Author: ធឿន មករា

រថយន្ត Lexus LM ត្រូវបាន​ក្រុមហ៊ុន Lexus ប្រកាស​ចេញលក់ កាលពី​ខែមេសា ឆ្នាំ2019 ដោយបាន​ចាប់យក​ទីផ្សារ​ប្រទេស​ចិន និង​ទីផ្សារ​មួយចំនួនទៀត នៅ​អាស៊ី​ជាទី​ផ្សារ​គោលដៅ។

ថ្មីៗនេះ រថយន្ត​វ៉ែន​ប្រណីត​មួយ​នេះ បាន​លេចមុខ​នៅលើ​ទីផ្សារ​ប្រទេស​វៀតណាម តាមរយៈ​ការនាំ​ចូល​របស់​ហាង​លក់​រថយន្ត​ឯកជន​មួយកន្លែង។ ជា​រថយន្ត​ប្រភេទ Lexus LM 300h មាន​ដាក់លក់ តម្លៃ​រហូតដល់​ជាង 10ពាន់​លាន​ដុង ដែល​ស្មើនឹង​ប្រមាណ​ជាជាង 43ម៉ឺន​ដុល្លារ។

Lexus LM 300h មាន​បំពាក់​ប្រព័ន្ធ​ម៉ាស៊ីន Hybrid ដែលមាន​ម៉ាស៊ីន​សាំង 2.5លីត្រ 4ស៊ីឡាំង ផលិត​កម្លាំង​បាន 154សេះ។ មាន​ម៉ូ​ទ័​រ​អគ្គិសនី​ចំនួន 2ទៀត ដោយ​ម៉ូ​ទ័​រ​ខាងមុខ​ផលិត​កម្លាំង​បាន 105សេះ និង​ខាងក្រោយ​កម្លាំង 68សេះ។ រថយន្ត​នេះ​អាចមាន​ល្បឿន​ស្ទុះ​ពី 0-100គ.ម/ម៉ ដោយ​ចំណាយពេល 10.5វិនាទី និង​មាន​កម្រិត​ស៊ីប្រេង​ជា​មធ្យម 6.4លីត្រ ក្នុង​ចម្ងាយ 100គ.ម៕

តើបងៗស្រ្តីមេផ្ទះចង់ដឹងទេថា ថ្នាំលាបក្រចករបស់បងៗដែលក្រៅពីនាំយកមកលាបបន្ថែមសម្ផស្សលើក្រចកម្រាមដៃ ម្រាមជើងហើយនោះ តើវាអាចប្រើប្រាស់ជាមួយការងារក្នុងផ្ទះបានយ៉ាងណាខ្លះទៅ?  បើចង់ដឹងពីគុណប្រយោជន៍ល្អៗផ្សេងទៀតរបស់ថ្នាំលាបក្រចកនោះ សូមតាមដានជាបន្ត ៖

1 . ជួសជុលសំណាញ់ទ្វារបង្អួច

បញ្ហាសំណាញ់ទ្វារបង្អួចដាច់រហែកជារន្ធតូចៗ មិនចាំបាច់ត្រូវចំណាយលុយប្តូរសំណាញ់ថ្មីនាំតែបង់ប្រាក់ច្រើននោះទេ ព្រោះត្រឹមតែយកថ្នាំលាបក្រចកមកបៀកបិទពីលើរន្ធរហែកធ្លុះតូចៗទាំងនោះ និងទុកចោលរង់ចាំឱ្យវាស្ងួតតែប៉ុណ្ណោះ  តែប៉ុណ្ណឹងសត្វមូស រុយ មមង់នឹងលែងចូលមករំខានបងៗទៀតហើយ។

