វល័ក្ខ - La Reine Media

កម្មវិធីលក់ប្រចាំឆ្នាំដ៏អស្ចារ្យ ពី LG Brand Shop

ដើម្បីចូលរួមអបអរសារទរនៅក្នុងរដូវកាលបុណ្យ ណូអែល និង ឆ្លងឆ្នាំសកល ឆ្នាំ 2019 នាពេលខាងមុខនេះ ហាងលក់ គ្រឿងអេឡិចត្រូចនិច LG Brand Shop បានរៀបចំនូវកម្មវិធី លក់ជូនយ៉ាងពិសេសបំផុតប្រចាំឆ្នាំដែលពុំធ្លាប់មានពីមុន ដល់អតិថិជនទាំងអស់គ្នា នោះគឺ បញ្ចុះតម្លៃយ៉ាងពិសេសព្រមទាំងទទួលបានកាបូបដាក់អីវ៉ាន LG ដ៏ស្រស់ស្អាតភ្លាមៗ សំរាប់រាល់ការជាវគ្រប់មុខទំនិញណាមួយពីហាងលក់គ្រឿងអេឡិចត្រូចនិច LG Brand Shop ។

ឪកាសលក់ពិសេសនេះ នឹងផ្តើមពីថ្ងៃទី 20 ដល់់ថ្ងៃទី 31 ខែ ធ្នូ ឆ្នាំ 2018 ខាងមុខនេះ ។ ហើយកម្មវិធីប្រូម៉ូសិនពិសេសនេះសុទ្ធសឹងតែជាផលិតផលស៊េរីថ្មី ទំនើបទាន់សម័យ និងកំពុងតែមានការពេញនិយមខ្លាំងនៅលើទីផ្សារ មានដូចជា ទូរទស្សន៍ ទូរទឹកកក ម៉ាស៊ីនត្រជាក់ ម៉ាស៊ីនបោកសំលៀកបំពាក់ ឧបករណ៍បំពង និង ឧបករណ៏ប្រើបាស់ ជាច្រើនផ្សេងទៀត។

សូមប្រញាប់ឡើងកុំអោយឪកាលដ៏ពិសេសនេះ កន្លងផុតទៅ អតិថិជនទាំងអស់អាច មកទស្សនាការដាក់តាំងផលិតផល និងទទួលយកនៅកម្មវិធីពិសេសដ៏អស្ចារ្យនេះ នៅគ្រប់សាខា LG Brand Shop រាជធានីភ្នំពេញ ខេត្តសៀមរាប ខេត្តបាត់ដំបង ខេត្តកំពង់ចាម ក្រុងព្រះសីហនុ ។

ព័ត៌មានបន្ថែមសូមសូមទំនាក់ទំនងមកកាន់លេខ 023 888 299

LG BrandShop ទំនិញមានគុណភាព តំលៃសមរម្យ សេវាកម្មល្អ ។

December 18, 2018

ស្រាបៀរថៃហ្គ័របានរៀបចំកម្មវិធីជូនដំណើរគូស្វាមីភរិយាថ្មីទៅប្រទេសជប៉ុន

នៅព្រឹកថ្ងៃទី ១៤ ខែធ្នូ ឆ្នាំ ២០១៨ ស្រាបៀរថៃហ្គ័របានរៀបចំកម្មវិធីជូនដំណើរគូស្វាមីភរិយាថ្មីចំនួន ១៥គូ នៅឯព្រលានយន្តហោះអន្តរជាតិភ្នំពេញ ដោយមានការចូលរួមជូនដំណើរពិសេសពីក្រុមការងារស្រាបៀរថៃហ្គ័រ និងក្រុមការងារពិសេសសម្រាប់ជួយសម្រួលដល់ដំណើរកម្សាន្តក្រេបទឹកឃ្មុំលំដាប់ខ្ពស់ទៅកាន់ប្រទេសជប៉ុន ។

