Author: ធឿន មករា

យុវវ័យសម័យថ្មី ត្រូវចេះមើលថែទាំខ្លួន ទាំងសុខភាពផ្លូវកាយ និងផ្លូវចិត្ត
យើងនាំគ្នាមកមើលថា តើក្រុមអ្នកស្រាវជ្រាវក្នុងសហរដ្ឋអាមេរិក គេរកឃើញអ្វីខ្លះ ពាក់ព័ន្ធនឹងការអភិវឌ្ឍសក្តានុពលរបស់យុវវ័យ ដើម្បីឱ្យយុវជន-យុវនារីទាំងអស់នោះ មានគុណភាពជីវិតដ៏ល្អប្រសើរនាពេលអនាគត…។ប្រហែលជាគ្មានយុវវ័យណាម្នាក់ដែលមិនចង់ស្អាតបាត និងមិនចង់ឱ្យអ្នកនៅជុំវិញស្រឡាញ់រាប់អានខ្លួននោះឡើយ តែគន្លឹះពិសេសទាំងអស់នេះ ការពិតទៅសុទ្ធតែអាចធ្វើបានដោយខ្លួនឯងទាំងអស់ ដូច្នេះយើងនាំគ្នាមកមើលថា តើការមើលថែទាំខ្លួនឯងទាំងខាងរាងកាយ និងចិត្តគំនិតរបស់យុវជនយុវនារីនាយុគបច្ចេកវិទ្យាទំនើបនេះ ត្រូវធ្វើយ៉ាងណាខ្លះ?
1. ហាត់ប្រាណ : ការដើរលេង ការដើរក្នុងផ្សារទំនើប ធាក់កង់ រត់ ហែលទឹក លេងស្កេតបត(ក្ដារបន្ទះរំអិល) ឬធ្វើកិច្ចការងារផ្សេងៗជាមួយមិត្តភក្តិដែលធ្វើឱ្យរាងកាយមិននៅស្ងៀមមួយកន្លែងនោះ គឺជាការធ្វើលំហាត់ប្រាណមួយល្អណាស់សម្រាប់យុវតី។ ដោយសារតែយុវវ័យជាវ័យដែលត្រូវការមិត្តភក្តិ និងការទទួលស្គាល់ពីអ្នកដែលនៅជុំវិញខ្លួននោះ ការបានធ្វើកិច្ចការងារផ្សេងៗជាមួយមិត្តភក្តិរបស់ពួកគេ នឹងជួយឱ្យទាំងរាងកាយ និងផ្លូវចិត្តល្អប្រសើរឡើងយ៉ាងគួរឱ្យចម្លែកចិត្ត។
2. ការទទួលទាន : ការញ៉ាំអាហាររបស់យុវវ័យ ជាទូទៅអាចញ៉ាំបានគ្រប់រូបបែប តែគួរញ៉ាំអាហារឱ្យគ្រប់ 5ប្រភេទក្រុម និងគួរចៀសវាង Junk food (Hamburger , sandwich-ល-) និងអាហារដែលមានជាតិខ្លាញ់ច្រើន។ ការជួបជុំគ្នាញ៉ាំអាហារជាមួយមិត្តភក្តិ និងក្រុមគ្រួសារ អាចរាប់បានថាជារឿងល្អមួយសម្រាប់យុវវ័យ និងគួរញ៉ាំបន្លែ និងផ្លែឈើស្រស់ជាប្រចាំផង។ការតមអាហារដើម្បីគ្រប់គ្រងទម្ងន់ខ្លួន គឺជារឿងដែលមិនគួរធ្វើសោះឡើយសម្រាប់យុវតីវ័យជំទង់ ព្រោះជាអំឡុងពេលដែលរាងកាយកំពុងចម្រើនធំធាត់។ ការសាងកោសិកាស្បែកដែលល្អ ក៏អាចជួយឱ្យក្រមុំៗមើលទៅឃើញស្រស់ស្អាតបានដូចគ្នាដែរ និងគួរជ្រើសរើសញ៉ាំអាហារដែលមានកាឡូរីទាប ព្រមទាំងហាត់ប្រាណឱ្យបានជាប់ជាប្រចាំផង។
3. ចេះចាត់ការចំពោះបញ្ហា : យុវវ័យ គឺជាវ័យដែលអ្វីៗក៏មើលទៅរាងរញ៉េរញ៉ៃច្របូកច្របល់ទាំងអស់ ការចាត់ការចំពោះបញ្ហាយ៉ាងត្រូវវិធី ក៏ជារឿងសំខាន់មួយដែរ។ ការមានអារម្មណ៍តានតឹងធុញថប់រហូតដល់គេងមិនលក់ ឬរហូតដល់ត្រូវពឹងលើគ្រឿងស្រវឹង និងថ្នាំញៀននោះគឺជារឿងមួយដែលខុសឆ្គងយ៉ាងធ្ងន់ធ្ងរជាទីបំផុត គួរតែចេះប្រឹក្សាបញ្ហាអ្វីមួយជាមួយនឹងមនុស្សច្រើនជាង1នាក់ឡើងទៅ និងត្រូវចេះបែងចែកមើលថា តើច្រកចេញណាមួយដែលស័ក្តិសមបំផុតនឹងខ្លួនអ្នក និងអនាគតរបស់ខ្លួនឯង។
4. ចេះគិត និងមានក្តីស្រមៃ : ការរិះគិតបែបចម្រើន និងការស្រមៃ គឺជារឿងមួយចាំបាច់ ការបំពេញកិច្ចការងារផ្សេងៗ គឺជាការជួយអភិវឌ្ឍវិធីការរិះគិតក្នុងផ្នែកនេះ មិនថាតែការលេងតន្ត្រី លេងកីឡា ច្រៀង ប្រកួតរាំ និពន្ធបទចម្រៀង រួមទាំងការចិញ្ចឹមសត្វដែលនាំមកនូវការសើចសប្បាយ និងការបានធ្វើកិច្ចការងារជាក្រុម រួមជាមួយមិត្តភក្តិជាដើម។ ទាំងអស់នេះ សុទ្ធតែជាការអភិវឌ្ឍខួរក្បាលប៉ែកខាងស្តាំទាំងអស់។