2 . បញ្ឈប់ស្នាមដាច់រហែកនៅលើស្រោមជើងបារ៍

កញ្ញាៗណាដែលនិយមពាក់ស្រោមជើងបារ៍ ប្រហែលជាត្រូវដាក់ដបថ្នាំលាបក្រចកតាមខ្លួនហើយមើលទៅ ព្រោះបើសិនជាស្រោមជើងបារ៍ដែលយើងកំពុងពាក់នោះទៅទាក់ ឬប៉ះនឹងវត្ថុមុតស្រួចអ្វីម្យ៉ាង វានឹងធ្វើឱ្យកើតជាស្នាមរយះជារឿយៗបែបមិនអាចបញ្ឈប់វាបានឡើយ  តែកុំបារម្ភអី យើងអាចបញ្ឈប់ស្នាមដាច់រហែកនោះបានដោយគ្រាន់តែលាបថ្នាំលាបក្រចកបន្តិចពីលើស្នាមរហែកនោះ និងទុកឱ្យវាស្ងួតប៉ុណ្ណោះ ស្នាមដាច់រហែកនោះនឹងលែងរហែកទៀតហើយ។ អាចហៅបានថា ជាការកែបញ្ហាចំពោះមុខបានយ៉ាងល្អ និងឆាប់រហ័សមែនទែន។

3​ . ធ្វើឱ្យឡេវអាវជាប់ណែន

អាវដែលទើបទិញមកថ្មីៗ នៅជាប់នឹងឡេវអាវគេតែងឃើញមានចុងខ្សែអំបោះដែលគេដេរឡេវជាប់នឹងអាវ​លេច​ចេញ​មក ជួនកាលយើងអផ្សុកយកដៃទៅទាញវាចេញមកនោះ វានឹងរបូតឡេវអាវនោះមកជាមួយដែរ ដូច្នេះដើម្បីការពារកុំឱ្យកើតមានបញ្ហានេះ ចូរប្រញាប់យកទឹកថ្នាំលាបក្រចកមកបៀកបន្តិចៗពីលើត្រង់កន្លែងអំបោះដេរឡេវនោះ វានឹងជួយឱ្យឡេវអាវនៅជាប់ណែនមិនរបូតជ្រុះដោយងាយៗឡើយ។

4 . លុបបំបាត់ស្នាមឆ្កូតផ្សេងៗលើគ្រឿងសង្ហារិមធ្វើពីឈើ

មិនចាំបាច់ហៅជាងមកជួសជុល ឬប៉ូលាឱ្យបាត់ស្នាមឆ្កូតទាំងនោះនាំតែអស់លុយទេ បងៗស្រ្តីមេផ្ទះគ្រាន់តែបៀកថ្នាំលាបក្រចកបែបរលោងថ្លាពីលើស្នាមឆ្កូតទាំងនោះ រួចទុកចោល សាច់ឈើនឹងប្រែជារាបស្មើស្អាតវិញ គ្មានឃើញស្នាមឆ្កូតឱ្យរំខានចិត្តទៀតឡើយ។

5 . ជួយឱ្យដោតអំបោះចូលរន្ធគូទម្ជុលបានយ៉ាងងាយស្រួល

ការដោតអំបោះចូលគូទម្ជុលជារឿងមួយដែលពិបាកជាងការដេរប៉ះសំពត់អាវឱ្យល្អឡើងវិញទៅទៀត  តែថ្នាំលាបក្រចកអាចជួយអ្នកបាន គ្រាន់តែលាបថ្នាំលាបក្រចកនៅចុងខ្សែអំបោះតែបន្តិច និងច្បូតឱ្យរាងស្រួច រួចចាំឱ្យស្ងួត​ ចុងខ្សែអំបោះដែលបែករីកនោះ នឹងអាចស៊កចូលរន្ធគូទម្ជុលបានយ៉ាងងាយស្រួលបំផុត៕

