សឿន សំណាង - La Reine Media

Joe Biden ព្រមានថានឹងដាក់ទណ្ឌកម្មមីយ៉ានម៉ា ក្រោយរដ្ឋប្រហារយោធាកាលពីម្សិលមិញ

ប្រធានាធិបតីអាមេរិកបានព្រមានថានឹងដាក់ទណ្ឌកម្មឡើងវិញចំពោះប្រទេសមីយ៉ានម៉ា បន្ទាប់ពីមានការចាប់ខ្លួនលោកស្រី Aung San Suu Kyi ព្រមទាំងអំពាវនាវឱ្យមានការប្រតិកម្មរួមពីសហគមន៍អន្តរជាតិ។

«សហគមន៍អន្តរជាតិ រួមគ្នាដាក់សម្ពាធ បង្ខំឱ្យកងទ័ពមីយ៉ានម៉ាបោះបង់អំណាចដែលពួកគេបានរំលោភយក និងដោះលែងក្រុមមនុស្សដែលពួកគេបានចាប់ខ្លួនជាបន្ទាន់។ អាមេរិកបានដកទណ្ឌកម្មពីមីយ៉ានម៉ាអស់រយៈពេល 10 ឆ្នាំកន្លងមកនេះ ដោយយោងទៅលើដំណើរឆ្ពោះទៅរកប្រជាធិបតេយ្យ។ ការដើរបញ្ច្រាសដំណើរការនេះនឹងធ្វើឱ្យយើងត្រូវពិនិត្យឡើងវិញនូវការដាក់ទណ្ឌកម្ម ជាមួយនឹងសកម្មភាពសមស្រប» ប្រធានាធិបតីអាមេរិក Joe Biden បានចេញសេចក្ដីប្រកាសមួយកាលពីថ្ងៃទី 1 កុម្ភៈ។

លោក Biden ក៏បានថ្កោលទោសកងទ័ពមីយ៉ានម៉ា ដែលបានចាប់ខ្លួនទីប្រឹក្សារដ្ឋ លោកស្រី Aung San Suu Kyi រួមនឹងប្រធានាធិបតី Win Myint និងក្រុមមន្ត្រីជាន់ខ្ពស់ជាច្រើនរូបរបស់បក្សកាន់អំណាច។ ប្រធានាធិបតីអាមេរិកយល់ថា នេះគឺជា «ការវាយប្រហារផ្ទាល់ទៅលើដំណើរងាកទៅរកប្រជាធិបតេយ្យ និងការគោរពច្បាប់របស់មីយ៉ានម៉ា»។

លោក Biden បានអំពាវនាវដល់កងទ័ពមីយ៉ានម៉ា ដកការរឹតបន្តឹងលើព័ត៌មាន ទំនាក់ទំនង និងចៀសវាងប្រើហិង្សាលើពលរដ្ឋផងដែរ។ «សហរដ្ឋអាមេរិកកំពុងតាមដានក្រុមមនុស្សដែលឈរនៅក្បែរប្រជាជនមីយ៉ានម៉ា នៅក្នុងកាលៈទេសៈដ៏លំបាកនេះ។ យើងនឹងសហការជាមួយសម្ព័ន្ធមិត្តក្នុងតំបន់ និងពិភពលោក ដើម្បីស្ដារប្រជាធិបតេយ្យ ក៏ដូចជាបង្ខំឱ្យអ្នករារាំងប្រជាធិបតេយ្យនៅប្រទេសនេះ ទទួលខុសត្រូវ» សេចក្ដីប្រកាសព័ត៌មានរបស់លោក Biden មានឃ្លាសរសេរដូច្នេះ។

គណបក្សសម្ព័ន្ធជាតិដើម្បីប្រជាធិបតេយ្យ (NLD) ដែលកំពុងកាន់អំណាចរបស់លោកស្រី Suu Kyi ដណ្ដើមបានជ័យជំនះក្នុងការបោះឆ្នោតកាលពីចុងឆ្នាំ 2020 ដោយទទួលបាន 346 ក្នុងចំណោម 412 អាសនៈនៅសភាមីយ៉ានម៉ា។ ប៉ុន្តែកងទ័ពប្រទេសនេះប្រកាសថា បានរកឃើញការលួចបន្លំសន្លឹកឆ្នោតជាង 10 លានករណី និងបានតវ៉ាទៅកាន់គណៈកម្មការរៀបចំការបោះឆ្នោត ដើម្បីឱ្យបញ្ចេញបញ្ជីឈ្មោះអ្នកបោះឆ្នោត ប៉ុន្តែមិនទទួលបានការយល់ព្រម។

សូមបញ្ជាក់ថា កងទ័ពមីយ៉ានម៉ា នាវេលាទៀបភ្លឺ ថ្ងៃទី 1 មករានេះ បានឆ្មក់ចូលចាប់ខ្លួនលោកស្រី Aung San Suu Kyi ដែលជាទីប្រឹក្សាជាតិ រួមនឹងប្រធានាធិបតី Win Myint និងក្រុមមន្ត្រីជាន់ខ្ពស់មួយចំនួននៃបក្ស សម្ព័ន្ធដើម្បីប្រជាធិបតេយ្យមីយ៉ានម៉ា (NLD) ដែលកំពុងកាន់អំណាច ដើម្បីប្រឆាំងនឹងការបោះឆ្នោតដែលភាគីខាងកងទ័ពយល់ថា មានការលួចបន្លំសន្លឹកឆ្នោតនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

ក្រោយការធ្វើរដ្ឋប្រហារខាងលើ កងទ័ពមីយ៉ានម៉ាក៏បានដកហូតតំណែងរបស់រដ្ឋមន្ត្រី និងអនុរដ្ឋមន្ត្រីចំនួន 24 រូប ព្រមទាំងបានប្រកាសបញ្ជីឈ្មោះមនុស្សចំនួន 11 នាក់ ដែលត្រូវបានតែងតាំងជាមេដឹកនាំនៃក្រសួងនានា រួមមាន ក្រសួងហិរញ្ញវត្ថុ សុខាភិបាល ព័ត៌មាន ការបរទេស ការពារជាតិ និងក្រសួងមហាផ្ទៃនិងការពារព្រំដែនផងដែរ។

ប្រទេស និងស្ថាប័នជាច្រើនក្នុងពិភពលោក កំពុងធ្វើការថ្កោលទោសយ៉ាងខ្លាំងក្លាចំពោះទង្វើរដ្ឋប្រហារយោធានៅមីយ៉ានម៉ា ក្នុងនោះក៏មានអង្គការសហប្រជាជាតិ សហរដ្ឋអាមេរិក អូស្ត្រាលី។ល។

