កាលពីពេលថ្មីៗនេះ ប្រទេសជាច្រើនបានបិទទំនាក់ទំនង និងជើងហោះហើរទាំងស្រុងជាមួយនឹងប្រទេសអ៊ឺរ៉ង់ ដោយសារតែចំនួនអ្នកស្លាប់ និងឆ្លងមេរោគវីរុស COVID-19 កើនឡើងច្រើនជាងគេបន្ទាប់ពីប្រទេសចិន និងកូរ៉េខាងត្បូង។
អ៊ឺរ៉ង់ អាចនឹងពិបាកខ្លាំងក្នុងការធ្វើដំណើរមកកម្ពុជា ដោយសារតែប្រទេសនៅទ្វីបអាស៊ីជាច្រើន បានបិទជើងហោះហើរជាមួយនឹងប្រទេសមួយនេះ និងដោយសារតែប្រទេសសម្បូរប្រេងមួយនេះ បានក្លាយជាមុខសញ្ញាចម្លងមេរោគវីរុស COVID-19 នៅមជ្ឈិមបូព៌ា ខណៈដែលកម្ពុជាមិនទាន់មានជើងហោះហើរត្រង់ទៅ-មកជាមួយប្រទេសអ៊ឺរ៉ង់នៅឡើយ។ មូលហេតុនេះ ដែលរួមបញ្ចូលទាំងសុវត្ថិភាពរបស់ក្រុមកីឡាករកម្ពុជាផងដែរនោះ បានធ្វើឱ្យសហព័ន្ធកីឡាបាល់ទាត់ទ្វីបអាស៊ី AFC កំពុងពិភាក្សាគ្នាជុំវិញការលើកការប្រកួតនេះ។
គួរបញ្ជាក់ផងដែថា ការប្រកួតវគ្គជម្រុះពានរង្វាន់ FIFA WORLD CUP 2020 រវាងកម្ពុជា និងអ៊ឺរ៉ង់ ដែលគ្រោងនឹងត្រូវប្រកួតនៅលើទឹកដីកម្ពុជា នៅថ្ងៃទី31 ខែមីនា ឆ្នាំ2020 ខាងមុខនេះ ដោយប្រើប្រាស់ពហុកីឡដ្ឋានជាតិអូឡាំពិក៕
Author: ធឿន មករា
ការប្រកួតរវាងកម្ពុជា និងអ៊ឺរ៉ង់ អាចនឹងត្រូវពន្យារពេល
លោក Park Hang Seo ដាក់ខ្លួនឯងនៅដាច់ដោយឡែកពីគេ ដើម្បីការពារជម្រើសជាតិវៀតណាម
កាលពីពេលកន្លងទៅនេះ លោក Park Hang Seo គ្រូបង្វឹកជម្រើសជាតិវៀតណាម រួមទាំងភរិយាផងដែរនោះ បានធ្វើដំណើរវិស្សមកាលដែលផ្តល់ដោយសហព័ន្ធបាល់ទាត់វៀតណាម ស្របពេលដែលគ្មានភារកិច្ចជាមួយជម្រើសជាតិ។
ទោះបីជារូបលោកវិលត្រឡប់មកវិញតាំងពីសប្តាហ៍កន្លងទៅ មុនការផ្ទុះរាលដាលយ៉ាងធ្ងន់ធ្ងរនៃមេរោគវីរុស COVID-19 នៅក្នុងកូរ៉េខាងត្បូងក៏ដោយ តែលោក និងក្រុមគ្រួសារបានសម្រេចចិត្តនៅដាច់ដោយឡែកពីគេមួយរយៈសិន ដើម្បីធ្វើរោគវិនិច្ឆ័យរក COVID-19។គួរបញ្ជាក់ផងដែរថា ជម្រើសជាតិវៀតណាម នឹងត្រូវត្រៀមខ្លួនធ្វើដំណើរទៅជួបម៉ាឡេស៊ី ក្រោយពីជើងទី1 បានឈ្នះ 1ទល់0 ក្នុងដីខ្លួនឯងម្តងរួចហើយ នៃដំណើរជម្រុះជុំទី2 ឆ្ពោះទៅកាន់ព្រឹត្តិការណ៍ FIFA World Cup 2022 និង AFC Asian Cup 2023 ដែលការប្រកួតនឹងប្រព្រឹត្តទៅនៅចុងខែមីនានេះ៕
ថៃ ប្រកាសបិទការប្រកួតក្នុងលីកកំពូលខ្លួន រហូតដល់ខែមេសា
កាលពីព្រឹកមិញនេះ គណៈកម្មការរៀបចំការប្រកួតបាល់ទាត់ថៃ និងសហព័ន្ធកីឡាបាល់ទាត់របស់ថៃ បានប្រកាសជាផ្លូវការថា នឹងពន្យារពេលការប្រកួតលីកកំពូលទាំងអស់ ចាប់ពីថ្ងៃនេះតទៅ រហូតដល់ពាក់កណ្តាលខែមេសា ឆ្នាំ2020 ខាងមុខនេះ។ ការផ្អាកនេះអាចនឹងឈានដល់រយៈពេលយូរជាងនេះទៅទៀត ប្រសិនបើស្ថានភាព COVID-19 នៅក្នុងប្រទេសថៃ មិនទាន់មានភាពធូរស្រាល។
ចំពោះការផ្អាកនេះ គឺមាន ថៃលីក1 (Thai League 1) ថៃលីក2 (Thai League 2) ថៃលីក៣ (Thai League 3) និងថៃលីក4 (Thai League 4) បួករួមទាំងពានរង្វាន់ផ្លូវការនានាទាំងអស់ដែលសហព័ន្ធកីឡាបាល់ទាត់ថៃ រៀបចំក្នុងឆ្នាំ2020 នេះ។
គួរបញ្ជាក់ផងដែរថា ក្របខ័ណ្ឌលីកកំពូលរបស់ថៃ បានចាប់ផ្តើម និងដំណើរការបានចំនួន 4សប្តាហ៍មកហើយ ដោយក្រុម TRUE BANKOK UNITED កំពុងតែគ្រងតំណែងកំពូលតារាងបណ្តោះអាសន្ន៕
ហេតុអីទីផ្សារខុនដូនៅតែមានសក្តានុពល និងនៅមានឱកាសជួញដូរ?