ដំណើរកម្សាន្តក្រេបទឹកឃ្មុំលំដាប់ខ្ពស់ VIP ទៅកាន់ប្រទេសជប៉ុនជាពិសេស បានផ្តល់ជូនការស្នាក់នៅសណ្ឋាគារលំដាប់ផ្កាយ៤ គឺសណ្ឋាគារ Mystays Premier Hotel និងសណ្ឋាគារ Grand Nikko Tokyo Daiba ដំណើរកម្សាន្តទៅកាន់តំបន់រមណីយដ្ឋាន និងតំបន់ប្រវត្តិសាស្ត្រល្បីៗនៅលើកោះហុកកៃដូដូចជាប្រឡាយព្រែកជីកអូតារូ (Otaru Canal) ហាង Kitaichi Glass outlet សារមន្ទីរតន្ត្រីអូតារូ (Otaru Music Box Museum) តំបន់រមណីយដ្ឋានជិះស្គីអន្តរជាតិ សាផូរ៉ូ (Sapporo International Ski Resort) ឧទ្យាន Shiroi Koibito ផ្សារទំនើប Tanukikoji Shopping Street ប្រាសាទបុរាណ Asakusa និងតំបន់ផ្សារទំនើប Ginza នៅក្នុងទីក្រុងតូក្យូ រួមជាមួយទឹកប្រាក់ $1,500 និងអាហារពេលល្ងាចសម្រាប់គូស្វាមីភរិយាថ្មីចំនួនដប់ប្រាំគូ ដែលដំណើរកម្សាន្តនេះមានរយៈពេល ៥ថ្ងៃ ចាប់ពីថ្ងៃទី១៤ រហូតដល់ថ្ងៃទី១៨ ខែធ្នូ ឆ្នាំ ២០១៨ ។

ស្រាបៀរថៃហ្គ័រគឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់ច្រើនជាង ៧០ ប្រទេសដែលកំពុងទទួលបានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និង ពិភពលោក ហើយជាពិសេសជាស្រាបៀរដែលសក្ត័សមបំផុតសម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេង។

កាន់តែអស្ចារ្យសម្រាប់គម្រោងអាពាហ៍ពិពាហ៍ថ្មីក្នុងកម្មវិធីប្រូម៉ូសិនអាពាហ៍ពិពាហ៍រដូវកាលថ្មីរបស់ស្រាបៀរថៃហ្គ័រ ចាប់ពីខែតុលា ឆ្នាំ 2018 ដល់ខែកញ្ញា ឆ្នាំ 2019 រាល់ការជាវស្រាបៀរថៃហ្គ័រសម្រាប់អាពាហ៍ពិពាហ៍របស់លោកអ្នក នឹងមានឱកាសឈ្នះដំណើរកម្សាន្តក្រេបទឹកឃ្មុំនៅទីក្រុងស៊ីដនីជាមួយនឹងទឹកប្រាក់ 1,500 ដុល្លារ ចំនួន 15 រង្វាន់។ កម្មវិធីនេះចាប់ផ្តើមពីថ្ងៃនេះរហូតដល់ថ្ងៃទី 30 ខែកញ្ញា ឆ្នាំ 2019។ ចំពោះព័ត៌មានបន្ថែមសូមទំនាក់ទំនង៖ 011 222 400 និង 011 333 500។

ស្តែងចេញថ្ងៃដ៏អស្ចារ្យនៃអាពាហ៍ពិពាហ៍របស់អ្នកឈ្នះដំណើរកម្សាន្តក្រេបទឹកឃ្មុំនៅទីក្រុងស៊ីដនី។

សូមរីករាយពិសាថៃហ្គ័រដោយទទួលខុសត្រូវ។

December 18, 2018

Bayern រីករាយនឹងប៉ះ Liverpool ក្នុង ChampionsLeague វគ្គ 16ក្រុម

Bayern Munich កំពុងតែសម្លឹងឆ្ពោះទៅកាន់ការជួបការប្រកួតដ៏ស្វិតស្វាញមួយជាមួយនឹងក្រុម Liverpool ដើម្បីប្រជែងយកកៅអីទៅវគ្គ 8ក្រុមចុងក្រោយនៃក្របខ័ណ្ឌ Champions League ។ នេះបើយោងតាមការបញ្ជាក់របស់លោក Hasan Salihamidzic ប្រធានផ្នែកកីឡារបស់ក្រុមម្ចាស់ជើងឯកអាល្លឺម៉ង់មួយនេះ កាលពីថ្ងៃចន្ទ។

ក្លិបទាំង2 មានប្រវត្តិដូចគ្នាក្នុងយុទ្ធនាការនេះ តាមរយៈការឈ្នះពានប្រចាំទ្វីបអឺរ៉ុបមួយនេះចំនួន 5លើកដូចគ្នា។ Liverpool បច្ចុប្បន្នជាក្រុមកំពុងមានទម្រង់លេងយ៉ាងល្អ និងកំពុងតែឈរលើលេខ1 នៅក្នុងតារាងក្របខ័ណ្ឌ Premier League ស្របពេលដែលក្រុម Bayern Munich មិនបានស្ថិតក្នុងទម្រង់លេងដ៏ខ្លាំងរបស់ពួកគេឡើយ ក្នុងក្របខ័ណ្ឌ Bundesliga មកទល់ពេលនេះ។

