Author: ធឿន មករា

ទិញ Galaxy A11 តម្លៃ $169 ថែម Power Bank 10000 mAh តម្លៃ $29 សាកថ្មពេញលឿន ហ្ស៊ីនពី សាមសុង ភា្លម…!!
(ភ្នំពេញ) ថ្ងៃទី ០៩ ខែកក្កដា ឆ្នាំ២០២០៖ រាល់ការជាវ Samsung Galaxy A31, A21s, និង A11 ចាប់ពីថ្ងៃទី ០៨ កក្កដា ឆ្នាំ ២០២០ រហូតដល់ថ្ងៃទី ១៣ កក្កដា ឆ្នាំ ២០២០ នៅតាមហាង ដេប៉ូចែកចាយផលិតផល សាមសុង ទាំងអស់ទូទាំងប្រទេស អតិថិជនទាំងអស់នឹងទទួលបានការថែមជូន Power Bank កម្លាំង 10000 mAh តម្លៃ $29 ហ្ស៊ីន របស់ សាមសុង 1 គ្រាប់ ដោយឥតគិតថ្លៃភ្លាម…!!
ឱ្យលឿនឡើង…!! ឱកាសប្រូម៉ូសិនដ៏ពិសេសនេះយូរៗមានម្តងតែប៉ុណ្ណោះ…! សម្រាប់លោកអ្នកដែលមានដំណើរកម្សាន្តឆ្ងាយៗ ឬត្រូវការសាកថ្មបន្ទាន់ ឬពេលដាច់ភ្លើងអីគឺពិតជាស័ក្តិសមឥតខ្ចោះតែម្តង…!! Power Bank កម្លាំង 10000 mAh តម្លៃ $29 ហ្ស៊ីនដ៏ស្រស់ស្អាត របស់ក្រុមហ៊ុន សាមសុង នេះគឺមានសមត្ថភាពខ្លាំង ធន់ សាកទូរស័ព្ទឆាប់ពេញលឿនបំផុតដោយមុខងារសាកថ្មលឿន (Fast Charge)!!
សូមបញ្ជាក់ថាការថែមជូននេះគឺសម្រាប់តែការទិញ Samsung Galaxy A31, A21s, និង A11 ចាប់ពីថ្ងៃទី ០៨ កក្កដា ដល់ថ្ងៃទី ១៣ កក្កដា ឆ្នាំ២០២០ នេះតែប៉ុណ្ណោះ…! នៅចាំអីទៀត…!! ប្រញាប់ឡើង…ព្រោះស្តុកមានកំណត់ណា៎…!!
* លក្ខខណ្ឌផ្សេងៗត្រូវបានអនុវត្ត…!!

July 9, 2020
ធនាគារជាតិនៃកម្ពុជា ចេញវិធានការ3យ៉ាងដើម្បីជួយគ្រឹះស្ថានហិរញ្ញវត្ថុ
ស្ថិតក្នុងបរិបទពិភពលោកកំពុងរងការគំរាមកំហែងយ៉ាងខ្លាំងពីមេរោគ Covid-19 កម្ពុជាក៏ទទួលរងផលប៉ះពាល់ផងដែរផ្នែកសេដ្ឋកិច្ច។ នៅក្នុងចំណោមវិស័យសំខាន់ៗក្នុងសេដ្ឋកិច្ចកម្ពុជាដែលកំពុងរងផលប៉ះពាល់ វិស័យធនាគារក៏កំពុងទទួលហានិភ័យផងដែរក្នុងដំណាក់កាលនេះ។
ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា បានលើកឡើងថា ស្របពេលដែលហានិភ័យបានកើតឡើងចំពោះសេដ្ឋកិច្ច ការតាមដានហានិភ័យមកលើវិស័យធនាគារចាំបាច់ត្រូវពង្រឹងជាប្រចាំ។ ក្នុងបរិបទនេះ ធនាគារជាតិនៃកម្ពុជាបានចេញវិធានការសំខាន់ៗចំនួន3យ៉ាងដើម្បីជួយដល់វិស័យធនាគារ និងហិរញ្ញវត្ថុនៅកម្ពុជា។
