សឿន សំណាង - La Reine Media

ស្ថានភាពជំងឺCOVID-19 នៅ កម្ពុជា និងពិភពលោក គិតត្រឹមថ្ងៃទី25 ខែឧសភា ឆ្នាំ2021

អ្នកបានឆ្លងវីរុសCovid-19 នៅ កម្ពុជា បច្ចុប្បន្ន បានកើនដល់ 26,329នាក់ ក្រោយការរកឃើញអ្នកវិជ្ជមានថ្មីចំនួន 568នាក់ កាលពីថ្ងៃទី24 ខែឧសភា កន្លងទៅ។

កាលពីម្សិលមិញ កម្ពុជា ក៏មានអ្នកជំងឺចំនួន 4នាក់ បានបាត់បង់ជីវិតដោយសារ Covid-19 ផងដែរ ដែលនេះនាំឱ្យតួលេខអ្នកស្លាប់សរុប ឡើងដល់ 183នាក់។ ព័ត៌មានបន្ថែម សូមអានរបាយការណ៍សង្ខេបខាងក្រោម។

នៅទូទាំងពិភពលោក គិតមកដល់ពេលនេះ មានអ្នកឆ្លងវីរុស Covid-19 សរុបចំនួ 167,988,054នាក់ ក្នុងនោះមាន 3,487,062នាក់បានស្លាប់, 149,309,514នាក់បានជាសះស្បើយ និង 15,505,463នាក់ កំពុងទទួលការព្យាបាល៕ប្រភព៖ ក្រសួងសុខាភិបាល, Worldometers
ដកស្រង់៖ បុត្រា

May 25, 2021

រថភ្លើងល្បឿនលឿនពីរគ្រឿង ប៉ះគ្នានៅ ម៉ាឡេស៊ី! ជាង 200នាក់ ត្រូវរងរបួស

អ្នកដំណើរនៅរាជធានី គូឡាឡាំពួ នៃប្រទេសម៉ាឡេស៊ី ជាង 200នាក់ បានរងរបួស នៅក្នុងហេតុការណ៍ប៉ះគ្នារវាងរថភ្លើងល្បឿនលឿនស្វ័យប្រវត្ត (LRT) ពីរគ្រឿង ដែលមួយគ្រឿងមានស្លាកលេខ40 និងមួយទៀតលេខ81 នៅត្រង់ចំណុចផ្លូវរូងក្រោមដី កាលពីយប់ថ្ងៃទី24 ខែឧសភា ឆ្នាំ2021។

យោងតាមប្រភពព័ត៌មានពីប្រទេស ម៉ាឡេស៊ី ករណីនេះបានកើតឡើង បន្ទាប់ពីរថភ្លើងលេខ40 ដែលដឹកអ្នកដំណើរពីចំណត Ampang បានប៉ះទង្គិចជាមួយនឹងរថភ្លើងលេខ81 ដែលមិនមានអ្នកដំណើរ បណ្ដាលឱ្យអ្នកដំណើរទាំងអស់នៅលើរថភ្លើងលេខ40 ត្រូវខ្ទាតចេញពីកន្លែងអង្គុយ ហើយមនុស្សជាច្រើនក៏ត្រូវរងរបួស ក្នុងនោះមាន 47នាក់ រងរបួសធ្ងន់។ មុនពេលប៉ះគ្នា រថភ្លើងទាំងនេះធ្វើដំណើរក្នុងល្បឿនយឺត ពោលគឺមួយគ្រឿងមានល្បឿន 20គម/ម៉ោង និងមួយគ្រឿងទៀតមានល្បឿន 40គម/ម៉ោង។

Azhar Ghazali ដែលជាតំណាងរបស់ក្រុមហ៊ុនដឹកជញ្ជូន LRT បានឱ្យដឹងថា សមត្ថកិច្ចកំពុងញាប់ដៃ-ញាប់ជើង ជួយសង្គ្រោះអ្នកដំណើរក្នុងហេតុការណ៍នេះ។ មូលហេតុនៃគ្រោះថ្នាក់ ត្រូវបានគេជឿថា បណ្ដាលមកពីការភាន់ច្រឡំនៅក្នុងផ្នែកដោះស្រាយព័ត៌មាន។

