Author: ធឿន មករា

  • ដំបូន្មានដ៏មានតម្លៃបំផុតរបស់ Jack Ma សម្រាប់អ្នកចាប់ផ្ដើមអាជីវកម្មដំបូង

    ដំបូន្មានដ៏មានតម្លៃបំផុតរបស់ Jack Ma សម្រាប់អ្នកចាប់ផ្ដើមអាជីវកម្មដំបូង

    ការចាប់ផ្ដើមអាជីវកម្មមួយ និងជាលើកដំបូង វាពិតជាពិបាក ដោយសារតែមានកត្តាជាច្រើនរួមផ្សំ។ កត្តាទាំងនោះរួមមាន ដើមទុន បទពិសោធន៏ និងធនធានមនុស្ស ដើម្បីចូលរួមចំណែកក្នុងការធ្វើឱ្យអាជីវកម្មមួយទទួលបានជោគជ័យ។

    លោក Jack Ma ដែលជាស្ថាបនិករបស់ក្រុមហ៊ុនលក់ទំនិញអនឡាញយក្សរបស់ចិន Alibaba ហើយក៏ជាមហាសេដ្ឋីដ៏មានប្រជាប្រិយភាពផងនោះ បាននិយាយថា អ្នកមិនអាចបង្រួបបង្រួមគំនិតរបស់មនុស្សគ្រប់គ្នា ឱ្យរួមចូលគ្នាតែមួយបាននោះទេ ប៉ុន្តែអ្នកអាចបង្រួបបង្រួមមនុស្សគ្រប់គ្នាបានតាមរយៈគោលដៅរួមតែមួយ។

    មហាសេដ្ឋីរូបនេះ បានបញ្ជាក់បន្ថែមទៀតថា កុំជឿជាក់ថា អ្នកអាចបង្រួបបង្រួមនៅអ្វីដែលមនុស្សគ្រប់គ្នាកំពុងតែគិត វាមិនអាចទៅរួចនោះទេ។ 30ភាពរយនៃមនុស្សទាំងអស់ នឹងមិនជឿជាក់លើអ្នកនោះទេ។ កុំអនុញ្ញាតឱ្យសហការរីរបស់អ្នក និងបុគ្គលិករបស់អ្នក គិតថាកំពុងតែធ្វើការសម្រាប់តែខ្លួនអ្នក។ ផ្ទុយទៅវិញ ចូរឱ្យពួកគេគិតថា ពួកគេកំពុងតែធ្វើការសម្រាប់គោលដៅរួមតែមួយវិញ ហើយធ្វើដើម្បីឱ្យក្រុមហ៊ុនទទួលភាពជោគជ័យ។ វាមានភាពងាយស្រួលច្រើនជាងក្នុងការបង្រួបបង្រួមក្រុមហ៊ុនមួយឱ្យស្ថិតនៅក្នុងគោលដៅរួមតែមួយ ជាជាងបង្រួបបង្រួមក្រុមហ៊ុនមួយឱ្យនៅជុំវិញតែមនុស្សណាម្នាក់៕

  • តើឪពុកម្តាយត្រូវធ្វើដូចម្តេច ទើបកូនមានទឹកចិត្តក្លាហាន ?

    តើឪពុកម្តាយត្រូវធ្វើដូចម្តេច ទើបកូនមានទឹកចិត្តក្លាហាន ?

    ឪពុកម្តាយគ្រប់រូបតែងតែ ចង់ឱ្យកូនជាទីស្រឡាញ់ក្លាយជាមនុស្ស ក្លាហានអង់អាច តែមានចិត្តស្លូតបូត កាន់ធម៌សុចរិតនៅក្នុងខ្លួន ។ អ្វីដែលធ្វើឱ្យយើងកាន់តែសប្បាយចិត្តទៅទៀតនោះ គឺពេលបានឃើញកូនរបស់យើងហ៊ាន ប្រឈមមុខ និងដោះស្រាយនូវរាល់បញ្ហាបាន និងឈានទៅរកភាពជោគជ័យបានទៀតផង។ ដូច្នេះលោកឪពុកអ្នកម្តាយទាំងអស់ គួរតែអប់រំបុត្រធីតារបស់ខ្លួនឲ្យមានភាពក្លាហាន ហើយចំណុចដែលគួរ អប់រំ និងបង្ហាត់ដល់កូននោះមានដូចជា ៖