បច្ចុប្បន្ននេះទាំងមនុស្សស្រី ទាំងមនុស្សប្រុសសុទ្ធតែធ្វើអ្វីបានស្មើភាពគ្នា ប្រពន្ធក៏ចេញទៅធ្វើការក្រៅផ្ទះ ក្នុងខណៈប្តីក៏ចេះធ្វើម្ហូបអាហារបានយ៉ាងឆ្ងាញ់ពិសាដែរ តែនៅពេលកូនគឺកូនសោដួងចិត្តដែលកើតចេញពីសេចក្តីស្នេហារបស់អ្នកទាំងពីរនោះ តើហេតុអ្វីបានមិនឱ្យលោកប្តីមកមានចំណែករួមក្នុងការចិញ្ចឹមមើលថែផង?។ ការពិតទៅលោកប្តីជាច្រើនក៏ប្រហែលជាចង់សម្រាលបន្ទុករបស់ម៉ែប្រពន្ធដូចគ្នា គ្រាន់តែនៅមានអារម្មណ៍ថារាងឆ្គងៗ ចង់ចាប់ ចង់កាន់ត្រង់ណាដូចជាមិនត្រូវទំនងសោះ ដូចជាចង់ពកូនក៏ខ្លាចថា នឹងធ្វើឱ្យរបូតកូនពីដៃ ឬខ្លាចបង្កឱ្យកូនមានបញ្ហាអ្វីទេដឹង?ជាដើម តែរឿងទាំងនេះមិនមែនជាបញ្ហាធំនោះទេ គ្រាន់តែម៉ែប្រពន្ធខ្សិបប្រាប់លោកប្តីតែបន្តិចថា ត្រូវធ្វើយ៉ាងណានោះ លោកប្តីក៏នឹងបានជួយមើលថែទាំកូនតូចដោយក្តីស្រឡាញ់មិនខុសប្លែកពីប្រពន្ធបានបាត់ទៅហើយ។

ចំណុចល្អដែលឱ្យលោកប្តីជួយមើលថែទាំកូនតូច

1 . កើតមានសេចក្តីស្រឡាញ់ និងភាពពាក់ព័ន្ធស៊ីជម្រៅក្នុងក្រុមគ្រួសារស្អិតល្មួតខ្លាំងជាងមុន។

2 . លោកប្តីនឹងបានយល់ពីតួនាទីនៃភាពជា “ឪពុក” ច្រើនឡើង និងបានដឹងថា ការចិញ្ចឹមមើលថែកូនម្នាក់មិនមែនជារឿងងាយឡើយ ទើបការជួយសម្រាលបន្ទុកប្រពន្ធកើតឡើងដោយក្តីស្ម័គ្រចិត្ត និងពេញចិត្តពេញថ្លើម។

3 . ជួយឱ្យម៉ែប្រពន្ធមានពេលទំនេរគ្រប់គ្រាន់ក្នុងការទៅធ្វើធុរៈផ្ទាល់ខ្លួន ឬមើលថែខ្លួនផង។

4 . កូនចូលចិត្តធ្វើសំឡេងម្តងទាប ម្តងខ្ពស់ ប្លែកៗពេលលោកប្តីនិយាយរឿងនិទានឱ្យស្តាប់ ដែលទោះជាវាអាចនឹងមើលទៅគួរឱ្យអស់សំណើចក្នុងខ្សែភ្នែកម៉ែប្រពន្ធក៏ដោយ តែជឿទេថា សម្រាប់កូនវិញ នោះគឺជាពេលវេលាមាសរបស់គេហើយ។

5 . ទោះបីជាលោកប្តីមួយចំនួនអាចនឹងមិនសូវថ្នឹក ឬចំណានក្នុងការជួយមើលថែទាំកូនតូចក៏ដោយ តែក៏អាចមានចំណែកជួយដោយប្រយោលដែរ ដូចជា ការធ្វើម្ហូបអាហារឱ្យញ៉ាំ ការចេញទៅទិញរបស់ប្រើប្រាស់ជំនួស ដោយម៉ែប្រពន្ធមិនចាំបាច់ត្រូវទៅគ្រប់ពេលនោះទេ ដូចជា ទៅបង់លុយថ្លៃទឹក ថ្លៃភ្លើង ឬដើរទិញអីវ៉ាន់នៅក្នុងសូភើរម៉ាឃេត ជាដើម ការងារងាយៗបែបនេះ លោកប្តីក៏ធ្វើបានល្អដែរណា៎ អ៊ើ!។

