វល័ក្ខ - La Reine Media

លោក Unsworth ស្រេកឃ្លានបង្ហាញស្នាដៃពេលប៉ះ Chelsea នៅរាត្រីនេះ

លោក David Unsworth បានស្នើសុំធ្វើការដឹកនាំការប្រកួតក្នុងចំនួនកំណត់មួយដើម្បីបង្ហាញថា លោកអាចធ្វើជាអ្នកចាត់ការទូទៅដ៏ស័ក្តិសមបំផុតរបស់ក្លិប Everton ក្នុងការចូលជំនួសកន្លែងរបស់លោក Ronald Koeman ក្នុងកិច្ចសន្យាជាអចិន្ត្រៃយ៍។

លោក Unsworth ដែលជាអ្នកចាត់ការទូទៅនៃក្រុមបាល់ទាត់អាយុក្រោម23ឆ្នាំរបស់ Everton បានចូលកាន់តំណែងជាបណ្តោះអាសន្ននៅឯកីឡដ្ឋាន Goodison Park ជាលើកទី2 ក្រោយការចាកចេញពីតំណែងរបស់លោក Koeman សញ្ជាតិហូឡង់។ គ្រូបង្វឹកវ័យ44ឆ្នាំរូបនេះ បានប្រកាសថា លោកចង់បានការងារនេះ និងបានចំណាយពេលប្រជុំក្នុងរយៈពេលដ៏យូរអង្វែងជាមួយនឹងលោក Bill Kenwright ដែលជាប្រធានក្លិប ក្រោយពីការចាកចេញរបស់លោក Koeman កាលពីថ្ងៃចន្ទ។ មិនមានពេលវេលាជាក់លាក់ណាមួយដែលត្រូវបានដាក់ទៅលើការកាន់តំណែងរបស់លោក Unsworth ឡើយ បើទោះបីលោកបានធ្វើការពិភាក្សាទៅលើចំនួននៃការប្រកួត កីឡាករ ក៏ដូចជាគម្រោងរយៈពេលខ្លី និងវែងជាមួយនឹងប្រធានក្លិបរបស់ Everton ក៏ដោយ។ ក្រុម Everton ត្រូវបានរំពឹងទុកថា នឹងផ្តល់ពេលវេលាដល់អតីតខ្សែការពាររបស់ពួកគេរហូតដល់ថ្ងៃសម្រាកសម្រាប់ការប្រកួតអន្តរជាតិ ដើម្បីបង្ហាញពីទេពកោសល្យនៃការដឹកនាំរបស់លោក ហើយការងារដ៏ចម្បងរបស់លោកនឹងចាប់ផ្តើមជាមួយនឹងការប្រកួតពាន Carabao Cup នៅលើទឹកដីក្រុម Chelsea នៅរាត្រីនេះ។

នៅឯសន្និសីទសារព័ត៌មានមួយមុនពេលការប្រកួតនៅរាត្រីនេះ លោក Unsworth បានឲ្យដឹងថា៖ «ខ្ញុំពិតជាបុរសដ៏មានមោទនភាពម្នាក់ដែលបានអង្គុយនៅទីនេះ ដើម្បីត្រៀមដឹកនាំក្រុម Everton នៅថ្ងៃស្អែក។ វាមិនមានបញ្ហានោះឡើយថា ចំនួនការប្រកួតប៉ុន្មានលើកដែលខ្ញុំមាននោះ ខ្ញុំនឹងប្រើប្រាស់រាល់សមត្ថភាពទាំងអស់ដែលខ្ញុំមាន»។ ការប្រកួតនេះនឹងចាប់ផ្តើមនៅម៉ោង 1:45ទៀបភ្លឺ៕

ប្រភពពី៖ The Guardian

October 25, 2017

Man United និង Man City ដឹកដៃគ្នាទៅវគ្គ8ក្រុមនៅ League Cup

ក្រុមបិសាចក្រហម Manchester United បានត្រួសត្រាយផ្លូវរបស់ពួកគេឆ្ពោះទៅកាន់វគ្គ8 ក្រុមចុងក្រោយនៃពាន Carabao Cup ឬ League Cup យ៉ាងងាយស្រួល ក្រោយពីពួកគេបានកត់ត្រាជ័យជម្នះក្នុងលទ្ធផល 2-០ កាលពីថ្ងៃអង្គារ តាមរយៈការរកគ្រាប់បាល់បានទាំង 2គ្រាប់ពីសំណាក់កីឡាករ Jesse Lingard។

កីឡាកររូបនេះបានរកគ្រាប់បាល់បញ្ចូលទីយ៉ាងល្អ ស្របពេលដែលក្រុម Swansea មិនបានបង្ហាញពីភាពរឹងមាំរបស់ខ្លួនឡើយ។ Man United បានធ្វើការផ្លាស់ប្តូរកីឡាករ 7នាក់ពីក្រុមដែលបានចាញ់ក្រុម Huddersfield ក្នុងលទ្ធផល 2-1 កាលពីចុងសប្តាហ៍ថ្មីៗនេះ។ ស្របពេលជាមួយគ្នានេះ អ្នកចាំទី Claudio Bravo របស់ Manchester City បានក្លាយជាវីរបុរសរបស់ក្រុមកំពុងនាំមុខរបស់ក្របខ័ណ្ឌ Premier League មួយនេះ ខណៈដែលពួកគេបានផ្តួលក្រុមស្ថិតក្នុងក្របខ័ណ្ឌលំដាប់ទី2 Wolves ដោយការស៊ុតបាល់ប៉េណាល់ទីកាត់សេចក្តី ដើម្បីកក់កៅអីរបស់ពួកគេក្នុងវគ្គ8ក្រុមចុងក្រោយនៃពាន League Cup កាលពីថ្ងៃអង្គារ។

បើទោះបីជាក្រុមទាំងពីរសុទ្ធសឹងបានបង្កើតឱកាសល្អដូចគ្នានៅពេលជិតបញ្ចប់ការប្រកួតក៏ដោយ ប៉ុន្តែការប្រកួតនៅកីឡដ្ឋាន Etihad នេះ នៅតែបញ្ចប់ក្នុងលទ្ធផលស្មើ ០-០ដដែលក្រោយពីរយៈពេល30នាទីនៃនាទីបន្ថែម១៥នាទី2ដងត្រូវបានបញ្ចប់ ដែលនាំឲ្យឈានដល់ការស៊ុតបាល់ប៉េណាល់ទីកាត់សេចក្តីតែម្តង។ Bravo ដែលបានរងនូវការរិះគន់ ក្រោយពីបានបង្ហាញពីទម្រង់មិនល្អកាលពីរដូវកាលមុន និងបានបង្ហាញខ្លួនត្រឹមតែ3លើកក្នុងយុទ្ធនាការនេះ បានសង្គ្រោះបាល់ប៉េណាល់ទី 2លើកជាប់ៗគ្នាពីការស៊ុតរបស់ Alfred N’Diaye និង Conor Coady ពីចំណុច11ម៉ែត្រ។

