ធឿន មករា - La Reine Media

ស្រាបៀរអាន់ឆ័រចាប់រង្វាន់ផ្តាច់ព្រ័ត្រសម្រាប់កម្មវិធីអាពាហ៍ពិពាហ៍ ឆ្នាំ ២០១៨-២០១៩

រាជធានីភ្នំពេញ៖ កាលពីថ្ងៃអាទិត្យទី ២៧ ខែតុលា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីចាប់រង្វាន់ផ្តាច់ព្រ័ត្រនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍ក្នុង ឆ្នាំ ២០១៨-២០១៩ ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ ភ្ញៀវកិត្តិយស និងអ្នកសារព័ត៌មានជាច្រើន។កម្មវិធីចាប់រង្វាន់រដូវកាលឆ្នាំ ២០១៨-២០១៩ នេះត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍របស់ខ្លួន។ រង្វាន់ដែលបានចាប់រង្វាន់ផ្តាច់ព្រ័ត្រនេះ គូស្វាមីភរិយាថ្មីចំនួន ២០ ដែលមានសំណាងបានឈ្នះរង្វាន់ដំណើរកម្សាន្តក្រេបចន្ទទឹកឃ្មុំដ៏អស្ចារ្យនៅលើនាវាកម្សាន្តដ៏ទំនើបគឺ៖
ល.រ ឈ្មោះកូនកម្លោះ ឈ្មោះកូនក្រមុំ ខេត្ត/ក្រុង លេខប័ណ្ណ លេខទូរស័ព្ទ រង្វាន់
១ ជាង ជិនហេង ហុញ សេងលាង ស្វាយរៀង 014336 097 9094321 ដំណើរកម្សាន្តលើនាវា
២ ទុំ សុធា ស៊ុយ ស្រីឡែន កំពង់ធំ 028155 012 549154 ដំណើរកម្សាន្តលើនាវា
៣ ឈួន វិឆាត គឹម ណារី កំពង់ស្ពី 008403 096 8971961 ដំណើរកម្សាន្តលើនាវា
៤ លេង មករា នួង សីវមី កំពង់ចាម 002497 010 725747 ដំណើរកម្សាន្តលើនាវា
៥ គួច សំអាត យឹម ស្រីពៅ (ទឹកឈូ) 008583 092 703531 ដំណើរកម្សាន្តលើនាវា
៦ ចាន់ វិចិត្រ កែម ធីតា បាត់ដំបង 027678 077 991338 ដំណើរកម្សាន្តលើនាវា
៧ ប៊ុន ឡុង ផាន់ ភត្រា្ត កណ្តាល 016354 017 935351 ដំណើរកម្សាន្តលើនាវា
៨ ញ៉េប ស៊ាងហួន យាត ស្រីឡែន កណ្តាល 002100 088 3439605/
090 748476 ដំណើរកម្សាន្តលើនាវា
៩ អ៊ាង ព្រលឹង ថៃ សុធារី ត្បូងឃ្មុំ 014721 012 765924 ដំណើរកម្សាន្តលើនាវា
១០ ញឹម ថន សូរ កូឡាប ស្វាយរៀង 014449 031 4253838 ដំណើរកម្សាន្តលើនាវា
១១ អ៊ុក ប៊ុននិ ឃុន ម៉ុន បាត់ដំបង 027353 097 2040552 ដំណើរកម្សាន្តលើនាវា
១២ តាក់ សុធី តាន់ ចិន្តា ព្រះវិហារ 019334 016 543143 ដំណើរកម្សាន្តលើនាវា
១៣ យុន គឹមណង ថន សុខខឿន (ព្រែកដំបូក) 002904 0962846311 ដំណើរកម្សាន្តលើនាវា
១៤ ផាន់ ប្រុស វី ស្រីមាឃ កំពង់ចាម 002005 016 665797 ដំណើរកម្សាន្តលើនាវា
១៥ រុំ សារ៉ែម ឈឹម សុជា កំពង់ធំ 028053 010 971053 ដំណើរកម្សាន្តលើនាវា
១៦ ភាជ យឺន ភាវ គឹមហ៊ុយ
បៃលិន 027255 061 844443 ដំណើរកម្សាន្តលើនាវា
១៧ ហាក់ មុនីរិទ្ធ ធី ចាន់ធីតា ភ្នំពេញ 007353 093 878810 ដំណើរកម្សាន្តលើនាវា
១៨ ខៀវ វិចិត្រ ជឹម ពៅ ក្រចេះ 019571 031 4366738 ដំណើរកម្សាន្តលើនាវា
១៩ លាង តាំងស៊ុយ ទ្រា ស៊ុយឆេង ព្រះវិហារ 028935 010 717168 ដំណើរកម្សាន្តលើនាវា
២០ អ៊ឹង តូនី សួង ស្រីមួយ កំពត 013386 096 767970402 ដំណើរកម្សាន្តលើនាវាលោកអ្នកអាចស្វែងរកឈ្មោះរបស់លោកអ្នកនៅលើកាសែត ឬលើតំណគេហទំព័រហ្វេសប៊ុករបស់ស្រាបៀរអាន់ឆ័រ៖ https://www.facebook.com/AnchorBeerKH/។ ចំពោះគូស្វាមីចំនួន ២០ គូ ដែលបានឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។សម្រាប់រដូវកាលថ្មី ឆ្នាំ ២០១៩-២០២០ ស្រាបៀរអាន់ឆ័រផ្តល់ជូនរង្វាន់កាន់អស្ចារ្យជាមុនគឺ ដំណើរកម្សាន្តក្រេបចន្ទទឹកឃ្មុំទៅកាន់កោះបាលីចំនួន ១០០ គូ និងរង្វាន់ជាច្រើនទៀត។

កម្មវិធីប្រូម៉ូសិនអាពាហ៍ពិពាហ៍របស់ស្រាបៀរ អាន់ឆ័រ រដូវកាលថ្មីឆ្នាំ 2019-2020:
– រាល់ការជាវស្រាបៀរ អាន់ឆ័រ និង Anchor Radler Lemon ដប/កំប៉ុង ចំនួន 25-49 កេស ថែមជូនសៀវភៅកត់ចំណងដៃចំនួន 2 ក្បាល និងស្រាបៀរអាន់ឆ័រ 1 កេស និងប័ណ្ណផ្សងសំណាង 1 សន្លឹក ។
– រាល់ការជាវស្រាបៀរ អាន់ឆ័រ និង Anchor Radler Lemon ដប/កំប៉ុង ចំនួន 50-99 កេស ថែមជូនសៀវភៅកត់ចំណងដៃចំនួន 2 ក្បាល និងស្រាបៀរអាន់ឆ័រ 2 កេស និងប័ណ្ណផ្សងសំណាង 2 សន្លឹក។
– រាល់ការជាវស្រាបៀរ អាន់ឆ័រ និង Anchor Radler Lemon ដប/កំប៉ុង ចំនួន 100 កេសឡើងទៅ ថែមជូនសៀវភៅកត់ចំណងដៃចំនួន 2 ក្បាល និងស្រាបៀរអាន់ឆ័រ 3 កេស និងប័ណ្ណផ្សងសំណាង 3 សន្លឹក។

កម្មវិធីនេះមានសុពលភាពពីថ្ងៃ01 តុលាឆ្នាំ 2019 ដល់ ថ្ងៃទី 30 កញ្ញា 2020។

ចំពោះព័ត៌មានបន្ថែមសូមទំនាក់ទំនង៖ 011 222 400 និង 011 333 500 ។

គ្មានអាពាហ៍ពិពាហ៍បញ្ចប់ដោយគ្មានស្រាបៀរអាន់ឆ័រនោះទេ!
សូមរីករាយពិសាស្រាបៀរ អាន់ឆ័រ ដោយទទួលខុសត្រូវ។

November 1, 2019

អាការឈឺខ្នង 5យ៉ាងអាចប្រាប់យើងពីជំងឺគ្រោះថ្នាក់ផ្សេងៗបាន

មនុស្សវ័យកំលោះ ក្រមុំជាច្រើននាក់មានអាការឈឺខ្នង ដែលអ្នកខ្លះគិតថា អាចបណ្ដាលមកពីមូលហេតុដែលអង្គុយយូរជ្រុលពេក ឬក៏ទៅធ្វើអ្វីមួយខុសឥរិយាបថជាដើម តែទាំងអស់គ្នាមិនបានដឹងឡើយថា អាការឈឺខ្នងមិនមែនមានន័យត្រឹមតែអាការខុសប្រក្រតីរបស់ឆ្អឹងប៉ុណ្ណោះទេ។អាការឈឺខ្នង ជាទូទៅអាចជាអាការឈឺខ្នងដែលបណ្តាលមកពីការអង្គុយច្រើនពេក លើករបស់របរធ្ងន់ពេក ឬហាត់ប្រាណខ្លាំងជ្រុលពេក ដោយអាការដែលយើងអាចដឹងបាននោះគឺ ការឈឺចុករួយ ឬសាច់ដុំឡើងតឹងជាដើម-ល- តែជួនកាលអាការឈឺដែលយើងគិតថា ឈឺខ្នងនោះ វាអាចមិនមែនបណ្តាលមកពីសាច់ដុំ ឬឆ្អឹងរហូតនោះទេ។ មានលក្ខណៈរបស់អាការឈឺខ្នងខ្លះជាសញ្ញាប្រកាសអាសន្នពីជំងឺដែលកើតនៅលើអវយវៈខាងក្នុង និងចាំបាច់ត្រូវតែប្រញាប់ទៅទទួលការព្យាបាលពីគ្រូពេទ្យជាបន្ទាន់ទៀតផង។