ប្រភព៖ Reuters

February 2, 2021

ជនជាតិមីយ៉ានម៉ា រាប់រយនាក់នៅប្រទេសជប៉ុន ចេញធ្វើបាតុកម្មប្រឆាំងរដ្ឋប្រហាររបស់កងទ័ព

ជនជាតិមីយ៉ានម៉ារាប់រយនាក់ នាំគ្នាកាន់បដាដែលមានរូបថតរបស់លោកស្រី Aung San Suu Kyi ប្រមូលផ្ដុំគ្នានៅទីក្រុងតូខ្យូ ប្រទេសជប៉ុន ដើម្បីប្រឆាំងនឹងរដ្ឋប្រហារយោធានៅប្រទេសមីយ៉ានម៉ា។

ក្រុមបាតុករពាក់ម៉ាស កាន់ទង់ជាតិ ប្រមូលផ្ដុំគ្នានៅខាងក្រៅសាកលវិទ្យាល័យអង្គការសហប្រជាជាតិ នៅកណ្ដាលរាជធានីតូខ្យូរបស់ប្រទេសជប៉ុននាថ្ងៃនេះ និងបានអំពាវនាវឱ្យអង្គការអន្តរជាតិមួយនេះ ថ្កោលទោសខ្លាំងក្លាចំពោះសកម្មភាពរបស់កងទ័ពមីយ៉ានម៉ាជាបន្តទៀត។

«ខ្ញុំព្រួយបារម្ភចំពោះគ្រួសារខ្ញុំ ប៉ុន្តែជាងនេះ ខ្ញុំបារម្ភចំពោះសុវត្ថិភាពរបស់លោកស្រី Aung San Suu Kyi» Tin Htway ជនជាតិមីយ៉ានម៉ា អាយុ 22 ឆ្នាំ ជាបុគ្គលិកភោជនីយដ្ឋានមួយកន្លែងនៅជប៉ុន បាននិយាយដូច្នេះ។

Than Swe ប្រធានសមាគមជនជាតិមីយ៉ានម៉ានៅជប៉ុន បានឱ្យដឹងថា លោកចង់ឱ្យកងទ័ពដោះលែងលោកស្រី Suu Kyi និងក្រុមមេដឹកនាំដែលត្រូវបានបោះឆ្នោតតាមលទ្ធិប្រជាធិបតេយ្យ ត្រូវបានដោះលែងជាបន្ទាន់។

លោក Swe អាយុ 58 ឆ្នាំ និយាយថា «កងទ័ពត្រូវតែទទួលស្គាល់លទ្ធផលបោះឆ្នោតឆ្នាំ 2020 និងបញ្ឈប់រាល់សកម្មភាពដែលពួកគេកំពុងធ្វើ»។

ក្រុមអ្នកចាត់ចែងបាតុកម្មនេះបានឱ្យដឹងថា មនុស្សជិត 800 នាក់បានចូលរួមធ្វើបាតុកម្មនៅទីក្រុងតូខ្យូនាថ្ងៃទី 1 មករានេះ។

សូមបញ្ជាក់ថា កងទ័ពមីយ៉ានម៉ា នាវេលាទៀបភ្លឺ ថ្ងៃទី 1 មករានេះ បានឆ្មក់ចូលចាប់ខ្លួនលោកស្រី Aung San Suu Kyi ដែលជាទីប្រឹក្សាជាតិ រួមនឹងប្រធានាធិបតី Win Myint និងក្រុមមន្ត្រីជាន់ខ្ពស់មួយចំនួននៃបក្ស សម្ព័ន្ធដើម្បីប្រជាធិបតេយ្យមីយ៉ានម៉ា (NLD) ដែលកំពុងកាន់អំណាច ដើម្បីប្រឆាំងនឹងការបោះឆ្នោតដែលភាគីខាងកងទ័ពយល់ថា មានការលួចបន្លំសន្លឹកឆ្នោតនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

គណនីបណ្ដាញសង្គមរបស់បក្សកាន់អំណាច NLD ក៏បានឱ្យដឹងថា លោកស្រី Suu Kyi បានអំពាវនាវឱ្យពលរដ្ឋមីយ៉ានម៉ា កុំទទួលយកការធ្វើ «រដ្ឋប្រហារ» និងស្នើឱ្យគ្រប់គ្នាចេញធ្វើចេញបាតុកម្ម។

ចំណែកប្រទសជាច្រើនក្នុងពិភពលោក ក៏កំពុងថ្កោលទោសចំពោះសកម្មភាពធ្វើរដ្ឋប្រហារពីសំណាក់កងទ័ពនៃប្រទេសមីយ៉ានម៉ានេះផងដែរ ខណៈដែលរដ្ឋាភិបាលជប៉ុនបានអំពាវនាវឱ្យកងទ័ពមីយ៉ានម៉ា ដោះលែងក្រុមមេដឹកនាំដែលត្រូវបានចាប់ខ្លួន។ ជប៉ុនក៏បានបញ្ជាក់ថា ប្រទេសនេះ តាំងពីយូរមកហើយ តែងតែគាំទ្រដល់ប្រជាធិបតេយ្យនៅមីយ៉ានម៉ា ព្រមទាំងបានស្នើឱ្យស្ដារស្ថានភាពនេះឡើងវិញជាបន្ទាន់៕

ប្រភព៖ Reuters

February 1, 2021

Aung San Suu Kyi អំពាវនាវឱ្យប្រជាជនធ្វើបាតុកម្មប្រឆាំងនឹងកងទ័ព

គណនីបណ្ដាញសង្គមរបស់បក្សកាន់អំណាច NLD បានឱ្យដឹងថា លោកស្រី Suu Kyi បានអំពាវនាវឱ្យពលរដ្ឋមីយ៉ានម៉ា កុំទទួលយកការធ្វើ «រដ្ឋប្រហារ» និងនាំគ្នាធ្វើចេញបាតុកម្ម។

«សកម្មភាពរបស់កងទ័ពកំពុងនាំប្រទេសជាតិវិលទៅកាន់សម័យយោធានិយម។ ខ្ញុំសូមអំពាវនាវឱ្យប្រជាជន កុំទទួលស្គាល់ប្រការនេះ និងធ្វើការប្រតិកម្មយ៉ាងខ្លាំងក្លា ដោយការធ្វើបាតុកម្ម» គណនី Facebook ផ្លូវការរបស់គណបក្សកាន់អំណាច សម្ព័ន្ធជាតិដើម្បីប្រជាធិបតេយ្យមីយ៉ានម៉ា (NLD) បានឱ្យដឹងនៅក្នុងសេចក្ដីប្រកាសមួយដែលត្រូវបានបង្ហោះក្នុងថ្ងៃទី 1 មករានេះ។