ខ្សែប្រយុទ្ធ Sergio Aguero ដែលត្រូវការគ្រាប់បាល់តែ1គ្រាប់ទៀតដើម្បីក្លាយជាអ្នករកគ្រាប់បាល់ច្រើនជាងគេរបស់ Man City នោះ បានជួយឲ្យក្រុមខ្លួនទទួលជ័យជម្នះក្នុងលទ្ធផល 4-1 ក្នុងការស៊ុតបាល់ប៉េណាល់ទីនេះ៕

ប្រភពពី៖ ESPN

October 25, 2017

ស្នើសុំឥណទានរថយន្តពីធនាគារ CIMB ការប្រាក់ត្រឹមតែ 0.9% ក្នុង1ខែ

ភ្នំពេញ៖ ធនាគារ ស៊ីអាយអិមប៊ី ភីអិលស៊ី (ធនាគារ CIMB) ដែលជាធនាគារពាណិជ្ជឈានមុខគេមួយ បាននាំយកឥណទានរថយន្ត ដើម្បីពង្រីកកញ្ចប់ផលិតផល និងសេវាកម្មរបស់ខ្លួន ឲ្យកាន់តែសម្បូរបែប ក្នុងគោលបំណងបំពេញតម្រូវអតិថិជន ឲ្យកាន់តែល្អប្រសើរ។ ឥឡូវនេះ លោកអ្នកអាចស្នើសុំឥណទានរថយន្តរបស់ធនាគារ CIMB ជាមួយនឹងអត្រាការប្រាក់ទាប ត្រឹមតែ 0.9% ក្នុងមួយខែ នៅតាមយានដ្ឋានលក់រថយន្ត នៅទូទាំងប្រទេស។

ឥណទានរថយន្តរបស់ធនាគារ CIMB ផ្តល់ជូនពិសេសនូវការកាត់ឈ្មោះកាតគ្រី ឬប័ណ្ឌចុះបញ្ជីរថយន្ត ជាមួយឈ្មោះអតិថិជនផ្ទាល់តែម្តង។ ក្នុងនោះ ឥណទានមានរយៈពេល 5ឆ្នាំ ហើយស៊េរីឆ្នាំ ឬអាយុកាលនៃរថយន្ត ដែលអាចស្នើសុំឥណទានបាន គឺចាប់ពីឆ្នាំ 2002 ឡើងទៅ។ សម្រាប់ទំហំនៃឥណទាន អតិថិជនអាចខ្ចីបានរហូតដល់ 70% នៃតម្លៃរថយន្ត ហើយការអនុម័តឥណទាន គឺមានភាពរហ័សទាន់ចិត្តផងដែរ ប្រសិនបើអតិថិជនមានឯកសារគ្រប់គ្រាន់ និងត្រឹមត្រូវ។

លោកស្រី ហេង ធីតា នាយកហិរញ្ញវត្ថុបុគ្គលរបស់ធនាគារ CIMB មានប្រសាសន៍ថា៖ «យើងបានសិក្សាយ៉ាងល្អិតល្អន់ ទៅលើទីផ្សារឥណទានរថយន្ត ក្នុងប្រទេសកម្ពុជា មុននឹងធនាគារសម្រេចបង្កើតឥណទានរថយន្តនេះឡើង ដើម្បីជួយឲ្យអតិថិជនទទួលបានទាំងរថយន្តដែលខ្លួនស្រឡាញ់ រួមទាំងអត្រាការប្រាក់ទាប និងលក្ខខណ្ឌល្អប្រសើរ ពីធនាគារ CIMB ផងដែរ»។

មិនតែប៉ុណ្ណោះ លោកស្រី ធីតា បានក្រើនរំលឹកដល់អតិថិជនផងដែរថា៖ ការមានរថយន្តផ្ទាល់ខ្លួន គឺជារឿងល្អប្រសើរ ដែលអាចជួយសម្រួលដល់ធ្វើការដំណើរជិតឆ្ងាយ ជាពិសេសជាលក្ខណៈគ្រួសារ ប្រកបដោយសុខសុវត្ថិភាព ប៉ុន្តែយើងក៏ត្រូវគិតគូឲ្យច្បាស់លាស់ លើកត្តាប្រាក់ចំណូល និងចំណាយ ព្រមទាំងលទ្ធភាពខ្លួនឯង សម្រាប់ការជ្រើសរើសសេវាឥណទាន និងរថយន្តណាមួយ ដែលសមស្រប និងយូរអង្វែង។

សម្រាប់ព័ត៌មានបន្ថែម សូមទំនាក់ទំនងលេខទូរសព្ទ +855 (0) 23 988 388 ចូលទៅកាន់គេហទំព័រ www.cimbbank.com.kh ឬអញ្ចើញទៅកាន់សាខាណាមួយរបស់ធនាគារ CIMB។

សម្រាប់ព័ត៌មានបន្ថែម សូមទំនាក់ទំនងមកកាន់

លោក ស្រេង ភារុណ
ផ្នែកទីផ្សារ និងទំនាក់ទំនង
ទូរសព្ទ៖ +855 92 957 455
ទូរសារ៖ +855 23 988 099

អ៊ីមែល៖ [email protected]

October 24, 2017

ស្រាបៀរអាន់ឆ័រចាប់ឆ្នោតផ្តាច់ព្រ័ត្ររដូវកាលថ្មី ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ 2017

ភ្នំពេញ៖ កាលពីថ្ងៃទី 22 ខែតុលា ឆ្នាំ2017 ស្រាបៀរអាន់ឆ័របានរៀបចំកម្មវិធីចាប់ឆ្នោតផ្តាច់ព្រ័ត្រ រដូវកាលថ្មីនៅស្ថានីយទូរទស្សន៍ PNN ក្នុងកម្មវិធីតន្ត្រី Anchor Fun Zone ដើម្បីផ្តល់រង្វាន់ផ្តាច់ព្រ័ត្រ ជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍ក្នុងឆ្នាំ 2017 ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ ភ្ញៀវកិត្តិយស តារាចម្រៀងជាតិ និងអន្តរជាតិ និងអ្នកសារព័ត៌មានជាច្រើន។