ក្រោយពីការចាប់ឆ្នោតសម្រាប់វគ្គ 16ក្រុមចុងក្រោយក្នុងទីក្រុង Nyon កាលពីថ្ងៃចន្ទ លោក Salihamidzic បានឱ្យដឹងថា៖ «ពួកគេជាក្រុមខ្លាំងនៅពេលនេះ និងជាក្រុមកំពុងនាំមុខលើតារាងលីកនៅអឺរ៉ុប។ ពួកគេកំពុងតែស្ថិតក្នុងទម្រង់លេងយ៉ាងល្អ និងមានភាពរឹងមាំផ្នែករាងកាយ។ យើងកំពុងតែសម្លឹងឆ្ពោះទៅកាន់ការប្រកួតនោះ បើទោះបីវាជាការប្រកួតដ៏ស្វិតស្វាញមួយក៏ដោយ»។

ស្របពេលជាមួយគ្នានេះ ក្រុមធ្លាក់ទម្រង់លេង Manchester United របស់លោក Jose Mourinho នឹងត្រូវប៉ះជាមួយនឹងក្រុមម្ចាស់ជើងឯកបារាំង Paris Saint-Germain។ ក្រុមម្ចាស់ការពារតំណែងជើងឯក Real Madrid ត្រូវបានចាប់ឆ្នោតឱ្យជាមួយនឹងក្រុម Ajax ក្នុងការចាប់ឆ្នោតកាលពីថ្ងៃចន្ទ ក្នុងទីក្រុង Nyon ខណៈដែលក្រុមយក្សអេស្ប៉ាញមួយនេះនឹងប្រមាញ់រកការឈ្នះពានជាលើកទី5 ក្នុងរយៈពេល 6រដូវកាល ហើយ Lionel Messi និង Barcelona នឹងជួបជាមួយនឹងក្រុម Lyon។

ក្រុមដែលបានបញ្ចប់ក្នុងចំណាត់ថ្នាក់លេខ2 ក្នុងពូល នឹងធ្វើជាម្ចាស់ផ្ទះការប្រកួតជើងទី2 នាថ្ងៃទី12 ឬទី13 និងថ្ងៃទី19 ឬទី20 ខែកុម្ភៈ ខណៈដែលការប្រកួតជើងទី2 នឹងប្រព្រឹត្តទៅនៅថ្ងៃទី5 ឬទី6 និងទី12 ឬទី13 ខែឧសភា៕

ការចាប់ឆ្នោតសម្រាប់ Champions League វគ្គ១៦ក្រុមចុងក្រោយ
Schalke 04 vs Manchester City

Atletico Madrid vs Juventus

Manchester United vs Paris Saint-Germain

Tottenham Hotspur vs Borussia Dortmund

Lyon vs Barcelona

Roma vs Porto

Ajax v Real Madrid

Liverpool v Bayern Munich

December 18, 2018

Ferrari នឹងអបអរថ្ងៃគម្រប់ខួបអាយុ 50ឆ្នាំរបស់ Schumacher ជាមួយនឹងការសម្តែងបើកបរ

អតីតកីឡាករប្រណាំងរថយន្ត Formula One ដ៏ឆ្នើមគឺ Michael Schumacher នឹងត្រូវបានរំឭកដោយFerrari ជាមួយនឹងការសម្តែងដ៏ពិសេសមួយដើម្បីអបអរថ្ងៃគម្រប់អាយុ 50ឆ្នាំរបស់គេ នៅថ្ងៃទី3 ខែមករា។ នេះបើយោងតាមការប្រកាសរបស់ក្រុមអ៊ីតាលីមួយនេះ កាលពីថ្ងៃចន្ទ។

Schumacher ដែលជាម្ចាស់ជើងឯក Formule One 7សម័យកាល បានរងរបួសក្បាលយ៉ាងធ្ងន់ធ្ងរក្នុងឧប្បត្តិហេតុជិះស្គី កាលពី 5ឆ្នាំមុន និងមិនធ្លាប់បានបង្ហាញខ្លួនជាសាធារណៈទៀតឡើយចាប់តាំងពីពេលនោះមក។

