Author: សឿន សំណាង

  • ក្រុមហ៊ុន RMA Cambodia ប្រារព្ធពិធី ”ប្រគល់​រថយន្ត ​Ford ​ចំនួន​4​គ្រឿង​ និងដាក់ឱ្យដំណើរការកម្មវិធីបណ្តុះបណ្តាលបច្ចេកវិទ្យារថយន្ត Ford” នៅវិទ្យាស្ថានបច្ចេកទេសឧស្សាហកម្ម

    ក្រុមហ៊ុន RMA Cambodia ប្រារព្ធពិធី ”ប្រគល់​រថយន្ត ​Ford ​ចំនួន​4​គ្រឿង​ និងដាក់ឱ្យដំណើរការកម្មវិធីបណ្តុះបណ្តាលបច្ចេកវិទ្យារថយន្ត Ford” នៅវិទ្យាស្ថានបច្ចេកទេសឧស្សាហកម្ម

    កាលពីថ្ងៃទី 31 ខែសីហា ឆ្នាំ 2020 ក្រុមហ៊ុន អ អិម អេ ខេមបូឌា (RMA Cambodia) ដែលជាជាបុត្រសម្ព័ន្ធរបស់ក្រុមហ៊ុន អ អិម អេ គ្រុប (RMA Group) បានប្រារព្ធពិធី “ប្រគល់រថយន្ត Ford ចំនួន4គ្រឿង និងដាក់ឱ្យ​ដំណើរការកម្មវិធីបណ្តុះបណ្តាលបច្ចេកវិទ្យារថយន្ត Ford” ជូនទៅដល់វិទ្យាស្ថានបច្ចេកទេសឧស្សាហកម្ម ក្រោមអធិបតីភាពដ៏ខ្ពង់ខ្ពស់របស់​​ឯកឧត្តម ហុង ជឿន រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ និងឯកឧត្តម W.Patrick Murphy ឯកអគ្គរដ្ឋទូតសហរដ្ឋអាម៉េរិកប្រចាំនៅកម្ពុជា។ មជ្ឈមណ្ឌលបណ្តុះបណ្តាលបច្ចេកទេសរថយន្តFord ជាមជ្ឈមណ្ឌលបណ្តុះបណ្តាលជំនាញបច្ចេកទេសជួសជុល និងថែទាំរថយន្តFord ដែលត្រូវបានបង្កើតឡើងសម្រាប់ប្រើប្រាស់ក្នុងការបណ្តុះបណ្តាលវិជ្ជាជីវៈក្នុងវិទ្យាស្ថានបច្ចេកទេសឧស្សាហកម្ម ដែលមានទីតាំងស្ថិតនៅមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ (ជិតវត្តទឹកថ្លា)។

    ជារៀងរាល់ឆ្នាំ ក្រុមហ៊ុន អ អិម អេ បានចំណាយថវិកាប្រមាណជាង 50ម៉ឺនដុល្លារ សម្រាប់ការវិនិយោគលើការបណ្ដុះបណ្ដាលបច្ចេកទេស និងជំនាញផ្សេងៗដល់បុគ្គលិក និងសិស្សនិស្សិតតាមសាលាបច្ចេកទេសនានា ដើម្បីទទួលបានឱកាសមកសិក្សា និងអនុវត្តន៍ផ្ទាល់ ជាមួយអ្នកឯកទេសរបស់យើងនៅតាមបណ្ដាក្រុមហ៊ុននានាដែលជាបុត្រសម្ព័ន្ធរបស់ក្រុមហ៊ុន អ អិម អេ ខេមបូឌា។

    ការវិនិយោគទៅលើវិស័យធនធានមនុស្សដូចដែលបានរៀបរាប់ខាងលើនេះ​ហើយ​ គឺ​ជាកត្តាជុំរុញឱ្យ​មាន​ការ​បង្កើត​​ឡើងនូវមជ្ឈមណ្ឌលបណ្តុះបណ្តាលបច្ចេកទេសរថយន្តFord ដូច​ថ្ងៃ​នេះ។ នៅក្នុងមជ្ឈមណ្ឌលបណ្តុះបណ្តាលបច្ចេក​ទេសរថយន្តFordនេះ ក្រុមហ៊ុន អ អិម អេ ខេមបូឌា បានធ្វើការឧបត្ថម្ភក្នុងការជួសជុល និងកែលំអររោងជាងទាំងមូល ព្រមទាំងបំពាក់ម៉ាស៊ីនត្រជាក់ សម្ភារ​បច្ចេកទេសសម្រាប់​ជួសជុលរថយន្ត គ្រឿងបរិក្ខារ​សម្រាប់សិក្សា គ្រឿងតុបតែងលំអរ និងបង្កើតកម្មវិធីបណ្ដុះបណ្ដាលជំនាញបច្ចេកទេសនានា សម្រាប់ផ្ដល់ឱកាសដល់សិស្ស និស្សិតសិក្សារៀនសូត្រ ហ្វឹកហាត់ការងារ ដោយអនុវត្ដន៍ផ្ទាល់ជាមួយអ្នកជំនាញបច្ចេកទេស និងគ្រូបង្គោលរបស់ក្រុមហ៊ុន អ អិម អេ តាមរយៈកិច្ចសហប្រតិបតិ្តការរវាងក្រុមហ៊ុន អ អិម អេ និងវិទ្យាស្ថានបច្ចេកទេសឧស្សាហកម្មនៃក្រសួងការងារ និងបណ្ដុះបណ្ដាលវិជ្ជាជីវៈ។

    នៅក្នុងឆ្នាំ2019 ក្រុមហ៊ុន អ អិម អេ បានផ្តល់រថយន្តFord Pickup ចំនួន 1គ្រឿង និងត្រាក់ទ័រ John Deere ចំនួន 1គ្រឿង ជូនដល់វិទ្យាស្ថានបច្ចេកទេសឧស្សាហកម្ម ហើយនេះគ្រាន់តែជាការចាប់ផ្តើមតែប៉ុណ្ណោះ។ ដោយឡែកនៅក្នុងឆ្នាំ2020នេះ ក្រុមហ៊ុន អ អិម អេ ក៏នៅតែបន្តសកម្មភាពនេះដដែល នោះគឺការបន្តប្រគល់រថយន្តFord Pickup ឱ្យ​បានចំនួន 10គ្រឿងជូនវិទ្យាស្ថានជាតិបណ្តុះបណ្តាលបច្ចេកទេស ដែលក្នុងនោះ មានការ​ប្រគល់ជូនវិទ្យាស្ថានបច្ចេកទេសឧស្សាហកម្ម (ITI) ចំនួន 4គ្រឿង វិទ្យាស្ថានជាតិពហុបច្ចេកទេសកម្ពុជា (NPIC) ចំនួន 2គ្រឿង វិទ្យាស្ថានបច្ចេកទេសបាត់ដំបង (BIT) នៅខេត្តបាត់ដំបងចំនួន 2គ្រឿង និងវិទ្យាស្ថានជាតិពហុបច្ចេកទេសអង្គរ(NPIA) នៅខេត្តសៀមរាបចំនួន2គ្រឿង។

    លោក ងន សាំង អគ្គនាយក ក្រុមហ៊ុន អ អិម អេ ខេមបូឌា បានមានប្រសាសន៍ថា៖ “ខ្ញុំជឿជាក់យ៉ាងមុតមាំថា ការផ្តល់នូវរថយន្តFord Pickup បន្ថែមចំនួន4គ្រឿង ការផ្តល់គ្រឿងបរិក្ខារ និងសម្ភារ​បច្ចេកទេសសម្រាប់​ជួសជុលរថយន្ត និងការដាក់ឱ្យ​​ដំណើរការកម្មវិធីបណ្តុះបណ្តាលបច្ចេកវិទ្យារថយន្តFord នៅក្នុងវិទ្យាស្ថានបច្ចេកទេសឧស្សាហកម្មក្នុងថ្ងៃនេះ នឹងធ្វើឱ្យ​មជ្ឈមណ្ឌលបណ្តុះបណ្តាលបច្ចេកទេសរថយន្តFordនេះ ក្លាយទៅជាមជ្ឈមណ្ឌលមួយដែលចូលរួមយ៉ាងសកម្មក្នុងការអភិវឌ្ឍធនធានមនុស្សនៅក្នុងប្រទេសកម្ពុជា ដើម្បីឆ្លើយតបទៅនឹងតម្រូវការទីផ្សារការងារផ្នែកបច្ចេកទេសយានយន្ត”។

    ឯកឧត្តម W.Patrick Murphy ឯកអគ្គរដ្ឋទូតសហរដ្ឋអាម៉េរិកប្រចាំ​កម្ពុជា បានមានប្រសាសន៍ថា៖ “សហរដ្ឋអាម៉េរិកបានដើរតួនាទីយ៉ាងសំខាន់ក្នុងការជម្រុញការនាំចេញមកកាន់ទីផ្សារប្រទេសកម្ពុជា ដើម្បីឱ្យ​មានលំនឹងនៃសេដ្ឋកិច្ច ព្រមទាំងចង់ឱ្យ​ប្រជាជនកម្ពុជាទទួលបានផលិតផល និងសេវាកម្មដែលមានគុណភាពល្អប្រើប្រាស់ ហើយក្នុងនោះដែរក្រុមហ៊ុន អ អិម អេ ខេមបូឌា ក៏បានជួយក្នុងការនាំចូលផលិតផលពីសហរដ្ឋអាម៉េរិកមកកាន់ទីផ្សារប្រទេសកម្ពុជាផងដែរ នោះគឺរថយន្តម៉ាក Ford ដែលមានដើមកំណើតមកពីសហរដ្ឋអាម៉េរិក ដែលជាម៉ាករថយន្តរបស់អាម៉េរិកដែលនាំចូលមកប្រទេសកម្ពុជាច្រើនជាងគេបំផុត។ មិនតែប៉ុណ្ណោះ ក្រុមហ៊ុនFord នៅតែរក្សាស្តង់ដា សុវត្ថិភាព គុណភាព គិតគូរដល់បរិស្ថាន និងមានទំនួលខុសត្រូវក្នុងកិច្ចការសង្គមយ៉ាងខ្ជាប់ខ្ជួន”។

    លើសពីនេះទៅទៀត គម្រោងបង្កើតមជ្ឈមណ្ឌលបណ្តុះបណ្តាលបច្ចេកទេសរថយន្តFord របស់ក្រុមហ៊ុន អ អិម អេខេមបូឌានេះ ក៏ទទួលបានការជ្រោមជ្រែងយ៉ាងខ្លាំងពីសំណាក់ក្រសួងការងារ និងបណ្តុះបណ្តាលវិជ្ជាជីវៈ តាមរយៈវិទ្យាស្ថានបច្ចេកទេសឧស្សាហកម្ម។