កម្មវិធីចាប់ឆ្នោតផ្តាច់ព្រ័ត្ររដូវកាលថ្មីនេះរួមមានរង្វាន់ដំណើរកម្សាន្តក្រេបច័ន្ទទឹកឃ្មុំនៅ ឆ្នេរឋានសួគ៏ Krabi ចំនួន 15 រង្វាន់ រួមជាមួយរង្វាន់ជាច្រើនទៀតដូចជា ទូរទស្សន៍ Smart TV 55“ ចំនួន 11 រង្វាន់ និង កាម៉េរា Sony Alpha ចំនួន 13 រង្វាន់។

ការចាប់ឆ្នោតក្នុងកម្មពិធីអាពាហ៍ពិពាហ៍របស់ស្រាបៀរអាន់ឆ័រដែលបានធ្វើឡើងចំនួនបួនលើកកន្លងមកនេះសរបញ្ជាក់ថា ស្រាបៀរអាន់ឆ័រ បានបង្ហាញពីការយកចិត្តទុកដាក់ខ្ពស់ និងថ្លែងអំណរគុណដ៏ជ្រាលជ្រៅចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍របស់ខ្លួន។

ជាក់ស្តែងក្នុងកម្មវិធីចាប់ឆ្នោតផ្តាច់ព្រ័ត្រនេះ គូស្វាមីភរិយាថ្មីចំនួន 15គូ ដែលមានសំណាងបានឈ្នះរង្វាន់ ដំណើរកម្សាន្តក្រេបច័ន្ទទឹកឃ្មុំនៅ ឆ្នេរឋានសួគ៏ Krabi គឺ៖

លេខរៀង	កូន ក្រមុំ	កូន កំលោះ	លេខទូរស័ព្ទ	រង្វាន់
1	មាន សៀវមី	រឿង ធារ៉ា	០៨១ ៩២ ៥៣ ៩២	ក្រេបច័ន្ទទឹកឃ្មុំទៅKrabi
2	រី ស្រីរ័ត្ន	ផន និរន្ត	០៩៩ ៣៩៩ ៩៨៨	ក្រេបច័ន្ទទឹកឃ្មុំទៅKrabi
3	ឆាយ សុផល	ធួន លៀងហាក់	០៩២ ៤៩ ៣០ ៤៧	ក្រេបច័ន្ទទឹកឃ្មុំទៅKrabi
4	សេក កាញ្ចនា	តុង សោភា	០១៥ ៣៦ ៤៦ ៤៣	ក្រេបច័ន្ទទឹកឃ្មុំទៅKrabi
5	ធុន វួចនា	ផាណាវុធ	០៩៦ ៦៦ ៤១ ១៤៨	ក្រេបច័ន្ទទឹកឃ្មុំទៅKrabi
6	ចេន ស៊ីណាត	កេត វុត	០៩៧ ៩៨៦៧ ៧៨៥	ក្រេបច័ន្ទទឹកឃ្មុំទៅKrabi
7	ហេង សុភាព	តុង វាសនា	០៩៦ ៨៨៨៨ ៦៤៨	ក្រេបច័ន្ទទឹកឃ្មុំទៅKrabi
8	អ៊ិត ស៊ីនួន	ជា សុវណ្ណរិទ្ធ	០៩៣ ៣៤៣ ៩៣៦	ក្រេបច័ន្ទទឹកឃ្មុំទៅKrabi
9	ហង្ស សុហ៊ន់	ចាន់ ប៉ក់	០៣១ ៣០០០ ៦៨៨	ក្រេបច័ន្ទទឹកឃ្មុំទៅKrabi
10	បេន ថៃរីយ៉ា	យានប៊ុនថុង	០៩៦ ៣៥៥ ៤២ ៣៦	ក្រេបច័ន្ទទឹកឃ្មុំទៅKrabi
11	ធូ ម៉ាឡា	វិត្ត វណ្ណា	០១៦ ៩១៩៣០០	ក្រេបច័ន្ទទឹកឃ្មុំទៅKrabi
12	ទី សុខនី	អ៊ឹម ធូលីន	០៩៧ ៧៤០៦០៧៧	ក្រេបច័ន្ទទឹកឃ្មុំទៅKrabi
13	រី ណារ៉ែន	អ៊ីម សុភ័ក្រ	០១៥ ៣៨៣៨៧០	ក្រេបច័ន្ទទឹកឃ្មុំទៅKrabi
14	មាឃ រិនដា	ធុន សុភាន់	០១៧ ៣៩៥ ២៤៩	ក្រេបច័ន្ទទឹកឃ្មុំទៅKrabi
15	សែ ផល្លា	ង៉ូវ ឆេងឡាយ	០៩៧ ៣៤៨ ៤៨ ៤៨	ក្រេបច័ន្ទទឹកឃ្មុំទៅKrabi

រីឯគូស្វាមីភរិយាថ្មីចំនួន 11 គូដែលមានសំណាងបានឈ្នះរង្វាន់ទូរទស្សន៍ Smart TV 55“ គឺ៖

លេខរៀង	កូន ក្រមុំ	កូន កំលោះ	លេខទូរស័ព្ទ	រង្វាន់
1	បេង សុភាព	គឹម មុនីសែយ៉ា	០៩២ ៦១ ៣៩ ០០	TV Sony Android TV 55″
2	រិន ផល្លា	សួន សុខហ៊ុន	០៩៩ ៨៤ ៦០ ៥៧	TV Sony Android TV 55″
3	វ៉ា ស្រីខួច	ជៀម មិនា	០៦៩ ៩៩ ១៨ ២៤	TV Sony Android TV 55″
4	លុយ ម៊ីលាង	ស៊ុយ ប៊ុនឈង	០៩៦ ២៧ ២២ ៧៤៧	TV Sony Android TV 55″
5	ស៊ាង សុវណ្ណសុខា	លាំង ជិនហុង	០១២ ៦៨៧ ២៩៧	TV Sony Android TV 55″
6	សូ ផានិត	ចាន់រ៉ា	០៩៦ ២០ ៨១២ ១៩	TV Sony Android TV 55″
7	ប្រឺយ៏ ឡុន	វឿ សារិន	០៨៨ ៤៤ ៥០ ៤៥៤	TV Sony Android TV 55″
8	ស្រៀង ចាន់សុភាព	ភួង ចំរើន	០៩២ ៥០ ៤៤ ១៩	TV Sony Android TV 55″
9	វ៉ាន់ណារី	សុទ្ធសារី	០៨៨ ៩៩៩ ៣៣ ០៣	TV Sony Android TV 55″
10	សុខ ស្រីល័ក្ខ	លី ថៃហេង	០៩៧ ២៦ ៨៦ ៧៩៧	TV Sony Android TV 55″
11	សាម គីមជូ	ឡេង ពន្លក	០១២ ៤១ ៨១ ៥៧	TV Sony Android TV 55″