5. ហ្វឹកហាត់នូវអ្វីដែលខ្លួនចូលចិត្ត : ជីវិតយុវវ័យ គឺជាអំឡុងជីវិតដែលពោរពេញទៅដោយថាមពល ការហ្វឹកហាត់នូវអ្វីដែលខ្លួនស្រឡាញ់ចូលចិត្ត និងថ្នឹកនោះ គឺជារឿងល្អមួយ។ ការបណ្តោយទុកឱ្យជីវិតកន្លងផុតពី1ថ្ងៃទៅ1ថ្ងៃ ដោយក្តីខ្ជឹលច្រអូសស្ពឹកស្រពន់ គឺជារឿងដែលមិនត្រូវធ្វើជាដាច់ខាតសម្រាប់យុវវ័យ ហើយការដែលមិនដឹងថា តើខ្លួនឯងចូលចិត្តអ្វី ឬធ្វើអ្វីពូកែនោះ នឹងមានផលប៉ះពាល់ដល់ការជ្រើសរើសប្រកបមុខរបរនៅពេលអនាគត។
យើងអាចសង្កេតឃើញថា ការអភិវឌ្ឍគុណភាពជីវិតរបស់យុវវ័យនេះ គឺការធ្វើកិច្ចការងារផ្សេងៗ គួរធ្វើជាក្រុម ជាមួយមិត្តភក្តិខ្លះ ជាមួយក្រុមគ្រួសារខ្លះ។ ការធ្វើឱ្យស្គាល់ពីជីវិតនៅរួមគ្នាជាសង្គមមួយ នឹងហុចផលល្អចំពោះយុវវ័យខ្លួនឯង និងសង្គមរួមនាពេលអនាគត…៕
January 16, 2020
វិនិយោគជាមួយធនាគារ អេស៊ីលីដា នឹងទទួលបានអត្ថប្រយោជន៍ធំៗ 4
ប្រធាននាយកប្រតិបត្តិ ធនាគារ អេស៊ីលីដា បានថ្លែងថា ការជួញដូរភាគហ៊ុនជាមួយ អេស៊ីលីដា អ្នកវិនិយោគនឹងទទួលបាន «អត្ថប្រយោជន៍ធំៗ 4 ដែលគាត់បានទទួលភាគលាភ គាត់អាចជួញដូរ គាត់ក្លាយជាម្ចាស់របស់ស្ថាប័នធនាគារ ដែលធំជាងគេនៅក្នុងព្រះរាជាណាចក្រកម្ពុជា ហើយអាចបង្គាប់បញ្ជាឱ្យគណៈកម្មការប្រតិបត្ដិធ្វើតាមបង្គាប់របស់គាត់ តាមរយៈក្រុមប្រឹក្សាភិបាលបាន»។
លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា ភីអិលស៊ី បានមានប្រសាសន៍ថា៖« អត្ថប្រយោជន៍ដែលអតិថិជន ក៏ដូចជាវិនិយោគិន ទទួលបានពីការវិនិយោគ ជាមួយធនាគារ អេស៊ីលីដា តាមរយៈការទិញមូលបត្រកម្មសិទ្ធិជាសាធារណៈ(ភាគហ៊ុន) នៅផ្សារមូលបត្រកម្ពុជា នឹងក្លាយជាម្ចាស់ស្ថាប័នធនាគារធំជាងគេ នៅក្នុងប្រទេសកម្ពុជា»។
លោកបណ្ឌិត អ៊ិន ចាន់នី បានបញ្ជាក់ថា៖« អត្ថប្រយោជន៍ដែលអតិថិជន ក៏ដូចជាវិនិយោគិន ទទួលបានពីការវិនិយោគជាមួយធនាគារ អេស៊ីលីដា តាមរយៈការទិញមូលបត្រកម្មសិទ្ធិ ជាសាធារណៈនៅផ្សារមូលបត្រកម្ពុជាមានច្រើន ហើយអត្ថប្រយោជន៍ធំៗ ដែលនឹងទទួលបាននោះគឺ ដូចជា៖ ទី1- ភាគលាភដែលនឹងធ្វើការបែងចែក។ ទី2- ងាយស្រួលក្នុងការជួញដូរ។ ទី3- រួមចំណែករីកចម្រើនជាមួយស្ថាប័ន និងទី4- គាត់ជាម្ចាស់ដែលមានភាគហ៊ុនិកធំ(ភាគហ៊ុនិករបស់ធនាគារអេស៊ីលីដា ភីអិលស៊ី)កាលណាក្នុងនាមគាត់ជាម្ចាស់ គាត់អាចបង្គាប់បញ្ជាឱ្យពួកខ្ញុំធ្វើអី ខ្ញុំធ្វើតាមពួកគាត់»។
ការលើកឡើងបែបនេះ បានធ្វើឡើងក្នុងឱកាសដែលលោកបណ្ឌិត អ៊ិន ចាន់នី អញ្ជើញចូល រួមក្នុងសិក្ខាសាលាស្ដីពីការផ្សព្វផ្សាយដំណើរការ នៃការបោះផ្សាយមូលបត្រកម្មសិទ្ធិ ជាសាធារណៈ ដល់អតិថិជន និងដៃគូវិនិយោគ ដែលរៀបចំធ្វើឡើងនៅការិយាល័យកណ្ដាលនៃធនាគារ អេស៊ីលីដា នៅព្រឹកថ្ងៃទី15 ខែមករា ឆ្នាំ2020 កន្លងទៅ។