ថ្មីៗនេះក្នុងការដាក់ឱ្យដំណើរការសាងសង់គម្រោងខុនដូ Urban Village ដំណាក់កាលទី2 បានបង្ហាញឱ្យដឹងថា ភាពជោគជ័យនៃ Urban Village ដំណាក់កាលទី1 បានឆ្លុះបញ្ចាំងពីទំនុកចិត្តរបស់អតិថិជនលើគុណភាព សុវត្ថិភាព និងការរចនាដ៏ល្អ ហើយវាបញ្ជាក់ពីកិច្ចខិតខំប្រឹងប្រែងពីក្រុមហ៊ុនអភិវឌ្ឍន៍។ស្របពេលដែល មន្ដ្រីជំនាញ ក៏បានជំរុញឱ្យក្រុមហ៊ុនអភិវឌ្ឍន៍អចលនទ្រព្យ និងសំណង់ផ្ដោតជាសំខាន់លើការគ្រប់គ្រងលើសុវត្ថិភាព និងហានិភ័យរបស់អគារ ដើម្បីទទួលបានទំនុកចិត្តពីអ្នកទិញ និងក្រុមវិនិយោគិន។
លោកBen Li ប្រធានក្រុមប្រឹក្សាភិបាលក្រុមហ៊ុន អឺប៊ែនហាប់ ខេមបូឌា Urban Hub (Cambodia)បានបញ្ជាក់ប្រាប់ឡារ៉ែនថា៖“ការបើកការដ្ឋានសាងសង់គម្រោងខុនដូ Urban Village Phase II នេះ ត្រូវបានបង្កើតឡើងដើម្បីឆ្លើយតបទៅ នឹងតម្រូវការនៃការរស់នៅ របស់សហគមន៍បែបទំនើបនីយកម្ម។ គម្រោងនេះជាប្រភេទខុនដូប្រកបដោយផាសុកភាព និងភាពកក់ក្ដៅ ជាកន្លែងធ្វើការដែលមានលក្ខណៈងាយស្រួល និងភាពច្នៃប្រឌិតខ្ពស់ ជាកន្លែងកម្សាន្ត ដែលអាចផ្សារភ្ជាប់ក្ដីស្រឡាញ់ ជាមួយគ្នាជារៀងរាល់ថ្ងៃ”។
លោក ប៊ែន លី បានឱ្យដឹងដែរថា ចាប់តាំងពីក្រុមហ៊ុនភាគច្រើនប្រកាន់ខ្ជាប់លើសុវត្ថិភាព ការរចនាល្អប្រសើរ និងស្ថាបត្យកម្មចម្រុះគឺជាកត្តាដ៏សំខាន់ក្នុងការទទួលបានទំនុកចិត្តជាសាធារណៈធ្វើឱ្យទទួលបានជោគជ័យនៃគម្រោងដំណាក់កាលទី1របស់លោក។
លោកបញ្ជាក់ថា៖ “យើងបានលក់អស់សម្រាប់ដំណាក់កាលទី1 ដោយសារពួកគេទុកចិត្តលើគម្រោងរបស់យើង។ យើងទទួលបានជោគជ័យយ៉ាងខ្លាំង នៅក្នុងគម្រោងដំណាក់កាលទី 1 ដោយសារតែយើងអាចមើលឃើញម្ចាស់គម្រោងទាំងអស់បានកើនឡើងជិតពី 20 ទៅ 40%ភាគរយ នៅពេលនេះពឹងផ្អែកលើមធ្យោបាយដែលពួកគេកំពុងទិញ ហើយ 70% នៃអ្នកទិញរបស់យើងគឺជាប្រជាជនក្នុងស្រុក ហើយខុនដូរបស់យើងគឺជាអតិថិជនចម្រុះ ខណៈពាក្យស្លោករបស់យើងគឺ “តម្លៃសមរម្យ”។
លោក ប៊ែន លី បានឱ្យដឹងថា គម្រោងដំណាក់ទី2 នឹងត្រូវសាងសង់លើផ្ទៃដីទំហំ 760,000 ម៉ែត្រការ៉េ មាន 51 ជាន់ និង 1700 យូនីត ហើយនឹងត្រូវការរយៈពេលនៃការសាងសង់ 3 ឆ្នាំ ដែលនឹងត្រូវប្រគល់ឱ្យអតិថិជននៅចុងឆ្នាំ 2022។ អតិថិជនដែលកំណត់ទិសដៅរបស់លោកគឺជាទីផ្សារជប៉ុន ទីក្រុងហុងកុង អឺរ៉ុប អាមេរិក និងសំខាន់ជាងនេះទៅទៀតគឺទីផ្សារក្នុងស្រុក។
ដូច្នេះទាំងនេះអាចជាអ្វី ដែលយើងគ្រប់គ្នាទាក់ទាញអារម្មណ៍ទៅលើភាពជាសក្តានុពល នៃទីផ្សារខុនដូ ដែលអាចនៅមានឱកាសជួញដូរ ដែរឬទេ? លោកសន សៀបអគ្គនាយកក្រុមហ៊ុនKEY Real Estate បានប្រាប់ឡារ៉ែនពាណិជ្ជថា៖“បើយើងមើល ទៅលើខុនដូវិញ ខុនដូដែលយើងឃើញមានការ-អភិវឌ្ឍកន្លងមកមាន3កម្រិត គឺលំដាប់ខ្ពស់ លំដាប់កណ្តាល និងលំដាប់ទាប។ លំដាប់ខ្ពស់ឥឡូវហ្នឹងពិបាកលក់ព្រោះទីផ្សារមិនសូវអ្នក ទិញ អ្នកមានប្រាក់ច្រើនមិនយកប្រាក់ទៅដាក់នៅខុនដូទៀតទេ លុះត្រាតែគាត់មានគោលបំណង ថាស្នាក់នៅតែម្តង ព្រោះខុនដូវាឡើងថ្លៃតិចណាស់។នេះសម្រាប់ខុនដូដែលមានកម្រិតខ្ពស់”។
