Author: ធឿន មករា

Chanathip ប្តូរភ្នាក់ងារដោះដូរកីឡាករ ព្រោះចង់ទៅលេងនៅអឺរ៉ុប
គណៈកម្មការរៀបចំការប្រកួតបាល់ទាត់ជាតិកម្ពុជា (CNCC) បានស្រាយមន្ទិលសង្ស័យនៃការផ្តល់កៅអី2 របស់កម្ពុជានៅក្នុងពាន AFC CUP 2021 ដោយបានកំណត់លក្ខខណ្ឌនៃការជ្រើសរើសក្លិបអាជីពនៅកម្ពុជាដើម្បីចូលរួមក្នុងប្រកួតដណ្ដើមពាននេះ កាលពីល្ងាចថ្ងៃទី22 ខែកក្កដា ឆ្នាំ2020 កន្លងទៅនេះ។
យ៉ាងណាក្ដី ដើម្បីទទួលបានកៅអីទៅកាន់ការប្រកួតកម្រិតទ្វីបនេះ បេក្ខជនទាំងអស់ត្រូវបំពេញឱ្យបាននូវលក្ខខណ្ឌអាជ្ញាប័ណ្ណក្លិបអន្តរជាតិជាមុន ឬ AFC Club Licensing 2020។ ក្នុងករណីមិនអាចបំពេញបាន សិទ្ធិចូលរួមនឹងត្រូវប្រគល់ទៅឲ្យក្រុមស្ថិតនៅចន្លោះលេខ2 ដល់លេខ6 នៃក្របខ័ណ្ឌ MCL។ ដោយឡែកសម្រាប់ក្រុមណាមួយដែលឈ្នះទាំង MCL និងពានសម្ដេចតេជោ ហ៊ុន សែន ថ្នាក់ជាតិ នោះកៅអីវគ្គ Play-Off ត្រូវផ្ដល់ក្រុមរងជើងឯកលីកកំពូល។
គួរបញ្ជាក់ដែរថា ក្រុមជើងឯកលីកកំពូលកម្ពុជា (Metfone Cambodia League 2020) នឹងចូលរួមវគ្គចែកពូល AFC CUO 2021 តែម្តង ខណៈដែលក្លិបជើងឯកពានសម្តេច (HUN SEN CUP 2020) និងត្រូវចូលរួមវគ្គជម្រុះជាមុនសិន៕

July 23, 2020
Chanathip ប្តូរភ្នាក់ងារដោះដូរកីឡាករ ព្រោះចង់ទៅលេងនៅអឺរ៉ុប
កីឡាករជម្រើសជាតិថៃ Chanathip Songkrasin បានធ្វើការផ្លាស់ប្តូរភ្នាក់ងារដោះដូរកីឡាកររបស់ខ្លួនហើយ ដោយសង្ឃឹមថា ភ្នាក់ងារថ្មីនេះ នឹងអាចនាំរូបគេទៅលេងអាជីពនៅអឺរ៉ុបបាន។
បើនិយាយពីកុងត្រាវិញ កីឡាករថៃមាឌល្អិតរូបនេះ នៅសល់ពេលវេលាជាមួយក្លិបក្នុងលីកកំពូលជប៉ុន Hokkaido Consadole Sapporo ដល់ទៅ 3ឆ្នាំទៀតឯណោះ ហើយប្រសិនបើមានក្លិបណាមួយចង់បានរូបគេ ត្រូវបង់តម្លៃខ្លួនទិញផ្តាច់កុងត្រាកីឡាកររូបនេះ ចំនួន 1លាន 9សែនដុល្លារជាមុនសិន។
គួរបញ្ជាក់ដែរថា កីឡាកររបស់ក្លិប Hokkaido Consadole Sapporo រូបនេះ បានជាប់ជាកីឡាករបរទេសមានតម្លៃខ្លួនខ្ពស់ជាងគេបង្អស់ទាំង10 នៅក្នុងលីកកំពូលជប៉ុន (J-League 1) ដោយត្រូវបានគេប៉ាន់ប្រមាណថា មានតម្លៃខ្លួនដល់ទៅជាង 2លានដុល្លារឯណោះ៕

July 23, 2020
3 ដំណាក់កាលក្នុងការប្រសូតបុត្រដែលស្រ្តីមានគភ៌គួរចាំឱ្យជាប់ក្នុងចិត្ត
ការតាំងគភ៌គឺជាបទពិសោធន៍ដ៏គួរឱ្យអស្ចារ្យម្យ៉ាងសម្រាប់អ្នកម្តាយគ្រប់រូប ទំរាំតែពរពោះ ថែទាំបំប៉នគភ៌មកយ៉ាងល្អដល់ទៅ 9 ខែ និងលុះដល់ពេលប្រសូត តើនឹងមានរឿងអ្វីកើតឡើងខ្លះនោះ ស្រ្តីមានគភ៌គួរតែសិក្សា និងត្រៀមខ្លួនទប់ទល់នឹងរឿងការប្រសូត 3 ដំណាក់កាលនេះឱ្យជាប់ក្នុងចិត្ត។
3 ដំណាក់កាលក្នុងការប្រសូតបុត្រ មានដូចខាងក្រោមនេះ ៖
1 . ការពង្រីកខ្លួនរបស់មាត់ស្បូន និងរង់ចាំមាត់ស្បូនបើកឱ្យពេញទំហឹងសឹន
អំឡុងពេលនេះអ្នកត្រូវរង់ចាំសឹន ពេលវេលាអាចនឹងកន្លងទៅយឺតខ្លាំងណាស់សម្រាប់អ្នក តែអ្នកក៏ត្រូវតែរង់ចាំឱ្យមាត់ស្បូនបើកឱ្យដល់ 10 សង្ទីម៉ែត្រសឹនដែរ។ ការបើករបស់មាត់ស្បូននឹងបែងចែកជា 3 រយៈពេលដូចតទៅនេះ ៖
. ចាប់ផ្តើមដំបូងមាត់ស្បូននឹងបើកត្រឹមតែ 0 – 4 សង្ទីម៉ែត្រប៉ុណ្ណោះ ហើយមាត់ស្បូននឹងបើកជារឿយៗទៅទៀតប្រមាណជា 1 សង្ទីម៉ែត្រក្នុង 1 ម៉ោង។ ស្រ្តីមានគភ៌ខ្លះអាចត្រូវរង់ចាំឱ្យមាត់ស្បូនបើកពេញទំហឹងប្រមាណជា 6 – 10 ម៉ោង ទំរាំនឹងប្រសូតបាន អ្នកខ្លះត្រូវរង់ចាំយូរជាងនោះទៅទៀត អាស្រ័យលើបទពិសោធន៍ និងសភាពរាងកាយ ហើយពេលនោះក៏នឹងមានអាការឈឺពោះខ្លាំងឡើងៗជារឿយៗ អ្នកម្តាយខ្លះទឹកភ្លោះអាចនឹងបែកតាំងពីពេលនេះបាត់ទៅហើយ។