លោកបណ្ឌិត បានឱ្យដឹងថា កន្លងមកអត្ថប្រយោជន៍ដែលអេស៊ីលីដាទទួលបាន គឺបានទៅ លើតែភាគទុនិកមួយចំនួនតូច ដែលមានភាគហ៊ុននៅក្នុងធនាគារអេស៊ីលីដាប៉ុណ្ណោះ ដូច្នេះធនាគារ ចង់ឱ្យអត្ថប្រយោជន៍របស់ខ្លួន បានទៅលើអតិថិជនកាន់តែច្រើនបន្ថែមទៀត ទើបធនាគារបោះផ្សាយលក់មូលបត្រកម្មសិទ្ធិជាសាធារណៈ ដែលតាមផែនការ ការបោះផ្សាយមូលបត្រកម្មសិទ្ធិរបស់ធនាគារ អេស៊ីលីដា ត្រូវបានរំពឹងថា នឹងសម្រេចបាននៅខែមេសា ឆ្នាំ2020 ខាងមុខនេះ។
លោកបណ្ឌិត អ៊ិន ចាន់នី បានឱ្យដឹងទៀតថា មុននឹងអេស៊ីលីដា ប្រកាសលក់ជាផ្លូវការ ធនាគារបានធ្វើសិក្ខាសាលាជាបន្តបន្ទាប់ ដើម្បីឱ្យអតិថិជន និងវិនិយោគិនបានយល់កាន់តែច្បាស់ ជាមួយនឹងការសម្រេចវិនិយោគ ក៏ដូចជាឱ្យអតិថិជនបើកគណនីជួញដូរឱ្យបានរួចរាល់ មុននឹងធ្វើការជួញដូរជាផ្លូវការ។ អេស៊ីលីដា មានបំណងចង់ឱ្យមានការជួញដូរជាលក្ខណៈឯកត្តជន ជាជាងជាក្រុមហ៊ុន ឬស្ថាប័ន។
លោកបណ្ឌិត អ៊ិន ចាន់នី បានបន្ថែមទៀតថា ធនាគារអេស៊ីលីដា ចង់ឱ្យមានការទិញមូលបត្រកម្មសិទ្ធិជាសាធារណៈ ពីឯកត្តជនទាំងអស់តែម្ដង ហើយនេះជាអ្វីដែលអេស៊ីលីដាប៉ងប្រាថ្នា ហើយជាការកត់សម្គាល់ យើងសង្កេតឃើញថា មានការចាប់អារម្មណ៍ពីឯកត្តជនច្រើនលើសពីអ្វី ដែលយើងបានរំពឹងទុកផងដែរ។ជាមួយគ្នានោះ លោកបណ្ឌិតបានបញ្ជាក់ដែរថា បន្ទាប់ពីបានរៀបចំសិក្ខាសាលាជាបន្តបន្ទាប់រួចមក ឃើញថា អតិថិជនដែលមានសក្ដានុពលបានមកចូលរួម និងបើកគណនីជួញដូររួចជាស្រេច ដើម្បីត្រៀមខ្លួនក្នុងការវិនិយោគជាមួយអេស៊ីលីដានៅពេលដែលអេស៊ីលីដាប្រកាសជួញដូរ នៅពេលឆាប់ៗខាងមុខ។
សូមជម្រាបថា កាលពីឆ្នាំ2018 ធនាគារអេស៊ីលីដា ដែលជាធនាគារដ៏ល្បីឈ្មោះនៅកម្ពុជា ទទួលបានប្រាក់ចំណេញជាង 84លានដុល្លារអាមេរិក។ គិតត្រឹមដំណាច់ខែកញ្ញា ឆ្នាំ2019 ធនាគារ អេស៊ីលីដា ភីអិលស៊ី គឺជាធនាគារធំជាងគេបំផុតនៅកម្ពុជា ដែលមានឥណទានសរុប 3.61ប៊ីលាន ដុល្លារអាមេរិក និងមូលធនសរុប 898.56លានដុល្លារអាមេរិក មានទ្រព្យសកម្មសរុប 6.09ប៊ីលាន ដុល្លារអាមេរិក និងប្រាក់បញ្ញើសរុប 4.24ប៊ីលានដុល្លារអាមេរិក៕
January 16, 2020
ធនាគារអេស៊ីលីដា និង Wing ប្រកាសដំណើរការកិច្ចសហប្រតិបត្តិការសេវាផ្ទេរប្រាក់
ធនាគារ អេស៊ីលីដា ភីអិលស៊ី និងធនាគារឯកទេស វីង(ខេមបូឌា)លីមីធីត កាលពីថ្ងៃទី15 ខែមករា ឆ្នាំ2020នេះ បានប្រកាសជាសាធារណៈស្តីអំពី ពិធីដាក់ឱ្យដំណើរការកិច្ចសហប្រតិបត្តិការ សេវាផ្ទេរប្រាក់ រវាងធនាគារទាំង2 ដោយមានការចូលរួមពីលោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា ភីអិលស៊ី និងអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ ឯកទេស វីង ឬ Wing(ខេមបូឌា)លីមីធីត ព្រមទាំងថ្នាក់ដឹកនាំរបស់ស្ថាប័នទាំង2។
លោកបណ្ឌិត អ៊ិន ចាន់នី បានមានប្រសាសន៍ថា៖«ធនាគារអេស៊ីលីដា ភីអិលស៊ី មានសេចក្តីសោមនស្សរីករាយ ដែលធនាគារឯកទេស វីង(ខេមបូឌា)លីមីធីត បានចាប់ដៃគូជាយុទ្ធសាស្រ្ត ក្នុងកិច្ចសហប្រតិបត្តិការជាមួយធនាគារ អេស៊ីលីដា ភីអិលស៊ី ក្នុងការបម្រើសេវាផ្ទេរ និងទូទាត់ប្រាក់របស់ស្ថាប័នទាំង2 ឱ្យកាន់តែទូលំទូលាយថែមទៀត»។
