Author: ធឿន មករា

Samsung ប្រកាសថា អេក្រង់ LCD នឹងត្រូវឈប់ផលិតបន្ថែមទៀតហើយ
Samsung Display ក្រុមហ៊ុនផលិតបន្ទះអេក្រង់របស់កូរ៉េខាងត្បូងដែលជាផ្នែកមួយរបស់ Samsung Electronics បានសម្រេចចិត្តថា នឹងបញ្ឈប់ការផលិតបន្ទះអេក្រង់ LCD នៅក្នុងប្រទេសកូរ៉េ និងចិន នៅត្រឹមដំណាច់ឆ្នាំ2020នេះ។
ក្រុមហ៊ុនដដែលខាងលើ បានប្រកាសថា ការផ្អាកចង្វាក់ផលិតកម្ម អេក្រង់ LCD នៅក្នុងទឹកដីប្រទេសកូរ៉េខាងត្បូងរបស់ខ្លួន គឺដោយសារតម្រូវការអេក្រង់ LCD នៅលើទីផ្សារ មានការថយចុះ តាំងពីខែតុលា ឆ្នាំកន្លងទៅម្ល៉េះ។
ក្នុងសេចក្ដីថ្លែងការណ៍ Samsung Display បានបន្ថែមថា៖ “នៅមុនដំណាច់ឆ្នាំនេះ យើងនឹងបន្តផ្គត់ផ្គង់ការកុម្ម៉ង់អេក្រង់ LCD ជូនដល់អតិថិជន ដោយគ្មានបញ្ហាអ្វីឡើយ”
Samsung Display បានផលិតអេក្រង់ LCD សម្រាប់ផលិតផលដូចជា iPhone, iPad និង Mac ផងដែរ ប៉ុន្តែតម្រូវការ មានការធ្លាក់ចុះ ដោយសារ Apple និងក្រុមហ៊ុនផលិតស្មាតហ្វូនដទៃងាកទៅប្រើអេក្រង់ OLED វិញ។
អេក្រង់ OLED នេះក៏ Samsung Display ជាអ្នកផ្គត់ផ្គង់ដែរ ដោយអាចទទួលបានចំនួនកុម្ម៉ង់ទិញដ៏ធំពី Apple សម្រាប់ iPhone តម្លៃថ្លៃ និង Apple Watch ហើយ LG ក៏ទទួលបានមួយចំណែកដែរពី Apple។
ក្រុមហ៊ុន BOE អាចនឹងក្លាយជាអ្នកផ្គត់ផ្គង់អេក្រង់ OLED ឱ្យទៅ Apple មួយថ្មីផងដែរ។ នេះបើតាមការចុះផ្សាយកន្លងមកសម្រាប់ឆ្នាំ2020 ឬ 2021៕
April 1, 2020
Google’s 3D រូបសត្វជាច្រើន កំពុងពេញនិយមសម្រាប់អ្នកនៅផ្ទះអំឡុងពេល COVID-19 រាតត្បាត
Google’s 3D Animals ដែលជាបច្ចេកវិទ្យាប្រើ AI ឆ្លាតវៃ ផលិតដោយបុគ្គលិកក្រុមហ៊ុនបច្ចេកវិទ្យាយក្សអាមេរិក កំពុងត្រូវបានអ្នកប្រើប្រាស់យកមកសាកល្បង និងថែមទាំងពេញនិយមទៀតផង សម្រាប់អ្នកនៅតែក្នុងផ្ទះ ក្នុងអំឡុងពេលដែលមេរោគវីរុស COVID-19 រាតត្បាត ជាពិសេសគឺ ក្មេងៗដែលចូលចិត្តលេងទូរស័ព្ទ។
