ធឿន មករា - La Reine Media

មូសចូលចិត្តខាំមនុស្សប្រភេទណាខ្លះ?

តើអ្នកធ្លាប់អង្គុយជាមួយមនុស្សច្រើននាក់ តែអ្នកខ្លះក៏រអ៊ូរទាំថា មូសខាំរហូត? តែអ្នកខ្លះទៀតក៏ប្រាប់វិញថា មិនធ្លាប់ ឬមិនមានមូសខាំសូម្បីតែបន្ដិច។ ចំណុចនេះបានកើតជាចម្ងល់សម្រាប់មនុស្សមួយចំនួនជាខ្លាំង ថាហេតុអ្វីបានជាមូសខាំតែគេ ហើយមិនខាំអ្នកនោះអុីចឹង? ដូច្នេះនៅថ្ងៃនេះ ទស្សនាវដ្តី ឡារ៉ែន ចង់ពន្យល់ប្រាប់ប្រិយមិត្តអ្នកអានថា តើមនុស្សប្រភេទណាដែលចូលចិត្តមូសខាំ ? ចុះហេតុអ្វីបានជាអ្នកខ្លះមូសមិនខាំ? ពិតដែរឬទេ? មានវិធីអ្វីដែលអាចជួយការពារមូសមិនឱ្យចូលមកកៀកខ្លួនរបស់យើងបាន? តោះមកធ្វើការស្វែងយល់ទាំងអស់គ្នា។

“មូស” ចូលចិត្តខាំមនុស្សប្រភេទណា ?
1. មនុស្សដែលបែកញើសចេញមកច្រើន ក្រៅពីក្លិនញើសហើយ នៅមានបញ្ហារបស់សីតុណ្ហភាពស្បែកបញ្ចេញកម្ដៅមកខាងក្រៅ ព្រមជាមួយនឹងទឹកញើសផងដែរ។
2. មនុស្សដែលមានសីតុណ្ហភាពស្បែកក្ដៅជាងមនុស្សធម្មតា។ ពោលគឺមិនសំដៅទៅដល់អ្នកជំងឺគ្រុនក្ដៅនោះទេ។
3. ក្រុមមនុស្សចូលចិត្តហាត់ប្រាណ។ ក្រៅពីបានបញ្ចេញញើស និងសារធាតុខ្លាញ់ដែលដុតកម្ដៅក្នុងរាងកាយឱ្យចេញមកខាងក្រៅហើយនោះ នៅមានសារធាតុកាបូនដែលបានបញ្ចេញមក និងភាយក្លិនជាប់ខ្លួនថែមទៀតផង។
ប្រសិនបើអ្នកហាត់ប្រាណនៅពេលរសៀល នៅក្នុងតំបន់សួនសាធារណៈត្រជាក់ៗ នោះស្បែករបស់អ្នកនឹងប្រឈមជាមួយការទាក់ទាញឱ្យមូសខាំបានយ៉ាងងាយ។
4. ស្បែកក្មេងតូច ដែលមានលក្ខណៈ និងក្លិន ដែលមូសហោះកាត់ហើយឈ្ងុយគួរឱ្យចង់ខាំជាងស្បែករបស់មនុស្សធំ។
5. ស្ត្រីងាយត្រូវមូសខាំជាងបុរស ក៏ព្រោះថា អ័រមូ៉នដែលមានប្រភេទខុសគ្នា។
6. អ្នកដែលស្លៀកពាក់ខោអាវពណ៌ងងឹតៗ ឬស្រអាប់ៗ ឬប្រភេទខោអាវវាលចេញសាច់ ដែលជាហេតុបណ្ដាលឱ្យមូសចូលចិត្តខាំ និងងាយខាំបានជាងអ្នកដែលស្លៀកពាក់ជិតៗខ្លួន។
7. មនុស្សដែលបែកញើសបាតជើង ឬមិនបានសម្អាតនាម័យជើងបានស្អាត ព្រោះថា ភាគច្រើនសត្វមូសចូលចិត្តខាំ និងប៊ឺតឈាមតែស្បែកដែលមានក្លិនខ្លាំង ហើយវាដេញតាមក្លិនញើសដែលជាប់នឹងបាតជើង។

វិធីការពារមិនឱ្យមូសខាំ
1. ប្រើប្រាស់ថ្នាំការពារមិនឱ្យមូសខាំ មិនថាតែប្រភេទថ្នាំបាញ់ លាប ម្សៅ គ្រីម ឬផ្សែងបាញ់នៅបរិវេណផ្ទះ គឺអ្នកត្រូវតែការពារជាប់ជានិច្ច។
2. ជ្រើសរើសខោអាវដែលមានពណ៌ចែងចាំងភ្លឺៗ។
3. ងូតទឹកជាប្រចាំឱ្យរាងកាយបានស្អាតបាត ប្រាសចាកក្លិនញើស និងកាត់បន្ថយកម្ដៅពីស្បែកបានល្អប្រសើរ។
4. ចៀសវាងពីកន្លែងដែលមានមូសរស់នៅដូចជា កន្លែងងងឹត មាត់ទឹក ក្នុងព្រៃ ឬនៅតាមគុម្ពស្មៅ។ បើចាំបាច់ណាស់ អ្នកគួរតែមានសម្លៀកបំពាក់ភ្លឺៗ ហើយរុំជិតដូចជា ខោជើងវែង និងអាវដៃវែងជាដើម។ មិនត្រូវប្រើសម្លៀកបំពាក់ដែលមានសាច់ស្ដើងៗ ឬក្រណាត់ស្ដើងមករុំខ្លួននោះទេ។
5. ដាក់មុង សំណាញ់ រណាំង ដែលមូសមិនអាចចូលក្នុងផ្ទះបាន និងមិនត្រូវបើកបង្អួចចោលនៅពេលរសៀល និងយប់ឡើយ ព្រោះវាជាឱកាសដែលមូសអាចហើរចូលមកក្នុងផ្ទះរបស់អ្នកបាន។
6. បំផ្លាញសំបុក និងកន្លែងដែលមូសអាចពង និងបង្កកំណើតបាននៅក្នុងបរិវេណផ្ទះ ដូចជា ផើងផ្កា ថូផ្កា ធុងទឹក អាងទឹកដែលមិនមានគម្រប និងកន្លែងចិញ្ចឹមសត្វជាដើម។
ក្រៅពីមូសខាំធ្វើឱ្យយើងរមាស់ឈីបៗហើយ រយៈពេលច្រើនថ្ងៃកន្លងទៅ បើនៅតែមានមូសខាំទៀត នោះស្បែករបស់អ្នកអាចនឹងឆ្លងរោគវីរ៉ុស ដែលធ្វើឱ្យមានជំងឺគ្រុនឈាម គ្រុនរលាកស្រោមខួរ ម៉ាឡារៀ ឬគ្រុនស៊ីកាជាដើម។ ដូច្នេះហើយបញ្ហាមូសខាំ មិនមែនជាបញ្ហាថ្មីនោះទេសម្រាប់អ្នក ក៏ប៉ុន្ដែការប្រយ័ត្នប្រយែង គឺជារឿងចាំបាច់បំផុតដែលអ្នកត្រូវយកចិត្តទុកដាក់។