    ឯកឧត្តម ហុង ជឿន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា៖ “ ខ្ញុំសូមសម្តែងនូវការដឹងគុណ និងកោតសរសើរចំពោះក្រុមហ៊ុន អ អិម អេ ខេមបូឌា និងសហការីទាំងអស់ ចំពោះការខិតខំប្រឹងប្រែង គាំទ្រ និងសហការយ៉ាងជិតស្និទជាមួយវិទ្យាស្ថានបច្ចេកទេសឧស្សាហកម្មនាពេលកន្លងមក ដើម្បីធ្វើការអភិវឌ្ឍការបណ្តុះបណ្តាលធនធានមនុស្សនៅកម្ពុជា ដែលជាកត្តាសំខាន់បំផុតសម្រាប់ធ្វើការអភិវឌ្ឍ សេដ្ឋកិច្ច សង្គមរបស់ប្រទេសជាតិយើង ហើយខ្ញុំមានជំនឿយ៉ាងមុតមាំថា ក្រុមហ៊ុន អ អិម អេ ខេមបូឌា នៅតែបន្តភាពជាដៃគូនេះមានលក្ខណ​ជាយុទ្ធសាស្រ្ត និងស៊ីជម្រៅថែមទៀតជាមួយនឹងក្រសួងការងារ និងបណ្តុះបណ្តាលវិជ្ជាជីវៈ ដើម្បីជួយដល់យុវជនកម្ពុជាឱ្យ​ទទួលបានឱកាសសិក្សាស្របតាមបច្ចេកវិទ្យាទំនើប និងទទួលបានប្រាក់ចំណូលខ្ពស់”។

    ក្រៅពីការវិនិយោគទៅលើការបណ្តុះបណ្តាលធនធានមនុស្ស ក្រុមហ៊ុន អ អិម អេ ក៏បានចូលរួមយ៉ាងសកម្មក្នុងសកម្មភាពមនុស្សធម៌ និងកិច្ចការសង្គមនានា ដូចជា ការផ្តល់មួកសុវត្ថិភាព ការសម្អាតទីក្រុង ការដាំកូនឈើ ការសាងសង់សាលារៀន បណ្ណាល័យ អណ្ដូងទឹកស្អាត ការផ្ដល់បង់អង្គុយ និងធុងសំរាមនៅតាមសួនច្បារសាធារណៈ ការបរិច្ចាគឈាម និងការផ្ដល់មូលនិធិគាំពារដល់មន្ទីរពេទ្យកុមារគន្ធបុប្ផា កម្មវិធី Ford Driving Skills For Life ដែលជាកម្មវិធីបើកវគ្គបណ្តុះបណ្តាលទាក់ទងនឹងការបើកបរ និងប្រព័ន្ធគ្រប់គ្រងសុវត្ថិភាព។ មិនតែប៉ុណ្ណោះក្រុមហ៊ុន អ អិម អេ ក៏បានផ្តល់អាហារូបករណ៏ដល់និស្សិតនៃសាកលវិទ្យាល័យវិទ្យាសាស្រ្តសុខាភិបាលសម្រាប់ធ្វើការហាត់ការនៅប្រទេសបារាំងផលដែរ ហើយចំនួនសិស្ស និស្សិតដែលយើងធ្លាប់បានផ្តល់អាហារូបករណ៍ជូននោះមានចំនូន 125នាក់ក្នុងឆ្នាំ2018 និងកើនឡើងរហូតដល់ 213នាក់ក្នុងឆ្នាំ2019៕

  • វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!

    វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!

    ក្រុមហ៊ុន សាមសុង ផ្តល់ជូននូវភាពភ្ញាក់ផ្អើលជាលើកទី ២ សម្រាប់វត្តមានកំពូលស្មាតហ្វូនអេក្រង់បត់ Samsung Galaxy Z Fold 2!!

    (ភ្នំពេញ) ថ្ងៃទី ០២ ខែកញ្ញា ឆ្នាំ ២០២០៖ ស្ទើរតែជុំវិញពិភពលោកសុទ្ធតែបានរំពឹងទុកថានឹងបានឃើញកំពូលស្មាតហ្វូនអេក្រង់បត់ Samsung Galaxy Z Fold 2 ដ៏ល្អឯកធ្វើការបង្ហាញបង្អួតខ្លួនក្នុងមហាព្រឹត្តិការណ៍ដាក់បង្ហាញរូងរាងពិតនៃអធិរាជមហាអំណាចស្មាតហ្វូនប៊ិក Samsung Galaxy Note 20 និង Galaxy Note 20 Ultra កាលពីខែសីហា ឆ្នាំ ២០២០ កន្លងទៅនេះ…!

    វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!ក្រោយពីសំងំដុសខាត់…កែប្រែឱ្យកាន់តែប្រសើរ…អភិវឌ្ឍថ្មីបន្ថែមឱ្យកាន់តែឡូយ…និងការច្នៃប្រឌិតខ្ពស់ឱ្យកាន់តែល្អ ថ្ងៃនេះក្រុមហ៊ុន សាមសុង បានធ្វើការដាក់បង្ហាញជាផ្លូវការនូវកំពូលស្មាតហ្វូនដែលមានអេក្រង់បត់បានដ៏អស្ចារ្យ និងទាក់ទាញជាទីបំផុតដល់ពិភពលោក និងជូនអតិថិជនរបស់ខ្លួនហើយ…!!

    វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!តួយ៉ាងថ្ងៃនេះក្រុមហ៊ុនសាខាថៃ សាមសុង អេឡិចត្រូនិចប្រចាំព្រះរាជាណាចក្រកម្ពុជាមិនបានបង្អង់យូរដោយបានធ្វើការអញ្ជើញអ្នកសារព័ត៌មាន និងអ្នកថតរូបអាជីពជាច្រើនរូបដើម្បីចូលរួមជាសាក្សីនៃកំពូលមហាព្រឹត្តិការណ៍លើកទី ២ នេះដើម្បីផ្តិតយកនូវរូបរាងពិតដ៏ទាក់ទាញ, លក្ខណៈពិសេសគ្មានគូប្រៀប, រចនាបថ, ពណ៌, ក៏ដូចជាតម្លៃពិតប្រាកដក្នុងទីផ្សារប្រទេសកម្ពុជាយើង ដែលប្រព្រឹត្តទៅនៅអគារ THE BRIDGE Commercial Retail Mall ។

    វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!អ្វីដែលធ្វើឱ្យ Samsung Galaxy Z Fold 2 ទាក់ទាញចំណាប់អារម្មណ៍អ្នកប្រើប្រាស់ស្មាតហ្វូនជំនាន់ថ្មីខ្លាំងបំផុតនោះគឺលើកនេះ Samsung Galaxy Z Fold 2 ត្រូវបានរចនាឡើងយ៉ាងល្អបំផុត…ផ្ចិតផ្ចង់បំផុត…និងកាន់តែអស្ចារ្យបំផុត…ដោយបំពាក់អេក្រង់ធំជាងមុន…មានរាងស្តើងជាងមុន…អេក្រង់ភ្លឺច្បាស់ជាងមុន កម្លាំងម៉ាស៊ីនខ្លាំងជាងមុន និងថាមពលថ្មធំជាងមុន…!!

    លោកខ្លូត ពិសិដ្ឋ ប្រធានគ្រប់គ្រងផ្នែកផលិតផលទូរស័ព្ទដៃនៃក្រុមហ៊ុន សាខាថៃ សាមសុង អេឡិចត្រូនិច ប្រចាំព្រះរាជាណាចក្រកម្ពុជាបានបញ្ជាក់យ៉ាងច្បាស់ថា៖ “លើកនេះភាពអស្ចារ្យយ៉ាងច្រើនសម្បូរបែប និងពិសេសអស្ចារ្យបំផុតដែលនឹកស្មានមិនដល់នឹងត្រូវលាតត្រដាងយ៉ាងច្បាស់ក្នុងរបកគំហើញថ្មីជាមួយនឹងបច្ចេកវិទ្យាទំនើបចុងក្រោយលើ Samsung Galaxy Z Fold 2 ! ហើយក្រុមហ៊ុន សាមសុង ជឿជាក់យ៉ាងច្បាស់ថា អតិថិជនដែលកំពុងទន្ទឹងរង់ចាំវត្តមាននូវកំពូលស្មាតហ្វូនអេក្រង់បត់ដែលពោរពេញដោយឧត្តមភាព និងភាពទាន់សម័យបំផុតនេះពិតជាពេញចិត្ត និងមិនខកបំណងជាមួយ Samsung Galaxy Z Fold 2 ឡើយ! ”

    Samsung Galaxy Z Fold 2 នឹងដាក់ឱ្យកម្ម៉ង់ទិញទុកមុន (Pre-order) ចាប់ពី ថ្ងៃទី០២ ដល់ថ្ងៃទី ១១ ខែកញ្ញា ២០២០ ជាមួយនឹងការថែមជូនដ៏ពិសេសបំផុតដូចជា៖
    – ថែមជូនកាសឥតខ្សែ Galaxy Buds Live
    – បញ្ចុះតម្លៃ 50% ពេលប្តូរអេក្រង់ថ្មី (រយៈពេល 1 ឆ្នាំចាប់គិតពីថ្ងៃជាវ)!
    – ស៊ីមស្មាតលេខពិសេសតម្លៃ 129 ដុល្លារ ជាមួយគម្រោងស្មាតចំនួន 52 សប្តាហ៍!

    វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!រួសរាន់ឡើង…! ប្រញាប់អញ្ជើញទៅហាងដែលមានស្លាកសញ្ញា (Pre-order) ដែលនៅជិតលោកអ្នកបំផុតឥឡូវនេះភ្លាមទៅ…ថាមិនត្រូវខ្លាចក្រែងថាដាច់ស្តុកមុនកំណត់ទៀតក៏ថាបានណ៎ា…!!

