វល័ក្ខ - La Reine Media

Man Utd, Basel និង Juventus ទៅវគ្គបន្ត ខណៈ Bayern បំពេញការសងសឹកលើ PSG

ក្រុម Manchester United, Basel, Juventus និង Roma សុទ្ធសឹងបានកក់កៅអីទៅវគ្គ16ក្រុមចុងក្រោយនៃក្របខ័ណ្ឌ Champions League ពីការប្រកួតជុំចុងក្រោយនៃពូលរបស់ពួកគេរៀងៗខ្លួនឯងកាលពីថ្ងៃអង្គារ ខណៈដែលក្រុម Bayern Munich បានបំពេញការសងសឹកយ៉ាងឆ្ងាញ់ដៃលើក្រុម Paris Saint-Germain។

Man United បានយកឈ្នះលើក្រុម CSKA Moscow ក្នុងលទ្ធផល 2-1 នាកីឡដ្ឋាន Old Trafford ដើម្បីបំពេញការឈរលេខ1ក្នុងពូល A ដោយមាន15ពិន្ទុពីការប្រកួត6លើក ខណៈដែលក្រុម Basel ក៏បានកក់កៅអីទៅវគ្គបន្តផងដែរ ក្រោយពីបានផ្តួល Benfica 2-0 ដើម្បីបញ្ចប់ដោយការឈរលេខ2 ក្នុងពូល។

ស្របពេលជាមួយគ្នានេះដែរ ក្រុមម្ចាស់ជើងឯករបស់អ៊ីតាលី Juventus បានឈានទៅវគ្គបន្ត ពីការប្រកួតក្នុងពូល D ក្រោយពីបានកត់ត្រាជ័យជម្នះ 2-0 ពេលប្រកួតជាមួយនឹងក្រុម Olympiakos ក្នុងប្រទេសក្រិក ហើយក្រុម Roma ក៏បានឈានទៅវគ្គបន្តពីការប្រកួតក្នុងពូល C ផងដែរ ក្រោយពីបានកត់ត្រាជ័យជម្នះ 1-0 លើទឹកដីខ្លួនឯង ពេលជួបក្រុម Qarabag។ លទ្ធផលនេះបានធ្វើឲ្យក្រុម Chelsea ធ្លាក់ទៅឈរលេខ2ក្នុងពូល ក្រោយពីត្រឹមតែអាចបញ្ចប់ក្នុងលទ្ធផលស្មើ 1-1 ជាមួយនឹងក្រុម Atletico Madrid ដែលបានធ្លាក់ចេញពីយុទ្ធនាការ។

ចំណែកក្នុងការប្រកួតមួយទៀត ខ្សែបម្រើ Corentin Tolisso បានស៊ុតបាល់បញ្ចូលទី2គ្រាប់ ខណៈដែលក្រុម Bayern Munich បានបំពេញការសងសឹកចំពោះការបរាជ័យកាលពីខែកញ្ញា នៅកីឡដ្ឋាន Paris Saint-Germain តាមរយៈការកត់ត្រាជ័យជម្នះ 3–1 ក្នុងទីក្រុង Munich កាលពីថ្ងៃអង្គារ ប៉ុន្តែ ក្រុមយក្សរបស់បារាំងនៅតែបញ្ចប់ក្នុងចំណាត់ថ្នាក់លេខ1នៃពូល B ដដែល។

លទ្ធផលនេះ មានន័យថា ក្រុមយក្សបារាំង PSG នឹងបញ្ចប់ក្នុងនាមជាក្រុមឈរលេខ1ក្នុងពូល ដោយសារតែមានគ្រាប់បាល់បញ្ចូលទីច្រើនជាង ក៏ដូចជាការមានកំណត់ត្រានៃការជួបគ្នារវាងក្រុមទាំងពីរល្អជាង ស្របពេលដែលក្រុម Bayern ក៏បានរក្សាមោទនភាពរបស់ខ្លួនដែរ ខណៈដែលពួកគេបានតាមស្មើ15ពិន្ទុជាមួយនឹងក្រុម PSG៕

ប្រភពពី៖ Sky Sports

December 6, 2017

HUAWEI ខ្លាំងដៃសហការណ៍ឧបត្ថម្ភ Smart នាំមកនូវការប្រគំតន្ត្រីតារា CL ដ៍អស្ចារ្យប្រចាំឆ្នាំ

HUAWEI ដែលគឺជាក្រុមហ៊ុនស្មាតហ្វូនលំដាប់ពិភពលោក ដែលកំពុងឡើងកូដ និងទទួលបានការពេញនិយមនៅទូទាំងពិភពលោក ក៍ដូចជានៅកម្ពុជាផងដែរដែលនាពេលថ្មីៗនេះ HUAWEI ទទួលបានចំណាត់ទី2 ក្នុងបរិមាណលក់ បានសហការណ៍ឧបត្ថម្ភជាមួយក្រុមហ៊ុន Smart ដែលជាក្រុមហ៊ុនទូរសព្ទ័ចល័តឈានមុខគេនៅកម្ពុជា នាំមកនូវការប្រគំតន្ត្រីលំដាប់អន្តរជាតិតារា CL ដ៍អស្ចារ្យប្រចាំឆ្នាំ ។ គួរកត់សំគាល់ថា HUAWEI បានធ្វើអោយកក្រើកនិងរញ្ផួយទីផ្សារស្មាតហ្វូន តាមរយៈការចេញលក់ HUAWEI nova 2i ស៊េរីថ្មី ដែលមានរហ័សនាមថា “អាភ្នែក4” ពោលគឺរាប់ចាប់តាំងពីអតិថិជន អ្នកលក់ ម្ចាស់ហាងទូរសព្ទ័ បានពេញចិត្តគ្រប់បែបយ៉ាងចំពោះ HUAWEI nova 2i នេះ ។ អ្វីដែលគួរអោយអស្ចារ្យនោះគឺស្តុកមកដល់អស់ៗ ចំនួន 4ដងមកហើយ រហូតបំបែកបានឯកត្តកម្មមិនដែលធ្លាប់មានពីមុនលើតួរលេខលក់ ភាពពុះកញ្ជ្រោល ពីអតិថិជន ក៍ដូចជាអ្នកលក់ និងម្ចាស់ហាងនៅគ្រប់ 25 រាជធានីខេត្តក្រុងនៅកម្ពុជា ។