លោកបណ្ឌិតបានថ្លែងថា លើសពីនោះទៀត ដើម្បីលើកកម្ពស់ក្នុងការពង្រីកប្រតិបត្តិការរបស់ធនាគារទាំង2 ឱ្យកាន់តែទំនើបប្រកបដោយប្រសិទ្ធភាព និងសុវត្ថិភាពខ្ពស់ថែមទៀត ដោយអនុញ្ញាតឱ្យអតិថិជនរបស់ធនាគារទាំង2 អាចធ្វើការផ្ទេរ និងទូទាត់ប្រាក់រវាងគ្នា និងគ្នា។
ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានឱ្យដឹងថា សមិទ្ធផលនេះបានផ្តល់អត្ថប្រយោជន៍យ៉ាងច្រើនដល់អតិថិជន និងសាធារណជន និងគាំទ្រដល់ការរីកលូតលាស់របស់អតិថិជន ជាមួយនឹងការកាត់បន្ថយចំណាយ និងហានិភ័យ។
កិច្ចសហប្រតិបត្តិការរវាងធនាគារទាំង2 គឺក្នុងគោលបំណងដើម្បីបង្កើនភាពងាយស្រួលជូនដល់អតិថិជនក្នុងការធ្វើប្រតិបត្តិការដូចជា៖
1- ផ្ទេរប្រាក់ រវាងគណនី Core Banking របស់ធនាគារ អេស៊ីលីដា ភីអិលស៊ី និងគណនីវីង។
2- ផ្ទេរប្រាក់ រវាងគណនីអេស៊ីលីដា យូនីធី ទាន់ចិត្ត និងគណនីវីង។
3- ទូទាត់សំណងឥណទានទៅកាន់គណនី Core Banking របស់ធនាគារ អេស៊ីលីដា ភីអិ
លស៊ី តាមរយៈភ្នាក់ងារ Wing។ នេះជាការបញ្ជាក់បន្ថែមរបស់លោកបណ្ឌិត អ៊ិន ចាន់នី។
ជាមួយគ្នានោះដែរ លោកបណ្ឌិតអ៊ិន ចាន់នី បានលើកឡើងថា ឥឡូវនេះ អតិថិជនឥណទាន និងអតិថិជនដែលមានគណនីនៅធនាគារ អេស៊ីលីដា ភីអិលស៊ី អាចធ្វើការទូទាត់សងឥណទាន និងធ្វើការដក-ដាក់សាច់ប្រាក់ នៅតាមបណ្តាញប្រតិបត្តិការរបស់ធនាគារទាំង2 គ្រប់ទីកន្លែងទូទាំងប្រទេស។
លោកបណ្ឌិត អ៊ិន ចាន់នី បានបន្ថែមទៀតថា «ធនាគារ អេស៊ីលីដា ភីអិលស៊ី ជាធនាគារ ឌីជីថល ដែលមានកម្មវិធីអេស៊ីលីដា យូនីធី ទាន់ចិត្ត ដែលអតិថិជនអាចធ្វើប្រតិបត្តិការសេវាធនាគារ យ៉ាងសម្បូរបែប តាមរយៈទូរស័ព្ទដៃដោយខ្លួនឯង»។
លោក ម៉ានូ រ៉ាចាន់(Manu Rajan) អគ្គនាយកធនាគារ ឯកទេស វីង (ខេមបូឌា) លីមីធីត បានមានប្រសាសន៍ថា៖«កិច្ចសហប្រតិបត្តិការរវាង ធនាគារ អេស៊ីលីដា និងWing គឺយើងចង់ផ្តល់ភាពងាយស្រួល និងតម្លៃសមរម្យដល់ប្រជាជននៅក្នុងប្រទេសកម្ពុជា។ ដូចយើងដឹងស្រាប់ហើយថា ធនាគារ អេស៊ីលីដា មានទាំងសាខា និងទូអេធីអឹម នៅទូទាំងប្រទេស ឯចំណេកខាងវីងយើងវិញ មានភ្នាក់ងារនៅតាមផ្ទះប្រហែលជា 7,300កន្លែង ដូច្នេះប្រជាជនដែលគាត់មានតម្រូវការ គាត់អាចប្រើប្រាស់សេវាធនាគារអេស៊ីលីដាផង និងក៏អាចប្រើសេវាតាមរយៈភ្នាក់ងារវីងបានផងដែរ ដែលនេះជាផលប្រយោជន៍មួយរបស់ប្រជាជនក្នុងការទទួលយកនូវការរៀន(ទម្លាប់)ប្រើប្រាស់ធនាគារ។
សូមបញ្ជាក់ថា គិតមកដល់បច្ចុប្បន្ននេះ អេស៊ីលីដា យូនីធីទាន់ចិត្ត ជាសេវាធនាគារតាមទូរស័ព្ទ ដែលធំជាងគេនៅកម្ពុជា និងមានអ្នកចុះឈ្មោះប្រើ អេស៊ីលីដា យូនីធី ទាន់ចិត្តចំនួនប្រមាណ 1,226,383ជាលក្ខណៈបុគ្គល និង 30,989 ជាលក្ខណៈដៃគូ។
លោកបណ្ឌិត អ៊ិន ចាន់នី បានគូសបញ្ជាក់ទៀតថា កិច្ចសហប្រតិបត្តិការនេះ នឹងធ្វើឱ្យអតិថិជនងាយក្នុងការជ្រើសរើស ដែលជំរុញឱ្យសេវាផ្ទេរបា្រក់កាន់តែទូលំទូលាយ ឆាប់រហ័ស ងាយស្រួល និងមានសុវត្ថិភាព និងនាំឱ្យធនាគារទាំង2 មានបណ្តាញប្រតិបត្តិការសម្បូរបែប ចំនួន 43,476កន្លែង គ្របដណ្តប់គ្រប់ខេត្ត-ក្រុង នៃកម្ពុជា៕
