ធឿន មករា - La Reine Media

ងាយៗ បញ្ចៀសជំងឺគ្រុនឈាមពីកូនជាទីស្រឡាញ់របស់ អ្នកជាមួយ ឌុយអគ្គិសនីបណ្តេញមូស ម៉ាក JOLLY

រដូវភ្លៀងធ្លាក់ដែលជាប្រភពបង្កើតសត្វមូសខ្លា បានឈានចូលមកដល់ហើយ ហើយនៅក្នុងរដូវភ្ញៀងនេះដែរ គឺពេញដោយការគំរាមកំហែងដល់សុវត្ថិភាពកូនតូចរបស់លោកអ្នកដោយជំងឺគ្រុនឈាម ហើយក្រៅពីនោះវាក៏ជាវេលាមួយដែលអាចកើតមានវីរុស ហ្ស៊ីកា (Zika) ដែលចាំបាច់ត្រូវតែទាមទារឱ្យលោកអ្នកមានការយកចិត្តទុកដាក់ក្នុងការថែទាំកូនតូចជាទីបំផុត។ សម្រាប់
វិធីសាស្ត្រ ក្នុងការការពារត្រូវបានគេធ្វើឡើងជាច្រើនរបៀប ដូចជា ការឱ្យកូនតូចគេងក្នុងមុង បាញ់ថ្នាំមូស ឬដុតធូបសម្លាប់សត្វមូស រួមជាមួយនឹងការលុបបំបាត់ទីជម្រកសត្វមូសជាដើម។ ឆ្លៀតនៅក្នុងឱកាសនេះ យើងសូមណែនាំ លោកអ្នកនូវវិធីកម្ចាស់សត្វមូស និងវិធីការពារសុវត្ថិភាពកូនតូចពីជំងឺគ្រុនឈាមមួយវិធីទៀត ដែលមានលក្ខណៈកាន់តែងាយស្រួលក្នុងការអនុវត្ត ទទួលបានប្រសិទ្ធភាពខ្ពស់ និងមិនប៉ះពាល់ដល់សុខភាព ជាមួយនឹងការជ្រើសរើសផលិតផល ឌុយអគ្គិសនីបណ្តេញមូល និងសត្វល្អិត ម៉ាក JOLLY។

ឌុយអគ្គិសនីបណ្តេញមូស និងសត្វល្អិត ឌុយអគ្គិសនីបណ្តេញមូស និងសត្វល្អិត ម៉ាក ជូលី ដែលពាក្យបច្ចេកទេសជាភាសាបរ-ទេសហៅថា JOLLY Electric Mosquito Liquid គឺជាផលិតផលដែលមានប្រភពមកពីតៃវ៉ាន់ និងត្រូវបានគេផលិតឡើងដើម្បីប្រឆាំង និងបណ្តេញសត្វមូស រួមទាំងសត្វល្អិតចង្រៃមួយចំនួនទៀតឱ្យចាកឆ្ងាយពីការបៀតបៀនសុខសុវត្ថិភាពរបស់មនុស្សទូទៅ ជាពិសេសកូនតូចតែម្ដង។

JOLLY Electric Mosquito Liquid ត្រូវបានផលិតចេញពីវត្ថុធាតុដើមនៃធម្មជាតិ 100% ពោលគឺផ្សំចេញពីទឹក98% រួមជាមួយនឹងឫសរុក្ខជាតិម្យ៉ាងដែលមានឈ្មោះថា Wormwood ចំនួន2% (ជារុក្ខជាតិម្យ៉ាងដែលអាចបញ្ចេញសារធាតុបណ្តេញមូសបាន100%) ដោយមានការទទួលស្គាល់ពីស្ថាប័នសុខភាព និងសុខាភិបាលក្នុងតំបន់ (Certificate of compliance, Executive standard: Q / 371502LSH004-2016, Pesticide certificate No WP20140120) ក្រោមការវេច-ខ្ចប់នៅក្នុងដបមានចំណុះ45ml មានប្រសិទ្ធភាពខ្ពស់ក្នុងការប្រើប្រាស់រយៈពេល300ម៉ោង នៅក្នុងបរិវេណទំហំ 18ម៉ែត្រការ៉េ។ ផលិតផលកម្ចាត់ និងបណ្តេញមូសមួយប្រភេទនេះ មានលក្ខណៈពិសេសលើសផលិតផលដទៃទៀតត្រង់ថា វាមិនមានក្លិន មិនមានផ្សែង មិនប៉ះពាល់ដល់សុខភាពអ្នកប្រើប្រាស់ រួមទាំងកុមារតូចៗ និងស្ត្រីមានផ្ទៃពោះ ជាពិសេស អាចរក្សាទុកបានរហូតដល់2ឆ្នាំ រាប់ចាប់តាំងពីថ្ងៃផលិត។ ដោយឡែកសម្រាប់ការប្រើប្រាស់វិញ គឺមានភាពងាយស្រួលបំផុត ដោយគ្រាន់តែលោកអ្នកបើកគម្របដបទឹក យកទៅមួលភ្ជាប់ជាមួយនឹងឌុយ រួចដោតជាមួយប្រអប់ភ្លើង ហើយចុចកុងតាក់ដែលមានជាប់នៅនឹងឌុយដោតជាការស្រេច។

បច្ចុប្បន្ននេះ ផលិតផលបណ្តាញសត្វមូស និងសត្វល្អិតមួយប្រភេទនេះ ត្រូវបាននាំចូល និងចែកចាយផ្តាច់មុខនៅលើទីផ្សារកម្ពុជាយើងហើយ តាមរយៈក្រុមហ៊ុន S.A.K.A Trading Co.,Ltd និងបានចរាចរណ៍យ៉ាងទូលាយស្ទើរគ្រប់ខេត្តក្រុងនៅទូទាំងប្រទេស៕