6 . ក្រៅពីការងារក្រៅផ្ទះហើយ ការងារក្នុងផ្ទះក៏លោកប្តីធ្វើបានល្អមិនចាញ់គ្នាដែរ ដូចជា ការយកខោអាវទៅបោកគក់ ការបោសជូតសម្អាត ច្រកទឹកចូលដប ឬជួយលាងចាន ជាដើម ការងារងាយៗប៉ុនហ្នឹងក៏លោកប្តី “ចាត់ការ” បានដែរ។

7 . ឱ្យលោកប្តីជួយបញ្ជូនសញ្ញាដាស់តឿនប្រាប់ ពេលជិតដល់ថ្ងៃកំណត់ចាក់វ៉ាក់សាំង ឬកំណត់ការសំខាន់ៗក៏បាន ដើម្បីកុំឱ្យម៉ែប្រពន្ធភ្លេច។

8 . លោកប្តីអាចនឹងប្រើហេតុផល និងគ្រប់គ្រងអារម្មណ៍បានល្អជាង ដូច្នេះ ពេលដែលកូនធ្វើអ្វីមួយហើយត្រូវយើងជំទាស់ អត់មិនបានចង់តែច្រឡោតនោះ ម៉ែប្រពន្ធអាចនឹងបញ្ជូនការងារហ្នឹងតទៅឱ្យលោកប្តីជួយមើលថែទាំកូនជំនួសបណ្តោះអាសន្ន ក៏ជាការកែខៃបញ្ហាបានល្អមួយដែរ។

រឿងមួយទៀតដែលលោកប្តីអាចនឹងជួយម៉ែប្រពន្ធបានល្អដែរនោះគឺ ការនិយាយផ្តល់កម្លាំងចិត្ត ដូចជា “ថ្ងៃនេះអូននឿយទេ ចង់ឱ្យបងជួយធ្វើអ្វីខ្លះអត់?” ត្រឹមតែប៉ុនហ្នឹង ម៉ែប្រពន្ធក៏រំភើបចិត្ត និងបាត់នឿយហត់ពីការមើលថែទាំកូនពេញមួយថ្ងៃនោះទៅហើយ៕

ការផ្សព្វផ្សាយ​ព័ត៌មាន​ក្លែងក្លាយ​តាមរយៈ​បណ្ដាញ​សង្គម​គឺជា​បញ្ហា​ដ៏​ធំ​មួយ​សម្រាប់​ប្រទេស​ទូទាំង​ពិភពលោក ព្រោះ​ព័ត៌មាន​ទាំងនេះ​វា​នាំឱ្យមាន​ភាពចលាចល​នៅក្នុង​សង្គម ប៉ុន្តែ​ការផ្សព្វផ្សាយ​ព័ត៌មាន​ក្លែងក្លាយ មួយ​ប្រភេទ​ទៀត​ដែល​គេ​ឱ្យ​ឈ្មោះថា Ghostwriter គឺ​វា​មាន​ភាពគ្រោះថ្នាក់​ខ្លាំង​ជាង​ការផ្សព្វផ្សាយ​ព័ត៌មាន​ក្លែងក្លាយ​តាមរយៈ​បណ្ដាញ​សង្គម​ទៅទៀត។

