គ្រួសារជាច្រើនមានកង្វល់ថា ហេតុអីបានកូនអាយុ 5 ឆ្នាំហើយ នៅមិនទាន់អានអក្សរកើត ឬមិនទាន់ចេះសរសេរបានទៀត ដូច្នេះពេលនេះយើងនាំគ្នាមកមើលពីតិចនិកដើម្បីជំរុញឱ្យកូនអភិវឌ្ឍជំនាញការអាន និងសរសេរ។
1 . រឿងនិទានជាតួអក្សរ ៖ ដោយសារធម្មជាតិរបស់ខួរក្បាលនឹងរៀនយល់ដឹងបានល្អនៅពេលមានសេចក្តីសុខ និងមិនធុញថប់តានតឹងនោះ ការអានរឿងនិទានតាមតួអក្សរក្នុងសៀវភៅរឿងនិទានដែលចូលចិត្ត អាចនឹងបំប្លែងរាងទៅជាសៀវភៅហ្វឹកហាត់អាន ក ខ តែមិនទាន់ចាំបាច់ត្រូវរៀងតាមតួរអក្សរទេ ចូរបង្ហាត់ឱ្យកូនតូចរៀនយល់ដឹងពីពាក្យ និងប្រយោគក្នុងរឿងនិទាន ដែលសប្បាយ និងគួរឱ្យចង់រៀនខ្លាំងជាង។
2 . សៀវភៅគំនូរផាត់ពណ៌សំណព្វចិត្ត ៖ នាំកូនទៅសួនសត្វ សួនសាធារណៈ ឬសួនកម្សាន្ត គួរយកសៀវភៅគំនូរផាត់ពណ៌ទៅជាមួយផង ការគូររូបភាព ហើយចាប់ផ្តើមសរសេរពាក្យបរិយាយបណ្តើរៗតាមរូបភាពដែលគូរ។ បរិយាកាសការរៀនយល់ដឹងដែលល្អ នឹងជួយបង្កើនឱ្យការរៀនយល់ដឹងកាន់តែល្អប្រសើរឡើង។
3 . ក្រដាសរូបភាពនាំឱ្យសប្បាយរីករាយ ៖ ប្រើក្រដាសរូបភាពជាជំនួយការ ក្រដាសរូបភាពស្មើនឹងពាក្យព្យញ្ជនៈមួយពាក្យ នៅពេលត្រូវប្រកបជាពាក្យ ចូរចាប់ផ្តើមពីពាក្យស្រួលៗងាយៗជាមុនសិន ប្រើរូបភាពជាតួតុក្កតាដែលកូនចូលចិត្ត វានឹងជួយជំរុញឱ្យកូនសប្បាយជាមួយការរៀនយល់ដឹង និងកើតការចងចាំបានល្អ។
4 . ចាប់ផ្តើមពីឈ្មោះខ្លួនឯង និងមនុស្សក្នុងគ្រួសារ ៖ អាចនឹងចាប់ផ្តើមពីឈ្មោះរបស់កូនខ្លួនឯង ដោយសរសេរឱ្យកូនមើលញឹកញាប់ វានឹងជួយឱ្យកាន់តែឆាប់ចាំឡើង អាចនឹងបង្ហាត់កូនឱ្យរៀនសរសេរតាមនៅពេលដំបូងៗ ហាត់សរសេរញឹកញាប់ អាចនឹងសរសេរបានដោយខ្លួនឯង រួចហើយសឹមរៀនសរសេរឈ្មោះរបស់ឪពុក និងម្តាយម្តង។ ការចាប់ផ្តើមពីមនុស្សដែលខ្លួនស្រឡាញ់ និងនៅក្បែរខ្លួន នឹងធ្វើឱ្យកូនកាន់តែចាប់អារម្មណ៍ឡើង ព្រោះវ័យនេះ ចំណុចកណ្តាលនៃចំណាប់អារម្មណ៍នៅស្ថិតនៅលើឪពុកម្តាយ។
5 . ឆ្លើយសំណួរបែបវែងៗ ៖ មានន័យថា នៅពេលកូនសួរមួយសំណួរ គួរបបួលកូននិយាយ និងអធិប្បាយបន្ថែមអំពីអ្វីដែលកូនសួរ អាចនឹងបបួលសួរអំពីពាក្យដែលនិយាយដល់នោះថា មានព្យញ្ជនៈអ្វីខ្លះ ដើម្បីជំរុញឱ្យកូនគិត និងរំលឹកការចងចាំផង។
6 . រៀនយល់ដឹងតាមរយ.ៈរបស់ប្រើប្រាស់ក្នុងជីវិតប្រចាំថ្ងៃ ៖ ប្រើប្រយោជន៍ពីការធ្វើដំណើរ ដូចជា ប៉ាយផ្សាយពាណិជ្ជកម្ម ឬប្រអប់ទឹកដោះគោ ចង្អុលឱ្យកូនមើលពាក្យ ប្រយោគ ព្យញ្ជនៈ និងតួអក្សរ។ ក្នុងពេលអានមួយពាក្យៗ អ្នកម្តាយគួរតែប្រកបពាក្យនីមួយៗឱ្យផង ដើម្បីឱ្យកូនចងចាំ និងជាការរៀនយល់ដឹងកណ្តាលបរិយាកាសដែលធូរស្រាលសប្បាយ វានឹងជួយឱ្យចងចាំបានយ៉ាងងាយដោយមិនដឹងខ្លួន។
គ្រប់វិធីការ អ្នកម្តាយគួរបង្ហាត់ឱ្យកូនធ្វើញឹកញាប់ កូននឹងរៀនយល់ដឹងបានល្អ និងនៅពេលកូនបានធ្វើដដែលៗយ៉ាងជាប់លាប់ កូនក៏នឹងចងចាំ និងធ្វើបានល្អមិនខាន៕
