ទីភ្នាក់ងារព័ត៌មាន CNN បានរាយការណ៍ពីករណីសិក្សាស្រាវជ្រាវខាងវេជ្ជសាស្ត្រមួយថា មានស្ត្រីជនជាតិកាណាដាម្នាក់ បានរួចជីវិតពីការត្រូវគេបាញ់ចំដើមទ្រូង ដោយសារតែដុំស៊ីលីខូនដែលដាក់ដើម្បីបង្កើនទំហំសុដន់បានជួយការពារគ្រាប់កាំភ្លើង។
ករណីមួយនេះត្រូវបានបោះពុម្ពផ្សាយនៅក្នុងព្រឹត្តិបត្រវេជ្ជសាស្ត្រ SAGE កាលពីសប្ដាហ៍មុន ដោយលោកគ្រូពេទ្យដែលជាអ្នកព្យាបាលអ្នករបួសឈ្មោះ ជិអាន់ខាឡូ ម៉េកអ៊ីវេនីវ បានសរសេររៀបរាប់ថា អ្នករបួសស្រីម្នាក់ អាយុ 30ឆ្នាំ មកពីទីក្រុងតូរ៉ុនតូ ប្រទេសកាណាដា បានរួចជីវិតពីការត្រូវគេបាញ់នៅក្នុងហេតុការណ៍មួយកាលពីឆ្នាំ 2019 ដោយសារតែដុំស៊ីលីខូនបង្កើនទំហំសុដន់ បានជួយបង្វែរទិសដៅរបស់គ្រាប់កាំភ្លើង។
រូបភាព X-ray ដើមទ្រូងរបស់ស្ត្រីរងគ្រោះ បានបង្ហាញឱ្យឃើញនូវគ្រាប់កាំភ្លើងកប់ជាប់នៅនឹងផ្ទាំងកំពែងខាងឆ្វេងនៃដើមទ្រូងដែលជាដុំស៊ីលីខូន គឺជាដុំស៊ីលីខូនដែលបានទទួលការអនុញ្ញាតឱ្យដាក់លក់នៅក្នុងសហរដ្ឋ អាមេរិក ចំនួន 2ប្រភេទ ដែលសុទ្ធតែជាប្រភេទមានសម្បកហ៊ុមព័ទ្ធ ដែល 1ប្រភេទមានទឹករ៉ែនៅខាងក្នុង និង 1ប្រភេទទៀតមានជេលនៅខាងក្នុង។
ទោះជាមិនមានសេចក្ដីរាយការណ៍លម្អិតច្បាស់លាស់ថា ហេតុអីបានស្ត្រីរងគ្រោះត្រូវគេបាញ់ក្ដី តែគ្រូពេទ្យបានប្រាប់ថា ស្ត្រីរងគ្រោះបានដើរចូលមកក្នុងផ្នែកសង្គ្រោះបន្ទាន់ ដោយអាការភ័យស្លន់ស្លោ និងប្រាប់ថា នាងត្រូវគេបាញ់ចំដើមទ្រូង…។
“គ្រាប់កាំភ្លើង បុកចូលទៅរកដើមទ្រូងខាងឆ្វេង តែធ្វើឱ្យទៅកើតមានស្នាមប្រេះបែករបស់ឆ្អឹងជំនីផ្នែកខាងស្ដាំ។ លក្ខណៈគ្រាប់កាំភ្លើង បានបុកទម្លុះស្បែក ហើយខ្ទាតត្រឡប់មកក្រោយ ឆ្លងកាត់ឆ្អឹងសន្ទះទ្រូង តម្រង់ទៅដើមទ្រូងផ្នែកខាងស្ដាំ។ ដុំស៊ីលីខូនដែលបង្កើនទំហំសុដន់ ធ្វើឱ្យគ្រាប់កាំភ្លើងប្ដូរទិសដៅ”
លោកវេជ្ជបណ្ឌិត ម៉េកអ៊ីវេនីវ បានថ្លែងទៀតថា ស្ត្រីរងគ្រោះមានស្នាមរបួសដោយគ្រាប់កាំភ្លើង បែកឆ្អឹងជំនី និងបែកដុំស៊ីលីខូន តែអវយវៈផ្សេងទៀត គ្មានរងការខូចខាតអ្វីទាំងអស់ និងនៅពេលមើលតាមជ្រុងនៃការវះកាត់ យើងឃើញថា គ្រាប់កាំភ្លើងត្រូវបានបង្វែរទិសដៅដោយសារដុំស៊ីលីខូន។