    សម្រាប់អតិថិជនដែលបានកម្ម៉ង់ទុកមុន(Pre-order) និងទទួលបានទូរស័ព្ទនៅថ្ងៃទី18 ដល់24 ខែកញ្ញា 2020។
    * លក្ខខណ្ឌផ្សេងៗត្រូវបានអនុវត្ត

  • ស្ថានភាពគ្រួសាររបស់ Elon Musk៖ ឪពុកមាន IQ ស្មើនឹងអ្នកប្រាជ្ញ ម្ដាយគឺជាកំពូលតារាម៉ូដែល ចំណែកប្អូនៗសុទ្ធតែជាសេដ្ឋី

    ស្ថានភាពគ្រួសាររបស់ Elon Musk៖ ឪពុកមាន IQ ស្មើនឹងអ្នកប្រាជ្ញ ម្ដាយគឺជាកំពូលតារាម៉ូដែល ចំណែកប្អូនៗសុទ្ធតែជាសេដ្ឋី

    លោក Elon Musk គឺជាកំពូលមហាសេដ្ឋីពិភពលោកលំដាប់ទី3 ដោយមានទ្រព្យសរុប 115ពាន់លានដុល្លារ ប៉ុន្តែ Elon Musk មិនមែនជាមនុស្សតែម្នាក់គត់ក្នុងគ្រួសារ ដែលមានភាពជោគជ័យក្នុងមុខជំនួញ និងភាពល្បីល្បាញនៃកេរ្តិ៍ឈ្មោះនោះឡើយ តែសមាជិកគ្រួសាររបស់មហាសេដ្ឋីរូបនេះ សុទ្ធតែជាមនុស្សអស្ចារ្យ។

    លោក Elon Musk កើតនៅអាហ្វ្រិកខាងត្បូង ក្រោយមកក៏បានទៅរស់នៅក្នុងប្រទេសកាណាដា រួចហើយក៏ទៅតាំងទីលំនៅនៅក្នុងរដ្ឋ California សហរដ្ឋអាមេរិក។

    លោក Errol Musk ជាឪពុករបស់លោក Elon Musk

    លោក Errol Musk ដែលជាឪពុករបស់ Elon Musk គឺជាវិស្វករម្នាក់មកពីប្រទេសអាហ្វ្រិកខាងត្បូង។ យោងតាមលោក Elon Musk លោក Errol មានពិន្ទុនៃភាពវៃឆ្លាត (IQ/Intelligence Quotient) ស្មើនឹងអ្នកប្រាជ្ញ និងជាមនុស្សដែលមានវ័យនៅក្មេងបំផុតដែលទទួលបានវិញ្ញាបនបត្រវិស្វករជំនាញនៅអាហ្វ្រិកខាងត្បូង។

    ពេលនៅក្មេង លោក Elon Musk បានទៅរស់នៅជាមួយឪពុក ក្រោយពីម្ដាយនិងឪពុកបានលែងលះគ្នា។ កាលណោះ លោក Errol កំពុងធ្វើការនៅក្នុងវិស័យសំណង់ និងរុករកត្បូងមរកត។ ឆ្នាំ2018 លោក Errol បានធ្វើឱ្យមនុស្សជាច្រើនមានការភ្ញាក់ផ្អើល នៅពេលបានបង្ហើបឱ្យដឹងថា លោកមានកូនម្នាក់ជាមួយនឹងកូនស្រីដោយឡែកនៃអតីតភរិយារបស់គាត់។

    ទំនាក់ទំនងរវាងលោក Elon Musk និងឪពុករបស់ខ្លួនមិនមានភាពល្អប្រសើរទេ។ CEO របស់ Tesla ធ្លាប់បាននិយាយថា ឪពុករបស់លោកគឺជាមនុស្សអាក្រក់។ លោក Elon ថ្លែងថា៖ “អ្នកមិនអាចស្រមៃឃើញនូវប្រការអាក្រក់បំផុត។ គាត់បានបង្កកំហុសឆ្គងស្ទើរតែទាំងអស់នៃអ្វីដែលអ្នកអាចគិតឃើញ”។

    Maye Musk ជាម្ដាយរបស់លោក Elon Musk

    អ្នកស្រី Maye Musk គឺជាតារាម៉ូដែល និងជាអ្នកជំនាញផ្នែកអាហារូបត្ថម្ភ។ អ្នកស្រីបានធ្វើជាអ្នកដើរម៉ូតចាប់ទីអាយុ15ឆ្នាំ និងធ្លាប់បង្ហាញខ្លួននៅលើប្រអប់ផលិតផលគ្រាប់ធញ្ញជាតិ Special K ក៏ដូចជាទំព័រមុខរបស់ទស្សនវដ្ដី Time។ អ្នកស្រីក៏ធ្លាប់បានចូលរួមសម្ដែងនៅក្នុងព្រឹត្តិការណ៍បង្ហាញម៉ូដជាច្រើននៅទីក្រុង New York។

    ស្ថានភាពគ្រួសាររបស់ Elon Musk៖ ឪពុកមាន IQ ស្មើនឹងអ្នកប្រាជ្ញ ម្ដាយគឺជាកំពូលតារាម៉ូដែល ចំណែកប្អូនៗសុទ្ធតែជាសេដ្ឋីឆ្នាំ2017 ក្នុងវ័យ69ឆ្នាំ អ្នកស្រី Maye Musk បានក្លាយជាអ្នកនាំពាក្យរបស់ក្រុមហ៊ុនផលិតគ្រឿងសម្អាង CoverGirl។ ក្រោយពីបានលែងលះជាមួយនឹងលោក Errol Musk អ្នកស្រីក៏បាននាំកូនៗចំនួន3នាក់ទៅរស់នៅក្នុងប្រទេសកាណាដា និងបានចាប់ផ្ដើមរកស៊ីក្នុងនាមជាអ្នកឯកទេសផ្នែកអាហារូបត្ថម្ភ។

    Kimbal Musk ប្អូនប្រុសរបស់ Elon Musk

    លោក Kimbal Musk បច្ចុប្បន្នគឺជាស្ថាបនិកនៃក្រុមហ៊ុនចំនូន3ដែលរកស៊ីខាងអាហារ រួមមានក្រុមហ៊ុន The Kitchen Restaurant Group អង្គការមិនស្វែងរកកម្រៃដែលមានឈ្មោះថា Big Green និងក្រុមហ៊ុន Square Roots ដែលជាក្រុមហ៊ុនកសិកម្មក្នុងទីក្រុង។

    ដូចលោក Elon លោក Kimbal ក៏បានធ្វើដំណើរតាមម្ដាយនិងបងប្អូន ទៅកាន់ប្រទេសកាណាដាដើម្បីបង្កើតជីវភាពថ្មី។ ពួកគេបាននាំគ្នាបង្កើតក្រុមហ៊ុន Zip2 ដែលក្រោយមក ក្នុងពីឆ្នាំ1999 ក៏ត្រូវបានលក់ក្នុងតម្លៃ307លានដុល្លារ។ Kimbal ក៏បានវិនិយោគទៅលើ PayPal ហើយបច្ចុប្បន្ន លោកគឺជាសមាជិកម្នាក់នៃក្រុមប្រឹក្សាភិបាលរបស់ក្រុមហ៊ុន Tesla និង SpaceX ផងដែរ។

    Tosca Musk ប្អូនស្រីរបស់ Elon Musk

    Tosca Musk បានចូលប្រលូកក្នុងវិស័យផលិតភាពយន្តចាប់ពីឆ្នាំ2001 ហើយមកដល់ពេលនេះ នាងមានស្នាដៃដល់ទៅ30រឿងឯណោះ។ បច្ចុប្បន្ន នាងTosca Musk ក៏ជាសហស្ថាបនិក និងជា CEO របស់ក្រុមហ៊ុន Passionflix ដែលផ្ដល់សេវាកម្មចាក់ផ្សាយខ្សែភាពយន្តដែលត្រូវបានប្ដូរទម្រង់ពីប្រលោមលោកបែបមនោសញ្ចេតនា។

    ស្ថានភាពគ្រួសាររបស់ Elon Musk៖ ឪពុកមាន IQ ស្មើនឹងអ្នកប្រាជ្ញ ម្ដាយគឺជាកំពូលតារាម៉ូដែល ចំណែកប្អូនៗសុទ្ធតែជាសេដ្ឋីនាងបានបង្កើតក្រុមហ៊ុននេះតាំងពីឆ្នាំ2016 និងទាក់ទាញបានទុនវិនិយោគចំនួន4លានដុល្លារអាមេរិក។ ទ្រព្យសម្បត្តិសរុបរបស់ Tosca Musk មានប្រមាណជា169លានដុល្លារ៕

    ក្រៅពីនេះ Elon Musk ក៏មានមានប្អូនជីដូនមួយជាច្រើននាក់ដែលរកស៊ីមានបានផងដែរ និងជោគជ័យផងដែរ ដែលក្នុងនោះមានដូចជា៖

    1.លោក Lyndon Rive ជាសហស្ថាបនិកនៃក្រុមហ៊ុន Everdream ដែលបានលក់ឱ្យ Dell ក្នុងតម្លៃ120លានដុល្លារ និង ធ្លាប់ជាសហស្ថាបនិក និងជា CEO របស់ក្រុមហ៊ុន SolarCity រហូតដល់ក្រុមហ៊ុនត្រូវបាន Tesla ទិញកាលពីឆ្នាំ2016ក្នុងតម្លៃ2.6ពាន់លានដុល្លារ។

    លោក Lyndon Rive

    2.លោក​ Peter Rive ដែលជាបងជីដូនមួយរបស់ Elon Musk គឹជាសហស្ថាបនិក និងជាប្រធានផ្នែកបច្ចេកវិទ្យារបស់ SolarCity។ Lyndon និង Peter បានចូលរួមធ្វើការឱ្យ Zola Electric ដែលជាក្រុមហ៊ុនផ្គត់ផ្គង់ថាមពលស្អាត និងតម្លៃទាបនៅអាហ្វ្រិក។

    លោក​ Peter Rive

    3.លោក Russ Rive ដែលជាបងជីដូនមួយរបស់ Elon Musk។ លោកគឺជាស្ថាបនិកក្រុមហ៊ុន SuperUber ដែលធ្វើការផ្នែកសិល្បៈ បច្ចេកវិទ្យា ស្ថាបត្យកម្ម និងការរចនាបែបច្នៃប្រឌិត។ លោកក៏ជាសហស្ថាបនិកនៃក្រុមហ៊ុន Everdream ផងដែរ។

    លោក Russ Rive

    4.នាង​ Almeda Rive ដែលជាប្អូនស្រីរបស់ Russ, Peter និង Lyndon និងត្រូវជាជីដូនមួយរបស់លោក Elon។ យោងតាម Vanity Fair នាង Almeda គឺជាអត្តពលិកផ្នែកប្រណាំងម៉ូតូលក្ខណៈគ្រួសារ។

    នាង​ Almeda Rive

    នាង Almeda Rive ធ្លាប់ធ្វើការនៅក្នុងវិស័យលក់ដូរក្នុងក្រុមហ៊ុន SolarCity ផងដែរ៕

    ប្រភព៖ BI

  • អ្នកស្រុកចិន រួមគ្នាបន្ទោស “ផ្សារវូហាន” លបលួចលក់កង្កែបព្រៃ ព្រោះបារម្ភ ខ្លាចកើតមានវីរុសមរណៈ រាលដាលម្ដងទៀត

    អ្នកស្រុកចិន រួមគ្នាបន្ទោស “ផ្សារវូហាន” លបលួចលក់កង្កែបព្រៃ ព្រោះបារម្ភ ខ្លាចកើតមានវីរុសមរណៈ រាលដាលម្ដងទៀត

    របាយការណ៍របស់ក្រុមសារព័ត៌មានអន្តរជាតិអំពីរឿងរ៉ាវ “ផ្សារលក់ម្ហូបស្រស់វូហាន កំពុងលក់កង្កែបព្រៃ” បានក្លាយជាប្រធានបទក្ដៅគគុកនៅលើបណ្ដាញសង្គមអនឡាញ វេយបូ ដោយមានអ្នកចូលអានច្រើនជាង 170លានដង។