វិធានការសំខាន់ទី1 គឺការទម្លាក់ការប្រាក់បម្រុងកាតព្វកិច្ចដែលគ្រឹះស្ថានធនាគារ និងហិរញ្ញវត្ថុត្រូវរក្សានៅធនាគារជាតិនៃកម្ពុជា ក្រោយទទួលបានប្រាក់បញ្ញើពីអតិថិជន និងកម្ចីបរទេស។
វិធានការទី2 គឺការពន្យារការអនុវត្តការពង្រឹងទ្រនាប់ដើមទុនបន្ថែម និងការទទួលស្គាល់ប្រាក់ចំណេញក្នុងត្រីមាសក្នុងការគណនាដើមទុន។
វិធានការទី3 គឺការផ្តល់កម្ចីក្នុងអត្រាការប្រាក់ទាប ដល់គ្រឹះស្ថានធនាគារ និងហិរញ្ញវត្ថុតាមរយៈប្រតិបតិ្តការផ្តល់សន្ទនីយភាព ដោយមានការធានា។ លើសពីនេះធនាគារជាតិនៃកម្ពុជា ក៏បានលើកកម្ពស់បរិយាបន្នហិរញ្ញវត្ថុ និងកិច្ចការពារអតិថិជន ការផ្សព្វផ្សាយវិស័យមីក្រូហិរញ្ញវត្ថុនៅកម្ពុជាតាមមូលដ្ឋាន ការដោះស្រាយបណ្តឹងអតិថិជនរបស់គ្រឹះស្ថានធនាគារ និងហិរញ្ញវត្ថុ និងការអភិវឌ្ឍគម្រោងប្រព័ន្ធការពារប្រាក់បញ្ញើជាដើម៕
July 8, 2020
ពាក់កណ្តាលឆ្នាំនេះការប្រើប្រាក់រៀលបានកើនឡើង
ការប្រើប្រាស់ប្រាក់រៀល គឺជាផ្នែកយ៉ាងសំខាន់ក្នុងការជំរុញឱ្យសេដ្ឋកិច្ចមានភាពល្អប្រសើរ ព្រោះកាលណាប្រជាជនចាយប្រាក់រៀលច្រើន នោះមានន័យថាចំនួនប្រាក់រៀលដែលបានដាក់ឱ្យចែកចាយលើទីផ្សារចាប់មានតម្លៃល្អ។
ហេតុនេះហើយទើប កន្លងមកធនាគារជាតិនៃកម្ពុជាបានចេញវិធានការជាច្រើនដើម្បីជំរុញឱ្យមានការប្រើប្រាស់ប្រាក់រៀល និងការកាត់បន្ថយការប្រើប្រាស់រូបិយបណ្ណបរទេសនៅក្នុងទីផ្សារកម្ពុជា។
ជាលទ្ធផល បើតាមការបញ្ជាក់របស់ឯកឧត្តម ជា ជាន់តូ អគ្គទេសាភិបាលធនាគារជាតិនៃកម្ពុជា បានឱ្យដឹងថា នៅឆ្នាំ2019 និងឆមាសទី1 ឆ្នាំ2020នេះ ការប្រើប្រាស់ប្រាក់រៀលចាប់ផ្តើមមានសន្ទុះល្អ ដែលវាជារឿងវិជ្ជមានមួយសម្រាប់វិស័យហិរញ្ញវត្ថុ។ ឯកឧត្តមថា ការប្រើប្រាស់ប្រាក់រៀលបានកើនឡើងដោយឆ្លុះបញ្ចាំងឱ្យឃើញតាមរយៈកំណើនប្រាក់រៀលចរាចរណ៍ក្នុងទីផ្សារចំនួន 36.4% និងកំណើនសមមាមាត្រឥណទានជាប្រាក់រៀលរហូតដល់ 13% នៃចំនួនឥណទានសរុប។
គួរបញ្ជាក់ផងដែរថា កន្លងមកធនាគារជាតិនៃកម្ពុជា ធ្វើការផ្សព្វផ្សាយយ៉ាងច្រើនដើម្បីជំរុញឱ្យមានការប្រើប្រាស់ប្រាក់រៀលប្រកបដោយប្រសិទ្ធភាព និងបានចាត់វិធានការចំពោះការប្រើប្រាស់ប្រាក់ដុល្លារតូចៗនៅក្នុងទីផ្សារ ដែលធ្វើឱ្យប្រជាជនចាប់ផ្តើមងាមកកប្រើប្រាស់ប្រាក់រៀលកាន់តែច្រើន៕

