ជាមួយនឹងសន្ទស្សន៍ភាគហ៊ុនដែលបានកើនឡើងខ្ពស់បំផុតចំនួន 6លើកក្នុងរយៈពេល12ថ្ងៃដំបូងនៃដើមឆ្នាំនេះ S&;P 500 បានកើនតម្លៃឡើងជិត3% ចាប់ពីឈានចូលឆ្នាំ2020 ភ្លាម។
ការស្ទង់មតិមួយកាលពីពេលថ្មីៗនេះ បានបង្ហាញថា ពលរដ្ឋអាមេរិកដែលមានប្រាក់យ៉ាងតិច1លានដុល្លារក្នុងគណនីជំនួញជើងសា និងការជួញដូរមូលបត្រដោយខ្លួនឯង មានជំនឿទៅលើសេដ្ឋកិច្ច និងមូលបត្រអាមេរិក។ កាលពីត្រីមាសចុងឆ្នាំ2019 ប្រការនេះមិនបានកើតមានឡើងទេ។
កាលណោះ សូម្បីតែមូលបត្របានកើនតម្លៃឡើងក៏ដោយ ក៏ក្រុមអ្នកមានប្រាក់នៅតែមានការប្រុងប្រយ័ត្ន និងបារម្ភពីការដាំក្បាលចុះនៃតម្លៃមូលបត្រ។ ប៉ុន្តែបច្ចុប្បន្ន យោងតាមការស្ទង់មតិរបស់ E-Trade Financial ធ្វើឱ្យគេមើលឃើញថា សេដ្ឋី និងអ្នកមានប្រាក់នៅអាមេរិកដល់ទៅ76% វាយតម្លៃខ្ពស់ទៅលើសេដ្ឋកិច្ចរបស់ប្រទេសនេះ។ ក្រុមវិនិយោគិនអាមេរិកយល់ថា ទីផ្សារនឹងកើនឡើងបន្ថែម 5% ទៀតក្នុងត្រីមាសទី1 ឆ្នាំនេះ ហើយវាក៏នឹងមានកំណើនបន្ថែម16% ទៀតនៅក្នុងត្រីមាសបន្ទាប់។
ការព្រួយបារម្ភអំពីការថមថយនៃសេដ្ឋកិច្ចពិភពលោក និងសង្គ្រាមពាណិជ្ជកម្មរវាងចិន និងអាមេរិក ពេលនេះលែងប៉ះពាល់ខ្លាំងដល់អ្នកវិនិយោគទៀតហើយ។
អគ្គនាយករងនៃក្រុមហ៊ុន E-Trade លោក Mike Loewengart បានឱ្យដឹងថា៖ “ក្រុមអ្នកវិនិយោគកំពុងមានជំនឿចិត្តក្នុងអំឡុងពេលនេះ។ ក្រុមអ្នកវិនិយោគចង់ក្លាយជាផ្នែកមួយនៃការរីកចម្រើនដែលកំពុងកើតឡើងនេះដែរ”។
មានមូលហេតុជាច្រើនផ្សេងទៀតដែលធ្វើឱ្យអ្នកវិនិយោគមានការសប្បាយចិត្ត និងធូរស្រាលក្នុងអារម្មណ៍។ ឆ្នាំនេះ ជាឆ្នាំដែលអាមេរិកត្រូវបោះឆ្នោតជ្រើសរើសប្រធានាធិបតី វាអាចមានការប្រែប្រួលច្រើន ប៉ុន្តែប្រការនេះក៏នឹងធ្វើឱ្យនាយកដ្ឋានបម្រុងនៃសហរដ្ឋអាមេរិក (Fed) ប្រឹងប្រែងដើម្បីឈរនៅក្រៅឆាកនយោបាយ ដូច្នេះ Fed នឹងមានសកម្មភាពសមស្របក្នុងឆ្នាំនេះ ខណៈដែលសង្គ្រាមពាណិជ្ជកម្មអាមេរិក និងចិនបានថយកម្ដៅចុះច្រើន។ ក្រៅពីនេះ ស្ថានភាពទីផ្សារការងារក៏ល្អ ហើយតួលេខនៃការប្រើប្រាស់ផលិតផលក៏ប្រសើរជាងមុន។ ទាំងអស់នេះបាននិងកំពុងបើកឱកាសល្អសម្រាប់ទីផ្សារមូលបត្រ។
