ការឆុងទឹកដោះគោ ជាដំណាក់កាលគ្រឹះដំបូងក្នុងការចិញ្ចឹមកូនដែលអាចហៅបានថា ជាចំណេះដឹងមូលដ្ឋានសម្រាប់ស្ត្រីជាម្ដាយគ្រប់រូប ហើយអ្នកម្ដាយគ្រប់គ្នាក៏ប្រហែលជាដឹងពីវិធីការឆុងទឹកដោះគោស្រាប់ហើយ តែដឹងទេថា រឿងដែលយើងគិតថាងាយ និងធ្វើតាមបែបដែលនរណាៗក៏គេធ្វើដែរនោះ អាចជាវិធីឆុងទឹកដោះគោដែលស្ត្រីជាម្ដាយទាំងអស់យល់ច្រឡំមករហូត ជាពិសេសការឆុងទឹកដោះគោឱ្យទារកអាយុ 0-3ខែ ដែលប្រព័ន្ធរំលាយអាហារនៅមិនទាន់ល្អពេញលេញ។ ការឆុងទឹកដោះគោដែលមិនត្រឹមត្រូវ អាចធ្វើឱ្យកូនកើតអាការហើមពោះ មិនស្រួលពោះ បត់ខ្លួនចុះឡើងញឹកញាប់ និងយំរករឿងមិនឈប់ក៏មាន ដូច្នេះ មុននឹងឆុងទឹកដោះគោឱ្យកូន អ្នកម្ដាយនាំគ្នាមកពិនិត្យមើលសិនប្រសើរជាងថា តើបានធ្វើរឿងទាំងអស់នេះដែរឬទេ?
1.ដាក់ម្សៅទឹកដោះគោចូលទៅក្នុងដបមុនដាក់ទឹក… ការពិតវិញ ត្រូវដាក់ទឹកចូលសិនមុននឹងដួសម្សៅទឹកដោះគោដាក់ចូលទៅ អ្នកម្ដាយជាច្រើនតែងស៊ាំធ្លាប់ជាមួយការដួសម្សៅទឹកដោះគោដាក់ចូលដបទឹកដោះគោ រួចហើយទើបដាក់ទឹកចូលទៅ។ ការធ្វើបែបនេះ គឺជារឿងដែលមិនត្រឹមត្រូវសោះតែម្ដង ព្រោះការដែលអ្នកម្ដាយដាក់ម្សៅទឹកដោះគោចូលទៅមុន នឹងធ្វើឱ្យបរិមាណរបស់ទឹកតិចជាងការពិត ធ្វើឱ្យកូនតូចបានទទួលទឹកដោះគោក្នុងបរិមាណដែលខាប់ជ្រុល និងអាចធ្វើឱ្យកូនកើតអាការទល់លាមកបាន។
2.ប្រើទឹកក្ដៅឆុងទឹកដោះគោ… ការពិតទៅ ត្រូវ ប្រើទឹកដាំឆ្អិនដែលទុករហូតទាល់តែត្រជាក់ស្មើនឹងសីតុណ្ហភាពក្នុងបន្ទប់ការដែលអ្នកម្ដាយប្រើទឹកក្ដៅឆុងទឹកដោះគោឱ្យកូន គឺជារឿងដែលមិនត្រឹមត្រូវឡើយ ព្រោះទឹកក្ដៅនឹងធ្វើឱ្យទឹកដោះគោផ្ដុំគ្នាជាដុំៗ និងបំផ្លាញសារធាតុអាហារមួយចំនួនដែលមាននៅក្នុងម្សៅទឹកដោះគោ។ ទឹកដាំឆ្អិនដែលមានសុវត្ថិភាពសម្រាប់កូនគួរដាក់នៅក្នុងដបស្អាតដែលធ្វើពីកែវ មិនមែនប្លាស្ទិកដែលមានប្រតិកម្មជាមួយទឹកក្ដៅនោះទេ។