“នៅផ្នែកខាងឆ្វេងរបស់ដើមទ្រូង មានបេះដូង និងសួត បើគ្រាប់កាំភ្លើងបុកធ្លុះចូលទៅត្រង់ៗ ជនរងគ្រោះអាចរងរបួសធ្ងន់ធ្ងរ ឬអាចដល់ថ្នាក់ស្លាប់បាន” លោកវេជ្ជបណ្ឌិតបានថ្លែងបញ្ចប់សេចក្ដី។
សម្រាប់ស្ត្រីរងគ្រោះវិញ ក្រោយមក នៅពេលធូរស្រាល និងបាត់អាការភ័យស្លន់ស្លោផុតកំពូលហើយ ទើបគ្រូពេទ្យព្យាបាលអាការរបួស និងយកដុំស៊ីលីខូនចេញមក ដើម្បីព្យាបាលត្រង់កន្លែងដែលរងរបួស ដោយផ្ដល់ថ្នាំផ្សះទៀតផង។ ចំណែកឯការស៊ើបសួរអំពីរឿងរ៉ាវមួយនេះមិនទទួលបានលទ្ធផលឡើយ ព្រោះខាងប៉ូលិសរកមិនឃើញទាំងកាំភ្លើង និងអ្នកបាញ់៕
ប្រភព៖ សារព័ត៌មានបរទេស
របាយការណ៍នោះបានបញ្ជាក់ថា ហេតុការណ៍នោះ បានកើតឡើងកាលពីថ្ងៃទី13 មេសាកន្លងទៅ បុរសឈ្មោះ អូលេកសានឌើរ និងគូស្នេហ៍ បានបបួលគ្នាផឹកសុរានៅនឹងផ្ទះដែលពួកគេទាំង2 ស្នាក់នៅជាមួយគ្នា ក្នុងអំឡុងពេលដែលទូទាំងប្រទេសកំពុងប្រើវិធានការបិទប្រទេស ដើម្បីការពារការឆ្លងរាលដាលរបស់មេរោគកូវីដ-19។ ក្នុងអំឡុងពេលនោះ អូលេកសានឌើរ មានអារម្មណ៍នឹកឃ្លានសាច់អាំង តែជំនួសឱ្យការក្រោកឡើងទៅធ្វើម្ហូបអាហារហូប គេបែរជាទៅស្រវាយកកាំបិតហាន់សាច់នៅក្នុងចង្ក្រានបាយ ហើយដើរត្រឡប់មកអារកគូស្នេហ៍ដែលមិនដឹងខ្លួនថាកំពុងត្រូវបានសម្លាប់នោះតែម្ដង។
អូលេកសាបឌើរ រង់ចាំរហូតទាល់តែគូស្នេហ៍របស់គេហូរឈាមអស់ពីខ្លួន រហូតស្លាប់ ទើបកាប់ផ្ដាច់ជើងទាំងសងខាងរបស់សាកសព ហើយយកទៅចៀរសាច់ធ្វើជាអាហារ ចំណែកដងខ្លួនសាកសពដែលនៅសល់ គេបានលើកញាត់ចូលទៅក្នុងថង់ រួចអូសចេញទៅក្រៅផ្ទះចម្ងាយប្រមាណជាង 500ម៉ែត្រ ទើបលាក់ទុកនៅក្នុងគុម្ពោតព្រៃក្រាស់ជិតដងទន្លេ។
លុះព្រឹកឡើង លោក មិខូឡា បុរសម្នាក់ដែលរស់នៅម្ដុំក្បែរៗគ្នានោះដែរ បាននាំក្រុមគ្រួសារចេញទៅដើរលេង…លោកនិយាយថា៖ “ពួកយើងកំពុងតែសម្លឹងរកមើលកន្លែងអង្គុយស្ទូចត្រី ក៏ស្រាប់តែទៅជាន់ថង់អ្វីម្យ៉ាង…ខ្ញុំមើលឃើញសាច់កំប៉េះគូទលេចចេញមកពីមាត់ថង់នោះ ខ្ញុំគិតថា អ្វីដែលនៅខាងក្នុងថង់នោះ ច្បាស់ជាសាកសពមនុស្សមិនខាន ទើបប្រញាប់ទូរស័ព្ទប្ដឹងប៉ូលិសតែម្ដង”