January 16, 2020
ច្រឹង ពលរដ្ធ សន្យានឹងខ្លួនឯងថា ត្រូវដណ្តើមយកកៅអី1 ក្នុងក្រុមជម្រើសជាតិមកវិញឱ្យបានក្នុងពេលឆាប់ៗនេះ
កីឡាករខ្សែបម្រើរបស់ក្លិបវិសាខា ច្រឹង ពលរដ្ឋ បានបង្ហើបប្រាប់ថា ក្នុងឆ្នាំ2020 ថ្មីនេះ រូបគេបានដាក់គោលដៅថា ធ្វើយ៉ាងណាត្រូវយកកៅអី1 ក្នុងចំណោម 11នាក់ដំបូងរបស់ក្រុមជម្រើសជាតិកម្ពុជាឱ្យខាងតែបានមកវិញ។កីឡាកររូបនេះធ្លាប់ខកខានឱកាសលេងឱ្យក្លិប Buriram United ដោយសារបញ្ហារបួស កាលពីដើមឆ្នាំ2019។ ពេលនេះរបួសចាស់របស់គេបានជាសះស្បើយ 100ភាគរយហើយ ដែលធ្វើឱ្យគេមានភាពពេញលេញក្នុងការហ្វឹកហាត់ និងលេងបានកាន់តែល្អជាងពីមុនទៅទៀត។គួរបញ្ជាក់ថា ច្រឹង ពលរដ្ឋ បានខកខានជាប់ជម្រើសជាតិប្រមាណ 2ឆ្នាំមកហើយ បន្ទាប់ពីរងរបួសដាច់សរសៃពួរជង្គង់។ បច្ចុប្បន្ន រូបគេកំពុងបោះជំរំហ្វឹកហាត់ជាមួយក្លិបវិសាខានៅប្រទេសថៃ ដើម្បីត្រៀមរដូវកាលថ្មីនៃលីកកំពូលកម្ពុជា និងពានរង្វាន់សម្ដេចតេជោ ហ៊ុន សែន ឆ្នាំ2020៕
January 16, 2020
ពីមុនសាក់លើគូទ លើកនេះរូប Messi ត្រូវតារាស៊ិចស៊ីម្នាក់យកទៅសាក់ជិតតំបន់ពិសេស
តារាម៉ូដែលស៊ិចស៊ី Suzy Cortez បានធ្វើការសាករូប Messi បន្ថែមមួយទៀតនៅលើដងខ្លួនរបស់នាង ដោយចង់បង្ហាញពីទឹកចិត្តស្រឡាញ់ និងគាំទ្រកីឡាករល្បីឈ្មោះ Lionel Messi។
ជាមួយនឹងការសាក់រូបថ្មីនេះ នាងបានសាកនៅលើតំបន់ពិសេសរបស់រាងកាយនាងខ្លាំងជាងលើកមុនទៅទៀត ដោយម្តងនេះនាងបានបន្ថែមរូបមុខកីឡាករខាងលើ នៅលើគល់ភ្លៅជិតតំបន់ពិសេសរបស់នាងតែម្ដង។
គួររំឭកផងដែរថា អ្នកគាំទ្រដ៏ងប់ងុលរបស់កីឡាករកូន1 ខាងលើនេះ ធ្លាប់បានសាក់រូបនិមិត្តរូបរបស់នាងម្តងហើយនៅលើកំប៉េះគូទដ៏មូលក្លំរបស់នាង។
នាងបាននិយាយថា “ចាប់តាំងពីខ្ញុំបានសាក់ឈ្មោះតារាល្បីរបស់ Barcelona លើគូថកាលពីពេលកន្លងទៅរួចមក ខ្ញុំធ្លាប់គិតថា នឹងសាក់រូបគេបន្ថែមទៀត ដើម្បីជាកិត្តិយសដល់កីឡាករឆ្នើមជាងគេលើពិភពលោកម្នាក់នេះ”៕
January 16, 2020
Hazard ប្រាប់ពីមូលហេតុដែលពាក់លេខរបស់ Ronaldo នៅ Real
កីឡាករខ្សែប្រយុទ្ធជម្រើសជាតិប៊ែលហ្ស៊ិក Eden Hazard បានផ្ទេរមកកាន់ក្លិប Real Madrid កាលពីឆ្នាំ2019 ដោយផ្លាស់មកពីក្លិប Chelsea។កីឡាកររូបនេះបានលើកឡើងថា៖ “ខ្ញុំអត់ចង់បានទេ អាវលេខ7 ខ្ញុំចង់ពាក់លេខ10 តែ Modric បានពាក់វាទៅហើយ ក្រោយមករកពាក់លេខ17 តែក៏មានម្ចាស់រួចហើយដែរ ដោយ Vazquez ជាអ្នកពាក់ ក្រោយមកខ្ញុំក៏សម្រេចពាក់លេខ50 តែម្ដង”។ទីបំផុត Hazard សម្រេចចិត្តជ្រើសយកលេខ50 ប៉ុន្តែខាងក្លិប បានប្រាប់ថា លេខនេះសម្រាប់តែអ្នកដែលរកគ្រាប់បាល់បានលើស 25គ្រាប់នៅ La Liga ទេ និងចុងក្រោយ Real Madrid បានប្រាប់ថា ត្រូវតែពាក់អាវលេខ7 ទៅ Hazard អ៊ើយ ដើម្បីបញ្ចប់រឿង៕
January 16, 2020