លោកអគ្គនាយកបានមានប្រសាសន៍ថា៖“ចំណែកខុនដូកម្រិតមធ្យម និងកម្រិតទាប នៅមានទីផ្សារនៅឡើយ ហើយគេមិនសូវជាធ្វើខុនដូនៅក្នុងក្រុងទៀតទេ ហេតុអី? ពីព្រោះដីថ្លៃ ព្រោះការលក់មានកម្រិតទាប។ ដូច្នេះនៅក្នុងគម្រោង ដែលយើងបានសង្កេតមើលមាននៅខណ្ឌជាយៗក្រុង មានខណ្ឌទួលគោក សែនសុខ ជ្រោយចង្វារ និងខណ្ឌមានជ័យជាដើម ដែលជាទីតាំងអាចទទួលយកបាន និងមានទីផ្សារ”។
លោកសន សៀប លើកឧទាហរណ៍ថា៖“ដូចជាខុនដូ របស់អឺបែ៊ន វីឡា (Urban Village) ក្នុងខណ្ឌមានជ័យ វាមានលក្ខណៈពិសេស។ខ្ញុំឃើញ Urban Village គឺមានលក្ខណសម្បត្តិរបស់វា។ សម្រាប់គម្រោងទូទៅ យើងអាចនិយាយថា ខុនដូវាមិនសូវជាមានទីផ្សារល្អប៉ុន្មានទេ ដោយសារទីផ្សារនៅក្នុងស្រុកវាមានតិច ហើយកំណើននៅក្នុងទីផ្សារវាតិច ជាងអ្វីដែលគេផ្គត់ផ្គង់ទៅលើទីផ្សារ អុីចឹងហើយវាធ្វើឱ្យការលក់ខុនដូពឹងផ្អែកលើទីផ្សារខាងក្រៅហើយ Urban Villageលក្ខណៈពិសេសរបស់គម្រោង។ គាត់ធ្វើសម្រាប់ទីផ្សារអន្តរជាតិ ហើយក៏មិនមែនសម្រាប់តែទីផ្សារស្រុកចិនតែមួយទេ គឺសម្រាប់ហុងកុង ជប៉ុន កូរ៉េ អូស្ត្រាលី និងអឺរ៉ុបជាដើម រួមទាំងអ្នកក្នុងស្រុកផង។ ដូច្នេះមានគេទិញគម្រោងនេះច្រើន”។
លោកបានបញ្ជាក់ទៀតថា Urban Village នៅមានលក្ខណៈពិសេស3ទៀតជាសំខាន់៖ ទី1-មានការរៀបចំទីធ្លាល្អ ទី2-គុណភាពសំណង់ល្អគាត់គ្រប់គ្រងថ្លៃដើមបានល្អ បើគ្រប់គ្រងមិនបានល្អក៏មិនទទួលបានប្រសិទ្ធភាពដែរ។ ទី3-គឺតម្លៃរបស់គាត់ គឺតម្លៃក្រោម និងតម្លៃកណ្តាល។ នេះហើយទើបធ្វើឱ្យគម្រោង Urban Village ក្នុងការលក់របស់គាត់មាន ក្នុងជោគជ័យកម្រិតខ្ពស់។
លោកសន សៀបបានបញ្ជាក់ដែរថាថា៖ “ដូច្នេះ ក្នុង3លក្ខខណ្ឌនេះដែលគាត់ទទួលជោគជ័យចំពោះគម្រោងគាត់ជាក់លាក់មួយ ដោយយើងមិននិយាយទីផ្សារទាំងមូលទេ។ ដូច្នេះខ្ញុំគិតថាទីផ្សារខុនដូនៅមានសក្តានុពលខ្លះ នៅមានឱកាសតែឱកាសនោះគឺទាមទារ ឱ្យអ្នកវិនិយោគនោះជាអ្នកវិនិយោគអាជីព។ អ្នកសាងសង់អាជីព ដែលមិនមែនឃើញគេសាងសង់ខុនដូ ក៏ធ្វើតាមគេដែរនោះ គឺមិនអ៊ីចឹងទេ”។
លោក Ben Li ក៏បានបញ្ជាក់ថា៖“ប្រទេសកម្ពុជាស្ថិតក្នុងចំណោមទិសដៅដ៏សំខាន់សម្រាប់ការសាងសង់អចលនទ្រព្យ និងការសាងសង់ក្នុងតំបន់ដោយពឹងផ្អែកលើកំណើនសេដ្ឋកិច្ច និងការកើនឡើងប្រាក់ចំណូលរបស់ប្រជាជនស្ថិរភាពនយោបាយ និងបទប្បញ្ញត្តិត្រឹមត្រូវ ដើម្បីគ្រប់គ្រងវិស័យនេះ។ ក្នុងរយៈពេល 2-3 ឆ្នាំមុន ទាំងវិនិយោគិនក្នុងស្រុក និងបរទេសនៅក្នុងវិស័យសំណង់កំពុងរីកចម្រើនគួរឱ្យកត់សម្គាល់ ហើយលោកសង្ឃឹមថា វានឹងបន្តកំណើននៅឆ្នាំនេះ។