មន្ត្រីនៃប្រទេស ម៉ាឡេស៊ី បានបញ្ជាក់ថា នេះគឺជាលើកដំបូងហើយដែលប្រព័ន្ធ LRT ជួបបញ្ហាគ្រោះថ្នាក់ដូច្នេះ ក្រោយដំណើរការបាន 23ឆ្នាំ។ នាយករដ្ឋមន្ត្រី ម៉ាឡេស៊ី លោក Muhyiddin Yassin បានស្នើឱ្យក្រសួងដឹកជញ្ជូន ស៊ើបអង្កេតលើករណីគ្រោះថ្នាក់នេះ និងជួយសង្គ្រោះជនរងគ្រោះឱ្យទាន់ពេលវេលា៕

ប្រភព៖ Reuters, CNN
ប្រែសម្រួល៖ បុត្រា

May 25, 2021

COVID-19! បុគ្គលិកសុខាភិបាលជាង 115,000នាក់បានស្លាប់ ខណៈ WHO ចង់ឱ្យពិភពលោកចាក់វ៉ាក់សាំងបាន 10% ត្រឹមខែកញ្ញា ឆ្នាំ2021

បុគ្គលិកសុខាភិបាល និងគិលានុបដ្ឋាកគឺជា «ក្រុមប្រយុទ្ធជួរមុខ» នៅក្នុងសង្គ្រាមប្រឆាំង Covid-19 ហើយនៅទូទាំងពិភពលោក ក្នុងចំណោមពួកគេ គឺ មានយ៉ាងតិច 115,000នាក់បានស្លាប់ដោយសារ Covid-19។

គិតមកដល់បច្ចុប្បន្ន ពិភពលោក មានមនុស្សចំនួន 167,974,466នាក់ បានឆ្លង Covid-19 ក្នុងនោះមាន 3,486,863នាក់ បានស្លាប់ និង149,289,439នាក់ បានជាសះស្បើយ ខណៈ 15,198,164នាក់ កំពុងទទួលការព្យាបាល។ នេះបើតាមគេហទំព័រ Worldometers។

«ជិត18ខែកន្លងទៅ ក្រុមបុគ្គលិកសុខាភិបាល និងគិលានុបដ្ឋាក នៅទូទាំងពិភពលោក បានឈរនៅចំពោះមុខព្រំដែនរវាងការស្លាប់ និងរស់។ ពួកគេបានជួយសង្គ្រោះជីវិតមនុស្សរាប់មិនអស់ និងប្រយុទ្ធដើម្បីអ្នកដទៃ។ បើទោះជាបានខំប្រឹងអស់ពីកម្លាំងកាយ កម្លាំងចិត្ត ពួកគេមួយចំនួន ក៏បានដួល» ប្រធានអង្គការសុខភាពពិភពលោក (WHO) Tedros Adhanom Ghebreyesus ថ្លែងនៅក្នុងការបើកកិច្ចប្រជុំប្រចាំឆ្នាំរបស់ក្រុមប្រឹក្សាសុខាភិបាលពិភពលោក (WHA) កាលពីថ្ងៃទី24 ខែឧសភា។

លោកបន្តថា៖ «ជាច្រើននាក់បានឆ្លងវីរុសCovid-19។ របាយការណ៍នៅមានតិចតួច ប៉ុន្តែ យើងគណនាឃើញថា បុគ្គលិកសុខាភិបាល និងគិលានុបដ្ឋាកយ៉ាងតិច 115,000នាក់ បានបាត់បង់ជីវិត នៅពេលព្យាបាលជូនអ្នកដទៃ»។