July 8, 2020
ខែក្រោយប្រជាជនខ្មែរអាចនឹងមានបណ្ណបើកបរអន្តរជាតិប្រើប្រាស់
កន្លងមក ប្រជាជនខ្មែរយើងធ្លាប់តែឮ និងឃើំញជនបរទេសមានបណ្ណបើកបរអន្តរជាតិ ដែលអាចទទួលស្គាល់គ្រប់ទីកន្លែងលើពិភពលោក តែខែក្រោយនេះ ប្រទេសយើងក៏អាចមានបណ្ណប្រភេទនេះផងដែរដើម្បីប្រើប្រាស់នៅតាមបណ្តាប្រទេសនានា។
ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងថា ក្នុងខែនេះ ឬខែក្រោយកម្ពុជានឹងចេញបណ្ណបើកបរអន្តរជាតិ និងបណ្ណបើកបរសម្រាប់ជនពិការ។ ការធ្វើបែបនេះគឺដោយសារតែកន្លងមកនៅពេលយើងទៅក្រៅប្រទេសយើងមិនអាចបើកបរបានព្រោះបណ្ណបើកបររបស់យើងពីមុនទទួលស្គាល់តែនៅកម្ពុជា។ បន្តិចទៀតយើងនឹងរៀបចំឱ្យមានបណ្ណបើកបរអន្តរជាតិដែលអាចបើកបរបានគ្រប់ទីកន្លែង ព្រោះយើងក៏ជាសមាជិកនៃអង្គការសហប្រជាជាតិដែរ យើងអាចចេញបណ្ណបើកបរអន្តរជាតិជូនប្រជាពលរដ្ឋ។ ប្រជាជនដែលមានបណ្ណបើកបរហើយអាចមកសុំប្តូរបណ្ណបើកបរអន្តរជាតិបណ្តោះអាសន្នបាន។
ឯកឧត្តមរដ្ឋមន្ត្រីក៏បានបញ្ជាក់ផងដែរថា បណ្ណបើកបរអន្តរជាតិនឹងមានរៀបចំទៅតាមប្រភេទនីមួយៗដូចជាប្រភេទ A B និង C ដោយយើងមានបោះត្រាទៅតាមប្រភេទដែលស្នើរសុំរបស់សាមីខ្លួន។ ជាឧទាហរណ៍ ប្រសិនបើគាត់បើកឡានប្រភេទទេសចរណ៍ គាត់ត្រូវបោះត្រារូបឡានទេសចរណ៍តែម្តង៕
July 8, 2020
តុបតែងបន្ទប់ទទួលភ្ញៀវឱ្យស្អាតជាងទីកន្លែងធម្មតា
បន្ទប់ទទួលភ្ញៀវគឺជាទីកន្លែងដែលសំខាន់មួយរបស់ផ្ទះ ព្រោះក្រៅពីសមាជិកក្នុងក្រុមគ្រួសារបានប្រើពេលវេលាអង្គុយលេងជាមួយគ្នាហើយនោះ នៅបានប្រើប្រាស់សម្រាប់ទទួលភ្ញៀវ ឬមិត្តភ័ក្តិដែលមកលេងផ្ទះទៀតផង ដូច្នេះបន្ទប់ទទួលភ្ញៀវគួរតែមានភាពទាក់ទាញ ភាពគួរឱ្យចង់អង្គុយបន្ធូរអារម្មណ៍ ទើបយើងគួរផ្តល់ភាពសំខាន់លើការតុបតែងបន្ទប់ទទួលភ្ញៀវឱ្យក្លាយជាទីកន្លែងមួយដែលយើងចង់ប្រើពេលវេលានៅជាមួយគ្នាឱ្យបានច្រើនបំផុត តាមវិធីតុបតែងបន្ទប់ទទួលភ្ញៀវឱ្យស្អាត ប្លែក និងគួរឱ្យចង់អង្គុយលេងដូចខាងក្រោមនេះ។
1. ឈានឆ្ពោះទៅរកភាពប្លែកភ្នែក
សាកល្បងច្នៃម៉ូដបន្ទប់អង្គុយលេងឱ្យទាបជាងកម្រាលឥដ្ឋរបស់ផ្ទះប្រក្រតីប្រមាណជា 2 – 3 កាំជណ្តើរ ជាវិធីសាងទីកន្លែងដែលធ្វើឱ្យប្លែកភ្នែក និងគួរឱ្យចាប់អារម្មណ៍ខ្លាំងឡើង។
