វល័ក្ខ - La Reine Media

Murray ធ្លាក់ចេញពី Australian Open ក្រោយពីការវាយបកដ៏រំភើប

កីឡាករវាយកូនបាល់ Andy Murray បានចាកចេញទាំងការបើកចំហទ្វារឲ្យមានការវិលត្រឡប់មួយទៅកាន់ទីលាន Melbourne Park ក្រោយពីបានរងបរាជ័យក្រោមស្នាដៃរបស់កីឡាករ Roberto Bautista Agut ក្នុងការប្រកួតដ៏ស្វិតស្វាញចំនួន 5សិត ក្នុងជុំទី1 នៃព្រឹត្តិការណ៍ Australian Open កាលពីថ្ងៃចន្ទ។

ក្រោយពីបានបញ្ជាក់ថា យុទ្ធនាការនេះអាចនឹងក្លាយជាយុទ្ធនាការចុងក្រោយក្នុងនាមជាកីឡាករអាជីព ដោយសារតែមានបញ្ហាឈឺចាប់ត្រង់ចង្កេះ Murray បានលេងជាមួយនឹងការខិតខំព្យាយាមអស់ពីសមត្ថភាពរបស់គេ តាមរយៈការវាយបកពីការតាមក្រោយ 2សិត មុនពេលចាញ់ទៅវិញក្នុងលទ្ធផល 6-4, 6-4, 6-7 (5) 6-7 (4) និង6-2 នៅក្រោមពន្លឺភ្លើង នៅលើទីលាន Melbourne Arena។

អតីតកីឡាករមានចំណាត់ថ្នាក់លេខ1 លើពិភពលោករូបនេះ បានធ្វើឲ្យការប្រកួតរបស់គេស្ថិតក្នុងភាពស្វិតស្វាញ ខណៈដែលរូបគេបានបង្ខំឲ្យការប្រកួតឈានដល់សិតកាត់សេចក្តី និងបន្ទាប់មកបានធ្វើឲ្យអ្នកគាំទ្រសង្ឃឹមថា រូបគេអាចនឹងបង្កើតឲ្យមានការរំភើបម្តងទៀតនៅអូស្ត្រាលី។

ម្ចាស់ជើងឯក Grand Slam 3 សម័យកាលរូបនេះ បាននិយាយនៅលើទីលានប្រកួតថា៖ «ខ្ញុំប្រហែលជានឹងជួបអ្នកទាំងអស់គ្នាម្តងទៀត ខ្ញុំនឹងធ្វើរាល់អ្វីៗទាំងអស់តាមដែលអាចធ្វើបាន។ ប្រសិនបើខ្ញុំចង់ធ្វើម្តងទៀត ខ្ញុំនឹងត្រូវតែមានការវះកាត់ដ៏ធំមួយ ដែលមិនមានការធានាថា ខ្ញុំអាចវិលទៅប្រកួតបានវិញឡើយ ប៉ុន្តែ ខ្ញុំនឹងខំប្រឹងឲ្យអស់ពីសមត្ថភាព» ៕

January 15, 2019

ជើងខ្លាំង ៤ក្រុមនៃពានរង្វាន់ Tiger Street Football Festival 2019 ប្រចាំមណ្ឌលខេត្តតាកែវឡើងទៅវគ្គផ្តាច់ព្រ័ត្រនៅរាជធានីភ្នំពេញ

ខេត្តតាកែវ៖ ព្រឹត្តិការណ៍ប្រកួតបាល់ទាត់ Tiger Street Football Festival 2019 ប្រចាំមណ្ឌលខេត្តតាកែវដែលជាមណ្ឌលទី២បានរកឃើញម្ចាស់ជើងឯកហើយបានទៅលើក្រុមយាន្តដ្ឋានសំណាង១បន្ទាប់ពីយកឈ្នះលើក្រុមក្លិបកីឡាដូនកែវ “A”ក្នុងលទ្ធផល៣ទល់២ នៅថ្ងៃទី១៣ ខែមករា ឆ្នាំ២០១៩ នេះនៅផ្សារបុរីរស្មី ទីរួមខេត្តតាកែវ ។

ចំណែកក្រុម CTB “B” ទទួលបានចំណាត់ថ្នាក់លេខ៣ក្រោយពីឈ្នះលើក្រុមភូមិស្នោFC ក្នុងលទ្ធផល ៥ទល់២ នៅវគ្គផ្តាច់ព្រ័ត្រ។ សម្រាប់រង្វាន់ក្រុមជើងឯកប្រចាំមណ្ឌលខេត្តតាកែវក្រុមក្រុមយាន្តដ្ឋានសំណាង១ ទទួលបានប្រាក់រង្វាន់ ១០០០ដុល្លារ ក្រុមជើងឯករងបានទៅលើក្រុមក្លិបកីឡាដូនកែវ “A” ប្រាក់រង្វាន់ ៧០០ដុល្លារ ក្រុមចំណាត់ថ្នាក់លេខ៣ បានទៅលើក្រុម CTB “B”ប្រាក់រង្វាន់៣៥០ដុល្លារ ក្រុមចំណាត់ថ្នាក់លេខ៤ បានទៅលើក្រុមភូមិស្នោ FC ប្រាក់រង្វាន់១៥០ ដុល្លារ និងស្រាបៀរថៃហ្គ័រ។