July 15, 2017

ស្ត្រីមេផ្ទះកាន់តែមានទំនុកចិត្តលើ មុខម្ហូប ជាមួយប៊ីចេង Miwon

ស្ទើរតែរាល់ថ្ងៃ ឱ្យតែដល់ពេលទទួលទានអាហារជួបជុំគ្រួសារម្ដងៗ សម្រាប់អ្នកដាំស្ល ពិសេសស្ត្រីមេផ្ទះតែម្ដង តែងតែមានការព្រួយបារម្ភ និងរង្គាសចិត្តជាខ្លាំង ភ័យខ្លាចតែអ្នកទទួលទានម្ហូបដែលជាស្នាដៃរបស់ខ្លួនស្រែកថា មុខម្ហូបនេះមិនឆ្ងាញ់ ឬម្ហូបមួយនោះហូបមិនកើត ហើយរឹតតែបារម្ភជាងគេបំផុតនោះគឺខ្លាចស្វាមីសំណព្វចិត្តចេញទៅទទួលទានអាហារនៅក្រៅផ្ទះតែម្ដង។ ប៉ុន្តែពេលនេះ កង្វល់ទាំងអស់ខាងលើនេះ ទំនងជាអាចដោះស្រាយបានជាមួយនឹងវិធីសាស្ត្រយ៉ាងងាយស្រួលបំផុត ជាមួយនឹងប៊ីចេងម៉ាក មីវ៉ន (Miwon) ដែលជាផលិតផលមកពីប្រទេសកូរ៉េ។

មិនថាទោះជាមុខម្ហូប ស្ងោរ ឆា ចៀន ឬអាំងនោះទេ ស្ទើរតែគ្រប់ចុងភៅនៅតែត្រូវការគ្រឿងផ្សំរសជាតិចាំបាច់មួយប្រភេទដែលមិនអាចខ្វះបាន នោះគឺប៊ីចេង ខណៈដែលសារធាតុមួយនេះមានប្រសិទ្ធភាពខ្ពស់ក្នុងការបង្កើនរសជាតិម្ហូបអាហារឱ្យកាន់តែឈ្ងុយឆ្ងាញ់គួរជាទីទាក់ទាញបំផុត។ អាស្រ័យដោយសម្លឹងឃើញច្បាស់ពីតម្រូវការមួយនេះ ក្រុមហ៊ុន កាំងហួរ ត្រេឌីង អាហរ័ណ នីហរ័ណ បានសម្រេចសុំសិទ្ធិនាំចូល និងចែកចាយផ្តាច់មុខនូវផលិតផលប៊ីចេងដ៏ល្បីឈ្មោះប្រចាំនៅប្រទេសកូរ៉េមួយប្រភេទដែលមានឈ្មោះថា មីវ៉ន (Miwon) ដើម្បីចរាចរនៅលើទីផ្សារកម្ពុជា។

អ្នកស្រី សុខ ម៉ារូលីន នាយិកាគ្រប់គ្រងផលិតផលប៊ីចេង មីវ៉ន ប្រចាំនៅកម្ពុជា បានឱ្យដឹងថា ប៊ីចេង មីវ៉នទើបតែបង្ហាញខ្លួននៅលើទីផ្សារកម្ពុជាបានប្រមាណជា2ឆ្នាំតែប៉ុណ្ណោះ ប៉ុន្តែបើសម្លឹងមើលពីសន្ទុះនៃការគាំទ្រគឺមានភាពល្អប្រសើរបំផុតដែលនឹកស្មានមិនដល់។ ការគាំទ្រទាំងនេះក៏អាស្រ័យដោយអ្នកប្រើប្រាស់ក៏ដូចជាអ្នកទទួលទាន បានដឹងច្បាស់ពីគុណភាពរបស់ប៊ីចេង មីវ៉ន និងមិនប៉ះពាល់ដល់សុខភាពអ្នកទទួលទាន។ អ្នកស្រីក៏បានបញ្ជាក់ផងដែរថា សម្រាប់ប៊ីចេងម៉ាក មីវ៉ន គឺជាផលិតផលដែលមានឈ្មោះល្បី និងលក់ដាច់ជាងគេបំផុតនៅក្នុងប្រទេសកូរ៉េ ហើយក៏មានការដាក់
លក់ស្ទើរគ្រប់ប្រទេសនៅក្នុងតំបន់អាស៊ី និងទីផ្សារអឺរ៉ុបផងដែរ។ វាត្រូវបានផលិតឡើងពីវត្ថុធាតុដើមនៃធម្មជាតិសុទ្ធ មិនមានគីមី ពោលគឺមានវត្ថុធាតុដើមចំនួន2តែប៉ុណ្ណោះ គឺស្ករអំពៅ និងដំឡូងមី ដោយមានការទទួលស្គាល់ និងវាយតម្លៃគុណភាពពីស្ថាប័នសុខភាព និងចំណីអាហារយ៉ាងត្រឹមត្រូវ ជាពិសេសមុនពេលដាក់ចរាចរផលិតផល មីវ៉ន នៅកម្ពុជា ក្រុមហ៊ុនក៏ទទួលបានលិខិតបញ្ជាក់ចេញពីក្រសួងសុខាភិបាល រួមជាមួយនឹងការចុះបញ្ជីនៅក្រសួងពាណិជ្ជកម្មយ៉ាងត្រឹមត្រូវកាលពីខែមេសា ឆ្នាំ2015។

ជាមួយនឹងវត្តមានរបស់ប៊ីចេងម៉ាក មីវ៉ននៅលើទីផ្សារកម្ពុជានាពេលនេះ ក្រុមហ៊ុនបានគិតពិចារណាយ៉ាងយកចិត្តទុកដាក់ទៅលើសុខ-ភាពរបស់អ្នកប្រើប្រាស់ ជាពិសេសក្រុមហ៊ុនបានធ្វើការវេចខ្ចប់យ៉ាងត្រឹមត្រូវ ដោយមានការបែងចែកជា4ជម្រើសផ្សេងគ្នា រួមមានកញ្ចប់500ក្រាម, 250ក្រាម, 100ក្រាម និង50ក្រាម ដើម្បីតម្រូវទៅតាមការចង់បានរបស់អ្នកប្រើប្រាស់។

សូមបោះចោលនូវភាពភ័យខ្លាចអាហារមិនឆ្ងាញ់របស់លោកអ្នកចាប់ពីពេលនេះតទៅ ជាមួយវត្តមានប៊ីចេង មីវ៉ន៕

