Author: ធឿន មករា

46 . វិធីកែបញ្ហាបង្អួចកញ្ចក់ពិបាកទាញអូសបើកបិទនោះគឺ យកប្រេងម៉ាស៊ីនមកបន្តក់លើផ្លូវសម្រាប់ទាញអូសអាលុយមីញ៉ូមឱ្យសព្វ តែប៉ណ្ណឹងក៏នឹងធ្វើឱ្យងាយស្រួលទាញអូសបើកបិទជាងមុនបាត់ទៅហើយ។

47 . វិធីការពារមិនឱ្យសត្វស្រមោចឡើងទូដាក់ម្ហូបអាហារនោះគឺ យកកំទេចក្រណាត់ ឬខ្សែដែលជាក្រណាត់ ទៅជ្រលក់ប្រេងម៉ាស៊ីន ហើយពូតចេញល្មមៗ រួចយកទៅចងនៅនឹងជើងទូដាក់ម្ហូបអាហារនោះទាំងបួនខាង ស្រមោចនឹងលែងហ៊ានឡើងទៀតជាមិនខាន។

48 . វិធីការបណ្តេញសត្វមូសចង្រៃបែបងាយៗគឺ រកកាបូរមួយដុំមកខ្ចប់ដោយក្រណាត់ ហើយយកទៅចងជាប់ជាមួយអំពូលភ្លើងដែលនៅខាងក្នុងផ្ទះ កំដៅរបស់ភ្លើងអគ្គីសនីនឹងធ្វើឱ្យ ដុំកាបូរបញ្ចេញក្លិនមក ហើយក្លិនរបស់កាបូរនឹងជួយការពារមិនឱ្យសត្វមូសចូលមករំខានមនុស្សឡើយ។

49 . វិធីការកំចាត់សត្វកណ្តុរឱ្យចេញពីផ្ទះបែបងាយៗ និងសន្សំសំចៃប្រាក់បំផុតនោះគឺ យកមែកដើមយឹតថូ(ដែលមានស្លឹក)ទៅហាលថ្ងៃឱ្យស្ងួត ហើយយកមកបុកឱ្យហ្មត់ក្លាយជាកំទេចតូចៗ រួចហើយយកទៅរោយនៅតាមកន្លុកកន្លៀតដែលសត្វកណ្តុរចូលចិត្តនៅ ត្រឹមតែប៉ុណ្ណឹងសត្វកណ្តុរនឹងនាំគ្នារើអីវ៉ែអីវ៉ាន់រត់ចេញពីផ្ទះរបស់លោកអ្នកអស់មិនខាន។

50 . វិធីការកំចាត់សត្វកណ្តៀរចង្រៃដែលចូលចិត្តឡើងផ្ទះរបស់យើងបែបសន្សំសំចៃប្រាក់នោះគឺ យកប្រេងម៉ាស៊ីនដែលប្រើហើយទៅលាបគ្រប់ទីកន្លែងជុំវិញផ្ទះ ត្រឹមតែប៉ុណ្ណឹងក៏អាចបណ្តេញសត្វកណ្តៀរលែងឱ្យមករុកគួនផ្ទះរបស់យើងបានទៅហើយ។

(នៅមានត)

នៅពេលកូនឈានចូលខួប 1 ឆ្នាំដំបូង ជាវ័យដែលគេលែងជាក្មេងទារកទៀតហើយ ក្នុងវ័យនេះកូនតូចដឹងក្តីច្រើនជាងដែលលោកឪពុកអ្នកម្តាយគិតទៅទៀត តែអ្វីដែលលោកឪពុកអ្នកម្តាយគ្រប់រូបតាំងចិត្តរួចហើយនោះគឺ ចង់ឱ្យកូនក្លាយជាក្មេងល្អ មានសុខភាពកាយ និងចិត្តដែលល្អ ដើម្បីឱ្យមានអនាគតដែលភ្លឺថ្លា អ្នកខ្លះដល់ថ្នាក់រៀបផែនការជីវិតឱ្យកូនតាំងពីវ័យនេះក៏មានដែរ។

