ទូ ទូរស័ព្ទចាស់ៗនៅលើផ្លូវសំខាន់ៗមួយចំនួននៅក្នុងទីក្រុង Shanghai ប្រទេសចិន បាននិងកំពុងត្រូវរុះរើ និងបំពាក់ជំនួសវិញដោយប្រព័ន្ធបណ្ដាញ 5G។
អត្ថប្រយោជន៍នៃការដំឡើងនេះ មិនត្រឹមតែដាក់ឱ្យពលរដ្ឋប្រើប្រាស់ដោយឥតគិតលុយប៉ុណ្ណោះទេ តែវាថែមទាំងអាចបំប្លែងទៅជាស្ថានីយសាកភ្លើងតាមដងផ្លូវ (charging services) និងច្នៃបានទៅកន្លែងលម្ហែ សម្រាប់អ្នកទេសចរ ដែលមកទស្សនាក្នុងទីក្រុងដ៏មមាញឹកនេះទៀតផង។
ទស្សនាវីដេអូខ្លីៗខាងក្រោម៖
Hadal លេខ1 របស់ប្រទេសចិន ត្រូវបានគេដឹងថា បានសាកល្បងដោយជោគជ័យក្នុងការមុជចូលក្នុងជម្រៅទឹក 10,000ម៉ែត្រ។
កាលពីថ្ងៃទី8 ខែមិថុនា កប៉ាល់សិក្សាខាងវិទ្យាសាស្ត្រឈ្មោះ Tansuo លេខ1 របស់ប្រទេសចិនបានវិលចូលកំពង់ផែវិញដោយសុវត្ថិភាព បន្ទាប់ពីបញ្ចប់ភារកិច្ចសិក្សាស្រាវជ្រាវខាងវិទ្យាសាស្ត្រនៅអន្លង់សមុទ្រជ្រៅ Mariana រួចមក។
ក្នុងដំណើរសាកល្បងលើកនេះ នាវាមុជទឹកឈ្មោះ Hadal ដែលស្រាវជ្រាវ និងផលិតដោយមន្ទីរស្វយ័តកម្ម ក្រុងសឹនយ៉ាង នៃបណ្ឌិត្យសភាវិទ្យាសាស្ត្រចិន ដែលអាចបញ្ជាដោយស្វយ័តពីចម្ងាយ បានបញ្ចប់ភារកិច្ចសាកល្បងមុជចូលក្នុងជម្រៅទឹក 10,000ម៉ែត្រជាលើកដំបូងដោយជោគជ័យ ដែលនេះជាសមិទ្ធផលថ្មីដ៏សំខាន់ និងបានបំពេញចន្លោះខ្វះខាតរបស់ប្រទេសចិន ខាងនាវាមុជទឹកគ្មានមនុស្សបើក ដែលអាចមុជចូលទៅក្នុងទឹកក្នុងជម្រៅជាង 10,000ម៉ែត្រ។
ការស្រាវជ្រាវ និងផលិតនាវាមុជទឹក Hadal លេខ1 នេះ ជាសញ្ញាកត់សម្គាល់មួយថា បច្ចេកវិទ្យានាវាមុជទឹកគ្មានមនុស្សបើករបស់ប្រទេសចិន បានវិវឌ្ឍចូលដល់ដំណាក់កាលថ្មីដែលអាចស្ទង់ពិនិត្យដោយគ្របដណ្តប់លើជម្រៅទឹកសមុទ្រទាំងអស់៕
ប្រភព៖ វិទ្យុមិត្តភាពកម្ពុជា-ចិន
រោងចក្រផលិតរថយន្តរបស់ក្រុមហ៊ុន Honda ត្រូវបានផ្អាកដំណើរការស្ទើរតែពេញមួយពិភពលោកទៅហើយ តែនេះមិនមែនដោយសារការរាតត្បាតនៃជំងឺកូវីដ-19 នោះទេ តែ វាជាការវាយប្រហារពីក្រុមជនអនាមិក (Hackers) ទៅវិញ។
