Author: ពេជ្រ តារាវុទ្ធ

  • ក្រសួង​អប់រំ​បំភ្លឺ​រឿង​ព័ត៌មាន​ធ្វើសញ្ញា​បត្រ​បាក់ឌុប​ក្រៅផ្លូវការ​

    ក្រសួង​អប់រំ​បំភ្លឺ​រឿង​ព័ត៌មាន​ធ្វើសញ្ញា​បត្រ​បាក់ឌុប​ក្រៅផ្លូវការ​

    ​ក្រសួង​អប់រំ​ ​យុវជន​ ​និងកីឡា​ ​ថ្មី​ៗ​នេះ​បាន​ចេញ​សេចក្តី​ប្រកាស​ព័ត៌មាន​ភ្លាម​ៗ​ដើម្បី​ថ្កោលទោស​ដល់​គណនី​ ​Facebookឈ្មោះ​ ​«​សេ​វា​ផ្សេង​ៗ​»​ ​ដែល​បាន​បង្ហោះ​ព័ត៌មាន​មិន​ពិត​ដែល​ធ្វើ​ឱ្យ​ប៉ះពាល់​ដល់​កេរ្តិ៍ឈ្មោះ​របស់ក្រ​សួង​អប់រំ​ ​យុវជន​ ​និងកីឡា​ ​និង​ការ​ទទួល​ធ្វើសញ្ញា​បត្រ​បាក់ឌុប​ ​និង​សញ្ញាបត្រ​គ្រប់​ផ្នែក​។​
    ​
    ​នៅក្នុង​សេចក្តី​ប្រកាស​នេះ​បាន​បញ្ចាក់​ថា​ ​ការ​បង្ហោះ​ព័ត៌មាន​បែបនេះ​ ​ជា​អំពើខុស​ច្បាប់​ដែល​បំពាន​ដល់​សេចក្តី​ថ្លៃថ្នូរ​ ​និង​កិច្ច​ខិតខំ​ប្រឹងប្រែង​របស់​រាជរដ្ឋាភិបាល​កម្ពុជា​ ​ក៏ដូចជា​ការអនុវត្ត​កំណែទម្រង់​របស់ក្រ​សួង​អប់រំ​ ​យុវជន​ ​និងកីឡា​ ​ក្នុង​ការ​លើកកម្ពស់​គុណភាព​អប់រំ​នៅ​កម្ពុជា​ ​ជាពិសេស​ប៉ះពាល់​ដល់​ស្មារតី​ ​និង​ការ​ខិតខំ​រៀនសូត្រ​របស់​សិស្សានុសិស្ស​ ​និង​និស្សិត​កម្ពុជា​។​ ​

    ​ក្រសួង​កំពុង​សហការ​ជាមួយ​អាជ្ញាធរ​មានសមត្ថកិច្ច​ក្នុង​ការស្វែងរក​ជន​ដែល​បង្ហោះ​ព័ត៌មាន​ខាងលើ​នេះ​ ​ដើម្បី​ចាត់វិធានការ​ផ្លូវច្បាប់​ ​និង​សូម​អំពាវនាវ​ដល់​សាធារណជន​ ​និង​ប្រព័ន្ធ​ផ្សព្វផ្សាយ​គ្រប់​ប្រភេទ​ឱ្យ​ចូលរួម​ទប់ស្កាត់​ការចែកចាយ​ព័ត៌មាន​នេះ​តាម​គ្រប់រូប​ភាព​ ​ព្រមទាំង​សហការ​ផ្តល់​ព័ត៌មាន​ដល់​សមត្ថកិច្ច​ក្នុង​ការ​ឈាន​ទៅ​កំណត់​មុខសញ្ញា​ជន​ដែល​បាន​ប្រព្រឹត្ត​អំពើ​ខាងលើ​នេះ​៕​ ​
    ​
    ​

  • ក្រសួង​អប់រំ​ជ្រើសរើស​យុវជន​ ​និង​អ្នកដឹកនាំ​ ​ចូលរួម​កម្មវិធី​នាវា​យុវជន​អាស៊ី​អាគ្នេយ៍​ ​និង​ជប៉ុន​ជាថ្មី​ម្តង​ទៀតហើយ​

    ក្រសួង​អប់រំ​ជ្រើសរើស​យុវជន​ ​និង​អ្នកដឹកនាំ​ ​ចូលរួម​កម្មវិធី​នាវា​យុវជន​អាស៊ី​អាគ្នេយ៍​ ​និង​ជប៉ុន​ជាថ្មី​ម្តង​ទៀតហើយ​

    កម្មវិធី​នាវា​យុវជន​អាស៊ី​អាគ្នេយ៍​ ​និង​ជប៉ុន​ ​ជា​កម្មវិធី​ដែល​រៀបចំឡើង​ជា​រៀងរាល់​ឆ្នាំ​ក្រោម​កិច្ចសហការ​រវាង​រដ្ឋាភិបាល​នៃ​បណ្តា​ប្រទេស​អាស៊ាន​ ​និង​ជប៉ុន​ចាប់តាំងពី​ឆ្នាំ1974​ ​រហូតមកដល់​បច្ចុប្បន្ន​ក្នុង​គោលបំណង​ដើម្បី​ជំរុញ​ចំណង​សាមគ្គី​ ​មិត្តភាព​ ​និង​ស្វែងយល់​ពីគ្នា​ទៅវិញទៅមក​ក្នុង​ស្រទាប់​យុវជន​នៃ​បណ្តា​ប្រទេស​អាស៊ាន​ ​និង​ជប៉ុន​។​ ​ថ្មី​ៗ​នេះ​ក្រសួង​អប់រំ​ ​យុវជន​ ​និងកីឡា​បាន​ប្រកាស​ដើម្បី​ជ្រើសរើស​យុវជន​ចំនួន​ ​28រូប​ ​និង​អ្នកដឹកនាំ​ ​1រូប​ដើម្បី​ទៅ​ចូលរួម​កម្មវិធី​ដ៏​មាន​សារៈសំខាន់​នេះ​។​ ​