ហើយគូស្វាមីភរិយាថ្មីចំនួន 13គូដែលមានសំណាងបានឈ្នះរង្វាន់កាម៉េរា Sony Alpha គឺ៖

លេខរៀង	កូន ក្រមុំ	កូន កំលោះ	លេខទូរស័ព្ទ	រង្វាន់
1	ឈា សក្កណា	សុខ ណារិទ្ធ	០១១ ២២ ៥៩ ៥៩	Sony Alpha Camera
2	ហ៊ាង ឆេងអ៊ន់	ផង សុខលី	០១២ ៥៤៤ ៣២៥	Sony Alpha Camera
3	វន ណារី	យឿង សុភ័ក្ត្រ	០១៦ ៧២១ ៦៧១	Sony Alpha Camera
4	សៀង សុរចនា	ញួន គីមហួរ	០១៧ ៩៣ ៦៧ ៣៦	Sony Alpha Camera
5	លង លា	ឈាន ភារម្យ	០៨៦ ៩៦ ១៦ ៩៧	Sony Alpha Camera
6	ស៊ាង សិរិយា	ឡុង សុគន្ធឌី	០១៧ ៤៩០ ៦៥៨	Sony Alpha Camera
7	ជា ស្រីឡុង	សឿន ស៊ាងហេង	០៨៨ ៤៤ ២២ ២៨៥	Sony Alpha Camera
8	រ៉ុម ស្រីម៉ាច	ពេជ្រ ពៅ	០៩២ ៨៥ ៧៦ ១២	Sony Alpha Camera
9	ម៉េត ស្រីស្រស់	ធឿន បូណា	០៩៦ ៦២ ៣៤ ៦៧៦	Sony Alpha Camera
10	សន ចាន់	លីម វណ្ណថា	០៩៧ ៣៥ ៥៩ ៦៩៦	Sony Alpha Camera
11	ហៃ គៀង	ខន ជីវ័ន	០១០ ៨៦៦ ៩៨៤	Sony Alpha Camera
12	សេក សុជីវីន	ស៊ី ងួនហួត	០១៥ ៧០ ៧០ ១០	Sony Alpha Camera
13	សុង សុខហុង	ឡង់ សុផាន់ណារ៉ាត់	០១៥ ៥១២ ៥១៨	Sony Alpha Camera

លោកអ្នកអាចស្វែងរកឈ្មោះរបស់លោកអ្នកនៅលើគេហទំព័រ Facebook (Anchor Beer KH)។

ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន 1សន្លឹក។

សម្រាប់រដូវកាលអាពាហ៍ពិពាហ៍ ឆ្នាំ 2017 – 2018 ខាងមុខនេះ ស្រាបៀរអាន់ឆ័រនឹងផ្តល់ជូនរង្វាន់កាន់អស្ចារ្យជាមុនគឺ ដំណើរកម្សាន្តក្រេបច័ន្ទទឹកឃ្មុំទៅកាន់កោះសាម៉ុយ រហូតដល់ 45 រង្វាន់

និងរង្វាន់ឈ្នះភ្លាមៗជាច្រើនទៀតដូចជាធុងទឹកកក និងប្រអប់ចំណងដៃដែលមានប៊ិចសម្រាប់សរសេរឈ្មោះអ្នកចងដៃ។

ហើយកាន់តែពិសេស ស្រាបៀរ អាន់ឆ័រ បានជ្រើសរើសលោក លី ម៉ិញ ហូ ដែលជាកំពូលតារាអន្តរជាតិកូរ៉េដ៏ល្បីល្បាញ ធ្វើជាទូតសុឆន្ទ:របស់ស្រាបៀរ អាន់ឆ័រ និងមានវត្តមាននៅក្នុងស្ពតពាណិជ្ជកម្មថ្មីរបស់ស្រាបៀរ អាន់ឆ័រ ។ ស្រាបៀរ អាន់ឆ័រ ជាស្រាបៀរដែលពេញនិយមបំផុតសម្រាប់យុវវ័យសម័យថ្មី គុណភាពខ្ពស់ស្តង់ដារអន្តរជាតិដែលឈ្នះពានរង្វាន់ផ្នែកគុណភាពជាបន្តបន្ទាប់សរុបជាង 30 មេដាយ រសជាតិស្រទន់លើសគេ ផ្តល់នូវអារម្មណ៍រីករាយស្រស់ថ្លា ស័ក្តិសមបំផុតសម្រាប់គ្រប់ទីកន្លែង គ្រប់កម្មវិធី។

រីករាយស្រស់ថ្លា ចាប់ផ្តើមជាមួយស្រាបៀរ អាន់ឆ័រ!

ពិសាដោយការទទួលខុសត្រូវ៕

October 24, 2017

កម្ចីឥណទាន 10លានដុល្លារ ត្រូវបានផ្ដល់ទៅដល់ម្ចាស់រោងម៉ាស៊ីនស្រូវក្នុងរដូវប្រមូលផលដំបូង

ដើម្បីចូលរួមជំរុញលើសកម្មភាពនៃការប្រមូលផលស្រូវឱ្យមានភាពរលូនល្អ ក្នុងដំណាក់កាលដំបូងនៃការប្រមូលផលនេះធនាគារអភិវឌ្ឍន៍ជនបទបានទម្លាក់ឥណទានក្នុងរង្វង់10លានដុល្លារសម្រាប់ម្ចាស់រោងម៉ាស៊ីន។

ឯកឧត្ដម កៅ ថាច អគ្គនាយកនៃធនាគារអភិវឌ្ឍន៍ជនបទបានលើកឡើងថា នៅឆ្នាំនេះធនាគារមានកញ្ចប់ឥណទានសរុប50លានដុល្លារ ជាទឹកប្រាក់សម្រាប់ទ្រទ្រង់លើវិស័យស្រូវអង្ករ ខណៈដែលកាលពីឆ្នាំ2016 មានតែ27លានដុល្លារប៉ុណ្ណោះ។ ឯកឧត្ដមបន្ដថា ក្នុងរដូវកាលប្រមូលផលដំបូងធនាគារអភិវឌ្ឍន៍ជនបទបានត្រៀមកញ្ចប់ឥណទានសម្រាប់ម្ចាស់រោងម៉ាស៊ីនកិនស្រូវ ក្នុងរង្វង់10លានដុល្លារជាមួយនឹងអត្រាការប្រាក់5%ក្នុងមួយឆ្នាំ ដើម្បីទិញស្រូវយកមកស្តុកទុក។ ពិសេសរដូវប្រមូលផលស្រូវធំដែលនឹងជិតឈានចូលមកដល់ក្នុងអំឡុងពេលប៉ុន្មានខែខាងមុខនេះ។