Huawei nova 2i គឺជាស្មាតហ្វូនកាមេរ៉ា4 ដំបូងគេបង្អស់លើពិភពលោក បំពាក់អេក្រង់ធំ 5.9 អ៊ីញ ពេញចិត្ត ពេញភ្នែក ពេញគែម ច្បាស់ថ្លាឆ្វង់កម្រិត 2K (1080*2160) ស្អាត ស្តើង ស្រាល តួរស្រោបលោហធាតុ ធន់ មាំ ងាយស្រួលកាន់ដោយដៃម្ខាង ជាពិសេសមានកាមេរ៉ាភ្លោះមុខក្រោយ អាចថតរូបច្បាស់ស្រស់ស្អាត Pro Mode បែបសិល្បៈ Portrait, Wide Aperture, ថតរូបកំប្លែងៗបន្ថែម Effect, Bokeh ប្រហាក់ប្រហែលនឹងកាមេរ៉ាអាជីព ។

អ្វីដែលពិសេស និងកក្រើកទៀតនោះ គឺអតិថិជន HUAWEI អាចឈ្នះ 140 សំបុត្រ (40 Premium និង100 Green Ticket) ចូលរួមទស្សនាការប្រគំតន្ត្រីខ្នាតអន្តរជាតិដែលមានតារាចម្រៀងល្បី CL តាមរយៈចូលរួម Share និង ឈ្នះសំបុត្រងាយៗ ពោលគឺគ្រាន់តែ Share រូបភាព លើ Profile ជា Public និង mention ឈ្មោះ 4 នាក់ ដោយសរសេរ hastag: #HuaweiNova2i #4Cameras ដោយសរសេរចំណុចពិសេស ចំពោះទូរសព្ទ័ និងឈ្មោះម៉ូដែលទូរសព្ទ័ដែលកំពុងប្រើ (អាចចូលរួមគ្រប់ម៉ូដែលទាំងអស់របស់ហ៊ួរវ័យ) ជាការស្រេច ។ អតិថិជនដែលមានចំនួន Imoji (បេះដូង ញញឹម រីករាយ រំភើប..) ច្រើនជាងគេនឹងទទួលបានសំបុត្រ ដោយឥតគិតថ្លៃ ។

លោក អែម យុទ្ធូ នាយកជាន់ខ្ពស់ផ្នែកទីផ្សារបានមានប្រសាសន៍ថា “ក្រោយពីពិធីសម្ពោធផ្លូវការ នាថ្ងៃ 25 និង 26 ដ៍កក្រើកថ្មីៗនេះជាមួយប្រ៉ូម៉ូសិនយក្ស Huawei nova 2i លើសពីនេះក្រុមហ៊ុនក៍នឹងបន្តសកម្មភាព ទីផ្សារ ប្រ៉ូម៉ូសិនយក្ស និងការឧបត្ថម្តដៃគូរសហការណ៍ ដើម្បីជម្រុញ Huawei nova2i និងនាមសញ្ញា Huawei អោយកាន់តែទទួលបាននូវការពេញនិយម ចូលចិត្តពីគ្រប់អតិថិជន និងគ្រប់ទិសទី ដូចជាៈ កម្មវិធីប្រកួតថតរូបដើម្បីអបអរស្វាគមន៍ឆ្នាំថ្មីឆ្នាំ 2018 ឧបត្ថម្ភ Smart នាំមកនូវការប្រគំតន្ត្រីតារា CL ដ៍អស្ចារ្យលំដាប់អន្តរជាតិប្រចាំឆ្នាំ ថ្ងៃទី 09 ខែ ធ្នូ ឆ្នាំ 2017 ផងដែរ ”។

លោក Thomas Hundt នាយកប្រតិបត្តិជាន់ខ្ពស់ក្រុមហ៊ុន Smart បានមានប្រសាសន៍ថា “ប្រជាប្រិយភាព និងភាពល្បីល្បាយ របស់តារាចម្រៀងកូរ៉េ K-Pop នៅកម្ពុជាគឺមានភាពពុះកញ្ផ្រោលក្តៅគគុក ដែលជាមូលហេតុដ៍ចំបងមួយ ដែល Smart មានមោទនភាពបានអញ្ផើញ និងរៀបចំការប្រគំតន្ត្រីខ្នាតអន្តរជាតិដែលមានតារាកូរ៉េដ៍ល្បីនេះ ។ ប៉ុន្មានឆ្នាំកន្លងមកនេះ ក្រុមហ៊ុនបានសន្យាថានឹងនាំមកនូវតារាចម្រៀងល្បឺៗ កំរិតអន្តរជាតិ ដើម្បីផ្តល់ជូននវូការកំសាន្ត និងភាពរីករាយ តែមួយគត់ទៅដល់អតិថិជនរបស់ខ្លូន ។