    ​នេះ​ជា​ឱកាសល្អ​ដែល​យុវជន​អាច​ចូលរួម​ជាមួយនឹង​យុវជន​ចម្រុះ​ជាតិសាសន៍​ ​និង​ចែករំលែក​បទ​ពិសោធ​គ្នា​ទៅវិញទៅមក​នៅ​លើ​នាវា​ ​ដែល​នឹង​ចាប់ផ្តើម​ជួបជុំគ្នា​ក្នុង​ប្រទេស​ជប៉ុន​ ​ហើយ​បន្តដំណើរ​មកកាន់​ប្រទេស​វៀតណាម​ ​ប្រទេស​សិង្ហបុរី​ ​ប្រទេស​មីយ៉ាន់ម៉ា​ ​និង​ប្រទេស​ម៉ាឡេស៊ី​ ​ដែល​នឹង​ប្រព្រឹត្តទៅ​ចាប់ពី​ថ្ងៃទី24​ ​ខែតុលា​ ​ដល់​ថ្ងៃទី13​ ​ខែធ្នូ​ ​ឆ្នាំ2019​។​
    ​ដើម្បី​ជាប់​ជា​យុវជន​ដែល​អាច​ចូលរួម​ក្នុង​កម្មវិធី​នេះ​បាន​ ​អ្នកដាក់ពាក្យ​ត្រូវតែ​ជា​និស្សិត​ដែល​កំពុង​សិក្សា​នៅ​តាម​គ្រឹះស្ថាន​ទាំង​រដ្ឋ​ ​និង​ឯកជន​ ​ឬ​បញ្ចប់​ការសិក្សា​ដែល​មាន​អាយុ​ចាប់ពី18​ ​ដល់​ ​30ឆ្នាំ​។​ ​មាន​ភាព​ក្លាហាន​ ​រហ័សរហួន​ ​មាន​ភាព​ឈ្លាសវៃ​ក្នុង​ការ​បញ្ចេញមតិ​ ​និង​អាច​ធ្វើការងារ​ជា​ក្រុម​ ​រួម​ទាំង​មាន​ទំនាក់ទំនង​ល្អ​ផង​ដែរ​។​ ​យុវជន​គួរ​យល់ដឹង​ពី​កម្មវិធី​ ​ហើយ​អាច​ប្រើប្រាស់​ភាសាអង់គ្លេស​ក្នុង​ការ​និយាយ​ ​ការ​ស្តាប់​ ​ការ​សរសេរ​ ​និង​ការពិភាក្សា​បាន​ល្អ​ ​និង​អាច​ធ្វើ​បទ​បង្ហាញ​បាន​ច្បាស់លាស់​។​ ​ក្រៅពី​នេះ​ត្រូវ​មានចំណេះ​ដឹង​កម្រិត​ឧត្តម​សិក្សា​ ​មានលទ្ធភាព​ ​និង​ពេលវេលា​គ្រប់គ្រាន់​ដើម្បី​ចូលរួម​ហ្វឹកហាត់​បណ្តុះបណ្តាល​មុន​ចេញដំណើរ​ប្រហែល​ ​2ខែ​ ​ទៅតាម​ការកំណត់​របស់ក្រ​សួង​អប់រំ​។​ ​

    ​ចំពោះ​នីតិវិធី​ ​គឺ​ក្រសួង​នឹង​ធ្វើការ​សម្រាំង​បេក្ខជន​ ​(​shortlist​)​ ​បន្ទាប់មក​ប្រឡង​វិញ្ញាសា​ភាសាអង់គ្លេស​ ​និង​វប្បធម៌​ទូទៅ​ជា​ភាសាអង់គ្លេស​មុននឹង​សម្ភាស​ផ្ទាល់មាត់​។​ ​បេក្ខជន​ដែល​ចាប់អារម្មណ៍​អាច​ដាក់ពាក្យសុំ​ចូលរួម​ធ្វើតេស្ត​ ​និង​ទទួល​ព័ត៌មាន​បន្ថែម​នៅ​នាយកដ្ឋាន​យុវជន​ ​នៃ​ក្រសួង​អប់រំ​ ​យុវជន​ ​និងកីឡា​៕​ ​
    ​
    ​

  • ក្រុមហ៊ុន​ ​CPL​ ​ចែករំលែក​បទ​ពិសោធ​ ​និង​ចំណុច​វិជ្ជមាន​លើ​ទីផ្សារ​ខុន​ដូ​នៅ​កម្ពុជា​

    ក្រុមហ៊ុន​ ​CPL​ ​ចែករំលែក​បទ​ពិសោធ​ ​និង​ចំណុច​វិជ្ជមាន​លើ​ទីផ្សារ​ខុន​ដូ​នៅ​កម្ពុជា​

    ​ក្រុមហ៊ុន​ ​CPL​ ​ជា​ក្រុមហ៊ុន​អចលនទ្រព្យ​មាន​បទ​ពិសោធ​ខ្ពស់​លើ​ផ្នែក​អចលនទ្រព្យ​ដែល​មានការ​ទទួលស្គាល់​ទាំង​ថ្នាក់​ជាតិ​ ​និង​អន្តរជាតិ​ ​បាន​រៀបចំ​កម្មវិធី​ចែករំលែក​បទ​ពិសោធ​ ​និង​ចំណេះដឹង​ដើម្បី​ ​«​ស្វែងយល់​អំពី​ឱកាស​ចំណេញ​ពី​ការទិញ​ដី​ ​និង​ផ្ទះនៅ​ក្នុង​ក្រុង​ព្រះសីហនុ​ ​និង​គម្រោង​ស្តារ​ស៊ី​ធី​ ​Star​ ​CITY​ ​នៅក្នុង​ក្រុងភ្នំពេញ​»​ ​ដល់​អ្នកចូលរួម​ជាច្រើន​ដើម្បី​ទទួល​បាន​ចំណេះដឹង​សម្រាប់​ការ​អភិវឌ្ឍ​ជីវភាព​ ​និង​ការរស់នៅ​។​ ​

    ​លោក​ឧកញ៉ា​ ​ចេង​ ​ខេង​ ​អគ្គនាយក​ក្រុមហ៊ុន​ ​CPL​ ​បាន​លើកឡើង​ថា​ ​សិក្ខាសាលា​ដែល​ធ្វើឡើង​នៅ​ថ្ងៃនេះ​ ​គឺ​ដើម្បី​ចែករំលែក​គំនិត​យោបល់​ ​និង​គន្លឹះ​ល្អ​ៗ​ជាច្រើន​ក្នុង​ទាញ​យក​ឱកាស​ចំណេញ​លើ​ទីផ្សារ​ខុន​ដូ​ដល់​សាធារណជន​ ​នៅក្នុង​កន្លែង​តាំង​បង្ហាញ​ ​(​showroom​)​ ​ដោយ​ផ្ទាល់​ក្នុង​គម្រោង​ស្តារ​ស៊ី​ធី​ ​(​star​ ​city​)​។​ ​គម្រោង​នេះ​ជា​គម្រោង​ប្រកបដោយ​គុណភាព​ ​សោភណភាព​ ​និង​គុណ​តម្លៃ​ ​ដែល​ធ្វើ​ឱ្យ​ក្រុមហ៊ុន​ ​CPL​ ​មាន​មោទនភាព​ក្នុង​ការបាន​ធ្វើជា​ភ្នាក់ងារ​លក់​។​ ​

    ​លោក​ឧកញ៉ា​ ​ចេង​ ​ខេង​ ​បាន​មានប្រសាសន៍​ថា​៖​ ​«​ក្រុមហ៊ុន​ ​CPL​ ​ជា​ភ្នាក់ងារ​លក់​ដែល​មាន​បទ​ពិសោធ​ខ្ពស់​ក្នុង​ការគ្រប់គ្រង​គម្រោង​ ​គ្រប់គ្រង​ ​Showroom​ ​និង​គ្រប់គ្រង​ភ្នាក់ងារ​លក់​ជាដើម​ ​ដែល​យើង​មាន​សមត្ថភាព​ក្នុង​ការ​ផ្តល់​ទំនុកចិត្ត​ចំពោះ​ការ​ផ្តល់​សេវា​លក់​ដល់​អ្នក​អភិវឌ្ឍន៍​»​។​ ​