ជាមួយនឹងការត្រៀមឥណទានថ្មីៗនេះ ធនាគារអភិវឌ្ឍន៍ជនបទបានទម្លាក់កញ្ចប់ថវិកាកម្ចី15លានដុល្លារដល់ក្រុមហ៊ុននាំអង្ករចេញធំៗចំនួន 2 ដើម្បីយកទៅសង់ឡសម្ងួត និងឃ្លាំងស្តុកស្រូវនៅក្នុងខេត្ដចំនួន 3 គឺខេត្ដកំពង់ធំ ព្រៃវែង និងតាកែវដែលនឹងត្រូវសាងសង់រួចនៅខែមករា ឆ្នាំ2018 ខណៈដែលរដូវប្រមូលផលធំត្រៀមនឹងប្រមូលផលស្រូវសែនក្រអូប និងសុម៉ាលីសម្រាប់បំពេញតម្រូវការទីផ្សារ។

អគ្គនាយកនៃធនាគារអភិវឌ្ឍន៍ជនបទ បញ្ជាក់ថា៖« ឆ្នាំមុនឥណទានសរុបបានទម្លាក់27លានដុល្លារអាមេរិក ឆ្នាំនេះថែម23លានដុល្លារទៀតដូច្នេះសរុប50លានដុលា្លរ។ ក្នុងរដូវកាលទី1យើងបានត្រៀម10លានហើយ ដូច្នេះយើងសង្ឃឹមថា នៅរដូវកាលប្រមូលផលធំពីខែវិច្ឆិកាដល់ខែកុម្ភៈនឹងមានដំណើរការកាន់តែល្អជាងមុន។ ក្នុងនោះគឺយើងទម្លាក់អត្រាការប្រាក់នៅសល់ត្រឹម5% ក្នុងពេលដែលធនាគារផ្សេងអត់ទាន់មាននរណាទម្លាក់ដល់ថ្នាក់ហ្នឹងទេ»។ ឯកឧត្ដមបន្ថែមថា មូលហេតុនៃការបន្ថែមឥណទានសម្រាប់ទ្រទ្រង់លើវិស័យស្រូវអង្ករនេះ ព្រោះតែមានតម្រូវការអង្ករក្នុងប្រទេសច្រើន ដូច្នេះទើបយើងជំរុញលើការប្រមូលផលបន្ថែមទៀត៕

October 24, 2017

គណៈកម្មាធិការជាតិសុវត្ថិភាពដាក់វិធានការ10ចំណុចពេលបុណ្យអុំទូក

ភ្នំពេញ៖ ដើម្បីកាត់បន្ថយអត្រាគ្រោះថ្នាក់ចរាចរណ៍ក្នុងពិធីអុំទូកដែលនឹងចូលមកដល់នៅថ្ងៃទី2 ដល់ថ្ងៃទី4 ខែវិច្ឆិកា ឆ្នាំ2014ខាងមុខឆាប់ៗនេះ គណៈកម្មាធិការជាតិសុវត្ថិភាពចរាចរណ៍ផ្លូវគោកបានអំពាវនាវដល់ពលរដ្ឋអ្នកធ្វើដំណើរតាមយានយន្តគ្រប់ប្រភេទ ពិសេសស្រទាប់យុវជនត្រូវបើកបរដោយភាពប្រុងប្រយ័ត្នខ្ពស់ ដើម្បីកុំឱ្យកើតមានគ្រោះថ្នាក់ចរាចរណ៍ចំពោះខ្លួនឯង និងអ្នកដទៃ។

ខ្លឹមសារនៃសេចក្តីអំពាវនាវខាងលើបានកោតសរសើរប្រកបដោយក្តីមោទនបំផុតចំពោះអ្នកប្រើប្រាស់ផ្លូវដ៏ច្រើនលើសលប់ដែលមានឆន្ទៈក្នុងការចូលរួមគោរព និងអនុវត្តច្បាប់ស្តីពីចរាចរណ៍ផ្លូវគោកយ៉ាងផុលផុសក្នុងពេលធ្វើចរាចរ រួមចំណែកក្នុងការកាត់បន្ថយការបាត់បង់ជីវិត រងរបួស និងការខូចខាតទ្រព្យសម្បត្តិដោយគ្រោះថ្នាក់ចរាចរណ៍ផ្លូវគោកកន្លងទៅ។

ប៉ុន្តែគ្រោះថ្នាក់ចរាចរណ៍ផ្លូវគោក នៅតែជាបញ្ហាប្រឈមចំពោះមុខយូរអង្វែងដែលអាចកើតឡើងភ្លាមៗ ក្នុងករណីអ្នកប្រើប្រាស់ផ្លូវមានការធ្វេសប្រហែស ឬខ្ជីខ្ជាមិនគោរពច្បាប់។ គួរកត់សម្គាល់ថា ក្នុងត្រីមាសទី3 ឆ្នាំ2017នេះ មានអ្នកជិះទោចក្រយានយន្តចំនួន 77% ដែលភាគច្រើនជាយុវវ័យបានក្លាយជាជនរងនៃគ្រោះថ្នាក់ចរាចរណ៍ផ្លូវគោក ហើយក្នុងចំណោមជនរងគ្រោះទាំងនោះ មានចំនួន66% មិនបានពាក់មួកសុវត្ថិភាពក្នុងពេលធ្វើដំណើរ។

ក្នុងឱកាសពិធីបុណ្យអុំទូក អកអំបុក បណ្តែតប្រទីប និងសំពះព្រះខែ ដែលនឹងប្រព្រឹត្តទៅនៅថ្ងៃទី2 ដល់ថ្ងៃទី4 ខែវិច្ឆិកា ឆ្នាំ2017 ខាងមុខនេះ យានយន្តធ្វើចរាចរនឹងមានកំណើនខ្ពស់ខុសប្រក្រតីដែលអាចបង្កគ្រោះថ្នាក់ចរាចរណ៍ ឬការកកស្ទះចរាចរណ៍ដូចក្នុងពិធីបុណ្យនានាកន្លងទៅផងដែរ។