2. បូកផ្សំជាមួយទីកន្លែងផ្សេងទៀត
សាកល្បងប្រើគំនិតច្នៃបង្កើត រៀបចំបន្ទប់ទទួលភ្ញៀវរួមជាមួយទីកន្លែងផ្សេងទៀតរបស់ផ្ទះ ឧទាហរណ៍ដូចជា រួមជាមួយបន្ទប់អានសៀវភៅ ជាដើម គឺជាការប្រើប្រាស់ទីកន្លែងយ៉ាងឆ្លាតវៃ និងមានឯកលក្ខណៈ ដោយការតុបតែងដែលរួមផ្សំគ្នាយ៉ាងល្អ។
3. នាំមកនូវភាពជិតស្និទ្ធ
បន្ទប់ទទួលភ្ញៀវដែលល្អត្រូវធ្វើឱ្យអ្នកដែលចូលមកអង្គុយមានអារម្មណ៍បានចែករំលែកអំឡុងពេលពិសេសនេះជាមួយគ្នា ដូច្នេះចូររៀបចំកៅអីសាឡុង ឬកៅអីសម្រាប់អង្គុយផ្សេងៗឱ្យតភ្ជាប់គ្នា ដោយវិធីងាយៗ ដូចជា ការបែរមុខកៅអីចូលមករកគ្នា ជាដើម
4. បង្អួចទាក់ទាញភាពសប្បាយអារម្មណ៍
ព្យាយាមដាក់កៅអីសាឡុងឱ្យជិតមាត់បង្អួចខ្លាំងបំផុត ដើម្បីទទួលពន្លឺធម្មជាតិដែលធ្វើឱ្យមានអារម្មណ៍ធូរស្រាល ព្រោះប្រហែលជាគ្មានអ្វីនឹងល្អជាងពន្លឺព្រះអាទិត្យដែលបបោសអង្អែលស្បែកស្រាលៗពេលអង្គុយអានសៀវភៅ ឬក្រេបកាហ្វេនោះឡើយក្រៅពីនេះ សាកល្បងប្រើគ្រឿងសង្ហារិមដែលមានពណ៌ស្រទន់ដែលស៊ីគ្នាជាមួយពន្លឺធម្មជាតិផង។
5. ទាន់សម័យដោយអំពូលភ្លើងគោម
អំពូលភ្លើងគោមក្លាយជាវត្ថុតុបតែងដើម្បីភាពស្រស់ស្អាតទាន់សម័យខ្លាំងឡើង ដែលចំណុចល្អរបស់វានោះគឺ ទាំងផ្តល់នូវភាពភ្លឺស្វាង ទាំងភាពស្រស់ថ្លាក្នុងការតុបតែង ដូច្នេះសាកល្បងតុបតែងដោយអំពូលភ្លើងគោមច្រើនម៉ូដ ច្រើនបែប ទាប ខ្ពស់ ឬវត្ថដែលជួយបង្កើនចំណាប់អារម្មណ៍ដល់បន្ទប់ទទួលភ្ញៀវបានផង។
6. ប្រើធម្មជាតិព្យាបាលអារម្មណ៍
ការតុបតែងបន្ទប់ដោយវត្ថុធម្មជាតិនឹងផ្តល់ឱ្យនូវភាពក្លាសស៊ិក និងមានស្ទីលទៀតផង ក្រៅពីនេះសម្ភារៈប្រភេទឈើនៅសាងភាពទំនើប និងធូរស្រាលអារម្មណ៍ក្នុងពេលតែមួយទៀតផង។
សាកល្បងនាំយកវិធីដែលរៀបរាប់មកខាងលើនេះទៅកែសម្រួលប្រើសាកលមើល ដើម្បីសាងនូវភាពពិសេសដល់បន្ទប់ទទួលភ្ញៀវនៅក្នុងផ្ទះឱ្យក្លាយជាទីកន្លែងដ៏ពេញចិត្តបំផុតមួយរបស់ទាំងសមាជិកក្នុងក្រុមគ្រួសារ និងអ្នកមកលេង៕
July 8, 2020
ឈុតរដូវកាល2021 Barcelona ចម្លងតាមម៉ូដ របស់ក្រុមមួយនៅ Premier League