លោកលើកឡើងថា ការវិនិយោគលើវិស័យសំណង់ និងអចលនទ្រព្យក្នុងរយៈពេល 10 ឆ្នាំចុងក្រោយនេះ បានបង្ហាញពីការរីកចម្រើន ហើយនេះគ្រាន់តែជាការចាប់ផ្ដើមប៉ុណ្ណោះ។ ក្រុមហ៊ុនទេសចរណ៍ និងសកម្មភាពពាណិជ្ជកម្ម គឺជាកត្តាដ៏សំខាន់ក្នុងការគាំទ្រដល់ការសាងសង់ ដោយសារតែតម្រូវការបន្តកើនឡើង ដូច្នេះនេះផ្ដល់ឱកាសកាន់តែច្រើនសម្រាប់ក្រុមហ៊ុនអភិវឌ្ឍន៍អចលនទ្រព្យក្នុងការទទួលបានឱកាសកាន់តែច្រើនក្នុងការរកប្រាក់-ចំណេញ៕
ម្តាយរបស់ Ronaldo គាំងបេះដូង ត្រូវគេបញ្ជូនទៅមន្ទីរពេទ្យជាបន្ទាន់
អ្នកស្រី Dolores Aveiro ដែលជាម្តាយបង្កើតរបស់កីឡាករបាល់ទាត់ដ៏ល្បី Christiano Ronaldo ត្រូវបានគេរាយការណ៍ថា ត្រូវបានគេបញ្ជូនទៅកាន់មន្ទីរពេទ្យ Madeira ក្នុងប្រទេសព័រទុយហ្គាល់ ភ្លាមៗ បន្ទាប់ពីអ្នកស្រីមានអាការគាំងបេះដូងទាន់ហន់។
ក្រោយពីទៅដល់មន្ទីរពេទ្យ អ្នកស្រីត្រូវបានវេជ្ជបណ្ឌិតបន្ធូរស្ថានការណ៍មករកភាពប្រក្រតីវិញបានទាន់ពេលវេលា ដោយសារតែការប្រញាប់បញ្ជូនមកមន្ទីរពេទ្យបានលឿនហ្នឹងឯង។
គួរបញ្ជាក់ផងដែរថា អ្នកស្រី Dolores Aveiro ត្រូវបានលោកវេជ្ជបណ្ឌិតប្រាប់ថា ត្រូវទទួលការមើលថែទាំឱ្យបានដិតដល់បន្តិច ព្រោះអីអ្នកស្រីមានសភាពទន់ខ្សោយខាងផ្នែកបេះដូង និងរាងកាយខ្លាំង ដោយសារតែអ្នកស្រីធ្លាប់ឆ្លងកាត់ការវះកាត់ជំងឺមហារីកសុដន់ ដែលធ្វើឱ្យអ្នកស្រីមិនមានសុខភាពដូចមនុស្សធម្មតា៕
កីឡាករ Juventus រួមទាំង Ronaldo ផង ត្រូវគ្រូពេទ្យយកទៅធ្វើតេស្តរកមេរោគវីរុសកូរ៉ូណា
កាលពីម្សិលមិញនេះ ក្លិបបាល់ទាត់Juventus បានបញ្ចូនសមាជិករបស់ខ្លួនជាច្រើន ទៅធ្វើតេស្តពិនិត្យរកមេរោគវីរុសកូរ៉ូណាប្រភេទថ្មី ដែលក្នុងនោះក៏មានកីឡាករជម្រើសជាតិព័រទុយហ្គាល់ព័រទុយហ្គាល់ Christiano Ronaldo ម្នាក់ដែរ។
សូមរំឭកថា សមាជិកក្រុម U23 របស់ Juventus ទាំងអស់ដែលបានលេងជាមួយក្រុម Pianese កាលពីពេលកន្លងទៅ ពេលនេះពួកគេត្រូវបានតម្រូវឱ្យសម្រាកនៅក្នុងផ្ទះ មិនឱ្យចាកចេញទៅណាឡើយ។ រហូតដល់សប្តាហ៍ក្រោយ ប្រសិនបើមិនមានអ្វីកើតឡើង ឬគ្មានបង្ហាញអាការរោគអ្វី ទើបអាចឱ្យចាកចេញទៅណាមកណាបាន។ហើយរហូតមកដល់ពេលនេះ គ្មានកីឡាករណាម្នាក់ក្នុងក្រុម Juventus ត្រូវបានរកឃើញថា មានរោគសញ្ញានៃវីរុស Covid-19 នោះទេ ប៉ុន្តែការហាមឃាត់នេះ នឹងត្រូវបន្តធ្វើ រហូតដល់មានការជូនដំណឹងជាថ្មី៕
ជំរុញដល់កសិករកម្ពុជា បង្កើនការដាំដំណាំសុវត្ថិភាព បំពេញទីផ្សារក្នុងស្រុក
