ទន្តពេទ្យជំនាញបានបង្ហើបឱ្យដឹងពីព័ត៌មានដ៏គួរឱ្យចាប់អារម្មណ៍មួយពាក់ព័ន្ធនឹងការថែរក្សាសុខភាពប្រអប់មាត់ និងធ្មេញ ដូច្នេះចូរសាកល្បងពិនិត្យមើលទៅមើល៍ថា តើរាល់ថ្ងៃនេះ យើងបានដុសសម្អាតធ្មេញត្រឹមត្រូវតាមវិធីដែលទន្តពេទ្យបានប្រាប់ឱ្យដឹងដែរឬទេ?
1. ឈប់យកច្រាសដុសធ្មេញដែលច្របាច់ថ្នាំដុសធ្មេញដាក់ពីលើហើយទៅជ្រលក់ក្នុងទឹក ឬឆ្លងកាត់ទឹកមុនយកមកដុសធ្មេញ..
មនុស្សជាច្រើននឹងខ្ពុរមាត់ ហើយយកច្រាសដុសធ្មេញទៅជ្រលក់ទឹកមុននឹងចាប់ផ្ដើមដុសសម្អាតធ្មេញ ធ្វើដូច្នេះ នៅពេលច្រាសទទឹកទឹក នឹងធ្វើឱ្យមានទឹកនៅក្នុងមាត់ច្រើន ថ្នាំដុសធ្មេញក៏នឹងរលាយយ៉ាងឆាប់រហ័ស ក្លាយជាពពុះពេញក្នុងមាត់។ បន្ទាប់ពីនោះ ក៏នឹងហូរកក្លាក់ចុះមកតាមកដៃមកដល់កែងដៃ រួចក៏ត្រូវប្រញាប់ដុសធ្មេញ និងខ្ពុរមាត់ចេញយ៉ាងលឿន រហូតដល់ចប់ការដុសធ្មេញទាំងមិនដល់2នាទីផង។
ដូច្នេះ មុនច្របាច់ថ្នាំដុសធ្មេញដាក់ច្រាស អាចធ្វើការសម្អាតច្រាសដុសធ្មេញដោយទឹកស្អាត ហើយគោះទឹកចេញឱ្យអស់ ឬស្ងួតល្មម មុននឹងដុសសម្អាតធ្មេញ។ ចូរធ្វើការសម្អាតប្រអប់មាត់ត្រួសៗ(ដោយការខ្ពុរមាត់នឹងទឹក) ដើម្បីយកកម្ទេចអាហារដែលជាប់នៅតាមកន្លុក-កន្លៀតជើងធ្មេញចេញឱ្យអស់ជាមុនសិន។
2. ឈប់ខ្ពុរមាត់បន្ទាប់ពីដុសធ្មេញហើយភ្លាម
(គ្រាន់តែស្ដោះពពុះថ្នាំដុសធ្មេញចេញឱ្យអស់ ឬខ្ពុរមាត់ត្រឹមតែ 1ដងក្រោយពេលដុសធ្មេញ)។ បរិមាណថ្នាំដុសធ្មេញដែលនៅសល់បន្តិចបន្តួច(បន្ទាប់ពីស្ដោះចេញ ឬខ្ពុរចេញ 1ដង)ដែលអាចនឹងត្រូវលេបចូលទៅក្នុងពោះនោះ មិនបង្កឱ្យមានគ្រោះថ្នាក់អ្វីទេ។
មានការសិក្សាស្រាវជ្រាវរឿងមួយដែលល្បីល្បាញយ៉ាងខ្លាំងកាលពីឆ្នាំ1992 នៅទីក្រុង ណត់ទិងហ៊ែម ប្រទេសអង់គ្លេសបានរកឃើញថា កុមារដែលដុសធ្មេញហើយខ្ពុរមាត់ដោយយកមាត់ទៅហាត្រង់ទឹកចេញពីក្បាលរ៉ូប៊ីណេ(ហើយខ្ពុរមាត់ឃ្លុកៗ)មានធ្មេញពុកតិចជាងកុមារដែលខ្ពុរមាត់ដោយទឹកក្នុងកែវ។ បន្ទាប់ពីនោះ ក៏មានការងារសិក្សាស្រាវជ្រាវផ្សេងៗទៀតតាមមកជាច្រើនដើម្បីពិនិត្យមើល និងបានអះអាងចំពោះរឿងនោះដូចៗគ្នា រហូតដល់ខាងសមាគមទន្តពេទ្យនៃប្រទេសអង់គ្លេសសរុបចេញមកជាការណែនាំថា “មិនត្រូវខ្ពុរមាត់ ក្រោយដុសធ្មេញហើយភ្លាមទេ”។
3. កុំអាលញ៉ាំអាហារ ឬញ៉ាំទឹកអ្វី
