Author: ធឿន មករា

12កន្លែងទេសចរណ៍នៅ India ថតរូបស្អាត ងាយស្រួលធ្វើដំណើរ និងចំណាយអស់តិច
អ្នកណានិយាយថា ធ្វើដំណើរកម្សាន្ដទៅប្រទេសឥណ្ឌា ជារឿងពិបាក មិនគួរឱ្យចាប់អារម្មណ៍នោះ? នៅពេលនេះ ឡារ៉ែន សូមឱ្យអ្នកត្រៀមខ្លួនរៀបចំវ៉ាលី កាបូបស្ពាយស្អាតៗរបស់អ្នក ហើយធ្វើដំណើរកម្សាន្ដ និងស្គាល់អំពីតំបន់ទេសចរណ៍ស្អាតៗនៅប្រទេសឥណ្ឌា ដែលជាប្រទេសនៃកំណើតសាសនា។ ជាមួយនឹងកន្លែងទេសចរណ៍ទាំង12តំបន់នៅប្រទេសឥណ្ឌា ងាយស្រួលទៅ និងថតរូបស្អាតៗ ស្ពាយកាបូបតូចៗ ចាយថវិកាអស់តិច ហើយរីករាយប្លែកនៅក្នុងអារម្មណ៍។ តើអ្នកត្រៀមខ្លួនហើយឬនៅ? ដឹងទេថា យើងនឹងទៅកាន់ទៅកន្លែងណាខ្លះ? តោះចេញដំណើរ!!
ជាបឋម ឡារ៉ែន សូមពន្យល់ជាមុនថា 12ទីតាំងនេះគឺពិតជាស្រស់ស្អាត ទីកន្លែងដែលនាំមកនូវភាពរីករាយ និងគួរឱ្យចាប់អារម្មណ៍បំផុត។ ជាទីតាំងស្ថាបត្យកម្មអស្ចារ្យបំផុតលំដាប់ពិភពលោក ហើយប្រហែលជាមានភ្ញៀវទេសចរខ្លះបានស្គាល់ហើយតាមរយៈរូបភាព។ របៀបរស់នៅរបស់ប្រជាជនហាក់បីដូចជាប្លែកភ្នែកបន្ដិច តែមើលទៅសប្បាយរីករាយណាស់។ តម្លៃទំនិញ និងវត្ថុអនុស្សាវរីយ៍ក៏សមល្មមទទួលយកបានសម្រាប់ភ្ញៀវទេសចរ។ តោះកុំឱ្យខាតពេលយូរ មកស្គាល់ពីទីតាំងដែលយើងនឹងទៅទាំងអស់គ្នា។
1. ព្រះបរមរាជវាំង Hawa mahalយើងនឹងចាប់ផ្តើមពីកន្លែងនេះដំបូងគេ គឺនៅមុខព្រះបរមរាជវាំង Hawa mahal មានខ្យល់ត្រជាក់ល្ហឹមៗ ហើយគយគន់ក្បូរក្បាច់រចនានៃវិមានអាកាសនេះ ជាវិមានដែលត្រូវបានបង្កើតឡើងវិញពីរូបរាងនៃមកុដរបស់ព្រះវិស្ណុ។ កាន់តែពិសេសទៀតនោះ ស្ថិតនៅកណ្តាលទីក្រុងJaipur យើងអាចអង្គុយទទួលទានកាហ្វេ និងអាហារប្លែកៗជាច្រើនមុខ ដែលចម្អិនដោយប្រជាជនឥណ្ឌានៅទីក្រុងនោះ និងអាចថតរូបចំពីមុខព្រះបរមរាជវាំងតែម្ដង។ ខ្ញុំចូលចិត្តនំរ៉ូទី..ហិហិ… !
2. រាជដំណាក់ ឬ City Palaceបន្ទាប់ពីថតរូបស្អាតនៅវិមានអាកាសហើយ យើងបន្ដដើរជាមួយគ្នាទៅកាន់រាជដំណាក់នៅកណ្ដាលរាជធានី ដែលគេច្រើនហៅថា City Palace។ យើងអាចនិយាយបានថា គ្រាន់តែឃើញជញ្ជាំងព័ទ្ធជុំវិញ ព្រះបរមរាជដំណាក់ យើងគិតថា អ្នកអាចថតរូបបាន10ប៉ុស្ដិ៍ប្លែកៗផ្សេងគ្នា។ លើសពីនេះទៅទៀតនៅទីនេះក៏មានលក្ខណៈប្លែកដាច់ពីគេផងដែរ។
3. ទ្វារ Patrika ទីតាំងទ្វារនេះ គឺស្ថិតនៅរង្វង់មូល Jawahar គ្មាននរណាម្នាក់ចង់រំលងទីតាំងថតរូបមួយនេះ នោះទេ។ គ្រាន់តែថតរូបនៅចន្លោះទ្វារ ក៏រូបភាពផ្ដិតចេញមកស្អាតដែរ ចុះទម្រាំងតែអ្នកថតរូបអាជីពទៀត តើស្អាតដល់កម្រិតណា? អាចនិយាយបានថា ប្លង់ហ៊្សូម គឺលំដាប់ជាប់ចិត្តតែម្ដង។
4. ហាង Café Palladioជឿជាក់ថា ដំណើរកម្សាន្ដ2-3កន្លែងមកនេះបានធ្វើឱ្យអ្នកមានអារម្មណ៍នឿយហត់អស់កម្លាំងបន្តិចហើយ អ៊ីចឹងគឺសមល្មមដល់ ពេលរកអីញ៉ាំបន្តិចហើយមែនទេ! ហាង Café Palladio ជាហាងកាហ្វេដែលមានឈ្មោះល្បីប្រចាំទីក្រុងតែម្ដង វាក៏មានបញ្ជីរាយមុខម្ហូបអាស៊ីសម្រាប់អ្នកជ្រើសរើស ឬបែបឥណ្ឌា និងបែបអ៊ីតាលីក៏មានជាច្រើនដែរ។ សម្រាប់អ្នកស្រឡាញ់សិល្បៈគំនូរ ទីនេះគឺស័ក្ដសមបំផុតសម្រាប់រូបអ្នក។
5. ស្ថាបត្យកម្ម Amer Fort កន្លែងបន្ទាប់ដែលយើងចង់ណែនាំគឺ ស្ថាបត្យកម្មប៉មប្រាសាទ Amer យើងអាចនិយាយបានថា ប្រសាទនេះពិតជាប្រាសាទដ៏អស្ចារ្យណាស់នៅក្នុងប្រទេសឥណ្ឌា។ នៅប៉មខាងមុខមានបឹងមួយឈ្មោះថា Maota អាចឱ្យភ្ញៀវទេសចរថតរូបឆ្លុះក្នុងទឹកបឹងដ៏ថ្លាឈ្វង់ដូចកញ្ចក់បានទៀតផង។ ហើយជាពិសេសប្រសិនបើអ្នកមានជំនឿចង់បានលាភសំណាង នោះគេនឹងធ្វើការព្រលែងសត្វព្រាបឱ្យហោះ ដើម្បីរំដោះកម្មពារផងដែរ។