    1 .បណ្តុះផ្នត់គំនិត ឱ្យកូនមានភាពក្លាហាន៖ យើងអាចបង្កើតនូវមោទនភាពក្នុងគ្រួសារ ដោយបង្ហាញពីជាតិសាសន៍របស់ខ្លួនថា មានភាពក្លាហានជាងគេ នោះគឺយើងបានបង្រៀនឱ្យកូនមានភាពក្លាហាន ក្នុងការធ្វើអ្វីមួយ ឬដោះស្រាយ បញ្ហាអ្វីមួយរួចស្រេចទៅហើយ ។ ការបង្រៀនកូនឱ្យយល់ដឹងពីប្រវត្ដិសាស្ដ្រនៃពូជសាសន៍បែបនេះ វា អាចជាការជំរុញឱ្យកូនកាន់តែមានទឹកចិត្ដអង់អាចក្លាហានឡើងទៀតដែរ ។

    2 .ត្រូវសរសើរកូននៅពេលណាដែលគេក្លាហានហ៊ានប្រឈមមុខ និងហ៊ានដោះស្រាយ៖ លោកឪពុកអ្នកម្ដាយ អាចបង្ហាត់បង្រៀនឱ្យកូនក្លាហានហ៊ានប្រឈមមុខនឹងបញ្ហានានាជាប្រចាំដូចជា ការឡើងនិយាយនៅចំពោះមុខសិស្សដូចគ្នានៅក្នុងថ្នាក់រៀន ចេះហ៊ានសំរេចចិត្តក្នុងការជួយសង្រ្គោះមិត្តភក្តិ ឬក៏លេងកីឡា ជាដើម ។ នៅពេលកូនរបស់លោកអ្នកក្លាហានហ៊ានធ្វើការងារទាំងនោះបាន លោកឪពុកអ្នកម្តាយត្រូវតែចេះសរសើរលើកទឹកចិត្ដ និង ផ្ដល់កម្លាំងចិត្ដដល់កូន ។ ទាំងអស់នេះ គឺជាការបង្រៀនឱ្យកូនលោកអ្នក កាន់តែមានទឹកចិត្តល្អ និងមានភាពក្លាហានឡើងផងដែរ ។

    3 .ត្រូវលើកពីបុគ្គលដែលមានភាពក្លាហានពិតៗក្នុងសង្គមប្រាប់កូន៖ នៅពេលគិតដល់អ្នកដែលមានសេចក្ដីក្លាហាន គឺយើងតែងនឹកទៅដល់កងទ័ព ពួកអ្នកស្ម័គ្រចិត្ត ពួកអ្នកជួយសង្រ្គោះ អ្នកពន្លត់អគ្គីភ័យជាដើម ពួកគេទាំងនោះ អាចផ្ដល់គំរូនៃភាពក្លាហានដល់កូនរបស់លោកអ្នកបាន ។ ក្រៅពីនេះ អ្នកក៏អាចសរសេរជាសុភាសិត បិទជាប់នឹងជញ្ជាំង ឬសរសេរពាក្យស្លោកលើក្ដារខៀន ដែលបណ្តុះទឹកចិត្ដកូនរបស់លោកអ្នកឱ្យមានភាពក្លាហាន ដូចជា “ភាពក្លាហាននឹងធ្វើឱ្យមនុស្សទទួលជោគជ័យ” ជាដើម ។

    4 .ត្រូវបង្កើតទំនាក់ទំនងស្និទ្ធស្នាលជាមួយកូនជាប្រចាំ៖ ជជែកលេងជាមួយកូនរបស់អ្នកជាប្រចាំ និងដោយចំហ រៀបរាប់ប្រាប់គេនូវអ្វីដែលបានកើតឡើងចំពោះអ្នក ពេលដែលអ្នកនៅមានវ័យប៉ុនគេ និងប្រាប់ពីវិធី និងរបៀបដោះស្រាយរាល់បញ្ហានានាដែលអ្នកធ្លាប់ជួបនៅពេលនោះ ។ ប្រសិនបើកូនអ្នកមានភាពក្លាហានហ៊ាននិយាយប្រាប់អ្នកវិញ ពីបញ្ហារបស់គេដោយចំហនោះ អ្នកអាចនឹងជួយពន្យល់គេឱ្យចេះដោះស្រាយបញ្ហាដោយភាពក្លាហាន និងសន្តិភាពបាន ។

