សឿន សំណាង - La Reine Media

មូលហេតុ ប្ដី-ប្រពន្ធមហាសេដ្ឋី Bill Gates លែងលះគ្នា អាចបណ្ដាលមកពី «យន្តការគេចពន្ធ» ដែលរដ្ឋបាល Joe Biden នឹងអនុវត្តនៅចុងឆ្នាំនេះ?

ប្រធានាធិបតីអាមេរិក លោក Joe Biden មានបំណងយកពន្ធ «សម្ព័ន្ធភាពអាពាហ៍ពិពាហ៍» បន្ថែមទៀត ពីគ្រួសារមហាសេដ្ឋីលំដាប់កំពូលៗរបស់ប្រទេសនេះ ធ្វើឱ្យគេសង្ស័យថា ការលែងលះរបស់ប្ដី-ប្រពន្ធ Bill Gates គឺជាការ «គេចពន្ធ»។

យោងតាមសារព័ត៌មាន CNBC គ្រូសារមហាសេដ្ឋីនានានៅសហរដ្ឋអាមេរិក អាចត្រូវបង់ពន្ធ «ធ្ងន់ធ្ងរ» ជាងមុន បើធៀបនឹងមហាសេដ្ឋីដែលមិនមានប្ដី ឬប្រពន្ធ ព្រោះតែគម្រោងយកពន្ធថ្មីរបស់ប្រធានាធិបតីអាមេរិក លោក Joe Biden។

ការប្រកាសនានាក្នុងគ្រាដំបូងបានបង្ហាញថា លោក Joe Biden មានបំណងបង្កើនអត្រាពន្ធទៅលើបុគ្គលដែលមានប្រាក់ចំណូលច្រើនជាង 452,700ដុល្លារ និងប្ដី-ប្រពន្ធដែលមានចំណូលខ្ពស់ជាង 509,300ដុល្លារ ដើម្បីមានប្រាក់គ្រប់គ្រាន់សម្រាប់គាំទ្រដល់យុទ្ធនាការប្រយុទ្ធប្រឆាំងនឹង Covid-19 ក៏ដូចជាសង្គ្រោះសេដ្ឋកិច្ច។ នៅមានទៀត ប្រធានាធិបតី Biden អាចនឹងយកពន្ធបន្ថែមច្រើនជាងនេះ សម្រាប់គ្រួសារដែលមានប្ដី និងប្រពន្ធជាអ្នកមានដូចគ្នា។

ប្រការនេះមានន័យថា អត្រាពន្ធដែលគេហៅថា «ពន្ធសម្ព័ន្ធភាពអាពាហ៍ពិពាហ៍» (The Marriage Penalty) នឹងត្រូវបានអនុវត្តលើគ្រួសារអ្នកមាន ដោយពួកគេត្រូវបង់ពន្ធលើប្រាក់ចំណូលបុគ្គល ទាបជាងពន្ធលើប្រាក់ចំណូលរួមរបស់គ្រួសារ។ ការកំណត់នេះ អាចនាំឱ្យគ្រួសារមហាសេដ្ឋីមួយចំនួន គិតដល់ការលែងលះ ដើម្បីគេចពន្ធ ព្រះថា ពួកគេនឹងត្រូវបង់ពន្ធច្រើនជាងមុន បើសិននៅតែរក្សាសម្ព័ន្ធភាពជាប្ដី-ប្រពន្ធនៅលើក្រដាស។

អ្នកជំនាញផ្នែកហិរញ្ញវត្ថុ Sabina Smailhodzic មកពីក្រុមហ៊ុន Avan Garde Wealth ឯកទេសខាងរៀបផែនការទ្រព្យសម្បត្តិសម្រាប់គ្រួសារអ្នកមាន បានអះអាងថា ការដាក់ឱ្យប្រើប្រាស់ «ពន្ធសម្ព័ន្ធភាពអាពាហ៍ពិពាហ៍» មិនមានអ្វីចម្លែកនោះទេ ដោយសារវាធ្លាប់ត្រូវបានរដ្ឋមួយចំនួនរបស់សហរដ្ឋអាមេរិក អនុវត្តរួចហើយកន្លងមក ដើម្បីបង្កើនប្រាក់ចំណូលពីក្រុមគ្រួសារអ្នកមាន។

បច្ចុប្បន្ន ច្បាប់ពន្ធលើប្រាក់ចំណូលសម្រាប់អ្នកមាននៅសហរដ្ឋអាមេរិក ត្រូវបានកំណត់ត្រឹម 37% ចំពោះបុគ្គលដែលមានចំណូលលើសពី 523,600ដុល្លារ ឬប្ដី-ប្រពន្ធដែលមានចំណូលួមច្រើនជាង 628,300ដុល្លារ (អាស្រ័យលើប្រភេទទ្រព្យ)។ ប្រធានាធិបតី Biden ចង់ដំឡើងពន្ធនេះឱ្យដល់ 39.6% និងសំដៅលើ top 1% នៃក្រុមអ្នកមានបំផុត។

ដូច្នេះ មហាសេដ្ឋីខ្លះ នឹងជ្រើសរើសការបង់ពន្ធលើប្រាក់ចំណូលបុគ្គល ជាជាងពន្ធសរុបរបស់គ្រួសារ ព្រោះពួកគេនឹងបង់ពន្ធតិចជាង។ ឧទាហរណ៍ថា គ្រួសារមួយដែលប្ដីមានចំណូល 350,000ដុល្លារ និងប្រពន្ធ 350,000ដុល្លារ នោះពួកគេនឹងត្រូវបង់ពន្ធយ៉ាងច្រើន ព្រោះថា គ្រួសារនេះមានចំណូលសរុប 700,000ដុល្លារ ដែលស្ថិតក្នុងបញ្ជីនៃក្រុមអ្នកមានលំដាប់ top 1% នៃច្បាប់ថ្មី។ ក៏ប៉ុន្តែ ប្រសិនបើបង់តាមលក្ខណៈបុគ្គល នោះម្នាក់ៗ មានត្រឹមតែ 350,000ដុល្លារ ទាបជាងការកំណត់ (526,600ដុល្លារ) និងត្រូវរួចពន្ធ ឬត្រូវបង់ទាបជាង។

ប្រធានាធិបតី Biden កំពុងមានគម្រោងអនុវត្ត «ពន្ធចំណងអាពាហ៍ពិពាហ៍» ទៅលើករណីខាងលើ ដើម្បីរកចំណូលបន្ថែមជូនរដ្ឋ។ ជាលទ្ធផល គ្រួសារមហាសេដ្ឋីមួយចំនួន ទំនងជានឹង «នាំគ្នា» ធ្វើការលែងលះច្រើនជាងមុន មុនពេលច្បាប់យកពន្ធថ្មី ចូលជាធរមាន។ បើទោះជាប្រាក់ចំណូលបុគ្គលរបស់មនុស្សមួយចំនួននៅតែខ្ពស់ ប៉ុន្តែពន្ធដែលពួកគេត្រូវបង់ក៏នៅតែទាបជាងឆ្ងាយ បើធៀបនឹង «ពន្ធសម្ព័ន្ធភាពអាពាហ៍ពិពាហ៍» ដែលប្រធានាធិបតី Biden ចង់ដាក់ឱ្យអនុវត្ត។