ឱកាសដ៍កម្របានមកដល់ហើយ បន្ទាប់ពីការប្រគំតន្ត្រីដែលមានតារាចម្រៀងដ៍ល្បីល្បាញ កម្រិតអន្តរជាតិដូចជា៖ Demi Lovato, Jessie J និង Rain នោះ ឥឡូវនេះគឺមានតារាចម្រៀងដ៏ល្បីមួយរូបទៀតគឺកញ្ញា CL នឹងមកសម្តែងជូនអតិថិជនជាទីស្រលាញ់ទាំងអស់របស់ Smart ។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ដែលបានផ្តល់ការជឿជាក់ និងបានជ្រើសរើសយកSmart ជាប្រតិបត្តិករទូរស័ព្ទរបស់ខ្លួន។

ឆ្នាំនេះ ក្រុមហ៊ុនបានផ្តល់ជូននូវការកំសាន្ត កម្រិតអន្តរជាតិដោយតារា Lee Chae-rin ដែលមហាជន ស្គាល់ថា CL នឹងមកសម្តែងផ្តល់ជូនផ្តាច់មុខតែមួយគត់ចំពោះអតិថិជន Smart ។ តារាចម្រៀងកូរ៉េល្បី CL វ័យ 26 ឆ្នាំ រូបនេះ គឺជាអតីតសមាជិកក្រុម 2NE1 បានឈ្នះពានរង្វាន់ជាច្រើនសម្រាប់ការនិពន្ធ បទចម្រៀង និងច្រៀង រឺសម្តែងល្បី។ នាងនឹងមកកូរ សម្តែង ច្រៀង លើតន្ត្រីខ្នាតអន្តរជាតិដ៍កក្រើកប្រចាំឆ្នាំនៅកម្ពុជា ជាមួយនឹងតារាចម្រៀង Original Songs ល្បីៗមួយចំនួនធំទៀត ដែលធ្វើអោយតន្ត្រីឆ្នាំនេះ កាន់តែធំ កាន់តែកក្រើក កាន់តែទាក់ទាញ ជាងឆ្នាំមុនៗ ។ លោកបានបន្ថែមថា ”ជាមួយនឹងការគាំទ្រពីអតិថិជននៅកម្ពុជា ដ៍ច្រើនលើសលុបចំពោះ Smart ក៍ដូចជាតារាចម្រៀងអន្តរជាតិ តារាចម្រៀងក្នុងស្រុក ក្រុមហ៊ុននឹងបន្តកិច្ចខិតខំប្រឹងប្រែងក្នុងការជួយជម្រុញវិស័យសិល្បៈតន្ត្រី និងគាំទ្រតារាចម្រៀងក្នុងស្រុក និងបន្តផ្តល់ជូននូវការកំសាន្តកំរិតពិភពលោក ជូនទៅដល់អតិថិជនរបស់ Smart ក៍ដូចជាប្រជាជន កម្ពុជាទាំងអស់”៕

ព័ត៌មានលម្អិត សូមតាមដានហ្វេសបុក Huawei Mobile (KH) និង Smart Axiata

December 5, 2017

YouTube រើសបុគ្គលិកជាង ១ម៉ឺននាក់ ដើម្បីពង្រឹងការត្រួតពិនិត្យលើវីដេអូ

អាមេរិក៖ ដើម្បីទប់ស្កាត់ការចែកចាយនូវវីដេអូផ្សេងៗដែលនាំឲ្យប៉ះពាល់ដល់សន្តិសុខពិភពលោក ថ្មីៗនេះ ក្រុមហ៊ុន YouTube បានបញ្ជាក់ជាផ្លូវការថា ខ្លួនគ្រោងនឹងជ្រើសរើសមនុស្សបន្ថែមរាប់ពាន់នាក់ទៀត ដើម្បីបង្កើនការត្រួតពិនិត្យទៅលើវីដេអូមួយៗដែលបាន Upload ចូលក្នុង YouTube។

យោងតាមការចេញផ្សាយរបស់ទីភ្នាក់ងារព័ត៌មាន Reuters បានឲ្យដឹងថា ដើម្បីទប់ស្កាត់ការចែកចាយវីដេអូអំពើហិង្សា វីដេអូទាក់ទងនឹងបទឧក្រិដ្ឋ វីដេអូអូសទាញឲ្យចូលរួមក្នុងក្រុមជ្រុលនិយម ឬអំពើភេរវកម្ម ជាពិសេសគឺវីដេអូទាំងឡាយណាដែលបង្វក់ដល់កូនក្មេងតាមគ្រប់រូបភាព។

លោកស្រី Susan Wojcicki នាយកប្រតិបត្តិ YouTube បានប្រកាសឲ្យដឹងថា នៅក្នុងឆ្នាំ 2018 ខាងមុខនេះ ក្រុមហ៊ុននឹងធ្វើការជ្រើសរើសបុគ្គលិកបន្ថែមប្រមាណជាង 10000នាក់ ដើម្បីចាំត្រួតពិនិត្យទៅលើវីដេអូដែលបាន Upload ចូល។ «ដើម្បីរក្សាសុវត្ថិភាព ក៏ដូចជាសន្ដិសុខ យើង (YouTube) ត្រូវតែពង្រឹងទៅលើការត្រួតពិនិត្យ ដោយក្នុងនោះក៏ត្រួតពិនិត្យទៅលើផ្ទាំងផ្សាយពាណិជ្ជកម្មនៅលើវីដេអូផងដែរ»។

គួរបញ្ជាក់ផងដែរថា មុននេះ Facebook ក៏បានជូនដំណឹងពាក់ព័ន្ធនឹងករណីរឹងបន្តឹងទៅលើការត្រួតពិនិត្យរាល់មាតាកាផ្សេងៗដែលបានបង្ហោះនៅលើ Facebook៕

December 5, 2017

ប្រូម៉ូសិនពិសេសពីឌីជី «មិនពេញចិត្ត ជូនលុយវិញ»!!!

