សូមអញ្ជើញមកចូលរួមបើកបរសាកល្បងរថយន្តFord Territory ស៊េរីថ្មីឆ្នាំ2021 ដោយសេរី និងឥតគិតថ្លៃនៅថ្ងៃទី 28 មករា ឆ្នាំ 2021 នៅ ដឹ ព្រេមៀ សេនធ័រ សែនសុខ (ទល់មុខផ្សារទំនើប អ៉ីអន 2) ចាប់ពីម៉ោង 9ព្រឹក ដល់ម៉ោង 4រសៀល។
ទំនាក់ទំនងចុះឈ្មោះចូលរួម 078 333 748 | 016 333 785
នៅថ្ងៃទី២៥ ខែមករា មជ្ឈមណ្ឌលលីស៊ីន CEO បានទទួលការប្រសិទ្ធិពរពីព្រះសង្ឃ និងក្នុងបរិយាកាសអ៊ូអររបស់ភ្លេងមុងសាយ អមដោយសំឡេងគ្រហឹមរបស់ម៉ាស៊ីន របារដែកចុងក្រោយត្រូវបានបិទជិត។
ក្នុងសក្ខីកម្មរបស់លោកឧកញ៉ាហ៊ុនតូ លោកប្រធានក្រុមហ៊ុនលីស៊ីនគ្រុបស៊ីម៉ីងជីង លោកនាយកក្រុមហ៊ុនលីស៊ីនគ្រុបវ៉ាងចុងឡុង អ្នកស្រីប្រធាននាយកក្រុមហ៊ុនលី
ស៊ីនគ្រុបលីវខៃលី លោកប្រធានក្រុមហ៊ុន GCC អ៊ីជាឈី លោកនាយកប្រតិបត្តិ GCC ឡាយយ៉ានឈី និងភ្ញៀវកិត្តិយសទាំងអស់គ្នា ជាកិត្តិយសនៃការបើកដំបូលមាស!
លោកឧកញ៉ា ហ៊ុន តូ យើងនៅឆ្ងាយពីសណ្ឋាគារលំដាប់ផ្កាយប្រាំដែលរួមបញ្ចូលទាំងលំនៅដ្ឋាននិងអាជីវកម្ម——— ការបញ្ចប់ជាផ្លូវការនៃអគារឈានមុខគេនៃរាជធានីភ្នំពេញ និងបានបោះជំហានដ៏ធំមួយទៀត !
ឈរនៅលើវេទិកាដែលបានរៀបចំសម្រាប់ការគយគន់សម្រស់ទេសភាព បើកទូលំទូលាយនៃចក្ខុវិស័យដ៏មហាអស្ចារ្យ។
ជំងឺអាសន្នរោគថ្មីបានប៉ះពាល់ដល់ការដ្ឋានសំណង់ក្នុងរាជធានីភ្នំពេញ ហើយការដ្ឋានខ្លះទៀតត្រូវបានផ្អាកក្នុងការសាងសង់។ ក៏ប៉ុន្តែក្រុមហ៊ុនលីស៊ីនគ្រុបមិនបានឈប់ទេ មានតែបន្តពង្រីកទៅមុខរហូត។ ក្នុងការប្រកាន់ខ្ជាប់យ៉ាងម៉ឺងម៉ាត់ចំពោះ
វិធានការណ៍របស់រាជរដ្ឋាភិបាល ក្នុងការបង្ការ និង ទប់ស្កាត់ ជំងឺរីករាលដាល និង គោលបំណងនៃការសាងសងប្រកបដោយសុខសុវត្តិភាព ក្រុមហ៊ុនលី ស៊ីនគ្រុប បានអនុវត្តន៍ការ រំពឹងទុក និង បញ្ចប់គម្រោងហេដ្ឋារចនាសម្ពន្ធ័ប្រកបដោយភាពជោគជ័យ ជាមួយនឹងល្បឿនលឿន គុណភាព និង មានប្រសិទ្ធភាព។
ការបោះជំហ៊ានទៅមុខដោយជោគជ័យ របស់ក្រុមហ៊ុនលីស៊ីន CEO ដែលបានសាងសងដល់ដំបូលនៃអាគារ ដែលមានន័យថាពិតជាបានចាក់គ្រឹះយ៉ាងរឹងមាំដល់ដំណាក់កាលបន្តបន្ទាប់។
យោងតាមផែនការណ៍ក្នុងកាសាងសង់បន្ទាប់របស់ក្រុងហ៊ុនលីស៊ីន CEO បានផ្តោតសំខាន់ទៅលើ រូបរាងខាងក្រៅនៃដំបូលអាគារដែលមានរូបរាងពពក និង សំណង់ខាងក្នុងនៃសណ្ឋាគារលំដាប់ផ្កាយ ៥ WYNDHAM ដែលជាទីតាំងសម្គាល់នៃទីក្រុងគុជដ៏ភ្លឺចែងចាំងមួយនេះ នឹងមកដល់ក្នុងពេលឆាប់ៗនេះតាមការគ្រោងទុក។
ក្នុងរយះពេលប៉ុន្នានឆ្នាំចុងក្រោយនេះវិស័យសេដ្ឋកិច្ចនៃប្រទេសកម្ពុជា មានការរីកចំរើនយ៉ាងលឿន។ ការរីកចំរើននេះមានអាត្រាប្រមាណ 7% ក្នុងរយះពេល ៩ឆ្នាំជាប់ៗគ្នានេះ ហើយការវិនិយោគរបស់បរទេសកាន់តែច្រើននៅក្នុងប្រទេសកម្ពុជា។ ដោយមានតម្រូវការកាន់តែច្រើន នូវអាជីវកម្ម និងកន្លែងស្នាក់នៅ កើនឡើង ធ្វើអោយទីផ្សារអចលនទ្រព្យកាន់តែមានប្រជាប្រិយភាពជាបន្តបន្ទាប់។ក្រុមហ៊ុនលីស៊ីនគ្រុប គឺជាក្រុមហ៊ុនដ៏ឆ្នើមមួយនៅក្នុងចំណោមក្រុមហ៊ុនឆ្នើមដ៏ច្រើននៅក្នុងព្រះរាជាណាចក្រកម្ពុជា។