    របាយការណ៍នោះបាននិយាយថា អ្នកទីក្រុងវូហាន បានប្រទះឃើញអ្នកលក់នៅក្នុងផ្សារ ធៀនឆឹងចៀ លបលួចលក់សត្វកង្កែបព្រៃ តម្លៃក្នុង 1គីឡូក្រាម 50-60យន់(ប្រមាណជា 8-10ដុល្លារអាមេរិក)។

    https://youtu.be/_0u88BYfuLw

    អ្នកលេងបណ្ដាញសង្គមជនជាតិចិនជាច្រើន បានសម្ដែងក្ដីកង្វល់ និងមិនសប្បាយចិត្តយ៉ាងខ្លាំង ចំពោះទង្វើបែបនោះ និងបានទាមទារឱ្យរដ្ឋបាលក្នុងតំបន់ដំណើរការតាមច្បាប់យ៉ាងម៉ឺងម៉ាត់ចំពោះរឿងនេះ។

    អាជ្ញាធររដ្ឋបាលវូហាន បានធ្វើការត្រួតពិនិត្យ និងបានទទួលស្គាល់ថា បានដឹងតម្រុយខ្លះៗហើយថា មានការលបលួចលក់សត្វកង្កែបព្រៃនេះពិតមែន និងកំពុងស្ថិតក្នុងដំណាក់កាលស៊ើបសួរ ដើម្បីដំណើរការតាមនិតិវិធីច្បាប់ទៅលើអ្នកដែលល្មើសច្បាប់ទាំងនោះជាបន្ត។

    ការឆ្លងរាលដាលរបស់វីរុសកូរ៉ូណាប្រភេទថ្មី ឬកូវីដ-19 ដែលគេនាំគ្នាជឿយ៉ាងទូលំទូលាយថា បណ្ដាលមកពីសត្វព្រៃនោះ ធ្វើឱ្យសភានិតិបញ្ញត្តិនៃប្រទេសចិន សម្រេចចិត្តចេញច្បាប់ហាមឃាត់ការហូបសត្វព្រៃ ទូទាំងប្រទេសជាស្ថាពរ តាំងពីខែកុម្ភៈ ដើមឆ្នាំ2020 មក។

    គណៈកម្មាធិការប្រចាំការ នៃសភាតំណាងប្រជាជនចិន បានជូនដំណឹងយ៉ាងច្បាស់លាស់ថា ច្បាប់ហាមហូបសត្វព្រៃថ្មីនេះ គ្របដណ្ដប់លើសត្វព្រៃគ្រប់ប្រភេទដែលស្ថិតក្នុងបញ្ជីឈ្មោះសត្វ ដែលបានទទួលការឃុំគ្រងក្នុងច្បាប់ឃុំគ្រងសត្វព្រៃ(Wild Animal Protection Law) ច្បាប់ដែលកំពុងដាក់ប្រើ ឬច្បាប់ផ្សេងៗ និងសត្វព្រៃលើគោកគ្រប់ប្រភេទ រួមទាំងសត្វព្រៃនៅក្នុងមណ្ឌលបង្កាត់ពូជចិញ្ចឹម និងកសិដ្ឋានផងដែរ។

    ច្បាប់ហាមហូបសត្វព្រៃច្បាប់ថ្មី ដែលបានដាក់ឱ្យប្រើភ្លាមៗនេះ បានបញ្ជាក់ពីទោសទណ្ឌធ្ងន់ធ្ងរសម្រាប់ការប្រមាញ់ ការលក់ដូរ និងការដឹកជញ្ជូនសត្វព្រៃ ដែលមានក្នុងបញ្ជីឈ្មោះនៅក្នុងច្បាប់ឃុំគ្រងថ្មីដែលកំពុងដាក់ឱ្យប្រើ។ ទាំងអស់នេះ ការប្រមាញ់ ការលក់ដូរ និងការដឹកជញ្ជូនសត្វព្រៃលើគោក ដែលមានគោលបំណង ដើម្បីការបរិភោគ គឺជា “ការហាមឃាត់ថ្មី”៕

    ប្រភព៖ សារព័ត៌មានបរទេស

     

     

     

  • 1/10 នៃប្រជាជនសរុបរបស់ពិភព​លោក​ នឹង​ជួប​គ្រោះ​អត់​ឃ្លាន ព្រោះតែ COVID-19

    1/10 នៃប្រជាជនសរុបរបស់ពិភព​លោក​ នឹង​ជួប​គ្រោះ​អត់​ឃ្លាន ព្រោះតែ COVID-19

    អង្គការ Oxfam International បានគណនាឃើញថា រហូតដល់ចុងឆ្នាំ2020នេះ ប្រជាជនប្រមាណជា12,000នាក់នឹងស្លាប់ជារៀងរាល់ថ្ងៃព្រោះតែភាពអត់ឃ្លាន ដោយសារឥទ្ធិពលពីCOVID-19 ដែលតួលេខនេះច្រើនជាងចំនួនអ្នកជំងឺដែលបានស្លាប់ដោយសារវីរុសនេះទៅទៀត។

    យោងតាមសារព័ត៌មាន Bloomberg ពិភពលោកជិតនឹងត្រូវប្រឈមនឹងគ្រោះទុរភិក្សដ៏អាក្រក់បំផុតមិនធ្លាប់មានពីមុនមក ដោយសារតែវីរុស COVID-19។ របាយការណ៍ថ្មីបំផុតរបស់អង្គការស្បៀនអាហារនិងកសិកម្មនៃអង្គការសហប្រជាជាតិ (FAO) មូលនិធិកុមារនៃអង្គការសហប្រជាជាតិ (UNICEF) កម្មវិធីស្បៀនអាហារពិភពលោក (WFP) រួមនឹងអង្គការសុខភាពពិភពលោក បានបង្ហាញថា បច្ចុប្បន្នមានពលរដ្ឋជិត690លាននាក់នៅទូទាំងពិភពលោក ដែលភាគច្រើននៅអាស៊ី កំពុងធ្លាក់ទៅក្នុងស្ថានភាពខ្វះខាតស្បៀងអាហារ។ តួលខនេះគឺប្រហាក់ប្រហែលនឹង8.9% នៃប្រជាជនសរុបរបស់ពិភពលោក និងច្រើនជាង10លាននាក់ បើធៀបនឹងដំណាក់កាលដូចគ្នាកាលពីឆ្នាំមុន។

    ក៏ប៉ុន្តែ តួលេខខាងលើនេះ នៅមិនទាន់បានរាប់បញ្ចូលទាំងការខ្វះខាតស្បៀងអាហារដែលកើតឡើងដោយសារវីរុសCOVID-19នៅឡើយ។ មហារោគរាតត្បាត COVID-19 អាចបណ្ដាលឱ្យមនុស្សប្រមាណជា132លាននាក់ធ្លាក់ទៅក្នុងស្ថាភាពអត់ឃ្លាន។ ដូច្នេះ ជាសរុប មានមនុស្សដល់ទៅ822លាននាក់ ដែលស្មើនឹង10.6% នៃចំនួនប្រជាជនសរុប ត្រូវប្រឈមនឹងគ្រោះទុរភិក្ស។

    1/10 នៃប្រជាជនសរុបរបស់ពិភពលោក នឹង “ស្លាប់ដោយសារឃ្លាន” ព្រោះតែ COVID-19មហារោគរាតត្បាត COVID-19 កំពុងតែធ្វើឱ្យការផ្គត់ផ្គង់ស្បៀងអាហារត្រូវយឺតយ៉ាវ ព្រមទាំងបាននិងកំពុងបំផ្លិចបំផ្លាញសេដ្ឋកិច្ច ក៏ដូចជាកាត់បន្ថយលំហូរសាច់ប្រាក់នៅក្នុងសង្គម។ របាយការណ៍មួយចំនួនថែមទាំងបានឱ្យដឹងថា នៅចុងឆ្នាំនេះ តួលេខអ្នកស្លាប់ដោយសារគ្រោះអត់ឃ្លានគ្មានស៊ីដែលកើតឡើងជារៀងរាល់ថ្ងៃព្រោះតែរោគរាតត្បាត នឹងច្រើនជាតួលេខអ្នកស្លាប់ដោយសារបានឆ្លងវីរុសCOVID-19នេះទៅទៀត។

    ពីមួយថ្ងៃទៅមួយថ្ងៃ មានប្រជាជនកាន់តែច្រើនឡើងៗ ដែលត្រូវការជំនួយពីធនាគារស្បៀងអាហារ (Food Bank) និងអង្គការមនុស្សធម៌នានា។

    របាយការណ៍របស់ FAO ឱ្យដឹងថា មនុស្សប្រមាណជា2ពាន់លាននាក់ក្នុងពិភពលោក បច្ចុប្បន្នមិនមានស្បៀងអាហារ ឬប្រភពផ្គត់ផ្គង់សារជាតិបំប៉នចាំបាច់គ្រប់គ្រាន់។ អង្គការនេះព្រមានថា ដល់ឆ្នាំ3030 តួលេខនៃប្រជាជនដែលធ្លាក់ទៅក្នុងស្ថានភាពហូបមិនគ្រប់គ្រាន់នឹងកើនលើសពី840លាននាក់។

    1/10 នៃប្រជាជនសរុបរបស់ពិភពលោក នឹង “ស្លាប់ដោយសារឃ្លាន” ព្រោះតែ COVID-19អង្គការ Oxfam International បានគណនាឃើញថា រហូតដល់ចុងឆ្នាំនេះ ប្រជាជនប្រមាណជា12,000នាក់នឹងស្លាប់ជារៀងរាល់ថ្ងៃ ព្រោះតែភាពអត់ឃ្លានដោយសារបានទទួលឥទ្ធិពលពីCOVID-19 ដែលតួលេខនេះច្រើនជាងចំនួនអ្នកជំងឺដែលបានស្លាប់ដោយសារវីរុសនេះទៅទៀត។

    សារព័ត៌មាន Bloomberg បានរាយការណ៍ថា COVID-19 កំពុងបង្ហាញឱ្យឃើញកាន់តែច្បាស់អំពីគម្លាតរវាងអ្នកមាននិងអ្នកក្រនៅក្នុងសង្គម នៅពេលដែលអ្នកក្រ “ហូបមិនគ្រប់គ្រាន់” ចំណែកអ្នកមានវិញ “កាន់តែមានឡើងៗ” បើទោះជាត្រូវប្រឈមនឹងCOVID-19ដូចគ្នា។ កម្មកររាប់លាននាក់ត្រូវបាន “រុញច្រាន” ឱ្យចេញទៅផ្លូវ និងមិនមានប្រាក់ចំណូលសម្រាប់ចិញ្ចឹមគ្រួសារ បើទោះជារដ្ឋាភិបាលនានា បាននិងកំពុងប្រើប្រាស់ខ្ទង់ប្រាក់សម្រាប់ជំនួយរាប់លានលានដុល្លារដើម្បីសង្គ្រោះសេដ្ឋកិច្ចក៏ដោយ។ ប្រការដែលធ្វើឱ្យគេ “យំមិនចេញ” នោះគឺថា មូលបត្ររបស់ប្រទេសជាច្រើនបន្តឈានឡើងដល់ចំណុចកំពូលក្រោយពីរដ្ឋាភិបាលបានបញ្ចេញកញ្ចប់ថវិកាជំនួយ រីឯប្រជាជនទីទាល់ក្រក៏នៅតែស្លាប់ដោយសារភាពអត់ឃ្លាតជារៀងរាល់ថ្ងៃដដែល៕