អត្ថបទដែលបានបង្ហោះខាងលើនេះ ត្រូវបានធ្វើឡើងក្នុងនាមជាទីប្រឹក្សាជាតិមីយ៉ានម៉ា Aung San Suu Kyi ប៉ុន្តែមិនមានហត្ថលេខារបស់លោកស្រីនោះទេ។ ខ្លឹមសារនៃសេចក្ដីប្រកាសនេះ ត្រូវបានទទួលស្គាល់ដោយប្រធានបក្ស NLD លោក Win Htein។ នៅទីបញ្ចប់នៃសេចក្ដីប្រកាសនេះ លោក Win Htein សរសេរថា «ខ្ញុំស្បថដាក់ជីវិត នេះគឺជាប្រសាសន៍ពិតរបស់លោកស្រី Aung San Suu Kyi»។

កងទ័ពមីយ៉ានម៉ា នាវេលាទៀបភ្លឺ ថ្ងៃទី 1 មករានេះ បានឆ្មក់ចូលចាប់ខ្លួនលោកស្រី Aung San Suu Kyi ដែលជាទីប្រឹក្សាជាតិ រួមនឹងប្រធានាធិបតី Win Myint និងក្រុមមន្ត្រីជាន់ខ្ពស់មួយចំនួននៃបក្ស សម្ព័ន្ធដើម្បីប្រជាធិបតេយ្យមីយ៉ានម៉ា (NLD) ដែលកំពុងកាន់អំណាច ដើម្បីប្រឆាំងនឹងការបោះឆ្នោតដែលភាគីខាងកងទ័ពយល់ថា មានការលួចបន្លំសន្លឹកឆ្នោតនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

សហគមន៍អន្តរជាតិកំពុងតែតាមដានការវិវត្តនៅប្រទេសមីយ៉ានម៉ា ទាក់ទិននឹងរដ្ឋប្រហារដោយកងទ័ព។ ប្រទេសជាច្រើនបានរិះគន់ ថ្កោលទោស និងអំពាវនាវឱ្យកងទ័ពមីយ៉ានម៉ា វិលទៅរកសភាពដើម មុនរដ្ឋប្រហារនេះ៕

ប្រភព៖ Reuters

February 1, 2021

កងទ័ពមីយ៉ានម៉ា សន្យាថានឹងធ្វើការបោះឆ្នោតឡើងវិញ ក្រោយរយៈពេលមួយឆ្នាំទៀត

កងទ័ពមីយ៉ានម៉ា បានឱ្យដឹងថា នឹងប្រគល់អំណាចទៅឱ្យគណបក្សជាប់ឆ្នោតនក្នុងការបោះឆ្នោតមួយដែលនឹងត្រូវបានធ្វើឡើងបន្ទាប់ពីស្ថានភាពអាសន្នដែលកងទ័ពបានដាក់ចេញ ត្រូវបានបញ្ចប់។

«យើងនឹងអនុវត្តលទ្ធិប្រជាធិបតេយ្យពិតប្រាកដ ជាមួយនឹងតុល្យភាព និងយុត្តិធម៌ពេញលេញ» កងទ័ពមីយ៉ានម៉ាបានប្រកាសនៅលើបណ្ដាញសង្គម Facebook នាថ្ងៃទី 1 មករា ឆ្នាំ 2021 នេះ។ «អំណាចនឹងត្រូវបានផ្ទេរជូន បន្ទាប់ពីមានការបោះឆ្នោតដោយសេរី យុត្តិធម៌ និងបញ្ចប់ដំណាក់កាលអនុវត្តបទបញ្ជាភាពអាសន្ន»។

សូមរំលឹកថា កងទ័ពមីយ៉ានម៉ា នាវេលាទៀបភ្លឺ ថ្ងៃទី 1 មករានេះ បានឆ្មក់ចូលចាប់ខ្លួនលោកស្រី Aung San Suu Kyi ដែលជាទីប្រឹក្សាជាតិ រួមនឹងប្រធានាធិបតី Win Myint និងក្រុមមន្ត្រីជាន់ខ្ពស់មួយចំនួននៃបក្ស សម្ព័ន្ធដើម្បីប្រជាធិបតេយ្យមីយ៉ានម៉ា (NLD) ដែលកំពុងកាន់អំណាច ដើម្បីប្រឆាំងនឹងការបោះឆ្នោតដែលភាគីខាងកងទ័ពយល់ថា មានការលួចបន្លំសន្លឹកឆ្នោតនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

ទូរទស្សន៍កងទ័ពមីយ៉ានម៉ា ក្រោយមកក៏បានប្រកាសថា អំណាចនៅប្រទេសនេះត្រូវបានប្រគល់ជូនលោក Min Aung Hlaing ដែលជាអគ្គមេបញ្ជាការកងទ័ពមីយ៉ានម៉ា។ ពួកគេនិយាយថា ត្រូវតែមានការដាក់ប្រទេសឱ្យស្ថិតក្នុងស្ថានភាពអាសន្នរយៈពេលមួយឆ្នាំ ដោយសារថាបញ្ហា «លួចបន្លំសន្លឹកឆ្នោត» មិនត្រូវបានដោះស្រាយ។

ការធ្វើរដ្ឋប្រហារនេះ ត្រូវបានសហគមន៍អន្តរជាតិថ្កោលទោស និងអំពាវនាវឱ្យកងទ័ពមីយ៉ានម៉ា វិលទៅរកសភាពដើម មុនការធ្វើរដ្ឋប្រហារក្នុងថ្ងៃទីនេះ៕

ប្រភព៖ AFP

February 1, 2021

វិវឌ្ឍន៍រយៈពេល 10 នៃនយោបាយមីយ៉ានម៉ា មុនកងទ័ពវិលចូលកាន់អំណាចនៅថ្ងៃនេះ

កងទ័ពភូមា ឬមីយ៉ានម៉ា បានចាប់ខ្លួនទីប្រឹក្សាជាតិ លោកស្រី Suu Kyi និងបានធ្វើរដ្ឋប្រហារ ក្រោយពីបានបោះបង់អំណាចផ្ដាច់ការអស់រយៈពេលជិត 5 ទសវត្សរ៍នៅប្រទេសនេះ។

ឆ្នាំ 2010 រដ្ឋាភិបាលដែលគ្រប់គ្រងដោយកងទ័ពមីយ៉ានម៉ា បានធ្វើការបោះឆ្នោតនៅដើមខែវិច្ឆិកា ក្នុងនោះ គណបក្សសាមគ្គីភាពនិងអភិវឌ្ឍន៍សហភាពមីយ៉ាន់ម៉ា (USDP) ដែលគាំទ្រដោយកងទ័ពបានប្រកាសជ័យជំនះ។ ប៉ុន្តែ គណបក្សសម្ព័ន្ធដើម្បីប្រជាធិបតេយ្យមីយ៉ានម៉ា (NLD) និងបក្សផ្សេងៗទៀត បានប្រកាសមិនចូលរួម។ ក្រុមអ្នកសង្កេតការបោះឆ្នោតចាត់ទុកថា នេះគឺជាការបោះឆ្នោតអយុត្តិធម៌។