ការកម្ចាត់មូសនៅក្នុងផ្ទះរបស់អ្នក ដោយវិធីងាយៗ
1. ខ្ទឹមស : អាហារប្រើប្រចាំថ្ងៃមួយនេះកុំមើលងាយឱ្យសោះ ពីព្រោះថាវាមានក្លិនអាចបណ្តេញសត្វមូសឱ្យចេញឆ្ងាយបាន។ វិធីអនុវត្តគឺ ដំខ្ទឹមសឱ្យបែករហូតចេញទឹករបស់វាមក។ បន្ទាប់ពីនោះ យកទៅដាក់ក្នុងកូនចាន រួចហើយយកទៅទុកចោលនៅកន្លែង ដែលសម្បូរសត្វមូស ព្រោះថាក្លិនរបស់វាអាចបណ្តេញសត្វមូសឱ្យរត់ចេញឆ្ងាយពីផ្ទះរបស់អ្នកបាន។2. ស្លឹក ឬដើមម្រះព្រៅ : ស្លឹក ឬដើមម្រះព្រៅក៏អាចប្រើកម្ចាត់សត្វមូសបានដូចគ្នាដែរ ប៉ុន្តែគ្រាន់តែក្លិនរបស់ម្រះព្រៅងាយហើរអស់ទៅវិញយ៉ាងឆាប់រហ័ស។ ហេតុនេះឃើញថាបើចង់ប្រើស្លឹក ឬដើមម្រះព្រៅកម្ចាត់សត្វមូស គប្បីធ្វើការផ្លាស់ប្តូរឱ្យបានញឹកញាប់បន្តិច។3. សម្បកក្រូចសើច : ប្រេងនៅត្រង់សម្បករបស់ក្រូចសើចគេអាចប្រើក្នុងការកម្ចាត់សត្វមូសបានផងដែរ។ ហេតុនេះអ្នកត្រូវហាន់សម្បកក្រូចសើចជាចំណិតតូចៗ រួចហើយយកទៅដាក់នៅកន្លែងណាមួយសម្រាប់ប្រើបណ្តេញមូស។4. ជីអង្កាម : ជាបន្លែមួយប្រភេទទៀតដែលគេអាចប្រើកម្ចាត់សត្វមូសបាន ដោយទទួលបានផលល្អផងដែរ។ វិធីប្រើគឺ ត្រូវញីស្លឹកស្រស់ៗរបស់វា រួចយកទៅដាក់ត្រង់ទីកន្លែងណាមួយនៅក្នុងផ្ទះ ដើម្បីប្រើកម្ចាត់សត្វមូសទាំងនេះឱ្យអស់ទៅវិញ។5. ជីនាងវង : បន្លែមួយប្រភេទនេះយើងក៏អាចប្រើតាមវិធីខាងលើក្នុងការកម្ចាត់សត្វមូសបានផងដែរ។6. ស្លឹកគ្រៃ : ជារុក្ខជាតិដែលមានភាពល្បីឈ្មោះខាងកម្ចាត់សត្វមូសស្រាប់ទៅហើយ។ ហេតុនេះយើងអាចរកស្លឹកគ្រៃមកដាំក្បែរផ្ទះឱ្យបានច្រើន ព្រោះថាវាអាចបណ្តេញសត្វមូសឱ្យចេញឆ្ងាយពីផ្ទះរបស់អ្នក ដើម្បីកុំឱ្យវាមករំខានអ្នក និងសមាជិកក្នុងគ្រួសារបន្តទៀត៕

September 11, 2019

ទីផ្សារ វិស័យអចលនទ្រព្យកំពុងពង្រីកខ្លួនជាមួយនឹងការវិវឌ្ឍនៃបច្ចេកវិទ្យា

ប្រព័ន្ធបច្ចេកវិទ្យា Digital នាពេលបច្ចុប្បន្ននេះ ត្រូវបានក្លាយទៅជាឧបករណ៍មួយដ៏មានសារៈសំខាន់ក្នុងការប្រើប្រាស់ដើម្បីជាប្រយោជន៍ ជាពិសេសពាក់ព័ន្ធនឹងមុខជំនួញផ្សេងៗ ដែលក្នុងនោះបច្ចេកវិទ្យា Digitalនេះ មានភាពចាំបាច់ក្នុងការប្រើប្រាស់លើប្រព័ន្ធផ្សព្វផ្សាយ ហើយDigital Marketing ក៏មានការរួមចំណែកយ៉ាងសកម្មផងដែរ ដើម្បីជួយជំរុញដល់ការលក់ឱ្យកាន់តែមានប្រសិទ្ធភាពខ្ពស់នៅក្នុងវិស័យអចលនទ្រព្យ។

ដោយឡែក នៅក្នុងការចូលរួមរបស់ប្រតិភូនៃសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ឬ CVEA ទៅកាន់កិច្ចប្រជុំសមាគមអចលនទ្រព្យអាស៊ាន(ARENA) នៅប្រទេសមីយ៉ាន់ម៉ាក៏បានលើកឡើងពីប្រធានបទ “និយាយអំពីការអភិវឌ្ឍបច្ចេកវិទ្យានៅក្នុងទីផ្សារអចលនទ្រព្យ” ផងដែរ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានប្រាប់ឡារ៉ែនពាណិជ្ជឱ្យដឹងថា៖“ការលើកឡើងអំពីការពង្រីកខ្លួននៃវិស័យអចលនទ្រព្យទៅក្នុងតំបន់ និងការអភិវឌ្ឍបច្ចេកវិទ្យាទៅក្នុងទីផ្សារអចលនទ្រព្យនេះគឺ៖ ទី1-យើងភ្ជាប់បណ្តាញទំនាក់ទំនងជាមួយសមាជិកទាំងអស់ទៅក្នុងតំបន់អាស៊ានដែលអាចធ្វើការងារ Business រួមគ្នាបានក្នុងតំបន់រវាងសមាជិក និងសមាជិកជាបណ្តាប្រទេសអាស៊ាន គឺយើងបើកផ្លូវតាមរយៈ Platform សមាគមអចលនទ្រព្យអាស៊ាន (ARENA) ឬសមាគមអចលនទ្រព្យម៉ាយ៉ូនាMayoniaរបស់ប្រទេសមីយ៉ាន់ម៉ា”។

លោកប្រធានសមាគមបានបន្តថា៖“ទី2-តួនាទីពីប្រទេសមួយ ទៅកាន់ប្រទេសមួយទៀតនៅក្នុងតំបន់អាស៊ាន យើងមានលក្ខខណ្ឌដើម្បី Invesment គឺយើងអាចវិនិយោគពីប្រទេសយើងទៅស្រុកគេ និងពីប្រទេសគេមកវិនិយោគក្នុងស្រុកយើង។ អ៊ីចឹងយើងអាចផ្តល់ព័ត៌មានឱ្យគ្នាទៅវិញទៅមក និងអាចបង្ហាញអំពីឱកាសវិនិយោគ របស់ក្រុមហ៊ុននីមួយៗនៃប្រទេសគេអាចវិនិយោគនៅក្នុងប្រទេសយើងផងដែរ”។