. អំឡុងពេលបន្ទាប់មកទៀត មាត់ស្បូនរបស់អ្នកនឹងបើកចេញប្រមាណជា 3 – 7 សង្ទីម៉ែត្រហើយ ការរង់ចាំប្រសូតបុត្រនឹងនៅសល់ប្រមាណជា 3 – 6 ទៀតប៉ុណ្ណោះ អាស្រ័យលើបទពិសោធន៍របស់ស្រ្តីមានគភ៌ម្នាក់ៗ តែអ្វីដែលប្រាកដច្បាស់នោះគឺ ស្បូនកំពុងតែច្របាច់ខ្លួនយ៉ាងខ្លាំងឡើង អាចនឹងរៀងរាល់ 3 – 5 នាទីហើយ ស្រ្តីមានគភ៌ខ្លះអាចនឹងមានទឹករំអឹលលាយឈាមពណ៌ផ្កាឈូកៗហូរចេញមកទៀតផង។
. អំឡុងពេលចុងក្រោយ មាត់ស្បូនបានបើកដល់ 10 សង្ទីម៉ែត្រហើយ ពេលវេលាប្រសូតបុត្រនៅសល់ត្រឹមតែ 20 នាទី – 2 ម៉ោងទៀតប៉ុណ្ណោះ។ សម្រាប់ការប្រឹងប្រសូតបុត្រ កូននឹងចេញមកលឿន ឬយឺតនោះអាស្រ័យស្ថិតលើការប្រឹងរបស់អ្នកម្តាយ និងចង្វាក់នៃការប្រឹង។ អំឡុងពេលនេះស្បូននឹងច្របាច់ខ្លួនខ្លាំងឡើង និងញាប់ឡើងខ្លាំងណាស់ អ្នកម្តាយខ្លះអាចនឹងនឿយហត់ និងមានអាការក្អួតចង្អោរ ឈឺផ្សារនៅលើមាត់ស្បូន។
2 . ខ្យល់ប្រឹងក្នុងរាងកាយ និងការប្រសូតបុត្រ
ដំណាក់កាលនេះនឹងត្រៀមជាស្រេចក៏នៅពេលដែលមាត់ស្បូនបើកចេញយ៉ាងពេញទំហឹងហើយ អ្នកនឹងមានអារម្មណ៍ដឹងពីការជំរុញយ៉ាងខ្លាំងក្លាពីខាងក្នុង មានអារម្មណ៍ដឹងពីកម្លាំងរុញច្រាន និងដឹងពីស្បូនច្របាច់ខ្លួនខ្លាំងក្លា និងញាប់ឡើង។ ជាអំឡុងពេលដែលឈឺចាប់បំផុត ពេលនេះគ្រូពេទ្យអាចនឹងកាត់ត្រង់ប្រឡោះមាត់ស្បូនបន្តិចដើម្បីឱ្យប្រឡោះស្បូនបើកធំខ្លាំងឡើង។ អំឡុងពេលដែលត្រូវប្រើកម្លាំងប្រឹងប្រសូតនេះ ពេលមានអារម្មណ៍ដឹងពីកម្លាំងរុញច្រាន ឬខ្យល់ប្រឹងក្នុងរាងកាយហើយនោះ ចូរអ្នកប្រមូលកម្លាំង និងប្រឹងឱ្យពេញទំហឹងតម្រង់ចំណុចកណ្តាលនៃការប្រឹងឆ្ពោះទៅរកទ្វាធំ(រន្ធគូទ)។ នៅពេលមានចង្វាក់ហើយក៏ប្រឹងចេញមកឱ្យខ្លាំងអស់ពីកម្លាំងកាយ កុំហារមាត់ ឬបញ្ចេញសំឡេងស្រែក ព្រោះកម្លាំងប្រឹងនឹងរុញទៅខាងលើធ្វើឱ្យពិបាកប្រសូត និងប្រើពេលវេលាយូរ។ ពេលអ្នកប្រឹងដើម្បីប្រសូត នឹងមានអារម្មណ៍ថា ផ្នែកក្បាលរបស់កូនចេញមកហើយ អ្នកនឹងមានអារម្មណ៍ថា ធូរស្រាលឡើងបន្តិច ដូច្នេះចូររង់ចាំគ្រូពេទ្យឱ្យសញ្ញាម្តងទៀតដើម្បីចាប់ផ្តើមប្រឹងប្រសូតខ្លួនកូនចេញមកម្តងទៀត ពេលនោះខ្លួនរបស់កូននឹងរអឹលចេញមកដោយស្រួល និងមានសុវត្ថិភាព។
3 . នៅពេលអ្នកប្រសូតបុត្រចេញមកដល់ដៃគ្រូពេទ្យហើយ
គ្រូពេទ្យនឹងធ្វើការកាត់ខ្សែទងផ្ជឹតចេញ និងធ្វើកាសម្អាតខ្លួនប្រាណឱ្យកូន អ្នកនឹងមានអារម្មណ៍ដឹងពីកម្លាំងប្រឹងម្តងទៀត មិនមែនព្រោះអ្នកប្រសូតកូនភ្លោះនោះទេ តែអ្នកត្រូវប្រសូតដុំសុកចេញមកផងដែរ ជាវិធីខាងធម្មជាតិនៅពេលប្រសូតបុត្រហើយ ក៏ត្រូវតែប្រសូតដុំសុកចេញមកដែរ។ នៅពេលប្រសូតដុំសុកចេញមកហើយ អ្នកអាចនឹងមានអារម្មណ៍ថា មានអាការរងារញ័រដែលវាជារឿងប្រក្រតី និងបើអ្នកគ្មានអារម្មណ៍ថានឿយហត់ជ្រុលពេកទេនោះ អ្នកគួរតែសុំឱ្យគ្រូពេទ្យយកកូនមកដាក់នៅលើដើមទ្រូងរបស់អ្នក និងឱ្យកូនចាប់ផ្តើមបៅដោះដើម្បីជំរុញទឹកដោះបានភ្លាមតែម្តង។
អ្នកម្តាយខ្លះនឹងមានបទពិសោធន៍ក្នុងការប្រសូតមិនដូចគ្នាទេ អ្នកខ្លះក៏ជួបនឹងសភាវជ្រៀតជ្រែកផ្សេងៗក្នុងអំឡុងពេលរង់ចាំប្រសូតជាច្រើនយ៉ាង រហូតមិនអាចប្រសូតដោយខ្លួនឯងបាន ត្រូវតែធ្វើការវះប្រសូតដើម្បីសុវត្ថិភាពរបស់ខ្លួនអ្នកម្តាយ និងទារក ដែលគ្រប់យ៉ាងស្ថិតនៅលើការពិចារណារបស់គ្រូពេទ្យដោយត្រង់តែម្តង៕