ជិតមួយសប្ដាហ៍ក្រោយការបោះឆ្នោត លោកស្រី Aung San Suu Kyi ត្រូវបានដោះលែង បន្ទាប់ពីត្រូវជាប់ឃុំក្នុងផ្ទះរយៈពេល 16 ឆ្នាំ។

ឆ្នាំ 2011 រដ្ឋាភិបាលបានផ្ទេរអំណាចទៅឱ្យរដ្ឋាភិបាលពាក់កណ្ដាលស៊ីវិលមួយរបស់អតីតឧត្តមសេនីយ៍ Thein Sein ដែលជាអ្នកមានបំណងធ្វើកំណែទម្រង់។ សិទ្ធិជាមូលដ្ឋានមួយចំនួនត្រូវបានស្ដារឡើងវិញ ក្នុងនោះមានដូចជា ការដកការរឹតបន្តឹងក្នុងការជួបជុំ និងសំដែងមតិជាដើម។

ឆ្នាំ 2012 បក្ស NLD ដណ្ដើមបាន 43 ក្នុងចំណោម 45 កៅអីនៅសភាក្នុងការបោះឆ្នោតខែមេសា ហើយលោកស្រី Suu Kyi ក៏បានក្លាយជាតំណាងរាស្ត្រនៅសភា។ អាមេរិក និងអឺរ៉ុបបានចាប់ផ្ដើមដកការដាក់ទណ្ឌកម្មលើមីយ៉ានម៉ា ភ្លាមនោះ បណ្ដាក្រុមហ៊ុនអឺរ៉ុបក៏បានចាប់ផ្ដើមសម្រុកចូលរកស៊ីក្នុងប្រទេសនេះ។ Barack Obama បានក្លាយជាប្រធានាធិបតីអាមេរិកដំបូងគេដែលបានមកធ្វើទស្សនកិច្ចប្រទេសមីយ៉ានម៉ា។

ឆ្នាំ 2015 NLD ទទួលបានជ័យជំនះច្រើនលើសលុបក្នុងការបោះឆ្នោតជាតិ។ អគ្គមេបញ្ជាការកងទ័ពមីយ៉ានម៉ា លោក Min Aung Hlaing បានជូនពរលោកស្រី Suu Kyi និងបក្សរបស់លោកស្រី។

ឆ្នាំ 2016 NLD ចូលដឹកនាំប្រទេស ហើយលោកស្រី Suu Kyi ក៏ធ្វើជាទីប្រឹក្សាជាតិ ដែលតាមពិតវាគ្រាន់តែជាតំណែងមួយដើម្បីធ្វើឱ្យស្របរដ្ឋធម្មនុញ្ញដែលហាមលោកស្រីឡើងកាន់តំណែងប្រធានាធិបតីតែប៉ុណ្ណោះ។

ឆ្នាំ 2017 មេធាវីកាន់សាសនាអ៊ីស្លាម ឈ្មោះ Ko Ni ដែលជាអ្នករិះគន់មិនសំច័យមាត់ទៅលើកងទ័ព និងជាទីប្រឹក្សារបស់លោកស្រី Suu Kyi ត្រូវបានគេធ្វើឃាតនៅក្នុងទីក្រុង Yangon។ មនុស្សរាប់ពាន់នាក់បានចូលរួមពិធីបុណ្យសពរបស់លោក។

ថ្ងៃទី 25 សីហា កងទ័ពមីយ៉ានម៉ាបានធ្វើការកៀបសង្កត់ពលរដ្ឋនៅក្នុងរដ្ឋ Rakhine ដើម្បីឆ្លើយតបនឹងក្រុមឧទ្ទាម បណ្ដាលឱ្យក្រុមជនជាតិភាគតិច Rohingya ត្រូវភៀសខ្លួនទៅតាមបន្ទាប់ព្រំដែនជាមួយនឹងបង់ក្លាដែស។

ឆ្នាំ 2018 អ្នកយកព័ត៌មានរបស់ Reuters 2 រូប ត្រូវបានចាប់ឃុំខ្លួន ក្រោមបទចោទថា បានរំលោភលើកិច្ចការសម្ងាត់របស់ប្រទេសមីយ៉ានម៉ា នៅពេលពួកគេរាយការណ៍អំពីករណីសម្លាប់រង្គាលលើជនជាតិ Rohingya។ អ្នកយកព័ត៌មានទាំងនេះត្រូវឃុំខ្លួនរយៈពេល 500 ថ្ងៃ មុនពេលត្រូវបានដោះលែងទៅតាមបទបញ្ជារបស់ប្រធានាធិបតី។

ឆ្នាំ 2019 សហរដ្ឋអាមេរិកបានប្រកាសដាក់ទណ្ឌកម្មចំពោះមេបញ្ជាការកងទ័ព និងមន្ត្រីយោធាចំនួន 3 រូបផ្សេងទៀត។ Gambia បានដាក់ពាក្យប្ដឹងឡើងទៅកាន់តុលាការយុត្តិធម៌របស់អង្គការសហប្រជាជាតិ ដោយចោទមីយ៉ានម៉ាពីបទប្រល័យពូជសាសន៍។ លោកស្រី Suu Kyi បានធ្វើការការពារភាគីមីយ៉ានម៉ានៅតុលាការក្នុងទីក្រុង The Hague នៃប្រទេសហូឡង់។

បណ្ដឹងចំនួន 2 ផ្សេងទៀតក៏ត្រូវធ្វើឡើងដើម្បីប្រឆាំងនឹងមីយ៉ានម៉ា រួមមានទាំងការស៊ើបអង្កេតរបស់តុលាព្រហ្មទណ្ឌអន្តរជាតិ (ICJ) ផងដែរ។

ឆ្នាំ 2020 ICJ បានទាត់ចោលការបង្ហាញអំពីភាពត្រឹមត្រូវពីសំណាក់លោកស្រី Suu Kyi និងចេញបញ្ជាឱ្យមីយ៉ានម៉ាអនុវត្តវិធានការដើម្បីចៀសវាងការចោទប្រកាន់អំពីបទប្រល័យពូជសាសន៍។

ហេដ្ឋារចនាសម្ព័ន្ធសុខាភិបាលរបស់ប្រទេសនេះ ត្រូវបាន Covid-19 បំផ្លិចបំផ្លាញ បណ្ដាលឱ្យមានមនុស្សជាង 140,000 នាក់បានឆ្លង Covid-19 ក្នុងនោះមានជាង 3,000 នាក់បានស្លាប់។