    ​លោក​ឧកញ៉ា​ ​ក៏បាន​លើកឡើង​ផង​ដែរ​ថា​ ​យើង​មាន​ភាព​រីករាយ​នៅពេល​ដែល​អ្នក​អភិវឌ្ឍន៍​គម្រោង​ ​Star​ ​City​ ​ផ្តល់​តម្លៃ​ខ្ពស់​ ​និង​មាន​កិច្ចសហការ​ល្អជា​មួយ​ក្រុមហ៊ុន​ ​CPL​ ​ស្រប​ពេល​ដែល​ទីផ្សារ​ខុន​ដូ​នា​ពេល​បច្ចុប្បន្ន​នេះ​កំពុង​មានការ​ចាប់អារម្មណ៍​ពី​ប្រជាជន​ទាំង​ខ្មែរ​ ​និង​បរទេស​។​ ​ម្យ៉ាងទៀត​តម្រូវការ​ខុន​ដូ​ក៏​នឹង​ចាប់ផ្តើម​កើនឡើង​ផង​ដែរ​ ​ព្រោះ​ការរស់នៅ​ក្នុង​ខុន​ដូ​ជា​ជម្រើស​ល្អ​មួយ​ដែល​អាច​ធ្វើ​ឱ្យ​អ្នក​រស់នៅ​មាន​ភាព​ងាយស្រួល​ជាមួយនឹង​ទីតាំង​ល្អ​ ​ជិត​កន្លែង​ប្រកបការងារ​ ​មាន​ការិយាល័យ​សម្រាប់​ធ្វើការ​ ​សណ្ឋាគារ​ ​អាងហែលទឹក​ ​កន្លែង​ហាត់ប្រាណ​ ​និង​សេវាកម្ម​ជាច្រើន​ផ្សេងទៀត​នៅក្នុង​កន្លែង​តែមួយ​។​ ​ហេតុនេះ​ប្រជាជន​ខ្មែរយើង​នឹង​ចាប់ផ្តើម​បែរ​ចំណាប់​អារម្មណ៍​កាន់តែ​ច្រើន​មក​លើ​ការទិញ​ខុន​ដូ​ ​ខណៈ​ពេល​ដែល​កម្រិតជីវភាព​ក៏​កាន់តែ​ប្រសើរ​ឡើង​ពី​មួយថ្ងៃ​ទៅ​មួយថ្ងៃ​ផង​ដែរ​។​ ​
    ចំពោះ​លក្ខណៈ​ពិសេស​របស់​គម្រោង​ ​Star​ ​City​ ​មាន​ច្រើន​ ​ដូចជា​រចនាប័ទ្ម​ល្អ​ប្រណីត​ដែល​គិតគូរ​ល្អិតល្អន់​ពី​គុណភាព​ជីវិត​របស់​អតិថិជន​ ​មានតម្លៃ​សមរម្យ​សម្រាប់​ការរស់នៅ​ ​និង​អាច​បង់​ត្រឹមតែ​ ​30​%​ ​ប៉ុណ្ណោះ​អតិថិជន​អាច​ចូល​នៅ​ ​ឬ​ជួល​បា​នភ្លាមៗ​ ​ដោយ​ទឹកប្រាក់​នៅសល់​អាច​បង់​បាន​រហូតដល់​ទៅ​ ​3ឆ្នាំ​៕​ ​
    ​
    ​

  • ក្រសួង​អប់រំ​បង្កើត​កម្មវិធី​ ​Mentorship​ ​ដើម្បី​ជំរុញ​ចំណេះដឹង​ផ្នែក​ឌីជីថល​ ​និង​បច្ចេកវិទ្យា​

    ក្រសួង​អប់រំ​បង្កើត​កម្មវិធី​ ​Mentorship​ ​ដើម្បី​ជំរុញ​ចំណេះដឹង​ផ្នែក​ឌីជីថល​ ​និង​បច្ចេកវិទ្យា​

    ​ក្រសួង​អប់រំ​ ​យុវជន​ ​និងកីឡា​ ​បាន​ប្រកាស​បង្កើត​កម្មវិធី​ ​Mentorship​ ​ដើម្បី​កសាង​ចំណេះដឹង​ក្នុង​យុគសម័យ​ឌីជីថល​។​ ​
    ​កម្មវិធី​នេះ​នឹង​មានការ​ណែនាំ​ពីសា​ស្រ្តា​ចារ្យ​ដឹកនាំ​ជាន់ខ្ពស់​ ​Senior​ ​Mentors​ ​មក​ពីសា​កល​វិទ្យាល័យ​ភូមិន្ទ​ភ្នំពេញ​ ​និង​មាន​អ្នកណែនាំ​បង្ហាញផ្លូវ​ជំនាន់​ក្រោយ​ ​Junior​ ​Menrots​ ​ជា​យុវជន​ដែល​សិក្សា​លើ​ផ្នែក​បច្ចេកវិទ្យា​ ​និង​ជំ​នាញ​ផ្សេង​ៗ​ពាក់ព័ន្ធ​នឹង​បច្ចេកវិទ្យា​។​ ​

    ជំនាញ​សំ​ខាន់​ៗ​ដែល​មាន​បង្រៀន​ក្នុង​កម្មវិធី​នេះ​មាន​ដូចជា​៖​ ​

    1​.​ ​ការ​សរសេរ​កូដ​ដើម្បី​អភិវឌ្ឍ​កម្មវិធី​ ​Coding​ ​for​ ​App​ ​Development​ ​ដោយ​ប្រើ​បច្ចេកវិទ្យា​បញ្ញា​សិប្បនិម្មិត​ ​AI​ ​Programming​ ​និង​សរសេរ​កម្មវិធី​ ​Machine​ ​Learning​

    ​2​.​ ​Coding​ ​for​ ​Web​ ​Development​ ​បង្កើត​ ​និង​រចនា​គេហទំព័រ​

    ​3​.​ ​Bio​-​Engineering​ ​ដំណើរការ​ផលិត​ ​និង​តេ​ស្ត​គុណភាព​ទឹក​ ​និង​ការប្រើ​ប្រាស់​ឧបករណ៍​ក្នុង​មន្ទីរពិសោធន៍​

    ​4​.​ ​Robotics​ ​and​ ​Automation​ ​តួនាទី​ ​AVE​ ​និង​ ​ARM​ ​សរសេរ​កម្មវិធី​បញ្ចូល​ក្នុង​ ​Arduino​ ​IDE​ ​

    ​5​.​ ​Journalist​ ​and​ ​Photography​ ​សម្ភាសន៍​ ​និង​និពន្ធ​អត្ថបទ​ ​រួម​ទាំង​ប្រើប្រាស់​ម៉ាស៊ីន​ថត​៕​ ​

    ​

    ​

    ​

  • ក្រសួង​អប់រំ​ ​សម្រេច​ចេញ​ម៉ោង​សិក្សា​ថ្មី​សម្រាប់​សិស្ស​ដោយសារ​អាកាសធាតុ​ក្តៅ​ពេក​