តែមិនថាជាមានក្តីតាំងចិត្តយ៉ាងណាក៏ដោយ រឿងដែលលោកឪពុកអ្នកម្តាយមិនគួរភ្លេចនោះគឺ ផ្លូវចិត្តរបស់កូន ទោះជាគេមើលទៅនៅក្មេងក៏ដោយ តែពេលខ្លះក៏ដឹងអ្វីៗច្រើនលើសពីមនុស្សចាស់គិតទៅទៀត ដូច្នេះយើងមកដឹងទាំងអស់គ្នាវិញប្រសើរជាងថា តើចំណុចគួរប្រយ័ត្នក្នុងការចិញ្ចឹមមើលថែកូនឱ្យគេគ្មានបញ្ហាផ្នែកផ្លូវចិត្តមានអ្វីខ្លះ?។

1 . លោកឪពុកអ្នកម្តាយ កុំឈ្លោះគ្នានៅនឹងមុខកូន : ព្រោះការដែលលោកឪពុកអ្នកម្តាយឈ្លោះគ្នានៅចំពោះមុខកូន នឹងធ្វើឱ្យកូនកើតអារម្មណ៍ទើសទាល់ វិលវល់ ឬមានភាពមិនយល់ពីឪពុកម្តាយរបស់ខ្លួន មិនដឹងថាកាន់ជើងខាងណាល្អ ដែលវាប្រាកដណាស់!…ព្រោះទាំងគូសុទ្ធតែជាមនុស្សដែលកូនស្រឡាញ់។ បើស្ថានការណ៍បែបនេះកើតឡើងញឹកញាប់ វាមានតែធ្វើឱ្យកូនកើតទុក្ខ គិតថាឪពុកម្តាយមិនស្រឡាញ់គ្នា ឬឈ្លោះគ្នាដោយសារតែកូនជាដើមហេតុ ដូច្នេះកុំគិតថាកូននៅតូចមិនដឹងថា ឪពុកម្តាយកំពុងឈ្លោះគ្នាឱ្យសោះ។ បើសិនជាមានបញ្ហាទាស់ទែងគ្នា ក៏ព្យាយាមឱ្យកើតឡើងយូរៗម្តង និងកុំឈ្លោះគ្នាឱ្យកូនឃើញតែម្តងប្រសើរជាង។

2 . គិតផែនការជីវិតឱ្យកូនខ្លះផង ៈ មិនបានមានន័យពីការកំណត់ប្រកាសថា កូននឹងត្រូវធំឡើងហើយត្រូវតែបែបនេះ បែបនោះតាមដែលឪពុកម្តាយគិតនោះទេ តែមានន័យថា គួររៀបផែនការបែបត្រួសៗថា តើចង់ឱ្យកូនរៀននៅឯណា រៀនអ្វីបន្ថែមជាពិសេសឬក៏អត់? ឬមើលទៅហាក់ដូចជាកូនចាប់អារម្មណ៍លើអ្វីជាពិសេសរហូតដល់ចង់ជំរុញបន្ថែមដែរទេ? រួមទាំងប្រាក់សន្សំ ដែលឪពុកម្តាយអាចនឹងផ្ញើប្រាក់មួយចំនួនទុកក្នុងធនាគារសម្រាប់កូនជាពិសេស ដើម្បីទុកជាទុនសម្រាប់ពេលអនាគតក៏បាន។

3 . កុំបង្ខំកូនមុនវ័យសមល្មម ៈ កូនក៏គួរតែមានសេចក្តីសុខទៅតាមវ័យ និងវិវឌ្ឍនាការរបស់កូន។ អាចនឹងមិនដូច ឬលឿនជាងក្មេងដទៃ តែបើសិនជាមិនមានអ្វីខុសប្រក្រតីទេនោះ អ្នកម្តាយក៏មិនគួរកង្វល់ ឬបង្ខំកូនខ្លាំងជ្រុលពេកដែរ រួមទាំងបើកូនធំឡើងបន្តិចទៀត កូនក៏គួរតែបានលេងសប្បាយតាមវ័យ ច្រើនជាងការគិតតែពីរៀន ឬបង្កើនចំណេះដឹង។