យោងតាមអ្នកជំនាញការមួយចំនួន ច្បាប់ពន្ធថ្មីរបស់ប្រធានាធិបតី Biden អាចនឹងត្រូវបានដាក់ឱ្យប្រើប្រាស់នៅចុងឆ្នាំ2021 ឬដើមឆ្នាំ2022 នៅក្នុងគ្រាដែលថវិកាជាតិត្រូវរងសម្ពាធយ៉ាងធ្ងន់ធ្ងរពីកញ្ចប់ថវិកាជំនួយដ៏ធំសម្បើមជាច្រើន ដែលរដ្ឋាភិបាលត្រូវប្រើប្រាស់ដើម្បីជួយសង្គ្រោះសេដ្ឋកិច្ច។

ជាងនេះ សេចក្ដីព្រាងច្បាប់ថ្មីរបស់ Joe Biden ក៏ថែមទាំងយកពន្ធ 61% ទៅលើបុគ្គលដែលត្រូវទទួលមរតកផងដែរ ដែលនេះអាចបណ្ដាលឱ្យគ្រួសារមហាសេដ្ឋីទាំងឡាយ ត្រូវពិចារណាយ៉ាងល្អិតល្អន់ នៅពេលចង់ផ្ទេរកេរមរតកទៅឱ្យកូនចៅ សាច់ញាតិ ដើម្បីអាចគេចពន្ធនេះបាន។

ថ្មីៗនេះ មហាសេដ្ឋី Bill Gates បានធ្វើឱ្យពិភពលោកមានការភ្ញាក់ផ្អើលខ្លាំង ពេលដែលលោកប្រកាសថា លែងលះប្រពន្ធ បើទោះជាកន្លងមក គ្រួសារនេះតែងតែបង្ហាញសុភមង្គល ក៏ដូចជាមិនទាន់មានបញ្ហាអ្វីធំដុំកើតឡើង។ ការសម្រេចចិត្តរបស់គ្រួសារ Bill Gates នាំឱ្យមនុស្សមួយចំនួនសង្ស័យថា មូលហេតុ អាចទាក់ទងនឹងយន្តការគេចពន្ធ មុនពេលកំណែទម្រង់ច្បាប់ពន្ធដាររបស់ប្រធានាធិបតី Joe Biden ត្រូវបានអនុវត្តជាផ្លូវការ៕

ប្រភព៖ CNBC
ប្រែសម្រួល៖ បុត្រា

May 5, 2021

ហុងស៊ុយផ្ទះ គឺជាអ្វី?

យើងអាចដឹងថា ហុងស៊ុយ គឺការរៀបចំទុកដាក់របស់របរ ឬការតុបតែងផ្ទះ តាមក្បួនសាស្ត្រារបស់ជនជាតិចិនដែលមានច្រើនបែប ច្រើនយ៉ាង ច្រើនតម្រា រហូតមិនដឹងថា តើត្រូវរៀបចំតុបតែងតាមតម្រាមួយណាទើបត្រូវនឹងគោលការណ៍ហុងស៊ុយពិតប្រាកដនោះឡើយ ហើយមានមនុស្សជាច្រើន ក៏នៅមិនទាន់ដឹងច្បាស់ទៀតផងថា តើហុងស៊ុយ គឺជាអ្វី? ។

ដូច្នេះយើងនាំគ្នាមកមើលចម្លើយ ដែលពាក់ព័ន្ធនឹងគោលការណ៍ហុងស៊ុយទាំងអស់គ្នាដូចតទៅ ៖

-ហុងស៊ុយគឺជាអ្វី?

ការពិតទៅ ហុងស៊ុយ គឺជាក្បួនសាស្ត្រានៃការតុបតែងផ្ទះ ដែលភ្ជាប់មនុស្សជាមួយនឹងសភាពជុំវិញខ្លួន ឱ្យរស់នៅជាមួយគ្នាបានយ៉ាងស័ក្តិសម បើកឱកាសឱ្យថាមពល និងរឿងល្អៗ វិលចូលមកក្នុងផ្ទះ បានយ៉ាងងាយស្រួល ដើម្បីបង្កើនឱ្យជីវិតរស់នៅក្នុងថ្ងៃនេះ និងថ្ងៃខាងមុខដំណើរការទៅមុខយ៉ាងត្រឹមត្រូវ និងល្អឥតខ្ចោះ។

-ស្គាល់ហុងស៊ុយ យ៉ាងយល់ដឹង

សម្រាប់មនុស្សជំនាន់ថ្មី ដែលនិយមធ្វើអ្វីតាមចំណង់ចំណូលចិត្ត និងប្រកាន់យកភាពងាយស្រួលនោះ អាចនឹងនៅមិនទាន់ស៊ាំធ្លាប់ ជាមួយនឹងគោលការណ៍របស់ហុងស៊ុយប៉ុន្មានឡើយ ហើយបើទោះជាដឹង ក៏អាចដឹងតែបែបស្រពេចស្រពឹលប៉ុណ្ណោះ ទើបធ្វើឱ្យកើតមានការយល់ដឹងពីហុងស៊ុយបែបខុសៗបាន។ ដូច្នេះ យើងគួរតែធ្វើការរៀនសូត្រ អំពីហុងស៊ុយឱ្យបានច្បាស់ ដោយត្រូវចាប់ផ្តើមយល់ដឹងជាមុនសិនថា ហុងស៊ុយមិនមែនជាក្បួនសាស្ត្រាការតុបតែងផ្ទះ ដែលនឹងធានាបាន 100% ថា នៅពេលដែលធ្វើតាមហើយ នឹងជួយកែបញ្ហាជីវិតដែលស្មុគស្មាញ បញ្ហារឿងសុខភាព និងសម្ព័ន្ធភាពផ្សេងៗ ឬក៏ធ្វើឱ្យលោកអ្នក ក្លាយជាអ្នកមានបាន ក្នុង 1ប៉ព្រិចភ្នែកបាននោះទេ និងថែមទាំងមិនមែនជាភាពអាថ៌កំបាំង ឬវេទមន្តអាគម ដែលអាចជុបឱ្យលោកអ្នកសមបំណងប្រាថ្នា បានរៀងរាល់ថ្ងៃនោះ ក៏ទេដែរ តែវាជាក្បួនដាក់តាំង តុបតែងវត្ថុ មនុស្ស និងសភាពជុំវិញឱ្យបានសមមាត្រគ្នា ដើម្បីបង្កើនឱ្យជីវិត មានភាពឧត្តមសម្បូរ សុខដមរមនា និងស្ថិតស្ថេរគង់វង្សខ្លាំងឡើង។

-អត្ថន័យរបស់ហុងស៊ុយ

ដូចដែលបានប្រាប់រួចមកហើយថា ហុងស៊ុយ គឺជាក្បួនសាស្ត្រារបស់ជនជាតិចិន ដែលកើតមានជាង 4ពាន់ឆ្នាំមកហើយ ដោយពាក្យថា «ហុង» មានន័យថា «ខ្យល់» និងពាក្យ «ស៊ុយ» មានន័យថា «ទឹក» ហើយពេលរួមគ្នាទៅ ក៏ក្លាយជា ហុងស៊ុយ ដែលនឹងមានអត្ថន័យពេញៗថា សាស្ត្រា និងសិល្បៈនៃការរៀបចំទីកន្លែង ដោយប្រកាន់យកទិសផ្លូវ របស់ខ្យល់ និងទឹកជាគោល ដើម្បីជួយបង្កើនឱ្យជីវិត មានភាពឧត្តមសម្បូរ ស្ថិតស្ថេរ និងស្ងប់សុខនៅក្នុងជីវិតហ្នឹងឯង។