6. Panna Meena Ka Kund Stepwellsវាគឺជាអាងស្តុកទឹកបុរាណមួយកន្លែង ដែលមានជណ្តើរជាច្រើនកាំចុះទៅស្រះទឹកខាងក្រោម។ ប្រសិនបើភ្ញៀវទេសចរចង់ថតរូបកម្សាន្ដនៅជណ្ដើរខាងក្រោមនោះ អ្នកត្រូវបង់លុយឱ្យមន្ត្រីអភិរក្សចំនួន100 រូពី ជាតម្លៃសម្រាប់មនុស្សម្នាក់។
7. ប្រាសាទ Srijagat Siromanijiនៅក្បែរអាងទឹកបុរាណនោះគឺមានប្រាសាទមួយឈ្មោះថា Srijagat Siromaniji ជាប្រាសាទមានវ័យចំណាស់បំផុត។ ឡារ៉ែន ចង់ណែនាំឱ្យអ្នកឡើងទៅថតរូបនៅក្នុងប្រាសាទនោះ ព្រោះវាមានក្បាច់រចនាយ៉ាងវិចិត្របំផុត ដែលបង្ហាញពីភាពអស្ចារ្យនៃស្ថាបត្យកម្មបុរាណរបស់ប្រទេសឥណ្ឌា។
8. កំផែងយាមមហានគរ Nahargarh កំផែងនេះមានទីតាំងស្ថិតនៅលើភ្នំ Aravalli បើភ្ញៀវទេសចរឡើងទៅដល់ គឺអាចគយគន់ទេសភាពនៃក្រុងទាំងមូលតែម្ដង។ បើឡើងនៅពេលថ្ងៃ វារៀងក្ដៅបន្ដិច ដូច្នេះអ្នកអាចឡើងកំផែងនេះនៅពេលរសៀល ថ្ងៃរៀបលិច គឺពិតជាពេលវេលាសមរម្យបំផុត។
9. ព្រះរាជដំណាក់កណ្ដាលទឹក Jal Mahalយើងអាចនិយាយបានថា វាពិតជាចម្លែក និងមានតម្លៃខ្លាំងណាស់ ព្រោះថាតាមផ្លូវចុះពីកំផែង Nahargarh យើងនឹងមើលឃើញព្រះរាជដំណាក់កណ្ដាលទឹក Jal Mahal ដែលគេសង់នៅកណ្ដាលទន្លេតែម្ដង។ ទិដ្ឋភាពនៃវិមាននៅកណ្តាលទឹកនេះ ធ្វើឱ្យយើងនឹកគិតថា ប្រាសាទនេះអាចនឹងលិចទឹក នៅពេលទឹកឡើងខ្លាំង។ តែជាក់ស្ដែង នីវូទឹកគឺកាន់តែធ្វើឱ្យគ្រឹះរបស់ប្រាសាទមានភាពជាប់មាំបានរាប់ពាន់ឆ្នាំទៅវិញទេ។
10. Old Townមកទីក្រុងនេះមិនគួររំលងក្នុងការដើរទស្សនាទីក្រុងវ័យចំណាស់ ថតរូបស្អាត និងដំណើរស្វែងរកអគារបុរាណពណ៌ខៀវនោះទេ។ សូមបង្ហើបប្រាប់បន្ដិចថា មិនត្រឹមតែជាអគារមានសោភ័ណ្ឌភាពស្អាតនោះទេ ទីក្រុងចាស់នេះថែមទាំងមានអាកាសធាតុមនោរម្យទៀតផង ត្រឹម10-18 អង្សារតែប៉ុណ្ណោះ អាចនិយាយបានថា ញើសគ្មានផ្លូវហូរចេញពីខ្លួនយើងបាននោះទេ គឺត្រជាក់ស្រួលតែម្ដង។
11. Toorji Ka Jhalraប្រសិនបើអ្នកជាអ្នកគាំទ្ររឿង Ben10 ច្បាស់ជាស្គាល់ទីតាំងកន្លែងនេះជាក់ជាមិនខាន។ ទីនេះត្រូវបានក្លាយជាទីតាំងពេញនិយមក្នុងការថតខ្សែភាពយន្ដខ្នាតធំ និងភាពយន្ដបែបដំណើរផ្សងព្រេង ព្រោះថា ស្ថានីយទេសចរណ៍មួយនេះមានចំនុចពិសេសត្រង់ថា ជណ្ដើររាប់ម៉ឺនកាំដែលអ្នកបានឃើញដូចក្នុងរូបនោះ មិនត្រូវបានអនុញ្ញាតិឱ្យគិតកំរៃពីភ្ញៀវទេសចរឡើយ និងអាចហែលទឹកលេងកម្សាន្ដនៅអាងខាងក្រោមបានថែមទៀតផង។
12. វិហារ TAJ MAHALនៅពេលដែលអ្នកដើរចូលទៅក្នុងវិហារ TAJ MAHAL ដំបូង ប្រម៉ាណនៅវេលាម៉ោង06 និង 30នាទីព្រឹក នោះអ្នកនឹងបានឃើញរូបភាពដ៏ស្រស់ស្អាតនៃវិហារនេះបានផុសឡើង ប្រកបដោយបរិយាកាសត្រជាក់ក្នុងកម្រិត 7អង្សា គួរឱ្យដក់ចិត្តជាខ្លាំង។ នៅពេលដែលអ្នកបានឃើញវិហារ TAJ MAHAL ហ៊ុមព័ទ្ធដោយផ្សែងអ័ព្ទ នោះអ្នកនឹងឈរនៅស្ងៀមទ្រឹងសម្លឹងមើលទៅកាន់វិហារ ហើយគិតក្នុងចិត្តថា នេះជាឋានសួគ៌បមែនទែ!៕
March 16, 2020
នៅ Magnificent Splendour ទីក្រុងភ្នំពេញ សូមអបអរសាទរចំពោះការលក់ចេញនូវកំណត់ត្រានៃគម្រោងប្លង់ដំបូង រាត្រីវីអាយភីរបស់មេស៊ុងចាប់ផ្តើមការលក់គម្រោងប្លង់ទី2 ភ្លាមៗ
