Author: ពេជ្រ តារាវុទ្ធ

ព្រឹត្តិការណ៍ប្រកួតដណើមប្រាក់១០០០ដុល្លារអាមេរិក នៅសង្វៀន ទូរទស្សន៍អាស៊ីអាគ្នេយ៍ រវាងជើងខ្លាំង ពុទ្ធ ឆាយរិទ្ធី មកពីក្លិបពុទ្ធសេរីវង្ស និង ឡុង សុភី មកពីក្លិបសាលវ័ន្តកីឡា កំពុងទាក់ទាញប្រជាប្រិយភាពយ៉ាងខ្លាំងពីសំណាក់អ្នកស្នេហាវិស័យកីឡាប្រដាល់កម្ពុជា ខណៈដែលការប្រកួតនេះ នឹងចាប់ផ្ដើម នាយប់ថ្ងៃទី២៩ ខែមេសា ចុងសប្ដាហ៍នេះ។

អ្នកគ្រប់គ្រងកម្មវិធីប្រដាល់នៃស្ថានីយ៍ទូរទស្សន៍អាស៊ីអាគ្នេយ៍លោក ញាន សុធី បាននិយាយថា៖ អ្នកខ្លាំង អ្នកខិតខំហ្វឹកហាត់នឹងក្លាយជាម្ចាស់លុយនេះ ។ លោកបន្តថាព្រឹត្តិការបែបនេះមិនមានរៀងរាល់សប្ដាហ៍នោះទេតែអ្នកប្រដាល់ដែលមកប្រកួតក្នុងព្រឹត្តិការណ៍នេះលោកបានប្រាប់ឲ្យគេដឹងខ្លួនមុនដើម្បីត្រៀមខ្លួនហាត់ ។

លោកសុធីក៏បានព្រមានដែរថា លុយតម្លៃខ្លួនច្រើនហេតុនេះគេត្រូវតែវ៉ៃឲ្យអស់ពីសមត្ថភាព ។ប្រសិនបើអាជ្ញាកណ្ដាល ឬ ចៅក្រម ឬមន្ត្រីវិនិច្ឆ័យគេមើលឃើញថាការប្រកួតមិនអស់ពីសមត្ថភាពទេនោះគេនឹងត្រូវអាជ្ញាកណ្ដាលបណ្ដេញចុះពីសង្វៀនដោយមិនមានលុយតម្លៃខ្លួនហើយត្រូវជាប់ពិន័យរបស់សហព័ន្ធទៀតផង ។

អ្នកប្រដាល់ទាំងពីររូបនេះ ជាអ្នកលេងជង្គង់ និងកែងដូចគ្នាបែបនេះត្រូវបានគេចោទជាសំណួរថាតើនរណាជាអ្នកខ្លាំងពិតប្រាកដ ឯអ្នកខ្លះសួរថានរណានឹងក្លាយជាម្ចាស់លុយ ១០០០ដុល្លារនេះ ។ សូមបញ្ជាក់ថា ក្នុងការប្រកួតនេះអ្នកឈ្នះនឹងទទួលបាន ១០០០ដុល្លារ រីឯអ្នកចាញ់បានត្រឹមតែ ៣០០ដុល្លារប៉ុណ្ណោះ ៕

លោកឯម ហៀង ប្រធានរដ្ឋបាលនៃគណៈកម្មាធិកាជាតិអូឡាំពិកកម្ពុជា និងជា មន្ត្រីរបស់សហព័ន្ធ កីឡា ប៊ូល និង ប៉េតងកម្ពុជា បានមាន ប្រសាសន៍បែបនេះ កាលពីសប្ដាហ៍មុន បន្ទាប់ពីសហព័ន្ធមួយនេះ គ្រោង រៀប ចំមហាសន្និបាតជ្រើសតាំង គណៈកម្មការ ប្រតិ្តបត្តិសម្រាប់អាណត្តិទី៦ ឆ្នាំ ២០១៧-២០២១ នាពេលឆាប់ៗខាងមុខនេះ។ ខណៈដែលការរៀបចំ មហាសន្និបាត នេះធ្វើឡើងក្រោយពី សម្ដេចវិបុលបញ្ញាសុខ អានដែល ជាប្រធានសហព័ន្ធ បានទទួលមរណភាព។

លោកឯម ហៀង បានបន្តថា​៖  សមាជិកប្រតិបត្តិបានមូលមតិគ្នាយល់ថាសម្ដេចក្រឡាហោមស ខេងដែលជាប្រធានកិត្តិ្ យសសហព័ន្ធ និង សម្ដេចវិបុលបញ្ញាសុខ អានគឺជាស្ថាបនិកប៉េតង់តាំងពីឆ្នាំ១៩៩២មកនោះសមាជិកប្រតិបត្តតាម រយៈឯកឧត្តមព្រហ្ម ឌិនបានធ្វើលិខិតមួយចុះថ្ងៃទី៦មេសានោះគឺលិខិតលេខ០១៣ អ.ប.ប.ក បានស្នើសុំសម្ដេចក្រឡា ហោមស ខេង ធ្វើជាប្រធានសហព័ន្ធកីឡាប៊ូល និង ប៉េតង់កម្ពុជាបន្តជំនួសសម្ដេចវិបុលបញ្ញាសុខ អាន ។

