មនុស្សក្នុងវ័យធ្វើការដូចជាយើងៗទាំងអស់គ្នាក៏មានវិធីមើលថែទាំសុខភាពប្រអប់មាត់ និងធ្មេញផ្សេងៗពីគ្នាដែរ ថ្ងៃនេះយើងមានពាក្យណែនាំមកជម្រាបជូន ព្រោះកូនសោរសំខាន់ឆ្ពោះទៅរកការមានស្នាមញញឹមដែលស្រស់ស្រាយ និងរឹងមាំពេញមួយអំឡុងអាយុនៃភាពជាមនុស្សធំនោះគឺ ការរក្សាសុខអនាម័យរបស់មាត់ និងធ្មេញយ៉ាងស័ក្តិសម។ ទោះជាមនុស្សធំក៏អាចកើតជំងឺពុកធ្មេញ និងរោគអញ្ចាញបានដែរ ដែលវានឹងនាំឆ្ពោះទៅរកបញ្ហាដែលធ្ងន់ធ្ងរទៅៗពេញមួយអំឡុងអាយុរបស់យើង។
ក្នុងឋានៈជាមនុស្សធំ តើយើងនឹងមើលថែទាំធ្មេញឱ្យល្អបំផុតយ៉ាងណា?
. ដុសសម្អាតធ្មេញក្នុងមួយថ្ងៃយ៉ាងតិច 2 ដង ដោយថ្នាំដុសធ្មេញដែលមានផ្សំផ្លួអ័ររ៉ាយដើម្បីកម្ចាត់កំណកមេរោគបាក់តេរី ឬបន្ទះកខ្វក់ដែលតោងស្រោបជាប់នៅលើធ្មេញដែលនឹងធ្វើឱ្យធ្មេញពុក។
. ប្រើអំបោះខាត់ធ្មេញរាល់ថ្ងៃដើម្បីកម្ចាត់កំណកមេរោគបាក់តេរីក្នុងចន្លោះធ្មេញ និងប្រឡោះអញ្ចាញ ព្រោះនៅពេលណាដែលវាក្នាយជាកំណកកំបោរហើយនោះ មានតែទន្តពេទ្យប៉ុណ្ណោះដែលអាចយកវាចេញបាន។
. កំណត់ការទទួលទានអាហារប្រភេទម្សៅ និងស្ករ ជាពិសេសអាហារដែលមានភាពស្វិតជាប់ ព្រោះរឹតតែទទួលទានញឹកញាប់ប៉ុនណា រឹតតែធ្វើឱ្យមានឱកាសដែលជាតិអាស៊ីតនៅក្នុងកំណកបាក់តេរីចូលទៅបំផ្លាញធ្មេញប៉ុននោះដែរ។
. ទៅជួបពេទ្យទន្តពេទ្យជាប្រចាំដើម្បីធ្វើការត្រួតពិនិត្យ និងសម្អាតប្រអប់មាត់។
គ្រប់ពេលដែលលោកអ្នកទទួលទានអាហារ និងភេសជ្ជៈដែលមានម្សៅ និងស្ករ មេរោគបាក់តេរីនឹងធ្វើឱ្យកើតអាស៊ីតដែលអាចបំផ្លាញធ្មេញបានក្នុងរយៈពេល 20 នាទី ឬយូរជាងនោះទៅទៀត ដូច្នេះដើម្បីកាត់បន្ថយភាពខូចខាតចំពោះស្រទាប់ធ្មេញ គួរតែកំណត់ភាពញឹកញាប់ក្នុងការទទួលទានអាហារពេលទំនេរ និងគួរជ្រើសរើសទទួលទានអាហារពេលទំនេរណាដែលមានប្រយោជន៍ ដូចជា ប៊័ររឹង បន្លែស្រស់ យ៉ាអួ និងផ្លែឈើស្រស់ជាដើម៕
ការរៀបផែនការមើលថែទាំសុខភាពខ្លួនឯង និងសមាជិកគ្រួសារ
ការរៀបចំផែនការមើលថែទាំសុខភាពខ្លួនឯង និងសមាជិកគ្រួសារគឺជារឿងដែលមានគុណតម្លៃជាទីបំផុត ព្រោះក្រៅពីជារឿងដែលជួយជំរុញឱ្យយើងខ្លួនឯង និងសមាជិកក្នុងគ្រួសារកើតភាពក្លៀវក្លាស្វាហាប់ក្នុងការមើលថែទាំសុខភាពហើយនោះ វាថែមទាំងជារឿងដែលជួយឱ្យកើតមានសម្ព័ន្ធភាពដ៏ល្អរវាងសមាជិកគ្រប់គ្នាក្នុងក្រុមគ្រួសារ កើតសេចក្តីស្រឡាញ់ក្នុងក្រុមគ្រួសារ ដែលនឹងជួយដោះស្រាយបញ្ហាផ្សេងៗបានយ៉ាងល្អ និងនាំឆ្ពោះទៅរកការមានគុណភាពជីវិតដែលល្អនាពេលអនាគតបាន។
គុណតម្លៃរបស់ការរៀបផែនការមើលថែទាំសុខភាពរបស់សមាជិកក្នុងគ្រួសារ