នៅក្នុងរាជធានីភ្នំពេញ MESONG បានក្លាយជាប្រធានបទក្តៅគគុកនាពេលបច្ចុប្បន្ននេះ ដោយសារតែការលក់ដាច់អស់ចំនួនឯកតាក្នុងគម្រោងប្លង់ដំបូង ដែលនាំឱ្យមានការជាវលើសកំណត់នៅក្នុងព្រឹត្តិការណ៍ រាត្រីVIP រយៈពេល 2រាត្រីរបស់ខ្លួន ដែលធ្វើឱ្យមានការចាប់ផ្តើមលក់សម្រាប់ក្រុមគម្រោងទី2 នៅចុងសប្តាហ៍មុន។ ភាពលេចធ្លោ នៃការច្នៃប្រឌិតនិងគុណភាពនេះពិតជានឹងនាំឱ្យមានជីវិតមានគោលដៅ ហើយវានឹងជាដង្ហើមនៃឱកាស ក៏ដូចជានាំមកនូវសំណាងល្អផងដែរ។
តំណាងផ្នែកលក់កំពុងធ្វើការណែនាំអំពីលក្ខណៈរបស់ MESONG ជូនឯកឧត្តម ខៀវ កាញារីទ្ធ រដ្ឋមន្រ្តីក្រសួងពត៌មាន។
ភ្ញៀវVIP ដែលមានកិត្យានុភាពជិត 200នាក់ រួមមានទាំងមន្រ្តីរដ្ឋាភិបាល តារាល្បីៗ និងអ្នកជំនួយការកម្រិតខ្ពស់ពីបរទេស បានចូលរួមក្នុងព្រឹត្តិការណ៍នេះដោយជោគជ័យ ហើយបានក្លាយជាអ្នកដំបូងគេនៅក្នុងទីក្រុងដែលអាចជ្រើសរើសបន្ទប់មេស៊ុងដែលពួកគេពេញចិត្ត។ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មានបានរីករាយនឹងពេលវេលាដ៏អស្ចារ្យរបស់ឯកឧត្ដមនៅក្នុងព្រឹត្តិការណ៍នោះ ហើយឯកឧត្ដមបានមានប្រសាសន៍ថា៖ “ខ្ញុំសូមកោតសរសើរយ៉ាងខ្លាំងចំពោះការរចនាដ៏ប្រណីត ហើយជាពិសេសលើគំនិតរបស់ពួកគេអំពី Sky Clubhouse ដែលបំពាក់យ៉ាងល្អដែលមានទីតាំងស្ថិតនៅលើអគារជាន់ទី71”។
មេស៊ុងហ្គ្រេនជា សាលមូលដ្ឋានសម្រាប់សមាជិកផ្តាច់មុខ ដែលមានដូចជា Barដ៏មានកិត្យានុភាព រោងល្ខោនខ្នាតតូច បន្ទប់ Snooker បន្ទប់វាយកូនហ្គោល ទេសភាពបែប Panoramic និងកន្លែងទទួលភ្ញៀវអាជីវកម្មផ្តាច់មុខ។
ការសម្តែងតន្រ្តីផ្ទាល់នៅក្នុងកម្មវិធីនៅការិយាល័យលក់មេស៊ុង
សូហ្វីតែលភ្នំពេញជាអ្នកផ្តល់សេវាកម្មអាហារសម្រាប់រាត្រីវីអាយភីទាំង 2រាត្រី
(ខាងឆ្វេង) លោក Samson ជាអតិថិជនម្នាក់ក្នុងចំណោមអ្នកទិញ MESONG មកពីហុងកុងមានការរំភើបចិត្តយ៉ាងខ្លាំងនៅពេលដែលលោកបានទិញផ្ទះថ្ងៃឈប់សម្រាកជូនភរិយាដោយជោគជ័យ។ (ខាងស្តាំ) លោក Maverick Hui នាយកគ្រប់គ្រងក្រុមហ៊ុន WONDER DEVELOPMENT បានបង្ហាញនូវវត្ថុអនុស្សាវរីយ៍ពិសេសសម្រាប់គាត់។
(ព្រឹត្តិការណ៍នេះ មិនត្រឹមតែទាក់ទាញប្រជាជនកម្ពុជាក្នុងស្រុកប៉ុណ្ណោះទេ ប៉ុន្តែក៏ជាចំណែកដ៏សំខាន់នៃអ្នកទិញមកពីបណ្តាប្រទេសអាស៊ីផងដែរ។ ពួកគេទាំងអស់រំភើបក្នុងការជ្រើសរើសបន្ទប់ដែលពួកគេចង់បានបំផុតនៅ MESONG) ។
(ព្រឹត្តិការណ៍នេះ មិនត្រឹមតែទាក់ទាញប្រជាជនកម្ពុជាក្នុងស្រុកប៉ុណ្ណោះទេ ប៉ុន្តែក៏ជាចំណែកដ៏សំខាន់នៃអ្នកទិញមកពីបណ្តាប្រទេសអាស៊ីផងដែរ។ ពួកគេទាំងអស់រំភើបក្នុងការជ្រើសរើសបន្ទប់ដែលពួកគេចង់បានបំផុតនៅ MESONG) ។
បន្ទប់ភាគច្រើននៃ MESONG មានយ៉រ ២៧០º ដែលអាចចាប់យកទេសភាពទឹកទន្លេមុខបីដ៏អស្ចារ្យ
“MESONG ផ្តល់ជូននូវបន្ទប់ជាច្រើនប្រភេទដើម្បីបំពេញតម្រូវការរបស់ក្រុមអតិថិជនផ្សេងៗគ្នា។ ជាមួយនឹងការផ្តល់ជូននូវគុណភាពកម្រិត និងរចនាប័ទ្មដែលល្អបំផុត យើងឃើញថា តម្រូវការខុនដូប្រណីតលំដាប់ខ្ពស់កំពុងកើនឡើងនៅក្នុងទីផ្សារ ហើយយើងរំពឹងថានឹងដំឡើងថ្លៃនៅយូនីតបន្ទាប់ទៀត។” លោក Maverick Hui នាយកគ្រប់គ្រងក្រុមហ៊ុន WONDER DEVELOPMENT បាននិយាយក្នុងការបញ្ចប់ព្រឹត្តិការណ៍នេះ៕
March 16, 2020
លីកកំពូលកម្ពុជា ប្រជុំបន្ទាន់ រឿងរំកិលកាលវិភាគ
កាលពីម្សិលមិញនេះ មានករណីកីឡាករបាល់បោះ របស់ក្លិបបាល់បោះដែលជាភាគហ៊ុនរបស់ក្លិប Real Madrid ម្នាក់មានផ្ទុកវីរុស COVID-19។