ការរីកដុះដាលនៃបច្ចេកវិទ្យាអ៊ីនធឺណិត កាន់តែមានភាពជឿនលឿនឡើង ពីមួយថ្ងៃទៅថ្ងៃ។ ដែលនេះជាមូលហេតុ ក្រុមហ៊ុនអ៊ីនធឺណិតឌីជី បាននាំយកបច្ចេកវិទ្យាអ៊ីនធឺណិតទំនើបចុងក្រោយ ដែលឲ្យឈ្មោះថា “Home Fiber Premium” ដើម្បីផ្ដល់ជូនអតិថិជនទាំងអស់ បានទទួលយកបទពិសោធន៏ថ្មី ភាពងាយស្រួល ទំនុកចិត្ត និង សេវាកំសាន្តផ្សេងៗ ជាមួយការប្រើប្រាស់បច្ចេកវិទ្យាអ៊ីនធឺណិត អុបទិកថ្មីនេះ។

ក្នុងឳកាសបំណាច់ឆ្នាំ 2017 នេះ ឌីជី នឹងធ្វើការផ្ដល់ជូនអតិថិជននូវប្រម៉ូសិនពិសេស “មិនពេញចិត្ត ជូនលុយវិញ” ។

លក្ខខណ្ឌងាយៗ អតិថិជនដែលធ្វើការចុះឈ្មោះប្រើប្រាស់សេវាឌីជី អុបទិក ចាប់ពីឥឡូវនេះ រហូតដល់ ថ្ងៃទី31 ធ្នូ 2017 នឹងទទួលបានប្រូម៉ូសិនដ៏ពិសេសនេះ។ អតិថិជន នឹងទទួលបានការប្រើប្រាស់បណ្ដាញ ឌីជី អុបទិក ហើយក្នុងរយៈពេល 3ខែ បើអតិថិជនមិនពេញចិត្តនឹងសេវាកម្ម អតិថិជនអាចជូនដំណឹងមកកាន់ឌីជី អំពីបញ្ហា ឬស្នើរផ្ដាច់ការប្រើប្រាស់ បន្ទាប់អតិថិជននឹងត្រូវបានក្រុមហ៊ុនបង្វិលប្រាក់ជូនវិញ។

មិនតែប៉ុណ្ណោះ អតិថិជននឹងទទួលបានការទិញរោតទ័រ ក្នុងតំលៃយ៉ាងពិសេស ដែលមិនធ្លាប់មានពីមុនមក។ រ៉ោតទ័រនឹងលក់បញ្ចុះតម្លៃ នៅសល់តែ 20$ តែប៉ុណ្ណោះ។

សូមបញ្ជាក់អំពី កញ្ចប់សេវាកម្មឌីជី អុបទិកថ្មីនេះ ឌីជី បានចេញលក់ក្នុងតំលៃសមរម្យចាប់ពី 15.99 ដុល្លារ ដែលនឹងផ្តល់ជូននូវលក្ខណៈកាន់តែងាយស្រួលជាងមុន ដែលអាចជួយឲ្យការងាររបស់អ្នកដំណើរការទៅយ៉ាងរលូនឥតទាក់ រួមជាមួយនឹងសេវាកម្សាន្តផ្សេងៗ ដែលកាន់តែធ្វើឲ្យជីវិតរបស់អ្នកស្រស់បំព្រង និងមិននឿយណាយ។

តោះៗ រួសរាន់ឡើងប្រម៉ូសិនមានកំណត់!

ទំនាក់ទំនងផ្នែកលក់ឥឡូវនេះដើម្បីទទួលបានពត៌មានបន្ថែម តាមរយៈ 089/ 098 888 992 ឬចូលទៅកាន់ https://digi.com.kh/promotion/

December 5, 2017

កាន់តែអស្ចារ្យហើយ! Samsung ចង់ស្គែនបាតដៃដើម្បីចាក់ និងដោះសោទូរស័ព្ទដៃ

អាមេរិក៖ ក្រុមហ៊ុនអេឡិចត្រូនិកយក្សកូរ៉េខាងត្បូង Samsung ត្រូវបានគេដឹងថា គ្រោងនឹងបង្កើតបច្ចេកវិទ្យាស្គែនបាតដៃសម្រាប់ធ្វើជាលេខសម្ងាត់ក្នុងការចាក់សោ និងដោះសោទូរស័ព្ទ ដែលកាលពីមុនមានត្រឹមតែការប្រើម្រាមដៃ និងប្រស្រីភ្នែកតែប៉ុណ្ណោះ។

ក្រុមហ៊ុន Samsung បានប្រើបច្ចេកវិទ្យាចុងក្រោយសម្រាប់ចាក់សោ និងដោះសោទូរស័ព្ទដៃដោយការស្គែនប្រស្រីភ្នែកជាមួយនឹងទូរស័ព្ទដៃស៊េរី Galaxy S8 និង Note 8 ប៉ុន្តែនៅពេលនេះ សារព័ត៌មានបច្ចេកវិទ្យាធំៗជាច្រើនបានចុះផ្សាយដោយបង្ហាញនូវគំរូប៉ាតង់ថ្មីរបស់ Samsung ក្នុងការប្រើបច្ចេកវិទ្យាស្គែនបាតដៃដើម្បីចាក់សោ និងដោះសោទូរស័ព្ទ។