នៅក្នុងឆ្នាំ២០១៣ ដោយយោងតាមអនុលោមគោលនយោបាយ 《ផ្លូវមួយ-ខ្សែក្រវ៉ាត់មួយ》នៅតំបន់អាស៊ីអាគ្នេយ៍ក្រុមហ៊ុនលីស៊ីនគ្រុប បានបង្កើតការិយាល័យកណ្តាលរបស់ខ្លួននៅចំកណ្តាលរាជធានីភ្នំពេញ។ ដោយក្រុមហ៊ុនមាននូវទស្សនវិស័យ “សច្ចធម៍ ស្មោះស រួមសហប្រត្តិការណ៍ និង រួមជោគជ័យ” ការរីកចម្រើននៃផ្នត់គំនិតជាលំដាប់ និង ភាពច្បាស់លាស់។
ក្រុមហ៊ុនលីស៊ីនគ្រុប បានអភិវឌ្ឍន៍ខ្លួនក្លាយជាក្រុមហ៊ុនដ៍ធំមួយ ដោយមានការរួមបញ្ចូល ការអភិវឌ្ឍដីធ្លី ការអភិវឌ្ឍអចលនទ្រព្យ បម្រើសេវាកម្មទេសចរណ៍ ជំនួញពាណិជ្ជកម្មអន្តជាតិ ម្ហូបអាហារ និង ឧស្សាហកម្មទ្រង់ទ្រាយធំ ក្រោមការសហកាណ៍រួមគ្នារវាងប្រទេសកម្ពុជា និង មហាសម្ព័ន្ធមិត្តចិន។
ចំពោះការអភិវឌ្ឍវិស័យអចលនទ្រព្យ ផ្ទៃដីទំហំ២៥០០ហិកតានៃគម្រោងលីស៊ីនស៊ីកាងស៊ីនឆឹង ត្រូវបានសាងសង់ដោយក្រុមហ៊ុនលីស៊ីនគ្រុបនិងរាជរដ្ឋាភិបាលកម្ពុជា នឹងជំរុញការផ្លាស់ប្តូររចនាសម្ព័ន្ធឧស្សាហកម្មរបស់ក្រុងព្រះសីហនុទាំងមូល និងទាក់ទាញយ៉ាងខ្លាំងនូវការវិនិយោគនិងសហគ្រាសបរទេស។ វាក៏ជាមជ្ឈមណ្ឌលឧស្សាហកម្មដ៏មមាញឹកក្នុងគម្រោងផ្លូវមួយខ្សែក្រវ៉ាត់មួយនៅតំបន់អាស៊ីអាគ្នេយ៍ វាគឺជាគម្រោងថ្នាក់ជាតិសម្រាប់កម្ពុជានាពេលអនាគតជាមួយនឹងពិភពលោក។
ក្រៅពីគម្រោងលីស៊ីនស៊ីកាងស៊ីនឆឹងនៅក្រោមបុត្រសម្ព័ន្ធរបស់ក្រុមហ៊ុនលីស៊ីនគ្រុប ក៏មានគម្រោងអភិវឌ្ឍន៍ដ៏សម្បូរបែបសម្រាប់ក្រុងព្រះសីហនុ សណ្ឋាគារផ្កាយប្រាំអមជាមួយទេសភាពឆ្នេរ លើសពីនេះក្រុមហ៊ុនលីស៊ីនគ្រុបនិងក្រុមហ៊ុន GCC គ្រុបបានរួមគ្នាបង្កើតគម្រោងសំណង់វីឡាទំហំប្រហែល ៣៤ ហិកតានៅរាជធានីភ្នំពេញឈ្មោះថាបុរី NADI និងគម្រោងទីក្រុងពាណិជ្ជកម្មអូរឫស្សីថ្មីភ្នំពេញ។ ទន្ទឹមនឹងនេះ ក្រុមហ៊ុនក៏បានរៀបចំផែនការអភិវឌ្ឍជាច្រើនដំណាក់កាលជាបន្តបន្ទាប់។
ម៉្យាងវិញទៀត ក្នុងនាមជាក្រុមហ៊ុនអចលនទ្រព្យលំដាប់កំពូលរបស់កម្ពុជា ហើយក៏ជាអ្នកសាងសង់និងត្រួសត្រាយនាពេលអនាគត ជាមួយនឹងបទពិសោធន៍ពាណិជ្ជកម្មជាច្រើនឆ្នាំ ការយល់ច្បាស់អំពី ទីផ្សារ ក្រុមហ៊ុនលីស៊ីនគ្រុបក៏មាន ឆន្ទៈក្នុងការទទួលខុសត្រូវរបស់ខ្លួនក្នុងការបញ្ចូលធនធានដែលមានគុណភាពខ្ពស់ជូនដល់ទីក្រុងនិងប្រជាជន។
ស្ថិតនៅក្នុងបរិបទនេះ អាផាតមិនសណ្ឋាគារអាជីវកម្មស្រាលំដាប់ផ្កាយ ៥ រួមបញ្ចូលទាំងគេហដ្ឋានដែលមានគុណភាពខ្ពស់និងអាជីវកម្មលំដាប់ខ្ពស់មួយបានចាប់កំណើតឡើង។
ទន្ទឹមនឹងនេះលីស៊ីន CEO បានសហការជាមួយក្រុមហ៊ុនសណ្ឋាគារលំដាប់ពិភពលោកគឺសណ្ឋាគារលំដាប់ផ្កាយប្រាំ WYNDHAM ដើម្បីផ្តល់ជូននូវសេវាកម្មកម្រិតផ្កាយប្រាំឈានមុខគេ លើពិភពលោកដល់ប្រជាជននៅរាជធានីភ្នំពេញដើម្បីឱ្យភ្ញៀវគ្រប់រូបទទួលបានការគោរពនៅទីនេះ។
ផ្កាយថ្មីកំពុងតែរះឡើង ប្រព័ន្ធសេវាកម្មសណ្ឋាគារលំដាប់ផ្កាយ ៥ កំពុងរួមបញ្ចូលគ្នាបន្តិចម្តងៗ។ នៅឆ្នាំ២០២២ សណ្ឋាគារផ្កាយប្រាំ WYNDHAM នៅភ្នំពេញនឹងជួបជាមួយអ្នកឆាប់ៗនេះ!
