Author: ធឿន មករា

ការប្រកួត​ពានរង្វាន់ ធំ​បំផុត ប្រចាំ​តំបន់​អាមេរិក​ឡាទីន «Copa America» បានចាប់ផ្តើម​ហើយ កាលពី​ព្រឹក​ថ្ងៃទី14 ខែមិថុនា ឆ្នាំ2021 ដោយមាន​ការប្រកួត​ប្រចាំ​ពូ​ល B ចំនួន 2គូ។ ក្នុងនោះ 1គូ គឺជា​ការប្រកួត​រវាង​ម្ចាស់ផ្ទះ​ប្រេ​ស៊ី​ល ទល់នឹង​ក្រុម​វេ​ណេ​ហ្ស៊ូ​អេ​ឡា។

ការប្រកួត​នៅ​វគ្គ​ទី1 ប្រេ​ស៊ី​ល​បាន​នាំមុខ 1គ្រាប់ នៅ​នាទី​ទី23 ដោយ Marquinhos។ លុះ​មកដល់​តង់​ទី 2 ប្រេ​ស៊ី​ល បាន​ឱកាស​ប៉េ​ណា​ល់​ទី ហើយ​ធ្វើបាន​សម្រេច​ដោយ Neymar មុននឹង​បន្ថែម​គ្រាប់​ទី3 ដោយ​កីឡាករ Gabriel Barbosa ហើយ​នៅពេល​ចប់​ការប្រកួត ម្ចាស់ផ្ទះ​ប្រេ​ស៊ី​ល ឡើងទៅ​ឈរ​នៅ​កំពូល​តារាង ពូ​ល B។

ក្រុម​ប្រេ​ស៊ី​ល ជា​ម្ចាស់ផ្ទះ​ព្រឹត្តិការណ៍​មួយ​នេះ ដែល​ចាប់ផ្តើម​ពីថ្ងៃ​ទី14 ខែមិថុនា ដល់ 10កក្កដា​នេះ  ស្ថិតនៅក្នុង​ពូ​ល B ជាមួយនឹង​ក្រុម4 ផ្សេងទៀត រួមមាន កូ​ឡុំ​ប៊ី ប៉េ​រ៉ូ អេ​ក្វា​ដ័​រ និង​វេ​ណេ​ហ្ស៊ូ​អេ​ឡា។

​កីឡាករ​ខ្សែប្រយុទ្ធ Kylian Mbappe របស់​ក្លិប​បាល់ទាត់ Paris Saint Germain បាន​ថ្លែងថា គេ​ហៀបនឹង​ផ្ទេរ​ទៅកាន់​ក្លិប Real Madrid ទៅហើយ កាលពី​ឆ្នាំ​2014 កន្លងទៅ តែ​ត្រូវបាន​ឪពុកម្តាយ​ហាមឃាត់ ទើប​ធ្វើ​ឱ្យគេ​បានមក​ដល់ PSG នឹង​លេង​រហូតមក​ទល់នឹង​បច្ចុប្បន្ន​។

​ក្លិប Real Madrid គឺជា​ក្លិប​ក្នុង​ក្តី​ស្រមៃ​របស់ Mbappe ហើយ Ronaldo គឺជា​និមិត្តរូប​របស់គេ​ដែរ តែដោយសារ​ការសិក្សា ទើប​ឪពុកម្តាយ Neymar ហាមឃាត់ ដោយ​ចង់ឱ្យ​កូន​នៅ​បន្ត​លេង​បាល់ និង សិក្សា​ផង នៅ​ប្រទេស​បារាំង ឱ្យបាន​ចប់សព្វគ្រប់​សិន មុននឹង​ចាប់យក​អាជីព​បាល់ទាត់​នេះ​។

​មកទល់នឹង​ពេលនេះ Mbappe មិនបាន​គិតថា ការខកខាន​មិនបាន​ទៅ Real Madrid នេះ គឺជា​រឿង​ដែល​ត្រូវមាន​វិប្បដិសារី​បន្តទៅ​ទៀតឡើ់យ ដោយសារតែ​ពេលនេះ គេ​បាន​ក្លាយជា​កីឡាករ​ល្បី​លំដាប់​ពិភពលោក​រួចទៅហើយ ទោះជា​គេ​កំពុង​លេង​នៅ PSG ក៏ដោយ​៕​