យុទ្ធនាការ​ផ្សព្វផ្សាយ​ព័ត៌មាន​មិន​ពិត GhostWriter គឺ​វា​មិន​ផ្សព្វផ្សាយ​តាម​បណ្តាញ​សង្គម​ទេ ផ្ទុយទៅវិញ យុទ្ធនាការ​នេះ​បានធ្វើការ​ជ្រៀតចូល​ក្នុង​ប្រព័ន្ធគ្រប់គ្រង​មាតិកា (CMS) នៃ​វេ​ប​សាយ​ព័ត៌មាន ឬ​ប្រើ​គណនី​អុ​ី​មែ​ល​ដែល​មិន​ត្រឹមត្រូវ (Spoofed email ) ដើម្បី​ផ្សព្វផ្សាយ​ព័ត៌មាន​ក្លែងក្លាយ​ទាំងនោះ។ ម្យ៉ាងវិញទៀត “Ghostwriter” ប្រើ​អត្តសញ្ញាណ​របស់​អ្នកដទៃ​ដោយ​ក្លែង​ធ្វើជា ប្រជាជន​ក្នុងស្រុក អ្នកកាសែត និង​អ្នកវិភាគ នៅក្នុង​ប្រទេស​គោលដៅ​ដើម្បី​ធ្វើការ​បង្ហោះ​អត្ថបទ​ក្លែងក្លាយ។

ជា​ឧទាហរណ៍ថ្មីៗនេះ ក្រុម​អ្នកស្រាវជ្រាវ​ជំនាញ​សន្តិសុខ​មកពី FireEye បាន​រកឃើញ យុទ្ធនាការ​ផ្សព្វផ្សាយ​ព័ត៌មាន​មិន​ពិត​មួយ​ដែលមាន​គោលបំណង​ដើម្បី​បង្អាក់​ដល់ ដំណើរការ​អង្គការ​ណា​តូ តាមរយៈ​ខ្លឹមសារ​ព័ត៌មាន​ក្លែងក្លាយ​ដែល​ចែកចាយ​នៅលើ​វេ​ប​សាយ​ព័ត៌មាន ដែលថា​មាន​ទាហាន​ជនជាតិ​កាណាដា ចំនួន ២១នាក់ ដែល​ឈរជើង​នៅ​ប្រទេស​ឡេ​តូ​នី បាន​ឆ្លង​ជំងឺ​កូ​វីត-១។

យោងតាម​របាយការណ៍​ដែល​បានចេញ​ផ្សាយ​ដោយ FireEye នោះបាន​និយាយថា “ប្រតិបត្តិការ​នេះ​បាន​ផ្តោត​សំខាន់​លើ​ប្រទេស លី​ទុយ​អា​នី ឡេ​តូ​នី និង​ប៉ូឡូញ ជាមួយ​អង្គការ​ណា​តូ ធ្វើឡើង​តាមរយៈ​វេ​ប​សាយ ឬ គណនី​អុ​ី​មែ​ល ដែល​មិន​ត្រឹមត្រូវ​ដើម្បី​ផ្សព្វផ្សាយ​ព័ត៌មាន​ប្រតិដ្ឋ​រួមទាំង​ការឆ្លើយ​ឆ្លង​មិន​ត្រឹមត្រូវ​ពី​មន្ត្រី​យោធា។ អ្នក​ដំណើរការ Ghostwriter បានធ្វើការ​ផ្សព្វផ្សាយ​ព័ត៌មាន​ប្រតិដ្ឋ ជា​លិខិត​មួយ​ដែល​ត្រូវបាន​សរសេរ​ដោយ​អគ្គលេខាធិការ​អង្គការ​ណា​តូ គឺ​លោក Jens Stoltenberg ដែលថា​សហព័ន្ធន៍​អា​ត្ល​ង់​ទិច​មា​នក​ម្រោ​ង​ដក​ចេញពី​ប្រទេស​លី​ទុយ​អា​នី​ដោយសារ​ការឆ្លង​ជំងឺ​កូ​វីត-១៩៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

