ប្រទេសកម្ពុជា-ឡាវ-វៀតណាម (CLV-DTA) បានចាប់ផ្តើមដាក់ផែនការយុទ្ធសាស្ត្រអភិវឌ្ឍន៍ទេសចរណ៍ក្នុងតំបន់អភិវឌ្ឍន៍ត្រីកោណរួមគ្នាសម្រាប់ឆ្នាំ2020-2025 សំដៅជំរុញអភិវឌ្ឍន៍ផលិតផលទេសចរណ៍ លើកកម្ពស់គុណភាពសេវាកម្ម អភិវឌ្ឍន៍ធនធានមនុស្ស ជំរុញទីផ្សារ និងផ្សព្វផ្សាយទេសចរណ៍ ពង្រឹងប្រព័ន្ធសុវត្ថិភាពទេសចរណ៍ និងពង្រឹងកិច្ចសហប្រតិបត្តិការរវាងប្រទេសទាំង3។
កម្ពុជា-ឡាវ-វៀតណាម បានបើកកិច្ចប្រជុំបច្ចេកទេសមួយឡើងកាលពីដំណាច់ខែសីហា នៅខេត្តចំប៉ាសាក់របស់ប្រទេសឡាវ ដោយបានយកចិត្តទុកដាក់ពិភាក្សាលម្អិតលើសេចក្តីព្រាងផែនការយុទ្ធសាស្ត្រ និងកំណត់នូវយុទ្ធសាស្ត្រសំខាន់ៗក្នុងការរួមគ្នាអភិវឌ្ឍវិស័យទេសចរណ៍ក្នុងក្របខ័ណ្ឌតំបន់អភិវឌ្ឍន៍ត្រីកោណឱ្យប្រែក្លាយទៅជាតំបន់ទេសចរណ៍ដ៏ទាក់ទាញ។
សម្រាប់កម្ពុជា រួមមានខេត្តក្រចេះ ស្ទឹងត្រែង មណ្ឌលគិរី និងរតនគិរី បានយកចិត្តទុកដាក់ដាក់បញ្ចូលសក្តានុពលរបស់ខ្លួនដើម្បីភ្ជាប់ការធ្វើទេសចរណ៍ឆ្លងខេត្ត និងឆ្លងប្រទេស និងអភិវឌ្ឍផលិតផលទេសចរណ៍ ពង្រឹងគុណភាពសេវាកម្ម សុខសុវត្ថិភាពទេសចរណ៍ អភិវឌ្ឍន៍ធនធានមនុស្ស និងជំរុញផ្សព្វផ្សាយទេសចរណ៍រួមគ្នាក្នុងតំបន់។
ក្នុងនោះមន្ទីរទេសចរណ៍ខេត្តក្រចេះក៏បានបញ្ជូលសកម្មភាពសំខាន់ៗរបស់ខេត្តទៅក្នុងផែនការយុទ្ធសាស្ត្រខាងលើ ដូចជាការជំរុញសក្តានុពលសត្វផ្សោតទន្លេមេគង្គ ការពង្រឹងសហគមន៍អេកូទេសចរណ៍ ការបណ្តុះបណ្តាលធនធានមនុស្ស និងការរៀបចំអភិវឌ្ឍន៍តំបន់ទេសចរណ៍ថ្មីៗសំដៅអភិវឌ្ឍទេសចរណ៍ក្នុងខេត្តប្រកបដោយនិរន្តរភាព ការទទួលខុសត្រូវ និងផ្តល់អត្ថប្រយោជន៍ផ្ទាល់ដល់ប្រជាជនក្នុងខេត្ត។
លោក ធួន ស៊ីណាន ប្រធានសមាគម PATA បានឱ្យដឹងថា៖“ការអភិវឌ្ឍតំបន់ត្រីកោណរបស់ប្រទេសទាំង3 ជាតំបន់ទេសចរណ៍នេះ ពិតជាល្អបំផុត ព្រោះជាតំបន់ដែលមិនសូវអ៊ូអរបើធៀបទៅនឹងតំបន់ជាប់ព្រំដែនកម្ពុជា-ថៃមានភាពអ៊ូអរជាង។ គម្រោងរដ្ឋាភិបាលដែលចង់ប្រែក្លាយតំបន់ត្រីកោណទៅជាតំបន់ទេសចរណ៍នេះមានយូរណាស់មកហើយ ហើយបើពេលនេះរដ្ឋាភិបាលធ្វើឱ្យគម្រោងនេះឱ្យកើតឡើងមែន គឺពិតជារឿងមួយល្អណាស់”។
លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជា បានប្រាប់ឡារ៉ែនពាណិជ្ជថា៖“នៅក្នុងគម្រោងការអភិវឌ្ឍតំបន់ត្រីកោណឱ្យជាតំបន់ទេសចរណ៍ មិនមែនថា តំបន់នោះគ្មានអ្វីទាក់ទាញនោះទេ គឺមាន គ្រាន់តែយើងពុំទាន់បានតុបតែងឱ្យវាមានភាពទាក់ទាញតែប៉ុណ្ណោះ។ ពោលគឺតំបន់នោះប្រៀបបាននឹងមនុស្សដែលពុំទាន់តុបតែងលម្អខ្លួនអ៊ីចឹងដែរ”។
លោកបានបន្តថា តំបន់ព្រំដែនកម្ពុជា-ឡាវ-វៀតណាមនោះ វាមានទី1- ភាពជាធម្មជាតិ និងអ្វីដែលកើតចេញពីធម្មជាតិ។ ទី2-ត្រូវមានការកែច្នៃ ដើម្បីឱ្យតំបន់ហ្នឹងមានភាពទាក់ទាញ។ នៅពេលមានការកែច្នៃ និងការតុបតែងហើយនោះ យើងនឹងមានការបន្តវិនិយោគ។ ឧទាហរណ៍បើយើងរៀបចំដើម្បីទាក់ទាញទេសចរ នោះវិស័យផ្សេងៗនឹងទៅតាមគ្នា។ ការវិនិយោគ បើពុំមានមនុស្សចាប់អារម្មណ៍ទៅលេងទេ ការវិនិយោគវានឹងមិនមាននិរន្តរភាពទេព្រោះវាមិនមានចលករជំរុញ។
លោកបានបន្ថែមថា តែបើសិនជាមានមនុស្សទៅកាន់ទីនោះ ទីនោះវានឹងនាំមកនូវកត្តា3 ជាសំខាន់គឺការដឹកជញ្ជូន ការហូបចុកទទួលទាន និងការ-ស្នាក់នៅ។ បើមានកត្តា 3នេះនាំមុខដើរទៅមុន ឬមានការផុលផុសហើយនោះ កត្តាផ្សេងៗទៀតនឹងទៅតាមក្រោយ និងអាចទាក់ទាញខ្លាំងទៀតផង។ ដូចខេត្តព្រះសីហនុពីមុនអ៊ីចឹង អត់ទាន់មានហេដ្ឋារចនាសម្ព័ន្ធល្អ អត់មានជើងយន្តហោះច្រើន ពុំសូវមានភ្ញៀវទេសចរទេ តែឥឡូវអ្វីៗក៏មាន អ្នកទេសចរ និងអ្នកទៅអភិវឌ្ឍ និងវិនិយោគយ៉ាងភ្លូកទឹកភ្លូកដី។
លោកក៏បានបញ្ជាក់ដែរថា តំបន់ត្រីកោណនេះនឹងជួយជំរុញចរន្តទេសចរណ៍ក្នុងតំបន់អាស៊ាន និងទៅកាន់ពិភពលោកបានកាន់តែទូលំទូលាយ ក្រៅពីនេះតំបន់ត្រីកោណមិនមែនត្រឹមតែជាគោលដៅទេសចរណ៍ប៉ុណ្ណោះទេ តែវានឹងជួយជំរុញលើវិស័យសេដ្ឋកិច្ចផ្សេងៗទៀតផងដែរ ដូចជាការអភិវឌ្ឍវិស័យកសិកម្មជាដើម រួមទាំងការផ្លាស់ប្តូរទិដ្ឋភាពនៃការដឹកជញ្ជូនទំនិញ ពាណិជ្ជកម្ម និងទំនាក់ទំនងរវាងប្រជាជននឹងប្រជាជននៃប្រទេសទាំង3 និងទៅកាន់បណ្តាប្រទេសដទៃទៀតក្នុងតំបន់ទៀតផង។