    5 .ត្រូវធ្វើជាគំរូល្អដល់កូន៖ គំរូនៃភាពក្លាហាន ត្រូវចាប់ផ្ដើមពីអ្នកជាមុន ។ ចំពោះរឿងអ្វីមួយដែលអ្នកគិតថា កូនរបស់អ្នកអាចនឹងពិបាកធ្វើបាន ឧទាហរណ៍ដូចជា ការរាំរែក ជាដើម លោកឪពុកអ្នកម្តាយអាចនឹងត្រូវឡើងរាំ ដើម្បីឱ្យកូនឃើញពីភាពក្លាហានរបស់អ្នក។ ក្រៅពីនេះ លោកអ្នកអាចបង្ហាញឲ្យកូនបានឃើញតាមរយៈ ទង្វើ និងសកម្មភាពល្អៗប្រចាំថ្ងៃទាំងឡាយណា ដែលអ្នកគិតថា ល្អ និងជាគំរូល្អចំពោះកូន៕

  • ចុងភៅ ដ៏ល្បីនៅប្រទេសបារាំងនឹងមកចម្អិនម្ហូបសម្រាប់ភ្ញៀវរបស់ភោជនីយដ្ឋានតូប៉ាហ្ស

    ចុងភៅ ដ៏ល្បីនៅប្រទេសបារាំងនឹងមកចម្អិនម្ហូបសម្រាប់ភ្ញៀវរបស់ភោជនីយដ្ឋានតូប៉ាហ្ស

    រយៈពេលកន្លងមកភោជនីយដ្ឋាន តូប៉ាហ្ស តែងតែអញ្ជើញចុងភៅល្បីៗលំដាប់អន្ដរជាតិ នៅជុំវិញពិភពលោកមកចម្អិនអាហារពេលល្ងាចសម្រាប់ការទទួលទានរបស់ភ្ញៀវ។ នៅថ្ងៃទី 27 ខែមេសាខាងមុខនេះ តូប៉ាហ្ស បានអញ្ជើញលោក Nicolas ជាចុងភៅមានបទពិសោធន៍ក្នុងការចម្អិនអាហារក្នុងភោជនីយដ្ឋានធំៗនៅប្រទេសបារាំង និងជាប់ជាតារាចម្អិនម្ហូប Michelin តាំងពីឆ្នាំ2009 មកធ្វើការចម្អិនម្ហូបសម្រាប់ភ្ញៀវសំខាន់ៗបរិភោគផងដែរ។

    នៅក្នុងឱកាសដែលលោក Nicolas មកចម្អិនម្ហូបសម្រាប់ភ្ញៀវសំខាន់របស់ភោជនីយដ្ឋាន តូប៉ាហ្ស នោះលោកនឹងធ្វើការបណ្ដុះបណ្ដាលជំនាញចម្អិនម្ហូបបែបស្ដង់ដារអន្ដរជាតិដល់ចុងភៅរបស់ភោជនីយដ្ឋាន តូប៉ាហ្ស ដែលដឹកនាំដោយមេចុងភៅ លោក ពៅ សុភក្រ័្ដ ដើម្បីឱ្យទទួលបានជំនាញចម្អិនម្ហូបកាន់តែខ្ពស់បន្ថែមទៀត។

    លោក Nicolas មានអាយុ 40 ឆ្នាំជាចុងភៅមានប្រភពចេញពីតំបន់សមុទ្រ មេឌីទែរ៉ាណេ នៃប្រទេសបារាំងក្នុងតំបន់ Burgundy យាយរបស់គាត់ជាជនជាតិអ៊ីតាលី បានរកឃើញគ្រឿងផ្សំបែបសាមញ្ញាដំបូងគេមកធ្វើជាម្ហូបដ៏អស្ចារ្យ។ ស្ទើរតែពាក់កណ្ដាលជីវិតរបស់លោកបានឆ្លងកាត់ការងារចម្អិនម្ហូបនៅតាមបណ្ដាភោជនីដ្ឋានល្បីៗជាច្រើននៅប្រទេសបារាំងដូចជា Le Prieure នៃទីក្រុង Avignon, La Rotonde នៃទីក្រុង Lyon និង Auberge de Vieux Puits។ នៅឆ្នាំ2008 លោកក៏បានបង្កើតភោជនីដ្ឋានផ្ទាល់ខ្លួនមួយឈ្មោះថា Auberge de le Charme នៅក្បែរតំបន់Dijon។