56 . វិធីកំចាត់ក្លិនស្អុយរបស់ម្ហូបអាហារនៅក្នុងទូទឹកកកដែលធំជាប់នៅក្នុងទឹកសម្រាប់ញ៉ាំ អាចធ្វើបានដោយការយកកាកកាហ្វេ ឬកាកតែដែលឆុងហើយមកដាក់ចោលនៅក្នុងទូទឹកកក ព្រោះកាកកាហ្វេ ឬកាកតែទាំងនោះនឹងបឺតស្រូបយកក្លិនមិនល្អទាំងនោះចេញពីក្នុងទូទឹកកករបស់បងៗអស់មិនខាន។

57 . វិធីលាងសម្អាតម៉ាស៊ីនបោកខោអាវឱ្យស្អាតអាចធ្វើបានដោយការប្រើទឹកខ្មេះប្រមាណជា 2 កែវ លាយជាមួយទឹកត្រជាក់ធម្មតាកន្លះលិត្រចាក់ចូលទៅក្នុងម៉ាស៊ីនបោកខោអាវ ហើយបើកម៉ាស៊ីនឱ្យធ្វើការតាមធម្មតា។ ទឹកខ្មេះនឹងជួយបណ្តេញកំណកធូលីដីចេញពីក្នុងម៉ាស៊ីន និងការពារការណែនស្ទះបានទៀតផង។

58 . វិធីសម្អាតស៊ុំកញ្ចក់ឆ្លុះមុខ ឬស៊ុំរូបថតឱ្យមើលទៅស្អាតដូចថ្មីនោះគឺ ចូរយកបន្ទះក្រណាត់មកជ្រលក់ប្រេងឆា ហើយយកទៅលាបនៅត្រង់ស៊ុំធ្វើពីឈើនោះ ហើយរង់ចាំឱ្យវាស្ងួតល្អ នឹងមើលទៅឃើញដូចថ្មីឡើងវិញមិនខាន។

59 . វិធីសម្អាតឧបករណ៍សម្ភារប្រើប្រាស់ធ្វើអំពីកែវដោយមិនចាំបាច់ជូតគឺ ប្រើទឹកលាយជាមួយអាល់កុល លាងសម្អាតព្រោះទឹកល្បាយអាល់កុលនេះនឹងជួយចម្កាត់វត្ថុកខ្វក់ចេញបានយ៉ាងងាយ និងចំណុចសំខាន់នោះគឺ វានឹងស្ងួតដោយខ្លួនឯង ដោយមិនចាំបាច់ជូតនឹងក្រណាត់ទៀតឡើយ។

60 . វិធីកម្ចាត់ក្លិនស្អុយអាប់នៅក្នុងទូដាក់ម្ហូបឱ្យក្រអូបស្រស់ស្រាយឡើងវិញគឺ ប្រើស៊ីម៉ង់ត៏សបន្តិចដាក់ក្នុងចានគោមធំល្មមមួយ យកទៅដាក់នៅត្រង់ជ្រុងណាមួយនៅក្នុងទូដាក់ម្ហូប ទុកចោលប្រមាណជា 2 – 3 ថ្ងៃ ក្លិនអាប់មិនល្អទាំងប៉ុន្មានក៏នឹងរលាយបាត់អស់មិនខាន។

(នៅមានត)

ជារឿងដែលស្រ្តីក្រោយប្រសូតនាំគ្នាធ្វើមកតាំងពីបុរាណ ការអាំងភ្លើងនឹងធ្វើឱ្យស្រ្តីក្រោយប្រសូតមានអារម្មណ៍ស្រួលខ្លួនធូរស្រាលអារម្មណ៍ សាច់ស្បែកតឹងណែនភ្លឺថ្លា។ ការអាំងភ្លើង ឬការនៅលើភ្លើង នៅពេលពិចារណាមើលហើយ វាជារឿងល្អសម្រាប់ស្រ្តីទើបឆ្លងទន្លេហើយថ្មីៗ បើសិនជាអាចទៅរួចស្រ្តីទើបឆ្លងទន្លេរួចគួរតែអាំងភ្លើង តែបើមិនត្រូវធាតុគ្នាជាមួយភ្លើង ស្រ្តីឆ្លងទន្លេរួចត្រូវធ្វើឱ្យរាងកាយកក់ក្តៅជាប់ជានិច្ច ដូចជា ងូតទឹកក្តៅឧណ្ហៗ ញ៉ាំទឹកក្តៅឧណ្ហ។ល។