(រួមទាំងទឹកសុទ្ធផង)យ៉ាងហោចណាស់កន្លះម៉ោងបន្ទាប់ពីដុសធ្មេញ គឺដើម្បីឱ្យ ហ្វ្ល័រអូរ៉ាយ បានបញ្ចេញ ឫទ្ធិការពារធ្មេញពុកយ៉ាងពេញទំហឹង៕
អ្នកនឹងមិនខកខានទស្សនាខ្សែភាពយន្តប្រភេទរ៉ូមែនទិកខំមេឌីមួយរឿងណាឡើយ ហើយពេលនេះក៏កំពុងតាមរកស្នេហាពិត ដូចជាគូរបស់ អ៊ែលលី និងណូអាហ៍ក្នុងខ្សែភាពយន្តរឿង The Notebook ដែរ។ អ្នកនឹងបានដឹងភ្លាមតែម្ដងថា គេម្នាក់នោះគឺជាបុរសក្នុងក្ដីសុបិនរបស់អ្នក បើគេប្រគល់ក្ដីស្នេហ៍ ការយកចិត្តទុកដាក់ និងវត្ថុអនុស្សាវរីយ៍ជូនអ្នកយ៉ាងសន្ធឹកសន្ធាប់ ខណៈពេលកំពុងខ្សិបពាក្យពេចន៍ដ៏ពីរោះនៅក្បែរត្រចៀកក្នុងអំឡុងពេលដែលអ្នកទាំងគូកំពុងញ៉ាំអាហារពេលល្ងាចនៅពីមុខផ្ទាំងទឹកជ្រោះធ្លាក់ដែលគេរៀបចំទុកជាមុន ព្រមជាមួយវង់តន្ត្រីដែលអ្នកជួលមកកំពុងប្រគំបទភ្លេងសំណព្វចិត្តរបស់អ្នក។ អូ…ពិតជាវិសេសមែន! មិនចម្លែកឡើយដែលអ្នកនឹងស្រមើស្រមៃរកភាពរ៉ូមែនទិកពីមនុស្សប្រុសណាម្នាក់ តែកុំភ្លេចថា មនុស្សប្រុសនៅក្នុងជីវិតពិត គ្មានផ្លូវដូច រ៉ៃអាន់ ហ្កស្ល៊ីង ក្នុងខ្សែភាពយន្តឡើយ។
អ្នកមិនមែនជាមនុស្សល្ងង់ អ្នកជាមនុស្សដែលមានបទពិសោធជោកជាំ ហើយម៉ាស៊ីនចាប់កំហុសរបស់អ្នកក៏ច្បាស់ដូចថ្ងៃទៀត!(ប្រហែលជាត្រូវបានសាងឡើងដោយអង្គការណាសា)…។ នៅពេលអ្នកជួបមនុស្សប្រុស អ្នកនឹងមិនបង្ហាញអាកប្បកិរិយាអ្វីចេញមកភ្លាមៗនោះទេ តែនឹងសន្និដ្ឋានទុកជាមុនថា គេម្នាក់នោះគឺ អាល្ងង់ម្នាក់ រួចហើយសឹមស្វែងរកចំណុចមកពិសោធតាមក្រោយថា មិនមែនទេ។ អ្នកធ្លាប់ខកស្នេហ៍ និងគ្មានថ្ងៃបណ្ដោយឱ្យវាកើតឡើងម្ដងទៀតឡើយ។ ពិតហើយដែលយើងត្រូវតែពិសោធថាតើបុរសម្នាក់នោះមានតម្លៃគ្រប់គ្រាន់ឬទេ?មុននឹងបណ្ដោយឱ្យគេដើរចូលមកក្នុងជីវិត…តែការខ្លាច ឬប្រយ័ត្នខ្លាំងជ្រុលពេក អាចក្លាយជាការរារាំង ឬកាត់បន្ថយឱកាសរបស់ខ្លួនឯង… ដូច្នេះចូរបើកចិត្តឱ្យទូលាយ និងប្រើឱកាសនោះឱ្យបានល្អបំផុត។
អ្នកប្រៀបដូចជាគ្រាប់បែកដ៏ក្ដៅគគុក និងមានមន្តស្នេហ៍ ដែលប្រាកដណាស់ថា អ្នកច្បាស់ជាបានទទួលការចាប់អារម្មណ៍ពីកំលោះៗជាច្រើន… តែបើគេមិនធ្វើតាមអ្វីដែលអ្នកទាមទារ ដែលវាកាន់តែច្រើនឡើងជារឿយៗនោះ ធានាថា អ្នកត្រៀមកៀរគេទម្លាក់ចោលមិនខាន។ មិត្តភក្តិរបស់អ្នកធ្លាប់ប្រាប់ថា អ្នករឿងច្រើនណាស់ តែអ្នកបដិសេធយ៉ាងដាច់អហង្ការ អ្នកអះអាងថា អ្នកមានស្តង់ដារបស់អ្នក(ក្នុងការរើសមនុស្សប្រុសមកធ្វើជាគូ)។ ចូរចាំទុកថា ស្នេហាគឺជាការផ្សងព្រេង មិនអាចស្មានអ្វីទុកមុនបានឡើយ ដូច្នេះពេលមាននរណាម្នាក់ដើរចូលមក តែមិនបានដូចនឹងអ្វីដែលអ្នកនឹករំពឹងទុកទាំងអស់នោះ ចូរហែកស្តង់ដារបស់អ្នកចោលសិនទៅ ហើយពិចារណាពីបុរសម្នាក់នោះជាចំណុចៗទៅប្រសើរជាង មិនដូច្នោះទេ អ្នកអាចនឹងខកខានបទពិសោធអ្វីម្យ៉ាងដែលគួរឱ្យស្ងើចរួមទាំងគេម្នាក់នោះអាចជាបុរស ក្នុងក្ដីសុបិនរបស់អ្នកផងក៏អាចថាបានដែរ។
អ៊ូយស្លាប់ហើយ! នេះវាមិនមែនជារឿងការស្វែងរកបុរសក្នុងក្ដីសុបិនមិនឃើញទេណា! តែជារឿងដែលអ្នកចូលចិត្តគ្រប់តែបុរសទាំងអស់តែម្ដង។ បុរសម្នាក់នេះគួរឱ្យធុញទ្រាន់ តែយ៉ាងហោចណាស់ ក៏គេសង្ហាដែរណា៎ ឬបុរសម្នាក់នោះ គ្មានកើតជាការអីទាំងអស់ តែយ៉ាងហោចណាស់ក៏ស្រួលនិយាយគ្នា។ មិត្តភក្តិរបស់អ្នកគិតថា អ្នកជាមនុស្សចម្លែកដែលគ្មានកំណត់លក្ខណសម្បត្តិរបស់មនុស្សប្រុស និងប្រាប់ថា អ្នកគ្មានស្តង់ដារ តែអ្នកគ្មានខ្វល់អ្វីបន្តិចសោះឡើយ ថែមទាំងគិតថា មិត្តភក្តិគេច្រណែននឹងអ្នកទៀតផង…។ ការបើកចិត្ត គឺជារឿងល្អ តែការបើកធំទូលាយធំជ្រុលពេក ក៏មិនកើតដែរ អ្នកគួរផ្ដល់ពេលវេលាឱ្យខ្លួនឯងចំពោះការសេពគប់នឹងនរណាម្នាក់ ដើម្បីសង្កេតមើលថា ការពិតទៅ តើអ្នកត្រូវការអ្វីពិតប្រាកដ? ហើយជឿចុះ តែបន្តិចទៅ អ្នកនឹងក្លាយខ្លួនជានាងកញ្ញាមហារើសជាមិនខាន។
អ្នកក៏ស្រដៀងៗនឹងកញ្ញាអ្នកស្នេហាមិនរើសមុខដែរ គឺជជែក ឬសេពគប់ជាមួយអ្នកណាក៏បាន តែហេតុផលរបស់អ្នកនឹងខុសប្លែកពីគេ។ អ្នកធុញទ្រាន់ក្នុងការទៅដើរលេងជាមួយមនុស្សប្រុស តែក៏ខ្លាចថានឹងត្រូវនៅ(លីវ) ម្នាក់ឯងដែរ។ អ្នកត្រូវតែមាននរណាម្នាក់នៅជាមួយជាប់រហូត មិនដូច្នោះទេ អ្នកក៏ត្រូវគេងមើលរឿងភាគស្នេហាអន់ៗយ៉ាងកណ្ដោចកណ្ដែងព្រមជាមួយនំ1កញ្ចប់ធំ… ដំណោះស្រាយដែលអ្នកធ្វើ ក៏គឺខំព្យាយាមយ៉ាងខ្លាំងក្លាក្នុងការស្វែងរកនរណាម្នាក់មកកំដរកាយ…។អ្នកត្រូវតែបោះចោលការគិតពាក់ព័ន្ធនឹងការស្វែងរកគូដើរលេងកម្សាន្ត និងរឿងមនុស្សប្រុសចេញពីខួរក្បាលមួយរយៈ ហើយរស់នៅឱ្យសប្បាយរីករាយ ឈប់បង្ខំខ្លួនឯង និងថយមកក្រោយវិញ 1ជំហាន គ្រវាត់សម្ពាធផ្លូវចិត្តចោល ហើយចេញទៅដើរលេងជាមួយបុរសណាម្នាក់ដែលអ្នកគិតថាអូខេ នោះអ្នកនឹងត្រឡប់មករីករាយជាថ្មីម្ដងទៀតមិនខាន។