ដើម្បីបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោកក្នុងឱកាសពិធីបុណ្យអុំទូក អកអំបុក បណ្តែតប្រទីប និងសំពះព្រះខែ គណៈកម្មាធិការជាតិសុវត្ថិភាពចរាចរណ៍ផ្លូវគោក សូមធ្វើការអំពាវនាវដល់សាធារណជនជាអ្នកប្រើប្រាស់ផ្លូវគោកដូចខាងក្រោម៖

1.ត្រូវពាក់មួកសុវត្ថិភាពជានិច្ច ក្នុងពេលធ្វើដំណើរតាមទោចក្រយានយន្ត។

2.មិនត្រូវបើកបរលើសល្បឿនកំណត់ជាដាច់ខាត។

3.មិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាត។

4.ត្រូវគោរពសិទ្ធិអាទិភាព គោរពសញ្ញាចរាចរណ៍ និងប្រកាន់ស្តាំជានិច្ច។

5.ត្រូវពាក់ខ្សែក្រវាត់សុវត្ថិភាពជានិច្ចក្នុងពេលធ្វើដំណើរតាមរថយន្ត។

6.មិនត្រូវបត់ ឬវ៉ាប្រជែងក្នុងភាពប្រថុយប្រថាន ឬប្រើទូរស័ព្ទដោយគ្មានឧបករណ៍សំឡេងភ្ជាប់ទំនាក់ទំនង។

7.ត្រូវត្រួតពិនិត្យលក្ខណៈបច្ចេកទេសយានយន្តជានិច្ច ពិសេសត្រួតពិនិត្យចង្កូត ហ្វ្រាំង ភ្លើងបំភ្លឺ។ល។

សូមកុំផ្ទុកអ្នកដំណើរ ឬទំនិញលើសច្បាប់កំណត់។ ចំពោះរថយន្តដឹកអ្នកដំណើរ ឬដឹកកម្មករ មិនត្រូវផ្ទុកអ្នកដំណើរ ឬកម្មករលើដំបូល និងសូមមេត្តាកុំដំឡើងថ្លៃធ្វើដំណើរក្នុងឱកាសបុណ្យអុំទូក។

9.មិនត្រូវបើកបរក្នុងស្ថានភាពងងុយដេកដាច់ខាត។

និង10.ត្រូវបើកបរក្នុងស្មារតីប្រុងប្រយ័ត្នជានិច្ច និងប្រកបដោយសីលធម៌យោគយល់អធ្យាស្រ័យគ្នាទៅវិញទៅមក៕

October 24, 2017

អ្នកធ្វើការឱ្យគេ…គួរចេញរកស៊ីខ្លួនឯងនៅពេលណា?

នៅយុគសម័យបច្ចេកវិទ្យានេះ សហគ្រិនភាព ជាអ្វីដែលមនុស្សស្ទើរតែគ្រប់គ្នាប៉ងប្រាថ្នា ព្រោះថា ការធ្វើខ្លួនជាសហគ្រិនម្នាក់ គឺជាមនុស្សដែលត្រូវបានគេឱ្យតម្លៃ ជាអ្នកក្តោបក្តាប់លើវាសនាខ្លួនឯង ជាអ្នកផ្តល់ឱកាសដល់មនុស្សដទៃ រួមទាំងជាអ្នកដែលអាចជួយសង្គមបានច្រើនទៀតផង។ ដោយមើលឃើញពីចរន្តប្រកបដោយភាពវិជ្ជមាននេះ មានមនុស្សជាច្រើនចាប់ផ្តើមវិវឌ្ឍខ្លួនពីអ្នកធ្វើការឱ្យគេ មកធ្វើជាពាណិជ្ជករដោយខ្លួនឯងដែលពេលខ្លះបរាជ័យ ហើយវាបានក្លាយជាមេរៀនមួយដែលធ្វើឱ្យពួកគេស្ទាក់ស្ទើរក្នុងការផ្លាស់ប្តូរយ៉ាងសំខាន់នេះ។

ស្ថាបនិកគ្រឹះស្ថានអប់រំ Start Up Cambodia លោក គីម ដារ៉ា បានលើកឡើងថា អ្នកធ្វើការដែលមានបំណងចង់ក្លាយជាអ្នកជំនួញ ត្រូវគិតថា កន្លែងធ្វើការ គឺជាសាលារៀនដែលអាចឱ្យយើងរៀនពីគ្រប់ផ្នែក តាំងពីផ្នែកតូចៗរហូតដល់ការគ្រប់គ្រងស្ថាប័នដែលមានមនុស្សច្រើន។ ដើម្បីដើរលើផ្លូវនេះឱ្យបានល្អ អ្នកដែលចង់ក្លាយខ្លួនជាសហគ្រិនគួរពង្រឹងសមត្ថភាពខ្លួនឯងឱ្យធ្វើយ៉ាងណាបានឡើងតំណែងម្តងបន្តិចៗរហូតដល់ក្លាយជាមេគេ ឬជិតមេនៅក្នុងស្ថាប័នមួយ ដែលចំណុចនេះអាចធ្វើឱ្យយើងទទួលបានទាំងគ្រឹះហិរញ្ញវត្ថុរឹងមាំ និងបទពិសោធច្រើនក្នុងការធ្វើជំនួញ ដែលអាចធ្វើឱ្យយើងចេះប្រុងប្រយ័ត្ន ហើយប្រឈមនឹងបរាជ័យតិចតួចបំផុត។

លោក គីម ដារ៉ា បាននិយាយថា៖ «ការធ្វើអាជីវកម្មគឺជារឿងដែលត្រូវប្រថុយ តែក៏មិនមែនមានន័យថា ត្រូវប្រថុយដោយគ្មានចំណេះដឹង និងភាពច្បាស់លាស់នោះដែរ។ មុននឹងបង្កើតអាជីវកម្មមួយត្រូវសិក្សាឱ្យល្អិតល្អន់ និងច្បាស់លាស់សិនចាំធ្វើ ទើបមិនត្រូវដួលច្រើនដង ហើយការធ្វើជំនួញបែបនេះក៏បង្ហាញពីភាពចាស់ទុំផងដែរ»។