    ក្រសួង​អប់រំ​ ​សម្រេច​ចេញ​ម៉ោង​សិក្សា​ថ្មី​សម្រាប់​សិស្ស​ដោយសារ​អាកាសធាតុ​ក្តៅ​ពេក​

    ​មួយរយៈពេល​ចុងក្រោយ​នេះ​ដោយសារតែ​អាកាសធាតុ​កើន​កម្តៅ​ឡើង​ខ្លាំង​ ​ធ្វើ​ឱ្យ​សិស្សានុសិស្ស​នៅ​តាម​សាលា​កំពុង​ប្រឈម​បញ្ហា​ជាច្រើន​ ​ជាពិសេស​គឺ​ក្មេង​តូច​ៗ​។​ ​

    ​ដើម្បី​ដោះស្រាយ​បញ្ហា​ប្រឈម​ក្នុង​ដំណាក់កាល​ដែល​អាកាសធាតុ​ប្រែប្រួល​ខ្លាំង​នេះ​ ​ក្រសួង​អប់រំ​ ​យុវជន​ ​និងកីឡា​ ​ក្រសួង​អប់រំ​ ​យុវជន​ ​និងកីឡា​ ​បានសម្រេច​អនុវត្ត​ម៉ោង​បង្រៀន​ ​និង​រៀន​ក្នុង​រដូវប្រាំង​ដែល​មាន​អាកាសធាតុ​ក្តៅ​ខ្លាំង​។​ ​
    ​ក្រសួង​អប់រំ​បាន​បញ្ជាក់​ថា​ ​ដោយសារតែ​នៅ​រដូវប្រាំង​ឆ្នាំ​ ​2019​ ​មាន​អាកាសធាតុ​ក្តៅ​ហួតហែង​ខ្លាំង​ ​និង​អាច​មាន​សីតុណ្ហភាព​លើស​ពី​ ​40អង្សាC​ ​ជាពិសេស​ចន្លោះ​ម៉ោង​ ​10​:​00ព្រឹក​ ​ដល់ម៉ោង​ ​2​:​00រសៀល​នោះ​ ​ក្រសួង​សម្រេច​ចេញ​វិធានការ​ដើម្បី​ទប់ស្កាត់​ហានិភ័យ​ ​និង​ចៀសវាង​ជំ​ងឺ​ផ្សេង​ៗ​ ​ដែល​អាច​ប៉ះពាល់​ដល់​សុភាព​ ​ការរៀនសូត្រ​ ​និង​ការ​បំពេញការងារ​របស់​សិស្សានុសិស្ស​ ​លោកគ្រូ​-​អ្នកគ្រូ​ ​ជាពិសេស​កុមា​រតូចៗ​។​ ​

    ​ក្នុង​ដំណាក់កាល​នេះ​សិស្ស​ត្រូវ​ចូលរៀន​ម៉ោង​ ​7ព្រឹក​ ​និង​ចេញ​នៅ​ម៉ោង​ ​10​:​30នាទី​ព្រឹក​ ​ហើយ​ ​សម្រាប់​វេន​រសៀល​ត្រូវ​ចូលរៀន​នៅ​ម៉ោង​ ​13​:​30នាទី​ ​និង​ចេញ​វិញ​នៅ​ម៉ោង​ ​17​:​00នាទី​៕​ ​
    ​
    ​

  • ខេត្ត​កែប​នឹង​ក្លាយជា​ទីក្រុង​ទេសចរណ៍​កម្រិតខ្ពស់​ដោយ​គ្មាន​វត្តមាន​កាស៊ីណូ​

    ខេត្ត​កែប​នឹង​ក្លាយជា​ទីក្រុង​ទេសចរណ៍​កម្រិតខ្ពស់​ដោយ​គ្មាន​វត្តមាន​កាស៊ីណូ​

    ​ខេត្ត​កែប​ដែល​ជា​ខេត្ត​មាន​សក្តា​នុ​ពល​ផ្នែក​ទេសចរណ៍​ស្រាប់​នោះ​ ​នឹង​ក្លាយជា​តំបន់​ទេសចរណ៍​សម្រាក​លម្ហែ​កម្រិតខ្ពស់​ ​បន្ទាប់ពី​រដ្ឋាភិបាល​រៀបចំ​តាម​ផែនការមេ​អភិវឌ្ឍន៍​ខេត្ត​ជាប់មាត់​សមុទ្រ​មួយ​នេះ​ឱ្យ​ក្លាយទៅជា​ខេត្ត​ទេសចរណ៍​ដ៏​ទាក់ទាញ​។​ ​

    ​ឯកឧត្តម​ ​ថោង​ ​ខុន​ ​រដ្ឋមន្ត្រី​ក្រសួងទេសចរណ៍​ ​បាន​លើកឡើង​ថា​ ​ខេត្ត​កែប​នឹង​ត្រូវ​អភិវឌ្ឍ​ទៅជា​តំបន់​ទេសចរណ៍​សម្រាប់​លម្ហែ​កម្រិតខ្ពស់​ ​ដោយ​ក្នុង​នោះ​មាន​រាប់បញ្ចូល​ទាំង​ទីក្រុង​ ​ឆ្នេរខ្សាច់​ ​កោះ​ ​ផ្សារ​ ​កំពង់ផែ​ទេសចរណ៍​ ​ភូមិដ្ឋាន​ប្រជាពលរដ្ឋ​ ​មូលដ្ឋាន​អាជីវកម្ម​ ​សេវាកម្ម​ទេសចរណ៍​ ​និង​រមណីយដ្ឋាន​ទេសចរណ៍​មួយចំនួន​ផង​ដែរ​។​ ​ក្រៅពី​នេះ​ ​ឯកឧត្តម​រដ្ឋមន្ត្រី​បាន​បញ្ជាក់​ថា​ ​ក្នុង​គម្រោង​បង្កើត​កន្លែង​កម្សាន្ត​ដ៏​ប្រណីត​នេះ​ ​មិន​មាន​បង្កើត​កាស៊ីណូ​ ​និង​រោងចក្រ​សហគ្រាស​ឡើយ​។​ ​

    ​ឯកឧត្តម​ ​ថោង​ ​ខុន​ ​បាន​មានប្រសាសន៍​ថា​ ​ ​ក្រសួងទេសចរណ៍​លើកទឹកចិត្ត​ឱ្យ​មានការ​បង្កើត​លំនៅឋាន​ទី2​ ​សម្រាប់​ភ្ញៀវ​ទេសចរ​វ័យ​ចំណាស់​ ​ឬ​និវត្តន៍​ជន​នៅក្នុង​ខេត្ត​កែប​នេះ​ផង​ដែរ​ ​ដើម្បី​ឱ្យ​ពួកគេ​ពន្យារពេល​ក្នុង​ការ​ទស្សនា​ ​និង​ស្នាក់នៅ​ក្នុង​ប្រទេស​កម្ពុជា​រយៈពេល​យូរ​ ​ដែល​ជំរុញ​ឱ្យ​មានការ​ចំណាយ​កាន់តែ​ច្រើន​។​ ​