បុគ្គលិកសុខាភិបាល និងគិលានុបដ្ឋាកយ៉ាងតិច 115,000នាក់ បានបាត់បង់ជីវិត

យោងតាមប្រធានអង្គការ WHO ចាប់តាំងពីវិបត្តិសុខភាពកើតឡើង បុគ្គលិកសុខាភិបាលជាច្រើន មានអារម្មណ៍ថា «អស់សង្ឃឹម អសមត្ថភាព និងមិនត្រូវបានការពារ ដោយសារខ្វះឧបករណ៍ ឬសម្ភារការពារខ្លួន និងខ្វះវ៉ាក់សាំង»។ លោក Tedros ក៏បានអធិប្បាយអំពីវិសមភាពជារួមនៅក្នុងការប្រើប្រាស់វ៉ាក់សាំង និងព្រមានថា បញ្ហានេះកំពុង «អូសបន្លាយមហារោគរាតត្បាត»។ វ៉ាក់សាំងប្រឆាំង Covid-19 ជាង 75% កំពុងស្ថិតនៅក្នុងប្រទេសចំនួន 10 តែប៉ុណ្ណោះ។

លោក Tedros ក៏បានអំពាវនាវដល់ប្រទេសដែលកំពុងរក្សាទុកវ៉ាក់សាំងដ៏ច្រើន ចូលរួមចែករំលែក និងសហការបន្ថែមទៀត ដើម្បីបង្កើនការផលិត ក៏ដូចជាបែងចែកវ៉ាក់សាំងឱ្យបានស្មើភាពគ្នា។

«ថ្ងៃនេះ ខ្ញុំអំពាវនាវដល់បណ្ដាប្រទេសជាសមាជិក គាំទ្រដល់ការជំរុញដ៏ធំមួយ ដើម្បីចាក់វ៉ាក់សាំងជូនពលរដ្ឋឱ្យបានយ៉ាងតិច 10% នៅគ្រប់ប្រទេស ត្រឹមខែកញ្ញាខាងមុខ» ប្រធាន WHO ថ្លែងដូច្នេះ៕

ប្រភព៖ AFP, Worldometers
ប្រែសម្រួល៖ បុត្រា

May 25, 2021

កម្មករនិយោជិត ត្រូវបានអនុញ្ញាតឱ្យឈប់សម្រាក 1ថ្ងៃ ដោយមានប្រាក់ឈ្នួល ដើម្បីទៅចាក់វ៉ាក់សាំង COVID-19 ដូសទីពីរ

នាថ្ងៃទី24 ខែឧសភា ឆ្នាំ2021 នេះ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីជូនដំណឹងមួយ ស្ដីពីការអនុញ្ញាតឱ្យកម្មករនិយោជិត ឈប់សម្រាក 1ថ្ងៃ ដោយមានប្រាក់ឈ្នួល ដើម្បីទៅចាក់វ៉ាក់សាំង Covid-19 ដូសទីពីរ ទៅតាមទីតាំង និងការកំណត់ដែលមានចែងនៅលើប័ណ្ណចាក់វ៉ាក់សាំង។

ក្រសួងការងារ បញ្ជាក់ថា ម្ចាស់ ឬរោងចក្រ/ហសគ្រាស នឹងត្រូវទទួលពិន័យជាប្រាក់ និងផ្ដន្ទាទោសដាក់ពន្ធនាគារតាមច្បាប់ជាធរមាន បើសិនជារារាំងបុគ្គលិកណាម្នាក់មិនឱ្យទៅចាក់វ៉ាក់សាំង ដូចបាននិយាយខាងដើម។

ព័ត៌មានបន្ថែម សូមអានសេចក្ដីជូនដំណឹងរបស់ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ដែលមានដូចខាងក្រោម៖
ប្រភព៖ ក្រសួងការងារ
ដកស្រង់៖ បុត្រា

May 24, 2021

បើតាមតម្រុយពីម្តាយ Ronaldo កូនអ្នកស្រីនឹងទៅលេងនៅ Spoting

^{កីឡាករ}^{Christiano Ronaldo}^{បានជួយឱ្យក្លិបលើកពាន}^{Italian Cup}^{កាលពីពេលថ្មីៗនេះ ក្រោយយកឈ្នះក្រុម}^Atalanta^{ក្នុងលទ្ធផល ២-១ ដែលជាការឈ្នះពាននេះលើកទី ១៤ ក្នុងប្រវត្តិសាស្ត្រជាក្លិបឈ្នះពាននេះច្រើនជាងគេបំផុត ។}