វិធីលាបឡេ ជារឿងងាយៗ ដែលកញ្ញាៗគ្រប់រូបត្រូវតែដឹង ព្រោះការលាបឡេ ដែលត្រឹមត្រូវតាមវិធី នឹងជួយធ្វើឱ្យសាច់ឡេ អាចធ្វើការបានយ៉ាងមានប្រសិទ្ធភាព និងធ្វើឱ្យស្បែករបស់យើងស្អាត និងមានសុខភាពល្អទ្វេឡើងទៀតផង។
វិធីលាបឡេដែលត្រឹមត្រូវ និងទទួលបានលទ្ធផលល្អ
-ការលាបឡេលើផ្ទៃមុខ
បរិមាណឡេ ដែលត្រូវលាបនៅលើផ្ទៃមុខម្តងៗនោះ ត្រូវឱ្យសមល្មម ប្រមាណជា ១ចុងម្រាមដៃ ចំពោះការលាបឡេ ១ដង ព្រោះបើតិចជាងហ្នឹងពេក ក៏ក្រទទួលបានលទ្ធផលដែរ ឬបើច្រើនជ្រុលពេកនោះ ក៏នឹងធ្វើឱ្យផ្ទៃមុខឡើងខ្លាញ់បានដែរ។ ពេលច្របាច់សាច់ឡេ ដាក់លើបាតដៃហើយ ចូរប្រើចុងម្រាមដៃ បៀកសាច់ឡេ មកដាក់លើផ្ទៃមុខទាំងអស់ ៥កន្លែង គឺថ្ងាស ច្រមុះ ថ្ពាល់ទាំងសងខាង និងចង្កា បន្ទាប់មក ចូរប្រើម្រាមនាងដៃ និងម្រាមកណ្តាលរបស់ដៃទាំង២ខាង កៀរប៉ាតសាច់ឡេយឺតៗ ចេញជារង្វង់ធំ ដោយដៃឆ្វេងកៀរប៉ាតទៅខាងឆ្វេង ដៃស្តាំកៀរប៉ាតទៅខាងស្តាំ ដោយចាប់ផ្តើមពីថ្ពាល់ តាមដោយបណ្តោយក្តោងច្រមុះ ក្រោមច្រមុះ ចង្កា និងថ្ងាស លើកលែងបរិវេណជុំវិញភ្នែក។ ក្នុងអំឡុងពេលលាបឡេ ចូរប្រើទម្ងន់ម្រាមដៃឱ្យស្រាលបំផុត ព្រោះស្បែកមុខនារីៗយើង ស្តើងណាស់ បើប្រើទម្ងន់ដៃធ្ងន់ពេក អាចធ្វើឱ្យផ្ទៃមុខរបស់យើង កើតមានស្នាមជ្រីវជ្រួញមុនអាយុបាន។
-ការលាបឡេ បរិវេណបំពង់ក
ការលាបឡេ នៅលើបំពង់កនេះ ចូរប្រើបរិមាណសាច់ឡេ ឱ្យស្មើគ្នានឹងការលាបលើផ្ទៃមុខដែរ ដោយចាប់ផ្តើមពីម្តុំគល់ក ដោយប្រើចុងម្រាមដៃទាំងអស់លាបប៉ាតសាច់ឡេ ពីក្រោមឡើងទៅលើ។
-ការលាបឡេ បរិវេណដើមទ្រូង និងដងខ្លួន
ច្របាច់សាច់ឡេ ដាក់បាតដៃ និងប្រើចុងម្រាមដៃលាបអង្អែលជារង្វង់ៗ ឱ្យសព្វលើដើមទ្រូង បន្ទាប់ពីនោះសឹមលាបដេញចុះទៅរកក្បាលពោះ និងខ្នង។
-ការលាបឡេ លើបរិវេណដៃ
គួរលាបឡេ នៅលើបរិវេណដើមដៃផ្នែកខាងក្នុងមុនគេ រួចហើយសឹមលាបឡើងទៅបរិវេណដើមដៃផ្នែកខាងក្រោយ ដោយការប្រើចុងម្រាមដៃលាបអង្អែលយឺតៗ ដើម្បីឱ្យសាច់ឡេ ជ្រាបចូលទៅក្នុងស្បែកបានល្អ។
-ការលាបឡេ លើជើង
គួរចាប់ផ្តើមលាបឡេ ពីបរិវេណភ្លៅជាមុន រួចសឹមលាបចុះទៅរកចុងជើង ដោយត្រូវសង្កត់ធ្ងន់ លើបរិវេណស្មងជើងជាពិសេស ព្រោះបរិវេណនេះស្បែកហាក់ដូចជាស្ងួតខ្លាំងជាងកន្លែងផ្សេងទៀត។
បានដឹងពីការណែនាំល្អៗ សម្រាប់វិធីការលាបឡេ ដែលត្រឹមត្រូវហើយ ដូច្នេះចាប់ពីពេលនេះតទៅ ទោះជាអ្នកណាចង់ទិញឡេ តម្លៃថោក ឬថ្លៃប៉ុនណាមកប្រើក៏ដោយ ក៏មិនបាច់ភ័យថា ចំណាយលុយដោយអត់ប្រយោជន៍ដែរ៕
ឧកញ៉ាវេជ្ជបណ្ឌិត គួច ម៉េងលី បានបញ្ចេញស្នាដៃនិពន្ធថ្មីសន្លាងមួយទៀតហើយនៅថ្ងៃនេះ គឺជាសៀវភៅដែលមានឈ្មោះថា “កម្រងកំណាព្យពីដួងចិត្ត” ជាសៀវភៅដែលពោរពេញទៅដោយសារៈខ្លឹមសារ នៃស្នាដៃនិពន្ធរបស់លោកឧកញ៉ាផ្ទាល់ ដែលត្រូវបានដាក់សម្ពាធនៅថ្ងៃទី25 ខែមករា ឆ្នាំ2021 នៅបណ្ណាគារ ម៉ូនូមែនប៊ុក។
លោកឧកញ៉ាវេជ្ជបណ្ឌិត គួច ម៉េងលី បានថ្លែងជម្រាបជូនភ្ញៀវកិត្តិយស នៅក្នុងឱកាសនោះថា សៀវភៅនេះ ជាប្រភេទសៀវភៅកម្រងកំណាព្យ ដែលផ្ទុកទៅដោយបណ្តុំទស្សនៈយល់ឃើញជុំវិញបញ្ហា សីលធម៌ គុណធម៌ គតិអាជីវកម្ម គតិអប់រំទូទៅ ការតស៊ូក្នុងជីវិត និងការរិះគិតជុំវិញភាពជាអ្នកដឹកនាំ ។ល។ ហើយរាល់គតិ ទស្សនៈ និងគន្លឹះទាំងអស់នោះ គឺសុទ្ធសឹងតែជាអ្វីៗដែលរូបលោកផ្ទាល់ធ្លាប់បានឆ្លងកាត់មកដោយខ្លួនឯងទាំងអស់។
នៅក្នុងសៀវភៅ «កម្រងកំណាព្យពីដួងចិត្ត» នេះ រួមមានទស្សនៈដែលមនុស្សយុគបច្ចុប្បន្ន គួរតែបានដឹង ដូចខាងក្រោម៖
-កម្រងកំណាព្យនេះ បង្ហាញទស្សនៈ អំពីការតស៊ូស្វែងរកភាពជោគជ័យក្នុងជីវិត