Barcelona បានបង្ហាញឈុតឯកសណ្ឋានថ្មីរបស់ខ្លួន សម្រាប់ប្រើប្រាស់នៅក្នុងរដូវកាល2021 ខាងមុខនេះ ខណៈដែលការប្រកួតនានារបស់ក្រុមមួយនេះក្នុងរដូវកាល2020 នេះ មិនទាន់នឹងបញ្ចប់ផង។
ឈុតនេះ វាមាន 3ពណ៌ ដែលជាពណ៌ប្រចាំត្រកូលរបស់ Barcelona គឺឈាមជ្រូក ខៀវចាស់ និងលឿង ខណៈដែលខោ គឺពណ៌ខៀវចាស់ដដែល តែរំលេចឆ្នូតពណ៌លឿងរាងក្រាស់ជាងម៉ូដកាលពីរដូវកាល2010 ជាឈុតដែលនាំឱ្យ Barcelona លើកពាន UEFA Champions League។
អ្វីដែលកាន់តែពិសេសទៀតនោះ គឺថាឈុតនេះ វាដូចទៅនឹងឈុតឯកសណ្ឋានរបស់ក្រុម Crytal Palace ដែលជាក្រុមនៅលីកកំពូលអង់គ្លេស ហើយត្រូវបានអ្នកគាំទ្រមួយចំនួនចោទថា មិនមានគំនិតថ្មីទាល់តែសោះ! ចាំតែយកម៉ូដចាស់ៗ ឬឈុតរបស់ក្រុមផ្សេង មកកែតម្រូវតែប៉ុណ្ណោះ៕

July 8, 2020
HUN SEN CUP ល្ងាចនេះ នឹងរកឃើញក្រុមឡើងវគ្គពាក់កណ្តាលផ្តាច់ព្រ័ត្រហើយ!
ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី14 ឆ្នាំ2020 (ថ្នាក់ខេត្ត) វគ្គ 1/4 ផ្តាច់ព្រ័ត្រ (ជើងទី2) បានបញ្ចប់ចំនួន 2ប្រកួតហើយ កាលពីថ្ងៃទី7 ខែកក្កដា ឆ្នាំ2020 កន្លងទៅនេះ ដោយ ព្រៃវែង និង សៀមរាប បានកក់កៅអីវគ្គពាក់កណ្តាលផ្តាច់ព្រ័ត្រ។
ក្នុងល្ងាចថ្ងៃទី8 ខែកក្កដា ឆ្នាំ2020 នេះវិញ មានការប្រកួតចំនួន 2ប្រកួតទៀត គឺ ក្រុមត្បូងឃ្មុំ ត្រូវជួបជាមួយនឹង កំពង់ស្ពឺ និង កំពង់ឆ្នាំង ត្រូវជួប កែប ដើម្បីដណ្ដើមកៅអីទៅវគ្គបន្ទាប់។
គួរបញ្ជាក់ដែរថា ព្រៃវែង និង សៀមរាប ត្រូវទៅអង្គុយចាំក្រុម 2ទៀត ដែលអាចជា កែប កំពង់ឆ្នាំង កំពង់ស្ពី ឬ ត្បូងឃ្មុំ ដែលនឹងត្រូវប្រកួតដណ្តើមពានរង្វាន់ HUN SEN CUP 2020៕

July 8, 2020
មិនធម្មតា! អ្នកលក់ផលិតផលតាម Online ដៃគូ ម៉ែរួយ រាងមិនចាញ់តារាម៉ូដែលទេ
មានមនុស្សជាច្រើនបានគិតថា អ្នកស្រី ម៉ុត ស្រីនាង គឺជាតារាម៉ូដែល 1រូប ដែលមានភាពទាក់ទាញនៅក្នុងវិស័យសិល្បៈ ជាពិសេសនៅក្នុងទីផ្សារបង្ហាញម៉ូដ ខណៈដែលជានិច្ចកាល អ្នកស្រីតែងទទួលបានការសរសើរពីបណ្តាអ្នកគាំទ្រនៅលើបណ្តាញទំនាក់ទំនងសង្គម បន្ទាប់ពីបង្ហោះរូបភាពដ៏ស្រស់ស្អាត នៃដងខ្លួនដ៏ស្រឡូនរបស់អ្នកស្រី។