រំឭកផងដែរថា បច្ចេកវិទ្យាថ្មីនេះត្រូវបានប្រកាសចេញអំឡុងព្រឹត្តិការណ៍ធំប្រចាំឆ្នាំ2019 គឺ At I/O 2019 របស់ Google។ ដោយឡែកឆ្នាំនេះ ត្រូវបានផ្អាក៕
សូមទស្សនាវីដេអូដំណើរការលេង 3D Animals ខាងក្រោម៖
April 1, 2020
ក្រុមហ៊ុនបច្ចេកវិទ្យាមួយ គ្រោងផលិតស្មាតហ្វូន ក្តារចុចមាន 5G ដំបូងគេ
ក្រុមហ៊ុនបច្ចេកវិទ្យា Planet Computers បានផូស្តបង្ហាញរូបរាងគំរូស្មាតហ្វូន Astro Slide 5G ដែលមានសណ្ឋានស្រដៀងនឹង Nokia E7 ត្រង់ហូតចំហៀង និងមានប៊ូតុងចុច ប៉ុន្តែគ្រប់យ៉ាងនៅខាងក្នុង គឺជា ស្មាតហ្វូន។
Astro Slide អាចនឹងចេញជារូបរាងពិត ដោយមានបំពាក់អេក្រង់ខ្នាត 6.3អ៊ិញ ទំហំប៉ុនស្មាតហ្វូនធម្មតា (Touch Screen) និងអាចយកប្រើធ្វើជា mini-labtop បាន។ វានឹងដំណើការដោយ Android 10 មានបំពាក់បន្ទះឈីប 5G MedieTek ថែមទាំងមាន eSIM + ជើងស៊ីមប្រភេទ nano (តូច) មកទៀតផង។ មានជម្រើស RAM 6GB និង 8GB មេម៉ូរី 128GB និង 256GB។
ឯកាមេរ៉ាមុខ-ក្រោយ ក៏មិនអន់ដែរគឺ ខាងមុខ 48MP ឯខាងក្រោយគឺ 48 MP ដូចគ្នា ល្មមអាចថតរូបបានច្បាស់ត្រជាក់ភ្នែក។ ទាំងនេះ គ្រាន់តែជាគំនិត ដែលគ្រោងនឹងផលិត តែដោយឡែក សម្រាប់ថ្ងៃចេញលក់ និងតម្លៃនៅមិនទាន់ដឹងនៅឡើយទេ៕
April 1, 2020
ឧបករណ៍តេស្តរកមេរោគវីរុស COVID-19 ថ្មីនឹងមកដល់កម្ពុជាឆាប់ៗ ក្រោមជំនួយពីលោក Jack Ma
លោកមហាសេដ្ឋីចិន ជែក ម៉ា (Jack Ma) ជាអ្នកបង្កើតក្រុមហ៊ុនអេឡិចត្រូនិក Alibaba នៅថ្ងៃទី21 ខែមីនាកន្លងទៅ បាននិយាយក្នុងប្រព័ន្ធបណ្ដេញសង្គម Twitter ថា «តោះអាស៊ី!!!យើងនឹងបរិច្ចាគសម្ភារបន្ទាន់ ដែលមានម៉ាស់ចំនួន (1 800 000ម៉ាស់) ឧបករណ៍ធ្វើតេស្ត ចំនួន 210 000ឈុត, ឈុតសម្លៀកបំពាក់ការពារចំនួន 3ម៉ឺន6ពាន់ (36 000), រួមជាមួយនឹងម៉ាស៊ីនខ្យល់ និងទែរម៉ូម៉ែត្រសម្រាប់វាស់កម្ដៅ ទៅប្រទេសអាហ្គានីស្ថាន បង់ក្លាដែស កម្ពុជា ឡាវ ម៉ាល់ឌីវ ម៉ុងហ្គោលី មីយ៉ាន់ម៉ា នេប៉ាល់ ប៉ាគីស្ថាន និងស្រីលង្កា។ ការផ្តល់ជូនរហ័ស មិនមែនជាការងាយស្រួលទេ ប៉ុន្តែយើងនឹងធ្វើវាបាន! »។
