ក្រុមហ៊ុន Luxury Smile Beauty Group Co., LTD បានចុះហត្ថលេខាផ្តល់សិទ្ធិជាផ្លូវការដល់ក្រុមហ៊ុន Secret Lady Co., LTD ចែកចាយផ្តាច់មុខនូវផលិតផល Secret Lady Soap និង Secret Lady Love ដោយបានប្រារព្ធពិធីសម្ពោធយ៉ាងអធិកអធមកាលពីថ្ងៃទី6 ខែកញ្ញា ឆ្នាំ2019 នៅភោជនីយដ្ឋានទន្លេបាសាក់2។
លោកឧកញ៉ា ចិត្រ សេរីសុភ័ក្ត្រ បានលើកឡើងថា ក្រុមហ៊ុន Luxury Smile Beauty Group Co., LTD ជាអ្នកបង្កើតម៉ាកសញ្ញាធំជាងគេនៅកម្ពុជា ដែលមានរោងចក្រធំប្រកបដោយស្តង់ដាខ្ពស់នៅប្រទេសថៃ និងនាំចូល ចែកចាយ រួមទាំងផ្តល់សិទ្ធិចែកចាយគ្រឿងថែរក្សាសម្ផស្សជាច្រើនមុខដល់ក្រុមហ៊ុននានាក្នុងទីផ្សារកម្ពុជា។ វិស័យថែរក្សាសម្ផស្ស ជាវិស័យដែលកំពុងមានសម្ទុះខ្លាំង និងមានសក្តានុពលទាំងពេលបច្ចុប្បន្ន និងអនាគត ព្រោះកាលណាប្រជាជនចាប់ផ្តើមមានជីវភាពធូរធា អ្វីដែលពួកគាត់គិតគូរខ្លាំង គឺគុណភាពជីវិត ឬគុណភាពនៃការរស់នៅឱ្យកាន់តែប្រសើរឡើង ហេតុនេះទើបរូបសម្ផស្ស គឺជាអ្វីដែលមនុស្សគ្រប់គ្នាផ្តោតការយកចិត្តទុកដាក់មុនគេ។ ការជ្រើសរើសធ្វើអាជីវកម្មផ្នែកសម្ផស្ស គឺដូចជាកំពុងរើសបានដុំពេជ្រយ៉ាងធំ ដែលធ្វើឱ្យយើងគ្រប់គ្នារីកចម្រើនយ៉ាងខ្លាំង ដោយសារតែវាជាអ្វីដែលអាចឆ្លើយតបជាមួយនឹងតម្រូវការទីផ្សារបានយ៉ាងល្អ។
លោកឧកញ៉ា ចិត្រ សេរីសុភ័ក្ត្រ បានមានប្រសាសន៍ថា៖ «ចាប់ពីពេលនេះតទៅ មនុស្សគ្រប់គ្នានឹងចាប់ផ្តើមចំណាយកាន់តែច្រើនលើការថែរក្សាសម្ផស្ស ហើយអ្វីដែលសុភាពបុរស និងសុភាពនារីចង់បាន គឺភាពស្រស់ស្អាតចេញពីខាងក្នុង។ ដោយមើលឃើញពីចំណុចនេះហើយ ទើបយើងបានផលិតនូវផលិតផលប្រកបដោយគុណភាពខ្ពស់ ដើម្បីជំរុញភាពស្រស់ស្អាតប្រកបដោយគុណតម្លៃពីខាងក្នុង។ ជាក់ស្តែង ផលិតផល Secret Lady ដែលបានសម្ពោធនៅថ្ងៃនេះ ជាផលិតផលមួយដែលមានគុណភាពខ្ពស់ មានសុវត្ថិភាព និងអាចផ្តល់ជូននូវភាពស្រស់ស្អាតពីខាងក្នុងយ៉ាងពិតប្រាកដ»។
លោកឧកញ៉ា បានបន្ថែមទៀតថា បច្ចុប្បន្ននេះ ស្របពេលដែលសម្ទុះនៃការគាំទ្រផលិតផលថែរក្សាសម្ផស្សកាន់តែមានតម្រូវការខ្លាំង ដៃគូសហការជាច្រើនបានផ្តោតទំនុកចិត្តលើក្រុមហ៊ុន Luxury Smile Beauty Group Co., LTD ដើម្បីបង្កើតផលិតផល និងម៉ាកសញ្ញាដើម្បីចូលរួមចំណែកផ្តល់ភាពស្រស់ស្អាតដល់ប្រជាជនកម្ពុជាគ្រប់រូប។ ការសហការជាមួយក្រុមហ៊ុន Luxury Smile Beauty Group Co., LTD នឹងទទួលបាននូវការប្រឹក្សាពីសេវាផ្លូវច្បាប់ យុទ្ធសាស្រ្តទីផ្សារ គុណភាព និងទំនុកចិត្តខ្ពស់លើវិស័យថែរក្សាសម្ផស្ស។
លោកស្រី កែ ហេងសីហា បានលើកឡើងថា លោកស្រីមានសេចក្តីរំភើប និងរីករាយជាខ្លាំងដែលបានសហការជាមួយក្រុមហ៊ុន Luxury Smile Beauty Group Co., LTD ដាក់សម្ពោធផលិតផល Secret Lady Soap និងផលិតផល Secret Lady Love នៅថ្ងៃនេះ។ ផលិតផលទាំង 2នេះជាផលិតផលដែលបង្កើតឡើងដោយផ្តោតសំខាន់លើតម្លៃសមរម្យ ធានាគុណភាពខ្ពស់ និងសុវត្ថិភាពជាចម្បង។ លោកស្រីបានសង្កត់ធ្ងន់ថា ផលិតផលរបស់ Secret Lady ជាផលិតផលដែលមានគុណភាពស្តង់ដាខ្ពស់ និងមានតម្លៃសមរម្យអាចទទួលយកបានបើប្រើបធៀបលើការចំណាយយ៉ាងខ្ពស់សម្រាប់ការទៅព្យាបាលនៅគ្លីនិក ឬនៅមន្ទីរពេទ្យ។ ផលិតផលរបស់ Secret Lady ជាផលិតផលដែលអាចធានាបាននូវគុណភាពល្អ 100% ព្រោះអ្វីដែលក្រុមហ៊ុនផ្តោតគឺភាពយូរអង្វែងក្នុងការគាំទ្រ ប្រសិនបើផលិតផលមានគុណភាពល្អ និងមានប្រសិទ្ធភាពពិតប្រាកដនោះ សុភាពនារីនឹងបន្តគាំទ្រ ដែលនេះជាគោលដៅសំខាន់ក្នុងការអភិវឌ្ឍប្រកបដោយនិរន្តភាព។ លើសពីនេះទៅទៀត លោកស្រីបញ្ជាក់ថា សុវត្ថិភាពក៏ជាចំណុចសំខាន់មិនអាចខ្វះបានផងដែរសម្រាប់ចក្ខុវិស័យជារួមរបស់ក្រុមហ៊ុន ព្រោះអ្វីដែលលោកស្រីចង់ឃើញ គឺអ្នកប្រើប្រាស់ទាំងអស់មានភាពជឿជាក់លើខ្លួនឯង រួមទាំងមានសុវត្ថិភាពមិនប៉ះពាល់ដល់សុខភាពទាំងពេលកំពុងប្រើ និងមិនផ្តល់ផលប៉ះពាល់ទៅថ្ងៃខាងមុខ។
គួរបញ្ជាក់ផងដែរថា ក្រុមហ៊ុន Luxury Smile Beauty Group Co., LTD ដែលជាក្រុមហ៊ុនបង្កើតម៉ាកសញ្ញាគ្រឿងសម្អាងធំជាងគេបំផុតនៅកម្ពុជា និងមានរោងចក្រផលិតយ៉ាងធំនៅប្រទេសថៃ នឹងរៀបចំឱ្យមានកម្មវិធី Asean Successful CEO Award 2019 នៅផ្សារទំនើប AEON Mall សែនសុខ នៅថ្ងៃទី08 ខែវិច្ឆិកា ខាងមុខនេះក្រោយមអធិបតីភាពលោកជំទាវ ឳ វណ្ណឌីន រដ្ឋលេខាធិការក្រសួងសុខាភិបាល ដោយក្នុងនោះក្រុមហ៊ុន Secret Lady ក៏មានវត្តមានចូលរួមក្នុងកម្មវិធីនេះផងដែរ។ កម្មវិធីដ៏មានសារៈសំខាន់នេះនឹងមានការចូលរួមពីម្ចាស់អាជីវកម្ម និងអគ្គនាយកស្ថាប័នផ្នែកសម្ផស្ស រួមទាំងពាណិជ្ជករល្បីៗជាច្រើនរូបទៀតនៅកម្ពុជា៕
Author: ធឿន មករា
ក្រុមហ៊ុន Luxury Smile Beauty Group Co., LTD ចុះហត្ថលេខាផ្តល់សិទ្ធិជាផ្លូវការដល់ក្រុមហ៊ុន Secret Lady ចែកចាយផលិតផលផ្តាច់មុខនៅកម្ពុជា
មូលហេតុបណ្តាលឱ្យស្ត្រីជ្រុះសក់បាត់បង់សម្រស់