ខណៈពេលជាមួយគ្នា ពួកអ្នកស្រុក បានចាប់ផ្ដើមនាំគ្នាចេញមករោមមើល ពេលឃើញសាកសព ក៏ដឹងភ្លាមតែម្ដងថា ជានរណា ទើបជូនដំណឹងទៅអាជ្ញាធរដែលកំពុងរួសរាន់មកកន្លែងប្រទះឃើញសាកសពនោះ បន្ទាប់ពីនោះ អាជ្ញាធរក៏នាំកម្លាំងទៅសម្រុកចាប់ខ្លួន អូលេកសានឌើរ តែម្ដង។
ចំណែកសារព័ត៌មានក្នុងតំបន់ បានបញ្ជាក់ថា ក្រុមអាជ្ញាធរ សឹងតែក្អួតចេញមកភ្លាមៗតែម្ដង នៅពេលបានចូលទៅដល់ក្នុងផ្ទះ និងឃើញ អូលេកសានឌើរ កំពុងហូបសាច់ភ្លៅដែលគេបានចៀរចេញពីជើងសាកសពគូស្នេហ៍ ហើយយកទៅចៀននៅក្នុងខ្ទះ។ បន្ទាប់ពីក្រុមអាជ្ញាធរបាត់ភាន់ភាំង និងតាំងស្មារតីបានវិញហើយ ក៏ប្រញាប់ចាប់ខ្លួន អូលេកសានឌើរ យកទៅស៊ើបសួរ រួមទាំងឃុំឃាំង ដើម្បីដំណើរការតាមផ្លូវច្បាប់។
ជាបឋម មិនមានរបាយការណ៍ថា ឃាតករ អូលេកសានឌើរ នេះជាមនុស្សមានបញ្ហាផ្លូវចិត្ត ឬត្រូវនាំខ្លួនចូលទៅពិនិត្យស្ថានភាពផ្លូវចិត្តនោះឡើយ តែបើសិនតុលាការសម្រេចក្ដីថា ពិតជាមានកំហុសមែននោះ អូលេកសានឌើរ អាចត្រូវជាប់ពន្ធនាគារ 15ឆ្នាំ។
សម្រាប់ស្ថានការណ៍ការឆ្លងរាលដាលរបស់មេរោគវីរុសកូវីដ-19 នៅក្នុងប្រទេសអ៊ុយក្រែនវិញ បច្ចុប្បន្នមានចំនួនអ្នកឆ្លងមេរោគសរុបកើនឡើងដល់ 5,710នាក់ និងស្លាប់យ៉ាងតិច 151នាក់៕
សម្លីដែលត្រូវបានប្រើដើម្បីយកវត្ថុវិភាគពីអ្នកជំងឺ គឺត្រូវតែជាប្រភេទសម្លីដែលគ្មានមេរោគ ធ្វើអំពីសម្លីសិប្បនិម្មិត ហើយដងរបស់វាធ្វើអំពីជ័រទន់។ ក្រុមបុគ្គលិកសុខាភិបាលនឹងមិនប្រើប្រាស់សម្លីត្បាល់ត្រចៀកដែលមានផ្ទុកសារធាតុ Calcium alginate ឬដងរបស់វាធ្វើអំពីឈើ ឬជ័ររឹងនោះទេ ដោយសារតែវាអាចធ្វើឱ្យវីរុសប្រែប្រួលស្ថានភាព ឬលែងដំណើរការ ដែលវានឹងប៉ះពាល់ដល់លទ្ធផលនៃការធ្វើតេស្ត ឬធ្វើឱ្យអ្នកជំងឺទទួលរងរបួស។
អ្នកជំនាញនឹងរុញសម្លីនេះដោយថ្នមៗត្រង់ទៅមុខ រហូតដល់វាប៉ះទៅនឹងជញ្ជាំងម្ខាងទៀតនៃក្រអូមមាត់។
បន្ទាប់មក ត្រូវយកវាដាក់ចូលទៅក្នុងបំពង់ផ្ទុកវត្ថុវិភាគ ហើយចុងក្រោយ វានឹងត្រូវបានដាក់នៅក្នុងថង់ដាក់សំណាក ឬវត្ថុវិភាគដើម្បីយកទៅកាន់បន្ទប់ធ្វើតេស្ត។
ក្រៅពីនេះក៏មានវិធីជាច្រើនផ្សេងទៀតដើម្បីយកសំណាក ឬវត្ថុវិភាគរបស់អ្នកជំងឺកូរ៉ូណា ក្នុងនោះក៏មានការយកសំណាកតាមមាត់ផងដែរ។