លោកបានបញ្ជាក់ថា៖“ ខ្ញុំបានដឹកនាំប្រតិភូចំនួន 34នាក់ទៅកាន់ប្រទេសមីយ៉ាន់ម៉ានាពេលថ្មីៗនេះ គឺដើម្បីឱ្យសមាជិកសមាគមគាត់បានស្វែងយល់ពីឱកាសវិនិយោគអំពីប្រទេសមីយ៉ាន់ម៉ា ព្រោះប្រទេសនេះប្រៀបដូចប្រទេសកម្ពុជាយើងកាល10ឆ្នាំមុនដែរ ដែលយើងអាចមានឱកាសធ្វើការវិនិយោគបាន។ ទន្ទឹមនឹងដែរ ក៏មានអ្នកវិនិយោគរបស់មីយ៉ាន់ម៉ា គាត់ចាប់អារម្មណ៍មកវិនិយោគក្នុងស្រុកយើងផងដែរ។លោក សុខនីម ក៏បានប្រាប់ឱ្យដឹងដែរថា៖“ពាក់ព័ន្ធការប្រើប្រាស់បច្ចេកវិទ្យាឌីជីថល គេនិយាយអំពីតិចណូឡូហ្ស៊ី Technology។ គេនិយាយថា តើតិចណូឡូហ្ស៊ីសម័យឥឡូវ វាដើរយ៉ាងម៉េច? និងបានជួយអ្វីខ្លះដល់វិស័យអចលនទ្រព្យដែរឬទេ? និងវាអាចជាគូប្រកួតប្រជែងទេ? ដូច្នេះតិចណូឡូហ្ស៊ីគេពិភាក្សាទៅ គេឃើញថា វាបានជួយដល់វិស័យអចលនទ្រព្យច្រើន”។

ជាមួយគ្នានេះដែរ ព័ត៌មានមួយចំនួន តិចណូឡូហ្ស៊ីជាអ្នកផ្តល់ ជាអ្នកគ្របដណ្តប់លើការងារនិងជាអ្នករៀបចំធ្វើ ហើយTechnology ជាអ្នកចាប់ផ្តើមជួយសន្សំពេលវេលាជា ហ្គោលម៉ាប Goal Map ជា Google ជាប្រព័ន្ធ Booking Online គឺសុទ្ធតែជាផ្នែកមួយជួយសន្សំពេលវេលាឱ្យភ្នាក់ងារអចលនទ្រព្យក្នុងប្រទេសនៅក្នុងតំបន់ និងនៅលើពិភពលោកផងដែរ។ នេះបើតាមការបញ្ជាក់របស់លោក សុខនីម។លោក ច្រឹក សុខនីម ក៏បានបញ្ជាក់ទៀតដែរថា៖“តែទន្ទឹមនឹងនេះ ក៏មានអ្នកខ្លះបារម្ភផងដែរថា តិចណូឡូហ្ស៊ីកាន់តែរីកចម្រើន នឹងធ្វើឱ្យភ្នាក់ងារអចលនទ្រព្យបាត់បង់ឱកាស ឬបាត់បង់ការងារខ្លះៗ ប៉ុន្តែជាការសន្និដ្ឋានចុងក្រោយទៅ គឺថា ជាទូទៅផ្នែកនីមួយៗធ្វើការកំណត់ឱ្យ System តែចំពោះទឹកលុយធំៗ ការទិញ-លក់ទាមទារឱ្យមានភ្នាក់ងារអចលនទ្រព្យដើម្បីចូលរួមជាមួយគ្នា ព្រោះភ្នាក់ងារជាមនុស្សដែលជាអ្នកធ្វើការចរចានៅក្នុងចំណុចកណ្តាលរវាងអ្នកលក់ និងអ្នកទិញហើយយើងជាមនុស្សដែលអាចសកម្ម រ៉ាប់រងកិច្ចការងារ តែ Technology ពិបាកនឹងចាប់យកការងារហ្នឹងបាន”។

សូមបញ្ជាក់ដែរថា ថ្មីៗនេះគេបានឃើញនូវការបង្កើតឡើងនៃសាលាអចលនទ្រព្យកម្ពុជា (Real Estate School of Cambodia) ជាការបណ្តុះជំនាញខ្លីក្រោមប្រធានបទ “ជំនាញផ្សព្វផ្សាយតាមប្រព័ន្ធឌីជីថល និងការប្រើប្រាស់បច្ចេកវិទ្យាឌីជីថល សម្រាប់វិស័យអចលនទ្រព្យក្នុងសតវត្សរ៍ទី21” ដើម្បីចូលរួមលើកម្ពស់ និងជំរុញការលក់ឱ្យកាន់តែប្រសើរឡើង។

អ្នកជំនាញ នៃសាលាអចលនទ្រព្យកម្ពុជាបានមានប្រសាសន៍ថា កម្មវិធីបណ្តុះបណ្តាលនេះ គឺមានសារៈសំខាន់ និងផ្តល់ចំណេះដឹងបន្ថែមពាក់ព័ន្ធទៅនឹងជំនាញក្នុងការផ្សព្វផ្សាយពីផលិតផលអចលនទ្រព្យដើម្បីជំរុញការលក់ឱ្យកាន់តែមានប្រសិទ្ធភាពខ្ពស់។ ប្រព័ន្ធផ្សព្វផ្សាយឌីជីថល ឬបណ្តាញទំនាក់ទំនងសង្គម Facebook គឺមានសារៈសំខាន់ណាស់ ដែលវាអាចជួយយើងបានច្រើន និងអាចទទួលបានភាពជោគជ័យ ប្រសិនបើយើងចេះប្រើប្រាស់ដោយសមស្រប។

អ្នកជំនាញដដែលបានបន្តទៀតថា៖“បច្ចុប្បន្ននេះ មានមនុស្សជាច្រើនដែលកំពុងតែយកបណ្តាញមួយនេះធ្វើជាប្រយោជន៍ ប៉ុន្តែលទ្ធផលដែលជោគជ័យ គឺមានមនុស្សតិចណាស់ ដោយសារតែការប្រើប្រាស់មិនត្រូវបច្ចេកទេស។ ដូច្នេះការយល់ដឹងស៊ីជម្រៅពីបណ្តាញផ្សព្វផ្សាយឌីជីថល ជាពិសេសបានយល់ច្បាស់ពីរបៀបប្រើ ដើម្បីណែនាំពីផលិតផល ជាពិសេសគឺការជំរុញផលិតផលអចលនទ្រព្យរបស់ខ្លួនទៅដល់ដៃអតិថិជនគោលដៅប្រកបដោយប្រសិទ្ធភាពខ្ពស់។ យើងចង់ចូលរួមជាមួយរដ្ឋាភិបាលកម្ពុជាក្នុងការជំរុញកំណើនសេដ្ឋកិច្ចជាតិ ដើម្បីធ្វើឱ្យកម្ពុជាក្លាយជាប្រទេសដែលមានចំណូលខ្ពស់ក្នុងពេលដ៏ខ្លី។ តាមរយៈសាលាអចលនទ្រព្យកម្ពុជា ដែលតែងតែយកចិត្តទុកដាក់ទៅលើការបណ្តុះបណ្តាលជំនាញ និងផ្តល់នូវចំណេះដឹងបន្ថែមថ្មីទៅដល់អ្នកដែលកំពុងតែប្រឡូកនៅក្នុងវិស័យអចលនទ្រព្យកម្ពុជា”៕

September 10, 2019

ដង្កៀបកៀបសក់ ក៏ជួយឱ្យនារីៗស្រស់ស្អាតដូចបំណងដែរ

ចំពោះការលេងម៉ូដសក់ក៏អាចលម្អបន្ថែមដោយម៉ូដដង្កៀបស្អាតៗបានដែរ ហើយថែមទាំងមើលទៅសុភាពរាបសារថែមទៀតផង។ មើលចុះស្អាតប្លែកភ្នែកតែម្តង ម៉ូដដង្កៀបក៏ស្អាត និងមានម៉ូដច្រើនឱ្យជ្រើសរើសទៀតផង។ ទោះជាលេងម៉ូដសក់ទម្លាក់រំសាយ ម៉ូដសក់ពាក់កណ្តាលទម្លាក់ និងម៉ូដសក់លើកឡើងក៏អាចបន្ថែមជាមួយនឹងម៉ូដដង្កៀបបែប Cute Cute មានតូច មានធំ និងមានពណ៌ជាច្រើនឱ្យផ្លាស់ប្តូរថែមទៀតផង ពិតជាពេញចិត្តនារីៗយើងមិនតិចទេ។ តោះចឹងជ្រើសរើសម៉ូដដង្កៀបស្អាតៗតាមបំណងចិត្តរបស់អ្នកនៅក្នុងទំព័រទស្សនាវដ្តី ឡារ៉ែន ទាំងអស់គ្នាណា៎៕