លោក គីម ដារ៉ា បានបន្ថែមថា ជម្រើសល្អមួយផ្សេងទៀតសម្រាប់អ្នកចង់ធ្វើជំនួញ គឺត្រូវចេះជ្រើសរើសម៉ូដែលដែលយើងចង់ធ្វើនោះដើម្បីសាកល្បង។ វិធីសាស្ត្រសាកល្បងគឺអាចចាប់ផ្តើមពីអាជីវកម្មណាមួយជាទ្រង់ទ្រាយតូចបំផុត ហើយសិក្សាបណ្តើរៗពីកត្តាប្រឈមរបស់វា ដើម្បីដោះស្រាយ និងត្រៀមចិត្តពង្រីកវាជាលំដាប់ ឬអាចធ្វើការឱ្យចំអាជីវកម្មនោះដើម្បីសិក្សាពីវាគ្រប់យ៉ាង។ លោក ដារ៉ា បន្ថែមថា មានអ្នកខ្លះមិនពូកែធ្វើការទេ តែគាត់ចង់បើកអាជីវកម្ម ហើយអាជីវកម្មនោះមិនធំពេកទេ ហេតុនេះគាត់ត្រូវទៅធ្វើការងារដើម្បីស្ទង់មើលពីចំណូល និងគន្លឹះមួយចំនួនពីអាជីវកម្មនោះ ដូចជាដាក់ពាក្យធ្វើការនៅហាងកាហ្វេ ដាក់ពាក្យធ្វើការនៅហាងសេវាកម្មមួយចំនួន ដើម្បីដកពិសោធមុននឹងប្រើប្រាស់គំនិតច្នៃប្រឌិតរបស់គាត់យកមករកស៊ី។

ងាកមកអ្នកជំនួញម្នាក់ទៀតលោក ហង្ស ព្រីនយ៉ា ស្ថាបនិកនៃ Business Matching បានលើកឡើងថា ដើម្បីចង់ដឹងថា តើពេលណាជាពេលដែលត្រូវឈប់ធ្វើការឱ្យគេហើយចេញមកធ្វើជំនួញ យើងគួរស្ទង់សមត្ថភាពរបស់ខ្លួនឯងជាមុនសិនថា រវាងយើង និងមេយើង មួយណាខ្លាំងជាង?។ បើដល់ដំណាក់កាលថា យើងខ្លាំងជាងមេហើយ សាកល្បងចេញមក តែបើនៅគិតថាស្ទើរទេ គួររៀនឱ្យខ្លាំងថែមទៀតពីការធ្វើការងារ ឬពីគ្រប់មជ្ឈដ្ឋាន ដើម្បីរត់ឱ្យទាន់ ព្រោះគេធំស្រាប់ហើយ បើគេដើរ យើងត្រូវរត់។

លោក ហង្ស ព្រីនយ៉ា បាននិយាយថា៖ «បើដាក់គោលដៅថា ចង់រកស៊ី ត្រូវស្មោះជាមួយនឹងគោលដៅ ហើយសម្រួចវាឱ្យកាន់តែមុតតាមរយៈការចិញ្ចឹមចិត្ត និងអនុវត្តឱ្យបានខ្ជាប់ខ្ជួននូវសកម្មភាពតូចៗឆ្ពោះទៅរកគោលដៅនោះ»។

លោក ព្រីនយ៉ា បានបន្ថែមទៀតថា ក្រៅពីការរៀនសូត្រពីការងារហើយ ក្នុងនាមជាអ្នកដែលចិញ្ចិមចិត្តចង់ក្លាយជាអ្នកជំនួញត្រូវតែបង្កើនសម្ព័ន្ធភាពឱ្យបានល្អបំផុតទាំងជាមួយអ្នកធ្វើការងារជាមួយគ្នា ជាមួយនឹងមេដឹកនាំក្រុមហ៊ុន និងជាមួយមនុស្សគ្រប់គ្នាដែលត្រូវទាក់ទងសម្រាប់អនាគតអាជីវកម្ម។ ការបង្កើនសម្ព័ន្ធភាពនេះ គឺអាចចាប់ផ្តើមពីការជ្រើសរើសមេដឹកនាំក្រុមហ៊ុនដែលផ្តល់ឱកាសឱ្យយើងសិក្សារៀនសូត្រ ឬអាចមេដឹកនាំខ្លះរហូតដល់ផ្តល់ភាគហ៊ុនក្នុងកម្រិតណាមួយសម្រាប់យើងថែមទៀតផង។ ម្យ៉ាងវិញទៀត ត្រូវភ្ជាប់ទំនាក់ទំនងជាមួយនឹងដៃគូពាណិជ្ជកម្មនានាដែលយើងអាចពឹងពាក់បាន ឬអាចបង្កើតកិច្ចសហប្រតិបត្តិការល្អបាននៅពេលដែលយើងបង្កើតអាជីវកម្មផ្ទាល់ខ្លួន៕

October 24, 2017

លោក គឹម ចាន់ណា៖ សិក្សាពីភាពល្អិតបំផុត ជាគន្លឹះមួយដែលនាំឱ្យមនុស្សជោគជ័យ

ពីមួយថ្ងៃទៅមួយថ្ងៃ ពិភពលោកចាប់ផ្តើមមានការប្រែប្រួល ហើយការធ្វើការងារ ការប្រកបអាជីវកម្ម និងការរស់នៅចាប់ផ្តើមមានការប្រកួតប្រជែងកាន់តែខ្លាំងឡើងៗ ដែលទាមទារឱ្យមនុស្សម្នាក់ៗត្រូវការវិធីសាស្ត្រល្អសម្រាប់អនុវត្តដើម្បីទទួលបានជោគជ័យក្នុងការរស់នៅ។

លោក គឹម ចាន់ណា នាយកគ្រឹះស្ថានបោះពុម្ពផ្សាយ Mind Book បានលើកឡើងនៅក្នុងសិក្ខាសាលាស្តីពី «ផែនការជីវិតប្រកបដោយប្រសិទ្ធភាព» ថា គ្រប់កិច្ចការងារទាំងអស់ រួមទាំងការធ្វើអាជីវកម្មផង ទាមទារឱ្យមានភាពហ្មត់ចត់ ច្បាស់លាស់ និងត្រូវមានភាពលម្អិត។ លោកបានបញ្ជាក់ផងដែរថា ភាពលម្អិតនេះមានសារៈសំខាន់ណាស់ ព្រោះថា នៅពេលដែលយើងធ្វើអ្វីមួយដោយភាពច្បាស់លាស់ ហើយហ្មត់ចត់ត្រឹមត្រូវគ្រប់ចំណុច ឬធ្វើដោយភាពផ្ចិតផ្ចង់នោះ យើងនឹងទទួលបាននូវលទ្ធផលដែលស្ទើរតែគ្មានចន្លោះប្រហោង។