July 23, 2020
10 តិចនិករៀបចំផ្ទះឱ្យមើលទៅឃើញរាងស្រឡះឡើង
ផ្ទះសម្បែងដែលជាកន្លែងស្នាក់អាស្រ័យរបស់យើងរាល់ថ្ងៃនេះមានសញ្ញាថា នឹងមានទំហំកាន់តែតូចទៅៗជារឿយៗហើយ បើអ្នកណាជ្រើសរើសក្នុងការរស់នៅក្នុងទីកន្លែងល្អៗ ឬក្នុងទីក្រុងនោះ ផ្ទះ និងខុនដូរឹតតែមានទំហំតូចទៅទៀត តែមិនថាផ្ទះដែលលោកអ្នកជ្រើសរើសយកនោះនឹងមានទំហំតូចប៉ុនណាក៏ដោយ ក៏មិនចាំបាច់ត្រូវកង្វល់ដែរ ព្រោះទំព័រឡារ៉ែនដេគ័រមានតិចនិកល្អៗក្នុងការធ្វើឱ្យផ្ទះដែលតូចៗនោះមើលទៅធំស្រឡះឡើងបានដោយគ្រាន់តែធ្វើតាម 10 តិចនិកដូចខាងក្រោមនេះប៉ុណ្ណោះ។
1 . ទោះជាផ្ទះ ឬបន្ទប់មានទំហំតូចក៏ដោយ ក៏ត្រូវតែមើលទៅឃើញស្អាតបាតដែរ ៈ ការទុកដាក់វត្ថុរបស់របររញេរញ៉ៃរកេករកាកនឹងធ្វើឱ្យផ្ទះមើលទៅឃើញតូចចង្អៀត និងពិបាកក្នុងការបោសជូតសម្អាតទៀតផង ដូច្នេះបើសិនជាចេះរៀបចំទុកដាក់របស់របរទាំងនោះឱ្យចំកន្លែង ឬដកចេញវត្ថុណាដែលមិនបានប្រើការនោះ ផ្ទះ ឬបន្ទប់របស់យើងនឹងមើលទៅឃើញស្រឡះភ្នែកមិនខាន។
2 . ជ្រើសរើសទិញគ្រឿងសង្ហារិមយ៉ាងឆ្លាតវៃ នោះគឺត្រូវជ្រើសរើសយកគ្រឿងសង្ហារិមណាដែលមានទំហំស័ក្តិសមនឹងខ្នាតរបស់ផ្ទះ ឬបន្ទប់ និងតិចនិកដែលសំខាន់មួយទៀតនោះគឺ ចូរជ្រើសយកគ្រឿងសង្ហារិមណាដែលមានជើង ព្រោះវានឹងធ្វើឱ្យបន្ទប់មើលទៅភ្លឺស្រឡះ និងក្នុងការរៀបចំទុកដាក់វិញ ក៏មិនចាំបាច់ត្រូវតែដាក់គ្រឿងសង្ហារិមទាំងនោះជាប់នឹងជញ្ជាំងជានិច្ចនោះដែរ ការទុកចន្លោះឱ្យឆ្ងាយពីជញ្ជាំងបន្តិច នឹងជួយឱ្យមានអារម្មណ៍ថា មិនទើសទាល់ពេកដែរ។
3 . ជ្រើសរើសលាបពណ៌ជញ្ជាំងដោយពណ៌ភ្លឺៗ ពពួកពណ៌ស្រាលៗ ពណ៌ស្រទន់ៗ ពណ៌ផាស្ធែល នឹងជួយឱ្យបន្ទប់មើលទៅឃើញស្រឡះឡើង តែបើអ្នកណាចូលចិត្តពណ៌ដឹតៗខ្លាំង ក៏អាចប្រើវិធីតុបតែងបន្ទប់ដោយពណ៌ដឹតៗនៅផ្នែកខាងក្រោម ហើយពណ៌ភ្លឺៗនៅផ្នែកខាងលើ។ តិចនិកនេះនឹងធ្វើឱ្យបន្ទប់មើលទៅឃើញដូចមានពិដានខ្ពស់ឡើង ឬអ្នកខ្លះអាចនឹងជ្រើសរើសប្រើពណ៌របស់គ្រឿងសង្ហារិមដែលស៊ីគ្នាជាមួយពណ៌ជញ្ជាំងបន្ទប់ ក៏ជួយឱ្យបន្ទប់មើលទៅស្រឡះឡើងបានដូចគ្នាដែរ។
4 . ព្យាយាមប្រើប្រាស់ទីកន្លែងក្នុងបែបបញ្ឈរ ដូចជា ជ្រើសរើសប្រើទូថ្នាក់ដាក់របស់របរបែបព្យួរនឹងជញ្ជាំង ក្រៅពីនេះ នៅមានគ្រឿងសង្ហារិម និងរបស់តុបតែងផ្ទះផ្សេងៗដែលអាចព្យួរនឹងជញ្ជាំងបានជាច្រើនទៀត អាស្រ័យលើអៃឌៀក្នុងការតុបតែងរបស់មនុស្សម្នាក់ៗ តែក៏ត្រូវតែឧស្សាហ៍ប្រមូលរៀបចំទុកដាក់ឱ្យបានល្អដែរ មិនដូច្នោះទេអាចនឹងធ្វើឱ្យមើលទៅឃើញរញេរញ៉ៃបាន។
5 . កញ្ចក់ជាជម្រើសដែលជួយបានច្រើន ដូចជា ជ្រើសរើសប្រើតុបាយ ឬតុកាហ្វេជាកញ្ចក់ ជំនួសតុឈើ ឬតុថ្មដែលធ្វើឱ្យមើលទៅឃើញដូចជាពេញណែនក្នុងបន្ទប់ រួមទាំងការបំពាក់កញ្ចក់ក៏ជួយឱ្យចាំងពន្លឺ និងថែមទាំងជួយឱ្យបន្ទប់មើលទៅឃើញធំឡើងបានទៀតផង។
6 . បន្ទប់ចង្រ្កានបាយ គួរឱ្យមានពន្លឺពីធម្មជាតិចាំងចូលមកបាន និងឧបករណ៍ក្នុងចង្រ្កានបាយ បើជ្រើសរើសប្រើវត្ថុដែលមានភាពភ្លឺចែងចាំង ដូចជាពពួកស្ទែនលេស ទូដាក់ម្ហូបអាហារដែលធ្វើពីដែកអ៊ីណុកភ្លឺ ជាដើម ក៏នឹងចាំងជាមួយពន្លឺពីធម្មជាតិនៅពេលថ្ងៃ ធ្វើឱ្យបន្ទប់មើលទៅភ្លឺស្រស់ស្រាយឡើង និងមើលទៅកាន់តែស្រឡះឡើងទៀតផង។
7 . ជ្រើសរើសប្រើតុញ៉ាំបាយដែលអាចពង្រីក-បង្រួមបាន តុបែបនេះអាចនឹងមានតម្លៃថ្លៃជាងតុធម្មតាបន្តិច តែក៏រួចថ្លៃសម្រាប់ការប្រើប្រាស់ដែរចំពោះផ្ទះដែលមានទំហំតូច និងម្ចាស់ផ្ទះដែលមានមិត្តភ័ក្តិបងប្អូនមកលេងច្រើន។ បើពេលណាគ្មានភ្ញៀវ ឬបងប្អូនមកលេងទេនោះ យើងអាចបត់វាឱ្យតូចមកវិញសម្រាប់ប្រើប្រាស់ធម្មតានៅក្នុងបន្ទប់បាយបាន៕