តែយ៉ាងណាក៏ដោយ គេក៏មើលឃើញមូលហេតុដែលនាំឱ្យមានការប្រុងប្រយ័ត្នដែរ។ មហាសេដ្ឋី Tepper បានប្រាប់សារព័ត៌មាន CNBC ថា ទីផ្សារនឹងប្រែប្រួលខ្លាំង រហូតសូម្បីតែខ្ញុំក៏ត្រូវបន្ថយល្បឿន និងចាកចេញដែរ។ S&;P 500 មិនត្រូវបានគេកំណត់តម្លៃថ្លៃបែបនេះ ចាប់តាំងពីឆ្នាំ 2002មក។ កាលពីឆ្នាំទៅ ការកើនតម្លៃរបស់វា គឺដោយសារការកំណត់តម្លៃខ្ពស់ ពោលគឺមិនមែនប្រសិទ្ធភាពនៃជំនួញត្រូវបានកែលម្អនោះឡើយ។
សាស្ត្រាចារ្យផ្នែកហិរញ្ញវត្ថុ លោក Jeremy Siegel បានថ្លែងថា៖ “ក្នុងអំឡុងពេលនេះ ខ្ញុំមិនទាន់បានឃើញអ្នកណាមួយមានចំណូលប្រកបដោយអត្ថន័យដូចខាងលើនៅឡើយ”។ លោកបន្តថា ទីផ្សារកំពុងធ្វើដំណើរនៅលើផ្លូវដែលងាយរងរបួស បើសិនគេលក់ចេញ 10% នៃមូលបត្រដែលកំពុងកាន់កាប់។
យោងតាមអ្នកវិភាគ បច្ចុប្បន្នបច្ចេកវិទ្យា និងការថែទាំផ្នែកសុខាភិបាល នៅតែជាវិស័យដែលត្រូវបានគេវាយតម្លៃថា មានសក្ដានុពលជាងគេ។ តាមការស្ទង់មតិរបស់ E-Trade ក៏បានបង្ហាញដែរថា អ្នកវិនិយោគក៏មានការជឿជាក់ជាងមុនទៅលើមូលបត្រអន្តរជាតិ ដែលកាលពីឆ្នាំទៅ វាមិនត្រូវបានគេយកចិត្តទុកដាក់ឡើយ។ សេដ្ឋីអាមេរិកជាច្រើននាក់បានឱ្យដឹងថា មូលបត្របរទេស បានទាក់ទាញពួកគេក្នុងត្រីមាសនេះ បន្ទាប់ពីវាបានកើនឡើង 29% ក្នុងត្រីមាសទី4 ឆ្នាំ2019៕
ប្រភព៖ សារព័ត៌មានបរទេស
ក្រុមអ្នកស្រាវជ្រាវដែលដឹកនាំដោយបណ្ឌិត Vil Sruber ដែលជាជនជាតិអាមេរិក បានឱ្យដឹងថា វត្ថុធាតុថ្មីនេះនឹងបើកផ្លូវឱ្យមានការសាងសង់ “អគាររស់” នាថ្ងៃអនាគតដ៏ខ្លីខាងមុខ ព្រោះវាមានសមត្ថភាពអាចបិទភ្ជិតកន្លែងប្រេះបែកដោយខ្លួនឯងដោយស្វ័យប្រវត្តិ និងជួយស្រូបយកជាតិពុលដែលនៅជុំវិញវាទៀតផង។ បដិវត្តន៍វិស័យសំណង់នឹងចាប់ផ្ដើមក្នុងពេលឆាប់ៗនេះឯង។ បណ្ឌិត Srubar បានបន្ថែមថា សម្ភារជីវសាស្ត្រ ដូចជាឈើ ដែលកំពុងត្រូវបានប្រើប្រាស់យ៉ាងទូលំទូលាយសព្វថ្ងៃនេះ វាជាវត្ថុធាតុ “ងាប់”។