^{ប្រកួតនេះ ត្រូវបានគេដឹងថា មានអ្នកម្តាយរបស់}^Ronaldo^{បានមកចូលរួមផ្តល់ជាកម្លាំងចិត្តដល់កូនប្រុសរបស់អ្នកស្រី ។ ក្នុងការធ្វើដំណើរមកកាន់អ៊ីតាលីលើកនេះ អ្នកស្រីបានថតរូបកាន់ទង់ក្លិប}^{Spoting CF}^{ដែលជាក្លិបរបស់កូនអ្នកស្រីកាលពីលេងបាល់ដំបូង ។ ដែលនេះគឺជាការបញ្ជាក់កាន់តែច្បាស់អំពីការវិលត្រលប់ទៅលេងនៅព័រទុយហ្គាល់វិញរបស់}^Ronaldo^។

^{គួរឱ្យដឹងដែរថា មុនការប្រកួតពាននេះមួយថ្ងៃ វីដេអូ}^Ronaldo^{ជញ្ជូនឡានដាក់ទៅក្នុងកុងតឺន័ររបស់ក្រុមហ៊ុនដឹកជញ្ជូនព័រទុយហ្គាល់ បានធ្វើឱ្យផ្ទុះការសង្ស័យយ៉ាងខ្លាំងក្នុងការផ្លាស់ទីរបស់}^Ronaldo^{ពីអ៊ីតាលី ទៅលេងនៅស្រុកកំណើតវិញ ក្រោយធ្វើមិនសូវបានល្អក្នុងរដូវកាលនេះ ៕}

May 24, 2021

Harry Kane ថា រដូវកាលក្រោយ បើមិន ManU ទេ គឺមានតែ ManCity

^{កីឡាករជម្រើសជាតិអង់គ្លេស}^{Harry Kane}^{របស់ក្លិប}^{Tottenham Hotspur}^{កំពុងតែត្រូវក្លិបជាច្រើនចាប់អារម្មណ៍ ក្រោយពីគេបានបង្ហាញទម្រង់លេងគួរឱ្យចាប់អារម្មណ៍ ក្នុងរដូវកាល2021នេះ ។}

^{មានក្លិបជាច្រើនដាក់ការចាប់អារម្មណ៍មកលើរូបគេ ក៏ប៉ុន្តែមានតែក្លិប2 ប៉ុណ្ណោះ គឺ}^{Manchester United}^និង^{Manchester City}^{ដែលមានលទ្ធភាពក្នុងការនាំយកកីឡាកររូបនេះ ដោយសារតែក្លិប}^{Tottenham Hotspur}^{បានដាក់តម្លៃខ្ពស់ ដល់ទៅជាង 140លានដុល្លារ។}^{ចំពោះសាមីកីឡាករ}^{Harry Kane}^{វិញ បាននិយាយថា គេនឹងត្រូវក្លិបលក់ចេញមែនទែនហើយ នាពេលខាងមុខនេះ ប្រសិនបើមានក្លិបណា សុំត្រឹម 100លានដុល្លារ ហើយនៅពេលនេះ មានតែក្លិប2 ប៉ុណ្ណោះ គឺ}^{Manchester United}^និង^{Manchester City}^{ដែលមានលទ្ធភាព៕}

May 24, 2021

Neymar បានទទួលវ៉ាក់សាំងកូវីដ-19 របស់រដ្ឋាភិបាលបារាំង

កីឡាករខ្សែប្រយុទ្ធកំពូលរបស់ពិភពលោក Neymar JR បានទទួលវ៉ាក់សាំងការពារជំងឺកូវីដ-19 ដូសទី1 រួចរាល់ហើយ កាលពីថ្ងៃទី23 ខែឧសភា ម្សិលមិញ។ ហើយចំពោះដូសទី2 គឺកីឡាកររូបនេះ គ្រោងនឹងចាក់នៅពាក់កណ្តាលខែមិថុនា ខាងមុខនេះ។