-ចែករំលែកទស្សនៈជុំវិញបញ្ហាសីលធម៌ និងទង្វើក្នុងនាមមនុស្សជាតិ
-ចែករំលែកគន្លឹះ ជុំវិញផ្នត់គំនិតប្រកបអាជីវកម្ម
-ចែករំលែកទស្សនៈ ជុំវិញភាពជាអ្នកដឹកនាំ
-ចែករំលែកភាពមេត្តា អាណិត
-ជំរុញការលើកទឹកចិត្ត
-ផ្តល់ភាពក្លាហាន និងព្យាយាមពុះពារ
-មានខ្លឹមសារ និងសោភណភាពនៃកំណាព្យបែបខ្មែរសុទ្ធសាធ។
ចំណែកលក្ខណៈ និងទម្រង់របស់សៀវភៅខាងលើនេះ រួមមាន៖
-បោះពុម្ពផ្សាយដោយ៖ គ្រឹះស្ថានបោះពុម្ពផ្សាយនៃសាកលវិទ្យាល័យ ម៉េងលី ជេ. គួច
-កាលបរិច្ឆេទ៖ ខែកញ្ញា គ.ស. 2020
-កម្រាស់៖ 356ទំព័រ
-ទំហំ៖ 13cm X 19.5cm
-ភាសា៖ ខ្មែរ
-បោះពុម្ពលើកទី1 ចំនួន 3,000ច្បាប់
-តម្លៃ៖ 32.800រៀល (8.00USD)។
នៅចំពោះមុខភ្ញៀវកិត្តិយស និងក្រុមអ្នកសារព័ត៌មាននានា លោកឧកញ៉ាវេជ្ជបណ្ឌិត គួច ម៉េងលី បានឱ្យដឹងដែរថា ថវិកាដែលបានមកពីការលក់សៀវភៅនេះ និងសៀវភៅផ្សេងៗទៀត ដែលលោកនិពន្ធឡើងទាំងអស់ នឹងបរិច្ចាគជូនមូលនិធិ ម៉េងលី ជេ. គួច ដើម្បីយកទៅជួយលើការងារផ្នែកមនុស្សធម៌ និងរួមចំណែក ជួយលើការងារសង្គមជាតិ ជាមួយរាជរដ្ឋាភិបាល ជាពិសេសអភិវឌ្ឍវិស័យអប់រំ ផ្តោតលើអក្សរសាស្ត្រជាតិ។
លោកក៏ប្រកាសឱ្យដឹងបន្ថែមទៀតដែរថា លោកនឹងផ្តល់សៀវភៅរបស់លោកដោយឥតគិតថ្លៃ ដល់ប្រិយមិត្តដូចជា អ្នកខ្វះខាតថវិកា អ្នកដែលចង់បង្កើតបណ្ណាល័យនៅតាមសហគមន៍ និងបណ្ណាល័យចល័តជាដើម៕
ភ្នំពេញ ថ្ងៃទី២០ ខែមករា ឆ្នាំ ២០២១៖ Pantene Cambodia បង្កើតកម្មវិធីប្រកួតប្រជែងមួយដែលមានឈ្មោះថា “Miss Pantene Cambodia” ដែលផ្តល់ឱកាសពិសេសដល់ស្ត្រីកម្ពុជាដើម្បីក្លាយជាជ័យលាភីក្នុងកម្មវិធី Miss Pantene Cambodia នេះ។ មានរង្វាន់យ៉ាងច្រើនសន្ធឹកសន្ធាប់ត្រូវបានផ្តល់ជូនក្នុងកម្មវិធីនេះ។
បេក្ខជនទាំងអស់ត្រូវតែជាភេទស្រី ហើយត្រូវថតរូបខ្លួនឯងដោយបង្ហាញសក់រលោកស្អាត និងមានសុខភាពល្អ ជាមួយនឹងសាប៊ូកក់សក់ Pantene ប្រភេទណាមួយក្នុងចំណោមសាប៊ូកក់សក់ Pantene ទាំងបីប្រភេទដែលរួមមាន Pantene Total Damage Care, Pantene Long & Strong និង Pantene Hair Fall Control។ បេក្ខជនទាំងអស់ត្រូវសរសេររៀបរាប់អំពីបទពិសោធន៍ល្អៗដែលខ្លួនធ្លាប់ជួបប្រទះដោយត្រូវជ្រើសរើសយកប្រធានបទមួយក្នុងចំណោមប្រធានបទទាំងបីនៅខាងក្រោម។ អ្វីដែលបេក្ខជនសរសេរត្រូវតែជាសាច់រឿងផ្ទាល់របស់បេក្ខជនខ្លួនឯង ហើយបេក្ខជនត្រូវបានអនុញ្ញាតឱ្យសរសេរតែបីប្រយោគតែប៉ុណ្ណោះ។
១. ប្រធានបទ Shine: និយាយពីអំពើល្អរបស់អ្នក
២. ប្រធានបទ Strong: និយាយអំពីអ្វីដែលអ្នកខ្លាចបំផុត និងរបៀបដែលអ្នកយកឈ្នះនូវភាពភ័យខ្លាចនោះ
៣. ប្រធានបទ Damage Care: បង្ហាញពីឧបសគ្គៈក្នុងជីវិត និងរបៀបដែលអ្នកយកឈ្នះនូវឧបសគ្គៈនោះ
បេក្ខជនទាំងអស់ត្រូវផ្ញើរូបថត និងអត្ថបទរបស់ខ្លួនមកកាន់ប្រអប់សាររបស់ Pantene Cambodia Facebook Page ចាប់ពីថ្ងៃនេះរហូតដល់ថ្ងៃទី២៩ ខែមករា ឆ្នាំ ២០២១។ អត្ថបទដែលល្អបំផុតចំនួន 30 នឹងត្រូវបានជ្រើសរើសដើម្បី Post ចូលក្នុង Pantene Cambodia Facebook Page ដើម្បីប្រកួតប្រជែងក្នុងការបោះឆ្នោត (Reaction និង Share) ចាប់ពីថ្ងៃទី០១ ដល់ថ្ងៃទី១២ ឆ្នាំ២០២១។ អ្នកដែលទទួលបានការបោះឆ្នោតច្រើនជាងគេនឹងទទួលបានជ័យលាភី Miss Pantene Cambodia។ ជ័យលាភីនឹងត្រូវប្រកាសនៅថ្ងៃទី ១៧ ខែកុម្ភៈ ឆ្នាំ២០២១។ អ្នកទទួលបានជ័យលាភីនឹងគ្រងតំណែងជា Miss Pantene Cambodia រយៈពេលមួយឆ្នាំ និងទទួលបានរង្វាន់ទឹកប្រាក់យ៉ាងច្រើនសន្ធឹកសន្ធាប់ ទទួលបានការថែរក្សាសក់ ១ឆ្នាំ និងសាប៊ូកក់សក់ Pantene សម្រាប់ប្រើប្រាស់ពេញ ១ឆ្នាំ។