-ទស្សនៈ តាមបែបរបស់ហុងស៊ុយ

ជាគោលៗនោះ ហុងស៊ុយមានទស្សនៈក្នុងបែបជារួមគឺ អ្វីៗគ្រប់យ៉ាងនៅលើពិភពលោកនេះ សុទ្ធតែមានថាមពលរបស់ខ្លួនឯងទាំងអស់ មិនថាតែរបស់របរ មនុស្ស ទីកន្លែង ឬសូម្បីតែសត្វចិញ្ចឹមក៏ដោយ និងសុទ្ធតែអាចផ្លាស់ប្តូរ និងធ្វើចលនាតាមឥទ្ធិពលទឹក និងខ្យល់បានទាំងអស់ ដូច្នេះទើបហុងស៊ុយព្យាយាមរៀបចំទុកដាក់អ្វីៗគ្រប់យ៉ាងនៅលើពិភពលោកនេះ ឱ្យមានភាពសមមាត្រគ្នា ដោយឱ្យថាមពល «យីន» និង «យ៉ាង» ដែលជាថាមពលនៃការសាងអ្វីៗលើពិភពលោកនេះ កើតឡើងបាន តាមគោលជំនឿរបស់ជនជាតិចិនយ៉ាងស័ក្តិសមបំផុត៕

May 5, 2021

ភូមិសាស្ត្រដែលត្រូវអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាព

ភូមិសាស្ត្រខេត្តតាកែវ ខេត្តកំពង់ចាម និងខេត្តកំពង់ស្ពឺ ត្រូវបានកំណត់ជាតំបន់ដែលរងការឆ្លងរាលដាលនៃវីរុសCovid-19 ទាក់ទិននឹងព្រឹត្តិការណ៍20កុម្ភៈ ដែលនេះគឺជាសេចក្ដីជូនដំណឹងរបស់រដ្ឋមន្ត្រីក្រសួងសុខាភិបាល។

ព័ត៌មានលម្អិតទាក់ទិននឹងកាតព្វកិច្ចពាក់ម៉ាស និងរក្សាគម្លាតសុវត្ថិភាព សូមអានសេចក្ដីជូនដំណឹងខាងក្រោម៖

May 5, 2021

Covid-19 !! កម្ពុជា រកឃើញអ្នកឆ្លងថ្មី 672នាក់ទៀត

ក្រសួងសុខាភិបាលកម្ពុជា នាព្រឹកថ្ងៃទី5 ឧសភានេះ បានឱ្យដឹងថា បានរកឃើញអ្នកវិជ្ជមាននឹង Covid-19 ចំនួន 672នាក់ទៀត នៅក្នុងអំឡុងថ្ងៃទី4 ខែឧសភា ឆ្នាំ2021។

ខាងក្រោមនេះគឺជាសេចក្ដីជូនដំណឹងសង្ខេបអំពីស្ថានភាព Covid-19 នៅកម្ពុជា សម្រាប់ថ្ងៃនេះ៖

May 5, 2021

អត់មានជំពាក់អ្នកណាម៉ារៀល! ក្រពើដ៏ធំ 1ក្បាល ដើរឆ្លងថ្នល់ មានប៉ូលិស ធ្វើសញ្ញាចរាចរណ៍ឱ្យទៀត

ទស្សនាព្រឹត្តការណ៍ដ៏គួរឱ្យរំភើប នៅពេលសត្វក្រពើធំ 1ក្បាល ត្រូវការដើរឆ្លងថ្នល់ ប៉ូលិសចរាចរណ៍ក៏ជួយចាត់ការជូនយ៉ាងល្អ ព្រោះទីនោះគឺ រដ្ឋហ្វ្លរីដា!

ហេតុការណ៍នេះ កើតឡើងនៅឯរដ្ឋហ្វ្លរីដា សហរដ្ឋអាមេរិក កាលពីថ្ងៃទី30 ខែមេសា ម៉ោងប្រមាណជា 13.30នាទី បណ្ដាអ្នកធ្វើដំណើរទាំងឡាយ ត្រូវជួបនឹងការស្ទះចរាចរណ៍យូរជិត 5នាទី នៅពេលមានការមកទស្សនកិច្ចរបស់ម្ចាស់ទឹកម្ចាស់ដី គឺ “សត្វក្រពើដ៏ធំ 1ក្បាល”។

សត្វក្រពើ 1ក្បាលនេះ មានប្រវែងខ្លួនប្រមាណជា 10ហ្វ៊ុត បានមកឈរនៅចំកណ្ដាលផ្លូវបែកជា4 វាធ្វើឱ្យរាំងស្ទះដំណើរផ្លូវចរាចរណ៍ជាច្រើនប្រឡោះ។ អ្នកធ្វើដំណើរទាំងឡាយ នាំគ្នារង់ចាំឱ្យវាឆ្លងថ្នល់ឱ្យផុតទៅ ប៉ុន្តែវាមិនមែនដូចចិត្តអ្នករង់ចាំទាំងនោះទេ។ ភ្នាក់ងារប៉ូលិស ក៏ត្រូវចូលមកជួយសម្រួលផ្លូវ ឱ្យសត្វក្រពើ ព្រមទាំងនៅឈរធ្វើសញ្ញាចរាចរណ៍ និងការពារឱ្យវាឆ្លងថ្នល់ ការពារហាក់ដូចវា ជាភ្ញៀវលំដាប់ VIP អ៊ីចឹងដែរ។ វាក៏ដើរឆ្លងថ្នល់យ៉ាងរំភើយ ឈានដើរទៅមុខខ្លះ ឈប់ខ្លះ ដេកកណ្ដាលថ្នល់ខ្លះ និងនៅទីបំផុត ក៏អាចឆ្លងទៅដល់ចិញ្ចើមថ្នល់ម្ខាងទៀតដោយសុវត្ថិភាព។

សារព័ត៌មានក្នុងតំបន់ រាយការណ៍ថា ភ្នាក់ងារប៉ូលិសបានព្យាយាមបង្ខំឱ្យមហាក្រពើនោះ ដើរទៅរកបឹងដែលនៅជីតនោះ ដោយអ្នកដែលនៅក្នុងហេតុការណ៍នោះ បាននាំគ្នានិយាយថា គ្មាននរណាហ៊ានប្រើអំពើហិង្សាជាមួយវាទេ ព្រោះអាចប្រឈមនឹងគ្រោះថ្នាក់ ទើបត្រូវសុខចិត្តឈប់ឡាន រង់ចាំឱ្យវាឆ្លងថ្នល់ឱ្យផុតសិន។ សំណាងល្អណាស់ ដែលហេតុការណ៍នេះ មិនមានអ្នកណារងគ្រោះថ្នាក់ ទាំងសត្វក្រពើ និងមនុស្ស។