July 15, 2017

ស្វែងយល់ពីអាការជំងឺធ្លាក់ស និងវិធីការពារដោយខ្លួនឯង

ស្វែងយល់ពីអាការជំងឺធ្លាក់ស និងវិធីការពារដោយខ្លួនឯង ស្ទើរតែគ្រប់ស្ត្រីទាំងអស់សុទ្ធតែធ្លាប់បានប្រឈមនឹងការប្រែប្រួលនៃអាការធ្លាក់សនេះ ហើយអាការធ្លាក់សខ្លះអាចគ្រាន់តែជាការធ្លាក់សធម្មតាដែលនឹងបាត់ទៅវិញនៅពេលណាមួយ ប៉ុន្តែខ្លះទៀតក៏មិនព្រមបាត់ទៅវិញរហូតបង្កឱ្យក្លាយទៅជាជំងឺរ៉ាំរ៉ៃចំពោះស្ត្រីមួយចំនួន។ មិនមានអ្នកណាម្នាក់ដែលដឹងពីអាការក្នុងខ្លួនរបស់អ្នកច្បាស់ជាងរូបអ្នកខ្លួនឯងនោះទេ ដូច្នេះនៅពេលដែលផ្នែកណាមួយនៃរាងកាយរបស់អ្នកមានភាពខុសប្រ-ក្រតីនោះអ្នកពិតជាបានដឹងភ្លាម។

ស្ត្រីភាគច្រើនមិនបានទៅរកជួបគ្រូពេទ្យភ្លាមៗនៅពេលមានអាការធ្លាក់សតាមទ្វារមាសនោះទេ ព្រោះពួកគេមានការសង្ឃឹមថាវានឹងបាត់ទៅវិញ។ បើអ្នកនៅមិនទាន់បានទៅជួបអ្នកជំ-នាញនៅឡើយទេនោះ អ្នកគួរសាកល្បងសួរខ្លួនឯងជាមុននូវសំណួរមួយចំនួន ដែលគ្រូពេទ្យនឹងយកមកសាកសួរអ្នកដូចគ្នាដែរ ហើយបើសង្កេតឃើញថាភាគច្រើននៃចម្លើយរបស់អ្នកមានភាពស្រដៀង ឬដូចគ្នាទៅនឹងចម្លើយនៅក្នុងបន្ទាត់ខាងក្រោមនោះ មានន័យថាអ្នកមិនគួរអូសបន្លាយពេលវេលាក្នុងការទៅជួបអ្នកជំនាញផ្នែករោគស្ត្រីតទៅទៀតនោះទេ។

សំនួរអំពីជំងឺធ្លាក់ស
• តើពេលណាដែលអ្នកចាប់ផ្តើមមានការធ្លាក់សមិនធម្មតានេះ? (បើមានយូរហើយនោះអ្នកគួរទៅរកគ្រូពេទ្យ)
• តើវាមានពណ៌ដូចម្តេច? (ព័ណត្នោត ឬដូចឈាម ពណ៌លឿង ឬល្អក់ ពណ៌ស ប្រផេះ ឬពណ៌លឿង)
• តើវាមានក្លិនដែរឬទេ? (បើមានក្លិនឆ្អាប ឬស្អុយជាដើមត្រូវទៅជួបគ្រូពេទ្យជាបន្ទាន់)
• តើអ្នកមានអាការរមាស់ ឈឺ ឬក្រហាយនៅជុំវិញទ្វារមាសដែរឬទេ? (មានអាការបែបនេះក៏ត្រូវទៅពិគ្រោះជាមួយគ្រូពេទ្យដែរ)
• តើអ្នកមានដៃគូរួមភេទច្រើនដែរឬទេ? (បើមានច្រើន នោះមានន័យថាវាអាចបណ្តាលមកពីការឆ្លងមេរោគផ្សេងៗ)
• តើអ្នកដែលធ្វើការសម្អាតទ្វារមាសរបស់អ្នកដែរឬទេ? (ការដែលអ្នកមិនធ្លាប់សម្អាតទ្វារមាស ក៏អាចបង្កឱ្យមានជំងឺធ្លាក់សដែរ)

វិធីការពារខ្លួនពីជំងឺធ្លាក់ស
ខាងលើនេះគឺជាសំណួរសម្រាប់អ្នកដែលមានបញ្ហាធ្លាក់ស ប៉ុន្តែបើចំពោះអ្នកដែលចង់ការពារខ្លួនឱ្យគេចផុតពីជំងឺប្រភេទនេះនោះ សូមអនុវត្តតាមការណែនាំដូចខាងក្រោមនេះ៖
• សម្អាតទ្វារមាសឱ្យបានស្អាតល្អ ដោយប្រើសាប៊ូ និងទឹកក្តៅឧណ្ហៗ ដោយដុសថ្នមៗ។
• មិនត្រូវប្រើសាប៊ូណាដែលមានជាតិទឹក-អប់នោះទេ ហើយក៏មិនត្រូវប្រើ ស្ប៉ាយបាញ់ និងប្រើរបស់ដែលមានពពុះច្រើនដែរ។
• បន្ទាប់ពីងូតទឹករួច ត្រូវជូតសម្អាតពីខាងមុខដេញទៅខាងក្រោយ ដើម្បីកុំឱ្យបាក់តេរីដែលចេញពីរន្ធគូថចូលទៅក្នុងទ្វារមាស ដើម្បីបង្ការជំងឺធ្លាក់ស។
• ប្រើសំឡីអនាម័យដែលធ្វើពី Cotton 100%និងមិនត្រូវស្លៀកសម្លៀកបំពាក់តឹងពេកនោះទេ។

