វល័ក្ខ - La Reine Media

Adidas Cambodia ការប្រកាសដាក់លក់ស្បែកជើង YEEZY 350 V2 Triple White របស់ Adidas YEEZY

រាជធានីភ្នំពេញ៖ ហ្វេនរបស់ Adidas បានបានដឹងហើយកាលពីខែធ្នូឆ្នាំមុនពីការប្រកាសដាក់លក់ស្បែកជើងម៉ូត Yeezy 350 V2 Static និងមានហ្វេនជាច្រើនបានធ្វើការរង់ចាំ និង តំរង់ជាជួរចាប់តាំងពីម៉ោង 11យប់មុនថ្ងៃប្រកាសលក់ជាផ្លូវការ ហើយមានហ្វេនមួយចំនួនមានការខកចិត្តដោយទិញមិនទាន់។

នៅថ្ងៃសុក្រ ទី18 ខែមករា ឆ្នាំ2019 ក្រុមហ៊ុន MIB Metropolitan International Brands Ltd ដែលជាក្រុមហ៊ុននាំចូលផ្តាច់មុខម៉ាក Adidas ក្នុងប្រទេសកម្ពុជាបានប្រកាសដាក់លក់ស្បែកជើង Adidas ម៉ូតថ្មីមួយប្រភេទទៀត គឺ YEEZY BOOST 350 V2 Triple White ហើយថ្ងៃប្រកាសលក់ជាផ្លូវការនឹងប្រារព្ធនៅថ្ងៃទី25 ខែមករា ឆ្នាំ2019 នាវេលាម៉ោង 8ព្រឹក នៅក្នុងហាង Adidas សាខាផ្លូវព្រះសីហនុដូចលើកមុន។

YEEZY BOOST 350 V2 Triple White គឺជាពណ៌ដ៏ពេញនិយមបំផុតនាពេលបច្ចុប្បន្ន ហើយចំនុចពិសេសរបស់ YEEZY BOOST 350 V2 Triple White ផ្នែកខាងលើជាប្រភេទសាច់ចាក់ (Primeknit) និង ផ្នែកខាងក្រោមនៃស្បែកជើងជាប្រភេទកៅស៊ូពណ៌ស្រអាប់ (Semi-Translucent Rubber Outsole) រីឯស្រទាប់កណ្តាលប្រើប្រាស់បច្ទេកវិទ្យា BOOST™ ហើយ YEEZY BOOST 350 V2 Triple White ដាក់លក់ក្នុងតម្លៃ 242ដុល្លារតែប៉ុណ្ណោះ។

សំរាប់ពត៌មានលំអិតពីស្បែកជើងម៉ូត YEEZY BOOST 350 V2 Triple White, Adidas ហ្វេនអាចឆែកវេបសាយ៖ www.adidas.com/YEEZY
Facebook៖Adidas Cambodia Store
Instagram៖ @adidascambodia_store
សូមរកមើលល័ក្ខខ័ណ្ឌនៅក្នុងការទិញខាងក្រោម៖https://drive.google.com/open?id=1pcT18q_flkpQk1g7Vj6bA5AcdN7TFrPc

January 19, 2019

ក្រុមហ៊ុនអចលនទ្រព្យអាម៉ូរីសម្ពោធបើកលក់គម្រោងថ្មី «អាម៉ូរីប្រាំពីរមករា»

ភ្នំពេញ៖ ៖ នៅព្រឹកថ្ងៃសៅរ៍ ទី19 ខែមករា ឆ្នាំ2019 ក្រុមហ៊ុនអចលនទ្រព្យអាម៉ូរី បានប្រារព្ធពិធីសម្ពោធបើកលក់ជាផ្លូវការ គម្រោងដ៏ថ្មីសន្លាងរបស់ខ្លួន ដែលមានឈ្មោះថា “អាម៉ូរី 7មករា។ ពិធីសម្ពោធនេះ ប្រព្រឹត្តទៅនៅភោជនីយដ្ឋាននាគក្រហម ក្រោមអធិបតីភាព លោក សួន វិរៈតារា អគ្គនាយកក្រុមហ៊ុនអចលនទ្រព្យអាម៉ូរី និងត្រូវបានអញ្ជើញចូលរួមដោយភ្ញៀវប្រមាណ 100នាក់ ដែលជាអតិថិជនសក្តានុពលរបស់ក្រុមហ៊ុន។

លោក សួន វិរៈតារា អគ្គនាយកក្រុមហ៊ុនអចលនទ្រព្យអាម៉ូរី បានមានប្រសាសន៍ថា៖ “នៅពេលដែលប្រទេសជាតិមានកំណើនសេដ្ឋកិច្ចខ្ពស់ ប្រជាជនរបស់យើងក៏នឹងទទួលបាននូវកំណើនសេដ្ឋកិច្ចក្នុងគ្រួសារ ដែលបានជំរុញឱ្យ មានកំណើនអ្នកមានជីវភាពធូរធារកើនឡើង។ ដោយហេតុនេះក្រុមហ៊ុន អាម៉ូរី បានឈានជើងដើរតួយ៉ាងសំខាន់ជួយដល់ប្រជាពលរដ្ឋទាំងអស់ដែលមានលទ្ធភាពក្នុងការវិនិយោគទៅលើវិស័យអចលនទ្រព្យខ្នាតតូច និងមធ្យម”។