ដោយឡែកសម្រាប់ខេត្តតាកែវដែលជាមណ្ឌលទី២នេះគណៈកម្មាធិការរៀបចំការប្រកួតយកតែ៤ក្រុមតែប៉ណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ ជាពិសេសមានឱកាស ជួបផ្ទាល់ជាមួយកំពូលតារាបាល់ទាត់អន្តរជាតិ គឺកីឡាករបាល់ទាត់ Ronaldinho។ សូមរងចាំជួបគ្នានៅមណ្ឌលកំពង់ស្ពឺដែលជាខេត្តបន្ទាប់ នៅថ្ងៃ ទី ២០ ខែ មករា ឆ្នាំ២០១៩ ។ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង ៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។

សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH ពិសាដោយការទទួលខុសត្រូវ៕

January 14, 2019

កាសែតឡារ៉ែន ពាណិជ្ជ លេខ 157

[easy_media_download url=”https://www.lareine.com.kh/wp-content/uploads/2019/01/LRPN_157-Final-For-Web-1.pdf” force_dl=”1″]

January 12, 2019

បន្តិចទៀតនឹងមានតែគយ និងមន្រ្តីអន្តោប្រវេសន៍ប៉ុណ្ណោះនៅច្រកព្រំដែន ក្រៅពីនោះរដ្ឋាភិបាលនឹងដកចេញទាំងអស់

បញ្ហាមន្ត្រីច្រើនស្ថាប័ននៅតាមច្រកព្រំដែននានាធ្លាប់ត្រូវបានលើកឡើងថាជាឧបសគ្គមួយផងដែរសម្រាប់អាជីវករ និងពាណិជ្ជករដែលរកស៊ីផ្នែកនាំចេញ និងនាំចូលផលិតផលពីបរទេសមកកម្ពុជា និងពីកម្ពុជាទៅក្រៅប្រទេស។

បញ្ហាស្ថាប័នច្រើននេះត្រូវបានគេមើលឃើញថា អាចធ្វើឱ្យនីតិវិធីនៃការនាំចេញ-នាំចូលមានភាពសាំញ៉ាំ ចំណាយពេលវេលាយូរ និងថវិកាច្រើនដែលបញ្ហានេះអាចធ្វើឱ្យប៉ះពាល់ដល់អាជីវកម្មរបស់អ្នករកស៊ីដែលត្រូវការភាពឆាប់រហ័ស។

នៅក្នុងជំនួបរវាងសម្តេចតេជោ ហ៊ុន សែន ជាមួយអ្នកសារព័ត៌មានលើកទី3 កាលពីថ្ងៃទី11 ខែមករា ឆ្នាំ2019 ម្សិលមិញនេះ សម្តេចនាយករដ្ឋមន្ត្រី បានលើកឡើងថា រាជរដ្ឋាភិបាលនឹងកាត់បន្ថយមន្ត្រីគ្រប់ស្ថាប័នទាំងអស់នៅច្រកព្រំដែន ដោយទុកតែមន្ត្រីអន្តោប្រវេសន៍ ដែលត្រូវបំពេញបែបបទវាយត្រាចេញ-ចូលប្រទេសជាចាំបាច់ និងមន្ត្រីគយសម្រាប់ប្រមូលពន្ធតែប៉ុណ្ណោះ ក្រៅពីនេះមន្ត្រីកាំកុងត្រូល និងមន្ត្រីផ្សេងៗទៀតនឹងមិនឱ្យមាននៅច្រកព្រំដែនតទៅទៀតទេ។

ចំណាត់ការនេះធ្វើឡើងដើម្បីពង្រឹងឯករាជភាពលើវិស័យសេដ្ឋកិច្ច តាមរយៈការជំរុញឱ្យមានភាពងាយស្រួលក្នុងការធ្វើពាណិជ្ជកម្មនៅក្នុងប្រទេស៕

