Author: ធឿន មករា

បុកល្ហុង បង្គាស្រស់ ពីភោជនីយដ្ឋាន Needa
បើនិយាយពីបុកល្ហុងវិញគេជឿថា អ្នកណាៗក៏ធ្លាប់បានទទួលទានដែរ ប៉ុន្តែទាស់ត្រង់ថា បុកល្ហុងទាំងនោះអាចមានរសជាតិផ្សេងៗពីគ្នា ដែលវាអាស្រ័យទៅលើស្នាដៃរបស់អ្នកជំនាញក្នុងការបុក និងផ្សំគ្រឿងតែប៉ុណ្ណោះ។ សម្រាប់ទំព័រនេះ ឡារ៉ែន សូមបង្ហាញជូននូវរូបភាពបុកល្ហុងមួយចាន ដែលផ្សំឡើងពីបន្លែស្រស់ៗជាច្រើនមុខ រួមជាមួយនឹងសាច់បង្គាស្រស់ ពោរពេញទៅដោយរសជាតិឆ្ងាញ់ជាប់មាត់ ក្រោមភាពជំនាញរបស់ចុងភៅប្រចាំនៅភោជនីយដ្ឋាន Needa សាខាទួលគោកដែលមានអាសយដ្ឋានស្ថិតនៅអគារលេខ58 ផ្លូវ337 សង្កាត់បឹងកក់1 ខណ្ឌទួលគោក រាជធានីភ្នំពេញ។
គ្រឿងផ្សំ
• សណ្តែកកួរ
• ត្រសក់
• ប៉េងប៉ោះ
• ការ៉ុត
• ល្ហុងខ្ចី
• ស្ពៃបូកគោ
• ត្រកួន
• ទឹកក្រូចឆ្មារ
• បង្គាក្រៀម
• បង្គាស្រស់
• សណ្តែកដីលីង
• ខ្ទឹមស
• ម្ទេសក្រហម
វិធីធ្វើ
ជាដំបូងបន្ទាប់ពីយកវត្ថុធាតុដើម និងគ្រឿងផ្សំដូចបានរៀបរាប់ជូនខាងលើនេះរួចរាល់អស់ហើយ ត្រូវយកទៅចិត និងលាងសម្អាតហើយទុកមួយអន្លើ។ យកល្ហុងខ្ចីឈូសជាសរសៃ យកបង្គាស្រស់បកសម្បក រួចវះយកសរសៃខ្មៅចេញ, ចិតផ្លែប៉េងប៉ោះជាចំណិតជ្រុងៗ រួចហាន់សណ្តែកគួរជាកង់ខ្លីៗ ហាន់ផ្លែត្រសក់ជាជ្រុងទ្រវែង ហាន់ការ៉ុតជាបន្ទះស្ដើងៗ ហាន់ស្ពៃបូកគោ និងត្រកូនប្រវែងខ្លីល្មម ហើយទុកមួយអន្លើសិន។ បន្ទាប់មកបុកខ្ទឹមស ម្ទេសក្រហម រួចដាក់បង្គាក្រៀមចូលបុកជាមួយគ្នា បន្ទាប់យកដាក់សណ្ដែកដី សណ្ដែកកួរ ទឹកក្រូចឆ្មារ ចូលជ្រុំចូលគ្នាឱ្យសព្វ។ ជាចុងក្រោយដាក់ល្ហុងចូលបុកច្របល់ចូលគ្នាឱ្យសព្វ ដួសដាក់ក្នុងចានជាការស្រេច៕
May 22, 2018
5មូលហេតុនៃការរលូតបុត្រ ដែលស្ត្រីមានគភ៌ត្រូវដឹង
និយាយអំពីរឿងរបស់សភាវរលូតបុត្របន្ទាប់ពីការតាំងគភ៌ មិនថាបណ្ដាលមកពីមូលហេតុអ្វីក៏ដោយ គឺសុទ្ធតែជារឿងដ៏គួរឱ្យសោកសៅ និងគួរឱ្យអាណិតចំពោះស្ត្រីមានផ្ទៃពោះទាំងអស់។ អ្នកខ្លះដែលតាំងសេចក្ដីសង្ឃឹមខ្លាំង ក៏អាចនឹងខូចចិត្តសោកស្ដាយដល់ថ្នាក់ញ៉ាំមិនបាន គេងមិនលក់ លំបាកដល់ក្រុមគ្រួសារត្រូវនៅចាំមើលថែទាំយ៉ាងជិតដិត ទាំងដែលខាងផ្នែកវេជ្ជសាស្ត្រវិញ សភាវរលូតបុត្រអាចកើតឡើងបានដោយឯកឯង មិនពាក់ព័ន្ធនឹងឧប្បត្តិហេតុ ឬភាពភ្លាំងភ្លាត់របស់ស្ត្រីមានគភ៌ឡើយ ហើយខាងក្រោមនេះគឺជាមូលហេតុនៃការរលូតបុត្រដែលគេអាចជួបប្រទះញឹកញាប់បំផុតក្នុងពេលបច្ចុប្បន្ន។
1. ឆ្លងមេរោគបាក់តេរី និងមេរោគវីរុស
ជាប្រក្រតី នៅពេលទៅពិនិត្យគភ៌លើកដំបូង ពេទ្យតែងតែពិនិត្យរកមើលជំងឺកាមរោគ ឬជំងឺដែលឆ្លងតាមរយៈការមានភេទសម្ពន្ធមុនគេបង្អស់ ជាពិសេសមេរោគនៃជំងឺស្វាយ មេរោគវីរុសរលាកថ្លើមប្រភេទ B និង C ដែលអាចហុចផលឱ្យកើតគ្រោះថ្នាក់ដល់ទារកក្នុងផ្ទៃបាន ដូចជា ធ្វើឱ្យសាច់ភ្នាសក្នុងស្បូនមានបញ្ហារហូតតួកំណើតមិនអាចចម្រើនធំធាត់តទៅទៀតបាន ឬបើតួកំណើតចម្រើនធំធាត់បាន តែក៏មានផលប៉ះពាល់ដល់ខួរក្បាល និងប្រព័ន្ធប្រសាទរបស់ទារក ធ្វើឱ្យពេទ្យត្រូវតែសម្រេចចិត្តបញ្ឈប់ការតាំងគភ៌នៅពេលក្រោយ។