លោក គឹម ចាន់ណា បានមានប្រសាសន៍ថា៖ «ធ្វើអ្វីក៏ដោយ ទោះបីរកស៊ី ឬធ្វើការក៏ដោយ មិនចាំបាច់ធ្វើអ្វីខុសគេ ឬប្លែកពីគេទាំងស្រុងក៏យើងអាចជោគជ័យបានដែរ ឱ្យតែយើងមានចំណុចពិសេសរបស់យើង ប្រកបដោយភាពលម្អិតនៅក្នុងនោះ»។

អ្នកនិពន្ធ និងជានាយកគ្រឹះស្ថានបោះពុម្ពផ្សាយខាងលើ បានលើកឡើងផងដែរថា ទន្ទឹមនឹងភាពលម្អិតនៅក្នុងជីវិតនេះ ការធ្វើការងារគ្រប់យ៉ាងចាំបាច់ត្រូវមានភាពទទួលខុសត្រូវខ្ពស់ព្រោះថា ការរស់នៅរបស់មនុស្សម្នាក់ៗត្រូវការបំផុតនូវការទទួលខុសត្រូវចំពោះគ្រប់រឿង ជាពិសេសការទទួលខុសត្រូវចំពោះខ្លួនឯង។ នៅពេលដែលយើងមានការទទួលខុសត្រូវហើយ យើងក៏ត្រូវចេះកំណត់គោលដៅដើម្បីដើរឱ្យដល់ចំណុចដែលកាន់តែប្រសើរឡើង ដោយក្នុងនោះត្រូវស្វែងរកឱ្យឃើញនូវរឿងទាំងឡាយណាដែលយើងកំណត់ថា ត្រូវប្តូរផ្តាច់យកឱ្យបាន នៅពេលនោះយើងនឹងអាចក្លាយជាមនុស្សម្នាក់ដែលអាចធ្វើការងារបានដោយភាពត្រឹមត្រូវ ហ្មត់ចត់ និងប្រកបដោយថាមពល៕

October 24, 2017

កាសែតឡារ៉ែន ពាណិជ្ជ លេខ 97

[easy_media_download url=”https://www.lareine.com.kh/wp-content/uploads/2017/10/LRPN_Issue97_Final-For-Web.pdf” force_dl=”1″]

October 24, 2017

លោក Koeman ត្រូវបានបណ្តេញចេញពីក្លិប Everton

ក្លិបទូកក្តោង Everton បានបណ្តេញលោក Ronald Koeman ចេញពីតំណែងក្នុងនាមជាអ្នកចាត់ការទូទៅ ក្រោយពីការចាញ់យ៉ាងអាម៉ាស់ក្នុងលទ្ធផល 5-2 លើទឹកដីខ្លួនឯងក្រោមស្នាដៃក្រុម Arsenal បានធ្វើឲ្យពួកគេធ្លាក់ទៅឈរក្នុងតំបន់កាត់ចោលនៃក្របខ័ណ្ឌ Premier League។

សេចក្តីថ្លែងការណ៍មួយបានបញ្ជាក់ថា ក្លិបនេះសូមថ្លែងនូវការដឹងគុណចំពោះលោក Ronald សម្រាប់ការលះបង់ដែលលោកបានផ្តល់ឲ្យក្លិបក្នុងរយៈពេល16ខែកន្លងមកនេះ។ ក្លិប Everton កំពុងតែស្ថិតក្នុងចំណាត់ថ្នាក់លេខ18នៅលើតារាងក្របខ័ណ្ឌ Premier League និងបានទទួលជ័យជម្នះត្រឹមតែ2លើកគត់ក្នុងចំណោមការប្រកួតលីក9លើករបស់ពួកគេនៅរដូវកាលនេះ។ លោក Koeman បានឲ្យដឹងកាលពីថ្ងៃអាទិត្យថា៖ «ខ្ញុំនៅតែជឿជាក់ថា ខ្ញុំអាចផ្លាស់ប្តូរស្ថានភាពទាំងមូលបាន»។

Everton’s Dutch manager Ronald Koeman gestures from the touchline during the English Premier League football match between Everton and Arsenal at Goodison Park in Liverpool, north west England on October 22, 2017. / AFP PHOTO / Oli SCARFF / RESTRICTED TO EDITORIAL USE. No use with unauthorized audio, video, data, fixture lists, club/league logos or ‘live’ services. Online in-match use limited to 75 images, no video emulation. No use in betting, games or single club/league/player publications. / (Photo credit should read OLI SCARFF/AFP/Getty Images)

លោក Koeman បានក្លាយជាអ្នកចាត់ការទូទៅទី3របស់ក្របខ័ណ្ឌ Premier League ដែលរងនូវការបណ្តេញចេញនៅរដូវកាលនេះ ក្រោយពីលោក Frank de Boer បានចាកចេញពីក្លិប Crystal Palace ហើយលោក Craig Shakespeare ត្រូវបានបណ្តេញចេញពីក្លិប Leicester។ គ្រូបង្វឹកសញ្ជាតិហូឡង់វ័យ54ឆ្នាំរូបនេះបានដឹកនាំឲ្យក្រុម Everton បញ្ចប់ក្នុងចំណាត់ថ្នាក់លេខ7ក្នុងរដូវកាលទី1របស់លោកកាលពីរដូវកាលមុន ត្រូវបានបាត់បង់ការងារដោយសារតែការជួបភាពត្រដាបត្រដួសនៅដើមរដូវកាលនេះ បើទោះបីបានចំណាយប្រាក់ដល់ទៅ140លានផោន (ស្មើនឹង185លានដុល្លារអាមេរិក) កាលពីរដូវក្តៅក៏ដោយ។ ក្លិប Everton បានឲ្យដឹងក្នុងសេចក្តីថ្លែងការណ៍មួយថា៖ «ក្លិបកីឡាបាល់ទាត់ Everton អាចប្រកាសបានថា លោក Ronald Koeman បានចាកចេញពីក្លិបនេះហើយ»។

ក្លិបទូកក្តោងមួយនេះបានបន្ថែមទៀតថា៖ «លោកប្រធានក្លិប Bill Kenwright ដែលជាប្រធានក្រុមប្រឹក្សា និងម្ចាស់ភាគហ៊ុនធំលោក Farhad Moshiri សូមសម្តែងនូវការដឹងគុណចំពោះលោក Ronald សម្រាប់ភារកិច្ចដែលលោកបានធ្វើក្នុងក្លិបនេះរយៈពេល16ខែកន្លងមកនេះ ហើយសម្រាប់ការដឹកនាំឲ្យក្លិបនេះបញ្ចប់ក្នុងចំណាត់ថ្នាក់លេខ7 នៅលើតារាង Premier League កាលពីរដូវកាលមុន»៕

ប្រភពពី៖ BBC

October 24, 2017

Author: វល័ក្ខ