January 12, 2019

កំពូលតារាសម្ដែងថៃ នាង Vicki បង្ហាញខ្លួននៅកម្ពុជា

គួរឱ្យចាប់អារម្មណ៍យ៉ាងខ្លាំង ដែលកំពូលតារាសម្ដែងថៃល្បីល្បាញអ្នកនាង Vicki Sunisa Jett ដែលគេបានស្គាល់ច្រើនក្នុងភាពយន្តភាគថៃ ជាពិសេសក្នុងរឿង «យ៉ានីកំពូលស្នេហ៍» បានប្រកាសជំហរគួរអោយភ្ញាក់ផ្អើល ដើម្បីបណ្ដាក់ទុននៅក្នុងប្រទេសកម្ពុជា ក្នុងពេលដែលអ្នកនាងបង្ហាញមុខក្នុងពិធីប្រកាសដំណើរការគ្លីនិកវះកាត់សម្ផស្សអ៊ីវ៉ូល ដែលជាគ្លីនិកធំមួយនៅកម្ពុជា កាលពីល្ងាចថ្ងៃទី11 មករា នៅណាហ្គាវើល។

អ្នកនាងត្រូវគេឃើញចុះហត្ថលេខា ព្រមជាមួយពិធីចុះផ្ដល់សិទ្ធិចែកចាយផលិតផលល្បីល្បាញរបស់អ្នកនាងជាមួយនឹងតំណាងនៅកម្ពុជា អមដោយការតាំងចិត្តថា នឹងលុកលុយក្នុងការពង្រីកមុខជំនួញអោយបានខ្លាំងក្លានៅកម្ពុជា បន្ថែមពីលើអាជីពសម្ដែង ដែលជោគជ័យ។

តារាសម្ដែងថៃ អ្នកនាង Vicki Sunisa Jett បានថ្លែងក្នុងវេទិកាសិន្និសីទនាថ្ងៃនោះថា អ្នកនាងបង្ហាញខ្លួននាពេលនោះ មិនមែជាលើកទី1នោះទេ ហើយក៍មិនមែនគ្រាន់តែបង្ហាញខ្លួនក្នុងនាមជាតំណាងផ្សព្វផ្សាយរបស់គ្លីនិកអ៊ីវ៉ូលនោះដែរ ពោលគឺជាលើកទី2នៅកម្ពុជា ហើយអ្នកនាងមកកាន់វេទកាទាំងមូល ក៍ព្រោះអ្នកនាងសម្រេចចិត្តចាប់ដៃវិនិយោគនៅកម្ពុជា។

នៅក្នុងប្រទេសថៃ អ្នកនាងថាខ្លួនគឺជាអ្នកបង្កើតផលិតផលថែរក្សាសម្រស់ម៉ាក Liv White Diamond ដែលរួមមាន ផលិតផលឡេ និងផលិតផលថែរក្សាស្បែកល្បីល្បាញប្រចាំប្រទេសថៃ ហើយមានទីផ្សារពេញនិយមប្រមាណជាង3ឆ្នាំមកហើយ ទើបក្រោយពីមានការសហការ អ្នកនាងក៍សម្រេចចិត្តប្រគល់សិទ្ធិចែកចាយផលិតផលរបស់ខ្លួនទៅអោយកញ្ញា គង់ កែវមរកត ហៅហ្វាងកែវ នាយកប្រតិបត្តិគ្លីនិកអ៊ីវ៉ូល មានសិទ្ធិចែកចាយផលិតម៉ាកល្បីនេះ។

អ្នកនាងថាខ្លួនប្រឡូកការសម្ដែងភាពយន្តនៅក្នុងប្រទេសថៃជាង20ឆ្នាំមកហើយ ដោយភាពយន្តដែលអ្នកនាងសម្ដែងជាតួឯករាប់ក៍មានមិនអស់ផងដែរ ដែលត្រូវបានជនជាតិខ្មែរ ដែលនិយមភាពយន្តថៃទទួលស្គាល់។ អ្នកនាងរំពឹងយ៉ាងខ្លាំងថា កញ្ញា ហ្វាងកែវ ដែលបានសិទ្ធចែកចាយផ្ដាច់មុខនឹងធ្វើអោយផលិតផលរបស់អ្នកនាងជោគជ័យមិនចាញ់នៅទីផ្សារប្រទេសថៃ ជាពិសេសនៅក្នុងកាលៈទេសៈដែលជនជាតិខ្មែរកាន់តែចាប់អារម្មណ៍ផលិតផលម៉ាកល្បីៗដើម្បីសម្រស់នាពេលនេះ។

អ្នកនាងព្រលយថាស្ថិតក្នុងវ័យ37ឆ្នាំ អ្នកនាងនៅតែមានទីផ្សារសម្ដែងតួឯក ប៉ុន្តែបណ្ដាលមកពីអ្នកនាងទើបតែសម្រាលកូនប្រុសបានជាង2ខែ ស្របគ្នាដែលអ្នកនាងមិនទាន់រួចដៃរឿងមុខជំនួញផង ទើបអ្នកនាងផ្អាកទទួលមួយរយៈ។