4 . កុំតឹងរ៉ឹងនឹងរបៀបវិន័យខ្លាំងពេក ៈ ដោយសារតែអ្នកម្តាយគិតថាកូនមិនមែនជាក្មេងតូចទេ តែការពិតកូនក៏នៅក្មេងខ្លាំងណាស់ ដូច្នេះអ្នកម្តាយកុំតឹងរ៉ឹងជាមួយរឿងរបៀបវិន័យឱ្យច្រើនខ្លាំងពេកអី ព្រោះបើសិនជាតឹងតែងខ្លាំងពេកតាំងពីពេលនេះទៅ ដល់ធំឡើងកូនអាចនឹងក្លាយជាមនុស្សខ្លាចឪពុកម្តាយ ព្រោះខ្លាចការដាក់ទោស ក្លាយជាមនុស្សខ្វះភាពជឿជាក់ក្នុងចិត្ត ឬមិនទេក៏អាចក្លាយជាមនុស្សឈ្លើយច្រងេងច្រងាងតែម្តងក៏អាចថាបានដែរ ដូច្នេះយកត្រឹមតែមានរបៀបវិន័យឱ្យកូនស្គាល់ច្បាប់ទម្លាប់គោលៗសិនទៅបានហើយ។

5 . កុំគិតថា កូនអ្នកដទៃល្អជាងកូនខ្លួនឯង ៈ អាចនឹងទៅរួចបានដែរដែលថា អ្នកម្តាយអាចនឹងឃើញកូនរបស់អ្នកដទៃក្នុងវ័យនេះទាំងឆ្លាត ទាំងប៉ឹននិយាយ ក៏អត់សរសើរមិនបានថា កូនគេពូកែមែន ដែលវាក៏មិនមែនជារឿងប្លែក និងមិនអីទេ បើសិនជាអ្នកម្តាយនឹកកោតសរសើរ និងលាក់ទុកនៅក្នុងចិត្តនោះ តែការយកមកនិយាយប្រៀបធៀបកូនខ្លួនឯង និងកូនគេឱ្យកូនខ្លួនឯងឮនោះ វាមិនមែនជារឿងល្អចំពោះផ្លូវចិត្តរបស់កូនប៉ុន្មានឡើយ និងក៏មិនបានធ្វើឱ្យកូនពូកែឡើងដែរ។ អ្នកម្តាយគួរយល់ពីវិវឌ្ឍនាការរបស់កូន និងជំរុញដោយការផ្តល់កម្លាំងចិត្តវិញប្រសើរជាង។

6 . កុំធ្វើជាគំរូមិនល្អឱ្យកូនឃើញ ៈ ការពិតទៅអ្នកម្តាយគ្រប់រូបប្រហែលជាតាំងចិត្តចង់ធ្វើជាគំរូដ៏ល្អស្រេចទៅហើយ តែនៅក្នុងពេលដែលភ្លេចខ្លួន ឬរឿងដែលអ្នកម្តាយគិតថាជារឿងបន្តិចបន្តួចប្រហែលជាមិនអ្វីទេនោះ ក៏គួរតែត្រូវប្រយ័ត្នដូចគ្នាដែរ ដូចជា ការបោះសំរាមចោលនៅលើថ្នល់ ការទៅឈរកាត់មុខគេដោយមិនតម្រង់ជួរតាមលេខរៀង ជាដើម កុំគិតថាកូនមិនដឹងនោះ ព្រោះការពិតទៅគ្រប់យ៉ាងដែលអ្នកម្តាយធ្វើឱ្យកូនឃើញ កូនចាំបានយ៉ាងច្បាស់តែម្តង ដូច្នេះបើអ្នកម្តាយធ្វើឱ្យកូនឃើញ មិនយូរប៉ុន្មានអាចនឹងបានចម្លែកចិត្តមិនខាន ដែលបានឃើញកូនធ្វើដូចដែលអ្នកម្តាយធ្លាប់ធ្វើក៏អាចថាបានដែរ៕

ស្ទើរតែ​គ្រប់​ទីកន្លែង​ទៅហើយ​ជុំវិញ​ពិភពលោក ដែល​ប្តី-ប្រពន្ធ បងប្អូន ឬក៏កូនៗប្រើប្រាស់​របស់​រួមគ្នា​ដូចជា​ទូរ​សព្ទ​ជាដើម ហើយ​រឿងនេះ​វា​សឹងតែ​ក្លាយទៅជា​វប្បធម៌​ទៅហើយ ដែល​មនុស្ស​គ្រប់គ្នា​នឹង​គិតបែបនេះ ជាពិសេសនារី។ ថ្វីត្បិតតែ​ការចែក​គ្នា​ប្រើ​បែបនេះ​វា​មាន​ប្រយោជន៍​ក៏ពិតមែន ផ្ទុយទៅវិញ​វា​ក៏​ជា​បញ្ហា​មួយ​ដែរ ទាក់ទង​ទៅនឹង​ឯកសារ​ផ្ទាល់ខ្លួន​ដែល​អាច​ឱ្យគេ​ចូល​មើល​បាន។