“សម្រាប់ខ្ញុំវិញ ខ្ញុំមិនដែលឃើញហេតុការណ៍បែបហ្នឹងពីមុនទេ តែខ្ញុំគិតថា វាអាចកើតឡើងបានគ្រប់ពេល បើនៅក្នុងរដ្ឋហ្វ្លរីដានេះ។ “ខ្ញុំរស់នៅក្នុងរដ្ឋហ្វ្លរីដាយូរមកហើយ ខ្ញុំធ្លាប់ឃើញក្រពើដើរនៅក្នុងទីលានវាយកូនហ្គោលពីមុន តែមិនមែនមកដើរកណ្ដាលថ្នល់បែបនេះទេ។ “ក្រពើនេះ ធំល្មមនឹងអាចធ្វើបាបអ្នកណាក៏បានដែរ ឱ្យតែអ្នកនោះទៅយាយីវា”

ប្រភព៖ dailymail
ប្រែសម្រួលដោយ ទិទីតំតាតូ

May 5, 2021

សហរដ្ឋអាមេរិក ផ្ដល់ប្រាក់រង្វាន់មិនមានដែនកំណត់ ដល់អ្នកនាំមនុស្សមកចាក់វ៉ាក់សាំង Covid-19

កន្លងមក មានពេលខ្លះ ការទទួលបានការណាត់ចាក់វ៉ាក់សាំងបង្ការ Covid-19 នៅសហរដ្ឋអាមេរិក មិនខុសពីការត្រូវឆ្នោតនោះឡើយ ក៏ប៉ុន្តែ បច្ចុប្បន្ន បញ្ហានេះ ផ្ទុយស្រឡះបាត់ទៅហើយ ដោយអាជ្ញាធររបស់រដ្ឋជាច្រើននៅសហរដ្ឋអាមេរិក កំពុងស្វែងរកវិធីសាស្ត្រល្អៗ ហើយពេលខ្លះក៏ប្លែកៗ ដើម្បីទាក់ទាញពលរដ្ឋមកចាក់វ៉ាក់សាំងបង្ការវីរុសCovid-19 ព្រោះពលរដ្ឋមានការរារែក។

Larry Hogan អភិបាលរដ្ឋ Maryland បានថ្លែងកាលពីថ្ងៃទី3 ខែឧសភាថា៖ «វ៉ាក់សាំង មានសុវត្ថិភាព និងប្រសិទ្ធភាពទាំងស្រុង ហើយវាសុទ្ធតែមិនគិតថ្លៃ និងនៅមានជានិច្ច បើទោះអ្នកបានចុះឈ្មោះមុន ឬអត់» Larry Hogan បានអំពាវនាវឱ្យក្រុមហ៊ុននានា ផ្ដល់អត្ថប្រយោជន៍ផ្សេងៗដល់បុគ្គលិកដែលបានចាក់វ៉ាក់សាំង។

យុទ្ធសាស្ត្រនេះ ត្រូវបានលើកឡើងក្នុងគ្រាដែលក្រុមអ្នកជំនាញផ្នែកសុខាភិបាលសាធារណៈ ទទួលស្គាល់ថា សហរដ្ឋអាមេរិក ពិបាកសម្រេចបានគោលដៅដែលបានកំណត់លើការចាក់វ៉ាក់សាំងបង្ការ Covid-19 ដោយសារបញ្ហាសេរីភាព និងការសង្ស័យលើសុវត្ថិភាពរបស់វ៉ាក់សាំង។

«ជាមនុស្ស យើងតែងតែប្រតិកម្មវិជ្ជមានទៅលើមើមការ៉ុតច្រើនជាងដំបង» បណ្ឌិត Megan Ranney មកពីសាកលវិទ្យាល័យ Brown នៅ Rhode Island ថ្លែងកាលពីថ្ងៃទី3 ខែឧសភា។

បើតាមអ្នកស្រី យុទ្ធនាការចាក់វ៉ាក់សាំង តែងមានប្រសិទ្ធភាពជាង នៅពេលគេប្រើពាក្យពេចន៍ដែលមិនកង្កប់ការបង្ខិតបង្ខំលើពលរដ្ឋ។ ការបញ្ជូនសារ «វ៉ាក់សាំងបានត្រៀមខ្លួនជាស្រេចសម្រាប់អ្នក» គឺជាឃ្លាដ៏ល្អ ដើម្បីទាក់ទាញពលរដ្ឋមកចាក់វ៉ាក់សាំង។

នៅក្នុងរដ្ឋ New Jersey អភិបាល Phil Murphy ឱ្យដឹងថា រាល់បុគ្គលដែលមានអាយុចាប់ពី 21ឆ្នាំ និងបានចាក់វ៉ាក់សាំងយ៉ាងតិចមួយដូស នឹងទទួលបានស្រាបៀរដោយមិនគិតថ្លៃ នៅទីតាំងលក់ស្រាបៀរដែលបានចូលរួមក្នុងកម្មវិធីរបស់រដ្ឋ។

រដ្ឋ Connecticut ក៏មានកម្មវិធីស្រដៀងនេះដែរ ក្នុងនោះ ពលរដ្ឋដែលបានចាក់វ៉ាក់សាំងយ៉ាងតិចមួយដូស នឹងទទួលបានភេសជ្ជៈមានអាល់កុល ឬមិនមានអាល់កុល នៅតាមហាងដែលបានសហការជាមួយអាជ្ញាធរ សម្រាប់ខែឧសភានេះ។

ការចាក់វ៉ាក់សាំងនៅតំបន់ Pittsburgh នៃរដ្ឋ Pennsylvania

នៅទីក្រុង Detroit កាលពីសប្ដាហ៍មុន បានប្រកាសថា នឹងផ្ដល់ប័ណ្ណអំណោយដែលមានតម្លៃ 50ដុល្លារ ទៅឱ្យបុគ្គលទាំងឡាយណាដែលបាននាំមនុស្សម្នាក់មកកាន់មណ្ឌលចាក់វ៉ាក់សាំង។ មិនមានការកំណត់លើចំនួនទឹកប្រាក់ដែលបុគ្គលម្នាក់ទទួលបាននោះទេ ប៉ុន្តែ បើទទួលបានលើសពី 600ដុល្លារ នឹងត្រូវបង់ពន្ធលើប្រាក់ចំណូល។

ដើម្បីជាការលើកទឹកចិត្តឱ្យបុគ្គលិករដ្ឋមកចាក់វ៉ាក់សាំង អាជ្ញាធររដ្ឋ Maryland កំពុងស្នើឱ្យផ្ដល់ប្រាក់រង្វាន់ 100ដុល្លារ បើសិនជាពួកគេយល់ព្រមចាក់វ៉ាក់សាំងCovid-19។

Jim Justice ដែលជាអភិបាលរដ្ឋ Virginia ខាងលិច កាលពីសប្ដាហ៍មុន បានឱ្យដឹងដែរថា រដ្ឋនេះនឹងផ្ដល់មូលបត្របំណុលសន្សំរបស់រដ្ឋ (Savings Bonds) ដែលមានតម្លៃស្មើ 100ដុល្លារ ដល់ពលរដ្ឋទាំងឡាយដែលមានអាយុចាប់ពី 16 ដល់ 35ឆ្នាំ និងបានចាក់វ៉ាក់សាំង Covid-19។ ប៉ុន្តែ កាលពីថ្ងៃទី3 ខែឧសភា លោកបាននិយាយថា នឹងពិនិត្យរកវិធីសាស្ត្រលើកទឹកចិត្តផ្សេងវិញ ដោយសារពិបាកបង្កើតកម្មវិធីនេះ។