យោងតាមក្រុមអ្នកជំនាញបានបញ្ជាក់ថា ក្រុមហ៊ុន Samsung ប្រហែលជាមិនប្រើបច្ចេកវិទ្យាស្គែនបាតដៃសម្រាប់តែចាក់សោ និងដោះសោប៉ុណ្ណោះទេ គឺអាចប្រើដើម្បីទូទាត់សាច់ប្រាក់ ឬប្រើដើម្បីធ្វើអ្វីផ្សេងៗជាច្រើនទៀត គ្រាន់តែថានៅពេលនេះ ក្រុមហ៊ុន Samsung នៅមិនទាន់ប្រកាសជាផ្លូវការប៉ុណ្ណោះ៕

December 5, 2017

ការចាប់អារម្មណ៍ផ្សេងៗធ្លាក់លើ Griezmann នៅពេល Chelsea ប៉ះ Atletico រាត្រីនេះ

ស្របពេលដែលតារាឆ្នើម Antoine Griezmann សង្ឃឹមថា អាចរក្សាវត្តមានរបស់ក្រុម Atletico Madrid ក្នុងក្របខ័ណ្ឌ Champions League នាកីឡដ្ឋាន Stamford Bridge នារាត្រីនេះ ខ្សែប្រយុទ្ធអន្តរជាតិបារាំងរូបនេះ ក៏ត្រូវតែបង្ហាញពីទេពកោសល្យរបស់គេផងដែរ ដើម្បីបង្ហាញដល់ក្លិបស្ថិតក្នុងក្របខ័ណ្ឌ Premier League ដែលចង់ទិញរូបគេ។

Atletico ត្រូវតែផ្តួលក្រុម Chelsea ក្នុងការប្រកួតនៅទីក្រុងឡុងដ៍ នារាត្រីនេះ និងសង្ឃឹមថា ក្រុម Roma មិនអាចផ្តួលក្រុម Qarabag ក្នុងរដ្ឋធានីរបស់អ៊ីតាលី ប្រសិនបើពួកគេចង់ឈ្នះកៅអីទៅលេងក្នុងវគ្គ16ក្រុមចុងក្រោយសម្រាប់រយៈពេល5រដូវកាលជាប់ៗគ្នា។ ការធ្លាក់ចេញត្រឹមវគ្គចែកពូល នឹងផ្តល់ការខកចិត្តដ៏ធំមួយដល់ក្រុម Atletico ខណៈដែលការធ្លាក់ចេញនេះអាចនឹងធ្វើឲ្យ Griezmann សម្រេចចិត្តក្នុងការចាកចេញពីរដ្ឋធានីរបស់អេស្ប៉ាញ។ ក្រុម Atletico បានកម្តៅសាច់ដុំសម្រាប់ការប្រកួតនេះ តាមរយៈការយកឈ្នះលើក្រុម Real Sociedad ក្នុងលទ្ធផល 2-1 ក្នុងការប្រកួតក្របខ័ណ្ឌ La Liga កាលពីថ្ងៃសៅរ៍ ខណៈដែលក្រុម Chelsea បានលត់ក្រុម Newcastle 3-1 កាលពីចុងសប្តាហ៍ថ្មីៗនេះ។ ប៉ុន្តែ ទោះបីជាយ៉ាងណា បច្ចុប្បន្នក្រុមយក្សរបស់អេស្ប៉ាញមួយនេះ កំពុងតែស្ថិតក្នុងចំណាត់ថ្នាក់លេខ3នៃពូល C ដោយមាន6ពិន្ទុ ពីការប្រកួត5លើក ខណៈដែលក្រុម Chelsea កំពុងតែនាំមុខនៅលើតារាង ដោយមាន10ពិន្ទុ និងឈ្នះកៅអីទៅវគ្គ16ក្រុមចុងក្រោយរួចជាស្រេច ហើយ Roma ឈរលេខ2 ដោយមាន8ពិន្ទុ។

ក្រុម Chelsea ក៏ធ្លាប់បានផ្តួលក្រុម Atletico ក្នុងលទ្ធផល 2-1 ផងដែរ ក្នុងពេលក្រុមទាំងពីរជួបគ្នានៅលើទឹកដីអេស្ប៉ាញ កាលពីការប្រកួតជុំមុននៃពូលនេះ។ ប៉ុន្តែ ក្រុម Atletico មានកំណត់ត្រាយ៉ាងល្អនៅលើកីឡដ្ឋាន Stamford Bridge តាមរយៈការដណ្តើមបានជ័យជម្នះ2លើកពីការធ្វើដំណើរទៅប្រកួតទាំង2លើកចុងក្រោយរបស់ពួកគេ។ ការប្រកួតនេះនឹងចាប់ផ្តើមនៅម៉ោង2:45ទៀបភ្លឺ៕

ប្រភពពី៖ Daily Stars

December 5, 2017

Coman និង Mueller ផ្តល់ការជឿជាក់ដល់ Bayern មុនពេលប៉ះ PSG រាត្រីនេះ

លោក Jupp Heynckes គ្រូបង្វឹករបស់ក្រុម Bayern Munich បាននិយាយថា មានហេតុផលនៃការមានសុទិដ្ឋិនិយមនៅមុនពេលការប្រកួតក្របខ័ណ្ឌ Champions League នៅរាត្រីនេះជាមួយនឹងក្រុមខ្លាំង Paris Saint-Germain ខណៈដែលខ្សែប្រយុទ្ធ Thomas Mueller និងខ្សែបម្រើ Kingsley Coman នឹងវិលចូលប្រកួតវិញ បន្ទាប់ពីជួបបញ្ហារបួស។