ប្រព័ន្ធបណ្ដាញ (Network System) របស់ក្រុមហ៊ុនហុងដា ត្រូវបានវាយប្រហារ ដែលធ្វើឱ្យក្រុមហ៊ុនមិនអាចចូលប្រើកុំព្យូទ័រសឺវើ អ៊ីមែល និងប្រព័ន្ធផ្សេងៗទៀតបាន។
នេះបើតាមការផ្សព្វផ្សាយរបស់សារព័ត៌មាន BBC។ រោងចក្រដែលត្រូវបានបិទទាំងនោះ មាននៅតាមបណ្តាប្រទេសជាច្រើន ដូចជា ចក្រភពអង់គ្លេស តួរគី អ៊ីតាលី ជប៉ុន និងតំបន់អាមេរិកខាងជើង។ បើយោងតាមក្រុមអ្នកស្រាវជ្រាវផ្នែកសុវត្ថិភាព បានឱ្យដឹងថា នេះអាចជាការវាយប្រហារប្រភេទ Snake Ransomware ដែលក្រុមអ្នកវាយប្រហារបានបំប្លែង (encrypt) ទិន្នន័យរបស់ក្រុមហ៊ុន ឬបិទមិនឱ្យក្រុមហ៊ុនអាចចូលប្រើប្រព័ន្ធកុំព្យូទ័របាន ប៉ុន្តែក្រុមហ៊ុនហុងដាបានអះអាងថា ទិន្នន័យទាំងអស់ពុំមានការប៉ះពាល់នៅឡើយទេ រហូតមកដល់ពេលនេះ។
បច្ចុប្បន្ន គេពុំបានដឹងទេថា តើក្រុមអ្នកវាយប្រហារ បានចូលទៅក្នុងប្រព័ន្ធ Network តាមរបៀបណានោះទេ ប៉ុន្តែវាប្រហែលអាចចូលតាមការទាញយកឯកសារផ្សេងៗ ដែលមានភ្ជាប់មកជាមួយនូវមេរោគទាំងនោះ។
នេះជាការក្រើនរំឭកមួយ ដែលទាំងក្រុមហ៊ុន ក៏ដូចជាអ្នកប្រើប្រាស់ដែរ ត្រូវតែមានការប្រុងប្រយ័ត្នជាមួយប្រព័ន្ធសុវត្ថិភាពដើម្បីចៀសវាងពីការវាយប្រហារនានា ជាពិសេសសម្រាប់ក្រុមហ៊ុនផលិតរថយន្តនេះតែម្ដង ព្រោះថា បច្ចេកវិទ្យានាពេលបច្ចុប្បន្ននេះ គឺមានច្រើនយ៉ាង ដែលត្រូវបានប្រើបាស់នៅក្នុងប្រព័ន្ធដំណើរការរបស់រថយន្តដូចជា ប្រព័ន្ធហ្វ្រាំង ប្រព័ន្ធគ្រប់គ្រងល្បឿន ហើយនៅថ្ងៃអនាគត ក៏នឹងមានប្រព័ន្ធដែលអាចឱ្យរថយន្តបើកបានដោយខ្លួនឯងផងដែរ៕
ថ្មីៗនេះក្រុមហ៊ុន Telegram បានកែសម្រួលមុខងារកែរូបភាព ដែលអាចឱ្យអ្នកប្រើប្រាស់បញ្ចូល Animated Stickers និងអាចកែវីដេអូឱ្យកាន់តែល្អបានថែមទៀត។
កាលពីឆ្នាំ2015 កម្មវិធីនេះបានដាក់ឱ្យប្រើប្រាស់មុខងារកែរូបភាព ដែលលោកអ្នកអាចបញ្ចូលគំនូរ stickers និងពាក្យពេចន៍ក្នុងរូបភាពបាន។