ពីពាក់កណ្តាល ខែកុម្ភៈ ឆ្នាំ2020 កន្លងទៅ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានជំរុញដល់កសិករកម្ពុជា បង្កើនការផលិតបន្លែ គ្មានជាតិគីមី ដើម្បីផ្គត់ផ្គង់តម្រូវការក្នុងស្រុក កាត់បន្ថយការបន្លែគីមីនាំចូលពីបរទេស និងដើម្បីបម្រើដល់ភ្ញៀវទេសចរដែលមកស្នាក់នៅ និងកម្សាន្តនៅកម្ពុជា។
ការថ្លែងសុន្ទរកថា របស់សម្តេចតេជោ ហ៊ុន សែន យ៉ាងដូច្នេះ ធ្វើឡើងដើម្បីក្រើនរំឭកដល់ក្រសួងកសិកម្មក្នុងការពង្រឹងសមត្ថភាពកសិករបង្កើនការដាំដុះដំណាំ និងចិញ្ចឹមបសុសត្វផ្សេងៗគ្នា ដើម្បី ឆ្លើយតបនឹងតម្រូវការក្នុងស្រុក និងកាត់បន្ថយការនាំចូល“យើងត្រូវតែលើកទឹកចិត្ត ប្រជាជនរបស់យើងឱ្យដាំដុះដំណាំ ដោយមិនប្រើសារធាតុគីមីនិងកាត់បន្ថយការនាំចូលពីក្រៅប្រទេស ដែលខ្លះមានផ្ទុកជាតិគីមី”។
សម្តេចតេជោ ហ៊ុន សែន បានមានប្រសាសន៍ថា៖ “ត្រូវបំផុសឱ្យប្រជាពលរដ្ឋរបស់យើង ដាំដុះនូវបន្លែបង្ការដែលគ្មានប្រើប្រាស់សារធាតុគីមី ហើយកាត់បន្ថយការនាំចូល ពីប្រទេសក្រៅដែលមានការប្រើប្រាស់ជាតិគីមី ជាវិធានការដែលយើងត្រូវប្រកាន់យក ជំរុញការដាំដុះក្នុងស្រុក ហើយជំរុញចូលទីផ្សារ ដែលទីផ្សាររបស់យើងមិនសំដៅតែនាំចេញទៅក្រៅទេ សព្វថ្ងៃនេះទេសចររបស់យើងប្រើប្រាស់ទំនិញមកពីខាងក្រៅ រាប់ទាំងបន្លែបង្ការ។ យើងត្រូវពង្រឹងសមត្ថភាពដាំដុះរបស់កសិករយើង ទាំងការចិញ្ចឹមសត្វ ចិញ្ចឹមត្រី ដើម្បីផ្គត់ផ្គង់តាមសណ្ឋាគារ ដែលនេះជាផ្នែកមួយនៃការនាំចេញនៅនឹងកន្លែង ដោយមិនចំណុះទៅលើទីផ្សារខាងក្រៅទេ”។
ពាក់ព័ន្ធវិស័យកសិកម្មបម្រើដល់វិស័យទេសចរណ៍ សម្តេចតេជោ ហ៊ុន សែន បានថ្លែងថា កម្ពុជាទទួលបានតែសំបកទេសចរណ៍ ដោយសារតែផលិតផលដែលសម្រាប់ផ្គត់ផ្គង់ជូនភ្ញៀវទេសចរ កម្ពុជាត្រូវនាំចូលពីបរទេស ដូច្នេះធ្វើឱ្យកម្ពុជាខាតបង់តម្លៃយ៉ាងច្រើន។
ស្ពៃក្តោបរបស់កសិករខ្មែរដាក់លក់ក្នុងផ្សារទំនើប សូមជម្រាបថា អគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទបានបញ្ជាក់ថា ជារៀងរាល់ថ្ងៃនេះ កម្ពុជាមានតម្រូវការបន្ថែមចំនួនប្រមាណ 573តោន ក្នុង1ថ្ងៃ ដែលចំនួននេះ កសិករកម្ពុជាអាចផលិតបានប្រមាណ 400តោន និងសល់ពីនេះនាំចូល 170តោន ពីប្រទេសវៀតណាម ថៃ និងចិន។
កាលពីឆ្នាំមុនប្រទេស កម្ពុជា បានប្រើប្រាស់បន្លែ 500តោន ក្នុង 1 ថ្ងៃ ដែលចំណាយប្រចាំថ្ងៃនៅចន្លោះពី 200 ,000ដុល្លារ ទៅ 300,000 ដុល្លារ។ កម្ពុជាក៏ត្រូវបានប៉ាន់ប្រមាណថា បាននាំចូលផ្លែឈើ និងបន្លែមានតម្លៃជាង 300 លានដុល្លារ ក្នុង1 ឆ្នាំផងដែរ ក្នុងអំឡុង2-3ឆ្នាំមុន។