លើសពី Miss Pantene Cambodia អតិថិជននៅមានឱកាសពិសេសមួយទៀតដើម្បីឈ្នះរង្វាន់យ៉ាងច្រើនសន្ធឹកសន្ធាប់ពី Pantene ដោយគ្រាន់តែបោះឆ្នោតឱ្យបេក្ខជន Miss Pantene Cambodia។ ពួកគេអាចបោះឆ្នោតឱ្យបេក្ខជន Miss Pantene Cambodia ដោយគ្រាន់តែចុច Like និង Share នូវការ Post របស់ Miss Pantene Cambodia នៅក្នុង Pantene Cambodia Facebook Page រួចហើយថតរូបអេក្រង់នូវការ Share របស់ខ្លួន រួចផ្ញើរូបនោះមកកាន់ប្រអប់សារ Pantene Cambodia Facebook Page ដើម្បីឈ្នះរង្វាន់។ អ្នកដែលបានចូលរួមបោះឆ្នោតនឹងត្រូវបានជ្រើសរើសដោយម៉ាស៊ីនស្វ័យប្រវត្តិ (Random) ដើម្បីឈ្នះរង្វាន់ទូរស័ព្ទ iPhone 12 សម្រាប់អ្នកឈ្នះទីមួយ និងអ្នកឈ្នះ ៥០នាក់ បន្ទាប់ទៀតនឹងឈ្នះសាប៊ូកក់សក់ Pantene។
Pantene ជាផលិតផលតែមួយគត់ដែលផ្សំជាមួយ ប្រូវីតាមីន B5 (Pro-V) ដែលដើរតួក្នុងការបំប៉នសក់រាល់ថ្ងៃជួយឱ្យសក់រឹងមាំ និងមានសុខភាពល្អ។ Pantene Hair Fall Control កាត់បន្ថយសក់ជ្រុះដោយពង្រឹងឬសសក់កាន់តែរឹងមាំជាប់ស្បែកក្បាល។ Pantene Total Damage Care ជ្រាបចូលស្បែកក្បាលខាងក្នុង ជួយព្យាបាលសក់ខូច និងសក់ជ្រុះ ហើយសក់កាន់តែរលោង។ Pantene Long & Strong ជួយឱ្យសក់រឹងមាំ និងទន់រលោងរាល់ពេលកក់សក់ ដូច្នេះអ្នកអាចធ្វើម៉ូដសក់ជាមួយសក់វែងតាមដែលអ្នកចូលចិត្ត។ *ប្រើប្រាស់ជាប្រចាំនូវសាប៊ូកក់សក់ និងក្រែមបន្ទន់សក់។
សម្រាប់ព័ត៌មានបន្ថែមសូមចូលទៅកាន់ Pantene Cambodia Facebook Page
រោមភ្នែកដែលវែង ង អាចនិយាយបានថា ជារឿងមួយដែលនារីៗយើង ប្រាថ្នាចង់បានគ្រប់គ្នា ព្រោះបើមានរោមភ្នែកវែង ងស្អាតហើយនោះ ទោះជាមិនចាំបាច់ថែមថយអ្វីច្រើន ក៏នៅតែស្អាតបានយ៉ាងធម្មជាតិដែរ បើមិនអ៊ីចឹងទេ មិនមែនគេខំផលិតរោមភ្នែកសិប្បនិម្មិត មកដាក់លក់សម្រាប់នារីៗយើងនោះទេ។ តែបើកញ្ញាៗដែលមានរោមភ្នែកខ្លីៗ និងចាប់ផ្ដើមធុញទ្រាន់នឹងការពាក់រោមភ្នែកសិប្បនិម្មិតនោះហើយ សូមសាកល្បងយករូបមន្តពីធម្មជាតិខាងក្រោមនេះ ទៅប្រើសាកលមើល៍ ធានាថា វានឹងជួយឱ្យរោមភ្នែករបស់អ្នកនាងនឹងឡើងវែង-ង-ស្អាត ដូចធម្មជាតិមិនខាន។
-ក្រូចឆ្មារ និងប្រេងម្កាក់
នៅក្នុងប្រេងម្កាក់ សម្បូរទៅដោយវីតាមីនE និងសារធាតុប្រឆាំងរ៉ាឌីកាល់សេរី ដែលនឹងជួយឱ្យរោមភ្នែករបស់នារីៗយើងឡើងវែង-ងស្អាតបានកាន់តែខ្លាំងជាងមុន។ ចំណែកទឹកក្រូចឆ្មារវិញ គឺជាប្រភពរួមរបស់វីតាមីនA និងC ដែលនឹងជួយឱ្យសរសៃសក់ និងរោមវែងឡើងបាន។ នៅពេលយកទឹកប្រេងម្កាក់ ១ពែងមកលាយជាមួយសម្បកផ្លែក្រូចឆ្មារ ទុកចោល ១យប់ បន្ទាប់ពីនោះ ព្រឹកស្អែកឡើង ចូរយកជក់សម្រាប់សិតរោមភ្នែក មកជ្រលក់ទឹកល្បាយនោះ ហើយយកមកសិតរោមភ្នែករៀងរាល់ព្រឹក វានឹងជួយឱ្យរោមភ្នែកវែងឡើង និងងស្អាតជាងមុន។
-ប្រេងល្ហុងខ្វង និងផ្លែរ៉ូសមែរីស្រស់
នារីៗទាំងអស់ប្រហែលជាធ្លាប់បានដឹងច្បាស់ហើយថា ប្រេងល្ហុងខ្វង ជួយបង្ខំឱ្យសរសៃសក់ឆាប់វែងឡើងបាន តែមានចំណុចមិនល្អ១ គឺវាខាប់ ធ្ងន់ និងមានក្លិនមិនសូវល្អ តែបើចង់ឱ្យរោមភ្នែកវែងនោះ ក៏ប្រហែលជាត្រូវទ្រាំអត់ធ្មត់បន្តិចហើយ។ ចូរយកប្រេងល្ហុងខ្វង មកលាយជាមួយផ្លែរ៉ូសមែរីស្រស់ បន្ទាប់មក យកទៅដាក់ចំហុយក្នុងចង្ក្រានម៉ៃក្រូវេហ្វ ក្នុងសីតុណ្ហភាពទាប ទុកចោលប្រមាណជា ១០នាទី រួចហើយសឹមយកជក់សិតរោមភ្នែកដែលស្អាត មកជ្រលក់នៅក្នុងល្បាយនោះ ហើយសិតវាសយឺតៗនៅលើរោមភ្នែក។ ចូរធ្វើ ពេលមុនចូលគេង ទើបជាការល្អ ព្រោះអ្នកនាងប្រហែលជា មិនចង់ចេញទៅក្រៅផ្ទះទាំងរោមភ្នែកស្អិតៗ និងធំក្លិនមិនល្អបែបនោះទេ មែនអត់?។