    ប្រភព៖ Bloomberg

  • Elon Musk “យកឈ្នះ”​ លើ​ Mark Zuckerberg ហើយបានក្លាយជាអ្នកមានជាងគេលំដាប់ទី3ក្នុងពិភពលោក

    Elon Musk “យកឈ្នះ”​ លើ​ Mark Zuckerberg ហើយបានក្លាយជាអ្នកមានជាងគេលំដាប់ទី3ក្នុងពិភពលោក

    មូលបត្រ Tesla បានកើនឡើង12% ដែលនេះបានជួយឱ្យ Elon Musk រកបានប្រាក់ជិត12ពាន់លានដុល្លារបន្ថែមទៀត បន្ទាប់ពីការជួញដូររយៈពេល24ម៉ោង កាលពីដំណាច់ខែសីហា។

    CEO របស់ Tesla លោក Elon Musk កាលពីថ្ងៃទី31សីហា បានលោតរំលងម្ចាស់ Facebook លោក Mark Zuckerberg នៅលើតារាងចំណាត់ថ្នាក់នៃក្រុមអ្នកមានបំផុតរបស់ពិភពលោក ដោយសារមូលបត្រ Tesla កើនឡើងជាង12%។ លោក Musk បច្ចុប្បន្នមានទ្រព្យចំនួន115.4ពាន់លានដុល្លារ ខ្ពស់ជាងច្រើនបើធៀបនឹង110.8ពាន់លានដុល្លាររបស់លោក Zuckerberg ដែលជាម្ចាស់ Facebook។ ក្នុងការជួញដូរក្នុងផ្សារមូលបត្រកាលពីម្សិលមិញ លោក Musk រកបានប្រាក់ដល់ទៅ11.7ពាន់លានដុល្លារ។ នេះបើតាម Bloomberg Billionaires Index។

    គិតចាប់ពីដើមឆ្នាំ2020នេះ លោក Musk រកបានរហូតដល់87.8ពាន់លានដុល្លារ ដោយសារមូលបត្រ Tesla កើនឡើងជិត500%។ បើសិនជាបានជួយឱ្យក្រុមហ៊ុនសម្រេចបានគោលដៅដែលក្រុមប្រឹក្សាភិបាលបានដាក់ចេញ នោះ Musk នឹងទទួលបានជាង50ពាន់លានដុល្លារបន្ថែមទៀត។

    ទុនរបស់ Tesla ដែលបច្ចុប្បន្នមានតម្លៃ464ពាន់លានដុល្លារ រកបានចំណូលច្រើនជាង Walmart ដែលជាក្រុមហ៊ុនលក់រាយធំបំផុតនៅសហរដ្ឋអាមេរិកទៅទៀត។ កាលពីសប្ដាហ៍មុន លោក Musk ក៏មានឈ្មោះនៅក្នុងចំណោមក្រុមមនុស្សដែលមានទ្រព្យសម្បត្តិច្រើនជាងរយពាន់លានដុល្លារ ដែលក្នុងនោះរួមមាន លោក Jeff Bezon (ម្ចាស់ Amazon) លោក Bill Gates (សហស្ថាបនិករបស់ Microsoft) និង Mark Zuckerberg (ស្ថាបនិករបស់ Facebook)។

    អ្នកមានជាងគេបង្អស់ក្នុងពិភពលោកនាបច្ចុប្បន្ន នៅតែជា Bezos ដោយមានទ្រព្យសម្បត្តិសរុបឡើងដល់ 202ពាន់លានដុល្លារ។ លោក Bill Gates ឈរលំដាប់ទី2 ជាមួយនឹងទ្រព្យសរុប 125ពាន់លានដុល្លារ៕

    ប្រភព៖ Bloomberg

  • មានទ្រព្យ125ពាន់លានដុល្លារ តើលោក Bill Gates ទុកប្រាក់ទាំងនោះនៅទីណាខ្លះ?

    មានទ្រព្យ125ពាន់លានដុល្លារ តើលោក Bill Gates ទុកប្រាក់ទាំងនោះនៅទីណាខ្លះ?

    តើអ្នកនឹងធ្វើអ្វីខ្លះជាមួយនឹងប្រាក់កាសរបស់ខ្លួន នៅពេលក្លាយជាអ្នកមានលំដាប់ទី2ក្នុងពិភពលោក?

    ក្នុងពេលបច្ចុប្បន្ន លោក Bill Gates មានទ្រព្យសរុបចំនួន125ពាន់លានដុល្លារអាមេរិក ដែលប្រភពចំណូលរបស់គាត់ ភាគច្រើនបានមកពីក្រុមហ៊ុន Microsoft។ ឆ្នាំ2014 លោក Gates បានលាលែងពីតំណែងប្រធានក្រុមហ៊ុននេះ ប៉ុន្តែ នៅតែកាន់កាប់ភាគហ៊ុនចំនួន1.34% នៅក្នុងក្រុមហ៊ុនដែលខ្លួនបានបង្កើតឡើង។

    មានមនុស្សជាច្រើន ឆ្ងល់ថា មានទ្រព្យច្រើនយ៉ាងនេះ តើលោកទុកវានៅទីណា? ចម្លើយគឺថា លោករក្សាទុកនៅក្នុងខ្ទង់វិនិយោគ និងសកម្មភាពជំនួញ។ល។ ខាងក្រោមនេះគឺជា “ទីកន្លែង” មួយចំនួនដែលលោក Bill Gates កំពុងរក្សាទ្រព្យរបស់ខ្លួន៖

    1.វិនិយោគទៅលើក្រុមហ៊ុនផ្សេងៗ

    ទ្រព្យសម្បត្តិភាគច្រើនរបស់លោក Gates ត្រូវបានកាន់កាប់ដោយ Cascade Investment LLC ដែលជាក្រុមហ៊ុនមួយត្រូវបានគ្រប់គ្រងដោយលោក Bill Gates ដើម្បីចាត់ចែងខ្ទង់វិនិយោគនានាលោក។ ថ្វីបើមិនមែនជាក្រុមហ៊ុនសាធារណៈ (Publicly listed company) ប៉ុន្តែសកម្មភាពជំនួញមួយចំនួនរបស់ Cascade នៅតែត្រូវបានតម្រូវឱ្យរាយការណ៍ទៅកាន់គណៈកម្មការមូលបត្រ និងផ្សារហ៊ុនអាមេរិក (SEC)។

    ខ្ទង់វិនិយោគមួយចំនួនដែលគ្រប់គ្រងដោយក្រុមហ៊ុន Casade៖

    – Arcos Dorados Holdings៖ ភាគហ៊ុនដែលកំពុងកាន់កាប់៖ 8.5លានហ៊ុន។ តម្លៃ៖ 26.2លានដុល្លារ
    – AutoNation: ភាគហ៊ុនដែលកំពុងកាន់កាប់៖ 18.4លានហ៊ុន។ តម្លៃ៖ 436.6លានដុល្លារ។
    – Berkshire Hathaway៖ ភាគហ៊ុនដែលកំពុងកាន់កាប់៖ 6លានហ៊ុន។ តម្លៃ៖ 1.07លានដុល្លារ។
    – Canadian National Railway: ភាគហ៊ុនដែលកំពុងកាន់កាប់៖ 101លានហ៊ុន។ តម្លៃ៖ 7.6ពាន់លានដុល្លារ។
    – Coca-Cola ភាគហ៊ុនដែលកំពុងកាន់កាប់៖ 25លានហ៊ុន។ តម្លៃ៖ 977លានដុល្លារ។
    – Deere & Co៖ ភាគហ៊ុនដែលកំពុងកាន់កាប់៖ 31.5លានហ៊ុន។ តម្លៃ៖ 4.2ពាន់លានដុល្លារ។
    – Ecolab៖ ភាគហ៊ុនដែលកំពុងកាន់កាប់៖ 30លានហ៊ុន។ តម្លៃ៖ 4.5ពាន់លានដុល្លារ។
    – Otter Tail៖ ភាគហ៊ុនដែលកំពុងកាន់កាប់៖ 3.4លានហ៊ុន។ តម្លៃ៖ 142លានដុល្លារ។
    – Republic Services៖ ភាគហ៊ុនដែលកំពុងកាន់កាប់៖ 108លានហ៊ុន។ តម្លៃ៖ 7.8ពាន់លានដុល្លារ។
    – Waste Management៖ ភាគហ៊ុនដែលកំពុងកាន់កាប់៖ 614លានហ៊ុន។ តម្លៃ៖ 1.3ពាន់លានដុល្លារ។
    – Legg Mason fund៖ ភាគហ៊ុនដែលកំពុងកាន់កាប់៖ 13លានហ៊ុន។ តម្លៃ៖ 131លានដុល្លារ។

    ក្រៅពីនេះ លោក Gates ក៏ជាប្រធានក្រុមហ៊ុន TerraPower ដែលជាអ្នករចនារោងចក្រថាមពលនុយក្លេអែរផងដែរ។ តាមរយៈការិយាល័យ Gates Venture របស់ខ្លួន លោក Gates ក៏បាននិងកំពុងឧបត្ថម្ភប្រាក់យ៉ាងច្រើនទៅលើគម្រោងថាមពលស្អាត អប់រំ សុខាភិបាល និងកម្មវិធីកាត់បន្ថយភាពក្រីក្រនៅទូទាំងពិភពលោកទៀតផង។

    2.អចលនទ្រព្យ

    ទន្ទឹមនឹងការវិនិយោគទៅលើក្រុមហ៊ុនផ្សេងៗ លោក Bill Gates ថែមទាំងទិញទ្រព្យជាក់ស្ដែងផងដែរ មានដូចជាអចលនទ្រព្យដែលមានផ្ទៃដៃដ៏ធំសម្បើមមួយ និងកោះឯកជនមួយទៀត។

    Xanadu 2.0 ដែលជាភូមិគ្រឹះមួយរបស់លោក Gates នៅតំបន់ Seattle គឺជាជុំរុំផ្ទះដ៏ធំមួយនៅក្បែរសមុទ្រ ជិតបឹងវ៉ាស៊ីងតោន។ Xanadu 2.0 ត្រូវបានគេគណនាឃើញថា មានតម្លៃ131.1លានដុល្លារ។