July 23, 2020
ចំណេះដឹងល្អៗថ្មី 100 មុខសម្រាប់ស្រ្តីមេផ្ទះ (តពីលេខមុន)
11 . ការកម្ចាត់ស្នាមជើងសត្វរុយកខ្វក់ៗនៅលើកញ្ចក់ អាចធ្វើបានដោយវិធីពិសេសដូចតទៅ យកម្សៅកាហ្វេលីងមួយស្លាបព្រា លាយជាមួយប្រេងកាត 1 លិត្រ ហើយយកក្រណាត់ប្តិតៗមកជូតស្នាមជើងសត្វរុយដែលមានពណ៌អុចៗខ្មៅៗលើកញ្ចក់នោះ ស្នាមកខ្វក់ទាំងនោះនឹងរលាយបាត់អស់មិនខាន។
12 . បើសិនត្រូវការលាបថ្នាំបន្ទប់ជាថ្មី តែខ្លាចថា បន្ទប់នឹងធុំតែក្លិនឈួលរបស់ថ្នាំជាច្រើនថ្ងៃនោះ យើងមានវិធីកម្ចាត់ក្លិនរបស់ថ្នាំលាបនោះ គឺមុននឹងលាប ចូរដាក់ទឹកក្រអូបវ៉ានីលឡា 1 ស្លាបព្រាកាហ្វេទៅក្នុងទឹកថ្នាំលាបជញ្ជាំង 1 ធុង រួចកូរឱ្យចូលគ្នាសព្វ រួចហើយសឹមយកទៅលាបបន្ទប់ ធានាថា ថ្នាំដែលលាបហើយថ្មីៗនោះនឹងគ្មានធុំក្លិនជាដាច់ខាត។
13 . វិធីការពារមិនឱ្យថង់ផ្ទុកធូលីដីនៅក្នុងម៉ាស៊ីនបូមធូលីដីត្រូវសត្វល្អិតខាំចោះឡើងធ្លុះជារន្ធៗនោះ គឺយកគ្រាប់ថ្នាំការពារសត្វកន្លាត 1 គ្រាប់ទៅដាក់នៅក្នុងថង់ផ្ទុកធូលីដីនោះ ក្រៅពីការពារមិនឱ្យសត្វល្អិតខាំចោះហើយនោះ នៅការពារក្លិនអាប់បានទៀតផង។
14 . កែបញ្ហាសត្វមូសចូលទៅពងនៅក្នុងធុងស្តុកទឹក ធ្វើឱ្យកើតមានដង្កូវទឹកនោះ យើងអាចធ្វើបានដោយការយកឥដ្ឋតាន់ពណ៌ក្រហម (ឥដ្ឋដែលគេប្រើក្នុងការងារសំណង់)មកដុតភ្លើងឱ្យក្តៅ ហើយយកទៅដាក់ក្នុងធុងស្តុកទឹកនោះភ្លាម តែប៉ុណ្ណឹង មូសនឹងលែងហ៊ានចូលទៅសម្ងំពងនៅក្នុងទីនោះទៀតហើយ។
15 . វិធីកម្ចាត់ដើមស្មៅដែលដុះឡើងតែពីសតែពាស អាចធ្វើបានដោយការយកអំបឹលទៅរោយនៅលើកន្លែងដែលមានស្មៅដុះឡើងនោះ ព្រោះថា អំបឹលនឹងទៅធ្វើឱ្យដីនៅត្រង់នោះឡើងប្រៃ និងនឹងធ្វើឱ្យស្មៅងាប់ និងលែងដុះមកទៀតនៅទីបំផុត។
(នៅមានត)
July 23, 2020
21 រឿងដែលគួរដឹង ពាក់ព័ន្ធនឹងសុខភាពក្នុងអំឡុងពេលមានគភ៌ទាំង 9 ខែ
សូមចូលរួមត្រេកអរផងណា៎ សម្រាប់ស្រ្តីដែលចាប់ផ្តើមតាំងគភ៌គ្រប់គ្នា ចាប់ពីពេលនេះទៅអ្នកនឹងបានរៀនយល់ដឹងពីការរស់នៅមួយបែបទៀតដែលខុសប្លែកពីមុន។ រឿងសំខាន់ដែលអ្នកគួរតែដឹងនោះគឺ រឿងសុខភាពក្នុងអំឡុងពេល 9 ខែតពីពេលនេះទៅថា តើនឹងមានអ្វីកើតឡើងចំពោះអ្នកខ្លះ? ជាពិសេស ស្រ្តីដែលតាំងគភ៌លើកដំបូងទាំងឡាយ ដែលឡារ៉ែន មិនចង់ឱ្យខកខានក្នុងការអានអត្ថបទនេះឡើយ។
21 រឿងដែលគួរដឹង ពាក់ព័ន្ធនឹងសុខភាពក្នុងអំឡុងពេលមានគភ៌ទាំង 9 ខែ
1 . ក្នុងរយៈពេលរបស់ការតាំងគភ៌ ស្រ្តីមានគភ៌ 1 នាក់ក្នុងចំណោម 20 នាក់ ប្រសូតត្រូវតាមដែលលោកគ្រូពេទ្យរាប់ថ្ងៃប្រសូត តែភាគច្រើនវិញ ស្រ្តីមានគភ៌នឹងប្រសូតមុនកំណត់ប្រមាណជា 1 – 2 សប្តាហ៍មានចំនួនដល់ទៅ 1 នាក់ក្នុង 8 នាក់ ដែលនេះជារឿងប្រក្រតីទេ។
2 . ការរាប់ពេលវេលាតាំងគភ៌របស់ស្រ្តីមានគភ៌នឹងរាប់ជាសប្តាហ៍ ដូចជា ការកំណត់ប្រសូតនឹងរាប់បន្ទាប់ពីថ្ងៃដែលអស់វដ្តរដូវ នឹងរាប់ជា 40 សប្តាហ៍ ហើយនឹងរាប់ចាប់ពីថ្ងៃចាប់បដិសន្ធិពិតៗគឺ 38 សប្តាហ៍ដែលជាកំណត់ប្រសូតរបស់ស្រ្តីមានគភ៌។
3 . ការតាំងគភ៌ក្នុងត្រីមាសដំបូង ពោះរបស់ស្រ្តីមានគភ៌នឹងមិនសូវមើលឃើញធំប៉ុន្មានទេ តែនឹងមើលឃើញច្បាស់ថាមានគភ៌នោះ ក៏ក្នុងអំឡុងត្រីមាសទី 2។
4 . អ្នកនឹងបានឮសំឡេងបេះដូងកូនជាលើកដំបូងប្រមាណជាក្នុងសប្តាហ៍ទី 10 ដោយប្រដាប់ស្តាប់សំឡេង ឬតាមរយៈការធ្វើអាល់ត្រាសោនដ៍។