ក្រុមអ្នកវិទ្យាសាស្ដ្រខាងលើបានឱ្យដឹងថា ការសិក្សាស្រាវជ្រាវនេះកំពុងស្ថិតក្នុងដំណាក់កាលដំបូងនៅឡើយ និងនៅមានឧបសគ្គមួយចំនួនទៀតដែលត្រូវដោះស្រាយ។ បញ្ហាធំបំផុតនោះគឹ ដុំឥដ្ឋត្រូវតែស្ងួតទាំងស្រុង ដើម្បីបង្កើនគុណភាពដល់កម្រិតខ្ពស់បំផុត ប៉ុន្តែប្រការនេះបែរជាធ្វើឱ្យមានសម្ពាធទៅលើបាក់តេរី និងកាត់បន្ថយលទ្ធភាពនៃការរក្សាជីវិតរបស់ពួកវា។ ដើម្បីរក្សាជីវិតរបស់បាក់តេរីក្នុងដុំឥដ្ឋ គេត្រូវរក្សាសំណើម និងកម្ដៅឱ្យបានត្រឹមត្រូវ។ ក្រុមអ្នកវិទ្យាសាស្ដ្រនេះ ក៏អាចគ្រប់គ្រងដុំឥដ្ឋ ដោយអាចឱ្យវានៅស្ងៀម ឬរីកលូតលាស់ពេលណាក៏បាន ដើម្បីងាយស្រួលក្នុងការសាងសង់៕
សាច់ជ្រូកដែលមើលទៅហាក់ដូចជាមានពងតូចៗដូចគ្រាប់ចុងអង្ករនៅជាប់ខាងក្នុងសាច់ គឺជាសាច់ជ្រូកដែលមានផ្ទុកពងព្រូនតេនញ៉ា។ ពងព្រូនតេនញ៉ាភាគច្រើនមាននៅត្រង់គល់អណ្ដាតជ្រូក សាច់ដុំ ឬគល់ភ្លៅជ្រូក។ នៅពេលយើងយកសាច់ដែលមានពងព្រូនតេនញ៉ាមកចម្អិនមិនបានត្រឹមត្រូវ ហើយបរិភោគ លោកអ្នកនឹងឆ្លងព្រូនសំប៉ែតតេនញ៉ាជ្រូក (Taenia Solium)។ ព្រូននេះ អាចជ្រៀតចូលទៅក្នុងឈាម ហើយពេលខ្លះអាចប៉ះពាល់ដល់សរសៃប្រសាទខួរក្បាលទៀតផង។
នៅពេលមើលសាច់ជ្រូក លោកអ្នកគួរយកម្រាមដៃទៅសង្កត់លើសាច់ជ្រូកនោះ រួចដកដៃចេញមកវិញ បើសិនជាសាច់នោះឆាប់វិលមកដូចភាពដើមវិញ(មិនមានស្នាមទ្រុឌរបស់ម្រាមដៃ) និងមានពណ៌ក្រហមព្រឿងៗ នោះហើយ គឺសាច់ស្រស់ល្អ។ បើសាច់ណាដែលមានសភាពផ្ទុយពីនេះ វាជាសាច់មិនល្អ សាច់មានជំងឺ និងសាច់ខូចគុណភាព។
សាច់ដែលដាក់ក្នុងទូទឹកកកយូរពេក វានឹងក្លាយជា “សាច់ងាប់រឹង” ព្រោះវាបានឆ្លងផុតដំណាក់កាលសុវត្ថិភាពរួចទៅហើយ។ ហូបសាច់បែបនេះ មិនត្រឹមតែអាចបង្កឱ្យរាករូស ក្អួតចង្អោនោះទេ តែវាក៏អាចនាំឱ្យកើតជំងឺក្រពះ ពោះវៀន និងពិបាកទ្រាំក្នុងខ្លួនទៀតផង។
ក្រុមហ៊ុន Bajaj Group នេះ រកស៊ីក្នុងវិស័យផ្សេងៗជាច្រើន ក្នុងនោះក៏មានវិស័យម៉ូតូកង់2 និងម៉ូតូកង់3 (កង់3ឥណ្ឌា) ឧបករណ៍ប្រើប្រាស់ក្នុងផ្ទះ អំពូលភ្លើង ដែកថែប ធានារ៉ាប់រង ទេសចរណ៍ និងហិរញ្ញវត្ថុផងដែរ។