-តែបៃតង
នៅក្នុងទឹកតែបៃតង សម្បូរទៅដោយសារធាតុប្រឆាំងរ៉ាឌីកាល់សេរី និងមានគុណសម្បត្តិ សម្លាប់មេរោគបាក់តេរី ដែលមានប្រយោជន៍លើសលប់ចំពោះសរសៃសក់ និងដែលសំខាន់នោះគឺ វាថែមទាំងធ្វើឱ្យស្រទន់ខ្លាំង ប្រភេទដែលអាចហៅបានថា យកមកប្រើនៅជិតៗកែវភ្នែក ក៏មិនបណ្តាលឱ្យប៉ះពាល់អ្វីដែរ។ នៅពេលយកទឹកតែបៃតង មកលាបលើរោមភ្នែកហើយ វានឹងជួយឱ្យរោមភ្នែកមានសុខភាពល្អ និងវែងឡើងយ៉ាងធម្មជាតិ។
វ៉ាវ…ស្រស់ស្អាតបែបងាយៗយ៉ាងនេះ ក្រៅពីធ្វើឱ្យសន្សំសំចៃលុយកាក់បានហើយនោះ រូបមន្តទាំងនេះថែមទាំងប្រាសចាកសារធាតុគីមីទៀតផង។ បែបនេះប្រហែលជាត្រូវចិត្តនារីៗយើងច្រើននាក់ហើយមើលទៅ!៕
ដំបូងគេបំផុត បើចង់ទៅលេងសមុទ្រ ឬទៅកន្លែងណា ដែលអាចប៉ះនឹងពន្លឺថ្ងៃខ្លាំងៗនោះ ត្រូវប្រយ័ត្នរឿងសក់ខូចដោយសារកម្ដៅថ្ងៃ ឬកាំរស្មី UVមុនគេ ហើយបើត្រូវហែលទឹកផង ទោះជាហែលក្នុងទឹកអាង ឬក្នុងទឹកសមុទ្រក៏ដោយ សុទ្ធតែធ្វើឱ្យសក់ខូចបានទាំងអស់ ដូច្នេះអ្នកជំនាញផ្នែកសក់ សូមណែនាំឱ្យទៅធ្វើ Treatment ស្រោបសរសៃសក់ ដើម្បីជាការបិទស្រកាសរសៃសក់ មុនពេលទៅសមុទ្រ ទើបជាការល្អ។
ពេលទៅដល់សមុទ្រហើយ មុននឹងចេញទៅត្រូវពន្លឺថ្ងៃ ចូរបាញ់ស្រ្បៃយ៍ការពារកាំរស្មី UV ជាមុនសិន ឬវិធីងាយៗជាងនេះ គឺអាចប្រើឃ្រីមការពារកម្តៅថ្ងៃ (មិនថាប្រភេទឃ្រីម ឬប្រភេទប្រេងនោះទេ)លាបលើសក់ ក៏បានដូចគ្នា។
ចំណែកវិធីធម្មជាតិ ដែលជួយអប់សក់ផងដែរនោះ គឺប្រើប្រេងដូង ឬប្រេងម្កាក់ លាបលើសក់ទុកចោល ព្រោះកម្តៅពីពន្លឺថ្ងៃ នឹងជួយបើកស្រកាសរសៃសក់ ធ្វើឱ្យជាតិប្រេង ចូលទៅបំប៉នបានយ៉ាងជ្រៅ និងជួយស្រោបសក់ មិនឱ្យសារធាតុគីមីនៅក្នុងទឹកអាង ឬទឹកសមុទ្រនោះ ចូលទៅបំផ្លាញបណ្តូលសរសៃសក់បានទៀតផង។
ម៉ូដសក់
ការពិតទៅ ការធ្វើម៉ូដសក់ ពេលទៅលេងសមុទ្រ គ្មានបែបបទតម្រូវឱ្យត្រូវតែធ្វើម៉ូដនេះ ឬម៉ូដនោះឡើយ ចំណុចសំខាន់ដែលត្រូវចងចាំនោះគឺ កុំធ្វើម៉ូដណា ដែលមើលទៅដូចអ៊ំស្រី ឬលោកយាយ ទៅបានហើយ។
សូមណែនាំថា មុននឹងទៅលេងសមុទ្រ គួរតែទៅតម្រឹមសក់ ឱ្យចេញជាម៉ូដបន្តិច តែហាមកាត់ ព្រោះក្នុងអំឡុងពេលដើរលេង យើងប្រហែលជាគ្មានពេលមើលថែទាំទេ ហើយទឹកសមុទ្រ អាចធ្វើឱ្យម៉ូដសក់ខូចបានយ៉ាងងាយទៀតផង។ គួរជ្រើសរើសម៉ូដណាដែលងាយស្រួលមើលថែទាំ និងងាយរៀបចំជារូបរាង ឬចងសក់បែបរលុងៗមកក្រោយក៏បានដែរ។
តិចនិក ១បែបទៀត ដែលឡា រ៉ែនចង់ណែនាំ ពេលទៅលេងសមុទ្រដែរនោះគឺ ការយកកន្សែងជូតមុខមករុំក្បាល ឬក៏យកកន្សែងបង់កវែងៗ ស្តើងៗ ពណ៌ស្រស់ៗ មកឃ្លុំលើក្បាលបែបរលុងៗ ហើយពាក់វ៉ែនតាខ្មៅការពារពន្លឺថ្ងៃបន្ថែមពីលើ ១ទៀតក៏មើលទៅស្រស់ស្អាត មិនធម្មតាដែរ៕
ស្បែកមុខស្ងួត របកឡើងហុយ បើកញ្ញាៗយើងណា ធ្លាប់ជួបបញ្ហានេះ អាចបណ្តាលមកពីច្រើនមូលហេតុ ជាពិសេសកញ្ញាៗ ដែលត្រូវអង្គុយធ្វើការនៅក្នុងបន្ទប់ម៉ាស៊ីនត្រជាក់ជាប់រហូត រយៈពេលយូរ នឹងធ្វើឱ្យស្បែកមុខរបស់យើងស្ងួត ខ្វះសំណើម និងភាពស្រស់បស់។ ថ្ងៃនេះ យើងមានផ្លែឈើ ៥ប្រភេទមកណែនាំ ក្នុងការជួយថែបំប៉នស្បែកមុខរបស់កញ្ញាៗយើងឱ្យត្រឡប់មកមានសំណើមស្រស់បស់កាន់តែខ្លាំងឡើងវិញ តើមានអ្វីខ្លះនោះ សូមតាមដានជាបន្ត។
១.ប្រទាលកន្ទុយក្រពើ