5 . រាងកាយរបស់អ្នកនឹងប្រែប្រួលច្រើនយ៉ាង ដូចជា ខ្លួនប្រាណ ដៃ ជើង ក្បាលពោះ សុដន ក្រចកដៃជើង សក់ ស្បែក ហើយអាការផ្សេងៗដែលកើតឡើងចំពោះរាងកាយទាំងនេះនឹងបាត់អស់ទៅវិញនៅពេលប្រសូតបុត្ររួច។
6 . ក្នុងអំឡុងពេលមានគភ៌ ខាងក្នុងរាងកាយរបស់អ្នកនឹងមានឈាមហូរវឹលច្រើនជាងប្រក្រតី។
7 . ក្នុង 1 ថ្ងៃអ្នកនឹងបត់ជើងតូចជាញឹកញាប់ ដោយសារតែបរិមាណរបស់ឈាមដែលកើនឡើង ហើយនឹងកើនច្រើនឡើងនៅពេលស្បូនរីកធំឡើងរហូតដល់ពេលប្រសូត។
8 . អ្នកនឹងកាន់តែនឿយហត់ឡើងជារឿយៗក្នុងខណៈពេលតាំងគភ៌ តែនឹងមានអារម្មណ៍ថានឿយហត់ខ្លាំងក្នុងអំឡុងត្រីមាសដំបូង។
9 . អ្នកនឹងមានអារម្មណ៍ច្រើនយ៉ាងកើតឡើងក្នុងអំឡុងពេលតាំងគភ៌ និងនឹងមានអាការនឿយល្វើយកើតឡើង ហើយនឹងធ្ងន់ធ្ងរខ្លាំងក្នុងអំឡុងពេលដំបូងៗ។
10 . អ្នកនឹងជួបជាមួយអាការឈឺចាប់ទាំងឡាយ ដូចជា អាការឈឺក្បាល ឈឺខ្នង ឈឺជើង ក្អួតចង្អោរ ហើមដៃជើង និងវឹលមុខ។
11 . ចំនួន 3 ភាគ 4 នៃស្រ្តីមានគភ៌ នឹងមានអាការចាញ់កូនក្នុងអំឡុងត្រីមាសដំបូង ជាពិសេសនៅពេលព្រឹកនឹងមានអាការ វឹលមុខ និងក្អួត។
12 . អ្នកនឹងចង់ទទួលទានអាហារខ្លាំងជាងមុន តែនឹងទទួលទានអាហារមិនបានច្រើនដូចមុនទេ។
13 . អ្នកនឹងមានអារម្មណ៍ដឹងថា កូនរើបំរះពេលអាយុគភ៌បានប្រមាណជា 16 – 22 សប្តាហ៍ ឬក្នុងអំឡុងត្រីមាសទី 2 នៃការតាំងគភ៌។
14 . ពេលពោះចាប់ផ្តើមធំ អ្នកនឹងមិនអាចឱនចងខ្សែស្បែកជើងបាន អង្គុយលើកម្រាលឥដ្ឋ ឬកោររោមនៅម្តុំៗជើងបានទេ ដោយសារតែពោះដែលកាន់តែធំឡើងហ្នឹងឯង និងនៅពេលពោះធំឡើងអាចធ្វើឱ្យអ្នកដើរបុកវត្ថុរបស់របរនៅក្នុងបន្ទប់ជាញាឹកញាប់ ព្រោះនៅស្មានរយៈចម្ងាយមិនទាន់ត្រូវ។
15 . អ្នកគួរសិក្សាពីរឿងការញ៉ាំអាហារ ភេសជ្ជៈ និងថ្នាំផ្សេងៗដែលអាចញ៉ាំបាន ឬគួរចៀសវាង និងសិក្សាពីរឿងការហាត់ប្រាណផងដែរ។
16 . អ្នកគួរប្រឹក្សាជាមួយគ្រូពេទ្យពាក់ព័ន្ធនឹងរឿងសុខភាពការតាំងគភ៌របស់អ្នក ជំងឺប្រចាំកាយ ឬជំងឺដែលអាចកើតឡើងបានក្នុងអំឡុងពេលមានគភ៌។
17 . អ្នកនឹងពិបាកក្នុងការគេងលក់ និងនឹងមានអាការគេងមិនលក់ រឹតតែក្នុងអំឡុងពេលត្រីមាសទី3ផងនោះ នឹងរឹតតែគេង
លែងសូវលក់ និងច្រើនតែយល់សប្តិអាក្រក់ ព្រោះតែកើតអាការវិតក្កកង្វល់នឹងអាការជិតប្រសូតហ្នឹងឯង។
18 . ស្រ្តីមានគភ៌មួយចំនួននឹងមានអាការសោកសៅស្រងូតស្រងាត់ពេញមួយខណៈពេលតាំងគភ៌ និងអាការនេះនឹងរឹតតែធ្ងន់ធ្ងរឡើងនៅពេលប្រសូតរួច។
19 . ស្រ្តីមានគភ៌ 1 នាក់ក្នុងចំណោម 5 នាក់នឹងមានសភាវជ្រៀតជ្រែកផ្សេងៗកើតឡើងខណៈពេលមានគភ៌ ដូចជា សភាវរលូតកូន គភ៌មានជាតិពុល ជាដើម។
20 . អ្នកគួរតែសិក្សាពីតំណាក់កាលនៃការប្រសូតឱ្យរួចជាស្រេច និងត្រៀមខ្លួនសម្រាប់ការប្រសូតដែលនឹងកើតឡើង។
21 . ស្រ្តីមានគភ៌ 1 នាក់ ក្នុងចំណោម 5 នាក់ នឹងបានដឹងពីសញ្ញាប្រសូតប្រមាណជាក្នុងសប្តាហ៍ទី 37 ឬអាការឈឺពោះឱ្យដឹងមុនដើម្បីប្រាប់ឱ្យដឹងថា ការប្រសូតកំពុងជីតមកដល់ហើយ។
ពេញមួយរយៈពេល 9 ខែនេះ រឿងផ្សេងៗដែលបានរៀបរាប់មកខាងលើនោះ គឺជារឿងដែលអ្នកត្រូវជួបនៅពេលអ្នកមានគភ៌ ការសិក្សាពីព័ត៌មានរឿងការតាំងគភ៌ជាអ្វីដែលអ្នកគួរតែត្រៀមខ្លួនឱ្យស្រេច និងនៅពេលជួបនឹងអាការខុសប្រក្រតីណាមួយ អ្នកគួរតែប្រញាប់ទៅប្រឹក្សាជាមួយគ្រូពេទ្យជាបន្ទាន់៕
July 23, 2020
7 មូលហេតុដែលធ្វើ “សក់ជ្រុះ” ក្បាលទំពែក