មូលហេតុនៃការស្នើសុំនេះដោយសារតែដើម្បីរក្សាឲ្យបាននូវកិត្យានុភាពធានាឲ្យបាននូវការអភិវឌ្ឍន៍របស់ សហព័ន្ធថ្នាក់ជាតិនៅលើឆាកអន្តរជាតិនិងដោយសារអាណត្តិរបស់សហព័ន្ធត្រូវអសាំសុពលភាពផងនោះទើបសមា ជិកប្រតិបត្តិសហព័ន្ធឯកភាពគ្នាសុំសម្ដេចក្រឡាហោមអញ្ជើញធ្វើជាប្រធានសហព័ន្ធកីឡាប៊ូល និង ប៉េតង់កម្ពុជា សម្រាប់អាណត្តិទី៦ឆ្នាំ២០១៧-២០២១តទៅ ។

គួរបញ្ជាក់ថា៖ នៅថ្ងៃទី១២មេសាកន្លងទៅថ្មីនេះ សម្ដេចក្រឡាហោមបានឯកភាពទទួលធ្វើជាប្រធានសហព័ន្ធកីឡាប៊ូល ប៉េតង់សម្រាប់អណត្តិទី៦ឆ្នាំ២០១៧-២០២១ហើយ ៕

នេះជាវេទិកាសុខភាពថ្មីមួយទៀត របស់ គណៈកម្មាធិការជាតិស្ប៉េស្យាល់អូឡាំពិកកម្ពុជាខេត្តស្វាយរៀង បន្ទាប់ពីបានកកើត មក សកម្មភាពបម្រើឱ្យជនបញ្ញាខ្សោយត្រូវបានរៀបចំឱ្យយមានច្រើនលើកមកហើយដូចជា ការរៀបចំការប្រកួតកីឡាជ្រើសរើសជើង ឯកថ្នាក់ខេត្ត ការរៀបចំកម្មវិធីត្រួតពិនិត្យសុខភាព វេទិកាសុខភាព ការចូលរួមប្រកួតថ្នាក់ជាតិ បញ្ជូនក្រុមកីឡាបាល់ទាត់ទៅ ចូលរួមប្រកួតលក្ខណៈអន្តរជាត ព្រមទាំងមានកម្មវិធីហ្វឹកហាត់ជាប្រចាំ នៅទីរួមខេត្ត ព្រមទាំងស្រុកមួយចំនួនទៀត ផង។

អភិបាលរង និងជាប្រធានអនុគណៈកម្មាធិការស្ប៉េស្យាល់អូឡាំពិកកម្ពុជាខេត្តស្វាយរៀងលោក ស៊ុម សុជាតិ បានមានប្រសាសន៍ថា៖ កាលពីថ្ងៃទី ២៣ ខែមេសា កន្លងទៅនេះ យើងបានរៀបចំវេទិកាសុខភាពសម្រាប់អាណាព្យាលបាលជនបញ្ញាខ្សោយចំនួន ៩០នាក់ និងកីឡាករ កីឡាការិនី ២០នាក់ មកពីអង្គការ សមាគម និងពីក្រុមគ្រួសារនានា ជុំវិញខេត្តលើកនេះគឺ ដើម្បីផ្តល់ឱកាសដល់ពួកគេបានយល់ ដឹងពីការថែទាំសុខភាព ដែលជាបញ្ហាចំបងសម្រាប់អាណាព្យាបាល និងប្អួនៗ កីឡាករ កីឡាការិនីបញ្ញាខ្សោយ និងដើម្បីបង្កើនការយល់ដឹងផ្នែកសុខភាពទូទៅ សុខភាពមាតា សុខភាពទារក សុខភាពមាត់ ធ្មេញ និងសុខភាពនៃការរស់នៅប្រចាំថ្ងៃ របស់ជនខ្សោយសតិបញ្ញា។

លោកបន្តថា៖  ពិសេសគឺ ជំរុញឱ្យពួកគាត់លើកទឹកចិត្តដល់ជនខ្សោយសតិបញ្ញា ឱ្យចូលរួមហាត់ប្រាណ ការលេងកីឡា ដើម្បីពង្រឹកកាយសម្បទា និងស្នើសុំមន្ត្រីមន្ត្រីពាក់ព័ន្ធ និងអាណាព្យាបាល ត្រូវបន្តពង្រីក និងផ្សព្វផ្សាយបន្តដល់ មន្ត្រីពាក់ព័ន្ធនិងគ្រួសារផ្សេងៗទៀតនៅក្នុងសហគមន៍របស់ពួកគេឱ្យយល់កាន់តែច្បាស់អំពីបញ្ញាសុខភាពនៃការរស់នៅប្រចាំថ្ងៃ សំដៅឈានទៅរស់នៅប្រកដដោយសុខុដុមរមនាជៀសផុតពីជម្ងឺតម្កាត់ផ្សេងៗ។

គួរំលឹកផងដែរថា គណៈកម្មាធិកាស្ប៉ស្យ៉ាល់អូឡាំពិកខេត្តបានបញ្ជូនកីឡាខ្សោបញ្ញារបស់ខ្លួនទៅរួមប្រកួតកីឡា បាល់ទាត់អនុតំបន់មេគង្គនៅព្រះរាជាណាចក្រថៃ កាលឆ្នាំកន្លងមក ទទួលបានមេដាយ និងទទួលបានប្រាក់រង្វាន់លើកទឹកចិត្តពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាទៀតផង៕