តែមុខងារថ្មីនេះ លោកអ្នកអាចបន្ថែម Animated Stickers ទៅក្នុងទាំងរូបភាព និងវីដេអូដើម្បីឱ្យមានភាពរស់រវើក ព្រមទាំងធ្វើឱ្យរូបភាពក្លាយជា GIF ហើយលោកអ្នកអាចធ្វើការរក្សាទុកសម្រាប់ប្រើថ្ងៃក្រោយបានទៀតផង។
ក្រៅពីការកែលម្អបន្ថែមមុខងារកែរូបភាព ក្រុមហ៊ុនក៏បានធ្វើកំណែសម្រួលការប្រើប្រាស់ Folder ឱ្យកាន់តែងាយស្រួល Add/Remove សារក្នុង Folder ហើយសម្រាប់អ្នកប្រើប្រាស់ប្រព័ន្ធប្រតិបត្តិការ Android ក្រុមហ៊ុនក៏បានកែសម្រួលឱ្យកាន់តែប្រសើរក្នុងការផ្ញើ កែ និងលុបសារផងដែរ ចំណែកឯវីដេអូដែលមានរយៈពេលខ្លីជាង 30វិនាទី នឹងត្រូវបានចាក់បង្ហាញម្ដងហើយ ម្ដងទៀតដោយស្វ័យប្រវត្តិ (Loop)។
កម្មវិធីតេឡេក្រាម គឺជាកម្មវិធីមួយដែលមានភាពពេញនិយមខ្លាំងគ្រាន់បើ ដែលមិនត្រឹមតែនៅក្នុងប្រទេសកម្ពុជាយើងប៉ុណ្ណោះទេ តែថែមទាំងនៅប្រទេសផ្សេងៗទៀតជុំវិញពិភពលោក ព្រោះកម្មវិធីនេះជាកម្មវិធីផ្ញើសារមួយក្នុងចំណោមកម្មវិធីផ្ញើសារផ្សេងទៀតដែលផ្ដល់មុខងារ end-to-end encryption មុនគេ៕
បច្ចេកវិទ្យាសាកថ្មលឿន (Fast Charging) ដែលសព្វថ្ងៃគ្រប់ក្រុមហ៊ុនផលិតស្មាតហ្វូនកំពុងយកចិត្តទុកដាក់ខ្លាំង ក្នុងការបំពាក់លើស្មាតហ្វូនរបស់ពួកគេ និងជាចំណែកក្នុងការផ្សព្វផ្សាយទីផ្សារផងដែរ។
បើយោងតាមប្រភពពី Phonearena បានលើកយកបទពិសោធមួយ មកពិភាក្សារបស់លោក Georgi Zarkov ដោយចោទជាប្រធានបទពិភាក្សាថា៖ “រវាង បន្ថែមចំនួនដងនៃការសាកថ្មញឹកញាប់ និងបន្ថែមទំហំថ្មឱ្យធំ ប្រើបានច្រើនម៉ោង យកមួយណា?… សម្រាប់លោក Georgi រើសយក បច្ចេកវិទ្យាសាកភ្លើងលឿន សំខាន់ខ្លាំងជាងទំហំថ្ម សម្រាប់អ្នកកាន់ស្មាតហ្វូនសព្វថ្ងៃ។
ដោយឡែកលទ្ធផលដែលបានមកពីការ Vote គឺ បន្ថែមទំហំថ្មឱ្យធំ ប្រើបានច្រើនម៉ោង ជាអ្នកឈ្នះ។ លទ្ធផលនេះមានន័យថា បើទោះជាស្មាតហ្វូនមានបច្ចេកវិទ្យាសាកថ្មលឿន តែបើសាកច្រើនដងពេក ក៏មិនកើតដែរ។
តែបើសិនជា ទំហំថ្មធំ និងចេញមកព្រមជាមួយបច្ចេកវិទ្យាសាកថ្មលឿនទៀត នោះច្បាស់ជាអតិថិជនសម្រេចចិត្តទិញប្រើ លឿនតែម្ដង។
