគារជាតិនៃកម្ពុជានៅឆ្នាំ 2004។ បច្ចុប្បន្ន អេ អឹម ខេ បានក្លាយជាគ្រឹះស្ថានមីក្រូហិរញ្ញវត្ថុដែលឈានមុខគេមួយក្នុងចំណោមគ្រឹះស្ថានមីក្រូហិរញ្ញវត្ថុធំៗនៅប្រទេសកម្ពុជា។

ពីមួយឆ្នាំទៅមួយឆ្នាំ អេ អឹម ខេ តែងតែអភិវឌ្ឍខ្លួនឥតឈប់ឈរ ដោយធ្វើការកែលម្អផលិតផល និងសេវាហិរញ្ញវត្ថុ និងវិនិយោគលើបច្ចេកវិទ្យាថ្មីៗ ជាប្រចាំដែលមានលក្ខណៈបត់បែន និងសម្បូរបែប ដើម្បីបំពេញតម្រូវការអតិថិជនរបស់យើង ជាពិសេសដើម្បីដើរឱ្យទាន់ការរីកចម្រើននៃការប្រើប្រាស់បច្ចេកវិទ្យាចុងក្រោយរបស់សកលលោក។

ថ្លែងនៅក្នុងពិធីអបអរសាទរ និងកិច្ចប្រជុំថ្នាក់គ្រប់គ្រង លោក គា បូរាណ ប្រធាននាយកប្រតិបត្តិ អេ អឹម ខេ បានមានប្រសាសន៍ថា “ រយៈពេល 15ឆ្នាំនេះ អេ អឹម ខេ មានការរីកចម្រើនគួរឱ្យកត់សម្គាល់។ ជាក់ស្តែងនៅក្នុងឆ្នាំ2010 អេ អឹម ខេ យើងបានទទួលអជ្ញាប័ណ្ណប្រាក់សន្សំពីធនាគារជាតិនៃកម្ពុជា។ ក្នុងឆ្នាំ2011 អេ អឹម ខេ ដាក់ដំណើរការសេវាផ្ទេរប្រាក់ទូទាំងប្រទេស និងឆ្នាំ2013 យើងដាក់ឱ្យដំណើរការម៉ាស៊ីនដកប្រាក់ និងដាក់ប្រាក់ដោយស្វ័យប្រវត្តិ (ATM/CDM)។ អ្វីដែលសំខាន់ទៀតនោះ យើងទើបតែផ្លាស់ប្តូរប្រព័ន្ធធនាគារស្នូល T24 បានជោគជ័យ ដោយប្រព័ន្ធថ្មីនេះ ធ្វើឱ្យការងាររបស់យើងកាន់តែមានប្រសិទ្ធភាពជាងមុន។

លោកប្រធាននាយកប្រតិបត្តិ បានឱ្យដឹងដែរថា បើយើងក្រឡេកមើលទិន្នន័យហិរញ្ញវត្ថុរបស់យើង គឺគិតត្រឹមខែតុលា ឆ្នាំ2018នេះ អេ អឹម ខេ សម្រេចបានលទ្ធផលគួរ ឱ្យកត់សម្គាល់។

ចំនួនបុគ្គលិករបស់យើងកើនឡើងដល់ជាង 2,700នាក់ អតិថិជនចំនួនជាង 84ម៉ឺននាក់ ជាមួយនឹងផលប័ត្រប្រាក់កម្ចីជាង 247 លានដុល្លារអាមេរិក និងប្រាក់បញ្ញើជាង 146លានដុល្លារអាមេរិក មានការិយាល័យប្រតិបត្តិការចំនួន 150កន្លែង និងមានភ្នាក់ងារជាង 3500 កន្លែងនៅទូទាំងប្រទេស។