មីយ៉ានម៉ាបោះឆ្នោតប្រជាធិបតេយ្យលើកទីពីរ ប៉ុន្តែតំបន់មួយចំនួនដែលសម្បូរជនជាតិភាគតិច មិនបានចូលរួមបោះឆ្នោត ដោយសារមានការប្រយុទ្ធគ្នាយ៉ាងខ្លាំងក្លា រវាងក្រុមឧទ្ទាម និងកងទ័ព។ NLD ត្រូវបានគេព្យាករថា នឹងទទួលជ័យជំនះ។

ឆ្នាំ 2021 ក្រោយពីបានចោទប្រកាន់ថា មានបញ្ហាមិនប្រក្រតីមួយចំនួនកើតឡើងនៅក្នុងការបោះឆ្នោត ប៉ុន្តែត្រូវបានបដិសេធដោយអាជ្ញាធរ កងទ័ពមីយ៉ានម៉ាក៏បានសម្រេចចាប់ខ្លួនលោកស្រី Suu Kyi រួមនឹងប្រធានាធិបតី Win Myint និងក្រុមមេដឹកនាំជាន់ខ្ពស់ជាច្រើនរូបទៀតរបស់បក្ស NLD នៅវេលាទៀបភ្លឺនាថ្ងៃទី 1 មករា ក្នុងគ្រាដែលសភាកំពុងត្រៀមបើកកិច្ចប្រជុំលើកដំបូង។

បន្ទាប់មក កងទ័ពមីយ៉ានម៉ាក៏បានដាក់ប្រទេសឱ្យស្ថិតក្នុងស្ថានភាពអាសន្នរយៈពេលមួយឆ្នាំ និងបានតែងតាំងអតីតឧត្តមសេនីយ៍ម្នាក់ឱ្យធ្វើជាប្រធានាធិបតីស្ដីទី ដើម្បីរក្សាស្ថិរភាព។

អគ្គលេខាធិការអង្គការសហប្រជាជាតិ បានប្រឆាំងនឹងការដែលកងទ័ពមីយ៉ានម៉ាចាប់ខ្លួនទីប្រឹក្សាជាតិ លោកស្រី Suu Kyi ដោយយល់ថា នេះគឺជាការសំពងទៅលើដំណើរការនៃកំណែទម្រង់លទ្ធិប្រជាធិបតេយ្យ។

រដ្ឋាភិបាលប្រធានាធិបតី Joe Biden ក៏បានព្រមានមីយ៉ានម៉ាថា មិនត្រូវព្យាយាមកែប្រែលទ្ធផលបោះឆ្នោត ហើយថា នឹងធ្វើសកម្មភាពបើសិនដំណើរទៅរកប្រជាធិបតេយ្យត្រូវបានរាំងខ្ទប់។

ក្រៅពីនេះ ប្រទេសជប៉ុន អូស្ត្រាលី និងចិន ជាដើម ក៏បានថ្កោលទោស ឬអំពាវនាវឱ្យមីយ៉ានម៉ាវិលទៅរកគន្លងផ្លូវមុនការរដ្ឋប្រហារនេះផងដែរ៕

ប្រភព៖ AFP

February 1, 2021

មូលហេតុដែលនាំឱ្យកងទ័ពមីយ៉ានម៉ា ឈានដល់ការធ្វើ «រដ្ឋប្រហារ» ដើម្បីឡើងកាន់អំណាចជាថ្មី

កងទ័ពមីយ៉ានម៉ាបានបង្ហើបឱ្យដឹងអំពីសញ្ញាដំបូងនៃការធ្វើរដ្ឋប្រហាររបស់ខ្លួនកាលពីសប្ដាហ៍មុន ក្រោយពីបានចោទប្រកាន់ថា មានការលួចបន្លំនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

មេដឹកនាំមីយ៉ានម៉ា លោកស្រី Aung San Suu Kyi និងក្រុមមន្ត្រីជាន់ខ្ពស់របស់បក្សកាន់អំណាច ត្រូវបានកងទ័ពប្រទេសនេះឆ្មក់ចូលចាប់ខ្លួនកាលពីវេលាទៀបភ្លឺនៃថ្ងៃទី 1 ខែកុម្ភៈ។ សកម្មភាពនេះត្រូវបានធ្វើឡើងក្រោយមានការព្រមានកាលពីសប្ដាហ៍មុនថា ពួកគេអាចនឹងធ្វើរដ្ឋប្រហារ បន្ទាប់ពីបានចោទប្រកាន់ថាមានការលួចបន្លំសន្លឹកឆ្នោត។

គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (National League for Democracy/NLD) របស់លោកស្រី Suu Kyi ដែលជាអតីតអ្នកទោសនយោបាយ និងជាអ្នកនាំមុខគេក្នុងការតស៊ូដ៏យូរអង្វែងប្រឆាំងនឹងរបបផ្ដាច់ការ ដណ្ដើមបាន 85% នៃកៅអីសភា នៅក្នុងការបោះឆ្នោតកាលពីថ្ងៃទី 8 វិច្ឆិកា ឆ្នាំ 2020។

លោកស្រី Suu Kyi អាយុ 75 ឆ្នាំ ដែលធ្លាប់ទទួលបានពានរង្វាន់ Nobel សន្តិភាពកាលពីឆ្នាំ 1991 បានឡើងកាន់អំណាចបន្ទាប់ពីទទួលបានជ័យជំនះក្នុងការបោះឆ្នោតកាលពីឆ្នាំ 2015 ក្រោយពីត្រូវបានជាប់ឃុំក្នុងផ្ទះអស់ជាច្រើនទសវត្សរ៍ ក្នុងការតស៊ូដើម្បីប្រជាធិបតេយ្យ។

កងទ័ពមីយ៉ានម៉ា ដែលត្រូវបានគេហៅថា Tatmadaw យល់ថា ខ្លួនគឺជាក្រុមអ្នកការពារឯកភាពជាតិ និងរដ្ឋធម្មនុញ្ញ។ ពួកគេមានតួនាទីធំក្នុងប្រព័ន្ធនយោបាយ។

កងទ័ពមីយ៉ានម៉ាទទួលបានកៅអីសភាចំនួន 25% ដោយមិនចាំបាច់ឆ្លងកាត់ការបោះឆ្នោត និងគ្រប់គ្រងក្រសួងការពារជាតិ ក្រសួងមហាផ្ទៃ និងព្រំដែន។ ប្រការនេះហើយ ធ្វើឱ្យការចែករំលែកអំណាចជាមួយនឹងបក្សរបស់លោកស្រី Suu Kyi មានការលំបាក ដោយសារតែសមាជិកជាច្រើនរូបរបស់បក្សប្រជាធិបតេយ្យមួយនេះធ្លាប់ជាប់ពន្ធនាគារក្រោមរបបរបស់រដ្ឋាភិបាលយោធាចាស់។