ជាមួយនឹងវិធីបង្ការខ្លួនឱ្យឃ្លាតឆ្ងាយពីបញ្ហាដ៏គួរឱ្យរំខាន និងគ្រោះថ្នាក់ខាងលើនេះ អ្នកជំនាញបានណែនាំនូវផលិតផលមួយប្រភេទដែលមានប្រសិទ្ធភាពខ្ពស់ក្នុងការធ្វើឱ្យបញ្ហាសុខភាពស្ត្រីមានភាពល្អប្រសើរ នោះគឺផលិតផលសំឡីអនាម័យ Essence ដែលមានប្រភពមកពីចក្រភពអង់គ្លេស និងទទួលបានការគាំទ្រយ៉ាងសម្បើមពីបណ្តាស្ត្រីជាច្រើនទាំងនៅក្នុងតំបន់អាស៊ីអាគ្នេយ៍ និងអឺរ៉ុបផងដែរ ដ្បិតផលិតផលមួយប្រភេទនេះ ត្រូវបានផលិតឡើងយ៉ាងល្អឥតខ្ចោះ មានសភាពទន់ល្មើយ ជ្រាបទឹកបានល្អ មិនស្កៀប មិនរមាស់ មិនរមួល អាចបត់បែនបានគ្រប់កាលៈទេសៈ មិនហប់ខ្យល់ ជាពិសេសមានសារធាតុសម្លាប់មេរោគ (ជែលស្ងួត) ដោយមានការទទួលស្គាល់ និងឆ្លងកាត់ស្ថាប័នពិសោធកម្រិតស្តង់ដារអន្តរជាតិយ៉ាងត្រឹមត្រូវ។ បន្ថែមពីនេះ Essence ដែលមាន4ប្រភេទសម្រាប់ជ្រើសរើសតម្រូវតាមការចង់បានរបស់ស្ត្រី រួមមាន Essence–Ultra , Essence–Ultra Plus,Essence–Ultra Night និង Essence–LingerieFit ត្រូវបានជាប់ចំណាត់ថ្នាក់កំពូលក្នុងការលក់ដាច់ជាងគេនៅតាមបណ្តាប្រទេសជឿនលឿនមួយចំនួនធំផងដែរ ដូចជា ចក្រភពអង់គ្លេស សហរដ្ឋអាមេរិក និងប្រទេសចិន។ ដោយឡែកបច្ចុប្បន្ននេះ ក្រៅពីមានប្រជាប្រិយភាពនៅស្ទើរគ្រប់ប្រទេសលើសាកលលោកដូចបានរៀបរាប់ខាងលើនេះ តាមរយៈការនាំចូល និងចែកចាយផ្ដាច់មុខរបស់ក្រុមហ៊ុន Comvestco PLC ដែលមានទីស្នាក់ការកណ្តាលស្ថិតនៅផ្លូវម៉ៅសេទុងសង្កាត់ទួលទំពូង2 ខណ្ឌចំការមន រាជធានីភ្នំ-ពេញទល់មុខមជ្ឈមណ្ឌល Park Way។ សំឡីអនាម័យ Essence ក៏កំពុងបង្ហាញវត្តមាននៅលើទីផ្សារកម្ពុជាផងដែរ ដែលលោកអ្នកក៏អាចស្វែងទិញបាននៅតាមបណ្តាទីផ្សារទំនើប និងតាមបណ្តាឱសថស្ថាននានាទូទាំងព្រះរាជាណាចក្រកម្ពុជា។ ដូច្នេះសូមថែរក្សាសុខភាពរបស់អ្នកឱ្យបានល្អ ដើម្បីឱ្យអ្នកក្លាយជានារីម្នាក់ដែលមានសំណាង និងឆ្លាតវៃ មិនប្រឈមនឹងជំងឺធ្លាក់សជាមួយសំឡីអនាម័យ Essence៕

July 15, 2017

ទឹកស្វាយ-ផាសិនក្រឡុក MANGO PASSION SHAKE

ទឹកស្វាយ-ផាសិនក្រឡុក គឺជាភេសជ្ជៈដ៏ពេញនិយមនៃភោជនីយដ្ឋាន Eleven One Kitchen ដែលជាភោជនីយដ្ឋានបែបអឺរ៉ុប នៅម្តុំបឹងកេងកង1 និងនៅទួលទំពូង។ សូមសាកល្បងធ្វើទឹកស្វាយ – ផាសិនក្រឡុកដើម្បីសុខភាពនេះទាំងអស់គ្នា។

+ គ្រឿងផ្សំ
– ផ្លែស្វាយ 60ml
– ទឹកផាសិន 40ml
– ទឹកស្ករ 30ml
– ទឹកដោះគោស្រស់ 30ml
– ទឹកដោះគោខាប់ 45ml
– ទឹកកក 1ស្លាបព្រាចូក
– ផ្លែផាសិន 1ចំហៀងផ្លែ

+ របៀបធ្វើ
វិធីធ្វើភេសជ្ជៈទឹកស្វាយ-ផាសិនក្រឡុក គឺគ្រាន់តែយកផ្លែស្វាយ ទឹកផាសិន ទឹកស្ករ ទឹកដោះគោស្រស់ ទឹកដោះគោខាប់ និងទឹកកកក្រឡុកបញ្ចូលគ្នាឱ្យម៉ដ្ឋ រួចចាក់ដាក់ក្នុងកែវ និងបន្ថែមដោយផ្លែផាសិនមួយចំហៀងផ្លែចូលជាការស្រេច។ ភេសជ្ជៈមួយនេះគឺល្អចំពោះសុខភាពខ្លាំងណាស់ ជួយផ្តល់កម្លាំងឱ្យរាងកាយបានភ្លាមៗតែម្តង៕

July 15, 2017

Doors ភោជនីយដ្ឋានអេស្ប៉ាញដ៏ល្បីខាងសេវាកម្មរហ័ស រសជាតិអាហារឈ្ងុយឆ្ងាញ់

នាពេលបច្ចុប្បន្ននេះ សេវាកម្មខាងចំណីអាហារនៅតាមភោជនីយដ្ឋានទំនើបៗ ដែលពេញដោយផាសុកភាព និងភាពងាយស្រួលដល់អតិ-ថិជនជាតិ និងអន្តរជាតិគឺមានច្រើនខ្លាំងណាស់ ហើយភោជនីយដ្ឋានទាំងនោះ ខ្លះបម្រើជូននូវអាហារបែបខ្មែរ ថៃ ចិន បារាំង អឺរ៉ុប និងខ្លះទៀតតាមបែបបស្ចិមប្រទេស ដែលកម្រមានភោជនីយ-ដ្ឋាន ដែលមានជំនាញខាងអាហារបែបប្រទេសអេស្ប៉ាញណាស់។ ដូច្នេះនៅក្នុងលេខថ្មីនេះ ទស្សនាវដ្តី ឡារ៉ែន សូមណែនាំនូវភោជនីយដ្ឋានអេស្ប៉ាញដ៏ល្បីឈ្មោះមួយនៅក្នុងរាជធានីភ្នំពេញជូនដល់ប្រិយមិត្តអ្នកអានទាំងអស់បានស្គាល់នោះគឺ ភោជនីយដ្ឋាន Doors ដែលស្ថិតនៅក្នុងផ្នែកមួយនៃសណ្ឋាគារ ខារ៉ា ដែលមានអាស័យ-ដ្ឋានស្ថិតនៅអគារលេខ18 ផ្លូវ47 កែងផ្លូវ84 ហួសមន្ទីរពេទ្យជប៉ុនបន្តិច (តាមទិសឆ្ពោះទៅស្ពានជ្រោយចង្វារ) រាជធានីភ្នំពេញ។