    ​គួរ​បញ្ជាក់​ថា​ ​ខេត្ត​កែប​ជា​តំបន់​ដែល​មាន​សក្ដានុពល​ខាង​វិស័យ​ទេសចរណ៍​មិនចាញ់​ខេត្ត​ទេស​ចរ​ណ៍​ធំៗ​នោះ​ទេ​ ​ព្រោះ​ខេត្ត​នេះ​មានគុណ​ភាព​ខ្យល់​សមុទ្រ​ ​កោះទន្សាយ​ ​ផ្សារ​ក្តាម​ ​ហើយ​នា​ពេល​ខាងមុខនេះ​ ​ក៏អាច​នឹង​មាន​កំពង់ផែ​ទេសចរណ៍​អន្តរជាតិ​តូច​មួយទៀត​ផង​៕​
    ​
    ​
    ​

  • ក្រុមហ៊ុន​ ​CPL​ ​ចែករំលែក​ចំណេះដឹង​ពី​ឱកាស​វិនិយោគ​ដី​ ​និង​ផ្ទះ​ក្នុង​ក្រុង​ព្រះសីហនុ​

    ក្រុមហ៊ុន​ ​CPL​ ​ចែករំលែក​ចំណេះដឹង​ពី​ឱកាស​វិនិយោគ​ដី​ ​និង​ផ្ទះ​ក្នុង​ក្រុង​ព្រះសីហនុ​

    ក្រុមហ៊ុន​អចលនទ្រព្យ​ ​CPL​ ​ដែល​ជា​ក្រុមហ៊ុន​អចលនទ្រព្យ​ដ៏​ធំ​មួយ​ ​និង​ឈរជើង​ក្នុង​ទីផ្សារ​យូរ​ជាងគេ​បំផុត​នៅ​ប្រទេស​កម្ពុជា​ ​បាន​រៀបចំ​សិក្ខាសាលា​អចលនទ្រព្យ​ស្តី​ពី​ការ​ស្វែងយល់​ពី​ឱកាស​ចំណេញ​ពី​ការទិញ​ដី​ ​និង​ផ្ទះនៅ​ក្នុង​ក្រុង​ព្រះសីហនុ​ ​ដល់​ភ្នាក់ងារ​អចលនទ្រព្យ​ ​និង​សាធារណជន​មក​ពី​គ្រប់​ជំនាញ​នៅ​កម្ពុជា​។​ ​


    ​លោក​ឧកញ៉ា​ ​ចេង​ ​ខេង​ ​អគ្គនាយក​ក្រុមហ៊ុន​ ​CPL​ ​បាន​លើកឡើង​ថា​ ​សិក្ខាសាលា​ដែល​បង្កើត​ឡើង​នៅ​ថ្ងៃនេះ​ ​មាន​សារៈសំខាន់​ខ្លាំង​ណាស់​សម្រាប់​ប្រជាជន​ខ្មែរ​ដែល​មានបំណង​ចង់​វិនិយោគ​លើ​អចលនទ្រព្យ​ ​ព្រោះ​វិស័យ​អចលនទ្រព្យ​នៅ​កម្ពុជា​កំពុង​មាន​សម្ទុះ​ល្អ​ ​ទទួល​បាន​ឱកាស​ចំណេញ​ច្រើន​ ​និង​កំពុងតែ​ស្ថិត​ក្នុង​ចំណាប់​អារម្មណ៍​របស់​អ្នក​វិនិយោគ​អន្តរជាតិ​ទៀតផង​។​ ​ហេតុនេះ​ប្រជាជន​ដែល​រស់នៅ​ក្នុងទឹក​ដី​ដ៏​អស្ចារ្យ​នេះ​ ​គួរតែ​ចេះ​ចាប់​យក​ឱកាស​ក្នុង​ការ​វិនិយោគ​ ​និង​ទទួល​បាន​ចំណេះដឹង​ច្រើន​ដើម្បី​ទាញ​យក​ផលប្រយោជន៍​ពី​កំណើន​ប្រកបដោយ​ភាព​វិជ្ជមាន​នៃ​វិស័យ​អចលនទ្រព្យ​នៅក្នុង​ប្រទេស​ ​ជាពិសេស​ ​គឺ​ខេត្ត​ព្រះសីហនុ​ដែល​កំពុង​មានការ​អភិវឌ្ឍ​ខ្លាំងក្លា​នា​ពេល​បច្ចុប្បន្ន​។​ ​


    ​លោក​ឧកញ៉ា​ ​ចេង​ ​ខេង​ ​បាន​មានប្រសាសន៍​ថា​៖​«​ការ​វិនិយោគ​លើ​អចលនទ្រព្យ​ជា​ការ​វិនិយោគ​ដ៏​ល្អ​បំផុត​ ​ព្រោះ​មិនថា​កាលៈទេសៈ​ណា​នោះ​ទេ​ ​យើង​សុទ្ធតែ​អាច​វិនិយោគ​បាន​ទាំងអស់​ ​ទោះបីជា​វា​ស្ថិត​ក្នុង​ដំណាក់កាល​ឡើង​ខ្ពស់​ ​ធ្លាក់ចុះ​ទាប​ ​ឬនៅ​ទ្រឹង​ក៏ដោយ​»​។​

    ​លោក​ឧកញ៉ា​អគ្គនាយក​ក្រុមហ៊ុន​ដែល​ត្រូវ​បាន​ទទួលស្គាល់​ទាំង​ថ្នាក់​ជាតិ​ ​និង​អន្តរជាតិ​ខាងលើ​បាន​លើកឡើង​ផង​ដែរ​ថា​ ​ខេត្ត​ព្រះសីហនុ​ ​ជា​ខេត្ត​ដែល​មាន​កំណើន​ខ្ពស់​ហួសពី​ការ​រំពឹង​ទុក​ ​ព្រោះ​ខេត្ត​នេះ​ជា​ខេត្ត​ដែល​មាន​ឆ្នេរសមុទ្រ​ស្រស់​ស្អាត​ ​ខ្យល់អាកាស​ល្អ​ ​មាន​ហេដ្ឋារចនាសម្ព័ន្ធ​ល្អ​ ​អ​គារ​ទំនើប​ៗ​រីក​ដុះដាល​យ៉ាង​លឿន​ ​និង​តភ្ជាប់​បាន​យ៉ាង​ប្រសើរ​មករា​ជ​ធានី​ភ្នំពេញ​ដែល​ជា​បេះដូង​នៃ​សេដ្ឋកិច្ច​កម្ពុជា​តាមរយៈ​ការ​កសាង​ផ្លូវ​ល្បឿន​លឿន​ ​ហេតុនេះ​ខេត្ត​ព្រះសីហនុ​បាន​ក្លាយជា​តំបន់​ល្អ​បំផុត​ក្នុង​ការ​វិនិយោគ​។​ ​អ្នក​ទាំងអស់គ្នា​ ​មិនថា​អ្នកមាន​លុយ​ច្រើន​ ​ឬមិន​ទាន់​មាន​លុយ​ច្រើន​ក៏​សុទ្ធតែ​អាច​វិនិយោគ​បាន​ដូចគ្នា​ ​ឱ្យ​តែ​គាត់​មាន​ភាព​ច្បាស់លាស់​ ​និង​មានចំណេះ​ដឹង​គ្រប់គ្រាន់​សម្រាប់​ការ​វិនិយោគ​ ​ព្រោះ​តំបន់​នេះ​មាន​លក្ខណៈ​ចម្រុះ​ល្អ​ ​ខណៈ​តំបន់​ខ្លះ​មាន​ដី​ថ្លៃ​ខ្លាំង​ ​តែ​ក៏​មាន​តំបន់​ខ្លះ​នៃ​ខេត្ត​ព្រះសីហនុ​នៅ​មានតម្លៃ​សមរម្យ​នៅឡើយ​ ​ហេតុនេះ​អ្នក​វិនិយោគ​អាច​មាន​ជម្រើស​ច្រើន​ក្នុង​ការ​វិនិយោគ​។​