    គួររំលឹកថា នៅថ្ងៃ 27ខែមេសា ខាងមុខក៏ជាថ្ងៃខួបកំណើតរបស់លោកគម្រប់វ័យ 40ឆ្នាំផងដែរ៕

         
  • ពិព័រណ៍​អចលនទ្រព្យ​កម្ពុជា​នឹងចាប់​ផ្តើម​នៅ​​សប្តាហ៍​ក្រោយ

    ពិព័រណ៍​អចលនទ្រព្យ​កម្ពុជា​នឹងចាប់​ផ្តើម​នៅ​​សប្តាហ៍​ក្រោយ

    ជាមួយ​នឹង​ការ​រីក​ចម្រើន​ដ៏​ឆាប់​រហ័ស​ក្នុង​វិស័យអចលនទ្រព្យ និង​សំណង់​ វិនិយោគិន និង​អ្នក​អភិវឌ្ឍន៍​ជា​ច្រើន​កំពុង​តែ​ផ្លាស់ប្តូរ​ការ​វិនិយោគ​របស់​ពួក​គេ​មក​កាន់​ទីផ្សារ​ប្រទេស​កម្ពុជា។

    ដើម្បី​បង្ហាញ​ពី​ឱកាស​វិនិយោគ និង​ការ​អភិវឌ្ឍ​ឈាន​មុខ​របស់​ប្រទេស​កម្ពុជា​នា​ពេល​បច្ចុប្បន្ន គេហទំព័រ​ Realestate.com.kh នឹង​រៀបចំ​ការ​តាំង​ពិព័រណ៍​អចលនទ្រព្យ​ដ៏​ធំ​មួយ​នា​ថ្ងៃទី5-6 ខែឧសភា ឆ្នាំ2017 ខាងមុខ​ក្នុង​សាល​ធំ (Grand Ballroom) នៅ​ជាន់​ទីពីរ​ក្នុង​សណ្ឋាគារ​ណាហ្គា វើល ​រាជធានី​ភ្នំពេញ។

    ជា​ការ​រំពឹង​ទុក​ព្រឹត្តិការណ៍​នេះ​នឹង​មាន​ការ​ចូលរួម​ពី​សំណាក់​វិនិយោគិន​ជាតិ និង​អន្តរជាតិ​ជា​ច្រើន​ពាន់​នាក់។ ដោយ​មាន​ការ​ជួយ​ជ្រោម​ជ្រែង​ពី​ប្រព័ន្ធ​ផ្សព្វផ្សាយ​ជា​ដៃគូ បច្ចុប្បន្ន Realestate.com.kh កំពុង​ធ្វើ​ការ​ផ្សព្វ​ផ្សាយ​យ៉ាងទូលាយ​ទាំង​ក្នុង​ស្រុក និង​ក្រៅ​ស្រុក​ដើម្បី​ទាក់ទាញ​វិនិយោគិន​ដែល​មាន​សក្ដានុពល​ទាំង​អស់​ឱ្យ​អញ្ជើញ​មក​ចូល​រួម​ក្នុង​កម្ម​វិធី​នេះ។ ប្រព័ន្ធ​ផ្សព្វផ្សាយ​ដៃគូ​ក្នុង​កម្ម​វិធី​នា​ពេល​ខាង​មុខ មាន​ដូច​ជា កាសែត​ឡារ៉ែន ពាណិជ្ជ, កាសែត Khmer Times, ទស្សនាវដ្តី​ពាណិជ្ជកម្ម​កម្ពុជា, សារព័ត៌មាន​អនឡាញ Bizkhmer, Khmernavi/Enjoy Cambodia, សារព័ត៌មាន​ភាសា​ចិន Sin Chew Daily, ទស្សនាវដ្តី​ពាណិជ្ជកម្ម B2B, សភា​ពាណិជ្ជ​កម្ម​អាមេរិក, សភាពាណិជ្ជកម្ម​អង់គ្លេស, សមាគម​អ្នក​សាងសង់​កម្ពុជា, សមាគម​អ្នក​វាយ​តម្លៃ និង​ភ្នាក់​ងារ​អចលនវត្ថុ​កម្ពុជា, គេហទំព័រ​អចលនទ្រព្យ PropertyGuru គេហទំព័រ​​អចលនទ្រព្យ PropertyGuru អន្តរជាតិ, ទស្សនាវដ្តី Property Report និង​គេហទំព័រ​អចលនទ្រព្យ Juwai.com។