3.ក្រឡុកឡើង-ចុះខ្លាំងៗរហូតទឹកដោះបាញ់ចេញឆ្វាចពីក្បាលដប… គឺជាវិធីដែលខុស ព្រោះការពិតទៅ គ្រាន់តែលុញ ឬបង្វិលដបជុំវិញក៏គ្រប់គ្រាន់ហើយ ការក្រឡុកឡើង-ចុះបែបខ្លាំង គឺជាវិធីប្រក្រតីដែលអ្នកម្ដាយទាំងឡាយចូលចិត្តធ្វើ ប៉ុន្តែវាជាវិធីដែលធ្វើឱ្យកើតពពុះច្រើនបំផុត ហើយការដែលកូនជញ្ជក់ពពុះខ្យល់ចូលទៅ ក៏នឹងធ្វើឱ្យកើតហ្គាសនៅក្នុងក្រពះ ជាមូលហេតុមួយដែលធ្វើឱ្យកូនហើមពោះ និងមិនស្រួលក្នុងពោះ។ វិធីបន្ថយអាការហើមពោះរបស់កូន គឺលើកកូនឡើងឱ្យភើក្រោយពេលមឹមឆ្អែត និងមិនក្រឡុកដបទឹកដោះគោឡើង-ចុះខ្លាំងៗ តែចូរប្រើវិធីលុញដបឱ្យវិលជុំវិញដោយបាតដៃទាំងសងខាងវិញ នឹងធ្វើឱ្យម្សៅទឹកដោះគោ និងទឹកចូលគ្នាបានដោយមិនកើតមានពពុះ។
4.ឆុងទឹកដោះគោច្រើនជ្រុល រហូតកូនបៅ មិនអស់… ការពិត គួរឆុងល្មមតែកូនបៅអស់ទើបជាការប្រសើរឆុងទឹកដោះគោល្មមតែកូនបៅអស់ ឬបើកូនបៅមិនអស់ ទឹកដោះគោដែលសល់ អាចរក្សាទុកបានក្នុងសីតុណ្ហភាពប្រក្រតី តែមិនគួរលើសពី 1ម៉ោងឡើយ។ ក្រៅពីនេះ ការឆុងទឹកដោះគោឱ្យកូនបៅច្រើនជ្រុលពេក អាចធ្វើឱ្យកើតសភាវ Overfeeding ឬរាងកាយបានទទួលទឹកដោះគោលើសពីចាំបាច់ ដូច្នេះឆុងល្មមតែកូនអាចបៅអស់ ដោយអ្នកម្ដាយអាចគណនាបរិមាណទឹកដោះគោដែលកូនតូចត្រូវការក្នុង 1ពេលៗ វានឹងជួយបន្ថយអាការក្អែរទឹកដោះ ឬក្អួតចេញមកវិញចំពោះទារកអាយុ 0-3ខែបាន។ មានបច្ច័យជាច្រើនដែលធ្វើឱ្យអ្នកម្ដាយចាំបាច់ត្រូវតែឆុងទឹកដោះគោឱ្យកូនបៅ មិនថាតែអ្នកម្ដាយដែលប្រសូតដោយការវះកាត់ មិនសូវមានទឹកដោះ ឬទឹកដោះក្រចេញ ឬអ្នកម្ដាយដែលមានបញ្ហាខាងសុខភាពក្ដី តែសូមកុំភ្លេចថា “ទឹកដោះម្ដាយ” គឺជាអាហារដ៏ល្អបំផុតសម្រាប់កូនតូចវ័យ 0-6ខែ ហើយទឹកដោះម្ដាយ គឺជាអាហារចម្បងដែលល្អចំពោះកូនខ្លាំងបំផុត៕