2. ភាពខុសប្រក្រតីរបស់ក្រូម៉ូហ្សូម
សម្រាប់មូលហេតុនៃការរលូតបុត្រក្នុងចំណុចនេះ អាចរាប់បានថា គួរឱ្យអាណិតជាទីបំផុត ព្រោះគ្មានអ្នកណាអាចដឹងមុនបានឡើយថា តើក្រូម៉ូហ្សូមមួយគូណាដែលនឹងកើតមានភាពខុសប្រក្រតីនោះទេ? និងនៅពេលដឹងហើយក៏មិនអាចកែខៃអ្វីបានទាំងអស់។ សម្រាប់សភាវរលូតបុត្រវិញ ច្រើនបណ្ដាលមកពីការដែលក្រូម៉ូហ្សូមមិនអាចតម្រៀបខ្លួនតគ្នាបាន តែបើសិនក្រូម៉ូហ្សូមគូខ្លះមានបញ្ហាខ្វះ ឬលើស ក៏នឹងហុចផលឱ្យកើតភាពខុសប្រក្រតីដែលក៏ជាមូលហេតុឱ្យពេទ្យត្រូវបញ្ឈប់ការតាំងគភ៌ដូចគ្នាដែរ។
3. ជក់បារី ទទួលទានភេសជ្ជៈជាតិអាល់កុល និងសេពគ្រឿងញៀន
ជារឿងដែលទាំងអស់គ្នាបានដឹងច្បាស់ហើយថា ទង្វើទាំងនេះមានភាពប្រថុយប្រថានក្នុងការធ្វើឱ្យស្ត្រីមានផ្ទៃពោះកើតសភាវរលូតបុត្របានខ្ពស់ណាស់ ជាពិសេសក្នុងអំឡុងពេល 3ខែដំបូង។ ការពិតទៅ មិនចាំបាច់ថា ត្រូវតែសេពចូលទៅដោយផ្ទាល់ប៉ុណ្ណោះទេ ព្រោះមានស្ត្រីមានផ្ទៃពោះជាច្រើនដែលធ្វើការនៅក្នុងបន្ទប់ប្រតិបត្តិការផ្សេងៗដែលមានសារធាតុពុលមួយចំនួនដែលស្រដៀងនឹងថ្នាំញៀន រួមទាំងជាតិអាល់កុលប្រភេទខ្លះជាប់រហូត ក៏បណ្ដាលឱ្យកើតសភាវរលូតបុត្រអស់ជាច្រើននាក់រួចមកហើយដែរ ។
4. ស្បូនខុសប្រក្រតី
បញ្ហាស្បូន និងមាត់ស្បូនរបស់ស្ត្រីមានផ្ទៃពោះដែលខុសប្រក្រតីមកពីកំណើត ឬខុសប្រក្រតីដោយសារសភាវមួយចំនួន ក៏ធ្វើឱ្យកើតសភាវរលូតបុត្របានដែរ ដោយសារតែតួកំណើតមិនអាចបង្កប់ខ្លួន ឬចម្រើនធំធាត់បានយ៉ាងល្អហ្នឹងឯង។
5. រោគប្រចាំកាយរបស់ស្រ្តីមានផ្ទៃពោះ
រោគមួយចំនួន ដូចជា រោគទឹកនោមផ្អែម រោគក្រពេញថៃរ៉យដ៍មានជាតិពុល អាចធ្វើឱ្យកើតសភាវរលូតបុត្របាន បើមិនបានទទួលការព្យាបាលឱ្យជាដាច់មុនពេលតាំងគភ៌ទេនោះ។
នៅពេលដឹងថា ចាប់ផ្ដើមតាំងគភ៌ ហើយមិនចង់ប្រថុយប្រថាននឹងសភាវរលូតបុត្រដែលអាចកើតឡើងបានគ្រប់ពេលនោះ ក៏គួរតែប្រញាប់ទៅពិនិត្យគភ៌ជាមួយគ្រូពេទ្យជំនាញឱ្យបានលឿនបំផុត ដើម្បីនឹងបានពិនិត្យរកមើលភាពខុសប្រក្រតីណាមួយ និងការពារសភាវរលូតបុត្របានទាន់ពេលវេលា៕
May 22, 2018
ភ្លៅជ្រូកបំពងពិសេស
ជើងជ្រូកបំពង គឺជាមុខម្ហូបមួយប្រភេទដែលមានរសជាតិឈ្ងុយឆ្ងាញ់យ៉ាងពិសេសហើយក៏ជាមុខម្ហូប ដែលត្រូវបានភោជនីយដ្ឋាន Motor Café ជ្រើសធ្វើជាអាហារប្រចាំហាងផងដែរ។ ចំពោះមុខម្ហូបមួយនេះ ហាក់មានការពិបាកក្នុងការចម្អិន និងច្រើនវគ្គបន្តិច ប៉ុន្តែទោះជាយ៉ាងណា បន្ទាប់ពីឆ្លងកាត់នូវការចម្អិនរួចរាល់នោះពិតជាមិនធ្វើឱ្យលោកអ្នកស្តាយកម្លាំងនោះឡើយ។ ជាមួយគ្នានេះ ភ្លៅជ្រូកបំពងពិសេសនេះត្រូវបានគេទទួលទានជាមួយនឹងទឹកជ្រលក់ពិសេស រួមនឹងជ្រក់ស្ពៃក្ដោបផងដែរ។
គ្រឿងផ្សំ
• ភ្លៅជ្រូក 1.2Kg
• ការ៉ុត 0.3Kg