ថ្មីៗនេះក្រសួងកសិកម្ម បានដាក់ឱ្យដំណើរការសាកល្បង “ផ្សារកសិកម្មកម្ពុជា” ជាកម្មវិធីចល័តមួយដែលតភ្ជាប់កសិករ ជាមួយអ្នកទិញដ៏មានសក្ដានុពល និងផ្ដល់ឱ្យពួកគេនូវលទ្ធភាពទទួលបានព័ត៌មានទីផ្សារកសិកម្មសំខាន់។
អ្នកស្រី តុងចាន់ធាង នាយិកាប្រតិបត្តិនៃអង្គការសេដាក បានមានប្រសាសន៍ថា“ក្នុងនាមអង្គការ ដែលធ្វើការនៅក្នុងវិស័យអភិវឌ្ឍន៍កសិកម្មនេះ គឺយើងសាទរវិធានការកាត់បន្ថយការនាំចូលអាហារ បន្លែដែលផ្ទុកសារធាតុគីមី។ ចំពោះវិធានការរបស់រាជរដ្ឋាភិបាលនេះ បើត្រូវបានអនុវត្តតាមអ្វីដូចសម្តេចលើកឡើងមែន ហើយខ្ញុំជឿជាក់ថា ប្រជាកសិករក្នុងស្រុកយើង ក៏ដូចជាអ្នកបរិភោគនៅក្នុងប្រទេសយើងក៏សាទរដូចគ្នា”។
បើតាមអ្នកស្រី តុង ចាន់ធាង បានឱ្យដឹងថាមកដល់បច្ចុប្បន្ននេះនិន្នការដាំដុះបន្លែ និងការចិញ្ចឹមសត្វរបស់ប្រជាពលរដ្ឋក្នុងស្រុក មានការរីកចម្រើនគួរឱ្យកត់សម្គាល់ ពិសេសបន្ទាប់ពីមានគម្រោងគាំទ្រពីក្រសួងកសិកម្ម, គម្រោងពីដៃគូអភិវឌ្ឍន៍ និងពីបណ្តាអង្គការសង្គមស៊ីវិលនានា។
ក៏ប៉ុន្តែបញ្ហាក្នុងវិស័យកសិកម្មនៅតែកើតមាន ជាក់ស្តែងលោក ស៊ឿន សាំងទី ព្រមលក់ប៉េងប៉ោះរបស់ខ្លួនក្នុងតម្លៃ 300រៀលក្នុង1គីឡូក្រាមប៉ុន្តែតម្លៃនេះនៅតែគ្មានអ្នកបញ្ជាទិញទៀត រហូតដល់ប៉េងប៉ោះទាំងនោះ ត្រូវបានទុំរលួយចោលពេញចម្ការអស់ប្រមាណ 2តោន។
ផ្លែប៉េងប៉ោះទើបប្រមូលផលបាន ចម្ការប៉េងប៉ោះ របស់លោក សឿន សាំងទី ស្ថិតនៅក្នុងឃុំស្រង់ ស្រុកគងពិសី ខេត្តកំពង់ស្ពឺ បច្ចុប្បន្នអាចផ្គត់ផ្គង់ប៉េងប៉ោះឱ្យទីផ្សារបានពី 300 ទៅ 400គីឡូក្រាម ក្នុង1ថ្ងៃ ជាមួយតម្លៃចន្លោះពី300-500រៀល។ ថ្វីបើតម្លៃប៉េងប៉ោះនេះ ថោកជាងសព្វដងដែលមានតម្លៃពី700ទៅ1000រៀលក្នុង1គីឡូក្រាមក្តី ប៉ុន្តែនៅតែគ្មានឈ្មួញចុះមកទិញ។
ស្រដៀងគ្នានេះដែរ កសិករនៅខេត្តបាត់ដំបង ក៏បានត្អូញត្អែរពីចម្ការស្ពៃក្ដោបប្រមាណ 50តោន ដែលទទួលបានទិន្នផលដល់ពេលល្មមលក់ចេញ ប៉ុន្តែបែរជាគ្មានទីផ្សារលក់ទៅវិញ។ សូម្បីលក់ក្នុងតម្លៃដើមតែ 300-500 រៀល ក្នុង1គីឡូក្រាម ប៉ុន្តែនៅតែគ្មានទីផ្សារចេញដដែល។
លោកវ៉ាន់ អៀនប្រធានសហគមន៍ត្រសក់ផ្អែម សៀមរាបមានជ័យបានប្រាប់ឡារ៉ែនថា៖“មិនដឹងជាគាត់ស្ថិតក្នុងសហគមន៍ណាមួយ ឬគាត់ដាំជាបុគ្គល ហើយដំណាំនោះជាដំណាំសុវត្ថិភាព ឬទេ? ព្រោះថាបើជាសហគមន៍មិនភ័យរឿងទីផ្សារទេ ហើយដំណាំគឺពិតជាដំណាំសុវត្ថិភាព។ ខ្ញុំនឹងទាក់ទងជួយ តែខ្ញុំគិតថាអាចមានសហគមន៍ជិតក្បែរគាត់ជួយហើយ”។
សម្រាប់កសិករនៅខេត្តបាត់ដំបងត្រូវបានក្រុមហ៊ុន Natural Agriculture Village ជួយរកទីផ្សារឱ្យហើយ ដោយបានបញ្ជាក់ពីស្តង់ដាបន្លែសុវត្ថិភាពអនុវត្តកសិកម្មល្អរបស់ព្រះរាជាណាចក្រកម្ពុជាយើង មានការបញ្ជាក់គុណភាព (Certified) និង QR Code អាចស្គាល់ដល់អ្នកដាំនិងទីកន្លែងបានភ្លាមៗ (Logo មួយមានសុពលភាពតែ៧ថ្ងៃទេ)។ នេះបើតាមការផ្សព្វផ្សាយលើហ្វេសប៊ុករបស់ក្រុមហ៊ុន។