តារាឆ្នើមអន្តរជាតិអាល្លឺម៉ង់ Mueller បានវិលចូលប្រកួតវិញក្រោយពីអវត្តមាន5សប្តាហ៍ដោយសារតែរបួសជើង តាមរយៈការបង្កើតគ្រាប់បាល់ឲ្យខ្សែបម្រើ Arturo Vidal និង Coman ខណៈដែលក្រុម Bayern ដែលកំពុងតែនាំមុខលើតារាងក្របខ័ណ្ឌ Bundesliga ដោយបានផ្តួលក្រុម Hanover ក្នុងលទ្ធផល 3-1 ក្នុងទីក្រុង Munich កាលពីថ្ងៃសៅរ៍។ ក្រុម Bayern បានចាញ់ក្រុម PSG ក្នុងលទ្ធផល 3-០ កាលពីខែកញ្ញា ដែលបានធ្វើឲ្យលោក Carlo Ancelotti បានបាត់បង់ការងាររបស់លោក ហេតុនេះ ក្រុម Bayern ត្រូវតែផ្តួលក្រុមយក្សរបស់បារាំងមួយនេះ ក្នុងលទ្ធផល 4-០ ក្នុងទីក្រុង Munich ដើម្បីបញ្ចប់ដោយការឈរលេខ1ក្នុងពូល។ ក្រុមទាំងពីរ មានសុវត្ថិភាពក្នុងការឈ្នះកៅអីទៅវគ្គ16ក្រុមចុងក្រោយរួចជាស្រេចហើយក្នុងក្របខ័ណ្ឌ Champions League ហើយលោក Heynckes បានទទួលនូវការជឿជាក់ដ៏ធំមួយ ខណៈដែលក្រុម Bayern បានធ្វើការស្តារមុខមាត់ឡើងវិញក្រោយពីការរងបរាជ័យដ៏មិននឹកស្មានដល់នៅលើទឹកដីក្រុម Borussia Moenchengladbach កាលពីថ្ងៃសៅរ៍មុន។ គ្រូបង្វឹកវ័យ72ឆ្នាំរូបនេះ បានឲ្យដឹងថា៖ «ខ្ញុំពិតជាមានសុទិដ្ឋិនិយមចំពោះការប្រកួតរបស់យើង។ យើងមានឱកាសជាច្រើនក្នុងការស៊ុតបាល់បញ្ចូលទី តែយើងមិនអាចរកបានគ្រាប់បាល់។ ប៉ុន្តែ ខ្ញុំគិតថា ជ័យជម្នះរបស់យើងពិតជាស័ក្តិសមក្នុងកម្រិតនេះ»។

ក្តីសង្ឃឹមរបស់ក្រុម Bayern បានទទួលនូវការជឿជាក់ដ៏ធំមួយកាលពីថ្ងៃសៅរ៍ ខណៈដែល PSG បានរងបរាជ័យក្នុងការប្រកួតលីកជាលើកទី1របស់ពួកគេ ក្នុងរដូវកាលនេះ តាមរយៈការចាញ់ក្រុម Racing Strasbourg 2-1 ស្របពេលដែល Bayern បានផ្តួលក្រុម Hanover 3-1 ក្នុងទីក្រុង Munich។ ការប្រកួតនេះនឹងចាប់ផ្តើមនៅម៉ោង2:45ទៀបភ្លឺ៕

ប្រភពពី៖ Sport24

December 5, 2017

ហេតុផល 4 យ៉ាង ដែលអ្នកគួរដឹងមុននឹងខាត់ស្បែក

មនុស្សស្រីយើង រឿងស្បែកស្អាតគឺជារឿងធំសម្បើមណាស់ បើអ្នកមានផ្ទៃមុខស្រអាប់ខ្មៅផងនោះ រឹតតែធ្វើឱ្យអ្នកបាត់បង់ភាពជឿជាក់លើខ្លួនឯង ទៅទៀត ការខាត់ស្បែកគឺជាវិធីមួយដែលជួយឱ្យស្បែករបស់អ្នកឡើងសភ្លឺថ្លាបាន។ ការមើលថែទាំស្បែករបស់នារីដោយការខាត់ស្បែក (Scrub) គឺជាការមើលថែស្បែកដ៏ល្អមួយ ហើយនារីៗទាំងឡាយច្រើនតែនិយមវិធីនេះទៀតផង ថ្ងៃនេះ យើងមានរឿងរ៉ាវដែលនារីៗគួរយល់ដឹងមុននឹងធ្វើការខាត់ស្បែកមកជំរាបជូនដូចខាងក្រោម ៖

– ខាត់ស្បែក 1 សប្តាហ៍ 1 ដង

ភាពញឹកញាប់ក្នុងការខាត់ស្បែកដែលសមល្មមបំផុតនោះ គឺ 2 សប្តាហ៍ 1ដងនៅពេលល្ងាច សំរាប់ស្បែកធម្មតា ចំណែកស្បែកមានជាតិខ្លាញ់វិញ អាចធ្វើបានញឹកញាប់ជាងគឺ 1សប្តាហ៍ 1ដង និងសំរាប់ស្បែកស្ងួត អាចធ្វើបាន 2-3 សប្តាហ៍1ដង ។ មនុស្សយើងតែងជម្រុះកោសិកាស្បែកដែលងាប់ហើយរៀងរាល់ 28 ថ្ងៃ ដូច្នេះការខាត់ស្បែកដែលសមល្មម នឹងជួយបើកស្បែកថ្មីដែលស្អាតគួរឱ្យគយគន់បាន ។