គួរកត់សម្កាល់ផងដែរថា ជាមួយនឹងវត្តមានរបស់កំពូលតារាសម្ដែងថៃល្បីឈ្មោះជា20ឆ្នាំ ខាងលើនេះ កញ្ញា គង់ កែវមរកត ដែលជានារីមានសម្រស់ស្រស់ស្អាត និងមានឥទ្ធិពលក្នុងការទាក់ទាញអតិថិជននោះបានក្លាយជានាយិកាប្រតិបត្តិគ្លីនិក ក្នុងនាមជាដៃគូភាគហ៊ុនជាមួយអ្នកនាង Vicki Sunisa Jett រួមជាមួយលោកវេជ្ជបណ្ឌិត ធឿង សុំពិសិដ្ឋ ដែលជាម្ចាស់គ្លីនិកផ្ទាល់ ទើបនាំឱ្យកើតមានពិធីកាត់ខ្សែបូរណ៌ទាំង3ភាគី និងប្រកាសបើកដំណើរជាផ្លូវការតែម្ដង ៕

January 12, 2019

ក្តៅ! សាមសុងទើបចេញ Teaser ថ្មី ខណៈដែលកំពុងត្រៀមខ្លួនបង្ហាញរូបរាងទូរស័ព្ទដៃ Galaxy ស៊េរីថ្មីនៅខែក្រោយនេះ!

នៅក្នុងវេបសាយផ្លូវការរបស់ក្រុមហ៊ុនសាមសុង ទើបបង្ហោះចេញនូវវីដេអូ Teaser ថ្មីមួយ ដែលទំនងជាចង់បង្ហើបពីទូរស័ព្ទដៃស្មាតហ្វូនជំនាន់ថ្មីរបស់ត្រកូល Galaxy ស៊េរីទំនើបដែលមិនទាន់បានដាក់បង្ហាញពីរូបរាងច្បាស់នៅឡើយទេ តែក៏នឹងមានគម្រោងបង្ហាញជាផ្លូវការនាពេលឆាប់ៗនេះនៅក្នុងទីក្រុងសាន់ហ្វ្រាន់ស៊ីស្កូ (San Francisco) រដ្ឋកាលីហ្វ័រញ៉ា សហរដ្ឋអាមេរិក នៅថ្ងៃពុធ ទី២០ កុម្ភៈ ត្រូវនឹង ទី២១ កុម្ភៈនៅកម្ពុជា។

នៅក្នុងវីដេអូ Teaser ខ្លីនេះដែរបានធ្វើឲ្យអ្នកលេងអ៊ីនធឺណែតភាគច្រើនបាននាំគ្នាទស្សន៍ទាយថាជាទូរស័ព្ទដៃស្មាតហ្វូនស៊េរី Galaxy ថ្មីមួយទៀតដែលគ្រោងនឹងបង្ហាញរូបរាងនាខែក្រោយនេះ ដោយបង្ហាញលេខ10 ធំៗ ដែលបញ្ជាក់ពីការអបអរសាទរខួប 10ឆ្នាំរបស់Samsung Galaxy ដូច្នេះអ្នកគាំទ្រសាមសុងកំពុងរងចាំមើលថាតើ ទូរស័ព្ទដៃស្មាតហ្វូន Galaxy ជំនាន់ថ្មីនឹងភ្ជាប់មកជាមួយនូវលក្ខណៈពិសេសអ្វីខ្លះ។ ចុះចំណែកអ្នកវិញ អ្នកយល់យ៉ាងណាដែរចំពោះរូបរាងទូរស័ព្ទដែលកំពុងបង្ហាញនៅក្នុងវីដេអូនេះ?

ប្រសិនបើលោកអ្នកចង់ដឹងច្បាស់ ថា Galaxy ស៊េរីទំនើបនេះមានភាពអស្ចារ្យកំរិតណា សូមកុំភ្លេចរង់ចាំទស្សនាការផ្សាយផ្ទាល់ តាមរយៈ www.samsungmobilepress.com , www.samsung.com/galaxy ឫ www.samsung.com ។

January 11, 2019

Djokovic និង Halep ទទួលចំណាត់ថ្នាក់លេខ1 ប្រចាំ Australian Open

កីឡាករ និងកីឡាការិនីវាយកូនបាល់ចំណាត់ថ្នាក់លេខ1 ក្នុងពិភពលោកចំនួន 2នាក់ គឺ Novak Djokovic និង Simona Halep កាលពីថ្ងៃព្រហស្បតិ៍ សុទ្ធសឹងត្រូវបានផ្តល់ចំណាត់ថ្នាក់លេខ1 ប្រចាំព្រឹត្តិការណ៍ Australian Open នៅសប្តាហ៍ក្រោយ ខណៈដែលម្ចាស់ជើងឯកពានរង្វាន់ធំៗ 23សម័យកាល Serena Williams ស្ថិតក្នុងចំណាត់ថ្នាក់លេខ16 ក្នុងវិញ្ញាសាផ្នែកនារី។