    គិត​រហូត​ដល់​ពេល​នេះ​ព្រឹត្តិការណ៍​ដ៏​ធំ​នេះ​មានអ្នក​ចុះឈ្មោះ​ចូលរួម​ជាង1,500​នាក់​ហើយ ដោយ​ពួក​គេ​ភាគ​ច្រើន​បាន​ចុះ​ឈ្មោះ​តាមរយៈ​គេហទំព័រ​ជា​ភាសា​អង់គ្លេស និង​ភាសា​ចិន។ បន្ថែម​ពីនេះ​ក៏​មាន​អ្នក​ចាប់​អារម្មណ៍​ជាង1,300​នាក់​តាម​រយៈ​ទំព័រ​ហ្វេសបុកដែរ។ កម្មវិធី​នឹង​បើក​ឱ្យ​ចូល​ទស្សនា​ដោយ​សេរី​ទៀតផង​។ ព្រឹត្តិការណ៍​នេះ​ក៏​មាន​ការ​ចូលរួម​សហការ​ឧបត្ថម្ភ​ដោយ​ក្រុមហ៊ុន LASTMILE WORKS Co., Ltd និងក្រុម​ហ៊ុន​ផ្គត់ផ្គង់​សម្ភារ​កីឡា Seara Sports Systems។ គម្រោង​អភិវឌ្ឍន៍​ដែល​ត្រូវ​ចូល​រួម​មាន​ដូច​ជា​ ក្រុមហ៊ុន Camhomes/HLH Group, គម្រោងHabitat Condo, ក្រុមហ៊ុន Royal HM Trading, គម្រោង Sky31 Condo, ក្រុម​ហ៊ុន​​អចលនទ្រព្យ និង​អភិវឌ្ឍន៍ NC Maxworld Real Estate & Development, គម្រោង​អភិវឌ្ឍន៍​ចម្រុះ Core PPSEZ, គម្រោង VKirirom, គម្រោង​ខុន​ដូ HighLand Condo, ក្រុមហ៊ុន GRED/One Park, គម្រោង Parkway Condo, គម្រោង Elements Condo, គម្រោង Golden One, ក្រុមហ៊ុន SC Capital និង​គម្រោង​ខុន​ដូ SkyTree។

    អំឡុងពេល​ពីរ​ថ្ងៃ​នៃ​ការ​តាំង​ពិព័រណ៍​អចលនទ្រព្យ ក៏មាន​សិក្ខាសាលា​ដ៏​សំខាន់​មួយ​ដែល​នឹង​ធ្វើ​ឡើង​ដោយ​អ្នកជំនាញ​នៃ​វិស័យ​ផ្សេងៗ​មាន​ដូច​ជាលោក​បណ្ឌិត សុក ស៊ីផាន់ណា​ អ្នក​គ្រប់គ្រង​ក្រុមហ៊ុន Sok Siphana & Associates និង​ជា​សមាជិក​របស់ Zicolaw លោក Matthew Rendall ដៃគូ​ជាន់ខ្ពស់​របស់​ក្រុមហ៊ុន Sok Siphana & Associates និង​ជា​សមាជិក Zicolaw លោក Anthony Galliano នាយក​គ្រប់គ្រង​របស់​ក្រុម-​ហ៊ុន Cambodian Investment Management, លោក Jasper Shin ជា​អ្នក​អភិវឌ្ឍន៍ និង​ជា​អ្នក​ប្រឹក្សា​អចលនទ្រព្យ, លោក Christophe Forsetti ប្រធាន​គ្រប់គ្រង​របស់​ក្រុមហ៊ុន JSM Indochina, លោក Simon Griffiths នាយក​គ្រប់គ្រង​ទូទៅ​របស់​ក្រុមហ៊ុន Metro Global Pte Ltd និង លោក Takeshi Izuka នាយក​គ្រប់គ្រង​របស់ Vikirirom៕