ការប្រយ័ត្នមិនប៉ះពាល់វត្ថុដែលធ្វើឱ្យងាយប្រតិកម្ម គឺជាវិធីដែលល្អបំផុត និងជួយដាស់ស្មារតីអ្នកឱ្យប្រុងប្រៀបខ្លួនដូចគ្នា។ អ្វីដែលអ្នកត្រូវប្រយ័ត្នរួមមាន ធូលី វត្ថុកខ្វក់ លម្អងទឹកភ្លៀង និងវត្ថុនៅក្នុងផ្ទះដែលមានធូលីកាន់ជាប់មិនបានសម្អាត។ មួយវិញទៀត អ្នកត្រូវតែធ្វើការសម្អាតក្នុងផ្ទះឱ្យបានស្អាតដូចជា កន្លែងអង្គុយលេង បន្ទប់គេង កន្លែងទទួលទានអាហារ បន្ទប់ចម្អិនអាហារ ឬកន្លែងឃ្លាំងឥវ៉ាន់ និងសម្ភារមិនប្រើប្រាស់ជាដើម។ ចំពោះបន្ទប់គេង អ្នកត្រូវបើកបង្អួចឱ្យមានពន្លឺគ្រប់គ្រាន់ ជាពិសេសធ្វើការសម្អាតផ្លាស់ប្ដូរស្រោមខ្នើយ ភួយ និងពូក 2ដងក្នុងមួយសប្ដាហ៍យ៉ាងហោចណាស់។
ទឹកអប់មានក្លិនខ្លាំង ស្រៃ្បយ៍បាញ់ខ្លួន ផ្សែងធូប ផ្សែងបារី និងផ្សែងរថយន្ដជាដើម ជាសារធាតុដែលមានក្លិនឈួលងាយធ្វើឱ្យរលាកភ្នាស់រន្ធច្រមុះ។ អ្នកគួរតែចៀសវាងយ៉ាងដាច់ខាតពីក្លិនផ្សែងទាំងអស់នេះ ហើយព្រមទាំងចៀសវាងពីកន្លែងណាដែលងាយផ្លាស់ប្ដូរសីតុណ្ហភាពដូចជា បន្ទប់ម៉ាស៊ីត្រជាក់ ឬបន្ទប់ស្ទីម ដែលកាន់តែធ្វើឱ្យរោគជំងឺកម្រើកខ្លាំងឡើង។ ប្រសិនបើអ្នកដើរកាត់កន្លែងដែលមានសីតុណ្ហភាពក្ដៅខ្លាំង នោះអ្នកគប្បីរកកន្លែងត្រជាក់ឈប់មួយសន្ទុះសិន ហើយត្រូវប្រើម៉ាសខ្ទប់ច្រមុះ ដើម្បីការពារការឈួលកម្ដៅ ជាហេតុធ្វើឱ្យជំងឺរបស់អ្នកកាន់តែធ្ងន់ធ្ងរ។
ការធ្វើលំហាត់ប្រាណ គឺដើម្បីបន្ថយការកម្រើករោគជំងឺប្រតិកម្មចាញ់អា-កាសធាតុ ព្រោះវាជាវិធីមួយដែលមានមុខងាររំញោចការលូតលាស់ប្រព័ន្ធភាពស៊ាំនៃសរីរាង្គកាយរបស់មនុស្សយើង។ មិនតែប៉ុណ្ណោះ វាបានជួយឱ្យរាងកាយមានសុខភាពរាងកាយល្អ បូករួមទាំងសុខភាពផ្លូវចិត្តល្អផងដែរ។ ការធ្វើលំហាត់ប្រាណត្រឹមត្រូវបានទៀងទាត់ និងមិនច្រើនពេក មិនតិចពេក គឺជាការបង្កើតភាពស៊ាំដល់រាងកាយបានយ៉ាងប្រសើរ។
អាហារដែលមានគុណប្រយោជន៍ ក្រៅពីល្អសម្រាប់រាងកាយហើយនោះ វាក៏បានជួយបំពេញបន្ថែមនូវប្រព័ន្ធស៊ាំការពារជំងឺប្រតិកម្មចាញ់នេះផងដែរ។ ជាពិសេសអាហារដូចជា ប្រូតេអុីន បន្លែ និងផ្លែឈើ គឺសុទ្ធតែធ្វើឱ្យសុខភាពកាន់តែរឹងមាំ។