ដោយឡែកចំពោះគម្រោងដំបូងរបស់ “អាម៉ូរី 7មករា” លោកអគ្គនាយកបានប្រាប់ឱ្យដឹងថា ទីតាំងនៃគម្រោងនេះបង្ហាញខ្លួនស្ថិតនៅចំទីប្រសព្វសក្តានុពលសេដ្ឋកិច្ចរវាងតំបន់ពាណិជ្ជកម្ម និងលំនៅដ្ឋាន តំបន់អភិវឌ្ឍន៍ដ៏ទៃទៀតស្ថិតនៅជុំវិញ និងមានដងព្រែកធម្មជាតិ ដែលញ៉ាំងឲ្យគម្រោងមានទេសភាពដ៏ស្រស់ត្រកាល ហើយគម្រោងនឹងបញ្ចប់ការសាងសងក្នុងរយៈពេល 2ឆ្នាំខាងមុខនេះ។

គម្រោងនេះត្រូវបានធ្វើនៅលើផ្ទៃដីចំនួន 32ហិកតា ស្ថិតនៅតាមបណ្តោយផ្លូវ 7មករា ដែលតភ្ជាប់ផ្លូវជាតិលេខ6 ទៅកាន់ផ្លូវលោកឧកញ៉ាលីយ៉ុងផាត់ និងភ្ជាប់បន្ថែមទៅកាន់ផ្លូវជាតិលេខ5 ដែលពោពេញដោយសក្តានុពលអភិវឌ្ឍខ្ពស់ និងជាទីប្រជុំជនដ៏កុះករបំផុតក្នុងរាជធានីភ្នំពេញ។ ទីតាំងគម្រោងនេះផងដែរ ក៏មានទីតាំងស្ថិតនៅជិតសួនសត្វសាហ្វារីវើល វិមានឈ្នះ ឈ្នះ ពហុកីឡាដ្ឋានជាតិថ្មី និងគម្រោងបុរីល្បីៗជាច្រើនទៀត។ នៅក្នុងគម្រោងថ្មីនេះ អតិថិជននឹងទទួលបាននូវការបញ្ចុះតម្លៃដ៏អស្ចារ្យ និងមានការថែមជូនពិសេសមិនធ្លាប់មានជាច្រើនដូចជា ទិញផ្ទះមួយល្វែង ថែមជូនដីមួយឡូតិ៍ ទិញដីមួយឡូតិ៍ ថែមជូនមួយឡូតិ៍បន្ថែមទៀត។

នៅថ្ងៃទី19នេះផងដែរ គម្រោងនឹងធ្វើការលក់ជាតំណាក់កាល ដែលតំណាក់ទី1 របស់គម្រោងនឹងផ្តល់ជូនចំនួន4ជម្រើសដូចជា៖ ជម្រើសទី1 ដីទំហំ 5មX2mម ជម្រើសទី2 ដីទំហំ 10មX20ម ជម្រើសទី3 ដីទំហំ 20មX30ម និងជម្រើសទី4 ផ្ទះវីឡាកូនកាត់ទំហំ 5មX12ម។

ក្រុមហ៊ុនក៏ផ្តល់ជូននូវជម្រើសសមស្របជាមួយនឹងតម្លៃដ៏សមរម្យដល់អតិថិជន ដោយផ្តល់នូវការបង់ប្រាក់ដោយគ្មានការប្រាក់រហូតដល់រយះពេល3ឆ្នាំ។ ឆ្លងកាត់ការបើកលក់សាកល្បងមួយសប្តាហ៍កន្លងមកនេះក្រុមហ៊ុនបានលក់អស់ប្រមាណ50% លើសពីការរំពឹងទុក។ អតិថិជនរបស់អាម៉ូរីបានបង្ហាញពីការសប្បាយចិត្តដោយទទួលបាននូវតម្លៃពិសេស ហើយថែមទាំងទទួលបានការប្រូមូសិនពិសេស ទិញដីមួយឡូតិ៍ ថែមដីមួយឡូតិ៍ផងដែរ។

គួរបញ្ជាក់ផងដែរថា អាម៉ូរីគឺជាក្រុមហ៊ុនដែលផ្តល់សេវាកម្មទាំងស្រុងទៅលើវិស័យអចលនទ្រព្យ ដែលរួមមានការលក់ និងជួលអចលនទ្រព្យសម្រាប់លំនៅដ្ឋាន និងពាណិជ្ជកម្ម ការលក់គម្រោងវិនិយោគ ការវាយតម្លៃអចលនទ្រព្យ ការស្រាវជ្រាវលើវិស័យអចលនទ្រព្យ និងការពិគ្រោះយោបល់លើវិស័យនេះជាដើម។ល។

សម្រាប់ព័ត៌មានបន្ថែមសូមទាក់ទង៖ លោកស្រី ស៊ី ម៉ាន់ឌី ជំនួយការអគ្គនាយក និង តាមរយៈលេខទូរស័ព្ទ៖ 089 999 996

January 19, 2019

លោក Emery៖ ការបរាជ័យក្រោមស្នាដៃក្រុម Chelsea នឹងបញ្ចប់ការប្រជែងលេខ4 របស់ Arsenal

លោក Unai Emery បានព្រមានដល់ក្រុម Arsenal ថា បើរងបរាជ័យក្រោមស្នាដៃក្រុម Chelsea នៅរាត្រីថ្ងៃសៅរ៍នេះ ក្តីសង្ឃឹមរបស់ពួកគេក្នុងការបញ្ចប់ក្នុងចំណាត់ថ្នាក់កំពូលទាំង4 នៃក្របខ័ណ្ឌ Premier League នឹងត្រូវបញ្ចប់ដែរ។

ក្រុមរបស់លោក Emery នឹងធ្វើជាម្ចាស់ផ្ទះទទួលក្រុម Chelsea ក្នុងការប្រកួតដ៏សំខាន់នេះនៅកីឡដ្ឋាន Emirates ដោយថែមទាំងដឹងខ្លួនថា ការបរាជ័យនឹងធ្វើឱ្យពួកគេដេញតាមពីក្រោយចំណាត់ថ្នាក់ដែលត្រូវឈ្នះកៅអីក្របខ័ណ្ឌ Champions League រហូតដល់ 9ពិន្ទុ។