អ្នកជំនាញផ្នែកស្បែកក្បាល និងសរសៃសក់បានដាស់តឿនថា បើលោកអ្នកកើតមានអាការជ្រុះសក់ក្នុងមួយថ្ងៃលើសពី 50 សរសៃនោះ គួរតែទៅជួបប្រឹក្សាជាមួយអ្នកជំនាញដើម្បីឱ្យបានដឹងពីមូលហេតុ និងការការពារ។
អ្នកជំនាញការបានបញ្ជាក់ថែមទៀតថា ជាប្រក្រតីសរសៃសក់របស់មនុស្សយើងមានប្រមាណជា 80.000 – 1.200.000 សរសៃ លូតលាស់វែងឡើងប្រមាណជា 0,35 មីល្លីម៉ែត្រក្នុងមួយថ្ងៃ និងមានអាយុពី 2 – 6 ឆ្នាំ ដោយជាប្រក្រតីនឹងមានសក់ជ្រុះជាប្រចាំរៀងរាល់ថ្ងៃ តែមិនលើសពី 30 – 50 សរសៃឡើយក្នុងមួយថ្ងៃៗ បើជ្រុះច្រើនជាងនេះ អាចបណ្តាលមកពីភាពខុសប្រក្រតីដែលមានមូលហេតុមកពី ៖
1 . ជ្រុះសក់ដោយសារពូជអម្បូរ ប្រទះឃើញទាំងនៅលើមនុស្សប្រុស និងមនុស្សស្រី តែភាគច្រើនៗកើតលើមនុស្សប្រុសខ្លាំងជាង ដោយសារតែឬសសក់មានភាពឆាប់រហ័សចំពោះអ័រម៉ូន អ៊ែនត្រូជេនដែលជាអ័រម៉ូនភេទប្រុស ធ្វើឱ្យសរសៃសក់មានអាយុខ្លីជាងប្រក្រតី និងសរសៃសក់ដែលកើតថ្មីមានខ្នាតតូចជាង និងកាន់តែស្តើងទៅ។ ភាគច្រើនៗជ្រុះនៅម្តុំៗកណ្តាលបន្ទូលក្បាល និងលើថ្ងាស ដោយចាប់ផ្តើមសង្កេតឃើញនៅពេលមានអាយុចាប់ពី 20 ឆ្នាំឡើងទៅ។
ចំណែកមនុស្សស្រីវិញច្រើនបង្ហាញអាការជ្រុះសក់នេះឱ្យឃើញនៅពេលក្រោយវ័យអស់វដ្តរដូវ សក់ជ្រុះដោយសារសក់ឈប់រីកលូតលាស់បណ្តោះអាសន្ន ដោយក្នុងមួយថ្ងៃៗនឹងមានសរសៃសក់ប្រមាណជា 10 – 15 % ឈប់រីកលូតលាស់ និងជ្រុះចេញពីក្បាល តែក្នុងសភាវខ្លះសរសៃសក់ដែលកំពុងរីកលូតលាស់អាចបញ្ឈប់ការរីកលូតលាស់ភ្លាមៗ ធ្វើឱ្យសរសៃសក់ចុះខ្សោយ និងរបូតជ្រុះកើនចំនួនច្រើនឡើងជាងប្រក្រតី ដូចជា ស្រ្តីក្រោយពេលប្រសូតបុត្រ ទារកទើបនឹងកើត ក្រោយពេលក្តៅខ្លួនខ្លាំង ក្រោយពេលវះកាត់ធំៗ មានជំងឺរ៉ាំរ៉ៃ ការបាត់បង់លោហិតច្រើន ការបរិច្ចាគឈាម ការប្រើថ្នាំប្រភេទខ្លះ និងសភាវតានតឹងធុញថប់ខាងផ្លូវចិត្ត។ ជ្រុះសក់ប្រភេទនេះច្រើនតែកើតឡើងក្នុងរយៈពេល 1 – 3 ខែ បន្ទាប់ពីនោះនឹងឈប់ជ្រុះ ហើយដុះឡើងថ្មីតាមប្រក្រតី។
2 . សក់ជ្រុះជាកញ្ចុំ កើតឡើងដោយមិនដឹងពីមូលហេតុច្បាស់លាស់ ដោយនឹងកើតអាការជ្រុះសក់បែបនេះក្នុងទ្រង់ទ្រាយរាងមូល ឬពងក្រពើ មានព្រំដែនច្បាស់លាស់ ចំកណ្តាលគ្មានសរសៃសក់ ស្បែកក្បាលក្នុងបរិវេណនោះមិនឡើងក្រហម មិនឈឺ មិនរមាស់ មិនកើតអង្គែ ឬរបកឡើយ អ្នកខ្លះអាចឃើញមានសរសៃសក់ពណ៌សដុះឡើងក្នុងបរិវេណនោះ។ អ្នកកើតអាការនេះអាចមាន
សក់ជ្រុះត្រឹមតែ 1 – 2 កញ្ចុំ ឬអាចច្រើនជាង 10 កញ្ចុំ បើកើតមានច្រើនអាចរាលដាលរហូតដល់ពេញក្បាល។ អ្នកខ្លះអាចមានរោមភ្នែក និងរោមចិញ្ចើមជ្រុះរួមជាមួយទៀតផង។ អ្នកកើតអាការនេះមួយចំនួនអាចជាបាត់ទៅវិញដោយឯកឯងតាមធម្មជាតិ តែអាចស៊ីពេលពេលវេលារាប់ឆ្នាំឯណោះ។ អ្នកខ្លះពេលព្យាបាលជាហើយ អាចកម្រើកឡើងវិញជាថ្មី កើតហើយជាវិញ កើតហើយជាវិញជាច្រើនដង ដែលអាចកើតរួមជាមួយជំងឺក្រពេញថៃរ៉យដ៍ទៀតផង។
3 . ជ្រុះសក់ដោយសារការដកសក់ អាចជួបប្រទះញឹកញាប់នៅលើកុមារដែលមានបញ្ហាសម្ពាធខាងផ្លូវចិត្តដោយសារមូលហេតុផ្សេងៗ ដូចជា បញ្ហាខាងក្រុមគ្រួសារ បញ្ហាការរៀនសូត្រ និងក្មេងមួយចំនួនអាចដកសក់លេងរហូតក្លាយជាទម្លាប់ ដោយអ្នកកើតអាការនេះនឹងដកសក់ខ្លួនឯងរហូតដល់ឆកក្បាល និងស្បែកក្បាលបរិវេណដែលសក់ជ្រុះនឹងគ្មានកន្ទួលរមាស់ ឬរបកឡើយ ហើយនឹងឃើញមានសរសៃសក់ដែលជាគល់ខ្លីៗជាច្រើន ដោយសារតែអ្នកកើតអាការនេះដកហើយដាច់។