ការគេងឱ្យបានគ្រប់គ្រាន់ គឺជាឱសថដែលមនុស្សតែងតែមើលរំលង។ មនុស្សក្នុងមួយថ្ងៃៗបានប្រើថាមពលក្នុងខ្លួនដើម្បីធ្វើការងារជាច្រើន ដូច្នេះរាងកាយរបស់អ្នកក៏ត្រូវការសម្រាកឱ្យបានគ្រប់គ្រាន់ផងដែរ។ប្រសិនបើរាងកាយហត់នឿយខ្លាំង ខ្វះការសម្រាកវាដូចជាការបើកឱកាសឱ្យជំងឺចូលមកវាយលុកក្នុងរាងកាយ និងខាតបង់ប្រាក់ចំណូល។ ដូច្នេះការគេងឱ្យបានគ្រប់គ្រាន់ មិនតិចជាង6-8 ម៉ោងក្នុងមួយថ្ងៃ គឺជាឱសថដ៏មានប្រសិទ្ធភាពសម្រាប់មនុស្សម្នាក់ៗ ដើម្បីប្រឆាំងទប់ទល់នឹងជំងឺ។
ចំពោះអ្នកជំងឺប្រតិកម្មចាញ់អាកាសធាតុ សូមធ្វើការពិគ្រោះ និងពិនិត្យរោគជាមួយគ្រូពេទ្យជំនាញ ដើម្បីឱ្យគ្រូពេទ្យធ្វើរោគវិនិច្ឆ័យ និងផ្ដល់ការប្រើប្រាស់ថ្នាំបានយ៉ាងត្រឹមត្រូវ។ ចៀសវាងការទិញថ្នាំប្រើប្រាស់ដោយខ្លួនឯង ព្រោះវាអាចបង្កគ្រោះថ្នាក់ដល់ភ្នាសច្រមុះរបស់អ្នក។ អ្នកគួរតែតមដាច់ខាតពីការប្រើថ្នាំផ្សះ ឬប្រើថ្នាំបន្ថយការឈឺចាប់។
អ្នកជំងឺដែលត្រូវការការព្យាបាលដោយការចាក់ថ្នាំ ដើម្បីជំរុញភាពប្រព័ន្ធស៊ាំឡើងវិញ គឺតម្រូវឱ្យមានការយកចិត្តទុកដាក់ និងសហការជាមួយគ្រូពេទ្យ អ្នកជំងឺត្រូវមកទទួលការចាក់ថ្នាំឱ្យបានទៀងទាត់តាមការណាត់ជួបរបស់គ្រូពេទ្យ នោះទើបធ្វើឱ្យការព្យាបាលមានប្រសិទ្ធភាពពិតប្រាកដ៕
2. យកទៅកន្លែងធ្វើការ : យកផ្លែឈើមួយមុខ បន្តិចៗ ដាក់ក្នុងថង់ ឬក្នុងប្រអប់មួយ ហើយយកវាទៅកន្លែងធ្វើការជាមួយផង ដើម្បីទុកជាអាហារកំដរមាត់នៅពេលអ្នកមានអារម្មណ៍ថា ហេវក្នុងអំឡុងពេលដែលអ្នកកំពុងធ្វើការងារ។ ទទួលទានផ្លែឈើជំនួសអាហារកញ្ចប់ផ្សេងៗ គឺមានប្រយោជន៍ច្រើនសម្រាប់សុខភាព និងសម្រស់ ជាពិសេសគឺការថែរក្សារាងឱ្យស្រស់ស្អាតនេះតែម្តង។
4. ដាក់កំណត់ចំពោះអាហារ : អ្នកគួរតែមាន ប្រអប់មួយសម្រាប់ដាក់របស់ដែលអ្នកត្រូវញ៉ាំ ហើយធ្វើការកំណត់ថា អ្នកនឹងទទួលទានវាត្រឹមតែចំនួនដែលអ្នកបានរៀបចំទុកនេះតែប៉ុណ្ណោះ។