ដើម្បី​រក្សា​ឯកសារ​ផ្ទាល់ខ្លួន​ឱ្យ​កាន់​តែមាន​សុវត្ថិភាព​ជាង​មុន ក្រុមហ៊ុន Google កំពុងធ្វើការ​កែសម្រួល​កម្មវិធី Files by Google ដោយ​បន្ថែម Safe Folder។ Files by Google ត្រូវបាន​បង្កើតឡើង​កាលពី​ឆ្នាំ ២០១៧ ដើម្បី​ជួយ​កាត់បន្ថយ​តម្រូវការ​នៃ​ទំហំ​ផ្ទុក​នៅក្នុង​ទូរ​សព្ទ​របស់​លោកអ្នក​ក្នុងការ​រក្សាទុក​ឯកសា​រ ម្យ៉ាងវិញទៀត​ដោយសារ​ឯកសារ ត្រូវបាន​ផ្ទុក​នៅលើ​អុ​ិ​ន​ធឺ​ណិ​ត វា​ក៏មាន​ភាពងាយស្រួល​ក្នុងការ​ទាញយក​ឯកសា​រទាំង​នោះមក​ប្រើ​វិញ​ដែរ។

ចំពោះ​ការបន្ថែម​មុខងារ Safe Folder គឺ​ប្រៀបបាន​ដូចជា​ទូរ​សុវត្ថិភាព​មួយ​ដែល​អាច​ចាក់​សោបាន ដោយ​ប្រើ​លេខ​កូដ ៤ខ្ទង់ ហើយ​អាច​ទុក ឯកសារ រូបភាព វីដេអូ ឯកសារ​ជា​សំឡេង​ជាដើម ដើម្បី​ការពារ​ពី​ការ​លួច​ចូល​របស់​អ្នកដទៃ។ Folder នឹងត្រូវ​ចាក់សោ​ដោយ​ស្វ័យប្រវត្តិ​នៅពេល​យើង​ចាក​ចេញពី​កម្មវិធី​នេះ ដែល​មិន​អាចឱ្យ​អ្នកណា​ចូល​មើល​ឯកសារ​ដែលមាន​នៅក្នុង Folder នេះ​បានទេ ហើយ​វា​នឹង​ទាមទារ​ឱ្យ​វាយ​លេខ​សម្ងាត់​នៅពេលដែល​យើង​ចង់​ចូល​ម្តងទៀត។ សូមបញ្ជាក់​ផងដែរ​ថា បច្ចុប្បន្ន​ក្រុមហ៊ុន Google កំពុង​ដាក់​ប្រើប្រាស់​សាកល្បង (beta) នូវ​មុខងារ Safe Folder ហើយនឹង​ដាក់ឱ្យ​ប្រើប្រាស់​ជាទូទៅ​ក្នុង​ពេលអនាគត៕

ប្រភព៖​ នាយកដ្ឋានប្រឆាំងបទល្មើសបច្ចេកវិទ្យា

កាលពី​ម្សិលមិញ​នេះ​ក្រុមហ៊ុន​ទ្វី​ត​ធ័​រ បាន​ទទួលស្គាល់ថា ភាព​ចន្លោះប្រហោង​របស់​កម្មវិធី ពួកគេ​សម្រាប់​ប្រព័ន្ធ​ប្រតិបត្តិការ Android អាចឱ្យ​ជនអនាមិក​បញ្ចូល​កម្ម​វិធី​មេរោគ​ដើម្បី​ធ្វើការ​វាយប្រហារ និង​លួច​យក​ទិន្នន័យ​ដូចជា​សារ​ផ្ញើ​ផ្ទាល់ (Direct Messages) ជាដើម។

បច្ចុប្បន្ន​បញ្ហា​នេះ​ត្រូវបាន​កែសម្រួល​ដោយ​ក្រុមហ៊ុន​រួចហើយ និង​វា​មានការ​ប៉ះពាល់​ដល់​ប្រព័ន្ធ​ប្រតិបត្តិការ Android ៨ និង៩ តែប៉ុណ្ណោះ។ ប៉ុន្តែ​អ្វីដែល​ល្អ​នោះ គឺ​ក្រុមហ៊ុន​បាន​បញ្ជាក់ថា មានតែ​អ្នកប្រើប្រាស់​មួយចំនួន​តូច​ប៉ុណ្ណោះ​ដែល​កំពុង​ប្រើប្រាស់​កម្មវិធី​ជំនាន់​ចាស់​ដែល​អាច​រង​ការប៉ះពាល់​នេះ។