​ក្លិប​បាល់ទាត់ Paris Saint Germain បានធ្វើ​ការដាក់​កីឡាករ​ខ្សែប្រយុទ្ធ​ដ៏​ល្បីឈ្មោះ លំដាប់​ពិភពលោក​ម្នាក់ទៀត ចូលទៅក្នុង​បញ្ជី​ឈ្មោះ​កីឡាករ ដែល​នឹងត្រូវ​នាំមក​កាន់​ទឹកដី​បារាំង នា​រដូវ​កាល​ថ្មី​ខាងមុខនេះ ដើម្បី​ត្រៀមខ្លួន ប្រជែង​ពានរង្វាន់​ធំៗ​។

​ខ្សែប្រយុទ្ធ​ម្នាក់​នោះ ត្រូវបាន​គេ​ដឹងថា គឺ​កីឡាករ Christiano Ronaldo របស់​ក្លិប​បាល់ទាត់ Juventus ដែល​កំពុងតែ​មានចិត្ត ចង់​ចាក​ចេញពី​ក្លិប​ចាស់​ស្រាប់​ផង ក្រោយពី​រក​មិនឃើញ​ភាពជោគជ័យ សម្រាប់​រដូវ​កាល​កន្លងមក​។

​គួរឱ្យ​ដឹង​ដែរ​ថា ខ្សែប្រយុទ្ធ​វ័យ​ជ្រេ ឈានចូល 36​ឆ្នាំ ក្នុងឆ្នាំនេះ នៅសល់​កុងត្រា​រដូវ​កាល​ទៀត​ជាមួយនឹង Juventus ដែល​នេះ​អាច​នឹង​ធ្វើឱ្យ​កីឡាករ​រូបនេះ នៅមាន​តម្លៃ​ខ្លួន​ថ្លៃ​គ្រាន់បើ ប្រសិនបើ​ក្លិប​ណាមួយ​ចង់បាន​៕​

ជំងឺកូវីដ-19 នៅប្រទេសវៀតណាម ដែលកំពុងឆ្លងរាលដាលរលកទី2 បានកំពុងតែរីកសាយភាយខ្លាំងទៅៗ ដែលបានបង្កជាក្តីព្រួយបារម្ភមួយ ទៅដល់ការធ្វើជាម្ចាស់ផ្ទះ កីឡាស៊ីហ្គេម នាចុងឆ្នាំ2021 នេះ ដែលវៀតណាម គ្រោងនឹងទទួលស្វាគមន៍ប្រទេសចំនួន 11 ក្នុងតំបន់អាស៊ីអាគ្នេយ៍ ដែលមានអត្តពលិករាប់ម៉ីននាក់។

ដោយសារស្ថានភាពជាក់ស្តែងនៃវិបត្តិជំងឺកូវីដ-19 នៅតែបន្តរីករាលដាលជាសកលនៅឡើយ ទើបធ្វើឱ្យម្ចាស់ផ្ទះព្រឹត្តិការណ៍នេះ ធ្វើសេចក្ដីជូនដំណឹង ស្តីពីការពន្យារពេលបណ្តោះអាសន្ន ដោយរង់ចំាការសម្រេចក្នុងអង្គប្រជុំអន្តរជាតិ តាមប្រព័ន្ធអនឡាញ នាពេលឆាប់ៗខាងមុខនេះ។​

គួរ​ឱ្យដឹងដែរថា ម្ចាស់ផ្ទះស៊ីហ្គេមវៀតណាម បានធ្វើកំណត់បង្ហាញថា ស៊ីហ្គេម2021នេះ មានប្រភេទកីឡាដាក់ឱ្យបណ្តាប្រទេសក្នុងអាស៊ាន សរុបចំនួន 11ប្រទេស ធ្វើការប្រកួតប្រជែងគ្នា លើ 40ប្រភេទកីឡា និងមានវិញ្ញាសាសរុបចំនួន 526៕

នៅ​ថ្ងៃ​ទី​12​​ ខែ​សីហា​ ឆ្នាំ​2021​ ខាង​មុខ​នេះ​ នៅលើសង្វៀនប្រដាល់នាទីក្រុង​ Las Vegas ​សហ​រដ្ឋ​អាមេរិក កីឡាករប្រដាល់លំដាប់ពិភពលោករបស់ហ្វ៊ីលីពីន Manny Pacquiao គ្រោងនឹងឡើងប្រកួតសាជាថ្មី ដោយនឹងប៉ះជាមួយសិស្សប្អូន ​Errol Spence Jr ដែលមានវ័យខុសគ្នាដល់ទៅ 11ឆ្នាំ។