ដូចនេះជំនួយរបស់ មូលនិធិ ជែក ម៉ា និងមូលនិធិAlibaba ដែលមានឧបករណ៍ធ្វើតេស្តរក COVID-19 ចំនួន 2ម៉ឺនឈុត និងសម្ភារផ្សេងទៀត អាចនឹងមកដល់កម្ពុជានៅពេលឆាប់ៗនេះ៕
April 1, 2020
ក្រសួងសុខាភិបាល បង្កើតវេបសាយ COVID-19 ទុកតាមដានព័ត៌មានគួរឱ្យទុកចិត្តនៅកម្ពុជា
ថ្មីៗនេះគេហទំព័រតាមដានព័ត៌មានដ៏គួរឱ្យទុកចិត្តនូវព័ត៌មានលម្អិតអំពីមេរោគកូវីដ-19 នៅកម្ពុជាបានលេចចេញជារូបរាងហើយ។ ការចងក្រងនូវគេហទំព័រមួយសម្រាប់ឱ្យប្រជាពលរដ្ឋងាយស្រួល បង្កើតឡើងដោយអង្គការអ៊ីនស្ទីដ (InSTEED) បានធ្វើការជាមួយក្រសួងសុខាភិបាលនៃព្រះរាជាណាចក្រកម្ពុជា និងនាយកដ្ឋានប្រយុទ្ធនឹងជំងឺឆ្លង។
វេបសាយនោះ បានប្រាប់អំពីចំនួនករណីឆ្លងមេរោគ COVID-19 សរុបមានបង្ហាញអំពីករណីឆ្លងនៅតាមរាជធានី/ខេត្ត មានបង្ហាញជាផែនទីនៃការរាតត្បាតកូវីដនៅកម្ពុជា និងវីដេអូចំណេះដឹងអំពីកូវីដ-19ជាដើម៕
ដើម្បីតាមដានព័ត៌មាន សូមចុះនៅទីនេះ https://covid19-map.cdcmoh.gov.kh/
April 1, 2020
Apple ជួយដល់អ្នកកាត់តវីដេអូ ដោយបើកឱ្យប្រើកម្មវិធីមួយ 90ថ្ងៃដោយមិនគិតលុយ
ជាធម្មតាកម្មវិធី Final Cut Pro X គឺមានតម្លៃ 300ដុល្លារ ហើយកម្មវិធី Logic Pro X មានតម្លៃ 300ដុល្លារ ប៉ុន្តែដោយសារការរាតត្បាតនៃមហាមេរោគ COVID-19 បានធ្វើឱ្យមនុស្សជាច្រើនមិនអាចទៅធ្វើការ ឬបំពេញការសិក្សានៅក្នុងក្រុមហ៊ុនបាន ដូច្នេះហើយទើប Apple បានសម្រេចបើកឱ្យប្រើប្រាស់កម្មវិធីជំនាញ តម្លៃរាប់រយដុល្លារខាងលើនេះដោយមិនគិតលុយ។
យោងតាមប្រភពពី Apple បានសរសេរក្នុងសេចក្ដីប្រកាសដូច្នេះថា៖ “យើងសង្ឃឹមថា អតិថិជនរបស់យើងដែលនៅផ្ទះ ហើយចង់រៀនអំពីអ្វីថ្មីនោះ អាចនឹងសាកល្បងការដាក់ឱ្យប្រើប្រាស់សាកល្បងនេះដោយមិនគិតលុយ” កម្មវិធីជំនាញកាត់តវីដេអូ Final Cut Pro X និងកាមេរ៉ាផលិតចម្រៀង Logic Pro X របស់ Apple ក្នុងពេលប៉ុន្មានថ្ងៃទៀត នឹងមានបើកឱ្យសាកល្បងប្រើប្រាស់រយៈពេល 90ថ្ងៃ។