ក្រោយការបោះឆ្នោត កងទ័ពមីយ៉ានម៉ាបានចោទប្រកាន់ថា ការបោះឆ្នោតឆ្នាំ 2020 មានអំពើលួចបន្លំសន្លឹកឆ្នោត ដោយលើកឡើងអំពីភាពមិនប្រក្រតីមួយចំនួន ដូចជា មានឈ្មោះស្ទួន និងមិនពេញចិត្តនឹងការប្រតិកម្មរបស់គជបនៃប្រទេសនេះ ចំពោះការតវ៉ារបស់ពួកគេ។ ភាគីកងទ័ពមិនបានបង្ហាញឱ្យដឹងថា ការលួចបន្លំសន្លឹកនោះមានទំហំកម្រិតណានោះទេ។

គណបក្សសាមគ្គីភាពនិងអភិវឌ្ឍន៍សហភាពមីយ៉ាន់ម៉ា (USDP) ជាបក្សកាន់អំណាចមុននេះ និងជាបក្សដែលត្រូវបានកងទ័ពបង្កើតឡើងមុនពេលផ្ទេរអំណាចកាលពីឆ្នាំ 2011 ក៏បានតវ៉ាអំពីបញ្ហាស្រដៀងគ្នានេះដែរអំពីការបោះឆ្នោត។ បក្ស USDP ត្រូវបានគេចាត់ទុកថា ជាបក្សតំណាងឱ្យកងទ័ព ទទួលបានត្រឹមតែ 33 កៅអីប៉ុណ្ណោះ ក្នុងចំណោម 476 កៅអីនៅសភា។

Suu Kyi មិនទាន់មានការអធិប្បាយអ្វីអំពីជ័យជំនះរបស់ NLD ក៏ដូចជាការតវ៉ារបស់កងទ័ព ប៉ុន្តែ NLD យល់ថា ការចោទប្រកាន់របស់កងទ័ពគឺជារឿងដែលគ្មានមូលដ្ឋាន។

ក្រុមអ្នកសង្កេតការបោះឆ្នោតបានឱ្យដឹងថា ពុំមានបញ្ហាមិនប្រក្រតីធ្ងន់ធ្ងរនោះទេ។ គជបប្រទេសមីយ៉ានម៉ា កាលពីថ្ងៃទី 28 មករា ក៏បាននិយាយថា មិនមានកំហុសឆ្គងណាមួយដែលអាចត្រូវបានចាត់ទុកថាជាការលួចបន្លំសន្លឹកឆ្នោត ឬបណ្ដាលឱ្យការបោះឆ្នោតត្រូវបាត់បង់ទំនុកចិត្តនោះដែរ។

ជាសរុប ការធ្វើរដ្ឋប្រហាររបស់កងទ័ពមីយ៉ានម៉ា គឺមានមូលហេតុមិនសមរម្យ នោះគឺ ការលួចបន្លំសន្លឹកឆ្នោតនៅក្នុងការបោះឆ្នោតជាតិ កាលពីខែវិច្ឆិកា ឆ្នាំ 2020៕

ប្រភព៖ Reuters

February 1, 2021

ពលរដ្ឋមីយ៉ានម៉ា នាំគ្នាសម្រុកទៅដកប្រាក់ពី ATM ក្រោយ «រដ្ឋប្រហារ» របស់កងទ័ព

ផ្លូវនានាក្នុងទីក្រុង Yangon មានសភាពស្ងប់ស្ងាត់ ក្រោយពីកងទ័ពបានចាប់ខ្លួនក្រុមមេដឹកនាំរដ្ឋាភិបាលរបស់លោកស្រី Aung San Suu Kyi ខណៈដែលប្រជាជនជាច្រើននាំគ្នាសម្រុកទៅដកប្រាក់ពីទូ ATM មុនពេលធនាគារផ្អាកដំណើរការ។

«ផ្លូវក្នុងរដ្ឋធានី Yangon នៅរៀងរាល់ព្រឹកដើមសប្ដាហ៍ តែងតែមានមនុស្សអ៊ូអរ ប៉ុន្តែពេលនេះមានសភាពស្ងាត់ជ្រងំ ដោយសារមនុស្សម្នាខ្លាច មិនហ៊ានចេញពីផ្ទះ ក៏ប៉ុន្តែ នៅតែមានពលរដ្ឋជាច្រើននាំគ្នាចេញទៅកាន់ទូ ATM ដើម្បីដកប្រាក់» អ្នកយកព័ត៌មាន May Wong របស់ទីភ្នាក់ងារសារព័ត៌មាន CNA បានឱ្យដឹងដូច្នេះនាព្រឹកថ្ងៃទី 1 ខែកុម្ភៈនេះ។

សកម្មភាពខាងលើនេះបានកើតឡើងបន្ទាប់ពីកងទ័ពមីយ៉ានម៉ា ប្រកាសថា បានចាប់ខ្លួនទីប្រឹក្សាជាតិ លោកស្រី Aung San Suu Kyi និងប្រធានាធិបតី Win Myint រួមនឹងមេដឹកនាំជាន់ខ្ពស់ជាច្រើនរូបទៀតរបស់បក្សកាន់អំណាច។ កងទ័ពក៏បានប្រកាសដាក់ប្រទេសឱ្យស្ថិតក្នុងស្ថានភាពអាសន្ន ដើម្បីដឹកនាំប្រទេសក្នុងរយៈពេលមួយឆ្នាំ។

ពលរដ្ឋមីយ៉ានម៉ា នាំគ្នាសម្រុកទៅដកប្រាក់ពី ATM ក្រោយ «រដ្ឋប្រហារ»

ក្រោយពីការចាប់ខ្លួនខាងលើ សហគមន៍អន្តរជាតិ ពិសេសគឺក្រុមប្រទេសលោកខាងលិច បានហៅទង្វើនេះថាជាការខិតខំដើម្បីធ្វើរដ្ឋប្រហាររបស់កងទ័ព ហើយបានអំពាវនាវឱ្យមេដឹកនាំយោធាប្រទេសនេះ ត្រលប់មករកស្ថានភាពដើម។

បន្ទាប់មក សមាគមធនាគារមីយ៉ានម៉ា បានចេញសេចក្ដីប្រកាសមួយបញ្ជាក់ថា ធនាគារទាំងអស់នឹងផ្អាកដំណើរការបណ្ដោះអាសន្ន ដោយមិនបានលើកឡើងអំពីកាលបរិច្ឆេទជាក់លាក់នៃការដំណើរការឡើងវិញនោះទេ៕