មិនថាស្ត្រីស្ថិតនៅក្នុងវ័យណានោះទេ តែងតែជួបនឹងបញ្ហាជ្រុះសក់ ហើយការជ្រុះសក់នេះបានធ្វើឱ្យស្ត្រីយើងមើលទៅចាស់ជាងវ័យ និងបាត់បង់ភាពទាក់ទាញរបស់ខ្លួន។ បញ្ហាជ្រុះសក់ចំពោះបុរសបានក្លាយទៅជារឿងធម្មតាទៅហើយ ទោះជាបុរសមានក្បាលទំពែកក៏មិនមានបញ្ហាអ្វីចោតឡើងធំដុំដែរ ប៉ុន្តែបើបញ្ហានេះកើតមានចំពោះស្ត្រីវិញ វាគឺជារឿងមួយដ៏គួរឱ្យអាម៉ាស និងជាបញ្ហាធ្ងន់ធ្ងរបំផុត ពីព្រោះភាពស្រស់ស្អាតគឺជាអ្វីដែលស្ត្រីគ្រប់រូបតែងប៉ងប្រាថ្នា ហើយការជ្រុះសក់នេះបានធ្វើឱ្យស្ត្រីបាត់បង់នូវភាពស្រស់ស្អាតរបស់ខ្លួន រហូតដល់ធ្វើឱ្យពួកគេមិនហ៊ានចេញទៅជួបនឹងមនុស្សនៅខាងក្រៅក៏បាន។ ជាក់ស្តែង ស្ត្រីភាគច្រើនតែងជួបនូវបញ្ហាជ្រុះសក់នេះនៅក្នុងជីវភាពរស់នៅរបស់ពួកគេជារៀងរាល់ថ្ងៃ ហើយសក់របស់ពួកគេកាន់តែតិច និងស្តើងទៅៗនៅពេលពួកគេឈានដល់វ័យចំណាស់។ បញ្ហាជ្រុះសក់នេះបានធ្វើឱ្យស្ត្រីទាំងអស់មានការឈឺចាប់ជាខ្លាំង។ ដូច្នេះសូមស្វែងយល់អំពីមូលហេតុ ដែលបណ្តាលឱ្យស្ត្រីភាគច្រើនជួបនឹងបញ្ហាជ្រុះសក់នេះ ដើម្បីឱ្យអ្នកអាចចាត់វិធានការការពារបញ្ហាជ្រុះសក់នេះបានទាន់ពេលវេលា និងយ៉ាងហោចណាស់ក៏អាចទប់ស្កាត់បញ្ហាជ្រុះសក់ឱ្យមានតិចតួចបំផុតតាមតែអាចធ្វើទៅបាន។
ការគេងមិនលក់
បញ្ហាគេងមិនលក់ គឺជាមូលហេតុដ៏សាមញ្មួយ ដែលធ្វើឱ្យសក់ជ្រុះ ហើយបញ្ហានេះកើតមានទាំងបុរស ទាំងស្ត្រី។ បញ្ហាគេងមិនលក់នេះកើតឡើងដោយសារតែពួកគេជួបនឹងបញ្ហាជាច្រើន ដែលធ្វើឱ្យពួកគេមានអារម្មណ៍តានតឹងខ្លាំង (ស្ត្រេស) ដូចជា បញ្ហាការងារ បញ្ហាការសិក្សា និងបញ្ហាមុខជំនួញរបស់ពួកគេជាដើម។ ស្ត្រេសបានធ្វើឱ្យប្រព័ន្ធអរម៉ូននៅក្នុងខ្លួនមនុស្សមានការប្រែប្រួល ដែលនាំឱ្យអ្នកជ្រុះសក់ដោយមិនដឹងខ្លួន។ ការប្រតិកម្មជាមួយនឹងថ្នាំ ដែលអ្នកប្រើប្រាស់ក៏ជាមូលហេតុធ្វើឱ្យអ្នកមានបញ្ហាជ្រុះសក់ផងដែរ។ ស្ត្រេសបានធ្វើឱ្យអ្នកគេងមិនលក់ ហើយការគេងមិនលក់ជាច្រើនថ្ងៃនឹងធ្វើឱ្យឫសសក់របស់អ្នកចុះខ្សោយរហូតដល់សក់ជ្រុះជាបន្តបន្ទាប់ជារៀងរាល់ថ្ងៃក្នុងបរិមាណច្រើនលើសពីធម្មតា។ បញ្ហាជ្រុះសក់ដោយសារការគេងមិនលក់នេះ កើតមានចំពោះមនុស្សគ្រប់វ័យ មិនថាជាមនុស្សវ័យជំទង់ មនុស្សវ័យកណ្តាល ឬមនុស្សវ័យចំណាស់នោះទេ។ បញ្ហាគេងមិនលក់នេះអាចនឹងបាត់ទៅវិញ ឬអាចនឹងកើតឡើងវិញជារឿយៗនៅពេលអ្នកជួបនឹងរឿងត្រូវគិតច្រើន ដែលបង្កទៅជាអារម្មណ៍ស្ត្រេស។
ដំណពូជ
បញ្ហាដំណពូជនេះគឺជាមូលហេតុដ៏ចម្បងដែលបង្កឱ្យសក់ជ្រុះស្ទើរទំពែកអស់ពីក្បាល ជាពិសេសបញ្ហានេះច្រើនកើតមានចំពោះមនុស្សប្រុសច្រើនជាងមនុស្សស្រី។ បញ្ហាដំណពូជនេះតែងបន្តពីឪពុកម្តាយមកដល់កូនរបស់ពួកគេ ហើយបើឪពុកម្តាយមានសក់ស្តើង ឬក្បាលទំពែកហើយនោះ កូនរបស់ពួកគេកម្រនឹងគេចផុតពីបញ្ហាដំណពូជនេះណាស់ ជាពិសេសកូនប្រុសរបស់ពួកគេនឹងមានសក់ស្តើង ឬក្បាលទំពែកដូចឪពុករបស់ពួកគេដែរ។ ការជ្រុះសក់នេះបង្កដោយជាតិគីមីម្យ៉ាងដែលមានឈ្មោះថា DHT កើតឡើងពីអរម៉ូនរបស់មនុស្សប្រុស ដោយហេតុនេះហើយបានជាបញ្ហានេះច្រើនកើតមានចំពោះមនុស្សប្រុសច្រើនជាងមនុស្សស្រី។ ចំពោះមនុស្សស្រីបើកើតមានបញ្ហាជ្រុះសក់ ដោយសារដំណពូជនេះ ភាគច្រើនតែងកើតមាននៅពេលស្ត្រីចាប់ផ្តើមអស់រដូវ។
ជំងឺទំពែក (សក់ជ្រុះមិនដុះវិញ)
ជំងឺនេះកើតឡើងដោយសារកោសិកាឈាមសនៅក្នុងខ្លួនរបស់អ្នកធ្វើឱ្យរន្ធនៃឫសសក់រួញតូចរហូតធ្វើឱ្យសក់មិនអាចដុះឡើងវិញបាន ហើយជាទូទៅសក់អាចនឹងមិនដុះលូតលាស់ជាច្រើនខែ ឬជាច្រើនឆ្នាំ បន្ទាប់មកទើបមានសក់ថ្មីដុះឡើងវិញខ្លះ។ ជំងឺទំពែកនេះបានធ្វើឱ្យសក់របស់អ្នកជ្រុះរហូតស្ទើរអស់ពីក្បាល ហើយត្រូវប្រើរយៈពេលយូរណាស់ ដើម្បីឱ្យសក់ថ្មីដុះឡើងវិញ ឬអាចនឹងមិនដុះសក់ថ្មីឡើងវិញក៏ថាបាន។ ជំងឺនេះអាចនឹងកើតមានឡើងវិញ បន្ទាប់ពីសក់ថ្មីបានដុះមកវិញ ហើយជំងឺនេះពិបាករកដំណោះស្រាយ និងវិធានការដើម្បីទប់ស្កាត់ខ្លាំងណាស់។ បញ្ហាសក់ជ្រុះរបស់មនុស្សស្រី និងមនុស្សប្រុសមានលក្ខណៈខុសគ្នា ចំពោះមនុស្សប្រុសអាចនឹងមានបទពិសោធច្រើនជាងក្នុងបញ្ហាជ្រុះសក់រហូតទំពែកអស់ពីក្បាល ចំណែកឯមនុស្សស្រីវិញ គឺគ្រាន់តែជ្រុះសក់ច្រើនរហូតធ្វើឱ្យសក់ស្តើងអាចមើលឃើញលលាដ៏ក្បាលប៉ុណ្ណោះ។ បញ្ហាជ្រុះសក់នេះបើកើតមានចំពោះមនុស្សប្រុសគឺពិបាកនឹងធ្វើការបិទបាំងខ្លាំងណាស់ ប៉ុន្តែបើមនុស្សស្រីវិញ ពួកគេអាចទុកសក់ឱ្យវែង ដើម្បីជួយបិទបាំងមិនឱ្យមនុស្សនៅជុំវិញខ្លួនមើលដឹងថា ពួកគេកំពុងជួបនឹងបញ្ហាជ្រុះសក់ ឬមានសក់ស្តើងមើលឃើញលលាដ៏ក្បាល។ ប៉ុន្តែទោះជាយ៉ាងណាក៏ដោយ ;ការបិទបាំងគឺមិនមែនជាដំណោះស្រាយដ៏ល្អនៅក្នុងបញ្ហាជ្រុះសក់នេះទេ អ្វីដែលអ្នកត្រូវធ្វើនោះគឺត្រូវរកវិធីព្យាបាល និងទប់ស្កាត់បញ្ហាជ្រុះសក់នេះឱ្យបានទាន់ពេលវេលា ដើម្បីការពារសក់របស់អ្នកមិនឱ្យជ្រុះតទៅទៀត និងដើម្បីថែរក្សាសម្រស់របស់អ្នកឱ្យស្រស់ផូរផង់ថែមទៀតផង៕
សៀវភៅ ភាពជាអ្នកមានកំពូល គឺជាគម្ពីរអ្នកមានសម្រាប់មនុស្សគ្រប់គ្នា និងគ្រប់គ្រួសារ
តើសៀវភៅភាពជាអ្នកមានកំពូល ជាសៀវភៅអ្វី? សៀវភៅនេះ គឺជាសៀវភៅដែលបានធ្វើការឆ្លុះបញ្ចាំងពីជីវិត ពីគំនិត ពីទស្សនៈ ពីការចាប់ផ្តើមអាជីវកម្ម ពីភាពជាអ្នកដឹកនាំ និងពីរូបភាពខ្លឹមសារសំខាន់ៗរបស់កំពូលអ្នកមានលើលោកចំនួន30រូប ថាតើពួកគេធ្វើម៉េច បានក្លាយជាកំពូលអ្នកមាននៅលើលោកយើងនេះ? តើពួកគេមានប្រភពមកពីណា និងធ្វើយ៉ាងដូចម្តេច បានអាចក្លាយជាអ្នកមានកំពូល នៅក្នុងបរិបទពិភពលោកពោរពេញទៅដោយការប្រកួតប្រជែង ការផ្លាស់ប្តូរ និងការប្រឈមនេះ? តើពួកគេទាំង30រូបនេះ មានទ្រព្យសម្បត្តិ និងឥទ្ធិពលខ្លាំងយ៉ាងណា? តើហេតុអ្វីបានជាពួកគេសឹងតែជាអ្នកបង្កើតឱ្យមានពិភពលោក ដែលយើងកំពុងរស់នៅសព្វថ្ងៃនេះ?