    ​ចំពោះ​លក្ខខណ្ឌ​នៃ​ការ​វិនិយោគ​ឱ្យ​ទទួល​បានផល​ចំណេញ​វិញ​ ​លោក​ឧកញ៉ា​ ​ចេង​ ​ខេង​ ​បាន​លើកឡើង​ថា​ ​ការ​វិនិយោគ​មិន​លំបាក​ពេក​ទេ​ ​តែ​ទាមទារ​ឱ្យ​មានការ​ផ្តោត​ ​និង​យកចិត្ត​ទុកដាក់​ខ្ពស់​ ​មិនមែន​ទិញ​តែ​ដី​ទុកចោល​ ​ហើយ​មិន​យកចិត្ត​ទុកដាក់​ ​ឬ​ចេះតែ​រង់ចាំ​ដី​ឡើងថ្លៃ​ដោយ​គ្មាន​ការកំណត់​នោះ​ទេ​។​ ​ម្យ៉ាងវិញទៀត​យើង​ត្រូវ​ចេះ​មើល​ពី​ឱកាស​ ​និង​ការ​យកចិត្ត​ទុកដាក់​ពី​តំបន់​នី​មួយ​ៗ​ដែល​យើង​ចង់​វិនិយោគ​ ​ព្រោះ​ឱ្យ​តែ​យើង​ចង់​ធ្វើការ​វិនិយោគ​ ​ឬ​គិត​ពី​ការ​វិនិយោគ​ច្បាស់លាស់​ ​យើង​នឹង​ព្យាយាម​គ្រប់​លទ្ធភាព​ដើម្បី​ស្វែងរក​ដំណោះស្រាយ​ដើម្បី​សម្រេច​គោលដៅ​របស់​យើង​។​ ​ប្រជាជន​យើង​ម្នា​ក់ៗ​មានគំនិត​ ​និង​ស្ថានភាព​មិន​ដូចគ្នា​ទេ​ ​ហេតុនេះ​ពេលខ្លះ​យើង​អាច​ទិញ​ដី​បាន​ចំកន្លែង​ដែលគេ​ត្រូវការ​លុយ​លឿន​ៗ​ ​ប្រញាប់​លុយ​ ​ឬ​ចំ​ដី​ដែល​មានតម្លៃ​ក្រោម​ទីផ្សារ​ ​30​%​ ​ឬ​ច្រើនជាង​នេះ​ ​យើង​នឹង​ទទួល​បាន​ឱកាស​ចំណេញ​ច្រើន​មិនខាន​។​ ​
    ​
    គួរ​បញ្ជាក់​ថា​ ​ក្រុមហ៊ុន​ ​CPL​ ​ជា​ក្រុមហ៊ុន​អចលនទ្រព្យ​ដំបូង​គេ​ដែល​ត្រូវ​បាន​បង្កើត​ឡើង​តាំងពី​ឆ្នាំ​ ​1997​ ​និង​ជា​ក្រុមហ៊ុន​ដែល​ទទួល​បានការ​គាំទ្រ​ពី​អ្នក​អភិវឌ្ឍន៍​ ​អ្នក​វិនិយោគ​ ​និង​អតិថិជន​សំ​ខាន់​ៗ​ជាច្រើន​ទាំង​ក្នុង​ប្រទេស​ ​និង​អន្តរជាតិ​៕​ ​

  • សូម​ប្រយ័ត្ន​ចំពោះ​សុខភាព​.​.​.​ស្អែកនេះ​សីតុណ្ហភាព​អាច​កើន​ដល់​ ​40អង្សាC​

    សូម​ប្រយ័ត្ន​ចំពោះ​សុខភាព​.​.​.​ស្អែកនេះ​សីតុណ្ហភាព​អាច​កើន​ដល់​ ​40អង្សាC​

    យោង​តាម​សេចក្តី​ជូនដំណឹង​របស់ក្រ​សួង​ធនធានទឹក​ ​និងឧតុនិយម​ ​ស្តី​ពី​ស្ថានភាព​អាកាសធាតុ​ដែល​ចេញ​កាលពី​ព្រឹកមិញ​នេះ​ ​បាន​ប្រកាស​ថា​ ​អាកាសធាតុ​នៅ​បណ្តា​រាជធានី​-​ខេត្ត​មួយចំនួន​នឹង​កើន​សីតុណ្ហភាព​ឡើង​ខ្ពស់​ដល់​ ​40អង្សាC​។​ ​

    ​សេចក្តី​ប្រកាស​ដដែល​បាន​បញ្ជាក់​ថា​ ​យោង​តាម​ការ​តាមដាន​ស្ថានភាព​អាកាសធាតុ​ ​និង​ព្យាករ​ជាប្រចាំ​ ​គេ​សង្កេតឃើញ​ថា​ ​កន្លងមក​ដោយសារ​ឥទ្ធិពល​នៃ​ជ្រលង​សម្ពាធ​ទាប​ដែល​បាន​អូស​បន្លាយ​លើ​ប្រទេស​កម្ពុជា​យើង​ ​ធ្វើ​ឱ្យ​មាន​ទឹកភ្លៀង​ធ្លាក់​ស្ទើរ​ទូទាំង​ប្រទេស​ក្នុង​កម្រិត​ខ្សោយ​ទៅ​បង្គួរ​។​ ​តែ​ចាប់ពី​ថ្ងៃទី19​ ​ខែមេសា​ ​ឆ្នាំ2019​ ​ស្អែកនេះ​ទៅ​ ​ឥទ្ធិពល​នៃ​ជ្រលង​សម្ពាធ​ទាប​នោះ​នឹង​ចុះ​ខ្សោយ​វិញ​ ​ធ្វើ​ឱ្យ​ចាប់ពី​ថ្ងៃទី19​ ​ដល់​ថ្ងៃទី24​ ​ខាងមុខនេះ​ភ្លៀងកក់ខែ​នឹង​ថយ​ចុះ​ ​ហើយ​សីតុណ្ហភាព​នឹង​កើន​កម្តៅ​ឡើង​ខ្លាំង​។​ ​