    ឆ្នាំ2013 លោក Gates ចាប់ផ្ដើមទិញអចលនទ្រព្យនៅ Florida។ លោកបានទិញភូមិគ្រឹះមួយដែលមានបន្ទប់គេងចំនួន4 និងកសិដ្ឋានចិញ្ចឹមសេះ ដែលមានតម្លៃ 8.7លានដុល្លារ។ ឆ្នាំ2016 លោកក៏បានទិញដីដែលនៅក្បែរនោះ ធ្វើឱ្យតម្លៃសរុបឡើងដល់35.87លានដុល្លារ។ ឆ្នាំ2019 លោកបានចំណាយ21លានដុល្លារសម្រាប់ទិញកសិដ្ឋានចិញ្ចឹមសេះមួយផ្សេងទៀតផងដែរ។

    លោក Bill Gates ក៏ជាម្ចាស់របស់ Grand Bogue Caye ដែលជាកោះធំជាងគេបង្អស់របស់ប្រទេសបេលីហ្ស (Belize) នៅអាមេរិកកណ្ដាល។ លោក Gates បានទិញកោះ Grand Bogue Caye នេះ ក្នុងតម្លៃ25លានដុល្លារ។

    3.យន្តហោះ និងរថយន្ត

    គិតមកដល់ឆ្នាំ2018 លោក Gates មានយន្តហោះប្រតិកម្ម Bombardier BD 700 Global Express ចំនួន2គ្រឿង ដែលមានតម្លៃឡើងដល់45លានដុល្លារ/គ្រឿង។ លោកក៏ជាអ្នកគាំទ្ររបស់ Porsche ផងដែរ ប៉ុន្តែ ពេលបើកបរនៅក្នុងតំបន់ដែលខ្លួនរស់នៅ លោក Gates ជិះតែរថយន្ត Mercedes ធម្មតាប៉ុណ្ណោះ។

    4.ប្រមូលទិញវត្ថុមានតម្លៃ

    លោក Bill Gates កំពុងកាន់កាប់វត្ថុមានតម្លៃជាច្រើន មានដូចជាលិខិតព្រាងសរសេរដោយដៃមួយច្បាប់ដ៏ល្បីល្បាញដែលមានឈ្មោះថា Leonardo Da Vinci តម្លៃ30.8លានដុល្លារ និងស្នាដៃនិពន្ធជាច្រើន ដូចជា រឿង Distant Thunder មានតម្លៃ7លានដុល្លារ រឿង The Nursery តម្លៃ10លានដុល្លារ រឿង Room of Flowers តម្លៃ20លានដុល្លារ រឿង Lost on The Grand Banks តម្លៃ36លានដុល្លារ និងរឿង Polo Crowd តម្លៃ28លានដុល្លារ។

    5.សកម្មភាពមនុស្សធម៌

    មានទ្រព្យ125ពាន់លានដុល្លារ តើលោក Bill Gates ទុកប្រាក់ទាំងនោះនៅទីណាខ្លះ?
    លោក​ Bill Gates និង​ភរិយា​ លោក​ស្រី​ Melinda Gates

    ចាប់តាំងពីត្រូវបានបង្កើតឡើងកាលពីឆ្នាំ1994 មូលនិធិមនុស្សធម៌ Bill & Melinda Gates បានបរិច្ចាគប្រាក់រាប់សិបពាន់លានដុល្លារ ក្នុងគោលដៅដ៏ល្អប្រពៃសម្រាប់មនុស្សជាតិ។ ជាងនេះ ក៏នៅមានមូលនិធិមនុស្សធម៌ផ្សេងទៀតដែលលោក Bill Gates និងលោក Warren Buffett ជាអ្នកបង្កើតឡើង ក្នុងបំណងទទួលការរួមចំណែកវិភាគទានផ្នែកមនុស្សធម៌ពីក្រុមអ្នកមានដទៃទៀតផងដែរ៕

    ប្រភព៖ សារព័ត៌មានបរទេស

  • ស៊ី មិងចឺ “កូនស្រីទី1 នៃប្រទេសចិន”

    ស៊ី មិងចឺ “កូនស្រីទី1 នៃប្រទេសចិន”

     

    ស៊ី មិងចឺ កូនស្រីទោលរបស់លោកស៊ី ជីនភីង និងលោកស្រីភឹង លីយួន

    មនុស្សទូទាំងពិភពលោកបានឃើញ “កូនស្រីទី1” នៃសហរដ្ឋអាមេរិករួចមកហើយ ទាំង Ivanka Trump ឬម៉ារៀ និងសាសា អូបាម៉ា ដែលលេចធ្លោនៅក្នុងសារព័ត៌មានជាញឹកញាប់ តែ ស្ទើរតែគ្មានអ្នកណាស្គាល់ ស៊ី មិងចឺ បុត្រីទោលរបស់លោកប្រធានាធិបតី ស៊ី ជីនភីង មេដឹកនាំដ៏មានឥទ្ធិពលបំផុតក្នុងពិភពលោករូបនេះឡើយ។

    ស៊ី មិងចឺ (Xi Mingze/习明泽) វ័យ 29ឆ្នាំ ជាបុត្រីរបស់លោកស៊ី ជីនភីង និងស្ត្រីទី1 ភឹង លីយួន។ ស៊ី មិងចឺ មានឈ្មោះលេងថា ស៊ាវ មូជឺ(Xiao Muzi/小木 子) ដែលជីតា ជាអ្នកបដិវត្តន៍កុម្មុយនីស្ត គឺលោក ស៊ី ចុងឈុន(Xi Zhongxun/习仲勋) ជាអ្នកដាក់ឈ្មោះនេះឱ្យ ដែលមានអត្ថន័យបង្កប់ថា ជាជនស្មោះត្រង់ និងស្អាតបាត សាងគុណប្រយោជន៍ដល់សង្គម។

    ខណៈដែលឪពុក ជាបុគ្គលដ៏មានឥទ្ធិពលរបស់ពិភពលោក ស៊ី មិងចឺ បែរជា “Low Profile” រហូតដល់ក្រុមសារព័ត៌មានលោកខាងលិច ដាក់ចំណងជើងលើព័ត៌មានដែលពាក់ព័ន្ធនឹងនាងថា ជា “បុត្រីដ៏អាថ៌កំបាំងរបស់ស៊ី ជីនភីង”។

    ពេលលោកស៊ី ជីនភីង ឡើងធ្វើជាអគ្គលេខាធិការបក្សកុម្មុយនីស្តនៅថ្ងៃទី18 វិច្ឆិកា ឆ្នាំ2012 ក្រុមសារព័ត៌មានបរទេស បាននាំគ្នាដាក់រហស្សនាមឱ្យស៊ី មិងចឺ ថាជា “ម្ចាស់ក្សត្រីថ្មី” នៃដែនដីនាគធំ។

    “The Mail” សារព័ត៌មានលោកខាងលិច ដែលពូកែខាងស្រាវជ្រាវបើកកកាយ បានបង្ហាញរឿងរ៉ាវពាក់ព័ន្ធនឹងកូនស្រីទោលរបស់លោកស៊ី ជីនភីង និងលោកស្រី ភឹង លីយួន អតីតអ្នកចម្រៀងបទប្រពៃណីសំឡេងមាសរបស់កងទ័ពរំដោះប្រជាជនចិន និងជាភរិយាទី2 របស់លោកស៊ី ថា លោកស៊ី បានបញ្ជូនកូនស្រីទៅសិក្សាបន្តនៅឯ មហាវិទ្យាល័យ ហាវ៉ាដ យ៉ាងស្ងាត់ៗ។

    ស៊ី មិងចឺ ក្នុងពិធីទទួលបរិញ្ញាបត្រ នៅមហាវិទ្យាល័យ ហាវ៉ាដ សហរដ្ឋអាមេរិក ឆ្នាំ2014

    ប្រភពព័ត៌មានដែលជិតដិតម្នាក់ បានឱ្យដឹងថា លោកស៊ី ជីនភីង ក្រុមគ្រួសាររបស់លោក និងជនជាតិចិន សុទ្ធតែជឿជាក់អាមេរិក ឧត្ដមគតិ និងក្ដីស្រមៃនាពេលអនាគត ដូច្នេះហើយទើបបញ្ជូនកូនស្រីទៅរៀននៅអាមេរិក។

    ស៊ី មិងចឺ កើតនៅថ្ងៃទី25 មិថុនា ឆ្នាំ1992 នៅមណ្ឌលហ៊្វូចៀន រៀនភាសាបារាំង នៅសាលាអន្តរជាតិ ក្នុងទីក្រុងហាំងចូវ៍ ដែលជាសាលាកម្រិតហាយស្គូល ចន្លោះឆ្នាំ2006-2008 និងបានសិក្សាកម្រិតបរិញ្ញាត្រី 1ឆ្នាំ នៅមហាវិទ្យាល័យ ចឺចៀង បន្ទាប់ពីនោះ នៅឆ្នាំ2010 នាងបានធ្វើដំណើរទៅសិក្សាបន្តនៅមហាវិទ្យាល័យ ហាវ៉ាដ រដ្ឋម៉ាសាឈូសិត សហរដ្ឋអាមេរិក ដោយរៀនមុខវិជ្ជាឯក ផ្នែកចិត្តវិទ្យា និងភាសាអង់គ្លេស។

    ក្រោយពីរៀនចប់បរិញ្ញាត្រី ពីហាវ៉ាដ ក្នុងខែឧសភា ឆ្នាំ2014 ស៊ី មិងចឺ បានវិលត្រឡប់មកទីក្រុងប៉េកាំងវិញ។

    ស៊ី មិងចឺ “កូនស្រីលេខ1 នៃប្រទេសចិន” អ្នកស្រឡាញ់ការអានសៀវភៅ និងចូលចិត្តហ្វាស្សិន ក្នុងឥរិយាបថផ្សេងៗ

    ស៊ី មិងចឺ ចូលរៀននៅមហាវិទ្យាល័យ ហាវ៉ាដ ដោយប្រើឈ្មោះក្លែងក្លាយ ដើម្បីលាក់បាំងស្ថានភាពពិតរបស់ខ្លួន តែអ្នកយកព័ត៌មានជនជាតិជប៉ុនឈ្មោះ Kenji Minemura របស់កាសែត Asahi Shimbun ដែលស្ថិតនៅក្នុងពិធីទទួលបរិញ្ញាបត្រ របស់ស៊ី មិងចឺ ដែរនោះ បានបង្ហើបឱ្យដឹងថា ក្នុងអំឡុងពេលដែល ស៊ី មិងចឺ រៀននៅហាវ៉ាដ មានអ្នកដែលដឹងថា នាងជានរណា “មិនដល់ 10នាក់ឡើយ” ភាគច្រើនជាមិត្តភក្តិជិតស្និទ្ធ។