ក្រៅពី Bajaj Auto Ltd ;ក្រុមហ៊ុនរបស់លោក Rahul Bajaj ក៏នៅមានក្រុមហ៊ុនល្បីឈ្មោះមួយចំនួន ដូចជា Bajaj Finserv Ltd, Hercules Hoists Ltd, Bajaj Electricals, Mukand Ltd, Bajaj Hindusthan Ltd និង Bajaj Holding &; Investment Ltd៕
ការណ៍នេះត្រូវបានចាត់ទុកថា ជាការធ្វើដំណើរវិលទៅស្រុកយ៉ាងគគ្រឹកគគ្រេងបំផុតក្នុងពិភពលោក ដោយពិធីបុណ្យ ឈុនយីន (春运) ឬបុណ្យនិទាឃរដូវ (បុណ្យចូលឆ្នាំចិន) ត្រូវបានរដ្ឋាភិបាលចិនកំណត់ឱ្យឈប់សម្រាកពីការងាររយៈពេលយូរដល់ទៅ 40ថ្ងៃ រាប់ចាប់ពីថ្ងៃទី10 មករា ដល់ថ្ងៃទី18 កុម្ភៈ ដើម្បីឱ្យពលរដ្ឋបានទៅជួបជុំក្រុមគ្រួសារ។
ចូលឆ្នាំចិនឆ្នាំនេះ នឹងត្រូវធ្វើឡើងនៅថ្ងៃទី25 មករា ពោលគឺឆាប់ជាងរាល់ឆ្នាំ គិតចាប់ពីឆ្នាំ2012 មក។ រដូវបុណ្យចូលឆ្នាំចិនក្នុងឆ្នាំនេះ បានជាន់ជាមួយនឹងរដូវនិស្សិតចាប់ផ្ដើមឈប់សម្រាកខែរងា(វ៉ាកង) ដែលការឈប់សម្រាកនេះនឹងធ្វើឱ្យការធ្វើដំណើរកាន់តែមមាញឹកឡើង។
ទូរទស្សន៍ CNN បានសន្និដ្ឋានថា រដូវបុណ្យចូលឆ្នាំចិនឆ្នាំនេះ នឹងមានអ្នកធ្វើដំណើរទៅស្រុកកំណើត ប្រមាណជា3ពាន់លានលើក កើនឡើងបន្តិចបើធៀបនឹងកាលពីឆ្នាំទៅ (2.99ពាន់លានលើក)។ ក្នុងចំណោមនោះ នឹងមាន 2.43ពាន់លានលើក ធ្វើដំណើរតាមរថយន្ត (ថយចុះ1.2% ធៀបនឹងឆ្នាំទៅ)។ ការធ្វើដំណើរតាមរថភ្លើងនឹងមានចំនួន 440លានលើក កើនឡើង 8%។ ចំណែកការធ្វើដំណើរតាមយន្តហោះ នឹងមាន 79លានលើក (កើន8.4%) ហើយ 45លានលើក នឹងធ្វើដំណើរតាមជើងទឹក (កើន9.6%)។
ទីភ្នាក់ងារអាកាសចរណ៍ស៊ីវិលចិន បានព្យាករថា អាកាសយានដ្ឋានអន្តរជាតិ “ប៉េកាំង ដាក់ស៊ិង” (Beijing Daxing International Airport) នឹងដឹកអ្នកដំណើរ 190លាននាក់ក្នុងអំឡុងរដូវបុណ្យចូលឆ្នាំចិន ដែលច្រើនជាង15% ធៀបនឹងពេលវេលាធម្មតា។
ព្រលានយន្តនានាទូទាំងប្រទេសចិន ក៏បានត្រៀមលក្ខណៈរួចជាស្រេចក្នុងការហោះហើរ 17ពាន់ជើងជារៀងរាល់ថ្ងៃ ក្នុងរដូវចូលឆ្នាំនេះ (កើនឡើង13.3% បើធៀបទៅនឹងឆ្នាំមុន)៕