ក្រោយពីការមិនស្គាល់ចាញ់សោះចំនួន 22ប្រកួតកាលពីដើមរដូវកាលនេះ ក្រុម Arsenal បានជួបភាពត្រដាបត្រដួសក្នុងអំឡុងរដូវបុណ្យទាន និងចាញ់នៅលើទឹកដីក្រុម West Ham កាលពីចុងសប្តាហ៍មុន។

ក្រុមរបស់លោក Emery នឹងចាប់ផ្តើមប្រកួតដោយស្ថិតក្នុងចំណាត់ថ្នាក់លេខ6 ប្រសិនបើក្រុម Manchester United ទទួលបានលទ្ធផលជាវិជ្ជមាននៅពេលប្រកួតជាមួយនឹងក្រុម Brighton ក្នុងការប្រកួតគូមុននៅថ្ងៃដដែលនោះ។

Man United បានដេញតាមពីក្រោយក្រុម Arsenal ដល់ទៅ 12ពិន្ទុ នៅត្រឹមពេលដែលលោក Jose Mourinho ត្រូវបណ្តេញចេញ កាលពីពាក់កណ្តាលខែធ្នូ មុននឹងក្រុមមានមូលដ្ឋាននៅទីក្រុងឡុងដ៍ភាគខាងជើងមួយនេះបានភ្លាត់ស្នៀត។

លោក Emery មានអារម្មណ៍ថា ការរងបរាជ័យមួយផ្សេងទៀតក្រោមស្នាដៃក្រុម Chelsea ក្នុងលទ្ធផល 3-2 នាកីឡដ្ឋាន Stamford Brigde កាលពីសប្តាហ៍ទី2 នៃរដូវកាលនេះ នឹងបញ្ចប់ក្តីសង្ឃឹមរបស់ពួកគេក្នុងការប្រជែងយកចំណាត់ថ្នាក់លេខ4 ជាលើកទី1 ក្នុងរយៈពេល 3ឆ្នាំ។

នៅពេលដែលត្រូវបានចោទសួរថា គម្លាតដេញនឹងធំពេកដែលធ្វើឱ្យមិនអាចដេញតាមទាន់ ឬយ៉ាងណានោះ គ្រូបង្វឹកនៃក្រុម Arsenal រូបនេះបានឆ្លើយថា៖ «ខ្ញុំគិតថា ពិតជាអ៊ីចឹងមែនហើយ»៕

January 19, 2019

ម៉ាក Café Fresco បើគិតមកដល់សព្វថ្ងៃនេះគឺមានអាយុកាលជាង 17ឆ្នាំ ហើយនៅក្នុងប្រទេសកម្ពុជា

ភ្នំពេញ៖ ថ្ងៃច័ន្ទ ទី14 ខែមករា ឆ្នាំ2019 នៅតាមបណ្តោយផ្លូវព្រះស៊ីសុវត្ថិខាងក្រោមភោជនីយដ្ឋាន FCC មានភ្ញៀវកិត្តិយសប្រុស ស្រី ប្រមាណជាង 50នាក់ ដែលបានស្លៀកពាក់យ៉ាងស្រស់ស្អាត ហើយជាពិសេសគេសង្គេតឃើញនៅក្នុងដៃមានកាន់កែវស្រាទំពាងបាយជូរ និង កែវស្រាសំប៉ាញ (Champagne) ហើយជជែកគ្នាពីកម្មវិធីបើកសម្ពោធដំណើរការសារឡើងវិញរបស់ហាង Café Fresco ដែលទើបតែបានបញ្ចប់ការជួលជុលថ្មីនេះ។

ហាង Café Fresco ដែលមានសាខាជាច្រើននៅសហរដ្ឋអាមេរិក បានចាប់ផ្តើមចូលមកក្នុងប្រទេសកម្ពុជាតាំងពីឆ្នាំ 2002 ដោយលោក Anthony Alderson ដែលជាជនជាតិអង់គ្លេស។ ការបើកសម្ពោធដំណើរការសារឡើងវិញម្តងនេះហាង Café Fresco បានបង្ហាញរូបរាងថ្មីរបស់ខ្លួនជាមួយនឹងភាពទាក់ទាញតុបតែងតាមបែបលក្ខណៈសិល្បៈអាណានិគមនិយមសម័យបារាំង និងលាយលំជាមួយនឹងការតុបតែងតាមបែបសម័យទំនើប ហើយជាពិសេសហាង Café Fresco បាននាំមកនូវមុខម្ហូបថ្មីជាច្រើនប្រភេទមកបម្រើជូនដល់អតិថិជនក្នុងអំឡុងពេលបើកសម្ពោធដំណើរការសារឡើងវិញ និង ចាប់ផ្តើមប្រកាសលក់ម្ហូបអាហារ កាហ្វេ និងភេសជ្ជះ។

នាពេលល្ងាចភ្ញៀវអាចអញ្ជើញមកទទួលទានស្រាជាច្រើនប្រភេទដែលមានដូចជា៖ ស្រាទំពាងបាយជូពណ៌ក្រហម និងទំពាងបាយជូពណ៌ស (Red Wine and White) និង ប្រភេទស្រាបៀរជាច្រើនមុខទៀតផងដែរ។