Djokovic នឹងឈរពីលើគូប្រជែងដ៏ខ្លាំងរបស់ខ្លួន Rafael Nadal និងម្ចាស់ការពារតំណែងជើងឯក Roger Federer ស្របពេលដែលកីឡាករវ័យក្មេង Alexander Zverev ស្ថិតក្នុងចំណាត់ថ្នាក់លេខ4 ប្រចាំព្រឹត្តិការណ៍ ខណៈរូបគេសម្លឹងរកការឈ្នះពានកម្មវិធី Grand Slam ជាលើកទី1។

កីឡាករសញ្ជាតិស៊ែប៊ី Djokovic កំពុងតែសម្លឹងរកការបង្កើតប្រវត្តិសាស្ត្រតាមរយៈការឈ្នះពាន Australian Open ជាលើកទី7 នៅពេលដែលយុទ្ធនាការនេះចាប់ផ្តើមនៅទីលាន Melbourne Park នៅថ្ងៃចន្ទសប្តាហ៍ក្រោយ ខណៈកីឡាករជើងចាស់សញ្ជាតិស្វ៊ីស Federer ក៏សម្លឹងរកការឈ្នះពានជាលើកទី7 ដូចគ្នាដែរ។

ជើងខ្លាំងទាំង2 នឹងត្រូវប៉ះការប្រជែងដ៏ខ្លាំងក្លាមួយពី Zverev ដែលជាជើងខ្លាំងជំនាន់ក្រោយ ប៉ុន្តែមកទល់ពេលនេះ មិនទាន់ឆ្លងផុតវគ្គ 8នាក់ចុងក្រោយនៅឡើយទេក្នុងយុទ្ធនាការដ៏ធំមួយ។

កីឡាករមានចំណាត់ថ្នាក់លេខ5 ក្នុងពិភពលោក Juan Martin del Potro នឹងត្រូវអវត្តមានដោយសារតែរបួស ខណៈកីឡាករអាហ្វ្រិកខាងត្បូង Kevin Anderson ត្រូវបានផ្តល់ចំណាត់ថ្នាក់លេខ5 ប្រចាំព្រឹត្តិការណ៍ ស្របពេលម្ចាស់ជើងឯករងកាលពីឆ្នាំមុន Marin Cilic ស្ថិតក្នុងចំណាត់ថ្នាក់លេខ6។

Halep ស្ថិតក្នុងចំណាត់ថ្នាក់លេខ1 ប្រចាំព្រឹត្តិការណ៍ក្នុងវិញ្ញាសានារី ដោយផ្អែកទៅលើចំណាត់ថ្នាក់លេខ1 ក្នុងពិភពលោករបស់នាង៕

ប្រភពពី៖ Channel News Asia

January 11, 2019

ប្រាសាក់ ចាប់ផ្ដើមឆ្នាំថ្មីជាមួយដើមទុនចុះបញ្ជីរហូតដល់ 168 លានដុល្លារអាមេរិក

ភ្នំពេញ៖ ប្រាសាក់ ដែលជាគ្រឹះស្ថានហិរញ្ញវត្ថុលំដាប់ទី 1 ក្នុងវិស័យមីក្រូហិរញ្ញវត្ថុ និងជាស្ថាប័នមួយក្នុងចំណោមគ្រឹះស្ថានធនាគារធំៗទាំង 5 នៅកម្ពុជា បានបង្កើនដើមទុនចុះបញ្ជីពី 110លានដុល្លារអាមេរិក រហូតដល់ 168 លានដុល្លារអាមេរិក នាដើមឆ្នាំថ្មីនេះ។

ការបង្កើនដើមទុនថ្មីបន្ថែម 58លានដុល្លារនេះ គឺក្នុងគោលបំណងបង្កើនទំនុកចិត្តឱ្យកាន់តែខ្លាំងក្លាពីអតិថិជន វិនិយោគិន និងសាធារណជន បន្ទាប់ពីប្រាសាក់បានសម្រេចសមិទ្ធផលល្អប្រសើរនាពេលកន្លងមកលើមូលដ្ឋានសំខាន់ៗដូចជា ភាពល្អប្រសើរផ្នែកអាជីវកម្ម ការបម្រើសេវាកម្មប្រកបដោយវិជ្ជាជីវៈ ការផ្តល់ដំណោះស្រាយហិរញ្ញវត្ថុដែលមានភាពបត់បែននិងសម្បូរបែប វិសាលភាពនៃបណ្តាញការិយាល័យគ្របដណ្ដប់ទូទាំងប្រទេស ការបំពាក់ម៉ាស៊ីនអេធីអឹម ម៉ាស៊ីនឆូតកាត សេវាធនាគារចល័ត និងប្រព័ន្ធធនាគារស្នូល ប្រកបដោយភាពទំនើប តម្លាភាព និងសុក្រឹតភាព។