-នៅប្រទេសសិង្ហបុរី (Singapore) ប្រជាជនត្រូវបានហាមមិនឱ្យផឹកស្រាបៀរនៅកន្លែងសាធារណៈ ចាប់ពីម៉ោង22:30នាទី ដល់ម៉ោង 7ព្រឹក ជារៀងរាល់ថ្ងៃ។ ហាងលក់រាយទាំងឡាយក៏មិនត្រូវបានអនុញ្ញាតឱ្យលក់ស្រាបៀរឱ្យភ្ញៀវដែលចង់ទិញយកទៅក្រៅ ក្នុងអំឡុងម៉ោងនេះដែរ។ បើសិនរំលោភលើការហាមប្រាមនេះ អ្នកលក់នឹងត្រូវរដ្ឋពិន័យឱ្យបង់ប្រាក់1,000ដុល្លារសិង្ហបុរី (ប្រហែល742ដុល្លារអាមេរិក)។ ចំពោះអ្នកដែលល្មើសបំពានច្បាប់នេះជាលើកទី2 នឹងត្រូវជាប់ពន្ធនាគារ 3ខែ និងពិន័យជាប្រាក់ 2,000ដុល្លារសិង្ហបុរី (ប្រហែល 1480ដុល្លារអាមេរិក)។
-ចំណែកនៅប្រទេសឥណ្ឌាវិញ មានរដ្ឋមួយចំនួន ក៏មានច្បាប់តឹងតែងផងដែរទាក់ទិននឹងការជួញដូរ និងប្រើប្រាស់គ្រឿងស្រវឹងនេះ។ នៅតំបន់ Gujarat អ្នកទេសចរដែលចង់ផឹកស្រាឱ្យស្របតាមច្បាប់ ដាច់ខាតគឺត្រូវទិញអាជ្ញាប័ណ្ណ (លិខិតអនុញ្ញាត) ដែលមានអាយុកាល 30ថ្ងៃ។ អាជ្ញាប័ណ្ណនេះ មានលក់នៅតាមសណ្ឋាគារ ឬព្រលានយន្តហោះ។ នៅឯរដ្ឋ Manipur និងរដ្ឋ Nagaland ក្នុងប្រជុំកោះ Lakshadweep (លើកលែងតែតំបន់លម្ហែកាយលើកោះ Bangaram) ស្រាបៀរទាំងឡាយត្រូវបានហាមជួញដូរទាំងស្រុង។
-ជាប្រទេសកាន់សាសនាមូស្លីម ប៊្រុយណេក៏មានការហាមមិនឱ្យផឹកគ្រឿងស្រវឹងនៅទីសាធារណៈដែរ។ ភ្ញៀវទេសចរបរទេសដែលមកកម្សាន្តនៅប្រទេសនេះ ត្រូវបានអនុញ្ញាតឱ្យយកស្រាខ្លាំង 2ដង និងស្រាបៀរ 12កំប៉ុងតាមខ្លួន ហើយត្រូវរាយការណ៍ជូនអាជ្ញាធររៀងរាល់ 48ម៉ោង ប៉ុន្តែការផឹកស៊ី គឺត្រូវតែធ្វើឡើងនៅទីកំបាំង។
-នៅប្រទេសអារ៉ាប់រួម ឬអារ៉ាប់ អេមីរ៉េត បើទោះជាគេឃើញមានស្រាបៀរច្រើននៅក្នុងសណ្ឋាគារ ភោជនីយដ្ឋាន និងផ្សារទំនើបមែន ប៉ុន្តែការផឹកគ្រឿងស្រវឹងទាំងនោះនៅក្នុងទីសាធារណៈ ក៏នៅតែជារឿងខុសច្បាប់ដែរ។ នៅក្នុងរាជាណាចក្រ Sharjah (រាជាណាចក្រមួយក្នុងទឹកដីអារ៉ាប់រួម) គ្រឿងស្រវឹងត្រូវបានហាមលក់ដូរ និងផឹកទាំងស្រុង។
-ឯប្រជុំកោះ Maldives ដែលល្បីឈ្មោះថា មានឆ្នេរសមុទ្រដ៏ស្រស់ស្អាត រួមទាំងមានភ្ញៀវទេសចរលំដាប់អ្នកមានទៅកម្សាន្តច្រើននោះ ក៏ហាមអ្នកស្រុកប្រើប្រាស់គ្រឿងស្រវឹងដែរ។ ទេសចរបរទេសដែលទៅកាន់ទីនោះ អាចប្រើប្រាស់គ្រឿងស្រវឹងបានតែនៅក្នុងសណ្ឋាគារ និងរមណីយដ្ឋានដែលមានអាជ្ញាប័ណ្ណធ្វើជំនួញស្របច្បាប់តែប៉ុណ្ណោះ។