កម្មវិធី Final Cut Pro X គឺមានបើកឱ្យសាកល្បងប្រើឥតគិតលុយរយៈពេល 30ថ្ងៃរួចមកហើយ ប៉ុន្តែសម្រាប់ Logic Pro X នៅមិនទាន់មាននៅឡើយ។
អ្នកដែលកំពុងស្ថិតនៅក្នុងការប្រើប្រាស់សាកល្បង 30ថ្ងៃ របស់ Final Cut Pro X នឹងទទួលបានរយៈពេលសាកល្បងបន្ថែមទៀត៕
April 1, 2020
Spur អនុញ្ញាតឱ្យកីឡាកររងរបួស 2រូប ត្រឡប់ទៅស្រុកសិន
ក្លិបបាល់ទាត់ រហស្សនាម មាន់ខ្នាយមាស Tottenham បានអនុញ្ញាតឱ្យកីឡាកររបស់ខ្លួន 2រូប គឺ Heung-min Son និង Steven Bergwijn ត្រឡប់ទៅស្រុកកំណើតរៀងៗខ្លួនសិន ក្នុងគ្រាដែលក្របខ័ណ្ឌ Premier League ត្រូវបានផ្អាកបណ្តោះអាសន្ន។ក្នុងនោះដែរ Son Heung-min ត្រូវត្រឡប់ទៅកូរ៉េខាងត្បូង ដើម្បីព្យាបាលរបួសដៃបន្ត ហើយ Steven Bergwijn ត្រឡប់ទៅប្រទេសហូឡង់វិញសិនដែរ ដើម្បីមើលរបួសកជើង និងត្រៀមជួយមើលប្រពន្ធសម្រាលកូនផងដែរ។
គួររំឭកដែរថា ក្របខ័ណ្ឌលីកកំពូលអង់គ្លេស Premier League ត្រូវបានផ្អាកជាបណ្តោះអាសន្នចាប់តាំងពីខែមីនាមកម្ល៉េះ ខណៈគេរំពឹងថា នឹងបន្តការប្រកួតវិញ នៅដើមខែឧសភាខាងមុខនេះ ពេលដែលស្ថានការណ៍បានធូរស្បើយ៕
April 1, 2020
លីកនៅអឺរ៉ុបទាំងអស់ ប្រហែលជានឹងត្រូវរំសាយចោល ប្រសិនបើមិនអាចលេងឡើងវិញបាននៅក្នុងខែមិថុនា
កាលពីព្រឹកថ្ងៃទី1 ខែមេសា ឆ្នាំ2020 នេះ ប្រធានសហព័ន្ធកីឡាបាល់ទាត់ប្រចាំទ្វីបអឺរ៉ុប UEFA បានធ្វើសេចក្តីថ្លែងការណ៍ទាក់ទងទៅនឹងការវិវឌ្ឍ នៃវិស័យបាល់ទាត់របស់ទ្វីបអឺរ៉ុបទាក់ទងនឹងការរាតត្បាតរបស់វីរុសកូវីដ19 ដោយបាននិយាយទៅដល់ស្ថានភាពធ្ងន់ធ្ងរបំផុតនៃទ្វីបអឺរ៉ុប ដោយបានប្រកាសថា លីកទាំងអស់អាចនឹងត្រូវរំសាយចោលទាំងអស់។
ជម្រើសរំសាយនេះ ក្នុងករណីស្ថានការណ៍កាន់តែដុនដាបទៅ ហើយក្របខ័ណ្ឌបាល់ទាត់ទាំងអស់ មិនអាចចាប់ផ្ដើមប្រកួតឡើងវិញបាននៅចុងខែមិថុនា។ រៀងរាល់រដូវកាល នៅចុងខែឧសភា ក្របខ័ណ្ឌនីមួយៗនៅអឺរ៉ុប បានចប់អស់ទៅហើយ ដូច្នេះសម្រាប់រដូវកាលនេះ បើចុងខែមិថុនា នៅមិនទាន់បានលេងទៀតនោះ គឺ UEFA អាចនឹងរំសាយ។