ការទទួលវ៉ាក់សាំងរបស់កីឡាកររូបនេះ គឺជាការស្ម័គ្រចិត្តចាក់ ក្រោយពីរដ្ឋបាលរបស់លោក Emmanuel Macron បានប្រកាសចាក់ជូនសាធារណជនទូទៅ ក្រោយពីប្រទេសបារាំងទទួលបានវ៉ាក់សាំងគ្រប់គ្រាន់សម្រាប់ប្រជាជនខ្លួន។

Neymar JR ក្រោយពីទទួលបានវ៉ាក់សាំងនេះរួច គេបានបង្ហោះរូបភាព និងសារនៅក្នុងបណ្តាញសង្គមថា គេរីករាយយ៉ាងខ្លាំងពេលទទួលបានវ៉ាក់សាំងនេះ ក្រោយពីរង់ចាំអស់ពេលដ៏យូរ ហើយគេបានជូនពរឱ្យពិភពលោកទាំងមូល ឆាប់រួចផុតពីជំងឺដ៏ចង្រៃនេះ៕

May 24, 2021

លោក Andrea Pirlo ប្រហែលត្រូវ Juventus ដកចោល មិនបានដឹកនាំរដូវកាលថ្មីឡើយ

លោក Andrea Pirlo អ្នកចាត់ការក្រុមបាល់ទាត់ Juventus បាននិយាយថា លោកនៅចង់បន្តដឹកនាំក្លិបមួយនេះបន្តទៀតនារដូវកាលថ្មីខាងមុខនេះ បើទោះបីជាការដឹកនាំរបស់លោក ក្នុងរដូវកាលនេះ មិនសូវបានល្អក្តី ។

Andrea Pirlo បានឈ្នះត្រឹមតែពាន Italian Cup មួយតែប៉ុណ្ណោះ ក្នុងរដូវកាលនេះ ខណៈដែលពានលីគកំពូលអ៊ីតាលី Italy Seria A មិនបានសូម្បីតែក្បែរជើងឯក ។ ក្នុងនោះដែរ សម្រាប់ពានអឺរ៉ុបវិញ លោកប្រហែលជាមិនអាចជួយឱ្យ Juventus ឡើងទៅលេង UEFA Champions League ឡើយ ។

ទោះជាមានបំណងចង់នៅបន្តក៏ពិតមែន ប៉ុន្តែលោកបានដឹងខ្លួនយ៉ាងច្បាស់ថា ប្រសិនបើលោកមិនអាចជួយក្រុមឱ្យបានឡើងទៅកាន់វគ្គចែកពូល UEFA Champions League ទេ នោះលោកអាចនឹងប្រឈមមុខនឹងការដកតំណែងចេញពីសំណាក់ក្លិប Juventus ៕

May 24, 2021

COVID-19! ពលរដ្ឋឥណ្ឌា រាប់រយនាក់ រត់គេចពីកន្លែងធ្វើតេស្តនៅឯចំណតរថភ្លើង ខណៈអ្នកវិជ្ជមានកើនដល់ជាង 27លាននាក់

អ្នកដំណើរប្រមាណ 400នាក់ បាននាំគ្នារត់ចាកចេញ ពេលរថភ្លើងឈប់នៅចំណតមួយក្នុងរដ្ឋ Assam ដើម្បីគេចពីការធ្វើតេស្ត Covid-19 ខណៈប្រទេសនេះមានអ្នកជំងឺជាង 303,750នាក់បានស្លាប់ដោយសារ Covid-19។

នៅក្នុងវីដេអូមួយ បង្ហាញថា ក្រោយចុះពីរថភ្លើង មនុស្សរាប់រយនាក់ បានប្រញាប់រត់ចេញពីចំណត Jagi Road ក្នុងរដ្ឋ Assam ភាគឦសានប្រទេសឥណ្ឌា កាលពីថ្ងៃទី23 ខែឧសភា ខណៈដែលក្រុមប៉ូលិស និងបុគ្គលិកផ្លូវដែក ឃាត់ខ្លួនអ្នកដំណើរបានតែប៉ុន្មាននាក់ប៉ុណ្ណោះ។