តាមរយៈក្រុមហ៊ុនបន្លែធម្មជាតិ Natural Agriculture Village បានប្រើប្រាស់ QR កូដលើផលិតផលដែលធ្វើឱ្យអតិថិជនអាចដឹងពីប្រភពផលិតផល ដើម្បីធានាសុវត្ថិភាពស្របនឹងគោលការណ៍រាជរដ្ឋាភិបាលក្នុងការផ្ដល់សុវត្ថិភាពស្បៀងអាហារដល់អតិថិជន។
កសិករដាំស្ពៃក្តោបរកទីផ្សារបានហើយ លោកស្រីមានប្រសាសន៍ថា៖ “អតិថិជនអាចកំណត់ប្រភពដើមនៃបន្លែ និងអ្នកដាំដុះ។ វានឹងបង្ហាញថា តើវាមានសុវត្ថិភាព ឬមិនមានសុវត្ថិភាព នៅពេលអតិថិជនស្កែន QR កូដអតិថិជនអាចទិញបន្លែសុវត្ថិភាពនៅតាមស្ដង់នៅក្នុងផ្សារ អុីអន ខណ្ឌសែនសុខ ដោយក្រុមហ៊ុនរបស់ខ្ញុំ បានផ្គត់ផ្គង់បន្លែជាមធ្យមចន្លោះពី 300 ទៅ400 តោនក្នុង1 ថ្ងៃលើទីផ្សារ”។
លោកស្រី ប៊ុន សៀង ប្រធានក្រុមហ៊ុន Natural Agriculture Village បានឱ្យដឹងថានៅពេលថ្មីៗនេះនាយកដ្ឋានកសិកម្ម បានចេញវិញ្ញាបនបត្រដល់កសិករ 42នាក់នៅក្នុងខេត្តមួយចំនួនដែលរួមមានខេត្តកណ្ដាល បាត់ដំបង សៀមរាប ត្បូងឃ្មុំ កំពង់ឆ្នាំង ព្រៃវែង និងបន្ទាយមានជ័យ។ លោកស្រីបញ្ជាក់ថា៖ “ក្រុមហ៊ុននេះបានចុះកិច្ចព្រមព្រៀងជាមួយកសិករទាំងនោះដែលសន្យាថា នឹងទិញបន្លែពីពួកគេក្នុងតម្លៃប្រហែល2,000 រៀល ក្នុង 1គីឡូក្រាម”។
ក្រុមហ៊ុននេះបានឱ្យដឹងនៅក្នុងសេចក្ដីប្រកាសព័ត៌មានថា មានកសិករជាង400 នាក់បានចុះកិច្ចព្រមព្រៀងជាមួយ Green Gold ជាក្រុមហ៊ុនចែកចាយក្នុងស្រុកសម្រាប់ផ្គត់ផ្គង់ការអនុវត្តកសិកម្មល្អដល់ផ្សារឡាក់គី ផ្សារ Makro ផ្សារអុីអន និងទីផ្សារក្នុងស្រុកមួយចំនួនទៀតដែលរួមមានផ្សារធំថ្មី ផ្សារដើមគ ផ្សារដេប៉ូ និងផ្សារទួលទំពូង។
លោកស្រី ប៊ុន សៀង និងជាសមាជិករបស់ក្រុមហ៊ុន Green Gold បានបង្ហាញប្រាប់ដែរថា កសិករដែលផលិតបន្លែសុវត្ថិភាពតាមរយៈការអនុវត្តកសិកម្មល្អ នឹងមាន QR កូដនៅលើផលិតផលពួកគេ ដែលផ្ដល់ដោយក្រុមហ៊ុន របស់លោកស្រី និងនាយកដ្ឋានកសិកម្មនៃក្រសួងកសិកម្ម៕
ម៉ាស៊ីនត្រជាក់ សាមសុង Wind-FreeTM Premium សំណព្វចិត្តសម្រាប់លោកអ្នក មានលក់ជាផ្លូវការទូទាំងប្រទេសកម្ពុជាហើយ!!
(ភ្នំពេញ) ថ្ងៃទី០៤ ខែមីនា ឆ្នាំ២០២០៖ កាន់តែឡូយ កាន់តែឆ្លាតវៃ កាន់តែសន្សំសំចៃ និងកាន់តែទំនើប!ម៉ាស៊ីនត្រជាក់ សាមសុង Wind-FreeTM Premium ថ្មីស៊េរីចុងក្រោយបំផុតដែលផលិតផឡើងយ៉ាងល្អបំផុតជាមួយនឹងរូបរាងដ៏ទាក់ទាញ និងបំពាក់មកជាមួយនឹងបច្ចេកវិទ្យាដ៏ឆ្លាតវៃបំផុតដែលផ្តល់នូវភាពត្រជាក់ប្រកបដោយផាសុកភាពនៅពេលនេះបានម្ពោធដាក់លក់ជាផ្លូវការទូទាំងប្រទេសកម្ពុជាយើងហើយ!