នៅ Los Angeles នៃរដ្ឋ California សមាជិកម្នាក់នៃក្រុមប្រឹក្សាភិបាលក្រុង និងមជ្ឈមណ្ឌលវប្បធម៌ពហុជំនឿ កាលពីថ្ងៃទី30 ខែមេសា បានដំណើរការកម្មវិធីជូនអំណោយដល់បុគ្គលទាំងឡាយដែលបានមកកាន់កន្លែងចាក់វ៉ាក់សាំងដោយមិនគិតថ្លៃរបស់ពួកគេ។

ក៏ប៉ុន្តែ Arthur Caplan សាស្ត្រាចារ្យផ្នែកក្រមសីលធម៌វេជ្ជសាស្ត្រ មកពីសាលាវេជ្ជសាស្ត្រ Grossman នៃសាកលវិទ្យាល័យ New York បានព្រមានអំពីប្រសិទ្ធភាពរបស់កម្មវិធីលើកទឹកចិត្តការចាក់វ៉ាក់សាំងខាងលើ។

«ខ្ញុំគិតថា អារម្មណ៍រារែក និងការពន្យារពេល កំពុងចាក់ឫសជ្រៅ ហើយអ្នកពិតជាពិបាកដោះស្រាយដោយការប្រើប្រាស់អំណោយជាប្រាក់ 100ដុល្លារ ឬអំណោយប្រហាក់ប្រហែលនេះ» លោក Arthur Caplan ថ្លែងដូច្នេះ។

គិតមកដល់បច្ចុប្បន្ន សហរដ្ឋអាមេរិក បានប្រើប្រាស់វ៉ាក់សាំងចំនួន 247លានដូស ក្នុងនោះ អ្នកដែលបានទទួលការចាក់វ៉ាក់សាំងរួចរាល់ មានចំនួន 106លាននាក់ ស្មើនឹង 32.1%៕

ប្រភព៖ NYTimes
ប្រែសម្រួល៖ បុត្រា

May 5, 2021

Pfizer រកចំណូលបាន 3.5ពាន់លានដុល្លារ ពីការលក់វ៉ាក់សាំង Covid-19 ក្នុងត្រីមាសទីមួយ

Pfizer បានប្រកាសថា រកបានប្រាក់ចំណូល 3.5ពាន់លានដុល្លារ ពីវ៉ាក់សាំង Covid-19 នៅក្នុងរយៈពេល 3ខែដើមឆ្នាំ2021 ក្នុងនោះ ក្រុមហ៊ុនអាចចំណេញ 900លានដុល្លារអាមេរិក។

យោងតាមរបាយការណ៍ដែលត្រូវបានក្រុមហ៊ុនផលិតឱសថអាមេរិក ប្រកាសកាលពីម្សិលមិញ ខ្ទង់ចំណូលបានមកពីវ៉ាក់សាំង Covid-19 ក្នុងត្រីមាសទីមួយ ស្មើនឹង ¼ នៃចំណូលសរុបរបស់ Pfizer។ ក្រុមហ៊ុននេះ មិនបានបង្ហើបឱ្យដឹងអំពីខ្ទង់ចំណេញដែលបានមកពីវ៉ាក់សាំង Covid-19 ប៉ុន្តែ បានរំលឹកអំពីខ្ទង់ចំណេញមុននេះគឺ 20% នៃប្រាក់ចំណូល។

ដូច្នេះ ខ្ទង់ចំណេញមុនការបង់ពន្ធ ដែលបានមកពីវ៉ាក់សាំង Covid-19 ក្នុង 3ខែដំបូងនៃឆ្នាំ2021 របស់ Pfizer ត្រូវបានគេគណនាឃើញថា ឡើងដល់ 900លានដុល្លារ។

យ៉ាងនេះក្ដី ខ្ទង់ចំណេញជាក់ស្ដែងរបស់ Pfizer ត្រូវបានគេជឿថា ខ្ពស់ជាងនេះឆ្ងាយ ព្រោះក្រុមហ៊ុននេះ ក៏ទទួលបានការចែករំលែកប្រាក់ចំណូលពីដៃគូសហការ BioNTech របស់អាល្លឺម៉ង់ ដែលក្រុមហ៊ុននេះ នឹងប្រកាសរបាយការណ៍ហិរញ្ញវត្ថុសម្រាប់ត្រីមាសទីមួយ នៅសប្ដាហ៍ក្រោយ។ កាលពីខែមីនា BioNTech បានឱ្យដឹងថា ពួកគេរកបានចំណូលជិត 10ពាន់លានអឺរ៉ូ (11.8ពាន់លានដុល្លារអាមេរិក) ដោយយោងទៅតាមទិន្នន័យបញ្ជាទិញនៅអំឡុងពេលនោះ។

វ៉ាក់សាំង Covid-19 ត្រូវបានគេព្យាករថា នឹងបន្តរកចំណូលបានយ៉ាងច្រើនសន្ធឹកមកឱ្យ Pfizer និង BioNTech ពិសេសគឺនៅពេលដែលគ្រប់គ្នាត្រូវការចាក់រំលឹកជាទៀងទាត់។ Pfizer ព្យាករថា វ៉ាក់សាំង Covid-19 នឹងរកចំណូលឱ្យពួកគេបាន 26ពាន់លានដុល្លារក្នុងឆ្នាំនេះ ច្រើនជាងឆ្ងាយ បើធៀបនឹងការព្យាករ 15ពាន់លានដុល្លារនាពេលកន្លង។

ក្រុមហ៊ុន Pfizer ឱ្យដឹងថា ពួកគេបានបញ្ជូនវ៉ាក់សាំង 430លានដូសទៅឱ្យប្រទេស និងដែនដីចំនួន 91 រួចហើយ។ ប៉ុន្តែ Sharon Castillo ដែលជាអ្នកនាំពាក្យរបស់ Pfizer មិនបានបង្ហើបឱ្យដឹងអំពីតួលេខនៃវ៉ាក់សាំងដែលត្រូវបានបញ្ជូនទៅឱ្យប្រទេសក្រីក្រ ជាកន្លែងដែល Pfizer ធ្លាប់បានប្រកាសថា មិនយកចំណេញ។

ចំណែកទិន្នន័យរបស់អង្គការសុខភាពពិភពលោក (WHO) បានបង្ហាញថា Pfizer ផ្ដល់ជំនួយតែ 40លានដូសប៉ុណ្ណោះ សម្រាប់កម្មវិធី Covax របស់ WHO ដែលផ្ដល់វ៉ាក់សាំងដល់បណ្ដាប្រទេសក្រីក្រ ដែលនេះមិនទាន់ដល់ 2% នៃប្រាក់ចំណូលដែល Pfizer រួមនឹង BioNTech បានកំណត់គោលដៅក្នុងការផលិតនៅក្នុងឆ្នាំនេះ។

សារព័ត៌មានជាច្រើន បានឱ្យដឹងថា បច្ចុប្បន្ន សហរដ្ឋអាមេរិកត្រូវទិញវ៉ាក់សាំង Pfizer ក្នុងតម្លៃ 19.50ដុល្លារ/ដូស ខណៈដែលអ៊ីស្រាអែល យល់ព្រមទិញក្នុងតម្លៃ 30ដុល្លារ។ ចំណែកសហភាពអឺរ៉ុបវិញ ថ្មីៗនេះ បានសម្រេចទិញ 1.8ពាន់លានដូស ប៉ុន្តែ Pfizer មិនបានបង្ហើបឱ្យដឹងអំពីតម្លៃនោះទេ៕

ប្រភព៖ NY Times
ប្រែសម្រួល៖ បុត្រា

May 5, 2021

មានលុយត្រឹម 200 ដុល្លារជាង ក៏អាចទិញរថយន្តថ្មីជិះបានដែរ!

