ក្រមុំចិន រៀបចំពិធីមង្គលការ តែមិនបបួលពួកម៉ាកស្រី មកធ្វើជាអ្នកកំដរទេ បែរជាបបួលមិត្តភក្តិប្រុសៗមកធ្វើតួនាទីនេះទៅវិញ ពេលតុបតែងមុខមាត់ ធ្វើសក់រួចហើយ ស្អាតៗយ៉ាងនឹកស្មានមិនដល់…
កាលពីពេលថ្មីៗនេះ មានឃ្លីបវីដេអូមួយ ត្រូវបានគេចាប់អារម្មណ៍ និងនិយាយដល់រឿងនេះ យ៉ាងច្រើនសន្ធឹកនៅក្នុងបណ្ដាញសង្គម។ ជាឃ្លីបវីដេអូរបស់ក្រុមមិត្តភក្តិ អ្នកកំដរកូនក្រមុំទាំង 3នាក់ ដែលស្លៀកឈុតទទួលភ្ញៀវ តុបតែងមុខមាត់ និងធ្វើសក់យ៉ាងស្អាតប្រិមប្រិយ៍ មានកាយវិការអៀនប្រៀនបន្តិចបន្តួច តែពេលអ្នកទស្សនាសម្លឹងមើលឱ្យច្បាស់មែនទែនទៅ ទើបជាដឹងថា ការពិតអ្នកកំដរកូនក្រមុំទាំង 3នាក់នោះ សុទ្ធតែជាមនុស្សប្រុសទាំងអស់…អូ ម៉ាយហ្គដ!!
ពិធីមង្គលការនោះ ត្រូវបានរៀបចំឡើង កាលពីថ្ងៃទី29 មេសាកន្លងទៅ នៅឯទីក្រុងភីងទីងសាន មណ្ឌលហ៊ើណាន ដោយកូនក្រមុំម្នាក់នេះ មានគំនិតខុសប្លែកពីអ្នកដទៃ គឺ ជំនួសឱ្យការដែលនាងទៅបបួលមិត្តភក្តិ ដែលជាស្រី ឬបងប្អូនស្រីដូចគ្នា មកធ្វើជាអ្នកកំដរ តែ នាងបែរជាទៅជ្រើសរើសយកមិត្តភក្តិប្រុសៗ ដែលជិតដិតគ្នាតាំងពីក្មេងមក ឱ្យមកបំពេញតួនាទីនេះទៅវិញ។
អ្នកកំដរកូនក្រមុំទាំង 3នាក់ ស្លៀកឈុតដ្រេស ពណ៌ផ្កាឈូកស្រស់ដ៏ផ្អែមល្ហែម ពាក់សក់ក្លែងក្លាយវែង រួញតិចៗ ពាក់ស្បែកជើងបាតា ជំនួសឱ្យស្បែកជើងកែងចោត ព្រោះខ្លាចស្អាតលេចធ្លោជាងកូនក្រមុំ ឈរនៅក្បែរកូនក្រមុំដោយឫកពារអឹមអៀន ផ្ទុយគ្នាស្រឡះពីស្នាមសាក់នៅលើដៃ ដ៏គួរឱ្យញញើត។
ភ្ញៀវដែលមកចូលរួមពិធី នាំគ្នានឹកចម្លែកចិត្ត ដែលឃើញអ្នកកំដរកូនក្រមុំបែបនេះ ម្នាក់ៗនាំគ្នាទាញទួរស័ព្ទ ចេញមកថតរូបគ្រប់ៗគ្នា។
ទោះជាមិនមានការបញ្ជាក់ពីមូលហេតុពិត នៃការយកមនុស្សប្រុស មកធ្វើជាអ្នកកំដរកូនក្រមុំក៏ដោយ តែអ្នកដែលបានឃើញជាច្រើននាក់ យល់ឃើញថា ជួនកាលកូនក្រមុំម្នាក់នេះ អាចមិនមានបងស្រី ឬប្អូនស្រី ឬមិត្តភក្តិ ដែលនឹងមកបំពេញតួនាទីត្រង់នេះ។ ចំណែកអ្នកខ្លះ យល់ឃើញថា អាចជាការការពារបញ្ហាអ្វីម្យ៉ាង ដែលអាចនឹងកើតឡើងចំពោះកូនក្រមុំ ព្រោះនៅក្នុងទំនៀមទម្លាប់ការរៀបមង្គលការនៅកន្លែងខ្លះរបស់អ្នកស្រុកចិន អ្នកកំដរកូនក្រមុំ មានតួនាទីថែទាំការពារកូនក្រមុំ ដែលអាចហៅបានថា មានចំណែករួម ស្ទើរតែគ្រប់យ៉ាងក្នុងពិធីនេះ ដូចជា ការផឹកស្រាជំនួសកូនក្រមុំ លេងហ្គេមផ្សេងៗ ដែលបង្កើតឡើង ដើម្បីចម្អន់លេងជាមួយគូស្វាមីភរិយាថ្មោងថ្មី ដែលជួនកាលអាចបង្កឱ្យមានគ្រោះថ្នាក់ជាយថាហេតុបាន។