ដើមទុនចុះបញ្ជីចំនួន 672 ប៊ីលានរៀល សមមូលនឹង 168 លានដុល្លារអាមរិកនេះ បានមកពីការចូលរួមមូលនិធិវិនិយោគរបស់ភាគទុនិកចំនួន 3 រួមមាន ធនាគារ Bank of East Asia (BEA) ក្រុមហ៊ុន Lanka Orix Leasing Company (LOLC) និងក្រុមហ៊ុនបុគ្គលិកប្រាសាក់ (PSCo)។

លោក សាយ សូនី នាយកប្រតិបត្តិគ្រប់គ្រងទីផ្សារ នៃគ្រឹះស្ថានមីក្រូហិរញ្ញវត្ថុប្រាសាក់ បានមានប្រសាសន៍ថា «ការដំឡើងដើមទុនបន្ថែមនេះ គឺយកមកពីប្រាក់ចំណេញរក្សាទុក ក្នុងគោលបំណងផ្តល់ហិរញ្ញប្បទានចំពោះហេដ្ឋារចនាសម្ព័ន្ធ និងកំណើនរបស់ស្ថាប័ន ដើម្បីបំពេញតាមគោលដៅជាយុទ្ធសាស្ត្រ និងឆ្លើយតបតាមតម្រូវការទីផ្សារ។ ការវិនិយោគបន្ថែមនេះ ក៏សបញ្ជាក់ឱ្យឃើញច្បាស់ថាភាគទុនិករបស់ប្រាសាក់ មានទំនុកចិត្តខ្ពស់លើថ្នាក់ដឹកនាំ និងថ្នាក់គ្រប់គ្រងប្រាសាក់ ព្រមទាំងមានការប្តេជ្ញាចិត្តយ៉ាងខ្លាំងមុតមាំក្នុងការគាំទ្រនិងអភិវឌ្ឍប្រាសាក់ឱ្យនៅតែជាគ្រឹះស្ថានហិរញ្ញវត្ថុឈានមុខគេនៅក្នុងវិស័យ និងដើម្បីកសាងទំនុកចិត្តនិងការជឿជាក់កាន់តែខ្លាំងពីសាធារណជន» ។

លោក សាយ សូនី បានគូសបញ្ជាក់បន្តទៀតថា តាមរយៈការបន្ថែមដើមទុនថ្មីនេះ នឹងរឹងរឹតតែធ្វើឱ្យប្រាសាក់ជ្រងជំហរយ៉ាងរឹងមាំលើទីផ្សារ បម្រើសេវាជូនអតិថិជនបានកាន់តែល្អប្រសើរ និងចូលរួមចំណែកពង្រឹងវិស័យហិរញ្ញវត្ថុ ព្រមទាំងចូលរួមអភិវឌ្ឍសេដ្ឋកិច្ចជាតិប្រកបដោយនិរន្តរភាព។ ការសម្រេចបានសមិទ្ធផលនេះ ប្រាកដជាមិនអាចកើតមានទេ ប្រសិនបើមិនមានការគាំទ្រពីសំណាក់ភាគីពាក់ព័ន្ធ។

ក្នុងឱកាសនេះ សាយ សូនី សូមសំដែងនូវការដឹងគុណ និងអំណរគុណយ៉ាងស្មោះស្ម័គ្រចំពោះរាជរដ្ឋាភិបាលកម្ពុជា ធនាគារជាតិនៃកម្ពុជា និងអាជ្ញាធរគ្រប់លំដាប់ថ្នាក់ និងជាពិសេសចំពោះអតិថិជនប្រាក់បញ្ញើសន្សំ និងឥណទានដែលតែងតែផ្ដល់ការគាំទ្រ ដែលញ៉ាំងឱ្យប្រាសាក់ក្លាយជាគ្រឹះស្ថានមីក្រូហិរញ្ញវត្ថុធំជាងគេនៅកម្ពុជា។

គិតត្រឹមដំណាច់ឆ្នាំ 2018 ប្រាសាក់មិនត្រឹមតែរក្សាបាននូវជំហរនាំមុខគេលើទីផ្សារហិរញ្ញវត្ថុ ជាមួយនឹងបណ្ដាញការិយាល័យច្រើនជាងគេ លទ្ទភាពរកប្រាក់ចំនេញ និងសម្ពៀតឥណទានធំជាងគេប៉ុណ្ណោះទេ ប៉ុន្តែថែមទាំងធានាបាននូវនិរន្តរភាពទៀតផង។ លទ្ធផលដែលសម្រេចបានរួមមាន៖