• ខ្ទឹមបារាំង 0.3Kg
• ខឹ្ទមខ្យល់ 0.2Kg
• ដើមសេរី 0.2Kg
• អំបិល 25g
វិធីចម្អិន
យកភ្លៅជើងជ្រូកទៅលាងទឹកឱ្យស្អាត រួចដាំទឹកឱ្យពុះដាក់អំបិល ការ៉ុត ខ្ទឹមបារាំង ខ្ទឹមខ្យល់ ដើមសេរី និងដាក់ភ្លៅជ្រូកចំហុយជាមួយគ្នារហូតឆ្អិន និងកាត់បន្ថយជាតិខ្លាញ់ បន្ទាប់មកយកទៅបំពងជាមួយប្រេងឆាដែលក្តៅខ្លាំងរហូតស្រួយជាការស្រេច។
គ្រឿងផ្សំទឹកត្រីជ្រលក់ជើងជ្រូក
• ម្ទេសខៀវ 80g
• ម្ទេសហឹរ 80g
• ខ្ទឹមស 70g
• ស្ករស 120g
• ក្រូចឆ្មារ 100g
• ទឹកត្រី 80g
• ម្សៅស៊ុប 2tbs
• អំបិល 2tbs
វិធីធ្វើទឹកត្រីជ្រលក់ជើងជ្រូក
យកខ្ទឹមសមកបុកជាមួយម្ទេស រួចដាក់ស្ករសចូល កូរឱ្យសព្វ បន្ទាប់មកដាក់ទឹកត្រី ម្ស៉ៅស៊ុប អំបិល និងទឹកក្រូចឆ្មារចូលជាការស្រេច។
គ្រឿងផ្សំជ្រក់ស្ពៃក្ដោប
• ស្ពៃក្ដោប
• ទឹកខ្មេះ
• អំបិល
• ស្រាស
• Juniper Berries
វិធីធ្វើជ្រក់ស្ពៃក្ដោប
យកស្ពៃក្ដោបទៅលាងទឹកឱ្យស្អាត រួចយកស្ពៃក្ដោបមកឈូស បន្ទាប់មកដាំទឹកឱ្យពុះ ដាក់អំបិល ស្ដៃក្ដោប ស្រាស ទឹកខ្មេះ និង Juniper Berries រួចហើយទុករយៈពេល2ម៉ោងជាការស្រេច៕
May 20, 2018
លេងម៉ូដសក់តាមតារាហូលីវូដម្តងមើល៎!
ជាធម្មតា តារាល្បីៗរបស់ហូលីវូដគឺតែងតែស្រស់ស្អាត និងមានការតុបតែងខ្លួនស្អាតប្លែកណាស់ ដូច្នេះនៅក្នុងខែនេះសូមអ្នកងាកមកចាប់អារម្មណ៍ និងលេងម៉ូដសក់តាមតារាល្បីខ្លះក៏ប្លែកភ្នែក និងប្លែកអារម្មណ៍ម្យ៉ាងដែរ។ បើអ៊ីចឹង តោះលេងម៉ូដសក់តាមតារាល្បីហូលីវូដទាំងអស់គ្នា ដើម្បីបង្អួតសម្រស់របស់អ្នក។ សូមក្រឡេកទៅមើលម៉ូដសក់ទាំងអស់នេះ ហើយជ្រើសរើសម៉ូដសក់ដែលអ្នកស្រឡាញ់ និងលេងម៉ូដតាមទាំងអស់គ្នាដូចតទៅ៕

May 20, 2018
នៅពេលខ្ញុំតាំងគភ៌ចូលខែទី2
មកដល់ខែទី2នេះ តួកំណើតនៅខាងក្នុងគភ៌នឹងមានរូបរាងកាន់តែស្រដៀងមនុស្សឡើងហើយ បើវាស់ពីប្រវែងក៏ប្រមាណជា11/4អីុញ និងមានទម្ងន់ប្រមាណជា10ក្រាម។ កូនរបស់អ្នកនៅក្នុងគភ៌ចាប់ផ្ដើមមានការលោតរបស់បេះដូង មានដៃ ជើង មានម្រាមដៃ ម្រាមជើង និងចាប់ផ្ដើមសាងឆ្អឹងច្រើនឡើងហើយ…។
ក្នុងខែទី2នៃការតាំងគភ៌ នឹងមានការប្រែប្រួលផ្សេងៗដែលស្ត្រីមានគភ៌ខ្លួនឯងអាចមានអារម្មណ៍ដឹងបានដូចខាងក្រោមនេះ។
– អស់កម្លាំងទន់ល្វើយ និងមានអារម្មណ៍ថាខ្លួនឯងគេងយូរជាងមុនច្រើនឡើង។ កាលពីមុនធ្លាប់គេងលក់68ម៉ោង នៅពេលនេះអាចនឹងពី7-10ម៉ោង តែទាំងអស់នេះ ក៏អាស្រ័យលើរាងកាយរបស់ស្ត្រីមានគភ៌ម្នាក់ៗដែរ។
– បត់ជើងតូចញឹកញាប់ជាងមុន រហូតអាចសង្កេតដឹងដោយខ្លួនឯង។
– ក្អួតចង្អោរ ឬចេញទឹកមាត់ច្រើននៅក្នុងមាត់ពេលបានធំុក្លិនអាហារអ្វីក៏ដោយ។
– ទល់លាមក។
– ឈឺក្រហាយក្នុងពោះ អាហារមិនរំលាយ ចុកឆ្អល់ពោះ។
– អ្នកខ្លះធុញទ្រាន់ចំណីអាហារ តែអ្នកខ្លះបែរជាឃ្លានញឹ្ញកញាប់។
– រមាស់សុដន់ សុដន់រីកធំឡើង ក្បាលសុដន់រីកធំ និងមានពណ៌ស្រអាប់ឡើង មើលឃើញសរសៃឈាមខៀវៗនៅលើសុដន់។