ប្រភព៖ CNA

February 1, 2021

ក្រោយចាប់ខ្លួនមេដឹកនាំរដ្ឋាភិបាល កងទ័ពមីយ៉ានម៉ាប្រកាសដាក់ប្រទេសស្ថិតក្នុងភាពអាសន្នរយៈពេលមួយឆ្នាំ ខណៈសហគមន៍អន្តរជាតិកំពុងថ្កោលទោស

ក្នុងថ្ងៃទី 1 ខែកុម្ភៈនេះ ស្ថានីយទូរទស្សន៍របស់កងទ័ពមីយ៉ានម៉ាបានចេញផ្សាយថា កងទ័ពប្រទេសនេះបាន «ប្រកាសដាក់ប្រទេសឱ្យស្ថិតក្នុងស្ថានភាពអាសន្នរយៈពេលមួយឆ្នាំ» ក្រោយពីបានចាប់ឃាត់ខ្លួនក្រុមមេដឹកនាំក្នុងរដ្ឋាភិបាលរបស់លោកស្រី Aung San Suu Kyi។

Xinhua ដកស្រង់ប្រភពព័ត៌មានខាងលើ ឱ្យដឹងថា កងទ័ពមីយ៉ានម៉ាប្រកាសថា បច្ចុប្បន្នអំណាចទាំងស្រុងត្រូវបានប្រគល់ជូនអគ្គមេបញ្ជាការកងទ័ពមីយ៉ានម៉ា ឧត្តមសេនីយ៍ Min Aung Hlaing។

Myo Nyunt អ្នកនាំពាក្យរបស់បក្ស NLD ដែលជាបក្សកាន់អំណាចនៃប្រទេសភូមា ថ្ងៃនេះបានឱ្យដឹងថា មេដឹកនាំ Aung San Suu Kyi និងក្រុមមន្ត្រីជាន់ខ្ពស់របស់បក្សកាន់អំណាច ក្នុងនោះក៏មានប្រធានាធិបតី Win Myint ផងដែរ ត្រូវបានចាប់ខ្លួននៅក្នុងការឆ្មក់ចូលពីសំណាក់កងទ័ពកាលពីវេលាទៀបភ្លឺនៃថ្ងៃទី 1 កុម្ភៈនេះ។

ប្រភពព័ត៌មានមួយចំនួនបានចេញផ្សាយថា គិតមកដល់បច្ចុប្បន្ន អ្នកនាំពាក្យ Myo Nyunt ក៏ទំនងជាត្រូវបានចាប់ខ្លួនរួចទៅហើយ ដោយសារតែមិនអាចទាក់ទងបាន។

ព្រឹកនេះដែរ ស្ថានីយទូរទស្សន៍ជាតិមីយ៉ានម៉ា MRTV ក៏បានប្រកាសថា មិនអាចផ្សាយបានដូចសព្វមួយដង ដោយសារបញ្ហាបច្ចេកទេស។

ទាក់ទិននឹងបញ្ហានៅមីយ៉ានម៉ា ជប៉ុន នាព្រឹកនេះក៏បានប្រកាសស្នើឱ្យប្រទេសនេះងាកមករកស្ថានភាពដើម និងអំពាវនាវឱ្យមានការចរចាតាមសន្តិវិធីដើម្បីដោះស្រាយបញ្ហា។

សហរដ្ឋអាមេរិក អូស្ត្រាលី និងអង្គការសហប្រជាជាតិ ក៏បានធ្វើការប្រតិកម្មខ្លាំងក្លាចំពោះទង្វើរបស់កងទ័ពមីយ៉ានម៉ា។ យ៉ាងនេះក្ដីភាគីកងទ័ពមីយ៉ានម៉ាបានរិះគន់ចំពោះការប្រតិកម្មខាងលើមកលើកិច្ចការផ្ទៃក្នុងរបស់ប្រទេសអាស៊ីអាគ្នេយ៍មួយនេះ។

នៅក្នុងសេចក្ដីប្រកាសមួយដែលត្រូវបានបង្ហោះនៅលើ Facebook កងទ័ពមីយ៉ានម៉ាបាន «ប្ដេជ្ញាទាត់ចោល» រាល់ការចោទប្រកាន់ដែលថា កងទ័ពប្រទេសនេះរារាំងដំណើរការទៅរកប្រជាធិបតេយ្យ ទន្ទឹមនឹងនេះក៏បានព្រមានដល់សហគមន៍ការបរទេសថា «មិនត្រូវលើកឡើងនូវការសន្និដ្ឋានដែលគ្មានមូលដ្ឋានច្បាស់លាស់អំពីស្ថានការណ៍» នៅប្រទេសនេះឡើយ៕

ប្រភព៖ Xinhua

February 1, 2021

វ៉ាក់សាំង Covid-19 នាំចូលវៀតណាមក្នុងខែកុម្ភៈនេះ មានតម្លៃប៉ុន្មាន និងក្រុមមនុស្សណាខ្លះនឹងទទួលបានអាទិភាព?

មន្ត្រីរដ្ឋាភិបាលលវៀតណាមបានឱ្យដឹងថា ក្រុមគោលដៅដែលមានហានិភ័យខ្ពស់ មានក្រុម ក្រុមនៅក្បែរប្រក្រុមអ្នកទន់ខ្សោយក្នុងសង្គមជាងសង្គមជាដើម នឹងត្រូវបានចាក់វ៉ាក់សាំង Covid-19 មុនគេ ហើយថ្ងៃនេះ (1កុម្ភៈ) បែបបទនាំចូលវ៉ាក់សាំងនឹងត្រូវបានធ្វើឡើងរួចរាល់ជាស្ថាពរ។

សារព័ត៌មានវៀតណាម ថ្ងៃទី 30 មករា បានបញ្ជាក់ថា បានធ្វើការអនុម័តលើការនាំចូលវ៉ាក់សាំង Covid-19 ដែលត្រូវបានផលិតដោយក្រុមហ៊ុន AstraZeneca និងសាកលវិទ្យាល័យ Oxford។

ប្រភពព័ត៌មានឱ្យដឹងថាក្នុងថ្ងៃទីទី 1 ខែកុម្ភៈនេះ ឯកសារទាំងឡាយដែលពាក់ព័ន្ធនឹងការនាំចូលវ៉ាក់សាំង Covid-19 នឹងត្រូវបានបំពេញរបរិមាណនៃវ៉ាក់សាំងនាំចូលគ្រាដំបូងនេះនឹងច្រើនជាងការគ្រោងទុកកន្លងមក (មុននេះ វៀតណាមគ្រោងនឹងនាំចូល 50,400 ដូស សម្រាប់ដំណាក់កាលដំបូង)។