កម្មវិធីដែលមានឈ្មោះថា ‘Michael 50’ មួយនេះ ដែលនឹងត្រូវរៀបចំឡើងនៅសារមន្ទីរ Ferrari ក្នុងទីក្រុង Maranello នឹងត្រូវរៀបចំឡើងដោយមានការចូលរួមពីសំណាក់អង្គការ Keep Fighting Foundation ដែលបានបង្កើតឡើងកាលពី 2ឆ្នាំមុន ដោយក្រុមគ្រួសាររបស់ Schumacher។

Ferrari បានឱ្យដឹងក្នុងសេចក្តីថ្លែងការណ៍មួយថា៖ «កម្មវិធីនេះត្រូវបានរៀបចំឡើងក្នុងគោលបំណងអបអរ និងសម្តែងនូវការដឹងគុណចំពោះអ្នកបើកបរដ៏ជោគជ័យបំផុតរូបនេះ»។ កីឡាករ Schumacher សញ្ជាតិអាល្លឺម៉ង់ បានបើកបរឱ្យក្រុមនេះចាប់ពីឆ្នាំ1996 ដល់ឆ្នាំ2006 ដោយបានឈ្នះពានពិភពលោក 5លើកក្នុងចំណោមពានទាំង 7លើករបស់គេចាប់ពីឆ្នាំ2000 ដល់ឆ្នាំ2004។

ក្រុម Ferrari ក៏បានឈ្នះពានផ្នែកបើកបរចំនួន 6លើកផងដែរ អំឡុងពេលដែលរូបគេស្ថិតនៅជាមួយនឹងក្រុមនេះ។ កម្មវិធីបើកបរសម្តែងនេះ នឹងអនុញ្ញាតឱ្យសាធារណជនបានឃើញនូវសមិទ្ធផលដែល Schumacher បានផ្តល់ឱ្យចំពោះការអភិវឌ្ឍរថយន្តនេះ ក្នុងនាមជាអ្នកបើកបរម្នាក់ និងក្រោយមកជាអ្នកផ្តល់ប្រឹក្សាម្នាក់។ នេះបើយោងទៅតាមការបញ្ជាក់របស់ក្រុម Ferrari៕

December 18, 2018

លោក Klopp កើតសរសើរ Man Utd មុនពេលជួបជាមួយ Liverpool ថ្ងៃអាទិត្យនេះ

លោក Jurgen Klopp អ្នកចាត់ការទូទៅរបស់ក្រុម Liverpool បាននិយាយថា ក្រុម Manchester United មាន «គុណភាពដ៏មិនគួរឲ្យជឿ» បើទោះបីពួកគេជួបភាពត្រដាបត្រដួសនៅរដូវកាលនេះក៏ដោយ និងបានកាតបន្ថយការខ្វល់ខ្វាយផ្សេងៗទៅលើបញ្ហារបួសកីឡាករនៃក្រុមរបស់លោក នៅមុនពេលការប្រកួតក្របខ័ណ្ឌ Premier League នៅថ្ងៃអាទិត្យនេះ។

Liverpool កំពុងតែស្ថិតក្នុងចំណាត់ថ្នាក់លេខ១នៅលើតារាងក្របខ័ណ្ឌ Premier League មុននឹងឈានទៅកាន់ការប្រកួតនៅចុងសប្តាហ៍នេះ ដោយមាន១៦ពិន្ទុនាំមុខលើក្រុមរបស់លោក Jose Mourinho ប៉ុន្តែ លោក Klopp មិនបានចាត់ទុកថា ជាចំណុចដ៏មានប្រៀបឡើយ។

គ្រូបង្វឹករូបនេះបានឲ្យដឹងកាលពីថ្ងៃសុក្រថា៖ «ខ្ញុំមិនធ្លាប់បានចាប់អារម្មណ៍ទៅលើចំណុចផ្សេងៗរបស់ Manchester United ហើយនៅថ្ងៃនេះ ខ្ញុំក៏មិនបានចាប់អារម្មណ៍ដូចគ្នា។ ខ្ញុំដឹងពីការរិះគន់ និងចំណុចផ្សេងទៀត ប៉ុន្តែ នៅពេលដែលយើងវិភាគពីពួកគេ និងបិទសំឡេង វានូវគុណភាពជាច្រើនក្នុងក្រុម»។