ដើម្បី​ការពារ​ទិន្នន័យ​របស់លោក​អ្នក នាយកដ្ឋាន​ប្រឆាំង​បទល្មើស​បច្ចេកវិទ្យា សូមឱ្យ​អ្នកប្រើប្រាស់​ធ្វើ​បច្ចុប្បន្នភាព​កម្មវិធី​ទ្វី​ត​ធ័​រ ឱ្យបាន​ឆាប់រហ័ស ម្យ៉ាងវិញទៀត លោកអ្នក​គួរតែ​បន្ត​ការធ្វើ​បច្ចុប្បន្នភាព​លើ​គ្រប់​កម្មវិធី​ទាំងអស់​មិនថាតែ​កម្មវិធី​ទ្វី​ត​ធ័​រ​នោះទេ ហើយ​សូម​បន្ត​តាមដាន​ផេ​ក​របស់​នាយកដ្ឋាន ដើម្បី​ទទួលបាន​ព័ត៌មានថ្មីៗទាក់ទង​ទៅនឹង បទល្មើស​បច្ចេកវិទ្យា ការ​ឆបោក​តាម​ប្រព័ន្ធ​អន​ឡាញ ក៏​ដូច​សុវត្ថិភាព​ក្នុងការ​ប្រើប្រាស់​ឧបករណ៍​បច្ចេកវិទ្យា រួមទាំង​កម្មវិធីផ្សេងៗដទៃទៀត៕

ប្រភព៖​ នាយកដ្ឋានប្រឆាំងបទល្មើសបច្ចេកវិទ្យា

ក្រសួង​សេដ្ឋកិច្ច និង​ហិរញ្ញវត្ថុ បាន​បញ្ជាក់ថា គណៈកម្មាធិការ​គោលនយោបាយ​សេដ្ឋកិច្ច និង​ហិរញ្ញវត្ថុ បានដឹង​ប្រជុំពិភាក្សា​យ៉ាង​ហ្មត់ចត់​លើ​សេចក្តីព្រាង​យុទ្ធសាស្ត្រ​ស្តីពី​ការបើក​ដំណើរការ​គ្រឹះស្ថានសិក្សា​ឡើងវិញ ដោយមាន​ការចូលរួម​ពី​រដ្ឋមន្ត្រី​នៃ​ក្រសួង​សេដ្ឋកិច្ច ក្រសួង​អប់រំ និង​ក្រសួងសុខាភិបាល។

តាម​ការបញ្ជាក់​របស់​ស្ថាប័ន​យ៉ាងសំខាន់​ខាងលើ​បាន​បញ្ជាក់ថា គ្រឹះស្ថានសិក្សា​ត្រូវ​សម្រប​តាម​ជីវិត​រស់នៅ​ធម្មតា​បែប​គន្លង​ថ្មី (New Normal Life) តាមរយៈ​ការអនុវត្ត​វិធានការ​សុវត្ថិភាព​សិក្សា ដើម្បី​ការពារ​សុវត្ថិភាព​អ្នកសិក្សា បុគ្គលិក​សិក្សា បុគ្គលិក​បម្រើការ​ផ្សេងទៀត និង​ផ្តល់​ទំនុកចិត្ត​ដល់​មាតាបិតា។ ក្នុងស្ថានភាព​នេះ ក្រសួង​អប់រំ បានរៀបចំ​យុទ្ធសាស្ត្រ​បើក​ដំណើរការ​គ្រឹះស្ថានសិក្សា​ឡើងវិញ ដោយ​ឈរលើ​អភិក្រម2 គឺ​ទី1 ការបើក​ដំណើរការ​ឡើងវិញ​តាម​ដំណាក់កាល​នូវ​គ្រឹះស្ថាន​ដែល​បាន​អនុវត្ត​ត្រឹមត្រូវ​តាម ស្តង់ដារ​សុវត្ថិភាព​សុខភាព និង​ទី2 គឺ​ការអនុវត្ត​វិធីសាស្ត្រ​នៃ​ការសិក្សា​តាមបែប​ចម្រុះ គឺ​ការសិក្សា​ក្នុង​ថ្នាក់រៀន ការសិក្សា​ពី​ចម្ងាយ​តាម​ប្រព័ន្ធ​អេឡិចត្រូនិក និង​តាមបែប​ប្រពៃណី (សន្លឹក​កិច្ចការ​ជំនួយ) រួមទាំង​ការធ្វើ​ស្វ័យ​សិក្សា (សម្រាប់​សិស្ស​នៅ​ទីជនបទ)។