ភ្ញៀវអាចអញ្ជើញមកទទួលទានអាហារតាមបែបអឺរ៉ុបដែលមានដូចជា៖ សាំងវិចបែបអ៊ីតាលី ស៊ីសាសាឡាដ (Caesar Salad) ធូណាសាឡាដ (Tuna Salad) ជាដើម។ ហាង Café Fresco នឹងចាប់ផ្តើមបើកពីម៉ោង 6ព្រឹក ដល់ ម៉ោង9ល្ងាច ចំណែកឯផ្នែក នំប៉័ង និង នំខេកនឹងមានការបញ្ចុះតំលៃ 50% រៀងរាល់ថ្ងៃចាប់ពីម៉ោង 6ល្ងាច ដល់ម៉ោង 9ល្ងាចផងដែរ។

គួរបញ្ចាក់ផងដែលថាហាង Café Fresco ក៏មានធ្វើនំលក់ដុំទៅបណ្តាហាងកាហ្វេ ហាងប៊ឺហ្គឺ និងផ្សារទំនើបមួយចំនួនក្នុងទីក្រុងភ្នំពេញ។

ហាង Café Fresco សូមអញ្ចើញភ្ញៀវទាំងអស់ដែលមានចំណូលចិត្តបែបអាហារអឺរ៉ុបនៅហាង Café Fresco ដែលស្ថិតនៅខាងក្រោមភោជនីយដ្ឋាន FCC ផ្ទះលេខ 363 វិថីស៊ីសុវត្ថិ ក្រុងភ្នំពេញ ព្រះរាជាណាចក្រកម្ពុជា រឺក៏ ទំនាក់ទំនងលេខទូរស័ព្ទ៖ 069 25 32 22៕

January 19, 2019

ដំណឹងល្អសម្រាប់ម្ចាស់អចលនទ្រព្យ! ឆ្នាំ 2019នេះ រដ្ឋាភិបាលសម្រេចបន្តគោលការណ៍បង់ពន្ធប្រថាប់ត្រាតែ1ដង លើការផ្ទេរកម្មសិទ្ធ និងសិទ្ធកាន់កាប់អចលនទ្រព្យ

រដ្ឋាភិបាលនឹងបន្តការអនុគ្រោះសម្រាប់ម្ចាស់អចលនទ្រព្យទាំងអស់នៅកម្ពុជា តាមរយៈការអនុវត្តបន្តពាក់ព័ន្ធនឹងការបង់ពន្ធប្រថាប់ត្រាចំនួនមួយដង ចំពោះការផ្ទេរកម្មសិទ្ធ ឬសិទ្ធកាន់កាប់អចលនទាំងមានបណ្ណកម្មសិទ្ធ និងគ្មានបណ្ណកម្មសិទ្ធ។

នៅថ្ងៃទី 16 ខែមករា ឆ្នាំ2019 នេះ ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានចារឯកភាពលើលិខិតស្នើរសុំគោលការណ៍អនុវត្តបន្តពាក់ព័ន្ធនឹងការបង់ពន្ធប្រថាប់ត្រាចំនួនមួយដង ចំពោះការផ្ទេរសិទ្ធ ឬសិទ្ធកាន់កាប់អចលនទ្រព្យពុំបានចុះបញ្ជី (គ្មានប័ណ្ណកម្មសិទ្ធ) និងបានចុះបញ្ជី (មានប័ណ្ណកម្មសិទ្ធ) ពីប្រធាននាយកដ្ឋានចលនទ្រព្យ និងអចលនទ្រព្យលោក ខឹម តុលា។

នៅក្នុងលិខិតនោះបានបញ្ចាក់ថា ដោយមើលឃើញប្រជាពលរដ្ឋជាអ្នកទទួលសិទ្ធ ឬកាន់កាប់អចលទ្រព្យចុងក្រោយ (អ្នកទិញ) ដែលត្រូវរងការបង់ពន្ធប្រថាប់ត្រាច្រើនតំណនៅសេសសល់នៅឡើយ អគ្គនាយកដ្ឋានពន្ធដារបានស្នើសុំទៅក្រសួងសេដ្ឋកិច្ច និងហិរញ្ញវត្ថុតាមរយៈលិខិតលេខ 18602 អពដ ចុះថ្ងៃទី 04 ខែធ្នូ ឆ្នាំ2018 ដើម្បីបន្តគោលការណ៍អនុគ្រោះឱ្យបង់ពន្ធប្រថាប់ត្រាចំនួនមួយដង ចំពោះការផ្ទេសកម្មសិទ្ធ ឬសិទ្ធកាន់កាប់អចលនទ្រព្យ ទាំងពុំបានចុះបញ្ជី និងបានចុះបញ្ជីដែលបានផុតសុពលភាពត្រឹមថ្ងៃទី 31 ខែធ្នូ ឆ្នាំ2018។ ជាមួយគ្នានេះ ក្រសួងក៏បានឯកភាព និងបានស្នើសុំការសម្រេចបន្តគោលការណ៍នេះពីសម្តេចអគ្គមហាសេនាបតីតេជោ ហ៊ុន សេន នាយកដ្ឋមន្ត្រីនៃព្រះរាជាណាចក្រកម្ពុជា រួចហើយដែរតាមលិខិតលេខ 136 សហវ.អពដ ចុះថ្ងៃទី10 ខែមករា ឆ្នាំ2018៕

January 18, 2019

ក្រុមហ៊ុន Jaya Catering & Events Services មានកិត្តិយសផ្តល់សេវាកម្មម្ហូបអាហារជូនដល់ ACC & ICAPP