ភោជនីយដ្ឋាន Doors បានបើកដំណើរការ ភោជនីយដ្ឋាន Doors បានបើកដំណើរការតាំងពីខែតុលា ឆ្នាំ2012មកមេ្ល៉ះ ដើម្បីបម្រើជូនប្រជាជនខ្មែរ ព្រមទាំងភ្ញៀវអន្តរជាតិទាំងអស់នូវមុខម្ហូបជាង40មុខ ដែលសុទ្ធសឹងជាមុខម្ហូបដ៏ល្បីល្បាញរបស់ជនជាតិអេស្ប៉ាញ ដែលចម្អិនឡើងថ្មីៗ កែច្នៃឡើងដោយមេចុងភៅដ៏ចំណានជនជាតិអេស្ប៉ាញ ដែលមានបទពិសោធចម្អិនអាហារ និងច្នៃអាហារថ្មីៗជិត20ឆ្នាំមកហើយ។ ចំណែកភេសជ្ជៈវិញក៏សម្បូរបែប និងមានជាង40មុខ ដើម្បីជ្រើសរើសផងដែរ ក្នុងនោះមានទាំងស្រាក្រហមម៉ាកល្បីៗ ស្រាក្រឡុកជាច្រើនជម្រើស ព្រមទាំងមានប្រភេទភេសជ្ជៈច្នៃពីផ្លែឈើស្រស់ដូចជា ផ្លែឈើក្រឡុក ទឹកផ្លែឈើស្រស់ និងកាហ្វេ តែជាច្រើនប្រភេទទៅតាមតម្រូវការរបស់អតិថិជន។ ភោជនីយដ្ឋាន Doorsបើកបម្រើជូនអតិថិជនទាំងអស់ជារៀងរាល់ថ្ងៃចាប់ពីម៉ោង7ព្រឹកដល់ម៉ោង11ល្ងាច ដែលបម្រើនូវអាហារទាំងបីពេលគឺ អាហារពេលព្រឹក អាហារពេលថ្ងៃត្រង់ និងអាហារពេលល្ងាច ហើយក្នុងនោះភោជនីយដ្ឋានក៏មាននូវជម្រើសអាហារសម្រាប់អ្នកដែលមានបំណងសម្រកទម្ងន់ផងដែរ។ ហើយគ្រប់គ្រឿងផ្សំ បន្លែ និងសាច់ ដែលយកមកចម្អិនអាហារនៅទីនេះ គឺសុទ្ធសឹងតែជាផលិតផល Organic ដែលមិនប៉ះពាល់ដល់សុខភាពអ្នកទទួលទាន ហើយថែមទាំងផ្តល់នូវរសជាតិឆ្ងាញ់ពិសា បំប៉នសុខភាពរាងកាយបានយ៉ាងល្អថែមទៀតផង។ សូមណែនាំអាហារដែលទទួលបានការពេញនិយមជាងគេនៅក្នុងភោជនីយដ្ឋាន Doors មានដូចជា Spanish SucklingPig បែបអេស្ប៉ាញ, Barcelone Bomba, FriedEggs with Squid & Prawns, Black Barcelona Rice, King Cava Prawns, Bravas និង Surprised Salad ដ៏ទាក់ទាញ ដែលច្នៃឡើងយ៉ាងពិសេសមានតែមួយគ្មានពីរ។ ចំណែកឯភេសជ្ជៈល្បីប្រចាំភោជនីយដ្ឋានក៏មានច្រើនដែរហើយក៏កំពុងទទួលបានការគាំទ្រជាខ្លាំងពីសំ-ណាក់អតិថិជនជាតិ និងអន្តរជាតិ មានដូចជា Secret Garden, Burning Passion Star, B.O.P,|Melon Passion និង Mama Ice Tea ដែលមានរសជាតិជាប់ចិត្តតែម្តង។

បរិយាកាសនៅក្នុងភោជនីយដ្ឋាន Doorsមានភាពស្ងប់ស្ងាត់គួរជាទីមនោរម្យខ្លាំងណាស់សម្រាប់ការទទួលទានអាហារជាលក្ខណៈគ្រួសារលក្ខណៈក្រុមការងារ លក្ខណៈមិត្តភក្តិ និងលក្ខណៈគូស្នេហ៍ ដោយសារតែនៅទីនេះក្រៅពីមានភាពស្ងប់សាត់ល្អហើយនោះ នៅមានបទភ្លេងកំដអារម្មណ៍ដ៏ស្រទន់អន្លង់អន្លូចគួរជាទីពេញចិត្តថែមទៀតផង។ លោកអ្នកក៏អាចរីករាយជាមួយនឹងកម្មវិធី Happy Hour ដែលមាននៅភោជនីយដ្ឋានអេស្ប៉ាញនេះផងដែរ គឺចាប់ពីម៉ោង3រសៀលរហូតដល់ម៉ោង8ល្ងាច ជាមួយនឹងការផ្តល់ជូនពិសេស ទិញមួយថែមជូនមួយនូវរាល់ការជាវស្រាក្រឡុក និង Draught Beer។ ដូច្នេះបើលោកអ្នកកំពុងស្វែងរកទីកន្លែងទទួលទាន់អាហារដែលមានទាំងភាពស្ងប់ស្ងាត់ ទាំងរស-ជាតិអាហារគួរជាទីគាប់ចិត្ត សេវាកម្មរហ័សទាន់ចិត្ត ព្រមទាំងមានតម្លៃសមរម្យនោះ ភោជនីយ-ដ្ឋាន Doors គឺជាជម្រើសដ៏ត្រឹមត្រូវបំផុត។

