Author: ធឿន មករា

ខេត្តតាកែវ៖ ព្រឹត្តិការណ៍បាល់ទាត់ដ៏អស្ចារ្យប្រចាំព្រះរាជាណាចក្រកម្ពុជា Tiger Street Football 2020 មណ្ឌលខេត្តតាកែវ ដែលជាមណ្ឌលខេត្តចុងក្រោយនោះ បានបញ្ចប់ការប្រកួតហើយ ដោយសម្រាំងបានក្រុមខ្លាំងចំនួន៥ឡើងទៅប្រកួតវគ្គផ្តាច់ព្រ័ត្រនៅរាជធានីភ្នំពេញ។ ក្នុងចំណោមក្រុមខ្លាំងទាំង៥ដែលឈ្នះកៅអីឡើងមកប្រកួតវគ្គផ្តាច់ព្រ័ត្រនៅរាជធានីភ្នំពេញនោះ ក្រុមបាល់ទាត់ដែលគ្រងដំណែងជើងឯកប្រចាំមណ្ឌលខេត្តតាកែវ គឺក្រុមបាល់ទាត់ City Bird (A) ដោ​យយកឈ្នះក្រុមបាល់ទាត់បងប្អូនអ្នកលឿងក្នុងលទ្ធផល៣ទល់១ក្នុងវគ្គផ្តាច់ព្រ័ត្រ កាលពីថ្ងៃអាទិត្យទី២៣ ខែកុម្ភៈ ឆ្នាំ២០២០។ដោយឡែក ក្រុមបាល់ទាត់ដែលឈ្នះចំណាត់លេខ៣បានទៅលើក្រុមបាល់ទាត់ City Bird (B)  ក្រោយប្រកួតយកឈ្នះក្រុមបាល់ទាត់ក្នុងខេត្តតាកែវដូចគ្នាជាមួយក្រុម ឥន្រ្តីគិរីវង់ ដោយលទ្ធផលតានតឹង៦ទល់៥ ខណៈដែលមួយក្រុមមានសំណាងឈ្នះកៅអីទៅលេងនៅរាជធានីភ្នំពេញ បន្ទាប់ពីធ្លាក់ត្រឹមវគ្គជម្រុះ៨ក្រុមចុងបានទៅលើក្រុមបាល់ទាត់ SK.Club។ក្រោយក្លាយជាម្ចាស់ផ្ទះជើងឯក លោក អ៊ឹង ជាវយី ប្រធានក្រុមបាល់ទាត់ City Bird (A) បានលើកឡើងថា អ្វីដែលនាំឲ្យក្រុមរបស់លោកក្លាយជាជើងឯកប្រចាំមណ្ឌលខេត្តតាកែវនេះ ដោយសាតែទម្រាំងលេងមានភាពស៊ីសង្វាក់គ្នា និងសាមគ្គីភាពក្នុងក្រុមបានល្អ ស្តែងចេញនូវការតាំងចិត្តដ៏មោះមុត ទើបធ្វើឲ្យក្រុមទទួលបានជោគជ័យបែបនេះ។ លោក ប្តេជា្ញថា នឹងពង្រឹងសមត្ថភាពក្រុមបន្ថែមទៀត ដើម្បីស្វែងរកលទ្ធផលល្អជូនខេត្តតាកែវនៅវគ្គផ្តាច់ព្រ័ត្រនៅ រាជធានីភ្នំពេញនាពេលខាងមុខឆាប់ៗនេះ។ លោកបន្តថា ក្រុមបាល់ទាត់ City Bird (A) អាចគ្រងជើង​ឯកប្រចាំមណ្ឌលតាកែវបាន ដោយសាតែគ្រាប់បាល់នាំសំណាងមួយគ្រាប់នៅនាទីដំបូងនៃការប្រកួតវគ្គទី២ដែលទាត់បញ្ចូលទីដោយអ្នកចាំទី កែន ប៊ុន ស័ក្ក តាមស្មើមួយទល់នឹងមួយធ្វើឲ្យមិត្តរួមក្រុមបានកម្លាំងចិត្តបន្តរកបានពីរគ្រាប់បន្ថែមទៀតរហូតដល់បញ្ចប់ការប្រកួត។ សូមជម្រាប់ថា មណ្ឌលខេត្តតាកែវនេះ ក្រុមជើងឯកទទួលបានថវិកាលើកទឹកចិត្ត១៥០០ដុល្លារ ក្រុមជើងឯករងទទួលបានថវិកាលើកទឹកចិត្ត១០០០ដុល្លារ ក្រុមចំណាត់លេខ៣ទទួលបានថវិកាលើកទឹកចិត្ត៥០០ដុល្លារ និងក្រុមលេខ៤ទទួលបានថវិកាលើកទឹកចិត្តចំនួន២០០ដុល្លារ។ ជាពិសេសនឹងបានទៅជួបផ្ទាល់ជាមួយតារាបាល់ទាត់ពិភពលោក គឺ លោក Rio Ferdinand នៅថ្ងៃទី២៩ ខែកុម្ភៈ នឹងថ្ងែទី១ ខែមិនា ឆ្នាំ២០២០ នៅរាជធានីភ្នំពេញ។ សូមបញ្ជាក់ថា មណ្ឌលខេត្តតាកែវ ដែលជាមណ្ឌលទី៧ចុងក្រោយ នៃការសម្រាំងក្រុមពីបណ្តាខេត្តនេះ មានក្រុមចូលរួមប្រកួតចំនួន៤៨ក្រុមមកពី៣ខេត្ត ដូចជា ស្វាយរៀង ព្រៃវែង និងតាកែវម្ចាស់ផ្ទះ។ សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH.
ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។
ពិសាដោយការទទួលខុសត្រូវ៕