1. អាការឈឺខ្នង រួមជាមួយអាការដៃជើង ស្ពឹកគ្មានកម្លាំង
ទ្រាំទប់បត់ជើងតូច និងទ្រាំទប់លាមកមិនបាន… លក្ខណៈរបស់អាការទាំងនោះអាចបណ្តាលមកពីខួរឆ្អឹងខ្នងទទួលរងរបួស។ វិធីដែលល្អបំផុត គឺត្រូវប្រញាប់ទៅប្រឹក្សាជាមួយគ្រូពេទ្យជាបន្ទាន់ ដើម្បីធ្វើការថតអេកស៍រេយ៍(X-RAY)ពិនិត្យមើលឆ្អឹងកងខ្នង និងរកមើលចំណុចដែលរងរបួស។ អ្នកខ្លះត្រឹមតែគេងសម្រាកព្យាបាលខ្លួនក៏អាចជាសះស្បើយពីអាការនេះដែរ តែសម្រាប់អ្នកខ្លះទៀតអាចចាំបាច់ត្រូវតែចូលទទួលការវះកាត់។

2. ឈឺខ្នងត្រង់ម្តុំចង្កេះ និងមានគ្រុនក្តៅរងា
មូលហេតុរបស់អាការនេះអាចបណ្តាលមកពីការឆ្លងមេរោគរលាកនៅក្នុងក្រលៀន ឬអាចជាជំងឺរលាកតម្រងនោម ដោយមូលហេតុទាំងនេះកើតឡើងបានដោយសារតែការទទួលទានទឹកក្នុង1ថ្ងៃៗតិចពេក និងការទ្រាំទប់នោម។ ការព្យាបាល គ្រូពេទ្យនឹងប្រើថ្នាំសម្លាប់មេរោគ និងថ្នាំផ្សេងៗទៀតអាស្រ័យលើការវិនិច្ឆ័យរោគ រួមទាំងណែនាំឱ្យទទួលទានទឹកឱ្យបានច្រើន ផ្លាស់ប្តូរទង្វើទ្រាំទប់នោម ហើយនៅពេលព្យាបាលក្រលៀនជាប្រក្រតីឡើងវិញហើយ អាការឈឺខ្នងក៏បាត់ទៅវិញដែរ។

3. ឈឺខ្នងផ្នែកខាងលើចង្កេះទាំងសងខាង
បើសិនជាមានអាការឈឺខ្នងផ្នែកខាងលើចង្កេះទាំងសងខាង រួចនៅពេលទៅជួបគ្រូពេទ្យ គ្រូពេទ្យអាចនឹងស្ទាបប៉ះដុំសាច់នៅលើខ្នងត្រង់កន្លែងម្តុំៗក្រលៀន រួមទាំងមានឈាមលាយឡំនៅក្នុងទឹកមូត្រ មានសម្ពាធឈាមឡើងខ្ពស់ និងមានសភាវលោហិតស្លេករួមជាមួយផងនោះ ក្នុងករណីនេះ គឺជាសញ្ញាបញ្ជាក់ពីរោគកើតថង់ទឹកនៅក្នុងក្រលៀន ជាជំងឺដែលអាចចម្លងតំណពូជបាន។ នៅពេលមានថង់ទឹកនៅក្នុងក្រលៀន នឹងធ្វើឱ្យក្រលៀនធ្វើការបានតិច នៅពេលក្រលៀនធ្វើការថយចុះ ហុចផលអាក្រក់ដល់រាងកាយ។ កើតជំងឺឡើងឈាម ក្រលៀនអាចនឹងងាយឆ្លងមេរោគ និងលែងធ្វើការរ៉ាំរ៉ៃ រហូតដល់គាំងលែងធ្វើការតែម្តង និងក្រៅពីបញ្ហានៅលើក្រលៀនហើយ នៅអាចធ្វើឱ្យកើតថង់ទឹកនៅក្នុងអវយវៈផ្សេងទៀតបាន ដូចជាថ្លើម ដៃស្បូន ពងស្វាស និងកើតសរសៃឈាម ជំងឺរីកប៉ោងទៀតផង។

4. អាការឈឺខ្នងដែលកើតនៅលើស្ត្រីមានគភ៌
អាចជាផលប៉ះពាល់ដែលបណ្ដាលមកពីបច្ច័យច្រើនយ៉ាង ដូចជាអ័រម៉ូនក្នុងរាងកាយកើតការប្រែប្រួលធ្វើឱ្យសរសៃពួរ និងសាច់ដុំដែលយឹតតោងឆ្អឹងយារធូរ។ សម្រាប់ស្ត្រីមានគភ៌មានការទ្រទម្ងន់ដែលចេះតែកើនឡើងរបស់ទារក ឬស្បូនដែលរីកធំឡើងទៅសង្កត់ពីលើសរសៃប្រសាទធ្វើឱ្យឈឺខ្នងរហូតឈឺរាលចុះទៅរកជើងបាន។

5. ឈឺខ្នងរ៉ាំរ៉ៃយូររាប់ខែ និងកាន់តែឈឺខ្លាំងឡើងជារឿយៗ
បើសិនកើតនៅលើមនុស្សធាត់ ឬមនុស្សដែលមានអាយុច្រើនជាង 45ឆ្នាំនោះ អាចកើតឡើងដោយសាររោគរលាកខួរសន្លាក់ ឬឆ្អឹងកងខ្នងសឹករេចរឹល។ ការព្យាបាលក្នុងករណីនេះ គ្រូពេទ្យនឹងឱ្យថ្នាំបំបាត់ការឈឺចាប់មកញ៉ាំ និងធ្វើការព្យាបាលដោយការធ្វើចលនា ហើយគ្រូពេទ្យនឹងណែនាំឱ្យទទួលទានអាហារដែលមានជាតិកាល់ស្យូមខ្ពស់។ បើកើតនៅលើមនុស្សដែលធាត់ខ្លាំង ត្រូវឱ្យធ្វើការបញ្ចុះទម្ងន់។បើអ្នកណាដែលកំពុងមានអាការឈឺខ្នង ចូរប្រញាប់ពិនិត្យមើលខ្លួនឯងជាបន្ទាន់ ឬបើមិនប្រាកដក្នុងចិត្ត ចូរទៅជួបគ្រូពេទ្យ ដើម្បីវិនិច្ឆ័យរោគ ព្រោះជួនកាលបើបណ្តោយឱ្យឈឺរ៉ាំរ៉ៃយូរទៅ អាចនឹងហុចផលអាក្រក់ដល់រាងកាយ ធ្វើឱ្យសុខភាពចុះទ្រុឌទ្រោមក៏អាចថាបានដែរ៕

October 31, 2019

មកដឹងពីអាហារមួយចំនួន ដែលមិនគួរទទួលទានជាមួយគ្រឿងស្រវឹង

តាមពិតយើងមិនចង់ណែនាំឱ្យលោកអ្នកទទួលទានជាតិគ្រឿងស្រវឹងច្រើនពេកនោះទេ ព្រោះគ្រឿងស្រវឹងងាយនឹងធ្វើឱ្យខូចសុខភាព និងប្រព័ន្ធការចងចាំខ្លាំងណាស់។ ប៉ុន្តែប្រសិនបើអ្នកយកចិត្តទុកដាក់ពីការថែទាំសុខភាព ហើយត្រូវទទួលទានគ្រឿងស្រវឹងខណៈមានពិធីជប់លៀង ពិធីមង្គលការនានានោះ អ្នកគួរតែដឹងពីអាហារ និងបរិមាណជាតិស្រវឹងដែលត្រូវទទួលទាន ដែលមិនបំផ្លាញដល់សុខភាព។ មានអាហារមួយចំនួនដែលត្រូវបានអ្នកជំនាញសុខភាពអះអាងថា ទទួលទានលាយជាមួយគ្រឿងស្រវឹង នឹងបណ្ដាលឱ្យអ្នកខូចថ្លើម ហើយចុះខ្សោយអង់ទីករការពារជំងឺ។ នៅក្នុងថ្ងៃនេះ ទស្សនាវដ្តី ឡារ៉ែន សូមជម្រាបជូនប្រិយមិត្តអ្នកអានអំពីអាហារគួរចៀសវាងខណៈពេលទទួលទានគ្រឿងស្រវឹង។

1. អាហារមានរសជាតិប្រៃ
អាហារមានរសជាតិប្រៃដូចជា គ្រឿងក្លែម ;ប្រភេទបុក គឺធ្វើឱ្យរាងកាយរបស់អ្នកទទួលនូវសូដ្យូមច្រើន។ ធាតុសូដ្យូមធ្វើឱ្យអ្នកស្រេកទឹក ;នោះវាអាចធ្វើឱ្យអ្នកទទួលទានគ្រឿងស្រវឹងក្នុងបរិមាណច្រើនឡើងដោយអចេតនា។ ដើម្បីកែប្រែបញ្ហានេះ អ្នកគួរតែកុំប្រើអំបិលជាមួយគ្រឿងក្លែម ហើយគួរតែប្រើបន្លែលាយជាមួយឱ្យបានច្រើនជាងសាច់ទើបល្អ។

2. អាហារមានរសជាតិជូរ
គ្រឿងក្លែមដែលប្រើផ្លែក្រូចដូចជា ភ្លា ទឹកត្រីបុក និងជ្រក់ជាដើមនោះ បើទទួលទានជាមួយគ្រឿងស្រវឹង ឬជាតិអាកុល អាចបណ្ដាលឱ្យកើតជំងឺសន្លាក់ហ្កោត។ ជំងឺនេះមិនត្រឹមតែវាយប្រហារចំពោះសន្លាក់នោះទេ វាក៏ធ្វើឱ្យឆ្អឹងរបស់មនុស្សយើងងាយពុកថែមទៀតផង។ ប្រសិនបើអ្នកមានជំងឺប្រចាំកាយ អ្នកគួរតែចៀសវាងពីការទទួលទានបែបនេះ ព្រោះថា មានហានិភ័យខ្ពស់ចំពោះសុខភាពខ្លាំងណាស់។

3. នំប៉័ង
ក្នុងករណីដែលទទួលទានស្រាបៀរជាមួយនំប៉័ង នោះអ្នកត្រូវដឹងថា នំបុ័ង និងស្រាបៀរត្រូវបានផលិតចេញពីដំបែទាំងពីរ។ អាហារដែលធ្វើអំពីដំបែអាចបណ្តាលឱ្យហើមពោះ ឬរំលាយអាហារមិនបានល្អ។ អ្នកអាចនឹងកើតអាការ ចុកឆ្អល់ រាកមួល តឹងណែនក្នុងពោះ និងមានខ្យល់ក្នុងពោះវៀនធំជាដើម។