ចុះមិត្តអ្នកអានវិញ ចង់បានមួយណា?៕
កាលពីពេលថ្មីៗនេះ មានរបាយការណ៍ចេញផ្សាយដោយសារព័ត៌មានចិនមួយ បានឱ្យដឹងថា ចំនួនស្ថានីយប្រព័ន្ធ 5G ដែលគ្រោងនឹងដំឡើងនៅប្រទេសចិន មានរហូតដល់ទៅ 20,000កន្លែងឯណោះ។
ទោះជាយ៉ាងណាក្តី ក្រុមហ៊ុនផ្គត់ផ្គង់ដ៏ធំនៅចិន China Mobile បានបង្ហើបឱ្យដឹងថា ចំនួនស្ថានីយដែលនឹងដំឡើងនៅក្នុងបណ្ដាទីក្រុងធំចំនួន 52 ទូទាំងប្រទេស កាលពីឆ្នាំ2019 ឬអាចនឹងលើសពីចំនួនកំណត់នេះទៅទៀត បើមានតម្រូវការកាន់តែច្រើន ខណៈដែលបច្ចុប្បន្ន ការងារដំឡើងនោះ បានចាប់ផ្តើមដំណើការបានជាង 3,500 ស្ថានីយរួចហើយនៅទីក្រុងប៉េកាំង។
ប្រភពដដែលបានបន្ថែមថា ក្រុមហ៊ុនមាណជា 3.39លានដុល្លារអាមេរិក លើការដំឡើងស្ថានីយប្រព័ន្ធ 5G នេះឱ្យបានដល់ 300ទីក្រុងទូទាំងពិភពលោក៕
គិតត្រឹមខែឧសភា ដល់មិថុនា ឆ្នាំ2020 វិស័យពាណិជ្ជកម្មយានយន្តនៅប្រទេសចិន ត្រូវបានសមាគមឧស្សាហកម្មយានយន្តចិន ទម្លាយឱ្យដឹងថា បានកើនឡើងដល់ 2.14លានគ្រឿង (ប្រមាណជា 11,7% )។
ប្រភពព័ត៌មានដដែលបានបន្ថែមទៀតថា តាំងពីអំឡុងដើមឆ្នាំ រហូតមកដល់ខែមេសា 2020នេះ ទីផ្សារយានយន្តបានកើនឡើងត្រឹមតែ 4,4% ប៉ុណ្ណោះ តែទោះជាយ៉ាងណាក៏ដោយ បើគិតជាចំនួន 5ខែចុងក្រោយនេះវិញ ចំនួនលក់សរុបបានជាង 7.9លានគ្រឿង (ធ្លាក់ចុះ 23,1%) បើធៀបទៅនឹងឆ្នាំ2019។
ក្រុមអ្នកជំនាញខាងប៉ាន់ស្មាន បានឱ្យតម្រុយថា បើទោះជាមានសញ្ញាវិជ្ជមាន នៅខែ ឧសភាកន្លងទៅក៏ដោយ តែរហូតទៅដល់ដាច់ខែមិថុនា ឬដល់ដំណាច់ឆ្នាំ2020 អាចនឹងធ្លាក់ចុះវិញ ដោយហេតុថា វីរុសកូវីដ-19 មិនទាន់សាបបាត់ទាំងស្រុងនៅឡើយ៕
កីឡាករ Paulo Dybala កីឡាករខ្សែប្រយុទ្ធកណ្តាល របស់ជម្រើសជាតិអាហ្សង់ទីន និងក្លិប Juventus បានរំឭកពីអតីតកាល ដែលកាលពីឆ្នាំមុន មានក្លិបចំនួន3 បានទាក់ទងរូបគេ ដែលមានដូចជា PSG, Manchester United និង Tottenham Hotspur។