ព័ត៌មានបន្ថែម ឬមានបំណងកក់ទុកមុន សូមទំនាក់ទំនងមកកាន់លេខទូរស័ព្ទ 077 222775៕

July 15, 2017

Chelsea យល់ព្រមលើតម្លៃខ្លួន38លានអឺរ៉ូដើម្បីទិញ Rudiger ពីក្លិប Roma

ក្លិបតោខៀវ Chelsea បានយល់ព្រមលើតម្លៃខ្លួនជាមួយនឹងក្លិប Roma ក្នុងទឹកប្រាក់38លានអឺរ៉ូ (ស្មើនឹង43.4លានដុល្លារអាមេរិក) ដើម្បីទិញយក Antonio Rudiger ខណៈដែលខ្សែការពារអន្តរជាតិអាល្លឺម៉ង់រូបនេះ ត្រូវបានគេរំពឹងទុកថា នឹងធ្វើដំណើរទៅកាន់ទីក្រុងឡុងដ៍នៅសប្តាហ៍ក្រោយ ដើម្បីបំពេញការពិនិត្យសុខភាព។

Roma បានរក្សាជំហរដោយចង់បានតម្លៃខ្លួន45លានអឺរ៉ូសម្រាប់កីឡាករ Rudiger ដែលពួកគេបានទិញពីក្លិប Stuttgart កាលពីរដូវក្តៅមុនក្រោយពីកីឡាកររូបនេះបានបង្ហាញពីទម្រង់លេងយ៉ាងល្អក្នុងពេលស្ថិតជាកីឡាករកម្ចីពេញមួយរដូវកាលរួចមក។

ក្រោយពីបានច្រានចោលសំណើជាបឋមរបស់ Chelsea ក្នុងទឹកប្រាក់35លានអឺរ៉ូម្តងរួចមក ក្លិប Roma បានយល់ព្រមទទួលយកកញ្ចប់តម្លៃខ្លួនមួយដែលមានន័យថា Chelsea នឹងត្រូវចំណាយប្រាក់33លានអឺរ៉ូ និងប្រាក់ឧបត្ថម្ភបន្ថែម5លានអឺរ៉ូផ្សេងទៀត។ Rudiger ដែលជាខ្សែការពារកណ្តាលប៉ុន្តែអាចលេងនៅតំបន់ការពារស្លាបស្តាំបានដែរនោះ ត្រូវបានរំពឹងទុកថានឹងទទួលបានចំណូលប្រមាណជា4លានអឺរ៉ូ ក្នុងមួយរដូវកាល។ រូបគេកំពុងតែលេងក្នុងព្រឹត្តិការណ៍Confederations Cup ដោយក្រុមជម្រើសជាតិអាល្លឺម៉ង់ត្រូវប៉ះជាមួយនឹងក្រុមជម្រើសជាតិស៊ីលីក្នុងវគ្គផ្តាច់ព្រ័ត្រ នាថ្ងៃអាទិត្យនេះ។ លោក Antonio Conte បានព្យាយាមធ្វើការពង្រឹងតំបន់ការពារបើទោះបីបានឈ្នះពាន Premier League កាលពីរដូវកាលមុនក៏ដោយ និងបានចាត់ទុកកីឡាករវ័យ24ឆ្នាំរូបនេះ ជាគោលដៅដ៏ចម្បងរបស់លោកក្រោយពីការពិភាក្សារឿងផ្សេងៗជាមួយនឹងបុគ្គលិកបច្ចេកទេសរបស់ Chelsea រួចមក៕

ប្រភពពី៖ The Guardian

July 1, 2017

វិធីធ្វើ ត្រប៉ែដំណើបខ្មៅអប់ដូងខ្ចី

“ត្រប៉ែ” គឺជាឈ្មោះបង្អែមមួយប្រភេទ ដែលត្រូវបានគេធ្វើឡើងពីបាយដំណើបស ឬបាយដំណើបខ្មៅ ដោយពូតជាដុំៗ ឬរាយប៉ាយនៅក្នុងចាន ឬឆ្នាំង ដោយផ្អាប់ជាមួយមេត្រប៉ែ ដើម្បីទទួលបានក្លិនក្រអូប ឈ្ងុយ និងឡើងមេ ហើយក៏ជាប្រភេទបង្អែមដែលត្រូវបានប្រជាពលរដ្ឋដែលរស់នៅតាមទីជនបទ ឬបណ្តាខេត្តនានា ពេញនិយមធ្វើលក់នៅក្នុងតំបន់ ឬសម្រាប់ទទួលទាននៅក្នុងក្រុមគ្រួសារផងដែរ ខណៈដែលពលរដ្ឋដែលរស់នៅក្នុងរាជធានីភ្នំពេញកម្រមានអ្នកចេះធ្វើណាស់។ ចង់ដឹងថា តើត្រប៉ែដំណើបខ្មៅត្រូវបានធ្វើឡើងដោយរបៀបណានោះសូមតាមដានទាំងអស់គ្នា។

+ គ្រឿងផ្សំ៖

*អង្ករដំណើបខ្មៅ 500ក្រាម
*មេត្រប៉ែ 1.5គ្រាប់
*សាច់ដូងខ្ចីល្មម (មិនទាន់ត្រូវការភ្លាមនោះទេ រង់ចាំដល់ពេលត្រប៉ែអាចទទួលទានបានទើបត្រូវការ)

+ វិធីធ្វើ៖
ជាដំបូង លោកអ្នកត្រូវយកអង្ករដំណើបខ្មៅលាងសម្អាត ហើយត្រាំទឹកទុករយៈពេលប្រមាណ30នាទី។ បន្ទាប់មកយកអង្ករស្រិតទឹកចេញ ហើយយកទៅដាក់ចំហុយ។ ក្រោយពេលឆ្អិនត្រូវយកបាយដំណើបខ្មៅទុកឱ្យត្រជាក់ ទើបយកមេត្រប៉ែដែលបានត្រៀមទុកនោះ មកលាយឱ្យសព្វក្លាយជាល្បាយតែមួយ ហើយបន្តនាំយកទៅផ្អាប់ទុកដោយការសង្កត់ឱ្យណែន និងរុំដោយក្រណាត់ស្អាតឱ្យជិតល្អ ផ្ងំក្នុងធុងបិតជិត ទុករយៈពេល3ថ្ងៃ ទើបយកចេញ។ ជាចុងក្រោយ លោកអ្នកនឹងទទួលបានត្រប៉ែដំណើបខ្មៅដ៏ឈ្ងុយនៅនឹងមុខ ហើយបន្ថែមសាច់ដូងខ្ចីល្មមពីលើសម្រាប់ទទួលទានជាការស្រេច៕