– ឈឺក្បាល ដូចគ្នានឹងអាការឈឺក្បាលវិលៗរបស់អ្នកញ៉ាំថ្នាំពន្យារកំណើតដែរ។
– វិលមុខ រកកល់ខ្យល់គញឹកញាប់។
– មានអារម្មណ៍ទើសទាល់ថប់ៗ តឹងណែនចង្កេះ ដោយសារតែពោះចាប់ផ្ដើមរីកធំឡើង និងពោះឆាប់តឹងឆ្អល់។
– អារម្មណ៍ឆាប់ប្រែប្រួលយ៉ាងមើលឃើញច្បាស់តែម្ដង ស្រដៀងគ្នានឹងអំឡុងពេលមុនមានវដ្តរដូវដែរ ដូចជា ឆាប់ខឹងមួម៉ៅ អ្នកខ្លះអាចដល់ថ្នាក់យំញឹកញាប់ មានអារម្មណ៍ភ័យខ្លាច និងរំភើបញាប់ញ័រលាយឡំគ្នា។
រឿងដែលគ្រូពេទ្យមើលពិនិត្យថែទាំគភ៌នឹងប្រាប់ឱ្យអ្នកធ្វើនៅក្នុងខែនេះ មានដូចតទៅ ៖
1. ថ្លឹងទម្ងន់ វាស់សម្ពាធឈាម។
2. ពិនិត្យជាតិស្ករ និងសារធាតុស៊ុតសនៅក្នុងទឹកមូត្រ។
3. ពិនិត្យមើលអាការហើម និងសរសៃឈាមត្បៀតនៅបរិវេណចុងជើង។
4. ត្រួតពិនិត្យអាការខុសប្រក្រតីផ្សេងៗទៀត(បើសិនមាន)។
ក្នុងខែនេះ ក្រៅពីអាការដែលបានរៀបរាប់មកខាងលើហើយ ស្ត្រីខ្លះអាចមានឡើងមុននៅលើមុខ អ្នកខ្លះស្បែកអាចស្ងួតបែកមានស្លាកស្នាម ដោយសារតែអ័រម៉ូននៅក្នុងរាងកាយដែលប្រែប្រួលហ្នឹងឯង។ វិធីប្រតិបត្តិដែលល្អនោះគឺ ញ៉ាំទឹកឱ្យបានច្រើន លាងសម្អាតមុខដោយសាប៊ូកូនក្មេង (សាប៊ូបែបខ្សោយ) ក្នុងមួយថ្ងៃ2-3ដង។ ស្ត្រីខ្លះ គ្រូពេទ្យអាចនឹងឱ្យញ៉ាំវីតាមីន B6 ដើម្បីជួយកាត់បន្ថយអាការស្ងួតបែករបស់ស្បែក តែរឿងដែលត្រូវប្រយ័ត្ននោះគឺ កុំទិញថ្នាំអ្វីមកញ៉ាំដោយខ្លួនឯងឱ្យសោះ ជាពិសេសបើមានកើតមុន ហាមទិញថ្នាំមកញ៉ាំ ឬលាបដោយចិត្តឯងជាដាច់ខាត ព្រោះថ្នាំព្យាបាលមុនប្រភេទខ្លះអាចបង្កគ្រោះថ្នាក់ដល់ទារកក្នុងផ្ទៃ ដូចជា ធ្វើឱ្យរលូត ឬពិការបាន៕
May 20, 2018
តុមយ៉ាំ បង្គាធំ
តុមយ៉ាំបង្គាធំ គឺជាមុខម្ហូបដ៏ល្បី និងកំពុងពេញនិយមប្រចាំភោជនីយដ្ឋាន Needa សាខាទួលគោក ដែលមានអាសយដ្ឋានស្ថិតនៅអគារលេខ58 ផ្លូវ337 សង្កាត់បឹងកក់1 ខណ្ឌទួលគោក រាជធានីភ្នំពេញ។ ដោយមានការណែនាំពីមេចុងភៅប្រចាំភោជនីយដ្ឋាន Needa សូមប្រិយមិត្តអ្នកអានទាំងអស់រៀនធ្វើមុខម្ហូបដែលពេញដោយឱជារស និងគ្រឿងផ្សំនៃមុខម្ហូបនេះដូចខាងក្រោមនេះ។
គ្រឿងផ្សំ
• បង្គាធំ
• ស្លឹកក្រូចសើច
• គល់ស្លឹកគ្រៃ
• ម្ទេសក្រហម ឬម្ទេសទុំ
• ផ្សិតម្ជុល
• ផ្សិតចំបើង
• ប៉េងប៉ោះ
• ខ្ទឹមក្រហម
• ជីវ៉ាន់ស៊ុយ
• កាពិផាវ
• ដុំស៊ុបខ្នរ
• រំដេង
• ទឹកត្រី
• ស្ករស
• រ៉តឌី
• ប្រេងម្ទេស
វិធីចម្អិន
ដាំទឹកស៊ុប រួចដាក់បន្លែចូល ដូចជា ផ្សិតចំបើង កាពិផាវ ដុំស៊ុបខ្នរ រំដេងគល់ស្លឹកគ្រៃ ស្លឹកក្រូចសើច និងប៉េងប៉ោះ។ រួចបន្ថែមខ្ទឹមក្រហម ម្ទេសទុំបុក និងផ្សិតម្ជុលចូល បន្ទាប់មកដាក់បង្គាធំចូល ដោយលាយជាមួយទឹកក្រូចឆ្មារបន្តិច ទឹកត្រី ស្ករស រ៉តឌី ជាមួយនឹងប្រេងម្ទេសបន្តិចចូល។ នៅពេលមើលឃើញថា ឆ្អិនល្មមហើយ សឹមលើកចេញពីភ្លើង ហើយរោយជីវ៉ាន់ស៊ុយបន្ថែមពីលើជាការស្រេច៕
May 19, 2018
តើក្នុងអំឡុងអាយុប៉ុន្មាន ទើបស័ក្តិសមនឹងការមានបុត្រខ្លាំងបំផុត?