ផ្អែក​លើក​គោលការណ៍​ទាំង2 ខាងលើនេះ ក្រសួង​បានដាក់​ចេញ​នូវ​យុទ្ធសាស្ត្រ​ស្តីពី​ការបើក​ដំណើរការ​សាលារៀន​ឡើងវិញ ដោយ​ផ្អែកលើ​ចំណុចសំខាន់ៗចំនួន5 គឺ៖

1. ក្រសួង​រៀបចំ​ការបើក​ដំណើរការ​គ្រឹះស្ថានសិក្សា​ឡើងវិញ​ជា 3 ដំណាក់កាល បន្តបន្ទាប់​គ្នា ។
2. គ្រឹះស្ថានសិក្សា​មិនទាន់​អាច​ដំណើរការ​ឡើងវិញ ពេញលេញ​នៅឡើយ និង​ត្រូវអនុវត្ត​នូវ​វិធីសាស្ត្រ​ចម្រុះ​គឺ ការសិក្សា​ពី​ចម្ងាយ​តាម​ប្រព័ន្ធ​អេឡិចត្រូនិក និង​តាម​ប្រព័ន្ធ​ប្រពៃណី (សម្រាប់​ទីជនបទ) រួម​ជាមួយនឹង​ការសិក្សា​នៅក្នុង​ថ្នាក់រៀន ។
3. ការអនុញ្ញាតឱ្យ​បើក​ដំណើរការ​គ្រឹះស្ថានសិក្សា​ឡើងវិញ តាម​ដំណាក់កាលនីមួយៗ បន្ទាប់ពី​គ្រឹះស្ថានសិក្សា ទាំង​នោះបាន​ត្រៀមខ្លួន​រួចរាល់ និង​អនុវត្តបាន​ត្រឹមត្រូវ​តាម​លក្ខខណ្ឌ​តម្រូវ​សុវត្ថិភាព ដែល​កំណត់ដោយ​ក្រសួងសុខាភិបាល និង​លក្ខខណ្ឌ​តម្រូវ​បច្ចេកទេស​នៃ​ការសិក្សា និង​ការបង្រៀន ដែល​កំណត់ដោយ​ក្រសួង​អប់រំ យុវជន និង​កីឡា ។
4. ការបើក​ដំណើរការ​គ្រឹះស្ថានសិក្សា​ឡើងវិញ គឺ​ឈរលើ​គោលការណ៍​ស្ម័គ្រចិត្ត ដោយមាន​ការទទួលខុសត្រូវ ខ្ពស់ និង​ការប្តេជ្ញាចិត្ត​ក្នុងការ​អនុវត្ត​វិធានការ​សុវត្ថិភាព​សុខភាព របស់​ក្រសួងសុខាភិបាល និង​អង្គការ​សុខភាព​ពិភពលោក ព្រមទាំង​មានការ​ចូលរួម​ពី​គ្រប់ភាគី​ពាក់ព័ន្ធ​ទាំងអស់។
5. ការបើក​ដំណើរការ​គ្រឹះស្ថានសិក្សា​ឡើងវិញ ក៏​ឈរលើ​គោលការណ៍​នៃ​ទីតាំង​ភូមិសាស្ត្រ នៃ​កម្រិត​ហានិភ័យ របស់​ការ​រាលដាល​នៃ​ជំងឺ​Covid-19៕

សិង្ហ​បុរី​ចាប់ផ្ដើម​បើក​ឱ្យ​អ្នកដំណើរ ចូលមកក្នុង​ប្រទេសរ​បស់​ខ្លួន​ហើយ  តែ​តម្រូវឱ្យមាន​លិខិតបញ្ជាក់​ពី​សុខភាព និង​ត្រូវធ្វើ​ច​ត្តា​ឡី​ស័ក​ដោយ​ខ្លួនឯង​នៅផ្ទះ ឬ​ខុន​ដូ ពោលគឺ គ្មាន​ទីតាំង​សម្រាប់​ដាក់​ជារួម ដូច​នៅ​ប្រទេសមួយ​ចំនួន​ទេ។