អ្វីដែលធ្វើឱ្យប៉ះពាល់ទៅដល់ក្លិបបាល់ទាត់ Real Madrid នោះ គឺដោយសារតែកីឡាករបាល់បោះនោះ បានស្នាក់នៅក្នុងអគាររួមជាមួយនឹងកីឡាករបាល់ទាត់របស់ក្លិប Real Madrid ដែលជាអគារសម្រាប់កីឡាករទាំងអស់របស់ក្លិបនេះ។

មកទល់នឹងពេលនេះ កីឡាករទាំងអស់របស់ Real Madrid ដែលបានស្នាក់នៅអគារនោះទាំងអស់ ត្រូវបានគេដាក់ញែកឱ្យនៅដាច់ដោយឡែកពីគេ និងមានការធ្វើតេស្តរក COVID-19 នេះជាប្រចាំផងដែរ៕
March 16, 2020
លីកកំពូលកម្ពុជា ប្រជុំបន្ទាន់ រឿងរំកិលកាលវិភាគ
កាលពីថ្ងៃទី12 ខែមីនា ឆ្នាំ2020 មានការប្រជុំជាបន្តបន្ទាប់មួយរវាងគណៈកម្មការរៀបចំការប្រកួតបាល់ទាត់ជាតិកម្ពុជា និងតំណាងក្លិបទាំង13 នៃលីកកំពូលកម្ពុជា អំពីលទ្ធភាពក្នុងការផ្លាស់ប្តូរកាលវិភាគ ដោយសារការរាតត្បាតនៃវីរុស COVID-19។

ជាលទ្ធផលពីកិច្ចប្រជុំដ៏សំខាន់នេះ គណៈកម្មការបានឯកភាព និងសម្រេចថា ដំណើរការប្រកួត និងកាលវិភាគ MCL នឹងរក្សាទុកនៅដដែលតាមធម្មតា ដូចដែលបានដាក់ចេញ ទោះបីគ្មានការប្រកួតជម្រុះ FIFA World Cup 2020 របស់ក្រុមជម្រើសជាតិកម្ពុជា អំឡុង FIFA’s Day ចុងខែមីនានេះក៏ដោយ។

គួរបញ្ជាក់ផងដែរថា មកទល់នឹងពេលនេះ លីកកំពូលប្រទេសជាច្រើននៅអាស៊ី និងអឺរ៉ុប កំពុងតែរងការគំរាមកំហែងពីវីរុស COVID-19 និងបានផ្អាកការប្រកួតផងដែរ ដែលធ្វើឱ្យ FIFA សម្រេចលើកពេលវេលាប្រកួតពានរង្វាន់នានារបស់ខ្លូនជាច្រើន៕
March 16, 2020
មន្ត្រីរាជការ និងពលរដ្ឋខ្មែរមកពីអាមេរិក អឺរ៉ុប និង អ៊ីរ៉ង់ ត្រូវដាក់ដាច់ដោយឡែករយៈពេល14ថ្ងៃ
សម្តេចតេជោ ហ៊ុនសែន នាយករដ្ឋមន្ត្រី បានសរសេរនៅលើបណ្តាញសង្គមនៅយប់ថ្ងៃទី15 ខែមីនានេះយ៉ាងដូច្នេះថា ដើម្បីទប់ស្កាត់ការរីករាលដាលជំងឺកូវីដ19 ដោយក្នុងនោះហាម និងថា មន្ត្រីរាជការ និងពលរដ្ឋខ្មែរដែលមកអឺរ៉ុប អាមេរិក និងអ៊ីរ៉ង់ ត្រូវដាក់ដាច់ដោយឡែករយៈ14ថ្ងៃ ។
March 16, 2020
(EAT WITH BEE / D.R. / MANITH) ដែលជាម្ចាស់ជ័យលាភីនៃកម្មវិធី CAMBODIAN NET IDOL រដូវកាលទី 2 ជាមួយនឹងទឹកប្រាក់ចំនួន សរុប 20.000 ដុល្លារ ដោយមាន ទឹកប្រាក់សុទ្ធ កុងត្រា និង រង្វាន់ជាច្រើន!
ភ្នំពេញ 14 ធ្នូ 2020 – កម្មវិធី Cambodian Net Idol រដូវកាលទី 2 ដែលបានបានរៀបចំដោយ Yes 018 បានរកឃើញម្ចាស់ជ័យលាភីហើយនោះគឺ (EAT WITH BEE / D.R. / MANITH) ដែលជាអ្នកទទួលជ័យជម្នះដោយមាន (EAT WITH BEE / D.R. / MANITH) និង (EAT WITH BEE / D.R. / MANITH) ដែលជាអ្នកទទួលបានលេខ ២ និងអ្នកលេខ ៣ ។ បន្ទាប់ពីឆ្លងកាត់វិញ្ញាសារប្រកួតទាំង ៩ វគ្គកន្លងមក និងមានចំនួនអ្នកទស្សនាជិត XXX រាប់លានលាននាក់ ដែលបានចូលទៅកាន់គេហទំព័រផ្លូវការហ្វេសប៊ុក Yes018 ជារៀងរាល់សប្តាហ៍។ ព្រឹត្តិការណ៍ដ៏ធំចុងក្រោយដែលបានធ្វើនៅឯភោជនីយដ្ឋាន Hard Rock Cafe ភ្នំពេញ ត្រូវបានចូលរួមដោយអ្នកគាំទ្រកម្មវិធីនេះ ព្រមទាំងម្ចាស់ឧបត្ថម្ភធំនៃកម្មវិធីគឺ Yes018 និងអ្នកចូលរួមគាំទ្រឧបត្ថម្ភកម្មវិធីផ្សេងៗទៀត និង ជាពិសេស គឺ ក្រុមហ៊ុន Cake Experiential ដែលជាអ្នកបង្កើតកម្មវិធីនេះឡើង។
លោក Andy Ong នាយកប្រតិបត្តិនៃក្រុមហ៊ុន Cake Experiential បានមានប្រសាសន៍ថា
“ ពួកយើងពិតជាមានមោទនភាពចំពោះបេក្ខជន បេក្ខនារី ទាំងអស់ដែលបានចូលរួមកម្មវិធី Cambodian Net Idol រដូវកាលទី 2 នេះខ្លាំងណាស់ ដោយពួកគេទាំងអស់បានខិតខំប្រឹងប្រែងយ៉ាងអស់ពីសមត្ថភាពរបស់ពួកគេក្នុងការបំពេញវិញ្ញាសារតាមវគ្គនិមួយៗហើយពិសេសគឺបេក្ខភាពចុងក្រោយទាំង ៣ រូបរបស់យើង ដែលបានយកឈ្នះគ្រប់ឧបសគ្គដើម្បីឈានមកដល់វគ្គផ្តាច់ព្រ័ត្រនេះ។ ពួកយើងជឿជាក់ថាពួកគេនឹងបន្តគោលបំណងរបស់ CNI ដែលបង្កើតឡើងក្នុងគោលបំណងជាវិជ្ជមានដល់ប្រជាជនកម្ពុជាទាំងអស់នៅទីនោះ ។ ”