4. ភេសជ្ជៈគ្មានជាតិស្ករ
ភេសជ្ជៈគ្មានរូបមន្តជាតិស្ករដែលមនុស្សជាច្រើនប្រើជាគ្រឿងលាយជាមួយស្រាក្រឡុក ក៏មានគ្រោះថ្នាក់ដែល ខណៈដែលអ្នកទទួលទានស្រាលើសកម្រិតកំណត់។ គ្រឿងទាំងពីរនេះផ្សំចូលគ្នាបង្កើតបានជា កាបូននៅក្នុងឈាម ដែលធ្វើឱ្យសរសៃឈាមរួមត្បៀត ហើយប្រព័ន្ធលំហូរឈាមទៅកាន់បេះដូងក៏កាន់តែយឺតផងដែរ។ ហានិភ័យនោះគឺ អ្នកនឹងប្រឈមមុខជាមួយជំងឺលើសឈាម និងជំងឺបេះដូងជាដើម។

5. អាហារមានជាតិខ្លាញ់ខ្ពស់
ជាការពិតណាស់ ប្រសិនបើអ្នកទទួលទានស្រាក្លែមជាមួយអាហារបំពងស្រួយៗ ឬអាហារមានជាតិខ្លាញ់ច្រើន វាអាចបណ្ដាលឱ្យរាងកាយរបស់អ្នកផលិតអង់ស៊ីមដែលលើកកម្ពស់ដល់ការស្រូបយកជាតិខ្លាញ់។ ដូច្នេះប្រសិនបើអ្នកទទួលទានគ្រឿងស្រវឹង យកល្អកុំទទួលអាហារមួយប្រភេទនេះឱ្យសោះ វានឹងអាចបង្កឱ្យមានគ្រោះថ្នាក់ដល់សុខភាព ហើយធ្វើឱ្យខូចថ្លើមថែមទៀត។

6. ការ៉ុត
មានមនុស្សជាច្រើនជឿជាក់ថា ការទទួលទានទឹកការ៉ុតធ្វើឱ្យត្រជាក់ដល់ថ្លើម សួត និងល្អសម្រាប់ក្រពះ។ តែទោះជាយ៉ាងណាតាមការសិក្សាជាច្រើនបង្ហាញថា ជាតិ Carotene នៅក្នុងការ៉ុតពេលដែលបញ្ចូលជាមួយនឹងគ្រឿងស្រវឹងនឹងផលិតទៅជាជាតិពុល ដែលបង្កគ្រោះថ្នាក់ ហើយជាតិពុលនឹងកើនឡើងទ្វេដងប្រសិនបើវាទទួលរងនូវសម្ពាធគ្រឿងស្រវឹងច្រើន។

7. ប៉េងប៉ោះ
ប៉េងប៉ោះមានផ្ទុកអាស៊ីត Tannic អាចបង្កើតនៅក្នុងក្រពះបណ្តោលឱ្យស្ទះពោះវៀន ពិបាករំលាយនៅអំឡុងពេលទទួលទានស្រាបៀរ និងស្រាចូលទៅជាមួយគ្នា។ ហេតុនេះហើយពេលដែលអ្នកទទួលទានគ្រឿងស្រវឹង អ្នកគួរតែទទួលទានអាហារនេះឱ្យមានដែនកំណត់ ដើម្បីធានាសុវត្ថិភាពដល់ប្រព័ន្ធរំលាយអាហារ។

8. សាច់គោ
សាច់គោផ្តល់នូវសារធាតុចិញ្ចឹមកម្រិតខ្ពស់សម្រាប់រាងកាយ ខណៈដែលស្រាមានសារធាតុក្តៅ នៅពេលដែលរបស់ទាំងពីរមុខនេះ បញ្ចូលគ្នានាំឱ្យមានបញ្ហាទល់លាមក ភ្នែកក្រហម… ព្រមទាំងមានផលប៉ះពាល់មួយចំនួនទៀតដល់សុខភាពផងដែរ។

9. បារី
បុរសជាច្រើន បានចូលចិត្តទទួលទានគ្រឿងស្រវឹងបណ្តើរ ជក់បារីបណ្តើរ ប៉ុន្តែក្រុមអ្នកជំនាញបាននិយាយថា ការសេពគ្រឿងស្រវឹងរួមផ្សំជាមួយនឹងការជក់បារី មិនត្រឹមតែប៉ះពាល់ដល់ថ្លើមប៉ុណ្ណោះទេ ថែមទាំងធ្វើឱ្យកើតជំងឺមហារីកបំពង់កថែមទៀត។ អាស្រ័យហេតុនេះដើម្បីកុំឱ្យមានបញ្ហាដល់សុខភាពកាន់តែធ្ងន់ធ្ងរ អ្នកគួរតែចៀសវាងឱ្យបាន៕

October 31, 2019

ប្រាសាក់ ផ្តល់សេវាបង់ទឹកភ្លើង ហ្រ្វីៗជូនអតិថិជនតាមសេវាធនាគារចល័ត និងអេធីអឹម

នៅក្នុងយុគសម័យទំនើប និងទីផ្សារប្រកួតប្រជែង បច្ចេកវិទ្យាពិតជាបានចូលរួមចំណែកក្នុងការជួយសម្រួលដល់អតិថិជននិងសាធារណជនក្នុងការប្រកបមុខរបរទទួលទានប្រកបដោយភាពងាយស្រួល ចំណេញពេលវេលា និងបង្កើនចំណូលសម្រាប់គ្រួសារ។

ឆ្លើយតបទៅនឹងតម្រូវការនេះ ប្រាសាក់ ដែលជាគ្រឹះស្ថានហិរញ្ញវត្ថុធំជាងគេនៅកម្ពុជាបាននិងកំពុងផ្តល់សេវាទូទាត់វិក្កយបត្រទឹក-ភ្លើង ដែលអនុញ្ញាតឱ្យអតិថិជនទាំងអស់អាចប្រើប្រាស់សេវានេះដោយមិនអស់កម្រៃសេវា មានភាពស្រួល និងរហ័សទាន់ចិត្ត តាមរយៈប្រើម៉ាស៊ីនអេធីអឹម និងសេវាធនាគារចល័តប្រាសាក់ ឬ ប្រាសាក់ម៉ូបាលប៊ែងឃីង បានគ្រប់ពេលវេលា និងទីកន្លែង។

ប្រភេទវិក្កយបត្រដែលអតិថិជនប្រាសាក់អាចទូទាត់បាន គឺមានវិក្កយបត្រទឹករបស់រដ្ឋាករទឹកស្វយ័តក្រុងភ្នំពេញ និងវិក្កយបត្រអគ្គិសនីកម្ពុជា រាជធានីភ្នំពេញ ខេត្តកណ្ដាល កំពត កំពង់ចាម ក្រចេះ រតនគិរី បន្ទាយមានជ័យ ស្រុកកំពង់ត្រាច ស្នួល វើនសៃ លំផាត់ និងស្រុកតាវែង។

ការផ្តល់ជូនសេវាទូទាត់វិក្កយបត្រទឹក-ភ្លើងនេះ ផ្តល់ភាពងាយស្រួលកាន់តែខ្លាំងចំពោះអតិថិជនទាំងអស់ ដោយមិនចាំបាច់ធ្វើដំណើរទៅបង់ថ្លៃទឹក-ភ្លើងនោះទេ ដោយអតិថិជនគ្រាន់តែប្រើប្រាស់សេវាធនាគារចល័ត ឬ ប្រាសាក់ម៉ូបាលប៊ែងឃីង ឬ អាចរកទីតាំងម៉ាស៊ីនអេធីអឹមប្រាសាក់ដែលនៅជិតលោកអ្នកបំផុត នោះអតិថិជនអាចទូទាត់វិក្កយបត្រទឹក-ភ្លើងបានដោយខ្លួនឯង បានយ៉ាងងាយ។

សូមអញ្ជើញមកបើកគណនីសន្សំនៅប្រាសាក់ថ្ងៃនេះ ដើម្បីទទួលបានការទូទាត់វិក្កយបត្រទឹក-ភ្លើង និងធ្វើប្រតិបត្តិការសេវាធនាគារជាច្រើនទៀតដោយមិនអស់កម្រៃសេវា។

សូមបញ្ជាក់ថា ក្នុងរយៈពេល 6 ខែដើមឆ្នាំ 2019 នេះ ប្រាសាក់មានទ្រព្យសកម្មសរុបច្រើនជាង 2,800 លានដុល្លារអាមេរិក សម្ពៀតឥណទានច្រើនជាង 2,370 លានដុល្លារអាមេរិក អតិថិជនប្រាក់កម្ចីជាង 410 ពាន់នាក់ បណ្តាញការិយាល័យ និងទីតាំងម៉ាស៊ីនអេធីអឹមគ្របដណ្តប់ទូទាំងប្រទេស និងបុគ្គលិកជាង 8,000 នាក់ ព្រមទាំងបានផ្តល់អគារបណ្ណាល័យចំនួន 40 នៅតាមបណ្តាខេត្តនានានៅកម្ពុជា។

សម្រាប់ព័ត៌មានបន្ថែម សូមទូរស័ព្ទមកលេខ 023 999 911 ឬ 086 999 911 ឬ ចូលទៅកាន់ www.prasac.com.kh

October 30, 2019

ក្រសួងសេដ្ឋកិច្ច ប្រកាសដាក់ឱ្យអនុវត្តជាផ្លូវការ “មូលនិធិអភិវឌ្ឍន៍ជំនាញ”

ក្នុងគោលបំណងជំរុញការអភិវឌ្ឍជំនាញប្រកបដោយគុណភាព ដើម្បីឆ្លើយតបទៅនឹងតម្រូវការទីផ្សារក៏ដូចជាការអភិវឌ្ឍវិស័យឧស្សាហកម្មនៅកម្ពុជា ក្រសួងសេដ្ឋកិច្ច និងហិរញ្ញវត្ថុបានធ្វើពិធីផ្សព្វផ្សាយ និងប្រកាសដាក់ឱ្យអនុវត្តជាផ្លូវការនូវគម្រោង “មូលនិធិអភិវឌ្ឍន៍ជំនាញ។