លោក គា បូរាណ លើកឡើងយ៉ាងដូច្នេះថា “លទ្ធផលទាំងនេះនឹងមិនអាចកើតមានទេ ប្រសិនបើមិនមានការចូលរួមពីបុគ្គលិក អេ អឹម ខេ គ្រប់ជាន់ថ្នាក់។ ការរីកចម្រើននេះ គឺដោយសារតែបុគ្គលិក អេ អឹម ខេ មានការតាំងចិត្តខ្ពស់ និងបានចូលរួមយ៉ាងសកម្មគ្រប់សកម្មភាព។

លោកប្រធាននាយកប្រតិបត្តិបានថ្លែងអំណរគុណយ៉ាងជ្រាលជ្រៅចំពោះបុគ្គលិកទាំងអស់ ដែលបានបំពេញកាតព្វកិច្ចបានយ៉ាងល្អក្នុងការបំពេញបេសកកម្មរបស់ខ្លួន ដោយមិនគិតពីពេលវេលា និងកំលាំងកាយចិត្តក្នុងរយៈពេលពេញ 15ឆ្នាំមកនេះ ដែលបានជួយឱ្យ អេ អឹម ខេ ទទួលបានជោគជ័យយ៉ាងត្រចះត្រចង់គួជាទីគាប់ចិត្ត។

គួបញ្ជាក់ផងដែរថា អេ អឹម ខេ គឺជាគ្រឹះស្ថានដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ អេ អឹម ខេ មានផលិតផល និងសេវាកម្មជាច្រើនកំពុងផ្តល់ជូនអតិថិជនដូចជា៖ សេវាប្រាក់កម្ចី ប្រាក់សន្សំ ផ្ទេរប្រាក់ក្នុង និងក្រៅប្រទេស សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)៕

December 3, 2018

អបអរសាទរគម្រប់ខួប 100ឆ្នាំនាឡិកា MIDO

មជ្ឈមណ្ឌលនាឡិកាស្វ៊ីស និងជប៉ុន រួមជាមួយនឹងក្រុមហ៊ុននាឡិកា MIDO បានប្រារព្ធពិធីអបអរសាទរគម្រប់ខួប 100ឆ្នាំរបស់នាឡិកា MIDO ដែលមានឈ្មោះថា “MIDO 100th Anniversary” កាលពីថ្ងៃទី26-27 ខែវិច្ឆិកា ឆ្នាំ2018 កន្លងទៅនៅផ្សារទំនើប អ៊ីអន ម៉ល សែនសុខ ដើម្បីអបអរសាទរវត្តមានរបស់នាឡិកាស្វ៊ីស MIDO នៅលើទីផ្សារពិភពលោកអស់រយៈពេល 100ឆ្នាំយ៉ាងជោគជ័យ និងទទួលបានការគាំទ្រជាខ្លាំងពីសំណាក់អតិថិជនគ្រប់ជាតិសាសន៍ និងគ្រប់វ័យ។

នៅក្នុងកម្មវិធីដ៏រីករាយនោះដែរ ក៏មានវត្តមានភ្ញៀវជាតិ និងអន្តរជាតិជាច្រើនចូលរួម និងអបអរសាទរ ដែលរួមមានទាំងថ្នាក់ដឹកនាំរបស់មជ្ឈមណ្ឌលនាឡិកាស្វ៊ីស និងជប៉ុនប្រចាំប្រទេសកម្ពុជា លោក គួច ណាវ លោកស្រី គួច ណាវី ព្រមទាំងថ្នាក់ដឹកនាំសំខាន់ៗជាច្រើនទៀត និងតំណាងមកពីក្រុមហ៊ុននាឡិកា MIDO ប្រទេសស្វ៊ីស លោក Pjillippe Antille ផងដែរ។