តែយ៉ាងណាក្ដី អ្នកលេងអ៊ីនធើណិតជាច្រើន បានបញ្ចេញយោបល់ កោតសរសើរអ្នកកំដរកូនក្រមុំទាំង 3នាក់នោះ ដែលមានមិត្តភាពនឹងគ្នាដ៏សែនស្អិតរមួត ដល់ថ្នាក់សុខចិត្តតែងខ្លួនជាស្រី ដើម្បីជួយមិត្តភក្តិ ព្រមទាំងនិយាយទៀតថា ប្រហែលជាគ្មានអ្នកណាធ្វើដូចអ្នកកំដរកូនក្រមុំ 1ក្រុមនេះបានទេ មើលទៅ…៕
ប្រភព៖ សារព័ត៌មានបរទេស
ប្រែសម្រួលដោយ អ្នកគ្រូ ឆវី
លោកយាយ ថាឃិឈិម៉ាក់ កើតនៅថ្ងៃទី15 ខែមករា ឆ្នាំ1931 បាននិយាយរៀបរាប់អំពីការក្លាយជាគ្រូបង្វឹកហាត់ប្រាណនេះថា លោកយាយរៀបការតាំងពីអាយុ 29ឆ្នាំ បន្ទាប់ពីនោះ ក៏បំពេញតួនាទីជាមេផ្ទះរហូតមក ធ្វើឱ្យមិនសូវមានពេលវេលាមើលថែទាំខ្លួនឯងប៉ុន្មានឡើយ និងត្រូវគេសួរនាំរឿងទម្ងន់ខ្លួន(ធាត់)ជាប្រចាំ។ រហូតដល់អាយុ 65ឆ្នាំ ទើបសម្រេចចិត្តធ្វើការហាត់ប្រាណយ៉ាងពិតប្រាកដ។
«ខ្ញុំចូលក្លិបហ្វ៊ីតនេសហាត់ប្រាណ ព្រោះត្រូវការសម្រកទម្ងន់តែប៉ុណ្ណោះ ពេលសម្រកបានសម្រេចហើយ តមក ខ្ញុំក៏ចង់បានរាងកាយផ្នែកខាងក្រោមឱ្យរឹងប៉ឹង និងតាមដោយការចង់បានស្មាបើកធំ និងចង្កេះរៀវ ហើយនៅពេលដឹងខ្លួនម្ដងទៀត ខ្ញុំក៏កំពុងបង្ហាត់ក្បាច់ហាត់ប្រាណដល់អ្នកឯទៀតទៅហើយ»
ឧទាហរណ៍ដូចជា អាហារពេលព្រឹក លោកយាយនឹងទទួលទាន ណាត់តូ ស៊ុតឆៅ បន្លែជ្រក់ ស៊ុបមីសូ និងផ្សេងៗទៀត ដែលល្អចំពោះពោះវៀន និងប្រព័ន្ធរំលាយអាហារ។ អាហារថ្ងៃត្រង់ នឹងទទួលទានបែបស្រាលៗដូចជា ផ្លែចេក យ៉ាអួ ចំណែកអាហារពេលល្ងាច មានបន្លែភាគច្រើន និងញ៉ាំស្រាក្រហម 1កែវពេញ។
ការក្លាយមកជាគ្រូបង្វឹកហ្វ៊ីតនេស ឬគ្រូបង្វឹកហាត់ប្រាណនៅពេលដែលអាយុច្រើនបែបនេះ មិនមែនជារឿងងាយឡើយ តេក៏មិនមែនជារឿងពិបាកដែរ ដោយលោកយាយថាឃិឈិម៉ាក់ យល់ឃើញថា បើយើងធ្វើបានល្អបំផុត ព្យាយមឱ្យដល់ទីបំផុត យើងក៏អាចទទួលបានជោគជ័យដែរ និងដែលសំខាន់អាយុ គ្រាន់តែជាតួលេខ គ្មាននរណាចាស់ហួសនឹងចាប់ផ្ដើមអ្វីមួយនោះឡើយ៕
ប្រភព៖ Worldometers, ក្រសួងសុខាភិបាល
យោងតាមទំព័រ The Verge បានឱ្យដឹងថា តាមផែនការ ចិននឹងបញ្ជូនយានរ៉ូបូតមួយគ្រឿង ឱ្យធ្វើការនៅលើដីភពអង្គារ ដែលនេះនឹងជួយឱ្យចិនក្លាយជាប្រទេសទីពីរដែលមានយានចុះចត និងដំណើរការកិច្ចការស្រាវជ្រាវនៅលើភពនេះ បន្ទាប់ពីសហរដ្ឋអាមេរិក (បានហោះហើរ ទៅកាន់ភពអង្គារ 8លើកមកហើយ)។
ក្រោយការធ្វើដំណើរជិត 7ខែ យាន Tianwen-1 ក៏បានគោចរជុំវិញភពក្រហមនេះ ចាប់ពីថ្ងៃទី10 ខែកុម្ភៈ ហើយក្រោយមកក៏បានបញ្ជូនរូបភាពយ៉ាងច្បាស់ជាច្រើន មកកាន់ផែនដី៕