September 10, 2019

កាន់តែងាយស្រួល គ្រប់ពេលវេលា គ្រប់ទីកន្លែង តាមរយៈសេវាធនាគារចល័តប្រាសាក់

ស្របទៅនឹងភាពរីកចម្រើននៃបច្ចេកវិទ្យាផ្នែកហិរញ្ញវត្ថុ (FinTech) របស់ពិភពលោក ប្រាសាក់ដែលជាគ្រឹះស្ថានមួយក្នុងចំណោមធនាគារធំៗទាំង 5 នៅកម្ពុជា បានផ្ដល់ជូន «សេវាធនាគារចល័ត» ដែលអនុញ្ញាត ឱ្យអតិថិជនអាចចាត់ចែងសាច់ប្រាក់បានដោយខ្លួនឯងយ៉ាងងាយស្រួលគ្រប់ពេល គ្រប់ទីកន្លែង។

លោក សាយ សូនី នាយកប្រតិបត្តិគ្រប់គ្រងទីផ្សាររបស់ប្រាសាក់ បានឱ្យដឹងថា សេវាធនាគារចល័តប្រាសាក់ រចនាឡើងដោយបច្ចេកវិទ្យាកម្រិតខ្ពស់បំផុត ដែលធានាបានសុវត្ថិភាពសម្រាប់អតិថិជន អាចធ្វើប្រតិបត្តិការចាត់ចែងសាច់ប្រាក់តាមរយៈការប្រើទូរស័ព្ទដៃ Tablet ឬកុំព្យូទ័រ។ ជាមួយសេវានេះ អតិថិជនអាច ពិនិត្យមើលសមតុល្យនិងរបាយការណ៍គណនី ផ្ទេរប្រាក់ ផ្ទេរប្រាក់ទៅអ្នកគ្មានគណនី ពិនិត្យអត្រាប្តូរប្រាក់ និងបង់ថ្លៃទឹក ថ្លៃភ្លើង ទិញកាតទូរស័ព្ទ គ្រប់គ្រងប័ណ្ណអេធីអឹមដោយងាយស្រួល និងមិនគិតកម្រៃសេវា បានគ្រប់ពេលវេលា គ្រប់ទីកន្លែង។

លោក សាយ សូនី បានបន្តទៀតថា ការប្រើប្រាស់សេវាធនាគារចល័តប្រាសាក់ ជាជំនួយដល់អតិថិជនរបស់យើងដែលមមាញឹកអាចធ្វើប្រតិបត្តិការបានគ្រប់ពេលវេលា គ្រប់ទីកន្លែង ហើយនេះក៏បានឆ្លុះបញ្ចាំងពីភាពទាន់សម័យរបស់អតិថិជន ក្នុងយុគសម័យបច្ចេកវិទ្យាដ៏ទំនើបនេះ។ នេះគឺជាការប្ដេជ្ញាចិត្តរបស់ប្រាសាក់ក្នុងការនាំយកបទពិសោធន៍ដ៏អស្ចារ្យ និងមានភាពងាយស្រួលជូនដល់អតិថិជន ដើម្បីរួមចំណែកក្នុងការជំរុញបរិយាប័ន្នហិរញ្ញវត្ថុនៅកម្ពុជា។

គួរបញ្ជាក់ថា សាធារណជនទាំងអស់អាចបើកគណនីជាមួយប្រាសាក់ និងដើម្បីអាចប្រើប្រាស់សេវាធនាគារចល័តប្រាសាក់បាន សូមអតិថិជនអញ្ជើញទាក់ទងសាខាប្រាសាក់ដែលនៅជិតបំផុត និងទាញយកកម្មវិធីសេវាធនាគារចល័តប្រាសាក់នេះពី App Store ឬ Google Play នោះអតិថិជននឹងអាចធ្វើប្រតិបត្តិការសាច់ប្រាក់បានដោយងាយស្រួល។

អំពីប្រាសាក់
ក្នុងរយៈពេល 6 ខែដើមឆ្នាំ 2019 នេះ ប្រាសាក់មានទ្រព្យសកម្មសរុបច្រើនជាង 2,800 លានដុល្លារអាមេរិក សម្ពៀតឥណទានច្រើនជាង 2,370 លានដុល្លារអាមេរិក អតិថិជនប្រាក់កម្ចី 410 ពាន់នាក់ បណ្តាញការិយាល័យ 177 ទីតាំង មានម៉ាស៊ីនអេធីអឹម 129 និងបុគ្គលិកជិត 8,200នាក់ ព្រមទាំងបានផ្តល់អគារបណ្ណាល័យចំនួន 40 នៅតាមបណ្តាខេត្តនានានៅកម្ពុជា។ ព័ត៌មានបន្ថែមសូមចូលទៅកាន់៖ www.prasac.com.kh។

សម្រាប់តម្រូវការ ឬព័ត៌មានបន្ថែមអំពីកម្ចីប្រាសាក់ សូមទាក់ទងសាខាប្រាសាក់ដែលនៅជិតលោកអ្នកបំផុត ឬទូរស័ព្ទមកលេខ 086 999 911 ឬ 023 999 911 ឬ 0969 999 911។

សូមទស្សនាវីឌីអូខាងក្រោម៖

September 9, 2019

កាសែតឡារ៉ែន ពាណិជ្ជ លេខ 189

[easy_media_download url=”https://www.lareine.com.kh/wp-content/uploads/2019/11/LRPN_189-Final-For-Web.pdf” force_dl=”1″]

September 9, 2019

សម្លឹងសេចក្តីស្នេហាដោយក្តីយល់ចិត្ត អ្វីៗក៏ស្រស់ស្អាត និងមានសុភមង្គលដែរ

ដោយសារតែមូលដ្ឋានគ្រឹះរបស់ក្រុមគ្រួសារ ចិត្តគំនិត និស្ស័យ រួមទាំងការរស់នៅដែលអាចមានភាពខុសប្លែកពីគ្នាមកតាំងពីដើមទីនោះ ទើបយើង(គូស្វាមីភរិយា)ត្រូវអាស្រ័យលើ “ការយល់ចិត្តគ្នា” ធ្វើជាឫសគល់សំខាន់ក្នុងរឿង “ស្នេហា” ហើយ “ការយល់ចិត្ត” នៅក្នុងទីនេះ ត្រូវតែធ្វើរួមគ្នាទាំង2នាក់ បើមានតែនរណាម្នាក់ខំប្រឹងព្យាយាមធ្វើតែម្នាក់ឯង ក៏គ្មានថ្ងៃបានយល់ចិត្តគ្នា ដែលនឹងនាំឱ្យមានសុភមង្គលបានដែរ។