អនុរដ្ឋមន្ត្រីក្រសួងសុខាភិបាលវៀតណាម លោក Nguyen Truong Son បានឱ្យដឹងដែរថា ក្រសួងបានត្រៀមគម្រោងចាក់វ៉ាក់សាំង Covid-19 រួចហើយ។ «ក្រុមគោលដៅដែលមានហានិភ័យខ្ពស់ រួមមាន ក្រុមដែលនៅក្បែរប្រភពវីរុស និងក្រុមអ្នកទន់ខ្សោយក្នុងសង្គម នឹងត្រូវបានផ្ដល់អាទិភាពក្នុងការចាក់វ៉ាក់សាំង»។ ក្រុមដែលមានហានិភ័យខ្ពស់គឺក្រុមគ្រូពេទនិងក្រុមមន្ត្រីយោធានៅព្រំដែនជួរមុខួរ ហើយប្រាក់ចំណាយសម្រាប់ពួកគេគឺជាបន្ទុករបស់រដ្ឋាភិបាល។

អនុរដ្ឋមន្ត្រីខាងលើបញ្ជាក់ថា៖ «អាជ្ញាធរនឹងយោងទៅតាមតម្រូវការរបស់ពលរដ្ឋ ដើម្បីនាំចូល និងផលិតវ៉ាក់សាំងសម្រាប់ផ្គត់ផ្គង់តាមតម្រូវការជាក់ស្ដែងសម្រាប់តម្លៃរបស់វ៉ាក់សាំងផលិតដោយក្រុមហ៊ុនហ៊ុន AstraZeneca និងសាកលវិទ្យាល័យ Oxford ដែលលក់មកឱ្យវៀតណាមដំណាក់កាលដំបូងនេះគឺមានតម្លៃក្រោម 10 ដុល្លារអាមេរិក/2 ម្ជុល ដោយធ្វើតាមគោលការណ៍មិនយកចំណេញ។ តាមផែនការ វ៉ាក់សាំងនេះនឹងត្រូវបាននាំចូលវៀតណាមនៅក្នុងខែកុម្ភៈ ឆ្នាំ 2021។

អនុរដ្ឋមន្ត្រីក្រសួងសុខាភិបាល វៀតណាម Nguyen Truong Son

ក្រៅពីនេះ វៀតណាមក៏បាននិងកំពុងចរចាជាមួយបណ្ដាក្រុមហ៊ុនដែលមានវ៉ាក់សាំង Covid-19 មួយចំនួន មានដូចជា Pfizer និង Moderna ជដើម្បីនាំចូលវ៉ាក់សាំងទាំងនេះមកវៀតតណាមនាពេលខាងមុខ។

ចំណែកវ៉ាក់សាំង Covid-19 «made in Vietnam បច្ចុប្បន្នមានក្រុមហ៊ុនចំនួនួន 4 កំពុងស្រាវជ្រាវផលិត ក្នុងនោះមានក្រុមហ៊ុនចំនួស្ថិតក្នុងដំណាក់កាលពិសោធលើមនុស្ស។ស្ស។ ក្រោយបុណ្យចូលឆ្នាំចិន វ៉ាក់សាំងNanocovax របស់ក្រុមហ៊ុន Nano នៅវៀតណាម នឹងចាប់ផ្ដើមពិសោធន៍លើមនុស្សចំនួន 560 នាក់ នៅក្នុងដំណាក់កាលទី 2 ហើយបើសិនដំណើរការរលូន និងត្រូវបានអនុម័តបន្ទាន់ វ៉ាក់សាំងនេះអាចនឹងបង្ហាញខ្លួននៅពាក់កណ្ដាលឆ្នាំ 2021។

វ៉ាក់សាំងដែលត្រូវបានគេយកចិត្តទុកដាក់ជាងគេ នោះគឺវ៉ាក់សាំងដែលត្រូវបានអភិវឌ្ឍឡើងដោយមានកិច្ចសហការរវាងវិទ្យាស្ថានជាតិអនាម័យនិងរោគរាតត្បាត និងវិទ្យាស្ថានវ៉ាក់សាំងជីវវេជ្ជសាស្ត្រ (IVAC) រួមជាមួយនឹងសាកលវិទ្យាល័យវេជ្ជសាស្ត្រហាណូយ និងអង្គការអន្តរជាតិមួយចំនួនទៀត ដោយយោងទៅតាមវីរុស Covid-19 ក្លាយពូជថ្មី៕

ប្រភព៖ IN

February 1, 2021

តួលេខអ្នកឆ្លង Covid-19 នៅកម្ពុជា និងពិភពលោក គិតត្រឹមព្រឹកថ្ងៃទី 1 ខែមករា 2021

ក្នុងអំឡុង 24 ម៉ោងនៃថ្ងៃទី 31 ខែមករា ឆ្នាំ 2021 កម្ពុជាបានរកឃើញអ្នកឆ្លង Covid-19 ថ្មីចំនួន 1 ករណី ខណៈទូទាំងពិភពលោករកឃើញជិត 4 សែនករណីបន្ថែមទៀត។

ក្រសួងសុខាភិបាលកម្ពុជា នាព្រឹកថ្ងៃទី 1 កុម្ភៈនេះ បានឱ្យដឹងថា បានរកឃើញករណីឆ្លង Covid-19 ថ្មីចំនួន 1 នាក់បន្ថែមទៀត ដែលជាពលការិនីខ្មែរធ្វើដំណើរពីប្រទេសថៃ។ អ្នកជំងឺរូបនេះ មានអាយុ 20 ឆ្នាំ ជាពលរដ្ឋរបស់ខេត្តពោធិ៍សាត់។ ព័ត៌មានលម្អិត សូមបន្តអានរបាយការណ៍ខាងក្រោម។

គិតមកដល់ព្រឹកថ្ងៃទី 1 ខែកុម្ភៈ ឆ្នាំ 2021 នេះ កម្ពុជាបានរកឃើញអ្នកឆ្លង Covid-19 សរុបចំនួន 466 នាក់ ក្នុងនោះមានអ្នកជាសះស្បើយចំនួន 443 នាក់ និង 23 នាក់ទៀតកំពុងទទួលការព្យាបាល

នៅទូទាំងពិភពលោក អ្នកឆ្លង Covid-19 សរុប បានកើនដល់ 103,507,287 នាក់ និងអ្នកស្លាប់កើនដល់ 2,236,975 នាក់ ខណៈអ្នកជាសះស្បើយមានចំនួន 75,113,139 នាក់ និងអ្នកជំងឺកំពុងព្យាបាលមានចំនួន 26,157,173 នាក់៕

February 1, 2021

Author: សឿន សំណាង