នៅថ្ងៃអង្គារ ទី15 ខែមករា ឆ្នាំ2019 ពន្លឺព្រះអាទិត្យពណ៌មាសបានចាប់ផ្តើមរំកិលខ្លួនហៀបនឹងលិចម្តងបន្តិចៗនៅឯទីលានជល់ដំរី ដែលស្ថិតនៅលើទឹកអង្គរក្នុងទីក្រុងសៀមរាប នៅពេលនោះគេសង្កេតឃើញថ្នាក់ដឹកនាំរបស់ក្រុមហ៊ុន Jaya Catering & Events Services ក៏ដូចជាបុគ្គលិកទាំងអស់ប្រមាណជាង 350នាក់ ដែលស្លៀកពាក់ឯកសណ្ឋានក្នុងនាមជាអ្នកផ្តល់សេវាកម្មម្ហូបអាហារលក្ខណៈស្តង់ដា ហើយអី្វដែលជាចំណុចពិសេសជាងនេះទៅទៀតនោះ គឺការផ្តល់សេវាកម្មប្រភេទ វី វី អាយ ភី (VVIP) ជូនថ្នាក់ដឹកនាំរដ្ឋាភិបាល ភ្ញៀវកិត្តិយសជាតិ និងអន្តរជាតិដែលបានអញ្ជើញចូលរួមក្នុងកម្មវិធីកិច្ចប្រជុំជាផ្លូវការរបស់ក្រុមប្រឹក្សាវប្បធម៌អាស៊ី (The Asian Cultural Council – ACC) និងកម្មវិធីសន្និសីទអន្តរជាតិនៃគណបក្សនយោបាយនៅតំបន់អាស៊ី(The International Conference of Asian Political Parties- ICAPP)។

នៅក្នុងពិធីលៀងសាយភោជន៍នាពេលល្ងាចនៅមុខទីលានជល់ដំរីនេះ មានការអញ្ជើញចូលរួមជាអធិបតីភាពដ៏ខ្ពង់ខ្ពស់ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងប្រធានស្ថាបនិកកិត្តិយសរបស់(The Asian Cultural Council – ACC) សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា និងគណៈប្រតិភូអន្តរជាតិ ជាពិសេសវត្តមានរបស់ភ្ញៀវកិត្តិយសជាតិ និងអន្តរជាតិមកពី 26ប្រទេសទូទាំងទ្វីបអាស៊ីប្រមាណជា 800នាក់ទៀត។ នៅក្នុងឱកាសនោះ ក្រុមហ៊ុន Jaya Catering & Events Services មានកិត្តិយសក្នុងការផ្តល់ជូនសេវាកម្មម្ហូបអាហារដែលបានចម្អិនជាអាហារដែលជាអត្តសញ្ញាណរបស់ខ្មែរមានដូចជា៖

1: ញាំស្វាយត្រីឆ្អើរបង្គាក្រៀម និងស្កាឡុបទឹកអម្ពិល (Green Mango Salad with Smoked Fish, Dried Shrimps & Scallop with Tamarind Sauce)

2: ស៊ុបក្រវាញមាន់ខ្មៅ (Black Chicken Soup with Cardamom)

3: គ្រាប់ជីរទឹកដូង (Basil Seeds with Coconut Juice)

4: សាច់គោដុត ត្រីស៊ីបាស់ចៀន បន្លែសរីរាង្គ និងបាយឆា (Roasted Beef Tenderloin, Pan-Fried Sea Bass, Organic Vegetables & Fried Rice)

5: បបរត្នោត និងផ្លែឈើស្រស់ (Palm Seeds Pudding & Fresh Fruits)

គួរបញ្ជាក់ផងដែរថា កម្មវិធីកិច្ចប្រជុំលើកដំបូងបង្អស់របស់ក្រុមប្រឹក្សាវប្បធម៌អាស៊ី (The Asian Cultural Council – ACC) ត្រូវបានបង្កើតឡើងនៅឆ្នាំ2018 ដោយសន្និសីទអន្តរជាតិនៃគណបក្សនយោបាយតំបន់អាស៊ី (The International Conference of Asian Political Parties – ICAPP) និងមានតំណាងមកពីគណបក្សនយោបាយជាង 350 មកពី 52ប្រទេសនៅទូទាំងតំបន់ ហើយក្រុមប្រឹក្សានេះត្រូវបានទទួលស្គាល់ដោយអង្គការយូណេស្កូ (UNESCO) បន្ទាប់ពីកិច្ចព្រមព្រៀងត្រីភាគីរវាងអង្គការយូណេស្កូ ICAPP និង ACC ត្រូវបានចុះហត្ថលេខាកាលពីថ្ងៃទី4 ខែធ្នូ ឆ្នាំ2018 នៅខេត្តសៀមរាប។

តាងនាមឱ្យក្រុមហ៊ុន Jaya Catering & Events Services សូមថ្លៃងអំណរគុណដល់ថ្នាក់ដឹកនាំជាន់ខ្ពស់ក្រុមប្រឹក្សាវប្បធម៌អាស៊ី(The Asian Cultural Council – ACC) ដែលបានជ្រើសរើស និងគ្រាំទ្រសេវាកម្មម្ហូបអាហាររបស់ Jaya Catering & Events Services ជូនដល់គណៈប្រតិភូជាន់ខ្ពស់ក្នុងកម្មវិធី ACC និង ICAPP នាល្ងាចថ្ងៃអង្គារ ទី15 ខែមករា ឆ្នាំ2019 នៅឯទីលានជល់ដំរី ដែលស្ថិតនៅលើទឹកអង្គរក្នុងទីក្រុងសៀមរាប៕

Facebook Page៖ Jaya Catering & Events Management
លេខទូស័ព្ទ៖ 089 998 338 និង 069 888 034
អ៊ីម៉ែល៖ [email protected]

