ឡារ៉ែន ជឿថា មនុស្សជាច្រើនប្រហែលជាមិនចង់ក្លាយជាមនុស្សប៉ឹនភ្លេចទេ ព្រោះអាការភ្លេចភ្លាំងច្រើននេះ បើវាកើតឡើងញឹកញាប់ពេក វាអាចហុចផលប៉ះពាល់ដល់ជីវិតរស់នៅប្រចាំថ្ងៃក្នុងរឿងជាច្រើន ទាំងការរៀនសូត្រ ឬការធ្វើការងារ អាចនឹងហុចផលឱ្យធ្វើការងារមិនបានល្អដូចដែលចិត្តយើងត្រូវការ…តែសួរថា តើហេតុអីទើបកើតអាការ “ប៉ឹនភ្លេច ឬភ្លេចភ្លាំងច្រើន” នេះឡើង? ឥឡូវយើងនាំគ្នាមកមើលពីមូលហេតុទាំងអស់គ្នាថា តើព្រោះអ្វី?
6បច្ច័យ ដែលធ្វើឱ្យយើងក្លាយជា “មនុស្សប៉ឹនភ្លេច”
- ជាតិអាល់កុល(គ្រឿងស្រវឹង) : ការញ៉ាំភេសជ្ជៈដែលមានជាតិអាល់កុលច្រើនជ្រុលពេក អាចបំផ្លាញការចងចាំក្នុងរយៈពេលខ្លីបាន ទោះជាមានបរិមាណតិចក៏ដោយ។ អាចនឹងហុចផលប៉ះពាល់លើមនុស្សម្នាក់ៗខុសប្លែកពីគ្នា។ គួរបរិភោគក្នុងបរិមាណដែលសមល្មមនឹងខ្លួនឯង ដោយពេទ្យបានណែនាំយ៉ាងងាយៗថា មនុស្សប្រុសមិនគួរញ៉ាំលើសពី 2កែវឡើយក្នុង 1ថ្ងៃ ចំណែកស្រ្តីវិញ មិនគួរញ៉ាំលើសពី 1កែវឡើយក្នុង 1ថ្ងៃ។
- គេងមិនគ្រប់គ្រាន់ : បើសិនថ្ងៃណាមានអាការរាងភាំងៗវិលៗ ខួរក្បាលធ្វើការយឺត គិតអ្វីមិនសូវទាន់សភាពការណ៍ ឬសម្រេចចិត្តអ្វីមួយយឺតយ៉ាវនោះ ក៏សាកល្បងពិនិត្យខ្លួនឯងទៅមើលថា តើគេងបានប៉ុន្មានម៉ោង បើសិនតិចជាង 5-6ម៉ោងនោះ អាចរាប់ចូលក្នុងអាការភ្លេចភ្លាំងច្រើនហើយ ព្រោះការគេងសម្រាកមិនបានគ្រប់គ្រាន់នេះ អាចបណ្ដាលឱ្យកើតមានអាការប្រែប្រួលខាងអារម្មណ៍ ឆាប់ខឹងឆេវឆាវ ថែមទាំងមានភាពប្រថុយប្រថានជាមួយអាការភ័យវិតក្កកង្វល់ច្រើនទៀតផង។
- ភាពតានតឹងធុញថប់ : បើសិនជាខួរក្បាលរបស់អ្នកមួយរយៈនេះ មានរឿងដែលត្រូវគិតច្រើនគ្រប់ពេលវេលា វាអាចនឹងធ្វើឱ្យអ្នកបាត់បង់ព័ត៌មានផ្សេងៗ ថ្មីៗជុំវិញខ្លួនដែលកើតឡើងបាន ព្រោះថា វានឹងធ្វើឱ្យអ្នកគ្មានសមាធិដែលផ្ចង់ទៅលើរឿងរ៉ាវផ្សេងៗទាំងនោះហ្នឹងឯង។
- សភាវសោកសៅ : អាការដែលមានផលប៉ះពាល់បន្ទាប់ពីសភាវសោកសៅដែលអាចសង្កេតឃើញបានងាយនោះគឺ មិនរួសរាយស្រស់ស្រាយ ទឹកមុខស្មើមិនចង់កម្រើក គ្មានកម្លាំងជំរុញចិត្តក្នុងការចង់ធ្វើអ្វីទាំងអស់ និងមានសេចក្ដីសុខកាន់តែតិចក្នុងការធ្វើកិច្ចការងារ ហើយអាការប៉ះពាល់បន្ទាប់ពីសភាវនេះ នឹងធ្វើឱ្យការធ្វើការងាររបស់ខួរក្បាលដែលជ្រើសរើសក្នុងការមិនចង់ចងចាំរឿងអ្វីជាពិសេសតែម្ដង។
- ការខ្វះថៃរ៉យដ៍ : សភាវការខ្វះថៃរ៉យដ៍ ឬហាយប៉ូថៃរ៉យដ៍នេះ អាចហុចផលដល់សមត្ថភាពក្នុងការចងចាំបានដូចគ្នា(រួមទាំងអាការបន្ទាប់បន្សំដែលកើតពីសភាវនេះ ដូចជា ការត្រូវរំខានខណៈពេលគេងលក់ដែលនឹងក្លាយជាដើមហេតុរបស់សភាវសោកសៅដែលអាចជាមូលហេតុកាត់បន្ថយសមត្ថភាពក្នុងការចងចាំបាន)។
- ការព្យាបាលជំងឺប្រភេទខ្លះ : បើអ្នកកំពុងព្យាបាលជំងឺប្រចាំកាយអ្វីម្យ៉ាងដែលត្រូវមានការលេបថ្នាំផ្សេងៗ ទាំងថ្នាំរម្ងាប់ប្រព័ន្ធប្រសាទ ថ្នាំបំបាត់អាការសោកសៅ ថ្នាំគ្រប់គ្រងសម្ពាធឈាមប្រភេទខ្លះ និងការព្យាបាលជំងឺ ជួនកាលអាចមានផលប៉ះពាល់ដល់ផ្នែកចងចាំរបស់ខួរក្បាល អាចនឹងធ្វើឱ្យការបានទទួលថ្នាំទាំងនោះមានសមាធិក្នុងការចងចាំ និងរៀនយល់ដឹងអ្វីថ្មីៗកាន់តែពិបាកឡើង។
ដូច្នេះ ទាំងអស់ខាងលើនេះ បើគិតថា មានផលប៉ះពាល់ដល់ការចងចាំ ចូរសាកល្បងទៅប្រឹក្សាជាមួយគ្រូពេទ្យដើម្បីរកមូលហេតុដែលពិតប្រាកដបាន៕
អ្នកណាគឺ មនុស្សពូកែ? អ្នកណាគឺ ក្មេងឆ្លាត?