តើសៀវភៅភាពជាអ្នកមានកំពូល កើតឡើងយ៉ាងដូចម្តេច? សៀវភៅនេះ គឺជាលទ្ធផលនៃការសិក្សាស្រាវជ្រាវរយៈពេល3ឆ្នាំពេញ និង5ឆ្នាំមិនពេញ ពីប្រភពសៀវភៅ ពីអីុនធើណិត និងពី You Tubeជាច្រើន ដោយផ្តោតទៅលើសំណួរថា តើពួកគេធ្វើយ៉ាងម៉េចបានក្លាយជាកំពូលអ្នកមាន ជាពិសេសតើពួកគេមានគំនិត មានសកម្មភាព និងមានភាពជាអ្នកដឹកនាំយ៉ាងដូចម្តេច? សៀវភៅនេះ គឺបានធ្វើការសិក្សាស្រាវជ្រាវពីឯកសារដែលមានស្រាប់ជាច្រើនប្រភព យកមកពិនិត្យពិចារណា យកមកផ្ទៀងផ្ទាត់ យកមករៀបរៀងនិងចងក្រងមាតិកា និងធ្វើការ-កែលម្អម្តងហើយម្តងទៀត រហូតទាល់ពេញចិត្ត ដោយមិនយកពីសៀវភៅណាមួយ ឬធ្វើតាមគំរូសៀវភៅណាមួយឡើយ។ ចំនួនមនុស្ស30នាក់ គឺចេញពីកំណត់ដោយខ្លួនឯង ការបែងចែកជា6ក្រុម និងការជ្រើសរើសលំដាប់កំពូលមនុស្សទាំង5ក្នុងអាណាចក្រនីមួយៗ គឺធ្វើឡើងដោយខ្លួនឯង។
ការដាក់រូបភាព ការរំលេចគំនិតឬគតិបណ្ឌិត ការរចនាទំព័រនីមួយៗ គឺជាគំនិត ដើម្បីទាក់ទាញឱ្យមនុស្សចូលចិត្តអាន ងាយចាប់បានចំណុចខ្លឹមសំខាន់ៗ និងយល់ច្បាស់ពីហេតុផលរបស់កំពូលអ្នកមានម្នាក់។
សៀវភៅនេះអាចនិយាយបានថា គឺមានតែ១គត់នៅលើលោក ព្រោះវាកើតឡើងពីការខិតខំ ការច្នៃប្រឌិតរបស់ខ្ញុំ និងក្រុមការងារ។
តើហេតុអ្វីបានជាយើងខ្ញុំអ្នកស្រាវជ្រាវភាពជាអ្នកដឹកនាំ សរសេរសៀវភៅភាពជាអ្នកមានកំពូល?ការដែលបានក្លាយជាអ្នកដឹកនាំ គឺជាគោលបំណងដ៏ពិសិដ្ឋ និងដ៏ធំមហិមារបស់មនុស្សជាតិ។ មនុស្សដែលមានភាពជាអ្នកដឹកនាំ គឺអាចចាប់ផ្តើមពីអ្វីៗគ្រប់យ៉ាង មិនថាពួកគេនៅទីតាំងណាទេ តែពួកគេសុទ្ធតែអាចចាប់ផ្តើម ដើម្បីក្លាយជាអ្នកដឹកនាំ។ ពួកគេអាចកំណត់គោលដៅ និងជោគវាសនារបស់ខ្លួន តែមនុស្សភាគច្រើនបំផុតតែងនិយាយថា ខ្លួនគ្មានសិទ្ធិ គ្មានសេរីភាព គ្មានឱកាស និងគ្មានអំណាចដើម្បីធ្វើអ្វីដែលខ្លួនចង់ដើម្បីសម្រេចអ្វីដែលខ្លួនប្រាថ្នា ពោលគឺ ដោយសារតែប្រាក់។ ប្រាក់ គឺហាក់បីដូចជារបាំង និងជារនាំងមួយយ៉ាងធំបំផុត ដែលមនុស្សមិនងាយបំបែកបានឡើយ។ ដោយសារតែប្រាក់ បានធ្វើឱ្យមនុស្សធ្វើអ្វីដែលខ្លួនមិនចង់ និងទទួលបានអ្វីដែលខ្លួនមិនប្រាថ្នា។ ដោយសារតែប្រាក់បានធ្វើឱ្យមនុស្សប្រាថ្នាផ្សេង និងធ្វើផ្សឹង។ ដោយសារតែប្រាក់ បានធ្វើឱ្យមនុស្សមានតែសេចក្តីប្រាថ្នា តែគ្មានសកម្មភាព និងរស់ដោយការឈឺចាប់។
មានមនុស្សច្រើនណាស់ បានក្លាយជាមនុស្សគ្មានគុណធម៌ គ្មានសច្ចធម៌ គ្មានសីលធម៌ និងបានប្រព្រឹត្តអំពើថោកទាប ឃោរឃៅ ព្រៃផ្សៃមិនស្មើសត្វតិរច្ឆាន គឺដោយសារតែប្រាក់។ មានរឿងរ៉ាវច្រើនណាស់នៅលើលោកយើងនេះ គឺដោយសារតែប្រាក់ ដូចជា ប្តីប្រពន្ធឈ្លោះគ្នា លែងលះគ្នា ធ្វើឱ្យកូនរងទុក្ខវេទនា និរាសព្រាត់ប្រាស និងគ្មានសុភមង្គល។
ប្តីប្រពន្ធបង្ខំចិត្តចាកឆ្ងាយចោលគ្នា ឬចាកចោលគ្រួសារ ទៅធ្វើការនៅទីក្រុង ឬនៅបរទេស ទុកឱ្យកូនក្រុមគ្រួសារ មានភាពរងាឯកា ពេលឈឺពេលជាគ្មានភាពកក់ក្តៅ។ ឪពុកម្តាយកូនបងប្អូនឈ្លោះគ្នា ដណ្តើមទ្រព្យសម្បត្តិគ្នា ទាមទារកេរអាករគ្នា កាត់កាល់គ្នាចោល បាត់បង់អស់នូវភាពជាសាច់ឈាមនឹងគ្នា។ ឪពុកម្តាយលក់ខ្លួន លក់ឧត្តមគតិ លក់មនសិការ ឬកូនលក់ខ្លួន ដើម្បីជីវភាពគ្រួសារ បាត់បង់អស់នូវអនាគត កិត្តិយស សីលធម៌ និងគុណធម៌។ បងប្អូនឈ្លោះគ្នា កិបកេងប្រវ័ញ្ចគ្នា ក្បត់គ្នា កាត់កាល់គ្នាចោលបាត់បង់អស់នូវភាពជាបងប្អូននឹងគ្នា។ មិត្តភក្តិឈ្លោះគ្នា កុហកបោកប្រាស់គ្នា គុំកួនសងសឹកគ្នាបាត់បង់អស់នូវចំណងមិត្តភាព សាមគ្គីភាព និងកិច្ចសហការល្អយូរអង្វែង។ មនុស្សប្រព្រឹត្តអំពើហិង្សា លួច ឆក់ ប្លន់ សម្លាប់គ្នា បាត់បង់អស់នូវភាពជាមនុស្សដូចគ្នា។ល។
តើមនុស្សបង្កើតប្រាក់ ឬប្រាក់បង្កើតមនុស្ស? តើហេតុអ្វីបានជាមនុស្សច្រើនណាស់មិនអាចរស់ពីលើប្រាក់បាន? មនុស្សរស់នៅមានក្បាលជាអ្នកដឹកនាំបញ្ជា មានន័យថាមនុស្សមានខួរ មានវិចារណញ្ញាណ មានសុភវិនិច្ឆ័យ ចេះគិត ចេះវិភាគ ចេះថ្លឹងថ្លែង ចេះពិចារណា ចេះដឹងល្អអាក្រក់.. ចុះបើមនុស្សត្រូវបានដឹកនាំបញ្ជាដោយប្រាក់ មានន័យថាមនុស្សគ្មានខួរ គ្មានវិចារណញ្ញាណ គ្មានសុភវិនិច្ឆ័យ មិនចេះគិត មិនចេះវិភាគ មិនចេះថ្លឹងថ្លែង មិនចេះពិចារណា មិនដឹងល្អអាក្រក់… តើអនិច្ចាមនុស្សជាតិនេះនឹងទៅជាយ៉ាងណា? បើមនុស្សរស់ដោយឥតចេះពិចារណាដូចជាសត្វ មនុស្សរស់ឥតចេះគិតដូចជាវត្ថុ តើតម្លៃជីវិតមនុស្សជាតិនេះ នឹងទៅជាយ៉ាងដូចម្តេចទៅ?