ម្នាក់ៗត្រូវខំព្យាយាមសិក្សា និងយល់ចិត្តគ្នាទៅវិញទៅមក ដូចជា ម្នាក់ចង់ទៅដើរលេងទិញអីវ៉ាន់តែម្នាក់ឯង ខណ:ដែលម្នាក់ទៀតចង់តែទៅជាមួយដែរជាប់រហូត ឬក៏ម្នាក់ចង់ទៅរួមកម្សាន្តសប្បាយជាមួយពួកម៉ាកមិត្តភក្តិម្តងម្កាលតាមតែមានឱកាស តែម្នាក់ទៀតបែរជាមិនសូវចូលចិត្ត ព្រោះគិតថា ខ្លួននឹងត្រូវគេទុកចោលឱ្យនៅផ្ទះម្នាក់ឯងជាដើម។ អឹុម! គ្រាន់តែប៉ុណ្ណឹង បញ្ហាដែលមិនគួរនឹងកើតឡើង វានឹងកើតឡើងមិនខាន។ ការពិតទៅ រឿងបែបនេះ គ្រាន់តែយើងបែរមុខមកនិយាយគ្នា ប្រាប់គ្នាឱ្យដឹង និងយល់ពីតម្រូវការរបស់ម្នាក់ៗ និងយល់ព្រមបើកចិត្តទទួលយករវាងគ្នាទៅវិញទៅមក តែប៉ុណ្ណឹង សូមជឿចុះថា បញ្ហារទាស់ចិត្តគ្នាផ្សេងៗទាំងនោះ នឹងធូរស្រាលអស់ជាមិនខាន។

ចូរកុំភ្លេចថា “សេចក្តីស្នេហា” គឺជារឿងដ៏ល្អស្រស់បំព្រងមួយដែលត្រូវអាស្រ័យលើការរៀនយល់ដឹង ការសម្របខ្លួន ការស្វែងយល់ និងព្រមទទួលយកពីគ្នាទៅវិញទៅមក។ យើងក៏ជាយើង គេក៏ជាគេ បើសិនជាត្រូវបង្ខំចិត្តផ្លាស់ប្តូរ និងសម្របខ្លួនដើម្បីឱ្យមនុស្សម្នាក់ស្រឡាញ់នោះ ប្រហែលមិនមែនជារឿងល្អឡើយ ហើយអ្នកដែលបង្ខំចិត្តធ្វើនោះ ក៏ប្រហែលជាគ្មានសេចក្តីសុខដែរ មែនទេ? ដូច្នេះ តើហេតុអីមិនសាកល្បងងាកមក “យល់ចិត្តគ្នា” និង “ទទួលយក” ពីគ្នាទៅវិញទៅមក? យល់ថា គាត់ ឬនាង គឺជាមនុស្សបែបហ្នឹង និងព្រមទទួលយកនូវអ្វីដែលជាខ្លួនគាត់ ឬនាងវិញ វាមិនប្រសើរជាងឬ?

សាកល្បងគិតលេងៗទៅមើលថា នៅពេលណាក៏ដោយ ដែលសេចក្តីស្នេហារបស់អ្នកខ្វះភាពយល់ចិត្តគ្នា តើវានឹងមានបញ្ហាអ្វីកើតឡើងខ្លះ?… ការឈ្លោះទាស់ទែងគ្នា ការប្រកែកតវ៉ាគ្នា ការខឹងសម្បា ការងង៉ក់ ប្រចែប្រចណ្ឌ-ល-អូយ! គ្រាន់តែគិត ក៏ហត់បាត់ទៅហើយ មែនទេ? ដូច្នេះហើយ អ្នកគ្រូ ឆវី ចង់ប្រាប់ថា ចូរព្យាយាមសិក្សាស្វែងយល់អំពីគ្នាទៅវិញទៅមកឱ្យបានច្រើនបំផុត ហើយនៅទីបំផុត សម្រាប់ “សេចក្តីស្នេហា” ដែលមិនអាចអធិប្បាយបានដោយពាក្យសម្តីនោះ ក៏អាច “យល់បាន” ដោយបេះដូង និងរស់នៅជាមួយគ្នាប្រកបដោយសុភមង្គលមិនខាន៕

September 9, 2019

វិស័យ SME កម្ពុជា បានរួមចំណែកជួយដល់កំណើនសេដ្ឋកិច្ចស្របនឹងឧស្សាហកម្ម4.0

មន្ត្រីជាន់ខ្ពស់ក្រសួងឧស្សាហកម្ម និងសិប្បកម្មបានចាត់ទុកវិស័យសហគ្រាសធុនតូច និងមធ្យម(SME)ថា ជាវិស័យមួយដែលដើរតួយ៉ាងសំខាន់ក្នុងការជួយដល់កំណើនផលិតផលសរុបក្នុងស្រុក(GDP) ជាពិសេសជួយបង្កើនដល់កំណើនសេដ្ឋកិច្ចជាតិ។ នេះបើតាមការថ្លែងរបស់រដ្ឋលេខាធិការក្រសួងឧស្សាហកម្ម និងសិប្បកម្ម។

ឯកឧត្តម ហេង សុខគង់ រដ្ឋលេខាធិការនៃក្រសួងឧស្សាហកម្ម និងសិប្បកម្ម បានថ្លែងក្នុងពិធីបិទសិក្ខាសាលាស្តីពី “ការលើកកម្ពស់ការអភិវឌ្ឍសហគ្រាសធុនតូច និងមធ្យម និងសិប្បកម្ម និងវិស័យឧស្សាហកម្ម” នៅក្នុងពិធីតាំងពិព័ណ៍ឧស្សាហកម្មគ្រឿងយន្ត និងវាយនភណ្ឌកម្ពុជាអន្តរជាតិ CIMIF & CTG ប្រចាំឆ្នាំនៅកម្ពុជាថា វិស័យឧស្សាហកម្មពិតជាបានរួមចំណែកយ៉ាងសំខាន់ក្នុងលើកកម្ពស់កំណើនសេដ្ឋកិច្ចជាតិ ដោយវិស័យនេះបានចូលរួមចំណែកក្នុងផលិតផលសរុបក្នុងស្រុក (GDP) ប្រមាណជា 32.8% ក្នុងឆ្នាំ2018 លឿនជាងផែនការដែលរដ្ឋាភិបាលបានកំណត់ថា នៅឆ្នាំ 2025 វិស័យឧស្សាហកម្មនឹងមានចំណែករួម 30% នៃGDP។ ពោលគឺលឿនជាងផែនការរហូតដល់ទៅ 5ឆ្នាំ។

ឯកឧត្តម សុខគង់ បានបន្តថា៖ “បើតាមទិន្នន័យពីក្រសួងឧស្សាហកម្ម និងសិប្បកម្ម ការរីកចម្រើននៃវិស័យឧស្សាហកម្មនៅកម្ពុជា គឺជាចំណែកដ៏ធំដែលបានមកពី SME ដោយមានរហូតដល់ជាង 90% ក្នុងចំណោមសហគ្រាសសរុបទាំង 51ម៉ឺនស្ថាប័ននៅកម្ពុជា។ បច្ចុប្បន្នកម្លាំងពលកម្មប្រមាណ 1.2លាននាក់កំពុងបម្រើការងារក្នុងវិស័យនេះ។