January 18, 2019

ស្រាបៀរអាន់ឆ័រនឹងចាប់រង្វាន់លើកទី1 នៅថ្ងៃអាទិត្យចុងសប្តាហ៍នេះ

រាជធានីភ្នំពេញ៖ នៅថ្ងៃអាទិត្យទី ២០ ខែមករា ឆ្នាំ២០១៩ ខាងមុខនេះ ស្រាបៀរអាន់ឆ័រនឹងរៀបចំការចាប់រង្វាន់លើកទីមួយសម្រាប់កម្មវិធីអាពាហ៍ពិពាហ៍រដូវកាលឆ្នាំ ២០១៨-២០១៩ នៅស្ថានីយទូរទស្សន៍ PNN ក្នុងកម្មវិធីតន្ត្រី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រសម្រាប់ទទួលភ្ញៀវកិត្តិយសក្នុងកម្មពិធីអាពាហ៍ពិពាហ៍របស់ខ្លួន។

កម្មវិធី Anchor Fun Zone នឹងមានការផ្សាយផ្ទាល់លើកញ្ចក់ទូរទស្សន៍ ភីអិនអិន (PNN) ចាប់ពីម៉ោង ៨យប់-១០យប់ ដោយមានការចូលរួមសម្តែងដ៏អស្ចារ្យពីតារាចម្រៀងល្បីឈ្មោះជាច្រើនរូបដើម្បីផ្តល់ការកម្សាន្តសប្បាយជូនទស្សនិកជន មានដូចជា លោក ខេមរះ សេរីមន្ត លោក ហ្សូណូ កញ្ញា បាន មុន្នីល័ក្ខ និងកញ្ញា បាច់ គីមមួយ ។

កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់លើកទី១នេះ ស្រាបៀរអាន់ឆ័រ នឹងប្រគល់រង្វាន់ដំណើរកម្សាន្តក្រេបចន្ទទឹកឃ្មុំដ៏អស្ចារ្យរយៈពេលបួនថ្ងៃបីយប់នៅលើនាវាកម្សាន្តដ៏ទំនើបទៅកោះភូកេតចំនួន ១៥ រង្វាន់ជូនគូស្វាមីភរិយាថ្មីដែលមានមហាសំណាង។

នេះគឺជាដំណើរកម្សាន្តនៅលើនាវាដ៏ទំនើបជាលើកដំបូងដែលរៀបចំឡើងដោយស្រាបៀរអាន់ឆ័រ និងជាទីកន្លែងដែលគូស្វាមីភរិយានឹងជិះយន្តហោះទៅកាន់ប្រទេសសិង្ហបុរី ហើយបន្ទាប់មកធ្វើដំណើរតាមនាវាទៅកាន់កោះភូកេត។ នាវានេះនឹងឈប់ចតនៅប្រទេសម៉ាឡេស៊ីសម្រាប់ដំណើរកម្សាន្តមួយថ្ងៃផងដែរ។ នេះនឹងក្លាយជាដំណើរកម្សានដ៏រំភើបរីករាយយ៉ាងខ្លាំងខណៈពេលដែលគូស្វាមីភរិយានឹងរីករាយទស្សនាប្រទេសចំនួន 3 ក្នុងដំណើរកម្សាន្តតែមួយ គឺប្រទេសសិង្ហបុរី ម៉ាឡេស៊ី និងភូកេត ប្រទេសថៃ។

តើគូស្វាមីភរិយារូបណាខ្លះជាម្ចាស់រង្វាន់ដ៏អស្ចារ្យទាំងនេះ?
សូមកុំភ្លេចចូលរួមទស្សនា និងតាមដានទាំងអស់គ្នា!!!
ពិសាដោយការទទួលខុសត្រូវ…

January 18, 2019

ដឹងទេថា ក្បាលរថភ្លើងល្បឿនលឿនដ៏ទំនើប ដែលត្រៀមរត់នៅកម្ពុជា មានលក្ខណៈពិសេសអ្វីខ្លះ ?

ក្បាលរថភ្លើងធុនស្រាលស៊េរីទំនើបចំនួន ៣គ្រឿង របស់ក្រុមហ៊ុន Royal Railway Cambodia របស់អ្នកឧកញ៉ា គិត ម៉េង ដែលបានតម្លើង និងនាំយកពីប្រទេសម៉ិកស៊ីកូ កាលពីពេលកន្លងទៅ បានត្រៀមខ្លួនរួចរាល់ជាស្រេចក្នុងការធ្វើចរាចរណ៍ដឹកជញ្ជូនអ្នកដំណើរ ក៏ដូចជាទំនិញធនស្រាលនៅកម្ពុជាក្នុងពេលដ៏ខ្លីខាងមុខនេះ។ ជាមួយនឹងការបង្ហាញវត្តមានដ៏ថ្មីសន្លាងនាពេលនេះ មានមនុស្សជាច្រើនបានសម្ដែងនូវការចង់ដឹងថា តើក្បាលរថភ្លើងល្បឿនលឿន និងទំនើបទាំងនេះ មានលក្ខណៈពិសេសយ៉ាងណាខ្លះ ? តោះ… បើចង់ដឹង សូមស្វែងយល់ទាំងអស់គ្នាដូចខាងក្រោមនេះ ៖

ជាមួយនឹងតួដ៏ស្រស់ស្អាត មាំ ធំទូលាយ ក្បាលរថភ្លើងល្បឿនលឿន Tramway មានបំពាក់ទៅដោយសម្ភារៈ និងឧបករណ៍ទំនើបៗ ដែលក្នុងនោះត្រូវបានបន្ថែមនូវមានលក្ខណៈពិសេសជាច្រើនទៀត រួមជាមួយនឹងការបែងចែកដូចជា៖

អាចផ្ទុកមនុស្សបាន ៥៦នាក់
មានម៉ាស៊ីនត្រជាក់
កៅអីអង្គុយធំទូលាយ
មានបំពាក់ប្រព័ន្ធ Wi-Fi
ប្រព័ន្ធហ្វ្រាំងចាប់បានលឿន រហ័ស
បង្កើនល្បឿនបានលឿន ដល់ ៨០-៩០គម/ម៉ោង
មានទ្វារ និងជណ្តើរចុះដោយស្វ័យប្រវត្តិ
មានបំពាក់ប្រព័ន្ធគ្រប់គ្រងរំយោល មិនរលាក់
ប្រតិបត្តិការអាចបញ្ជាបានទាំងសងខាង
មានទូរទស្សន៍ ១២គ្រឿងក្នុងមួយទូរថភ្លើង
បង្គន់អនាម័យ