តាមពិតទៅ អ្នកស្រី ម៉ុត ស្រីនាង គឺជាអ្នកលក់ផលិតផលតាម Online ដែលជាអាជីវកម្មមួយកំពុងទទួលបានការពេញនិយមជាខ្លាំងនាពេលបច្ចុប្បន្ន ក្រោយការផ្លាស់ប្ដូរពីអាជីពជាអ្នកអ៊ុតសក់ ដែលជាប់បំណុលវ័ណ្ឌកនៅខេត្តសៀមរាប ក្រោមការជួយផ្ដួចផ្ដើម និងជ្រោមជ្រែងពី ម៉ែរួយ ដែលជាម្ចាស់ក្រុមហ៊ុនលក់ផលិតផល ដ៏ល្បីឈ្មោះនៅលើបណ្តាញ Online។
អ្នកស្រី ម៉ុត ស្រីនាង បានបង្ហើបឱ្យដឹងថា អ្នកស្រីបានចាប់យកអាជីព ជាអ្នកអ៊ុតសក់ មិនតិចជាង 10ឆ្នាំនោះទេ នៅក្នុងផ្សារសាមគ្គី ខេត្តសៀមរាប។ ប៉ុន្តែអាជីពមួយនេះមិនបានទទួលបានចំណូលដែលអាចផ្គត់ផ្គង់ជីវភាពគ្រួសារប្រចាំថ្ងៃនោះទេ ហើយថែមទាំងជំពាក់បំណុលគេ ជាច្រើនម៉ឺនដុល្លារ រហូតដល់ធ្លាប់គិតថា ចង់បញ្ចប់ជីវិតខ្លួនឯង ដើម្បីគេចពីបញ្ហាជីវិតទៀតផង។
អ្នកស្រីបានបង្ហើបឱ្យដឹងបន្តទៀតថា “កាលណោះ រកបានថវិកាបន្តិចបន្តួចសម្រាប់ឱ្យកូនទៅរៀនសឹងតែមិនបាន ជីវភាពលំបាកយ៉ាងខ្លាំង ខ្វះខាតជាប្រចាំ និងជំពាក់បំណុលគេជិត10ម៉ឺនដុល្លារ ដែលសូម្បីតែផ្ទះក៏ត្រូវលក់ដោះស្រាយជីវភាពដែរ។ គ្រានោះ ពិតជាមានការបាក់ទឹកចិត្ត រហូតដល់ចង់សម្លាប់ខ្លួន ដោយសាររកស៊ីខាត និងជំពាក់បំណុលគេច្រើនលើសលប់ពេក គ្មានលទ្ធភាពសងគេ ប៉ុន្តែក្រោយមកក៏សម្រេចចិត្ត ចូលលក់ផលិតផលតាម Online ដែលគេកំពុងតែពេញនិយមវិញម្ដង។
អ្នកស្រី ម៉ុត ស្រីនាង បានបញ្ជាក់ថា ជាភ័ព្វសំណាងណាស់ ដែលម្ចាស់ក្រុមហ៊ុនលក់ផលិតផលតាម Online ដែលគេស្គាល់ថាឈ្មោះ ម៉ែរួយ បានស្រោចស្រង់ជិវិតអ្នកស្រី ដោយការលើកទឹកចិត្ត និងផ្តល់ឱកាសឱ្យចូលរួមលក់ផលិតផលរបស់ក្រុមហ៊ុន ដែលរហូតមកដល់ពេលនេះ ត្រឹមតែរយៈពេលជាង 2ឆ្នាំប៉ុណ្ណោះ ជីវិតរបស់អ្នកកស្រីចាប់ផ្តើមមានពន្លឺល្អឡើងវិញ ហើយអាចមានលទ្ធភាពសងបំណុលគេរួចរាល់ និងថែមទាំងអាចទិញផ្ទះសម្រាប់ស្នាក់នៅបានត្រឹមត្រូវ មានរថយន្ត 1គ្រឿង សម្រាប់ធ្វើដំណើរ ហើយថែមទាំងក្លាយជាអ្នកជំរុញទឹកចិត្ត 1រូបផងដែរក្នុងវិស័យ Online តាមរយៈគណនីផ្ទាល់ខ្លួន Facebook Page : Jenny Beauty Storeទៀតផង៕
July 8, 2020
ទង្វើ 5 យ៉ាងដែលស្រ្តីមានគភ៌មិនគួរធ្វើក្រោយពេលទទួលទានអាហាររួច