ខេត្តតាកែវ៖ ព្រឹត្តិការណ៍បាលទាត់ Tiger Street Football 2020 មណ្ឌលតាកែវ មណ្ឌលទី៧ នៃមណ្ឌលចុងក្រោយការជម្រុះមណ្ឌលតាមបណ្តាខេត្ត នៅព្រឹកថ្ងៃទី២៣ ខែកុម្ភៈនេះ គឺបានសម្រាំងរកឃើញ៨ក្រុមខ្លាំង ដែលប្រកួតប្រជែងបន្តដើម្បីដណ្តើមកៅអីឆ្ពោះទៅកាន់វគ្គផ្តាច់ព្រ័ត្រគ្រងតំណែងជើងឯកប្រចាំមណ្ឌល នឹងឈ្នះកៅអីឡើងមកប្រកួតវគ្គផ្តាច់ព្រ័ត្រនៅរាជធានីភ្នំពេញជាមួយបណ្តាខេត្តផ្សេងៗដែលធ្វើការប្រកួតជម្រុះកន្លងមក។

៨ក្រុមដែលបន្តឈ្នះនៅព្រឹកនេះ មានក្រុម SK.Club ក្រុម City Bird (A) ក្រុមបងប្អូនអ្នកលឿង ក្រុម SC Club ក្រុមឥន្រ្ទីគីរីវង់ ក្រុមសាលាករុកោសល្យនងរក្រតការខេត្តតាកែវ (ក្រុមB) ក្រុមស្នងការដ្ឋាននគរបាលខេត្ត C  និងក្រុម City Bir (B)។ ហើយក្រុមខ្លាំងទាំង៨នេះ នឹងជួបគ្នាប្រកួតនៅរសៀលនេះ ដោយក្រុម SK.Club ប្រកួតជាមួយ ក្រុម City Bird (A) ក្រុមបងប្អូនអ្នកលឿង ប្រកួតជាមួយក្រុម SC Club ក្រុមឥន្រ្ទីគីរីវង់ ប្រកួតជាមួយ ក្រុមសាលាករុកោសល្យនងវិក្រិតការខេត្តកែវ (ក្រុមB)​ និងក្រុមស្នងការដ្ឋាននគរបាលខេត្ត C  ប្រកួតជាមួយ ក្រុម City Bir (B)។
សូមបញ្ជាក់ថា ៨ក្រុមនេះ គឺមានតែ៤ក្រុមដែលឆ្លងផុតវគ្គពាក់កណ្តាលផ្តាច់ព្រ័ត្រប៉ុណ្ណោះ ដែលទទួលបានថវិកាលើកទឹកចិត្ត ដោយក្រុមជើងឯកទទួលបានថវិកាលើកទឹកចិត្ត១៥០០ដុល្លារ ក្រុមជើងឯករងទទួលបានថវិកាលើកទឹកចិត្ត១០០០ដុល្លារ ក្រុមចំណាត់លេខ៣ទទួលបានថវិកាលើកទឹកចិត្ត៥០០ដុល្លារ និងក្រុមលេខ៤ទទួលបានថវិកាលើកទឹកចិត្តចំនួន២០០ដុល្លារ។ សម្រាប់មណ្ឌលតាកែវ ដែលជាមណ្ឌលទី៧នេះ គឺសម្រាំងជ្រើសរើសយកតែ៥ក្រុមប៉ុណ្ណោះឡើងទៅប្រកួតវគ្គផ្តាច់ព្រ័ត្រ នៅរាជធានីភ្នំពេញនៅថ្ងៃទី២៩ ខែកុម្ភៈ ដល់ថ្ងៃទី១ ខែមិនា ឆ្នាំ២០២០។ សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH. ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។

ពិសាដោយការទទួលខុសត្រូវ៕

ខេត្តតាកែវ៖ ព្រឹត្តិការណ៍បាល់ទាត់ Tiger Street Football 2020 មណ្ឌលខេត្តតាកែវ ដែលជាមណ្ឌលទី៧នៃការប្រកួតជម្រុះចុងក្រោយនៃមណ្ឌលតាមបណ្តាលខេត្តនៅក្នុងឆ្នាំ២០២០នេះ គឺទាក់ទាញបានក្រុមចូលរួមប្រកួតប្រជែងរហូតដល់ទៅ៤៨ក្រុម កើនឡើងជាងឆ្នាំ២០១៩ចំនួន១៦ក្រុម ខណៈពេលវេលាប្រកួតក៏ត្រូវបន្ថែមរហូតដល់ទៅ២ថ្ងៃ។

នេះបើយោងតាមការបញ្ជាក់ពី លោក ទុយ វិច្ឆិកា ប្រធានគណៈកម្មាការបច្ចេកទេសនៃព្រឹត្តិការណ៍បាល់ទាត់ Tiger Street Football 2020 នាឱកាសប្រជុំបច្ចេកទេស និងចាប់គូសម្រាប់ការប្រកួតថ្ងៃស្អែកនៅសណ្ឋាគារ 7 day In ក្រុងតាកែវខេត្តតាកែវ នៅរសៀលថ្ងៃទី២១ ខែកុម្ភៈ ឆ្នាំ២០២០។