ឯកឧត្តម វង្សី វិស្សុត រដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ដែលជាអធិបតីនៅក្នុងពិធីនោះបានមានប្រសាសន៍ថា ក្នុងរយៈពេល 2ទសវត្សរ៍ចុងក្រោយនេះ កម្ពុជាសម្រេចបាននូវកំណើនសេដ្ឋកិច្ចខ្ពស់ជាមធ្យមប្រមាណ 7.7%ក្នុង 1ឆ្នាំ និងធានារក្សាបាននូវស្ថិរភាពម៉ាក្រូសេដ្ឋកិច្ចយ៉ាងរឹងមាំ សម្រចបាននូវការកាត់បន្ថយភាពក្រីក្រយ៉ាងឆាប់រហ័ស។

សូចនាករនេះបានឆ្លុះបញ្ចាំងពីដំណើរផ្លាស់ប្តូររបស់កម្ពុជាដែលបានធ្វើឱ្យកម្ពុជាអាចរំដោះខ្លួនចេញពីប្រទេសដែលមានចំណូលកម្រិតទាបនៅក្នុងឆ្នាំ2015កន្លងមក និងក្លាយជាប្រទេសដែលមានចំណូលមធ្យមកម្រិតទាប ហើយកំពុងខិតខំបន្តឈានឆ្ពោះទៅសម្រេចបាននូវចក្ខុវិស័យ ប្រកបដោយមហិច្ឆតារបស់ខ្លួន គឺជាប្រទេសមានចំណូលមធ្យមកម្រិតខ្ពស់នៅឆ្នាំ2030 និងជាប្រទេសមានចំណូលខ្ពស់នៅឆ្នាំ2050។ នេះបើតាមឯកឧត្តមបានបញ្ជាក់។

ឯកឧត្តម វង្សី វិស្សុត បានបន្តថា៖“ រាជរដ្ឋាភិបាលបានចាត់ទុកការអភិវឌ្ឍវិស័យជំនាញ គឺជាអាទិភាពដ៏ចម្បងមួយ ដូចមានកំណត់នៅក្នុងយុទ្ធសាស្ត្រចតុកោណដំណាក់កាលទី4 និងគោល នយោបាយអភិវឌ្ឍន៍វិស័យឧស្សាហកម្ម ដែលមានគោលដៅផ្លាស់ប្តូរពីសេដ្ឋកិច្ច ដែលពឹងផ្អែកលើ អតិពលកម្មទៅជាសេដ្ឋកិច្ចដែលពឹងផ្អែកលើជំនាញ ក៏ដូចជានយោបាយជាតិស្តីពីការអប់រំ បណ្តុះបណ្តាលបច្ចេកទេស និងវិជ្ជាជីវៈ និងគោលនយោបាយជាតិស្តីពីមុខរបរ និងការងាររបស់រាជរដ្ឋាភិបាលផងដែរ”។

ឯកឧត្តមបានបន្តទៀតថា ជាទិសដៅយុទ្ធសាស្ត្រទៅថ្ងៃមុខក្នុងការទ្រទ្រង់កំណើនសេដ្ឋកិច្ចរយៈពេលវែង គឺត្រូវការជំនាញជាចាំបាច់។ ម្យ៉ាងវិញទៀត បើនិយាយអំពីកត្តានៃកំណើន (Factor of Growth) វិញគឺអ្វីដែលយើងទទួលបានកន្លងមក ភាគច្រើនបានមកតែពីកត្តាការចូលរួមកម្លាំងពលកម្ម (Labor participation) ហើយចំណែកពីកត្តាផលិតភាពការងារ (Labor productivity) មានតែមួយផ្នែកតូចប៉ុណ្ណោះ។

ដូច្នេះកម្ពុជាមានភាពចាំបាច់ណាស់ក្នុងការពង្រឹងភាពប្រកួតប្រជែង និងធ្វើពិពិធកម្មសេដ្ឋកិច្ចដើម្បីអាចទ្រទ្រង់ចីរភាពនៃកំណើនសេដ្ឋកិច្ច រយៈពេលវែង។ ព្រោះថា ប្រសិនបើពុំមានកំណើនទេ យើងក៏នឹងមិនមានអ្វីសម្រាប់ធ្វើការបែងចែកទៅក្នុងសង្គមជាតិវិញដែរ ពិសេសការកាត់បន្ថយភាពក្រីក្រ។

បច្ចុប្បន្ន ការចូលរួមរបស់កម្លាំងពលកម្ម គឺអស់លម្ហទៅហើយ ដូចនេះការរុញកំណើនទៅថ្ងៃ មុខ គឺយើងគ្មានជម្រើសអ្វីផ្សេងក្រៅពីកត្តាផលិតភាពការងារ និងការបង្កើនការវិនិយោគជំនាញ និង បច្ចេកវិទ្យា (Capital Accumulation) ព្រមទាំងការបង្កើតក្បាលម៉ាស៊ីនថ្មី និងធ្វើទំនើបកម្មក្បាល ម៉ាស៊ីនចាស់ដែលមានស្រាប់នោះទេ។

ឯកឧត្តមបញ្ជាក់ថា៖ “ប៉ុន្តែការបង្កើនផលិតភាពការងារ ទាមទារនូវការអភិវឌ្ឍជំនាញ ហើយយើងក៏មិនអាចបង្កើតក្បាលម៉ាស៊ីនថ្មី និងប្រើប្រាស់បច្ចេកវិទ្យាបានដែរ ប្រសិនបើមិនមានជំនាញ។ ដូចនេះជំនាញដើរតួនាទីធំណាស់ក្នុងការកសាងក្បាលម៉ាស៊ីនសេដ្ឋកិច្ចដែលមានតម្លៃបន្ថែមខ្ពស់ ក៏ដូចជាការទាក់ទាញឧស្សាហកម្មថ្មីៗតាមរយៈការវិនិយោគពីក្រៅប្រទេស”។

ឯកឧត្តមក៏មានប្រសាសន៍ផងដែរថា រាជរដ្ឋាភិបាលបាននិងកំពុងជំរុញការអភិវឌ្ឍជំនាញ តាមរយៈយន្តការរបស់ក្រសួងអប់រំ យុវជន និងកីឡា ដែលមានការបង្កើតវិទ្យាល័យចំណេះទូទៅ និងបច្ចេកទេស និងតាមរយៈក្រសួងការងារ និងបណ្តុះបណ្តាលវិជ្ជាជីវៈដែលមានអគារបំពាក់ដោយ សម្ភារបរិក្ខារពិសោធន៍ និងការដំឡើងប្រាក់បៀវត្សរ៍ជូនគ្រូបណ្តុះបណ្តាល រួមទាំងការបង្កើនថ្លៃឯកតាបណ្តុះបណ្តាល ព្រមទាំងអាហារូបករណ៍ដើម្បីទាក់ទាញការចូលរៀនរបស់សិស្សលើផ្នែកជំនាញទៀតផង។

ទោះបីយ៉ាងណាក៏ដោយ ក៏ការអភិវឌ្ឍជំនាញនៅកម្ពុជានៅតែចោទជាបញ្ហាច្រើននៅឡើយ ដូចជាភាពមិនស៊ីគ្នានៃជំនាញក្នុងការឆ្លើយតបទៅនឹងតម្រូវការទីផ្សារ (Skill mismatch) ពិសេសការអភិវឌ្ឍវិស័យឧស្សាហកម្ម និងគុណភាពនៃជំនាញនៅមិនទាន់ អាចឆ្លើយតបបានទៅនឹងតម្រូវការនៃការងារនៅឡើយ (Quality mismatch)។

ទន្ទឹមនឹងនេះដែរ ដោយសារការវិវឌ្ឍយ៉ាងឆាប់រហ័សនៃវិស័យបច្ចេកវិទ្យាបានធ្វើឱ្យតម្លៃនៃជំនាញមួយចំនួន អាចនឹងមានការផ្លាស់ប្តូរក្នុងរយៈពេលតែ4 ឬក៏ 5ឆ្នាំប៉ុណ្ណោះ ទន្ទឹមនឹងមានការធ្វើស្វ័យប្រវត្តិកម្មកាន់តែច្រើនដែលអាចគំរាមកំហែងដល់ទីផ្សារការងារ។ នេះបើតាមឯកឧត្តម វង្សី វិស្សុតបញ្ជាក់។

ម្យ៉ាងវិញទៀត កម្ពុជាក៏មានពលករចំណាកស្រុកច្រើន ហើយភាគច្រើននៃពលករចំណាក ស្រុកគឺពុំមានការប្រើប្រាស់ជំនាញទេ ពោលគឺប្រើតែកម្លាំងពលកម្មសុទ្ធសាធ។ ទន្ទឹមនឹងនេះ ទីផ្សារការងារ និងប្រាក់ខែរវាងអ្នកគ្មានជំនាញ អ្នកមានជំនាញទាបនិងអ្នកមានជំនាញខ្ពស់ នៅមិនទាន់មានភាពខុសគ្នាខ្លាំង និងមិនទាន់អាចលើកទឹកចិត្តដល់អ្នកគ្មានជំនាញ និងអ្នកមានជំនាញទាប ឱ្យកាន់តែខិតខំបង្កើនជំនាញរបស់ខ្លួនឱ្យកាន់តែខ្ពស់បាននៅឡើយ។

កម្ពុជាចាំបាច់ត្រូវរៀបចំនូវក្របខ័ណ្ឌ និងគោលនយោបាយដ៏សមស្របមួយដើម្បីលើកទឹក ចិត្តដល់ការបង្កើនជំនាញ ដែលអាចជួយរួមចំណែកដល់ការ-បង្កើនតម្លៃបន្ថែមឱ្យកាន់តែខ្ពស់ និងការធ្វើពិពិធកម្មសេដ្ឋកិច្ចជាតិឱ្យកាន់តែខ្លាំងក្លា ក៏ដូចជាការបង្កើតនូវឱកាសជូនដល់ពលករចំណាកស្រុកឱ្យអាចចូលរួមការបណ្តុះបណ្តាលដើម្បីបង្កើនជំនាញ និងអាចទទួលបាននូវការងារ និងប្រាក់ខែសមរម្យនៅក្នុងប្រទេស។