ទ្រព្យសកម្មសរុបចំនួន 2,378 លានដុល្លារអាមេរិក
សម្ពៀតឥណទានកើនឡើងដល់ 1,962 លានដុល្លារអាមេរិក ដោយដោយបម្រើអតិថិជនសរុប 397 ពាន់នាក់
សមតុល្យប្រាក់បញ្ញើ-សន្សំចំនួន 1,291 លានដុល្លារអាមេរិក ដោយមានអតិថិជនប្រាក់បញ្ញើ-សន្សំ 555 ពាន់នាក់
ពង្រីកបណ្តាញការិយាល័យរហូតដល់ 177 សាខា
ដំឡើងម៉ាស៊ីន ATM ចំនួន 126 ទីតាំង
ផ្តល់ឱកាសការងារដល់បុគ្គលិកជាង 7,600 នាក់

ក្នុងឆ្នាំ 2019 ប្រាសាក់មានផែនការអនុវត្តយុទ្ធសាស្ត្រនៃការរីកចម្រើនជាមួយគ្នារបស់យើង ជាមួយនឹងអតិថិជនសហគ្រាសខ្នាតតូចបំផុត ខ្នាតតូច និងខ្នាតមធ្យម ដែលមានស្រាប់, ការបង្កើនអត្ថប្រយោជន៍ជាអតិបរមានិងការផ្តល់ភាពងាយស្រួលដល់ដៃគូអាជីវកម្មនិងអតិថិជនប្រាក់បញ្ញើសន្សំ តាមរយៈការវិនិយោគទៅលើបច្ចេកវិទ្យាហិរញ្ញវត្ថុ (FinTech) ដូចជាពង្រីកការផ្តល់សេវាទូទាត់រហ័ស, CSS, ម៉ាស៊ីនឆូតកាត អេធីអឹម និងសេវាធនាគារចល័ត និងពង្រីកសាខាឱ្យច្រើនបន្ថែមទៀតនៅទូទាំងប្រទេស។ យើងក៏ប្តេជ្ញាចិត្តក្នុងការកែលំអសេវាអតិថិជន នាំមកនូវនាវនុវត្តន៍ និងការផ្ដល់ជូនសេវានិងផលិតផលថ្មីៗដើម្បីបម្រើអតិថិជនរបស់យើងឱ្យកាន់តែប្រសើរឡើង៕

January 10, 2019

ទឹកប្រាក់រង្វាន់ 20លានរៀល ពីថ្នាំដុសធ្មេញផ្កាឈូក2 បានបន្តដល់ដៃអតិថិជនម្នាក់ទៀតហើយ នៅខណ្ឌពោធិ៍សែនជ័យ រាជធានីភ្នំពេញ

បុរសម្នាក់ឈ្មោះ ស្រេង គឹមហេង អាយុ 36ឆ្នាំ មុខរបរជាជាងផ្សារដែក រស់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានសំណាងបានឈ្នះរង្វាន់ធំនូវចំនួនទឹកប្រាក់ 20លានរៀលពីថ្នាំដុសធ្មេញ ដកបួឃូ ផ្កាឈូក2 ម្នាក់ទៀតហើយ។

ថ្លែងប្រាប់ក្រុមការងារដែលចុះប្រគល់រង្វាន់ដល់លំនៅដ្ឋានដោយផ្ទាល់ ស្រេង គឹមហេង ដែលក្លាយជាម្ចាស់ទឹកប្រាក់20លានរៀល បានប្រាប់ឱ្យដឹងថា តាំងពីយូរមកហើយ លោកតែងគាំទ្រ និងប្រើប្រាស់ថ្នាំដុសធ្មេញ ដកបួឃូ ផ្កាឈូក2 ជាប្រចាំ ព្រោះវាអាចព្យាបាលជំងឺអញ្ចាញធ្មេញ ជួយធ្វើឱ្យធ្មេញសស្អាត និងបំបាត់ក្លិនមាត់បានយ៉ាងល្អ។ ប៉ុន្តែកាលពីពេលកន្លងទៅនេះ បន្ទាប់ពីប្រើថ្នាំដុសធ្មេញអស់ លោកបានទិញថ្នាំដុសធ្មេញផ្កាឈូក2មកប្រើទៀត លុះពេលហែកប្រអប់ និងកោសស្ទីកគ័រនៅក្នុងប្រអប់ក៏ឃើញមានរង្វាន់ 20លានរៀលតែម្ដង។ ភ្លាមនោះលោកពិតជាមានអារម្មណ៍រីករាយជាខ្លាំង និងបានប្រាប់ក្រុមគ្រួសារ ហើយបានទូរស័ព្ទប្រាប់ដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅក្នុងប្រអប់តែម្ដង។