ដោយយុគសម័យដែលផ្លាស់ប្ដូរ និងតិចណូឡូជីខាងវេជ្ជសាស្រ្តកាន់តែឈានទៅមុខនោះ បានធ្វើឱ្យគូស្នេហ៍ជាច្រើនគូកាន់តែក្ររៀបការ ខុសពីសម័យមុនដែលក្រោយពីរៀនចប់បានតែប៉ុន្មានឆ្នាំក៏នាំគ្នាមានគ្រួសារអស់ទៅហើយ តែមនុស្សនាពេលបច្ចុប្បន្ននេះភាគច្រើនច្រើនតែរង់ចាំឱ្យមានភាពសម្បូរបែបគ្រប់ផ្នែកជាមុនសិន ទើបសម្រេចចិត្តរៀបការ និងមានបុត្រ។
យ៉ាងណាក៏ដោយ លទ្ធផលនៃការសិក្សាស្រាវជ្រាវពី Royal College of Obstetrics and Gynecology ក្នុងប្រទេសអង់គ្លេសបានរកឃើញថា អំឡុងអាយុដែលស័ក្តិសមក្នុងការមានបុត្រខ្លាំងបំផុតគឺ 20-35ឆ្នាំ ព្រោះឱកាសប្រថុយនឹងការរលូតមានតិចតួចបំផុត ហើយថែមទាំងងាយស្រួលប្រសូតដោយមិនចាំបាច់ពឹងលើការវះប្រសូតដែលត្រូវការពេលវេលាសម្រាកព្យាបាលយូរជាងទៀតផង។
ក្រៅពីនេះ ក្នុងអំឡុងអាយុខាងលើនៅអាចទប់ទល់នឹងសភាវគេងមិនលក់ ឬគេងមិនឆ្អែតបានល្អជាងអំឡុងអាយុដែលច្រើនជាងនេះពេលដែលត្រូវភ្ញាក់ឡើងមកមើលកូនតូចនៅពេលយប់ព្រលប់ទៀតផង ក្នុងពេលជាមួយគ្នា ការមានបុត្រក្នុងអំឡុងអាយុ20ឆ្នាំ-35ឆ្នាំនេះថែមទាំងរឹងប៉ឹង និងមានកម្លាំងថាមពលខ្លាំងគ្រប់គ្រាន់ក្នុងការរួមធ្វើកិច្ចការងារជាមួយកូនៗក្នុងពេលលេងកីឡានៅពេលដែលពួកគេធំឡើងបានយ៉ាងរីករាយទៀតផង។
យ៉ាងណាក៏ដោយ លទ្ធផលនៃការស្រាវជ្រាវពីមហាវិទ្យាល័យ Aarhus University ក្នុងប្រទេសដាណឺម៉ាក បានរកឃើញថា អំឡុងអាយុដែលស័ក្តិសមក្នុងការអប់រំចិញ្ចឹមមើលថែកូន គួរតែស្ថិតក្នុងអំឡុងអាយុ33ឆ្នាំឡើងទៅ ព្រោះស្រ្តីជាម្ដាយនឹងមានវុឌ្ឍិភាពច្រើនគ្រប់គ្រាន់ក្នុងការអប់រំ និងទប់ទល់ជាមួយទង្វើរបស់កូនបាន។ ដោយសារតែក្មេងដែលមានអាយុចន្លោះ 7-11ឆ្នាំជាអំឡុងពេលដែលពិបាកចិញ្ចឹមមើលថែខ្លាំងបំផុត ដូច្នេះអ្នកម្ដាយដែលមានអាយុច្រើនឡើងបន្តិច នឹងមានភាពអំណត់អត់ធន់ និងចេះអត់ឱនអភ័យឱ្យកូនៗរបស់ខ្លួនបានខ្លាំងជាង ដោយលទ្ធផលនៃការវិភាគបានរកឃើញថា ពួកគាត់ច្រើនតែចៀសវាងពីការដាក់ទោសកូនៗដោយការវាយ ឬប្រើកម្លាំងបាយ៕
May 19, 2018
TOYOTA HARRIER for sale
Year : 2015 – ផលិតឆ្នាំ ២០១៥
Engine : 2000 cc V4
Exterior white – ពណ៌ ស
Interior black & Red- ខាងក្នុង ពណ៌ខ្មៅ នឹង ក្រហម
Sensor ( front & back )
Safe Camera = កាមេរ៉ាសុវត្ថិភាព
Plate number = ផ្លាកលេខ ( PP.2AU xxxx )
Very cool Air-Con = ម៉ាស៊ីនត្រជាក់ ត្រជាក់ខ្លាំង
Machine very smooth = ម៉ាស៊ីនរត់ខ្លាំងល្អ
Contact me for more information :
Tel : 016 675 999 , 012 610 610 111 , 069 327 305 , 089 668 736
May 18, 2018
គន្លឹះគួរចៀសវាង ដើម្បីបបូរមាត់មានសុខភាពល្អ