Dybala បាននិយាយថា៖ ប្រហែលជាជិត 1ឆ្នាំមុន Juventus មិនចង់ទុកខ្ញុំ ឱ្យលេងបន្តទៀតទេ អ៊ីចឹងហើយក៏មានក្លិបមួយចំនួនបានមកទាក់ទងខ្ញុំ ដូចជាក្លិប Manchester United ក្លិប Tottenham Hotspur រួមទាំងក្លិប Paris Saint Germain ទៀតផង។
ខ្សែប្រយុទ្ធរូបនេះបានបន្តថា៖” តែពេលនោះ ខ្ញុំមិនបាននិយាយដោយផ្ទាល់ជាមួយពួកគេទេ គ្រាន់តែដឹងថា គេមកទាក់ទង តែទោះជាយ៉ាងណា ខ្ញុំមិនចង់ទៅទេ គោលបំណងរបស់ខ្ញុំ គឺនៅបន្ត ដោយសារតែកាលនោះ ជាឆ្នាំមិនល្អសម្រាប់ខ្ញុំ ខ្ញុំលេងមិនសូវបានល្អទេ អ៊ីចឹងហើយ ទើបខ្ញុំមិនចង់ចាកចេញទៅទាំងបែបហ្នឹងទេ៕
ភ្ញៀវទេសចរក្នុងស្រុកចាប់ផ្តើមសកម្មភាពរបស់ខ្លួនជាឡើងវិញនៅដើមខែមិថុនានេះ បន្ទាប់ពីស្ងប់ស្ងាត់មួយរយៈដោយសារតែព្រួយបារម្ភពីមេរោគ Covid-19។
ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ថា សប្តាហ៍ទី1 នៃខែមិថុនានេះ ភ្ញៀងទេសចរក្នុងស្រុកប្រមាណ 157,942នាក់ បានធ្វើដំណើរទៅកាន់តំបន់ទេសចរណ៍នានានៅក្នុងប្រទេស។ ចំនួននេះកើនឡើងប្រមាណ 24.20% បើប្រៀបធៀបនឹងសប្តាហ៍មុន។ ក្នុងចំណោមភ្ញៀវទាំងអស់មានការកើនឡើងទាំងភ្ញៀវជាតិ និងភ្ញៀវអន្តរជាតិ ដោយក្នុងនោះភ្ញៀវជាតិមានចំនួន 154,286នាក់ កើនឡើង 24.07% ខណៈភ្ញៀវបរទេសមានចំនួន 3,656នាក់ កើនឡើងប្រមាណ 30.43%។
បច្ចុប្បន្ននេះទោះស្ថិងក្នុងដំណាក់កាលនៃការរីករាលដាលជំងឺ Covid-19 ក៏ដោយ តែក្រសួងទេសចរណ៍ និងអាជ្ញាធរពាក់ព័ន្ធបាន និងកំពុងយកចិត្តទុកដាក់ខ្លាំងលើការអភិវឌ្ឍ និងកែច្នៃតំបន់ទេសចរណ៍នានាឱ្យកាន់តែមានសក្តានុពល។ ជាក់ស្តែងតំបន់អង្គរត្រូវបានអាជ្ញាធរជាតិអប្សរា រៀបចំឱ្យមានសោភណ្ឌភាពកាន់តែទាក់ទាញ ខណៈតំបន់ឆ្នេរ និងតំបន់អេកូទេសចរណ៍ជាច្រើនផ្សេងទៀតក៏កំពុងតែត្រូវបានកែលម្អ។ ហេតុនេះក្រោយបញ្ចប់ការរីករាលដាលនៃជំងឺ Covid-19 ស្ថានភាពទេសចរណ៍នៅកម្ពុជា នឹងអាចមានការប្រែប្រែលខ្លាំងជាវិជ្ជមាន៕