– ជ្រើសរើសប្រើសាច់ឡេខាត់ស្បែកបែបធម្មជាតិ

សាច់ឡេខាត់ស្បែកបែបគ្រើមអាចធ្វើឱ្យស្បែករបកបាន ដូច្នេះវិធីដែលល្អនោះគឺ គួរជ្រើសរើសសាច់ឡេបែបហ្មត់ដែលផលឹតពីធម្មជាតិដូចជា កន្ទក់ សារធាតុចម្រាញ់ពីគ្រាប់អំពឹល ស្ករ សំបកផ្លែក្រូចសើច អំពឹលទុំ ស្លឹកគ្រៃ -ល- ដែលអាចជួយកំចាត់កោសិកាស្បែកដែលងាប់ចេញបានយ៉ាងទន់ភ្លន់ និងជួយបង្កើនគុណភាពស្បែកទៀតផង ។

– ជ្រើសរើសឱសថបុរាណឱ្យសក័ក្តិសមនឹងស្បែក

ព្រោះសារធាតុចម្រាញ់ដែលផ្សំនៅក្នុងសាច់ឡេមានភាពខុសផ្លែកពីគ្នា ឱសថបុរាណប្រភេទខ្លះល្អចំពោះអ្នកដែលមានស្បែកស្ងួត ដូចជា ទឹកឃ្មុំ ផ្លែត្រសក់ ប្រទាលកន្ទុយក្រពើ ចំណែកស្បែកមានជាតិខ្លាញ់ និងស្បែកមានមុនវិញគួរជ្រើសរើសប្រើសាច់ឡេដែលផ្សំពីផ្លែឈើដែលមានរសជាតិជូរ ដូចជា ផ្លែកន្ទួត ផ្លែស្ពឺ ក្រូចសើច អំពឹលជាដើម ដើម្បីឱ្យឱសថបុរាណបានសំអាត និងថែទាំស្បែករបស់អ្នកបានយ៉ាងត្រឹមត្រូវ ។

– នៅពេលប្រុងចេញទៅខាងក្រៅ

ពេលត្រៀមចេញទៅដើរលេងនៅសមុទ្ទ គួរផ្អាកការខាត់ស្បែកមុននឹងចេញទៅប៉ះពន្លឺថ្ងៃប្រមាណជា 2 ថ្ងៃ ដើម្បីការពារកុំឱ្យស្បែកត្រូវពន្លឺថ្ងៃបំផ្លាញខ្លាំងពេក និងជ្រើសរើសប្រើផលឹតផលការពារពន្លឺថ្ងៃរៀងរាល់ 4 ម៉ោងម្តង រួមទាំងការបាញ់ស្ប្រៃយ៍ស្បែកឱ្យមានសំណើមជាប់ជានិច្ចផង ។

ខាត់ស្បែកលើកក្រោយ កញ្ញាៗទាំងអស់សាកល្បងធ្វើតាមចំណុចខាងលើលមើល៍ ដើម្បីឱ្យស្បែកសស្អាតរៀងរាល់ថ្ងៃ៕

December 5, 2017

កាសែតឡារ៉ែន ពាណិជ្ជ លេខ 104

[easy_media_download url=”https://www.lareine.com.kh/wp-content/uploads/2017/12/LRPN_104-for-web.pdf” force_dl=”1″]

December 5, 2017

ធនាគារ CIMB ឧបត្ថម្ភសម្ភារៈបរិក្ខារអនាម័យ និងសិក្សា ដល់សាលារៀន តាមរយៈគម្រោង «កុមារមានអនាម័យ ប្រាជ្ញាឆ្លាតវៃ»

ភ្នំពេញ៖ នៅថ្ងៃទី02 ខែធ្នូកន្លងទៅនេះ ធនាគារ ស៊ីអាយអិមប៊ី ភីអិលស៊ី (ធនាគារ CIMB) ដែលជាធនាគារពាណិជ្ជឈានមុខគេមួយនៅកម្ពុជា បានធ្វើដំណើរទៅកាន់សាលាបឋមសិក្សាពង្រ ក្នុងខេត្តសៀមរាប ជាមួយនឹងការឧបត្ថម្ភនូវកញ្ចប់សម្ភារៈបរិក្ខារអនាម័យ រួមមានស៊ីទែនផ្ទុកទឹកខ្នាតធំ ដែលបំពាក់ដោយឧបករណ៍លាងសម្អាតដៃ និងសម្ភារៈសិក្សាមួយចំនួនទៀត ព្រមទាំងសកម្មភាពកម្សាន្ត សម្រាប់សិស្សានុសិស្សផងដែរ។ ចាប់តាំងពីបើកដំណើរការអាជីវកម្មដំបូង នៅឆ្នាំ2010 ក្នុងប្រទេសកម្ពុជា ឆ្នាំនេះគឺឆ្នាំទី7ហើយ នៃសកម្មភាពទំនួលខុសត្រូវសង្គមរបស់ធនាគារ CIMB តាមរយៈគម្រោង «កុមារមានអនាម័យ ប្រាជ្ញាឆ្លាតវៃ» ដោយមានការចូលរួមពីបុគ្គលិក នៅទូទាំងធនាគារ។