តើសៀវភៅភាពជាអ្នកមានកំពូល មានគោលដៅអ្វី? សៀវភៅនេះ មានគោលដៅទី1 – ជាសៀវភៅឆន្ទៈចូលរួមជួយឱ្យមនុស្សជាតិយើងរស់ផុតពីប្រាក់ រស់ផុតពីភាពឥតដឹងអី និងមករស់ក្នុងវិចារណញ្ញាណជាមនុស្ស រស់ក្នុងភាពថ្លៃថ្នូរ រស់ក្នុងភាពកិត្តិយស និងកសាងឧត្តមភាពខាងក្នុង ពោលគឺភាពជាអ្នកដឹកនាំ ដោយធ្វើការចាប់ផ្តើមពីអ្វីដែលខ្លួនមាន ដើម្បីសម្រេចនូវអ្វីដែលខ្លួនប្រាថ្នា ដោយគ្មានលេសអ្វីដែលទាក់ទងនឹងប្រាក់ទៀតឡើយ។
ទី2 – ជាសៀវភៅមហិច្ឆតាបណ្តុះឆន្ទៈឱ្យប្រជាពលរដ្ឋកម្ពុជាយើងមានជំនឿថា ពួកយើងក៏អាចធ្វើបានដូចកំពូលអ្នកមានលើលោកទាំង3០រូបនោះដែរ។ ភាពជាអ្នកមានកំពូលទាំង3០រូបខាងលើ គឺពួកគេបានធ្វើការចាប់ផ្តើមពីគ្រប់ជ្រុងនៃជីវិត។ ដូច្នេះប្រជាពលរដ្ឋកម្ពុជាយើង ក៏អាចចាប់ផ្តើមនិងក្លាយជាអ្នកមានកំពូលនៅលើលោកយើងនេះបានដែរ។
ទី3 – ជាសៀវភៅចម្លើយដើម្បីក្លាយជាអ្នកមាន។មនុស្សគ្រប់គ្នា គឺចង់ក្លាយជាអ្នកមាន ហើយសំណួរបន្ទាប់ តើធ្វើម៉េច? ដូច្នេះសៀវភៅនេះ គឺជាសៀវភៅចម្លើយ។ សៀវភៅសម្រាប់មនុស្សគ្រប់គ្នា និងគ្រប់គ្រួសារ។ សៀវភៅនេះ មានចម្លើយរហូតដល់3០គំរូឬ3០វិធី ដើម្បីក្លាយជាអ្នកមាន។
ទី4 – ជាសៀវភៅសុបិន ប្រាថ្នាចង់ឃើញប្រជាពលរដ្ឋកម្ពុជាយើងម្នាក់ៗ រស់ខ្ពស់ជាងប្រាក់។ មនុស្សបង្កើតប្រាក់ មិនមែនប្រាក់បង្កើតមនុស្សទេ។ មនុស្សថ្លៃជាងប្រាក់ មិនមែនប្រាក់ថ្លៃជាងមនុស្សទេ។ មនុស្សបង្កើតមកដើម្បីស្រឡាញ់ ប្រាក់បង្កើតមកដើម្បីប្រើប្រាស់ ដូច្នេះ មនុស្សមិនគួរក្លាយជាទាសកររបស់ប្រាក់ឡើយ។
ទី5 – ជាសៀវភៅអនុវត្តឬជាគម្ពីរអ្នកមាន ដែលបង្ហាញប្រជាពលរដ្ឋកម្ពុជាយើងម្នាក់ៗ ឱ្យរកឃើញនិងដឹងច្បាស់ពីរបៀបឬផ្លូវ ដើម្បីក្លាយជាអ្នកមានកំពូលនៅលើលោកយើងនេះ។ អាន3០ដង ដើម្បីកសាងចរិតជាអ្នកមាន និងក្លាយជាអ្នកមានពិតប្រាកដ៕ដោយលោក ហោ ចាន់រដ្ឋា អ្នកស្រាវជ្រាវភាពជាអ្នកដឹកនាំ និងជាអ្នកនិពន្ធសៀវភៅ ភាពជាអ្នកមានកំពូល៕
បច្ចេកវិទ្យាឌីជីថលវិស័យទេសចរណ៍ ក៏ជាកត្តាសំខាន់ក្នុងការជំរុញកំណើនភ្ញៀវទេសចរឆ្នាំ2020
មន្ត្រីក្រសួងទេសចរណ៍បានចាត់ទុកថា ការប្រើប្រាស់ប្រព័ន្ធបច្ចេកវិទ្យាឌីជីថលបាននិងកំពុងរួមចំណែកក្នុងវិស័យទេសចរណ៍យ៉ាងខ្លាំងក្នុងការជំរុញកំណើនភ្ញៀវទេសចរ ប៉ុន្តែវាទាមទារជាចាំបាច់នូវការបណ្ដុះបណ្ដាលបំប៉នសមត្ថភាពបន្ថែមដល់មន្ត្រី និងអ្នកពាក់ព័ន្ធក្នុងវិស័យទេសចរណ៍។ នេះបើតាមប្រសាសន៍របស់ឯកឧត្ដមរដ្ឋលេខាធិការក្រសួងទេសចរណ៍។
ឯកឧត្តម ហោ មុនីរ័ត្ន រដ្ឋលេខាធិការក្រសួងទេសចរណ៍ បានថ្លែងយ៉ាងដូច្នេះនៅក្នុងពិធីបិទវគ្គបណ្តុះបណ្តាលស្តីពី “ការអភិវឌ្ឍ និងការគ្រប់គ្រងឧស្សាហកម្មទេសចរណ៍កម្ពុជា ឆ្ពោះទៅឧស្សាហកម្ម 4.0” ដែលបានប្រព្រឹត្តទៅរយៈពេល 10ថ្ងៃដោយមានប្រធានបទសំខាន់ៗមួយចំនួន ដូចជា៖ 1- ការស្វែងយល់អំពីការប្រើប្រាស់បច្ចេកវិទ្យាឌីជីថលក្នុងការបង្កើតអាជីវកម្ម Online,ECommerce។ 2- របៀបនៃការសិក្សា និងវិភាគទីផ្សារ ជំរុញការ-ផ្សព្វផ្សាយផលិតផល និងពង្រឹងគុណភាពសេវាកម្មទេសចរណ៍ដោយប្រើបច្ចេកវិទ្យាឌីជីថល។ 3- ការកែទម្រង់នៃការធ្វើធុរកិច្ចពី Offline to Online ដែលកំពុងមាននិន្នាការកើនឡើង ដូចករណីOnline Travel Agent (OTA)។ 4- ការប្រើប្រាស់បច្ចេកវិទ្យាក្នុងការគ្រប់គ្រងគោលដៅទេសចរណ៍ដោយប្រើបច្ចេកវិទ្យា Internet of Things,V Rand AR, GPS Technology។ 5- ការស្វែងយល់ពីអនាគតនៃវិស័យទេសចរណ៍ តាមរយៈការវិវឌ្ឍនៃឧស្សាហកម្ម 4.0 ជាដើម។
ឯកឧត្តម រដ្ឋលេខាធិការបានឱ្យដឹងថា ទាំងអស់នេះសុទ្ធតែជាបច្ចេកវិទ្យាថ្មីៗ ដែលពិភពលោកកំពុងប្រើប្រាស់នាពេលបច្ចុប្បន្ន និងទៅអនាគត ហើយបានក្លាយទៅជាកត្តាចម្បង ចូលរួមក្នុងការអភិវឌ្ឍឧស្សាហកម្មទេសចរណ៍ ប្រកបដោយការប្រកួតប្រជែងខ្ពស់។ ការបណ្ដុះបណ្ដាលធនធានមនុស្សជាភារកិច្ចចម្បង ដែលមិនអាចមើលរំលងបាន ក្នុងការឆ្លើយតបនឹងកំណើន 2ខ្ទង់ នៃទេសចរអន្តរជាតិដែលមកកម្ពុជាជារៀងរាល់ឆ្នាំ។
មន្ត្រីជាន់ខ្ពស់ក្រសួងទេសចរណ៍រូបនេះក៏បានបញ្ជាក់ដែរថា នៅឆ្នាំ2020 កម្ពុជានឹងទទួលបានភ្ញៀវទេសចរជាង 7លាននាក់ ដែលនឹងនាំមកនូវចំណូលប្រមាណ 5ប៊ីលានដុល្លារ បង្កើតឱកាសការងារបានប្រមាណជិត 1លាននាក់ និងនៅឆ្នាំ2030 អាចនឹងទទួលបានទេសចរអន្តរជាតិប្រមាណ 15លាននាក់ហើយនឹងនាំមកនូវចំណូលប្រមាណ 10ប៊ីលានដុល្លារបង្កើតឱកាសការងារប្រមាណជិត 2លាននាក់។
ឯកឧត្តមក៏បានណែនាំឱ្យមន្ត្រីរាជការ និងប្រតិបត្តិករទេសចរណ៍ទាំងអស់ត្រូវយកចិត្តទុកដាក់លើការប្រើប្រាស់បច្ចេកវិទ្យាឌីជីថលនេះឱ្យបានល្អប្រសើរ ធ្វើយ៉ាងណាដើរឱ្យទាន់ការរីកចម្រើនរបស់ពិភពលោកនាសម័យទំនើបនេះ។
ស្របតាមចក្ខុវិស័យ នៃផែនការយុទ្ធសាស្ត្រអភិវឌ្ឍន៍ធនធានមនុស្សក្នុងវិស័យទេសចរណ៍ 2017-2025 នៅឆ្នាំ2020 ក្រសួងទេសចរណ៍ ត្រូវជំរុញឱ្យអ្នកជំនាញយ៉ាងតិច 50% ត្រូវមានវិញ្ញាបនបត្រ ឬសញ្ញាបត្របញ្ជាក់សមត្ថភាពស្របតាមស្តង់ដាជាតិ និងអាស៊ាន តាមរយៈការបណ្តុះ បណ្តាល ឬការវាយតម្លៃសមត្ថភាព ហើយនៅឆ្នាំ2025 ត្រូវសម្រេចឱ្យបានយុទ្ធនាការ “បុគ្គលិក ម្នាក់ជំនាញមួយ”ពោលគឺជំរុញឱ្យអ្នកជំនាញទេសចរណ៍ទាំងអស់ត្រូវមានវិញ្ញាបនបត្រ ឬសញ្ញាបត្រ បញ្ជាក់សមត្ថភាព។
ឯកឧត្តម ហោ មុនីរ័ត្ន បានលើកឡើងថា វិស័យទេសចរណ៍កម្ពុជា បាននាំចំណូលចូលសេដ្ឋកិច្ចជាតិ ប្រមាណ 4,375លានដុល្លារ ស្មើនឹង 12.7% នៃផលិតផលក្នុងស្រុកសរុប (GDP) និងបានបង្កើតការងារផ្ទាល់ជាង 62ម៉ឺននាក់ ស្មើនឹង 13% នៃការងារសរុប។