ទោះជាមានវ័យក្មេង ក៏ពិតមែន ប៉ុន្តែ Errol Spence Jr សញ្ជាតិអាមេរិកាំង មានកំណត់ត្រា មិនធម្មតាឡើយ ដែលក្នុងនោះ ធ្លាប់ប្រកួតមក 27លើក ឈ្នះទាំងអស់ ហើយផ្តួលដៃគូឱ្យសន្លប់ រហូតដល់ទៅ 21លើក។ មិនតែប៉ុណ្ណោះ គេធ្លាប់លេងកីឡាប្រដាល់នេះ តំណាងឱ្យសហរដ្ឋអាមេរិក ក្នុងនាមជាជម្រើសជាតិ ដោយធ្លាប់ឈ្នះមេដាយមាសចំនួន5 និងមេដាយប្រាក់1 ទៀតផង ឃើញថា ពិតជាមិនធម្មតាឡើយ។​

គួរឱ្យដឹងដែរថា Manny Pacquiao បានប្រកាស ចូលនិវត្តន៍ 3លើករួចមកហើយ តែ នៅតែមិនបានសម្រេច ដោយតែងតែវិលត្រឡប់មកសង្វៀនវិញ ក្រោយពីមានការផ្គូផ្គងឱ្យប៉ះកីឡាករល្បីៗ ដែលអាចរកចំណូលបានរាប់សិបលានដុល្លារ៕

នារីវៃឆ្លាតរឿងស្នេហា ត្រូវតែស្គាល់ពីបុរសក្នុងច្រើនទស្សនៈ តែដែលត្រូវស្គាល់ឱ្យច្បាស់បំផុតនោះគឺ ចិត្តរបស់យើង(នារីៗ)ខ្លួនឯង ស្គាល់ពីសក្តានុពល និងគុណតម្លៃរបស់ខ្លួនឯងឱ្យច្បាស់ ដឹងថាគួរលះបង់ចិត្តរបស់ខ្លួនឯងប៉ុនណា? និងសមល្មមបានទទួលក្តីស្នេហាមកវិញប៉ុនណា?… ថ្ងៃនេះ ឡារ៉ែនមានគន្លឹះល្អៗផ្សេងៗ ដែលនារីៗយើង គួរតែដឹង មកជម្រាបជូន។

1. ដឹងថា…ត្រូវស្គាល់ពីគុណតម្លៃរបស់ខ្លួនឯង
នៅពេលមានគូស្នេហ៍ ត្រូវចេះកែសម្រួល ជាពិសេសបំផុត លើផ្នែកដែលធ្វើឱ្យជីវិតគូ របស់អ្នកមានសេចក្តីសុខ។ បើអ្នកផ្លាស់ប្តូរគ្រប់យ៉ាងអស់រលីង ក្លាយជានារីម្នាក់ផ្សេងទៀត ដែលគេ(គូស្នេហ៍)លែងស៊ាំធ្លាប់ជាមួយ គេក៏នឹងអស់ចំណាប់អារម្មណ៍បន្តិចម្តងៗអំពីរូបអ្នក ដូច្នេះអ្នកគ្រូ ឆវី ចង់ប្រាប់ថា បើយើងមើលមិនឃើញពីគុណតម្លៃរបស់ខ្លួនឯងផង តើអ្នកណានឹងមើលឃើញគុណតម្លៃរបស់យើង?។

2. ដឹងថា…សិច មិនមែនជារឿងងាយ និងចេះតែធ្វើបាននោះទេ
មិនថាអ្នកលង់ស្នេហ៍គេប៉ុនណា មិនថាសម្ព័ន្ធភាព នឹងដំណើរការតទៅមុខទៀតយ៉ាងណាក៏ដោយ តែកុំភ្លេចថា មនុស្សប្លែកមុខ គឺនៅតែជាមនុស្សប្លែកមុខដដែលហ្នឹង ទោះជាប្រវត្តិផ្ទាល់ខ្លួនរបស់គេ ល្អល្អះយ៉ាងណាក៏ដោយ តែអ្វីដែលច្បាស់ប្រាកដនោះគឺ អ្នកគ្មានឱកាសបានដឹងថា តើគេមានជំងឺឆ្លងខាងផ្លូវភេទ ឬក៏អត់នោះទេ។ ដូច្នេះ អ្នកគ្រូ ឆវី ចង់ប្រាប់ថា មិនចាំបាច់ដល់ថ្នាក់ ត្រូវតែមានអីៗជាមួយគេនោះទេ បើអ្នកនៅមិនទាន់បានត្រៀមខ្លួន ហើយសំខាន់បំផុតគឺ យើងត្រូវតែចេះស្រឡាញ់មនុស្សប្រុស ដោយមិនចាំបាច់មានសិច ឱ្យបាន។