ក្រៅពីនោះក៏មានវត្តមានអ្នកសាព័ត៌មានជាតិ និងអន្តរជាតិចូលរួមយ៉ាងច្រើនកុះករ និងមានការដើរបង្ហាញម៉ូដពីសំណាក់តារាបង្ហាញម៉ូដដ៏ស្រស់សោភា និងស្រស់សង្ហាដែលបង្ហាញពីម៉ូដនាឡិកាម៉ូដែលថ្មីរបស់ក្រុមហ៊ុននាឡិកា MIDO និងមានការសម្តែងជាច្រើន រួមទាំងមានវត្តមានតំណាងចែកចាយដុំ និងរាយរបស់នាឡិកា MIDOនៅកម្ពុជា និងអតិថិជនរបស់នាឡិកា MIDOជាច្រើនរូបដែលធ្វើឱ្យកម្មវិធីទាំងមូលមានភាពអធិកអធមក្រៃលែង។

នៅថ្ងៃទី26 ខែវិច្ឆិកានោះផងដែរ ថ្នាក់ដឹកនាំនៃមជ្ឈមណ្ឌលនាឡិកាស្វ៊ីស និងជប៉ុនក៏បានរៀបចំកម្មវិធីកាត់នំ Cake អបអរសាទរថ្ងៃគ្រប់ខួប 100ឆ្នាំរបស់នាឡិកាស្វ៊ីស MIDO ជាផ្លូវការនៅក្នុងប្រទេសកម្ពុជា ដែលកម្មវិធីនេះត្រូវបានធ្វើឡើងនៅទូទាំងពិភពលោកក្នុងបណ្តាប្រទេសដែលមានលក់នាឡិកាMIDO ផងដែរ៕

December 1, 2018

ណាហ្គាវើលដ៍ ផ្តល់ជូនសន្ធឹកសន្ធាប់នាឱកាសចុងឆ្នាំ!

“រីករាយបុណ្យណូអែល និងសួស្តីឆ្នាំថ្មី!” ប្រារព្ធឱកាសដ៏ពិសេសនេះនៅណាហ្គាវើលដ៍ និងទទួលបាននូវការបញ្ចុះតម្លៃសន្ធឹកសន្ធាប់ និងទស្សនាការសម្តែងលំដាប់ពិភពលោកដោយផ្ទាល់ដោយសេរី។

ចាប់ពីថ្ងៃទី 24 ខែវិច្ឆិកា រហូតដល់ចុងឆ្នាំ លោកអ្នកនឹងទទួលបានកាដូណូអែលដ៏ស្រស់ស្អាតមួយឥតគិតថ្លៃ! វាជាតុក្កតារូបក្តាន់ដែលផ្តល់ជូនរហូតអស់ពីស្តុកដោយលោកអ្នកត្រូវចំណាយ 50ដុល្លារ ឬច្រើនជាងនេះក្នុងវិក្កយបត្រមួយនៅភោជនីយដ្ឋានណាមួយរបស់ណាហ្គាវើលដ៍ ឬទិញកញ្ចប់ស្នាក់នៅ Silver ឬ Gold នៅសណ្ឋាគារណាហ្គាវើលដ៍ ។

ក្នុងឱកាសចុងឆ្នាំដ៏ពិសេសនេះ ណាហ្គាវើលដ៍ នឹងមានការតុបតែងដ៏ទាក់ទាញ រួមមាន ដើមឈើណូអែលដែលមានពន្លឺចែងចាំងដ៏ស្រស់ប្លែក ហើយពុកម៉ែបងប្អូន ក៏អាចជាវនំ នំស្រួយ និងស្ករណូអែលដែលមានដាក់លក់នៅសាលទទួលភ្ញៀវណាហ្គាវើលដ៍ និងនៅភោជនីយដ្ឋានក្រោមដី Food Pavilion នៅណាហ្គាទី2 រៀងរាល់ថ្ងៃផងដែរ ។

ក្រោមបរិយាកាសដ៏សែនមនោរម្យនាពេលល្ងាច ពុកម៉ែបងប្អូនអាចមកទស្សនាការសម្តែងអបអរបុណ្យណូអែល ដោយសេរីនៅសាលមហោស្រព NABA នៅណាហ្គាទី2 ចាប់ពីម៉ោង 8យប់ ពីរៀងរាល់ថ្ងៃព្រហស្បតិ៍ដល់អាទិត្យ ចាប់ផ្តើមពីថ្ងៃទី 1 ខែធ្នូ តទៅ ។