  • លោក Wenger កោតសរសើរ Sanchez ខណៈ Arsenal ទៅជួប Chelsea ក្នុងវគ្គផ្តាច់ព្រ័ត្រ

    លោក Wenger កោតសរសើរ Sanchez ខណៈ Arsenal ទៅជួប Chelsea ក្នុងវគ្គផ្តាច់ព្រ័ត្រ

    លោក Arsene Wenger ជឿ​ជាក់​ថា ស្មារតី​ប្រយុទ្ធ​ដែល​ស្ថិត​នៅ​ពី​ក្រោយ​ក្រុម Arsenal ក្នុង​ពេល​ពួក​គេ​ទទួល​ជ័យ​ជម្នះ​ក្នុង​លទ្ធ​ផល ២-១ លើ​ក្រុម Manchester City ក្នុង​ការ​ប្រកួត​ពាន FA Cup វគ្គ​ពាក់​កណ្តាល​ផ្តាច់​ព្រ័ត្រ បាន​កើត​ឡើង​ក្រោម​ជំនួយ​នៃ​ការ​បង្ហាញពី​ទម្រង់​លេង​យ៉ាង​​មុត​ស្រួច​របស់​ខ្សែ​បម្រើ​ប្រយុទ្ធ Alexis Sanchez​។

    គ្រូ​បង្វឹក​របស់​ក្រុម​​កាំ​ភ្លើង​ធំ​រូប​នេះ បាន​ដឹក​នាំ​ឲ្យ​ក្រុម​របស់​លោក​បង្ហាញ​ខ្លួន​ក្នុង​ការ​ប្រកួត​ពាន FA Cup វគ្គ​ផ្តាច់​ព្រ័ត្រ ជា​លើក​ទី​២០ ក្រោយ​ពី​ការ​បង្ហាញ​ពី​ទម្រង់​លេង​យ៉ាងល្អ​មួយ​​សំណាក់​ក្រុម​​មួយ ដែល​រង​នូវ​ការ​រិះ​គន់​ជា​​រឿយ​ៗ​សម្រាប់​ការ​ធ្លាក់​ចូល​ក្នុង​សម្ពាធ​។ ក្នុង​ពេល​ដេញ​តាម​ពី​ក្រោយ​គ្រាប់​បាល់​ក្នុង​តង់​ទី​២​របស់​ខ្សែ​ប្រយុទ្ធ Sergio Aguero ក្រុម​កាំ​ភ្លើង​ធំ Arsenal ហាក់​ស្ថិត​នៅ​ផ្លូវ​ឆ្ពោះ​ទៅកាន់​ការ​រង​បរា​ជ័យ​ដ៏ខក​ចិត្ត​មួយ​ផ្សេង​ទៀត​ទៅ​ហើយ ក្នុង​រដូវ​កាល​ដ៏​ត្រដាប​ត្រដួស​របស់​​ពួក​គេ ក្រោយ​ពី​​ស្ថិត​ក្រោម​ការ​​គ្រប់​គ្រង​​របស់​គូ​ប្រកួត​ខ្លួន​ស្ទើរ​តែ​ទាំង​ស្រុង​​។ ប៉ុន្តែ ក្រុម​មាន​មូល​ដ្ឋាន​នៅ​ទីក្រុង​ឡុងដ៍មួយ​នេះ បាន​បង្ហាញ​ពី​ស្មារតី​ប្រយុទ្ធ​​​ដ៏​មិន​នឹក​ស្មាន​ដល់ ខណៈ​ដែល​កីឡាករ Nacho Monreal បាន​រក​​គ្រាប់​បាល់​តាម​ស្មើ​ដើម្បី​បង្ខំ​ឲ្យ​ឈាន​ដល់​ការ​ប្រកួត​​នៅ​នាទី​បន្ថែម​១៥​នាទី​ពីរ​ដង នៅ​មុន​ពេល​ខ្សែ​ប្រយុទ្ធ​អន្តរ​ជាតិ​ស៊ី​លី Sanchez បាន​រក​គ្រាប់​បាល់​ឈ្នះ​​ជា​មួយ​នឹង​ការ​ស៊ុត​បាល់​បញ្ចូល​ទី​យ៉ាងល្អ​។ (more…)