លោក វណ្ណឌី បានបញ្ជាក់ឱ្យដឹងថា៖“តំបន់ត្រីកោណនេះអាចជាកន្លែងដែលទាក់ទាញទេសចរខ្លាំង ដោយសារប៉ូលទេសចរណ៍មួយនេះមានការចាប់អារម្មណ៍ខ្លាំងខាងអាកាសធាតុ។ កម្ពុជា-វៀត-ណាម-ឡាវ រួមទាំងថៃផង បានបង្កើតតំបន់មរកតមួយនេះឡើងក្នុងការជំរុញសេដ្ឋកិច្ចនៃប្រទេសទាំង 4ក្នុងតំបន់នេះ និងការតភ្ជាប់ទេសចរណ៍ពីប្រទេសមួយទៅប្រទេសមួយទៀត ដូចជាពីកម្ពុជាទៅវៀតណាម ឬពីវៀតណាមមកកម្ពុជា ជាដើម ដោយតភ្ជាប់ទាំងផ្លូវទឹក ផ្លូវគោក និងផ្លូវអាកាស តែយ៉ាងណាក៏ដោយលុះត្រាតែប្រទេសទាំងនេះមានទំនងទំនាក់ការទូតល្អ ទើបអាចជំរុញឱ្យមានកំណើនទេសចរមកពីប្រទសផ្សេងទៀតឱ្យកើនឡើងបាន”។
លោក ហូ វណ្ណឌី បានបញ្ជាក់ទៀតថា៖“ទេសចរណ៍ជាអ្នកនាំលាភ នាំសំណាងដល់ប្រទេសដែលខ្លួនទៅទស្សនា ដោយក្នុងនោះពួកគេត្រូវការរបស់3យ៉ាងជាសំខាន់ គឺការធ្វើដំណើរដោយសុខសុវត្ថិភាព ការទទួលទានអាហារឆ្ងាញ់ និងមានអនាម័យ និងការស្នាក់នៅប្រកបដោយផាសុកភាព និងសន្តិសុខ។
ជាមួយគ្នានេះដែរ យើងក៏កំពុងស្ថិតនៅក្នុងសមាគមអាស៊ានដែលអាចធ្វើពាណិជ្ជកម្មដោយសេរីក្នុងតំបន់។ ដូច្នេះបើយើងជំរុញកត្តាទាំង3 ឱ្យទៅមុខដោយរលូននោះ វិស័យទេសចរណ៍ និងពាណិជ្ជកម្មក៏នឹងមានការកើនឡើងព្រមគ្នា ហើយយើងសង្ឃឹមថា វានឹងមានការកើនឡើង ដោយឡាវ វៀតណាម និងប្រទេសដទៃទៀតក៏អាចចូលមក និងឆ្លងកាត់តំបន់នេះបានដើម្បីជំរុញការធ្វើពាណិជ្ជកម្ម និងទេសចរណ៍ផងដែរ”៕
វិធីនៃការម៉ាស្សាសក់ជាមួយប្រេងក្តៅអាចប្រព្រឹត្តទៅបានតាមដំណាក់កាលដូចតទៅ៖
អ្នកជាមនុស្សស្រឡាញ់ឥស្សរភាព ហើយអ្នកក៏ឆ្កួតនឹងការងារ! អ្នកជាមនុស្សដែលត្រូវការស្នេហាយ៉ាងរំភើបស៊ីជម្រៅ តែហេតុអីបានជួបតែបុរសមានបុគ្គលិកលក្ខណៈទន់ជ្រាយ ហើយពួកគេច្រើនតែមានអារម្មណ៍ថាអន់ខ្សោយពេលបានឃើញភាពជោគជ័យរបស់អ្នក ដូច្នេះហើយទើបអ្នកតម្រង់មុខសញ្ញាទៅរកការងារ ការងារ និងការងារ តែក៏មានណាត់ដើរលេងខ្លះដែរក្នុងឱកាសខ្លះ។ បើមិនដូចអ្វីដែលសង្ឃឹម ក៏មិនអីដែរ ព្រោះពេលនេះអ្នករៀបការជាមួយការងារបាត់ទៅហើយ…។ ចូរចាំទុកថា ជីវិត ដំណើរការទៅតាមខ្សែផ្លូវដែលអ្នកគូសវាសដោយខ្លួនឯង ដូច្នេះបើអ្នកត្រូវការស្នេហា អ្នកត្រូវសាងវាឡើង…!