    មនុស្សជាច្រើន ទើបតែដឹងរឿង ស៊ី មិងចឺ ត្រូវបញ្ជូនទៅរៀននៅមហាវិទ្យាល័យហាវ៉ាដ នៅឆ្នាំ2012 ជាឆ្នាំដែលឪពុករបស់នាងកំពុងបានឡើងកាន់អំណាចខ្ពស់បំផុតរបស់បក្ស ដែលតាមទំនៀមប្រតិបត្តិ និងច្បាប់របស់បក្ស គឺ មេធំរបស់បក្ស នឹងត្រូវគ្រងតំណែងប្រធានាធិបតី និងជាប្រធានគណៈកម្មាធិការកិច្ចការយោធាផងដែរ ដូច្នេះហើយទើប បណ្ដាសារព័ត៌មានលោកខាងលិច ក្នុងខណៈនោះ ស្រេកឃ្លានចង់ដឹងរឿងរ៉ាវរបស់ “អនាគតកូនស្រីលេខ1 នៃដែនដីនាគធំ” មួយនេះយ៉ាងខ្លាំង។

    របាយការណ៍ព័ត៌មានរបស់ “The Mail” ដែលផ្សព្វផ្សាយក្នុងខែវិច្ឆិកា ឆ្នាំ2012 បានឱ្យដឹងថា ស៊ី មិងចឺ ជាអ្នកចូលចិត្តអានសៀវភៅខ្លាំងណាស់។ មិត្តភក្តិរបស់នាងប្រាប់ថា “នាងជាមនុស្សស្ងាត់ស្ងៀម នឹងធឹង និងឧស្សាហ៍” មិនចូលចិត្តការជប់លៀង ដែលផ្ទុយគ្នាពី ឡាយស្តាយល៍ របស់កូនប្រុសមេដឹកនាំចិនដ៏ល្បីល្បាញ ពួ ស៊ីឡៃ គឺពួ កួកួ ដែលរៀននៅហាវ៉ាដដូចគ្នា។

    រូបភាពកម្របានឃើញ របស់គ្រួសារលោក ស៊ី ជីនភីង ដែលសារព័ត៌មានផ្លូវការរបស់ចិន នាំយកមកផ្សព្វផ្សាយ កាលពីខែកុម្ភៈ ឆ្នាំ2019

    របាយការណ៍របស់ “The Mail” បានបន្តទៀតថា “នាងធ្លាប់បានចូលរួមក្នុងកិច្ចពិភាក្សា កាលពីរដូវស្លឹកឈើលាស់កន្លងមក ពាក់ព័ន្ធនឹងភាពច្របូកច្របល់នយោបាយនៅក្នុងបក្សកុម្មុយនីស្ត ដោយនាងបានអង្គុយស្ដាប់នៅជួរខាងមុខរបស់បន្ទប់ លេកស៊ើរ”

    ស៊ី មិងចឺ បានទទួលការឃុំគ្រងការពារអំពីសារព័ត៌មាន មានអង្គរក្សជនជាតិចិនយាមកាមជុំវិញទីស្នាក់នៅរបស់នាង នៅក្នុងនិវាសដ្ឋាននិស្សិតស្រី ក្នុងមហាវិទ្យាល័យហាវ៉ាដ ពេញ 24ម៉ោង និងតាមការពារនាង ពេលធ្វើដំណើរទៅណាមកណាជានិច្ច។ គេនិយាយថា លោកស៊ី ជីនភីង ការពារភាពឯកជនសម្រាប់កូនស្រី យ៉ាងគួរឱ្យច្រណែន។

    រឿងរ៉ាវរបស់ ស៊ី មិងចឺ គ្មានសេចក្ដីលម្អិតណា ដែលគួរឱ្យរំភើបញាប់ញ័រសោះឡើយ ប៉ុន្តែ មានរឿងដែលនាងទៅរៀននៅមហាវិទ្យាល័យហាវ៉ាដ បានបែកខ្ចរខ្ចាយឡើង នៅក្នុងរបាយការណ៍ព័ត៌មានរបស់ “The Mail” ដដែល និងក្លាយជាព័ត៌មានដ៏ល្បី ប្រៀបដូចគ្រាប់បែកផ្ទុះ នៅក្នុងបណ្ដាញសង្គមរបស់ដែនដីនាគធំ ដែលមានរូបភាព ស៊ី មិងចឺ និងអត្ថបទ ដែលត្រូវបានគេចែករំលែកបន្តយ៉ាងទូលំទូលាយនៅក្នុងបណ្ដាញសង្គមមួយឈ្មោះ វេយ៍ពួ(ស្រដៀងនឹងធ្វីតធើរដែរ) មុននឹងត្រូវអង្គភាពលុបព័ត៌មានរបស់ចិន តាមលុបចោល ចេញពី App ទាំងអស់។

    អត្ថបទ ដែលបោះពុម្ពផ្សាយនៅក្នុងសារព័ត៌មានអង់គ្លេស ពាក់ព័ន្ធនឹង ស៊ី មិងចឺ “ម្ចាស់ក្សត្រីចិនថ្មី 1អង្គ ដែលទៅរៀននៅហាវ៉ាដ យ៉ាងស្ងាត់ៗ”

    Weiboscope អង្គភាពតាមដាន របស់មហាវិទ្យាល័យហុងកុង បានបង្ហើបឱ្យដឹងថា រូបភាព ស៊ី មិងចឺ ទាំងនោះ ត្រូវបានលុបចោលដូចគ្នានឹងរឿងរ៉ាវ ដែលត្រូវបាននាំយកមកផូស្តថ្មីដែរ ដោយសារតែមើលទៅ វាបានបង្កើតនូវសំណួរ ដ៏មិនគួរឱ្យប្រាថ្នារបស់ប្រទេសចិនមួយឡើងថា ហេតុម៉េចបានប្រធានាធិបតីចិន ដែលមានប្រាក់ចំណូលប្រចាំឆ្នាំ មិនដល់ 13,000ដុល្លារផង តែបែរជាមានកម្លាំង អាចបញ្ជូនកូន ទៅរៀននៅមហាវិទ្យាល័យលំដាប់ជួរមុខរបស់អាមេរិកដែលថ្លៃបំផុតក្នុងពិភពលោកបាន?

    ចំណែកសារព័ត៌មានរបស់តៃវ៉ាន់ China Times បានបង្ហាញនៅក្នុងប្រូហ្វាលសង្ខេប កាលពីឆ្នាំ2012 ថា ស៊ី មិងចឺ ល្បីល្បាញក្នុងរឿងសម្ងំខ្លួនយ៉ាងស្ងៀមស្ងាត់ មិនបង្ហាញខ្លួនជាសាធារណៈ សាមញ្ញៗ ចូលចិត្តការអាន និងចូលចិត្តហ្វាស្សិន។

    ក្នុងឆ្នាំ2008 បន្ទាប់ពីកើតហេតុការណ៍រញ្ជួយផែនដីធំមួយ នៅមណ្ឌល សេឈួន ខណៈនោះ ស៊ី មិងចឺ អាយុ 16ឆ្នាំ បានដាក់លិខិតសុំឈប់សម្រាកទៅខាងសាលា រយៈពេល 1សប្ដាហ៍ ដើម្បីទៅជួយការងារសម្រាលទុក្ខលំបាករបស់ប្រជាជននៅក្នុងទីតាំងដែលរងគ្រោះដោយសារការរញ្ជួយផែនដី…រឿងរ៉ាវទាំងនេះ គឺលោកស្រី ភឹង លីយួន ម្ដាយរបស់នាង ជាអ្នកប្រាប់ទៅសារព័ត៌មានក្នុងតំបន់ក្នុងគ្រានោះ។

    អ្នកសារព័ត៌មានបានសួរថា “តើលោកស្រី មិនបារម្ភពីសុវត្ថិភាពរបស់កូនស្រីទេឬ?” លោកស្រីភឹង ឆ្លើយថា “ផែនដីរញ្ជួយ បានសម្លាប់ជីវិតមនុស្សម្នាជាច្រើន និងជាសោកនាដកម្មធំរបស់ប្រទេស…កូនស្រីរបស់ខ្ញុំ គួរតែទៅខ្សែត្រៀមជួរមុខ ដើម្បីជួយពួកគេ…ក្នុងអំឡុងពេលធ្វើជាអ្នកស្ម័គ្រចិត្ត 7ថ្ងៃ នាងធ្វើការយ៉ាងធ្ងន់ធ្ងរ ដោយមិនហើបមាត់រអ៊ូ ឬថ្ងូរឡើយ នាងបានរៀនយល់ដឹងអ្វីច្រើនយ៉ាង និងថែមទាំងបានស្គាល់មិត្តភក្តិនៅក្នុងតំបន់ជាច្រើននាក់ទៀតផង…នាងប្រាប់ថា មនុស្សម្នា នៅសេឈួន មាននិស្ស័យគួរឱ្យស្រឡាញ់ ចិត្តល្អ និងរឹងមាំ”

    ស៊ី មិងចឺ បង្ហាញខ្លួនជាសាធារណៈលើកដំបូង ក្នុងឋានៈជា “បុត្រីលេខ1” នៅក្នុងដំណើរឆ្ពោះទៅកាន់ខេត្តទ័លក្រដាច់ស្រយាល របស់ “គ្រួសារលេខ1” នៅឆ្នាំ2015។ នៅក្នុងដំណើរនោះ លោកស៊ី ជីនភីង និងស៊ី មិងចឺ បានធ្វើដំណើរទៅប្រារព្ធពិធីបុណ្យចូលឆ្នាំចិន ក្នុងខែកុម្ភៈ ជាមួយអ្នកស្រុក នៅក្នុងភូមិ យៀនអាន់, លៀង យ៉ាហ៊ើ មណ្ឌលសួនស៊ី ដែលជាមូលដ្ឋានការបដិវត្ត សម័យលោកប្រធាន ម៉ៅ សេទុង និងជានិមិត្តសញ្ញាការបដិវត្តបក្សកុម្មុយនីស្តចិន។ លោកស៊ី ជីនភីង បានចាប់ផ្ដើមជីវិតនយោបាយនៅក្នុងតំបន់មូលដ្ឋានបដិវត្តន៍ក្រហមនៃយៀនអាន់ អស់រយៈពេល 6ឆ្នាំ(1969-1975) ដែលជាអំឡុងពេលបដិវត្តន៍វប្បធម៌។

    នៅក្នុងខែកុម្ភៈ ឆ្នាំ2019 សារព័ត៌មានផ្លូវការរបស់ចិន People Daily បានផ្សព្វផ្សាយរូបភាពរបស់គ្រួសារលោក ស៊ី ជីនភីង រួមទាំងរូបភាពលោកស្រី ភឹង លីយួន និងស៊ី មិងចឺ ផងដែរ។

    ថ្មីៗនេះ សារព័ត៌មានអង់គ្លេស ក្នុងតៃវ៉ាន់ (Taiwan News) បានឱ្យដឹងថា មាន “ព័ត៌មានចចាមអារ៉ាម” ថា ស៊ី មិងចឺ បានត្រឡប់ទៅរៀននៅមហាវិទ្យាល័យហាវ៉ាដវិញ ក្នុងខែតុលា ឆ្នាំ2019។

    “គ្រួសារលេខ1 នៃប្រទេសចិន” លោកស៊ី ជីនភីង លោកស្រីភឹង លីយួននិងស៊ី មិងចឺ ប្រារព្ធពិធីបុណ្យចូលឆ្នាំចិន ជាមួយអ្នកស្រុក ក្នុងភូមិយៀនអាន់ មណ្ឌលសួនស៊ី កាលពីខែកុម្ភៈ ឆ្នាំ2015
    លោកស៊ី ជីនភីង និងស៊ី មិងចឺ ក្នុងវ័យកុមារ ក្នុងទីក្រុងហ្វ៊ូចូវ៍ មណ្ឌលហ្វ៊ូចៀន

    ប្រភព៖ សារព័ត៌មានបរទេស

     

     

     

     

     

  • អាចម៍ផ្កាយមានទំហំធំជាងប្រាសាទ Great Pyramid ដល់ទៅជិត2ដង ហោះមកជិតដល់ផែនដីយើងហើយ!