ប្រទេសហូឡង់ ចាប់ផ្តើមវិនិយោគថវិកាដើម្បីជំរុញឱ្យប្រជាជនជិះកង់
នៅលើពិភពលោកបច្ចុប្បន្ននេះ ក្រៅពីការជំរុញឱ្យមានផលិតភាពល្អប្រសើរផ្នែកសេដ្ឋកិច្ច ពួកគេក៏ចាប់ផ្តើមផ្តល់តម្លៃកាន់តែខ្លាំងលើគុណភាពនៃជីវិតរបស់មនុស្សម្នាក់ៗដើម្បីធ្វើឱ្យប្រជាជនកាន់តែរស់នៅសុខសាន្តក្នុងតំបន់របស់ខ្លួន។
គ្រាន់តែមានលុយកាក់ មានហេដ្ឋារចនាសម្ព័ន្ធល្អ មិនទាន់រាប់ថាជាតំបន់ដែលធ្វើឱ្យប្រជាជនមានសេចក្តីសុខនោះទេ តែវាទាមទារឱ្យមានការបណ្តុះបណ្តាលផ្នត់គំនិតល្អ និងសុខភាពល្អថែមទៀតផង។
នៅប្រទេសហូឡង់ (Netherlands) បច្ចុប្បន្ននេះ បានជំរុញការយកចិត្តទុកដាក់កាន់តែខ្លាំងលើគុណភាពនៃការរស់នៅរបស់មនុស្ស និងជំរុញឱ្យមានផលចំណេញយ៉ាងធំមួយដោយការលើកទឹកចិត្តឱ្យប្រជាជនជិះកង់។
នៅហូឡង់ ក្រៅពីមានភាពល្បីល្បាញលើពិភពលោកថា ជាប្រទេសដែលមានប្រធានាធិបតីជិះកង់ទៅធ្វើការ និងជាប្រទេសដែលមាន GDP ខ្ពស់ហើយនោះ វាក៏ជាតំបន់ដ៏ល្អមួយដែលស្ថិតក្នុងចំណាប់អារម្មណ៍របស់ពិភពលោកដែលការរស់នៅរបស់មនុស្សមានផាសុកភាព រួមទាំងមានបរិស្ថានល្អថែមទៀតផង។
ថ្មីៗនេះរដ្ឋាភិបាលហូឡង់ បានចេញសេចក្តីប្រកាសក្នុងការបង់ប្រាក់លើទឹកចិត្តដល់ប្រជាជនដែលជិះកង់ទៅធ្វើការងារ ដោយក្នុងនោះបុគ្គលិកដែលទៅធ្វើការងារដោយជិះកង់នឹងត្រូវរួចពន្ធលើប្រាក់ចំណូលរបស់ខ្លួន ហើយថែមទាំងបានប្រាក់ឧបត្ថម្ភគិតជាគីឡូម៉ែត្រថែមទៀតផង។
ទឹកប្រាក់ដែលរដ្ឋាភិបាលផ្តល់ជូនប្រជាជនគឺក្នុង1គីឡូម៉ែត្រ 0.22$ ដោយគ្រាន់តែជិះកង់ទៅធ្វើការងារតែប៉ុណ្ណោះ។ ដោយហេតុនេះហើយទើបប្រជាជនជាច្រើនចាប់ផ្តើមបែរចំណាប់អារម្មណ៍មកជិះកង់ដើម្បីទទួលបានប្រាក់ឧបត្ថម្ភផង និងទទួលបានសុខភាពល្អផង។
បន្ថែមពីលើលក្ខខណ្ឌដ៏ល្អប្រសើរនេះ រដ្ឋាភិបាលក៏បានចំណាយលុយយ៉ាងច្រើនដើម្បីរៀបចំហេដ្ឋារចនាសម្ព័ន្ធ និងប្រព័ន្ធសុវត្ថិភាពសម្រាប់អ្នកជិះកង់ផងដែរ។
ចំពោះអ្នកដែលមិនមានលទ្ធភាព ឬមិនទាន់មានកង់ ពួកគេក៏អាចស្នើសុំកម្ចីដើម្បីទិញកង់ផងដែរ ដែលធ្វើឱ្យអ្នកជិះកង់នៅក្នុងប្រទេសកាន់តែមានចំនួនច្រើនឡើងៗជាលំដាប់ជារៀងរាល់ឆ្នាំ។
ជាលទ្ធផលដែលទទួលមកវិញពីការវិនិយោគដ៏ល្អនេះគឺរដ្ឋាភិបាលបានសល់លុយយ៉ាងច្រើនពីការចំណាយលើសេវាសុខភាពបាល ដោយសារតែប្រជាជនចាប់ផ្តើមមានសុខភាពល្អ និងមិនសូវចូលមន្ទីរពេទ្យដោយសារតែជំងឺនោះទេ។
បន្ថែមពីលើនេះ ផលិតភាពការងាររបស់ប្រជាជនក៏មានការកើនឡើងខ្ពស់ផងដែរដែលធ្វើឱ្យអ្នកវិនិយោគលើវិស័យឯកជនទទួលបានផលចំណេញច្រើន ដោយសារតែប្រជាជនមានអារម្មណ៍ស្រស់ស្រាយ កាត់បន្ថយស្ត្រេស និងមិនសូវមានសម្ពាធក្នុងការរស់នៅច្រើន។
លើសពីនេះទៅទៀត ខុសពីប្រទេសដទៃព្យាយាមចំណាយលុយច្រើនដើម្បីកាត់បន្ថយផលប៉ះពាល់នៃបញ្ហាបំពុលបរិយាកាសក្នុងទីក្រុង ប្រទេសហូឡង់ បានបង្វែរលុយទាំងអស់នេះមកលើកទឹកចិត្តឱ្យប្រជាជនចាប់ផ្តើមចូលរួមក្នុងការថែរក្សាបរិស្ថាន ក៏ដូចជារស់នៅជាមួយធម្មជាតិឱ្យបានច្រើនឡើងវិញ៕
January 16, 2020
ហេតុអ្វីសក់ជ្រុះ?