ឯកឧត្តមថ្លែងថា៖ “ដោយសារSME នៅកម្ពុជាមានចំនួនច្រើន និងមានតម្រូវការកម្លាំងពលកម្មច្រើន ហេតុនេះទើបយើងត្រូវធ្វើការសិក្សាឱ្យបានច្បាស់ ដើម្បីឱ្យវិស័យនេះកាន់តែមានចំណែកសំខាន់ថែមទៀត។ ខណៈបច្ចុប្បន្ន ពិភពលោកកំពុងឈានឆ្ពោះទៅរកបដិវត្តន៍ឧស្សាហកម្មទី4 ដូច្នេះដើម្បីឱ្យការអភិវឌ្ឍSME ដំណើរការបានល្អ កម្ពុជាត្រូវតែគិតគូរឱ្យច្រើនពីការធ្វើទំនើបកម្ម។ ថា អ្វីដែលយើងត្រូវរុញមុនគេ គឺ Good Digital បន្ទាប់មកយើងរុញវិស័យឧស្សាហកម្មធំៗ ហើយបន្តបន្ទាប់ទៀតយើងនឹងសិក្សាលម្អិតថា តើឧស្សាហកម្មកម្រិតណាដែលយើងត្រូវរុញទៅជាឧស្សាហកម្មទី4 មុនគេ”។

ឯកឧត្តម ហេង សុខគង់បញ្ជាក់ថា ដើម្បីឆ្លើយតបទៅនឹងតម្រូវការនៃការប្រើប្រាស់បច្ចេកវិទ្យាទំនើប ក៏ដូចជាវិស័យឌីជីថលស្របទៅនឹងការរីកចម្រើននៃបដិវត្តន៍ឧស្សាហកម្មជំនាន់ទី4 កម្ពុជា ក៏គ្រោងប្រើប្រាស់ផ្កាយរណបដោយខ្លួនឯងនៅក្នុងអំឡុងឆ្នាំ2022 ហើយក៏គ្រោងនឹងប្រើប្រាស់ឌីជីថលខេមបូឌា នៅក្នុងអំឡុងឆ្នាំ2023 ខាងមុខនេះផងដែរ។

លោក ឈា ឡាយហ៊ី ប្រធាននាយកដ្ឋានសហគ្រាសធុនតូច និងមធ្យម និងសិប្បកម្ម បានបញ្ជាក់ឱ្យដឹងថា បច្ចុប្បន្ននេះសហគ្រាសធុនតូច និងមធ្យម(SME) មានបញ្ហាចោទមួយចំនួនលើទីផ្សារ ក្នុងនោះSME ភាគច្រើនមិនទាន់អាចនាំចេញផលិតផលរបស់ខ្លួនទៅក្រៅប្រទេសបានទេ គឺ មានភាគរយតិចតួចបំផុតក្នុងការនាំចេញ ទោះបីផលិតផលនោះមានការចុះបញ្ជី និងមានគោលការណ៍ស្ដង់ដាគុណភាព និងការវេចខ្ចប់ត្រឹមត្រូវហើយក៏ដោយ។

លោក ឈា ឡាយហ៊ី បានថ្លែងថា៖ “SME ភាគច្រើនមិនទាន់អាចនាំចេញទៅក្រៅប្រទេសបានទេ គឺមានភាគរយតិចតួចបំផុត ចំណែកឯផលិតផលក្នុងស្រុកមួយចំនួន ក៏ការគាំទ្រនៅមានកម្រិតនៅឡើយដែរ។ ពលរដ្ឋកម្ពុជាមិនទាន់ឱ្យតម្លៃផលិតផលក្នុងស្រុកខ្លួនឯងខ្លាំងជាផលិតផលនាំចូលពីបរទេសនៅឡើយ ទោះបីផលិតផលក្នុងស្រុកមានការចុះបញ្ជី និងមានការផលិតដោយគោរពតាមគោលការណ៍ស្ដង់ដាត្រឹមត្រូវក៏ដោយ”។

“ជាក់ស្ដែងសិប្បកម្មកែច្នៃដំណាប់ស្វាយ ពួកគាត់ខិតខំប្រឹងប្រែងកែច្នៃតាំងពីមិនទាន់ល្អ រហូតដល់កែច្នៃបានល្អ មានស្ដង់ដារ និងអាចនាំចេញទៅក្រៅប្រទេសបាន ក៏នៅតែមិនទាន់ទទួលបានជោគ-ជ័យ ទោះជាប្រឹងផ្សព្វផ្សាយក្នុងស្រុកយ៉ាងណាក្ដី តែការនាំចេញទៅក្រៅប្រទេសទទួលបានរហូតដល់ 80-85% រីឯការលក់ក្នុងស្រុកមានត្រឹមតែ 15%ប៉ុណ្ណោះ”។ ទាំងនេះជាអ្វីដែលក្រសួងឧស្សាហកម្មកំពុងរៀបចំជាយន្ដការមួយដើម្បីផ្សព្វផ្សាយពីផលិតផលណាដែលមានគុណភាព និងធ្វើយ៉ាងណាឱ្យមានការគាំទ្រច្រើនពីប្រជាពលរដ្ឋក្នុងស្រុកឡើងវិញ។ នេះបើតាមការបញ្ជាក់របស់លោកប្រធាននាយកដ្ឋាន។

ទោះបីយ៉ាងនេះក្តី លោក ឈា ឡាយហ៊ី បានបញ្ជាក់ថា រហូតមកដល់ពេលនេះមាន SME ប្រមាណតែ 5%ប៉ុណ្ណោះដែលបានមកចុះបញ្ជីត្រឹមត្រូវ។ លោកអះអាងថា៖ “នេះជាបញ្ហាប្រឈមធំមួយរបស់យើង។ នៅពេលដែលមានSME មកចុះបញ្ជីតិចបែបនេះ វាធ្វើឱ្យរដ្ឋពិបាកក្នុងការគ្រប់គ្រង និងមិនដឹងពីចំណុចខ្វះខាតដែលវិស័យឯកជនកំពុងត្រូវការ”។

លោកបានបន្តថា ទោះបីវិស័យSME កំពុងមានដំណើរវិវឌ្ឍន៍ទៅមុខល្អ តែវាក៏មានបញ្ហាចោទខ្លះលើទីផ្សារដែរ ទាំងការលក់ក្នុងស្រុក និងអន្តរជាតិ ដែលទាមទារឱ្យSME ត្រូវខិតខំពង្រឹងគុណភាពឱ្យបានកាន់តែប្រសើរបន្ថែមទៀត។

លោក លី វិសាល ប្រធានប្រតិបត្តិសម្ព័ន្ធសមាគមសហគ្រាសធុនតូច និងមធ្យមកម្ពុជាបានមានប្រសាសន៍ថា៖ “បើSME មិនចុះបញ្ជីដូចសព្វថ្ងៃ អាជ្ញាធរពិតជាពិបាកនឹងដឹងថា តើពួកគាត់ត្រូវការ-ឱ្យរដ្ឋាភិបាលជួយលើផ្នែកណាមួយនោះទេ។ ការផ្តល់កម្ចី អាចជាការចាំបាច់ដើម្បីជួយពង្រឹងវិស័យSME នៅកម្ពុជា។ ក្នុងនាមវិស័យឯកជន លោកពិតជាចង់ឃើញSME ទាំងអស់ត្រូវបានចុះបញ្ជី ដើម្បីធ្វើឱ្យការរកស៊ីកាន់តែមានតម្លាភាពឡើង ហើយរដ្ឋក៏ងាយស្រួលក្នុងការគ្រប់គ្រងផងដែរ ពិសេសការលើកកម្ពស់ និងដាក់ចេញនូវគោលនយោបាយសម្រាប់ជួយគាំទ្រដល់វិស័យឯកជនមួយនេះ”។