ឯកឧត្ដមក៏បានលើកឡើងដែរអំពីសារៈសំខាន់នៃទីផ្សារប្រទេសចិនដែលចាំបាច់ត្រូវបំពេញតាមតម្រូវការដ៏ធំធេងនៃផ្នែកផ្សព្វផ្សាយ ទីផ្សារ រចនាសម្ព័ន្ធ និងធនធានមនុស្សប្រកបដោយសមត្ថភាពក្នុងវិស័យទេសចរណ៍។
កាលពីខែកក្កដាកន្លងទៅ កម្ពុជាក៏បានប្រកាសដាក់ឱ្យប្រើប្រាស់ App “Kingdom of Wonder” ជាផ្លូវការនៅលើទូរស័ព្ទដៃ ឬ Mobile Application ផងដែរ ដើម្បីផ្សព្វផ្សាយគោលដៅទេសចរណ៍របស់កម្ពុជាតាមប្រព័ន្ធឌីជីថលទៅកាន់ទីផ្សារទេសចរណ៍ពិភពលោក ឱ្យកាន់តែមានសក្កានុពលបន្ថែមទៀត។
App “Kingdom of Wonder”ដែលអាចប្រើនៅលើទូរស័ព្ទដៃនេះ គឺអាចឱ្យពលរដ្ឋ ពិសេសទេសចរជាតិ-អន្តរជាតិទាញយក (Download ) ដោយឥតគិតថ្លៃ នៅក្នុងប្រព័ន្ធប្រតិបត្តិការ IOS (App Store) និងក្នុងប្រព័ន្ធប្រតិបត្តិការ Android (Play Store) ដែលពិធីប្រកាសឱ្យប្រើប្រាស់App នេះ បានប្រព្រឹត្តទៅកាលពីថ្ងៃទី16 កក្កដា ឆ្នាំ2019 នៅសណ្ឋាគារសុខា ខេត្តសៀមរាប ក្រោមអធិបតីភាព លោក គុជ បញ្ញាសាអនុរដ្ឋលេខាធិការក្រសួងទេសចរណ៍។
បើតាមលោក គុជ បញ្ញាសា App “Kingdom ofWonder” គឺជាបណ្តុំព័ត៌មានទេសចរណ៍សំខាន់ៗរបស់កម្ពុជា រួមមានគោលដៅទេសចរណ៍ ព្រឹត្តិការណ៍ទេសចរណ៍ ផែនទីទេសចរណ៍ ជើងហោះហើរ អាកាសធាតុ ភោជនីយដ្ឋាន កន្លែងស្នាក់នៅ មធ្យោបាយធ្វើដំណើរក្នុងស្រុក និងព័ត៌មានសំខាន់ៗដទៃទៀត ដែលផ្តល់ភាពងាយស្រួលក្នុងការស្វែងរកព័ត៌មាន និងគ្រប់ជ្រុងជ្រោយសម្រាប់ភ្ញៀវទេសចរ ដែលមានបំណងមកកម្សាន្តនៅកម្ពុជា ទាំងពេលបច្ចុប្បន្ន និងអនាគត។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា មានប្រសាសន៍ប្រាប់ឡារ៉ែន ពាណិជ្ជថា៖“វិស័យទេសចរណ៍យើងដើរមកដល់យុគសម័យនេះហើយ យើងត្រូវការ បច្ចេកវិទ្យា Digital ជាចាំបាច់ បើយើងក្រឡេកមើលទៅការវិវឌ្ឍរបស់ពិភពលោក ឬប្រទេសអាស៊ានជាដើម គេដើរមុនយើងបាត់ទៅហើយ គឺគេងាកទៅរកបច្ចេកវិទ្យា Digital គ្រប់កន្លែងហើយ។
លោកជំទាវ បានមានប្រសាសន៍បន្ថែមទៀតថា៖“ដូច្នេះយើងត្រូវបត់បែនខ្លួនទៅតាមគេ នេះគឺជារឿងសំខាន់នៅក្នុងវិស័យទេសចរណ៍យើង ដើម្បីឱ្យភ្ញៀវទេសចរបានឆែកមើលព័ត៌មានឱ្យបានទូលំទូលាយអំពីកម្ពុជា ថាតើគេអាចទៅលេងបាននៅឯណាខ្លះ? គេអាចមើលឃើញថា មានអ្វីខ្លះ? គេអាចធ្វើផែនការទុកមុន គេមិនចាំបាច់មកដល់ទើបបានធ្វើការស្រាវជ្រាវនោះទេ គេរៀបផែនការទុកមុនបាន ប្រសិនបើមានការជួយពីបច្ចេកវិទ្យាឌីជីថលនេះ គេក៏អាចក្តាប់ព័ត៌មានសំខាន់ៗពីកន្លែងទេសចរណ៍ដែលយើងមានបានយ៉ាងងាយ។
លោកជំទាវ ឆាយ ស៊ីវលីន ក៏បានបញ្ជាក់ផងដែរថា៖“ដូច្នេះយើងពិតជាត្រូវការនូវបច្ចេកវិទ្យា Digital ដែលពិតជាសំខាន់នៅក្នុងវិស័យទេសចរណ៍ ហើយបាននិងកំពុងដាក់ឱ្យអនុវត្តនូវយុទ្ធសាស្ត្រនេះ។ វាក៏មានភាពចាំបាច់ណាស់ដែរក្នុងការជំរុញកំណើន និងអភិវឌ្ឍន៍វិស័យទេសចរណ៍”៕
ទទួលទានម្សៅទឹកដោះគោស្រស់ Australian Dairies ដើម្បីសុខភាពល្អ អស់កង្វល់ចំពោះបញ្ហាឆ្អឹង
ម្សៅទឹកដោះគោស្រស់ Australian Dairies គឺជាម្សៅទឹកដោះគោដ៏មានគុណតម្លៃខ្ពស់ចំពោះសុខភាព ដែលជាផលិតផលរបស់ប្រទេសអូស្ត្រាលី អាចញ៉ាំបានគ្រប់វ័យ មិនថា កុមារមនុស្សពេញវ័យ អ្នកវ័យកណ្តាល ឬមនុស្សចាស់នោះទេ ដោយផលិតផលម្សៅទឹកដោះគោស្រស់ Australian Dairies មាន 4ជម្រើសសម្រាប់មនុស្សគ្រប់វ័យ។ ម្សៅទឹកដោះគោស្រស់ Australian Dairies នាំចូលផ្តាច់មុខដោយក្រុមហ៊ុន CNE Wellness ដែលជាក្រុមហ៊ុននាំចូលផលិត-ផលថែរក្សាសុខភាព ហើយនាពេលបច្ចុប្បន្ននេះ ក្រុមហ៊ុន CNE Wellness បានធ្វើការចែកចាយផលិតផលម្សៅទឹកដោះគោស្រស់ Australian Dairies នៅស្ទើរតែគ្រប់25ខេត្តក្រុងក្នុងព្រះរាជាណាចក្រកម្ពុជា ដោយទទួលបានការគាំទ្រពីសំណាក់ប្រជាជនខ្មែរគ្រប់ស្រទាប់វណ្ណៈគួរជាទីមោទនៈផងដែរ។
ម្សៅទឹកដោះគោស្រស់ Australian Dairies មាន4ជម្រើសដូចជា ៖
1. High Calcium + Vitamin D
មានសារធាតុកាល់ស្យូម និងវីតាមីន D ខ្ពស់ ល្អបំផុតសម្រាប់ការទ្រទ្រង់ឆ្អឹងឱ្យមានការលូតលាស់ល្អ ជំនួយកម្លាំង ជួយដល់ការចងចាំបានល្អ និងមានប្រូតេអុីនច្រើន ការពារជំងឺពុកឆ្អឹងនៅពេលឈានចូលវ័យចំណាស់ ជួយជម្រុញការលូតកម្ពស់បានល្អ ជួយឱ្យឆ្អឹង និងធ្មេញរឹងមាំល្អ។ ម្សៅទឹកដោះគោស្រស់ Australian Dairies ប្រភេទទី1នេះ ល្អបំផុតសម្រាប់មនុស្សចាស់។2. Whole Milk
ម្សៅទឹកដោះគោស្រស់ Australian Dairies ប្រភេទទី2នេះ ល្អបំផុតសម្រាប់កុមារ ដែលកំពុងស្ថិតនៅក្នុងវ័យកំពុងលូតលាស់ ជួយឱ្យញ៉ាំបាយបាន ជួយបង្កើនការចង់ញ៉ាំអាហារដល់កុមារ ជួយឱ្យឡើងគីឡូ ជួយឆ្អឹងឱ្យរឹងមាំ និងជួយជម្រុញការលូតកម្ពស់ ជួយឆ្អឹង សាច់ដុំ និងធ្មេញរឹងមាំល្អ។3. Skin Milk
ម្សៅទឹកដោះគោស្រស់ Australian Dairies ប្រភេទទី3នេះ ល្អបំផុតសម្រាប់យុវវ័យ និងវ័យកណ្តាល ជាពិសេសនារីៗ ដែលចង់ថែរក្សារូបរាងឱ្យស្រឡូនស្អាត និងសម្រាប់អ្នកសម្រកទម្ងន់។ ម្សៅទឹកដោះគោស្រស់ Australian Dairies ប្រភេទ Skin Milk មានជាតិខ្លាញ់ទាប ល្អសម្រាប់អ្នកដែលចង់រក្សាទម្ងន់ ជំនួយដល់ឆ្អឹង ផ្តល់នូវថាមពលខ្ពស់ បង្កើនការចងចាំ និងជួយដល់ការរំលាយអាហារបានយ៉ាងល្អប្រសើរ។4. High Protein
ម្សៅទឹកដោះគោស្រស់ Australian Dairies ប្រភេទទី4នេះ ល្អបំផុតសម្រាប់បុរសៗ និងសម្រាប់មនុស្សពេញវ័យ ដែលរវល់ច្រើន មិនមានពេលហាត់ប្រាណ និងមិនសូវចូលចិត្តញ៉ាំសាច់។ ម្សៅទឹកដោះគោស្រស់ Australian Dairies ប្រភេទ High Protein នេះ ជាប្រភេទម្សៅទឹកដោះគោស្រស់ ដែលសម្បូរដោយជាតិកាល់ស្យូម និងមានប្រូតេអុីនខ្ពស់ ជួយទ្រទ្រង់ដល់សរីរាង្គកាយ ដ្តល់នូវកម្លាំងថាមពល ជួយដល់ការលូតលាស់នៃឆ្អឹង មានតួនាទីសំខាន់ក្នុងការជួយសម្រួលដល់សាច់ដុំ រាងកាយ និងសាច់ដុំខួរក្បាល។
ម្សៅទឹកដោះគោស្រស់ Australian Dairies មានលក្ខណៈពិសេស ត្រូវបានធ្វើការវិចខ្ចប់ដោយកញ្ចប់ផ្លាស្ទីកដ៏ស្រស់ស្អាត តាមស្តង់ដារអូស្ត្រាលី ដែលធានាដល់គុណភាព និងរសជាតិនៃម្សៅទឹកដោះគោស្រស់មួយប្រភេទនេះយ៉ាងល្អបំផុត ដែលលោកអ្នកអាចកាត់កញ្ចប់ម្សៅទឹកដោះគោស្រស់ Australian Dairies នេះ ចាក់ដាក់ចូលទៅក្នុងកំប៉ុងរបស់វា ហើយលោកអ្នកអាចបំពេញម្សៅទឹកដោះគោបន្ថែមនៅពេលលោកអ្នកប្រើអស់ ដែលនេះគឺជាការច្នៃប្រឌិតថ្មី ដោយគិតពីការការពារបរិស្ថាន និងការសន្សំសំចៃខ្ពស់។
ចំណែករបៀបឆុងម្សៅទឹកដោះគោស្រស់ Australian Dairies ក៏មានភាពងាយស្រួល ហើយមានរសជតិឆ្ងាញ់ជាទីពេញចិត្តសម្រាប់មនុស្សគ្រប់វ័យ។ ហើយចំពោះស្ត្រីមានផ្ទៃពោះ និងអ្នកម្តាយកំពុងបំបៅដោះកូនតូចក៏អាចញ៉ាំបានដែរ ជាពិសេសសម្រាប់អ្នកដែលទើបជាសះស្បើយពីជំងឺ និងអ្នកដែលមិនសូវមានកម្លាំងកំហែង។
ញ៉ាំម្សៅទឹកដោះគោស្រស់ Australian Dairies ដើម្បីសុខភាពល្អទាំងអស់គ្នា!សម្រាប់ព័ត៌មានបន្ថែម សូមទំនាក់ទំនងមកកាន់លេខទូរស័ព្ទ 096 888 99 11 / 077 88 99 11 / 066 88 99 11៕
កម្ពុជាកំពុងរៀបចំផែនការបង្កើនធនធានមនុស្សផ្នែក TVET ឱ្យកាន់តែខ្លាំងនៅឆ្នាំនេះ
ជំនាញបច្ចេកទេស និងវិជ្ជាជីវៈ ជាផ្នែកសំខាន់មួយដែលកម្ពុជាកំពុងត្រូវការខ្លាំង ព្រោះក្នុងបរិបទថ្មីនេះ យើងត្រូវការជាចាំបាច់នូវអ្នកជំនាញដើម្បីបម្រើការងារនៅក្នុងវិស័យឧស្សាហកម្ម សេវាកម្ម និងជំរុញឱ្យមានអាជីវកម្មខ្នាតតូចកាន់តែច្រើន។
នៅឆ្នាំថ្មីនេះ រដ្ឋមន្ត្រីក្រសួងបណ្តុះបណ្តាលវិជ្ជាជីវៈ ឯកឧត្តម អុិត សំហេង បានប្រកាសថានឹងរៀបចំផែនការមេ (Master Plan) ដើម្បីរៀបចំគ្រឹះ ស្ថានបណ្តុះបណ្តាលបច្ចេកទេស និងវិជ្ជាជីវៈ ក្នុងគោលបំណងបណ្តុះបណ្តាលធនធានមនុស្សក្នុងវិស័យនេះឱ្យកាន់តែមានគុណភាពខ្ពស់ និងមានចំនួនកាន់តែច្រើនឡើង។
ឯកឧត្តម អុិត សំហេង បានលើកឡើងថា បច្ចុប្បន្ននេះបញ្ហាកង្វះធនធានមនុស្សក្នុងវិស័យបច្ចេកទេស និងវិជ្ជាជីវៈជាក្តីបារម្ភមួយសម្រាប់កម្ពុជាដែលកំពុងមានតម្រូវការខ្ពស់ក្នុងទីផ្សារការងារបច្ចុប្បន្ន។ ដើម្បីដោះស្រាយបញ្ហានេះ ក្រសួងការងារ និងបណ្តុះ បណ្តាលវិជ្ជាជីវៈ បានព្យាយាមគ្រប់លទ្ធភាពដើម្បីជំរុញឱ្យមានគ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈនៅទូទាំងប្រទេស ស្របពេលដែលឯកឧត្តមផ្ទាល់ក៏កំពុងចុះជាប់ជាប្រចាំនៅតាមគ្រឹះស្ថានទាំងអស់នោះផងដែរ។
ឯកឧត្តម អុិត សំហេង មានប្រសាសន៍ថា៖“នៅចុងឆ្នាំ2019 នេះ ក្រសួងការងារនឹងព្យាយាមបង្កើតផែនការមេ (Master Plan) ឱ្យបាន និងរៀបចំហេដ្ឋារចនាសម្ព័ន្ធក្នុងគ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈ (TVET) ទាំងអស់នៅទូទាំងប្រទេសដោយគិតគូរទៅលើអគារសិក្សា រោងជាង គ្រូបណ្តុះបណ្តាល ការបង្រៀនពីបច្ចេកវិទ្យាថ្មីសម្រាប់បណ្តុះបណ្តាលសិស្សជាដើម។ ការខិតខំប្រឹងប្រែងនេះ គឺក្នុងគោលបំណងសម្រេចឱ្យបាននូវធនធានមនុស្សក្នុងវិស័យនេះទាំងបរិមាណ និងគុណភាព”។
កន្លងមកវិស័យបណ្តុះបណ្តាលបច្ចេកទេស និងវិជ្ជាជីវៈ ជាវិស័យមួយដែលមិនទាន់ទទួលបានការចាប់អារម្មណ៍ខ្លាំងពីសិស្ស និស្សិតនៅឡើយនោះទេ បើទោះបីជាផ្នែកនេះជាផ្នែកដែលមានទីផ្សារការងារទូលំទូលាយ និងទទួលបានប្រាក់ខែច្រើនក៏ដោយ។
បើតាមការបញ្ជាក់របស់ឯកឧត្តម ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា សិស្ស និស្សិតខ្មែរ ភាគច្រើនចូលចិត្តសិក្សាជំនាញខ្ពស់ៗផុតពីកន្លែងដែលគេត្រូវការ។ ជាក់ស្តែងយើងមើលឃើញថា និស្សិតវិស្វករមានច្រើន ខណៈសិស្សដែលកំពុងសិក្សាផ្នែកជំនាញបច្ចេកទេសនៅមានចំនួនតិចតួចនៅឡើយ។ ឯកឧត្តមបានណែនាំថា សិស្ស-និស្សិតគួរចាប់អារម្មណ៍លើការអភិវឌ្ឍជំនាញដោយចាប់ផ្តើមពីតូចទៅធំ មានន័យថា ពួកគេគួរចាប់ផ្តើមសិក្សាពីជំនាញបច្ចេកទេសបន្ទាប់មកធ្វើការងារបណ្តើរដើម្បីទទួលបានបទពិសោធការងារ និងប្រាក់ចំណូលបណ្តើរ ស្របពេលដែលពួកគេអាចឈានជើងទៅចាប់អាជីពជាវិស្វករប្រកបដោយបទពិសោធ និងចំណេះដឹងច្បាស់លាស់។
តែទោះជាយ៉ាងនេះក្តី តាមរយៈការរៀបចំឱ្យមានផែនការមេនេះ ជាចំណុចវិជ្ជមានមួយក្នុងការជំរុញឱ្យមានការបណ្តុះបណ្តាលកាន់តែច្រើនជាងមុន ដោយសារតែស្ថាប័នបណ្តុះបណ្តាលលើជំនាញទាំងអស់នេះនឹងចាប់ផ្តើមពង្រឹងគុណភាពប្រកបដោយនិរន្តរភាព ក្នុងការបណ្តុះបណ្តាល តាមផែនការច្បាស់លាស់មួយ៕
សន្សំប្រាក់នៅប្រាសាក់ជាជម្រើសដ៏ប្រសើរបំផុត
នៅយុគសម័យ បច្ចេកវិទ្យាហិរញ្ញវត្ថុ ឬ FinTech ការប្រើ «គណនីសន្សំ» ពិតជាជម្រើសដ៏ឆ្លាតវៃរបស់ប្រជាជនកម្ពុជា
ជាពិសេសសហគ្រាសខ្នាតតូចនិងមធ្យម ដើម្បីគ្រប់គ្រងចរន្តសាច់ប្រាក់ប្រកបដោយប្រសិទ្ធភាព ធានាបាននូវសុវត្ថិភាព
និងភាពងាយស្រួលក្នុងការចាត់ចែងសាច់ប្រាក់លើមុខរបរទទួលទាន ឬអាជីវកម្ម ព្រមទាំងបានចំណូលការប្រាក់បន្ថែមផងដែរ។ប្រាសាក់ ជាគ្រឹះស្ថានមានអាជ្ញាប័ណ្ណទទួលប្រាក់បញ្ញើពីធនាគារជាតិនៃកម្ពុជា
គឺពិតជាដៃគូផ្តល់សេវាហិរញ្ញវត្ថុដ៏ល្អសម្រាប់អតិថិជន ពិសេសផ្តល់ជូនភាពងាយស្រួលដល់អតិថិជនក្នុងការចាត់ចែងសាច់ប្រាក់របស់ខ្លួ
នជាមួយនឹងការបើកគណនីសន្សំនៅប្រាសាក់។ អតិថិជននឹងទទួលបានអត្រាការប្រាក់ខ្ពស់
និងអាចគ្រប់គ្រងចំណូលនិងចំណាយបានយ៉ាងងាយស្រួល ក៏ព្រោះតែអតិថិជនអាចធ្វើប្រតិបត្តិការសាច់ប្រាក់បានដោយខ្លួនឯងតាមរ