3. ដឹងថា…បុរសដ៏សែនល្អ មិនចាំបាច់ត្រូវតែរូបសង្ហានោះទេ
បើបុរសម្នាក់នោះ ធ្វើឱ្យអ្នកមានសេចក្តីសុខ កក់ក្តៅ សើចសប្បាយ មានចំណង់ចំណូលចិត្តដូចគ្នាច្រើនយ៉ាង និងថែមទាំងឆ្លាតវាងវៃទៀតផង តែ រូបរាង បែរជាមិនសង្ហាសោះនោះ សូមនារីៗយើងទាំងឡាយ សាកល្បងទៅដើរសង្កេតមើលតាមហាងផ្សារទំនើបចុះ បុរសដែលមកទិញទំនិញជាមួយក្រុមគ្រួសារ ឬលេងជាមួយកូនៗនៅតាមឆ្នេរសមុទ្រ សួរថា តើ Family men ទាំងនោះ មានរូបសង្ហា ស្អាតដូចតារាបង្ហាញម៉ូដដែរឬទេ? តែផ្ទុយទៅវិញ គឺគេ(បុរសម្នាក់ខាងដើម)ហ្នឹងឯង ដែលស័ក្តិសម ធ្វើជាមេគ្រួសារដ៏ល្អរបស់អ្នក។

4. ដឹងថា…ការងារផ្ទះ មិនមែនសម្រាប់តែនារីៗទេ
សម្ព័ន្ធភាពនឹងយូរអង្វែងបាន ត្រូវតែអាស្រ័យលើមនុស្ស 2នាក់ មានតួនាទីរួមគ្នា បច្ចុប្បន្នស្រ្តី មិនត្រូវបានកំណត់ឱ្យធ្វើការ នៅតែក្នុងផ្ទះនោះទេ ត្រូវដឹងពីវិធីបែងចែកការងារក្នុងផ្ទះ ឱ្យរួមគ្នាធ្វើបានទាំង 2នាក់ ដោយមិនខូចអារម្មណ៍ ហើយម្យ៉ាងទៀតបុរសដែលចេះធ្វើការងារផ្ទះ គឺជាបុរសដែលសិចស៊ី និងគួរឱ្យស្រឡាញ់បំផុត។

5. ដឹងថា…គូស្នេហ៍ មិនមែនជាអ្នកបម្រើទេ
ការពិតទៅ បុរសដែលមានភាពទទួលខុសត្រូវខ្ពស់ គេនឹងមិនចូលចិត្តនារីដែលទន់ជ្រាយ និងជាអ្នកចុះញ៉មគេរហូត ឬខ្លាចចិត្តអ្នកដទៃ រហូតមិនចេះបដិសេធអ្នកណាសោះនោះទេ។ យើងត្រូវចេះបដិសេធ និងឆ្លើយតបទៅវិញខ្លះ។ ការបដិសេធចំណុចទាមទាររបស់អ្នកដទៃខ្លះ វាមិនមែនជារឿងអាក្រក់នោះទេ តែជាការបង្ហាញពីឆន្ទៈរបស់យើង៕

ការរៀបចំតុបតែងផ្ទះ ឱ្យគួរចង់ស្នាក់នៅ មានបច្ច័យច្រើនយ៉ាងរួមប្រកបចូលគ្នា ដោយបែងជាគោលការណ៍សំខាន់ៗ ​ត្រួសៗដូចខាងក្រោមនេះ…៖