July 1, 2017

Pacquiao និង Horn ថ្លឹងទម្ងន់រួចរាល់ មុនពេលប៉ះគ្នានៅថ្ងៃអាទិត្យនេះ

កីឡាករ Jeff Horn បានត្រៀមលក្ខណៈរួចរាល់ក្រោយពីបានធ្វើការថ្លឹងទម្ងន់សម្រាប់ការប្រកួតដណ្តើមខ្សែក្រវាត់នៅថ្ងៃអាទិត្យស្អែកនេះ នៅម៉ោង10:30ព្រឹក(ម៉ោងនៅកម្ពុជា) ជាមួយកីឡាករសម្បូរដោយបទពិសោធ Manny Pacquiao។

អតីតគ្រូបង្រៀនរូបនេះ បានឡើងជញ្ជីងដោយថ្លឹងទម្ងន់បាន66.3គីឡូក្រាម នៅព្រឹកថ្ងៃសៅរ៍នេះសម្រាប់ការប្រកួតដណ្តើមខ្សែក្រវាត់ WBO ទម្ងន់66.7គីឡូក្រាម ស្របពេលដែល Pacquiao ថ្លឹងបានទម្ងន់66.1គីឡូក្រាម នៅពីមុខអ្នកយកព័ត៌មានក្នុងស្រុក និងអន្តរជាតិជាច្រើនក្នុងទីក្រុង Brisbane។ Horn បានប្រកាសថា រូបគេត្រៀមលក្ខណៈរួចរាល់ហើយសម្រាប់ការប្រកួតនេះខណៈដែលការរាប់ថយក្រោយនៅតែសំដៅឆ្ពោះទៅកាន់ការប្រដាល់ដ៏ធំបំផុតក្នុងជីវិតរបស់គេ។ កីឡាករមិនស្គាល់ចាញ់រូបនេះ ដែលមានកំណត់ត្រាឈ្នះ16លើក និងស្មើ1លើកនោះ បានឲ្យដឹងថា៖ «ការប្រកួតចាប់ផ្តើមហើយ។ អាជីពនៅសាលារៀនបានបញ្ចប់ហើយ។ ខ្ញុំពិតជាមានអារម្មណ៍ល្អ និងស្ថិតក្នុងអារម្មណ៍ស្ងប់ល្អណាស់»។ Horn វ័យ29ឆ្នាំបានបន្ថែមទៀតថា៖ «ខ្ញុំប្រហែលជានៅតែរក្សាអារម្មណ៍ស្ងប់របស់ខ្ញុំនេះ រហូតដល់ថ្ងៃប្រកួតប៉ុន្តែពិតជាសម្លឹងឆ្ពោះទៅកាន់ការប្រកួតនៅទីនោះនាថ្ងៃស្អែកនេះ និងធ្វើឲ្យបានល្អបំផុត»។

Pacquiao វ័យ38ឆ្នាំ ដែលមានកំណត់ត្រាឈ្នះ59លើក ចាញ់6លើក និងស្មើ2លើកក្នុងនោះផ្តួលដៃគូឲ្យសន្លប់38លើកនោះ បានចាកចេញពីកន្លែងថ្លឹងទម្ងន់យ៉ាងលឿន និងមិនបានធ្វើការបកស្រាយអ្វីឡើយ ប៉ុន្តែ គ្រូបង្វឹករបស់តារាឆ្នើមហ្វីលីពីនរូបនេះបានអះអាងកាលពីពេលមុននេះថា កូនសិស្សរបស់គាត់នឹងផ្តួល Horn ក្នុងទឹកណាមួយមិនខាននៅថ្ងៃអាទិត្យនេះ។ ការប្រកួតនេះនឹងចាប់ផ្តើមនៅម៉ោង១០:៣០ព្រឹក (ម៉ោងនៅកម្ពុជា)៕

ប្រភពពី៖ abc.net.au

July 1, 2017

ឯកឧត្តម ម៉ៅ អាយុទ្ធ ៖ “ទៅសុំពឹងថៃថត ពិបាកជាងទៅសុំភ្លើងយក្ស…”

កាលពីរសៀលថ្ងៃម្សិលមិញនេះ មជ្ឈមណ្ឌលបណ្តុះបណ្តាលជំនាញ និងទទួលថតភាពយន្តបរទេសនៅកម្ពុជា ដែលស្ថិតក្រោមការដឹកនាំរបស់ក្រសួងវប្បធម៌ និងវិចិត្រសិល្បៈបានរៀបចំកម្មវិធីសិក្ខាសាលាមួយស្ដីអំពីការតាក់តែងនិពន្ធសិល្បៈ និងអារម្មណ៍របស់ភាពយន្ដនៅវិទ្យាស្ថានបារាំងក្នុងសាលាភាពយន្ដដែលវគ្គបណ្ដុះបណ្ដាលលើកទី2នេះ មានយុវវ័យជាផលិតករវ័យក្មេងដែលមានចំណាប់អារម្មណ៍និង ស្រឡាញ់វិស័យផលិតខ្សែភាពយន្ដចូលរួមយ៉ាងច្រើនកុះករ។

នៅក្នុងថ្ងៃដ៏វិសេសវិសាលនេះ ឯកឧត្តម ម៉ៅ អាយុទ្ធ ជារដ្ឋលេខាធិការក្រសួងព័ត៌មាន និងជាអ្នកទទួលបន្ទុកថតខ្សែភាពយន្ដខ្នាតធំរបស់ប្រទេសកម្ពុជា ជារឿងប្រវត្តិសាស្ត្រ គឺរឿង “ហ្លួងព្រះស្ដេចកន” នោះបានផ្ដល់កិត្តិយសធ្វើជាវាគ្មិនពិសេសក្នុងការចែករំលែកបទពិសោធនៃការសរសេរសេណារីយ៉ូ និងអារម្មណ៍នៃការតាក់តែងនិពន្ធអត្ថបទភាពយន្ដ។ លោកបានថ្លែងថា “កុនមានរយៈពេលជាង 2ម៉ោង ដូច្នេះយើងត្រូវគិតថា ក្នុងរយៈពេល1 ទៅ 2 នាទី និងរាល់នាទីទាំងអស់ដែលយើងបានបែងចែកនោះ តើយើងមានអ្វីឱ្យគេទស្សនានេះជាអ្វីដែលយើងត្រូវគិតមុនពេលធ្វើកុន”។