4 . សក់ជ្រុះដោយសារមេរោគផ្សឹត ជំងឺដុះផ្សឹតលើស្បែកក្បាល (ក្អែលលើស្បែកក្បាល) អាចប្រទះឃើញញឹកញាប់នៅលើក្មេងដែលកើតឡើងដោយសារការឆ្លងមេរោគផ្សឹត។ ជំងឺនេះធ្វើឱ្យជ្រុះសក់ជាកញ្ចុំៗ កើតកន្ទួលក្រហមរមាស់ និងរបក ឬមានអង្គែ ក្រៅពីនេះច្រើនប្រទះឃើញមានស្លាកស្នាមរបស់មេរោគផ្សឹត (ក្អែល) នៅលើដៃ ជើង ដងខ្លួន ឬនៅក្នុងខោអាវទៀតផង។
5 . សក់ជ្រុះដោយសារការធ្វើសក់ ការធ្វើសក់ដោយការមូរសក់ លាបពណ៌សក់ ពត់សក់ ផ្លុំសក់ ឬវិធីផ្សេងៗក៏អាចធ្ចើឱ្យសក់ជ្រុះបានដែរ ដោយសារតែការដែលមានស្បែកក្បាលរលាក ឬសរសៃសក់ផុតស្រួយ។
6 . ជ្រុះសក់ដោយសារថ្នាំ និងការបាញ់កាំរស្មី ថ្នាំដែលអាចធ្វើឱ្យកើតអាការសក់ជ្រុះមានច្រើនប្រភេទ ដូចជា ថ្នាំព្យាបាលមហារីក ការបាញ់កាំេស្មីក្នុងការព្យាបាលមហារីក ថ្នាំការពារការផ្តុំខ្លួនរបស់ឈាម ថ្នាំព្យាបាលជំងឺពក-កមានជាតិពុល ថ្នាំពន្យារកំណើត ថ្នាំការពារជំងឺសន្លាក់ឆ្អឹងជាដើម។
7 . ជ្រុះសក់ដោយសារជំងឺផ្សេងៗ ដូចជា ជំងឺ SLE អាចមានអាការជ្រុះសក់ សក់ឡើងស្តើង រួមជាមួយអាការគ្រុនក្តៅរ៉ាំរ៉ៃ ឈឺតាមសន្លាក់ មានកន្ទួលឡើងនៅលើផ្ទៃមុខ និងជំងឺរ៉ាំរ៉ៃមួយចំនួនទៀតក៏ធ្វើឱ្យសក់ជ្រុះបានដែរ ដូចជា ថៃរ៉យដ៍ ស៊ីហ្វ៊ីលីស ជំងឺថ្លើម និងជំងឺក្រលៀន។
អ្នកដែលមានបញ្ហាសក់ជ្រុះ គួរតែសម្អាតសរសៃសក់ និងស្បែកក្បាលឱ្យបានជាប់ជានិច្ច មិនគួរអេះ ឬញីស្បែកក្បាលខ្លាំងៗជ្រុលពេកនោះទេ ចៀសវាងការទាញ ឬបោចសក់លេង និងចៀសវាងពីអាការតានតឹងមួម៉ៅធុញថប់ ព្រោះវានឹងជំរុញឱ្យអាការជ្រុះសក់កាន់តែធ្ងន់ធ្ងរឡើង៕
July 23, 2020
ជាវស្មាតហ្វូន Galaxy ស៊េរី A ជំនាន់ចុងក្រោយ ថែមជូន Power Bank 10000 mAh ហ្ស៊ីន របស់ក្រុមហ៊ុន សាមសុង 1 គ្រឿង ភ្លាម …!!
(ភ្នំពេញ) ថ្ងៃទី ២៣ ខែកក្កដា ឆ្នាំ២០២០៖ ឱកាសប្រូម៉ូសិនពាក់កណ្តាលឆ្នាំ វគ្គទី ២ ថែមជូន Power Bank 10000 mAh ហ្ស៊ីន ពីក្រុមហ៊ុន សាមសុង បានមកដល់ម្តងទៀតហើយ!! ដោយសារតែមានការគាំទ្រខ្លាំងលើសលុបពេក ទើបធ្វើឱ្យកម្មវិធីនៃការថែមជូនវគ្គមុនអស់ពីស្តុកមុនកាលកំណត់! ឥឡូវនេះអតិថិជនដែលខកខានមិនទាន់កម្មវិធីប្រូម៉ូសិនកាលពីវគ្គមុនអាចរីករាយជាមួយការថែមជូនលើកទី ២ នេះបានហើយ!
រាល់ការជាវ Samsung Galaxy A31, A21s, និង A11 ដែលមានតម្លៃត្រឹមតែជាង $100 និងជាង $200 តែប៉ុណ្ណោះចាប់ពីថ្ងៃទី ២៣ កក្កដា ឆ្នាំ ២០២០ រហូតដល់ថ្ងៃទី ៣១ កក្កដា ឆ្នាំ ២០២០ នៅតាមហាង ដេប៉ូចែកចាយផលិតផល សាមសុង ទូទាំងប្រទេស អតិថិជនទាំងអស់នឹងទទួលបានការថែមជូន Power Bank កម្លាំង 10000 mAh ហ្ស៊ីន របស់ សាមសុង 1 គ្រាប់ តម្លៃ ($29)ដោយឥតគិតថ្លៃភ្លាមៗតែម្តង…!!
ឱ្យលឿនឡើង…!! ឱកាសប្រូម៉ូសិនដ៏ពិសេសនេះយូរៗមានម្តងតែប៉ុណ្ណោះ…! បានទាំងស្មាតហ្វូនជំនាន់ចុងក្រោយ ទំនើប ទាន់សម័យ តម្លៃសមរម្យហើយ បានទាំង Power Bank កម្លាំង 10000 mAh ហ្ស៊ីន ដែលមានសមត្ថភាពខ្លាំង ធន់ សាកទូរស័ព្ទពេញលឿនបំផុតដោយមុខងារសាកថ្មលឿន (Fast Charge) ដ៏ស្រស់ស្អាត របស់ក្រុមហ៊ុន សាមសុង ថែមទៀតផង!
សូមបញ្ជាក់ម្តងទៀតផងដែរថាការថែមជូននេះគឺសម្រាប់តែការទិញ Samsung Galaxy A31, A21s, និង A11 ចាប់ពីថ្ងៃទី ២៣ កក្កដា ដល់ថ្ងៃទី ៣១ កក្កដា ឆ្នាំ២០២០ នេះតែប៉ុណ្ណោះ…! នៅចាំអីទៀត…!! ប្រញាប់ឡើង…ព្រោះស្តុកមានកំណត់ណា៎…ប្រយ័ត្នទិញក្រោយគេអស់ទៀតទៅ…!!
* លក្ខខណ្ឌផ្សេងៗត្រូវបានអនុវត្ត…!!