យៈសេវាធនាគារចល័ត និងម៉ាស៊ីនអេធីអឹមប្រាសាក់ ដោយមិនគិតកម្រៃសេវា បានគ្រប់ពេលវេលា
គ្រប់ទីកន្លែងប្រកបដោយសុវត្ថិភាព ហើយអាចធ្វើការត្រួតពិនិត្យរបាយការណ៍ប្រើប្រាស់សាច់ប្រាក់បានថែមទៀតផង។លោកស្រី ស៊ុយ សុខនាង នាយិកានាយកដ្ឋានសេវាធនាគាររបស់ប្រាសាក់បានលើកឡើងថា៖
«យើងខ្ញុំសូមស្វាគមន៏សាធារណជនទាំងអស់ដែលមានបំណងចង់បើកគណនីសន្សំនៅប្រាសាក់
ជាពិសេសអតិថិជនដែលមានគណនីសន្សំនៅប្រាសាក់ នឹងទទួលបានប័ណ្ណអេធីអឹមដ៏ស្រស់ស្អាត
ការភ្ជាប់សេវាធនាគារចល័តដែលអតិថិជនអាចបង់ថ្លៃទឹក ថ្លៃភ្លើង ផ្ទេរប្រាក់ ផ្ទេរប្រាក់ទៅអ្នកគ្មានគណនី
ពិនិត្យរបាយការណ៍និងសមតុល្យគណនី និងអត្រាប្ដូរប្រាក់ដោយមិនគិតកម្រៃសេវា»។សូមបើកគណនីសន្សំនៅប្រាសាក់ដើម្បីទទួលបានអត្រាការប្រាក់ខ្ពស់ ងាយស្រួលគ្រប់គ្រងសាច់ប្រាក់គ្រប់ពេលវេលា
គ្រប់ទីកន្លែងប្រកបដោយសុវត្ថិភាព ជាមួយលក្ខខណ្ឌងាយងាយ។
អំពីប្រាសាក់
ក្នុងរយៈពេល 6 ខែដើមឆ្នាំ 2019 នេះ ប្រាសាក់មានទ្រព្យសកម្មសរុបច្រើនជាង 2,800 លានដុល្លារអាមេរិក
សម្ពៀតឥណទានច្រើនជាង 2,370 លានដុល្លារអាមេរិក អតិថិជនប្រាក់កម្ចី 410 ពាន់នាក់ បណ្តាញការិយាល័យ 177 ទីតាំង
មាន ម៉ាស៊ីនអេធីអឹម 129 និងបុគ្គលិកជិត 8,200នាក់ ព្រមទាំងបានផ្តល់អគារបណ្ណាល័យចំនួន 40
នៅតាមបណ្តាខេត្តនានានៅកម្ពុជា។ ព័ត៌មានបន្ថែមសូមចូលទៅកាន់៖ www.prasac.com.kh។
សម្រាប់តម្រូវការ ឬព័ត៌មានបន្ថែមអំពីកម្ចីប្រាសាក់ សូមទាក់ទងសាខាប្រាសាក់ដែលនៅជិតលោកអ្នកបំផុត ឬទូរស័ព្ទមកលេខ 086
999 911 ឬ 023 999 911 ឬ 096 9 999 911។
វេសឡាញ ជំរុញផ្នែកវិទ្យាសាស្ត្រដើម្បីអភិវឌ្ឍយុវជនកម្ពុជាឱ្យមានសមត្ថភាពប្រកួតក្នុងទីផ្សារការងារអនាគត
បច្ចុប្បន្ននេះ សមិទ្ធផលដែលមានការអភិវឌ្ឍខ្លាំង និងលឿនជាងគេលើពិភពលោក គឺវិទ្យាសាស្ត្រ និងបច្ចេកវិទ្យា ព្រោះជារៀងរាល់ថ្ងៃអ្នកវិទ្យាសាស្ត្រលើពិភពលោកកំពុងប្រកួតប្រជែងគ្នាខ្លាំងលើសមិទ្ធផលវិទ្យាសាស្ត្រថ្មីៗដើម្បីទាញយកប្រយោជន៍ផ្នែកពាណិជ្ជកម្ម និងដោះស្រាយបញ្ហានៃការរស់នៅរបស់មនុស្ស។
លោក ប៉ិច បូឡែន អគ្គនាយកនៃក្រុមហ៊ុនវេសឡាញ អេឌ្យូខេសិន គ្រុប បានលើកឡើងថា កម្ពុជាកំពុងស្ថិតក្នុងបដិវត្តន៍ឧស្សហកម្ម 4.0 ដែលអ្វីៗគ្រប់យ៉ាងមានការផ្លាស់ប្តូរយ៉ាងឆាប់រហ័ស ស្របពេលដែលសមិទ្ធផលវិទ្យាសាស្ត្រថ្មីៗជាច្រើនបានកើតឡើងដែលធ្វើឱ្យការធ្វើអាជីវកម្ម និងការធ្វើការងារកាន់តែមានលក្ខណៈងាយស្រួល។ ទោះជាយ៉ាងនេះក្តី ទន្ទឹមនឹងភាពងាយស្រួលនេះ ប្រភេទការងារសំខាន់ៗ រួមទាំងចង្វាក់ផលិតកម្មនានានឹងត្រូវជំនួសដោយម៉ាស៊ីន ហើយឱកាសការងារមួយចំនួនធំនឹងត្រូវបាត់បង់។ ការងារដែលនឹងមានច្រើននាពេលអនាគត គឺការងារដែលម៉ាស៊ីនជំនួសមិនបាន ឬជាការងារសម្រាប់អ្នកជំនាញវិទ្យាសាស្ត្រ និងបច្ចេកវិទ្យា ដែលទៅគ្រប់គ្រងម៉ាស៊ីនទាំងអស់នោះ។ ចំណែកឯអ្នកដែលមានជំនាញតិច ឬអ្នកបត់បែនមិនទាន់គេ នឹងប្រឈមជាមួយបញ្ហាខ្វះការងារធ្វើ ឬធ្វើត្រឹមតែការងារតូចៗប៉ុណ្ណោះ។
លោក ប៉ិច បូឡែន បាននិយាយថា៖ “ដោយមើលឃើញថាវិទ្យាសាស្ត្រ និងបច្ចេកវិទ្យា ជាជំនាញសំខាន់ សម្រាប់ការងារនៅថ្ងៃអនាគត ក្នុងនាមជាស្ថាប័នបណ្តុះបណ្តាល យើងបានខិតខំប្រឹងប្រែងក្នុងការផ្តល់នូវកម្មវិធីជាច្រើនដើម្បីអភិវឌ្ឍសមត្ថភាពសិស្សរបស់យើងឱ្យមានគុណភាពកាន់តែប្រសើរលើផ្នែកដ៏សំខាន់នេះ”។
ស្ថាបនិកគ្រឹះស្ថានអប់រំខាងលើបានលើកឡើងផងដែរថា ដើម្បីអភិវឌ្ឍសមត្ថភាពសិស្សរបស់យើងឱ្យកាន់តែមានសក្តានុពលផ្នែកវិទ្យាសាស្ត្រ យើងបានបណ្តុះបណ្តាលសិស្សដោយយកចិត្តទុកដាក់តាមកម្មវិធីសិក្សាគោលរបស់ក្រសួងអប់រំ ដោយបញ្ចូលនូវការពិសោធជាក់ស្តែងដើម្បីឱ្យសិស្សយល់កាន់តែច្បាស់ពីគោលបំណងនៃមេរៀន។ ក្រៅពីនេះ យើងបញ្ចូលបន្ថែមនូវកម្មវិធី វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ដើម្បីផ្តល់ឱ្យពួកគេនូវជំនាញជាមូលដ្ឋានគ្រឹះដ៏សំខាន់សម្រាប់អភិវឌ្ឍចំណេះដឹងលើផ្នែកដែលពិភពលោកកំពុងត្រូវការនៅពេលបច្ចុប្បន្ន និងអនាគត។ បន្ថែមពីលើនេះ ថ្មីៗនេះ វេសឡាញ ក៏បានសហការជាមួយក្រុមហ៊ុន KOOMPI បង្កើតជាក្លិបអ្នកវិទ្យសាស្ត្រវ័យក្មេង ដោយអភិវឌ្ឍជាមជ្ឈមណ្ឌលសហសិក្សា សម្រាប់សិស្សសិក្សាផ្នែកបច្ចេកវិទ្យាតាមចំណង់ចំណូលចិត្ត ជាមួយនឹងអ្នកណែនាំផ្ទាល់ដើម្បីបង្ហាញផ្លូវឱ្យពួកគេកាន់តែខ្លាំង។ យើងរំពឹងថា ក្មេងៗជំនាន់ថ្មីរបស់កម្ពុជា នឹងមានសមត្ថភាពបង្កើតផលិតផលវិទ្យាសាស្ត្រថ្មីៗ ដែលមានតម្លៃសម្រាប់សង្គម និងពាណិជ្ជកម្មដូចក្មេងៗនៅបណ្តាប្រទេសអភិវឌ្ឍន៍ធំៗក្នុងពេលឆាប់ៗនេះ។ ហើយវេសឡាញ ក៏ត្រៀមខ្លួនផងដែរដើម្បីជំរុញឱ្យពួកគេមានការអភិវឌ្ឍកាន់តែខ្លាំងទាំងការលើកទឹកចិត្តជាស្មារតី និងថវិកាសម្រាប់ការវិនិយោគជាដើម។
លោកបានបន្ថែមទៀតថា ក្រៅពីការដាក់បញ្ចូលនូវកម្មវិធីសិក្សាវេសឡាញ ក៏បានដាក់ឱ្យប្រើប្រាស់នូវបច្ចេកវិទ្យាចុងក្រោយបំផុតដល់សិស្សានុសិស្សដើម្បីឱ្យពួកគេទទួលបានបទពិសោធថ្មីៗផ្នែកបច្ចេកវិទ្យា ដូចជាបច្ចេកវិទ្យា Argument Reality (AR) និងកម្មវិធី Virtual Reality (VR) ជាដើម។
សាលារៀន វេសឡាញ និងណត្សឡាញន៍ ចាប់ផ្តើមចុះឈ្មោះចូលរៀនពីថ្ងៃនេះតទៅ និងចូលរៀនកម្មវិធីមត្តេយ្យភាសាអង់គ្លេស និងភាសាចិន នៅថ្ងៃទី1 ខែសីហា ឆ្នាំ2019 និងថ្នាក់ចំណេះដឹងទូទៅខ្មែរចូលរៀននៅថ្ងៃទី2 ខែកញ្ញា ឆ្នាំ2019៕
ក្នុងពេលរង់ចាំលទ្ធផលប្រឡង តើសិស្សទើបប្រឡងបាក់ឌុបរួច គួរធ្វើអ្វីខ្លះ?