តើស្រ្តីមានគភ៌ទាំងឡាយធ្លាប់ធ្វើដែរទេ នៅពេលដែលយើងញ៉ាំអាហារឆ្អែតៗហើយ រឿងដំបូងដែលយើងចង់ធ្វើនោះគឺ គេងលេងមើលទូរទស្សន៍ ឬមិនទេក៏ទៅងូតទឹកឱ្យត្រជាក់កាយសប្បាយចិត្ត ជាដើម តែ តើអ្នកដឹងឬទេថា ទង្វើខ្លះក្រោយពេលទទួលទានអាហាររួចដែលមិនគួរធ្វើនោះ ក៏អាចនាំមកនូវគ្រោះថ្នាក់ដល់សុខភាពបានដែរ ជាពិសេសចំពោះស្រ្តីមានគភ៌។
1 . មិនគួរងូតទឹក
សម្រាប់ស្រ្តីមានផ្ទៃពោះ ឬមនុស្សជាច្រើនដែលមានទង្វើចូលចិត្តងូតទឹកភ្លាមៗក្រោយពេលទទួលទានអាហាររួចនោះ គួរតែកែសម្រួលទង្វើនោះជាថ្មីហើយ ព្រោះការងូតទឹកភ្លាមៗក្រោយពេលទទួលទានអាហារឆ្អែតនឹងបន្ថយប្រសិទ្ធភាពការធ្វើការងាររបស់ប្រព័ន្ធរំលាយអាហារ តែអ្វីដែលសំខាន់នោះ វានៅហុចផលធ្វើឱ្យប្រព័ន្ធឈាមរត់នៅក្នុងរាងកាយកើតភាពមិនតុល្យការឡើងទៀតផង ដូច្នេះ ឡារ៉ែនសូមណែនាំថា ក្រោយពេលទទួលទានអាហាររួចហើយ គួរសម្រាកប្រមាណជា 30 នាទី ហើយសឹមងូតទឹក ទើបវាហុចផលល្អដល់សុខភាពខ្លាំងជាង។
2 . មិនគួរទទួលទានផ្លែឈើ
ក្រោយពីទទួលទានបាយឆ្អែតហើយ ភាគច្រើនយើងច្រើនតែរកផ្លែឈើមកញ៉ាំលាងមាត់ មែនទេចា៎ស? តែបងៗស្រីៗដែលកំពុងមានផ្ទៃពោះដឹងទេថា ផ្លែឈើដែលយើងញ៉ាំចូលទៅភ្លាមៗបន្ទាប់ពីញ៉ាំបាយឆ្អែតហើយនោះ នឹងធ្វើឱ្យកើតជាតិអាស៊ីតកើនឡើងនៅក្នុងក្រពះ និងកើតការចុកឆ្អល់ណែនក្នុងពោះខ្លាំងជាអ្នកដែលមិនមានគភ៌ ធ្វើឱ្យមិនស្រួលក្នុងខ្លួន ដូច្នេះ ឡារ៉ែនសូមណែនាំថា ចូរញ៉ាំផ្លែឈើក្រោយពេលទទួលទានអាហាររួចហើយ 1 ឬ 2 ម៉ោងក្រោយទើបជាការប្រសើរ។
3 . មិនគួរញ៉ាំទឹកតែ
បន្ទាប់ពីញ៉ាំបាយឆ្អែតហើយ ឡារ៉ែនមិនណែនាំឱ្យញ៉ាំទឹកតែទេ ព្រោះស្លឹកតែមានភាពជាអាស៊ីតខ្ពស់ នៅពេលទឹកតែដែលញ៉ាំចូលទៅនោះ វានឹងទៅមានប្រតិកម្មម្យ៉ាងជាមួយអាហារធ្វើឱ្យប្រូតេអ៊ីនក្នុងអាហារកើតភាពមិនសមប្រកបឡើង ហុចផលឱ្យក្រពះពិបាកក្នុងការរំលាយអាហារកាន់តែខ្លាំងឡើង។
4 . មិនគួរដើរច្រើន
ជឿថា ក្រោយពីទទួលទានអាហារឆ្អែតហើយ មិនមែនចំពោះតែស្រ្តីមានផ្ទៃពោះប៉ុណ្ណោះទេដែលចូលចិត្តក្រោកឡើងចេញទៅដើរដើម្បីរំលាយអាហារ ព្រោះនៅលើមនុស្សទូទៅច្រើនតែមានទង្វើបែបនេះដែរ ដែលនៅក្នុងការពិតវិញ ការទទួលទានអាហាររួចហើយដើរ មិនបានជួយធ្វើឱ្យអាហាររំលាយបានងាយ និងលឿនឡើងនោះទេ តែការដើរក្រោយពេលញ៉ាំបាយឆ្អែតហើយ ក្រៅពីធ្វើឱ្យមានអាការចុកណែនក្នុងពោះហើយនោះ វានៅធ្វើឱ្យប្រព័ន្ធរំលាយអាហារមិនអាចបឺតជ្រាបយកសារធាតុអាហារចូលទៅក្នុងរាងកាយបានល្អដូចតាមតែអាចធ្វើបាននោះឡើយ ដូច្នេះក្រោយពេលទទួលទានអាហារឆ្អែតហើយ មិនគួរក្រោកឡើងទៅដើររំលាយអាហារនោះទេ គួររង់ចាំយ៉ាងតិចប្រមាណជា 20 – 30 នាទី រួចហើយសឹមក្រោកទៅដើរលេងៗកំសាន្តកាយ។
5 . មិនគួរគេងលក់ឱ្យភ្លាមឡើយ
ញ៉ាំឆ្អែតៗហើយ អ្នកណាៗក៏ចង់តែទម្រេតខ្លួនគេងភ្លាមៗដែរ មែនទេ? ពិសេសរឹតតែជាស្រ្តីមានគភ៌ផងនោះ រឹតតែចង់ធ្វើបែបនោះទៅទៀត តែឈប់សិន! ព្រោះការគេងលក់ភ្លាមៗក្រោយពេលញ៉ាំបាយរួចហើយ នឹងធ្វើឱ្យអាហារដែលញ៉ាំចូលទៅមិនកើតមានការរំលាយ ព្រោះមិនមែនគ្រាន់តែយើងសម្រាកប៉ុណ្ណោះទេ តែអវយវៈខាងក្នុងផ្សេងៗក៏សម្រាកដូចគ្នា ធ្វើឱ្យប្រសិទ្ធភាពក្នុងការធ្វើការយឺតយ៉ាវចុះ(បេះដូងនៅតែដើរដូចមុន តែជាការដើរក្នុងចង្វាក់ដែលយឺតជាងមុន) ដែលមានទាំងប្រព័ន្ធរំលាយអាហារផងដែរ។ ការដែលអាហារមិនទទួលការរំលាយនោះ ធ្វើឱ្យអាហារត្រូវបានប្រមូលសន្សំនៅក្នុងក្រពះ និងធ្វើឱ្យកើតមានខ្យល់ កើតមានហ្កាសឡើងនៅក្នុងក្រពះ អាចហុចផលឱ្យកើតរោគអាស៊ីតហូរបញ្រ្ចាស់ឡើងបាន៕
July 8, 2020
Beckham រំឭកខួបអាពាហ៍ពិពាហ៍ 21ឆ្នាំ របស់ខ្លួន យ៉ាងរ៉ូមែនទិក
David Beckham អតីតកីឡាករជម្រើសជាតិអង់គ្លេសដ៏ល្បីល្បាញ កាលពីទសវត្សរ៍ឆ្នាំ2000 បានរំឭកអំពីប្រវត្តិស្នេហារបស់ខ្លួន ក្នុងថ្ងៃខួបអាពាហ៍ពិពាហ៍ ដែលគិតមកទល់នឹងពេលនេះ គឺមានរយៈពេល 21ឆ្នាំហើយ។
ក្នុងឱកាសនេះផងដែរ David Beckham បានបង្ហោះឃ្លីបវីដេអូមួយខ្សែ ដែលរំឭកអំពីជីវិតស្នេហ៍ របស់ខ្លួន អមជាមួយនឹងសំណេរដែលមានន័យថា លោកបានចាប់ចិត្តស្រឡាញ់ប្រពន្ធរបស់លោក ដោយសារបានមើលវីដេអូចម្រៀង(MV) របស់នាង ដែលកាលនោះ នាងគឺជាអ្នកចម្រៀងដ៏ល្បីល្បាញម្នាក់ ហើយលោកមិននឹកស្មានថា បានរៀបការជាមួយនឹងនាងឡើយ។ ជាចុងក្រោយ Beckham បាននិយាយថា លោកពិតជាស្រឡាញ់នារីម្នាក់នេះខ្លាំងណាស់។
David Beckham បានស្គាល់គ្នាជាមួយនឹង Victory Beckham ដែលជាតារាចម្រៀងក្នុងក្រុម Spicy Girls ដ៏ល្បីល្បាញកាលពីឆ្នាំ1997 ហើយបានរៀបការជាមួយគ្នានៅឆ្នាំ1999 និងមានកូនចំនួន 4នាក់៕

July 8, 2020