អ្នកគ្រប់គ្រាន់ហើយជាមួយខ្សែភាពយន្តស្នេហារ៉ូមែនទិក ព្រោះវាធ្វើឱ្យអ្នកមួម៉ៅ ព្រោះអ្នកបានដឹងហើយថា ស្នេហាវាហេងស៊យប៉ុនណា… អ្នកសាកល្បងហើយ តែវាមិនបានជោគជ័យ ចុងក្រោយអ្នកបានត្រឹមតែប្រើវិធីងាយៗសប្បាយៗនៅក្នុងបន្ទប់គេងរបស់ខ្លួនឯង និងបណ្ដោយខ្លួនតាមសប្បាយ។ អ្នកគិតថា ពួកមនុស្សទាំងអស់នោះស្រឡាញ់គ្នា តែឆាកចុងក្រោយ បន្តិចទៅក៏គង់តែត្រូវលែងលះគ្នា… យើងគ្រាន់តែមិនត្រូវការឱ្យខ្លួនឯងមានអារម្មណ៍លំបាកវេទនាជាមួយស្នេហាខ្លាំងជាងហ្នឹងទៀតតែប៉ុណ្ណោះ។
ក្រោមបទពិសោធន៍ជាង11ឆ្នាំលើវិស័យកាយសម្បទាសាច់ដុំនេះ លោក អុិត សុធា នឹងបើកជាក្លឹបហាត់ប្រាណលំដាប់អន្តរជាតិមួយនៅក្នុងប្រទេសកម្ពុជានាពេលខាងមុខនេះ ដោយក្លឹបហាត់ប្រាណរបស់លោកនឹងបំពាក់ដោយគ្រឿងឧបករណ៍ហាត់ប្រាណគ្រប់សព្វបែបយ៉ាង ដែលសុទ្ធសឹងតែជាឧបករណ៍មានគុណភាពខ្ពស់ ត្រូវតាមស្តង់ដារ ដើម្បីបណ្តុះបណ្តាលកូនខ្មែរគ្រប់រូបឱ្យចេះស្រឡាញ់សុខភាពខ្លួនឯង ចេះគ្រប់គ្រងទម្ងន់ និងចេះគ្រប់គ្រងរបបអាហាររបស់ខ្លួនឱ្យបានត្រឹមត្រូវតាំងពីវ័យ12ឆ្នាំឡើងទៅ ដើម្បីមានឱកាសបានចូលរួមប្រកួតបើកមុខមាត់ជូនមាតុប្រទេសនៅលើឆាកអន្តរជាតិជារៀងរាល់ឆ្នាំ ដោយលោកនឹង ផ្តល់ឯកសិទ្ធិយ៉ាងពិសេសជូនយុវវ័យកម្ពុជា ដែលមានអាយុចាប់ពី12ឆ្នាំដល់18ឆ្នាំ ដើម្បីចូលរួមហ្វឹកហាត់ និងមកហាត់ប្រាណដើម្បីសុខភាពនៅក្នុងក្លឹបរបស់លោក ដោយឥតគិតថ្លៃ ព្រមជាមួយនឹងការផ្តល់ជូននូវគ្រូបង្វឹកដែលមានបទពិសោធន៍ត្រឹមត្រូវ ដើម្បីបង្វឹកពួកគេដោយផ្ទាល់ផងដែរ។ ហើយចំពោះបេក្ខជន ដែលមានបំណងចង់ដាក់ពាក្យចូលរួមប្រកួតនៅក្នុងកម្មវិធី Mister United World Cambodia គឺត្រូវមានកាយសម្បទារឹងមាំ មានកម្ពស់ចាប់ពី1.70ម៉ែត្រ ដល់1.82ម៉ែត្រ និងមានអាយុចាប់ពី19ឆ្នាំដល់32ឆ្នាំ ដោយលោកអ្នកអាចទំនាក់ទំនង និងសាកសួរព័ត៌មានលម្អិតតាមរយៈគេហទំព័រ MNST ទាំងតាមរយៈបណ្តាញសង្គមហ្វេសបុក និងតាមរយៈគេហទំព័ររបស់ក្រុមហ៊ុន MNST ដែលជាក្រុម-ហ៊ុនរបស់លោក អុិត សុធា ដោយផ្ទាល់ ហើយរាល់ព័ត៌មានផ្សេងៗនឹងមានបង្ហាញជូននៅក្នុងគេហទំព័រ MNST នេះជាបន្តបន្ទាប់។