បច្ចុប្បន្នយើងសង្កេតឃើញថា ទីផ្សាររថយន្តថ្មីក្នុងព្រះរាជាណាចក្រកម្ពុជាកំពុងតែមានសន្ទុះកើនឡើងគួរឲ្យកត់ សម្គាល់ ដោយសារតែតម្លៃរថយន្តថ្មីមានតម្លៃប្រហាក់ប្រហែលទៅរថយន្តមួយទឹក ឬរថយន្តជជុះដែលមានលក់នៅលើទីផ្សារដែលទាំងនេះក៏ព្រោះតែមានការកែសម្រួលអត្រាអាករពិសេសលើមុខទំនិញមួយចំនួនរបស់រដ្ឋាភិបាលក្នុងការបញ្ចុះពន្ធនាំចូលរថយន្តថ្មីប្រភេទ SUV ផងដែរ។ ម្យ៉ាងទៀតគេសង្កេតឃើញថាការទិញរថយន្តតាមរយៈការបង់រំលស់ក៏កាន់តែមានភាពទូលំទូលាយនៅប្រទេសកម្ពុជា ជាមួយនឹងលក្ខខណ្ឌនៃការបង់រំលស់ ទំហំនៃប្រាក់កម្ចី អត្រាការប្រាក់ដ៏សម្បូរបែប ទៅតាមធនាគារ និងគ្រឹះស្ថានមីក្រូហិរញ្ញវត្ថុដែលបានកំណត់ ដូច្នេះហើយទើបការបង់រំលស់កាន់តែមានភាពងាយស្រួលជាងមុនដែលអាចតម្រូវបានស្ទើរតែគ្រប់តម្រូវការរបស់លោកអ្នក ទោះបីស្ថិតក្នុងកម្រិតជីវភាពទាប មធ្យម ឬធូរធាក៏ដោយ។ ថ្ងៃនេះដែរយើងខ្ញុំសូមណែនាំរថយន្តថ្មីមួយប្រភេទដែលមានតម្លៃសមរម្យជាងគេក្នុងចំណោមរថយន្តថ្មីក្នុងទីផ្សារប្រទេសកម្ពុជា ដែលលោកអ្នកអាចបង់រំលស់ប្រចាំខែត្រឹមតែ $228 ដុល្លាតែប៉ុណ្ណោះនោះគឺរថយន្ត Ford EcoSport ស៊េរីថ្មីឆ្នាំ 2021។

សម្រាប់ចំនួនទឹកប្រាក់បង់ប្រចាំខែប៉ុននេះគឺជឿជាក់ថាពិតជាសមរម្យអាចឲ្យបងប្អូនមួយចំនួនធំដែលមានប្រាក់ចំណូលកម្រិតទាប និងកម្រិតមធ្យមអាចបង់រំលស់បានយករថយន្តថ្មីទៅប្រើប្រាស់ប្រកបដោយទំនុកចិត្ត ដូច្នេះបងប្អូនគួរតែពិចារណាការទិញរថយន្តថ្មីជាជាងរថយន្តជជុះមកពីប្រទេសគេ។ ការទិញរថយន្តថ្មីគឺមានការធានាផ្ទាល់គុណភាពត្រឹមត្រូវពីក្រុមហ៊ុន សេវាថែទាំ និងជួសជុលដោយជាងជំនាញ ជាពិសេសនោះគឺលោកអ្នកអាចក្លាយជាម្ចាស់ទីមួយនៃរថយន្តនោះ។ ផ្ទុយទៅវិញសម្រាប់ការទិញរថយន្តចាស់ជជុះពីប្រទេសគេនោះគឺប្រឈមមុខនឺងប្រវត្តិរថយន្តមិនច្បាស់លាស់ ក៏អាចជួបហានិភ័យផ្សេងៗមួយចំនួនដូចជា រថយន្តកាត់តឬស្ងោរពណ៍ រថយន្តធ្លាប់មានប្រវត្តិបុកប៉ះ ឬ ប្រវត្តិលិចទឹក និងជួបប្រទះនូវការផ្លាស់ប្តូរគ្រឿងបន្លាស់ក្លែងក្លាយដែលគ្មានគុណភាពជាដើម។

រថយន្តថ្មីមិនត្រឹមតែមានភាពធន់រឹងមាំ មិនងាយខូចនោះទេ តែថែមទាំងមានប្រព័ន្ធសុវត្ថិភាព និងបច្ចេកវិទ្យាជាច្រើនទៅតាមឆ្នាំថ្មីជានិច្ច ជាក់ស្តែងដូចរថយន្ត Ford EcoSport ស៊េរីថ្មីឆ្នាំ 2021 មានប្រព័ន្ធសុវត្ថិភាព និងបច្ចេកវិទ្យាសំខាន់រហូតដល់ទៅ 30 ចំណុចឯណោះដែលរួមមាន៖

ម៉ាស៊ីន EcoBoost ជំនាន់ថ្មី 1.0L ប៉ុន្តែពិតជាស្ទុះហួសពីការស្មានជាមួយនឹងកម្លាំងសេះ 125 PS និងកម្លាំងរមួលកង់ដល់ទៅ 170 Nm
បូករួមជាមួយនឹងប្រអប់លេខ 6 វគ្គអូតូដែលអាចប្រើប្រាស់បានទាំងលេខដៃ និងលេខអូតូ មិនតែប៉ុណ្ណោះយើងក៏អាចថែមថយលេខនៅលើដៃចង្កូតនេះបានផងដែរ (6-Speed Automatic with Paddle Shifters)
ចង្កៀងគុជជំនាន់ថ្មី និងចង្កៀងបំភ្លឺផ្នែកខាងក្រោម (New Headlamps and Fog Lamps)
ចង្កៀង LED បំភ្លឺពេលថ្ងៃរចនាម៉ូដប្លែកខុសពីរថយន្តដ៏ទៃ (LED Day Time Running Lights)
ចង្កៀងបិទ/បើក និងហ្វាកូដដោយស្វ័យប្រវត្ត (Auto On/Off Headlamps)
ប៉ាណាក្រូម៉េពណ៍ទឹកប្រាក់ភ្លឺរលោង (Chrome Front Grill)
យ៉ាន់កង់ទំហំ 17 អ៊ីញបែបស្ព័រទំនើបទាន់សម័យ (17” Alloy Wheel)