ឯកឧត្តម វង្សី វិស្សុត បានបញ្ជាក់ថា គម្រោងមូលនិធិអភិវឌ្ឍន៍ជំនាញ មិនធ្វើតួនាទីជាន់គ្នា ឬធ្វើការជំនួសក្រសួងការងារ និងបណ្តុះបណ្តាលវិជ្ជាជីវៈក្រសួងអប់រំ យុវជន និងកីឡា ក៏ដូចជាអង្គការក្រៅរដ្ឋាភិបាល ឬវិស័យឯកជនមួយចំនួនដែលកំពុងតែធ្វើការងារពាក់ព័ន្ធនឹងការអភិវឌ្ឍជំនាញនោះទេ ប៉ុន្តែមូលនិធិអភិវឌ្ឍន៍ជំនាញ ជាការបើកឱកាស និងបំពេញឱ្យគ្នាទៅវិញទៅមក។

តាមរយៈការផ្តល់នូវហិរញ្ញប្បទានតាមយន្តការភាពជាដៃគូរវាងរដ្ឋ និងឯកជន និងជាថ្នាលមួយសម្រាប់ឱ្យតួអង្គពាក់ព័ន្ធបង្កើតនូវក្របខ័ណ្ឌរួមមួយ និងអាចផ្លាស់ប្តូរទស្សនៈ និងគំនិតយោបល់ ដើម្បីបង្កើនគុណភាពនៃជំនាញនៅកម្ពុជា ក្នុងគោលដៅទាក់ទាញការវិនិយោគ និងទ្រទ្រង់ដល់កំណើនសេដ្ឋកិច្ច ក៏ដូចជាក្នុងគោលដៅបង្កើតធនធានមនុស្សប្រកបដោយជំនាញនៅកម្ពុជាឱ្យបានច្រើនដើម្បីបង្កើនគុណភាពការងារ និងគុណភាពនៃជីវិត។

ឯកឧត្តមបន្តថា មូលនិធិអភិវឌ្ឍន៍ជំនាញត្រូវតែមានរចនាសម្ព័ន្ធគ្រប់គ្រងប្រកបដោយវិជ្ជាជីវៈ និងមានប្រតិបត្តិការប្រកបដោយមានតម្លាភាព ហើយផ្តោតតែទៅលើវិស័យអាទិភាពមួយចំនួន ដែលមានសក្តានុពលខ្ពស់ក្នុងសេដ្ឋកិច្ច ដូចជាកម្មន្តសាល ទេសចរណ៍ និងឌីជីថលជាដើម ព្រមទាំង ត្រូវរក្សាឱ្យបាននូវតុល្យភាពរវាងក្រុមហ៊ុនធំៗដែលមានចរិតជាយុទ្ធសាស្ត្រដល់ភាពប្រកួតប្រជែង របស់កម្ពុជា និងសហគ្រាសធុនតូច និងមធ្យម។

ក្រៅពីការផ្តល់ហិរញ្ញប្បទានហើយ មូលនិធិអភិវឌ្ឍន៍ជំនាញក៏ត្រូវគិតគូរផងដែរអំពីការរៀបចំគោលនយោបាយអភិវឌ្ឍន៍ជំនាញឱ្យទាន់ពេលវេលា សមស្របតម្រូវការទីផ្សារ និងបរិការណ៍ នៃសេដ្ឋកិច្ចកម្ពុជាផងដែរ។ ឯកឧត្តមក៏បានស្នើសុំដល់អ្នកពាក់ព័ន្ធ ជាពិសេសដៃគូអភិវឌ្ឍន៍ និងវិស័យឯកជន សូមចូលរួមគាំទ្រដល់ការអនុវត្តគម្រោងមូលនិធិអភិវឌ្ឍន៍ជំនាញនេះផង។ គួរបញ្ជាក់ដែរថា រាជរដ្ឋាភិបាលកម្ពុជាបានផ្តួចផ្តើមអនុវត្តន៍គម្រោងមូលនិធិអភិវឌ្ឍន៍ជំនាញ (SDF) នេះ ដោយបានប្រើប្រាស់ថវិការាជរដ្ឋាភិបាលចំនួន5លានដុល្លារអាមេរិក និងបានទទួលការគាំទ្រផ្នែកបច្ចេកទេស និងហិរញ្ញវត្ថុពីសំណាក់ធនាគារអភិវឌ្ឍន៍អាស៊ី (ADB) ក្នុងទឹកប្រាក់ប្រមាណ 10លានដុល្លារអាមេរិក។ បច្ចុប្បន្នមូលនិធិអភិវឌ្ឍន៍ជំនាញកំពុងតែសហការជាមួយដៃគូ មួយចំនួនទៀត ដូចជា IFAD និងក្រុមហ៊ុនទីប្រឹក្សាមកពីប្រទេសស្វ៊ីស។

រាជរដ្ឋាភិបាលនឹងពិនិត្យ លទ្ធភាពក្នុងការបង្កើនធនធានថវិកាសម្រាប់គាំទ្រដល់មូលនិធិបន្ថែមទៀត ប្រសិនបើការអនុវត្ត គម្រោងនេះទទួលបានជោគជ័យ និងមានការទាក់ទាញច្រើន ដែលបម្រើឱ្យគោលនយោបាយរបស់រាជរដ្ឋាភិបាល៕

October 30, 2019

រដ្ឋមន្ត្រីកសិកម្ម៖ រដ្ឋាភិបាលជំរុញការបង្កើនតម្លៃបន្ថែមលើផលិតផល និងការនាំចេញក្នុងវិស័យកសិ-ឧស្សាហកម្ម

រាជរដ្ឋាភិបាលបានជំរុញឱ្យបន្តយកចិត្តទុកដាក់ បង្កើនតម្លៃបន្ថែមលើផលិតផល ការនាំចេញអង្ករ កសិផលកែច្នៃឱ្យបាន12% នៅត្រឹមឆ្នាំ2025 ក្នុងនោះមានផលិតផលសត្វ និងវារីវប្បកម្ម ព្រមទាំងការលើកទឹកចិត្តដល់វិនិយោគិនក្នុងវិស័យកសិ-ឧស្សាហកម្ម ដែលមានអាទិភាពចម្បងដូចបានកំណត់ក្នុងគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ2015-2025។ នេះបើតាមការថ្លែងរបស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទនៅក្នុងសិក្ខាសាលាស្ដីពីកិច្ចសម្រួលវិនិយោគសម្រាប់ការអភិវឌ្ឍប្រកបដោយចីរភាព។

ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា៖“ វិស័យកសិកម្មបាននិងកំពុងអភិវឌ្ឍគួរជាទីមោទនៈ បច្ចុប្បន្នក្រសួងកំពុងគាំទ្រ និងលើកទឹកចិត្តដល់វិស័យឯកជន ដៃគូអភិវឌ្ឍន៍នានាឱ្យចូលរួមវិនិយោគលើការកែច្នៃផលិផលកសិ-ឧស្សាហកម្ម ដើម្បីធានានូវនិរន្តរភាពនៃការផលិត ស្ថិរភាពទីផ្សារ តម្លៃបន្ថែម គុណភាព ស្តង់ដាអនាម័យ និងសុវត្ថិភាព ដើម្បីឆ្លើយតបតាមតម្រូវការទីផ្សារទាំងក្នុង និងក្រៅប្រទេស និងកំពុងជំរុញបន្ថែមទៀតលើការអនុវត្តផលិតកម្មកសិកម្មតាមកិច្ចសន្យា។

នាពេលថ្មីៗកន្លងទៅ ដើម្បីជួយសម្រួលដល់ការវិនិយោគក្នុងវិស័យកសិកម្ម និងការអភិវឌ្ឍ ក្នុងវិស័យនេះ ក្រសួងបានឆ្លើយតបនឹងសំណូមពរពីវិស័យឯកជន ដោយបានដាក់ចេញនូវវិធានការដើម្បីឱ្យក្រសួង-ស្ថាប័នពាក់ព័ន្ធអនុវត្តបន្តដែលមានជាអាទិ៍៖ ទី1-ដាក់អាករលើតម្លៃបន្ថែមសម្រាប់ការផ្គត់ផ្គង់ទំនិញ ឬសេវាដល់សហគ្រាសផលិត និងផ្គត់ផ្គង់ក្នុងស្រុក ឬនាំចេញនូវស្រូវ-អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី និងជ័រកៅស៊ូ ជាបន្ទុករបស់រដ្ឋរហូតដល់ដំណាច់ឆ្នាំ2023។ ទី2-អនុគ្រោះដល់សហគ្រាសផលិត និងផ្គត់ផ្គង់ក្នុងស្រុក ឬនាំចេញនូវស្រូវ-អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី និងជ័រកៅស៊ូ ឱ្យរួចផុតពីកាតព្វកិច្ចកាត់ទុកប្រាក់ពន្ធលើការទូទាត់ ចំពោះការផ្គត់ផ្គង់សេវាដោយបុគ្គលមិនស្ថិតក្នុងរបបស្វ័យប្រកាស រហូតដល់ដំណាច់ឆ្នាំ2030។ ទី3- អគ្គនាយកដ្ឋានពន្ធដារចេញវិញ្ញាបនបត្រអាករលើតម្លៃបន្ថែម ជាបន្ទុករបស់រដ្ឋដល់សហគ្រាសផលិត និងផ្គត់ផ្គង់ក្នុងស្រុក ឬនាំចេញនូវស្រូវ-អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី និងជ័រកៅស៊ូដែលមានសុពលភាព 1ឆ្នាំម្តង ក្នុងករណីដែលសហគ្រាសនោះកាន់បញ្ជិកាគណនេយ្យស្របតាមបទប្បញ្ញត្តិច្បាប់ជាធរមាន។