មិនអាចទុកដូចជាមិនមានអ្វីកើតឡើងបានទេ បើរាល់ដងឱ្យតែទាញក្រាសមកសិតសក់ ឃើញតែសក់ជ្រុះមកតាមស្ទើរតែពេញក្រាស ឬពេលខ្លះមិនទាំងបានសិតផង គ្រាន់តែរពិសដៃច្បូតសក់លេងបន្តិចក៏ស្រាប់តែឃើញថាមានសក់មិនតិចជាង4-5សរសៃទេដែលតាមមកជាមួយនឹងម្រាមដៃ ឬជ្រុះធ្លាក់ទៅលើដីដែរនោះ។ នេះជាសញ្ហាប្រកាសអាសន្នថា សក់របស់អ្នកត្រូវការជំនួយពីអ្នកយ៉ាងពេញទំហឹងហើយ ព្រោះបើមិនប្រញាប់រួសរាន់ទេ ប្រហែលជាគ្មានផ្លូវកែខៃទេមើលទៅ។
មូលហេតុ : សក់ជ្រុះអាចបណ្តាលមកពីមូលហេតុច្រើនយ៉ាងដូចជា៖
– បញ្ហាស្បែកក្បាល(រមាស់ អង្គែ បាក់តេរី…)
– ឫសសក់មិនរឹងមាំ
– តំណពូជ
– មានជំងឺ ហើយតម្រូវឱ្យប្រើប្រាស់ឱសថមួយចំនួន ដែលឱសថនោះអាចបណ្តាលឱ្យសក់ជ្រុះ
– គេងមិនបានគ្រប់គ្រាន់
– អាកាសធាតុ
– ប្រើសាប៊ូ ឬផលិតផលណាមួយខុស
– ប្រើកម្លាំងទាញសក់ខ្លាំងៗ
– ធុញថប់តានតឹង
– ផ្លាស់ប្តូរអ័រម៉ូន
– ការតុបតែងសក់
– និងកង្វះសារធាតុចិញ្ចឹមសរសៃសក់ជាដើម។
វិធីការពារ
ការការពារប្រហែលមិនមែនជាបញ្ហេទៀតទេ ប្រសិនបើអ្នកបានដឹងពីមូលហេតុដែលនាំឱ្យសក់ជ្រុះ ដូច្នេះការចៀសវាងពីសកម្មភាពមួយចំនួនដែលអាចបង្កឱ្យមានបញ្ហាសក់ជ្រុះនោះ គឺជាវិធីការពារដ៏ល្អបំផុតហើយ។
វិធីព្យាបាល
វិធីនៃការព្យាបាលបញ្ហាជ្រុះសក់មានច្រើនយ៉ាង ហើយវាក៏អាចសម្របទៅតាមមូលហេតុដែលនាំឱ្យកើតមានបញ្ហាសក់ជ្រុះផងដែរ ដូចជា ៖
ថែបំប៉នសក់តាមក្បួនបុរាណ : ម៉ាសថែបំប៉នសក់ចម្រាញ់ចេញពីផ្លែប៊័រ ស៊ុត ខ្ទិះដូង ប្រេងដូង និងប្រេងអូលីវជាដើម។
January 16, 2020
ទឹកប្រាក់រង្វាន់២០លានរៀលដំបូងគេពីប្រេងកូឡា SIANG PURE (សៀងភាវ) សញ្ញារូបតាប៉ិ បានធ្លាក់ដល់ដៃអ្នករស់នៅស្រុកពួក ខេត្តសៀមរាប
អតិថិជនដែលមានសំណាងបានឈ្នះរង្វាន់ធំនូវទឹកប្រាក់ចំនួន២០លានរៀលពីប្រេងកូឡា SIANG PURE (សៀងភាវ) សញ្ញារូបតាប៉ិ ដំបូងគេ មានឈ្មោះ ង៉ោ សេងអ៊ី ភេទស្រី អាយុ៣៨ឆ្នាំ មានមុរបរជាអាជីវករលក់គ្រឿងសំណង់ បច្ចុប្បន្នរស់នៅភូមិចំបក់ហែរ ឃុំពួក ស្រុកពួក ខេត្តសៀបរាប។នៅចំពោះមុខក្រុមការងារដែលជាអ្នកតំណាងក្រុមហ៊ុនចុះប្រគល់រង្វាន់ធំនូវទឹកប្រាក់២០លានរៀល ដល់លំនៅដ្ឋានផ្ទាល់ អ្នកស្រី ង៉ោ សេងអ៊ី បានប្រាប់ឱ្យដឹងថា ប្រេងកូឡា SIANG PURE (សៀងភាវ) សញ្ញារូបតាប៉ិ អ្នកស្រីបានប្រើតាំងពីយូរណាស់មកហើយ ពោលគឺតាំងពីក្រុមហ៊ុនមិនទាន់បង្កើតកម្មវិធីចែករង្វាន់ម៉្លេះ ដោយសារតែប្រេងកូឡាសញ្ញារូបតាប៉ិមានប្រសិទ្ធភាពខ្ពស់ក្នុងជួយបំបាត់អាការឈឺក្បាល វិលមុខ ឈឺពោះ ឆ្អល់ពោះ និងអាចបំបាត់ឈឺចុកចាប់នៅពេលមានសត្វតិច ឬខាំបានយ៉ាងទាន់ចិត្ត។ប៉ុន្តែស្រាប់តែកាលពីចុងសប្ដាហ៍កន្លងទៅនេះ បន្ទាប់ពីប្រើអស់ អ្នកស្រីបានទិញប្រេងកូឡាសញ្ញារូបតាប៉ិប្រអបធំមួយទៀតដើម្បីទុកប្រើ លុះពេលកោសនៅកន្លែងមានស្ទីកគ័រ ក៏ស្រាប់តែឃើញមានរង្វាន់២០លានរៀលនៅនឹងសម្បកប្រអប់តែម្ដង។ ភ្លាមនោះអ្នកស្រីក៏បានស្រែកហៅគ្រួសារឱ្យជួយពិនិត្យមើល ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅនឹងសម្បកប្រអបស្រាប់តែម្ដង។
អ្នកស្រីបានបញ្ជាក់ថា ក្រោយពេលទទួលបានទឹកប្រាក់រង្វាន់ធំ២០លានរៀលពីក្រុមហ៊ុនប្រេងកូឡា SIANG PURE (សៀងភាវ) សញ្ញារូបតាប៉ិ អ្នកស្រីនឹងយកមួយចំនួនសង់បំណុលគេ ហើយទុកមួយចំនួនទៀតសម្រាប់ពង្រីកអាជីវកម្ម។សូមបញ្ជាក់ថា ជាការអបអរសាទរនៅក្នុងឱកាសឆ្នាំថ្មីនេះ ក៏ដូចជាថ្លែងអំណរគុណដល់បណ្តាអតិថិជនទាំងអស់ដែលតែងតែគាំទ្រ និងផ្តល់ទំនុកចិត្ត ក្រុមហ៊ុនបានបង្កើតកម្មវិធីពិសេសជាមួយនឹងការផ្តល់ជូននូវរង្វាន់យ៉ាងសន្ធឹកសន្ធាប់ ដូចជាទឹកប្រាក់២០លានរៀលចំនួន៥០រង្វាន់ ម៉ូតូ HONDA Dream ចំនួន៥០គ្រឿងទូរស័ព្ទ iphone ស៊េរីទំនើបចំនួន ៥០ គ្រឿង រួមជាមួយរង្វាន់ជាប្រេងកូឡា SIANG PURE (សៀងភាវ) រាប់លានរង្វាន់ទៀត។ សូមព្យាយាមបន្តដើម្បីទទួលបានមហាសំណាង អ្នកឈ្នះរង្វាន់ធំបន្ទាប់អាចជារូបអ្នក ៕
January 16, 2020
បទពិសោធន៍ និងជោគជ័យដ៏រំភើបអស្ចារ្យក្រោយពីការចូលរួមព្រឹត្តិការណ៍ អន្តរជាតិ GALAXY A2020 AWESOME LIVE ដ៏អស្ចារ្យប្រចាំឆ្នាំ នៅប្រទេសឥណ្ឌូនេស៊ី!