វិធានការ​មួយទៀត​ដែល​ប្រទេស​ដែន​កោះ​នេះ​ប្រើ គឺ​បំពាក់​ឧបករណ៍​តាមដាន GPS និង Bluetooth លើ​មនុស្ស​ចំណូល​ថ្មី​ទាំងនោះ ដើម្បី​ធានាថា ពួកគេ​ពិតជា​បាន​នៅផ្ទះ​ធ្វើ​ច​ត្តា​ឡី​ស័ក​ពិតប្រាកដ​មែន ពោលគឺ មិនអាច​ដើរលេង​ពាសវាល​ពាសកាល តាមចិត្ត​ចង់បាន​ឡើយ។

អ្នកដំណើរ​ដែល​ស្ថិតក្នុង​អំឡុងពេល​ធ្វើ​ច​ត្ត​ឡី​ស័ក អាច​ដោះ​ឧបករណ៍​តាមដាន GPS ចេញ​បាន ក្រោយ​រយៈពេល 14ថ្ងៃ នៅពេល​ធ្វើតេស្ត​លើកចុងក្រោយ​ឃើញថា​ពួកគេ​ពិតជា​គ្មាន​ផ្ទុក​កូ​វីដ-19។ ក្នុងករណី​បំពាន​ការធ្វើ​ច​ត្តា​ឡី​ស័ក អ្នកដំណើរ​នឹងរង​ការពិន័យ​ជាង 7ពាន់​ដុល្លារ​អាមេរិក និង​ជាប់ពន្ធនាគារ កន្លះ​ឆ្នាំ៕

សូម​ទស្សនា​វីដេអូ​ខាងក្រោម៖

អាហារប្រភេទខ្លះញ៉ាំហើយមានប្រយោជន៍ដល់រាងកាយ តែប្រភេទខ្លះទៀតញ៉ាំហើយធ្វើឱ្យខួរក្បាលយើងល្ងង់ឡើងបាន ឥលូវយើងនាំគ្នាមកមើលថា តើអាហារប្រភេទណាខ្លះដែលមិនគួរឱ្យកូនជាទីស្រឡាញ់របស់យើងញ៉ាំ?។

ស្ករ : ក្រៅពីនឹងធ្វើឱ្យធាត់ហើយ ស្ករនៅអាចបំផ្លាញខួរក្បាលរបស់មនុស្សយើងបានទៀតផង។ អ្នកស្រាវជ្រាវពីមហាវិទ្យាល័យ កាលីហ្វ័រនៀ ឡូសអេនជើលេស បានធ្វើការពិសោធឱ្យសត្វកណ្តុរសាកល្បងស៊ីអាហារដែលលាយផ្សំហ្រ្វុកតូសក្នុងមួយអំឡុងពេល រួចហើយស្គែនខួរក្បាលរបស់វាមើល ក៏រកឃើញថា សរសៃប្រព័ន្ធប្រសាទក្នុងខួរក្បាលធ្វើការរអាក់រអួល ធ្វើឱ្យមានបញ្ហារឿងការរៀនយល់ដឹង និងបាត់បង់ការចងចាំ។ ក្រៅពីនេះអ្នកស្រាវជ្រាវនៅតែតាំងចំណុចសង្កេតថា ដែលខួរក្បាលធ្វើការចុះខ្សោយនេះដោយសារតែជាតិស្ករហ្រ្វុកតូសដែលមានច្រើនជ្រុលពេកមិនជំរុញការបញ្ចេញអ៊ិនស៊ូលីន ធ្វើឱ្យខួរក្បាលវាយតម្លៃលទ្ធផលខុសឆ្គង ដែលហុចផលដល់អារម្មណ៍ និងការគិតយ៉ាងពិតប្រាកដ។