លោក Mourinho បានបន្ថែមទៀតថា៖ «មានល្បឿន បច្ចេកទេស ភាពខ្លាំងផ្នែករាងកាយ និងគ្រប់ចំណុចទាំងអស់។ ពួកគេនៅតែមាន David de Gea ជាអ្នកចាំទី ដែលជាអ្នកចាំទីដ៏ឆ្នើម។ ពួកគេមានខ្សែប្រយុទ្ធដែលអាចផ្លាស់ប្តូរគ្នាបានដូចជា (Marcus) Rashford, (Romelu) Lukaku, (Jesse) Lingard, (Anthony) Martial ដែលមានភាពមុតស្រួចដ៏អស្ចារ្យ»។

លោក Mourinho កំពុងតែព្យាយាមដោះស្រាយបញ្ហាក្នុងការទាញយកភាពខ្លាំងបំផុតរបស់ខ្សែបម្រើ Paul Pogba ដែលមិនចូលលេងក្នុងជម្រើសដំបូងសោះក្នុងការប្រកួត២លើកចុងក្រោយនៃក្របខ័ណ្ឌ Premier League។ ការប្រកួតនេះនឹងចាប់ផ្តើមនៅម៉ោង១១យប់៕

ប្រភពព័ត៌មាន៖ Channel News Asia

December 15, 2018

ប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6 ត្រូវបានរកឃើញហើយ!!!

បន្ទាប់ពីបានឆ្លងកាត់ការធ្វើបទបង្ហាញ និងការឃោសនាពីទស្សនៈវិស័យក្នុងការដឹកនាំសមាគមន៍យ៉ាងស្វិតស្វាញអស់រយៈពេលជាង 3ម៉ោង ពេលនេះចំពោះបេក្ខភាពដែលបានជាប់ឆ្នោតក្លាយជាប្រធាន សមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6 គឺលោក ច្រឹក សុខនីម ជាមួយសំឡេងសន្លឹកឆ្នោត 34 សំឡេង ខណៈដែលលោក វ៉ន ចាន់ថន ទទួលបាន 25 សំឡេង ហើយលោក សុត វីរៈ ទទួលបានត្រឹម 7 សំឡេង តែប៉ុណ្ណោះ ។

ជាមួយនឹងការទទួលបានតំណែងជាប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាក្នុងអាណត្តិទី៦នេះ លោក ច្រឹក សុខនីម បានតាំងចិត្តយ៉ាងមុតមាំក្នុងការខំប្រឹង និងព្យាយាមដឹកនាំសមាគមន៍ឱ្យមានភាពរីកចម្រើន ជឿនលឿនទៅមុខ ដើម្បីលើកកម្ពស់វិស័យអចលនទ្រព្យនៅកម្ពុជាឱ្យកាន់តែល្អប្រសើរ ជាពិសេស ធ្វើឱ្យក្រុមហ៊ុនអចលនទ្រព្យទាំងអស់ ដែលជាសមាជិករបស់សមាគម ទទួលបាននូវអត្ថប្រយោជន៍យ៉ាងល្អប្រសើរជាងពេលបច្ចុប្បន្ននេះ ៕

December 14, 2018

ការបោះឆ្នោតជ្រើសរើសប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6 កំពុងចាប់ផ្ដើម

នៅក្នុងសាលរួមរបស់សណ្ឋាគារសាន់វ៉េ សមាជិកនៃសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាចំនួន 80នាក់ ដែលជាតំណាងក្រុមហ៊ុនផងដែរនោះ បាននិងកំពុងស្ថិតនៅក្នុងវេទិកានៃមហាសន្និបាតលើកទី5 ដើម្បីត្រៀមធ្វើការបោះឆ្នោតជ្រើសរើសបេក្ខភាពជាប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6។

ចំពោះបេក្ខភាពដែលចូលរួមប្រាថ្នាធ្វើជាប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6 នេះ រួមមានចំនួន3នាក់៖