ក្រោយពេលប្រឡងមធ្យមសិក្សាទុតិយភូមិ បេក្ខជនហាក់បីដូចជាស្ថិតក្នុងដំណាក់កាលមួយដែលរីករាយផង និងព្រួយបារម្ភផង។ ពួកគេរីករាយព្រោះ ពួកគេបានឆ្លងផុតដំណាក់កាលដ៏គួរឱ្យព្រួយបារម្ភ និងនឿយហត់ អស់រយៈពេល12ឆ្នាំរួចមកហើយ តែពួកគេនៅមានចំណុចព្រួយបារម្ភជាច្រើនទៀត ដូចជាព្រួយបារម្ភពីលទ្ធផលនៃការប្រឡងរបស់ខ្លួន និងព្រួយបារម្ភពីជម្រើសសម្រាប់ពេលអនាគតជាដើម។
ជារៀងរាល់ឆ្នាំ មានសិស្សមួយចំនួនចេះប្រើប្រាស់ពេលវេលាដែលគ្រប់គ្នាគ្មានអារម្មណ៍ចង់ធ្វើអ្វីសោះនេះ ដើម្បីចាប់យកឱកាសសំខាន់ៗដែលនឹងធ្វើឱ្យពួកគេទទួលបានជោគជ័យជាបន្តបន្ទាប់ក្រោយពេលដឹងលទ្ធផលថា គេបានប្រឡងជាប់ជាស្ថាពរ។
ស្ថាបនិកស្ថាប័នបណ្តុះបណ្តាល Start Up Cambodia លោក គីម ដារ៉ា បានលើកឡើងថា ក្រោយប្រឡងចប់ និងមិនទាន់ចេញលទ្ធផល សិស្សមិនគួរគ្រាន់តែអង្គុយរង់ចាំដោយគ្មានប្រយោជន៍ ឬមិនបានធ្វើអ្វីសោះនោះទេ តែពួកគេគួរប្រើប្រាស់ពេលវេលារង់ចាំជាង 20ថ្ងៃនេះដើម្បីប្រើប្រាស់វាឱ្យមានប្រយោជន៍។ សិស្សដែលទើបតែប្រឡងចប់គួរចំណាយពេលនេះដើម្បីស្វែងយល់ពីជម្រើស ឬស្វែងយល់ពីជំនាញដែលខ្លួនចង់រៀន ព្រោះទោះបីជាលទ្ធផលចេញមក ជាប់ ឬធ្លាក់ក៏ដោយ បេក្ខជនម្នាក់ៗសុទ្ធតែត្រូវជ្រើសរើសផ្លូវមួយរៀងៗខ្លួន។ ហេតុនេះការស្វែងយល់ពីជំនាញដែលខ្លួនចង់រៀនបន្ត ជាវិធីល្អមួយដើម្បីធ្វើឱ្យយើងមានពេលកាន់តែច្រើនក្នុងការពិចារណា ក៏ដូចជាសម្រួចគោលដៅឱ្យកាន់តែល្អមុនពេលចូលដល់មហាវិទ្យាល័យ។
ក្រៅពីពិចារណាពីជម្រើសដែលខ្លួនចង់រៀនហើយ អ្វីដែលត្រូវគិតបន្ត គឺសាលាដែលស័ក្តិសមនឹងខ្លួន ព្រោះគ្រឹះស្ថានអប់រំនីមួយៗមានមុខជំនាញខ្លាំងរៀងៗខ្លួន។ ប្រសិនបើពួកគេចង់សិក្សាផ្នែកបច្ចេកវិទ្យា ឬវិស្វករគេអាចស្វែងរកសាលាណាដែលពូកែ ឬល្បីឈ្មោះដើម្បីប្រឡងចូល ហើយប្រសិនបើពួកគេចង់សិក្សាផ្នែកវិទ្យាសាស្ត្រសង្គមវិញ ក៏គួរតែស្វែងយល់ពីសាលារៀនណាដែលមានចំណុចខ្លាំងលើជំនាញដែលយើងចង់សិក្សាហ្នឹងដូចគ្នាដែរ។ សម្រាប់សិស្សនៅតាមបណ្ដាខេត្តវិញ ក៏គួរពិចារណាដែរពីជម្រើសក្នុងការសិក្សានៅខេត្ត ឬនៅរាជធានីភ្នំពេញ ដើម្បីត្រៀមខ្លួនចូលរៀន។ ដើម្បីដឹងពីព័ត៌មានលម្អិត សិស្សអាចសាកល្បងស្វែងរកប្រភពព័ត៌មាននានាជុំវិញគ្រឹះស្ថាននីមួយៗ ឬអាចទៅមើលដោយផ្ទាល់ដល់គ្រឹះស្ថានសិក្សានោះតែម្តង ដើម្បីឱ្យប្រាកដក្នុងចិត្តថា វាជាជម្រើសល្អ ឬយ៉ាងណា?។ លោក គីម ដារ៉ា បាននិយាយថា៖ “សម្រាប់អ្នកចង់បានអាហារូបករណ៍ ពួកគេក៏អាចចំណាយពេលវេលាប៉ុន្មានថ្ងៃនេះ ដើម្បីស្វែងយល់ពីអាហារូបករណ៍នានា ពិសេសអាហាររូបករណ៍ទៅសិក្សានៅបរទេសជាដើម”។
អ្នកជំនាញអប់រំខាងលើបានលើកឡើងផងដែរថា ដោយសារតែបច្ចេកវិទ្យាបច្ចុប្បន្ននេះមានភាពទូលំទូលាយ សិស្សានុសិស្សអាចស្វែងរកព័ត៌មានបានយ៉ាងងាយ ដើម្បីដឹងពីតម្រូវការដែលគេចង់បាន និងលក្ខខណ្ឌនានាដែលត្រូវត្រៀមខ្លួន ឬបំពេញសម្រាប់ការប្រកួតប្រជែងយកអាហារូបករណ៍។ ក្រៅពីនេះ យើងអាចសាកសួរព័ត៌មានពីបងៗដែលគាត់ធ្លាប់ប្រឡងជាប់អាហារូបករណ៍ទាំងថ្នាក់ជាតិ និងទៅក្រៅប្រទេសដើម្បីដឹងពីចំណុចគន្លឹះសំខាន់ៗមួយចំនួនសម្រាប់ការត្រៀមខ្លួនប្រឡងឱ្យទទួលបានលទ្ធផលវិជ្ជមាន។ លោកថា ក្រៅពីនេះ សម្រាប់អ្នកដែលមានបំណងចង់ចូលសិក្សាមហាវិទ្យាល័យមួយចំនួនដែលទាមទារឱ្យមានការប្រឡងចូល ដូចជាសាកលវិទ្យាល័យពេទ្យ ឬវិទ្យាស្ថានបច្ចេកវិទ្យាកម្ពុជា ជាដើម គួរចំណាយពេលវេលានេះដើម្បីមករៀនត្រៀមឱ្យបានយូរដើម្បីហ្វឹកហាត់សមត្ថភាពសម្រាប់ប្រកួតប្រជែងជាមួយសិស្សដទៃទៀតដែលមានបំណងចង់ចូលសិក្សាសាលាទាំងអស់នោះដូចគ្នាដែរ។
បន្ថែមពីលើនេះ លោកដារ៉ា បានបញ្ជាក់ផងដែរថា សម្រាប់សិស្សមួយចំនួនដែលមានបំណងចង់អភិវឌ្ឍទាំងសមត្ថភាពការងារ និងការសិក្សានោះ អាចចំណាយពេលវេលានេះដើម្បីស្វែងរកការងារដែលល្អ និងអាចអភិវឌ្ឍសមត្ថភាពបានច្រើនទៀត។
ត្រង់នេះមានន័យថា យើងគួរស្វែងរកការងារណាដែលត្រូវនឹងជំនាញរបស់យើង ហើយអាចឱ្យយើងអភិវឌ្ឍខ្លួនស្របគ្នាជាមួយនឹងជំនាញដែលយើងរៀន បើទោះបីជាការងារនោះមិនស្ថិតក្នុងតំណែងសំខាន់ភ្លាមៗក៏ដោយ តែវាអាចជាច្រកយ៉ាងសំខាន់ដើម្បីធ្វើឱ្យយើងឈានជើងទៅចាប់អារម្មណ៍អ្វីដែលយើងស្រឡាញ់ពេញចិត្តនៅថ្ងៃអនាគត។
លោក សោម ច័ន្ទសុធា សហគ្រូបង្វឹកនៃកម្មវិធី The Perspectives Cambodia បានលើកឡើងថា ដំណាក់កាលដែលមិនទាន់ចេញលទ្ធផលនេះ គឺជារយៈពេលមួយដែលបេក្ខជនមានចិត្តរារែកមិនចង់ស្វែងរកប្រភពព័ត៌មានបន្តសម្រាប់សិក្សានៅមហាវិទ្យាល័យទេ ព្រោះខ្លាចក្រែងដឹងលទ្ធផលធ្លាក់ទៅ នាំតែខកចិត្ត។ ទោះជាយ៉ាងនេះក្តី បេក្ខជនក៏គួរតែពិចារណាដោយស្វែងយល់ពីផ្លូវដែលអាចដើរបាននៅគ្រប់ស្ថានភាព ដូចជាការពិចារណាថា តើក្រោយពេលប្រឡងជាប់ យើងអាចមានផ្លូវណាខ្លះ? ហើយប្រសិនបើមិនជាប់ តើយើងអាចមានវិធីអ្វីខ្លះដើម្បីឱ្យជីវិតយើងនៅតែអាចអភិវឌ្ឍបាន?។
លោក សោម ច័ន្ទសុធា និយាយថា៖ “ក្រៅពីការពិចារណាពីជម្រើស និងផ្លូវដើរហើយ បេក្ខជនគួរពិចារណាផងដែរពីលទ្ធភាពសម្រាប់ការបន្តការសិក្សា ឬសម្រាប់ដើរទៅមុខទៀត ថាតើយើងគួរសិក្សានៅខេត្ត ប្រឡងយកវិជ្ជាជីវៈ ឬត្រូវមកសិក្សានៅភ្នំពេញ”។
លោកសុធា បានបញ្ជាក់ផងដែរថា បន្ទាប់ពីបានស្វែងរកប្រភពព័ត៌មានច្បាស់លាស់ហើយ សិស្សគួរកុំអាលទាន់សម្រេចចិត្តភ្លាមៗពេក ពួកគេគួរយកបញ្ហាដែលជាឧបសគ្គទាំងអស់នោះមកពិចារណាសិនថា តើមានវិធីណាខ្លះដើម្បីដោះស្រាយ ហើយខិតខំដោះស្រាយដើម្បីសម្រេចគោលដៅឱ្យអស់ពីសមត្ថភាព?។ ជាក់ស្តែង ប្រសិនបើពួកគេមានបងប្អូន ឬអាចមានលទ្ធភាពត្រឹមស្នាក់នៅ តែមិនមានលទ្ធភាពបង់ថ្លៃសាលា ពួកគេអាចស្វែងរកអាហារូបករណ៍ឱ្យអស់ពីលទ្ធភាពដើម្បីសិក្សាបន្ត តែប្រសិនបើមានលទ្ធភាពត្រឹមបង់ថ្លៃសាលា ហើយមិនមានលទ្ធភាពក្នុងការផ្គត់ផ្គង់ការស្នាក់នៅរបស់ខ្លួន ជាដើម ពួកគេអាចសាកល្បងស្វែងរកការងារធ្វើបណ្តើរ និងរៀនបណ្តើរក៏ជាការល្អប្រសើរមួយដែរ។ ចុងក្រោយ ប្រសិនបើយើងមិនអាចសម្រេចបានតាមវិធីសាស្ត្រ ឬគោលដៅដែលយើងបានត្រៀមខ្លួនដោះស្រាយទេនោះ សឹមយើងបន្ធូរបន្ថយវាបន្តិចម្តងៗឆ្ពោះទៅរកគោលដៅបន្តបន្ទាប់ទៀត៕