វាជាការសម្តែងលំដាប់ពិភពលោករយៈពេល 45នាទី នៅក្នុងសាលមហោស្រពបច្ចេកវិទ្យាវីដេអូ Mapping ដំបូងគេបង្អស់នៅកម្ពុជាដែលផ្តល់ជូនដោយសិល្បករ-សិល្បការិនីអន្តរជាតិ និងស័ក្តិសមបំផុតសម្រាប់ទាំងកុមារ និងមនុស្សពេញវ័យ ។ សំបុត្រផ្តល់ជូនឥតគិតថ្លៃនៅណាហ្គាវើលដ៍ ។ ពុកម៉ែបងប្អូនអាចមកនៅម៉ោង 7:30យប់ និងថតរូបជាមួយតាណូអែលនៅមុនការសម្តែង និងលេងជាមួយព្រិលនៅច្រកចូលបន្ទាប់ពីទស្សនាការសម្តែងផងដែរ។

សូមនាំក្រុមគ្រួសារ និងមិត្តភ័ក្តិមកភ្លក្សម្ហូបកំពូលរសជាតិ ដូចជា មាន់ទួគីញាត់គ្រាប់កៅឡាក់ ឬនំផ្លែឈើណូអែលចំហុយដែលមានដាក់លក់នៅភោជនីយដ្ឋានអ៊ីតាលីប្រណីត Bistro Romano ពីថ្ងៃទី 17 ដល់ 25 ធ្នូ ។ ជម្រើសមួយទៀត ពុកម៉ែបងប្អូនអាចមកពិសាអាហារឈុតពិសេសពេលល្ងាច 4 មុខនៅថ្ងៃទី 24 ខែធ្នូ និង 31 ខែធ្នូ នៅភោជនីយដ្ឋានប្រណីតបារាំង Le Gourmet ក៏បាន។ សម្រាប់អ្នកដែលចូលចិត្តអាហារប៊ុហ្វេ ណាហ្គាវើលដ៍មានផ្តល់ជូនម្ហូបពិសេសបន្ថែមនៅថ្ងៃទី 24, 25 និង 31 ធ្នូ នៅភោជនីយដ្ឋានប្រណីត 2Pangea ដែលជាភោជនីយដ្ឋានឈ្នះពានរង្វាន់លំដាប់ពិភពលោកឆ្នាំ 2018 ដែល 2 នាក់ចំណាយ 39ដុល្លារប៉ុណ្ណោះ ។ ដើម្បីទាក់ចិត្តអ្នកជាទីស្រឡាញ់របស់អ្នក អ្នកក៏អាចកក់អាហារពេលល្ងាចពិសេសនៅល្ងាចឆ្លងឆ្នាំផងដែរនៅភោជនីយដ្ឋានប្រណីតចិន Hall of Golden Chimes ខណៈអ្នកអាចទស្សនាទេសភាពដ៏ស្រស់ស្អាតនៃការបាញ់កាំជ្រួចផងដែរ ។

ដើម្បីចូលរួមស្វាគមន៍ឆ្នាំថ្មីដែលជាឆ្នាំមហាមង្គល សូមអញ្ជើញចូលរួមកម្សាន្តនៅក្នុងមហាព្រឹត្តិការណ៍តន្ត្រីឆ្លងឆ្នាំដ៏កក្រើកនៅសួនច្បារសម្តេច ហ៊ុន សែន នៅមុខណាហ្គាវើលដ៍ដែលចូលរួមសម្តែងដោយកំពូលតារាចម្រៀងជួរមុខប្រចាំព្រះរាជាណាចក្រកម្ពុជា និងអន្តរជាតិជាច្រើនរូប ចាប់ពីម៉ោង 10យប់នៅថ្ងៃទី 31 ធ្នូ! ទស្សនាដោយសេរី! ចូលរួមរាប់ថយក្រោយ និងស្វាគមន៍ឆ្នាំថ្មីនៅណាហ្គាវើលដ៍៕