លោក Jeck Tan ដែលអញ្ជើញមកពី Yes018 ក៏បានបន្ថែមថា“ យើងពិតជាមានភាពរំភើបណាស់ជាមួយនឹងលទ្ធផលនៃកម្មវិធីនេះហើយក៏បានផ្តល់មកឱ្យយើងនូវសញ្ញានៃការគាំទ្រ Net Idol និងការបង្កើតមាតិកាសម្រាប់ការជំរុញគម្រោងផែនការអាជីវកម្មរបស់យើងនាពេលអនាគត។ ជាមួយគ្នានេះផងដែរ ក្នុងកម្មវិធីពីវគ្គមួយទៅវគ្គមួយ ជាពិសេសចំពោះវគ្គ ការលេងហ្គេមជាមួយប្រព័ន្ធ 5G Gaming ដែលរហូតមកដល់ពេលនេះទទួលបានការចូលទស្សនាជាង 1.8 លាននាក់ ហើយនេះក៏បានចូលរួមលើកកម្ពស់ក្នុងការយល់ដឹងអំពីអ្វីទៅជាប្រព័ន្ធ 5G និងវិធីដែលប្រព័ន្ធនេះអាចផ្តល់អត្ថប្រយោជន៍ដល់ប្រជាជនកម្ពុជាទាំងអស់ផងដែរ” ។
ក្នុងនោះផងដែរពិធីករនៃកម្មវិធីនេះ គឺកញ្ញា សារីតា ដែលជាពិធីករតាំងពី ដើមកម្មវិធីរហូតដល់ពេលបញ្ចប់ នឹងការសង្ខេបដំណើរនៃបេក្ខភាពទាំងអស់ហើយបន្ទាប់មកក៏មានគណៈកម្មការ របស់យើងដូចជា កញ្ញា កុសុម៉ា កញ្ញា Nikki Nikki និង លោកសម្បត្តិ ដែលបានចែករំលែកពីបទពិសោធន៍របស់ពួកគេជាមួយបេក្ខភាពទាំងអស់ក្នងការសម្តែងនិងបំពេញតួនាទីជាអ្នកណែនាំបេក្ខភាពទាំងអស់ តាមរយៈវិញ្ញាសារប្រកួតប្រចាំសប្តាហ៍និងជួយផ្តល់ដំបូងន្មាន និងបទពិសោធន៍ល្អៗ ដល់ពួកគេឱ្យរីកចម្រើនកាន់តែប្រសើរឡើងក្នុងការបង្កើតមាតិកា ការទទួលបានអ្នកគាំទ្រ និងការបង្កើតបុគ្គលិកលក្ខណៈមួយតាមប្រព័ន្ធអ៊ីនធើណែត។
បេក្ខភាពចុងក្រោយទាំង ៣ រូបដែលទទួលបានការគាំទ្រច្រើនជាងគេ គឺ Eat With Bee ដែលធ្វើ វិឌីអូ Food Blogger D.R. ដែលធ្វើ វិឌីអូ Dancer និង Manith ដែលធ្វើវីឌីអូជា Sweetie Brio ក្នុងនោះផងដែរ យើងក៏មានអ្នករចនាម៉ូដ របស់យើងគឺ កញ្ញា Sorkbuoy ដែលជាអ្នកច្នៃម៉ូតសម្លៀកបំពាក់សម្រាប់ពួកគេទាំង បីរូប ។ ពួកគេម្នាក់ៗនឹងបង្ហាញវិញ្ញាសាចុងក្រោយដែលពួកគេបានធ្វើតាមរយៈការធ្វើវិឌីអូ Vlog ដែលពួកគេបានផលិតឡើង ក្នុងរយៈមិនដល់មួយសប្តាហ៍សម្រាប់បង្ហាញក្នុងរយៈតែមួយថ្ងៃដើម្បីក្លាយជា Cambodian Net Idol បន្ទាប់ សម្រាប់ រដូវកាលទី 2 ។
មិនត្រឹមតែប៉ុណ្ណោះក៏មាន Net Idols របស់យើងដែលបានវិលត្រលប់មកវិញដើម្បីបង្ហាញទេពកោសល្យរបស់ពួកគាត់នៅលើឆាកដោយមាន កញ្ញា BlinkBleh និង Konjruk ជាមួយនឹងការសម្តែងចម្រៀង និងក្បាច់រាំ។ អ្នកគាំទ្រដែលចូលរួមទស្សនាក៏បានលេងហ្គេមសប្បាយ ៗ នៅលើឆាកដោយផ្អែកទៅលើប្រធានបទ Yes018 លឿនកប់ នឹងបានឈ្នះរង្វាន់ជាច្រើន ។
បេក្ខភាពដ៏ពូកែ ទាំង 3 និងទទួលបានប្រាក់រង្វាន់សរុបចំនួន 35,000 ដុល្លារដោយការចុះកុងត្រា 1 ឆ្នាំជាមួយ ក្រុមហ៊ុន Machha talent agency ទទួលបានទូរស័ព្ទចល័តពីក្រុមហ៊ុន Xiaomi និងគម្រោងទូរស័ព្ទចល័តគ្មានដែនកំណត់ 1 ឆ្នាំពី Yes018 ។
សម្រាប់រដូវកាលទី 2 នេះ អ្នករៀបចំកម្មវិធីនិងគណៈកម្មការ បានសម្តែងក្តីសង្ឃឹមថានឹងមានកម្មវិធី Cambodian Net Idol រដូវកាល បន្តបន្ទាប់ទៀត សម្រាប់ផ្តល់ឱ្យអ្នកដែលចូលចិត្តប្រើប្រាស់អ៊ិនធឺរណែតវ័យក្មេងកម្ពុជាសម្រេចក្តីសុបិនរបស់ពួកគេ។