    ​ហេតុនេះ​សូម​សាធារណជន​មានការ​ប្រុងប្រយ័ត្ន​ចំពោះ​ស្ថានភាព​អាកាសធាតុ​ដ៏​អាក្រក់​នេះ​ ​និង​ត្រៀមខ្លួន​ទុកជាមុន​ដើម្បី​បង្ការ​បញ្ហា​ប្រឈម​នានា​ ​ខណៈ​ពេល​ដែល​ក្រសួង​ក៏បាន​ប្រកាស​ផង​ដែរ​ថា​អាច​នឹង​មាន​បាតុភូត​ផ្គរ​រន្ទះ​ ​និង​ខ្យល់​កន្ត្រាក់​ផង​ដែរ​៕​ ​
    ​
    ​

  • ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​បើក​ដំណើរការ​សាខា​ថ្មី​របស់​ខ្លួន​មួយទៀត​ ​នៅ​ខេត្តបាត់ដំបង​

    ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​បើក​ដំណើរការ​សាខា​ថ្មី​របស់​ខ្លួន​មួយទៀត​ ​នៅ​ខេត្តបាត់ដំបង​

    ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​មាន​មោទនភាព​ជម្រាប​ជូន​ថា​ ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​បាន​បើក​សម្ពោធ​សាខា​បាត់ដំបង​របស់​ខ្លួន​ ​ដែល​ជា​សាខា​ទី5​ ​របស់​ធនាគារ​ ​បន្ទាប់ពី​បើក​ដំណើរការ​ការិយាល័យ​កណ្តាល​របស់​ខ្លួន​កាលពី​ខែមីនា​ ​ឆ្នាំ2017​ ​បើក​សាខា​ទួលគោក​ ​នៅ​ខែសីហា​ ​ឆ្នាំ2018​ ​បើក​សាខា​ខេត្តសៀមរាប​នៅ​ខែតុលា​ ​ឆ្នាំ2018​ ​និង​សាខា​ម៉ៅសេទុង​ ​នៅ​ខែមករា​ ​ឆ្នាំ2019​។​

    ​​ពិធី​បើក​សម្ពោធ​ជា​ផ្លូវការ​ ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​សាខា​បាត់ដំបង​បាន​ប្រព្រឹត្ត​ធ្វើ​ ​ឡើង​កាលពី​ថ្ងៃពុធ​ ​ទី10​ ​ខែមេសា​ ​ឆ្នាំ2019​ ​ចាប់ពី​ម៉ោង8​:​30​ ​ក្រោម​វត្តមាន​ដ៏​ខ្ពង់ខ្ពស់​របស់​ឯកឧត្តម​ ​សឿម​ ​ប៊ុ​នរិ​ទ្ធិ​ ​អភិបាលរង​នៃ​គណៈ​អភិបាលខេត្ត​បាត់ដំបង​ ​ឯកឧត្តម​ ​រ័ត្ន​ ​សុវណ្ណ​នរៈ​ ​អគ្គនាយក​ត្រួតពិនិត្យ​នៃ​ធនាគារជាតិនៃកម្ពុជា​ ​និង​លោក​ ​Guillaume​ ​Perdon​ ​អគ្គនាយក​នៃ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​នៅ​អាសយដ្ឋាន​ ​ផ្ទះលេខ36​ ​និង37​ ​ផ្លូវ​លេខ1​ ​ភូមិ​ព្រែក​មហាទេព​ ​សង្កាត់​ស្វាយប៉ោ​ ​ក្រុង​បាត់ដំបង​ ​ខេត្តបាត់ដំបង​។​

    ​លោកស្រី​ ​មាស​ ​គន្ធា​ ​នាយិកា​គ្រប់គ្រង​បណ្ដាញ​សាខា​នៃ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​បាន​ធ្វើ​កំណត់សម្គាល់​ថា​៖​ ​”​ការ​បើក​ទីតាំង​ជាច្រើន​នៅ​រាជធានី​ភ្នំពេញ​ក៏ដូចជា​នៅ​តាម​បណ្តា​ខេត្ត​សំ​ខាន់​ៗ​ ​ផ្តល់​ឱកាស​ឱ្យ​យើង​ក្នុង​ការពង្រីក​វិសាលភាព​នៅក្នុង​ប្រទេស​ ​និង​ពង្រីក​សេវាកម្ម​សម្រាប់​អតិថិជន​របស់​យើង​នា​ពេល​បច្ចុប្បន្ន​ ​និង​អនាគត​។​ ​ការ​បើក​បណ្តាញ​នេះ​គឺជា​ចំណែក​ដ៏​សំខាន់​ ​ក្នុង​ការ​ផ្តល់​សេវាកម្ម​ធនាគារ​ដ៏​ពេញលេញ​មួយ​។​ ​បន្ថែម​ពីលើ​កម្មវិធី​ធនាគារ​ចល័ត​ ​(​Mobile​ ​App​)​ ​និង​ប្រព័ន្ធ​ផ្តល់​សេវា​ធនាគារ​តាម​អ៊ី​ន​ធើ​ណិ​ត​ ​ទី​តាំង​ថ្មី​ៗ​របស់​យើង​ជួយ​យើង​ក្នុង​ការ​នាំ​យក​សេវាកម្ម​ធនាគារ​កាន់តែ​កៀក​ទៅ​នឹង​អតិថិជន​របស់​យើង​។​ ​អាទិភាព​របស់​យើង​ ​គឺ​បំពេញ​តម្រូវការ​ផ្នែក​ធនាគារ​ ​និង​ការ​ផ្តល់​ប្រាក់កម្ចី​តាមរយៈ​បណ្ដាញ​ដែល​មាន​ទាំងអស់​”​។​ ​

    ​លោក​ ​Olivier​ ​Klein​ ​នាយក​ប្រតិបត្តិ​ក្រុម​ធនាគារ​ ​ប្រេដ​ ​គ្រុប​ ​បាន​មានប្រសាសន៍​ថា​៖​ ​“​ក្រុម​ធនាគារ​ ​ប្រេដ​ ​គ្រុប​ ​(​BRED​ ​Group​)​ ​បាន​ដាក់​យុទ្ធ​សាស្រ្ត​ ​”​ធនាគារ​គ្មាន​រយៈ​ចម្ងាយ​”​ ​ចាប់តាំងពី​ឆ្នាំ2016​ ​តាមរយៈ​ការ​ដាក់​ឱ្យ​ប្រើប្រាស់​នូវ​ ​”​ធនាគារ​មួយ​ដែល​នៅ​ជិត​អតិថិជន​របស់​ខ្លួន​ ​ទាំង​ទីតាំង​ភូមិ​សា​ស្ដ្​រ​ ​ក៏ដូចជា​ទំនាក់ទំនង​ ​ធ្វើ​យ៉ាងណា​ឱ្យ​ទទួល​បាន​នូវ​អ្វី​ដែល​ល្អ​បំផុត​តាមដែល​ការ​ខិត​ជិត​ផ្នែក​ឌីជីថល​ ​និង​បណ្តាសា​ខា​អាច​ផ្តល់​ទៅ​បាន​”​។​ ​