July 23, 2020
ក្រសួងសេដ្ឋកិច្ច ផ្តើមគំនិតបង្កើតសាជីវកម្មធានាឥណទាន ដើម្បីជួយក្រុមហ៊ុនដែលខ្វះទុនបង្វិលដោយសារ Covid-19
ដោយសារតែរងផលប៉ះពាល់នៃជំងឺ Covid-19 ក្រុមហ៊ុន សហគ្រាសជាច្រើននៅកម្ពុជាត្រូវទទួលរងនូវបញ្ហាជាច្រើន ជាពិសេសបញ្ហាទុនបង្វិលដើម្បីបន្តប្រតិបត្តិការរបស់ខ្លួន។
ឆ្លើយតបនឹងបញ្ហានេះ ក្រសួងសេដ្ឋកិច្ច និងហិរញ្ញវត្ថុ បានរៀបចំឱ្យមានកិច្ចប្រជុំស្តីពីការរៀបចំឯកសារទស្សនាទានសម្រាប់បង្កើតសាជីវកម្មធានាឥណទាន (credit guarantee) ដោយមានការចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធនៃក្រសួងសេដ្ឋកិច្ច និងហិរញ្ញវត្ថុ និងមន្ត្រីជំនាញការអន្តរជាតិនានា។
ក្រសួងសេដ្ឋកិច្ចបញ្ជាក់ថា គំនិតផ្តួចផ្តើមក្នុងការបង្កើតសាជីវកម្មធានាឥណទាននេះ ជាយន្តការឆ្លើយតបបន្ទាន់របស់រាជរដ្ឋាភិបាលស្របតាមវិធានការជុំទី4 ដើម្បីគ្រប់គ្រងផលប៉ះពាល់លើវិស័យសេដ្ឋកិច្ចជាតិសំខាន់ៗ ក្នុងដំណាក់កាល Covid-19 និងជុំវិញកំណើនសេដ្ឋកិច្ចក្រោយវិបត្តិនេះ។ សាជីវកម្មធានាឥណទានកម្ពុជា មានតួនាទីផ្តល់សេវាធានាឥណទាន ដល់ក្រុមហ៊ុនអាជីវកម្ម-ធុរកិច្ច នៅក្នុងវិស័យអាទិភាពដែលទទួលរងផលប៉ះពាល់ធ្ងន់ធ្ងរ ដើម្បីបង្កើនលទ្ធភាពទទួលបានហិរញ្ញប្បទានសម្រាប់ជាទុនបង្វិលរប់សក្រុមហ៊ុនទាំងនោះ។ ការធ្វើបែបនេះអាចនឹងជួយឱ្យក្រុមហ៊ុនដែលរងផលប៉ះពាល់ធានាបាន នូវនិរន្តរភាពអាជីវម្ម និងសម្របទៅតាមបរិបទថ្មីនេះធុរកិច្ចបន្ទាប់ពីវិបត្តិជំងឺ Covid-19៕
July 23, 2020
កម្ពុជាចេញវិធានការ 4ចំណុចដើម្បីរក្សាសុវត្ថិភាពទេសចរណ៍ នៅថ្ងៃឈប់សម្រាកសងចូលឆ្នាំថ្មី
នៅសល់ត្រឹមតែប៉ុន្មានថ្ងៃទៀតប៉ុណ្ណោះ កម្ពុជានឹងដល់ថ្ងៃឈប់សម្រាប់រយៈពេល 5ថ្ងៃសងថ្ងៃបុណ្យចូលឆ្នាំថ្មី ដែលនៅពេលនោះប្រជាជននានានៅទូទាំងប្រទេសនឹងដើរកម្សាន្តតាមរមណីយដ្ឋាននានាក្នុងប្រទេស។
ដើម្បីទប់ស្កាត់នូវសុវត្ថិភាពរបស់ភ្ញៀវទេសចរក្នុងពេលឈប់សម្រាកនេះ ក្រសួងទេសចរណ៍ បានចេញគោលការណ៍សំខាន់ៗចំនួន4 ចំណុចដូចជា៖
1. ណែនាំដល់នាយកដ្ឋានជម្រុញចលនាទេសចរណ៍ក្នុងស្រុក និងបញ្ជ្រាបការយល់ដឹងជាសាធារណៈ ធ្វើការសហការជាមួយមន្ទីរទេសចរណ៍រាជធានីខេត្ត ជម្រុញការផ្សព្វផ្សាយសេចក្តីណែនាំលេខ 015 សណន ស្តីពីចលនាទេសចរណ៍ផ្ទៃក្នុង ស្របតាមការអនុវត្តវិធានសុវត្ថិភាពទេសចរណ៍នាឱកាសថ្ងៃឈប់សម្រាក ជំនួសពិធីបុណ្យចូលឆ្នាំថ្មីប្រពៃណីខ្មែរ ឱ្យដល់មូលដ្ឋានអាជីវកម្មទេសចរណ៍
2. ណែនាំដល់មន្ទីរទេសចរណ៍រាជធានីខេត្តទាំង25 ត្រូវអនុវត្តវិធានសុវត្ថិភាពទេសចរណ៍ សម្រាប់ដំណាក់កាលវិបត្តិជំងឺCovid-19ឱ្យបានកាន់តែរឹងមាំ ថែមទៀត ដើម្បីធានាបានសុខសុវត្ថិភាព និងការទទួលខុសត្រូវ និងដើម្បីត្រៀមទទួលការធ្វើដំណើរកម្សាន្តទេសចរណ៍ប្រកបដោយសុវត្ថិភាពជូនប្រជាពលរដ្ឋ នាឱកាសថ្ងៃឈប់ សម្រាក ជំនួសពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានមកដល់នាពេលឆាប់ៗនេះ
3. ណែនាំដល់មន្ទីរទេសចរណ៍រាជធានីខេត្តទាំង25 យកចិត្តទុកដាក់ខ្ពស់ចំពោះគោលដៅរមណីយដ្ឋានទេសចរណ៍ទាំងអស់ចំពោះការអនុវត្តវិធានសុវត្ថិភាព និងយកចិត្តទុកដាក់ចំពោះបញ្ហាសណ្តាប់ធ្នាប់ដូចដែលធ្លាប់បានអនុវត្តកន្លងមក និងបន្តពង្រឹងគុណភាពភាពសេវាកម្មទេសចរណ៍ឱ្យបានកាន់តែប្រសើរឡើងថែមទៀត។
4. ពង្រឹងការអនុវត្តប្រព័ន្ធចុះឈ្មោះភ្ញៀវទេសចរតាម TELEGRAM ដែលជាការចូលរួមក្នុងយន្តការថែរក្សាសុវត្ថិភាព វិធានការ Quarantines ក៏ដូចជាផ្ដល់ភាពងាយស្រួលក្នុងការស្វែងរកអត្តសញ្ញាណភ្ញៀវទេសចរក្នុងករណីមានផ្ទុកជំងឺCovid-19ហើយរត់គេចពីការQuarantine ដែលអាចនាំឱ្យមានការចម្លងនៅក្នុងសហគមន៍៕
July 23, 2020