ប្រសិនបើអ្នកខកខានមិនបានទស្សនាវគ្គមុន ៗ នៃកម្មវិធី Cambodian Net Idol រដូវកាលទី ២ សូមចូលទៅកាន់ទំព័រហ្វេសប៊ុកផ្លូវការរបស់ Yes018 នៅ www.facebook.com/yes.com.kh ឬក៏ទស្សនា ឆានែល Youtube របស់យើងក៏បាន ។

March 15, 2020
ទីបំផុតក្រសួងអប់រំប្រកាសព័ត៌មានផ្លូវការសម្រេចឲ្យផ្អាកការសិក្សាជាបណ្តោះអាសន្ន ទាំងសាលារដ្ឋ និងឯកជននៅភ្នំពេញ និងសៀមរាប ចាប់ពីថ្ងៃនេះតទៅ
នៅមុននេះបន្ថិចក្រសួងអប់រំ យុវជន និងកីឡា នៅថ្ងៃទី១៤ ខែមីនា ឆ្នាំ២០២០នេះ បានចេញសេចក្តីប្រកាសព័ត៌មានផ្លូវការមួយ ដោយសម្រេចផ្អាកការសិក្សាជាបណ្តោះអាសន្ន (វិស្សមកាលតូចមុនកាលកំណត់) នៅសម្រាប់គ្រឹះស្ថានសិក្សាចំណេះទូទៅទាំងសាលារដ្ឋ និងឯកជនទាំងអស់ នៅរាជធានីភ្នំពេញ និងក្រុងសៀមរាប ចាប់ពីថ្ងៃនេះតទៅ រហូតដល់មានការជូនដំណឹងជាថ្មី។
ក្រសួងអប់រំសូមបញ្ជាក់ថា ការសម្រេចនេះធ្វើឡើងបន្ទាប់ពីមានការរកឃើញជាបន្តបន្ទាប់ នូវជំងឺ Covid-19 លើជនបរទេសមួយចំនួន ហើយជាវិធានការការពារទប់ស្កាត់បន្ទាន់ នៃការរីករាលដាលនជំងឺដ៏សាហាវនេះ។
សេចក្តីប្រកាសព័ត៌មានរបស់ក្រសួងអប់រំ បានណែនាំដល់គ្រឹះស្ថានសិក្សាសាធារណៈ និងឯកជននៅរាជធានីភ្នំពេញ និងក្រុងសៀមរាបដូចតទៅ៖
March 14, 2020
កម្មវិធីប្រដាល់គុនខ្មែរតាមស្ថានីយទូរទស្សន៍ សម្រាប់ថ្ងៃអាទិត្យ ទី15 ឆ្នាំ2020

March 14, 2020
ដោយសារបង្កង កំពុងមានតម្រូវការខ្ពស់ និងបានថ្លៃ អ្នកជំនាញខាងចិញ្ចឹមបង្កងនៅខេត្តបាត់ដំបង កំពុងស្វែងរកដៃគូសហការ
បច្ចុប្បន្ន របរចិញ្ចឹមបង្កង គឺជាមុខរបរមួយដែលកំពុងមានតម្រូវការក្នុងទីផ្សាយ៉ាងខ្លាំងនៅ ក្នុងតំបន់អាស៊ីអាគ្នេយ៍ ក៏ដូចជាក្នុងប្រទេសកម្ពុជាយើងផងដែរ នេះក៏ដោយសារតែកំណើនអ្នកបរិភោគបង្កង និងកំណើនទីផ្សារបង្កងក្នុងស្រុកកំពុងមានសម្ទុះខ្លាំងជាងឆ្នាំមុន។
ហេតុដូច្នេះហើយ ទើបម្ចាស់កសិដ្ឋានចិញ្ចឹមបង្កងមួយរូបនៅខេត្តបាត់ដំបង បានប្រាប់កាសែតឡារ៉ែន ពាណិជ្ជឱ្យដឹងថា សព្វថ្ងៃគាត់កំពុងផ្ដោតខ្លាំងទៅលើរបរចិញ្ចឹមបង្កងមួយនេះ(ចិញ្ចឹមភ្ញាស់យកកូន) ដោយសារមើលឃើញថា ទីផ្សារបង្កងនាពេលបច្ចុប្បន្ន គឺមានភាពធំទូលាយ ហើយតម្រូវការក៏មានទំហំធំ ខណៈការផលិតក៏ពុំសូវមានច្រើនផងនោះ បានជំរុញឱ្យខ្ញុំចាប់យករបរមួយនេះតែម្ដង។
លោក តាំង លាងឆាយ ដែលមានវ័យទើបតែ 23ឆ្នាំបានប្រាប់ឱ្យដឹងថា៖“ខ្ញុំជាសហគ្រិនចិញ្ចឹមបង្កងមួយរូប ដែលមានទៅលំនៅនៅទីរួមខេត្តបាត់ដំបង សព្វថ្ងៃនេះខ្ញុំកំពុងតែស្វែងរកអ្នកដែលចង់រៀនជំនាញចិញ្ចឹមបង្កង(សម្រាប់មួយចេះ)ដោយមិនចំណាយប្រាក់សម្បីតែ 1កាក់ឡើយ។តែលក្ខខណ្ឌ គឺតម្រូវឱ្យអ្នកចង់រៀន ឬចង់ចេះជំនាញនេះ ត្រូវតែមកទាក់ទងដោយខ្លួនឯងជាមួយខ្ញុំផ្ទាល់ ដើម្បីដឹងថា ពេលវេលាណាដែលអាចនឹងរៀនបាន ព្រោះខ្ញុំក៏មានការមមាញឹកក្នុងមុខរបរដែរ”។
លោកបានបន្តថា មូលហេតុ គឺដោយសារលោកចង់ឱ្យកូនខ្មែរមាននៅមុខរបរច្បាស់លាស់ និងមានប្រាក់ចំណូលកាន់តែច្រើន ឧទាហរណ៍ដូចជាសព្វថ្ងៃនេះ កំណើនអ្នកបរិភោគបង្កង កំណើនភោជនីយដ្ឋាន និងកំណើនទីផ្សារបង្កងក្នុងស្រុក កំពុងមានសម្ទុះកើនឡើងខ្លាំងជាងឆ្នាំមុនៗ ជាមូលហេតុធ្វើឱ្យតម្លៃបង្កង កាន់តែឡើងថ្លៃខ្លាំង ពី 1ថ្ងៃទៅ 1ថ្ងៃ។
លោក តាំង លាងឆាយ បានបញ្ជាក់ថា៖“ខ្ញុំមានគោលការណ៍មួយ គឺចង់ឱ្យមានផលិតផល ទាំងពូជទាំងសាច់ ដើម្បីអាចផ្គត់ផ្គង់ឱ្យបានគ្រប់គ្រាន់នៅក្នុងទីផ្សារក្នុងស្រុករបស់យើង។ ប៉ុន្តែនៅក្នុងដំណាក់កាលនេះ យើងធ្វើមិនទាន់បានបង្កងសាច់សម្រាប់ចូលភោជនីយដ្ឋាន និងផ្គត់ផ្គង់តាមសណ្ឋាគារធំៗមិនទាន់បានគ្រប់គ្រាន់នៅឡើយទេ ដោយសារការផ្គត់ផ្គង់ពូជមិនទាន់គ្រប់តម្រូវការ”។