6. ចៀសវាងភេសជ្ជៈសម្បូរកាឡូរី : ភេសជ្ជៈ ដែលផ្ទុកទៅដោយកាឡូរីខ្ពស់ដូចជា ប្រភេទទឹកផ្លែឈើ ទឹកក្រូចឆ្មារលាយស្ករ ឬភេសជ្ជៈដែលមានរសជាតិផ្អែម និងស្រាក្រហមជាដើម ជាប្រភេទភេសជ្ជៈដែលអ្នកគួរកាត់បន្ថយ ប្រសិនបើអ្នកប្រាថ្នាចង់ឃើញរូបរាងស្រឡូនស្អាតរបស់អ្នកលេចចេញមក៕
ក្នុងខូឡិកសិននេះ Pandora បានបង្ហាញពីគំនិតច្នៃប្រឌិតថ្មីមួយទៀតក្នុងគោលបំណងចែករំលែកនូវសេចក្តីស្រលាញ់ជាមួយនឹងមនុស្សទូទាំងពិភពលោក។ ខូឡិកសិននេះបានរចនាឡើងដោយដៃយ៉ាងយកចិត្តទុកដាក់ បាននាំមកជូនលោកអ្នកនូវម៉ូតថ្មី Pandora O Pendant ដែលអាចពាក់បានតាមរបៀបជាច្រើនយ៉ាង និងអាចដាក់លម្អដោយCharmតាមស្ទាយល៏របស់អ្នកផងដែរ។ ម៉ូដនេះបានរចនាឡើងដកស្រង់ចេញពីនិមិត្តសញ្ញារបស់ Pandora តែម្តង គឺអក្សរ O ដែលតំណាងអោយឥទ្ធិពលនៃការរួមបញ្ចូលគ្នានៃគ្រឿងអលង្ការ និងអាចប្រើប្រាស់បានគ្រប់កាលៈទេសៈ ដោយមិនត្រឹមតែពាក់វាជាបន្តោងខ្សែកនោះទេ អ្នកក៏អាចដាក់វាជាបន្តោងកាបូប កាបូបក្រវាត់ចង្កេះ ឫក៏ពាក់តាមការច្នៃប្រឌិតបែបថ្មីផ្សេងៗទៀត ដើម្បីបង្ហាញពីស្ទាយល៏ថ្មី ប្លែក ផ្ទាល់ខ្លួនរបស់អ្នកផងដែរ។
ក្នុងឳកាសនេះផងដែរ Pandora ក៏បានផ្តល់ជូននូវកាដូរពិសេសសម្រាប់រាល់ការជាវទំនិញអស់ចាប់ពី $ 388 លោកអ្នកនឹងទទួលបានខ្សែដៃប្រាក់ស្តាលីងមួយខ្សែភ្លាមៗ ដោយចាប់ពីថ្ងៃទី 20 ខែកញ្ញា រហូតដល់ថ្ងៃទី 30 ខែកញ្ញា នៅគ្រប់សាខាទាំង 3ទីតាំងរួមមានសាខាផ្សារទំនើបអូឡាំព្យា សាខាផ្សារទំនើបអ៊ីអនម៉លភ្នំពេញ និងសាខាផ្សារទំនើបអ៊ីអនម៉លសែនសុខ។
គួរបញ្ជាក់ផងដែរថា ក្រុមហ៊ុន Sandara បានទទួលសិទ្ធនាំយកគ្រឿងអលង្ការដ៏ល្បីម៉ាក Pandora កាលពីខែសីហា ឆ្នាំ 2018 ដែលមានវត្តមាននៅប្រទេសកម្ពុជាតាំងពីដើមឆ្នាំ 2017 ក្នុងគោលបំណងធ្វើការអភិវឌ្ឍន៏ប្រណិតភាព ដែលជាជម្រើសដ៏ល្អសម្រាប់សុភាពបុរសនិងនារី។