ដែកថែបពិសេសចំនួន 2ដើម សម្រាប់ការពារផ្នែកចំហៀងសងខាងនៃរថយន្ត (Ultra-High-Strength Boron Steel Side Impact Beam Bar)
បំពាក់ជូននូវពោងសុវត្ថិភាពចំនួន 6 គ្រាប់ (6 Airbags)
ប្រព័ន្ធការពារចោរកម្ម (Anti-Theft Alarm System)
ប្រព័ន្ធពន្លត់ម៉ាស៊ីនដោយស្វ័យប្រវត្តពេលបញ្ឆេះរថយន្តចោល (Auto Engine Off)
កាមេរ៉ាជំនួយចូលចតផ្នែកខាងក្រោយដែលមានខ្សែគំនូសពណ៍ស រេតាមចង្កូត (Rear View Camera)
សេនសឺផ្នែកខាងមុខចំនួន 4 គ្រាប់ (4 Front Sensors)
សេនសឺផ្នែកខាងក្រោយចំនួន 4 គ្រាប់ (4 Rear Sensors)
ប្រព័ន្ធកូនសោឆ្លាតវៃ ចុចបញ្ឆេះរថយន្ត និងចេញចូលរថយន្តដោយគ្រាន់ស៊ក / ចុចនៅលើដៃទ្វារ (Smart Key / Push Button Start-Stop)

កៅអីស្បែកទាន់សម័យ (Leather Seats)
ចុចកព្ចាក់ក្តោបដោយស្វ័យប្រវត្ត (Auto Side Mirror Folding System)
ចង្កូតបូមអេឡិចត្រូនិច ធូរងាយស្រួលបើកបរ [Electric Power-Assisted Steering (EPAS)]
ប្រព័ន្ធបញ្ជាដោយសម្លេង (Voice Command)
កញ្ចក់មើលក្រោយអាចកាត់បន្ថយចំណាំងផ្លាត (Auto-Dimming)
ប្រព័ន្ធគ្រប់គ្រងសីតុណ្ហភាពដោយស្វ័យប្រវត្ត (Automatic Temperature Control)

អេក្រង់ Touch Screen 8 អ៊ីញ សម្រាប់គ្រប់គ្រង វិទ្យុ តន្ត្រី និងការកំសាន្តផ្សេងៗ (8” Touch Screen)
អាចភ្ជាប់ជាមួយនឹង Apple CarPlay, Android Auto និង Google Map
រន្ធ USB ចំនួន 2 និងរន្ធសាកកម្លាំង 12V ផ្នែកខាងក្រោយ (2 USB Ports / 12V Invertor)

ប្រព័ន្ធទប់លំនឹងរថយន្តពេលបើកបរលើផ្លូវកោង រអិល និងបញ្ជៀសការក្រឡាប់ (Electronic Stability Control)
ប្រព័ន្ធហ្វ្រាំង ABS និងEBD
ប្រព័ន្ធទប់លំនឹងកុំឲ្យរអិលថយក្រោយពេលឡើងចំណោត (Hill Launch Assist)
ផ្លិតទឹកអូតូ (Rain Sensing Wipers)
កន្លែងដាក់ឥវ៉ាន់រហូតដល់ទៅ 25 កន្លែង (25 Spacious Areas)
កម្ពស់ខ្ពស់លើសពីរថយន្ត SUV ខ្នាតនេះ (High Ground Clearance)

ជាមួយនឹងតម្លៃពិសេស $27,900 សម្រាប់រថយន្ត Ford EcoSport ស៊េរីថ្មីឆ្នាំ 2021 និងតម្លៃពិសេស $26,000 សម្រាប់រថយន្ត Ford EcoSport ស៊េរីថ្មីឆ្នាំ 2020 ដែលមានជម្រើសរហូតដល់ទៅ 7 ពណ៍នោះគឺ៖ ស ខ្មៅ ខៀវ ក្រហម ទឹកប្រាក់ ទឹកក្រូចក្រម៉ៅ និងប្រផេះ។

រាល់ការទិញរថយន្តថ្មីពីក្រុមហ៊ុនលោកអ្នកនឹងទទួលបានបន្ថែមនូវទំនុកចិត្តដូចជា ៖

ការធានាផ្ទាល់ពីរោងចក្ររយៈពេល 3ឆ្នាំ ឬ 100,000គីឡូម៉ែត្រ
សេវាថែទាំរថយន្តរយៈពេល 1ឆ្នាំ ឬ 20,000គីឡូម៉ែត្រ
ជាពិសេសមានសេវាជួសជុលរថយន្តចល័ត២៤ម៉ោងទូទាំងប្រទេស
សេវាយករថយន្តចាស់មកផ្លាស់ប្តូររថយន្តថ្មី (Trade-In Service)
សេវាបង់រំលស់គ្រប់ខេត្តក្រុងប្រកបដោយទំនុកចិត្ត។

សម្រាប់ព័ត៍មានបន្ថែមលោកអ្នកអាចធ្វើការទំនាក់ទំនងមកកាន់យើងខ្ញុំតាមរយៈ៖

➡️Facebook: http://facebook.com/FordCambodia

➡️Messenger: http://m.me/FordCambodia

➡️Telegram: https://t.me/FordCambodia

📞ទំនាក់ទំនងផ្នែកលក់: 078 333 748 | 016 333 785

📞សាខាព្រះមុន្នីវង្ស: 085 557 760

📞សាខាទឹកថ្លា: 078 4000 66

📞សាខាទួលសង្កែ: 078 990 800 / 087 990 800

📞សាខាខេត្តសៀមរាប: 077 666 357

📞សាខាខេត្តកំពង់ចាម: 092 888 476

សូមលោកអ្នកអនុវត្តន៍វិធានការ ៣ការពារ និង៣កុំ តាមការណែនាំរបស់ក្រសួងសុខាភិបាលដើម្បីចូលរួមទប់ស្កាត់នៃការរីករាលដាលនៃជំងឺកូវីដ-១៩ ។

May 4, 2021

ចាប់ផ្ដើមរកលែងបាន! ប្រេស៊ីល ជួបបញ្ហាខ្វះខាតវ៉ាក់សាំងកូវី-19 ត្រូវផ្អាកចាក់ដូសទី2

បញ្ហាខ្វះខាតវ៉ាក់សាំងកូវីដ-19 បានបង្ខំឱ្យទីក្រុងធំៗជាច្រើននៅក្នុងប្រទេសប្រេស៊ីល ត្រូវផ្អាកចាក់ដូសទី2 ជាបណ្ដោះអាសន្ន។ នេះបើតាមការឱ្យដឹងពីមន្ត្រី និងរបាយការណ៍ព័ត៌មានរបស់ប្រព័ន្ធផ្សព្វផ្សាយ កាលពីថ្ងៃចន្ទ ទី3 ឧសភា។ ហេតុការណ៍ផ្អាកចាក់វ៉ាក់សាំងប្រឆាំងជំងឺកូវីដ-19 យ៉ាងបន្ទាន់ចុងក្រោយនេះ បានកើតឡើងក្រោមស្ថានការណ៍ឆ្លងរាលដាលដ៏អាក្រក់។

ទីក្រុងធំៗ ចំនួន7 ក្នុងចំណោម 26រដ្ឋ របស់ប្រទេសប្រេស៊ីល ត្រូវបញ្ឈប់ការចាក់វ៉ាក់សាំងរបស់ CoronaVac ដែលអភិវឌ្ឍដោយប្រទេសចិន ដោយសារតែការផ្គត់ផ្គង់ មិនគ្រប់គ្រាន់។ នេះបើតាមរបាយការណ៍របស់វេបសាយព័ត៌មាន G1។