December 1, 2018

Liverpool សម្លឹងការស្តារមុខមាត់ក្នុងជំនួបរវាងក្រុមស្ថិតក្នុងទីក្រុងតែ1

លោក Jurgen Klopp ត្រូវតែប្រមូលស្មារតីដែលបានបែកបាករបស់ក្រុម Liverpool ត្រឡប់មកវិញ ខណៈដែលក្រុមហង្សក្រហមមួយនេះសម្លឹងរកការស្តារមុខមាត់ត្រឡប់មកវិញ ពីការខកចិត្តក្នុងក្របខ័ណ្ឌអឺរ៉ុបរបស់ពួកគេ ក្នុងការប្រកួតដ៏សំខាន់រវាងក្រុមស្ថិតក្នុងទីក្រុង Merseyside គឺ Everton នៅថ្ងៃអាទិត្យនេះ។

លោក Marco Silva នឹងដឹកនាំក្រុម Everon ទៅកាន់កីឡដ្ឋាន Anfield ខណៈដែលក្រុមមានឯកសណ្ឋានពណ៌ខៀវ នឹងសម្លឹងរកជ័យជម្នះជាលើកទី1 របស់ពួកគេ នៅលើទឹកដីអ្នកជិតខាងរបស់ខ្លួន បើគិតចាប់តាំងពីឆ្នាំ1999។

Everton នឹងឈានទៅកាន់ការប្រកួតនៅចុងសប្តាហ៍នេះ ដោយស្ថិតក្នុងចំណាត់ថ្នាក់លេខ៦ នៅលើតារាងក្របខ័ណ្ឌ Premier League ក្រោយពីដណ្តើមបានជ័យជម្នះ5លើក និងរងបរាជ័យត្រឹមតែ1លើកគត់ ក្នុងការប្រកួត៧លើកចុងក្រោយរបស់ពួកគេ។

សុទិដ្ឋិនិយមរបស់ពួកគេមានភាពផ្ទុយគ្នាស្រឡះទៅនឹងសញ្ញានៃការជួបបញ្ហាជាលើកទី១ក្នុងក្រុមរបស់លោក Klopp នៅរដូវកាលនេះ។ ស្របពេលដែលក្រុម Liverpool នៅតែមិនស្គាល់ចាញ់សោះក្នុងការប្រកួតលីក និងកំពុងតែដេញតាមពីក្រោយក្រុម Manchester City 2ពិន្ទុ នៅមុនពេលការប្រកួតនៅចុងសប្តាហ៍នេះ ការរងបរាជ័យក្រៅដីជាប់ៗគ្នាក្នុងក្របខ័ណ្ឌ Champions League វគ្គចែកពូលរបស់ពួកគេនៅលើទឹកដីក្រុម Red Star Belgrade និង Paris Saint-Germain បានបង្កើតឲ្យមានសំណួរទាក់នឹងសក្កានុពលនៃការប្រជែងពានរបស់ពួកគេ។

Roberto Firmino គឺជាសមាជិកចុងក្រោយនៃតំបន់ប្រយុទ្ធដ៏មុតស្រួចកាលពីរដូវកាលមុនរបស់ Liverpool ដែលធ្លាក់ចូលក្នុងការរិះគន់ ក្រោយពីចាញក្រុម PSG 2-1 កាលពីថ្ងៃពុធ ដែលធ្វើឲ្យពួកគេប្រឈមុខនឹងការប្រកួតជុំចុងក្រោយដ៏សំខាន់ជាមួយនឹង Napoli ខណៈពួកគេសម្លឹងរកការឈ្នះកៅអីទៅវគ្គបន្ត។ ការប្រកួតនេះនឹងចាប់ផ្តើមនៅម៉ោង11:15យប់៕

ប្រភពពី៖ Channel News Asia

December 1, 2018

Author: វល័ក្ខ