ជាមួយនឹងសមិទ្ធផលជាវិជ្ជមានដែលក្រសួងសម្រេចបាន ក៏នៅមានបញ្ហាប្រឈមសំខាន់ៗមួយចំនួនទៀតដែលទាមទារឱ្យគ្រប់ភាគីពាក់ព័ន្ធរួមគ្នាគិតគូរដោះស្រាយកែសម្រួល និងបំពេញបន្ថែមនូវរាល់ចំណុចខ្វះខាត ធ្វើយ៉ាងណាឱ្យមានភាពប្រទាក់ក្រឡាគ្នា និងរលូន ហើយដែលយន្តការទាំងអស់នេះ វេទិកាសាធារណ: រវាងរាជរដ្ឋាភិបាល និងវិស័យឯកជន បានអនុវត្តរួចមកហើយ ដោយមានការទទួលស្គាល់ថា មានប្រសិទ្ធភាពខ្ពស់ និងមានការពេញចិត្តពីអ្នកវិនិយោគ។

ឯកឧត្តមរដ្ឋមន្ត្រី ក៏បានផ្តល់ចំណុចគន្លឹះមួយចំនួន ដើម្បីជាមូលដ្ឋានក្នុងការពិចារណាពាក់ព័ន្ធនឹងគោលនយោបាយសម្រាប់ជំរុញការវិនិយោគ ដើម្បីអភិវឌ្ឍប្រកបដោយចីរភាព និងបរិយាប័ន្នឱ្យទទួលបានជោគជ័យ ក្នុងនោះរួមមាន៖ ទី1- បន្តជំរុញការអនុវត្តគោលនយោបាយអភិវឌ្ឍន៍វិស័យឧស្សាហកម្ម ឆ្នាំ2015-2025 ឱ្យមានប្រសិទ្ធភាពខ្ពស់ ដើម្បីសម្រេចបាននូវការនាំចេញកសិផលកែច្នៃឱ្យបាន 12% នៃទំហំការនាំចេញសរុបនៅឆ្នាំ2025។ ទី2-ជំរុញអនុវត្តន៍គោលនយោបាយអភិវឌ្ឍន៍ SME តាមរយៈការលើកទឹកចិត្តផ្នែកពន្ធដារ ការបង្កើតធនាគារសហគ្រាសធុនតូច និងមធ្យម (SMEs Bank) និងមូលនិធិអភិវឌ្ឍន៍សហគ្រិនភាព។ ទី3-បន្តអនុវត្តគោលនយោបាយកែទម្រង់រចនាសម្ព័ន្ធគាំទ្រ គោលនយោបាយពន្ធជំរុញកំណើនតាមរយៈការធ្វើឱ្យប្រសើរឡើងនូវការផ្តល់សេវាបង់ពន្ធ ការសម្រួលពាណិជ្ជកម្ម និងស្វ័យប្រវត្តិកម្ម ឡូជីស្ទីក ការកាត់-បន្ថយថ្លៃអគ្គិសនី។ ទី4- គាំទ្រការផ្សារភ្ជាប់វិស័យកសិកម្មទៅនឹងវិស័យកសិ-ឧស្សាហកម្ម ការបង្កើតតំបន់សេដ្ឋកិច្ចពិសេស សម្រាប់កែច្នៃកសិផលនាំចេញ តាមទម្រង់ភាពជាដៃគូរវាងវិស័យសាធារណៈ និងផ្នែកឯកជន។

ជាមួយគ្នានេះដែរ រាជរដ្ឋាភិបាលកម្ពុជា និងធនាគារពិភពលោក Worl Bank (WB )បានចាប់ដៃគូសហប្រតិបត្តិការ និងចាប់ផ្ដើមអនុវត្ដន៍គម្រោងពិពិធកម្មវិស័យកសិកម្មកម្ពុជា ដែលជាគម្រោងថ្មីមួយ មានទឹកប្រាក់ជាង 100លានដុល្លារអាមេរិក ក្នុងនោះថវិកាបដិភាគរបស់រាជរដ្ឋាភិបាលចំនួន 10លានដុល្លារ ដើម្បីគាំទ្រការវិនិយោគធុរកិច្ចកសិកម្ម និងលើកទឹកចិត្តការវិនិយោគកសិដ្ឋាន និងសម្ភារកសិកម្មនៅកម្ពុជា។

ក្នុងសិក្ខាសាលាស្តីពីការចាប់ផ្តើមអនុវត្តន៍គម្រោងពិពិធកម្មវិស័យកសិកម្មកម្ពុជា (Cambodia Agriculture Sector Diversification Project ឬCASDP) កាលពីថ្ងៃទី10 ខែតុលា ឆ្នាំ2019 នៅទីស្តីការក្រសួងកសិកម្ម លោកស្រី Inguna Dobraja តំណាងWB បានលើកឡើងថា វិស័យកសិកម្មកម្ពុជាបានដើរតួនាទីយ៉ាងសំខាន់ក្នុងការលើកកម្ពស់កម្រិតជីវភាព បង្កើតការងារ និងកំណើនសេដ្ឋកិច្ចជាតិ។

លោកស្រីបានបញ្ជាក់ថា៖“ គម្រោង CASDP វានឹងបំពេញតួនាទីសំខាន់ៗ ក្នុងការជួយសម្របសម្រួល ការវិនិយោគធុរកិច្ចកសិកម្ម ជំរុញ និងលើកទឹកចិត្តការវិនិយោគកសិដ្ឋាន និងសម្ភារកសិកម្ម ពង្រឹង និងផ្សារភ្ជាប់ខ្សែចង្វាក់តម្លៃ និងទីផ្សារ ជា-ពិសេសលើកទឹកចិត្តឱ្យមានកាលានុវត្តភាពធុរកិច្ចកសិកម្ម។ គម្រោងនេះបានកំណត់ហេដ្ឋារចនាសម្ព័ន្ធគាំទ្រសំខាន់ៗ ដែលជាមូលដ្ឋានគ្រឹះក្នុងការដោះស្រាយបញ្ហា ដើម្បីគាំទ្រ និងអភិវឌ្ឍន៍ធុរកិច្ចកសិកម្ម”។ លោកស្រីបានអះអាងថា ធនាគារពិភពលោកនឹងនៅបន្តធ្វើការគាំទ្រ និងឧបត្ថម្ភទាំងហិរញ្ញវត្ថុ និងបច្ចេកទេសដើម្បីអភិវឌ្ឍន៍វិស័យកសិកម្មនៅកម្ពុជា។

សូមបញ្ជាក់ថា គម្រោងពិពិធកម្មវិស័យកសិកម្មកម្ពុជា (CASDP) បានអនុម័តដោយធនាគារពិភពលោកកាលពីខែមករា ឆ្នាំ2019 កន្លងមក ដែលមានថវិកាសរុប 101.67លានដុល្លារអាមេរិក ដែលក្នុងនេះមានថវិកាបដិភាគរបស់រាជរដ្ឋាភិបាលចំនួន 10លានដុល្លារ និងមានរយ:ពេល 6ឆ្នាំ (2019-2025)។

គម្រោងនេះបានអនុវត្ដនៅក្នុងខេត្តគោលដៅចំនួន 12 រួមមាន៖ ខេត្តកំពង់ឆ្នាំង បាត់ដំបង ក្រចេះ ព្រះវិហារសៀមរាប ស្ទឹងត្រែង រតនគិរី មណ្ឌលគិរី ត្បូងឃ្មុំ កំពង់ចាម កណ្តាលកំពង់ស្ពឺ និងរាជធានីភ្នំពេញ៕