-ចាប់តាំងពីអតីតនាយករដ្ឋមន្ត្រី Zulfikar Ali Bhutto ចូលកាន់អំណាច ការប្រើប្រាស់ស្រាបៀរ ត្រូវបានហាមទាំងស្រុងនៅប្រទេសប៉ាគិស្ថាន។ សូម្បីតែក្រោយព្រឹត្តិការណ៍រដ្ឋប្រហារក្នុងឆ្នាំ1977 ច្បាប់នេះក៏នៅតែមានសុពលភាពដដែល។ ភ្ញៀវទេសចរបរទេសដែលមិនកាន់សាសនាមូស្លីម អាចទិញស្រាបៀរនៅឯសណ្ឋាគារផ្កាយ4 ឬផ្កាយ5បាន។
-នៅក្នុងប្រទេសមួយចំនួន ដូចជាប្រទេសថៃ ហ្វីលីពីន ឬវ៉េណេហ្ស៊ូអេឡា ជាដើម ការហាមប្រាមប្រើគ្រឿងស្រវឹង មានសភាពធូរស្រាលបន្តិច ប៉ុន្តែក្នុងអំឡុងពេលបោះឆ្នោត ឬព្រឹត្តិការណ៍សំខាន់ៗមួយចំនួន ការផឹកគ្រឿងស្រវឹងត្រូវបានរឹតត្បិត។ រីឯប្រទេសហ្វីលីពីនវិញ ការជួញដូរគ្រឿងស្រវឹងត្រូវបានហាមក្នុងរយៈពេល 2ថ្ងៃ មុនថ្ងៃបោះឆ្នោត។ វេណេហ្ស៊ូអេឡា ហាមលក់គ្រឿងស្រវឹងក្នុងអំឡុង 21ម៉ោងមុនបោះឆ្នោត៕
-ទ្រព្យកើនបន្ថែមក្នុងអំឡុង10ឆ្នាំមុន៖ 41.8ពាន់លានដុល្លារអាមេរិក
-ទ្រព្យកើនបន្ថែមក្នុងអំឡុង10ឆ្នាំមុន៖ 49.9ពាន់លានដុល្លារអាមេរិក
-ទ្រព្យកើនបន្ថែមក្នុងអំឡុង10ឆ្នាំមុន៖ 97.4ពាន់លានដុល្លារអាមេរិក
CEO (អគ្គនាយកប្រតិបត្តិ) របស់ Amazon គឺជាអ្នកមានបំផុតលំដាប់លេខ1 ក្នុងពិភពលោក ដោយមានទ្រព្យសម្បត្តិសរុបប្រមាណជា 117ពាន់លានដុល្លារ។ ខាងក្រោមនេះគឺជាការពិតស្ដីអំពីទ្រព្យសម្បត្តិរបស់គាត់៖
ចំណែកប្រធានាធិបតីចិន លោក Xi Chinping នៅក្នុងសំបុត្រ 1ច្បាប់ដែលផ្ញើមកជូនលោក Trump បានថ្លែងថា កិច្ចព្រមព្រៀងពាណិជ្ជកម្មជំហានទី1 គឺជាសក្ខីភាពមួយបង្ហាញថា ក្រុងប៉េកាំង និងក្រុងវ៉ាស៊ីនតោន អាចរួមគ្នាបង្កើតជាស្ពានចម្លងរវាងភាពខុសគ្នារបស់ប្រទេសទាំង2។ ប្រធានាធិបតីចិន បន្ថែមថា កិច្ចព្រមព្រៀងនេះ “ល្អសម្រាប់ប្រទេសចិន សម្រាប់អាមេរិក និងពិភពលោកទាំងមូល”។
សូមបញ្ជាក់ថា កិច្ចព្រមព្រៀងខាងលើនេះ មិនបាននិយាយដល់បញ្ហាក្រុមហ៊ុន Huawei របស់ចិនដែលកំពុងត្រូវបានអាមេរិកដាក់ទណ្ឌកម្មនោះឡើយ។ ប៉ុន្តែក្នុងលិខិតផ្ញើទៅកាន់ប្រធានាធិបតីអាមេរិក លោក Hiu He បានថ្លែងថា ចិនសង្ឃឹមថា ភាគីអាមេរិកនឹងអនុវត្តច្បាប់ដោយយុត្តិធម៌ចំពោះក្រុមហ៊ុនចិន៕