សាច់ក្រហម (សាច់សុទ្ធ) និងប៊័រ : មនុស្សជាច្រើនអាចនឹងគិតថាសាច់ក្រហម (សាច់សុទ្ធ) មិនជាប់ខ្លាញ់ហ្នឹងមានសុវត្ថិភាព តែសូមជម្រាបថា អ្នកគិតខុសហើយ ព្រោះនៅក្នុងសាច់ក្រហមមានជាតិខ្លាញ់ដែលបង្កកខ្លួននៅក្នុងនោះច្រើនណាស់។ ទង្វើនៃការញ៉ាំអាហារបានរកឃើញថា ស្រ្តីដែលញ៉ាំអាហារដែលមានជាតិខ្លាញ់បង្កកខ្លួនច្រើនបំផុត (សាច់ក្រហម សាច់ហ៊ែម សាច់បេកខន់ ប៊័រ ទឹកដោះគោ) ខួរក្បាលនឹងមានប្រសិទ្ធភាពថយចុះ ដែលវាផ្ទុយគ្នាពីស្រ្តីដែលញ៉ាំអាហារដែលមានជាតិខ្លាញ់ល្អ ដូចជា ប្រេងម្កាក់ ឬអាវ៉ូខាដូ (ផ្លែប៊័រ) ជាដើម ខួរក្បាលនឹងវាយតម្លៃលទ្ធផលបានល្អ និងធ្វើបទបែបប្រឡងបានពិន្ទុខ្ពស់ជាង។

ដំឡូងបារាំងចៀន នំភីហ្សា និងអាហារ Junk Food : កុមារភាគច្រើនចូលចិត្តញ៉ាំអាហារ ចាំងក៍ហ្វូដ ជាចម្បង ជាពិសេសក្នុងអំឡុង 3 ខួបដំបូង។ ក្មេងៗត្រូវតែបានទទួលភោជនាហារដែលល្អដើម្បីបង្កើនការរីកចម្រើនធំធាត់របស់ខួរក្បាល តែបើក្មេងៗញ៉ាំអាហារដែលឥតប្រយោជន៍ច្រើនជ្រុលពេក គេនឹងបានទទួលជាតិខ្លាញ់ អំបិល ស្ករដែលច្រើនជ្រុលពេក និងសារធាតុអាហារមួយចំនួនមិនគ្រប់គ្រាន់ដល់ការអភិវឌ្ឍខួរក្បាល វានឹងហុចផលដល់ការរៀនយល់ដឹងក្នុងរយៈពេលវែងរបស់កុមារបាន។

ស្ករកៅស៊ូ : ការទំពារស្ករកៅស៊ូនឹងជួយឱ្យខួរក្បាលក្លៀវក្លាស្វាហាប់ កើតមានសមាធិល្អ តែថ្មីៗបំផុតនេះ ព្រឹត្តិបត្រចិត្តវិទ្យា Experimental Psychology របស់អង់គ្លេសបានប្រាប់ថា ការទំពារស្ករកៅស៊ូមានចំណែកធ្វើឱ្យការចងចាំរយៈពេលខ្លីរបស់មនុស្សយើងថមថយចុះ តែទាំងអស់នេះ បើយើងញ៉ាំអាហារដែលមានប្រយោជន៍ សម្រាកឱ្យបានគ្រប់គ្រាន់ ឬក្រេបទឹកស្អាតក្នុងអំឡុងរាល់ពេលថ្ងៃនោះ ការទំពារស្កកៅស៊ូច្បាស់ជាមិនមានផលអ្វីជាមួយខួរក្បាលរបស់យើងឡើយ។

អាហារឡូខាបូហាយដ្រេត ( Low Carbohydrate ) : មនុស្សជាច្រើនយល់ថា អាហារដែលជាប្រភេទម្សៅច្រើនតែធ្វើឱ្យធាត់ ទើបប្រើវិធីបន្ថយខាបូហាយដ្រេត ឬញ៉ាំអាហារដែលធ្វើពីម្សៅឱ្យតិច តែដឹងឬទេថា បើបានទទួលខាបូហាយដ្រេតតិចជ្រុលពេកនោះ រាងកាយមនុស្សយើងនឹងខ្វះកម្លាំងថាមពលសន្សំទុក

ធ្វើឱ្យឆាប់មួម៉ៅ និងកើតក្តីតានតឹងធុញថប់បាន ដូច្នេះបើមិនចង់ធាត់ និងខួរក្បាលចុះខ្សោយទៅដំណាលគ្នានោះ យើងនាំគ្នាចៀសមកញ៉ាំបាយអង្ករសំរូប ឬនំប៉័ងហូលវិធជំនួសវិញក៏បាន៕