(ភ្នំពេញ) ថ្ងៃទី ១៥ ខែមករា ឆ្នាំ ២០២០៖ ក្រោយពីការដាក់សម្ពោធជាផ្លូវការនូវស្មាតហ្វូនជំនាន់ថ្មី Samsung Galaxy ស៊េរី A ប្រចាំឆ្នាំ ២០២០ ក្នុងព្រឹត្តិការណ៍អន្តរជាតិមួយដែលមានឈ្មោះថា GALAXY A2020 AWESOME LIVE នៅទីក្រុងហ្សាហ្គាតាប្រទេសឥណ្ឌូនេស៊ី កាលពីថ្ងៃទី ១៤ ខែមករា ឆ្នាំ២០២០ កន្លងទៅនេះប្រតិភូតំណាងផលិតល សាមសុង កម្ពុជាទាំងអស់បានវិលត្រឡប់មកកាន់ព្រះរាជាណាចក្រកម្ពុជាវិញជាមួយនឹងជ័យលាភី ស្នាមញញឹម និងបទពិសោធន៍ដ៏សែនរំភើបអស្ចារ្យនៃស្មាតជំនាន់ចុងក្រោយប្រចាំឆ្នាំស៊េរី Samsung Galaxy A51 និង Samsung Galaxy A71 ។
សូមបញ្ជាក់ថាការវិលត្រឡប់មកវិញរបស់ប្រតិភូទាំងអស់នាថ្ងៃនេះគឺជាមោទនភាពដ៏អស្ចារ្យបំផុតសម្រាប់បើកទំព័រឆ្នាំថ្មី ២០២០ នេះដោយក្រុមហ៊ុន សាមសុង បានបញ្ចេញស្មាតហ្វូនជំនាន់ថ្មីចុងក្រោយស៊េរី Samsung Galaxy A51 និង Samsung Galaxy A71 ដែលមានរូបរាងស្អាតទាក់ទាញ លេចធ្លោ និងមានលក្ខណៈពិសេសទំនើបបំផុតដែលពុំធ្លាប់មានក្នុងខ្សែស្រឡាយ Samsung Galaxy ត្រកូលស៊េរី A ក៏ដូចជាជ័យលាភីចំណាត់ថ្នាក់លេខ ១ របស់ OMG កម្ពុជា នៃការប្រកួតក្បាច់រំាលើឆាកអន្តរជាតិដោយក្រុម BLACK PINK កូរ៉េធ្វើជាគណៈកម្មការ និងប្រគល់រង្វាន់ដោយផ្ទាល់ផងដែរ!
យោងតាមសម្តី និងចំណាប់អារម្មណ៍ផ្ទាល់របស់កញ្ញា មាន សុនីតា និងក្រុមរាំ OMG ដែលជាក្រុមរាំដ៏ល្បីល្បាញ តំណាងផលិតផល សាមសុង ប្រចាំព្រះរាជាណាចក្រកម្ពុជាផងដែរនោះបានបង្ហាញនូវអារម្មណ៍ដ៏គួរឱ្យភ្ញាក់ផ្អើលដែលរកអ្វីប្រៀបផ្ទឹមពុំបានពីភាពរំភើបសប្បាយរីករាយ និងភាពអស្ចារ្យនៃព្រឹត្តិការណ៍សម្ពោធស្មាតហ្វូនប្រចាំឆ្នាំ២០២០ ស៊េរី Samsung Galaxy A51 និង Samsung Galaxy A71 ដែលមានលក្ខណៈពិសេសបំផុតដែលពុំគួរឱ្យជឿ ។
សម្រាប់ Samsung Galaxy A51 និង Samsung Galaxy A71 នេះ អតិថិជន ទាំងអស់ប្រាកដជាមានភាពភ្ញាក់ផ្អើលខ្លាំង និងលង់ចិត្តស្រឡាញ់ជាក់ជាពុំខានឡើយជាមួយនឹង រចនាបទ អេក្រង់ ពណ៌ កាមេរ៉ា ទំហំថ្ម ល្បឿន និងជាពិសេសគឺតម្លៃតែម្តង! ក្រុមហ៊ុន សាមសុង ក្នុងឆ្នាំ ២០២០ នេះ គឺពិតជាផ្តល់ជូនកាដូដ៏ល្អអស្ចារ្យសម្រាប់ឆ្នាំថ្មីដល់អតិថិជនរបស់ខ្លួនទាំងអស់ទូទាំងពិភពលោកមែន!
ចឹងអតិថិជនទាំងអស់ដែល រងចាំយ៉ាងអន្ទះសារនោះ ពិតជាមិនខុសបំណងឡើយព្រោះថាក្រុមហ៊ុន សាមសុងនឹងធ្វើការដាក់លក់ជាផ្លូវការក្នុងពេលឆាប់ៗខាងមុខនេះហើយ!
សម្រាប់ព័ត៌មានបន្ថែមសូមអញ្ជើញមកសាកសួរដោយផ្ទាល់តាមហាងចែកចាយផលិតផលទំនើប សាមសុង ណាមួយដែលនៅជិតលោកអ្នក ឬក៏ទំនាក់ទំនងមកកាន់លេខទូរស័ព្ទ៖ 1800 20 3232!
January 15, 2020