    ​​លោក​ ​Guillaume​ ​Perdon​ ​អគ្គនាយក​នៃ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​ក៏បាន​លើកឡើង​ដែរ​ថា​៖​ ​“​គោលបំណង​របស់​យើង​គឺ​ការ​បំបាត់​នូវ​គម្លាត​ ​និង​ផ្តល់​ជូន​ប្រជាជន​កម្ពុជា​នូវ​ដៃគូ​ទំនាក់ទំនង​ដែល​អាច​ទុកចិត្ត​បាន​ ​និង​ដែល​អាច​ពិភាក្សា​ដោយសេរី​ជាមួយ​បាន​ពី​គម្រោង​ ​និង​មហិច្ឆតា​របស់​ពួកគាត់​។​ ​អ្វី​ដែល​សំខាន់​សម្រាប់​យើង​ ​គឺ​ធ្វើ​យ៉ាងណា​ដើម្បី​ឱ្យ​យើង​អាច​បម្រើ​លោកអ្នក​ ​និង​ជួយ​លោកអ្នក​ឱ្យ​រីកចម្រើន​បាន​។​ ​ចាប់ផ្តើម​ជាមួយ​ ​ប្រេដ​ ​រីកចម្រើន​ជាមួយ​ ​ប្រេដ​”​។​ ​

    ​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​គ្រោង​នឹង​បើក​បណ្តាញ​សា​ខា​ថ្មី​ៗ​ជាច្រើន​ទៀត​នៅ​រាជធានី​ភ្នំពេញ​ ​និង​នៅ​តាម​បណ្តា​ខេត្ត​នានា​ ​នា​ពេល​ឆាប់​ៗ​ខាងមុខនេះ​ ​ដូចជា​នៅ​ចោមចៅ​ ​នៅ​ខែមិថុនា​ ​នៅ​ម្តុំ​ផ្សារ​អូឡាំពិក​ ​នៅ​ខែកញ្ញា​ ​និង​នៅ​ផ្លូវ271​ ​ក្រុងភ្នំពេញ​ ​ឬនៅ​ក្រុង​ព្រះសីហនុ​ ​នៅ​ចុងឆ្នាំ2019​។​

    ​ទិសដៅ​របស់​ធនាគារ​ ​ប្រេដ​ ​ប៊ែង​ ​ខេម​បូ​ឌា​ ​គឺ​បើក​សាខា​ចំនួន20​ ​និង​ដាក់​ឱ្យ​ដំណើរការ​ទូ​អេ​ធី​អឹ​ម​ចំនួន100​ ​នៅ​ចុងឆ្នាំ2020​ ​ខាងមុខនេះ​៕​

    Website: https://www.bredcambodia.com
    ​
    ​

  • មក​ពី​ចូលឆ្នាំ​វិញ​ ​ប្រជាជន​ខ្មែរ​អាច​ជិះ​រថភ្លើង​ពី​កម្ពុជា​ទៅលេង​សិង្ហបុរី​បាន​ហើយ​

    មក​ពី​ចូលឆ្នាំ​វិញ​ ​ប្រជាជន​ខ្មែរ​អាច​ជិះ​រថភ្លើង​ពី​កម្ពុជា​ទៅលេង​សិង្ហបុរី​បាន​ហើយ​

    ​ចាប់ពី​ចុងខែ​មេសា​នេះ​ទៅ​ ​ប្រជាជន​កម្ពុជា​នឹងអាច​ជិះ​រថភ្លើង​ពី​កម្ពុជា​ឆ្លងកាត់​តំបន់​អាស៊ាន​បាន​ហើយ​ ​នេះ​បើ​តាម​ការ​បញ្ជាក់​របស់​ឯកឧត្តម​ទេស​រដ្ឋមន្ត្រី​ ​ស៊ុន​ ​ចាន់​ថុល​ ​រដ្ឋមន្ត្រី​ក្រសួងសាធារណការ​ ​និង​ដឹកជញ្ជូន​។​ ​

    ​ឯកឧត្តម​ ​ស៊ុន​ ​ចាន់​ថុល​ ​បាន​លើកឡើង​ថា​ ​កម្ពុជា​-​ថៃ​ ​បាន​រៀបចំ​រួចរាល់​ហើយ​នូវ​កិច្ច​ព្រមព្រៀង​តភ្ជាប់​ផ្លូវដែក​សម្រាប់​ប្រមុខ​រាជរដ្ឋាភិបាល​នៃ​ប្រទេស​ទាំង2​ ​ចុះហត្ថលេខា​។​ ​ហេតុនេះ​ចាប់ពី​ថ្ងៃទី22​ ​ខែមេសា​ ​ឆ្នាំ2019​ ​ខាងមុខនេះ​ ​ក្រោយ​ចុះ​កិច្ច​ព្រមព្រៀង​ជា​ផ្លូវការ​ ​ប្រជាជន​កម្ពុជា​នឹងអាច​ធ្វើដំណើរ​តាមផ្លូវ​ដែក​ឆ្លង​ប្រទេស​បាន​ហើយ​ ​និង​សម្រាប់​កម្មករ​ ​កម្មការិនី​អាច​ធ្វើដំណើរ​ពី​បាងកក​មកដល់​ភ្នំពេញ​បាន​យ៉ាង​ងាយ​។​ ​ចំណែក​ឯ​អ្នកធ្វើ​ដំណើរ​តាម​រថភ្លើង​ពី​ខេត្ត​ព្រះសីហនុ​ ​និង​ពី​រាជធានី​ភ្នំពេញ​ ​ពេល​ទៅដល់​ប៉ោយប៉ែត​អាច​បន្តដំណើរ​តាម​រថភ្លើង​ទៅដល់​បាងកក​ ​ម៉ាឡេស៊ី​ ​ឬ​សិង្ហបុរី​ក៏បាន​។​ ​

    ​គួរ​បញ្ជាក់​ថា​ ​ការ​ដឹកជញ្ជូន​តាមផ្លូវ​ដែក​នេះ​ ​វិនិយោគ​ដោយក្រុម​ហ៊ុន​ ​Royal​ ​Railway​ ​ដោយ​ក្នុង​នោះ​ក្រុមហ៊ុន​បាន​បញ្ជាទិញ​រថភ្លើង​ពី​ប្រទេស​ម៉ិកស៊ិក​ចំនួន​ ​3គ្រឿង​ ​ដោយ​ក្នុង​ ​1គ្រឿង​ៗ​តម្លៃ​ ​2លាន​ដុល្លារ​។​ ​រថភ្លើង​ថ្មីនេះ​អាច​ផ្ទុក​មនុស្ស​បាន​ចំនួន​ ​56នាក់​ ​មាន​ម៉ាស៊ីន​ត្រជាក់​ ​មាន​បំពាក់​ប្រព័ន្ធ​ ​Wi​-​Fi​ ​និង​ល្បឿន​រហូតដល់​ ​80​ ​ទៅ​ ​90គីឡូម៉ែត្រ​ក្នុង​មួយ​ម៉ោង​ ​ព្រមទាំង​មាន​ទូរទស្សន៍​ ​បង្គន់​អនាម័យ​ ​រួម​ទាំង​បច្ចេកវិទ្យា​ដើម្បី​កុំឱ្យ​រលាក់​ថែមទៀត​ផង​៕​ ​
    ​
    ​