ពិតទៅ អ្នកចង់មានកូនខ្លាំងណាស់ តែមិនត្រូវការមានចំណងស្នេហាជាមួយបុរសណាម្នាក់ឡើយ លើកលែងតែថា គេអាចធ្វើជាមេពូជដ៏ល្អបាន និងមានមុខនាទីការងារដ៏ល្អអស្ចារ្យ ទើបអ្នកសម្រេចចិត្តមានផ្ទៃពោះជាមួយ(អុីចឹងតើ បានអ្នកមិនជំទាស់ ឬទាមទារឱ្យគេពាក់ស្រោមអនាម័យ(ដើម្បីពន្យារកំណើត) ដោយសារតែអ្នកខ្លួនឯងចង់មានគភ៌ជាមួយគេខ្លាំង)។ យើងយល់… តែបើអ្នកទៅកន្លែងរក្សាទុកមេជីវិត ឬរកមិត្តប្រុសណាម្នាក់ដើម្បីសុំទឹកមេជីវិតរបស់គេមកបង្កាត់ពូជ វាប្រហែលជាស្ដាប់មើលទៅរាងឡូយជាងនេះ… តែប្រហែលជាមិនសូវល្អប៉ុន្មានទេ បើអ្នកដើរទៅគេងជាមួយមនុស្សប្រុសទូទៅដោយមិនបានការពារខ្លួននោះ។
អ្នកមិនដឹងថាខ្លួនឯងត្រូវការអ្វី ដរាបណាអ្នកនៅតែធ្វើខ្លួនជានាងក្រមុំជប់លៀងដែលផឹកបានម៉ាទំហឹងនោះ។ អ្នកមានសេចក្ដីសុខ និងបើចិត្តទទួលយកនរណាឱ្យចូលមកក្នុងជីវិតក៏បាន និងញឹកញាប់ណាស់ដែលស្ថានការណ៍តែងតែបញ្ចប់ដោយភាពរញ៉េរញ៉ៃ… ស្រវឹងក្អួតតាមចិញ្ចើមថ្នល់ ភ្ញាក់ឡើងមកមិនដឹងនៅក្នុងផ្ទះអ្នកណា ដើរទ្រេតទ្រោតនៅក្នុងផ្ទះ… តែ ក្រែងទាំងអស់ហ្នឹង គឺជាអ្វីដែលអ្នកបានធ្វើកាលពីនៅវ័យជំទង់ហ្អី? ការធ្វើខ្លួនឱ្យនៅក្មេង ជារឿងល្អ តែការរស់នៅពី1ថ្ងៃទៅ1ថ្ងៃជាមួយនឹងការស្រវឹងអួទីនួបែបហ្នឹង វាមិនល្អឡើយ។ អូខេ តាំងស្មារតីឡើង ហើយចាប់ផ្ដើមជាថ្មី!