ទឹកមូត្រជាវត្ថុរាវដែលត្រូវបានបញ្ចេញចោលពីរាងកាយ ដោយក្រលៀននឹងត្រងយកវត្ថុមិនល្អ និងវត្ថុដែលច្រើនជ្រុលពេក ចេញពីឈាមហើយបញ្ចេញមកក្រៅជាទឹកនោម និងរក្សាទុកចំណែកដែលមានប្រយោជន៍នៅក្នុងលោហិត។ ទឹកមូត្រប្រក្រតីនឹងមានពណ៌លឿងស្រាលស្រដៀងពណ៌ចំបើង រាងថ្លា និងទឹកមូត្រដែលចេញមកថ្មីៗនឹងមានក្លិនក្រអូបស្រាលៗ តែបើទុកចោលយូរនឹងនឹងមានក្លិនឆួលពីការដែលមេរោគបាក់តេរីរំលាយយូរៀទៅជាអ៊ែមម៉ូនៀ។
ទឹកមូត្រខុសប្រក្រតីរបស់កុមារដែលគួរដឹងមានដូចតទៅ ៈ
1 – ទឹកមូត្រពណ៌ក្រហម
ទឹកមូត្រពណ៌ក្រហម អាចបណ្តាលមកពីហេម៉ូគ្លោប៊ីន( hemoglobin ) ក្នុងគ្រាប់ឈាមក្រហមដែលបែក ដោយសារតែកើតជំងឺខ្វះ G-6-PD នៅក្នុងគ្រាប់ឈាមក្រហម គ្រាប់ឈាមក្រហមនឹងងាយបែកបើគ្រុនក្តៅខ្លាំង ឬញ៉ាំថ្នាំប្រភេទខ្លះ ដូចជា ស៊ុលហ្វា ខ្លរែមហ្វេហ្វ៊ីខល ជាដើម។ ទឹកមូត្រនឹងមានពណ៌ក្រហមចជាំ ស្រដៀងទឹកកូកាកូឡា ឬទឹកតែចាស់ ក្មេងនឹងស្លេកស្លាំងយ៉ាងឆាប់រហ័ស។ ភាគច្រើនរបស់ទឹកមូត្រពណ៌ក្រហមកើតចេញពីការមានឈាមចេញនៅក្នុងប្រព័ន្ធតម្រងនោម ដោយមានមូលហេតុច្រើនយ៉ាងដូចជា ៈ
ក – ការឆ្លងមេរោគបាក់តេរី ឬវីរុសនៅក្នុងប្រព័ន្ធតម្រងនោម អាការដែលប្រទះឃើញគឺ ក្មេងច្រើនតែគ្រុនក្តៅខ្លួន នោមញឹកញាប់ នោមផ្សា និងពិបាកនោម ជាដើម។
ខ – ជំងឺរលាកក្រលៀនភ្លាមៗ
គ – ក្រួសក្នុងបង្ហួរនោម
ឃ – កើតឧបត្តិហេតុ ដូចជាជិះកង់ដួល អវយវៈភេទបោកប៉ះនឹងកែបកង់ ជាដើម
ង – ដុះសាច់នៅក្នុងបង្ហួរនោម តែមានតិចតួចបំផុត
លក្ខណៈការនោមចេញមកមានឈាម បើឈាមចេញមកពីក្រលៀន ឬបង្ហួរក្នុងក្រលៀន នឹងមានទឹកមូត្រពណ៌ក្រហមរហូតពេញមួយការបន្ទោបង់ តែបើមានឈាមចេញមកមិនច្រើន ក៏នឹងឃើញមានទឹកមូត្រមានពណ៌ក្រហមនៅពេលដំបូង បន្ទាប់ពីនោះទឹកម៉ូត្រនឹងមានពណ៌ប្រក្រតីវិញ។ បើមានឈាមចេញពីបង្ហួរនោម ឬរន្ធបើករបស់បង្ហួរនោមនោះ ទឹកនោមនឹងមានពណ៌ក្រហមនៅពេលចេញមកដំបូងៗ តែបន្ទប់ពីនោះមកទឹកនោមនឹងមានពណ៌ប្រក្រតីវិញ។