គួរបញ្ជាក់ដែរថា វីរុសកូវីដ19 បានរាតត្បាតមកដល់អឺរ៉ុបកាន់តែខ្លាំងឡើងៗ ចាប់តាំងពីដើមខែមីនាមកម្ល៉េះ ដោយសរុបមកទល់នឹងពេលថ្ងៃត្រង់ថ្ងៃទី31 ខែមីនាម្សិលមិញនេះ មានអ្នកឆ្លងទូទាំងសកលលោកជិត 1លាននាក់ហើយ៕
April 1, 2020
សូមជួយត្រេតអរទាំងអស់គ្នា ថ្ងៃនេះមិនមានអ្នកឆ្លងជំងឺកូវីដ19 ទេ តែមានអ្នកជាសះស្បើយចំនួន2នាក់បន្ថែម
គិតមកត្រឹមថ្ងៃនេះ (ថ្ងៃទី1 ខែមេសា ឆ្នាំ2020) ក្រសួងសុខាភិបាលបានប្រកាសថាមិនមានករណីឆ្លងជំងឺកូវីដ19 ថ្មីនោះទេ រីឯអ្នកជាសះស្បើយមានចំនួន2នាក់មន្ថែម
– អ្នកព្យាបាលជាសះស្បើយ សរុបចំនួន 25នាក់ (ស្មើនឹង 23,36% ធៀបនឹងចំនួនអ្នកមានវីរុសកូវីដ19ទាំងអស់) ដែលមានបុរសជនជាតិចិន 1នាក់ ស្ត្រីជនជាតិអង់គ្លេស 2នាក់ បុរសជនជាតិអង់គ្លេស 1នាក់ បុរសជនជាតិបារាំង 1នាក់ បុរសជនជាតិម៉ាឡេស៊ី 1នាក់ និងបុរសជនជាតិខ្មែរ19នាក់ (គិតចាប់ពីខែមករាដល់បច្ចុប្បន្ននេះ)
– អ្នកដែលកំពុងសម្រាកព្យាបាល សរុបចំនួន 84នាក់ (ស្ត្រី 28នាក់ និងបុរស 56នាក់) នៅតាមមន្ទីរពេទ្យរដ្ឋនៅថ្នាក់ជាតិ និងថ្នាក់ខេត្ត
– អ្នកមានវីរុសកូរីដ19 ដែលបានរកឃើញទាំងអស់ (រាប់ទាំងអ្នកដែលបានព្យាបាលជាសះស្បើយ និងអ្នកដែលកំពុងព្យាបាល) នៅទូទាំងប្រទេសសរុបចំនួន 109នាក់ (ស្ត្រី 30នាក់ និងបុរស 79នាក់)។
សូមអានសេចក្ដីអំលិតខាងក្រោម៖

April 1, 2020
ក្រសួងសាធារណការ សេចក្ដីណែនាំស្ដីពីការអនុវត្តវិធានការបង្ការ និងទប់ស្កាត់ការរាតត្បាតនៃជំងឺកូវីដ19 នៅតាមមណ្ឌលត្រួតពិនិត្យលក្ខណៈបច្ចេកទេសយានជំនិះ
ក្រសួងសាធារណការ និងដឹកជញ្ជូន បានចេញសេចក្តីណែនាំ ស្តីពីការអនុវត្តវិធានការបង្ការ និងទប់ស្កាត់ការរាតត្បាតនៃជំងឺកូវីដ១៩ នៅតាមមណ្ឌលត្រួតពិនិត្យ លក្ខណៈបច្ចេកទេសយានជំនិះ និងក្រុមហ៊ុនដឹកជញ្ជូនអ្នកដំណើរទាំងអស់ ក្នុងព្រះរាជាណាចក្រកម្ពុជា ក្នុងគោលបំណងអនុវត្តនូវវិធានការបង្ការ និងទប់ស្កាត់ហានិភ័យ ពីការរីករាលដាលនៃជំងឺកូវីដ19 ។ សូមអានសេចក្ដីលំអិតដូចខាងក្រោម៖

April 1, 2020