អ្នកមិនបានត្រូវការទៅមើលភ្លើងកាំជ្រួចដ៏សែនស្រស់ស្អាតរហូតគួរឱ្យរំភើបពេញចិត្តនោះទេ តែអ្នកត្រូវការគូជីវិតដែលមានឋានៈគង់វង្ស និងអាចទុកចិត្តបាន ហើយការស្វែងរកមនុស្សដែលត្រូវចិត្តនេះ គឺជាការងារផាតថាមរបស់អ្នក។ អ្នកជឿថា គ្រប់យ៉ាងកើតចេញពីការប្រើពេលវេលា និងក្ដីព្យាយាម ទើបអ្នកកំណត់មុខសញ្ញា និងចាប់ផ្ដើមអនុវត្ត។ រឹតតែជួបនឹងមនុស្សប្រុសច្រើនប៉ុនណា ឱកាសក្នុងការជួបបុរសដែលគិតថាត្រូវចិត្ត ក៏នឹងច្រើនទៅតាមនោះដែរ។ អ្វីដែលអ្នកធ្វើហ្នឹង ត្រឹមត្រូវហើយ តែកុំភ្លេចបន្ធូរបន្ថយអារម្មណ៍ខ្លួនឯង និងរកសេចក្ដីសុខដាក់ខ្លួនខ្លះផង រួចហើយអ្នកនឹងចម្លែកចិត្តជាមួយអ្វីដែលកើតឡើង ដែលវាអាចទាំងជាភាពគង់វង្សដែលអ្នកកំពុងតាមរក ហើយថែមទាំងបានមើលភ្លើងកាំជ្រួចដ៏សែនស្អាតទៀតផង។
អ្នកជាមនុស្សដែលមានគំនិតបុរាណ ត្រូវការបុរសដែលទឹកចិត្តក្លាហាន និងលើសអ្វីទាំងអស់ អ្នកត្រូវការសេចក្ដីស្នេហា ការយកចិត្តទុកដាក់ និងប្រកាន់ខ្ជាប់ជាមួយគោលគំនិតមួយចំនួន(ដូចជារឿងលុយកាក់) មិនថាតែការជូនផ្កាកុលាប ការនាំទៅដើរលេង ឬដើរសបភីងនៅថ្ងៃឈប់សម្រាកចុងសប្ដាហ៍-ល-។ បុរសដែលត្រូវចិត្តសម្រាប់អ្នក ក៏គឺបុរសដែលចាប់អារម្មណ៍តែរឿងរបស់អ្នក។ មនុស្សស្រឡាញ់គ្នា ត្រូវតែយកចិត្តទុកដាក់គ្នាទៅវិញទៅមក តែបើអ្នកគិតតែពីរឿងលុយ ;អ្នកក៏មានភាពប្រថុយប្រថានក្នុងការក្លាយជានារីស្ទីលអ្នកដើរជីករកមាសហើយ។ ស្រ្តីមិនចូលចិត្តឱ្យបុរសចាប់អារម្មណ៍តែរឿងរូបរាងខ្លួនប្រាណ ដូចគ្នានឹងបុរសក៏មិនចូលចិត្តឱ្យស្រ្តីចាប់អារម្មណ៍តែរឿងតួលេខក្នុងបញ្ជីគណនីធនាគារដែរ។
ប្រហែលជាល្អ បើមានស្នេហា តែការនៅលីវ ក៏ជារឿងមួយទៀតដែលគួរឱ្យស្ញើចបានដូចគ្នាដែរ ព្រោះខណៈដែលបណ្ដាមិត្តភក្តិស្រីៗរបស់អ្នកកំពុងតាំងអារម្មណ៍ជាមួយការស្វែងរកគូសង្សាថ្មី អ្នកក៏កំពុងមានសេចក្ដីសុខជាមួយឥស្សរភាពក្នុងជីវិតដូចគ្នា។ ប្រើជីវិតរស់នៅរបស់អ្នកយ៉ាងពេញទំហឹង រួចហើយអ្វីដែលអ្នកប្រាថ្នា ក៏នឹងតាមមកដោយឯកឯង បណ្ដោយឱ្យវាដំណើរការទៅតាមធម្មជាតិទៅចុះ…៕