October 30, 2019

ទូតអាល្លឺម៉ង់ថ្មី ប្តេជ្ញាបន្តពង្រឹងកិច្ចសហប្រតិបត្តិការអភិវឌ្ឍន៍ជាមួយកម្ពុជា

លោក Christian Berger ឯកអគ្គរដ្ឋទូតថ្មី នៃសាធារណរដ្ឋសហព័ន្ធអាល្លឺម៉ង់ បានសម្តែងនូវការអប អរសាទរ និងកោតសរសើរចំពោះកំណើនសេដ្ឋកិច្ច និងការអភិវឌ្ឍន៍ដែលកម្ពុជា សម្រេចបាន និងគោលដៅ ប្រកបដោយ មហិច្ឆតា ក្នុងការប្រែក្លាយកម្ពុជាឱ្យទៅជាប្រទេសមានចំណូលមធ្យមកម្រិតខ្ពស់ នាឆ្នាំ2030និងប្រទេសមានចំណូលខ្ពស់ នាឆ្នាំ2050។នេះបើតាមសេចក្តីប្រកាសព័ត៌មានក្នុងជំនួបឯកអគ្គរដ្ឋទូតថ្មី នៃសាធារណរដ្ឋសហព័ន្ធអាល្លឺម៉ង់ប្រចាំកម្ពុជា ជាមួយអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា ។
ទន្ទឹមនេះ លោកឯកអគ្គរដ្ឋទូតថ្មី ក៏បានប្តេជ្ញាបន្ត និងពង្រឹងកិច្ចសហប្រតិបត្តិការអភិវឌ្ឍន៍ ជាមួយកម្ពុជា ដោយពង្រីកវិសាភាពគ្របដណ្តប់ លើវិស័យយុទ្ធសាស្រ្តផ្សេងទៀត។
យោងតាមសេចក្តីប្រកាសព័ត៌មានរបស់ ក្រុមប្រឹក្សាអភិវឌ្ឍន៍កម្ពុជា ក្នុងជំនួបនៅថ្ងៃទី28 ខែ តុលា ឆ្នាំ2018នេះ លោក ឈៀង យ៉ាណារ៉ា អគ្គលេខាធិការគណៈកម្មាធិការនីតិសម្បទា និងអភិវឌ្ឍន៍ កម្ពុជា នៃក្រុមប្រឹក្សាអភិវឌ្ឍន៍កម្ពុជា បានជម្រាបឯកអគ្គរដ្ឋទូតថ្មី នៃសាធារណរដ្ឋសហព័ន្ធអាល្លឺម៉ង់ថា រាជរដ្ឋាភិបាលសម្រេចបាន សមិទ្ធផលសំខាន់ៗជាច្រើន ទាំងនយោបាយ សន្តិសុខសណ្តាប់ធ្នាប់សង្គម ទាំងការអភិវឌ្ឍសង្គម-សេដ្ឋកិច្ច។លោកអគ្គលេខាធិការបន្ដថា រាជរដ្ឋាភិបាល បន្តរក្សាបានស្ថិរភាពម៉ាក្រូសេដ្ឋកិច្ចល្អប្រសើរ និងសម្រេចបានកំណើនសេដ្ឋកិច្ចខ្ពស់ ប្រកបដោយចីរភាពជាង7% ក្នុងមួយឆ្នាំ ក្នុងរយៈពេលជាង2ទស្ស វត្សរ៍ចុងក្រោយ ទន្ទឹមនឹងចំណូលរបស់ប្រជាជនម្នាក់ បានកើនដល់ជាង1,450ដុល្លារ ក្នុងឆ្នាំ2017។
ដោយឡែក ក្នុងឆ្នាំ2018កំណើនសេដ្ឋកិច្ចសម្រេចបាន 7.5% ដែលជាកំណើនខ្ពស់ជាងគេ ក្នុង យៈពេល10ឆ្នាំចុងក្រោយ និងប្រមាណ 7.1% ក្នុងឆ្នាំ2019 ដោយសារភាពកាន់តែរឹងមាំ នៃវិស័យឯក ជន ទេសចរណ៍ និងសំណង់ ក៏ដូចជាកិច្ចប្រឹងប្រែង របស់រាជរដ្ឋាភិបាល ក្នុងការកែលម្អបរិយាកាសធុរ កិច្ច។
លោកបន្ថែមថា ចំណូលរបស់ប្រជាជនម្នាក់ បានកើនឡើងដល់ 1,568 ដុល្លារ ក្នុងឆ្នាំ2018 និងបន្តកើនដល់ប្រមាណ 1,679 ដុល្លារ ក្នុងឆ្នាំ2019។ រីឯអត្រាភាពក្រីក្រ ត្រូវបានកាត់បន្ថយមក នៅត្រឹម ក្រោម10% និងគម្លាតនៃចំណូលក្នុងចំណោមប្រជាជន តាមរយៈការបែងចែកផ្លែផ្កា នៃកំណើន ដល់ប្រជាជនគ្រប់ស្រទាប់។
សូមបញ្ជាក់ថា រហូតដល់ឆ្នាំ2019សាធារណរដ្ឋសហព័ន្ធអាល្លឺម៉ង់ បានផ្តល់ហិរញ្ញប្បទាន ឥតសំណង ប្រមាណជាង640លានដុល្លារ ស្មើនឹងប្រមាណ3% នៃទំហំហិរញ្ញប្បទានទាំងអស់។
ទំហំហិរញ្ញប្បទាននេះ មិនរាប់បញ្ចូលទាំងហិរញ្ញប្បទាន ដែលភាគីអាល្លឺម៉ង់ បានផ្តល់ឱ្យកម្ពុជា តាមរយៈគម្រោងថ្នាក់តំបន់ និងសកល ឬតាមរយៈស្ថាប័នហិរញ្ញវត្ថុអន្តរជាតិ បណ្តាញ អង្គការសហប្រ ជាជាតិ និងសហគមន៍អឺរ៉ុប។ ដោយឡែក ក្នុងឆ្នាំ2018-2019 ហិរញ្ញប្បទានឥតសំណង ទ្វេភាគីរបស់ អាល្លឺម៉ង់ មានប្រមាណ30លានដុល្លារក្នុងមួយឆ្នាំ។
ជាមួយគ្នានេះ ភាគីអាល្លឺម៉ង់បានសន្យាផ្តល់កញ្ចប់ហិរញ្ញប្បទាន ចំនួន48,60លានអឺរ៉ូ(សម មូល នឹង 54,40លានដុល្លារ) សម្រាប់ឆ្នាំ2019-2020 ក្នុងនោះឥណទានសម្បទាន30លានអឺរ៉ូ សម្រាប់ អភិវឌ្ឍហេដ្ឋារចនាសម្ព័ន្ធផ្លូវជនបទ និងហិរញ្ញប្បទានឥតសំណងចំនួន 18,60លានអឺរ៉ូ ។ បូកបញ្ចូល ឥណទានសម្បទាន ដែលបានប្រកាសផ្តល់នាចុងឆ្នាំ2018 ចំនួន30 លានអឺរ៉ូ សម្រាប់ប្រព័ន្ធចែកចាយ ថាមពលអគ្គិសនី ទំហំហិរញ្ញប្បទានសរុបបានកើនដល់ 78,60លានអឺរ៉ូ៕

October 30, 2019

Chiang Rai គ្រងតំណែងជើងឯកលីកកំពូលរបស់ថៃជាលើកដំបូងទាំងមិនគួរឱ្យជឿ

ការប្រកួតក្របខ័ណ្ឌលីកកំពូលរបស់ថៃ បានបញ្ចប់ជាផ្លូវការហើយកាលពីម្សិលមិញនេះ ដោយក្រុមកំពូលតារាង2 គឺ Burriram United និង Chiang Rai United មានពិន្ទុប្រដេញគ្នាក្នុងការប្រកួតចុងក្រោយនេះ។

ក្នុងនោះដែរក្រុមបាល់ទាត់ Chiang Rai United បានឈ្នះពានរង្វាន់លីកកំពូលថៃក្នុងការប្រកួតកាត់សេចក្តី សប្តាហ៍ចុងក្រោយនៃលីកកំពូលថៃ ក្រោយយកឈ្នះក្រុម Suphanburi ក្នុងលទ្ធផល 2 ទល់នឹង 5។ ចំណែកឯក្រុមត្រៀមការពារតំណែងជើងឯកលីកកំពូលថៃ 2រដូវកាល Burriram United វិញ បែរជាបានត្រឹមស្មើក្រុមបាតតារាង Chiangmai FC ក្នុងលទ្ធផល 1ទល់នឹង1 ទៅវិញ ដែលជាហេតុនាំឱ្យរបូតពាននេះក្នុងរដូវកាល2019នេះ។

ដូច្នេះក្រុមជើងឯកមួយនេះនឹងទទួលបានកៅអីនៅវគ្គចែកពូល AFC Champions League ឆ្នាំ2020 ចំណែកឯ Burriram United បានកៅអីវគ្គជម្រុះប្រចាំពាននេះដូចគ្នា។ ហើយក្រុមដែលត្រូវកាត់ចេញពីលីកកំពូលថៃគឺ Suphanburi FC, Chainat និង Chiangmai FC៕

October 30, 2019

ដោយសារក្រុមថ្នាលយុវជនរបស់ Hanoi FC គ្មានសកម្មភាពអ្វីសោះ ត្រូវ AFC ពិន័យយ៉ាងធ្ងន់ក

ការប្រកួតក្របខ័ណ្ឌលីកកំពូលរបស់ថៃ បានបញ្ចប់ជាផ្លូវការហើយកាលពីម្សិលមិញនេះ ដោយក្រុមកំពូលតារាង2 គឺ Burriram United និង Chiang Rai United មានពិន្ទុប្រដេញគ្នាក្នុងការប្រកួតចុងក្រោយនេះ។

ក្នុងនោះដែរក្រុមបាល់ទាត់ Chiang Rai United បានឈ្នះពានរង្វាន់លីកកំពូលថៃក្នុងការប្រកួតកាត់សេចក្តី សប្តាហ៍ចុងក្រោយនៃលីកកំពូលថៃ ក្រោយយកឈ្នះក្រុម Suphanburi ក្នុងលទ្ធផល 2 ទល់នឹង 5។ ចំណែកឯក្រុមត្រៀមការពារតំណែងជើងឯកលីកកំពូលថៃ 2រដូវកាល Burriram United វិញ បែរជាបានត្រឹមស្មើក្រុមបាតតារាង Chiangmai FC ក្នុងលទ្ធផល 1ទល់នឹង1 ទៅវិញ ដែលជាហេតុនាំឱ្យរបូតពាននេះក្នុងរដូវកាល2019នេះ។

ដូច្នេះក្រុមជើងឯកមួយនេះនឹងទទួលបានកៅអីនៅវគ្គចែកពូល AFC Champions League ឆ្នាំ2020 ចំណែកឯ Burriram United បានកៅអីវគ្គជម្រុះប្រចាំពាននេះដូចគ្នា។ ហើយក្រុមដែលត្រូវកាត់ចេញពីលីកកំពូលថៃគឺ Suphanburi FC, Chainat និង Chiangmai FC៕

October 30, 2019

អាមេរិក-កម្ពុជាផ្គូផ្គងធុរកិច្ច ដើម្បីជំរុញវិស័យពាណិជ្ជកម្មឱ្យរីកចម្រើន

បច្ចុប្បន្នការយកចិត្តទុកដាក់ ទៅលើការជំរុញទំនាក់ទំនងកិច្ចសហប្រតិបត្តិការ រវាងអាស៊ាន និងសហរដ្ឋអាមេរិក ក៏ដូចជាការជំរុញទំនាក់ទំនងពាណិជ្ជកម្មកម្ពុជា-អាមេរិកត្រូវបានលើកឡើងនៅក្នុងកិច្ចប្រជុំកំពូលប្រចាំឆ្នាំអាស៊ាន-សហរដ្ឋអាមេរិកលើកទី7 ដោយបានជំរុញ ភាពជាដៃគូ ជាមួយដៃគូសន្ទនា តាមវិស័យ ដៃគូអភិវឌ្ឍន៍ និងភាគីខាងក្រៅដទៃទៀត តាមរយ:ក្របខ័ណ្ឌនីមួយៗ និងការអនុវត្តផែន ការសកម្មភាពទាំងឡាយ នៃកិច្ចសហប្រតិបត្តិការនានា។