ក្រែមលាបបបូរមាត់ អាចនិយាយបានថាជាឧបករណ៍សំខាន់មួយសម្រាប់ផ្លាស់ប្ដូរភាពស្រស់ស្អាតរបស់នារីៗ និងបន្ថែមទំនុកចិត្តលើភាពស្រស់សោភារបស់នារីៗយើង។ នៅពេលមានម៉ូដក្រែមដែលចេញមកថ្មី ជឿថា ស្រីៗយើងមិនដែលរំលងឡើយ តែងតែព្យាយាមតាម និង Update ដើម្បីភាពស្រស់ស្អាតនៃបបូរមាត់គ្រប់ពេលវេលា។ តើមានអ្នកណាធ្លាប់ដឹងទេថា អ្នកអាចនឹងចាញ់គ្រឿងលាបបបូរមាត់ដែលទើបតែចេញថ្មីទាំងនោះ? ថ្ងៃនេះ ទស្សនាវដ្តី ឡារ៉ែន លើយកអត្ថបទមួយមកជម្រាបជូនពីវិធីថែរក្សាបបូរមាត់ឱ្យមានភាពស្រស់ស្អាត និងមិនមានគ្រោះថ្នាក់អាក្រក់ដល់សុខភាពបបូរមាត់ ដូច្នេះសូមតាមដានដូចតទៅ។
ក្រុមមនុស្សដែលចាញ់ក្រែមលាបបបូរមាត់ និងមានអាការផ្សេងៗពីគ្នាបង្ហាញចេញមកហើយស្ថិតនៅលើថា តើអ្នកចាញ់ក្រែមលាបបបូរមាត់កម្រិតណា។ ប្រសិនបើចាញ់តែបន្ដិចបន្តួច នោះនឹងមានអាការរោលត្រឹមតែរឹមបបូរមាត់តែប៉ុណ្ណោះ ធ្វើឱ្យមាត់ស្ងួត និងរមាសក្រហាយឈួលៗជាដើម។ ចំពោះអ្នកដែលមានអាការចាញ់ខ្លាំង នោះរឹមបបូរនឹងចាប់ផ្ដើមរលាកហើម និងធ្វើឱ្យពិបាកដកដង្ហើម។ ខណៈដែលនារីៗយើង បានដឹងពីអាការដូចពោលពីខាងលើ អ្នកគួរតែបញ្ឈប់ការប្រើប្រាស់ក្រែមលាបបបូរមាត់ម៉ាកនោះជាបន្ទាន់ ដើម្បីការពារមិនឱ្យកើតមានអាការចាញ់ និងគ្រោះថ្នាក់កាន់តែខ្លាំងឡើងចំពោះបបូរមាត់ និងសុខភាពរាងកាយរបស់អ្នក។
គន្លឹះក្នុងការថែរក្សា និងចៀសវាងពីគ្រោះថ្នាក់អាក្រក់ចំពោះបបូរមាត់មានដូចជា ៖
1. ចៀសវាងប្រើប្រាស់ក្រែមលាបបបូរមាត់ដែលផ្សំឡើងពីសារធាតុគីមី ដែលមានក្លិនក្រអូបដូចជាទឹកអប់ ព្រោះវាជាមូលហេតុមួយដែលធ្វើឱ្យកើតមានអាការចាញ់ ហើយអ្នកគួរតែផ្លាស់ប្ដូរទៅប្រើក្រែមដែលមានក្លិន និងពណ៌ស្រាល ព្រោះថាវាមានសាធាតុគីមីតិចជាង។
2. នៅពេលដែលអ្នកមានអារម្មណ៍ថា បបូរមាត់របស់អ្នកឡើងស្ងួត ប្រេះ របក ឬរលាត់នោះ សូមកុំលិឍរឹមបបូរមាត់ឱ្យសោះ ព្រោះវាអាចបណ្ដាលឱ្យបបូរមាត់របស់អ្នកកាន់តែស្ងួតឡើង និងងាយរបក ព្រមទាំងឆាប់ខ្មៅបបូរមាត់កាន់តែខ្លាំងជាងមុនទៅទៀត។
3. ទទួលទានទឹកឱ្យបានគ្រប់គ្រាន់ ព្រោះសារធាតុទឹកនឹងរត់ទៅជួយបំពេញភាពស្ងួតឱ្យត្រឡប់ទៅជាមានសំណើមឡើងវិញ និងមិនធ្វើឱ្យបបូរមាត់ប្រះទៀតផង។
4. លាបក្រែមព្យាបាលបបូរមាត់ ដែលមានការណែនាំពីគ្រូពេទ្យជំនាញ និងត្រូវបញ្ឈប់ការប្រើប្រាស់ក្រែមដែលធ្វើឱ្យមានការប្រតិកម្មចំពោះស្បែកបបូរមាត់។ វិធីណែនាំដ៏ល្អបំផុតគឺប្រើក្រែមលាបបបូរមាត់ដែលមិនមានពណ៌ និងមិនមានក្លិន ព្រោះវាមានសារធាតុគីមីមិនច្រើន។
5. ថែរក្សាអនាម័យបបូរមាត់ និងប្រើប្រាស់ថ្នាំតាមវេជ្ជបញ្ជា ដើម្បីធ្វើការព្យាបាលបបូរមាត់ឱ្យបានទៀងទាត់។
6. ប្រញាប់ទៅជួបគ្រូពេទ្យជំនាញជាបន្ទាប់បើអ្នកសង្ស័យថា មានអាការចាញ់ក្រែមលាបបបូរមាត់ ដោយមិនបង្អែបង្អង់ទុកយូរ៕
May 18, 2018
កាន់តែរីករាយ និងទាន់សម័យជាមួយនឹងការផ្តល់ជូនសេវាស្នាក់នៅពីសណ្ឋាគារ PHNOM PENH KATARI HOTEL