រថភ្លើងដែលដឹកអ្នកដំណើរដែលភាគច្រើនជាពលករចំណាកស្រុក ក្នុងនោះមានស្ត្រី និងកុមារ បានធ្វើដំណើរពី Tamil Nadu ឆ្លងកាត់រដ្ឋ Kerala, Andhra Pradesh, Odisha និង Bengal ខាងលិច ក្នុងរយៈពេល5ថ្ងៃ។ Assam គឺជារដ្ឋដែលតម្រូវឱ្យធ្វើតេស្ត Covid-19 ចំពោះពលរដ្ឋទាំងអស់ដែលធ្វើដំណើរតាមរថភ្លើង។

https://www.youtube.com/watch?v=AqeLft-l724

ព្រឹត្តិការណ៍ដូចគ្នានេះ ក៏ធ្លាប់បានកើតឡើងនៅក្នុងរដ្ឋ Bihar ផងដែរ កាលពីប៉ុន្មានខែមុន។ មនុស្សរាប់សិបនាក់ ក្នុងនោះមានទាំងស្ត្រី បាននាំគ្នារត់ចេញពីចំណតរថភ្លើងមួយនៅក្នុងទីក្រុង Buxar ព្រោះតែខ្លាចត្រូវគេចាប់ធ្វើតេស្តរក Covid-19។

គិតមកដល់បច្ចុប្បន្ន ប្រទេសឥណ្ឌា បានរកឃើញអ្នកវិជ្ជមាននឹង Covid-19 សរុប 26,752,447នាក់ ក្នុងនោះមាន 303,751នាក់បានស្លាប់, 23,728,011នាក់បានជាសះស្បើយ និង 2,720,685នាក់កំពុងព្យាបាល។ រដ្ឋ Assam កាលពីថ្ងៃទី22 ខែឧសភា បានរកឃើញអ្នកឆ្លងជាង 6,000នាក់ នាំឱ្យតួលេខអ្នកឆ្លងវីរុសCovid-19 សរុបក្នុងរដ្ឋនេះ កើនដល់ជាង 365,000នាក់។ Assam ក៏មានអ្នកស្លាប់ដោយសារ Covid-19 សរុបជាង 2,660នាក់ផងដែរ៕

ប្រភព៖ NDTV
ប្រែសម្រួល៖ បុត្រា

May 24, 2021

តួលេខអ្នកឆ្លង COVID-19 នៅកម្ពុជា និងពិភពលោក គិតត្រឹមព្រឹកថ្ងៃទី24 ខែឧសភា ឆ្នាំ2021

ក្រសួងសុខាភិបាលកម្ពុជា ព្រឹកនេះ (24 ឧសភា) បានប្រកាសឱ្យដឹងថា បានរកឃើញអ្នកវិជ្ជមាននឹង Covid-19 ថ្មី ចំនួន 556នាក់បន្ថែមទៀត ក្នុងអំឡុង 24ម៉ោងនៃថ្ងៃទី23 ខែឧសភា ឆ្នាំ2021។

គិតមកដល់បច្ចុប្បន្ន កម្ពុជាមានអ្នកឆ្លងវីរុសCovid-19 សរុប ចំនួន 25,761នាក់។ ព័ត៌មានបន្ថែម សូមអានរវាយការណ៍សង្ខេបខាងក្រោម។

នៅទូទាំងពិភពលោក គិតមកដល់ពេលនេះ មានអ្នកឆ្លង Covid-19 សរុបចំនួ 167,527,962នាក់ ក្នុងនោះមាន 3,478,355នាក់បានស្លាប់, 148,544,144នាក់បានជាសះស្បើយ និង 15,505,463នាក់ កំពុងទទួលការព្យាបាល៕

ប្រភព៖ ក្រសួងសុខាភិបាល, worldometers
ដកស្រង់៖ បុត្រា

May 24, 2021

Author: សឿន សំណាង