១) លោក ច្រឹក សុខនីម អគ្គនាយកក្រុមហ៊ុនអចលនទ្រព្យ Mekong Brokerage Co., Ltd

២) លោក វ៉ន ចាន់ថន អគ្គនាយក្រុមហ៊ុនអចលនទ្រព្យ TownCity Real Estate Co., Ltd

៣) លោក សុត វីរៈ អគ្គនាយកក្រុមហ៊ុនអចលនទ្រព្យ Huttons CPL Co., Ltd

នៅក្នុងវេទិកាបោះឆ្នោតជ្រើសប្រធានអាណត្តិទី6 នេះ ក៏មានការចូលរួមជាអធិបតីពីសំណាក់ឯកឧត្តម នង ពិសិដ្ឋ ប្រធាននាយកដ្ឋានគ្រប់គ្រង់អាជីវកម្មអចលនវត្ថុ បញ្ចាំ និងប្រាតិភោគដោយអនុប្បទានក្រសួងសេដ្ឋកិច្ច និងហិរញ្ញវត្ថុ, ឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ Cambodia Properties Limited, លោកបណ្ឌិត តាន់ មុន្នីវណ្ណ អគ្គនាយករងក្រុមហ៊ុនម៉ុង ឬទ្ធី គ្រុប និងលោកបណ្ឌិត គីម ហ៊ាង ប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអណត្តិទី5។

យ៉ាងណាក៏ដោយរហូតមកដល់ពេលនេះ គិតត្រឹមម៉ោង 3រសៀល ថ្ងៃទី14 ខែធ្នូ ឆ្នាំ 2018 នេះ គេនៅមិនទាន់ដឹងពីលទ្ធផលនៅឡើយនោះទេ។

សូមរង់ចាំតាមដានថា ក្នុងចំណោមបេក្ខភាពទាំង 3រូបខាងលើនេះ តើនរណានឹងក្លាយជា ប្រធានសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាអាណត្តិទី6…

December 14, 2018

កម្មវិធីប្រកួតក្របខ័ណ្ឌលីកបារាំង ជួបបញ្ហាដោយសារតែការតវ៉ា និងការគំរាមភេរវកម្ម

ពាក់កណ្តាលនៃកម្មវិធីប្រកួតក្របខ័ណ្ឌបារាំង Ligue 1 ត្រូវបានពន្យារពេលសម្រាប់សប្តាហ៍ទី2 ជាប់ៗគ្នា ដោយសារតែមានការធ្វើបាតុកម្មដែលទាមទារឱ្យប៉ូលិសត្រូវពង្រឹងសន្តិសុខ និងសុវត្ថិភាព ស្របពេលដែលការតវ៉ាផ្សេងៗ និងការគំរាមវាយប្រហារភេវរកម្មកំពុងតែបន្ត។

ក្រុម Marseille នឹងត្រូវខកខានការប្រកួតក្របខ័ណ្ឌលីកជាលើកទី2 ជាប់ៗគ្នារបស់ពួកគេ បន្ទាប់ពីការប្រកួតនៅចុងសប្តាហ៍នេះជាមួយនឹង Bordeaux របស់ពួកគេ ត្រូវបានពន្យារពេលដោយប្រធានក្របខ័ណ្ឌលីក កាលពីថ្ងៃព្រហស្បតិ៍ តាមការស្នើរបស់ប៉ូលិស។

ការប្រកួតក្រៅទឹកដីរបស់ក្រុមម្ចាស់ការពារតំណែងជើងឯក Paris Saint-Germain នៅលើទឹកដីក្រុម Dijon នៅថ្ងៃសៅរ៍នេះ ដែលគ្រោងធ្វើឡើងជាធម្មតានោះ ក៏ត្រូវបានពន្យារពេលផងដែរនៅថ្ងៃសៅរ៍នេះ ប៉ុន្តែការប្រកួតរបស់ក្រុម Nice ជាមួយនឹងក្រុម Saint-Etienne ត្រូវបានប្តូរទៅថ្ងៃអាទិត្យ ក្រោយពីគម្រោងប្រកួតជាធម្មតាត្រូវបានពន្យារពេល ហើយការប្រកួតរវាងក្រុម Caen និង Toulouse នឹងធ្វើឡើងនៅថ្ងៃអង្គារសប្ដាហ៍ក្រោយ។

ក្របខ័ណ្ឌលីកអាជីពរបស់បារាំងហៅកាត់ថា LFP បានឱ្យដឹងក្នុងសេចក្តីថ្លែងការណ៍មួយថា៖ «រាល់កម្មវិធីប្រកួតដែលត្រូវបានពន្យារពេលផ្សេងទៀត នឹងត្រូវកំណត់យកកាលបរិច្ឆេទជាថ្មីនៅពេលក្រោយទៀត។

ការប្រកួតរបស់ក្រុម Marseille ជាមួយនឹងក្រុម Saint-Etienne ស្ថិតក្នុងចំណោមកម្មវិធីប្រកួតជាច្រើនដែលត្រូវបានពន្យារពេលកាលពីចុងសប្តាហ៍មុន ដោយសារតែការកង្វល់ខាងសន្តិសុខ ទាក់ទងនឹងចលនា «អាវកាក់ពណ៌លឿង» ក្នុងប្រទេសបារាំង។