យ៉ាងណាក៏ដោយ ពេលនេះ ក្បាលរថភ្លើង ល្បឿលឿន Tramway កំពុងតែស្ថិតនៅក្នុងការត្រួតពិនិត្យបច្ចេកទេស ដើម្បីត្រៀមដំណើរការក្នុងពេលដ៏ខ្លីខាងមុខនេះ ៕

January 15, 2019

កម្ពុជានឹងដាក់ឱ្យប្រើប្រាស់ច្បាប់ពាណិជ្ជកម្មអនឡាញ នៅក្នុងឆ្នាំនេះ

កម្ពុជាគ្រោងនឹងដាក់ចេញច្បាប់ពាណិជ្ជកម្មអនឡាញ ឬហៅថា E-Commerce សម្រាប់ប្រទេសឱ្យចេញជារូបរាងនៅក្នុងឆ្នាំ2019 នេះ។ ការដាក់ចេញនូវច្បាប់ពាណិជ្ជកម្មអនឡាញធ្វើឡើងដើម្បីផ្ដល់ភាពងាយស្រួល និងសុវត្ថិភាពដល់អ្នកទិញ និងអ្នកលក់លើការប្រកបអាជីវកម្ម ខណៈបច្ចុប្បន្នគណៈរដ្ឋមន្ត្រីកំពុងពិនិត្យលើសំណុំឯកសារមួយចំនួនដែលក្រសួងពាណិជ្ជកម្មបានដាក់ជូន ហើយប្រសិនបើច្បាប់នេះចេញជារូបរាង វានឹងជួយការពារប្រយោជន៍ដល់អ្នកលក់ និងអ្នកទិញក្នុងវិស័យអនឡាញនេះ។

លោក ថៅ សុខមុនី អនុរដ្ឋលេខាធិការក្រសួងពាណិជ្ជកម្មបានឱ្យដឹងថា ច្បាប់ពាណិជ្ជកម្មអនឡាញនេះក្រសួងពាណិជ្ជកម្មបានចងក្រងឡើងអស់រយៈពេលជាយូរឆ្នាំមកហើយ ខណៈពេលនេះកំពុងស្ថិតក្នុងដំណាក់កាល ពិនិត្យកម្រិតជំនាញនៅគណៈរដ្ឋមន្ត្រី។ លោកបញ្ជាក់ថា៖ «ប្រសិនបើច្បាប់ពាណិជ្ជកម្មអនឡាញនេះ ត្រូវបានពិភាក្សាពីគណៈរដ្ឋមន្ដ្រីអំពីកម្រិតបច្ចេកទេសរួចហើយឃើញថាគ្រប់គ្រាន់នោះ វានឹងអាចចេញលឿន និយាយរួមច្បាប់នេះនឹងចេញជាផ្លូវការនៅក្នុងឆ្នាំ2019 នេះតែម្ដង»។

លោកបន្ដថា «ការដាក់ចេញច្បាប់ពាណិជ្ជកម្មអនឡាញនេះ គឺដើម្បីជំរុញផលិតផលក្នុងស្រុកឱ្យមានទីផ្សារកាន់តែទូលំទូលាយឡើង មានន័យថា ប្រជាជននៅកម្ពុជាមានប្រមាណ 16លាននាក់ តែប្រសិនបើយើងលក់ទំនិញតាមធម្មតា យើងលក់បានត្រឹមតែ 16លាននាក់ហ្នឹងទេ ប៉ុន្ដែបើលក់តាមប្រព័ន្ធអនឡាញ យើងនឹងលក់បានច្រើនជាងនេះ ព្រោះមិនត្រឹមតែលក់ក្នុងស្រុកប៉ុណ្ណោះទេ តែលក់ដល់បរទេសថែមទៀតផង»។

លោកបន្ថែមថា ការដាក់ចេញច្បាប់ពាណិជ្ជកម្មអនឡាញនេះ គឺល្អប្រសើរបំផុតសម្រាប់កម្ពុជា ព្រោះវាផ្ដល់ប្រយោជន៍ដល់អ្នកលក់ និងអ្នកទិញ។ មានន័យថា នៅពេលច្បាប់នេះចេញជាផ្លូវការ អ្នកលក់មិនអាចបោកប្រាស់អ្នកទិញដោយប្រការផ្សេងៗបាននោះទេ ដូចជា៖ ទំនិញមិនដូចរូបភាពបង្ហាញ ទំនិញគ្មានគុណភាព គ្មានភាពទទួលខុសត្រូវលើការដឹកជញ្ជូន ឱ្យអតិថិជនផ្ញើលុយ តែមិនផ្ញើទំនិញឱ្យជាដើម។ ដោយឡែកសម្រាប់អ្នកទិញក៏ដូចគ្នាដែរ គឺមិនអាចបោកប្រាស់អ្នកលក់ដោយប្រការផ្សេងៗទាំងឡាយដូចគ្នា។

លោកបានឱ្យដឹងទៀតថា ប្រសិនបើគ្មានច្បាប់ទម្លាប់ត្រឹមត្រូវទេនោះ វិស័យនេះនឹងមិនរីកលូតលាស់លឿនដូចបណ្ដាប្រទេសជិតខាងឡើយ មួយវិញទៀតកាលណាអត់មានច្បាប់ទម្លាប់ត្រឹមត្រូវ អាចបណ្ដាលឱ្យមានជម្លោះ ហើយបើមានជម្លោះ គឺមិនអាចដោះស្រាយបានឡើយ ព្រោះតែគ្មានច្បាប់គ្រប់គ្រង។

លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជាបានឱ្យដឹងថា តាំងពីដើមរហូតដល់បច្ចុប្បន្ន ការធ្វើពាណិជ្ជកម្មនៅកម្ពុជាត្រូវពឹងផ្អែកលើការទូទាត់ប្រាក់សុទ្ធ និងត្រូវទៅដល់ទីតាំងទំនិញផ្ទាល់តែម្ដង កត្តាទាំងនេះធ្វើឱ្យខាតពេលវេលា ខាតបង់ប្រាក់កាស និងហានិភ័យសម្រាប់អ្នកលក់ និងអ្នកទិញ។

លោកឧកញ៉ាបន្ដថា «ប៉ុន្ដែបើសិនបើមានការធ្វើពាណិជ្ជកម្មអនឡាញ និងការទូទាត់ទំនិញតាមបច្ចេកវិទ្យា Fintech កាន់តែទូលំទូលាយនៅកម្ពុជានោះ មិនត្រឹមតែផ្ដល់ផលចំណេញទាំងប្រាក់កាស ពេលវេលា និងសុវត្ថិភាពដល់អតិថិជន និងអ្នកលក់ប៉ុណ្ណោះទេ ប៉ុន្ដែថែមទាំងជួយជំរុញសកម្មភាពពាណិជ្ជកម្មឱ្យកាន់តែផុសផុលឡើង ពិសេសការជំរុញទំនិញក្នុងស្រុកឱ្យកាន់តែមានទីផ្សារទាំងក្នុង និងក្រៅប្រទេសទៀតផង» ៕

January 15, 2019

លោក Guardiola៖ Man City ត្រៀមរួចរាល់ក្នុងការដណ្តើមយកប្រៀបលើការភ្នាត់ស្នៀតរបស់ Liverpool

លោក Pep Guardiola បានបញ្ជាក់ថា ក្រុម Manchester City របស់លោក នឹងត្រៀមខ្លួនរួចរាល់ក្នុងការដណ្តើមយកប្រៀប ប្រសិនបើក្រុមកំពុងតែនាំមុខលើតារាង Premier League គឺ Liverpool មានការភ្លាត់ស្នៀត ក្រោយពីការដណ្តើមបានជ័យជម្នះក្នុងលទ្ធផល 3-០ លើក្រុម Wolves កាលពីថ្ងៃចន្ទ ដែលបានធ្វើឲ្យក្រុម Man City ដេញតាមពីក្រោយក្រុមរបស់លោក Jurgen Klopp ត្រឹមតែ 4ពិន្ទុ។

គ្រាប់បាល់ស៊ុតបញ្ចូលទី 2គ្រាប់ក្នុងតង់ទី2 ពីសំណាក់កីឡាករខ្សែប្រយុទ្ធ Gabriel Jesus នៅចន្លោះពេលនៃការពិន័យកាតក្រហមសម្រាប់ខ្សែការពារបារាំង Willy Boly របស់ Wolves បានអនុញ្ញាតឲ្យក្រុម Man City បង្ហាញថា ពួកគេបានលុបចោលការធ្លាក់ចុះទម្រង់លេងរបស់ពួកគេកាលពីខែធ្នូហើយ។

អ្នកចាត់ការទូទៅរបស់ក្រុម Man City រូបនេះ មិនមានអារម្មណ៍ក្នុងការធ្វើការវិភាគទៅលើតារាងឡើយ និងបានបញ្ជាក់ថា លោកចាប់អារម្មណ៍តែទៅលើការបង្ហាញពីទម្រង់លេងរបស់ក្រុមលោកប៉ុណ្ណោះ។

លោក Guardiola បានឲ្យដឹងថា៖ «យើងមិនអាចលេងការប្រកួតជាច្រើនជាមួយនឹងក្រុម Liverpool ទេ ហើយយើងមិនអាចធ្វើអ្វីទៅលើពួកគេបានឡើយ»។

គ្រូបង្វឹករូបនេះបានប្រាប់បន្តថា៖ «អ្វីដែលយើងអាចធ្វើបាន គឺការដណ្តើមបានជ័យជម្នះក្នុងការប្រកួតរបស់យើង និងរក្សាការដេញតាមពីក្រោយ។ យើងមិនបាននិយាយទៅកាន់កីឡាកររបស់យើងពីបញ្ហានោះទេ ហើយយើងមិនអាចគ្រប់គ្រងអ្វីដែលយើងអាចធ្វើបានឡើយ។ អ្វីដែលយើងអាចធ្វើបាន គឺការបង្ហាញពីភាពខ្លាំង ហើយនៅថ្ងៃណាមួយ ពួកគេប្រហែលជាចាញ់។ ប៉ុន្តែ ប្រសិនបើពួកគេមិនចាញ់ទេនោះ ពួកគេនឹងក្លាយជាម្ចាស់ជើងឯក»។

លោក Guardiola បានបន្ថែមទៀតថា៖ «យើងបានធ្វើរឿងដ៏អស្ចារ្យជាច្រើនបន្ទាប់ពីរដូវកាលមុន ប៉ុន្តែ ក្រុមមួយធ្វើបានល្អប្រសើរជាងយើងមកទល់ពេលនេះ។ អ្វីដែលយើងអាចធ្វើបាន គឺការរក្សាភាពខ្លាំងរហូតដល់បញ្ចប់រដូវកាល ហើយលទ្ធផលនឹងបង្ហាញថា ក្រុមណានឹងឈ្នះ»៕

January 15, 2019

Author: វល័ក្ខ