គួរជ្រើសរើសទទួលទានអាហារឱ្យគ្រប់ទាំង 5 ក្រុម ដែលហុចផលល្អដល់សុខភាពរបស់ខ្លួនឯង និងកូនក្នុងផ្ទៃ ដោយសង្កត់ធ្ងន់លើសារធាតុ ពពួកប្រូតេអុីន កាល់ស្យូម អាស៊ីតហ្វូលិក ដើម្បីជួយអភិវឌ្ឍខួរក្បាល និងសាច់ដុំរបស់ទារកឱ្យធំធាត់បានតាមប្រក្រតី មានជាអាទិ៍ ញ៉ាំទឹកដោះគោឱ្យបានច្រើន ញ៉ាំអាហារសមុទ្រ និងបន្លែស្លឹកពណ៌បៃតងគ្មានសារធាតុគីមីជាដើម។ ក្នុងអំឡុងពេលមានគភ៌ ស្ត្រីទាំងឡាយគួរតម ឬកាត់បន្ថយការញ៉ាំទឹកតែ កាហ្វេ និងភេសជ្ជៈដែលមានជាតិអាល់កុល ឬឈប់ដាច់តែម្តងក៏ជាការប្រសើរដែរ។
ដូចដែលបានដឹងហើយថា បើអ្នកម្តាយមានភាពតានតឹងក្នុងអារម្មណ៍នោះ គឺពិតជាមានផលប៉ះពាល់ដល់កូននៅក្នុងផ្ទៃមិនខាន ដូច្នេះហើយគួរលះបង់ភាពកង្វល់ខ្វល់ខ្វាយ ភាពតានតឹងក្នុងអារម្មណ៍ទាំងរឿងការងារ និងរឿងផ្សេងៗទៀតចោលឱ្យអស់ ឬអាចកែបញ្ហាទាំងនេះបានតាមរយៈការរកកិច្ចការធ្វើដើម្បីបន្ធូរអារម្មណ៍ ដូចជា ស្តាប់ចម្រៀងពីរោះៗ អានសៀវភៅ ធ្វើការងារច្នៃប្រឌិតផ្សេងៗជាដើម។
ដោយសារតែក្នុងអំឡុងពេលនេះ អ្នកមានគភ៌នឹងចាប់ផ្តើមមានអារម្មណ៍ថា ខ្លួនឯងល្វើយ និងឆាប់ហត់នោះ ដូច្នេះគួរគេងសម្រាកឱ្យបានច្រើន ឬបន្ថែមការសម្រាកដោយការគេងឱ្យលក់ក្នុងពេលថ្ងៃប្រមាណជា 1-2ម៉ោងក៏បាន។
ជាធម្មតាអ្នកមានគភ៌ខ្លះ ដែលទើបតែមានគភ៌ជាលើកដំបូងអាចនឹងមានកង្វល់ក្នុងរឿងគ្រោះថ្នាក់ អាការខុសប្រក្រតីដែលអាចហុចផលអាក្រក់ដល់កូននៅក្នុងផ្ទៃ ដូច្នេះបើមានអាការខុសប្រក្រតី ឬអាការប្លែកៗណាមួយ ដូចជា ចុកឆ្អល់ញឹកញាប់ ឬចាញ់កូនខ្លាំងក៏គួរតែទៅជួបគ្រូពេទ្យ ឬទៅត្រួតពិនិត្យគភ៌តាមការណាត់របស់ពេទ្យឱ្យបានជាប់ជានិច្ច។សរុបមកវិញ ឡារ៉ែន ចង់ជម្រាបស្ត្រីមានគភ៌ទាំងឡាយថា ចូរធ្វើចិត្តឱ្យសប្បាយៗ កុំតានតឹងអារម្មណ៍ និងកង្វល់ចិត្តខ្លាំងពេកអី គួរបណ្តោយអារម្មណ៍ឱ្យសប្បាយៗ ត្រៀមខ្លួនស្វាគមន៍កូនតូចសម្លាញ់នៅថ្ងៃខាងមុខដោយអារម្មណ៍ស្រស់ស្រាយវិញប្រសើរជាង៕