បើឪពុកម្តាយផ្តល់ប្រវត្តិការបន្ទោបង់ទឹកនោមយ៉ាងល្អិតល្អន់ រួមទាំងអាការផ្សេងៗទៀតផងនោះ ការព្យាបាលនឹងអាចធ្វើបានយ៉ាងត្រឹមត្រូវ និងឆាប់រហ័ស។
2 – ទឹកម៉ូត្រល្អក់
ទឹកម៉ូត្រឡើងល្អក់អាចបណ្តាលមកពីការទម្លាក់កកររបស់សារធាតុហ្វ៉សហ្វេត, យូរេត តែភាគច្រើនច្រើនបណ្តាលមកពីការឆ្លងមេរោគនៅក្នុងប្រព័ន្ធបញ្ចេញទឹកម៉ូត្រ ច្រើនមានមូលហេតុពីមេរោគបាក់តេរីនៅក្នុងពោះវៀនធំ អ្នកជំងឺច្រើនតែមានគ្រុនក្តៅ ពេលខ្លះកម្តៅឡើងខ្ពស់រហូតដល់រងាញាក់ ពិបាកបត់ជើងតូច ឈឺពេលប្រឹងបត់ជើងតូច ទឹកម៉ូត្រមានក្លិនឆួល ពេលខ្លះទឹកម៉ូត្រមានឈាម ឈឺម្តុំៗខាងក្រោមក្បាលពោះបើសិនជាមានការរលាកប្លោកនោម ឬឈឹបរិវេណខ្នងចង្កេះទាំងសងខាងបើសិនជារលាកតម្រងនោម មេរោគបាក់តេរីច្រើនតែចូលក្នុងបង្ហួរនោម និងជួបប្រទះនៅលើក្មេងស្រីច្រើនជាងក្មេងប្រុស។ ការបង្ហាត់ឱ្យក្មេងចេះសម្អាតបរិវេណអវយវៈបន្ទោបង់ និងជូតឱ្យស្ងួតអាចជួយកាត់បន្ថយការឆ្លងមេរោគបាន។
3 – នោមតិច
បើញ៉ាំទឹកតិចជាងតម្រូវការរបស់រាងកាយ ក្រលៀននឹងព្យាយាមរក្សាទឹកទុកដើម្បីរក្សតុល្យការទឹករបស់រាងកាយ ធ្វើឱ្យនោមតិច មានពណ៌លឿងចាស់។ បើក្មេងមិននោមលើសពី 12 ម៉ោង ត្រូវប្រញាប់នាំទៅមន្ទីរពេទ្យ ព្រោះអាចនឹងកើតសភាវគាំងក្រលៀនភ្លាមៗបាន។
4 – នោមច្រើន
ការបន្ទោបង់ទឹកនោមច្រើន ច្រើនតែបណ្តាលមកពីការបានទទួលទឹកច្រើនលើសតម្រូវការរបស់រាងកាយ ដោយក្រលៀននឹងបញ្ចេញចំនួនទឹកដែលលើសចេញ ធ្វើឱ្យទឹកនោមមានពណ៌ស្លេក ពេលខ្លះដូចទឹកធម្មតា។ ក្រៅអំពីនេះអាចបណ្តាលមកពីជាតិស្ករ នៅក្នុងទឹកនោម ឬបានទទួលថ្នាំបញ្ចុះទឹកម៉ូត្រ ធ្វើឱ្យក្រលៀនបញ្ចេញតឹកចេញមកច្រើនជាងប្រក្រតី ឬមានភាពខុសប្រក្រតីក្នុងខួរក្បាល ដូចជា ជំងឺ Diabetes insipidus ជាដើម។
រឿងរបស់ទឹកមូត្រ យើងអាចសង្កេតឃើញភាពខុសប្រក្រតីបានងាយបំផុត តែពេលខ្លះការព្យាបាលក៏មិនមែនងាយស្រួលជានិច្ចនោះដែរ ចូរប្រឹក្សាជាមួយគ្រូពេទ្យភ្លាមៗ ជាពិសេសបើជាកូនចៅរបស់យើងផងនោះ៕