Phnom Penh Katari Hotel គឺជាឈ្មោះសណ្ឋាគារលំដាប់ស្ដង់ដារអន្តរជាតិ បែបទាន់សម័យ និងប្រណីតភាពបំផុត ស្ថិតនៅចំកណ្តាលនៃបេះដូងរាជធានីភ្នំពេញ ដែលជាមជ្ឈមណ្ឌល ពាណិជ្ជកម្មយ៉ាងសំខាន់បំផុតរបស់ប្រទេសកម្ពុជា ខណៈដែលបច្ចុប្បន្ន សណ្ឋាគារដ៏ទំនើបមួយនេះកំពុងតែទទួលបានការចាប់អារម្មណ៍គាំទ្រយ៉ាងលើសលប់ពីសំណាក់អតិថិជនជាតិ និងអន្តរជាតិ ជាពិសេស អ្នកជំនួញធំៗតែម្ដង ទៅលើការផ្តល់ជូននូវសេវាកម្មយ៉ាងល្អឥតខ្ចោះ ទាំងផ្នែកសេវាស្នាក់នៅ សេវាម្ហូបអាហារ ក៏ដូចជាសេវារៀបចំពិធីទទួលបដិសណ្ឋារកិច្ចនៃកិច្ចប្រជុំខ្នាតតូច និងមធ្យមផងដែរ។ បន្ថែមពីនេះដើម្បីបំពេញទៅតាមតម្រូវការរបស់អតិថិជនដែលមានបំណងចង់ទទួលទានអាហារ និងភេសជ្ជៈបណ្តែតអារម្មណ៍នាពេលរាត្រីបែបរ៉ូមែនទិកឥឡូវនេះ Phnom Penh Katari Hotel បានបង្កើនភាពឆើតឆាយរបស់ខ្លួនកាន់តែប្រសើរជាងមុនជាមួយនឹងកន្លែងទទួលទានអាហារ និងភេសជ្ជៈពេលរាត្រីយ៉ាងស្រស់ស្អាតគួរជាទីទាក់ទាញ ដែលស័ក្តិសមនឹងកិត្តិយសរបស់លោកអ្នកតែម្តង។
ស្ថិតនៅចំកណ្តាលតំបន់ដែលប្រមូលផ្តុំទៅដោយអភិជន និងក្រុមហ៊ុនបរទេសជាច្រើន Phnom Penh Katari Hotel អគារលេខ61 ផ្លូវ294 សង្កាត់បឹងកេងកង1 ខណ្ឌចំការមន រាជធានីភ្នំពេញ ត្រូវបានគេស្គាល់ថាជាសណ្ឋាគារដែលមានរូបរាងស្រស់ស្អាតមានកម្ពស់13ជាន់ ស្មើនឹង61បន្ទប់ ប្រកបដោយលក្ខណៈស្ដង់ដារអន្តរជាតិ ជាមួយនឹងការផ្តល់ជូននូវសេវាកម្មយ៉ាងល្អឥតខ្ចោះពីសំណាក់បុគ្គលិកប្រុស-ស្រីជាច្រើននាក់ ដែលសុទ្ធតែបានឆ្លងកាត់វគ្គបណ្តុះបណ្តាលជំនាញផ្នែកបដិសណ្ឋារកិច្ចយ៉ាងត្រឹមត្រូវ។
លោក កែម ភារម្យ នាយកគ្រប់គ្រងទូទៅបានឱ្យដឹងថា សណ្ឋាគារ Phnom Penh Katari Hotel បានបើកដំណើរការប្រមាណជា3ឆ្នាំ កន្លងទៅហើយ ដោយក្នុងរយៈពេលកន្លងទៅនេះ គឺទទួលបានការគាំទ្រពីសំណាក់អតិថិជនច្រើនគួរសម ដែលភាគច្រើនអ្នកដែលមកទទួលសេវាស្នាក់នៅនៅទីនេះ គឺជាអ្នកជំនួញធំៗមកពីក្រៅស្រុកដែលជាជនជាតិបរទេស។ លោកបានបញ្ជាក់ថែមទៀតថា ហេតុផលដែលធ្វើឱ្យអ្នកទាំងនោះងាកមកចាប់អារម្មណ៍ទទួលយកសេវាស្នាក់នៅ ក៏ដូចជាសេវាម្ហូបអាហារនៅសណ្ឋាគារ Phnom Penh Katari Hotel ក៏ព្រោះតែអ្នក ទាំងនោះមានការជឿទុកចិត្តមកលើគុណភាពរួម ដែលមានដូចជា បរិយាកាសនៅក្នុងសណ្ឋាគារ ភាពប្រណីតនៃការតុបតែងលម្អនៅក្នុងបន្ទប់នីមួយៗ ភាពល្អឥតខ្ចោះនៃការផ្តល់សេវាពីសំណាក់បុគ្គលិកដែលពោរពេញទៅដោយភាពរួសរាយរាក់ទាក់ ក៏ដូចជាភាពល្អប្រសើរនៃរសជាតិម្ហូបអាហារ និងភេសជ្ជៈដែលមានបម្រើនៅក្នុងសណ្ឋាគារផ្ទាល់តែម្ដង។ ម៉្យាងវិញទៀត ទីតាំងរបស់ Phnom Penh Katari Hotel គឺមានភាពប្រសើរជាងគេបំផុតត្រង់ថា នៅជុំវិញសណ្ឋាគារ គឺជាបណ្តុំនៃផ្សារទំនើប ហាងលក់សម្ភារៈ និងទំនិញផ្សេងៗ ហាងកាហ្វេទំនើប សាលាបរទេស និងមន្ទីរពេទ្យឯកជនជាដើម។