លោកបានបញ្ជាក់ដែរថា បញ្ហាផ្គត់ផ្គង់បង្កងសាច់មិនទាន់បាន ដោយសារតែវាមិនទាន់ទទួលបានផល។ បង្កងសាច់ ទទួលបានផលតិចតួចស្តួចស្តើង ដែលមិនទាន់អាចគណនាបាននៅឡើយព្រោះយើងកំពុងផលិតពូជ និងមេបន្ថែម ដើម្បីបំពេញសេចក្តីត្រូវការចាំបាច់ និងដើម្បីចែកចាយទៅតាមកន្លែង និងខេត្តមួយចំនួន។ ម្យ៉ាង ក៏ដោយសារតែតម្រូវការកូន និងមេបង្កង វាមានខ្ពស់។ យើងសម្រុកពង្រីកការចិញ្ចឹមពូជ តាមតម្រូវការអ្នកចង់បានមេ និងពូជទៅចិញ្ចឹមសិន។
លោក លាងឆាយ ក៏បានអះអាងដែរថា៖“ប៉ុន្តែខ្ញុំមិនឱ្យអ្នកត្រូវការសាច់បង្កង និងទីផ្សារអស់សង្ឃឹមនោះទេ ព្រោះរយៈពេល 2ខែទៀត ទិន្នផលបង្កងសាច់ និងដែលអាចប្រមូលបាននោះ នឹងមានវត្តមានលក់នៅលើទីផ្សារហើយ។ ទីផ្សារឃើញមានតម្រូវការ អ្នកចង់ចិញ្ចឹមក៏មានការកើនឡើងដែរពី 1ថ្ងៃទៅ 1ថ្ងៃ មានអ្នកចាប់អារម្មណ៍ច្រើន ព្រោះវាជាវារីវប្បកម្មប្រភេទថ្មី ប៉ុន្តែវាមានការលំបាកខ្លាំងដែរ ប្រសិនបើយើងមិនបំពេញតាមលក្ខណៈបច្ចេកទេសនៃការចិញ្ចឹមទេនោះ”។
លោកក៏បានអះអាងទៀតដែរថា៖“ដូច្នេះទីផ្សារវាមិនខ្វះឡើយ ហើយប្រសិនបើកសិករដែលបានប្រកបរបរចិញ្ចឹមបង្កងលក់នេះហើយ គឺអាចសម្ងំកើបប្រាក់ចំណូលខ្ទង់ម៉ឺនដុល្លារក្នុង 1ឆ្នាំៗ ពីរបរមួយនេះជាមិនខាន”។
សូមជម្រាបថា កសិដ្ឋានចិញ្ចឹមបង្កងនៅស្រុកបាត់ដំបង ដែលមានទីតាំងស្ថិតនៅក្នុងភូមិ13មករា ឃុំព្រែកព្រះស្តេច ស្រុកបាត់ដំបង ខេត្ដបាត់ដំបងនេះ ក៏បាននិងកំពុងប្រកាសស្វែងរកដៃគូសហការក្នុងការចិញ្ចឹមបង្កងដែរ ដោយលោកនឹងផ្ដល់ពូជបង្កង រួមជាមួយបច្ចេកទេសក្នុងការចិញ្ចឹមដូចគ្នាផងដែរ ដោយលោកមាន 2-3ទីតាំងឯណោះ។ កសិដ្ឋាននេះ ចាប់ផ្ដើមដំណើរការបានប្រមាណជិត 1ឆ្នាំមកហើយ ដោយបច្ចុប្បន្នមានស្រះសម្រាប់ចិញ្ចឹម និងអាងភ្ញាស់កូនបង្កងចំនួន 50អាង(ក្នុង1អាងមានទំហំ 4.5×5ម៉ែត្រ)។ ចំណែកបង្កងដែលចិញ្ចឹមយកសាច់ គឺលោកមានផ្ទៃដីប្រមាណចំនួន 10ហិកតា។ នេះបើតាមការបញ្ជាក់របស់លោក លាងឆាយ។
លោក តាំង លាងឆាយ បានបញ្ជាក់បន្ថែមថា នៅក្នុងការចាប់ផ្តើមរបរមួយនេះបែបអាជីវកម្មខ្នាតតូចដំបូង អ្នកអាចចាប់ផ្តើមដើមទុនប្រមាណជា 2ពាន់ដុល្លារសម្រាប់ការចំណាយទៅលើស្រះទឹក និងការទិញពូជ ឬការទិញកូនបង្កងមកចិញ្ចឹម ដោយអ្នកក៏អាចចិញ្ចឹមនៅក្នុងអាងក៏បាន ហើយអ្នកក៏មិនចាំបាច់ទៅទិញចំណីពីគេមកឱ្យបង្កងស៊ីដែរ ដែលយើងអាចរកចំណីឱ្យវាបានយ៉ាងងាយ។ ហើយសម្រាប់ការបង្ហាត់ជំនាញចិញ្ចឹមបង្កងអូស្ត្រាលីទឹកសាបដោយមិនគិតលុយនេះ គឺមានទីតាំងនៅទឹកដីខេត្តបាត់ដំបង។
លោកបានបញ្ជាក់បន្ថែមថា៖“អ្វីដែលពិសេសសម្រាប់បងប្អូនប្រជាកសិករខ្មែរដែលចង់ចិញ្ចឹមបង្កង ខ្ញុំនឹងផ្ដល់បច្ចេកទេសជាក់ស្តែង ក៏ដូចជាពូជក្នុងការចិញ្ចឹមផងដែរ ព្រោះនៅកសិដ្ឋានខ្ញុំមានស្រះចិញ្ចឹមបង្កងយកសាច់ ប្រភេទអាងភ្ញាស់ និងមានឧបករណ៍វាស់ទឹក ប្រភពទឹកដើម្បីឱ្យអ្នករៀនបានមើលឃើញផ្ទាល់តែម្តង។ ព្រោះបើយើងចិញ្ចឹមយកសាច់ វាត្រូវការទីតាំងធំ ព្រោះក្នុង 1ម៉ែត្រការ៉េដាក់បានបង្កងតែ 10ក្បាលទេ។ តែបើផលិតកូនបង្កងសម្រាប់លក់វិញ ក្នុង 1ម៉ែត្រការ៉េដាក់បានជិត 100ក្បាល”។