ប្រយោជន៍របស់ការអាំងភ្លើង

ពេទ្យបែបផែនបុរាណជឿថា ការអាំងភ្លើង ឬការនៅលើភ្លើងក្រោយពេលឆ្លងទន្លេរួចនេះជួយកាត់បន្ថយអាការឈឺចុករួយ ឬអាការរលាកបរិវេណសាច់ដុំឆ្អឹងខ្នង ឬជើង និងជួយកាត់បន្ថយអាការរងាញ័រញាក់ដោយសារការសម្រួលសីតុណ្ហភាពរបស់រាងកាយដែលកើតពីការបាត់បង់ឈាមច្រើនក្រោយពេលប្រសូត ជួយឱ្យស្បូនឆាប់ជាសះប្រក្រតីឡើងវិញ និងការពារការឆ្លងមេរោគក្នុងប្រអប់ស្បូនក្រោយពេលប្រសូត។

ការអាំងភ្លើងជួយរឹបពង្រឹត

តាមរយៈបទពិសោធន៍ដោយផ្ទាល់របស់ចាស់ៗជំនាន់យាយៗសុទ្ធតែបានប្រាប់ថា ការអាំងភ្លើងធ្វើឱ្យប្រព័ន្ធឈាមរត់ហូរវិលបានល្អឡើង និងគ្មានអាការរងាញាក់ ឬឈឺចុករួយអ្វីឡើយ និងជួយពង្រឹតរឹបរាងកាយឱ្យឆាប់ប្រក្រតីឡើងវិញ។

ការអាំងភ្លើង ឬការនៅលើភ្លើងកាលពីសម័យមុន

ការអាំងភ្លើងកាលពីសម័យមុនមាន 2 បែប គឺបង្កាត់ភ្នក់ភ្លើងតូចមួយនៅក្បែរខ្លួនម្តុំៗក្បាលពោះ និងការបង្កាត់ភ្នក់ភ្លើងនៅពីក្រោមគ្រែឬស្សីដោយមានស្រ្តីទើបឆ្លងទន្លេរួចគេងពីលើ និងភាគច្រើនចាស់ៗបុរាណនិយមធ្វើតាមបែបទីពីរនេះ ដោយមានសាច់ញាតិ ឬប្តីនៅចាំមើលភ្លើងអុស។ ចាស់ៗបុរាណជឿថា ក្រោយពេលប្រសូតបុត្ររួចស្រ្តីគួរតែបានអាំងភ្លើងពី 7 – 15 ថ្ងៃ។

ការអាំងភ្លើងសម័យថ្មី

ការអាំងភ្លើងសម័យនេះងាយស្រួលជាងសម័យមុនច្រើនណាស់ មានទូក្រណាត់ឃ្លុំត្រឹមកដែលអាចធ្វើបានយ៉ាងងាយស្រួលនៅក្នុងផ្ទះដោយមានចង្រ្កានភ្លើង និងក្អមដាក់ឱសថបុរាណសប្រាប់ស្រ្តីទើបឆ្លងទន្លេរួចឆ្ពុងរាងកាយទៀតផង។ អាចនិយាយបានថាជាវិវឌ្ឍនាការថ្មីដែលក្លាយមកពីការបង្កាត់ភ្នក់ភ្លើងនៅក្បែរក្បាលពោះស្រ្តីទើបឆ្លងទន្លេរួចភ្លាមហ្នឹងឯង៕