ជាការពិតណាស់ម៉ាស៊ីនត្រជាក់ សាមសុង Wind-FreeTM Premium ស៊េរីថ្មីនេះពិតជាមានភាពវៃឆ្លាត និងទំនើបអស្ចារ្យជាទីបំផុត…ឆ្លាតរហូតដល់ថ្នាក់អាចធ្វើឱ្យអតិថិជនទាំងអស់លាន់មាត់ថាវាគឺពិតជាល្អលើសពីម៉ាស៊ីនត្រជាក់! ចង់ដឹងណាស់ថាតើវាអស្ចារ្យ និងឡូយប៉ុណ្ណានោះសូមមកមើលលក្ខណៈពិសេសខាងក្រោមនេះទាំងអស់គ្នា៖
* Wind-Free Cooling
ជាបច្ចេកវិទ្យាដែលផ្តល់នូវភាពត្រជាក់បែបធម្មជាតិលឿន និងអាចរក្សាភាពត្រជាក់ឱ្យមានស្ថេរភាព និងចេញមកយឺតៗធ្វើឱ្យត្រជាក់សព្វពាសពេញបន្ទប់គ្មានខ្យល់រំខានតាមរយៈរន្ធទាំង 23,000!* Wind-Free AI Auto Cooling
ផ្តល់នូវភាពត្រជាក់បានលឿនផ្តល់សំណើម និងមានផាសុកភាពជាទីបំផុត! មានន័យថាបន្ទប់, គេហដ្ឋាន ឬការិយាល័យរបស់លោកអ្នកចុះត្រជាក់បានលឿនជាមួយមុខងារ (Fast Cooling) ព្រមទាំងបច្ចេកវិទ្យា (Dehumidification) ដែលមានសមត្ថភាពអស្ចារ្យក្នុងការកំណត់សំណើមដ៏ល្អស័ក្តិសមបំផុត! ជាពិសេសពេលដែលសីតុណ្ហភាពចុះត្រជាក់ដល់កំណត់នោះវានឹងធ្វើការផ្លាស់ប្តូរទៅមុខងារ Wind-Free តាមអ្វីដែលលោកអ្នកចង់បាន! ពិតជាឡូយខ្លាំងណាស់!
* Digital Inverter Boost
ជាមួយនឹងបច្ចេកវិទ្យា Wind-Free Mode ជួយសន្សំសំចៃថាមពលរហូតដល់ 77%! តែប៉ុណ្ណេះលោកអ្នកនឹងអស់បារម្ភជាមួយនឹងការចំណាយច្រើនលើវិកយប័ត្រភ្លើងទៀតហើយ!* Motion Detector Sensor
បច្ចេកវិទ្យានេះវិញគឺធ្វើឱ្យអ្នកមានអារម្មណ៍ត្រជាក់ស្រួលខ្លួនកាន់តែមានប្រសិទ្ធភាពដោយស្វ័យប្រវត្តិយោងទៅតាមចលនារបស់អ្នកដោយធ្វើការបញ្ចេញខ្យល់ត្រជាក់មកប៉ះដោយផ្ទាល់ ឬដោយប្រយោលទៅតាមតម្រូវការនៃការចង់បានរបស់អ្នក! ដូច្នេះលោកអ្នកនឹងទទួលបានការសន្សំសំចៃកាន់តែខ្ពស់បន្ថែមទៀតដោយវាធ្វើការវិភាគ និងចាប់យកវត្តមានរបស់មនុស្សហើយវានឹងធ្វើការបិទ ឬបើកម៉ាស៊ីនដោយប្រវត្តិ! បែបនេះមិនបាច់បារម្ភរឿងភ្លេចបិទម៉ាស៊ីនត្រជាក់ទៀតទេ! ឡូយនោះ…ឡូយ!!* Tri-Care Filter
ជាបច្ចេកវិទ្យាដែលវៃឆ្លាត ក្នុងការចាប់យកនូវធូរលីដី មេរោគ បាក់តេរី សារធាតុអាឡែកហ្សី និងវីរុសផ្សេងៗបានរហូតដល់ 99%! ម៉េចដែរប៉ុណ្ណឹង? មានសាមសុង Wind-FreeTM Premium ដូចមានវិជ្ជបណ្ឌិតថែរក្សាសុខភាព សម្រាប់គ្រួសារលោកអ្នកចឹងដែរ!* Easy Filter Plus
មានក្រឡាញឹកដែលចាប់យកធូរលីដីបានយ៉ាងល្អបំផុតដោយរក្សាឱ្យ Evaporator ស្អាត និងងាយស្រួលក្នុងការដុសលាងសម្អាត!* Auto Clean
នេះគឺជាបច្ចេវិទ្យាដ៏អស្ចារ្យ និងវៃឆ្លាតបំផុតដែលមានមុខងារ Auto Clean 3 ដំណាក់កាលដោយស្វ័យប្រវត្តិក្នុងការលាងសម្អាតធ្វើឱ្យ Evaporator របស់ម៉ាស៊ីនត្រជាក់ស្អាត និងមានអនាម័យជានិច្ច! ឡូយខ្លាំងណាស់! បានសុខភាពល្អ និងចំណេញលើចំណេញតែម្តង!!យ៉ាងម៉េចដែរ? ជាមួយនឹងលក្ខណៈពិសេសៗខាងលើនេះគឺដល់ពេលដែលលោកអ្នកធ្វើការសម្រេចចិត្តផ្លាស់ប្តូរ ម៉ាស៊ីនត្រជាក់ដែលមានបញ្ហាដល់លោកអ្នកចេញហើយ! សម្រាប់ព័ត៌មានបន្ថែមសូមអញ្ជើញមកសាកសួរដោយផ្ទាល់តាមហាងលក់ និងចែកចាយផលិតផល សាមសុងដែលនៅជិតលោកអ្នកបំផុត ឬក៏លោកអ្នកក៏អាចទំនាក់ទំនងមកកាន់លេខ៖ 1800 203 232 !!