លោកបានបញ្ជាក់ទៀតថា ក្រោយពេលទទួលបានប្រាក់រង្វាន់ធំ20លានរៀលនេះ លោកនឹងយកទៅ មួយចំនួនទៅសងធនាគារ ហើយទុកមួយចំនួនទៀតសម្រាប់ពង្រីកមុខរបរ ដើម្បីដោះស្រាយជីវភាពទៅថ្ងៃអនាគត។

គួរបញ្ជាក់ផងដែរថា ក្រុមហ៊ុនថ្នាំដុសធ្មេញ ដកបួឃូ ផ្កាឈូក2 បានបង្កើតកម្មវិធីពិសេសជាមួយប្រាក់រង្វាន់ធំ 20លានរៀលមានរហូតដល់50រង្វាន់ ម៉ូតូ HONDA Dream មានចំនួន50គ្រឿង ទូរស័ព្ទ iPhone មានចំនួន50គ្រឿង រួមជាមួយនឹងរង្វាន់ថ្នាំដុសធ្មេញផ្កាឈូក2រាប់លានប្រអប់ទៀត។

សូមព្យាយាមណា…រង្វាន់ធំ20លានរៀលបន្ទាប់ទៀត អាចជារបស់អ្នក…។ ថ្នាំដុសធ្មេញ ដកបួឃូ ផ្កាឈូក2 ជាឱសថសម្រាប់ព្យាបាល និងថែទាំសុខភាពមាត់ធ្មេញ ៕

January 10, 2019

ធនាគារជាតិប្រកាសបញ្ឈប់ប្រតិបត្តិករឥណទានជនបទចំនួន 4 នៅដើមឆ្នាំនេះ

ធនាគារជាតិនៅកម្ពុជាធ្លាប់បានធ្វើការប្រកាសព័ត៌មាន និងព្រមានធ្ងន់ៗរួចមកហើយចំពោះគ្រឹះស្ថានមីក្រូហិរញ្ញវត្ថុណាដែលបានបង្កើនតម្លៃសេវារបស់ខ្លួនពីប្រជាពលរដ្ឋដែលទៅខ្ចីប្រាក់ និងលក្ខខណ្ឌមួយចំនួនទៀតដែលធនាគារជាតិបានកំណត់ថា អាចប្រឈមនឹងការបញ្ឈប់ប្រតិបត្តិការ ឬមានវិធានការផ្លូវច្បាប់នានា។

បន្ទាប់ពីធនាគារជាតិនៃកម្ពុជា បានសម្រួលឱ្យកាន់តែមានលក្ខណៈប្រសើរឡើងសម្រាប់ប្រជាជននៅទូទាំងប្រទេសដោយការកំណត់ពិតានការប្រាក់រួចមក ធនាគារជាតិនៃកម្ពុជាបានមើលឃើញថាមានគ្រឹះស្ថានមីក្រូហិរញ្ញវត្ថុមួយចំនួនបែរជាបង្កើនតម្លៃសេវាផ្សេងៗរបស់ខ្លួនដើម្បីទាញយកប្រយោជន៍ពីប្រជាជនទៅវិញ។ ជាវិធានការទប់ស្កាត់ មន្ត្រីជាន់ខ្ពស់នៃធនាគារជាតិនៃកម្ពុជាធ្លាប់បានព្រមានហើយថា អាចនឹងចាត់វិធានការធ្ងន់ធ្ងរបំផុតចំពោះគ្រឹះស្ថានណាដែលកេងយកចំណេញច្រើនហួសហេតុពេកពីប្រជាជន។

នៅដើមឆ្នាំ2019 នេះធនាគារជាតិនៃកម្ពុជាបានចេញសេចក្តីប្រកាសព័ត៌មានស្តីពីការបញ្ឈប់ប្រតិបត្តិករដែលជាគ្រឹះស្ថានឥណទានជនបទចំនួន 4 គឺ៖

ទី1- គ្រឹះស្ថាន វីរៈជន កសិករ ម.ក
ទី2- គ្រឹះស្ថាន វឌ្ឍករសិករ ម.ក
ទី3- ឥណទានខ្មែរ ដើម្បីការអភិវឌ្ឍន៍ ម.ក
ទី4 ខេ ភី ភី ឌី ហ្វាយនែន ម.ក

គួរបញ្ជាក់ថា ការបញ្ឈប់ប្រតិបត្តិការរបស់គ្រឹះស្ថានជនបទទាំង4 នេះ ធនាគារជាតិនៃកម្ពុជាមិនទាន់បានបញ្ជាក់មូលហេតុនៅឡើយទេ គ្រាន់តែបានជូនដំណឹងដល់សាធារណជន និងអាជ្ញាធរពាក់ព័ន្ធឱ្យបានជ្រាបជាព័ត៌មានតែប៉ុណ្ណោះ៕

January 10, 2019

Author: វល័ក្ខ