ក្រុមអាជ្ញាធរកំពុងតែប៉ាន់ប្រមាណទុកថា ប្រហែលជានឹងមានការធ្វើបាតុកម្មប្រឆាំងនឹងរដ្ឋាភិបាលបន្ថែមទៀតនៅចុងសប្តាហ៍នេះ ស្របពេលដែលការរឹតបន្តឹងសន្តិសុខ និងសុវត្ថិភាពត្រូវបានធ្វើឡើងនៅគ្រប់ទីកន្លែង៕

December 14, 2018

Djokovicនិង Djokovic ជាប់ឈ្មោះជាម្ចាស់ជើងឯកពិភពលោក ITF ឆ្នាំ 2018

កីឡាករវាយកូនបាល់ Novak Djokovic និងកីឡាការិនី Simona Halep កាលពីថ្ងៃព្រហស្បតិ៍ ត្រូវបានផ្តល់ឈ្មោះជាម្ចាស់ជើងឯកពិភពលោក ITF ឆ្នាំ2018 ដោយអង្គភាពគ្រប់គ្រងកីឡាវាយកូនបាល់ពិភពលោក។

កីឡាករមានចំណាត់ថ្នាក់លេខ1 ក្នុងពិភពលោក Djokovic បានទទួលពានកិត្តិយសមួយនេះ ពីសហព័ន្ធកីឡាវាយកូនបាល់អន្តរជាតិ (ITF) ជាលើកទី6 ខណៈដែលកីឡាការិនីរ៉ូម៉ានី Halep បានឈ្នះពានរង្វាន់នេះជាលើកទី2។

កីឡាករ Djokovic សញ្ជាតិស៊ែប៊ី ដែលបានវិលទៅឈរក្នុងចំណាត់ថ្នាក់លេខ1 ក្នុងពិភពលោកវិញ ក្រោយពីរងរបួស ដោយបានឈ្នះពាន Wimbledon និង US Open នោះ បានឱ្យដឹងថា៖ «ខ្ញុំពិតជាមានកិត្តិយសណាស់ក្នុងការជាប់ឈ្មោះជាម្ចាស់ជើងឯកពិភពលោក ITF ម្តងទៀត»។

កីឡាកររូបនេះបានបន្ថែមទៀតថា៖ «ខ្ញុំមានមោទនភាពជាពិសេសចំពោះការសម្រេចបាននូវសមិទ្ធផលនេះ ក្រោយពីខ្ញុំបានបង្ហាញពីទម្រង់លេងដ៏រឹងមាំនៅឆ្នាំនេះ ប៉ុន្តែ ខ្ញុំតែងតែមានការជឿជាក់ថា ខ្ញុំអាចឡើងទៅឈរក្នុងចំណាត់ថ្នាក់លេខ1។ វាពិតជារឿងដ៏ពេញចិត្តខ្លាំងណាស់ក្នុងការចូលរួមជាមួយនឹងលោក Pete Sampras តាមរយៈការឈ្នះពាន 6លើក»។

កីឡាការិនី Halep ក៏បានរីករាយនឹងជោគជ័យក្នុងកម្មវិធី Grand Slam ផងដែរ ក្នុងឆ្នាំ2018នេះ តាមរយៈការឈ្នះពានរង្វាន់ធំជាលើកទី1របស់នាង ក្នុង French Open និងបានឈានទៅវគ្គផ្តាច់ព្រ័ត្រនៃ Australian Open។

កីឡាការិនីរូបនេះបានឱ្យដឹងថា៖ «វាពិតជាកិត្តិយសដ៏អស្ចារ្យមួយក្នុងការជាប់ឈ្មោះជាម្ចាស់ជើងឯកពិភពលោក ITF ជាលើកទី1។ ខ្ញុំបានជួបឆ្នាំដ៏មិនគួរឱ្យជឿមួយ តាមរយៈការឈ្នះពាន French Open ដើម្បីបញ្ចប់ឆ្នាំនេះក្នុងនាមជាកីឡាការិនីមានចំណាត់ថ្នាក់លេខ1ក្នុងពិភពលោក»៕