ជុំវិញបទពិសោធក្នុងការសរសេរកុន លោកបានបញ្ជាក់ទៀតថា “ការសរសរអត្ថបទភាពយន្ដត្រូវបានបែកចែកជា 6 ចំណុចធំៗគឺ អក្សរសិល្ប៍ ទិដ្ឋភាព នាដកម្មភ្លេងប្រកប និងចម្រៀងទើបសម្រេចបានចំណុចទី7 គឺជាភាពយន្ដហ្នឹងហើយ”។ មិនតែប៉ុណ្ណោះលោកបានរៀបរាប់ពីបទពិសោធជាច្រើនទៀតក្នុងការផលិតភាពយន្តខ្នាតធំរឿង “ហ្លួងព្រះស្ដេចកន” ដែលបានឆ្លងកាត់បទពិសោធលំបាកៗជាច្រើន ជាពិសេសការគ្រប់គ្រងសត្វ និងបញ្ជាសត្វសេះ ដែលលោកហៅថា សេះសម្លព្រោះត្រូវការបង្វឹកឱ្យសត្វទាំងនេះស៊ាំជាមួយតារាសម្ដែង អាវុធ និងសម្លៀកបំពាក់គឺប្រើប្រាស់រយៈពេលយូរ ។

ពាក់ព័ន្ធជាមួយបញ្ហាដែលបានចោទសួរថាមានការសហការថតរឿងប្រវត្តិសាស្ដ្រនេះជាមួយប្រទេសថៃឬទេនោះ លោកបានថ្លែងថា “ធ្លាប់បានពិភាក្សា និងពឹងថៃឱ្យជួយថតដែរ តែវាពិបាកជាងទៅសុំភ្លើងយក្សទៅទៀតទើបមិនចង់ពឹងថៃសោះ ព្រោះសមត្ថភាពយើងមានដែរ ខ្លាចអ្វីនឹងធ្វើ”។ ជាចុងក្រោយឯកឧត្តមបានបញ្ជាក់ទៀតថា លោកជាអ្នកស្រឡាញ់ការផលិតភាពយន្ដសូម្បីគ្រប់ទង្វើ និងកាយវិការដែលលោកធ្វើ គឺគិតពីប្លង់របស់ភាពយន្ដគ្រប់ពេលហើយលោកបានសិក្សាជំនាញនេះ មុនពេលសម័យខ្មែរក្រហមចូលមកទៅទៀតព្រមទាំងបានសរសេរនិក្ខេបបទពីភាពយន្ដឱ្យសាស្ត្រាចារ្យបារាំងទៀតផង៕

July 1, 2017

អាល្លឺម៉ង់ផ្តល់ការខកចិត្តដល់ជើងខ្លាំងអេស្ប៉ាញដើម្បីលើកពាន Euro U-21

ក្រុមបាល់ទាត់ជម្រើសជាតិអាល្លឺម៉ង់បានធ្វើឲ្យជើងខ្លាំងអេស្ប៉ាញរងបរាជ័យយ៉ាងមិនអស់ចិត្តក្នុងលទ្ធផល 1-0 តាមរយៈគ្រាប់បាល់តែតបញ្ចូលទីនៅតង់ទី1ពីសំណាក់កីឡាករ Mitchell Weiser ដើម្បីឈ្នះពាន European Under-21 Championship កាលពីថ្ងៃសុក្រ និងដើម្បីឈ្នះពានជាលើកទី2របស់ពួកគេ។

ក្រុមជម្រើសជាតិអាល្លឺម៉ង់ បានធ្វើការការពារយ៉ាងរឹងមាំពិសេសបានធ្វើការរារាំងខ្សែប្រយុទ្ធដ៏មុតស្រួចបំផុតក្នុងយុទ្ធនាការនេះគឺ Saul Niquez ខណៈដែលរូបគេ និងក្រុមអេស្ប៉ាញរបស់គេបានតាមប្រមាញ់រកការឈ្នះពាន Euro ជាលើកទី5របស់ពួកគេ។ ក្រោយពីលេងបាន7នាទី កីឡាករ Max Meyer របស់អាល្លឺម៉ង់ បានតែតបាល់ប៉ះនឹងបង្គោលទីម្តងខណៈដែលក្រុមជម្រើសជាតិអាល្លឺម៉ង់បានបង្កើតឲ្យមានឱកាសជាច្រើនតែធ្វើមិនបានសម្រេច និងបានធ្វើការគ្រប់គ្រងក្នុងការប្រកួតតង់ទី1ទាំងស្រុងស្របពេលដែលអេស្ប៉ាញបានរងនូវសម្ពាធយ៉ាងមិននឹកស្មានដល់។ កីឡាករ Serge Gnabry ក៏បានខ្ជះខ្ជាយឱកាស2លើកយ៉ាងល្អសម្រាប់អាល្លឺម៉ង់ផងដែរ នៅមុនពេលការតែតបាល់យ៉ាងល្អរបស់ Weiser ពីការបញ្ជូនបាល់ឆ្លងរបស់ខ្សែការពារ Jeremy Toljan និងបានបំប៉ោងសំណាញ់ទីរបស់អ្នកចាំទី Kepa Arrizabalaga នៅនាទី ទី40តែម្តង។ ក្រុមជម្រើសជាតិអេស្ប៉ាញ មានឱកាសតែមួយលើកគត់ក្នុងតង់ទី1 និងបានបង្កើនការវាយសម្រុកយ៉ាងខ្លាំងក្លាក្នុងតង់ទី2 ប៉ុន្តែនៅតែមិនអាចរកគ្រាប់បាល់តាមស្មើបាន៕

ប្រភពពី៖ Reuters

July 1, 2017

Author: ធឿន មករា