តែលោកបានបញ្ជាក់បន្ថែមថា៖ “ខ្ញុំមើលឃើញថា កំណើននៃក្រុមហ៊ុនប្រភេទSME ដែលទៅចុះបញ្ជី កំពុងមានការកើនឡើងជាបន្តបន្ទាប់ ខណៈដែលការពង្រឹងផ្នែកច្បាប់ និងការយល់ដឹងពីអត្ថប្រយោជន៍នៃការចុះបញ្ជី និងមានការលើកទឹកចិត្តពីរដ្ឋាភិបាលផងដែរក្នុងវិស័យនេះ”។

សូមបញ្ជាក់ថា នៅកម្ពុជាបច្ចុប្បន្នមានរោងចក្រសហគ្រាសធំៗប្រមាណជាង 1,600ស្ថាប័ន ចំណែកSME មានជាង 51ម៉ឺនក្រុមហ៊ុន នៅក្នុងនោះផ្នែកកម្មន្តសាលមានប្រហែល15% និងសេវាកម្ម ការលក់ដុំ និងលក់រាយមាន 85%។

សូមរំឭកដែរថា ក្រោមការចង្អុលបង្ហាញរបស់ប្រមុខរាជរដ្ឋាភិបាល សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានសម្រេចផ្តល់ថវិកាចំនួន 100លានដុល្លារអាមេរិកសម្រាប់ការបង្កើតធនាគារសហគ្រាសធុនតូច និងមធ្យមកម្ពុជា(ធ.ស.ក) ដើម្បីគាំទ្រដល់ការអភិវឌ្ឍវិស័យSMEs សំដៅចូលរួមជំរុញកំណើនសេដ្ឋកិច្ចប្រកបដោយចីរភាព និងបរិយាប័ន្ន។

ជារួម មកទល់ពេលនេះ ការសិក្សាអំពីលទ្ធភាពការបង្កើតក្របខ័ណ្ឌច្បាប់ និងបទប្បញ្ញត្តិពាក់ព័ន្ធ ព្រមទាំងការរៀបចំផែនការអាជីវកម្ម និងរចនាសម្ព័ន្ធដឹកនាំរបស់ធនាគារ ដើម្បីឈានដល់ការបង្កើត ធ.ស.ក. ត្រូវបាននិងកំពុងរៀបចំស្ទើរតែបញ្ចប់ទាំងស្រុងហើយ ដោយធនាគារនេះត្រូវបានរំពឹងថា នឹងចាប់ដំណើរការក្នុងពេលដ៏ខ្លីខាងមុខ៕

September 9, 2019

មូលហេតុអ្វីដែលសិស្សទើបបញ្ចប់បាក់ឌុប ពុំគួរមើលរំលងកម្មវិធីពិព័រណ៍ឧត្តមសិក្សា?

បន្ទាប់ពីការប្រឡងសញ្ញាបត្រមធ្យមសិក្សាទុតិយភូមិត្រូវបានបញ្ចប់ សិស្សានុសិស្សទាំងអស់មានពេលរយៈពេលជិតមួយខែសម្រាប់ការរង់ចាំលទ្ធផលរបស់ខ្លួន។ ដូចនេះពួកគេគួរចាំបាច់ប្រើប្រាស់ពេលវេលាទៅលើអ្វីដែលមានប្រយោជន៏ ដោយចូលក្នុងរួមក្នុងកម្មវិធីផ្សេងៗ ដែលទាក់ទងទៅនឺងអ្វីដែលត្រូវធ្វើបន្ត ជាពិសេសការជ្រើសរើសសាកលវិទ្យាល័យអោយបានត្រឹមត្រូវ។ ក្នុងនោះផងដែរកម្មវិធីពិព័រណ៏ឧត្តមសិក្សា ដែលប្រារព្ធឡើងជាលើកទី២ ត្រូវបានរៀបចំឡើងក្នុងគោលបំណងតម្រង់ទិសសិស្សានុសិស្សក្នុងការជ្រើសរើសមុខជំនាញ និងព័ត៌មានទាក់ទងនឹងអាហារូបករណ៍ដែលផ្តល់ពីសាកលវិទ្យាល័យ និងស្ថាប័នអប់រំផ្សេងៗ ដែលមានវត្តមានក្នុងកម្មវិធី។ លើសពីនេះទៅទៀតក្នុងកម្មវិធីក៏មានវាគ្មិនល្បីៗមួយដូចជាលោកគ្រូ គូ សុភាព កញ្ញា អ៊ុង ច័ន្ទសោភា វីជេ ណា ណា និងវាគ្មិនមួយចំនួនទៀត ដើម្បីចែករំលែកចំណេះដឹង និងបទពិសោធន៏ល្អៗ ទៅកាន់អ្នកចូលរួម ជាពិសេសសម្រាប់សិស្សានុសិស្សដែលទើបតែបញ្ចប់ការប្រឡងសញ្ញាបត្រមធ្យមសិក្សាទុតិយភូមិនាពេលថ្មីៗនេះ។ ខាងក្រោមនេះជាហេតុផល ៥យ៉ាងដែលអ្នកគួរចូលរួមពិព័រណ៍ឧត្តមសិក្សានៅឆ្នាំនេះ៖
១. ទទួលបានព័ត៌មានសំខាន់ៗពីការសិក្សានៅថ្នាក់ឧត្តមសិក្សា
២. ស្គាល់ពីសាកលវិទ្យាល័យល្បីៗនៅក្នុងទីក្រុងភ្នំពេញ
៣. ទទួលបទពិសោធន៍ពីវាគ្មិនល្អៗ ជាច្រើនរូបដូចដែលបានរៀបរាប់ខាងលើ
៤. បង្កើនទំនាក់ទំនងក្នុងសង្គម និងបង្កើនភាពជឿជាក់លើខ្លួនឯង
៥. ទទួលបានភាពសប្បាយរីករាយជាមួយល្បែងកំសាន្ត និងការប្រគំតន្ត្រីពីសំណាក់សិល្បៈករជាច្រើនរូបទៀត។

ការតាំងពិព័រណ៍ឧត្តមសិក្សានេះនឹងប្រារព្ធឡើងនៅថ្ងៃទី១៤ និង ១៥ ខែកញ្ញា ឆ្នាំ២០១៩ ដែលមានទីតាំងស្ថិតនៅបរិវេណផ្សារទំនើបអូឡាំព្យាជាន់ផ្ទាល់ដី ចាប់ពីម៉ោង ៩ព្រឹក ដល់ ម៉ោង១០យប់។ គួរបញ្ជាក់ថាកម្មវិធីនេះប្រារព្ធឡើងមួយឆ្នាំម្តង ដែលនេះជាលើកទីពីរហើយ បន្ទាប់ពីលើកទីមួយបានបានប្រព្រឹត្តទៅយ៉ាងជោគជ័យ។ ដូចច្នេះ ដើម្បីកុំឲឳកាសដ៏ល្អនេះរំលងផុតទៅ កុំភ្លេចចូលរួមទាំងអស់គ្នាណា!