    អាចម៍ផ្កាយមានទំហំធំជាងប្រាសាទ Great Pyramid ដល់ទៅជិត2ដង ហោះមកជិតដល់ផែនដីយើងហើយ!

    អាចម៍ផ្កាយមួយដែលមានឈ្មោះថា 465824 (2010 FR) នឹងហោះកាត់មុខផែនដីនៅថ្ងៃទី6កញ្ញាខាងមុខ ដែលនេះគឺជាការព្យាកររបស់ទីភ្នាក់ងារអវកាសអាមេរិក (NASA)។

    NASA កំពុងតែតាមដានអាចម៍ផ្កាយ 465824 ដែលជិតហោះកាត់មុខផែនដីក្នុងល្បឿន50,533គីឡូម៉ែត្រ/ម៉ោង។ អាចម៍ផ្កាយនេះស្ថិតក្នុងបញ្ជីនៃបណ្ដាអាចម៍ផ្កាយដែលមានទីតាំងនៅក្បែរៗផែនដី (NEO) របស់ NASA។ អាចម៍ផ្កាយ ឬផ្កាយដុះកន្ទុយទាំងឡាយណាដែលស្ថិតនៅក្នុងរង្វង់1.3នៃឯកតាតារាសាស្ត្រ (Astronomical unit) គឺសុទ្ធតែស្ថិតក្នុងបញ្ជី NEO ប៉ុន្តែ មិនមែនមានន័យថា ពួកវាសុទ្ធតែនឹងបង្កគ្រោះថ្នាក់ដល់ភពផែនដីនោះឡើយ។

    អាចម៍ផ្កាយ 465824 មានមុខកាត់ចាប់ពី120-270ម៉ែត្រ ដែលមានទំហំធំជាងមហាប្រាសាទពីរ៉ាមីតនៅអាហ្ស៊ីប (Great Pyramid of Giza) ដល់ទៅជិត2ដងឯណោះ។

    ក្រុមអ្នកតារាសាស្ត្រនៅទូទាំងពិភពលោក កំពុងតែតាមដានអាចម៍ផ្កាយ ផ្កាយដុះកន្ទុយ និងកូនភពចំនួនជិត2,000 ដែលអាចបង្កគ្រោះថ្នាក់ដល់ផែនដី។ ផែនដីមិនទាន់បានជួបមហាសោកនាដកម្មណាមួយដែលកើតឡើងដោយសារការធ្លាក់អាចម៍ផ្កាយនៅឡើយ រាប់ចាប់ពីហេតុការណ៍ធ្លាក់អាចម៍ផ្កាយដែលបានផ្ដាច់ពូជសត្វដាយណូស័រកាលពី66លានឆ្នាំមុន៕

    ប្រភព៖ Daily Star

  • គម្រោងទិញនាវាមុជទឹកចិនរបស់ប្រទេសថៃ ត្រូវបានផ្អាកជាបណ្ដោះ​អាសន្ន​

    គម្រោងទិញនាវាមុជទឹកចិនរបស់ប្រទេសថៃ ត្រូវបានផ្អាកជាបណ្ដោះ​អាសន្ន​

    ប្រទេសថៃ បានត្រៀមប្រាក់ជិត724លានដុល្លារដើម្បីទិញនាវាមុជទឹកចំនួន2គ្រឿងពីប្រទេសចិន ប៉ុន្តែការគម្រោងនេះត្រូវបានផ្អាកទៅវិញ ក្រោយពីត្រូវប្រឈមនឹងប្រតិកម្មយ៉ាងខ្លាំងក្លា ព្រោះតែបញ្ហាសេដ្ឋកិច្ចដែលកើតឡើងដោយសារ COVID-19។

    រាជរដ្ឋាភិបាលថៃ កាលពីឆ្នាំ2016 បានសម្រេចចិត្តចំណាយប្រាក់ចំនួន36ពាន់លានបាត (1.1ពាន់លានដុល្លារអាមេរិក) ក្នុងរយៈពេល11ឆ្នាំ ដើម្បីទិញនាវាមុជទឹក S26T របស់ចិន។ កិច្ចព្រមព្រៀសទិញដូរនេះត្រូវបានចុះ​ហេត្ថ​លេខា​រវាង​ទី​ក្រុង​ប៉េកាំង​ និងទីក្រុងបាងកកកាលពីខែឧសភា2017 ក្រោយពីរាជរដ្ឋាភិបាលថៃបានអនុម័តយល់ព្រមចំណាយ​ថវិកា​440​លាន​ដុល្លារសម្រាប់ទិញនាវាមុជទឹកដំបូងចំនួន1គ្រឿង។ នាវាដែលបានបញ្ជាទិញនេះ ត្រូវបានចាប់ផ្ដើមសាងសង់កាលពីខែកញ្ញា2018 ហើយតាមគម្រោង នឹងត្រូវប្រគល់មកឱ្យកងទ័ពជើងថៃនៅពាក់កណ្ដាលឆ្នាំ2023។

    មកដល់ដើមខែកញ្ញាកន្លងទៅ អនុគណៈកម្មធិការមួយរបស់សភាថៃ បានអនុម័តយល់ព្រមទិញនាវាមុជទឹកចិនចំនួន2គ្រឿងបន្ថែមទៀត ដែលមានតម្លៃសរុប 22.5ពាន់លានបាត ស្មើនឹង724លានដុល្លារអាមេរិក។ ក៏ប៉ុន្តែ ការសម្រេចនេះបានជួបនឹងប្រតិកម្មយ៉ាងខ្លាំងក្លាពីសំណាក់ប្រជាជន ខណៈដែលប្រទេសនេះកំពុងជាប់ដៃទប់ទល់នឹងបញ្ហាឱនភាពសេដ្ឋកិច្ចដោយសារ COVID-19។

    គំរូនាវា​មុជទឹក​ S26T របស់​កង​ទ័ព​ជើង​ទឹក​ចិន
    គំរូនាវា​មុជទឹក​ S26T របស់​កង​ទ័ព​ជើង​ទឹក​ចិន

    អ្នកនាំពាក្យរបស់រាជរដ្ឋាភិបាលថៃ លោក Anucha Burapachaisri ថ្ងៃនេះបានប្រកាសថា នាយករដ្ឋមន្ត្រី និងជារដ្ឋមន្ត្រីក្រសួងការពារជាតិថៃ លោក Prayut Chan-ocha បាន “ស្នើឱ្យកងទ័ពជើងទឹកថៃ ពិចារណាដើម្បីផ្អាក” កិច្ចព្រមព្រមទិញនាវាមុជទឹកចំនួន2គ្រឿងនេះ។

    លោក Anucha Burapachaisri បានថ្លែងថា៖ “កងទ័ពជើងទឹកនឹងចរចាជាមួយភាគីចិនដើម្បីផ្អាកកិច្ចព្រមព្រៀងរយៈពេល1ឆ្នាំទៀត”។

    បច្ចុប្បន្ន រាជរដ្ឋាភិបាលថៃ កំពុងប្រឈមនឹងរលកនៃបាតុកម្ម ដែលទាមទារឱ្យនាយករដ្ឋមន្ត្រី Prayut ចុះចេញពីតំណែង ដើម្បីកែទម្រង់រដ្ឋាភិបាល។ សេដ្ឋកិច្ចប្រទេសថៃ ក៏កំពុងឆ្លងកាត់ដំណាក់កាលអាក្រក់បំផុតនៅក្នុងរយៈពេលជាង20មកនេះ នៅពេលដែលសេដ្ឋកិច្ចដាំក្បាលចុះ12.2% នៅក្នុងឆមាសដំបូងនៃឆ្នាំនេះ ដោយសារវិស័យសំខាន់ៗដូចជា ទេសចរណ៍ និងការនាំចេញត្រូវរងឥទ្ធិពលយ៉ាងធ្ងន់ធ្ងរពីវិបត្តិសុខភាព។

    ជាយូរណាស់មកហើយ កងទ័ពជើងទឹកថៃមិនមាននាវាមុជទឹកសូម្បីតែ1គ្រឿង រាប់ចាប់ពីឆ្នាំ1951។ កងទ័ពជើងទឹកធ្លាប់បានចំណាយពេលជាច្រើនឆ្នាំដើម្បីបញ្ចុះបញ្ចូលឱ្យរាជរដ្ឋាភិបាលទិញនាវាមុជទឹកចាស់ៗចំនួន6គ្រឿងពីប្រទេសអាល្លឺម៉ង់ ប៉ុន្តែ ក្រោយមក គម្រោងនេះត្រូវបានជំនួសដោយកិច្ចព្រមព្រៀងទិញនាវាមុជទឹក S26T ពីប្រទេសចិនទៅវិញ។

    គំរូនាវា​មុជទឹក​ S26T របស់​កង​ទ័ព​ជើង​ទឹក​ចិន
    គំរូនាវា​មុជទឹក​ S26T របស់​កង​ទ័ព​ជើង​ទឹក​ចិន

    S26T ប្រើប្រាស់ប្រព័ន្ធរុញច្រានដោយខ្យល់ ដែលគេហៅថា AIP ទន្ទឹមនឹងប្រព័ន្ធម៉ាស៊ីនម៉ាស៊ូត-អគ្គិសនី។ នាវានេះត្រូវបានអភិវឌ្ឍពីម៉ូដែលនាវាមុជទឹក Type-039A ដែលផលិតឡើងដោយកងទ័ពជើងទឹកចិន។ នាវា S26T ដែលមានប្រវែង75ម៉ែត្រនេះ ដើរតួជាប្រព័ន្ធបាញ់រ៉ុកកែតរយៈចម្ងាយឆ្ងាយ និងជំនាញខាងធ្វើប្រតិបត្តិការនៅក្នុងតំបន់សមុទ្រទឹករាក់៕

    ប្រភព៖ AFP