រីអូ ដឺ ចានេរ៉ូ ទីក្រុងធំបំផុត លំដាប់លេខ2 របស់ប្រទេសប្រេស៊ីល បានថ្លែងផ្អាកចាក់វ៉ាក់សាំងដូសទី2 រយៈពេល 10ថ្ងៃ នៅថ្ងៃសៅរ៍ ទី1 ឧសភា មុននឹងកែសម្រួលកាលវិភាគការចាក់វ៉ាក់សាំងជាថ្មី ដោយបែរមកចាក់ដូសជំរុញការប្រឆាំងមេរោគតាមក្រុមអាយុមនុស្សវិញម្ដង ទោះជាដំណើរការទៅយ៉ាងយឺតៗក៏ដោយ។

ទីក្រុងដែលមានប្រជាជនចំនួនជាង 6.7លាននាក់មួយនេះ បានវិលមកដំណើរការចាក់វ៉ាក់សាំងដូសទី2 កាលពីថ្ងៃចន្ទ ទី3 ឧសភា ម្សិលមិញ ចំពោះតែមនុស្សចាស់ វ័យ 70ឆ្នាំឡើងទៅ ចំណែកមនុស្សដែលអាយុតិចជាង 60ឆ្នាំ ក្នុងនោះរួមទាំងមន្ត្រីសុខាភាពសាធារណៈផងនោះ តាមកាលវិភាគចាក់វ៉ាក់សាំងថ្មីរបស់ទីក្រុងនេះ ពួកគេអាចនឹងត្រូវរង់ចាំយូរដល់ទៅ 2 ទៅ 12ថ្ងៃ តាមរយៈការណែនាំឱ្យចាក់វ៉ាក់សាំងក្នុង 1ដូសៗ ឆ្ងាយពីគ្នា 28ថ្ងៃ។

ចំណែកទីក្រុងធំៗផ្សេងទៀត ដែលផ្អាកការចាក់វ៉ាក់សាំងដូសទី2 ដែរនោះ រួមមាន ទីក្រុងធំ ដូចជា បូឡូ ហូរីសុនតេ និងប៉ូទូអា លេក្រេ ដែលមានប្រជាជនប្រមាណ 2.5លាននាក់ និង 1.5នាក់ តាមលំដាប់។

សារព័ត៌មាន Folha de Sao Paulo បានរាយការណ៍ថា ក្នុងបណ្ដាទីក្រុងធំៗរបស់រដ្ឋផ្សេងៗទូទាំងប្រទេសប្រេស៊ីល បច្ចុប្បន្ន ច្រើនជាងពាក់កណ្ដាល មិនមានវ៉ាក់សាំងគ្រប់គ្រាន់ សម្រាប់ការចាក់ដូសទី2 ឱ្យប្រជាជនគ្រប់គ្នា ដែលបានទទួលវ៉ាក់សាំងដូសទី1 រួចហើយនោះទេ។

កូវីដ-19 បានសម្លាប់ជីវិតមនុស្សនៅក្នុងប្រទេសប្រេស៊ីលរួចហើយ អស់ជាង 400,000នាក់ ខ្ពស់បំផុតលំដាប់លេខ2 របស់ពិភពលោក បន្ទាប់ពីសហរដ្ឋអាមេរិក តែពេលនេះ ពួកគេកំពុងជួបនឹងបញ្ហាក្នុងការស្វែងរកវ៉ាក់សាំង ចាក់ឱ្យប្រជាជនចំនួន 212លាននាក់។

កន្លងមកលោក ឆាអ៊ី បូលសូណេរ៉ូ ប្រធានាធិបតីស្ដាំនិយមរបស់ប្រទេសប្រេស៊ីល បានរងការរិះគន់យ៉ាងខ្លាំង ចំពោះការមើលស្រាលជំងឺរាតត្បាតដ៏ធំនេះ និងធ្វើព្រងើយកន្តើយ ចំពោះការណែនាំរបស់បណ្ដាអ្នកជំនាញការ ក្នុងវិធានការគ្រប់គ្រងការឆ្លងរាលដាលរបស់វីរុសកូរ៉ូណាប្រភេទថ្មីនេះ។

រហូតមកដល់ពេលនេះ មានប្រជាជនប្រេស៊ីល បានទទួលវ៉ាក់សាំងដូសបំបូងរួចហើយប្រមាណ 15% និងមាន 7.5% ដែលបានទទួលវ៉ាក់សាំងគ្រប់ទាំង 2ដូស៕

ប្រភព៖ ទីភ្នាក់ងារព័ត៌មាន AFP
ប្រែសម្រួលដោយ តាវ៉ែនតា

May 4, 2021

Covid-19! អ្នកធ្លាប់បានទៅទិញថ្នាំពីឱសថស្ថានមួយនៅ «ច្បារអំពៅ» សូមដាក់ខ្លួននៅដោយឡែក!

ប្រជាពលរដ្ឋ ដែលធ្លាប់បានទៅទិញថ្នាំនៅឱសថស្ថាន សួស្ដី ដែលស្ថិតនៅផ្ទះលេខ 153 ផ្លូវលេខ 369 (ក្បែរគល់ស្ពានច្បារអំពៅថ្មី) សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល 14ថ្ងៃ បន្ទាប់ពីថ្ងៃដែលបានប៉ះពាល់ ឬបានទៅទីកន្លែងមានហានិភ័យមួយនេះ។

ខាងលើនេះគឺជាសេចក្ដីអំពាវនាវរបស់អនុគណៈកម្មការស្រាវជ្រាវជំងឺCovid-19 នៃក្រសួងសុខាភិបាល ដែលបានប្រកាសកាលពីវេលាម៉ោង 4ល្ងាច ថ្ងៃទី4 ខែឧសភា ឆ្នាំ2021។

ចំពោះមូលហេតុ ត្រូវបានអនុគណៈកម្មការនេះបញ្ជាក់ថា នៅព្រឹក ថ្ងៃទី3 ខែឧសភា ឆ្នាំ2021 មានអ្នកជំងឺCovid-19 ម្នាក់ ដែលរស់នៅភូមិដើមចាន់ សង្កាត់ច្បារអំពៅទី2 បានទៅទិញថ្នាំ នៅទីតាំងខាងលើនេះ។

អនុគណៈកម្មការខាងលើក៏បានស្នើ សូមឱ្យបងប្អូនប្រជាពលរដ្ឋ ដែលរស់នៅក្នុង «ភូមិដើមចាន់ សង្កាត់ច្បារអំពៅទី2 ខណ្ឌច្បារអំពៅ», «ភូមិកណ្តាល សង្កាត់ច្បារអំពៅទី2 ខណ្ឌច្បារអំពៅ» និង ភូមិដើមស្លែង សង្កាត់ច្បារអំពៅទី2 ខណ្ឌច្បារអំពៅ» រាជធានីភ្នំពេញ កុំចេញពីផ្ទះ ប្រសិនបើមិនមានកិច្ចការចាំបាច់៕

ប្រភព៖ អនុគណៈកម្មការស្រាវជ្រាវជំងឺCovid-19
ដកស្រង់៖ បុត្រា

May 4, 2021

Author: សឿន សំណាង