ប្រមុខរដ្ឋ ប្រមុខរដ្ឋាភិបាល អាស៊ាន និងតំណាងប្រធានាធិបតីសហរដ្ឋអាមេរិក ឯកឧត្តម រ៉ូប៊ែរ អូប្រៀនបេសកជនពិសេស នៃប្រធានាធិបតីសហរដ្ឋអាមេរិកដូណាល់ ត្រាំបានធ្វើការពិភាក្សាគ្នា ឱ្យកាន់តែរឹងមាំ រីកចម្រើនទ្វេឡើងថែមទៀត ដែលក្នុងកិច្ចប្រជុំកំពូលនោះដែរ មេដឹកនាំអាស៊ាន និងសហរដ្ឋអាមេរិក បានធ្វើការវាយតម្លៃ ចំពោះវឌ្ឍនភាពនៃទំនាក់ទំនងរវាងអាស៊ាន និងសហរដ្ឋអាមេរិក នូវសារ:សំខាន់និងចាំបាច់មួយចំនួន។

មេដឹកនាំអាស៊ាន បានលើកទឹកចិត្តឱ្យសហរដ្ឋអាមេរិក ឱ្យបន្តគាំទ្រការអនុវត្តផែនការមេ ស្តីពីការតភ្ជាប់អាស៊ាន និងគំនិតផ្តួចផ្តើមសមាហរណកម្មអាស៊ាន ដំណាក់កាលទី3 ដែលផ្តោតសំខាន់លើការតភ្ជាប់ ដើម្បីជួយកាត់បន្ថយគម្លាតអភិវឌ្ឍន៍រវាងប្រទេស សមាជិកអាស៊ាន និងជំរុញការតភ្ជាប់តំបន់សំដៅសម្រេចឱ្យបាននូវចក្ខុវិស័យសហគមន៍អាស៊ាន ឆ្នាំ2025។

មេដឹកនាំអាស៊ានក៏បានវាយតម្លៃខ្ពស់ចំពោះកម្មវិធីជំនួយបច្ចេកទេសថ្មី រវាងអាស៊ាននិងភ្នាក់ងារអភិវឌ្ឍន៍អន្តរជាតិ សហរដ្ឋអាមេរិក ស្តីពីកំណើនសេដ្ឋកិច្ចប្រកបដោយបរិយាប័ន្នក្នុងតំបន់អាស៊ាន តាមរយ:នវានុវត្តន៍ពាណិជ្ជកម្ម និងពាណិជ្ជកម្មអេឡិចត្រូនិក សម្រាប់ឆ្នាំ2019-2023ដែលនឹងបន្តជួយលើកកម្ពស់ការកសាងសហគមន៍អាស៊ាន។

ដោយឡែកក្នុងទំនាក់ទំនងរវាងកម្ពុជា-អាមេរិកនេះដែរ រដ្ឋមន្ត្រីក្រសួងពាណិជ្ជកម្ម ក៏បានជួបពិភាក្សាជាមួយឯកឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា មុនកិច្ចប្រជុំកំពូលអាស៊ាន-អាមេរិកលើកទី7(7th ASEAN-USSummit) ដែលរៀបចំឡើងនៅមជ្ឈមណ្ឌលពិព័រណ៍និងសន្និសីទ IMPACT Muang Thong Thani ប្រទេសថៃ។

ក្នុងជំនួបនេះ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានស្នើឯកអគ្គរដ្ឋទូតអាមេរិកជំរុញឱ្យវិស័យធុរកិច្ច អាមេរិកមក វិនិយោគនៅកម្ពុជាឱ្យកាន់តែច្រើន ក៏ដូចជាចូលរួមក្នុងពិព័រណ៍ពាណិជ្ជកម្ម និងការផ្គូផ្គងធុរកិច្ច ដើម្បីជំរុញវិស័យពាណិជ្ជកម្ម ឱ្យកាន់តែរីកចម្រើន។ជាមួយនឹងគោលបំណងពង្រឹង និងពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគី និងបានប្តេជ្ញាបន្តជំរុញពាណិជ្ជកម្មទ្វេភាគី ឱ្យកាន់តែរីកចម្រើនបន្ថែមទៀត។

ជាការឆ្លើយតប ឯកឧត្តមអគ្គរដ្ឋទូត W. Patrick Murphy បានវាយតម្លៃខ្ពស់ ចំពោះកិច្ចសហកិច្ចសហប្រតិបត្តិការ រវាងភាគីទាំង2 និងប្តេជ្ញាបន្តលើកកម្ពស់ទំនាក់ទំនងសេដ្ឋកិច្ច និងពាណិជ្ជកម្មបន្ថែមទៀត។

សូមបញ្ជាក់ថា ទំហំពាណិជ្ជកម្មរវាងកម្ពុជា និងសហរដ្ឋអាមេរិក បានឈានដល់ 3,438 លានដុល្លារអាមេរិក ក្នុងឆ្នាំ2018ដែលក្នុងនោះកម្ពុជានាំចេញទៅកាន់សហរដ្ឋអាមេរិក មានចំនួន 3051 លានដុល្លារ ខណៈកម្ពុជាចូលមកវិញមានចំនួន 387លាន ដុល្លារ អាមេរិក។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានមានប្រសាសន៍ប្រាប់ឡារ៉ែនពាណិជ្ជថា៖“ក្នុងទំនាក់ទំនងកម្ពុជាអាមេរិកនៅតែល្អប្រសើរការនាំចេញ វាយនភណ្ឌគ្រឿងអគ្គិសនីស្បែកជើងសម្ភារសម្រាប់ការធ្វើដំណើរ និងផលិតផលកសិកម្មជាដើម ពោលគឺការនាំចេញទៅអាមេរិកនោះ មានតែកំណើន អត់មានការធ្លាក់ចុះទេ។

លោកឧកញ៉ាបានមានប្រសាសន៍ថា៖“ពាណិជ្ជកម្មរវាងកម្ពុជា-អាមេរិកកំពុងមានកំណើនល្អ។ ពាណិជ្ជកម្មជាមួយសហរដ្ឋអាមេរិកបន្តកើនឡើងសម្រាប់មុខទំនិញទាំងអស់ ដែលបាននាំចេញ ប៉ុន្តែលោកបានកត់សម្គាល់ថាសម្ភារសម្រាប់ការធ្វើដំណើរ ទទួលបានកំណើនខ្ពស់ជាងគេ ពីព្រោះទំនិញនេះ មានលទ្ធភាពចូល ដោយមិនគិតពន្ធលើទីផ្សារសហរដ្ឋអាមេរិក ក្រោមប្រព័ន្ធអនុគ្រោះពន្ធទូទៅ (GSP)។ លោក ពន្យល់ថាសម្លៀកបំពាក់ និងស្បែកជើងមានការលូតលាស់តិចតួច ដោយសារការប្រកួតប្រជែងខ្លាំងពីប្រទេសវៀតណាម និងមីយ៉ាន់ម៉ា។

លោកឧកញ៉ា ក៏បានបន្តថាដូចជាកិច្ចប្រជុំអាស៊ាននៅថៃយើងឃើញក្រុមអាមេរិក និងជប៉ុនបានបង្កើតតំបន់បើកទូលាយផ្នែកសេដ្ឋកិច្ចឥណ្ឌូប៉ាស៊ីហ្វិកក្នុងនោះឯកអគ្គរដ្ឋទូតអាមេរិកបាននាំពាណិជ្ជករខ្មែរក្នុងចំណោម ជិត200ក្រុមហ៊ុនមកចូលរួមដែរដើម្បីឱ្យមកស្វែងយល់ និងទាក់ទាញការវិនិយោគមកកាន់តំបន់ឥណ្ឌូប៉ាស៊ីហ្វិក និងចាប់យកឱកាសពាណិជ្ជកម្ម។

លោកឧកញ៉ា លឹម ហេងក៏បានបញ្ជាក់ថា៖“កន្លងមកយើងមានការពឹងពាក់ទៅលើអ្វីមួយដូចជាEBA។តែប្រទេសវៀតណាម និងថៃដែលជាប្រទេសជិតខាងយើងគេមិនមាន EBA ទេ។ដូច្នេះជាមួយគំរូនេះ យើងប្រឹងដើរដោយខ្លួនឯង រដ្ឋាភិបាលក៏បានជួយដោះស្រាយ ដោយបានធ្វើការកាត់បន្ថយការចំណាយផ្សេងៗដើម្បីកាត់បន្ថយថ្លៃដើមឱ្យនៅទាប ហើយក៏បានកែទម្រង់ផ្ទៃក្នុងផងដែរ ព្រោះដើម្បីប្រការ ក្រែងបើគេយកពន្ធ បើថ្លៃដើមយើងទាប នឹងមិនមានផលប៉ះពាល់នោះទេ”។

ទិន្នន័យចុងក្រោយ ពីរដ្ឋាភិបាលសហរដ្ឋអាមេរិកបង្ហាញថាពាណិជ្ជកម្មទ្វេភាគីរវាងកម្ពុជា និង សហរដ្ឋអាមេរិកបានឈានដល់ 4,3 ពាន់លានដុល្លារក្នុងរយៈពេល9 ខែដំបូងនៃឆ្នាំ2019 គឺកើនឡើង 37%បើប្រៀបធៀបនឹងរយៈពេលដូចគ្នាកាលពីឆ្នាំមុន។ចាប់ពីខែមករាដល់ខែកញ្ញាការនាំចេញរបស់កម្ពុជាទៅសហរដ្ឋអាមេរិកបានកើនឡើង 38% ដល់ 3,9 ពាន់លានដុល្លារ ខណៈការនាំចូលពីសហរដ្ឋអាមេរិកមានតម្លៃ400 លានដុល្លារកើនឡើង 24%។

ចាប់ពីខែកក្កដា ឆ្នាំ2016 ប្រទេសកម្ពុជាត្រូវបានផ្តល់អត្ថប្រយោជន៍ ដោយមិនគិតពន្ធសម្រាប់ការនាំចេញ សម្ភារសម្រាប់ការធ្វើដំណើរ ដូចជាវ៉ាលីស្ពាយ កាបូបស្ពាយ និងកាបូបធ្វើដំណើរទៅសហរដ្ឋអាមេរិកក្រោម GSP។ បច្ចុប្បន្ននេះប្រទេសកម្ពុជាមានរោងចក្រសម្ភារសម្រាប់ការធ្វើដំណើរប្រមាណ70៕

October 30, 2019

Author: ធឿន មករា