សម្រាប់ព័ត៌មានបន្ថែមអាចទំនាក់ទំនងអ្នកសម្របសម្រួលកម្មវិធី
ឈ្មោះ៖ ហៀម ចិត្រា និង តាន់ គឹមច័ន្ទវាសនា
លេខទូរស័ព្ទ៖ ០១៥ ៩៣៥ ៣៨៣ / ០៩៣ ៦៤៣ ៦៣៦

ទស្សនាវីឌីអូខាងក្រោម៖

September 9, 2019

ផ្សិតលើក្រចកជើង

សោភ័ណនៃរូបរាងកាយរបស់អ្នកកំពុងតែមានការធ្លាក់ចុះ ព្រោះតែក្រចកជើងរបស់អ្នកមិនស្អាត ខូច ព្រមទាំងមានជំងឺផ្សិតលើក្រចកមែនទេ? បើដូច្នេះនាំគ្នាមកអានពីមូលហេតុ រោគសញ្ញា ព្រមទាំងវិធីកែខៃមួយចំនួនដូចតទៅ៖

មូលហេតុអាចបណ្តាលមកពី
– ភាពសើមជាប់ជើងដែលបានមកពីទីសាធារណៈដូចជា កន្លែងហែលទឹក កន្លែងហាត់កីឡា ឬបន្ទាប់ពីងូតទឹកជាដើម។
– ពាក់ស្បែកជើងតឹងចង្អៀតពេក។
– ស្បែកមានកម្រិត PH ខុសប្រក្រតី។
– កម្រិតនៃប្រព័ន្ធភាពស៊ាំចុះខ្សោយ។
– ខ្វះអនាម័យជើង និងក្រចកជើង។- ងាយកើតមេរោគផ្សិតលើក្រចកជើង។ល។

រោគសញ្ញាដែលអាចឱ្យអ្នកសម្គាល់បានពីការកើតមានរោគផ្សិត៖
– ក្រចកជើងឡើងក្រាស់។
– ក្រចកជើងឡើងពណ៌ត្នោត ឬពណ៌លឿង។
– ចាប់ផ្តើមជ្រុះក្រចក។
– ចាប់ផ្តើមមានកម្ទេចប្រមូលផ្តុំគ្នានៅម្តុំក្រចកជើង។
– ក្រចកចាប់ផ្តើមឡើងដុំៗ (ដូចមានដំបៅ)។
– ក្រចកចាប់ផ្តើមមានភាពផុយស្រួយ ងាយរបក ងាយបាក់។
– មានការឈឺចាប់រាល់ពេលប៉ះពាល់វា។
– មានទ្រង់ទ្រាយខុសពីមុន។
– មិនមានភាពភ្លឺរលោងដូចមុន (ឡើងពណ៌ស្រអាប់ ឬឡើងពណ៌ខ្មៅតែម្តងក៏មាន)។
– មានក្លិនមិនល្អ។ល។

វិធីកែខៃ
ប្រសិនបើលោកអ្នកកំពុងតែជួបប្រទះនឹងបញ្ហាបែបនេះ សូមសាកល្បងធ្វើតាមវិធីមួយចំនួនដូចតទៅ៖
– ទឹកខ្មេះ (គេច្រើនប្រើទឹកខ្មេះធម្មជាតិដែលផលិតពីផ្លែប៉ោម) មួយភាគ លាយជាមួយទឹកក្តៅតិច2ភាគ។ ត្រាំក្រចកជើងឱ្យលិចទៅក្នុងទឹក ប្រហែល15-20នាទី។ រួចលាងសម្អាតឱ្យស្អាត និងជូតវាឱ្យស្ងួតជាការស្រេច។– ប្រេងអូលីវមួយស្លាបព្រាបាយ លាយជាមួយនឹងប្រេងអូរីហ្គាណូ (Oregano) 2ដំណក់។ យកល្បាយនេះទៅត្រដុសត្រង់ក្រចកដែលមានបញ្ហា។ ធ្វើបែបនេះរយៈពេល3សប្តាហ៍ជាប់គ្នា នោះនឹងឃើញប្រសិទ្ធភាពជាមិនខាន។
– ម្សៅល្មៀតលាយជាមួយទឹកខាប់ៗ រួចយកវាមកលាបលើក្រចកដែលខូច។ ទុកចោលរហូតដល់វាស្ងួតសឹមសម្អាត និងជូតចេញឱ្យស្ងួតជាការស្រេច។
– ហាន់ខ្ទឹមបារាំងជាបន្ទះស្តើងៗ រួចយកវាមកត្រដុសលើក្រចកដែលមានបញ្ហានោះ ទុកចោល20-30នាទី សឹមសម្អាតចេញ។ ធ្វើបែបនេះឱ្យមានញឹកញាប់(មិនចាំបាច់រាល់ថ្ងៃក៏បាន)។ ខ្ទឹមបារាំងមឹងជួយកាត់បន្ថយការក្លាយនៃដំបៅបានយ៉ាងល្អ។

នៅមានវិធីព្យាបាលផ្សេងៗចំនួនទៀតដែលអ្នកគួរតែដឹងដូចជា ពាក់ស្រោមជើងផលិតពីក្រណាត់សំឡីកប្បាស ចៀសវាងការលាបថ្នាំក្រចក កុំប្រើ ឬបោកសម្លៀកបំពាក់ និងក្រណាត់ប្រើប្រាស់ផ្សេងចូលគ្នា ជាមួយអ្នកមានជំងឺប្រភេទនេះ និងត្រូវរក្សាភាពស្ងួតឱ្យជើងជានិច្ច។ សូមចាំថា វិធីសាស្ត្រមួយមិនតម្រូវសម្រាប់មនុស្សគ្រប់គ្នានោះទេ ដូច្នេះសូមកុំទាន់បោះចោលការព្យាយាមឱ្យសោះប្រសិនបើអ្នកកំពុងជួបជាមួយនឹងបញ្ហាផ្សិតលើក្រចកជើងនេះ៕

September 9, 2019

ដំណឹងសេងហាង ផ្សិតអាំងសុខភាព

យើងខ្ញុំចង់សេងហាងផ្សិតអាំងសុខភាព ដែលមានទីតាំងស្ថិតនៅផ្ទះលេខ 221, ផ្លូវលេខ 150, សង្កាត់ទឹកល្អក់ 2,ខណ្ឌទួលគោក, រាជធានីភ្នំពេញ (នៅខាងក្រោយសាលាសន្ធរម៉ុក)។ ហាងនេះបានបើកដំណើរការរយៈពេល4ឆ្នាំមកហើយ ហាងមានភ្ញៀវស្រាប់ នៅជុំវិញហាង1គីឡូម៉ែត្រមានវិទ្យាល័យ ការិយាល័យ ក្រសួងការងារធំៗជាច្រើន នៅពេលនេះយើងខ្ញុំចង់សេងហាង ផ្សិតអាំងសុខភាព នេះជាបន្ទាន់ក្នុងតម្លៃត្រឹមតែ $9,000 ( លុយកក់កុងត្រា $ 2000 )។

បញ្ជាក់ ៖
– ឈ្នួលផ្ទះ $1,000 ក្នុងមួយខែ
– ទំហំផ្ទះ 15*22 /Width ម៉ែត្រ មានកម្ពស់2ជាន់, ទំហំដី 18*30 ម៉ែត្រ
– ហាងនេះមានបន្ទប់គេង ចំនួន2 បន្ទប់ប្រជុំធំៗ ចំនួន2 បន្ទប់ប្រជុំតូច ចំនួន2 ចង្ក្រានបាយ ចំនួន1 និងមានបន្ទប់ទឹក ចំនួន4
– មានទីធ្លាចតរថយន្ត និងម៉ូតូ ធំទូលាយ
– ហាងបែរមុខទៅទិសខាងត្បូង រៀបចំហាងដោយចិនសែល្បីឈ្មោះ
មូលហេតុសេងហាង: ម្ចាស់ហាងរវល់ការងារច្រើន មិនមានពេលគ្រប់គ្រងហាងបន្តទៀត។