ធាងប្រទាលកន្ទុយក្រពើ មានគុណសម្បត្តិ ជួយកាពារស្បែកមិនឱ្យស្ងួត បន្ថែមសំណើម ប្រឆាំងការរលាក ធ្វើឱ្យស្បែករាបរលោង និងការពារពន្លឺ UV។ ធាងប្រទាលកន្ទុយក្រពើ មានជ័រខាប់ៗ និងសាច់ថ្លាៗ ដែលអាចជួយរក្សាសំណើមនៅលើស្រទាប់ស្បែកខាងក្រៅបាន ក្រៅពីនេះនៅមានសារធាតុ Carboxypeptidase ដែលជួយភ្ជិតស្បែក ជួយបកស្រទាប់ស្បែកដែលក្រៀមស្ងួត ចេញ និងបង្កើតស្រទាប់ស្បែកថ្មីដែលរាបរលោងឡើងមកជំនួសវិញ។
២.ផ្លែត្រសក់
ផ្លែត្រសក់មានសារធាតុ Cystin និង Methionin និងនៅមានសារធាតុ ផូលីស៊ែកខារ៉ាយ ដែលជួយធ្វើឱ្យស្បែកមុខស្រស់ថ្លាមានសំណើម ប្រឆាំងនឹងការឡើងស្នាមកន្ទួលក្រហម ល្អសម្រាប់អ្នកដែលមានស្បែកមុខស្ងួត និងអ្នកមានមុខឡើងខ្លាញ់ បង្កើនភាពតឹងណែនរបស់ស្បែករក្សាភាពក្មេងជាងវ័យ និងថែមទាំងមានសារធាតុរ៉ែផ្សេងទៀត ដែលជួយធ្វើឱ្យកើតមានសំណើមតាមធម្មជាតិនៅលើស្រទាប់ស្បែកទៀតផង។
៣.ផ្លែម្នាស់
ផ្លែម្នាស់ ជួយការពារស្បែកពីសារធាតុរ៉ាឌីកាល់សេរី កាត់បន្ថយការរលាកក្លាយ។ មានអង់ហ្ស៊ីម Papain ជួយរំលាយកោសិកាដែលស្លាប់ហើយរបស់ស្រទាប់ស្បែក ឱ្យរបូតចេញ។ មានប្រយោជន៍សម្រាប់អ្នក ដែលមានមុនក្បាលខ្មៅ នៅលើផ្ទៃមុខ ធ្វើឱ្យស្បែកកាន់តែស្រស់ថ្លាឡើង។
៤.ផ្លែប៉េងប៉ោះទុំ
ផ្លែប៉េងប៉ោះទុំ ជួយបង្កើនសំណើម ធ្វើឱ្យស្បែកមុខស្រស់ថ្លា ការពារស្បែកពីរ៉ាឌីកាល់សេរី ធ្វើឱ្យផ្ទៃមុខ សឡើង។ ទឹកចម្រាញ់ពីផ្លែប៉េងប៉ោះ មានវីតាមីនច្រើនប្រភេទ និងមានសារធាតុ គ្លុយខូអាល់ខាឡយដ៍ ឈ្មោះ ថូម៉ាធីន ជាសារធាតុដែលមានឥទ្ធិពលភ្ជិតសន្លាកស្នាម ក្រៅពីនោះទឹកផ្លែប៉េងប៉ោះ ថែមទាំងជួយលាងផ្ទៃមុខឱ្យស្អាតទន់ភ្លន់ សម្រួលសភាពស្បែកមុខដែលស្ងួតក្រៀម ឱ្យមានសំណើមស្រស់ថ្លាឡើងវិញបានយ៉ាងល្អ។
៥.ផ្លែចេក
ផ្លែចេក មានសារធាតុរំអិល បង្កើនភាពស្រស់ស្រាយ និងថែមទាំងមានវិតាមីន សារធាតុរ៉ែ ប្រូតេអុីនច្រើនប្រភេទ ដែលមានប្រយោជន៍ដល់ស្បែក ក្នុងការបង្កើនសំណើម លុបស្នាមជ្រីវជ្រួញ ព្យាបាលសន្លាកស្នាម ធ្វើឱ្យស្បែកមុខស្រស់ថ្លា និងការពារស្បែកពីសារធាតុរ៉ាឌីកាល់សេរីទៀតផង។
អានរួចហើយ មិនគួរឱ្យជឿសោះថា បន្លែផ្លែឈើទាំងអស់នេះ មានគុណប្រយោជន៍ចំពោះស្បែកមុខរបស់យើងបានច្រើនដល់ថ្នាក់នេះ និងថែមទាំងមិនពិបាករកទៀតផង។ ចង់ឱ្យនារីៗយើងសាកល្បង យកមកថែបំប៉នស្បែកមុខ លមើល។ ចង់យកមកចិត ជាបន្ទះស្តើងៗ បិទលើផ្ទៃមុខ ឬយកមកកិនឱ្យម៉ដ្ឋ ហើយបំពោកលើផ្ទៃមុខ ទុកចោល ៣ – ៥នាទី ហើយលាងសម្អាតចេញដោយទឹកស្អាត ក៏បាន។ ក្រៅពីថែបំប៉នស្បែកមុខហើយ សូមកុំភ្លេចទទួលទានអាហារឱ្យគ្រប់ ៥ប្រភេទក្រុម គេងសម្រាក និងញ៉ាំទឹកឱ្យបានគ្រប់គាន់…តែប៉ុណ្ណឹងស្បែកមុខរបស់នារីៗយើង នឹងសស្អាត ភ្លឺរលោង តឹង លែងខ្មៅជ្រីញជ្រួញ តទៅទៀតមិនខាន៕
ដំណឹងដ៏គួរឱ្យសោកស្ដាយ ដែលថ្មីៗនេះ លោក Kwon Bong-seok ជានាយកប្រតិបត្តិរបស់ក្រុមហ៊ុន LG បានផ្ញើសារ ជាតម្រុយប្រាប់ទៅបុគ្គលិករបស់ខ្លួន ឱ្យបានដឹងមុនថា នាពេលខាងមុខនេះ វិស័យទូរស័ព្ទវៃឆ្លាតរបស់ខ្លួន អាចនឹងមានការផ្លាស់ប្តូរជាលក្ខណៈទ្រង់ទ្រាយធំតែម្តង។
ដោយនៅក្នុងសារនោះ បានសរសេរបញ្ជាក់ថា មិនថាមានការផ្លាស់ប្តូរអ្វីកើតឡើង ចំពោះផ្នែកវិស័យទូរស័ព្ទវៃឆ្លាតរបស់ខ្លួននោះទេ ការងារដែលបុគ្គលិកធ្លាប់ធ្វើពីមុនមក គឺនៅតែរក្សាដូចដើម ដដែលហើយមិនបាច់មានការព្រួយបារម្ភនោះទេ។