ពាក្យថា “សុខភាពល្អ” នៅលើមនុស្សម្នាក់នោះអាចនឹងខុសប្លែកពីគ្នាតាមតែសភាវសង្គម ឬរូបបែបរបស់ជីវិតដែលខុសប្លែកពីគ្នា តែជារួមទៅសុខភាពល្អយ៉ាងហោចណាស់ក៏ត្រូវតែមានន័យពី ភាពឥតខ្ចោះរបស់ទាំងរាងកាយ និងផ្លូវចិត្ត ដោយរឿងដែលកើតឡើងនេះនឹងកើតបានដោយសារការមើលថែទាំយកចិត្តទុកដាក់លើប្រព័ន្ធផ្សេងៗដែលសំខាន់របស់រាងកាយ។
ការដែលនឹងមានសុខភាពល្អបាននោះ មិនថាតែជាសុខភាពរបស់ខ្លួនឯង ឬសមាជិកក្នុងគ្រួសារនោះឡើយ មិនមែនជារឿងដែលកើតឡើងបានដោយក្តីចៃដន្យនោះទេ តែចាំបាច់ត្រូវមានការរៀបផែនការក្នុងការមើលថែទាំសុខភាពជាមុនដែលនឹងជួយឱ្យកើតផលល្អដូចតទៅនេះ ៖
– អាចនឹងកំណត់វិធីការ ឬជ្រើសរើសរូបបែបដែលស័ក្តិសមជាមួយការដំណើរការជីវិតរបស់យើងខ្លួនឯង ឬសមាជិកក្នុងក្រុមគ្រួសារបានយ៉ាងស័ក្តិសម។
– អាចនឹងកំណត់អំឡុងពេលក្នុងការមើលថែទាំសុខភាពបានយ៉ាងស័ក្តិសម អាចនឹងមានកិច្ចការងារហាត់ប្រាណនៅពេលព្រឹក ឬចំពោះគ្រួសារខ្លះអាចនឹងមានពេលទំនេរនៅពេលល្ងាច ក៏អាចនឹងកំណត់កិច្ចការងារបង្កើនសុខភាពនៅពេលល្ងាចក៏បាន ឬអាចនឹងកំណត់អំឡុងពេលក្នុងការពិនិត្យសុខភាពរបស់សមាជិកក្នុងគ្រួសារប្រចាំឆ្នាំបានយ៉ាងស័ក្តិសម។
– ជាការប្រុងប្រយ័ត្នសុខភាពទាំងរបស់ខ្លួនឯង និងសមាជិកគ្រួសារ មិនឱ្យឈឺថ្កាត់ដោយជំងឺផ្សេងៗ ជាការសាងសុខភាព ដែលនឹងល្អជាងត្រូវមកជួសជុលសុខភាព ឬព្យាបាលនៅពេលក្រោយ។
– ជួយក្នុងការរៀបផែនការរឿងសេដ្ឋកិច្ច និងហិរញ្ញវត្ថុក្នុងគ្រួសារបានយ៉ាងល្អប្រសើរ ដោយសារតែមិនចាំបាច់ត្រូវចាយវាយប្រាក់ទៅលើការព្យាបាលខ្លួន។
– ធ្វើឱ្យគុណភាពជីវិតទាំងរបស់ខ្លួនឯង និងសមាជិកក្នុងក្រុមគ្រួសារល្អប្រសើរឡើង។
គោលការណ៍ក្នុងការរៀបផែនការថែទាំសុខភាពរបស់សមាជិកក្នុងក្រុមគ្រួសារ
– ពិនិត្យមើលរូបបែបការរស់នៅរបស់សមាជិកក្នុងក្រុមគ្រួសារថា តើយ៉ាងណាដែរ? ដោយសារតែការមើលថែទាំសុខភាពរបស់សមាជិកគ្រួសារនេះ មិនមែនជាការធ្វើឡើងដោយសមាជិកណាម្នាក់តែម្នាក់នឹងទទួលបានជោគជ័យនោះទេ ប៉ុន្តែត្រូវអាស្រ័យលើការសហការរួមដៃពីសមាជិកគ្រួសារទាំងអស់ជាសំខាន់។
– តាមរយៈព័ត៌មានដែលទទួលបាន នាំមកកំណត់ជាផែនការក្នុងការមើលថែទាំសុខភាពរបស់សមាជិកក្នុងគ្រួសារ ដែលអាចធ្វើឡើងចំពោះសមាជិកណាម្នាក់ ឬអាចនឹងធ្វើឡើងជារួមទាំងអស់។
– នៅពេលកំណត់ផែនការក្នុងការមើលថែទាំសុខភាពរបស់សមាជិកគ្រួសារបានហើយ ត្រូវដំណើរការទៅតាមនោះ និងវាយតម្លៃជាដំណាក់ៗថា តើសមាជិកទាំងអស់ក្នុងគ្រួសារអាចប្រតិបត្តិការតាមផែនការនោះបានដែរឬទេ ឬក៏យ៉ាងណា?៕