ប្រធានបច្ចេកទេសរូបនេះ បញ្ជាក់ទៀតថា សម្រាប់មណ្ឌលតាកែវនេះ មានខេត្តចូលរួមចំនួន៣ គឺខេត្តស្វាយរៀង ខេត្តព្រៃវែង និងខេត្តតាកែវម្ចាស់ផ្ទះ ដោយដំណើរការប្រកួតប្រជែងរយៈពេល២ថ្ងៃ ដើម្បីចម្រាញ់យកក្រុមខ្លាំងចំនួន៥ឡើងទៅប្រកួតវគ្គផ្តាច់ព្រ័ត្រនៅរាជធានីភ្នំពេញជាមួយមណ្ឌលផ្សេងៗដែលធ្វើការប្រកួតចម្រាញ់កន្លងមក។ លោកថា ៥ក្រុមដែលទទួលបានកៅអីទៅរាជធានីភ្នំពេញប្រចាំមណ្ឌលតាកែវដែលជាមណ្ឌលជម្រុះតាមខេត្តចុងក្រោយនេះ គឺក្រុមដែលឆ្លងផុតវគ្គពាក់កណ្តាលផ្តាច់ព្រ័ត្រ៤ក្រុមជាប់ជាស្ថាពរ ដោយឡែកមួយក្រុមទៀត នឹងធ្វើការចាប់ឆ្នោតជ្រើសរើសយក១ក្រុមពីក្រុមដែលចាញ់ក្នុងវគ្គ៨ក្រុមចុងក្រោយ។

តំណាងក្រុមហ៊ុនស្រាបៀរ Tiger (CBL) បានលើកឡើងថា ព្រឹត្តិការណ៍បាល់ទាត់ Tiger Street Football បង្កើតឡើងដើម្បីផ្តល់ឱកាសដល់កីឡាករកម្ពុជាទូទាំងប្រទេស ដែលនិយមនឹងស្រលាញ់គាំទ្របាល់ទាត់ឲ្យពួកគេមានឱកាសបញ្ចេញសមត្ថភាពនៅលើទីលានបាល់ទាត់ ដើម្បីឈានទៅសម្រេចក្តីស្រមៃក្លាយជាកីឡាករបាល់ទាត់ល្បីប្រចាំប្រទេសកម្ពុជា។ ព្រឹត្តិការណ៍បាល់ទាត់ដ៍អស្ចារ្យដែលរៀបចំដោយក្រុមហ៊ុនស្រាបៀរ Tiger (CBL)  មិនត្រឹមតែផ្តល់ឱកាសជូនកីឡាករកម្ពុជាក្នុងការសម្រេចបំណងក្លាយជាកីឡាករបាល់ទាត់នោះទេ ពោលវាជាព្រឹត្តិការណ៍មួយដែលបានចូលរួមជម្រុញដល់ការអភិវឌ្ឍវិស័យបាល់ទាត់នៅកម្ពុជាស្របតាមចក្ខុវិស័យ​ និងការអភិវឌ្ឍរបស់សហព័ន្ធបាល់ទាត់កម្ពុជា ដើម្បីវិស័យបាល់ទាត់នៅកម្ពុជារីកចំរើនដូចបណ្តាលប្រទេសនៅលើពិភពលោក។

សូមបញ្ជាក់ថា Tiger Street Football 2020 មណ្ឌលតាកែវ គឺជាមណ្ឌលទី៧ហើយ ក៏ជាមណ្ឌលចុងក្រោយនៃការប្រកួតជ្រើសរើសមណ្ឌលតាមបណ្តាលខេត្ត ចំពោះមណ្ឌលទី៧នេះ ​គឺសម្រាំងជ្រើសរើសយក៥ក្រុមឡើងមកប្រកួតវគ្គផ្តាច់ព្រ័ត្រនៅរាជធានីភ្នំពេញនៅថ្ងៃទី២៩ ខែកុម្ភៈ ដល់ថ្ងៃទី១ ខែមិនា ឆ្នាំ២០២០។ ក្រុមជើងឯកប្រចាំមណ្ឌលទទួលបានថវិកា១៥០០ដុល្លារ ក្រុមជាប់ជាជើងឯករងទទួលបានថវិកា១០០០ដុល្លារ ក្រុមចំណាត់លេខ៣ទទួលបានថវិកា៥០០ដុល្លារ ក្រុមចំណាត់ថ្នាក់លេខ៤ទទួលបានថវិកា២០០ដុល្លារ៕

ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។

ពិសាដោយការទទួលខុសត្រូវ៕