1. សុវត្ថិភាព
ជ្រើសរើសប្រើគ្រឿងតុបតែងផ្ទះណា ដែលគ្មានជ្រុងមុតស្រួច មិនងាយបាក់បែក មិនទើសទែងផ្លូវដើរ មិនធ្វើឱ្យសឹករេចរឹលកម្រាលឥដ្ឋ ឬធ្វើឱ្យកាំជណ្តើររលោងជ្រុលពេក រហូតអាចបណ្តាលឱ្យក្មេងៗដើររអឹលដួល រួមទាំងការបំពាក់ឧបករណ៍គ្រឿង​អគ្គិសនី និងខ្សែភ្លើង ឱ្យស្ថិតក្នុងសភាពមានសុវត្ថិភាពផង។

2. ត្រូវនឹងសុខលក្ខណៈ និងស្អាតបាត
រៀបចំឱ្យមានខ្យល់អាកាសបក់ចេញ-ចូល និងមានពន្លឺភ្លឺគ្រប់គ្រាន់ រួមទាំងជូតសម្អាតគ្រឿងតុបតែងផ្ទះឱ្យបានស្អាត
ជាប់ជានិច្ចផង។

3. ងាយស្រួលក្នុងការប្រើប្រាស់
ត្រូវគិតដល់ភាពងាយស្រួលក្នុងការរៀបចំធ្វើពិធីផ្សេងៗ រៀបចំឱ្យមានទីកន្លែងទំនេរ ​និងទុកដាក់របស់របរ ​ឱ្យត្រូវ​តាម​កន្លែងដើម្បីងាយស្រួលចាប់យកមកប្រើប្រាស់។

4. ភាពស្រួល សប្បាយ
រៀបចំផ្ទះ ឱ្យមានប្រដាប់ការពារភាពចាំងខ្លាំងរបស់ពន្លឺថ្ងៃ ដូចជា វាំងនន មានប្រឡោះបំភាយកម្ដៅចេញពីខាងក្នុងផ្ទះ និងឱ្យខ្យល់អាកាស បក់ចេញ-ចូលបានងាយស្រួល អាចមើលឃើញទេសភាពខាងក្រៅផ្ទះ ដែលនឹងធ្វើឱ្យយើងសប្បាយរីករាយចិត្តបានផង។

5. មានរបៀបរៀបរយ និងស្រស់ស្អាត
របស់របរតុបតែងមានច្រើនជ្រុលពេក និងទុកដាក់គ្មានរបៀប នឹងធ្វើឱ្យភាពស្រស់ស្អាតខាងក្នុងផ្ទះ បាត់បង់អស់ ហើយជាពិសេសរឿងពណ៌ ក៏មានភាពសំខាន់ក្នុងការតុបតែងផ្ទះដែរ។ ក្រៅពីនោះ គួរនាំយកផ្កាស្អាតៗ និងរូបភាពផ្សេងៗ មកតុបតែងលម្អដើម្បីភាពស្រស់ស្អាតផង។

6. សន្សំសំចៃ
ត្រូវនឹកដល់ការសន្សំសំចៃផង ទាំងពេលវេលា កម្លាំង និងលុយកាក់ រួមទាំងការមើលថែទាំសម្អាត តម្លៃវត្ថុ របស់​របរដែលចង់ទិញ យកមកតុបតែងផង តាមរយៈការច្នៃប្រឌិត ឬយករបស់ដែលមានស្រាប់ មកជូតសម្អាត ដុសខាត់ លាបពណ៌ជាថ្មី ឱ្យ​ស្អាតមកដាក់តាំងលម្អឡើងវិញជាដើម៕

កាលពីពេលកន្លងទៅនេះ Floyd Mayweather កំពូលអ្នកប្រដាល់អាមេរិកាំង កម្រិតលេខ1 លំដាប់ពិភពលោក ដែលមិនធ្លាប់ចាញ់ទាល់តែសោះនោះ បានប្រកួតស្មើជាមួយនឹង Logan Paul តារាយូធូប ដែលស្ទើរតែគ្មានបទពិសោធអ្វីទាល់តែសោះ ក្នុងវិស័យប្រដាល់នេះ។

ក្រោយការស្មើគ្នានេះ បានបង្កឱ្យមានភាពភ្ញាក់ផ្អើលខ្លាំង ទាំងអ្នកជំនាញកីឡាប្រដាល់ដែលនាំគ្នាគិតថា នេះគឺជាការប្រកួត ដើម្បីរកលុយ កុំឱ្យស្ងាត់ពេករបស់ Floyd Mayweather និងដើម្បីបង្កើនប្រជាប្រិយភាពរបស់ Logan Paul តែប៉ុណ្ណោះ។​