តាមរយៈគេហទំព័រក្នុងប្រទេសកូរ៉េខាងត្បូង បានរាយការណ៍មកថា 5ឆ្នាំមកនេះ LG ខាតបង់ សរុបជាទឹកប្រាក់ដល់ទៅខ្ទង់ 4.5ពាន់លានដុល្លារ ឯណោះ ទៅលើផ្នែកវិស័យទូរស័ព្ទវៃឆ្លាតរបស់ខ្លួន ហេតុដូច្នេះ ពួកគេអាចនឹងដកខ្លួនចេញពីវិស័យមួយនេះ។ ចំណែកទីផ្សារទូរស័ព្ទវៃឆ្លាត របស់ក្រុមហ៊ុន LG បានធ្លាក់ចុះកាន់តែខ្លាំងទៅៗ បើទោះបីជាពួកគេ ខំព្យាយាមប្រើប្រាស់យុទ្ធសាស្ត្រថ្មី ក៏ដូចជាផ្លាស់ប្តូរនាយកប្រតិបត្តិថ្មីក៏ដោយ។ កាលពីឆ្នាំ ២០២០ កន្លងទៅ មានប្រព័ន្ធផ្សព្វផ្សាយមួយចំនួន បានរាយការណ៍ថា LG បានធ្វើការកាត់បន្ថយចំនួនបុគ្គលិក លើផ្នែកវិស័យទូរស័ព្ទវៃឆ្លាតរបស់ខ្លួនថែមទៀតផង។
លោក Kwon Bong-seok បានបន្ថែមទៀតថា ចាប់តាំងពីមានការប្រកួតប្រជែងខាងផ្នែកទីផ្សារទូរស័ព្ទវៃឆ្លាត មានសម្ទុះកាន់តែខ្លាំងឡើងៗមក វាដល់ពេលដែល LG ត្រូវធ្វើការវិនិច្ឆ័យ និងសម្រេចចិត្តសាជាថ្មីម្តងទៀត លើវិស័យទូរស័ព្ទវៃឆ្លាតរបស់ខ្លួន ដោយក្រុមហ៊ុនកំពុងពិចារណ លើរាល់វិធានការទាំងអស់ ដោយក្នុងនោះ រាប់បញ្ចូលទាំងការលក់ ការដកខ្លួនចេញ ក៏ដូចជាកាត់បន្ថយផលិកម្មទូរស័ព្ទវៃឆ្លាតរបស់ខ្លួនផងដែរ។
សូមជម្រាបជូនដែរថា កាលពីលោក Kwon Bong-seok ឡើងកាន់តំណែងជានាយកប្រតិបត្តិរបស់ក្រុមហ៊ុន LG កាលពីខែមករា ដើមឆ្នាំ2020 លោកបានប្តេជ្ញាថា នឹងធ្វើឱ្យមុខជំនួញទូរស័ព្ទវៃឆ្លាតរបស់ LG ងើបឡើងវិញជាថ្មីម្តងទៀត តែដោយសារវិបត្តិកូវីដ-19 វាយលុកពេក ពេលនេះ LG ក៏ដូចទៅនឹងក្រុមហ៊ុនបច្ចេកវិទ្យាឯទៀតៗដែរ គឺសុទ្ធរងផលប៉ះពាល់ដូចគ្នាទាំងអស់៕
បញ្ហាមួយដែលត្រូវបាននារីៗយើង តែងសួរគ្នាជាច្រើនដងច្រើនគ្រាមកនោះគឺ រឿងសេរ៉ូម(Serum)សម្រាប់ស្បែកមុខ… តើវាជាការពិបាក ក្នុងការសម្រេចចិត្តមែនទេថា តើទិញតែ Moisturizer តែ ១មុខ ឬក៏ប្រើតែសេរ៉ូម បានដែរឬទេ? ឬចាំបាច់ត្រូវប្រើទាំង ២យ៉ាងហ្នឹងតែម្តង?
ចម្លើយក៏គឺ
សេរ៉ូមច្រើនតែមានចំណែកផ្សំ របស់សារធាតុអាហារ ដែលជួយក្នុងការមើលថែទាំស្បែកបានច្រើន ហើយសេរ៉ូមនៅអាចជ្រាបចូលទៅក្នុងស្រទាប់ស្បែក បានជ្រៅជាង Moisturizer ទូទៅដែលច្រើនតែថែបំប៉ន ចំពោះតែស្រទាប់ស្បែកខាងលើប៉ុណ្ណោះ។ សេរ៉ូម មានច្រើនប្រភេទ តាំងពី សេរ៉ូមសម្រាប់ប្រឆាំងនឹងស្នាមជ្រីវជ្រួញ សេរ៉ូមដើម្បីស្បែកភ្លឺថ្លា ឬសូម្បីតែសេរ៉ូម ដែលជួយការពារមុន ក៏មានដែរ។
ការប្រើសេរ៉ូមនេះ ចូរប្រើបន្ទាប់ពីយើងជូតសម្អាតមុខដោយ Tonner រួច និងប្រើមុនពេលលាប Moisturizer។
Moisturizer (ម៉យស៍ជើរ៉ាយហ្ស៊ើរ៍) ច្រើនតែមានម៉ូលេគុល ធំជាងសេរ៉ូម ទើបវាជាមូលហេតុដែលថា ហេតុអីបានសេរ៉ូមជ្រាបចូលជ្រៅទៅក្នុងស្រទាប់ស្បែកបានច្រើនជាងហ្នឹងឯង។ ក្នុងន័យមួយទៀត សេរ៉ូមជួយបន្ថែមសារធាតុអាហារដល់ស្បែក ខណៈដែលម៉យស៍ជើរ៉ាយហ្ស៊ើរ៍ ផ្តល់សំណើមដល់ស្បែកបានល្អជាង។
ឥលូវសំនួរដែលសំខាន់នោះគឺ តើយើងចាំបាច់ត្រូវទិញទាំង ២យ៉ាងដែរទេ?
អ្នកជំនាញខាងថែសម្អាតផ្ទៃមុខ ប្រាប់ថា តាមពិតទៅ មិនចាំបាច់ទេ តែក៏ត្រូវមើលទៅតាមករណីនីមួយៗដែរ ដូចជា បើយើងមានបញ្ហារឿងស្បែក ដូចជាបញ្ហាស្នាមអុចៗខ្មៅ ឬមានស្នាមជ្រីវជ្រួញ មុនអាយុនោះ សេរ៉ូមអាចជួយយើងបានខ្លាំងជាង Moisturizer ហើយបើយើងមានស្បែកឡើងខ្លាញ់ស្រាប់ហើយ យើងអាចប្រើតែសេរ៉ូមមួយ ក៏គ្រប់គ្រាន់ហើយសម្រាប់ការថែបំប៉នស្បែកនោះ តែបើពេលនេះយើងប្រើ Moisturizer ស្រេចហើយ យើងមានអារម្មណ៍ថា ស្បែកយើងគ្មានបញ្ហាអ្វីទេនោះ ប្រើតែប៉ុណ្ណឹងក៏គ្រប់គ្រាន់ហើយ។
ដូច្នេះ អ្វីដែលគួរគិតដល់ខ្លាំងជាងគេបំផុត ក្នុងការជ្រើសរើសទិញគ្រឿងសម្អាងថែបំប៉នស្បែករបស់យើងនោះគឺ សភាពស្បែក និងតម្រូវការរបស់យើង តែអ្វីដែលមិនអាចខ្វះបាននោះគឺ ឃ្រីមការពារកម្ដៅថ្ងៃ តែបើយើងមានអារម្មណ៍កង្វល់ពីស្បែកនោះ ការប្រើទាំងសេរ៉ូម និង Moisturizer ក៏មិនខុសអ្វីដែរ៕