ដោយឡែក ចំពោះសេវាបម្រើវិញ នៅក្នុងសណ្ឋាគារលំដាប់ស្ដង់ដារអន្តរជាតិ ដែលប្រកបដោយប្រណីតភាពមួយនេះវិញ កាន់តែមានភាពអស្ចារ្យ និងប្រសើរជាងបណ្តាសណ្ឋាគារដទៃទៀតដែលកំពុងដំណើរការនៅក្នុងរាជធានីភ្នំពេញ ដែលក្រៅពីមានបន្ទប់យ៉ាងស្រស់ស្អាត នៅមានសាលប្រជុំរួមខ្នាតមធ្យមដែលអាចទទួលភ្ញៀវបានជាង30នាក់ផងដែរ។ បន្ថែមពីនេះ ជាការបង្កនូវភាពងាយស្រួលដល់បណ្តាអតិថិជន ក៏ដូចជាភ្ញៀវទេសចរជាតិអន្តរជាតិដែលមកស្នាក់នៅក្នុងសណ្ឋាគារ Phnom Penh Katari Hotel ខាងសណ្ឋាគារបានធ្វើកាបែងចែកនូវកម្រិតនៃបន្ទប់ចំនួន4ខុសប្លែកពីគ្នាសម្រាប់ឱ្យអតិថិជនជ្រើសរើស ដែលក្នុងនោះរួមមានដូចជា ទីធ្លា និងបរិយាកាសនៅក្នុងបន្ទប់ សម្ភារៈប្រើប្រាស់ ក៏ដូចជាការផ្តល់ជូនផ្សេងៗទៀត ដែលសុទ្ធតែមានភាពប្រណីត និងទំនើបស្របតាមបច្ចេកវិទ្យានាសម័យកាលក្នុងពេលបច្ចុប្បន្ននេះ ហើយអ្វីដែលរឹតតែអស្ចារ្យនោះ គ្រប់បន្ទប់ គ្រប់កម្រិតទាំងអស់ សុទ្ធតែមានបំពាក់ទៅដោយប្រព័ន្ធសុវត្ថិភាព ផ្តល់ជូនការប្រើប្រាស់អីុនធឺ-ណែតគ្មានដែនកំណត់ និងមានប្រសិទ្ធភាពខ្ពស់ ដែលអាចធ្វើឱ្យអារម្មណ៍របស់ភ្ញៀវដែលចូលមកស្នាក់នៅមានក្ដីរំភើប និងរីករាយសប្បាយចិត្តមិនអាចបំភ្លេចបាន។ ដោយឡែក នៅជាន់ទី12នៃអគារ ដែលភ្ញៀវទាំងអស់អាចឡើងតាមជណ្តើរយន្តមានសុវត្ថិភាពខ្ពស់ មានអាងហែលទឹកដ៏ស្រស់ស្អាត ក៏ដូចជា Sky Bar ដែលស្ថិតនជាន់ទី13 ដែលអនុញ្ញាតឱ្យភ្ញៀវអង្គុយគយគន់សម្រស់រាជធានីភ្នំពេញនាពេលរាត្រី ជាមួយនឹងការក្រេបនូវរសជាតិស្រាក្រឡុក ក៏ដូចជាភេសជ្ជៈផ្សេងៗយ៉ាងសម្បូរបែប ដែលពោរពេញទៅដោយភាពរ៉ូមែនទិកជាទីបំផុត។ ជាមួយគ្នានេះ សណ្ឋាគារក៏មានកន្លែងហាត់ប្រាណយ៉ាងទូលាយ ដែលបំពាក់ទៅដោយឧបករណ៍ និងម៉ាស៊ីនហាត់ប្រាណស្វ័យប្រវត្តិដ៏ទំនើបសម្រាប់បម្រើជូនអតិថិជនទាំងអស់ផងដែរ។
ជាមួយគ្នានេះដែរ នៅផ្នែកខាងក្រោមនៃសណ្ឋាគារ Phnom Penh Katari Hotel ក៏មានកន្លែងទទួលទានកាហ្វេដ៏ស្រស់ស្អាតមួយទៀតដែលកាន់តែផ្តល់នូវភាពងាយស្រួលសម្រាប់ការធ្វើការជាលក្ខណៈឯកជន ឬពិភាក្សាការងារផ្សេងៗជាមួយដៃគូមុខជំនួញផងដែរ។ បន្ថែមពីនេះ លោកអ្នកក៏អាចកុម្ម៉ង់ម្ហូបអាហារ និងភេសជ្ជៈយ៉ាងសម្បូរបែប ដែលបានកែច្នៃ និងបង្កើតឡើងដោយអ្នកជំនាញ មានបទពិសោធជាច្រើនឆ្នាំ ដើម្បីទទួលទាននៅនឹងកន្លែង ឬនៅក្នុងបន្ទប់គេងក៏បាន។ ដោយឡែកសម្រាប់ជាន់លំហអាកាសនៅជាន់ទី13 ដែលជា Sky Bar ដែលមានទីធ្លាធំទូលាយអាចអនុញ្ញាតឱ្យលោកអ្នកគយគន់សម្រស់រាជធានីភ្នំពេញ នាពេលរាត្រីនោះ ក៏មានទទួលរៀបចំពិធីផ្សេងៗផងដែរ ដូចជា ពិធីខួបកំណើត ឬពិធីជប់លៀងដែលអាចទទួលភ្ញៀវកិត្តិយសបានប្រមាណជាង30នាក់។
សូមមកទទួលយកនូវសេវាបម្រើដ៏ល្អឥតខ្ចោះពីសណ្ឋាគារ Phnom Penh Katari Hotel ទាំងអស់គ្នា!
May 18, 2018