ក្រោយពីទទួលដំណឹងនេះ Floyd Mayweather បានចេញមុខបដិសេធយ៉ាងដាច់អហង្ការ ដោយបញ្ជាក់ថា ការប្រកួតនោះ គឺគេបានវាយអស់ពីសមត្ថភាពមែន មិនមែនជាការរៀបចំទុកទេ ហើយបានបន្ថែមទៀតថា គេនឹងឈប់ឡើងវ៉ៃទៀតហើយ ប្រសិនបើគ្រប់គ្នានៅតែគិតបែបនេះ៕

លីគកំពូលអង់គ្លេស ​​English Premier League បានបញ្ចប់ហើយ សម្រាប់រដូវកាល 2020- 2021 របស់ខ្លួន ដោយក្រុម ​ManCity បានទទួលជើងឯក ខណៈដែល ManU ជាជើងឯករង ក្រោយប្រកួតគ្នានៅលើវាលស្មើនៃទីលានបាល់ទាត់ទូទាំងប្រទេសអង់គ្លេស អស់រយៈពេល 48សប្តាហ៍​រួចមក។

កាលពីពេលថ្មីៗនេះ Premier League បានបញ្ចេញសមាសភាពកីឡាករជម្រើស 11នាក់ល្អបំផុត របស់ខ្លួន ដោយមានមកពីក្លិបជើងឯក Manchester City ចំនួនច្រើនជាងគេ ដល់ទៅ 5រូប (De Bruyne, Cancelo, Stones, Dias និង Gundogan) ក្លិបជើងឯករង​ ManU 3រូប (Shaw, Fernandes, Salah)។

ចំពោះក្លិប Tottenham Hotspur ក៏មាន 2រូបដែរ ក្នុងនោះម្នាក់ជាជនជាតិអាស៊ី (Min Son និង Harry Kane)។ ចំណែកឯ Leicester City មានម្នាក់ គឺជាអ្នកចាំទី Henderson៕

កីឡាករប្រដាល់អាជីព Floyd Mayweather បានបញ្ចប់ការប្រកួតហើយ ជាមួយនឹងតារាយូធូប Logan Paul នៅថ្ងៃត្រង់ នៃថ្ងៃទី7 ខែមិថុនា ឆ្នាំ2021នេះ ដោយកម្មវិធីប្រដាល់ដែលមិនសូវមានអ្នកចាប់អារម្មណ៍នេះ បានធ្វើឡើងក្នុងទីក្រុង Miami នៃសហរដ្ឋអាមេរិក ដែលបានលក់សិទ្ធិទស្សនាទៅដល់ទស្សនិកជនក្នុងម្នាក់ តម្លៃ 50ដុល្លារ និងលក់សិទ្ធិផ្សាយបន្តផ្ទាល់ឱ្យស្ថានីយទូរទស្សន៍ធំៗ នៅជុំវិញពិភពលោក បានប្រមាណតែជាង 200លានដុល្លារប៉ុណ្ណោះ។

បើគិតពីចំណូលសរុបនេះ គឺគេបានបែងចែកទៅឱ្យខាងអ្នករៀបចំកម្មវិធី និងការផ្សព្វផ្សាយនានា មួយចំណែក។ ខណៈដែលជាង 30ភាគរយទៀត ត្រូវបានគេដឹងថា សម្រាប់កីឡាករទាំង 2រូបនេះ។ ដោយក្នុងនោះ Floyd ត្រូវបានគេប៉ាន់ប្រមាណថា បើកលុយបានប្រហែល 60លានដុល្លារ ព្រោះគេជាតួឯកក្នុងការប្រកួតនេះ។ ចំណែកឯ តារាយូធូបដ៏ល្បីល្បាញ Logan Paul គឺបានប្រហែលជាជាង ២០លានដុល្លារ។

គួរឱ្យដឹងដែរថា Floyd Mayweather ជាធម្មតា ក្នុង 1ប្រកួត គឺគេអាចរកលុយបានយ៉ាងហោចណាស់ក៏ប្រហែលជា 100លានដុល្លារដែរ។ ខណៈដែលប្រកួតលើកនេះ ត្រូវបានចាត់ទុកថា ជាប្រកួត ដែលគេរកលុយបានតិចជាងគេបំផុត តាំងពីគេមានកេរ្តិ៍ឈ្មោះល្បីល្បាញមក៕