លោកស្រី អ៊ុំ ចិន្តាភក្តី ដែលជានាយិកាធនធានមនុស្ស របស់ធនាគារ CIMB បានឲ្យដឹងថា៖ «ក្នុងឆ្នាំ2017 ធនាគារសម្រេចបានសកម្មភាពទំនួលខុសត្រូវសង្គម ដ៏គួរឲ្យកត់សម្គាល់ នៅក្នុងសាលាបឋមសិក្សាពង្រ ដោយបានឧបត្ថម្ភនូវសម្ភារៈបរិក្ខារអនាម័យ រួមទាំងសម្ភារៈសិក្សារបស់កុមារ ដើម្បីឆ្លើយតបទៅនឹងតម្រូវការជាក់ស្តែងរបស់សាលា និងសិស្សានុសិស្សទាំងមូល។ ការរួមចំណែកនេះនឹងបង្កើនសក្តានុពលនៃការសិក្សារៀនសូត្ររបស់កុមារ ដែលជាទំពាំងស្នងឬស្សី ហើយយើងជឿជាក់ថា កុមារមានអនាម័យ ប្រាជ្ញាកាន់តែឆ្លាតវៃ។ ស្របតាមទស្សនៈវិស័យរបស់ធនាគារ CIMB យើងមានក្តីរីករាយ ដែលបានជួយដល់សហគមន៍ ឲ្យទទួលបានអត្ថប្រយោជន៍យូរអង្វែង ប្រកបដោយនិរន្តរភាព»។

តាមរយៈការចូលរួមយ៉ាងផុសផុល ពីបុគ្គលិក និងថ្នាក់ដឹកនាំរបស់ធនាគារ CIMB កម្មវិធីសប្បុរសធម៌នេះបានប្រព្រឹត្តទៅយ៉ាងរលូន និងយ៉ាងទៀងទាត់ ជារៀងរាល់ឆ្នាំ។ លោកស្រី សុខ ចាន់លីណា ដែលជាបុគ្គលិក និងអ្នកស្ម័គ្រចិត្តមួយរូប បានបង្ហាញអារម្មណ៍ផ្ទាល់ខ្លួនថា៖ «នេះគឺជាកម្មវិធីសប្បុរសធម៌ដ៏ល្អមួយ ដែលបានបង្កើតឡើងដោយធនាគារ CIMB។ វាបានលើកកម្ពស់នូវវប្បធម៌ចែករំលែក តាមរយៈការជួយដល់សហគមន៍ និងក្មេងជំនាន់ក្រោយ។ ដោយការចាប់ផ្តើមពីខ្លួនយើងម្នាក់ៗ យើងនឹងអាចសម្រេចបានលទ្ធផលធំធេង ដល់សង្គមជាតិយើង នាថ្ងៃក្រោយ ហើយខ្ញុំពិតជាសប្បាយរីករាយ ដែលបានក្លាយជាផ្នែកមួយនៃកម្មវិធីសប្បុរសធម៌នេះ។ ខ្ញុំនឹងចូលរួមសកម្មភាពទំនួលខុសត្រូវសង្គមនេះ នាឆ្នាំក្រោយផងដែរ»។

តាមរយៈការឧបត្ថម្ភពីគម្រោង «កុមារមានអនាម័យ ប្រាជ្ញាឆ្លាតវៃ» លោក ហ៊ាង សុខេន នាយកសាលាពង្រ បានឲ្យដឹងថា៖ «ខ្ញុំសូមថ្លែងអំណរគុណដល់ធនាគារ CIMB ដែលបានជួយដល់សាលារៀនមួយចំណែកធំ តាមរយៈការផ្តល់នូវសម្ភារៈសិក្សា និងឧបករណ៍បរិក្ខារអនាម័យ ដល់សាលាយើងខ្ញុំ។ ការបរិច្ចាគទាំងអស់នេះនឹងជួយដល់ឲ្យបរិស្ថាន និងអនាម័យសាលាល្អប្រសើរ ហើយសិស្សាសាលានឹងមានទម្លាប់ល្អ អនាម័យល្អ និងសុខភាពល្អ ដែលមានកន្លែងលាងសម្អាតដៃងាយស្រួល។ ហើយខ្ញុំសង្ឃឹមថា ធនាគារ CIMB នឹងបន្តសកម្មភាពមនុស្សធម៌របស់ខ្លួន កាន់តែច្រើនថែមទៀត សម្រាប់សាលារៀនដាច់ស្រយ៉ាលផ្សេងទៀត ក្នុងប្រទេសកម្ពុជា»។

គួររំលឹកផងដែរថា តាំងពីចាប់ផ្តើមប្រតិបត្តិការរបស់ខ្លួន នៅកម្ពុជា ក្នុងឆ្នាំ2017 ធនាគារ CIMB តែងតែរៀបចំកម្មវិធីទំនួលខុសត្រូវសង្គម ទៅតាមគម្រោងផ្សេងៗគ្នា ជារៀងរាល់ឆ្នាំ ខណៈដែលធនាគារតែងតែពង្រីកកម្មវិធីសប្បុរសធម៌ ពីមួយឆ្នាំទៅមួយឆ្នាំផងដែរ។ ក្រៅពីការឧបត្ថម្ភដល់កុមារ និងសាលារៀនដែលខ្វះខាត បុគ្គលិក និងថ្នាក់ដឹកនាំរបស់ធនាគារ CIMB ក៏បានចូលរួមស្ម័គ្រចិត្តផ្តល់ឈាម ចំនួន៣លើក ដើម្បីជួយដល់ជនរងគ្រោះ ដោយសហការជាមួយមជ្ឈមណ្ឌលជាតិផ្តល់ឈាមផងដែរ។ ហើយសម្រាប់ឆ្នាំបន្ទាប់ទៀត ធនាគារ CIMB នឹងខិតខំបន្តសកម្មភាពសប្បុរសធម៌របស់ខ្លួន ដែលមានសារៈសំខាន់ និងចាំបាច់បំផុត សម្រាប់សហគមន៍នានា ក្នុងព្រះរាជាណាចក្រកម្ពុជា៕

December 5, 2017

Author: វល័ក្ខ