December 14, 2018

អ្នកនេសាទម្នាក់ទៀតហើយ នៅខេត្តព្រះសីហនុ មានសំណាងបានឈ្នះរង្វាន់70លានរៀលពីខារ៉ាបាវ

ចំពោះទឹកប្រាក់70លានរៀល ដែលជារង្វាន់ធំរបស់ភេសជ្ជៈប៉ូវកម្លាំង ខារ៉ាបាវ បានបន្តផ្តល់សំណាងដល់បុរសម្នាក់ទៀតហើយ ដែលបច្ចុប្បន្នជាប្រជានេសាទទឹកប្រៃ មានឈ្មោះ សួន វិសិទ្ធ អាយុ31ឆ្នាំ រស់នៅភូមិ2 ឃុំកាំពេញ ស្រុកស្ទឹងហាវ ខេត្តព្រះសីហនុ។

ថ្លែងប្រាប់ក្រុមការងារដែលចុះប្រគល់ប្រាក់រង្វាន់ដល់លំនៅដ្ឋាន បុរសរូបនេះបានឱ្យដឹងថា កាលពីសប្ដាហ៍កន្លងទៅ នៅពេលពីសម្រាកពីការងារ នេសាទ ហើយត្រឡប់មកផ្ទះវិញ លោកក៏បានទិញភេសជ្ជៈប៉ូវកម្លាំង ខារ៉ាបាវ មួយកំប៉ុងពីអ្នកអ្នកលក់ដែលនៅផ្ទះក្បែរគ្នាមកទទួលទាន លុះពេលគាស់ក្រវិលកំប៉ុងក៏ស្រាប់តែឃើញមានរង្វាន់70លានរៀលនៅនឹងក្រវិលកំប៉ុងតែម្ដង។

ភ្លាមនោះ លោកមិនទាន់ទុកចិត្តទេ ហើយទូរស័ព្ទសាកសួរព័ត៌មានបញ្ជាក់ពីក្រុមហ៊ុន ដែលមានដាក់លេខទូរស័ព្ទនៅលើក្រវិលកំប៉ុងស្រាប់។ បន្ទាប់ពីដឹងថាត្រូវរង្វាន់ធំ ទាំងរូបលោកផ្ទាល់ ក៏ដូចជាក្រុមគ្រួសារពិតជាមានក្ដីរំភើបរីករាយជាខ្លាំង ព្រោះមិននឹកស្មានថា អាចមានវាសនាមានលុយយ៉ាងសន្ធឹកសន្ធាប់ដូច្នេះនោះទេ ។ ក្រោយពេលទទួលបានលុយរង្វាន់ទាំងនេះ លោកនឹងយកមួយចំណែកទៅសង់បំណុលធនាគារឯកជន ហើយយកមួយចំណែកទៀតទៅសង់ផ្ទះ និងទិញទូកសម្រាប់នេសាទដើម្បីទ្រទ្រង់ជីវភាពគ្រួសារទៅថ្ងៃអនាគត់ ។ ជាចុងក្រោយលោកក៏សូមថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំងខារ៉ាបាវដែលបានជួយកែប្រែជោគវាសនាក្រុមគ្រួសាររបស់លោកឱ្យមានភាពល្អប្រសើរ។

សូមបញ្ជាក់ផងដែរថា ជាការថ្លែងអំណរគុណដល់អតិថិជន និងចូលរួមអបអរសាទរនៅក្នុងឱកាសពិធីបុណ្យភ្ជុំបិណ្ឌ ប្រពៃណីជាខ្មែរ ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបន្ថែមរង្វាន់យ៉ាងសន្ធឹកសន្ធាប់នូវចំនួនទឹកប្រាក់រហូតដល់ 70លានរៀល ចំនួន50រង្វាន់ ម៉ូតូ HONDA Dream 125 ចំនួន50 រង្វាន់ , ទូរស័ព្ទដៃ iPhone ចំនួន50រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង និងគ្មានការកំណត់កាលបរិច្ឆេទនោះទេ ។ អ្នកទទួលទានអាចមានសំណាងបានឈ្នះរង្វាន់ធំ , អ្នកលក់ឱ្យគេត្រូវរង្វាន់ធំនឹងមានសំណាងបានទទួលរង្វាន់7លានរៀល ដោយឡែកសម្រាប់អ្នកតាំងលក់ស្អាតជាងគេនៅពេលក្រុមការងារចុះទៅឃើញ នឹងទទួលបានប្រាក់រង្វាន់ចំនួន70ម៉ឺនរៀល ។

សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕

December 13, 2018

Author: វល័ក្ខ