ដោយឡែក លោក តាំង លាងឆាយ ដែលជាម្ចាស់កសិដ្ឋានបង្កង បានបញ្ជាក់ឱ្យដឹងទៀតថា៖“បងប្អូនដែលចង់ទិញពូជបង្កងរបស់ខ្ញុំ សម្រាប់កូនបង្កង 1គ្រាប់ក្នុងតម្លៃ 2ពាន់រៀល។ ដូច្នេះបើខ្ញុំផលិត 1ខែបាន 10,000កូន ខ្ញុំបានចំណូល 5,000ដុល្លារ។ សម្រាប់ពូជយកទៅបង្កាត់(ពូជមេញី1ឈ្មោល1) 1គូតម្លៃ 10ដុល្លារ ដោយអ្នកខ្លះគាត់ទិញមេ 50គូ ឬ100គូ តាមលទ្ធភាព និងតាមទំហំទីតាំង ដែលគាត់បានត្រៀមទុក។ ចំណែកបង្កងសាច់ក្នុង 1គីឡូតម្លៃ 30 ទៅ 35ដុល្លារនៅក្នុងទីផ្សារបច្ចុប្បន្ននេះ”។
លោកក៏បានបញ្ជាក់ឱ្យដឹងដែរថា៖“សម្រាប់កូនបង្កងបច្ចុប្បន្ន ខ្ញុំផលិតលក់បាន 1ខែ 1ម៉ឺនក្បាល ឬខែខ្លះ 2ទៅ 3ម៉ឺនក្បាល គឺក្នុងការផលិតកូនបង្កងនេះយើងត្រូវប្រើពេល 45ថ្ងៃ ឯការចិញ្ចឹមបង្កងសាច់ ត្រូវប្រើពេល 6ខែ ទើបអាចចាប់លក់បាន ព្រោះអាស្រ័យលើស៊ីតណ្ហភាព បើមានកម្ដៅជិត 40អង្សា បង្កងឆាប់ធំធាត់បានល្អ ព្រោះវានឹងស៊ីចំណីបានល្អ និងបង្កកំណើតលឿន តែបើមេឃត្រជាក់ បង្កងវាពុំសូវស៊ីចំណីទេ ហើយការបង្កកំណើតក៏មានលក្ខណៈយឺតដែរ”។
លោក តាំង លាងឆាយ បានបញ្ជាក់ឱ្យដឹងដែរថា គម្រោងរបស់លោកនឹងមានការពង្រីកទីតាំងបន្ថែម ព្រោះបច្ចុប្បន្នតម្រូវការទាំងកូន ទាំងសាច់មានទីផ្សារកាន់តែកើនឡើង ហើយខ្ញុំនឹងធ្វើការផ្គត់ផ្គង់បង្កងនេះ ដើម្បីបំពេញសេចក្តីត្រូវការទីផ្សារក្នុងស្រុក ហើយបើលោកអ្នកចង់ទិញបង្កងសាច់ ឬកូនបង្កងយកទៅចិញ្ចឹម ឬក៏មានបំណងចង់សហការ និងចាប់អារម្មណ៍ការចិញ្ចឹមបង្កងដូចខាងលើនេះ អាចទាក់ជាមួយលោកបាន៕
March 14, 2020
Digi និងបើកសម្ពោធទីស្នាក់ការលក់ថ្មី នៅពេលឆាប់ៗនេះ
(ភ្នំពេញ)៖ ទន្ទឹមនិងការទទួលបានភាពជោគជ័យលើវិស័យទូរគមនាគមន៍ ក្នុងការផ្តល់សេវាកម្មអ៊ីនធើណិត ទូរទស្សន៍ អស់រយៈពេលជាច្រើនឆ្នាំនៅកម្ពុជា។ Digi ដែលមានអតិថិជនកាន់តែកើនឡើងខ្លាំង បានប្រកាសពីការបើកសម្ពោធការិយាល័យលក់ថ្មី ក្នុងពេលឆាប់ៗនេះ បន្ទាប់ពីជុះជុលនិងកែរលំអរួចរាល់ដើម្បីបំពេញតម្រូវការ សេវាកម្មថ្មីៗជាច្រើនទៀត ជូនអតិថិជនឲ្យកាន់តែប្រសើរឡើង។
ក្នុងឪកាសការបើកសម្ពោធការិយាល័យឌីជីថ្មីនេះផងដែរ ក្រុមហ៊ុនបានផ្តល់ជូននូវកាដូរពិសេសជាច្រើន៖
-ទទួលបានប័ណ្ណបញ្ចុះតម្លៃចំនួន២០ដុល្លាររាល់ការទិញកញ្ចប់សេវាកម្មអ៊ីនធើណិតណាមួយ។
-អតិថិជន២០នាក់ដំបូងនិងទទួលបានកាដូយ៉ាងពិសេស។
-គ្រប់អតិថិជនទាំងអស់និងទទួលបានកាដូគ្រប់ៗគ្នា។
-អតិថិជនទាំងអស់អាចសាកល្បងប្រើប្រាស់ឧបករណ៍បច្ចេកវិទ្យា(Smart Home)ដោយឥតគិតថ្លៃ។
-កាដូអនុស្សាវរីយជាច្រើនទៀតមានផ្តល់ជូនអតិថិជនរយៈពេលមួយសប្តាហិ៍រាប់ចាប់ពីថ្ងៃសម្ពោធ ដាក់ឧ្យប្រើប្រាស់ជាផ្លូវការ ។
-សម្រាប់អ្នកដែលចែករំលែកផុសស្ទើអំពីការបើកសម្ពោធផ្លូវការ របស់ឌីជី ហើយ Tag មិត្តភក្ត៥នាក់ រួចចែករំលែកក្នុងគណនីផ្ទាល់ខ្លួនជាសាធារណ និងទទួលបានកាដូ(The Secret gift) ម្នាក់មួយផងដែរ។
Digi សូមថ្លែងអំណរគុណដល់អតិថិជនទាំងអស់រួមមាន អង្គការ ស្ថាប័ន មន្ទីរពេទ្យ ក្រសួង ក្រុមហ៊ុន សហគ្រាស បុរី ខុនដូ និងអតិថិជនតាមគេហដ្ឋានផ្សេងៗជាច្រើនទៀតដែលបានប្រើប្រាស់សេវាកម្មរបស់ Digi ។
Digi ប្តេជ្ញានឹងបន្តការពង្រឹងបណ្តាញ និងកែលម្អគុណភាព ព្រមទាំងពង្រីកសេវាកម្មបណ្តាញថ្មីៗឲ្យកាន់តែប្រសើរប្រកបដោយគុណភាពល្អ និងល្បឿនលឿនបន្ថែមទៀត ក្នុងគោលដៅដើម្បីបម្រើអតិថិជនឧ្យបានល្អបំផុតតាមតែអាចធ្វើទៅបាន។
សម្រាប់ព័ត៌មានបន្ថែម សូមទាក់ទងមកលេខ៖ 098777555 / 078777555
ឬចូលទៅកាន់គេហទំព័រផ្លូវការរបស់យើងគឺ៖ www.digi.com.kh
March 13, 2020